Issuu

Bapetizo ʻana o ka Wai a me ke Ahi A laila hoʻomanaʻo ihola au i ka ʻōlelo a Iēhova, āna i ʻōlelo mai ai, Ua bapetizo ʻo Ioane me ka wai; akā, e bapetizo ʻia ʻoukou me ka ʻUhane Hemolele. ʻOihana 11:16

Nā ʻEuanelio Mataio 3:1-17 1 IA mau la la i hele mai ai o Ioane Bapetite, e ao ana ma ka waonahele o Iudea, i ka i ana ae, 2 ʻĪ maila, E mihi ʻoukou; no ka mea, ua kokoke mai ke aupuni o ka lani. 3 ʻO ia nō ka mea i ʻōlelo ʻia mai e ke kāula e ʻIsaia, i ka ʻī ʻana mai, Ka leo o ka mea e kala ana ma ka wao nahele, E hoʻomākaukau ʻoukou i ke alanui no Iēhova, e hana i kona mau alanui i pololei. 4 Ua ʻaʻahu ʻia ʻo Ioane i ka hulu kāmelo, a he kāʻei ʻili ma kona pūhaka; a he ʻūhini kāna ʻai, a me ka meli o ka nahelehele. 5 A laila, hele akula i ona lā ko Ierusalema, a me ko Iudea a pau, a me nā wahi a pau e kokoke ana i Ioredane. 6 A bapetizo ʻia ihola lākou e ia i loko o Ioredane, me ka haʻi ʻana i ko lākou hewa. 7 A ʻike akula ia i ka nui o ka poʻe Parisaio a me ka poʻe Sadukaio e hele mai ana i kāna bapetizo ʻana, ʻī akula ʻo ia iā lākou, E ka hanauna moʻo niho ʻawaʻawa, na wai ʻoukou i aʻo aku e holo i ka inaina e hiki mai ana? 8 E hoʻohua mai i nā hua e kūpono i ka mihi; 9 Mai manaʻo ʻoukou e ʻōlelo i loko o ʻoukou iho, ʻO ʻAberahama ko kākou kupuna; no ka mea, ke ʻōlelo aku nei au iā ʻoukou, e hiki nō i ke Akua ke hoʻāla mai i mau keiki na ʻAberahama no kēia mau pōhaku mai. 10 Ano hoi, ua waihoia ke koi ma ke kumu o na laau; nolaila, o kela laau keia laau i hua ole mai i ka hua maikai, ua kuaia ilalo a ua kiolaia'ku i ke ahi. 11 ʻO wau nō ke bapetizo aku nei iā ʻoukou me ka wai no ka mihi; akā, ʻo ka mea e hele mai ana ma hope oʻu, he ʻoi aku kona mana ma mua oʻu, ʻaʻole au e pono ke lawe i kona mau kāmaʻa; nāna ʻoukou e bapetizo me ka ʻUhane Hemolele a me ke ahi. 12 Aia nō ma kona lima kona peʻahi, a e hoʻomaʻemaʻe pono ʻo ia i kāna palaoa, a e hōʻiliʻili hoʻi i kāna palaoa i loko o ka hale papaʻa; a e hoʻopau hoʻi ʻo ia i ka ʻōpala i ke ahi pio ʻole. 13 A laila, hele maila ʻo Iesū, mai Galilaia mai i Ioredane i o Ioane lā, e bapetizo ʻia e ia. 14 Hōʻole akula ʻo Ioane iā ia, ʻī akula, ʻO wau kāu e bapetizo ai e pono ai, a ke hele mai nei anei ʻoe i oʻu nei? 15 ʻŌlelo maila ʻo Iesū, ʻī maila iā ia, E ʻae mai ʻoe i kēia manawa; no ka mea, pēlā kāua e pono ai ke hoʻokō i ka pono a pau. A laila, ʻae akula ʻo ia iā ia. 16 A bapetizo ʻia ʻo Iesū, piʻi koke aʻela ia mai ka wai mai; aia hoʻi, hāmama aʻela ka lani nona, a ʻike akula ia i ka ʻUhane o ke Akua e iho mai ana me he manu nūnū lā, a kau ihola ma luna ona.

