Ligjet Biblike të Pushtetit Fuqia absolute e Jezu Krishtit nuk korrupton.
Dhe Jezusi u afrua dhe u foli atyre duke thënë: “ Mua më është dhënë çdo pushtet në qiell e në tokë. Shkoni, pra, dhe bëni dishepuj nga të gjitha kombet duke i pagëzuar në emër të Atit e të Birit e të Frymës së Shenjtë, duke i mësuar të zbatojnë të gjitha gjërat që ju kam urdhëruar; dhe ja, unë jam me ju gjithë ditët, deri në mbarim të botës. Amen. Mateu 28:18-20 Por ju do të merrni fuqi, pasi Fryma e Shenjtë të vijë mbi ju; dhe do të bëheni dëshmitarët e mi si në Jerusalem, ashtu edhe në gjithë Judenë, në Samari dhe deri në skajin më të largët të dheut. Veprat 1:8
Pentateuku Dhe ju e dini se me gjithë fuqinë time i kam shërbyer babait tuaj. Është në dorën time t'ju bëj keq, por Perëndia i atit tënd më foli mbrëmë, duke thënë: "Ruhu, mos i fol Jakobit as për mirë, as për keq". Zanafilla 31: 6,29 Dhe ai tha: "Emri yt nuk do të jetë më Jakob, por Izrael, sepse si princ ti ke fuqi me Perëndinë dhe me njerëzit, dhe ke fituar". Zanafilla 32:28 Ruben, ti je i parëlinduri im, fuqia ime dhe fillimi i forcës sime, shkëlqimi i dinjitetit dhe shkëlqimi i fuqisë. Zanafilla 49:3 Dhe pikërisht për këtë arsye të kam ngritur, që të tregoj në ty fuqinë time dhe që emri im të shpallet në të gjithë tokën. Eksodi 9:16 Dora jote e djathtë, o Zot, është bërë e lavdishme në fuqi; dora jote e djathtë, o Zot, e ka bërë copëcopë armikun. Eksodi 15:6 Në qoftë se ajo nuk i pëlqen zotërisë së saj, i cili e ka fejuar me vete, atëherë ai do ta lërë të shpengohet; nuk do të ketë të drejtë ta shesë te një komb i huaj, sepse i është sjellë me mashtrim. Eksodi 21:8 Atëherë Moisiu iu lut Zotit, Perëndisë të tij, dhe i tha: "Pse, o Zot, zemërimi yt vlon kundër popullit tënd që e nxore nga vendi i Egjiptit me fuqi të madhe dhe me një dorë të fuqishme? Eksodi 32:11 Dhe unë do ta thyej krenarinë e fuqisë suaj; do ta bëj qiellin tuaj si hekur dhe tokën tuaj si bakër. Dhe do të bien njëri mbi tjetrin, sikur të ishin para shpatës, pa i ndjekur askush; dhe ju nuk do të keni fuqi t’u bëni ballë armiqve tuaj. Levitiku 26 :19,37 Dhe tani, të lutem, le të jetë e madhe fuqia e Zotit tim, ashtu siç ke thënë ti, Numrat 14:17 Dhe Balaami i tha Balakut: "Ja, erdha te ti; a mund të them vallë diçka? Fjalën që Perëndia do të më vërë në gojë, atë do të them unë". Numrat 22:38