ʻO Sātana a me nā Diabolo E kūoʻo, e makaʻala; no ka mea, ʻo ko ʻoukou ʻenemi, ʻo ka diabolo, e like me ka liona e uwo ana, ke holoholo nei, e ʻimi ana i kāna mea e ʻai ai: 1 Petero 5:8
Pentateuka Kinohi 3:1-15 1 ʻOi aku ka maalea o ka nahesa ma mua o nā holoholona a pau o ke kula a Iēhova ke Akua i hana ai. ʻĪ maila ia i ka wahine, ʻAe, ua ʻōlelo mai anei ke Akua, ʻAʻole ʻolua e ʻai i ko nā lāʻau a pau o ka mahina ʻai? 2 ʻĪ akula ka wahine i ka nahesa, E pono nō māua ke ʻai i ka hua o nā lāʻau o ka mahina ʻai: 3 Akā, ʻo ka hua o ka lāʻau i waenakonu o ke kīhāpai, ua ʻōlelo mai ke Akua, Mai ʻai ʻolua ia mea, ʻaʻole hoʻi e hoʻopā aku, o make ʻolua. 4 ʻŌlelo maila ka nahesa i ka wahine, ʻAʻole ʻoiaʻiʻo e make ʻolua. 5 No ka mea, ua ʻike nō ke Akua, a i ka lā e ʻai ai ʻolua ia mea, a laila e hoʻokaʻakaʻa ʻia ko ʻolua mau maka, a e like ʻolua me ke Akua, e ʻike ana i ka pono a me ka hewa. 6 A ʻike aʻela ka wahine, he ʻono ka lāʻau i mea ʻai, a he ʻoluʻolu hoʻi i nā maka, a he lāʻau makemake ʻia e hoʻonaʻauao ai, lālau ihola ia i kona hua, ʻai ihola, a hāʻawi akula hoʻi na kāna kāne me ia, a ʻai ihola nō hoʻi ʻo ia. 7 A wehe ʻia aʻela nā maka o lāua ʻelua, a ʻike ihola lāua ua ʻōlohelohe lāua; humuhumu ihola lāua i nā lau fiku a hana ihola i mau ʻaʻahu no lāua iho. 8 A lohe lāua i ka leo o Iēhova ke Akua e hele ana ma ka mahina ʻai i ka wā anuanu o ke ao: a peʻe ihola ʻo ʻAdamu a me kāna wahine iā lāua iho mai ke alo aku o Iēhova ke Akua ma waena o nā lāʻau o ka mahina ʻai. 9 Hea mai la o Iehova ke Akua ia Adamu, i mai la ia ia, Auhea oe? 10 ʻĪ akula ia, Ua lohe au i kou leo i loko o ka māla, a makaʻu ihola au, no ka mea, ua ʻōlohelohe au, a peʻe ihola au. 11 ʻĪ maila kēlā, Na wai i haʻi mai iā ʻoe ua ʻōlohelohe ʻoe? Ua ʻai anei ʻoe i ko ka lāʻau aʻu i kauoha aku ai iā ʻoe, Mai ʻai ʻoe? 12 ʻĪ akula ke kanaka, Na ka wahine āu i hāʻawi mai ai e noho me aʻu, nāna nō i hāʻawi mai iaʻu i ko ka lāʻau, a ʻai ihola au. 13 ʻĪ maila ʻo Iēhova ke Akua i ka wahine, He aha kēia āu i hana ai? ʻĪ akula ka wahine, Na ka nahesa wau i hoʻowalewale mai, a ʻai ihola au.
ʻO Sātana a me nā Diabolo
E kūoʻo, e makaʻala; no ka mea, ʻo ko ʻoukou ʻenemi, ʻo ka diabolo, e like me ka liona e uwo ana, ke holoholo nei, e ʻimi ana i kāna mea e ʻai ai: 1 Petero 5:8
14 ʻĪ akula ʻo Iēhova ke Akua i ka nahesa, No kāu hana ʻana i kēia, e ʻoi aku kou ʻāhewa ʻia ma mua o nā holoholona a pau, a ma mua o nā holoholona hihiu a pau o ke kula; ma luna o kou ʻōpū ʻoe e kolo ai, a ʻo ka lepo kāu e ʻai ai i nā lā a pau o kou ola ʻana. 15 A e hoʻokau aku au i ka ʻenemi ma waena ou a me ka wahine, a ma waena hoʻi o kāu hua a me kāna hua; nāna e paopao i kou poʻo, a nau hoʻi e paopao i kona kuʻekuʻe wāwae. ʻAʻole lākou e kaumaha hou aku i kā lākou mau mōhai i nā daimonio, ka poʻe a lākou i hele moekolohe ai. He kānāwai mau loa kēia no lākou i ko lākou mau hanauna. Levitiko 17:7 Ua mōhai aku lākou i nā daimonio, ʻaʻole i ke Akua; i nā akua a lākou i ʻike ʻole ai, i nā akua hou i puka hou mai, ka poʻe i makaʻu ʻole ʻia e ko ʻoukou poʻe kūpuna. Deuteronomi 32:17
Moʻolelo A kū aʻela ʻo Sātana e kūʻē i ka ʻIseraʻela, a hoʻonāukiuki iā Dāvida e helu i ka ʻIseraʻela. 1 ʻOihana Aliʻi 21:1 A hoʻonoho ʻo ia nona i nā kāhuna no nā wahi kiʻekiʻe, a no nā daimonio, a no nā keiki bipi āna i hana ai. 2 ʻOihana Aliʻi 11:15
Nā mele Ioba 1:1-22 1 Aia kekahi kanaka ma ka ʻāina ʻo ʻUza, ʻo Ioba kona inoa; ua pono, ua pololei hoʻi ua kanaka lā, a ua makaʻu i ke Akua, a ua haʻalele i ka hewa. 2 A ua hānau ʻia nāna nā keiki kāne ʻehiku a me nā kaikamahine ʻekolu. 3 ʻO kāna waiwai hoʻi, ʻehiku tausani hipa, ʻekolu tausani kāmelo, ʻelima haneri bipi kāne hoʻokahi, ʻelima haneri hoki wahine, a me ka ʻohana nui loa; no laila, ʻo ia ke kanaka nui loa ma mua o nā kānaka a pau o ka hikina. 4 A hele akula kāna mau keiki kāne, a ʻahaʻaina ihola ma ko lākou mau hale, ʻo kēlā mea kēia mea o lākou i kona lā iho; a hoʻouna akula lākou a kāhea aku i ko lākou mau kaikuahine ʻekolu e ʻai pū a e inu pū me lākou. 5 A i ka pau ʻana o nā lā o kā lākou ʻahaʻaina ʻana, hoʻouna akula ʻo Ioba a hoʻolaʻa iā lākou, a ala aʻela i kakahiaka nui, a kaumaha akula i nā mōhai kuni e like me ka nui o lākou a pau; no ka mea, ʻī ihola ʻo Ioba, Malia paha ua hana hewa kaʻu mau keiki kāne, a ua hōʻino i ke Akua ma ko lākou naʻau. Pēlā ʻo Ioba i hana mau ai. 6 A i kekahi lā, i ka wā i hele mai ai nā keiki a ke Akua e hōʻike iā lākou iho i mua o Iēhova, hele pū maila ʻo Sātana i waena o lākou. 7 ʻĪ maila ʻo Iēhova iā Sātana, No hea mai ʻoe? A laila ʻōlelo akula ʻo Sātana iā Iēhova, ʻī akula, Mai ka ʻauwana ʻana ma ka honua, a mai ka hele ʻana i ʻō a i ʻaneʻi ma laila. 8 ʻŌlelo maila ʻo Iēhova iā Sātana, Ua noʻonoʻo anei ʻoe i kaʻu kauwā iā Ioba, ʻaʻohe mea e like me ia ma ka honua, he kanaka pono a pololei hoʻi, ka mea i makaʻu i ke Akua, a ua haʻalele i ka hewa? 9 A laila ʻōlelo akula ʻo Sātana iā Iēhova, ʻī akula, Ke makaʻu wale nei anei ʻo Ioba i ke Akua? 10 ʻAʻole anei ʻoe i hana i ka pā a puni iā ia, a me kona hale, a me kāna mau mea a pau ma nā ʻaoʻao a pau? Ua hoʻopōmaikaʻi ʻoe i ka hana a kona mau lima, a ua hoʻonui ʻia kāna waiwai ma ka ʻāina. 11 Akā, e kīkoʻo aku ʻoe i kou lima, a e hoʻopā i kāna mau mea a pau, a e hōʻino aku ʻo ia iā ʻoe i mua o kou maka. 12 ʻĪ maila ʻo Iēhova iā Sātana, Aia hoʻi, aia i loko o kou lima kāna mau mea a pau; akā, mai kau aku ʻoe i kou lima ma luna ona iho. A hele akula ʻo Sātana mai ke alo aku o Iēhova.