17 Aia hoʻi, he leo mai ka lani mai, e ʻī mai ana, ʻO kaʻu Keiki punahele kēia, ka mea aʻu i ʻoluʻolu loa ai. ʻOiaʻiʻo kaʻu e ʻōlelo aku nei iā ʻoukou, ʻO ka poʻe i hānau ʻia e nā wāhine, ʻaʻole i kū mai kekahi i ʻoi aku ma mua o Ioane Bapetite: akā naʻe, ʻo ka mea liʻiliʻi loa i loko o ke aupuni o ka lani, ua ʻoi aku ia ma mua ona. A mai nā lā o Ioane Bapetite a hiki i kēia manawa, ua ʻeha ke aupuni o ka lani i ka hana ʻino, a ua lawe wale aku ka poʻe hana ʻino ia mea. Mataio 11:11-12 ʻĪ akula ia i kāna poʻe kauwā, ʻO Ioane Bapetite kēia; ua ala hou mai ia mai ka make mai; no laila, ua hōʻike ʻia nā hana mana ma ona lā. A ua aʻo mua ʻia ʻo ia e kona makuahine, ʻī akula ia, E hāʻawi mai iaʻu i ke poʻo o Ioane Bapetite ma luna o kahi pā. Mataio 14:2,8 ʻĪ maila lākou, ʻŌlelo maila kekahi, ʻO Ioane Bapetite ʻoe; ʻO ʻElia kekahi; a ʻo Ieremia kekahi, a i ʻole kekahi o nā kāula. Mataio 16:14 A laila ʻike ihola nā haumāna ua ʻōlelo ʻo ia iā lākou no Ioane Bapetite. Mataio 17:13 Akā, ʻōlelo maila ʻo Iesū, ʻī maila, ʻAʻole ʻoukou i ʻike i kā ʻoukou mea e noi mai nei. E hiki anei iā ʻoukou ke inu i ke kīʻaha aʻu e inu ai, a e bapetizo ʻia i ka bapetizo aʻu e bapetizo ʻia ai? ʻĪ maila lāua iā ia, E hiki nō iā māua. ʻĪ maila ʻo ia iā lāua, E inu nō hoʻi ʻoukou i kaʻu kīʻaha, a e bapetizo ʻia i ka bapetizo aʻu e bapetizo ʻia ai: akā, ʻo ka noho ʻana ma koʻu lima ʻākau, a ma koʻu lima hema, ʻaʻole ia naʻu e hāʻawi aku, akā, e hāʻawi ʻia nō ia no ka poʻe i hoʻomākaukau ʻia e koʻu Makua. Mataio 20:22-23 Mataio 21:25 ʻO ka bapetizo ʻana a Ioane, no hea mai ia? No ka lani mai anei, no kānaka mai paha? A kūkākūkā lākou iā lākou iho, ʻī akula, Inā e ʻōlelo kākou, No ka lani mai; e nīnau mai ʻo ia iā kākou, No ke aha lā ʻoukou i manaʻoʻiʻo ʻole ai iā ia? Mataio 28:18-20 Hele mai la o Iesu, olelo mai la ia lakou, i mai la, Ua haawiia mai ia'u ka mana a pau ma ka lani a ma ka honua. E hele oukou, e ao aku i na lahuikanaka a pau, e bapetizo ana ia lakou ma ka inoa o ka Makua, a me ke Keiki, a me ka Uhane Hemolele: E ao aku ana ia lakou e malama i na mea a pau a'u i kauoha aku ai ia oukou; aia hoi, owau no me oukou i na manawa a pau, a hiki i ka hopena o ke ao nei. Amene. Bapetizo ʻo Ioane ma ka wao nahele, a haʻi akula i ka bapetizo ʻana o ka mihi no ke kala ʻana i nā hala. A hele akula i ona lā ko ka ʻāina a pau o Iudea, a me ko Ierusalema, a bapetizo ʻia lākou a pau e ia ma ka muliwai ʻo Ioredane, me ka haʻi ʻana i ko lākou hewa. Ua bapetizo aku nō wau iā ʻoukou me ka wai; akā, e bapetizo ʻo ia iā ʻoukou me ka ʻUhane Hemolele. A i kēlā mau lā, hele maila ʻo Iesū mai Nazareta o Galilaia mai, a bapetizo ʻia ihola ia e Ioane ma Ioredane. Mareko 1:4-5,8-9 A lohe ʻo Herode ke aliʻi nona; (no ka mea, ua laha kona inoa:) ʻī akula ia, Ua ala hou mai ʻo Ioane Bapetite mai ka make mai, a no laila, ua hōʻike ʻia nā hana mana ma ona lā. Hele akula ia i waho, nīnau akula i kona makuahine, He aha kaʻu e noi aku ai? ʻĪ akula ia, ʻO ke poʻo o Ioane Bapetite. A hele koke akula ia i ke aliʻi, noi akula, me ka ʻī ʻana, Makemake au e hāʻawi koke mai ʻoe iaʻu i ke poʻo o Ioane Bapetite ma luna o kahi pā. Mareko 6:14,24,25 ʻĪ maila lākou, ʻO Ioane Bapetite: akā, ʻōlelo kekahi, ʻO ʻElia; a ʻōlelo kekahi, ʻO kekahi o nā kāula. Mareko 8:28

