Ka Hoʻohiki Nazarite Nā Helu 6:1-21 1 ʻŌlelo maila ʻo Iēhova iā Mose, ʻī maila, 2 E ʻōlelo aku ʻoe i nā mamo a ʻIseraʻela, a e ʻī aku iā lākou, Aia hoʻolaʻa ke kanaka a ka wahine paha iā ia iho e hoʻohiki i ka hoʻohiki a ka Nazarite, e hoʻolaʻa iā ia iho no Iēhova; 3 E hoʻokaʻawale ʻo ia iā ia iho mai ka waina a me ka mea ʻona, ʻaʻole hoʻi e inu i ka vīnega waina, ʻaʻole hoʻi i ka vīnega o ka mea ʻona, ʻaʻole hoʻi e inu i ka wai hua waina, ʻaʻole hoʻi e ʻai i nā hua waina maka, a i ʻole nā hua waina maloʻo. 4 I nā lā a pau o kona kaʻawale ʻana, ʻaʻole ia e ʻai i kekahi mea i hana ʻia no ke kumu waina, mai nā hua a hiki i ka ʻili. 5 I nā lā a pau o kona hoʻohiki ʻana e hoʻokaʻawale, ʻaʻole e kau ka pahi ʻumiʻumi ma kona poʻo, a hiki i ka pau ʻana o nā lā āna i hoʻokaʻawale ai iā ia iho no Iēhova, e noho laʻa ʻo ia, a e ulu nā lauoho o kona poʻo. 6 I nā lā a pau o kona hoʻokaʻawale ʻana iā ia iho no Iēhova, ʻaʻole ia e hele aku i ke kupapaʻu. 7 ʻAʻole ia e hoʻohaumia iā ia iho no kona makua kāne, a no kona makuahine, a no kona kaikunāne kāne, a no kona kaikuahine, ke make lākou; no ka mea, aia ma luna o kona poʻo ke kapu no kona Akua. 8 I nā lā a pau o kona kaʻawale ʻana, ua laʻa ʻo ia no Iēhova. 9 A inā e make koke kekahi kanaka ma kona ʻaoʻao, a ua haumia ke poʻo o kona hoʻolaʻa ʻia ʻana; a laila e kahi ʻo ia i kona poʻo i ka lā o kona hoʻomaʻemaʻe ʻia ʻana, i ka hiku o ka lā e kahi ai ʻo ia ia mea. 10 A i ka walu o ka lā, e lawe mai ʻo ia i ʻelua kuhukukū, a i ʻelua manu nūnū ʻōpiopio paha, i ke kahuna, ma ka puka o ka halelewa o ke anaina kanaka. 11 A e kaumaha aku ke kahuna i kekahi i mōhai lawehala, a ʻo kekahi i mōhai kuni, a e hana i kalahala nona, no ka mea āna i hana hewa ai ma ke kupapaʻu, a e hoʻolaʻa i kona poʻo ia lā hoʻi. 12 A e hoʻolaʻa ʻo ia no Iēhova i nā lā o kona hoʻokaʻawale ʻana, a e lawe mai ʻo ia i keiki hipa o ka makahiki mua i mōhai hala: akā, e nalowale nā lā ma mua, no ka mea, ua haumia kona hoʻokaʻawale ʻana. 13 Eia ke kānāwai no ka Nazarite, aia pau nā lā o kona hoʻokaʻawale ʻana, e lawe ʻia mai ʻo ia ma ka puka o ka halelewa o ke anaina; 14 A e kaumaha aku ʻo ia i kāna mōhai na Iēhova, i hoʻokahi keiki hipa kāne o ka makahiki mua, i mōhai kuni; a i hoʻokahi keiki hipa wahine kīnā ʻole o ka makahiki mua, i mōhai hala; a i hoʻokahi hipa kāne kīnā ʻole no nā mōhai hoʻomalu. 15 A me ka hīnaʻi berena hū ʻole, nā pōpō palaoa wali i kāwili ʻia me ka ʻaila, a me nā wepa berena hū ʻole i hamo ʻia i ka ʻaila, a me kā lākou mōhai ʻai, a me kā lākou mōhai inu.
1
Ka Hoʻohiki Nazarite
16 A e lawe mai ke kahuna ia mau mea i mua o Iēhova, a e kaumaha aku i kāna mōhai hala a me kāna mōhai kuni. 17 A e kaumaha aku ʻo ia i ka hipa kāne i mōhai hoʻomalu no Iēhova, me ka hīnaʻi berena hū ʻole; e kaumaha aku hoʻi ke kahuna i kāna mōhai ʻai a me kāna mōhai inu. 18 A e kahi ka Nazarite i kona poʻo i hoʻolaʻa ʻia ma ka puka o ka halelewa o ke anaina, a e lawe i ka lauoho o kona poʻo i hoʻolaʻa ʻia, a e waiho i loko o ke ahi ma lalo o ka mōhai o nā mōhai hoʻomalu. 19 A e lawe ke kahuna i ka ʻūhā mua o ka hipa kāne i hoʻolapalapa ʻia, a me hoʻokahi berena hū ʻole mai loko mai o ka hīnaʻi, a me hoʻokahi wepa hū ʻole, a e kau aku ia mau mea ma luna o nā lima o ka Nazarite, ma hope o ka ʻumi ʻia ʻana o kona lauoho hoʻolaʻa ʻia. 20 A e hoʻāli ke kahuna ia mau mea i mōhai hoʻāli i mua o Iēhova: he mea laʻa kēia no ke kahuna, me ka umauma hoʻāli a me ka ʻūhā i hoʻāli ʻia; a ma hope iho e inu ka Nazarite i ka waina. 21 Eia ke kānāwai no ka Nazarite nāna i hoʻohiki, a no kāna mōhai na Iēhova no kona hoʻokaʻawale ʻana, he ʻokoʻa ka mea a kona lima e loaʻa ai: e like me ka hoʻohiki ʻana āna i hoʻohiki ai, pēlā nō ʻo ia e hana ai ma ke kānāwai o kona hoʻokaʻawale ʻana.
