FRÓÐLEIKUR OG SKEMMTUN
MENNING PERSÓNULEG HÆFNI TUNGUMÁL
NÁMSKEIÐ FYRIR ÞIG
HAUSTMISSERI 2015 1
Fróðleikur og skemmtun Endurmenntun kemur öflug undan sumri og hlakkar til að taka á móti þér. Í þessum bæklingi kynnum við með stolti rúmlega sextíu námskeið þar sem fróðleikur og skemmtun fléttast saman. Námskeiðin eru á sviði menningar, persónulegrar hæfni og tungumála. Á vef Endurmenntunar má einnig finna fjölbreytt úrval námskeiða sem nýtast vel í starfi. Endurmenntun á mjög fjölbreyttan hóp viðskiptavina á öllum aldri. Sumir hafa verið með okkur svo áratugum skiptir og aðrir eru nýbúnir að uppgötva allar gersemarnar sem hér finnast. Við viljum ítreka að námskeiðin í þessum bæklingi eru öllum opin án tillits til fyrri menntunar. Við hlökkum til að sjá þig Kristín Jónsdóttir Njarðvík, endurmenntunarstjóri
LANGAR ÞIG Á NÁMSKEIÐ? Skráðu þig á póstlistann okkar - þú gætir unnið gjafabréf að upphæð 30.000 krónur. Drögum út einu sinni í mánuði - stundum oftar. Allir sem eru nú þegar á póstlistanum okkar eru sjálfkrafa komnir í pottinn.
Efnisyfirlit: Menning Persónuleg hæfni Tungumál
3-7 8-12 15
Ítarlegar námskeiðslýsingar eru á endurmenntun.is
Afsláttur fyrir þá sem skrá sig snemma Allir sem skrá sig í síðasta lagi 10 dögum fyrir upphafsdag námskeiðs fá afslátt af námskeiðsgjaldi.
Umsjón: Thelma Jónsdóttir. Ljósmyndir: Úr safni Endurmenntunar. Umbrot og hönnun: S. Logason. Prentun: Svansprent Gefið út af Endurmenntun Háskóla Íslands. Reykjavík 2015. Ábyrgðarmaður: Kristín Jónsdóttir Njarðvík.
2
MENNING Síðustu dagar Sókratesar Í samstarfi við Borgarleikhúsið
Í tengslum við uppsetningu Borgarleikhússins á trúðaóperunni Síðustu dagar Sókratesar, í leikstjórn Bergs Þórs Ingólfssonar og Rafael Bianciotto, er efnt til námskeiðs um verkið og uppsetninguna. Þátttakendur sækja tvö fyrirlestrarkvöld og fylgjast með æfingu í Borgarleikhúsinu. Námskeiðinu lýkur með lokaæfingu verksins og umræðum þátttakenda, leikstjóra og aðstandenda verksins um æfingaferli, vinnuaðferðir og markmið. Miði á lokaæfingu er innifalinn í námskeiðsgjaldi. Hvenær: Þri. 15. sept. og fim. 17. sept. kl. 20:00 - 22:00 í Endurmenntun HÍ, Dunhaga 7. Þri. 22. sept. kl. 13:00 - 16:00 og 30. sept. kl. 20:00 í Borgarleikhúsinu. Kennarar: Jóhann Björnsson, MA í heimspeki og kennari og Bergur Þór Ingólfsson, leikstjóri og höfundur verksins. Umsjón hefur Hlynur Páll Pálsson, fræðslustjóri Borgarleikhússins. Snemmskráning verð: 14.900 kr. Almennt verð: 16.400 kr. Snemmskráning til og með 5. september
Sikiley - undraheimur ljóss, lita og 3000 ára samfelldrar menningarsögu Enginn staður í Evrópu á sér jafn langa samfellda menningarsögu og Sikiley. Þar hafa ólíkir straumar úr austri, suðri og norðri mæst og skapað einstaka menningarhefð, sem birtist ekki bara í sérstæðri mállýsku eyjarskeggja, heldur í öllum hefðum, byggingarlist, myndlist og tónlist. Á þessu námskeiði mun Ólafur Gíslason, listfræðingur, leggja áherslu á grískan og goðsögulegan menningararf eyjarinnar og hinn mikla menningararf Normannatímans á miðöldum og spánska arfleifð barokktímans á 17. og 18. öld. Hvenær: Fim. 17. og mán. 21. sept. kl. 20:00 – 22:00 Kennari: Ólafur Gíslason, listfræðingur og leiðsögumaður Snemmskráning verð: 14.900 kr. Almennt verð: 16.400 kr. Snemmskráning til og með 7. september
Laxdæla saga Laxdæla saga telst til frægustu og vinsælustu Íslendingasagnanna, ekki að ósekju því að efni hennar er sígilt og vekur áhuga á hverjum tíma. Laxdæla saga er á margan
hátt sérstætt verk og persónur hennar og örlög þeirra hafa lifað með Íslendingum um aldir. Á námskeiðinu kynnumst við Auði, Guðrúnu, Höskuldi, Ólafi, Kjartani, Bolla og öðrum persónum sögunnar náið. Dregin verður upp skýr mynd sögusviðsins og kafað djúpt í helstu atburði sögunnar. Textinn verður skýrður, athygli vakin á ýmsum rannsóknum tengdum sögunni og samtíma hennar. Hvenær: Þrír námskeiðshópar í boði: Þri. kl: 19:30 - 21:30 (22. sept. - 10. nóv.) Snemmskráning til og með 12. september Mið. kl: 10:00 - 12:00 (23. sept. - 11. nóv.) Fullbókað Fim. kl: 19:30 - 21:30 (24. sept. - 12. nóv.) Snemmskráning til og með 14. september Kennarar: Ármann Jakobsson, prófessor í íslenskum bókmenntum fyrri alda við HÍ. Aðstoðarkennarar eru Kolfinna Jónatansdóttir og Þórdís Edda Jóhannesdóttir, doktorsnemar í íslenskum bókmenntum. Snemmskráningar verð: 29.700 kr. Almennt verð: 32.700 kr.
