Skjåk og Nordberg
Nr. 1 • Mars 2026 • 86. årgang
God påske!
INFORMASJON
KYRKJEBLAD
Kyrkjeblad for Skjåk og Nordberg
2
Messeplan
Mars 2026 -juli 2026 Sundag 29. mars kl. 11.30 Musikkstund på Skjåkheimen Skjærtorsdag 2. april kl. 19.30 Skjåk kyrkjestugu/Skjåk kyrkje Langfredag 3. april kl. 11.00 Skjåk kyrkje Laurdag 4. april kl .23.00 Lomskyrkja. Påskenattsmesse 1. påskedag sundag 5. april kl.11.00 Nordberg kyrkje 2. påskedag måndag 6. april kl. 11.30 Skjåkheimen, messe Sundag 19. april kl.11.00 Skjåk kyrkje. Kyrkjekaffe Sundag 26. april kl. 18.00 Nordberg kyrkje. Tårnagentmesse
Fredag 8. mai Markering av frigjerings- og veterandagen Nordberg kyrkje Helgetorsdag 14. mai kl. 11.30 Messe på Skjåkheimen Sundag 17. mai kl. 09.30 Skjåk kyrkje 1. pinsedag 24. mai kl. 11.00 Skjåk kyrkje. Kyrkjekaffe . 2. pinsedag 25. mai kl. 11.30 messe på Skjåkheimen Sundag 7. juni Motormesse i Botn. Tidspunkt blir kunngjort. Laurdag 20. juni kl.11.00 Nordberg kyrkje messe med dåp Tysdag 23. juni kl. 18.00 Skaparverkets dag ved Bångråttjønn . Teikneseriebibel til tiåringar Sundag 5. juli kl. 11.00 Skjåk kyrkje ANDAKTAR PÅ SKJÅKHEIMEN: 28. april kl. 11.30 23. juni kl. 11.30
Kyrkjelege seremoniar: Dåp/ Konfirmasjon/ ta kontakt med kyrkjekontoret på epost: kyrkjekontoret@skjaak.kommune.no eller tlf 909 56 437 Vigsel tlf.909 56 437 For å melde dødsfall og gjere avtale om gravferd: ring kyrkjeverje tlf 971 61 560 eller arnborg.teigum@skjaak.kommune.no
MED ATTERHALD OM ENDRINGAR
Fylg med på heimesida vår www. skjaak.kyrkja.no, Skjåk kommune sin kalender eller på facebook-sida vår, Skjåk kyrkjelege liv. www.nettkirken.no og www. kirken.no er åpen for alle, alltid.
Skjåk kyrkjelege liv
www.skjaak.kyrkja.no
Blomefonda i Nordberg og Skjåk Det er alltid lagt ut liste til Blomefond ved alle gravferder. Tlf. nr. eller SMS: 909 56 437 / 948 62 267 eller e-post til: arnborg.teigum@ skjaak.kommune.no / kyrkjekontoret@ skjaak.kommune.no Kontonr. NORDBERG BLOMEFOND 2085.64.37400 eller Vipps 141543
Kontonr. SKJÅK BLOMEFOND 2085.64.32409 eller Vipps 141547 Kom gjerne innom kyrkjekontoret for kontant betaling. Om du nyttar vipps, MÅ du skrive på meldinga kven det er til, og kven som skal stå på lista, om du ikkje ringer. Dette fordi i informasjonen vi får frå vipps, berre står kven som har betalt.
Nordberg og Skjåk Sokn Skjåk kyrkjelege fellesråd Kommunehuset Moavegen 30, 2690 Skjåk Kontoradresse: Skjåk Energi Moavegen 28 A, 2690 Skjåk epost: kyrkjekontoret@skjaak. kommune.no Skjåk kyrkjelege fellesråd er ope kvar dag kl. 10.00-14.00 Mobil: 909 56 437 / 948 62 267
Kyrkjelydsekretær Kari Ørjasæter kari.orjaseter@skjaak.kommune.no Kyrkjeverje Arnborg Teigum tlf: 948 62 267 / 971 61 560 arnborg.teigum@skjaak.kommune.no Kyrkjetenar Skjåk/Nordberg Amund Hånsnar, tlf: 913 89 051 a-haansn@online.no Kyrkjetenar Nordberg Per Øyvind Ørjasæter, tlf 95292912 e-post korjaset@outlook.com Kyrkjetenar har kontortid etter avtale. Organist Eirik Matias Urdi, tlf: 993 67 323 eirboe@gmail.com Trusopplærar Endre Skjåk, tlf: 901 35 738 endre.skjaak.@skjaak.kommune.no Leiar i Skjåk kyrkjelege fellesråd: Siv Jorunn Welve tlf: 415 24 571 sjw_886@hotmail.com Kyrkjebladredaksjonen: 909 56 437 kyrkjekontoret@skjaak.kommune.no Abonnere på kyrkjebladet Innanbygds: Friviljug kontingent Utanbygds: Kr. 300,- pr. år Kontonr: 2085.07.45170 Vipps: 760974 - Merk «Kyrkjeblad»
Kyrkjeblad for Skjåk og Nordberg
Denne sida er henta frå påskeutgåva av Kyrkjebladet for Skjåk og Nordberg i 1976 - altså 50 år sidan.