ʻĪ maila ʻo Iesū iā lākou, ʻAʻole ʻoukou i ʻike i kā ʻoukou mea e noi mai nei: hiki anei iā ʻoukou ke inu i ke kīʻaha aʻu e inu ai? a e bapetizo ʻia me ka bapetizo aʻu e bapetizo ʻia ai? ʻĪ maila lākou iā ia, Hiki iā mākou. ʻĪ maila ʻo Iesū iā lākou, E inu nō ʻoukou i ke kīʻaha aʻu e inu ai; a me ka bapetizo aʻu e bapetizo ʻia ai, e bapetizo ʻia ʻoukou: Mareko 10:38-39 ʻO ka bapetizo ʻana a Ioane, no ka lani mai anei ia, a no kānaka paha? e pane mai iaʻu. Mareko 11:30 ʻO ka mea e manaʻoʻiʻo a bapetizo ʻia, e hoʻōla ʻia ʻo ia; akā, ʻo ka mea manaʻoʻiʻo ʻole, e hoʻāhewa ʻia ʻo ia. Mareko 16:16 A hele akula ia i nā ʻāina a pau e pili ana iā Ioredane, e aʻo ana i ka bapetizo ʻana o ka mihi no ke kala ʻana i nā hala; A laila, ʻī akula ia i ka lehulehu i hele mai e bapetizo ʻia e ia, E ka hanauna moʻo ʻawaʻawa, na wai ʻoukou i aʻo aku e holo i ka inaina e hiki mai ana? A laila hele maila hoʻi nā luna ʻauhau e bapetizo ʻia, ʻī akula iā ia, E ke Kumu, he aha kā mākou e hana ai? ʻŌlelo maila ʻo Ioane iā lākou a pau, Ke bapetizo nei au iā ʻoukou me ka wai; akā, e hele mai ana kekahi, ʻoi aku kona mana ma mua oʻu, ʻaʻole au e pono ke wehe i ke kaula o kona mau kāmaʻa: nāna ʻoukou e bapetizo me ka ʻUhane Hemolele a me ke ahi: A i ka bapetizo ʻia ʻana o nā kānaka a pau, eia kekahi, i ka bapetizo ʻia ʻana o Iesū, a i kāna pule ʻana, ua wehe ʻia ka lani, Luka 3:3,7,12,16,21 A hiki akula nā kānaka i ona lā, ʻī akula lākou, Ua hoʻouna mai ʻo Ioane Bapetite iā māua i ou lā, e ʻī mai ana, ʻO ʻoe anei ka mea e hele mai ana? a ke kali nei paha mākou i kekahi mea ʻē aʻe? No ka mea, ke ʻōlelo aku nei au iā ʻoukou, ʻO ka poʻe i hānau ʻia e nā wāhine, ʻaʻohe kāula i ʻoi aku ma mua o Ioane Bapetite: akā, ʻo ka mea liʻiliʻi loa i loko o ke aupuni o ke Akua, ʻoi aku ia ma mua ona. A ʻo ka poʻe a pau i lohe iā ia, a me nā luna ʻauhau, ua hoʻāpono lākou i ke Akua, i ka bapetizo ʻia ʻana me ka bapetizo ʻana a Ioane. Akā, ua hōʻole ka poʻe Parisaio a me ka poʻe kākau ʻōlelo i ka manaʻo o ke Akua no lākou iho, ʻaʻole lākou i bapetizo ʻia e ia. No ka mea, ua hele mai ʻo Ioane Bapetite me ka ʻai ʻole i ka berena, ʻaʻole hoʻi i inu i ka waina; a ke ʻōlelo nei ʻoukou, He daimonio kona. Luka 7:20,28-30,33 ʻĪ akula lākou, ʻO Ioane Bapetite; akā, ʻōlelo kekahi, ʻO ʻElia; a ʻōlelo kekahi, ua ala hou mai kekahi o nā kāula kahiko. Luka 9:19 Akā, he bapetizo koʻu e bapetizo ʻia ai; a pehea koʻu pilikia a hiki i ka wā e hoʻopau ʻia ai! Luka 12:50 ʻO ka bapetizo ʻana a Ioane, no ka lani mai anei ia, no kānaka mai paha? Luka 20:4 A laila nīnau akula lākou iā ia, ʻī akula iā ia, No ke aha lā ʻoe e bapetizo ai, inā ʻaʻole ʻoe ʻo ka Mesia, ʻaʻole hoʻi ʻo ʻElia, ʻaʻole hoʻi ʻo kēlā kāula? ʻŌlelo maila ʻo Ioane iā lākou, ʻī maila, Ke bapetizo nei au me ka wai: akā, ke kū nei kekahi i waena o ʻoukou, ka mea a ʻoukou i ʻike ʻole ai; Ua hana ʻia kēia mau mea ma Betabara ma kēlā ʻaoʻao o Ioredane, kahi a Ioane e bapetizo ana. ʻAʻole au i ʻike iā ia: akā, i