Berlín - hin nýja miðja Evrópu Það sem einu sinni var sagt um Róm mætti nú segja um Berlín. Allar leiðir liggja til 3
Berlínar. Hún er orðin menningarleg orkustöð og pólitísk miðja í Evrópu. Framar öllu er hún höfuðborg frjálslyndis og sköpunarkrafts. Á námskeiðinu er fjallað um borgina eins og hún er í dag um leið og pólitísk og menningarleg saga hennar verður dregin fram á lifandi hátt. Hvenær: Þri. 22. og 29. sept. kl. 20:15 - 22:15 Kennari: Hjálmar Sveinsson Snemmskráning verð: 14.900 kr. Almennt verð: 16.400 kr. Snemmskráning til og með 12. september
París - líf og lystisemdir Á námskeiðinu verður farið í sögu Parísar og skoðaðar myndir og kort sem koma þátttakendum að góðum notum í eiginlegri Parísarferð. Þátttakendur munu fá glögga mynd af ólíkum hverfum borgarinnar og upplifa líf og lystisemdir hennar gegnum líflega frásögn Gérard Lemarquis. Hvenær: Mið. 23. og 30. sept. kl. 20:15 - 22:15 Kennari: Gérard Lemarquis, stundakennari við Hugvísindasvið HÍ Snemmskráning verð: 14.900 kr. Almennt verð: 16.400 kr. Snemmskráning til og með 13. september
New York - höfuðborg heimsins New York er ein þeirra borga sem hægt væri að eyða ævinni í að skoða og upplifa. En hafi fólk ekki tíma til þess er tilvalið að sitja þetta fjögurra stunda námskeið og flýta fyrir sér. Á því verða útlínur borgarinnar dregnar upp en um leið brugðið birtu á áhugaverða staði og söfn og garða og hverfi og byggingar og veitingahús og brýr og ótalmargt fleira sem ferðalangar í New York „verða að upplifa“. Hvenær: Fim. 24. sept. og 1. okt. kl. 20:15 22:15 Kennari: Huldar Breiðfjörð, BA í bókmenntafræði og MFA frá New York University Snemmskráning verð: 14.900 kr. Almennt verð: 16.400 kr. Snemmskráning til og með 14. september
Undraheimur Þingvalla Á þessu námskeiði fjalla sérfræðingar fimm fræðasviða um Þingvelli í tengslum við söguna, jarðfræði, lífríki Þingvallavatns, fornminjar og heimsminjaskrá. Einstakt, þriggja kvölda námskeið fyrir alla þá sem vilja gera næstu Þingvallaferð að nýrri upplifun. Hvenær: Mán. og mið. 28. og 30. sept. og 5. 4
okt. kl. 20:15 – 22:15 (3x) Kennarar: Gunnar Karlsson, prófessor emeritus við HÍ, Guðmundur Hálfdánarson, prófessor við HÍ, Páll Einarsson, prófessor við HÍ, Hilmar J. Malmquist, forstöðumaður Náttúruminjasafns Íslands, Margrét Hrönn Hallmundsdóttir, fornleifafræðingur og Einar Á. E. Sæmundsen, fræðslufulltrúi þjóðgarðsins á Þingvöllum Snemmskráning verð: 19.900 kr. Almennt verð: 21.900 kr. Snemmskráning til og með 18. september
Arfur í öðru landi – Íslendingar í Vesturheimi Á þessu námskeiði verður fjallað um hugmyndir og mýtur um landnám Íslendinga í Vesturheimi og þann veruleika sem blasti við fólki á fyrstu áratugunum vestra. Hugað verður að því hvernig fólk kom sér fyrir í nýju landi og hvernig samskiptin við Indíána hafa lifað í sögum og minningum og hvernig þær samræmast samtímaheimildum. Loks verður fjallað um hinn mikla fjölda munnlegra frásagna sem safnað var af vörum Vestur-Íslendinga í upphafi 8. áratugar síðustu aldar. Hvenær: Mán. 28. sept., 5. og 12. okt. kl. 20:00 – 22:00 (3x) Kennarar: Jónas Þór, sagnfræðingur, Hulda Karen Daníelsdóttir, verkefnastjóri, Þormóður Sveinsson, arkitekt og Gísli Sigurðsson, rannsóknaprófessor á Árnastofnun Snemmskráning verð: 19.900 kr. Almennt verð: 21.900 kr. Snemmskráning til og með 18. september
Uppruni og saga íslensku lopapeysunnar Á námskeiðinu er rýnt í niðurstöður nýrrar rannsóknar um uppruna lopapeysunnar. Lopapeysan er hluti af hönnunar-, iðnaðarog útflutningssögu þjóðarinnar og hefur þannig marga snertifleti. Á myndrænan hátt verða skoðaðir hinir fjölmörgu áhrifavaldar sem átt hafa þátt í mótun og tilvist hennar sem mikilvæg þjóðararfleið. Hvenær: Þri. 29. sept. og 6. okt. kl. 19:30 – 22:00 Kennari: Ásdís Jóelsdóttir, lektor í textíl við Menntavísindasvið HÍ, rithöfundur og hönnuður Snemmskráning verð: 18.900 kr. Almennt verð: 20.800 kr. Snemmskráning til og með 19. september
Reykjavík sem ekki varð Hvað var til þess að Alþingishúsið reis við Austurvöll en ekki í Bankastræti þar sem byrjað var að grafa fyrir því? Hvernig stendur á því að ekki hefur verið byggt á Arnarhóli? Þetta er meðal þeirra spurninga sem velt er upp í bókinni Reykjavík sem ekki varð en hún kom út fyrir jólin 2014 og vakti mikla athygli. Á námskeiðinu munu höfundar bókarinnar þræða skipulagssögu miðborgarinnar og fjalla um „byggingarsögu” nokkurra opinberra bygginga sem aldrei risu en ullu engu að síður miklu fjaðrafoki. Hvenær: Mið. 30. sept. og 7. okt. kl. 20:15 – 22:15 Kennarar: Anna Dröfn Ágústsdóttir, MA í sagnfræði og hagnýtri menningarmiðlun og Guðni Valberg, arkitekt Snemmskráning verð: 14.900 kr. Almennt verð: 16.400 kr. Snemmskráning til og með 20. september
Popp- og rokktónlist í fræðilegu ljósi Eru Bítlarnir eitthvað merkilegir tónlistarlega séð? Hvernig er hægt að útskýra velgengni Bjarkar? Er streymi og niðurhal af netinu að drepa niður tónlist eða eru þetta vegvísar til framtíðar? Undanfarin tuttugu ár hefur verið mikill vöxtur í hinum svokölluðu dægurtónlistarfræðum (“popular music studies”) þar sem menn gera sér far um að svara spurningum eins og þessum fræðilega. Þessu námskeiði er ætlað að kynna efni og sjónarhorn slíkrar nálgunar og gera þátttakendum kleift að kafa dýpra í ýmsa kima dægurtónlistarinnar. Hvenær: Þri. 6., 13. og 20. okt. kl. 20:15 – 22:15 (3x) Kennarar: Arnar Eggert Thoroddsen, MA í tónlistarfræðum og Viðar Halldórsson, PhD í félagsfræði og lektor við HÍ Snemmskráning verð: 19.900 kr. Almennt verð: 21.900 kr. Snemmskráning til og með 26. september
Glæpasagnadrottningar Á námskeiðinu verða lesin verk eftir nokkrar af þeim konum sem höfðu hvað mest áhrif á þróun glæpasögunnar á 20. öld, höfunda á borð við Agöthu Christie, P.D. James, Ruth Rendell og Kerstin Ekman. Skoðað verður hvað einkenndi verk þeirra, hvaða samfélagssýn var miðlað í þeim og hvernig óhugnaðurinn birtist í meðförum þessara glæpasagnadrottninga.