3
Kyrkjeblad for Skjåk og Nordberg
4
Kyrkjekontoret
informerar
Våren kjem heldigvis att – ofte forsiktig her hjå oss – men likevel med ei påminning om at livet alltid finn nye vegar. Etter ei lang, mørk og usedvanleg kald årstid, stundar vi vel alle etter meir ljos, meir varme og meir håp. Difor er det ikkje tilfeldig at kyrkja si viktigaste feiring ligg nett no, i overgangen frå vinter til vår. Påska ber i seg heile spekteret av det menneskelege livet: Uro, sorg, stillheit, lengt – og så det store ljoset som bryt gjennom. Forteljinga om Jesus som døyr og står opp att, er ikkje berre ei historie frå ei fjern tid. Ho er også ei livsforteljing som speglar våre eigne dagar. Vi ber alle med oss noko som har gått tapt, noko som er tungt å bere, noko vi ønskjer kunne vere annleis. Samstundes bærer vi òg håp – små glimt av opplevingane som minner oss om at mørkret ikkje får siste ordet. Eg vil referere til noko stortingspresident Masud Gharahkhani sa i ei tale han held i Drøbak kyrkje nyleg, der han delte ein varm og personleg refleksjon om fellesskap og medmenneskeleg støtte. Han peika på kor viktig det er å møtast i rom der ein kan kjenne seg både sett og verdsett, særleg når verda rundt kjennest utrygg. Han uttrykte djupt hjartelag for dei frammøtte og peikte på kor mykje kraft som ligg i å vere saman – i kyrkja, i lokalsamfunnet, og i kvardagen. Bodskapen var prega av takksemd, håp og ei påminning om at vi står sterkare når vi lyftar kvarandre. Han minna på at så mykje tusenvis av ungdomar har ofra livet i hans heimland, fordi dei ynskte ei friheit som vi har, her i landet vårt. I tala knytte Masud Gharahkhani også band tilbake til si eiga familiehistorie. Han fortalde om ein situasjon frå barndommen, då han som ung gut gjekk forbi Bragernes kyrkje saman med bestefar sin. Til si store undring såg han at bestefaren teikna seg med korsets teikn – sjølv om dei som familie var muslimar. Dette vart for Masud eit tidleg møte med respekt for andre si tru og ei påminning om at tru ikkje alltid følgjer dei kategoriane vi set opp. Forteljinga illustrerer korleis han lærte å verdsetje både eigen bakgrunn og dei kristne tradisjonane som prega lokalsamfunnet rundt han. Og
Aktivitet
2023
2024
2025
Messer i Nordberg kyrkje/andre stader
23
21
22
Besøkande på messer
960
847
1028
Dåp i Nordberg kyrkje
8
4
8
Konfirmerte i Nordberg kyrkje
8
2
9
Vigslar i Nordberg kyrkje
4
4
1
Gravferder i Nordberg kyrkje
8
8
7
Totalt besøkande Nordberg kyrkje
2065
2228
2151
Messer i Skjåk kyrkje/andre stadar
18
23
19
Besøkande på messer
1106
1385
1339
Dåp i Skjåk kyrkje
12
15
10
Konfirmerte i Skjåk kyrkje
7
13
10
Vigslar i Skjåk kyrkje
1
3
3
Gravferder i Skjåk kyrkje
11
22
12
Totalt besøkande Skjåk kyrkje
2579
4072
2995
Noko av årsstatistikk for kyrkja i Skjåk. Det har vore registrert totalt 4380 som har teke del på tilbod i kyrkjene våre i 2025 dette må vere ein kjerneverdi i kva vi ønskjer å stå for, respekt overfor andre menneske. I kyrkjene våre gjennom påska får vi ein stad å leggja både takk og bøner, glede og uro. Vi får samlast rundt ord som gjev meining, og i songar som ber oss litt lenger enn vi klarer å gå åleine. Påska handlar ikkje om å prestere tru, men om å ta imot håp. Må påskedagane bli ei tid til ro og kvile, men òg ei tid der vi let oss overraske av ljoset – i møte med naturen, i møtet med kvarandre, i eit ord vi hadde bruk for å høyre akkurat no. Måtte vi få kjenne at vi står midt i ei historie som heile tida peikar mot livet. Elles så er vi godt i gang med planlegging av motormesse i Botn 7. juni. Der vil Jan Erik (Autofil) Larsen helde messe, saman med den kyrkjelege stab. Kyrkja har (som vanleg) svært gode medhjelparar i NMK Skjåk og vi planlegg ein aktivitetsdag med ord og motor. Det er tradisjon at årets konfirmantkull har gokartkøyring i Botn som avslutning på konfirmanttida si. Grunna ymse umstende(dårleg vær og fedrepermisjon) har ikkje konfirmantane 2024 og 2025 fått køyrt. Men, 7. juni vert det tre årgangar som skal få køyre og konkurranse mot andre vert det òg. Det er ikkje heilt avklara korleis opplegget
