Ilocano - Courage Is Beautiful - Psalm 27

Kinatured Pentateuko Ket ti panagbuteng kadakayo ken ti panagbuteng kadakayo addanto iti tunggal animal iti daga, ken iti tunggal tumatayab iti tangatang, iti amin nga aggargaraw iti daga, ken kadagiti amin nga ikan iti baybay; iti imam ti maited dagitoy. Genesis 9:2 Kalpasan dagitoy a banbanag, immay ti sao ni Yahweh kenni Abram iti maysa a sirmata, a kunkunana, Dika agbuteng, Abram: Siak ti kalasagmo, ken ti dakkel unay a gunggona. Genesis 15:1 Ket nangngeg ti Dios ti timek ti ubing; ket ti anghel ti Dios inayabanna ni Agar manipud langit, ket kinunana kenkuana, Ania ti sakitmo, Agar? dikay agbuteng; ta nangngeg ti Dios ti timek ti ubing iti ayanna. Genesis 21:17 Ket ni Jehova nagparang kencuana iti daydi met la a rabii, ket kinunana, Siac ti Dios ni Abraham nga amam: dica agbuteng, ta addaac kenca, ket bendisionancanto, ket paaduecto ti bin-im gapu ken adipenco nga Abraham. Genesis 26:24 Ket naaramid iti maikatlo nga aldaw, idi nasakit ti nakemda, ti dua nga annak ni Jacob, da Simeon ken Levi, kakabsat ni Dina, innalada ti kampilanna, ket situtured a dimtengda iti siudad, ket pinatayda amin dagiti lallaki. Genesis 34:25 Ket kinunana, Kappia koma kadakayo, dikay agbuteng: ti Diosyo, ken ti Dios ni amayo, intedna kadakayo ti gameng kadagiti sakoyo: Adda kaniak ti kuartayo. Ket inruarna ni Simeon kadakuada. Genesis 43:23 Ket kinunana, Siak ti Dios, ti Dios ni amam: dika agbuteng a sumalog idiay Egipto; ta pagbalinekto sadiay a dakkel a nasion: Genesis 46:3 Ket ni Jose kinunana cadacuada, Dica agbuteng: ta siac aya iti lugar ti Dios? Ngem no maipapan kadakayo, napanunotyo ti dakes a maibusor kaniak; ngem ti Dios pinanggepna a naimbag, tapno matungpal, a kas iti daytoy nga aldaw, tapno maisalakan ti adu a tao a sibibiag. Ita ngarud dikay agbuteng: Taraonenkayto ken dagiti ubbingyo. Ket liniwliwana ida, ken siaasi a nagsao kadakuada. Genesis 50:19-21 Ket kinuna ni Moises kadagiti tattao, Dicayo agbuteng, agtakderkayo, ket kitaenyo ti panangisalakan ni Yahweh, nga ipakitana kadakayo ita nga aldaw: ta dagiti Egipcio a nakitayo ita nga aldaw, saanyonto a makita manen ida iti agnanayon. Exodo 14:13