Hvenær: Mið. 7. og 21. okt. og 4. nóv. kl. 20:15 – 22:15 (3x) Kennarar: Erla Elíasdóttir Völudóttir, Guðrún Lára Pétursdóttir og Sigfríður Gunnlaugsdóttir, bókmenntafræðingar Snemmskráning verð: 19.900 kr. Almennt verð: 21.900 kr. Snemmskráning til og með 27. september
Innrás – Norðurlöndin í upphafi seinni heimsstyrjaldarinnar Á námskeiðinu er fjallað um átakasögu áranna 1939 og 1940 á Norðurlöndunum. Farið er í innrás Sovétríkjanna í Finnland og síðan hina örlagaríku atburði í apríl og maí 1940 þegar erlendir herir hernámu Danmörku, Noreg og Ísland. Fjallað verður um atburðina út frá hernaðarlegum aðgerðum og afleiðingum. Hvenær: Mið. 14. og 21. okt. kl. 20:15 – 22:15 Kennari: G. Jökull Gíslason, rannsóknarlögreglumaður Snemmskráning verð: 14.900 kr. Almennt verð: 16.400 kr. Snemmskráning til og með 4. október
Þar sem orðunum sleppir – um vestræna tónlistarsögu Í samstarfi við RÚV
Saga vestrænnar tónlistar er ríkuleg en tónlist verður aldrei til í tómarúmi. Á námskeiðinu kynnast þátttakendur lykilverkum tónlistarsögunnar og átta sig á tengslum tónlistar við aðra þætti mannlífs og lista á hverju tímabili. Formrænar breytingar tónlistarinnar verða settar í samhengi við þróun í öðrum listgreinum. Skoðað verður hvernig tónlistin endurspeglar samfélagið og öfugt. Markmið námskeiðsins er að þátttakendur öðlist góða yfirsýn yfir tónlistarsögu Vesturlanda. Hvenær: Mið. 14., 21. og 28. okt. og 4. og 11. nóv. kl. 20:00 – 22:00 (5x) Kennarar: Guðni Tómasson, listfræðingur og Helgi Jónsson, tónlistarfræðingur Snemmskráning verð: 29.900 kr. Almennt verð: 32.900 kr. Snemmskráning til og með 4. október
Svarta madonnan Svartar madonnur eða meyjar eru helgimyndir af guðsmóðurinni, þar sem hún er dökk á hörund. Hundruð slíkra mynda er að finna í Evrópu, flestar í Frakklandi. Ótal ástæður eru taldar fyrir húðlitnum, en það sem þær eiga sameiginlegt eru dulmagnaðar sögur og djúpur átrúnaður sem tengjast blóðugum trúarátökum og valdabaráttu. Á námskeiðinu ferðumst við í tíma og rúmi um Evrópu, með sérstaka áherslu á Frakkland, þar sem m.a. gyðjur, krossfarar, nornir, nunnur, templarar, Katarar, rannsóknarrétturinn og Magdalena koma við sögu, auk meyjarinnar og barnsins. Hvenær: Mán. 19. og 26. okt. kl. 19:30 – 22:00 Kennari: Valgerður H. Bjarnadóttir, félagsráðgjafi Snemmskráning verð: 18.900 kr. Almennt verð: 20.800 kr. Snemmskráning til og með 9. október
Heillaðist og sótti þrjú námskeið Skúli Eiríksson hefur fylgst með framboði námskeiða um nokkurt skeið og lét loksins verða af því að skrá sig á námskeið í upphafi þessa árs. Hann var svo ánægður að hann sótti þrjú námskeið á síðasta vormisseri. „Mig langaði að læra eitthvað nýtt og breikka þekkingargrunninn og lét loksins verða af því að skrá mig á námskeið“, segir Skúli sem sótti námskeið um WordPress og hvernig á að gefa út sína eigin bók. „Kennararnir voru frábærir og kunnu sitt fag upp á tíu. Öll aðstaða, umgjörð og viðmót hjá Endurmenntun var einnig til fyrirmyndar“, bætir Skúli við. Skúli er kerfisfræðingur og hefur sótt mikla þekkingu í gegnum netið. Aðspurður segir hann þó mikilvægt að fara á námskeið og gefa sér þannig tíma í viðfangsefnið og láta ekkert annað trufla sig. „Það sem mér fannst líka gott var að fá staðfestingu á eigin þekkingu sem veitti mér öryggi um að ég væri á réttri leið“, Skúli Eiríksson skráði sig loks á námskeið og heillaðist. sagði Skúli að lokum.
Finndu námskeið við þitt hæfi á endurmenntun.is 5
Upphaf keisaraveldis í Róm - Caesar og Kleópatra, Ágústus og Livía
Suðurgöngur til Rómar – pílagrímagöngur
Njála
Á námskeiðinu er fjallað um endalok lýðveldis í Rómaveldi á fyrstu öld fyrir Krist. Þótt Júlíus Caesar sé drepinn af lýðveldissinnum verða vonir þeirra um endurreisn lýðveldisins að engu, þegar Ágústus og Markús Antoníus taka að berjast um hin æðstu völd. Antoníus á dramatíska ástarsögu með Kleópötru drottningu, fyrrum ástkonu Caesars, en jafnvel stuðningur hennar nægir ekki til að hann geti sigrað Ágústus sem verður fyrsti keisari þessa mikla heimsveldis. Með hjálp hinnar eitilhörðu Livíu eiginkonu sinnar tekur Ágústus að treysta undirstöður hins nýja keisaradæmis en fjölskylduerjur og ógæfa knýja þó sífellt dyra.
Fornsögur okkar eru ríkar af frásögnum af pílagrímagöngum eða suðurgöngum til helgra staða, ferðum sem farnar voru til sáluhjálpar, yfirbóta og heilla. Á námskeiðinu verða þessar frásagnir rifjaðar upp og stuðst við einstakan leiðarvísi Nikulásar Bergssonar, ábóta á Munkaþverá, frá árinu 1154 um suðurgöngur. Jafnframt verður varpað ljósi á orsakir og eftirmál atburðanna.
Í tengslum við uppsetningu Borgarleikhússins á Njálu, í leikstjórn Þorleifs Arnar Arnarssonar, er efnt til námskeiðs um verkið og uppsetninguna. Þátttakendur sækja tvö fyrirlestrarkvöld og eiga kost á að fylgjast með æfingu í Borgarleikhúsinu. Námskeiðinu lýkur með lokaæfingu verksins og umræðum þátttakenda, leikstjóra og aðstandenda verksins um æfingaferli, vinnuaðferðir og markmið. Miði á lokaæfingu er innifalinn í námskeiðsgjaldi.
Hvenær: Mán. 2., 9., 16. og 23. nóv. kl. 20:00 – 22:00 (4x) Kennari: Illugi Jökulsson, rithöfundur Snemmskráning verð: 24.900 kr. Almennt verð: 27.400 kr. Snemmskráning til og með 23. október
6
Hvenær: Fim. 19. og 26. nóv. kl. 19:30 - 21:30 Kennari: Magnús Jónsson, BA í sagnfræði Snemmskráning verð: 14.900 kr. Almennt verð: 16.400 kr. Snemmskráning til og með 9. nóvember
Í samstarfi við Borgarleikhúsið
Hvenær: Þri. 17. nóv. og 24. nóv. kl. 20:00 22:00 í Endurmenntun HÍ, Dunhaga 7. Þri. 8. des. kl. 13:00 - 16:00 og 29. des. kl. 20:00 í Borgarleikhúsinu. Kennarar: Magnús Jónsson Íslendingasagnakennari, Þorleifur Örn Arnarson leikstjóri og Mikael Torfason höfundur leikgerðar. Umsjón hefur Hlynur Páll Pálsson, fræðslustjóri Borgarleikhússins. Snemmskráning verð: 14.900 kr. Almennt verð: 16.400 kr. Snemmskráning til og með 7. nóvember
FYRSTU NÁMSKEIÐIN Í JANÚAR 2016 Mið-Austurlönd - trúarbrögð, stjórnmál og saga Í þessu inngangsnámskeiði verður nútíma trúarbragða- og stjórnmálasaga Mið-Austurlanda skoðuð frá því byrjun 19. aldar til dagsins í dag. Fjallað verður um helstu trúarbrögð svæðisins (íslam, kristni, og gyðingdóm), þróun þjóðríkisins, og samþættingu trúmála og stjórnmála. Sérstaklega verður reynsla Egyptalands, Írans, Tyrklands, Ísrael og Palestínu könnuð. Hvernig mótar hefðin og sagan sjálfsmynd íbúa þessa svæðis og samskipti þeirra við Vesturlönd og vestræna menningu? Einnig verða helstu átök þessa svæðis skoðuð og hvaða áhrif það hefur haft á pólitíska og efnahagslega þróun Mið-Austurlanda. Hvenær: Fim. 14., mán. 18., mið. 20 og mán. 25. jan. kl. 19:30 - 22:00 (4x) Kennari: Dr. Magnús Þorkell Bernharðsson, prófessor í sögu Mið-Austurlanda við Williams College í Bandaríkjunum Snemmskráning verð: 29.900 kr. Almennt verð: 32.900 kr. Snemmskráning til og með 4. janúar 2016
Söngtextagerð Langar þig að læra að yrkja söngtexta? Þá leikur lánið við þig því það að yrkja söngtexta er eitt af því sem allir geta lært. Kristján Hreinsson leiðir þig í allan sannleika málsins á þessu námskeiði. Á námskeiðinu verður farið í grunnhugtök bragfræðinnar, ýmsar aðferðir við textagerð skoðaðar og þá verður fólki bókstaflega kennt að yrkja söngtexta. Undir lok námskeiðsins munu nemendur geta ort sönghæfa texta og geta metið ýmsa af þeim þáttum sem geta gert góðan texta enn betri. Hvenær: Mán. 18. og 25. jan. og 1. feb. kl. 20:00 - 22:00 (3x) Kennari: Kristján Hreinsson, skáld og heimspekingur Snemmskráning verð: 23.900 kr. Almennt verð: 26.300 kr. Snemmskráning til og með 8. janúar 2016
Jólabókaflóðið með Katrínu Jakobsdóttur Jólabókaflóðið er leshringur þar sem við lesum saman nýleg skáldverk og ræðum sérkenni og inntak þeirra. Námskeiðið er fimm kvölda langt og er ætlunin að lesa alls fimm skáldverk sem hvert og eitt verða tekin til umfjöllunar á einu kvöldi. Tveimur höfundum verður boðið í heimsókn til að ræða við þátttakendur um verk sín. Kennari mun leiða umræðuna og setja verkin í fræðilegt samhengi og síðan geta þátttakendur tekið þátt í umræðunni eins og þeim hentar. Hvenær: Mið. 20. jan. - 17. feb. kl. 20:15 – 22:15 (5x) Kennari: Katrín Jakobsdóttir, MA í íslensku Snemmskráning verð: 24.900 kr. Almennt verð: 27.400 kr. Snemmskráning til og með 10. janúar 2016
Gjafabréf Endurmenntunar Gjafabréfið er tilvalin gjöf eða styrkur við hin ýmsu tækifæri s.s. til afmælis- eða jólagjafa hvort sem er frá einstaklingum eða fyrirtækjum. Gjöfin getur verið tiltekið námskeið eða upphæð að eigin vali.