ʻO Samesona Nā Lunakanawai 13 1 Hana hewa hou akula nā mamo a ʻIseraʻela i mua o Iēhova; a hāʻawi maila ʻo Iēhova iā lākou i loko o ka lima o ko Pilisetia i hoʻokahi kanahā makahiki. 2 Aia kekahi kanaka no Zora, no ka ʻohana a Dana, ʻo Manoa kona inoa; ua pā kāna wahine, ʻaʻole i hānau keiki. 3 ʻIkea maila ka ʻānela o Iēhova i ka wahine, ʻī maila iā ia, Aia hoʻi, ua pā ʻoe, ʻaʻole ʻoe i hānau keiki; akā, e hāpai auaneʻi ʻoe, a e hānau mai i keiki kāne. 4 No ia mea hoʻi, e makaʻala, mai inu ʻoe i ka waina, ʻaʻole hoʻi i ka mea ʻawaʻawa, mai ʻai hoʻi i kekahi mea haumia. 5 No ka mea, aia hoʻi, e hāpai ana ʻoe, a e hānau mai i keiki kāne, ʻaʻole e kau ka pahi ʻumiʻumi ma kona poʻo; no ka mea, e lilo ke keiki i Nazarite no ke Akua, mai ka ʻōpū mai; a nāna e hoʻomaka e hoʻopakele i ka ʻIseraʻela mai ka lima mai o ko Pilisetia. 6 A laila, hele maila ka wahine, a haʻi akula i kāna kāne, ʻī akula, Ua hele mai ke kanaka o ke Akua iaʻu, ua like kona helehelena me ke ʻano o ka ʻānela o ke Akua, weliweli loa. ʻAʻole au i nīnau aku iā ia i kona wahi i hele mai ai, ʻaʻole hoʻi ia i haʻi mai iaʻu i kona inoa. 7 ʻĪ maila ʻo ia iaʻu, Aia hoʻi, e hāpai ana ʻoe, a e hānau mai i keiki kāne; no laila, mai inu ʻoe i ka waina, ʻaʻole hoʻi i ka mea ʻawaʻawa, ʻaʻole hoʻi e ʻai i kekahi mea haumia; no ka mea, e lilo ke keiki i Nazarite no ke Akua mai ka ʻōpū a hiki i ka lā o kona make ʻana. 8 A laila, nonoi akula ʻo Manoa iā Iēhova, ʻī akula, E kuʻu Haku, e kuʻu mai i ke kanaka o ke Akua āu i hoʻouna mai ai, e hele hou mai i o māua nei, e aʻo mai iā māua i ka mea a māua e hana aku ai i ke keiki e hānau mai ana. 9 Hoʻolohe maila ke Akua i ka leo o Manoa, a hele hou maila ka ʻānela o ke Akua i ua wahine lā, i kona noho ʻana ma ke kula, akā, ʻaʻole ʻo Manoa kāna kāne me ia. 10 Wikiwiki akula ka wahine, a holo akula, a haʻi akula i kāna kāne, ʻī akula iā ia, Aia hoʻi, ua ʻike ʻia mai iaʻu ke kanaka i hele mai iaʻu i kēlā lā aku nei. 11 Kū aʻela ʻo Manoa, a hahai akula i kāna wahine, a hiki akula i ua kanaka lā, ʻī akula iā ia, ʻO ʻoe anei ke kanaka i ʻōlelo mai i ka wahine? ʻĪ maila ia, ʻO wau nō. 12 ʻĪ akula ʻo Manoa, E hoʻokō ʻia kāu mau ʻōlelo. Pehea lā māua e hoʻoponopono ai i ke keiki, a pehea hoʻi e hana aku ai iā ia? 13 ʻĪ maila ka ʻānela o Iēhova iā Manoa, E mālama pono ka wahine i nā mea a pau aʻu i ʻōlelo aku ai iā ia. 14 ʻAʻole ia e ʻai i kekahi mea o ke kumu waina, mai inu i ka waina, ʻaʻole hoʻi i ka mea ʻawaʻawa, mai ʻai hoʻi i ka mea haumia. ʻO nā mea a pau aʻu i kauoha aku ai iā ia, e mālama pono ia. 2
Ka Hoʻohiki Nazarite
15 ʻĪ akula ʻo Manoa i ka ʻānela o Iēhova, Ke noi aku nei au iā ʻoe, e ʻae mai ʻoe iā māua e kāohi iā ʻoe, a hoʻomākaukau māua i kahi keiki kao nāu. 16 ʻĪ maila ka ʻānela o Iēhova iā Manoa, Inā paha ʻoe e kāohi mai iaʻu, ʻaʻole au e ʻai i kāu berena; a inā ʻoe e mōhai aku i ka mōhai kuni, e mōhai aku ʻoe ia no Iēhova: no ka mea, ʻaʻole i ʻike ʻo Manoa he ʻānela ia no Iēhova. 17 ʻĪ akula ʻo Manoa i ka ʻānela o Iēhova, ʻO wai kou inoa, i hoʻonani aku ai māua iā ʻoe i ka wā e kō ai kāu mau ʻōlelo? 18 ʻĪ maila ka ʻānela o Iēhova iā ia, No ke aha lā ʻoe e nīnau mai ai i koʻu inoa, no ka mea, he mea huna ia? 19 Lawe aʻela ʻo Manoa i ke keiki kao me ka mōhai ʻai, a kaumaha akula iā Iēhova ma luna o ka pōhaku: a hana kupanaha ihola ka ʻānela; a nānā akula ʻo Manoa a me kāna wahine. 20 A i ka piʻi ʻana o ka lapalapa i luna i ka lani, mai ke kuahu aku, piʻi aʻela ka ʻānela o Iēhova ma loko o ka lapalapa o ke kuahu: a nānā akula ʻo Manoa a me kāna wahine ia mea, a moe ihola lāua i lalo ke alo i ka honua. 21 ʻAʻole i ʻike hou ʻia ka ʻānela o Iēhova iā Manoa a me kāna wahine. A laila ʻike ihola ʻo Manoa he ʻānela ia no Iēhova. 22 ʻĪ akula ʻo Manoa i kāna wahine, E make auaneʻi kāua, no ka mea, ua ʻike kāua i ke Akua. 23 ʻĪ maila kāna wahine iā ia, Inā i ʻoluʻolu ʻo Iēhova e pepehi mai iā kāua, inā ʻaʻole ʻo ia i lawe i ka mōhai kuni a me ka mōhai ʻai mai ko kāua lima aku, ʻaʻole hoʻi e hōʻike mai iā kāua i kēia mau mea a pau, ʻaʻole hoʻi e haʻi mai iā kāua i kēia mau mea e like me kēia i kēia manawa. 24 Hānau maila ka wahine i keiki kāne, a kapa akula i kona inoa ʻo Samesona. A nui aʻela ke keiki, a hoʻomaikaʻi maila ʻo Iēhova iā ia. 25 Hoʻomaka ka ʻUhane o Iēhova e hoʻoikaika iā ia i kekahi manawa ma kahi hoʻomoana ʻo Dana ma waena o Zora a me ʻEsetaola. Nā Lunakanawai 14 1 Iho akula ʻo Samesona i Timenata, a ʻike akula i kekahi wahine ma Timenata, no nā kaikamāhine a ko Pilisetia. 2 Piʻi maila ia, a haʻi akula i kona makua kāne, a me kona makuahine, ʻī akula, Ua ʻike au i kekahi wahine ma Timenata, no nā kaikamāhine a ko Pilisetia; no laila ʻeā, e kiʻi aku iā ia i wahine naʻu. 3 A laila, ʻī akula kona makua kāne a me kona makuahine iā ia, ʻAʻohe anei he wahine i waena o nā kaikamāhine a kou poʻe hoahānau, a i waena o koʻu poʻe kānaka a pau, i hele aku ai ʻoe e lawe i wahine na ka poʻe Pilisetia ʻoki poepoe ʻole ʻia? ʻĪ akula ʻo Samesona i kona makua kāne, E kiʻi iā ia naʻu; no ka mea, ua ʻoluʻolu au iā ia. 4 ʻAʻole i ʻike kona makua kāne a me kona makuahine, na Iēhova mai ia mea, no kona ʻimi ʻana i mea e kūʻē ai i ko Pilisetia. No ka mea, ia manawa, ua noho aliʻi ko Pilisetia ma luna o ka ʻIseraʻela. 5 A laila, iho akula ʻo Samesona, a me kona makua kāne a me kona makuahine i Timenata, a hiki akula i nā māla waina o Timenata; aia hoʻi, uwō maila kekahi liona ʻōpiopio i ona lā. 6 Kau maila ka ʻUhane o Iēhova ma luna ona, a haehae ihola ʻo ia iā ia e like me ka haehae ʻana i ke kao keiki, ʻaʻohe mea ma kona lima; ʻaʻole naʻe ia i haʻi aku i kona makua kāne a me kona makuahine i ka mea āna i hana ai. 7 Iho akula ia, a kamaʻilio pū ihola me ka wahine; a ua maikaʻi ia i nā maka o Samesona. 8 A ma hope iho, hoʻi maila ia e lawe iā ia, a huli aʻela ia e ʻike i ke kupapaʻu o ka liona; aia hoʻi, he nui nā nalo meli a me ka meli i loko o ke kupapaʻu o ka liona. 9 Lālau ihola ia ma kona mau lima, a hele akula e ʻai ana, a hiki akula i kona makua kāne, a me kona makuahine, a hāʻawi akula iā lāua, a ʻai ihola lāua; ʻaʻole naʻe ia i haʻi aku iā lāua, ua lawe ʻo ia i ka meli mai loko mai o ke kupapaʻu o ka liona. 10 A laila, iho akula kona makua kāne i ka wahine, a hana ihola ʻo Samesona i ʻahaʻaina ma laila; no ka mea, pēlā ka hana a nā kānaka ʻōpiopio. 11 A ʻike akula lākou iā ia, lawe maila lākou i kanakolu mau hoa e noho pū me ia.