vert enda, men planlegginga er i gang og dette ligg an til å bli løje! Arrangementet er sjølvsagt ope for alle og det vert lagt opp som ein aktivitetsdag for store og små. Det vert m.a, kiosksal av mat og drikke. I den kyrkjelege stab held vi så langt som mogleg det kyrkjelege livet i drift. Og heldige er vi, at Kåre Gloslie tek oppgåva som vikarprest. Når søknadsfrist er ute, veit vi om nokon har søkt stillinga som sokneprest. Vi får krysse fingre for at det kjem ein prest på plass etter kvart og som ønskjer å vere ein del av lokalmiljøet og monaleg ta skikken dit ein kjem. Årsmelding og rekneskap 2025 ligg på kyrkjekontoret og på heimesida til kyrkja om nokon ynskjer å sjå på aktiviteten Minnelundar og støyskjerm ved Nordberg kyrkje er planar som kyrkja har håp om å få gjennomførd så fort det let seg gjere. Det er søkt om å få utvida dispensasjon frå vegvesenet med eitt år til 2027. Alt skortar på mangel av midlar for å få tiltaket gjennomført. Men ting tek tid, det er det ingen tvil om. Kyrkja har ikkje så mange moglegheiter til å tene «skilling»så ein får smørja tolmodet. Ynskjer alle ei god påske, om du er i våre fysiske kyrkjer eller har ditt eige kyrkjerom. Arnborg Teigum, kyrkjeverje
Kyrkjeblad for Skjåk og Nordberg
5
DET SKAL IKKJE ALL VERDA TIL Frå diktsamlinga “Her er eg no” - Bente Bratlund. Eg ber ikkje om eit lykkeleg liv men om mange øyeblikk av lykke Og om styrke til å tåla dei dagar som også vil krevja Eg ber ikkje om å få dansa kvar dag men at danseskoa skal blir meir slitte og brukte Eg ber ikkje om det umogelege men om det mogelege At vi kan bry oss meir om kvarandre og gje kvarandre større rom At rausheit og omsorg må få bu i rikt mon mellom oss Og at vi må evna sjå utover vår eigen dørstokk og vera eit håp for andre på denne jorda vi er sett til å dela Det skal ikkje all verda til!
Stor takk til
Påska står for døra, og vi skal feire livet vårt for alt det er verd! Kom! Lat oss takka Gud for livet vi har fått! Påskefeiringa inneheld mange sterke og kjende bilete som vi kan spegle våre eigne liv i. Er du heime i påska så ta deg ein tur til kyrkja og ver med oss på vandringa gjennom påska. Og ta gjerne med deg familie og vener! Påska blir innleia med palmesundagen, og da vil vi ha ei musikkstund med organist Eirik på Skjåkheimen. Skjærtorsdag kveld bed vi inn til eit lettare måltid i kyrkjestugu i Skjåk kl 1930. Og medan vi er benka kring matbordet feirar vi nattverd slik dei feira nattverd i den tidlege kristne kyrkja. Måltidet kallast «agape», og er eit kjærleiksmåltid. Det spesielle med feiringa på skjærtorsdag er jo at Jesus stifta nattverd-måltidet i lag med læresveinane sine. Dette måltidet er og avbilda på altertavla i Skjåk-kyrkja. Undervegs har vi salmesong og bøn, og vi avsluttar kvelden med å gå over i kyrkja og kle av alteret og førebu langfredagsmessa. Langfredag er den dagen da Jesus vart hengd på krossen. Vi fylgjer Jesus opp på krossen med å lese bibelforteljinga, synge salmar, og ha ein bønestund. Vi avsluttar messa med kaffe og biteti og ein triveleg prat i kyrkjestugu.
Finn Sandum, Ole Jonny Bekkemellom og Vemund Olav Aukrust for ein vakker start på 2026 med kyrkjekonserten i Nordberg kyrkje 2. januar! Lydmann Lars Bakke skal også takkast.
Påskeaften samlast vi i Lomskyrkja kl 23, der vi feirar ein tradisjonsrik påskenattmesse. Påskedag flyttar vi oss til oppstode-kyrkja vår i Nordberg kl 11. Der er den vinnande Jesus Kristus motivet på altertavla, og det er innertiar når vi skal feire at Jesus vant over liding og død, og sto opp til nytt liv. Livet vinn over døden!