2
ʻO Sātana a me nā Diabolo
E kūoʻo, e makaʻala; no ka mea, ʻo ko ʻoukou ʻenemi, ʻo ka diabolo, e like me ka liona e uwo ana, ke holoholo nei, e ʻimi ana i kāna mea e ʻai ai: 1 Petero 5:8
13 A i kekahi lā, i ka wā e ʻai ana kāna mau keiki kāne a me kāna mau kaikamāhine a e inu ana i ka waina i loko o ka hale o ko lākou kaikuaʻana hiapo; 14 A hele mai kekahi ʻelele iā Ioba, ʻī maila, E ʻō palau ana nā bipi kāne, a e ʻai ana nā hoki wahine ma ko lākou ʻaoʻao; 15 A lele maila ka poʻe Seba ma luna o lākou, a lawe pio akula iā lākou; ʻoiaʻiʻo, ua pepehi lākou i nā kauwā me ka maka o ka pahi kaua; a ʻo wau wale nō ka mea i pakele e haʻi aku iā ʻoe. 16 A i kāna ʻōlelo ʻana, hele maila kekahi, ʻī maila, Ua hāʻule mai ke ahi a ke Akua mai ka lani mai, a ua hoʻopau i nā hipa a me nā kauwā, a ua hoʻopau iā lākou; a ʻo wau wale nō ka mea i pakele e haʻi aku iā ʻoe. 17 A i kāna ʻōlelo ʻana, hele mai kekahi, ʻī maila, Ua hoʻonohonoho ka poʻe Kaledea i ʻekolu poʻe, a lele akula ma luna o nā kāmelo, a lawe pio akula iā lākou, a pepehi ihola i nā kauwā me ka maka o ka pahi kaua; a ʻo wau wale nō kaʻu i pakele e haʻi aku iā ʻoe. 18 I kāna ʻōlelo ʻana, hele maila kekahi, ʻī maila, ʻO kāu mau keiki kāne a me kāu mau kaikamahine, e ʻai ana a e inu waina ana i loko o ka hale o ko lākou kaikuaʻana; 19 Aia hoʻi, hiki maila ka makani ikaika mai ka wao nahele mai, a pā mai i nā kihi ʻehā o ka hale, a hiolo ihola ia ma luna o nā kānaka ʻōpiopio, a ua make lākou; a ʻo wau wale nō ka mea i pakele e haʻi aku iā ʻoe. 20 A laila kū aʻela ʻo Ioba, haehae ihola i kona ʻaʻahu, ʻumiʻumi ihola i kona poʻo, a moe ihola i lalo i ka honua, a hoʻomana akula, 21 ʻĪ ihola, Ua hele ʻōlohelohe mai au mai ka ʻōpū mai o koʻu makuahine, a e hoʻi ʻōlohelohe aku nō wau i laila: na Iēhova i hāʻawi mai, a na Iēhova i lawe aku; e hoʻomaikaʻi ʻia ka inoa ʻo Iēhova. 22 Ma kēia mau mea a pau, ʻaʻole i hana hewa ʻo Ioba, ʻaʻole hoʻi i hoʻopiʻi wale aku i ke Akua. Ioba 2:1-7 1 A I kekahi lā hoʻi i hele mai ai nā keiki a ke Akua e hōʻike iā lākou iho i mua o Iēhova, a hele mai hoʻi ʻo Sātana i waena o lākou e hōʻike iā ia iho i mua o Iēhova. 2 ʻĪ maila ʻo Iēhova iā Sātana, No hea mai ʻoe? ʻŌlelo akula ʻo Sātana iā Iēhova, ʻī akula, Mai ka ʻauwana ʻana ma ka honua, a mai ka hele ʻana i ʻō a i ʻaneʻi ma laila. 3 ʻŌlelo maila ʻo Iēhova iā Sātana, Ua noʻonoʻo anei ʻoe i kaʻu kauwā ʻo Ioba, ʻaʻohe mea like me ia ma ka honua, he kanaka pono a pololei hoʻi, ka mea i makaʻu i ke Akua, a haʻalele i ka hewa? A ke hoʻopaʻa nei nō ʻo ia i kona pono, ʻoiai ua hoʻoikaika mai ʻoe iaʻu e kūʻē iā ia, e luku aku iā ia me ke kumu ʻole. 4 ʻŌlelo akula ʻo Sātana iā Iēhova, ʻī akula, ʻIli no ka ʻili, ʻoiaʻiʻo, ʻo nā mea a pau a ke kanaka, ʻo ia kāna e hāʻawi aku ai no kona ola. 5 Akā, e kīkoʻo aku ʻoe i kou lima ʻānō, a e hoʻopā aku i kona iwi a me kona ʻiʻo, a e hōʻino mai ʻo ia iā ʻoe i mua o kou maka. 6 ʻĪ maila ʻo Iēhova iā Sātana, Aia hoʻi, aia nō ia i loko o kou lima; akā, e mālama ʻoe i kona ola. 7 A hele akula ʻo Sātana mai ke alo aku o Iēhova, a hahau akula iā Ioba i nā maʻi hēhē ʻeha, mai ka poho o kona wāwae a hiki i kona piko. ʻAe, ua mōhai aku lākou i kā lākou mau keiki kāne a me kā lākou mau kaikamāhine i nā daimonio, Halelu 106:37. A ua uku mai lākou iaʻu i ka hewa no ka maikaʻi, a me ka inaina no koʻu aloha. E hoʻonoho i ke kanaka hewa ma luna ona: a e kū ʻo Sātana ma kona lima ʻākau. Halelu 109:5-6
Wānana Auē kou hāʻule ʻana mai ka lani mai, e Lucifero, ke keiki a ke kakahiaka! Auē kou kua ʻia ʻana i lalo i ka honua, ka mea nāna i hoʻonāwaliwali i nā lāhui kanaka! No ka mea, ua ʻōlelo ʻoe i loko o kou 3
ʻO Sātana a me nā Diabolo
E kūoʻo, e makaʻala; no ka mea, ʻo ko ʻoukou ʻenemi, ʻo ka diabolo, e like me ka liona e uwo ana, ke holoholo nei, e ʻimi ana i kāna mea e ʻai ai: 1 Petero 5:8
naʻau, E piʻi aku au i ka lani, E hoʻokiʻekiʻe au i koʻu noho aliʻi ma luna o nā hōkū o ke Akua: E noho nō hoʻi au ma luna o ka mauna o ke anaina kanaka, ma nā ʻaoʻao ʻākau: E piʻi aku au ma luna o nā kiʻekiʻe o nā ao; E like au me ka Mea Kiʻekiʻe Loa. Akā, e lawe ʻia ʻoe i lalo i ka lua, i nā ʻaoʻao o ka lua. ʻIsaia 14:12-15 ʻEzek. 28:11-19 11 A hiki mai la ka olelo a Iehova ia'u, i mai la, 12 E ke keiki a ke kanaka, e hoʻomaka i ke kanikau no ke aliʻi o Turo, a e ʻōlelo aku iā ia, Ke ʻī mai nei ʻo Iēhova ka Haku penei; Ua hōʻailona ʻoe i ka nui, piha i ke akamai, a hemolele hoʻi i ka nani. 13 Ma ʻEdena ʻoe, ka māla o ke Akua; ʻo nā pōhaku makamae a pau kou uhi, ʻo ka saredio, ke topaza, a me ke daimana, ka berila, ka ʻonika, a me ka iasepi, ka sapeira, ka ʻemerala, ka ʻarekakela, a me ke gula: ʻo ka hana ʻana o kāu mau pahu kani a me kāu mau ʻohe, ua hoʻomākaukau ʻia i loko ou i ka lā i hana ʻia ai ʻoe. 14 ʻO ʻoe nō ke keruba i poni ʻia e uhi ana; a ua hoʻonoho au iā ʻoe pēlā: aia ʻoe ma luna o ka mauna hoʻāno o ke Akua; ua hele ʻoe i luna a i lalo ma waenakonu o nā pōhaku ahi. 15 Ua hemolele ʻoe i kou mau ʻaoʻao mai kou lā i hana ʻia ai, a hiki i ka loaʻa ʻana o ka hewa i loko ou. 16 Ma ka nui o kāu waiwai kūʻai, ua hoʻopiha lākou i waenakonu ou me ka hana ʻino, a ua hana hewa ʻoe; no laila, e hoʻolei aku au iā ʻoe me he mea haumia lā mai ka mauna o ke Akua mai: a e luku aku au iā ʻoe, e ke keruba e uhi ana, mai waenakonu aku o nā pōhaku ahi. 17 Ua hoʻokiʻekiʻe ʻia kou naʻau no kou nani, ua hoʻohaumia ʻoe i kou naʻauao no kou ʻālohilohi: e hoʻolei aku au iā ʻoe i ka lepo, e hoʻomoe aku au iā ʻoe i mua o nā aliʻi, i ʻike aku ai lākou iā ʻoe. 18 Ua hoʻohaumia ʻoe i kou mau wahi hoʻāno ma ka nui o kou mau hewa, ma ka hewa o kou kālepa ʻana; no laila e lawe mai au i ke ahi mai waenakonu ou, e hoʻopau ia iā ʻoe, a e hoʻolilo au iā ʻoe i lehu ma luna o ka honua i mua o nā maka o ka poʻe a pau e nānā aku iā ʻoe. 19 ʻO ka poʻe a pau i ʻike iā ʻoe i waena o nā kānaka, e kahaha lākou iā ʻoe; e lilo ʻoe i mea weliweli, ʻaʻole loa aku ʻoe. A hōʻike mai ʻo ia iaʻu iā Iosua ke kahuna nui e kū ana i mua o ka ʻānela o Iēhova, a ʻo Sātana e kū ana ma kona lima ʻākau e kūʻē iā ia. ʻĪ maila ʻo Iēhova iā Sātana, Na Iēhova ʻoe e pāpā aku, e Sātana; na Iēhova nāna i koho iā Ierusalema e pāpā aku iā ʻoe: ʻaʻole anei kēia he momoku ahi i huki ʻia mai loko mai o ke ahi? Zekaria 3:1-2