3
Ka Hoʻohiki Nazarite
12 ʻĪ akula ʻo Samesona iā lākou, E haʻi aku au i ka nane iā ʻoukou; inā e hiki iā ʻoukou ke haʻi mai iaʻu i loko o nā lā ʻehiku o ka ʻahaʻaina, a loaʻa ia ʻoukou, a laila, e hāʻawi aku au iā ʻoukou i kanakolu pālule, a me kanakolu pālule komo. 13 Akā, inā ʻaʻole hiki iā ʻoukou ke haʻi mai iaʻu, a laila, e hāʻawi mai ʻoukou iaʻu i kanakolu pālule, a me kanakolu mau lole komo. ʻĪ maila lākou iā ia, E haʻi mai i kāu nane, i lohe mākou ia. 14 ʻĪ akula ia iā lākou, Mai loko mai o ka mea ʻai i puka mai ai ka ʻai, a mai loko mai o ka mea ikaika i puka mai ai ka ʻono. ʻAʻole hiki iā lākou ke wehewehe i ka nane i nā lā ʻekolu. 15 A i ka hiku o ka lā, ʻī akula lākou i ka wahine a Samesona, E hoʻowalewale ʻoe i kāu kāne, i haʻi mai ai ʻo ia iā mākou i ka nane, o puhi auaneʻi mākou iā ʻoe, a me ka hale o kou makua kāne i ke ahi. Ua kiʻi mai anei ʻoukou iā mākou e lawe i kā mākou mea? ʻAʻole anei? 16 Uwē ihola ka wahine a Samesona i mua ona, ʻī akula, Ke inaina wale mai nei ʻoe iaʻu, ʻaʻole aloha mai iaʻu: ua nane mai ʻoe i nā keiki a koʻu poʻe kānaka, ʻaʻole hoʻi i haʻi mai iaʻu. ʻĪ maila kēlā iā ia, Aia hoʻi, ʻaʻole au i haʻi aku i koʻu makua kāne, a me koʻu makuahine, a e haʻi aku anei au iā ʻoe? 17 A uwē ihola ʻo ia i mua ona i nā lā ʻehiku o kā lākou ʻahaʻaina ʻana; a i ka hiku o ka lā, haʻi akula kēlā iā ia, no ka mea, ua koi nui ʻo ia iā ia; a haʻi akula ʻo ia i ka nane i nā keiki a kona poʻe kānaka. 18 ʻĪ maila nā kānaka o ke kūlanakauhale iā ia i ka hiku o ka lā ma mua o ka napoʻo ʻana o ka lā, He aha ka mea ʻoi aku ka ʻono ma mua o ka meli? A he aha ka mea ikaika ma mua o ka liona? ʻĪ maila kēlā iā lākou, Inā ʻaʻole ʻoukou i mahi ʻai me kaʻu bipi wahine, inā ʻaʻole i loaʻa iā ʻoukou kaʻu nane. 19 A kau maila ka ʻUhane o Iēhova ma luna ona, a iho akula ia i ʻAsekelona, a pepehi ihola i kanakolu kānaka o lākou, a lawe akula i ko lākou waiwai pio, a hāʻawi akula i nā kapa komo i ka poʻe i haʻi mai i ka nane. A wela ihola kona huhū, a piʻi akula ia i ka hale o kona makua kāne. 20 A ua hāʻawi ʻia ka wahine a Samesona i kona hoa, āna i lilo ai i hoaaloha nona. Nā Lunakanawai 15 1 A ma hope iho, i ka wā o ka ʻohi palaoa, hele akula ʻo Samesona i kāna wahine me ke keiki kao; ʻī akula, E komo aku au i loko o ke keʻena i kaʻu wahine. ʻAʻole naʻe i ʻae kona makuakāne iā ia e komo i loko. 2 ʻĪ maila kona makuakāne, Manaʻo maoli nō wau ua inaina loa ʻoe iā ia, no laila, hāʻawi aku au iā ia i kou hoa: ʻaʻole anei i ʻoi aku ka maikaʻi o kona kaikaina ma mua ona? Ke noi aku nei au iā ʻoe, e lawe ʻoe iā ia ma kahi ona. 3 ʻĪ akula ʻo Samesona no lākou, ʻĀnō, e ʻoi aku koʻu hewa ma mua o ko Pilisetia, ke hana au i mea hoʻonāukiuki iā lākou. 4 Hele akula ʻo Samesona, a hopu ihola i ʻekolu haneri ʻalopeke, a lawe ihola i nā lama, a hoʻohui aʻela i ka huelo i ka huelo, a kau ihola i ka lama i waenakonu ma waena o nā huelo ʻelua. 5 A puhi ihola ia i nā lama i ke ahi, a laila hoʻokuʻu akula iā lākou i loko o ka palaoa a ko Pilisetia e kū ana, a puhi ihola i ke ahi i nā puʻu palaoa a me ka palaoa e kū ana, a me nā māla waina, a me nā ʻoliva. 6 A laila, nīnau aʻela ko Pilisetia, Na wai i hana i kēia? ʻĪ maila lākou, ʻO Samesona, ke hūnōna kāne a kekahi no Timenata, no ka mea, ua lawe ʻo ia i kāna wahine, a hāʻawi akula iā ia i kona hoa. Piʻi maila ko Pilisetia, a puhi ihola iā ia, a me kona makua kāne i ke ahi. 7 ʻĪ maila ʻo Samesona iā lākou, Inā ʻoukou i hana i kēia, akā, e hoʻopaʻi aku au iā ʻoukou, a ma hope iho e oki au. 8 Luku akula ia iā lākou, ʻūhā a me ka ʻūhā, me ka luku nui loa: a iho akula ia a noho ma kahi wili o ka pōhaku ʻo ʻEtama. 9 A laila piʻi aʻela ko Pilisetia, a hoʻomoana ihola ma Iuda, a hoʻopālahalaha akula ma Lehi. 10 Nīnau akula nā kānaka o ka Iuda, No ke aha lā ʻoukou i piʻi mai ai e kūʻē iā mākou? ʻĪ maila lākou, Ua piʻi mai nei mākou e nakinaki iā Samesona, e hana aku iā ia e like me kāna i hana mai ai iā mākou.