7
PERSÓNULEG
HÆFNI Veigar garðsins - víngerð úr rabarbara og berjum
Byrjaðu í golfi – fyrir byrjendur og lengra komna
Á námskeiðinu fá þátttakendur góðar leiðbeiningar um víngerð, allt frá ræktun til geymslu fjölbreyttra eigin víntegunda. Fjallað er um sögu, ræktun og nýtingu rabarbara og víngerð úr rabarbara hérlendis frá lokum 19. aldar og til dagsins í dag. Einnig er kennd víngerð úr berjum sem vaxa hérlendis bæði villt og ræktuð, að ógleymdum túnfíflum, rauðrófum og myntu. Farið er yfir einfalda gerð snafsa og líkjöra sem allir geta útbúið.
Í samstarfi við Golfsamband Íslands og Hissa, ráðgjafar- og fræðslumiðstöð um golf
Hvenær: Þri. 8. og fim. 10. sept. kl. 17:30 – 19:30 Kennari: Valborg Einarsdóttir, garðyrkjufræðingur Snemmskráning verð: 14.900 kr. Almennt verð: 16.400 kr. Snemmskráning til og með 29. ágúst
8
Á námskeiðinu eru grunnatriðin í golfi kennd með Starting New At Golf (SNAG) golfkennslukerfinu sem hefur slegið í gegn út um allan heim. Kennslan fer fram í formi fyrirlestra, æfinga og leikja. Hvenær: Fim. og þri. 10., 15. og 17. sept. kl. 20:00 - 22:00 (3x) Kennt er 17. sept. í æfingahúsnæði GSÍ – Námskeiðið verður endurtekið í nóvember Kennari: Magnús Birgisson, PGA golfkennari og SNAG master leiðbeinandi Snemmskráning verð: 22.900 kr. Almennt verð: 25.200 kr. Snemmskráning til og með 1. september
Betri fjármál Markmið námskeiðsins er að aðstoða þátttakendur við að skipuleggja fjármálin og
byggja upp sjálfstjórn. Námskeiðið stuðlar að því að snúa fjármálum þátttakenda úr viðbrögðum við aðstæðum (e. reactive) í fyrirbyggjandi markmið í fjármálum (e. proactive). Námskeiðið færir þátttakendum verkfæri til að taka stjórn á daglegu lífi og fjármálum með yfirsýn og markmiðum. Vinnubók er innifalin í námskeiðsverði. Hvenær: Mán. 14. sept. kl. 19:15 – 22:15 og 12. okt. kl. 20:15 – 21:15 – Námskeiðið verður endurtekið í október Kennari: Haukur Hilmarsson, ráðgjafi í fjármálahegðun Snemmskráning verð: 19.900 kr. Almennt verð: 21.900 kr. Snemmskráning til og með 4. september
Öflugt sjálfstraust Sjálfstraust er undirstaða margra færniþátta, svo sem því hvernig okkur vegnar í samskiptum við aðra, hvernig við setjum markmið, tökum ákvarðanir og vinnum undir álagi. Í raun má segja að öflugt
sjálfstraust sé ákveðin forvörn þar sem sterkir einstaklingar eiga auðveldara en aðrir með að taka ákvarðanir, setja mörk og verjast óæskilegum áhrifum frá umhverfinu. Á námskeiðinu er lögð áhersla á að kenna þátttakendum að greina muninn á miklu og litlu sjálfstrausti og ekki síst að kenna aðferðir til að byggja upp og efla sjálfstraust. Kennsla er í formi fyrirlestra, umræðna, verkefna og æfinga.
eru fjölmörg dæmi um vel heppnaðar samsetningar. Hvað fer saman, hvað ekki og af hverju ekki? Að loknu námskeiðinu ættu þátttakendur að geta gert einfaldar breytingar heima við sem draga betur fram þann stíl sem hentar vel þeim munum og húsgögnum sem eru til á heimilinu. Ekki er nauðsynlegt að fara í kostnaðarsamar framkvæmdir til að endurspegla persónulegan stíl.
Hvenær: Mán. og mið. 21., 23. og 28. sept. kl. 13:00 – 16:00 (3x) – Námskeiðið verður endurtekið í nóvember Kennari: Jóhann Ingi Gunnarsson, sálfræðingur Snemmskráning verð: 34.900 kr. Almennt verð: 38.400 kr. Snemmskráning til og með 11. september
Hvenær: Mið. 23. og 30. sept. kl. 19:30 - 21:30 – Námskeiðið verður endurtekið í nóvember Kennari: Emilía Borgþórsdóttir, iðnhönnuður Snemmskráning verð: 14.900 kr. Almennt verð: 16.400 kr. Snemmskráning til og með 13. september
Hugleiðsla og jógaheimspeki Á námskeiðinu er kafað í frumhugmyndafræði jóga. Kennd er hugleiðsla og gjörhygli, jógaheimspeki og grunnurinn að þessum fornu fræðum. Við skoðum hvort Yoga Sutrur Patanjalis og Bhagawat Gita eigi erindi til okkar í dag og hvort þessi fornu rit séu raunverulegur leiðarvísir til að öðlast andlegt og líkamlegt heilbrigði í hringiðu nútímans. Þetta er skemmtilegt og fræðandi námskeið og hentar bæði þeim sem vilja kafa djúpt í fræðin og þeim sem vilja hefja ástundun eða efla sína heimaástundun enn frekar. Hvenær: Þri. 22. sept. – 20. okt. kl. 18:00 – 20:00 (5x) Kennari: Kristbjörg Kristmundsdóttir, jógakennari Snemmskráning verð: 31.900 kr. Almennt verð: 35.100 kr. Snemmskráning til og með 12. september
Ljósmyndun - að taka betri myndir Markmið námskeiðsins er að þátttakendur fái innsýn í hvernig hægt er að taka betri myndir á einfaldar stafrænar myndavélar. Farið er í einfaldar stillingar á myndavélum og hvernig ljósmyndarinn getur beitt sér til þess að taka betri myndir. Hvenær: Mið. 23. sept. kl. 20:00 - 22:00 Kennari: Birgir Freyr Birgisson Snemmskráning verð: 9.500 kr. Almennt verð: 10.500 kr. Snemmskráning til og með 13. september
Heimili og hönnun Á námskeiðinu er farið í grunnatriði innanhússhönnunar á einföldu máli. Tekin
Hreyfing og næring á efri árum - lífsins elixír Heilbrigði er ekki eingöngu að vera laus við sjúkdóma eða fötlun, heldur allt í senn, líkamleg, andleg og félagsleg vellíðan. Á námskeiðinu verður fjallað um hvernig matur og hreyfing geta verið lykilþættir fyrir líkamlega, andlega og félagslega vellíðan. Ósk flestra eldri borgara er að eldast með reisn og að geta séð um sig eins lengi og kostur er. Á námskeiðinu verður fjallað um hvernig mögulegt er að ná þessum markmiðum samhliða því að auka lífsgæði okkar á efri árum. Hvenær: Mið. 23. og 30. sept. kl. 16:15 – 18:15 Kennarar: Janus Guðlaugsson, PhD íþrótta- og heilsufræðingur, Ólafur Þór Gunnarsson, lyf- og öldrunarlæknir á LSH, Ólöf Guðný Geirsdóttir, PhD næringarfræðingur og Pálmi V. Jónsson, prófessor í öldrunarlækningum við læknadeild HÍ Snemmskráning verð: 16.900 kr. Almennt verð: 18.600 kr. Snemmskráning til og með 13. september
Úr neista í nýja bók Er draumur þinn að skrifa smásögur eða kannski heila skáldsögu? Ert þú jafnvel með hugmynd að sögu í kollinum? Á þessu afar vinsæla námskeiði verður farið yfir ýmis atriði við ritun skáldsagna, allt frá hugmyndavinnu til lokafrágangs. Námskeiðið er blanda af stað- og fjarnámskeiði og þannig gefst þátttakendum aukinn sveigjanleiki í náminu sem stendur yfir í fimm vikur. Þátttakendafjöldi er takmarkaður. Hvenær: Fim. 24. sept. vinnustofa kl. 19:30 22:00 Fim. 1. okt., 8. okt. og 15. okt., fjartímar Fim. 22. okt. vinnustofa kl. 19:30 – 22:00
