Joshua MOKUNA 1 1 ¶ A ma hope iho o ka make ʻana o Mose ke kauwā a Iēhova, ʻōlelo maila ʻo Iēhova iā Iosua ke keiki a Nuna, ke kauwā a Mose, ʻī maila, 2 Ua make o Mose kuu kauwa; ʻĀnō hoʻi, e kū aʻe ʻoe, e hele ma kēlā ʻaoʻao o kēia Ioredane, ʻo ʻoe, a me kēia poʻe kānaka a pau, i ka ʻāina aʻu e hāʻawi aku ai iā lākou, i nā mamo a ʻIseraʻela. 3 O na wahi a pau a ko oukou kapuwai e hehi ai, oia ka'u i haawi aku ai no oukou, e like me ka'u i olelo aku ai ia Mose. 4 Mai ka waonahele a mai Lebanona nei a hiki i ka muliwai nui, ʻo ia ka muliwai ʻo ʻEuperate, ʻo ka ʻāina a pau o ka Heta, a hiki i ke kai nui ma ka napoʻo ʻana o ka lā, ʻo ia ko ʻoukou mokuna. 5 ʻAʻole hiki i kekahi ke kū i mua ou i nā lā a pau o kou ola ʻana: me aʻu i noho pū ai me Mose, pēlā nō wau me ʻoe: ʻaʻole au e haʻalele iā ʻoe, ʻaʻole hoʻi e haʻalele iā ʻoe. 6 E ikaika oe a e koa hoi; 7 E ikaika oe, a e koa loa hoi, e malama e hana e like me ke kanawai a pau a Mose ka'u kauwa i kauoha aku ai ia oe; 8 Aole e lilo keia buke o ke kanawai mai kou waha aku; aka, e noonoo oe ia mea i ke ao a me ka po, i malama oe e hana e like me na mea a pau i kakauia malaila; 9 Aole anei au i kauoha aku ia oe? E ikaika a e koa hoi; mai makaʻu, ʻaʻole hoʻi e weliweli: no ka mea, me ʻoe pū ʻo Iēhova kou Akua i nā wahi āu e hele ai. 10 A laila, kauoha aʻela ʻo Iosua i nā luna o kānaka, ʻī akula, 11 E hele aʻe ʻoe ma waena o ka pūʻali, a e kauoha aku i nā kānaka, e ʻī aku, E hoʻomākaukau ʻoukou i ʻai na ʻoukou; no ka mea, i na la ekolu e hele ai oukou ma kela kapa o Ioredane, e komo i ka aina a Iehova ko oukou Akua i haawi mai ai e noho. 12 A i ka Reubena, a me ka Gada, a me ka ohana hapa a Manase, olelo mai la o Iosua, i mai la, 13 E hoomanao i ka olelo a Mose ke kauwa a Iehova i kauoha mai ai ia oukou, i ka i ana mai, Ua hoomaha mai o Iehova ko oukou Akua ia oukou, a ua haawi mai hoi i keia aina no oukou. 14 ʻO kā ʻoukou poʻe wāhine, a me kā ʻoukou poʻe kamaliʻi, a me kā ʻoukou holoholona, e noho nō lākou ma ka ʻāina a Mose i hāʻawi mai ai iā ʻoukou ma kēia ʻaoʻao o Ioredane; akā, e hele mākaukau ʻoukou i mua o ko ʻoukou poʻe hoahānau, nā kānaka koa ikaika a pau, a e kōkua aku iā lākou; 15 A hoomaha mai o Iehova i ko oukou poe hoahanau, e like me kana i haawi mai ai ia oukou, a loaa ia lakou ka aina a Iehova ko oukou Akua i haawi mai ai no lakou; 16 Olelo mai la lakou ia Iosua, i mai la, O na mea a pau au e kauoha mai ai ia makou, e hana no makou, a ma na wahi a pau au e hoouna aku ai ia makou, e hele no makou. 17 E like me mākou i hoʻolohe iā Mose ma nā mea a pau, pēlā mākou e hoʻolohe aku ai iā ʻoe; 18 ʻO kēlā mea kēia mea e kipi i kāu kauoha, ʻaʻole hoʻi e hoʻolohe i kāu mau ʻōlelo ma nā mea a pau āu e kauoha aku ai iā ia, e pepehi ʻia ʻo ia;