4
Ka Hoʻohiki Nazarite
11 A laila, piʻi akula ʻekolu tausani kānaka o ka Iuda i luna o ka pōhaku ʻo ʻEtama, ʻī akula iā Samesona, ʻAʻole anei ʻoe i ʻike, ʻo ko Pilisetia ko kākou poʻe haku? He aha kēia āu i hana mai ai iā mākou? ʻĪ akula ia iā lākou, E like me kā lākou i hana mai ai iaʻu, pēlā nō wau i hana aku ai iā lākou. 12 ʻĪ maila lākou iā ia, Ua iho mai nei mākou e nakinaki iā ʻoe, a e hāʻawi aku iā ʻoe i ka lima o ko Pilisetia. ʻĪ maila ʻo Samesona iā lākou, E hoʻohiki mai ʻoukou iaʻu, ʻaʻole ʻoukou e pepehi mai iaʻu. 13 ʻŌlelo akula lākou iā ia, ʻī akula, ʻAʻole; akā, e nakinaki mākou iā ʻoe a paʻa, a hāʻawi aku iā ʻoe i ko lākou lima; akā, ʻaʻole mākou e pepehi iā ʻoe. A nakinaki lākou iā ia i nā kaula hou ʻelua, a lawe mai iā ia i luna, mai ka pōhaku mai. 14 A hiki akula ia i Lehi, hoʻōho kūʻē maila ko Pilisetia iā ia; a kau maila ka ʻUhane o Iēhova ma luna ona, a lilo ihola nā kaula ma kona mau lima e like me ke olonā i pau i ke ahi, a hemo ihola kona mau mea paʻa mai kona mau lima aku. 15 A loaʻa iā ia ka iwi ʻauwae o ka hoki, he iwi ʻauwae hou, ʻō akula i kona lima, lālau ihola ia mea, a me ia nō i pepehi aku ai i hoʻokahi tausani kānaka. 16 ʻĪ maila ʻo Samesona, Me ka iwi ʻau o ka hoki, he mau puʻu ma luna o nā puʻu, me ka iwi ʻau o ka hoki kaʻu i pepehi aku ai i hoʻokahi tausani kānaka. 17 A pau kāna ʻōlelo ʻana, hoʻolei akula ia i ka iwi ʻauwae mai loko mai o kona lima, a kapa akula i ia wahi ʻo Ramatalehi. 18 Makewai nui iho la ia, a hea aku la ia Iehova, i aku la, Ua haawi mai oe i keia ola nui ma ka lima o kau kauwa; a e make anei au i ka makewai, a e haule iloko o ka lima o ka poe i okipoepoe ole ia? 19 Akā, ua māhele ke Akua i kahi lua ma loko o ka ʻā, a puka maila ka wai mai laila mai; a inu ihola ia, a laila, hoʻi mai kona ʻuhane, a ola aʻela ia: no laila, kapa akula ʻo ia i kona inoa ʻo ʻEnehakore, aia ma Lehi a hiki i kēia lā. 20 Nana no i hooponopono i ka Iseraela i na la o ko Pilisetia i na makahiki he iwakalua. Nā Lunakanawai 16 1 A laila, hele akula ʻo Samesona i Gaza, a ʻike ihola i laila i kekahi wahine hoʻokamakama, a komo akula i ona lā. 2 Ua haʻi ʻia aku i ko Gaza, Ua hiki mai ʻo Samesona i ʻaneʻi. Hoʻopuni ihola lākou iā ia, a hoʻohālua iā ia i ka pō a pau ma ka puka o ke kūlanakauhale, a noho mālie ihola ia pō a pau, ʻī ihola, A kakahiaka, a ao aʻe, e pepehi kākou iā ia. 3 Moe ihola ʻo Samesona a hiki i ke aumoe; a ala aʻela ia i ke aumoe, a lawe ihola i nā puka o ke kūlanakauhale, a me nā kia ʻelua, wehe aʻela iā lāua me nā kaola a pau, kau ihola ma luna o kona mau poʻohiwi, a lawe akula i luna o ka puʻu ma ke alo o Heberona. 4 A ma hope iho, aloha aʻela ia i kekahi wahine ma ke awāwa ʻo Soreka, ʻo Delila kona inoa. 5 Piʻi aʻela nā aliʻi o ko Pilisetia i ona lā, ʻī akula iā ia, E hoʻowalewale ʻoe iā ia, a e ʻike i kahi o kona ikaika nui, a me ke ʻano e lanakila ai mākou ma luna ona, i hiki ai iā mākou ke nakinaki iā ia, a hoʻoluhi iā ia; a e hāʻawi aku mākou iā ʻoe i hoʻokahi tausani ʻāpana kālā, hoʻokahi tausani haneri. 6 ʻĪ akula ʻo Delila iā Samesona, Ke nonoi aku nei au iā ʻoe, e haʻi mai ʻoe iaʻu i kahi o kou ikaika nui, a me ka mea e hiki ai ke hoʻopaʻa ʻia ʻoe e hoʻopilikia iā ʻoe. 7 ʻĪ maila ʻo Samesona iā ia, Inā e nakinaki lākou iaʻu i nā kaula maka ʻehiku i hoʻomaloʻo ʻole ʻia, a laila e nāwaliwali au, a e like me kekahi kanaka. 8 A laila, lawe mai nā aliʻi o ko Pilisetia iā ia i ʻehiku kaula maka, i hoʻomaloʻo ʻole ʻia, a nakinaki ihola ia iā ia me ia mau mea. 9 A e moe ana nā kānaka hoʻohālua me ia ma loko o ke keʻena. ʻĪ akula ia iā ia, E Samesona, ke kau mai nei ko Pilisetia ma luna ou. A moku aʻela ia i nā kaula, e like me ka moku ʻana o ke kaula ʻōniʻoniʻo i kona wā e pā ai i ke ahi. No laila, ʻaʻole i ʻike ʻia kona ikaika. 10 ʻĪ maila ʻo Delila iā Samesona, Aia hoʻi, ua hoʻowahāwahā mai ʻoe iaʻu, a ua wahaheʻe mai iaʻu. ʻĀnō hoʻi, ke nonoi aku nei au iā ʻoe, e haʻi mai ʻoe iaʻu i ka mea e hiki ai ke hoʻopaʻa ʻia ʻoe. 11 ʻĪ maila kēlā iā ia, Inā e nakinaki paʻa mai lākou iaʻu i nā kaula hou, ʻaʻole i hoʻohana ʻia, a laila e nāwaliwali au, a e like me kekahi kanaka ʻē.