mea e hōʻike ʻia ai ʻo ia i ka ʻIseraʻela, no laila wau i hele mai nei e bapetizo ana me ka wai. ʻAʻole au i ʻike iā ia: akā, ʻo ka mea nāna au i hoʻouna mai e bapetizo me ka wai, ʻo ia ka mea i ʻōlelo mai iaʻu, ʻO ka mea āu e ʻike ai i ka ʻUhane e iho mai ana, a e noho ana ma luna ona, ʻo ia ka mea nāna e bapetizo me ka ʻUhane Hemolele. Ioane 1:25-26,28,31,33 Ma hope iho o kēia mau mea, hele maila ʻo Iesū a me kāna poʻe haumāna i ka ʻāina ʻo Iudea; a noho ihola ia ma laila me lākou, a bapetizo ihola. A bapetizo akula nō hoʻi ʻo Ioane ma ʻAinona kokoke i Salima, no ka mea, he nui ka wai ma laila: a hele maila lākou, a bapetizo ʻia ihola. A hele maila lākou i o Ioane lā, ʻī akula iā ia, E Rabi, ʻo ka mea me ʻoe ma kēlā ʻaoʻao o Ioredane, ka mea āu i

hōʻike aku ai, aia hoʻi, ke bapetizo nei ʻo ia, a ke hele mai nei nā kānaka a pau i ona lā. Ioane 3:2223,26 A ʻike aʻela ka Haku i ka lohe ʻana o ka poʻe Parisaio, ua nui aku nā haumāna a Iesū i hoʻohaumāna ai, a i bapetizo ai hoʻi, ma mua o Ioane, (ʻaʻole naʻe ʻo Iesū iho i bapetizo, akā, ʻo kāna mau haumāna nō,) Ioane 4:1-2 A hele hou akula ia ma kēlā ʻaoʻao o Ioredane, i kahi a Ioane i bapetizo mua ai; a noho ihola ia ma laila. Ioane 10:40

Nā Hana No ka mea, ua bapetizo ʻiʻo nō ʻo Ioane me ka wai; akā, e bapetizo ʻia ʻoukou me ka ʻUhane Hemolele, ʻaʻole nui nā lā ma hope iho. ʻOihana 1:5 Mai ka bapetizo ʻana a Ioane, a hiki i ka lā i lawe ʻia aku ai ʻo ia mai o kākou aku, he mea pono e hoʻolilo ʻia kekahi i mea hōʻike pū me kākou i kona alahou ʻana mai. ʻOihana 1:22 A laila ʻī maila ʻo Petero iā lākou, E mihi, a e bapetizo ʻia ʻoukou a pau ma ka inoa ʻo Iesū Kristo no ke kala ʻia ʻana o nā hala, a e loaʻa iā ʻoukou ka makana o ka ʻUhane Hemolele. ʻOihana 2:38 A laila, ʻo ka poʻe i ʻae me ka ʻoliʻoli i kāna ʻōlelo, ua bapetizo ʻia lākou: a ia lā hoʻi, ua hoʻohui ʻia mai iā lākou ma kahi o ʻekolu tausani ʻuhane. ʻOihana 2:41 A i ko lākou manaʻoʻiʻo ʻana iā Pilipo i kāna haʻi ʻana i nā mea e pili ana i ke aupuni o ke Akua, a me ka inoa ʻo Iesū Kristo, bapetizo ʻia ihola lākou, nā kāne a me nā wāhine. ʻOihana 8:12 A laila, manaʻoʻiʻo nō hoʻi ʻo Simona: a i ka wā i bapetizo ʻia ai, ua noho pū ʻo ia me Pilipo, a kāhāhā ihola i kona ʻike ʻana i nā hana mana a me nā hōʻailona i hana ʻia. (No ka mea, ʻaʻole ia i hāʻule mai ma luna o kekahi o lākou: ua bapetizo wale ʻia lākou ma ka inoa o ka Haku ʻo Iesū.) ʻOihana 8:13,16 A i ko lāua hele ʻana ma ke ala, hiki akula lāua i kahi wai: ʻī maila ke luna, Eia ka wai; he aha ka mea e keʻakeʻa mai iaʻu mai ka bapetizo ʻia ʻana? A kauoha akula ia i ke kaʻa e kū mālie: a iho ihola lāua i loko o ka wai, ʻo Pilipo a me ke luna; a bapetizo ihola ʻo ia iā ia. ʻOihana 8:36,38 A hāʻule koke ihola mai kona mau maka mai me he unahi lā: a ʻike koke ihola ia, a kū aʻela i luna, a bapetizo ʻia ihola. ʻOihana 9:18 ʻO ka ʻōlelo, ke ʻōlelo aku nei au, ua ʻike ʻoukou, i hoʻolaha ʻia ma Iudea a pau, a hoʻomaka ʻia ma Galilaia, ma hope o ka bapetizo a Ioane i haʻi aku ai; E hiki anei i kekahi ke pāpā aku i ka wai, i ʻole e bapetizo ʻia kēia poʻe, ka poʻe i loaʻa ka ʻUhane Hemolele e like me mākou? A kauoha maila ia iā lākou e bapetizo ʻia ma ka inoa o ka Haku. A laila nonoi akula lākou iā ia e noho i kekahi mau lā. ʻOihana 10:37,47-48 A laila hoʻomanaʻo ihola au i ka ʻōlelo a ka Haku, āna i ʻōlelo mai ai, Ua bapetizo ʻo Ioane me ka wai; akā, e bapetizo ʻia ʻoukou me ka ʻUhane Hemolele. ʻOihana 11:16 I ka wā i haʻi mua aku ai ʻo Ioane i ka bapetizo ʻana o ka mihi i nā kānaka a pau o ʻIseraʻela, ma mua o kona hiki ʻana mai. ʻOihana 13:24 4

