2 Na'lii MOKUNA 1 1 ¶ A laila kipi aʻela ʻo Moaba i ka ʻIseraʻela ma hope o ka make ʻana o ʻAhaba. 2 A hāʻule ihola ʻo ʻAhazia i lalo ma ka puka makani ma kona keʻena luna ma Samaria, a maʻi ihola ia: a hoʻouna akula ia i nā ʻelele, a ʻī akula iā lākou, E hele ʻoukou, e nīnau iā Baʻalazebuba ke akua o ʻEkerona i koʻu ola ʻana i kēia maʻi. 3 Akā, ʻōlelo maila ka ʻānela o Iēhova iā ʻElia no Tiseba, E kū aʻe ʻoe, e piʻi aku e hālāwai me nā ʻelele o ke aliʻi o Samaria, a e ʻōlelo aku iā lākou, No ka nele anei o ka ʻIseraʻela i ke Akua, i hele ai ʻoukou e nīnau iā Baʻalazebuba ke akua o ʻEkerona? 4 No laila, ke ʻōlelo mai nei ʻo Iēhova penei, ʻAʻole ʻoe e iho i lalo mai kahi moe āu i piʻi aku ai, akā, e make ʻiʻo nō ʻoe. A hele aku la o Elia. 5 A i ka hoʻi ʻana o nā ʻelele i ona lā, ʻī akula ʻo ia iā lākou, No ke aha lā ʻoukou i hoʻi mai nei? 6 I aku la lakou ia ia, Pii mai la kekahi kanaka e halawai me makou, a i mai la ia makou, E hele, e hoi hou i ke alii nana oukou i hoouna mai, a e olelo aku ia ia, Ke olelo mai nei o Iehova penei, No ka nele anei o ka Iseraela i ke Akua, i hoouna aku ai oe e ninau ia Baalazebuba ke akua o Ekerona? no laila, ʻaʻole ʻoe e iho i lalo mai kahi moe āu i piʻi ai, akā, e make ʻiʻo nō ʻoe. 7 ʻĪ maila ʻo ia iā lākou, He aha ke ʻano o ke kanaka i piʻi mai e hālāwai me ʻoukou, a haʻi mai iā ʻoukou i kēia mau ʻōlelo? 8 I mai la lakou ia ia, He kanaka huluhulu ia, a ua kaeiia kona puhaka i ke kaei ili. I mai la ia, O Elia no Tiseba. 9 A laila hoʻouna akula ke aliʻi i ona lā i luna kanalima me kona poʻe he kanalima. Piʻi akula ia i ona lā: aia hoʻi, e noho ana ia ma luna pono o ka puʻu. ʻŌlelo akula ʻo ia iā ia, E ke kanaka o ke Akua, ua ʻī mai ke aliʻi, E iho ʻoe i lalo. 10 ʻŌlelo maila ʻo ʻElia, ʻī akula i ka luna kanalima, Inā he kanaka wau no ke Akua, e iho mai ke ahi mai ka lani mai, a e hoʻopau iā ʻoe a me kou poʻe he kanalima. Iho mai la ke ahi mai ka lani mai, a hoopau iho la ia ia a me kona poe kanalima. 11 Hoʻouna hou akula ʻo ia i ona lā i luna kanalima ʻē aʻe me kona poʻe he kanalima. ʻŌlelo akula ia, ʻī akula iā ia, E ke kanaka o ke Akua, ke ʻōlelo mai nei ke aliʻi penei, E iho koke ʻoe i lalo. 12 ʻŌlelo maila ʻo ʻElia, ʻī akula iā lākou, Inā he kanaka wau no ke Akua, e iho mai ke ahi mai ka lani mai, a e hoʻopau iā ʻoe a me kou poʻe he kanalima. Iho mai la ke ahi o ke Akua mai ka lani mai, a hoopau iho la ia ia a me kona poe kanalima. 13 Hoʻouna hou akula ia i luna o ke kolu o ke kanalima me kona kanalima. Piʻi aʻela ke kolu o ka luna kanalima, a hele mai, a kukuli ihola i mua o ʻElia, a noi akula iā ia, ʻī akula iā ia, E ke kanaka o ke Akua, ke noi aku nei au iā ʻoe, e lilo koʻu ola a me ke ola o kēia poʻe kauā he kanalima i mea nui i kou maka. 14 Aia hoi, ua iho mai ke ahi mai ka lani mai, a hoopau iho la i na luna kanalima elua mamua me ko laua mau kanalima;