MOKUNA 2 1 ¶ Hoʻouna akula ʻo Iosua, ke keiki a Nuna i nā kānaka ʻelua, mai Sitima mai e kiu malu, ʻī akula, E hele ʻoukou e mākaʻikaʻi i ka ʻāina, iā Ieriko. Hele aku la laua a hiki i ka hale o ka wahine hookamakama, o Rahaba kona inoa, a moe iho la ilaila. 2 A haʻi ʻia aku i ke aliʻi o Ieriko, ʻī akula, Aia hoʻi, ua hele mai nā kānaka i ʻaneʻi i kēia pō o nā mamo a ʻIseraʻela e mākaʻikaʻi i ka ʻāina. 3 Hoʻouna akula ke aliʻi o Ieriko iā Rahaba, ʻī akula, E lawe mai i waho i nā kānaka i hele mai i ou lā, i komo i loko o kou hale; 4 Lawe aʻela ka wahine i ua mau kānaka lā ʻelua, a hūnā iā lāua, ʻī akula penei, Ua hele mai nā kānaka iaʻu, ʻaʻole au i ʻike i ko lāua wahi i hele mai ai. 5 A i ka manawa e pani ʻia ai ka puka, a pōʻeleʻele, hele akula nā kānaka i waho: ʻaʻole au i ʻike i kahi i hele ai ua mau kānaka lā; no ka mea, e loaa auanei ia oukou. 6 Akā, ua lawe aʻela ʻo ia iā lāua i luna o ka hale, a hūnā iā lāua me nā ʻōpala olonā āna i hoʻonohonoho ai ma luna o ka hale. 7 Hahai akula nā kānaka ma hope o lāua ma ke ala e hiki aku ai i Ioredane, a hiki i nā kapa; 8 Ma mua o ko lāua moe ʻana, piʻi maila ʻo ia i o lāua lā ma luna o ka hale; 9 I mai la ia i ua mau kanaka la, Ua ike au ua haawi mai o Iehova i ka aina no oukou, a ua hiki mai ka weliweli o oukou maluna o makou, a ua maule na kanaka a pau o ka aina ia oukou. 10 No ka mea, ua lohe makou i ka hoomaloo ana o Iehova i ka wai o ke Kaiula no oukou, i ko oukou hele ana mai Aigupita mai; a me ka mea a oukou i hana aku ai i na'lii elua o ka Amora ma kela aoao o Ioredane, ia Sihona a me Oga, na mea a oukou i luku ai. 11 A i ko makou lohe ana i keia mau mea, maule iho la ko makou naau, aole i koe ka wiwo ole iloko o kekahi kanaka, no oukou; 12 ʻĀnō hoʻi, ke noi aku nei au iā ʻoukou, e hoʻohiki mai ʻoukou iaʻu ma o Iēhova lā, no koʻu lokomaikaʻi ʻana aku iā ʻoukou, e lokomaikaʻi ʻoukou i ko ka hale o koʻu makua kāne, a e hāʻawi mai ʻoukou iaʻu i hōʻailona ʻoiaʻiʻo. 13 A e hoola oukou i ko'u makuakane, a me ko'u makuwahine, a me ko'u mau kaikunane, a me ko'u mau kaikuwahine, a me ko lakou mea a pau, a e hoopakele i ko makou ola i ka make. 14 ʻĪ maila nā kānaka iā ia, No kou ola ko māua, ke haʻi ʻole ʻoe i kēia ʻoihana a māua. A hiki i ka wa e haawi mai ai o Iehova i ka aina no makou, e hana lokomaikai aku makou ia oe. 15 A laila ma ke kaula ʻo ia i kuʻu iho ai iā lāua i lalo, ma ka puka makani; 16 ʻĪ maila ʻo ia iā lāua, E hele ʻolua i ka mauna, o hālāwai mai ka poʻe hahai iā ʻolua; a peʻe ʻolua i laila i nā lā ʻekolu, a hoʻi mai ka poʻe hahai; 17 ʻĪ maila nā kānaka iā ia, E hala ʻole māua i kēia hoʻohiki ʻana āu i hoʻohiki ai iā māua. 18 Aia hoʻi, a hiki mākou i ka ʻāina, e nakinaki ʻoe i kēia kaula ʻulaʻula ma ka puka makani āu i hoʻokuʻu iho ai iā māua; 19 A o ka mea e puka aku iwaho o na puka o kou hale a i ke alanui, maluna iho o kona poo kona koko, a e hala ole