A i ka bapetizo ʻia ʻana, a me kona ʻohana, ua nonoi mai ia iā mākou, ʻī maila, Inā manaʻo ʻoukou he kūpaʻa wau i ka Haku, e hele mai i loko o koʻu hale, a e noho ma laila. Koi mai ʻo ia iā mākou. A lawe ʻo ia iā lākou i ia hola o ka pō, a holoi i ko lākou mau palapū; a bapetizo koke ʻia ʻo ia a me kona poʻe a pau. ʻOihana 16:15,33 A ʻo Kerisepo, ke luna o ka hale hālāwai, manaʻoʻiʻo akula ia i ka Haku me kona hale a pau; a lohe ka poʻe Korineto he nui i manaʻoʻiʻo, a bapetizo ʻia ihola. Ua aʻo ʻia kēia kanaka ma ke ala o ka Haku; a me ka ikaika ma ka ʻuhane, ʻōlelo akula ia a aʻo pono akula i nā mea o ka Haku, ʻo ka bapetizo a Ioane wale nō kāna i ʻike ai. ʻOihana 18:8,25 ʻĪ maila ia iā lākou, I ke aha lā ʻoukou i bapetizo ʻia ai? ʻĪ maila lākou, I ka bapetizo ʻana a Ioane. A laila, ʻī maila ʻo Paulo, Ua bapetizo ʻoiaʻiʻo nō ʻo Ioane me ka bapetizo ʻana o ka mihi, e ʻī ana i nā kānaka, e manaʻoʻiʻo lākou i ka mea e hiki mai ana ma hope ona, ʻo ia hoʻi, ʻo Kristo Iesū. A lohe lākou i kēia, ua bapetizo ʻia lākou ma ka inoa o ka Haku ʻo Iesū. ʻOihana 19:3-5 ʻĀnō hoʻi, no ke aha ʻoe e hoʻokaʻulua nei? E kū aʻe, e bapetizo ʻia, a e holoi aku i kou mau hewa, me ke kāhea ʻana aku i ka inoa o ka Haku. ʻOihana 22:16

Nā Episetole ʻAʻole anei ʻoukou i ʻike, ʻo ka poʻe i bapetizo ʻia i loko o Iesū Kristo, ua bapetizo ʻia i loko o kona make? No laila, ua kanu pū ʻia kākou me ia ma ka bapetizo ʻana i loko o ka make: i like me ka hoʻāla ʻia ʻana o Kristo mai ka make mai ma ka nani o ka Makua, pēlā nō hoʻi kākou e hele ai ma ke ola hou. Roma 6:3-4 Ua māhele ʻia anei ʻo Kristo? Ua kau ʻia anei ʻo Paulo ma ke keʻa no ʻoukou? Ua bapetizo ʻia anei ʻoukou ma ka inoa ʻo Paulo? Ke hoʻomaikaʻi aku nei au i ke Akua no ka mea, ʻaʻole au i bapetizo i kekahi o ʻoukou, ʻo Kerisepo lāua ʻo Gaio wale nō; O ʻōlelo mai kekahi ua bapetizo au ma koʻu inoa ponoʻī. A ua bapetizo nō hoʻi au i ka ʻohana o Setepana: eia kekahi, ʻaʻole au i ʻike inā ua bapetizo au i kekahi mea ʻē aʻe. No ka mea, ʻaʻole i hoʻouna mai ʻo Kristo iaʻu e bapetizo, akā, e haʻi aku i ka ʻeuanelio: ʻaʻole me ke akamai o ka ʻōlelo, o hoʻolilo ʻia ke keʻa o Kristo i mea ʻole. 1 Korineto 1:13-17 A ua bapetizo ʻia lākou a pau i loko o Mose, ma ke ao a ma ke kai; 1 Korineto 10:2 No ka mea, ma ka ʻUhane hoʻokahi, ua bapetizo ʻia kākou a pau i loko o ke kino hoʻokahi, inā he Iudaio kākou, a he Helene paha, inā he kauwā kākou, a he kūʻokoʻa paha; a ua hoʻoinu ʻia kākou a pau i loko o ka ʻUhane hoʻokahi. 1 Korineto 12:13 A i ʻole, he aha lā e hana ai ka poʻe i bapetizo ʻia no ka poʻe make, inā ʻaʻole loa e ala hou mai ka poʻe make? No ke aha lā lākou i bapetizo ʻia ai no ka poʻe make? 1 Korineto 15:29 No ka mea, ʻo ka poʻe a pau o ʻoukou i bapetizo ʻia i loko o Kristo, ua ʻaʻahu ʻoukou iā Kristo. Galatia 3:27 Hoʻokahi Haku, hoʻokahi manaʻoʻiʻo, hoʻokahi bapetizo, ʻEpeso 4:5 I kanu pū ʻia me ia i ka bapetizo ʻana, a ma laila hoʻi ʻoukou i hoʻāla pū ʻia ai me ia ma ka manaʻoʻiʻo i ka hana a ke Akua, ka mea nāna ia i hoʻāla mai ka make mai. Kolose 2:12