5
Ka Hoʻohiki Nazarite
12 Lawe aʻela ʻo Delila i nā kaula hou, a nakinaki ihola iā ia me ia mea, ʻī akula iā ia, Eia mai ko Pilisetia ma luna ou, e Samesona. A e moe ana nā kānaka hoʻohālua ma loko o ke keʻena, a moku ihola ia mea mai kona mau lima aku me he kaula lā. 13 ʻĪ maila ʻo Delila iā Samesona, Ua hoʻowahāwahā mai ʻoe iaʻu a hiki i kēia manawa, a ua wahaheʻe mai iaʻu. E haʻi mai ʻoe iaʻu i ka mea e hiki ai ke hoʻopaʻa ʻia ʻoe. ʻĪ akula ia iā ia, Inā e ulana ʻoe i nā lauoho ʻehiku o koʻu poʻo me ka lole. 14 A laila, nakinaki ihola ia me ke kui, ʻī akula iā ia, E Samesona, ke kau nei ko Pilisetia ma luna ou. A ala aʻela ia mai kona hiamoe ʻana, a hele akula me ke kui o ka mea lāʻau, a me ka lole. 15 ʻĪ maila kēlā iā ia, Pehea lā ʻoe e ʻōlelo ai, Ua aloha au iā ʻoe, ʻaʻole hoʻi kou naʻau me aʻu? Ua hoʻowahāwahā mai ʻoe iaʻu i kēia mau manawa ʻekolu, ʻaʻole hoʻi i haʻi mai iaʻu i kahi o kou ikaika nui. 16 A i kona koi ʻana iā ia i kēlā me kēia lā me kāna ʻōlelo, a hoʻoikaika iā ia, a pilikia kona ʻuhane, a kokoke make; 17 A laila, haʻi akula ʻo ia iā ia i kona naʻau a pau, ʻī akula iā ia, ʻAʻole i kau mai kahi pahi ʻumiʻumi ma koʻu poʻo; no ka mea, he Nazarite au i ke Akua, mai ka ʻōpū mai o koʻu makuahine; inā e kahi ʻia au, a laila e lilo aku koʻu ikaika mai oʻu aku nei, a e nāwaliwali au, a e like me kekahi kanaka. 18 A ʻike ihola ʻo Delila ua haʻi mai kēlā iā ia i kona naʻau a pau, hoʻouna akula ia, a kāhea akula i nā aliʻi o ko Pilisetia, ʻī akula, E piʻi mai ʻoukou i kēia manawa, no ka mea, ua haʻi mai ʻo ia iaʻu i kona naʻau a pau. A laila piʻi maila nā aliʻi o ko Pilisetia i ona lā, a lawe mai i ke kālā ma ko lākou lima. 19 Hoʻomoe ihola ʻo ia iā ia ma luna o kona mau kuli; a kāhea akula i ke kanaka, a kauoha akula iā ia e kahi i nā lauoho ʻehiku o kona poʻo; a hoʻomaka ihola ia e hoʻoluhi iā ia, a nalowale akula kona ikaika mai ona aku lā. 20 ʻĪ maila ia, E kūʻē mai ana ko Pilisetia iā ʻoe, e Samesona. Ala aʻela ia mai kona hiamoe ʻana, ʻī akula, E hele aku au i waho e like me nā manawa ma mua, a e hoʻoluliluli iaʻu iho. ʻAʻole naʻe ia i ʻike ua haʻalele ʻo Iēhova iā ia. 21 Hoʻopaʻa ihola ko Pilisetia iā ia, pōʻalo aʻela i kona mau maka, a lawe akula iā ia i Gaza, a hoʻopaʻa ihola iā ia i nā kūpeʻe keleawe; a wili ihola ia i loko o ka hale paʻahao. 22 Akā, hoʻomaka hou ka lauoho o kona poʻo e ulu hou ma hope o kona kahi ʻia ʻana. 23 A laila hoʻākoakoa maila nā aliʻi o ko Pilisetia e kaumaha aku i mōhai nui no Dagona, ko lākou akua, a e ʻoliʻoli; no ka mea, ʻōlelo maila lākou, Ua hāʻawi mai ko kākou akua iā Samesona i ko kākou ʻenemi i loko o ko kākou lima. 24 A ʻike akula nā kānaka iā ia, hoʻomaikaʻi akula lākou i ko lākou akua; no ka mea, ʻī maila lākou, Ua hāʻawi mai ko kākou akua i loko o ko kākou mau lima i ko kākou ʻenemi, i ka mea i luku ai i ko kākou ʻāina, a pepehi mai i nā mea he nui o kākou. 25 A i ka wā i ʻoliʻoli ai ko lākou naʻau, ʻī aʻela lākou, E kiʻi aku iā Samesona, i hoʻokani mai ʻo ia iā kākou. A laila kiʻi akula lākou iā Samesona mai loko mai o ka hale paʻahao; a hoʻokani aʻela ʻo ia iā lākou: a hoʻokū ihola lākou iā ia ma waena o nā kia. 26 ʻĪ akula ʻo Samesona i ke keiki e paʻa ana i kona lima, E ʻae mai ʻoe iaʻu e hoʻopā aku i nā kia e paʻa ai ka hale, i hilinaʻi au ma luna o lākou. 27 Ua piha ka hale i nā kāne a me nā wāhine; a ma laila nā haku a pau o ko Pilisetia; a ma luna o ka hale, ʻekolu tausani kāne a me nā wāhine, e nānā ana i kā Samesona hana ʻakaʻaka ʻana. 28 Kāhea akula ʻo Samesona iā Iēhova, ʻī akula, E ka Haku, e Iēhova, e hoʻomanaʻo mai ʻoe iaʻu, ke nonoi aku nei au iā ʻoe, a e hoʻoikaika mai iaʻu, e ke Akua, i kēia hoʻokahi wale nō manawa, i hoʻopaʻi koke ʻia mai au e ko Pilisetia no koʻu mau maka ʻelua. 29 Lālau ihola ʻo Samesona i nā kia waena ʻelua, a ma luna iho i paʻa ai ka hale. Hāpai aʻela ia ma luna, ʻo kekahi me kona lima ʻākau, a ʻo kekahi me kona lima hema. 30 ʻĪ akula ʻo Samesona, E make pū au me ko Pilisetia. Kūlou ihola ia me kona ikaika a pau; a hiolo ihola ka hale ma luna o nā aliʻi, a ma luna o nā kānaka a pau i loko. No laila, ʻo ka poʻe i make, āna i pepehi ai i kona make ʻana, ua ʻoi aku ka nui ma mua o ka poʻe āna i pepehi ai i kona wā e ola ana.
6
Ka Hoʻohiki Nazarite
31 A laila, iho akula kona poʻe hoahānau, a me ko ka hale o kona makua kāne, lālau ihola iā ia, a lawe aʻela iā ia, a kanu ihola ma waena o Zora, a me ʻEsetaola, ma ka ilina o Manoa, kona makua kāne. A hoʻoponopono ʻo ia i ka ʻIseraʻela, he iwakālua makahiki.