SKEIMO
Tlf: 61 21 40 65
Påske 2026
Tlf 61 21 21 90
Vi avsluttar vandringa vår gjennom påska i storstugu på Skjåkheimen 2. påskedag kl 1130. Kåre Gloslie
www.skjak-almenning.no 2690 Skjåk • tlf: 61 21 39 00
Kyrkjeblad for Skjåk og Nordberg
6
Mi salme
Jon Arild Jøingsli
No livnar det i lundar
Våren er komen, snø og is smeltar rundt husveggene. Og sola er innom lengre og lengre stunder. Lukta, og smeltevannet gjev så gode barndomsminne. I ein i 80-tals utedress, gummibukse, dårlege støvler og lange gummivotter med klype var eg ute og utforska luktene og vårvatnet. Det er ei fin tid som kjem i møte nå. Eg har ikkje så mykje omgang med kyrkja, anna enn når ein må. I koselege hendingar som dåp, konfirmasjon,
bryllup, barnegreier og liknande, men mest tenkjer ein på begravelser. Eg har fått litt betre syn på kyrkja nå når eg har vorte litt eldre, det skal ikkje berre vera trist og stivt der. Men, at kyrkja er for alle, og spesiellt våre barn og etterkomarar. Det er så godt når ein kan ha med seg ungane i kyrkja, og ein føler dei er velkomne sjølv om det har lett for å bli uroleg. Det er jo trass alt dei som er framtida vår, og
skal få eit godt inntrykk av kyrkja. Eg hadde lyst til å skrive at mi salme er ”Eg veit i himmelrik ei borg”, da den vart sunge i begravelsen til min bestefar Anton. Bestefar sto så høgt åt meg og det var hardt for ein liten gut å miste han så tidleg. Så den salma har brent seg fast, ikkje som eit vondt minne akkurat, men svært sårt. Det er illt berre å skrive om det. Derfor vil eg gå attende åt barndomsminner, og velge ”No livnar det i lundar”. Det er heller ikkje så mange salmer eg kan teksta på, men denne sit godt. Må inrømme at eg måtte google litt på kva som er salmer, da eg ikkje er så bevandra på dette feltet. ”No livnar det i lundar”, også kjent som Vårsong eller Gudleg vårsong er ei vårsalme skreve av teologen, kirkestatsråden og salmedikteren Elias Blix i 1875. Salma sang vi både heime og på skulen når våren var i anmasj. Og den gjev ein god vårfølelse eg håpar alle kan kjenne på. Eg vil utfordre Stine Teigen til å dele si salme i neste nummer av kyrkjebladet.
2690 Skjåk tlf 61 21 38 90 www.skjak-trelast.no
Tlf 61 21 37 00 • post@melbytransport.no
No livnar det i lundar, no lauvast det i li, den heile skapning stundar no fram til sumars tid. Det er vel fagre stunder når våren kjem her nord og atter som eit under nytt liv av daude gror. Guds kyrkje lysa skulle som høgt på berg ein stad, med sumar utan kulde og utan solarglad. Guds ord vel alltid lyser, den sol gjeng aldri ned. Det hus som Anden hyser, ligg støtt i ljos og fred. Du vår med ljose dagar, med lengting, liv og song, du spår at Gud oss lagar ein betre vår ein gong. Då me med vigsla tunge, med kjærleik heil og klår, alt utan brest og sprunge skal lova Herren vår.
www.ottadalen.norgesfor.no avd. Lom 61 21 18 20 • avd. Vågå 61 23 70 72
Kyrkjeblad for Skjåk og Nordberg
7
Påskequiz
13. Lilla 12. Chile 11. Thor Heyerdal 10. Tyskland 1937
9.
20-25 millionar
8.
20 millionar
7.
skam å snu
6.
Leonardo da Vinci
5.
Gå forbi/ hoppe over ( frå hebraisk pesach)
4.
Påskelilje
3.
Palmesøndag
2.
Planlegg turen og meld frå kvar du går
1.
Påske-”pusleri”
14. Tour de France
Korleis lyder den fyrste fjellvettregelen? Kva for dag reid Jesus inn i Jerusalem på eit esel? Kva for blome tenkjer vi på som påskeblome? Kve tyder opprinneleg ordet «påske»? Kven har måla det kjente måleriet «Nattverden» som syner Jesu siste måltid med disiplane? 6. Fullfør fjellvettregelen «Vend i tide , det er ingen…» ? 7. Kor mange millionar egg, ca, et nordmenn i påska ? 8. Kor mange millionar appelsiner, ca, et nordmenn i påska? 9. Når vart den fyrste «Kvikk Lunsj»en lansert? 10. Kvar kjem eigentleg Påskeharen frå? 11. Kven leia ekspedisjonen til Påskeøya på 1950-talet? 12. Og kva for land tilhøyrer Påskeøya? 13. Så litt gult: Kva er komplementærfargen til gul? 14. I kva for populært sykkeritt har samanlagtleiaren gul trøye? 15. Kvar kjem den gule drikken Solo frå?
