« Kolembe te, yika mpiko ! », liloba moko ya mukuse oyo ezali kolobela mitema mya biso ! Ezali na ndimbola moko ya motuya mpo na bato oyo ba ndimelaka nguya ya monene oyo efandi kati na moko na moko na biso, mpe oyo ezali na makoki ya kopesa biso na bofuliki, makasi, lisalisi pe lisungi.
« Kolembe te, yika mpiko ! » elakisi : kangama makasi mpenza na Oyo azali kati na moko na moko na bino, na biso banso, Molimo na bonsomi ya bolingo.
« Kolembe te, yika mpiko ! » ezali lisungi mpo ya kofanda malamu okati na yo, mpe na kimya. Yango nde ezali kopesa biso makoki ya kozua, na ndenge ya solo, bososoli ete Nzambe azali wana ntango inso.