Nā ʻEuanelio a me nā Hana Mataio 4:1-11 1 A LAILA, alakaiia'ku la o Iesu e ka Uhane i ka waonahele, e hoowalewaleia'i e ka diabolo. 2 A i kona hoʻokē ʻai ʻana i nā lā he kanahā a me nā pō he kanahā, a ma hope iho, pōloli ihola ia. 3 A hiki akula ka mea hoʻowalewale i ona lā, ʻī akula ia, Inā ʻo ʻoe ke Keiki a ke Akua, e ʻōlelo mai ʻoe e lilo kēia mau pōhaku i berena. 4 ʻŌlelo maila ʻo ia, ʻī maila, Ua palapala ʻia, ʻAʻole e ola ke kanaka i ka berena wale nō, akā, i nā ʻōlelo a pau a ka waha o ke Akua. 5 A laila, lawe akula ka diabolo iā ia i ke kūlanakauhale hoʻāno, a hoʻokū iā ia ma luna o kahi ʻoiʻoi o ka luakini; 6 ʻĪ akula iā ia, Inā ʻo ʻoe ke Keiki a ke Akua, e hoʻolei iho ʻoe i lalo; no ka mea, ua palapala ʻia, E kauoha mai ʻo ia i kona poʻe ʻānela nou; a ma ko lākou mau lima e hāpai aʻe lākou iā ʻoe, o kuʻia kou wāwae i ka pōhaku. 7 ʻĪ maila ʻo Iesū iā ia, Ua palapala ʻia hoʻi, Mai hoʻāʻo ʻoe i ka Haku i kou Akua. 8 Lawe hou akula ka diabolo iā ia i luna i kahi mauna kiʻekiʻe loa, a hōʻike akula iā ia i nā aupuni a pau o ke ao nei, a me ko lākou nani; 4
ʻO Sātana a me nā Diabolo
E kūoʻo, e makaʻala; no ka mea, ʻo ko ʻoukou ʻenemi, ʻo ka diabolo, e like me ka liona e uwo ana, ke holoholo nei, e ʻimi ana i kāna mea e ʻai ai: 1 Petero 5:8
9 ʻĪ akula iā ia, ʻO kēia mau mea a pau kaʻu e hāʻawi aku ai iā ʻoe, ke kukuli iho ʻoe, a hoʻomana mai iaʻu. 10 A laila, ʻōlelo maila ʻo Iesū iā ia, E hele ʻoe pēlā, e Sātana; no ka mea, ua palapala ʻia, E hoʻomana aku ʻoe iā Iēhova, i kou Akua, a e mālama aku ʻoe iā ia wale nō. 11 A laila, haʻalele akula ka diabolo iā ia; aia hoʻi, hele maila nā ʻānela, a lawelawe iā ia. A kaulana akula kona kaulana ma Suria a puni, a lawe maila lākou i ona lā i nā kānaka maʻi a pau, i loʻohia i nā maʻi like ʻole, a me nā ʻeha, a me ka poʻe i uluhia e nā daimonio, a me ka poʻe i maʻi ʻōpū, a me ka poʻe i loaʻa i ka maʻi lolo; a hoʻōla maila ʻo ia iā lākou. Mataio 4:24 He nui ka poʻe e ʻōlelo mai ana iaʻu i kēlā lā, E ka Haku, e ka Haku, ʻaʻole anei mākou i wānana ma kou inoa, a i mahiki aku i nā daimonio ma kou inoa, a i hana i nā hana mana he nui ma kou inoa? Mataio 7:22 A ahiahi aʻela, lawe ʻia mai i ona lā nā mea he nui i uluhia e nā daimonio; a mahiki akula ia i nā ʻuhane ma kāna ʻōlelo, a hoʻōla ihola i ka poʻe maʻi a pau. Mataio 8:16 Mataio 8:28-34 28 A hiki akula ia i kēlā ʻaoʻao, i ka ʻāina o ko Gadara, hālāwai maila me ia ʻelua kānaka i uluhia e nā daimonio, e puka mai ana, mai nā hale kupapaʻu mai, ua nui loa ko lāua ʻino, ʻaʻole hiki i kekahi ke hele ma ia ala. 29 Aia hoʻi, kāhea maila lāua, ʻī maila, He aha kāu iā mākou nei, e Iesū ke Keiki a ke Akua? Ua hele mai anei ʻoe e hoʻomāinoino mai iā mākou ma mua o ka manawa? 30 A ma kahi mamao aku, he nui ka poʻe puaʻa e ʻai ana. 31 Noi mai la na daimonio ia ia, i mai la, Ina e mahiki aku oe ia makou, e ae mai oe ia makou e hele aku iloko o ke kumu puaa. 32 ʻĪ maila ʻo ia iā lākou, E hele. A i ko lākou puka ʻana i waho, komo akula lākou i loko o ka poʻe puaʻa: aia hoʻi, holo wikiwiki akula ka poʻe puaʻa a pau i lalo ma kahi pali i loko o ke kai, a make ihola lākou i loko o ka wai. 33 Holo akula ka poʻe kahu puaʻa, a hiki akula i ke kūlanakauhale, a haʻi akula i nā mea a pau, a me nā mea i hana ʻia i ua mau kānaka lā i uluhia e nā daimonio. 34 Aia hoʻi, hele maila ke kūlanakauhale a pau i waho e hālāwai me Iesū; a ʻike akula lākou iā ia, nonoi akula lākou iā ia e haʻalele ʻo ia i ko lākou ʻāina. A i ko lākou hele ʻana i waho, aia hoʻi, hali ʻia mai i ona lā he kanaka leo ʻole i uluhia e ka daimonio. A i ka wā i kipaku ʻia aku ai ka daimonio, ʻōlelo maila ka leo ʻāʻī; a mahalo ihola ka poʻe kānaka, ʻī aʻela, ʻAʻole i ʻike ʻia kēia ma ka ʻIseraʻela. Akā, ʻōlelo akula ka poʻe Parisaio, Ke mahiki aku nei ʻo ia i nā daimonio ma ke aliʻi o nā daimonio. Mataio 9: 32-34 E ho'ōla i ka po'e ma'i, e huikala i ka po'e lepero, e ho'āla i ka po'e make, e mahiki aku i nā daimonio; ua loa'a wale iā 'oukou, e hā'awi wale aku. Mataio 10:8 Ua lawa no ka haumāna ke like ia me kāna kumu, a ʻo ke kauwā ke like me kona haku. Inā ua kapa lākou i ka haku o ka hale ʻo Belezebuba, ʻaʻole anei lākou e kapa nui aku i ka poʻe o kona ʻohana? Mataio 10:25 No ka mea, i hele mai nei ʻo Ioane me ka ʻai ʻole a me ka inu ʻole, a ke ʻōlelo nei lākou, He daimonio kona. Mataio 11:18
5
ʻO Sātana a me nā Diabolo
E kūoʻo, e makaʻala; no ka mea, ʻo ko ʻoukou ʻenemi, ʻo ka diabolo, e like me ka liona e uwo ana, ke holoholo nei, e ʻimi ana i kāna mea e ʻai ai: 1 Petero 5:8