No ke aʻo ʻana i nā bapetizo ʻana, a no ke kau ʻana o nā lima, a no ke alahouana o ka poʻe make, a me ka hoʻopaʻi mau loa. Hebera 6:2 ʻO ia hoʻi ke ʻano o ka bapetizo ʻana, ʻo ia hoʻi ka mea e hoʻōla mai nei iā kākou (ʻaʻole naʻe ka holoi ʻana i ka haumia o ke kino, akā, ʻo ka hoʻolohe ʻana i ka lunamanaʻo maikaʻi i ke Akua,) ma ke alahouana o Iesū Kristo: 1 Petero 3:21

Nā Puke Nalowale o ka Baibala Ua ʻike mākou iā Iesū, ka mea a ʻoukou i kau ai ma ke keʻa, e kamaʻilio ana me kāna mau haumāna he ʻumikumamākahi, a e noho ana i waenakonu o lākou ma ka mauna ʻo ʻOliveta, a e ʻī ana iā lākou, E hele aku ʻoukou i ke ao holoʻokoʻa, e haʻi aku i ka ʻEuanelio i nā lāhui kanaka a pau, e bapetizo ana iā lākou ma ka inoa o ka Makua, a me ke Keiki, a me ka ʻUhane Hemolele; a ʻo ka mea e manaʻoʻiʻo a bapetizo ʻia, e hoʻōla ʻia. A i kāna ʻōlelo ʻana i kēia mau mea i kāna mau haumāna, ua ʻike mākou iā ia e piʻi ana i luna i ka lani. ʻEuanelio a Nikodemo 10:19-21 ʻĪ maila ʻo ia, ʻO wau nō ka leo o ka mea e hea ana ma ka wao nahele, ʻo Ioane Bapetite, a ʻo ke kāula o ka Mea Kiʻekiʻe Loa, nāna i hele ma mua o kona hiki ʻana mai e hoʻomākaukau i kona ala, e hāʻawi i ka ʻike o ke ola i kona poʻe kānaka no ke kala ʻana i nā hala. A ʻo wau ʻo Ioane, i koʻu ʻike ʻana iā Iesū e hele mai ana i oʻu nei, me ka hoʻoikaika ʻia e ka ʻUhane Hemolele, ʻī akula au, Eia ke Keikihipa a ke Akua, aia hoʻi ka mea nāna e lawe aku i nā hewa o ke ao nei. A bapetizo akula au iā ia ma ka muliwai ʻo Ioredane, a ʻike akula au i ka ʻUhane Hemolele e iho mai ana ma luna ona ma ke ʻano o ka manu nūnū, a lohe ihola i ka leo mai ka lani mai, e ʻī mai ana, ʻO kaʻu Keiki punahele kēia, ka mea aʻu i ʻoluʻolu ai. Euanelio a Nikodemo 13:11-13 Akā, i ka lohe ʻana o ke kanaka mua, ko kākou kupuna ʻo ʻAdamu, i kēia mau mea, ua bapetizo ʻia ʻo Iesū ma Ioredane, kāhea akula ʻo ia i kāna keiki, ʻo Seta, a ʻī akula, E haʻi aku i kāu poʻe keiki, nā kūpuna a me nā kāula, i nā mea a pau āu i lohe ai mai Mikaʻela mai, ke ʻānela nui mai, i koʻu hoʻouna ʻana aku iā ʻoe i nā puka o Paradaiso, e noi aku i ke Akua e poni mai i koʻu poʻo i koʻu wā maʻi. Euanelio a Nikodemo 14:1-2 A laila e hele mai ʻo Kristo, ke Keiki lokomaikaʻi loa a ke Akua, ma ka honua nei e hoʻāla hou i ke kino kanaka o ʻAdamu, a i ka manawa like e hoʻāla hou i nā kino o ka poʻe make, a i kona hiki ʻana mai, e bapetizo ʻia ʻo ia ma Ioredane: ʻEuanelio a Nikodemo 14:6 Ua kauoha hou mai ʻo Mikaʻela ke ʻānela nui iā mākou e hele ma kēlā ʻaoʻao o Ioredane, i kahi ʻāina maikaʻi a momona hoʻi, kahi i nui ai ka poʻe i ala hou mai ka make mai me mākou no ka hōʻike ʻana i ke alahouana o Kristo. No ka mea, ʻekolu wale nō lā i ʻae ʻia mai iā mākou mai ka make mai, ka poʻe i