15. Norge
1. 2. 3. 4. 5.
Kyrkjeblad for Skjåk og Nordberg
8
Frå palmesundag går vi inn i den stille veka. Men kva inneber det? Eg spør seksåringen i heimen. Vanskeleg å svare på. Det må i så fall vere ei veke der det er roleg kjem det etter kvart. Praktisk tilnærming til svar! Men det må vel vere meir? Ikkje berre ei veke der alt er stille? Medan den unge grublar for seg sjølv om spørs-
målet, har ein også som forelder tankar om den stille veka. Det blir fort at ein tenkjer på verdsbildet i nåtida. Vi tek det for gitt, stillheita og freden. Samtidig skal vi vere glade for at vi lev i eit samfunn der vi kan ta det for gitt. Vi pensar fort inn på at spørsmå-
let handlar om påske. Ei høgtid prega av dramatikk og kaos akkurat som verdsbildet vi ser. Slik sett er det godt at påska endar med fest og gode måltid. Seksåringen forbitt påska med å leite etter påskeegg og mykje bruk av gulfarga. Ikkje noko anna. Vi pratar
Tekst og foto: Kristen Dagsgard
Den stil
Kyrkjeblad for Skjåk og Nordberg
derfor litt om andre kjenneteikn på påska. Antakeleg litt spennande å høyre om ein person som døyde og stod opp att, men det er likevel påskeharen som er i fokus. I fylgje skikken, skal heller ikkje påskeegget delast ut eller finnast før 1.påskedag. Dette for å markere slutten på den stille veka og fastetida. Meir spesifikt er den stille veka definert som perioden frå palmesondag til påskeeftan. Dagane der ein i trua fylgjer Jesus i hans kamp mot mørke og einsemd. Forteljinga tek oss ned til
menneskets mørkaste erfaring. Derfor skal det vere mest mogleg ro over denne perioden. Alt arbeid skal kvile og det skal vere roleg både ute og inne. Tidlegare ringde ein heller ikkje i kyrkjeklokkene eller brukte orgelet desse dagane. I år kjem påska i ei periode der våren sannsynlegvis er i full anmarsj. Arbeid smeltar fram att og sommarhalvåret skal førebuast. Retten til heilagdagsfred er ein gamal tradisjon i Noreg. Den har i så fall lovfeste attende i tid til år 1735 med forordningen av
9
12.mars 1735. Denne kom med klare påbod og forbod. Ved brot på denne vart det i verste fall ei til tre timar i gapestokken på kyrkjegarden, avhengig av lovbrot. Med dagens lovdata er det heldigvis andre former for straffeutmålingar. Men lova er klar – i den stille veka skal vi halde fred! Eller, det heiter i lovteksten at det skal haldast alminneleg fred. Så får vi prøve å tolke det etter beste evne.
God påske!
ille veka
Kyrkjeblad for Skjåk og Nordberg
10
Den norske kyrkje ynskjer å vera ei inkluderande folkekyrkje. Og i folkekyrkjebispedømmet Hamar så seier dei, at inga tru er for lita. Skjåk kyrkjeleg fellesråd har som sitt mål at alle skal føle ei tilhøyrsle, om du er sjeldan eller ofte i kyrkja. Som ein del av dette vil vi i kyrkjeblada framover ta for oss nokre ord og uttrykk som ofte blir brukt i kyrkja. Nettopp for at vi skal representere folkekyrkja.
«Kyrkjeleg ordbok»
Kyrkjebygget sine rom og organisering: Hovudrommet i kyrkja er i grove trekk organisert etter mønster frå det jødiske tempelet med forgard (våpenhuset), det heilage (skipet) og det aller heilagaste (koret). Slik som det er i Skjåk kyrkje frå 1752. Nordberg kyrkje frå 1864 er åttekanta (oktogon) og såleis annleis innvendig. Karakteren for åttekantkyrkjer er at skipet sitt grunnplan innkluderar ei oktogon, som er ein regulær mangekant eller polygon ( ein geometrisk figur i planet – ikkje så folkeleg språk) med åtte hjørner og åtte kantar. Det er mogleg at tanken bak er ei vidareutvikling av at kyrkjelyden er samla i eitt rom kring altaret. Forma som åttekant kan og ha ei symbolsk tyding ved sida av det byggtekniske og praktiske.
