Nā Paʻahao o ka Manaʻolana Nā mele No ka mea, ke lohe mai nei ʻo Iēhova i ka poʻe ʻilihune, ʻaʻole hoʻi ia e hoʻowahāwahā i kāna poʻe pio. Halelu 69:33 E hiki aku i mua ou ke kaniʻuhū o ke pio; e like me ka nui o kou mana, e hoʻōla mai ʻoe i ka poʻe i hoʻoholo ʻia e make; Halelu 79:11 E kākau ʻia kēia no ka hanauna e hiki mai ana: a e hoʻomaikaʻi aku nā kānaka e hana ʻia ana iā Iēhova. No ka mea, ua nānā mai ʻo ia mai luna mai o kona wahi hoʻāno; mai ka lani mai i nānā mai ai ʻo Iēhova i ka honua; E hoʻolohe i ke kaniʻuhū ʻana o ka mea pio; E hoʻokuʻu i ka poʻe i hoʻoholo ʻia no ka make; Halelu 102:18-20 E lawe mai i koʻu ʻuhane mai loko mai o ka hale paʻahao, i hoʻomaikaʻi aku ai au i kou inoa: e hoʻopuni mai ka poʻe pono iaʻu; no ka mea, e hana maikaʻi mai ʻoe iaʻu. Halelu 142:7 Pōmaikaʻi ka mea nona ke Akua o Iakoba i kōkua nona, ʻo kona manaʻolana ma Iēhova kona Akua: ʻO ka mea nāna i hana i ka lani a me ka honua, i ke kai, a me nā mea a pau i loko, ʻo ka mea mālama mau loa i ka ʻoiaʻiʻo: ʻO ka mea hoʻopono no ka poʻe i hoʻoluhi ʻia: ʻO ka mea hāʻawi i ka ʻai na ka poʻe pōloli. Hoʻokuʻu ʻo Iēhova i nā mea pio: Halelu 146:5-7
Nā Kāula Penei ka ʻōlelo ʻana mai a ke Akua ʻo Iēhova, ka mea nāna i hana i nā lani, a hohola aʻela iā lākou; ka mea nāna i hoʻopuehu i ka honua, a me nā mea e ulu mai ana mai ona aku; ka mea nāna i hāʻawi i ka hanu i nā kānaka ma luna ona, a me ka ʻuhane i ka poʻe e hele ana ma laila: ʻO wau, ʻo Iēhova, ua hea aku iā ʻoe ma ka pono, a naʻu nō e paʻa i kou lima, a naʻu nō e mālama iā ʻoe, a naʻu nō e hāʻawi iā ʻoe i berita no nā kānaka, i mālamalama no nā lāhui kanaka; e wehe i nā maka makapō, e lawe mai i nā mea pio mai loko mai o ka hale paʻahao, a me ka poʻe e noho ana i ka pouli, mai loko mai o ka hale paʻahao. ʻIsaia 42:5-7 Eia ma luna oʻu ka ʻUhane o Iēhova ke Akua; no ka mea, ua poni mai ʻo Iēhova iaʻu e haʻi aku i ka ʻōlelo maikaʻi i ka poʻe haʻahaʻa; ua hoʻouna mai ʻo ia iaʻu e hoʻopaʻa i ka poʻe naʻau haʻihaʻi, e haʻi aku i ke kuʻu ʻana i ka poʻe pio, a me ka wehe ʻana o ka hale paʻahao i ka poʻe i hoʻopaʻa ʻia; ʻIsaia 61:1 ʻO ʻoe hoʻi, ma ke koko o kāu berita, ua hoʻokuʻu aku au i kou poʻe pio mai loko mai o ka lua, kahi ʻaʻohe wai. E huli ʻoukou i ka pā kaua, e nā pio o ka manaʻolana: a i kēia lā, ke haʻi aku nei au e uku pālua aku au iā ʻoe; Zekaria 9:11-12
Nā ʻEuanelio A laila, e ʻōlelo mai ke Aliʻi i ka poʻe ma kona lima ʻākau, E hele mai ʻoukou, e ka poʻe i hoʻomaikaʻi ʻia e koʻu Makua, e hoʻoilina i ke aupuni i hoʻomākaukau ʻia no ʻoukou mai ka hoʻokumu ʻana o ke ao nei: No ka mea, ua pōloli au, a hāʻawi mai ʻoukou iaʻu i ka ʻai; ua make wai
1