Kennari: Anna Heiða Pálsdóttir, rithöfundur og doktor í bókmenntafræði Snemmskráning verð: 32.900 kr. Almennt verð: 36.200 kr. Snemmskráning til og með 14. september
Málörvun, boðskipti og læsi mikilvægur fróðleikur fyrir foreldra og aðra uppalendur Á námskeiðinu verða kynntar spennandi og hagnýtar aðferðir um hvernig hægt er að ná árangri í málörvun allra barna og undirbúa þau fyrir lestur og frekara nám. Einnig verður fjallað sérstaklega um börn sem eru í áhættuhópi fyrir lesblindu og ræddar hugmyndir til þess að styrkja börn sem þurfa stuðning til þess að ná tökum á lestri. Áhersla verður lögð á hvernig hægt er að þekkja helstu frávik í málþroska og vinna markvisst með málörvun ungra barna. Hvenær: Mán. 28. sept. og 5. okt. kl. 20:15 – 22:15 Kennarar: Ásthildur Bjarney Snorradóttir, sérkennari og talmeinafræðingur og Bergrós Ólafsdóttir, talmeinafræðingur Snemmskráning verð: 19.900 kr. Almennt verð: 21.900 kr. Snemmskráning til og með 18. september
Jarðgerð í heimagörðum Í samstarfi við HORTICUM menntafélag
Það hefur færst mikið í vöxt að garðeigendur komi sér upp safnhaugum í görðum sínum og jarðgeri lífrænan úrgang s.s. gras, greinar og lauf. Mikið af lífrænum úrgangi fellur einnig til í eldhúsum og honum má umbreyta í áburðarríka úrvals safnhaugamold eða svokallaða moltu.Hér er um að ræða grunnnámskeið, sérstaklega ætlað þeim sem hyggja á jarðgerð eða eru nýlega byrjaðir. Nú er tækifæri til að læra rétt vinnubrögð við jarðgerð frá upphafi. Hvenær: Mið. 30. sept. kl. 19:15 – 22:15 Kennarar: Baldur Gunnlaugsson, skrúðgarðyrkjumeistari og garðyrkjutæknir og Sveinn Aðalsteinsson, plöntulífeðlisfræðingur Snemmskráning verð: 10.900 kr. Almennt verð: 12.000 kr. Snemmskráning til og með 20. september
Grænmetisfæði, miðjarðarhafs-, lágkolvetna- eða steinaldarmataræði – hvert er besta mataræðið fyrir manninn? Á námskeiðinu er annars vegar fjallað um grænmetisfæði og „vegan” fæði og hins 9
vegar um mataræði sem inniheldur dýraafurðir. Mismunandi mataræði verður kannað með heilsu mannsins að leiðarljósi, bæði út frá lýðheilsu- og klínískum sjónarmiðum. Markmið námskeiðsins er að þátttakendur öðlist innsýn inn í hver sé rótin að hverri tegund mataræðis, hvaða áhrif þær geti haft og hvernig þær hafa áhrif á lýðheilsu ráðleggingar um mataræði og næringu annars vegar og klínískar ráðleggingar hins vegar. Hvenær: Mán. 5. okt. kl. 16:30 - 19:30 Kennari: Freydís Hjálmarsdóttir, næringarfræðingur M.Sc Snemmskráning verð: 10.900 kr. Almennt verð: 12.000 kr. Snemmskráning til og með 25. september
Komdu ég vil hlusta á þig - um samskipti foreldra og barna Að kunna að hlusta og sýna skilning eru lykilatriði þegar foreldrar vilja veita börnum sínum öryggi, kærleika og ást. Á námskeiðinu eru kenndar hlustunaraðferðir og þær æfðar. Kennt er hvernig við forðumst að nota lokunarsvör sem loka á samskiptin og farið er í aðferðir sem miða að gagnkvæmum skilningi milli foreldra og barna og leiða af sér meiri nánd þeirra á milli. Hvenær: Mán. 5., 12. og 19. okt. kl. 20:00 – 22:00 (3x) Kennari: Wilhelm Norðfjörð, sálfræðingur Snemmskráning verð: 22.900 kr. Almennt verð: 25.200 kr. Hjónum og pörum sem sækja námskeiðið býðst 10% afsláttur af báðum námskeiðsgjöldum. Snemmskráning til og með 25. september
Gagnrýnin hugsun í dagsins önn Hverjar eru ástæður skoðana okkar? Eru þær ekki langoftast eitthvað allt annað heldur en rök? Og hvert er samband skoðana okkar og breytni? Hvaða afleiðingar geta margs konar hleypidómar haft í för með sér? Á þessu námskeiði verður farið yfir hvað einkennir gagnrýnar manneskjur. Athyglinni verður einkum beint að samspili gagnrýninnar hugsunar og siðfræði og hvað felst í þeirri afstöðu að hlýða rökum þegar það er mögulegt. Hvenær: Þri. 6., 13. og 20. okt. kl. 20:15 22:15 (3x) Kennari: Henry Alexander Henrysson, Phd í heimspeki Snemmskráning verð: 22.900 kr. 10
Almennt verð: 25.200 kr. Snemmskráning til og með 26. september
Listin að mynda norðurljós Á námskeiðinu er fjallað um grunnstillingar myndavélarinnar með tilliti til þess að ljósmynda norðurljós að næturlagi. Dæmi um það sem farið er í eru fókusstillingar, ISO stillingar, lokunarhraði, ljósop og val á fylgihlutum. Til þess að ná að fanga norðurljós á ljósmynd þarf sá sem tekur myndina að hafa grunnskilning á stillingum myndavélarinnar, linsu og jafnframt hvaða aukahluti er gott að hafa til að auka líkurnar á að norðurljósin skili sér á mynd. Hvenær: Mið. 7. okt. kl. 19:00 - 22:00 Kennari: Ólafur Þórisson, margmiðlunarhönnuður Snemmskráning verð: 10.900 kr. Almennt verð: 12.000 kr. Snemmskráning til og með 27. september
Að njóta breytinganna Hjónin og prestarnir Jóna Hrönn Bolladóttir og Bjarni Karlsson standa á fimmtugu. Þessa kvöldstund gefa þau af reynslu sinni og greina frá viðhorfum sínum varðandi aldursbreytingar. „Þú hefur nú bara ekkert breyst!” er gjarnan sagt sem hrós. Er eftirsóknarvert að taka ekki breytingum? Skyldum við eiga val um það að eldast og vaxa um leið? Á námskeiðinu er m.a. fjallað um tilfinningalegt sjálfstæði sem lykil að góðum miðaldri og gildi þess að hafa skýrt umboð fyrir eigin lífi. Hvenær: Fim. 8. okt. kl. 19:30 - 21:30 Kennarar: Hjónin og prestarnir Jóna Hrönn Bolladóttir og Bjarni Karlsson Snemmskráning verð: 9.500 kr. Almennt verð: 10.500 kr. Snemmskráning til og með 28. september
Lærðu að yrkja limru Ef landinn kann limru að yrkja má líklega kímnina virkja og víst er hún góð hjá vísnanna þjóð ef vináttuböndin skal styrkja. Kristján Hreinsson, skáld, mun á námskeiðinu kenna fólki að yrkja limrur. Um er að ræða almenna fræðslu um limru og limrugerð, einfalt námsefni með æfingum og markvissri þjálfun. Markmiðið er að þátttakendur nái á þriggja kvölda námskeiði, að tileinka sér þá færni