Åttetalet er det symbolske talet for dåpsvatn og at Jesus skal ha stått opp att frå dei døde åtte dagar etter palmesundag. Åttekanten kan og symbolisere ein mellomting mellom jorda og himmelen. Forma er i alle fall eigna for lafting av store opne rom utan tverrveggar. Denne forma gjev størst golvareal i forhold til medgått tømmer i laftinga. Åttekantforma gjev og ei kjensle av eit inkluderande rom. Før var skikken at det var ei kvinnfolkside og ei karside i kyrkja. I Skjåk kyrkje (og i mange andre) var det mange gardar som hadde faste benkar, noko ein ser av og til enda. Fleire i bygda set seg der slekta har benken «sin». Nemningar i kyrkjerommet: Våpenhus - vindfang/gang Kyrkjerom – langskip – sideskip – koret (nemninga skip kjem at at det er ei bilete på kyrkja som leier dei som trur over livets hav) Overlaup – galleri /2. etasje (øvre) Altarring – der du kneler framme hjå presten Innanfor altarring – presten sitt område Koret – framme i kyrkja
Sakristi – rommet bak altar. Presten har det som sitt bakrom Baldakin -himling over preikestol Krusifiks – ei framstilling av Jesus på korset. Omtala vert i hovudsak nytta om dei skulpturerte framstillingane som kan vera av tre, metall, elfenbein, stein m.m Altar – har fleire funksjonar. Religiøs funksjon: Altaret er ein sentral stad for ofring, bøn, tilbeding eller andre heilage handlingar. Kristendomen: I kyrkja står altaret lengst framme i koret. Det blir nytta spesielt til nattverden (altergang) og symboliserer møteplassen mellom det guddommelege og menneska. Historisk/Generelt: I eldre tider og i ikkje-kristne religionar var altaret ofte eit offerbord der ein gav gåver til guder. Utforming: Det kan være laga av stein, tre eller metall, og er ofte utsmykka med ei altartavle, altarduk, ljos eller liknande. Uttrykket ”å gå til alters” tyder å ta del i nattverden, medan «å stå for alteret» syner til å gifte seg i kyrkja. Altartavle - ein oppsats med maleri eller billedverk plassert over og bak altaret i kyrkja.
Hekta
Kyrkjeblad for Skjåk og Nordberg
11
Fyrste helga i februar var konfirmantane i Lom og Skjåk klare for leir på Lillehammer.
Det var også dei fleste andre konfirmantane i Nord-Gudbrandsdalen og mange andre. Til saman var det omtrent 700 ungdom samla i Håkons hall så det var mykje liv og røre og mange nye fjes å kunne bli kjend med. Fyrste kvelden var det opningsseremoni i Lysgårdsbakken i riktig OL-stil med fakkeltenning og fyrverkeri. Resten av helga var fylt opp med fleire samlingar ved scena med musikk, show og undervisning samt mindre gruppesamlingar med andre ungdomsledere.
til gode formål for andre ungdom i Uganda og er eit artig og meiningsfull måte å bidre til ei god sak på. Denne turen til Lillehammer gjev konfirmantane mykje undervisning og læring på stutt tid, men er like mykje ein viktig sosial del av konfirmanttida
og har vorte ein fin tradisjon for oss. Det var ein trøytt men tilfreds gjeng som vende nasen heim sundag. Takk til alle konfirmantforeldre som stilte opp som friviljuge og gjorde turen mogleg, og takk til konfirmantane for ei triveleg helg.
4-års bok
Det var også bra med tid til å delta på ymse aktivitetar i og rundt OL-anlegga som alpin, aking, bob, snørekøyring, bading, ballspel og liknande. Laurdag var det også Ugandamarked der alle hadde ein eller anna gruppevis vare eller teneste dei selde til dei andre på leiren. Til dømes ansiktsmaling, sviball, massasje eller speed-date. Inntektene frå dette går
Vi har ein lang og god tradisjon med utdeling av fireårsbok i kyrkja både nasjonalt og lokalt. I Skjåk har vi no eit eige opplegg for fireåringar måndag etter fastelavnssundag som kyrkjelydsarbeidar Endre Skjåk står for. Da blir det pynta boller med krem og andre herlegheiter, og Endre fortel litt om faste og grunnen til at vi et bollar og andre
godsaker akkurat desse dagane. Vidare lærer dei songen «kven har skapt alle blomane» , leiker litt og får fireårsboka si. I år var det litt amputert deltaking grunna sjukdom, men tre flotte jenter kom på samling, pynta boller, song og fekk bok.
Kyrkjeblad for Skjåk og Nordberg
12
Dåp
1
2
3
4
1. Johanne Vaagaasarøygard vart døypt i Nordberg kyrkje 25. januar. Foreldre er Tea Karoline Mork og Ola Vaagaasarøygard. 2. Erlend Gjerdet Mork vart døypt i Nordberg kyrkje 25. januar. Foreldre er Nina Lundamo Gjerdet og Kristen Mork.
3. Leander Dagsgard Kveen vart døypt i Nordberg kyrkje 22. februar. Foreldre er Therese Dagsgard og Gudbrand Kveen. 4. Ida Rusten Elda vart døypt i Skjåk kyrkje 15. februar. Foreldre er Lise Rusten og Trond Elda.
Kyrkjeblad for Skjåk og Nordberg
13
Påska er full av
SYMBOL
som vi kanskje ikkje alle veit kva står for?
