Uila a me ka hekili I kona hoʻoholo ʻana i ke kānāwai no ka ua, a me ke ala no ka uila o ka hekili: A laila ʻike ʻo ia ia mea, a haʻi aku; hoʻomākaukau ʻo ia ia mea, ʻae, a ʻimi akula. A ʻōlelo maila ʻo ia i ke kanaka, Aia hoʻi, ʻo ka makaʻu i ka Haku, ʻo ia ke akamai; a ʻo ka haʻalele ʻana i ka hewa, ʻo ia ka naʻauao. Ioba 28:26-28
Pentateuka ʻŌ akula ʻo Mose i kona koʻokoʻo i ka lani; a hoʻouna maila ʻo Iēhova i ka hekili a me ka huahekili, a holo aʻela ke ahi ma luna o ka honua; a hoʻoua maila ʻo Iēhova i ka huahekili ma luna o ka ʻāina ʻo ʻAigupita. E nonoi aku ʻolua iā Iēhova, (no ka mea, ua lawa ia) i ʻole ai e kuʻi hou mai nā hekili nui a me nā huahekili; a e hoʻokuʻu aku au iā ʻoukou, ʻaʻole ʻoukou e kali hou aku. ʻĪ akula ʻo Mose iā ia, I koʻu puka ʻana aku ma waho o ke kūlanakauhale, e kīkoʻo aku nō wau i koʻu mau lima iā Iēhova; a e pau ka hekili, ʻaʻole hoʻi e huahekili hou mai; i ʻike ai ʻoe, no Iēhova ka honua. Hele akula ʻo Mose ma waho o ke kūlanakauhale mai o Paraʻo aku, a kīkoʻo akula i kona mau lima i mua o Iēhova; a ua pau ke hekili a me ka huahekili, ʻaʻole i ninini hou ʻia mai ka ua ma luna o ka honua. A ʻike ihola ʻo Paraʻo ua pau ka ua, a me ka huahekili, hana hewa hou ihola ia, a hoʻopaʻakikī ihola i kona naʻau, ʻo ia a me kāna poʻe kauwā. ʻEkolu 9:23 , 28-29, 33-34 A i ke kakahiaka o ke kolu o ka lā, he hekili, a he uila, a he ao mānoanoa ma luna o ka mauna, a he leo nui loa ke kani ʻana o ka pū; a haʻalulu ihola nā kānaka a pau ma kahi i hoʻomoana ai. ʻEkolu 19:16 A ʻike akula nā kānaka a pau i ke hekili, a me nā uila, a me ke kani ʻana o ka pū, a me ka mauna e uwahi ana: a ʻike akula nā kānaka, neʻe akula lākou, a kū ma kahi mamao aku. ʻEkolu 20:18
Moʻolelo E wāwahi ʻia nā ʻenemi o Iēhova; Mai ka lani mai e hoʻohekili mai ai ʻo ia ma luna o lākou: E hoʻoponopono ʻo Iēhova i nā wēlau o ka honua; A e hāʻawi mai ʻo ia i ka ikaika i kona aliʻi, A e hoʻokiʻekiʻe hoʻi i ka pepeiaohao o kona mea i poni ʻia. 1 Samuela 2:10 A iā Samuʻela i kaumaha aku ai i ka mōhai kuni, hoʻokokoke mai ko Pilisetia e kaua aku i ka ʻIseraʻela: akā, hoʻohekili maila ʻo Iēhova me ka hekili nui ma luna o ko Pilisetia ia lā, a hoʻopuehu iā lākou; a ua pepehi ʻia lākou i mua o ka ʻIseraʻela. 1 Samuela 7:10 ʻAʻole anei kēia ka ʻohi palaoa i kēia lā? E kāhea aku au iā Iēhova, a e hoʻouna mai ʻo ia i ka hekili a me ka ua, i ʻike ai ʻoukou a ʻike hoʻi i ka nui o ko ʻoukou hewa a ʻoukou i hana ai i mua o Iēhova, i