sem til þarf og eigi í framhaldinu létt með að setja saman limrur. Hvenær: Fim. 8., 15. og 22. okt. kl. 20:00 - 22:00 (3x) Kennari: Kristján Hreinsson, skáld og heimspekingur Snemmskráning verð: 22.900 kr. Almennt verð: 25.200 kr. Snemmskráning til og með 28. september
Að fegra heimilið - kafað dýpra í heimili og hönnun Námskeiðið „Heimili og hönnun” hefur verið afar vinsælt hjá Endurmenntun síðustu misseri. Nú er því boðið upp á framhaldsnámskeið þar sem kafað verður dýpra í fræðin og unnar verklegar æfingar. Á þessu þriggja kvölda námskeiði er farið dýpra í grunnatriði hönnunar. Þátttakendur vinna með rými að eigin vali og gera þær breytingar sem við á. Þeir vinna áætlun með aðstoð kennara og hafa tvær vikur á milli kennslutíma til að klára breytingarnar. Námskeiðinu lýkur svo með stuttri kynningu á hverju rými fyrir sig og umræðum. Hvenær: Mán. 12. og 19. okt. og 2. nóv. kl. 20:15 - 22:15 (3x) Kennari: Emilía Borgþórsdóttir, iðnhönnuður Snemmskráning verð: 22.900 kr. Almennt verð: 25.200 kr. Snemmskráning til og með 2. október
Vönduð íslenska - tölvupóstar og stuttir textar Gríðarleg aukning hefur orðið í framleiðslu texta á undanförnum áratugum. Sífellt fleiri þurfa að semja ritaða texta, oftast fremur stutta, bæði í starfi og einkalífi. Í langflestum tilvikum eru textar samdir til þess að aðrir lesi þá. Nokkur lykilatriði sem hafa verður í huga eru tími, sjálfsöryggi, þekking á viðfangsefni, bygging texta, málfar og birting. Á þessu námskeiði verður farið yfir helstu einkenni texta sem samdir eru á íslensku og þátttakendur þjálfaðir í að semja stutta texta, t.d. tölvupósta, efni á innri vefi, heimasíður og fréttabréf. Hvenær: Þri. 13. okt. kl. 13:00 - 16:00 Kennari: Sigurður Konráðsson, prófessor í íslensku Snemmskráning verð: 13.900 kr Almennt verð: 15.300 kr. Snemmskráning til og með 3. október
Að verða betri en ég er – að ná hámarksárangri í lífi og starfi Hvernig setjum við okkur háleit markmið og náum þeim? Hvernig er hægt að bregðast við áföllum og mótlæti með farsælum hætti og ná góðum tökum á streitu? Hvernig löðum við fram það besta í öðrum? Reynslan sýnir að flestir trúa því að þeir geti bætt sig á einhverjum sviðum. Til þess að svo megi verða er þó mikilvægt að tileinka sér rétt hugarfar. En hvað einkennir hugarfar þeirra sem ná jafnan sínu besta fram, jafnvel við krefjandi aðstæður? Á þessu þjálfunarnámskeiði verður áherslan lögð á þær aðferðir sem afreksfólk á hinum ýmsum sviðum beitir til að ná árangri í leik og starfi. Kennsla er í formi fyrirlestra, umræðna, verkefna og æfinga. Hvenær: Fim. og þri. 22. og 27. okt. kl. 16:15 – 19:15 Kennarar: Jóhann Ingi Gunnarsson og Bragi Sæmundsson, sálfræðingar Snemmskráning verð: 22.900 kr. Almennt verð: 25.200 kr. Snemmskráning til og með 12. október
Myndbandavinnsla með Moviemaker fyrir Windows Markmið námskeiðsins er að þátttakendur geti notað Windows Moviemaker til að gera stutt myndbönd eða kynningarefni. Námskeiðið er fyrir alla sem vilja geta búið til myndbönd eða kynningarefni úr myndbandsupptökuvélum, símum eða öðrum upptökutækjum, hvort sem er fyrir fjölskylduna eða vegna vinnu til birtingar á netinu eða sett á dvd. Hvenær: Mán. 26. og fim. 29. okt. kl. 20:00 – 22:00 Kennari: Birgir Freyr Birgisson
Snemmskráning verð: 13.900 kr. Almennt verð: 15.300 kr. Snemmskráning til og með 16. október
Húmor og gleði í samskiptum ... dauðans alvara Húmor í öllum sínum fjölbreytileika er viðfangsefnið á þessu námskeiði. Húmor getur verið afar uppbyggilegur og nærandi en er einnig vandmeðfarið samskiptatæki. Fjölmargar rannsóknir sýna að það er t.d. mikil heilsubót af því að nota húmor á jákvæðan hátt. Húmor getur gjörbreytt andrúmslofti og aukið til muna ánægju og gleði í samskiptum, hvort sem um er að ræða fjölskyldur, vinnustaði, félagasamtök eða vinahópa. Húmor í daglegum samskiptum auðveldar fólki að takast á við allskonar uppákomur, leysa úr vandamálum og draga úr streitu. Hvenær: Þri. 27. okt. kl.19:00 - 22:00 Kennari: Edda Björgvinsdóttir, leikkona og MA í menningarstjórnun Snemmskráning verð: 10.900 kr. Almennt verð: 12.000 kr. Snemmskráning til og með 17. október
Skáldleg skrif Á námskeiðinu verður farið í það með afar einföldum hætti hvernig við berum okkur að þegar við höfum í hyggju að skrifa. Og hér er bent á þann grunn sem verður að vera til staðar, hvort sem um er að ræða eina vísu, ljóð, smásögu, skáldsögu eða annað form ritlistar. Alltaf eru sömu hugtökin að skjóta upp kollinum; grunnurinn sem við byggjum verk okkar á. Við munum fara hægum skrefum og skoða vandlega þau form sem koma við sögu. Einfaldar skýringar og fjölmörg dæmi verða tekin fyrir.
Hvenær: Þri. 27. okt. og 3., 10., 17. og 24. nóv. kl. 20:15 - 22:15 (5x) Kennari: Kristján Hreinsson, skáld og heimspekingur Snemmskráning verð: 32.900 kr. Almennt verð: 36.200 kr. Snemmskráning til og með 17. október
Kvikmyndahandrit Hér er um að ræða inngangsnámskeið í handritsskrifum fyrir kvikmyndir. Sérstök áhersla verður lögð á að skoða strúktúr og dramatíska uppbyggingu kvikmyndahandrita. Farið er í grundvallarhugmyndir og hugtök sem varða handritsformið og jafnframt verður myndræn frásögn í kvikmyndum borin saman við skáldsögur, leikrit og sjónvarpsseríur. Þátttakendur eru aðstoðaðir við að þróa hugmynd að kvikmynd upp í sögulýsingu (treatment) fyrir kvikmyndahandrit. Hvenær: Mið. 28. okt., 11., 18. og 25. nóv. og 2. des. kl. 20:15 - 22:15 (5x) Kennari: Huldar Breiðfjörð, BA í bókmenntafræði frá HÍ og MFA frá New York University Snemmskráning verð: 32.900 kr. Almennt verð: 36.200 kr. Snemmskráning til og með 18. október
Jákvæð sálfræði og styrkleikaþjálfun (Coaching) - nýttu styrkleika þína á nýjan hátt Jákvæð sálfræði fæst við rannsóknir á því sem fólk gerir rétt frekar en því sem fólk gerir rangt. Á námskeiðinu verður farið yfir rannsóknir á styrkleikum, bjartsýni og hamingju og fjallað um gildi jákvæðni fyrir sköpun og árangur. Einnig verður farið í kosti styrkleikaþjálfunar og hvernig hægt er að nýta sér verkfæri úr styrkleikaþjálfun
FRÆÐSLUSTYRKIR STÉTTARFÉLAGA Stéttarfélög styrkja félagsmenn sína til að sækja nám og námskeið. Við hvetjum alla til að nýta þessa styrki.