Mataio 12:22-28 22 A laila, lawe ʻia mai i ona lā kekahi kanaka i uluhia e ka daimonio, he makapo, he leo hoʻi; a hoʻōla ihola kēlā iā ia, a ʻōlelo aʻela ka leo ʻole, a ʻike aʻela ka makapo. 23 Kahaha iho la na kanaka a pau, i ae la, Aole anei keia o ke Keiki a Davida? 24 A lohe ae la ka poe Parisaio, i ae la lakou, Ma o Belezebuba la, ke alii o na daimonio, aole keia e mahiki aku i na daimonio. 25 Ua ʻike ʻo Iesū i ko lākou manaʻo, ʻī akula iā lākou, ʻO ke aupuni i mokuāhana ʻia e kūʻē iā ia iho, e neoneo ia; a ʻo ke kūlanakauhale a me ka ʻohana i mokuāhana ʻia e kūʻē iā ia iho, ʻaʻole ia e mau. 26 A inā ʻo Sātana e kipaku aku iā Sātana, ua mokuʻāina ʻo ia iā ia iho; pehea lā hoʻi e kūpaʻa ai kona aupuni? 27 Inā paha ma o Belezebuba lā wau e mahiki aku ai i nā daimonio, ma o wai lā hoʻi e mahiki aku ai kā ʻoukou poʻe keiki iā lākou? No laila, e lilo lākou i poʻe luna kānāwai no ʻoukou. 28 Akā, inā wau e mahiki aku i nā daimonio ma ka ʻUhane o ke Akua, inā ua hiki mai ke aupuni o ke Akua i o ʻoukou nei. 29 A pehea lā e hiki ai i kekahi ke komo i loko o ka hale o ke kanaka ikaika, a hao i kāna waiwai, ke nakinaki mua ʻo ia i ke kanaka ikaika? A laila e hao ʻo ia i kona hale. ʻO ka ʻenemi nāna i lūlū ia mea, ʻo ia ka diabolo; ʻo ka wā ʻohiʻohi, ʻo ia ka hopena o kēia ao; a ʻo ka poʻe ʻokiʻoki, ʻo ia nā ʻānela. Mataio 13:39 Aia hoʻi, hele maila kekahi wahine no Kanaʻana mai ia ʻāina mai, kāhea maila iā ia, ʻī maila, E ka Haku, e ke Keiki a Dāvida, e aloha mai ʻoe iaʻu; ua uluhia loa kaʻu kaikamahine e ka daimonio. Mataio 15:22 A laila huli aʻela ia, ʻī maila iā Petero, E hele ʻoe ma hope oʻu, e Sātana! He mea hihia ʻoe noʻu; no ka mea, ʻaʻole ʻoe e manaʻo nei i ka mea a ke Akua, akā, i ka mea a kānaka. Mataio 16:23 Papa aku la o Iesu i ka daimonio, a puka aku la ia iwaho ona; a ola iho la ke keiki mai ia hora mai. Mataio 17:18 A laila, e ʻōlelo aku ʻo ia i ka poʻe ma ka lima hema, E hele aku ʻoukou mai oʻu aku nei, e ka poʻe i hōʻino ʻia, i loko o ke ahi mau loa, i hoʻomākaukau ʻia no ka diabolo a me kona poʻe ʻānela. Mataio 25:41 Ma laila nō ia ma ka wao nahele i nā lā he kanahā, me ka hoʻowalewale ʻia mai e Sātana; a noho pū me nā holoholona hihiu; a lawelawe mai nā ʻānela iā ia. Mareko 1:13 A i ke ahiahi, i ke komo ʻana o ka lā, lawe maila lākou i ona lā i nā mea maʻi a pau a me nā mea i uluhia e nā daimonio. A hoʻōla ʻo ia i nā mea he nui i loaʻa i nā maʻi like ʻole, a mahiki akula i nā daimonio he nui; ʻaʻole ia i ʻae aku i nā daimonio e ʻōlelo, no ka mea, ua ʻike lākou iā ia. A ao aku la ia ma ko lakou mau halehalawai ma Galilaia a pau, a mahiki aku la i na daimonio. Mareko 1:32 , 34, 39 A i loaʻa iā lākou ka mana e ho'ōla i nā maʻi, a e mahiki aku i nā daimonio. ʻŌlelo ihola ka poʻe kākau ʻōlelo i iho mai, mai Ierusalema mai, Aia nō iā ia ʻo Beʻelezebuba, a ma ke aliʻi o nā daimonio kona mahiki ʻana aku i nā daimonio. A hea akula ʻo ia iā lākou, ʻī akula iā lākou ma nā ʻōlelo nane, Pehea lā e hiki ai iā Sātana ke mahiki aku iā Sātana? A inā kūʻē ʻo Sātana iā ia iho, a mokuʻāina, ʻaʻole hiki iā ia ke kūpaʻa, akā, e pau nō ia. Mareko 3 :15,22 -23,26
6
ʻO Sātana a me nā Diabolo
E kūoʻo, e makaʻala; no ka mea, ʻo ko ʻoukou ʻenemi, ʻo ka diabolo, e like me ka liona e uwo ana, ke holoholo nei, e ʻimi ana i kāna mea e ʻai ai: 1 Petero 5:8
Eia ka poʻe ma kapa alanui, kahi i lūlū ʻia ai ka ʻōlelo; a lohe lākou, hele koke mai ʻo Sātana, a kāʻili akula i ka ʻōlelo i lūlū ʻia i loko o ko lākou naʻau. Mareko 4:15 Mareko 5:1-20 1 A laila, holo akula lākou i kēlā ʻaoʻao o ke kai i ka ʻāina o ko Gadara. 2 A i kona iho ʻana mai loko mai o ka moku, hālāwai koke maila me ia kekahi kanaka i uluhia e ka ʻuhane ʻino, mai loko mai o nā hale kupapaʻu. 3 Aia nō ia ma waena o nā hale kupapaʻu; ʻaʻohe mea hiki ke hoʻopaʻa iā ia, ʻaʻole me nā kaulahao. 4 No ka mea, ua hoʻopaʻa pinepine ʻia ʻo ia i ke kaulahao a me nā kaulahao, a ua haki ʻia nā kaulahao e ia, a ua hakihaki ʻia nā kūpeʻe; ʻaʻole hiki i kekahi ke hoʻomalu iā ia. 5 A mau loa nō ia i ka pō a me ke ao ma nā kuahiwi, a ma nā hale kupapaʻu, e uwē ana, a e ʻokiʻoki ana iā ia iho i nā pōhaku. 6 A i kona ʻike ʻana iā Iesū ma kahi mamao aku, holo akula ia a hoʻomana ihola iā ia. 7 Kāhea akula ia me ka leo nui, ʻī akula, He aha kāu iaʻu, e Iesū, e ke Keiki a ke Akua kiʻekiʻe loa? Ke kauoha aku nei au iā ʻoe ma ke Akua, mai hoʻomāinoino mai ʻoe iaʻu. 8 No ka mea, ua ʻōlelo aku ʻo ia iā ia, E ka ʻuhane ʻino, e hele mai ʻoe i waho o ia kanaka. 9 Ninau aku la ia ia ia, Owai kou inoa? Hai mai la kela, i mai la, O Legeona ko'u inoa, no ka mea, he nui makou. 10 Nonoi nui akula kēlā iā ia, ʻaʻole ia e kipaku aku iā lākou mai loko aku o ia ʻāina. 11 Aia ma laila, kokoke i nā mauna, he nui ka poʻe puaʻa e ʻai ana. 12 Nonoi akula nā daimonio a pau iā ia, ʻī akula, E hoʻouna mai ʻoe iā mākou i loko o nā puaʻa, i komo aku ai mākou i loko o lākou. 13 ʻAe koke akula ʻo Iesū iā lākou, a puka akula nā ʻuhane ʻino i waho, a komo akula i loko o nā puaʻa: a holo wikiwiki akula ka poʻe puaʻa i lalo ma kahi pali i loko o ka moanawai, (ʻelua tausani paha lākou;) a make ihola lākou i loko o ke kai. 14 Holo akula ka poʻe hānai puaʻa, a haʻi akula ma ke kūlanakauhale, a ma nā ʻāina; a haele akula lākou i waho e ʻike i ka mea i hana ʻia. 15 A hiki maila lākou i o Iesū lā, a ʻike akula i ka mea i uluhia e ka daimonio, nona ka legeona, e noho ana me ke kapa ʻaʻahu, a me ka noʻonoʻo pono; makaʻu ihola lākou. 16 A ʻo ka poʻe i ʻike maka, haʻi akula iā lākou i nā mea i hana ʻia i ka mea i uluhia e ka daimonio, a no nā puaʻa hoʻi. 17 A hoʻomaka lākou e nonoi iā ia e haʻalele i ko lākou ʻāina. 18 A i kona eʻe ʻana i luna o ka moku, ua noi akula iā ia ka mea i uluhia e ka daimonio, e noho pū ʻo ia me ia. 19 ʻAʻole naʻe ʻo Iesū i ʻae aku iā ia, ʻī maila naʻe iā ia, E hoʻi ʻoe i kou hale, i kou poʻe hoahānau, e haʻi aku iā lākou i nā mea nui a ka Haku i hana ai nou, a me kona lokomaikaʻi iā ʻoe. 20 Hele akula ia, a hoʻomaka aʻela e haʻi aku ma Dekapoli i nā mea nui a Iesū i hana ai nona; a kāhāhā ihola nā kānaka a pau. A ua mahiki aku lākou i nā daimonio he nui, a ua hamo aʻe lākou me ka ʻaila i nā maʻi he nui loa, a ua ho'ōla aʻela iā lākou. Mareko 6:13 Mareko 7:2 4-30 24 A laila, kū aʻela ia i luna, a hele akula i nā mokuna ʻo Turo a me Sidona, a komo akula i loko o kekahi hale, ʻaʻole ia i makemake e ʻike kekahi iā ia; ʻaʻole naʻe ia i hiki ke nalo. 25 No ka mea, ua lohe kekahi wahine nona ke kaikamahine i uluhia e ka ʻuhane haumia, a hele mai la ia a moe iho la ma kona mau wawae. 26 He Helene ka wahine, no Suria mai Poinikia mai; a nonoi akula ʻo ia iā ia e mahiki aku i ka daimonio mai loko aku o kāna kaikamahine.
