Albanian - Courage Is Beautiful

Guxim Pentateuku Dhe frika dhe tmerri juaj do të jetë mbi të gjitha kafshët e tokës, mbi të gjithë zogjtë e qiellit, mbi gjithçka që lëviz mbi tokë dhe mbi të gjithë peshqit e detit; në duart tuaja do të jenë dhënë. Zanafilla 9:2 Pas këtyre gjërave, fjala e Zotit iu drejtua Abramit në një vegim, duke i thënë: “Mos ki frikë, Abram! Unë jam mburoja jote dhe shpërblimi yt është shumë i madh.” Zanafilla 15:1 Dhe Perëndia dëgjoi zërin e djaloshit; dhe engjëlli i Perëndisë thirri Agarin nga qielli dhe i tha: "Çfarë ke, Agar? Mos ki frikë, sepse Perëndia e ka dëgjuar zërin e djaloshit aty ku është". Zanafilla 21:17 Dhe Zoti iu shfaq po atë natë dhe i tha: "Unë jam Perëndia i Abrahamit, babait tënd; mos ki frikë, sepse unë jam me ty; do të të bekoj dhe do të shumoj pasardhësit e tu për hir të Abrahamit, shërbëtorit tim". Zanafilla 26:24 Dhe ndodhi që ditën e tretë, ndërsa ata ishin të sëmurë, dy nga bijtë e Jakobit, Simeoni dhe Levi, vëllezër të Dinës, morën secili shpatën e vet, u vërsulën mbi qytetin me guxim dhe vranë të gjithë meshkujt. Zanafilla 34:25 Dhe ai tha: "Paqja qoftë me ju, mos kini frikë! Perëndia juaj dhe Perëndia e atit tuaj ju ka dhënë një thesar në trastat tuaja. Unë i kisha paratë tuaja". Dhe ai e nxori Simeonin tek ata. Zanafilla 43:23 Dhe ai tha: "Unë jam Perëndia, Perëndia i atit tënd; mos ki frikë të zbresësh në Egjipt, sepse atje do të të bëj një komb të madh". Zanafilla 46:3 Dhe Jozefi u tha atyre: “Mos kini frikë, sepse mos jam unë në vend të Perëndisë? Ju menduat të keqen kundër meje, por Perëndia e deshi këtë të mirë, duke bërë që të ndodhte ashtu siç po ndodh sot, të shpëtonte shumë njerëz. Prandaj tani mos kini frikë; unë do t’ju ushqej ju dhe fëmijët tuaj!” Ai i ngushëlloi dhe u foli me mirësi. Zanafilla 50:19-21 Dhe Moisiu i tha popullit: "Mos kini frikë, qëndroni në vend dhe do të shihni shpëtimin e Zotit që ai do t'ju tregojë sot, sepse Egjiptasit që keni parë sot nuk do t'i shihni më kurrë përjetë". Eksodi 14:13 Kush është si ty, o Zot, midis perëndive? Kush është si ty, i lavdishëm në shenjtëri, i tmerrshëm në lëvdata, që bën mrekulli? Frika dhe tmerri do të bien mbi ta; për shkak të madhështisë së krahut tënd do të qëndrojnë si guri, derisa populli yt të kalojë, o Zot, derisa të kalojë populli që ti ke blerë. Eksodi 15:11,16