Nā Hōkū ma nā Palapala Hemolele I koʻu noʻonoʻo ʻana i kou mau lani, ka hana a kou mau manamana lima, I ka mahina a me nā hōkū āu i hoʻonohonoho ai; He aha ke kanaka i hoʻomanaʻo mai ai ʻoe iā ia? A ʻo ke keiki a ke kanaka, i ʻike mai ai ʻoe iā ia? Halelu 8:3-4
Pentateuka Hana ihola ke Akua i nā mālamalama nui ʻelua; ʻo ka mālamalama nui e aliʻi ai no ke ao, a ʻo ka mālamalama liʻiliʻi e aliʻi ai no ka pō: hana ihola hoʻi ʻo ia i nā hōkū. Kinohi 1:16 Kai aku la oia ia ia mawaho, i mai la, E nana aku oe i ka lani, e helu i na hoku, ina e hiki ia oe ke helu: i mai la kela ia ia, Pela auanei kau poe mamo. Kinohi 15:5 I ka hoʻomaikaʻi ʻana aku e hoʻopōmaikaʻi aku au iā ʻoe, a i ka hoʻonui ʻana aku e hoʻonui aku au i kāu poʻe mamo e like me nā hōkū o ka lani, a me ke one ma kahakai; a e loaʻa i kāu poʻe mamo ka ʻīpuka o kona poʻe ʻenemi; Kinohi 22:17 A e hoʻonui aku au i kāu poʻe mamo e like me nā hōkū o ka lani, a e hāʻawi aku au i kēia mau ʻāina a pau no kāu poʻe mamo; a ma kāu poʻe mamo e hoʻopōmaikaʻi ʻia ai nā lāhui kanaka a pau o ka honua; Kinohi 26:4 A moeʻuhane hou ihola ia i ka moeʻuhane, a haʻi akula i kona poʻe kaikuaʻana, ʻī akula, Eia hoʻi, ua moeʻuhane hou au i ka moeʻuhane; a ua kūlou mai iaʻu ka lā, a me ka mahina, a me nā hōkū he ʻumikumamākahi. Kinohi 37:9 E hoʻomanaʻo iā ʻAberahama, iā ʻIsaʻaka, iā ʻIseraʻela, i kāu mau kauwā, iā lākou i hoʻohiki ai ʻoe ma ou iho; a ʻōlelo mai iā lākou, E hoʻonui au i kā ʻoukou poʻe mamo e like me nā hōkū o ka lani; a ʻo kēia ʻāina a pau aʻu i ʻōlelo ai, naʻu nō e hāʻawi aku no kā ʻoukou poʻe mamo, a e noho mau loa aku lākou ma ia ʻāina. ʻEkolu 32:13 E ʻike aku au iā ia, ʻaʻole naʻe i kēia manawa: E ʻike aku au iā ia, ʻaʻole naʻe kokoke: E puka mai ana kahi Hōkū mai Iakoba mai, A e kū mai ana hoʻi ke Koʻokoʻo mai ʻIseraʻela mai, A e hahau aku ia i nā kihi o Moaba, A e luku aku i nā keiki a pau a Seta. Nā Helu 24:17 Ua hoʻonui mai ʻo Iēhova ko ʻoukou Akua iā ʻoukou, aia hoʻi, ua like ʻoukou i kēia lā me nā hōkū o ka lani, he nui loa. Deuteronomi 1:10