ala hou mai e hoʻolauleʻa i ka mōliaola a ko mākou Haku me ko mākou mau mākua, a e hōʻike i kā mākou hōʻike no Kristo ka Haku, a ua bapetizo ʻia mākou ma ka muliwai hemolele o Ioredane. A i kēia manawa, ʻaʻole lākou i ʻike ʻia e kekahi. ʻEuanelio a Nikodemo 21:4-5 Pomaikaʻi ka poʻe e mālama i ko lākou bapetizo ʻana i ka maʻemaʻe; no ka mea, e loaʻa iā lākou ka maluhia me ka Makua, ke Keiki, a me ka ʻUhane Hemolele. Nā Hana a Paulo a me Tekela 1:18 Ma hope iho, ua lawe mai lākou i waho i nā holoholona hihiu he nui; akā, kū ʻo Thecla me kona mau lima i kīkoʻo aku i ka lani, a pule akula; a pau kāna pule ʻana, huli aʻela ia, a ʻike akula i kahi lua wai, a ʻī akula, ʻO ka manawa kūpono kēia noʻu e bapetizo ʻia ai. No laila, hoʻolei ihola ʻo ia iā ia iho i loko o ka wai, a ʻī akula, Ma kou inoa, e kuʻu Haku ʻo Iesū Kristo, ua bapetizo ʻia au i kēia lā hope loa. I ka ʻike ʻana o nā wāhine a me nā kānaka i kēia, kāhea akula lākou, ʻī akula, Mai hoʻolei ʻoe iā 6

ʻoe iho i loko o ka wai. A kāhea akula ke kiaʻāina, me ka manaʻo e like me ka ʻai ʻana o nā iʻa (nā keiki bipi kai) i ka nui o ka nani. Nā Hana a Paulo lāua ʻo Thecla 9:6-7 A ʻike ʻo Tekela, ʻī akula ia iā ia, Ua bapetizo ʻia au, e Paulo; no ka mea, ʻo ka mea nāna ʻoe e kōkua i ke aʻo ʻana, ua kōkua mai ʻo ia iaʻu e bapetizo. Nā Hana a Paulo lāua ʻo Tekela 10:2 No laila, inā ʻaʻole hiki i kēlā poʻe pono ke hoʻopakele i kā lākou mau keiki ma o ko lākou pono; pehea lā e hiki ai iā kākou ke manaʻolana e komo i loko o ke aupuni o ke Akua, ke ʻole kākou e mālama i ko kākou bapetizo ʻana i ka hemolele a me ka haumia ʻole? A ʻo wai lā ka mea e kākoʻo iā kākou, ke ʻole e ʻike ʻia ua hana kākou i ka mea hemolele a me ka pono? 2 Kelemeneta i ko Korineto 3:9 Ano, no ka mea mua o kēia mau mea, ua palapala ʻia i nā kānaka o ka ʻIseraʻela pehea lākou e loaʻa ʻole ai i ka bapetizo ʻana e lawe mai ai i ke kala ʻana o nā hala; akā, e hoʻokumu i kekahi no lākou iho i hiki ʻole. ʻEpisotele Laulā a Barenaba 10:2 No ka mea, ʻo ko kākou Akua ʻo Iesū Kristo, ua like ia me ke kauoha a ke Akua, i hāpai ʻia i loko o ka ʻōpū o Maria, na ka mamo a Dāvida, e ka ʻUhane Hemolele; ua hānau ʻia ʻo ia a ua bapetizo ʻia, i hiki ai iā ia ma o kona ʻeha ke hoʻomaʻemaʻe i ka wai, i ka holoi ʻana i ka hewa. Episetole a ʻIgnatio i ko ʻEpeso 4:9 No ka mea, ua ʻike au ua paʻa ʻoukou i ka manaʻoʻiʻo paʻa, me he mea lā ua kau ʻia ʻoukou ma ke keʻa o ko kākou Haku ʻo Iesū Kristo, ma ke kino a ma ka ʻuhane; a ua hoʻokūpaʻa ʻia i ke aloha ma o ke koko o Kristo; ua hōʻoiaʻiʻo loa ʻia i nā mea e pili ana i ko kākou Haku. ʻO ia hoʻi, no ka hanauna o Dāvida ma ke kino, akā, ʻo ke Keiki a ke Akua ma muli o ka makemake a me ka mana o ke Akua; ua hānau ʻia ma ke ʻano maoli na ka Puʻupaʻa, a ua bapetizo ʻia e Ioane; i hoʻokō ʻia ai nā pono a pau ma ona lā. ʻEpisetolo a ʻIgnatio i ko Semyrnaeans 1:3-4 ʻAʻole kū i ke kānāwai ke ʻole ke epikopo, ʻaʻole hoʻi e bapetizo, ʻaʻole hoʻi e hoʻolauleʻa i ka ʻAhaʻaina Hemolele; akā, ʻo nā mea āna e ʻae ai, ʻo ia hoʻi ka mea e ʻoluʻolu ai ke Akua; i mea e maopopo ai a hana pono ʻia ai nā mea a pau i hana ʻia. Episetole