Biblia ƒe Ŋusẽ Sewo Yesu Kristo ƒe ŋusẽ blibo la megblẽa nu o.
Eye Yesu va ƒo nu na wo bena: Wotsɔ ŋusẽ katã nam le dziƒo kple anyigba dzi. Eya ta miyi ɖafia nu dukɔwo katã, mide mawutsi ta na wo le Fofo la, Vi la kple Gbɔgbɔ Kɔkɔe la ƒe ŋkɔ me: Mifia wo be woawɔ nu siwo katã mede se na mi la dzi, eye kpɔ ɖa, mele mia gbɔ ɖaa vaseɖe xexeame ƒe nuwuwu. Amen. Mateo 28:18-20 Ke miaxɔ ŋusẽ ne Gbɔgbɔ Kɔkɔe la va mia dzi vɔ, eye mianye ɖasefowo nam le Yerusalem kple Yudea blibo kple Samaria kpakple anyigba ƒe mlɔenu. Dɔwɔwɔwo 1:8
Agbalẽ Atɔã wo Eye mienyae bena, metsɔ nye ŋusẽ katã subɔ mia fofo. Nye asi ƒe ŋusẽ mee wòle be mawɔ nuvevi mi, ke mia fofo ƒe Mawu gblɔ nam etsɔ zã bena: Mikpɔ nyuie be miagaƒo nu nyui alo vɔ̃ na Yakob o. Mose I, 31:6 ,29 Eye wògblɔ bena: Womagayɔ wò ŋkɔ be Yakob azɔ o, ke boŋ Israel, elabena ŋusẽ le asiwò le Mawu kple amewo dome abe amegã ene, eye nèɖu dzi. Mose I, 32:28 Ruben, wòe nye nye ŋgɔgbevi, nye ŋusẽ kple nye ŋusẽ ƒe gɔmedzedze, bubu ƒe gãnyenye kple ŋusẽ ƒe gãnyenye. Mose I, 49:3 Eye le nyateƒe me le esia ta mefɔ wò ɖe tsitre, be maɖe nye ŋusẽ afia le mewò; eye bena woaɖe gbeƒã nye ŋkɔ le anyigba blibo la katã dzi. Mose II, 9:16 Oo Yehowa, wò nuɖusi zu ŋutikɔkɔe le ŋusẽ me, Wò nuɖusi, Yehowa, gbã futɔ la. Mose II, 15:6 Ne eƒe aƒetɔ, si do ŋugbe nɛ na eɖokui la, medze eŋu o la, ekema ana woaxɔe, be wòadzrae na dukɔ bubu, ŋusẽ aɖeke manɔ esi o, elabena eblee. Mose II, 21:8 Eye Mose ɖe kuku na Yehowa, eƒe Mawu la, gblɔ bena: Yehowa, nu ka ta wò dɔmedzoe le bibim ɖe wò dukɔ, si nètsɔ tso Egipte-nyigba dzi kple ŋusẽ gã kple asi sesẽ la ŋu? Mose II, 32:11 Eye magbã wò ŋusẽ ƒe dada; mawɔ wò dziƒo abe gayibɔ ene, eye mawɔ wò anyigba abe akɔbli ene. Woadze wo nɔewo dzi, abe yi ŋgɔ ene, ne ame aɖeke meti wo yome o, eye ŋusẽ manɔ mia si be miatsi tre ɖe miaƒe futɔwo ŋkume o. 3 Mose 26:19 ,37 Eye azɔ la, mele kuku ɖem na wò bena, nye Aƒetɔ ƒe ŋusẽ nalolo, abe ale si nègblɔe ene, . Mose IV, 14:17 Eye Bileam gblɔ na Balak bena: Kpɔ ɖa, meva gbɔwò, ɖe ŋusẽ aɖe le asinye azɔ be magblɔ nya aɖe mahã? nya, si Mawu tsɔ de nu me nam la, eyae magblɔ. 4 Mose 22:38 Eye esi wòlɔ̃ tɔgbuiwòwo ta la, etia woƒe dzidzimeviwo ɖe wo yome, eye wòkplɔ wò do goe le eƒe ŋkume kple eƒe ŋusẽ gã la tso Egipte; Mose V, 4:37