Pagëzimi i Ujit dhe i Zjarrit Atëherë m'u kujtua fjala e Zotit, se si ai tha: Gjoni pagëzoi me ujë, por ju do të pagëzoheni me Frymën e Shenjtë. Veprat 11:16
Ungjijtë Mateu 3:1-17 1 Në ato ditë erdhi Gjon Pagëzori, duke predikuar në shkretëtirën e Judesë, 2 dhe duke thënë: “Pendohuni, sepse mbretëria e qiejve është afër.” 3 Sepse ky është ai për të cilin foli profeti Isaia, duke thënë: “Zëri i atij që bërtet në shkretëtirë: Përgatitni udhën e Zotit, drejtoni shtigjet e tij.” 4 Dhe vetë Gjoni kishte veshur një rrobë prej leshi deveje dhe një brez lëkure rreth ijëve; dhe ushqimi i tij ishte karkaleca dhe mjaltë i egër. 5 Atëherë Jerusalemi, gjithë Judeja dhe gjithë krahina përreth Jordanit shkonin tek ai, 6 dhe u pagëzuan prej tij në Jordan, duke rrëfyer mëkatet e tyre. 7 Por kur pa shumë farisenj dhe saducenj që po vinin për t’u pagëzuar tek ai, u tha atyre: “O pjellë nepërkash, kush ju ka mësuar t’i ikësh zemërimit që po vjen? 8 Jepni pra fryte të denja për pendim! 9 Dhe mos mendoni të thoni me vete: "Ne kemi Abrahamin për atë", sepse unë po ju them se Perëndia mund t'i nxjerrë bij Abrahamit edhe prej këtyre gurëve. 10 Dhe tani edhe sëpata është vënë në rrënjën e pemëve; prandaj çdo pemë që nuk jep fryt të mirë pritet dhe hidhet në zjarr. 11 Unë ju pagëzoj me ujë për pendim; por ai që vjen pas meje është më i fuqishëm se unë, të cilit unë nuk jam i denjë as të mbaj këpucët; ai do t'ju pagëzojë me Frymën e Shenjtë dhe me zjarr. 12 Ai mban lopatën në dorën e tij; ai do ta pastrojë plotësisht lëmin e tij dhe do ta mbledhë grurin e tij në hambar, por bykun do ta djegë me zjarr të pashueshëm. 13 Atëherë Jezusi vjen nga Galilea në Jordan te Gjoni për t’u pagëzuar prej tij. 14 Por Gjoni e kundërshtoi fort duke i thënë: “Unë kam nevojë të pagëzohem prej teje, dhe ti po vjen tek unë?”. 15 Dhe Jezusi, duke iu përgjigjur, i tha: “ Lejo të bëhet për tani, sepse kështu na ka hije të përmbushim çdo drejtësi.” Atëherë ai e lejoi. 16 Dhe Jezusi, pasi u pagëzua, doli menjëherë nga uji; dhe ja, qiejt iu hapën, dhe ai pa Frymën e Perëndisë duke zbritur si një pëllumb dhe duke ardhur mbi të. 17 Dhe ja, një zë nga qielli që tha: “Ky është Biri im i dashur, në të cilin jam shumë i kënaqur.” Në të vërtetë po ju them: ndër ata që kanë lindur prej grave nuk ka dalë kurrë më i madh se Gjon Pagëzori; por më i vogli në mbretërinë e qiejve është më i madh se ai. Dhe që nga ditët e Gjon