a ʻIgnatio i ko Semyrna 3:5 E ʻoluʻolu iā ia ma lalo o ka mea a ʻoukou e kaua aku ai, a mai ia mea mai e loaʻa ai iā ʻoukou kā ʻoukou uku. Mai ʻike ʻia kekahi o ʻoukou he mea haʻalele; akā, e mau ko ʻoukou bapetizo ʻana, e like me ko ʻoukou mau lima; ko ʻoukou manaʻoʻiʻo, e like me ko ʻoukou mahiole; ko ʻoukou aloha, e like me ko ʻoukou ihe; ko ʻoukou ahonui, e like me ko ʻoukou kapa kila a pau. Episetole a ʻIgnatius iā Polycarp 2:14 A he aha ke koena i hāʻule i ka wai, ʻaʻole hiki ke ʻōwili i loko o ka wai? ʻO lākou ka poʻe i lohe i ka ʻōlelo, a ua makemake e bapetizo ʻia ma ka inoa o ka Haku; akā, i ka noʻonoʻo ʻana i ka hemolele nui a ka ʻoiaʻiʻo e koi ai, ua hoʻi hope lākou, a hele hou ma hope o ko lākou mau kuko hewa. Pēlā ʻo ia i hoʻopau ai i ka wehewehe ʻana i ka hale kiaʻi. 1 Buke a ke Kahuhipa o Hermas (Nā hihiʻo) 3:7577 A ʻī akula au iā ia, Ua lohe au i kēia manawa mai kekahi mau kumu mai, ʻaʻohe mihi ʻē aʻe ma waho aʻe o ka bapetizo ʻana; i ka wā e iho ai kākou i loko o ka wai, a loaʻa ke kala ʻana o kā kākou mau hewa; a ma hope o kēlā, ʻaʻole pono kākou e hana hewa hou, akā e noho ma ka maʻemaʻe. 2 Buke a ke Kahuhipa o Hermas (Nā Kauoha) 4:18

No ka mea, ma mua o ka loaʻa ʻana o ke kanaka i ka inoa o ke Keiki a ke Akua, ua hoʻolaʻa ʻia ʻo ia no ka make; akā i kona loaʻa ʻana o kēlā sila, ua hoʻokuʻu ʻia ʻo ia mai ka make mai, a ua hoʻokaʻawale ʻia no ke ola. ʻO kēlā sila ka wai o ka bapetizo ʻana, kahi e iho ai nā kānaka ma lalo o ke kuleana i ka make, akā e piʻi aʻe i hoʻokaʻawale ʻia no ke ola. 3 Buke a ke Kahuhipa o Hermas (Nā ʻŌlelo Hoʻohālikelike) 9:153-154 Leka a Herode iā Pilato ke kiaʻāina ʻO Herode iā Ponetio Pilato ke Kiaʻāina o Ierusalema: Aloha. Ke hopohopo nui nei au. Ke kākau aku nei au i kēia mau mea iā ʻoe, i kou lohe ʻana iā lākou, e kaumaha ʻoe noʻu. No ka mea, e like me kaʻu kaikamahine ʻo Herodia, ka mea aloha iaʻu, e pāʻani ana ma luna o kahi wai hau ma luna, ua haki ia ma lalo ona, a ua hāʻule kona kino a pau, a ua ʻoki ʻia kona poʻo a waiho ʻia ma luna o ka hau. Aia hoʻi, ke paʻa nei kona makuahine i kona poʻo ma luna o kona mau kuli ma kona ʻūhā, a ke kaumaha nui nei koʻu hale a pau. No ka mea, i koʻu lohe ʻana no ke kanaka ʻo Iesū, makemake wau e hele mai i ou lā, i ʻike wale aku au iā ia, a lohe i kāna ʻōlelo, inā paha e like me nā keiki a kānaka. A he ʻoiaʻiʻo nō, no ka nui o nā mea ʻino i hana ʻia e aʻu iā Ioane Bapetite, a no ka mea, ua hoʻomāʻewaʻewa au iā Kristo, aia hoʻi, loaʻa iaʻu ka uku o ka pono, no ka mea, ua hoʻokahe nui au i ke koko o nā keiki a haʻi ma ka honua. No laila, ua pono nā hoʻopaʻi a ke Akua; no ka mea, loaʻa i kēlā kanaka kēia kanaka e like me kona manaʻo. Akā, no kou kūpono e ʻike i kēlā Akua-kanaka, no laila, he mea pono iā ʻoe ke pule noʻu. Aia nō hoʻi kaʻu keiki ʻo ʻAzbonius i loko o ka ʻeha o ka hola o ka make. A ke kaumaha nei hoʻi au a me ka hoʻāʻo nui ʻia, no ka mea, he maʻi pehu koʻu; a ke kaumaha nui nei au, no ka mea, ua hoʻomaʻau aku au i ka mea nāna i hoʻolauna i ka bapetizo ʻana ma ka wai, ʻo ia hoʻi ʻo Ioane. No laila, e kuʻu hoahānau, ua pono nā hoʻokolokolo a ke Akua.