11
í daglegu lífi. Jákvæð sálfræði hefur þrjár grunnstoðir: jákvæðar tilfinningar, styrkleika og jákvæð samskipti. Dæmi um styrkleika einstaklinga eru hugrekki, samúð, sköpunarkrafur, þrautseigja og heilindi. Hvenær: Mán. 2. - 30. nóv. kl. 19:30 - 21:30 (5x) Kennari: Anna Jóna Guðmundsdóttir, kennari og ráðgjafi Snemmskráning verð: 36.900 kr. Almennt verð: 40.600 kr. Snemmskráning til og með 23. október
Þáttagerð í útvarpi Í samstarfi við RÚV
Á þessu námskeiði fá þátttakendur að kynnast þáttagerð reynds dagskrárgerðarfólks og tækifæri til að gera stuttan útvarpsþátt undir leiðsögn. Gert er ráð fyrir að þáttunum verði útvarpað á Rás 1. Meðal þess sem farið verður í er viðtalstækni, fléttuþáttagerð og framsögn í útvarpi. Hvenær: Mán. 2. nóv. kl. 19:30 - 22:00 og fim. 5. nóv. kl. 19:30 - 21:30 Klukkustund á pr. þátttakanda í hljóðveri hjá RÚV með kennara. Tímasetning er ákv. í samráði við kennara. Stefnt er að því að lokatíminn fari svo fram í janúar þegar allir hafa lokið þáttagerð. Kennarar: Kristín Einarsdóttir, þjóðfræðingur og aðjúnkt við HÍ Ásamt henni koma Leifur Hauksson, Lísa Pálsdóttir og Magnús R. Einarsson að kennslunni. Snemmskráning verð: 33.900 kr. Almennt verð: 37.300 kr. Snemmskráning til og með 23. október
Fjármál við starfslok Fróðlegt og gagnlegt námskeið um það sem mikilvægast er að hafa á hreinu þegar starfsævi lýkur. Vandlega verður farið yfir þær breytingar sem vefjast fyrir mörgum, svo sem varðandi Tryggingastofnun, lífeyrismál, skatta og sparnað. Með aukinni þekkingu má spara umtalsverðar fjárhæðir auk þess sem við fáum betri yfirsýn yfir væntar tekjur þegar lífeyrisgreiðslur taka við af launatekjum. Hvenær: Þri. 3. nóv. kl. 16:15 - 19:15 Kennari: Björn Berg Gunnarsson, viðskiptafræðingur og löggiltur verðbréfamiðlari Snemmskráning verð: 10.900 kr. Almennt verð: 12.000 kr. Snemmskráning til og með 24. október
Tækifærisræður Væri ekki gaman að geta staðið upp og haldið ræðu við hátíðleg tækifæri? 12
Allir hafa frá einhverju merkilegu að segja og feimni á ekki að vera því til fyrirstöðu að maður tjái sig þegar löngunin kemur yfir mann. Námskeið þetta miðar að því að byggja upp sjálfstraust þátttakenda svo þeir hafi kjarkinn til að standa upp og halda ræðu þegar stundin kallar. Hér er skemmtanagildi og húmor í hávegum hafður. Markmiðið er að geta notið þess að deila sögu sinni með öðrum. Hvenær: Þri. 3. og 10. nóv. kl. 20:15 - 22:15 Kennari: Þórey Sigþórsdóttir, leikkona og raddkennari frá NGT the Voice Studio International Snemmskráning verð: 14.900 kr. Almennt verð: 16.400 kr. Snemmskráning til og með 24. október
Streitan og áhrif hennar á líf okkar Í samstarfi við Streituskólann
Langvinn og neikvæð streita getur haft mikil áhrif á líðan og heilsu og því er áríðandi að greina lúmska streituvalda og efla streituvarnir. Ný þekking á viðbrögðum okkar og starfsemi heilans getur nýst sem forvörn til að takast á við streituna. Á námskeiðinu er fjallað um eðli streitu og hvaða áhrif langvinn og neikvæð streita getur haft á líðan, samskipti og heilsu. Skoðaðir eru innri og ytri streituvaldar og fjallað um persónugerðir, sjálfsmat, viðbrögð og varnarhætti. Hvenær: Fim. 5. og 12. nóv. kl. 20:15 - 22:15 (2x) Kennari: Ragnheiður G. Guðnadóttir, ráðgjafi og MS í félags- og vinnusálfræði frá HÍ Snemmskráning verð: 14.900 kr. Almennt verð: 16.400 kr. Snemmskráning til og með 26. október
Góð heilsa - samspil næringar og huga á andlega og líkamlega líðan Á námskeiðinu er fjallað um hvers vegna hollt fæði skilar ekki alltaf bættri heilsu. Farið er yfir mikilvægi þarmaflóru og þá sérstaklega með tilliti til andlegrar og líkamlegrar heilsu. Fjallað er um áhrif hugar á heilsu, meðal annars út frá streitu, jákvæðum hugsunum, slökun, viðhorfum, þakklæti og tilfinningum. Námskeiðið byggir á rannsóknum á sviði næringar- og læknisfræði ásamt jákvæðri sálfræði. Markmiðið er að hver einstaklingur öðlist dýpri skilning á mikilvægi þess að velja rétt þegar kemur að því að næra sig andlega og líkamlega.