7
ʻO Sātana a me nā Diabolo
E kūoʻo, e makaʻala; no ka mea, ʻo ko ʻoukou ʻenemi, ʻo ka diabolo, e like me ka liona e uwo ana, ke holoholo nei, e ʻimi ana i kāna mea e ʻai ai: 1 Petero 5:8
27 ʻĪ maila ʻo Iesū iā ia, E hoʻomāʻona mua ʻia nā keiki; no ka mea, ʻaʻole pono ke lawe i ka berena a nā keiki a hoʻolei aku na nā ʻīlio. 28 ʻŌlelo akula kēlā, ʻī akula iā ia, ʻAe, e ka Haku; akā, ʻo nā ʻīlio ma lalo o ka papa ʻaina, ʻai nō lākou i nā hunahuna a nā keiki. 29 ʻĪ maila ʻo ia iā ia, No kēia ʻōlelo, e hele ʻoe; ua hele ka daimonio mai loko aku o kāu kaikamahine. 30 A hiki akula ia i kona hale, ʻike akula ia ua hele aku ka daimonio, a ua moe ihola kāna kaikamahine ma luna o kahi moe. A huli aʻela ia, nānā akula i kāna mau haumāna, pāpā akula iā Petero, ʻī akula, E hele ʻoe ma hope oʻu, e Sātana; no ka mea, ʻaʻole ʻoe e manaʻo nei i ko ke Akua manaʻo, akā, i ko ke kanaka manaʻo. Mareko 8:33 ʻŌlelo akula ʻo Ioane iā ia, ʻī akula, E ke Kumu, ua ʻike mākou i kekahi e mahiki ana i nā daimonio ma kou inoa, ʻaʻole naʻe ia i hahai mai iā mākou; a pāpā akula mākou iā ia, no ka mea, ʻaʻole ia i hahai mai iā mākou. Mareko 9:38 A i ke ala ʻana o Iesū i kakahiaka nui o ka lā mua o ka hebedoma, ʻike mua ʻia ʻo ia e Maria Magedalene, mai loko mai ona i kipaku aku ai ʻo ia i nā daimonio ʻehiku. A e hahai aku kēia mau hōʻailona i ka poʻe e manaʻoʻiʻo mai ana; Ma koʻu inoa lākou e mahiki aku ai i nā daimonio; a e ʻōlelo nō hoʻi lākou me nā ʻōlelo ʻē. Mareko 16: 9,17 Luka 4:1-13 1 A ua piha ʻo Iesū i ka ʻUhane Hemolele, hoʻi akula ia, mai Ioredane aku, a alakaʻi ʻia e ka ʻUhane i ka wao nahele; 2 Hoʻowalewale ʻia ʻo ia i nā lā he kanahā e ka diabolo, ʻaʻole ia i ʻai i kekahi mea i loko o ia mau lā. A pau ia mau lā, pōloli ihola ia ma hope iho. 3 ʻŌlelo akula ka diabolo iā ia, Inā ʻo ʻoe ke Keiki a ke Akua, e kauoha mai ʻoe i kēia pōhaku e lilo ia i berena. 4 ʻŌlelo maila ʻo Iesū iā ia, ʻī maila, Ua palapala ʻia, ʻAʻole e ola ke kanaka i ka berena wale nō, akā, i nā ʻōlelo a pau a ke Akua. 5 A lawe akula ka diabolo iā ia i luna o kahi mauna kiʻekiʻe, hōʻike akula iā ia i nā aupuni a pau o ke ao nei, i ka manawa hoʻokahi. 6 ʻŌlelo maila ka diabolo iā ia, E hāʻawi aku wau iā ʻoe i kēia mana a pau a me ka nani o ia mau mea; no ka mea, ua hāʻawi ʻia mai iaʻu; a e hāʻawi aku hoʻi au ia mea i kaʻu mea e makemake ai. 7 No laila, inā e hoʻomana mai ʻoe iaʻu, e lilo nō ia mau mea a pau iā ʻoe. 8 ʻŌlelo maila ʻo Iesū iā ia, ʻī maila, E hele ʻoe ma hope oʻu, e Sātana; no ka mea, ua palapala ʻia, E hoʻomana ʻoe iā Iēhova, i kou Akua, a e mālama aku ʻoe iā ia wale nō. 9 A lawe akula kēlā iā ia i Ierusalema, a hoʻokū iā ia ma luna o kahi ʻoiʻoi o ka luakini, ʻī akula iā ia, Inā ʻo ʻoe ke Keiki a ke Akua, e lele iho ʻoe i lalo mai laila aku; 10 No ka mea, ua palapala ʻia, E kauoha aku ʻo ia i kona poʻe ʻānela nou e mālama iā ʻoe; 11 A ma ko lākou mau lima e hāpai aʻe lākou iā ʻoe, o kuʻia kou wāwae i ka pōhaku. 12 ʻŌlelo maila ʻo Iesū, ʻī maila iā ia, Ua ʻōlelo ʻia hoʻi, Mai hoʻāʻo ʻoe i ka Haku, i kou Akua. 13 A pau ka hoʻāʻo ʻana a ka diabolo, hele akula ia mai ona aku lā no kekahi manawa. A ma loko o ka hale hālāwai he kanaka nona ka ʻuhane daimonio haumia, a kāhea akula ia me ka leo nui, A pāpā akula ʻo Iesū iā ia, ʻī akula, E noho mālie, a e puka mai i waho ona. A i ka wā i hoʻolei ai ka daimonio iā ia i waenakonu, puka maila ia i waho ona, ʻaʻole i hana ʻino iā ia. Luka 4:33,35
8
ʻO Sātana a me nā Diabolo
E kūoʻo, e makaʻala; no ka mea, ʻo ko ʻoukou ʻenemi, ʻo ka diabolo, e like me ka liona e uwo ana, ke holoholo nei, e ʻimi ana i kāna mea e ʻai ai: 1 Petero 5:8
A puka maila nā daimonio mai loko mai o nā mea he nui, e kāhea ana, me ka ʻī ʻana, ʻO ʻoe nō ka Mesia, ke Keiki a ke Akua. A pāpā akula ʻo ia iā lākou, ʻaʻole i ʻae aku iā lākou e ʻōlelo; no ka mea, ua ʻike lākou ʻo ia ka Mesia. Luka 4:41 No ka mea, ua hele mai ʻo Ioane Bapetite me ka ʻai ʻole i ka berena a me ka inu ʻole i ka waina; a ke ʻōlelo nei ʻoukou, He daimonio kona. Luka 7:33 A me kekahi mau wāhine i ho'ōla ʻia mai nā ʻuhane ʻino a me nā maʻi, ʻo Maria i kapa ʻia ʻo Magedalene, mai loko mai ona i puka mai ai nā daimonio ʻehiku, Luka 8:2. ʻO ka poʻe ma ke alanui, ʻo ia ka poʻe i lohe; a laila hele mai ka diabolo, a kāʻili akula i ka ʻōlelo mai loko aku o ko lākou mau naʻau, o manaʻoʻiʻo lākou a e hoʻōla ʻia. Luka 8:12 Luka 8:26-39 26 A hiki akula lākou i ka ʻāina o ko Gadara e kū pono ana i Galilaia. 27 A i kona hele ʻana i uka, hālāwai maila me ia kekahi kanaka mai ke kūlanakauhale mai, he lōʻihi loa kona uluhia ʻana e nā daimonio, ʻaʻole ia i ʻaʻahu i ke kapa, ʻaʻole hoʻi i noho ma ka hale maoli, akā, ma nā hale kupapaʻu. 28 A ʻike akula ia iā Iesū, kāhea akula ia, moe ihola i mua ona, ʻī akula me ka leo nui, He aha kāu iaʻu, e Iesū, e ke Keiki a ke Akua kiʻekiʻe loa? Ke noi aku nei au iā ʻoe, mai hoʻomāinoino mai ʻoe iaʻu. 29 (No ka mea, ua kauoha aku ia i ka ʻuhane ʻino e puka mai i waho o ke kanaka. No ka mea, ua loaʻa pinepine ia iā ia; a ua hoʻopaʻa ʻia ʻo ia me nā kaulahao a me nā kūpeʻe lima; a ua moku iā ia nā mea paʻa, a ua kipaku ʻia aku ʻo ia e ka daimonio i ka wao nahele.) 30 Ninau aku la o Iesu ia ia, i aku la, Owai kou inoa? I aku la ia, O Legeona; no ka mea, he nui na daimonio i komo iloko ona. 31 A nonoi mai la lakou ia ia i ole ia e kauoha aku ia lakou e hele i ka hohonu. 