Dov maanese lohkedh lea vadtese mij abpe jieledem ryöhkoe!
Lohkh munnjien! edtja hijven lohkemedååjresh vedtedh jïh
gïelelïerehtimmiem nænnoestidh aareh aaltaristie. Lohkh munnjien! edtja eejhtegh viehkiehtidh hijvenlaakan lidteratuvrine, sijjen voenges gærjagåetine jïh healsoestasjovnine åahpenidh.
Viehkine maanide jïh dej eejhtegidie/åeliealmetjidie gærjavadtesh vedtedh dej voestes jieledejaepiej, mijjieh hijven jïh guhkies tseahkan saemien gïelese jïh saemien lidteratuvrese sjïehteladtebe.
Saemiedigkie dïedtem åtna Lohkh munnjien! -råajvarimmien åvteste. Skraejrie jïh daajroe råajvarimmien bïjre siebreste Foreningen !les båata, jïh Bokstart-prosjekte Saemiedigkine ektine, aaj Saemien lohkemejarngine laavenjostoe.