KORSET Korset er det viktigaste påskesymbolet. Korset speglar det nye liv Kristus har vunne for alle - difor er det ofte framstilt omslynga av blad og greiner. SOL I folketrua dansa sola av glede fordi Jesus var stått opp fyrste påskedags morgon. Sola kan også symbolisere Jesus som gjev liv og vekst. (Luk 1, 78)
5
LAM Lammet er og eit vanlig symbol for Jesus. Johannes døyperen kaller Jesus for Guds Lam (Joh 1, 36). Påskelammet minner oss og om Israel si reise ut frå Egypt etter alle landeplågene. (2. Mos 12) SPIRANDE KVISTER/PALMEGREINER Palmegreiner symboliserer seier og glede. Dei minner om palmegreinene som vart lagt ut for Jesus ved inntoget i Jerusalem. TORNEKRONE/KRANS Kransen minner om Jesu liding og død. PÅSKELILJER Blomane symboliserer det nye livet vi kan få gjennom Jesus. HØNE/EGG/KYLLINGAR Opprinneleg er dette hedenske fruktbarheitssymbol, men dei er og knytt til den kristne påskefeiringa. Kyllingane er små og hjelpelause, eit bilde på oss menneske. Høna er bilde på Jesu omsorg og kjærleik for oss (Matt 23,37). Egg minner oss om å bli født på nytt.
6 5. Alva Westli Moen vart døypt i Skjåk kyrkje 15. februar. Foreldre er Veronica Westli Moen og Svein Rune Westli Moen. 6. Torgrim Flatmo vart døypt i Nordberg kyrkje 15.mars. Foreldre er Tora Slettom og Marius Hauge Flatmo.
HANE Hanen minner oss om at Peter fornekta Jesus tre gonger (Matt 26, 69 - 75). Hanen som ofte står på kyrkjespira bortover står for årvåkenhet. (Kjelde: kirkehistorie.com)
Kyrkjeblad for Skjåk og Nordberg
14
8. mai 2026
Kl. 18.00 Markering ved bautaen ved Nordberg kyrkje Direktør i Gudbrandsdalsmusea, Knut Aastad Bråten, legg ned krans Kyrkjekaffe i Nordberg kyrkjestugu
Kl.19.30 Nordberg kyrkje Konsert med
5 Åver Inngang kr. 300 vipps nr 68 72 89
MOTORMESSE I BOTN SUNDAG 7. JUNI
Aktivitetsdag for heile familien i samarbeid med NMK Skjåk
Medverkande: Jan Erik Larsen, m.a kjend frå Autofil og Broom Hanna Gjeilo Skjåkødegård Konfirmantkulla frå 2024, 2025 og 2026 Kiosk • Alle velkomne!
Kyrkjeblad for Skjåk og Nordberg
15
Bygd og ætt
Konfirmantjubileum 2026 Årets konfirmantjubileum går føre seg laurdag 29. august og startar med messe i Skjåk kyrkje kl. 16.00. Komiteen er så smått i gang med arbeidet, invitasjon til jubilantar kjem!
Frå vogge til grav
NORDBERG SOKN Døypte: 25.01.2026
TÅRNAGENTAR 2026
Alle som fyller åtte år i 2026 blir inviterte til å vera med på Tårnagentsamling i Nordberg kyrkje sundag 26. april kl.16.00. Invitasjon kjem i posten!
Rakardugnader:
Johanne Vaagaasarøygard Erlend Gjerdet Mork 22.01.2026 Leander Dagsgard Kveen 15.03.2026 Torgrim Flatmo
SKJÅK SOKN Døde:
på kyrkjegardane våre. Også i år vil det til ein liten dugnadsinnsats for å få kyrkjegardane våre pene til vår- og sommarsesongen.
Gudrun Skjåk f. 30.11.1932 – d. 17.01.2026
Det blir dugnad desse dagane:
Turid Christina Rygge Sletten
Nordberg kyrkjegard måndag 4. mai frå kl. 18.00. Skjåk kyrkjegard måndag 11. mai frå kl.18.00. Ta med rive - Kaffeservering.
f. 07.05.1945 – d. 03.02.2026
Døypte:
Annonser_kyrkjebladet.indd 30
19.09.2022 10:53
15.02.2026 Alva Westli Moen
Skjåk Bil AS
Ida Rusten Elda
Din verkstad i Skjåk
Tlf: 61 21 36 70
POLLFOSS
Skal du feire en stor dag?
HOTELL I RESTAURANT
En perle mellom aust og vest 61 21 47 00 • info@pollfoss.com • Skjåkvegen 3484, 2693 Nordberg
HØYFJELLSHOTELL
+47 612 17 474 post@grotli.no
SKRIFTHUGGEREN AS v/ Jørn Westby Inskripsjonar og oppussing av gravminne Tlf. 413 21 075 • post@skrifthuggern.no
Nergård Steinindustri A/S Tlf: 71 29 98 88 • Ta kontakt med kyrkjetenarane Alt i gravstein, innhogging, oppussing og oppsetting.