32 A ma laila aku, he nui nā puaʻa e ʻai ana ma ka mauna; a nonoi maila lākou iā ia e ʻae iā lākou e komo i loko o ua mau puaʻa lā. A ʻae akula ʻo ia iā lākou. 33 A laila, hele akula nā daimonio i waho o ke kanaka, a komo akula i loko o nā puaʻa; a holo wikiwiki akula ka poʻe puaʻa i lalo ma kahi pali, i loko o ka loko, a make ihola i ka make. 34 A ʻike akula ka poʻe kahu hānai i ka mea i hana ʻia, naholo akula lākou, a haʻi akula ma ke kūlanakauhale a ma nā kuaʻāina. 35 A hele akula lākou i waho e ʻike i ka mea i hana ʻia; a hiki akula i o Iesū lā, ʻike ihola i ke kanaka mai loko mai ona i puka mai ai nā daimonio, e noho ana ma nā wāwae o Iesū, ua ʻaʻahu ʻia, a ua pono kona manaʻo; a makaʻu ihola lākou. 36 A ʻo ka poʻe i ʻike maka, haʻi akula iā lākou i ke ʻano o ka hoʻōla ʻia ʻana o ke kanaka i uluhia e nā daimonio. 37 A laila noi akula ka lehulehu a pau o ka ʻāina ʻo Gadara a puni iā ia e haʻalele iā lākou; no ka mea, ua loʻohia lākou i ka makaʻu nui: a piʻi akula ia i luna o ka moku a hoʻi hou maila. 38 A ʻo ke kanaka mai loko mai ona i puka mai ai nā daimonio, ua noi aku iā ia e noho pū me ia. Akā, hoʻihoʻi akula ʻo Iesū iā ia, ʻī akula, 39 E hoʻi ʻoe i kou hale, a e hōʻike i nā mea nui a ke Akua i hana ai nou. A laila hele akula ia, a haʻi akula ma ke kūlanakauhale a pau i nā mea nui a Iesū i hana ai nona. A laila hoʻākoakoa maila ʻo ia i kāna mau haumāna he ʻumikumamālua, a hāʻawi akula iā lākou i ka mana a me ka pono ma luna o nā daimonio a pau, a e hoʻōla i nā maʻi. Luka 9:1
9
ʻO Sātana a me nā Diabolo
E kūoʻo, e makaʻala; no ka mea, ʻo ko ʻoukou ʻenemi, ʻo ka diabolo, e like me ka liona e uwo ana, ke holoholo nei, e ʻimi ana i kāna mea e ʻai ai: 1 Petero 5:8
A i kona hoʻokokoke ʻana mai, hoʻolei ihola ka daimonio iā ia i lalo, a hoʻokaʻulua ihola iā ia. A pāpā akula ʻo Iesū i ka ʻuhane haumia, a hoʻōla ihola i ke keiki, a hoʻihoʻi akula iā ia i kona makuakāne. Luka 9:42 ʻŌlelo akula ʻo Ioane, ʻī akula, E ke Kumu, ua ʻike mākou i kekahi e mahiki ana i nā daimonio ma kou inoa; a pāpā akula mākou iā ia, no ka mea, ʻaʻole ia e hahai pū me mākou. ʻĪ maila ʻo Iesū iā ia, Mai pāpā aku iā ia; no ka mea, ʻo ka mea kūʻē ʻole mai iā kākou, no kākou nō ia. Luka 9:49-50 A hoʻi hou maila nā kanahiku me ka ʻoliʻoli, ʻī akula, E ka Haku, ua hoʻolohe mai nā daimonio iā mākou ma kou inoa. ʻĪ maila ʻo ia iā lākou, Ua ʻike au iā Sātana e hāʻule ana e like me ka uila mai ka lani mai. Luka 10:17-18 Luka 11:14-20 14 A e mahiki ana ia i ka daimonio, he leo ʻole ia. A puka akula ka daimonio i waho, ʻōlelo ihola ka leo ʻole, a kāhāhā ihola nā kānaka. 15 Akā, ʻōlelo kekahi poʻe o lākou, Ma o Belezebuba lā ke aliʻi o nā daimonio, ke mahiki aku nei ʻo ia i nā daimonio. 16 A ʻo kekahi poʻe, e hoʻāʻo ana iā ia, nonoi akula i hōʻailona mai ka lani mai. 17 Akā, ua ʻike ʻo ia i ko lākou manaʻo, ʻī maila ʻo ia iā lākou, ʻO ke aupuni i mokuāhana ʻia e kūʻē iā ia iho, e pau ia; a ʻo ka hale i mokuāhana ʻia e kūʻē i ka hale, e hāʻule ia. 18 Inā i mokuāhana ʻo Sātana iā ia iho, pehea lā e kūpaʻa ai kona aupuni? no ka mea, ke ʻōlelo nei ʻoukou, ma o Belezebuba lā wau e mahiki aku ai i nā daimonio. 19 Inā paha ma o Belezebuba lā wau e mahiki aku ai i nā daimonio, ma o wai lā hoʻi e mahiki aku ai kā ʻoukou poʻe keiki iā lākou? No laila, e lilo lākou i poʻe luna kānāwai no ʻoukou. 20 Akā, inā ma ka manamana lima o ke Akua wau e mahiki aku ai i nā daimonio, ʻo ia hoʻi, ua hiki mai ke aupuni o ke Akua i o ʻoukou nei. ʻAʻole anei e pono ke wehe ʻia kēia wahine, he kaikamahine na ʻAberahama, ka mea a Sātana i hoʻopaʻa ai i kēia mau makahiki he ʻumikumamāwalu, mai kēia mea i hoʻopaʻa ʻia i ka lā Sābati? Luka 13:16 ʻĪ maila ʻo ia iā lākou, E hele ʻoukou, e haʻi aku i kēlā ʻalopeke, Eia hoʻi, ke mahiki aku nei au i nā daimonio, a ke hoʻōla nei hoʻi au i nā maʻi i kēia lā a i ka lā ʻapōpō, a i ke kolu o ka lā e hoʻopau ʻia ai au. Luka 13:32 A laila komo ihola ʻo Sātana i loko o Iuda i kapa ʻia ʻo ʻIsekariota, ʻo ia kekahi o ka poʻe ʻumikumamālua. Luka 22:3 ʻĪ maila ka Haku, E Simona, e Simona, eia hoʻi, ua noi mai ʻo Sātana iā ʻoukou, i kānana ʻo ia iā ʻoukou e like me ka palaoa: Akā, ua pule au nou, i pau ʻole kou manaʻoʻiʻo; a i kou hoʻohuli ʻia ʻana, e hoʻoikaika i kou poʻe hoahānau. Luka 22: 31-32 ʻĪ maila ʻo Iesū iā lākou, ʻAʻole anei au i koho iā ʻoukou he ʻumikumamālua, a ʻo kekahi o ʻoukou he diabolo? Ioane 6:70 ʻŌlelo maila nā kānaka, ʻī maila, He daimonio kou: ʻo wai lā ka mea e ʻimi nei e pepehi iā ʻoe? Ioane 7:20 Na ko ʻoukou makua ʻoukou, na ka diabolo, a makemake ʻoukou e hana i nā kuko o ko ʻoukou makua. He pepehi kanaka ʻo ia mai kinohi mai, ʻaʻole hoʻi i noho ma ka ʻoiaʻiʻo, no ka mea, ʻaʻohe
10
ʻO Sātana a me nā Diabolo
E kūoʻo, e makaʻala; no ka mea, ʻo ko ʻoukou ʻenemi, ʻo ka diabolo, e like me ka liona e uwo ana, ke holoholo nei, e ʻimi ana i kāna mea e ʻai ai: 1 Petero 5:8