15 ʻĪ maila ka ʻānela o Iēhova iā ʻElia, E iho ʻoe i lalo me ia: mai makaʻu ʻoe iā ia. Kū aʻela ia, a iho pū me ia i ke aliʻi. 16 ʻĪ akula ʻo ia iā ia, Ke ʻōlelo mai nei ʻo Iēhova penei, No kou hoʻouna ʻana aku i nā ʻelele e nīnau iā Baʻalazebuba ke akua o ʻEkerona, ʻaʻole anei he Akua i loko o ka ʻIseraʻela e nīnau ai i kāna ʻōlelo? no laila, ʻaʻole ʻoe e iho i lalo mai kahi moe āu i piʻi ai, akā, e make ʻiʻo nō ʻoe. 17 A make iho la ia e like me ka olelo a Iehova a Elia i olelo mai ai. A noho alii iho la o Iehorama ma kona hakahaka, i ka lua o ka makahiki o Iehorama ke keiki a Iehosapata ke alii o ka Iuda; no ka mea, aohe ana keiki. 18 A o na hana i koe a Ahazia ana i hana'i, aole anei i kakauia lakou iloko o ka buke oihanaalii a na'lii o ka Iseraela? MOKUNA 2 1 ¶ A i ka wa a Iehova i lawe aku ai ia Elia i ka lani ma ka puahiohio, hele pu aku la o Elia me Elisai mai Gilegala mai. 2 I aku la o Elia ia Elisai, Ke noi aku nei au ia oe, e noho oe maanei; no ka mea, ua hoouna mai o Iehova ia'u i Betela. I mai la o Elisai ia ia, Ma ke ola o Iehova, a ma ke ola o kou uhane, aole au e haalele ia oe. A iho aku la lakou i Betela. 3 A hele mai na keiki a ka poe kaula ma Betela io Elisai la, i aku la ia ia, Ua ike anei oe e lawe auanei o Iehova i keia la i kou haku mai kou poo aku? I mai la kela, Ae, ua ike au; e hamau oukou. 4 I aku la o Elia ia ia, E Elisai, ke noi aku nei au ia oe, e noho oe maanei; no ka mea, ua hoouna mai o Iehova ia'u i Ieriko. ʻĪ maila kēlā, Ma ke ola o Iēhova, a ma ke ola o kou ʻuhane, ʻaʻole au e haʻalele iā ʻoe. A hiki lakou i Ieriko. 5 A hele mai na keiki a ka poe kaula ma Ieriko io Elisai la, i mai la ia ia, Ua ike anei oe e lawe auanei o Iehova i keia la i kou haku mai kou poo aku? ʻĪ maila kēlā, ʻAe, ua ʻike au; e hamau oukou. 6 ʻĪ akula ʻo ʻElia iā ia, Ke noi aku nei au iā ʻoe, e noho ʻoe ma ʻaneʻi; no ka mea, ua hoouna mai o Iehova ia'u i Ioredane. ʻĪ maila kēlā, Ma ke ola o Iēhova, a ma ke ola o kou ʻuhane, ʻaʻole au e haʻalele iā ʻoe. A hele aku la laua. 7 A hele aku la na kanaka he kanalima no na haumana a ka poe kaula, a ku ma kahi mamao aku, a ku laua elua ma Ioredane. 8 Lawe aʻela ʻo ʻElia i kona ʻaʻahu, a ʻōpiʻi ihola, a hahau ihola i ka wai, a māhele ʻia lāua ma ʻō a ma ʻō, a hele lāua ʻelua ma ka ʻāina maloʻo. 9 A i ko laua hala ana aku, i aku la o Elia ia Elisai, E noi mai oe i ka'u mea e hana aku ai nou, mamua o kuu laweia'ku mai ou aku la. ʻĪ maila ʻo ʻElisai, Ke noi aku nei au iā ʻoe, e kau ʻia ma luna oʻu ka ʻāpana pālua o kou ʻuhane. 10 ʻĪ maila kēlā, He mea paʻakikī kāu i noi mai nei; aka, ina aole, aole pela. 11 A i ko laua hele ana e kamailio ana, aia hoi, ikeia mai la he halekaa ahi, a me na lio ahi, a hookaawale ae la ia laua; a pii aku la o Elia ma ka puahiohio i ka lani. 12 A ike aku la o Elisai, auwe aku la ia, E kuu makua, e kuu makua, o ka halekaa o ka Iseraela, a me na hoohololio ona. ʻAʻole ʻo ia i ʻike hou aku iā ia, lālau ihola ia i kona ʻaʻahu, a haehae ihola i ʻelua ʻāpana.