ʻO Samuela 1 Samuela 1 1 ¶ A IA kekahi kanaka no Ramataima-Zopima, no ka mauna ʻo ʻEperaima, ʻo ʻElekana kona inoa, ke keiki a Ierohama, ke keiki a ʻElihu, ke keiki a Tohu, ke keiki a Zupa, no ʻEperata: 2 ʻElua āna wāhine; ʻo Hana ka inoa o kekahi, a ʻo Penina ka inoa o kekahi: a he mau keiki kā Penina, akā, ʻaʻohe āna keiki a Hana. 3 A hele akula ua kanaka lā mai kona kūlanakauhale aku e hoʻomana, a e mōhai aku iā Iēhova o nā kaua ma Silo: a ma laila nā keiki ʻelua a ʻEli, ʻo Hopeni lāua ʻo Pinehasa, nā kāhuna a Iēhova. 4 A hiki mai ka lā i kaumaha aku ai ʻo ʻElekana, hāʻawi akula ia i nā ʻāpana na Penina, na kāna wahine, a na kāna mau keiki kāne a pau, a me kāna mau kaikamāhine. 5 Akā, hāʻawi akula ʻo ia iā Hana i ka ʻāpana kūpono; no ka mea, ua aloha ʻo ia iā Hana: akā, ua pani ʻo Iēhova i kona ʻōpū. 6 Hoʻonāukiuki nui akula kona ʻenemi iā ia, i mea e hoʻonāukiuki ai iā ia; no ka mea, ua pani ʻo Iēhova i kona ʻōpū. 7 Pēlā kāna i hana ai i kēlā makahiki i kēia makahiki, iā ia i piʻi aku ai i ka hale o Iēhova, pēlā nō ia i hoʻonāukiuki aku ai iā ia; no laila, uwē ihola ʻo ia, ʻaʻole hoʻi i ʻai. 8 A laila nīnau akula ʻo ʻElekana kāna kāne iā ia, E Hana, no ke aha ʻoe e uwē ai? a no ke aha ʻoe e ʻai ʻole ai? a no ke aha hoʻi i kaumaha ai kou naʻau? ʻAʻole anei au i ʻoi aku ka maikaʻi iā ʻoe ma mua o nā keiki kāne he ʻumi? 9 Kū aʻela ʻo Hana ma hope o kā lākou ʻai ʻana ma Silo a ma hope o kā lākou inu ʻana: a e noho ana ʻo ʻEli ke kahuna ma luna o ka noho ma ka lāʻau o ka luakini o Iēhova. 10 Ua kaumaha kona naʻau, pule akula ʻo ia iā Iēhova, a uwē nui ihola. 11 A hoʻohiki ihola ia i ka hoʻohiki ʻana, ʻī akula, E Iēhova o nā kaua, inā e ʻike pono mai ʻoe i ka ʻeha o kāu kauwā wahine, a e hoʻomanaʻo mai iaʻu, ʻaʻole hoʻi e hoʻopoina i kāu kauwā wahine, a e hāʻawi mai i keiki kāne na kāu kauwā wahine, a laila e hāʻawi aku au iā ia no Iēhova i nā lā a pau o kona ola ʻana; ʻaʻole e kau ka pahi ʻumiʻumi ma kona poʻo. 12 A i kāna pule ʻana i mua o Iēhova, nānā akula ʻo ʻEli i kona waha. 13 ʻŌlelo akula ʻo Hana ma loko o kona naʻau; ʻoni wale nō kona mau lehelehe, ʻaʻole naʻe i lohe ʻia kona leo: no laila, manaʻo ihola ʻo ʻEli ua ʻona ia. 14 Nīnau akula ʻo ʻEli iā ia, Pehea ka lōʻihi o kou ʻona ʻana? E hoʻōki i kou waina mai ou aku lā. 15 ʻŌlelo akula ʻo Hana, ʻī akula, ʻAʻole, e kuʻu haku, he wahine ʻehaʻeha wau; ʻaʻole au i inu i ka waina, ʻaʻole hoʻi i ka mea ʻona, akā, ua ninini aku au i kuʻu ʻuhane i mua o Iēhova. 16 Mai manaʻo ʻoe i kāu kauwā wahine he kaikamahine na Beliala; no ka mea, no ka nui o kuʻu ʻehaʻeha, a me ke kaumaha, ua ʻōlelo aku nei au a hiki i kēia manawa. 17 ʻŌlelo akula ʻo ʻEli, ʻī akula, E hele ʻoe me ka maluhia: a na ke Akua o ka ʻIseraʻela e hoʻokō mai i kāu mea āu i noi aku ai iā ia. 18 ʻĪ maila ia, I loaʻa i kāu kauwā wahine ke aloha i mua o kou maka. A hele akula ka wahine ma kona ala, a ʻai ihola, ʻaʻole kaumaha hou kona maka. 19 Ala aʻela lākou i kakahiaka nui, a hoʻomana akula i mua o Iēhova, a hoʻi akula a hiki i ko lākou hale ma Rama: a ʻike ihola ʻo ʻElekana iā Hana i kāna wahine; a hoʻomanaʻo maila ʻo Iēhova iā ia. 20 A hiki mai ka manawa ma hope o ka hāpai ʻana o Hana, hānau maila ia he keiki kāne, a kapa akula ia i kona inoa ʻo Samuʻela; no ka mea, ua noi aku au iā ia iā Iēhova. 21 A piʻi akula ua kanaka lā ʻo ʻElekana, a me ko kona hale a pau, e kaumaha aku iā Iēhova i ka mōhai makahiki, a me kāna hoʻohiki ʻana.
7
Ka Hoʻohiki Nazarite
22 Akā, ʻaʻole i piʻi aku ʻo Hana, no ka mea, ʻī akula ia i kāna kāne, ʻAʻole au e piʻi a hiki i ka wā e ukuhi ʻia ai ke keiki, a laila e lawe aku au iā ia, e ʻike ʻia ʻo ia i mua o Iēhova, a e noho mau loa ma laila. 23 ʻĪ maila ʻo ʻElekana kāna kāne iā ia, E hana ʻoe i ka mea pono iā ʻoe; e noho a hiki i ka wā e ukuhi ai ʻoe iā ia; e hoʻokō mai ʻo Iēhova i kāna ʻōlelo. No laila, noho ihola ka wahine, a hānai ihola i kāna keiki a hiki i ka wā i ukuhi ai ʻo ia iā ia. 24 A i ka wā i hoʻōki ai ʻo ia i ka waiū iā ia, lawe akula ʻo ia iā ia me ia, me nā bipi kāne ʻekolu, hoʻokahi ʻepa palaoa, a me hoʻokahi ʻōmole waina, a lawe akula iā ia i ka hale o Iēhova ma Silo: a ʻōpiopio nō hoʻi ke keiki. 25 Pepehi ihola lākou i ka bipi kāne, a lawe akula i ke keiki iā ʻEli. 26 ʻĪ akula ia, E kuʻu haku, ma kou ola ʻana, e kuʻu haku, ʻo wau nō ka wahine i kū pū me ʻoe ma ʻaneʻi e pule ana iā Iēhova. 27 No kēia keiki kaʻu i pule aku ai; a ua hāʻawi mai ʻo Iēhova iaʻu i kaʻu noi aʻu i noi aku ai iā ia. 28 No ia mea, ke hāʻawi aku nei au iā ia no Iēhova; i kona ola ʻana a pau, e hāʻawi ʻia aku ʻo ia no Iēhova. A hoʻomana akula ia iā Iēhova ma laila.