ʻoiaʻiʻo i loko ona. I kāna ʻōlelo ʻana i ka wahaheʻe, ʻōlelo ʻo ia no kāna iho: no ka mea, he wahaheʻe ʻo ia, a ʻo ka makua hoʻi ia o ia mea. Ioane 8:44 A laila ʻōlelo maila nā Iudaio, ʻī akula iā ia, ʻAʻole anei mākou e ʻōlelo pono he Samaria ʻoe, a he daimonio kou? ʻĪ maila ʻo Iesū, ʻAʻohe oʻu daimonio; akā, ke hoʻomaikaʻi nei au i koʻu Makua, a ke hoʻowahāwahā nei ʻoukou iaʻu. Ioane 8:48-49 A laila ʻōlelo akula nā Iudaio iā ia, ʻĀnō ua ʻike mākou he daimonio kou. Ua make ʻo ʻAberahama a me nā kāula; a ke ʻōlelo mai nei ʻoe, Inā e mālama kekahi i kaʻu ʻōlelo, ʻaʻole loa ia e make. Ioane 8:52 A ʻōlelo maila ka nui o lākou, He daimonio kona, a ua hehena hoʻi; no ke aha lā ʻoukou e hoʻolohe ai iā ia? ʻĪ maila kekahi poʻe, ʻAʻole kēia nā ʻōlelo a ka mea i uluhia e ka daimonio. Hiki anei i ka daimonio ke hoʻokaʻakaʻa i nā maka o ka makapō? Ioane 10:20-21 A pau ka ʻahaʻaina, ua hoʻokomo ka diabolo i loko o ka naʻau o Iuda ʻIsekariota, ke keiki a Simona, e kumakaia iā ia; Ioane 13:2 A ma hope o ka ʻai ʻana, komo ihola ʻo Sātana i loko ona. A laila, ʻī maila ʻo Iesū iā ia, ʻO ka mea āu e hana ai, e hana koke ʻoe. Ioane 13:27 ʻĪ akula ʻo Petero, E ʻAnania, no ke aha lā i hoʻopiha ai ʻo Sātana i kou naʻau e wahaheʻe aku i ka ʻUhane Hemolele, a e hoʻāna ʻē aku i kekahi hapa o ke kālā no ka ʻāina? ʻOihana 5:3 ʻO Iesū no Nazareta, ka mea a ke Akua i poni ai me ka ʻUhane Hemolele, a me ka mana: nāna i hele a puni e hana maikaʻi ana, a e ho'ōla ana i ka poʻe a pau i hoʻoluhi ʻia e ka diabolo; no ka mea, ʻo ke Akua pū kekahi me ia. ʻOihana 10:38 ʻĪ maila, Auē ʻoe ka mea i piha i ka maalea a me nā hewa a pau, e ke keiki a ka diabolo, ʻo ʻoe ka ʻenemi o ka pono a pau, ʻaʻole anei ʻoe e hoʻōki i ka hoʻololi ʻana i nā ʻaoʻao pololei o ka Haku? ʻOihana 13:10 E wehe i ko lākou mau maka, a e hoʻohuli iā lākou, mai ka pouli mai a i ka mālamalama, a mai ka mana o Sātana a i ke Akua, i loaʻa iā lākou ke kala ʻana o nā hala, a me ka hoʻoilina ma waena o ka poʻe i hoʻomaʻemaʻe ʻia e ka manaʻoʻiʻo iaʻu. ʻOihana 26:18
Nā Episetole A ʻo ke Akua o ka maluhia e paopao koke iā Sātana ma lalo o ko ʻoukou mau wāwae. ʻO ke aloha o ko kākou Haku ʻo Iesū Kristo me ʻoukou. ʻĀmene. Roma 16:20 E hāʻawi aku i kēlā mea iā Sātana no ka luku ʻana i ke kino, i hoʻōla ʻia ai ka ʻuhane i ka lā o ka Haku ʻo Iesū. 1 Korineto 5:5 Mai hoʻonele kekahi i kekahi, ke ʻole ʻoukou e like me ka manaʻo like no kekahi manawa, i mea e lilo ai ʻoukou i ka hoʻokē ʻai a me ka pule; a e hui hou, i hoʻowalewale ʻole mai ai ʻo Sātana iā ʻoukou no ko ʻoukou hiki ʻole ke hoʻomanawanui. 1 Korineto 7:5 Akā, ke ʻōlelo aku nei au, ʻo nā mea a nā lāhui kanaka ʻē i mōhai aku ai, ke kaumaha nei lākou na nā daimonio, ʻaʻole na ke Akua: ʻaʻole au makemake e launa pū ʻoukou me nā daimonio. ʻAʻole hiki iā 11
ʻO Sātana a me nā Diabolo
E kūoʻo, e makaʻala; no ka mea, ʻo ko ʻoukou ʻenemi, ʻo ka diabolo, e like me ka liona e uwo ana, ke holoholo nei, e ʻimi ana i kāna mea e ʻai ai: 1 Petero 5:8
ʻoukou ke inu i ke kīʻaha o ka Haku, a me ke kīʻaha o nā daimonio: ʻaʻole hiki iā ʻoukou ke noho pū ma ka papa ʻaina a ka Haku, a me ka papa ʻaina a nā daimonio. 1 Korineto 10:20-21 O lanakila ʻole mai ʻo Sātana iā kākou; no ka mea, ʻaʻole kākou i naʻaupō i kāna mau hana maalea. 2 Korineto 2:11 No ka mea, ʻo ia poʻe, he poʻe lunaʻōlelo wahaheʻe lākou, he poʻe hana hoʻopunipuni, e hoʻololi ana iā lākou iho i poʻe lunaʻōlelo na Kristo. ʻAʻole ia he mea kupanaha; no ka mea, ua hoʻololi hou ʻia ʻo Sātana e like me ka ʻānela o ka mālamalama. 2 Korineto 11: 13-14 A i ʻole au e hoʻokiʻekiʻe nui ʻia ma ke ana ʻia no ka nui o nā mea i hōʻike ʻia, ua hāʻawi ʻia mai iaʻu he mea ʻoi ma ke kino, he ʻelele na Sātana e hahau mai iaʻu, o hoʻokiʻekiʻe ʻia au ma ke ana ʻia. 2 Korineto 12:7 Mai hāʻawi aku i wahi no ka diabolo. ʻEpeso 4:27 E ʻaʻahu i nā mea kaua a pau o ke Akua, i hiki iā ʻoukou ke kūpaʻa i nā hana maalea a ka diabolo. ʻEpeso 6:11 No ia mea, ua makemake mākou e hele aku i o ʻoukou lā, ʻo wau ʻo Paulo, i hoʻokahi manawa a i ʻelua manawa; akā, ua keʻakeʻa mai ʻo Sātana iā mākou. 1 Tesalonike 2:18 A laila e hōʻike ʻia aku ai ka Mea Hewa, ka mea a ka Haku e hoʻopau ai me ka hanu o kona waha, a e luku aku ai me ka ʻōlinolino o kona hiki ʻana mai: ʻO ia hoʻi, nona ka hiki ʻana mai ma muli o ka hana a Sātana me ka mana a pau, a me nā hōʻailona, a me nā mea kupanaha wahaheʻe, a me nā hoʻopunipuni a pau o ka hewa i loko o ka poʻe e make ana; no ka mea, ʻaʻole lākou i loaʻa ke aloha i ka ʻoiaʻiʻo, i ola ai lākou. 2 Tesalonike 2: 8-10 ʻO Humenaio lāua ʻo ʻAlekanedero kekahi o lāua; ua hāʻawi aku au iā lāua iā Sātana, i aʻo ʻia ai lāua e hōʻino ʻole. 1 Timoteo 1:20 ʻAʻole he mea hou, o hoʻokiʻekiʻe ʻia me ka haʻaheo a hāʻule i loko o ka hoʻāhewa ʻia e ka diabolo. Eia kekahi, pono e loaʻa iā ia ka ʻike maikaʻi ʻia e ka poʻe ma waho; o hāʻule ʻo ia i ka hoʻohewa ʻia a me ka pahele a ka diabolo. 1 Timoteo 3:6-7 ʻĀnō, ke ʻōlelo akāka mai nei ka ʻUhane, i ka manawa ma hope, e haʻalele kekahi poʻe i ka manaʻoʻiʻo, e hoʻolohe ana i nā ʻuhane hoʻopunipuni, a me nā ʻōlelo aʻo a nā daimonio; 1 Timoteo 4:1 No ka mea, ua huli ʻē aʻe kekahi poʻe ma muli o Sātana. 1 Timoteo 5:15 A i hiki iā lākou ke hoʻōla iā lākou iho mai loko mai o ka pahele a ka diabolo, ka poʻe i lawe pio ʻia e ia ma kona makemake. 2 Timoteo 2:26 No ka mea, ʻo nā keiki he ʻiʻo a me ke koko, ua lawe pū ʻo ia i ia mau mea; i hiki ai iā ia, ma o ka make, ke hoʻopau i ka mea nona ka mana o ka make, ʻo ia hoʻi ka diabolo; Hebera 2:14 Ke manaʻoʻiʻo nei ʻoe he hoʻokahi ke Akua; ua hana pono ʻoe: ke manaʻoʻiʻo nei nō hoʻi nā daimonio, me ka haʻalulu. Iakobo 2:19
12
ʻO Sātana a me nā Diabolo
E kūoʻo, e makaʻala; no ka mea, ʻo ko ʻoukou ʻenemi, ʻo ka diabolo, e like me ka liona e uwo ana, ke holoholo nei, e ʻimi ana i kāna mea e ʻai ai: 1 Petero 5:8
