Eystrahorn Fimmtudagur 26. ágúst 2010
30. tbl. 28. árgangur
Eystrahorn
Flugeldasýning á Jökulsárlóni
Ljósmynd: Runólfur Hauksson
Nú stendur undirbúningur fyrir flugeldasýninguna á Jökulsárlóni sem hæst, en hún fer fram næstkomandi laugardag þann 28. ágúst. Mikið verður um dýrðir, en þetta er ellefta árið sem flugeldasýningin er haldin. Það er staðarhaldarinn á Jökulsárlóni ásamt Björgunarfélagi Hornarfjarðar sem standa að þessum einstaka viðburði sem er fjáröflun fyrir björgunarfélagið. Ríki Vatnajökuls ferðaþjónustuklasi
Suðausturlands og Inspired by Iceland verkefnið sjá um kynningu á viðburðinum. Í fyrra komu 1.050 manns á flugeldasýninguna sem var metþátttaka frá byrjun. Það sem er sérstakt við þessa flugeldasýningu er það einstaka umhverfi sem Jökulsárlónið er, risastórir fljótandi ísjakar sem eru upplýstir með útikertum og kyrrðin á svæðinu gerir upplifunina enn sterkari. Flugeldasýningin virkar
helmingi umfangsmeiri þar sem öll ljósadýrðin endurspeglast í jökullóninu. Áhugi er hjá aðstandendum flugeldasýningarinnar að gera meira úr þessum viðburði með því að tengja við hann aðra listviðburði eins og tónleika. Einnig hafa komið upp hugmyndir um að fá flugeldalistamenn erlendis frá sem setja saman tónlist við flugeldasýningu þar sem flugeldarnir dansa í takt við tónlistina.
Til þess að framkvæma svona viðburð þarf fjármagn og skipulag ásamt góðri kynningu. Viðburðurinn í þessu magnaða umhverfi sem Jökulsárlónið er hefur alla burði til þess að laða að fjölda fólks alls staðar úr heiminum að mati Rósu Bjarkar Halldórsdóttur framkvæmdastjóra Ríki Vatnajökuls.
Blað sem eflir bæjarbrag og berst í sérhvert hús