ʻO Ioane Bapetite Luka 1 1 No ka mea, he nui ka poʻe i hoʻāʻo e hoʻonohonoho i kahi moʻolelo no nā mea i manaʻoʻiʻo ʻia i waena o mākou, 2 E like me ka haʻi ʻana mai iā mākou, ka poʻe ʻike maka, mai ke kumu mai, a me nā mea lawelawe hoʻi no ka ʻōlelo. 3 Manaʻo ihola au he mea pono iaʻu, i koʻu ʻike pono ʻana i nā mea a pau mai kinohi mai, e palapala aku iā ʻoe ma ke ʻano hoʻonohonoho, e Teopilo hanohano, 4 I ʻike ʻoe i ka ʻoiaʻiʻo o kēlā mau mea i aʻo ʻia aku ai ʻoe. 5 I ke au o Herode ke aliʻi o Iudea, aia kekahi kahuna, ʻo Zakaria kona inoa, no ka papa o ʻAbia; a ʻo kāna wahine, no nā kaikamāhine a ʻAʻarona ia, ʻo ʻElisabeta kona inoa. 6 Ua pono lāua ʻelua i mua o ke Akua, e hele ana ma nā kauoha a me nā ʻoihana a pau a ka Haku me ka hala ʻole. 7 ʻAʻohe a lāua keiki, no ka mea, he pā ʻo ʻElisabeta; a ua nui ko lāua mau makahiki. 8 Eia kekahi, i kāna hana ʻana i ka ʻoihana kahuna i mua o ke Akua i ka manawa o kona papa, 9 Ma muli o ke ʻano maʻamau o ke kahuna, ʻo kāna hana ia e kuni i ka mea ʻala i kona komo ʻana i loko o ka luakini o Iēhova. 10 A pule akula ka ʻaha kanaka a pau ma waho, i ka wā e kuni ai i ka mea ʻala. 11 A laila ʻike ʻia akula iā ia kekahi ʻānela o ka Haku, e kū ana ma ka ʻaoʻao ʻākau o ke kuahu mea ʻala. 12 A ʻike akula ʻo Zakaria iā ia, pihoihoi ihola ia, a kau maila ka makaʻu ma luna ona. 13 ʻĪ maila ka ʻānela iā ia, Mai makaʻu ʻoe, e Zakaria, no ka mea, ua lohe ʻia kāu pule; a e hānau ana kāu wahine ʻo ʻElisabeta i keiki kāne nāu, a e kapa aku ʻoe i kona inoa ʻo Ioane. 14 A e loaʻa iā ʻoe ka ʻoliʻoli a me ka hauʻoli; a he nui ka poʻe e hauʻoli i kona hānau ʻana. 15 No ka mea, e nui ana ʻo ia i mua o ka Haku, ʻaʻole ia e inu i ka waina, ʻaʻole hoʻi i ka mea ʻawaʻawa; a e piha nō hoʻi ia i ka ʻUhane Hemolele, mai ka ʻōpū mai o kona makuahine. 16 A e hoʻohuli ʻo ia i nā mamo a ʻIseraʻela he nui i ka Haku, i ko lākou Akua. 17 A e hele ana ia ma mua ona me ka ʻuhane a me ka mana o ʻElia, e hoʻohuli i ka naʻau o nā mākua i nā keiki, a me ka poʻe hoʻolohe ʻole i ka naʻauao o ka poʻe pono; e hoʻomākaukau ai i kānaka mākaukau no ka Haku. 18 ʻĪ akula ʻo Zakaria i ka ʻānela, Ma hea lā wau e ʻike ai i kēia? No ka mea, he kanaka ʻelemakule wau, a ua nui nā makahiki o kaʻu wahine.
8
Ka Hoʻohiki Nazarite
19 ʻŌlelo maila ka ʻānela, ʻī maila iā ia, ʻO wau nō ʻo Gaberiʻela, ka mea e kū ana i mua o ke Akua; a ua hoʻouna ʻia mai nei au e ʻōlelo aku iā ʻoe, a e haʻi aku iā ʻoe i kēia mau mea hauʻoli. 20 Aia hoʻi, e lilo ana ʻoe i leo ʻole, ʻaʻole e hiki iā ʻoe ke ʻōlelo, a hiki i ka lā e hana ʻia ai kēia mau mea, no ka mea, ʻaʻole ʻoe i manaʻoʻiʻo mai i kaʻu mau ʻōlelo, e hoʻokō ʻia ana i ko lākou manawa. 21 A kali aʻela nā kānaka iā Zakaria, kāhāhā ihola lākou i kona lōʻihi ʻana ma loko o ka luakini. 22 A i kona puka ʻana i waho, ʻaʻole hiki iā ia ke ʻōlelo aku iā lākou; a ʻike ihola lākou ua ʻike ʻo ia i ka hihiʻo ma loko o ka luakini; no ka mea, kunou akula ʻo ia iā lākou, a ua noho leo ʻole. 23 Eia kekahi, i ka pau ʻana o nā lā o kāna hana, hoʻi koke akula ia i kona hale. 24 A ma hope iho o ia mau lā, ua hāpai kāna wahine ʻo ʻElisabeta, a ua hūnā ʻo ia iā ia iho i nā malama ʻelima, ʻī ihola, 25 Pēlā nō ka Haku i hana mai ai iaʻu i nā lā āna i nānā mai ai iaʻu, e lawe aku i koʻu hōʻino ʻia i waena o kānaka. 26 A i ke ono o ka malama, ua hoʻouna ʻia mai ka ʻānela ʻo Gaberiela, mai ke Akua mai, i kekahi kūlanakauhale ma Galilaia, ʻo Nazareta ka inoa, 27 I ka wahine puʻupaʻa i hoʻopalau ʻia na ke kanaka, ʻo Iosepa kona inoa, no ka ʻohana a Dāvida; a ʻo Maria ka inoa o ua wahine puʻupaʻa lā. 28 A komo mai la ka anela io na la, i mai la, Aloha oe, e ka mea i aloha nui ia, o ka Haku pu me oe. Pomaikai oe iwaena o na wahine. 29 A ʻike akula ʻo ia iā ia, hopohopo ihola ia i kāna ʻōlelo, a noʻonoʻo ihola i ke ʻano o kēia aloha. 30 ʻĪ maila ka ʻānela iā ia, Mai makaʻu ʻoe, e Maria; no ka mea, ua loaʻa iā ʻoe ka lokomaikaʻi ʻia mai e ke Akua. 31 Eia hoʻi, e hāpai auaneʻi ʻoe i loko o kou ʻōpū, a e hānau mai i keiki kāne, a e kapa aku ʻoe i kona inoa ʻo IESŪ. 32 E nui auaneʻi ʻo ia, a e kapa ʻia ʻo ke Keiki a ka Mea Kiʻekiʻe Loa; a e hāʻawi aku ʻo Iēhova ke Akua iā ia i ka noho aliʻi o Dāvida kona makua kāne. 33 A e mau loa aku kona aliʻi ʻana ma luna o ka ʻohana a Iakoba; ʻaʻole hoʻi e pau kona aupuni. 34 A laila, nīnau akula ʻo Maria i ka ʻānela, Pehea lā e hiki ai kēia? ʻAʻole au i ʻike i ke kāne. 35 ʻŌlelo maila ka ʻānela, ʻī maila iā ia, E kau mai nō ka ʻUhane Hemolele ma luna ou; a e hoʻomalu mai ka mana o ka Mea Kiʻekiʻe Loa iā ʻoe; no ia mea hoʻi, e kapa ʻia ka mea hemolele āu e hānau ai, ʻo ke Keiki a ke Akua. 36 Aia hoʻi, ʻo ʻElisabeta kou hoahānau, ua hāpai aʻe nei ʻo ia i ke keiki kāne i kona wā ʻelemakule; a ʻo ke ono kēia o ka malama o kona wahine i kapa ʻia he pā. 37 No ka mea, ʻaʻohe mea hiki ʻole i ke Akua. 38 ʻĪ akula ʻo Maria, Eia hoʻi ke kauwā wahine a ka Haku; e like me kāu ʻōlelo, pēlā e hana ʻia mai ai iaʻu. A laila, hele akula ka ʻānela mai ona aku lā. 39 Ia mau lā, kū aʻela ʻo Maria, a hele wikiwiki akula i ka ʻāina mauna, i kekahi kūlanakauhale o Iuda; 40 A komo akula ia i loko o ka hale o Zakaria, a aloha akula iā ʻElisabeta. 41 Eia kekahi, i ka lohe ʻana o ʻElisabeta i ke aloha o Maria, lele koke aʻela ke keiki i loko o kona ʻōpū; a ua piha ʻo ʻElisabeta i ka ʻUhane Hemolele: 42 A ʻōlelo maila ʻo ia me ka leo nui, ʻī maila, Pomaikaʻi ʻoe i waena o nā wāhine, a pōmaikaʻi hoʻi ka hua o kou ʻōpū. 43 No hea mai kēia iaʻu, i hele mai ai ka makuahine o koʻu Haku i oʻu nei? 44 No ka mea, aia hoʻi, i ka lohe ʻana mai o kou aloha i loko o koʻu mau pepeiao, lele koke aʻela ke keiki i ka hauʻoli i loko o koʻu ʻōpū. 45 Pomaikai hoi ka wahine i manaoio; no ka mea, e hanaia no na mea i haiia mai ia ia e ka Haku. 46 ʻĪ akula ʻo Maria, Ke hoʻonani aku nei kuʻu ʻuhane i ka Haku, 47 A ua hauʻoli koʻu ʻuhane i ke Akua i koʻu Mea Hoʻōla. 48 No ka mea, ua nānā mai ʻo ia i ka haʻahaʻa o kāna kauwā wahine, aia hoʻi, mai kēia manawa aku e kapa ʻia mai au e nā hanauna a pau he pōmaikaʻi.