au, a hāʻawi mai ʻoukou iaʻu i ka mea inu; he malihini au, a hoʻokipa ʻoukou iaʻu; ʻaʻahu ʻole, a hōʻaʻahu mai ʻoukou iaʻu; ua maʻi au, a kipa mai ʻoukou iaʻu; aia au i loko o ka hale paʻahao, a hele mai ʻoukou iaʻu. A laila e ʻōlelo mai ka poʻe pono iā ia, me ka ʻī ʻana mai, E ka Haku, i ka manawa hea i ʻike ai mākou iā ʻoe e pōloli ana, a hānai iā ʻoe? a make wai paha, a hāʻawi aku iā ʻoe i mea inu? I ka manawa hea i ʻike ai mākou iā ʻoe he malihini, a hoʻokipa iā ʻoe? a ʻaʻahu ʻole paha, a hōʻaʻahu iā ʻoe? A i ka manawa hea i ʻike ai mākou iā ʻoe e maʻi ana, a i loko o ka hale paʻahao paha, a hele aku i ou lā? A e ʻōlelo mai ke Aliʻi iā lākou, ʻOiaʻiʻo kaʻu e ʻōlelo aku nei iā ʻoukou, ʻO kā ʻoukou hana ʻana i kekahi o kēia mau hoahānau liʻiliʻi loa oʻu, ua hana ʻoukou iaʻu. Mataio 25:34-40 A laila ʻōlelo maila ʻo ia iā lākou, E kūʻē mai ana kekahi lāhui kanaka i kekahi lāhui kanaka, a me kekahi aupuni i kekahi aupuni: A e hiki mai ana nā ʻōlaʻi nui ma nā wahi a pau, a me nā wī, a me nā ahulau; a e ʻike ʻia mai nā mea weliweli a me nā hōʻailona nui mai ka lani mai. Akā, ma mua o kēia mau mea a pau, e kau ko lākou mau lima ma luna o ʻoukou, a e hoʻomaʻau mai iā ʻoukou, e hāʻawi aku iā ʻoukou i nā hale hālāwai, a i loko o nā hale paʻahao, a e lawe ʻia aku i mua o nā aliʻi a me nā luna no koʻu inoa. A e lilo ia i mea hōʻike iā ʻoukou. Luka 21:10-13
Nā Hana A laila kū aʻela ke kahuna nui i luna, a me ka poʻe a pau me ia, (ʻo ia ka ʻaoʻao o ka poʻe Sadukaio,) a piha lākou i ka huhū, a kau akula ko lākou mau lima ma luna o nā lunaʻōlelo, a hahao ihola iā lākou i loko o ka hale paʻahao. Akā, wehe aʻela ka ʻānela o ka Haku i nā puka o ka hale paʻahao i ka pō, a lawe maila iā lākou i waho, ʻī maila, E hele ʻoukou, e kū a e ʻōlelo aku i nā kānaka ma loko o ka luakini i nā ʻōlelo a pau o kēia ola. ʻOihana 5:17-20 No laila, ua mālama ʻia ʻo Petero i loko o ka hale paʻahao: akā, ua pule mau ka ʻekalesia i ke Akua nona. A i ka wā i manaʻo ai ʻo Herode e lawe mai iā ia i waho, ia pō, ua hiamoe ʻo Petero ma waena o nā koa ʻelua, ua nakinaki ʻia me nā kaulahao ʻelua: a ua mālama nā kiaʻi ma mua o ka puka i ka hale paʻahao. Aia hoʻi, kū maila ka ʻānela o ka Haku ma luna ona, a ʻālohilohi maila ka mālamalama i loko o ka hale paʻahao: a kuʻi akula ʻo ia iā Petero ma ka ʻaoʻao, hoʻāla iā ia, ʻī akula, E ala koke ʻoe. A hāʻule ihola kona mau kaulahao mai kona mau lima aku. Akā, peʻahi akula ʻo ia iā lākou me ka lima e noho mālie, a haʻi akula iā lākou i ka lawe ʻana mai o ka Haku iā ia mai loko mai o ka hale paʻahao. ʻĪ maila ia, E hele e haʻi aku i kēia mau mea iā Iakobo, a me nā hoahānau. Hele akula ia, a hele akula i kahi ʻē. ʻOihana 12:5-7,17 A i ka hahau ʻana o lākou iā lāua he nui, ua hoʻolei lākou iā lāua i loko o ka hale paʻahao, me ke kauoha ʻana i ka luna hale paʻahao e mālama pono iā lāua: A i ka loaʻa ʻana o ia kauoha, ua hoʻolei ʻo ia iā lāua i loko o ka hale paʻahao i loko, a hoʻopaʻa i ko lāua mau wāwae i loko o nā lāʻau kuʻi. A i ke aumoe, pule akula ʻo Paulo lāua ʻo Sila, a hīmeni akula i nā hoʻomaikaʻi i ke Akua: a lohe nā paʻahao iā lāua. A laila, he ʻōlaʻi nui, a haʻalulu ke kumu o ka hale paʻahao: a wehe koke ʻia nā puka a pau, a wehe ʻia nā kaula o kēlā me kēia kanaka. A ala aʻela ke kiaʻi hale paʻahao mai kona hiamoe ʻana, a ʻike aʻela i nā puka o ka hale paʻahao e wehe ʻia ana, unuhi aʻela ia i kāna pahi kaua, a makemake ihola e pepehi iā ia iho, me ka manaʻo ua holo nā paʻahao. Akā, kāhea akula ʻo Paulo me ka leo nui, ʻī akula, Mai hana ʻino ʻoe iā ʻoe iho; no ka mea, eia mākou a pau ma ʻaneʻi. A laila kāhea akula ia i kukui, lele akula i loko, a hele haʻalulu akula, a moe ihola i mua o Paulo lāua ʻo Sila, A lawe maila iā lāua i waho, ʻī akula, E nā kānaka, he aha kaʻu e hana ai i ola ai au? ʻĪ akula lāua, E manaʻoʻiʻo i ka Haku ʻo Iesū Kristo, a e ola ʻoe a me kou ʻohana. A haʻi akula lākou iā ia i ka ʻōlelo a ka Haku, a i ka poʻe a pau o loko o kona hale. A lawe akula ʻo ia iā lākou i ia hola o ka pō, a holoi ihola i ko lākou mau palapū; a bapetizo koke ʻia ihola ia, ʻo ia a me kona poʻe a pau. A lawe maila ʻo ia iā lākou i loko o kona hale, a kau maila i ka ʻai i mua o lākou, a ʻoliʻoli ihola ia, me ka manaʻoʻiʻo i ke Akua me kona ʻohana a pau. ʻOihana 16:23-34 2
Nā Episetole He poʻe kāhuna anei lākou na Kristo? (Ke ʻōlelo nei au me he naʻaupō lā) ʻoi aku wau; ma nā hana nui aku, ma nā hahau ʻana he nui loa, ma nā hale paʻahao pinepine aku, ma nā make pinepine. 2 Korineto 11:23 No laila, ʻo wau, ka mea pio na ka Haku, ke noi aku nei iā ʻoukou, e hele ʻoukou ma ke kūpono o ke hea ʻana a ʻoukou i hea ʻia mai ai, Me ka haʻahaʻa a pau, a me ke akahai, a me ke ahonui, e hoʻomanawanui ana kekahi i kekahi me ke aloha; E hoʻoikaika ana e mālama i ka lokahi o ka ʻUhane ma ke kaula o ka maluhia. ʻEpeso 4:1-3 No laila, mai hilahila ʻoe i ka hōʻike ʻana a ko kākou Haku, ʻaʻole hoʻi iaʻu i kāna pio: akā, e komo pū ʻoe i nā pilikia o ka ʻeuanelio ma muli o ka mana o ke Akua; ʻO ka mea nāna kākou i hoʻōla, a i hea mai iā kākou me ke hea hemolele, ʻaʻole ma muli o kā kākou hana ʻana, akā, ma muli o kona manaʻo ponoʻī a me ka lokomaikaʻi, i hāʻawi ʻia mai iā kākou ma o Kristo Iesū ma mua o ka hoʻomaka ʻana o ke ao nei, akā, ua hōʻike ʻia mai i kēia manawa ma ka ʻikea ʻana mai o ko kākou Hoʻōla ʻo Iesū Kristo, ka mea nāna i hoʻopau i ka make, a ua lawe mai i ke ola a me ka make ʻole i ka mālamalama ma o ka ʻeuanelio: No laila wau i hoʻonoho ʻia ai i kahuna haʻiʻōlelo, a i lunaʻōlelo, a i kumu no nā lāhui kanaka ʻē. 2 Timoteo 1:8-11 ʻO Paulo, he pio na Iesū Kristo, a ʻo Timoteo ko kākou hoahānau, iā Pilemona i ko kākou mea aloha a me ka hoa hana, Akā, no ke aloha, ke noi aku nei au iā ʻoe, ʻoiai ʻo Paulo ka ʻelemakule, a i kēia manawa he pio na Iesū Kristo. Pilemona 1:1,9 Mai makaʻu i nā mea āu e ʻeha ai: aia hoʻi, e hoʻolei ana ka diabolo i kekahi o ʻoukou i loko o ka hale paʻahao, i hoʻāʻo ʻia ai ʻoukou; a e loaʻa iā ʻoukou ka pilikia i nā lā he ʻumi: e kūpaʻa ʻoe a hiki i ka make, a naʻu nō e hāʻawi aku iā ʻoe i ka lei o ke ola. Hōʻike 2:10
3