Kaptitoj de Espero Poezio Ĉar la Eternulo aŭskultas malriĉulojn, Kaj ne malŝatas Siajn malliberulojn. Psalmo 69:33 La ĝemo de la malliberulo venu antaŭ Vi; Laŭ la grandeco de Via potenco savu tiujn, kiujn oni destinis por la morto. Psalmo 79:11 Ĉi tio estu skribita por la estonta generacio; Kaj la kreota popolo laŭdos la Eternulon. Ĉar Li rigardis malsupren el la alto de Sia sanktejo; El la ĉielo la Eternulo rigardis la teron, Por aŭdi la ĝemon de malliberulo, Por liberigi la destinitajn por la morto; Psalmo 102:18-20 Eligu mian animon el malliberejo, por ke mi gloru Vian nomon; Min ĉirkaŭos justuloj, ĉar Vi bonfaros al mi. Psalmo 142:7 Bone estas al tiu, kiu havas la Dion de Jakob kiel helpon, Kies espero estas en la Eternulo, lia Dio; Kiu kreis la ĉielon kaj la teron, la maron, kaj ĉion, kio estas en ili; Kiu gardas la veron eterne; Kiu faras juĝon al la prematoj, Kiu donas panon al la malsatuloj. La Eternulo liberigas la malliberulojn. Psalmo 146:5-7
Profetoj Tiele diras Dio, la Eternulo, kiu kreis la ĉielon kaj etendis ĝin, kiu etendis la teron kaj ĝiajn produktojn, kiu donas animon al la popoloj sur ĝi kaj spiriton al tiuj, kiuj iras sur ĝi: Mi, la Eternulo, vokis vin por justeco, kaj Mi prenos vian manon kaj gardos vin, kaj faros vin interligo por la popolo, lumo por la gentoj, por malfermi blindajn okulojn, por elkonduki el malliberejo malliberulojn, kaj el la domo de malliberejo tiujn, kiuj sidas en mallumo. Jesaja 42:5-7 La spirito de la Sinjoro, la Eternulo, estas sur mi; ĉar la Eternulo min sanktoleis, por prediki bonan mesaĝon al humiluloj; Li sendis min, por bandaĝi la korrompitojn, por proklami liberecon al la kaptitoj kaj malfermon de malliberejo al la malliberuloj; Jesaja 61:1 Kaj vin, per la sango de via interligo Mi eligis viajn malliberulojn el kavo senakva. Revenu al la fortikaĵo, malliberuloj de espero; hodiaŭ Mi diras, ke Mi repagos al vi duoble. Zeĥarja 9:11-12
Evangelioj Tiam la Reĝo diros al tiuj dekstre de li:Venu, vi benataj de mia Patro, heredu la regnon, kiu estas preparita por vi de post la komenco de la mondo. Ĉar mi malsatis, kaj vi donis al mi manĝi; mi soifis, kaj vi donis al mi trinki; mi estis fremdulo, kaj vi gastigis min; nuda, kaj vi vestis min; mi estis malsana, kaj vi vizitis min; mi estis en malliberejo, kaj vi venis al mi. Tiam la justuloj respondos al li, dirante:Sinjoro, kiam ni vidis vin malsata, kaj vin nutris? aŭ soifanta, kaj donis al vi trinki? Kiam ni vidis vin fremda, kaj gastigis vin? aŭ nuda, kaj vestis vin? Aŭ kiam ni vidis vin malsana aŭ en malliberejo, kaj venis al vi? Kaj la Reĝo respondos kaj diros al ili:Vere mi diras al vi:Kiom ajn vi faris tion al unu el ĉi tiuj miaj fratoj la plej malgrandaj, vi faris tion al mi. Mateo 25:34-40
1