ʻAʻole kēia naʻauao i iho mai mai luna mai, akā, he naʻauao honua ia, he naʻau make, he naʻau ʻino. Iakobo 3:15 No laila, e hoʻolohe ʻoukou i ke Akua. E pale aku i ka diabolo, a e holo aku ia mai o ʻoukou aku. Iakobo 4:7 E kūoʻo, e makaʻala; no ka mea, ʻo ko ʻoukou ʻenemi, ʻo ka diabolo, e like me ka liona e uwo ana, ke holoholo nei, e ʻimi ana i kāna mea e ʻai ai: 1 Petero 5:8 ʻO ka mea e hana ana i ka hewa, no ka diabolo ia; no ka mea, ua hana hewa ka diabolo mai kinohi mai. No keia mea i hoikeia mai ai ke Keiki a ke Akua, i mea e luku ai i na hana a ka diabolo. Ma keia mea i hoikeia mai ai na keiki a ke Akua, a me na keiki a ka diabolo: o ka mea hana ole i ka pono, aole ia no ke Akua, aole hoi ka mea aloha ole i kona kaikaina. 1 Ioane 3:8,10 Akā, ʻo Mikaʻela ka luna ʻānela, i kona wā i hakakā ai me ka diabolo i kāna hoʻopaʻapaʻa ʻana no ke kino o Mose, ʻaʻole ia i ʻaʻa e hōʻino aku iā ia, akā, ʻī akula, Na ka Haku ʻoe e pāpā mai. Iuda 1:9
Hōʻike Ua ʻike au i kāu hana ʻana, a me kou pilikia, a me kou ʻilihune, (akā, ua waiwai ʻoe) a ua ʻike au i ka ʻōlelo hōʻino a ka poʻe i ʻōlelo he Iudaio lākou, ʻaʻole naʻe, akā, ʻo ka hale hālāwai lākou o Sātana. Mai makaʻu i nā mea āu e ʻeha ai: aia hoʻi, e hoʻolei ana ka diabolo i kekahi o ʻoukou i loko o ka hale paʻahao, i hoʻāʻo ʻia ai ʻoukou; a e loaʻa iā ʻoukou ka pilikia he ʻumi lā: e kūpaʻa ʻoe a hiki i ka make, a e hāʻawi aku au iā ʻoe i ka lei o ke ola. Hōʻike 2:9-10 Ua ʻike au i kāu hana ʻana, a me kou wahi e noho ai, a ma kahi o ka noho aliʻi o Sātana; a ua paʻa pono ʻoe i koʻu inoa, ʻaʻole hoʻi ʻoe i hōʻole i koʻu manaʻoʻiʻo, ʻaʻole i nā lā o ʻAnetipasa koʻu mea hōʻike kūpaʻa, ka mea i pepehi ʻia i waena o ʻoukou, ma kahi e noho ai ʻo Sātana. Hoʻike 2:13 Akā, ke ʻōlelo aku nei au iā ʻoukou, a me ke koena ma Tuateira, ka poʻe i loaʻa ʻole kēia manaʻo, ka poʻe ʻaʻole i ʻike i nā hohonu o Sātana, e like me kā lākou e ʻōlelo nei; ʻaʻole au e kau ma luna o ʻoukou i kekahi mea kaumaha ʻē aʻe. Hoʻike 2:24 Aia hoʻi, e hoʻolilo aku au i ka poʻe o ka hale hālāwai o Sātana, ka poʻe i ʻōlelo he poʻe Iudaio lākou, ʻaʻole naʻe, akā, e wahaheʻe ana lākou; aia hoʻi, e hoʻolilo aku au iā lākou e hele mai a e kūlou i mua o kou mau wāwae, a e ʻike hoʻi lākou ua aloha aku au iā ʻoe. Hoʻike 3:9 A he aliʻi ko lākou ma luna o lākou, ʻo ia ka ʻānela o ka lua hohonu, nona ka inoa ma ka ʻōlelo Hebera ʻo ʻAbadona, akā ma ka ʻōlelo Helene ʻo ʻApolyona kona inoa. Hōʻike 9:11 A ʻo ke koena o nā kānaka i make ʻole i kēia mau mea ʻino, ʻaʻole lākou i mihi i nā hana a ko lākou mau lima, i ʻole ai lākou e hoʻomana aku i nā daimonio, a me nā akua kiʻi gula, a me ke kālā, a me ke keleawe, a me ka pōhaku, a me ka lāʻau; nā mea hiki ʻole ke ʻike, ʻaʻole hoʻi e lohe, ʻaʻole hoʻi e hele: Hoʻike 9:20 A ua kipaku ʻia akula ka deragona nui, ʻo ia hoʻi ka nahesa kahiko i kapa ʻia ʻo ka Diabolo, a ʻo Sātana hoʻi, ka mea nāna i hoʻopunipuni i ko ke ao nei a pau: ua kipaku ʻia akula ʻo ia i ka honua, a ua kipaku pū ʻia akula kāna mau ʻānela me ia. No laila, e ʻoliʻoli ʻoukou, e nā lani, a me ka poʻe e noho ana i loko o lākou. Auē ka poʻe e noho ana ma ka honua a ma ke kai! No ka mea, ua iho mai ka diabolo iā ʻoukou me ka huhū nui, no ka mea, ua ʻike ʻo ia he pōkole kona manawa. Hōʻike 12:9,12 13
ʻO Sātana a me nā Diabolo
E kūoʻo, e makaʻala; no ka mea, ʻo ko ʻoukou ʻenemi, ʻo ka diabolo, e like me ka liona e uwo ana, ke holoholo nei, e ʻimi ana i kāna mea e ʻai ai: 1 Petero 5:8
No ka mea, ʻo lākou nā ʻuhane o nā daimonio, e hana ana i nā hana mana, e hele aku ana i nā aliʻi o ka honua a me ke ao holoʻokoʻa, e hoʻākoakoa iā lākou i ke kaua o kēlā lā nui o ke Akua Mana Loa. Hōʻike 16:14 A kāhea akula ia me ka leo nui, ʻī akula, Ua hāʻule, ua hāʻule ʻo Babulona nui, a ua lilo ia i wahi noho no nā daimonio, a me kahi paʻa o nā ʻuhane haumia a pau, a me kahi paʻa no nā manu haumia a hoʻowahāwahā ʻia a pau. Hōʻike 18:2 A lālau akula ia i ka deragona, kēlā moʻo kahiko, ʻo ia hoʻi ka Diabolo, a ʻo Sātana hoʻi, a nakinaki ihola iā ia no hoʻokahi tausani makahiki; A pau nā makahiki hoʻokahi tausani, a laila e hoʻokuʻu ʻia aku ʻo Sātana mai loko mai o kona hale paʻahao, A ʻo ka diabolo nāna lākou i hoʻopunipuni, ua hoʻolei ʻia ʻo ia i loko o ka loko ahi a me ka luaʻi pele, kahi o ka holoholona a me ke kāula wahaheʻe, a e hoʻomāinoino ʻia lākou i ke ao a me ka pō a mau loa aku. Hoʻike 20 : 2,7,10
ʻApokipa ʻĪ akula ia iā ia, E hoʻopā aku i ka puʻuwai a me ke akepaʻa, inā e hoʻopilikia mai kahi daimonio a i ʻole kahi ʻuhane ʻino i kekahi, pono kākou e puhi i ka uahi i mua o ke kāne a i ʻole ka wahine, a ʻaʻole e hoʻopilikia hou ʻia ka ʻaoʻao. A e honi ka diabolo iā ia, a holo aku, ʻaʻole loa e hoʻi hou mai: akā, i kou hiki ʻana aku i ona lā, e kū aʻe ʻolua, a e pule aku i ke Akua lokomaikaʻi, nāna e aloha mai iā ʻoe, a e hoʻōla iā ʻoe: mai makaʻu, no ka mea, ua hoʻonoho ʻia ʻo ia nou mai kinohi mai; a na ʻoe e mālama iā ia, a e hele pū ʻo ia me ʻoe. Eia kekahi, ke manaʻo nei au e hānau ʻo ia i nā keiki nāu. I ka lohe ʻana o Tobia i kēia mau mea, ua aloha ʻo ia iā ia, a ua pili pono kona naʻau iā ia. Tobita 6:7,17 Akā, ma o ka lili o ka diabolo i hiki mai ai ka make i ke ao nei: a ʻo ka poʻe e paʻa ana i kona ʻaoʻao, loaʻa iā lākou. Naʻauao o Solomona 2:24 I ka wā e hōʻino ai ka mea hewa iā Sātana, hōʻino pū ʻo ia i kona ʻuhane ponoʻī. ʻEkalesia 21:27 No ka mea, ua hoʻonāukiuki ʻoukou i ka mea nāna ʻoukou i hana ma ka mōhai ʻana i nā daimonio, ʻaʻole i ke Akua. No ka mea, e hele mai ana ke ahi ma luna ona mai ka Mea Mau Loa mai, e mau loa ana; a e noho ʻia ʻo ia e nā daimonio no ka manawa lōʻihi. Baruka 4:7,35
14