Mga Binilanggo sa Paglaum Balak Kay ang Ginoo mamati sa mga kabus, ug dili niya tamayon ang iyang mga binilanggo. Salmo 69:33 Moabot unta sa imong atubangan ang panghupaw sa mga binilanggo; sumala sa pagkadako sa imong gahum bantayi kadtong mga natudlo sa kamatayon; Salmo 79:11 Kini isulat alang sa umaabot nga kaliwatan: ug ang katawhan nga pagabuhaton magadayeg kang Jehova. Kay midungaw siya gikan sa kahitas-an sa iyang balaang puloy-anan; gikan sa langit gitanaw ni Jehova ang yuta; Aron sa pagpatalinghug sa pag-agulo sa binilanggo; aron sa pagbuhi niadtong mga gitakda sa kamatayon; Salmo 102:18-20 Kuhaa ang akong kalag gikan sa bilanggoan, aron ako magadayeg sa imong ngalan: Ang mga matarung managlibot kanako; kay ikaw magabuhat kanako nga madagayaon gayud. Salmo 142:7 Malipayon siya nga anaa ang Dios ni Jacob alang sa iyang panabang, kansang paglaum anaa kang Jehova nga iyang Dios: Nga nagbuhat sa langit ug sa yuta, sa dagat, ug sa tanan nga anaa niini; Nga nagabantay sa kamatuoran sa walay katapusan: Nga nagapahamtang sa paghukom alang sa mga dinaugdaug; Nga nagahatag ug makaon sa mga gigutom. Ang Ginoo nagabuhi sa mga binilanggo: Salmo 146:5-7
Mga Propeta Mao kini ang giingon sa Dios nga Jehova, siya nga nagbuhat sa mga langit, ug nagbuklad kanila; siya nga nagkatag sa yuta ug sa mga nagagikan niini; siya nga nagahatag ug gininhawa sa katawohan nga anaa sa ibabaw niini, ug espiritu kanila nga nagalakaw diha niana: Ako, si Jehova, nagtawag kanimo sa pagkamatarung, ug mokupot sa imong kamot, ug magabantay kanimo, ug mohatag kanimo nga usa ka tugon sa katawohan, alang sa usa ka kahayag sa mga Gentil; Aron sa pag-abli sa mga mata sa buta, aron sa pagpagula sa mga binilanggo gikan sa bilanggoan, ug kanila nga nanaglingkod sa kangitngit gikan sa balay nga bilanggoanan. Isaias 42:5-7 Ang Espiritu sa Ginoong Jehova ania kanako; tungod kay gidihogan ako sa Ginoo aron sa pagwali sa maayong mga balita sa mga maaghop; gipadala niya ako aron sa pagbugkos sa mga dugmok ug kasingkasing, aron sa pagmantala sa kagawasan sa mga binihag, ug sa pag-abli sa bilanggoan alang kanila nga ginapus; Isaias 61:1 Ug mahitungod kanimo usab, pinaagi sa dugo sa imong tugon gipagula ko ang imong mga binilanggo gikan sa gahong diin walay tubig. Balik kamo ngadto sa salipdanan, kamo nga mga binilanggo sa paglaum: bisan niining adlawa ako nagpahayag nga ako magabayad ug pilo kanimo; Zacarias 9:11-12
Mga Ebanghelyo Unya ang Hari moingon kanila sa iyang tuo nga kamot, Umari kamo, mga gipanalanginan sa akong Amahan, panunda ninyo ang gingharian nga giandam alang kaninyo sukad pa sa pagkatukod sa
1