9
Ka Hoʻohiki Nazarite
49 No ka mea, ʻo ka Mea mana, ua hana mai ia i nā mea nui noʻu; a he hemolele hoʻi kona inoa. 50 A ʻo kona aloha, mai ia hanauna a ia hanauna aku, i ka poʻe makaʻu iā ia. 51 Ua hōʻike mai ʻo ia i ka mana me kona lima; ua hoʻopuehu ʻo ia i ka poʻe hoʻokiʻekiʻe i ka manaʻo o ko lākou naʻau. 52 Ua hoʻohaʻahaʻa ʻo ia i nā aliʻi mai luna mai o ko lākou mau noho aliʻi; a ua hoʻokiʻekiʻe aʻe hoʻi i ka poʻe haʻahaʻa. 53 Ua hoʻomāʻona ʻo ia i ka poʻe pōloli i nā mea maikaʻi; a ua hoʻokuke aku ʻo ia i ka poʻe waiwai me ka nele. 54 Ua kōkua mai ʻo ia i kāna kauwā iā ʻIseraʻela, me ka hoʻomanaʻo ʻana i kona aloha. 55 E like me kāna ʻōlelo i ko kākou poʻe kūpuna, iā ʻAberahama, a me kāna poʻe mamo a mau loa aku. 56 Noho pū ihola ʻo Maria me ia i ʻekolu paha malama, a laila hoʻi akula i kona hale. 57 A hiki mai ka manawa e hānau ai ʻo ʻElisabeta; a hānau ihola ia i keiki kāne. 58 Lohe ihola kona mau hoalauna, a me kona poʻe hoahānau, i ko ka Haku lokomaikaʻi nui ʻana iā ia; a ʻoliʻoli pū lākou me ia. 59 A i ka walu o ka lā, hele mai lākou e ʻoki poepoe i ke keiki, a kapa akula lākou iā ia ʻo Zakaria, ma muli o ka inoa o kona makua kāne. 60 ʻŌlelo akula kona makuahine, ʻī akula, ʻAʻole pēlā; akā, e kapa ʻia aku nō ia ʻo Ioane. 61 ʻĪ maila lākou iā ia, ʻAʻohe ou hoahānau i kapa ʻia ma kēia inoa. 62 A kūnou akula lākou i kona makuakāne i ka inoa āna i makemake ai e kapa ʻia aku ʻo ia. 63 Noi aku la ia i papa palapala, a kakau iho la, penei, O Ioane kona inoa. A kahaha iho la lakou a pau. 64 A wehe koke ʻia kona waha, a wehe ʻia kona alelo, a ʻōlelo akula ia me ka hoʻomaikaʻi i ke Akua. 65 A kau mai la ka makau maluna o ka poe a pau e noho ana a puni lakou: a laha aku la keia mau mea a pau ma na mauna a pau o Iudea. 66 A ʻo ka poʻe a pau i lohe, ua hoʻopaʻa ihola lākou ia mau mea ma ko lākou mau naʻau, ʻī ihola, He aha lā ke ʻano o kēia keiki? A aia pū ka lima o ka Haku me ia. 67 A ua piha ʻo Zakaria kona makuakāne i ka ʻUhane Hemolele, a wānana maila ʻo ia, ʻī maila, 68 E hoʻomaikaʻi ʻia ka Haku ke Akua o ka ʻIseraʻela; no ka mea, ua ʻike mai ʻo ia a ua hoʻōla hoʻi i kona poʻe kānaka. 69 A ua hoʻāla mai i ka pepeiaohao e hoʻōla ai no kākou, i loko o ka hale o kāna kauwā ʻo Dāvida; 70 E like me kāna i ʻōlelo mai ai ma ka waha o kāna mau kāula hemolele mai ke kumu mai o ke ao nei: 71 I hoʻōla ʻia ai kākou mai ko kākou poʻe ʻenemi mai, a mai ka lima mai o ka poʻe a pau e inaina mai iā kākou; 72 E hana i ke aloha i hoʻohiki ʻia i ko kākou poʻe kūpuna, a e hoʻomanaʻo hoʻi i kāna berita hemolele; 73 I ka hoʻohiki āna i hoʻohiki ai i ko kākou kupuna iā ʻAberahama, 74 I hāʻawi mai ai ʻo ia iā kākou, i ka hoʻopakele ʻia ʻana mai ka lima mai o ko kākou poʻe ʻenemi, e mālama aku iā ia me ka makaʻu ʻole, 75 Me ka hemolele a me ka pono i mua ona, i nā lā a pau o ko kākou ola ʻana. 76 A ʻo ʻoe, e ke keiki, e kapa ʻia ʻoe he kāula na ka Mea Kiʻekiʻe Loa; no ka mea, e hele ana ʻoe i mua o ka maka o ka Haku, e hoʻomākaukau i kona mau alanui; 77 E hāʻawi i ka ʻike i ke ola i kona poʻe kānaka ma ke kala ʻana i ko lākou mau hewa, 78 Ma ka lokomaikaʻi o ko kākou Akua; no ia mea, ua puka mai ka mālamalama mai luna mai iā kākou, 79 E hoʻomālamalama i ka poʻe e noho ana i ka pouli a ma ke aka o ka make, a e alakaʻi i ko kākou mau wāwae ma ke ala o ka maluhia. 80 A ulu aʻela ke keiki, a ikaika aʻela hoʻi ma ka ʻuhane, a noho ihola ma nā wao nahele a hiki i ka lā o kona hōʻike ʻia ʻana i ka ʻIseraʻela.
10