På Grotli tilbyr vi god plass og god mat for både små og store selskaper.
Skjåk Gartneri AS Tlf. 901 69 255 Fylg oss på Facebook: Skjåk Gartneri
Velkomen til triveleg handel! Skjåk Kjøpesenter
Skjåk Kjøpesenter - alt du treng!
2690 Skjåk Tlf 61 21 38 00 www.sken.no firmapost@sken.no
Kyrkjeblad for Skjåk og Nordberg
16
Ja, eg trur på korsets gåte! Påskeevangeliet er fantastisk. Det er utgangspunkt for verdas største rørsle av håp. Det er ei forteljing som gjev menneske tru på livet og kjærleiken – trass alt. «Det leitar mange etter no, anten dei sver til Gud eller ikkje», skreiv Aftenpostens kommentator Nazneen Khan-Østrem i ein kronikk rett før påske i fjor. Der minna ho om påska sitt grenselaust store bodskap i møte med livets og verdas bølgedalar, og la til: «Jesus døydde trass alt ikkje på krossen for at nordmenn skal ha påskeferie.» «Eg er redd for å bli redd», seier Peder (15) i NRKdokumentaren «Team Pølsa». Det er fleire enn meg som vart imponert og rørt av dei seks ungdommane og trenaren deira, Øystein «Pølsa» Pettersen. Seks ungdommar med ulike diagnosar og funksjonsnedsetjingar som skal gjennomføre eit skirenn under ski-VM i Trondheim. Etter første episode byrja eg berre å gråte. Eg vart overvelda av det som skylte over meg der eg sat i godstolen. Dei lever med diagnosar som ikkje let seg lækja, og døden så tett på kroppen. Og dei er jo berre born. Og sjølv om dei skulle klare å koma i mål i skirennet, blir dei jo ikkje lækja. Men Peder er sterk og uthaldande, med kjenslene utanpå kroppen og med eit stort hjarte for alle. Og det er dei menneskelege eigenskapane som rører meg mest. Mot, audmjukskap, men òg sinne. Korleis dei er med kvarandre, som lag.
Håpet handlar om kva slags makt som er sterkast, og kva slags Gud vi eigentleg prøver å setje vår lit til. Det er eit håp som er uløyseleg forankra både i krossen OG den tomme grava. Det er forankra i Jesus sjølv. Han som gjer at også vi kan halde fast ved håpet om Guds nærvær i lidinga, om oppreising på botnen av tilværet og om kjærleiken som er sterkare enn døden.
Og då den beskjedne og stillfarne Sunniva (14) – laget si trygge hamn og kaptein – held i stavane saman med Syver (13), han som inspirerer og tek utfordringar på strak arm og ser løysingar trass barnedemens og at han ikkje lenger ser – og saman køyrer ned den brattaste bakken i Granåsen på isføre og med dødsangsten i spora i siste episode – då minner det meg samtidig om håpet i den tomme grava. For kva er håp? Og kva slags framtid kan vi håpe på? Helt sentralt i påska og i den kristne trua er håpet. Håp for oss sjølve og for verda – basert på trua om oppstoda. For det kristne håpet er noko anna enn optimisme og tru på framsteg og framgang. Håpet som vekkast ved den tomme grava er noko anna, forankra både i Guds skaparvilje og Gudsrikets løfte.
Gravferdshjelpa Lom og Skjåk Båretransport • Kiste • Stell/Visning Annonsering • Salmeark • Blomar • Minnesider
post@gravferdlomogskjaak.no • tlf 23 90 59 01
Bygger´n Skjåk, 2690 Skjåk • Tlf 61 21 38 80
Radon i huset ditt? Vi tar målinger. Vi gjør tiltak for å fjerne radon. Tlf.: 90 68 81 13
Det er kraft i dette, sjølv om vi veit at vi alle skal døy ein gong. Det gjev kraft til håpet og ei framtid i livet og kjærleiken si retning – uansett. Vi er ein del av ei håpsrørsle.
God påske!
Ole Kristian Bonden Biskop
2690 Skjåk tlf 61 21 36 00 post@interfil.no www.interfil.no
Garcia Holding AS
YX Skjåk
2690 Skjåk • tlf 61 21 41 53
Håpet om æva er kanskje ikkje det vi er mest opptekne av i vår tid, men håpet som ligg i den tomme grava handlar i sitt djupaste om det evige. Det handlar ikkje berre om håpet om betre tider, men om sigeren over døden og dødskreftene, og at Gud ein gong skal gjere alle ting nye.
tlf 97 70 08 14 • www. turistforeningen.no/sotaseter sotaseter@turistforeningen.no
bism elektr
Tlf 61 28 45 45
Industrivegen 82, 2690 Skjåk haral-pr@online.no Tlf: 906 88 113
Skjåk Turistheim Skeid Kro epost: sissel@skeidkro.no