Hvenær: Mán. 9. nóv. kl. 17:00 – 19:30 Kennarar: Birna G. Ásbjörnsdóttir er að ljúka meistaragráðu í næringarlæknisfræði og Jóhanna Björk Briem, MA í áhættuhegðun og forvörnum og löggiltur sjúkranuddari Snemmskráning verð: 9.900 kr. Almennt verð: 10.900 kr. Snemmskráning til og með 30. október
Vönduð íslenska - stafsetning og greinamerki Lesandi tekur alltaf fyrst eftir yfirborði texta, stafsetningu, greinarmerkjum, bilum á milli orða og beygingum. Sjái lesandi að höfundur texta hafi kastað höndum til þessara atriða er hætt við að hann hafi ekki áhuga á að lesa lengi og taka textann alvarlega. Á þessu námskeiði verður farið í reglur um stafsetningu og greinarmerki. Rædd verða ýmis álitamál og getið um helstu breytingar sem orðið hafa á reglum á síðustu áratugum. Hvenær: Mán. 9. og fim.12. nóv. kl. 16:15 18:15 Kennari: Sigurður Konráðsson, prófessor í íslensku Snemmskráning verð: 15.900 kr Almennt verð: 17.500 kr. Snemmskráning til og með 30. október
Rafbækur fyrir alla - tæknin, tækin og lesefnið Rafbækur og rafbókatæknin er frábær leið til þess að nálgast áhugavert lesefni hvar og hvenær sem er. Þær gefa lesandanum tækifæri til þess að aðlaga stærð texta, lit og lögun sem hentar hverjum og einum. Þær hafa fjölmarga kosti sem prentaðar bækur geta ekki boðið upp á. Rafbækur er hægt að lesa í ýmsum lestækjum svo sem í lesbrettum, spjaldtölvum, snjallsímum og tölvum. Það eina sem þarf er kunnátta til þess að nýta sér möguleika lestækja og kunna að sækja rafbækurnar sjálfar. Markmið námskeiðsins er að þátttakendur skilji tæknina og geti nýtt alla þá möguleika sem standa rafbókalesendum til boða innanlands og utan. Hvenær: Mán. 16. og fim. 19. nóv. kl. 20:00 – 21:30 Kennari: Óskar Þór Þráinsson, upplýsingafræðingur Snemmskráning verð: 9.900 kr. Almennt verð: 10.900 kr. Snemmskráning til og með 6. nóvember
Þuríður og Páll hafa verið dugleg að sækja námskeið
Gaman saman á námskeiðum Hjónin Þuríður Kristín Heiðarsdóttir og Páll Ólafsson hafa sótt fjölbreytt námskeið hjá okkur undanfarin ár. Þau fóru saman á námskeið um arabískt vor hjá Magnúsi Þorkeli Bernharðssyni fyrir nokkrum árum og Þuríður hefur m.a. sótt námskeið um heimili og hönnun og Páll mætt á námskeið um trjárækt á sumarhúsalóðum. Síðastliðið vor fóru þau saman á Egils sögu og eru nú búin að skrá sig á Laxdælu. Við fengum Þuríði og Pál í stutt viðtal. Hvernig kom til að þið ákváðuð að skrá ykkur á námskeið um Egils sögu? Það var bæði sagan sjálf sem er snilldarverk og ekki síst leiðbeinandinn, Ármann Jakobsson, sem er sjálfur höfuðsnillingur, ákaflega vel að sér og skemmtilegur. Hann er uppistandari af bestu gerð. Eru þið komin í hóp fastagesta á Íslendingasagnanámskeiðunum? Það eru allar líkur á því. Við lásum Njálu og Grettissögu með Jóni Bö á sínum tíma; tókum okkur svo hlé en erum nú byrjuð aftur. Meðan Endurmenntun teflir fram fólki eins og Ármanni og doktorsnemunum til að fjalla um bókmenntaarfinn þá telst maður heppinn að komast að! Hvað gefur það ykkur að sækja námskeið? Þetta er andleg næring sem skilur mikið eftir sig. Hvort sem það eru bókmenntir eða eitthvað annað þá er þetta kærkomið tækifæri fyrir okkur til að velta vöngum yfir saman. Við hlökkum til, sem er eitt það mikilvægasta í lífinu, þegar skemmtilegt námskeið er í vændum. Endurmenntun örvar hugann; bætir lífsgæðin. Gott námskeið er gjarnan áskorun sem leiðir hugann frá hversdeginum eða tekur púlsinn á því sem er að gerast í veröldinni. Námskeið sem við sóttum hjá Magnúsi Bernharðssyni um vorið í Mið-Austurlöndum er dæmi um slíkt. Endurmenntun gefur okkur tækifæri til að fara á námskeið saman, sem er gaman.
Fleiri áhugaverð námskeið á eftirfarandi sviðum má finna á vef Endurmenntunar • Erlendir sérfræðingar • Ferðaþjónusta • Fjármál og rekstur • Heilbrigðis- og félagssvið • Starfstengd hæfni
• Stjórnun og forysta • Uppeldi og kennsla • Upplýsingatækni • Verkfræði og tæknifræði 13
LÍFIÐ Í ENDURMENNTUN
14
TUNGUMÁL Danska
Norska
Spænska
Danska - þjálfun í talmáli á léttum nótum
Hagnýt norska fyrir heilbrigðisstarfsfólk
Spænska I
Hvenær: Mán. og fim. 14. sept.- 1. okt. kl. 20:00 - 22:00 (6x) Kennari: Casper Vilhelmssen, kennari Snemmskráning verð: 35.900 kr. Almennt verð: 39.500 kr. Snemmskráning til og með 4. september
Hvenær: Mán. og fim. 19. okt. - 5. nóv. kl. 20:15 – 22:15 (6x) Kennari: Arnhild Mølnvik, norskukennari Snemmskráning verð: 39.400 kr. Almennt verð: 43.400 kr. Snemmskráning til og með 9. október
Enska
Norska fyrir byrjendur - að tala og skilja
Practical English
Hvenær: Þri. og fim. 13. - 29. okt. kl. 20:15 22:15 (6x) Kennari: Gry Ek Gunnarsson, kennsluráðgjafi í norsku Snemmskráning verð: 39.400 kr. Almennt verð: 43.400 kr. Snemmskráning til og með 3. október
Hvenær: Mán. og mið. 5. - 21. okt. kl. 16:30 18:30 (6x) Kennari: Mica Allan, enskukennari Snemmskráning verð: 39.400 kr. Almennt verð: 43.400 kr. Snemmskráning til og með 25. september
Ítalska Ítalska fyrir byrjendur Hvenær: Mán. og fim. 14. sept. - 1. okt. kl. 17:00 - 19:00 (6x) Kennari: Maurizio Tani, stundakennari í ítölsku við HÍ Snemmskráning verð: 35.900 kr. Almennt verð: 39.500 kr. Snemmskráning til og með 4. september
Ítalskt talmál og menning Hvenær: Mán. og fim. 12. - 29. okt. kl. 17:15 19:15 (6x) Kennari: Maurizio Tani, stundakennari í ítölsku við HÍ Snemmskráning verð: 35.900 kr. Almennt verð: 39.500 kr. Snemmskráning til og með 2. október
Hagnýt norska fyrir verkfræðinga og tæknifræðinga Hvenær: Mán. og mið. 26. okt. - 11. nóv. kl. 17:00 - 19:00 (6x) Kennari: Gry Ek Gunnarsson, kennsluráðgjafi í norsku Snemmskráning verð: 39.400 kr. Almennt verð: 43.400 kr. Snemmskráning til og með 16. október
Pólska Pólska fyrir byrjendur I
Í samstarfi við Hugvísindasvið HÍ Hvenær: Þri. og fim. 6. okt. - 12. nóv. kl. 16:40 - 18:10 í Árnagarði stofu 304 á þri. og 101 á fim. Kennari: Anna Maria Rabczuk, stundakennari við HÍ Almennt verð: 52.000 kr. Námskeiðið er hægt að taka til eininga.
Hvenær: Mán. og fim. 14. sept. - 1. okt. kl. 16:45 - 18:45 (6x) Kennari: Steinunn Björk Ragnarsdóttir, MA í spænsku Snemmskráning verð: 35.900 kr. Almennt verð: 39.500 kr. Snemmskráning til og með 4. september
Spænska II Hvenær: Þri. og fim. 9. - 26. nóv. kl. 16:4518:45 (6x) Kennari: Steinunn Björk Ragnarsdóttir, MA í spænsku Snemmskráning verð: 35.900 kr. Almennt verð: 39.500 kr. Snemmskráning til og með 30. október
Sænska Hagnýt sænska fyrir heilbrigðisstarfsfólk Hvenær: Þri. 20. okt. - 24. nóv. kl. 20:00 22:00 (6x) Kennari: Elísabet Brekkan fil. cand, leikhúsfræðingur og kennari Snemmskráning verð: 39.400 kr. Almennt verð: 43.400 kr. Snemmskráning til og með 10. október
Þýska Þýska fyrir byrjendur I
Í samstarfi við Hugvísindasvið HÍ Hvenær: Mán., þri. og fim. 31. ágúst - 26. nóv. kl. 12:30 - 13:10 Fyrirl./almennir tímar alls 52, skiptast á 13 vikur Kennslustaður í HÍ tilkynntur síðar Kennari: Jessica Guse, aðjúnkt við HÍ Almennt verð: 79.000 kr. Námskeiðið er hægt að taka til eininga. 15
Endurmenntun Háskóla Íslands – Dunhagi 7 – 107 Reykjavík Netfang: endurmenntun@hi.is Opnunartími Endurmenntunar er mán. - fim. kl. 8:00 - 22:00, fös. kl. 8:00 - 17:00 og lau. kl. 9:00 - 12:00. Sumarafgreiðslutími er kl. 8:00 - 16:00 alla virka daga. Nánari upplýsingar og skráning á endurmenntun.is eða í síma 525 4444
Fylgdu okkur á Facebook 16
/endurmenntun.is