Sterke kjensler ferdig.qxp_A 27.08.2019 13:33 Side 1
1
Sterke kjensler ferdig.qxp_A 27.08.2019 13:33 Side 2
KRISTIN AUESTAD DANIELSEN Alle i Norge, i tre, i hengekøyer. Dikt. Gyldendal 2005 Nynorsken. Dikt. Gyldendal 2007
Merk mine ord, åleinemor. Dikt. Gyldendal 2012 Joggesko. Boksingel. Flamme Forlag 2015 Vår vesle. Roman. Samlaget 2018
2
Sterke kjensler ferdig.qxp_A 27.08.2019 13:33 Side 3
Kristin Auestad Danielsen
Sterke kjensler og andre dikt
Samlaget Oslo 2019
Sterke kjensler ferdig.qxp_A 27.08.2019 13:33 Side 4
© Det Norske Samlaget 2019 www.samlaget.no
Omslag: Nina Børke Førtrykk: Samlaget
Skrift: Minion 10,5/15
Papir: 100 g Munken premium Cream Trykkeri: ScandBook AB, Falun Printed in Sweden
ISBN 978-82-521-340-0098-0
Denne boka er trykt på miljøvennleg papir.
Sterke kjensler ferdig.qxp_A 27.08.2019 13:33 Side 5
Morskap med leppestift. og når du står der og skal finne leppestift og solnedgangen og palmane der og du drøymer om sol og california og kjærleik og du er vaksen, før var du jente og du er tre år og ti år og tenåring og du er tjue år og tretti år, førti og du er femti år og seksti år og sytti år og åtti år og leppestiften er så fin munnen blir ei rose eg har knekt mor mi sin leppestift og barnet har knekt min og alle desse leppestiftane bygger vi til eit morskapets tårn med namna red carpet, apricot, sweet sixteen, legende og du kyssar leppestiftmunnen på eit ark for det er eit teikn på kjærleik tar leppestiftbilete med kyss og aldri skal det vere ein liten ting og hjartet ditt knuser og svulmar knuser og svulmar og ungane du får og ungane du ikkje får og alle folka rundt deg og trea du klemmer og kleda du går i og kunsten du ser og blikka du møter
5
Sterke kjensler ferdig.qxp_A 27.08.2019 13:33 Side 6
sveisen og augebryna og den fine jakkekragen med litt leppestift
6
Sterke kjensler ferdig.qxp_A 27.08.2019 13:33 Side 7
Hei. Det var ein gong ein liten heim. Med eit lite menneske og eit stort menneske.
Ingen menn.
Ingen vakthund passa pü døra. Ein liten trygg heim. Hei, hei.
Hei. Vil du kome inn?
7
Sterke kjensler ferdig.qxp_A 27.08.2019 13:33 Side 8
Manual til barnebilsete (eit godt liv). Ho tok barnet sitt ut på enga, og det kom musikk, og inni dei låg alt det skjønne, det var jo der alle stjernene låg og blei fødde. Barn, legg deg på brystet mitt. Mor, la meg spele favorittmusikken min for deg. Dei gjekk til kiosken. Dei gjekk på do, dei møtte ei venninne, ein hund. Åt ei komle og ein kompott. Dei såg eit farleg tre men klatra ikkje opp. Djevelen stod der, men dei hadde fear, oh yes. Det var duer på taket, hosianna. Joggesko inne var forbode fordi teppet var vove av levande kjensler. O gloria, kunne dei seie pluss ein platt vits. Forbanne dårleg viskelêr og forgude den beste fargeblyanten. Drøyme om køyesenger, fotballdrakter, undulatar. 8
Sterke kjensler ferdig.qxp_A 27.08.2019 13:33 Side 9
Ete berlinerbollar og glede seg til å gå på besøk. Bilen var rein. Naboen var snill. Dei smakte på sukkeret, og vaskepulveret verka på flekkane. Heldigvis var hårstråa deltakande over den tenkjande panna, ved sida av kvarandre på teppet, høyre på Röyksopp og vere trygg. Og det var jo kjedeleg. Det var mikroekstasar og ein del fletting. Nye truser. Så heldige dei var som kunne byte truser kvar dag, ikkje bry seg om dei vanskelege folka. Dei ropar: «Vanskelege folk, vi bryr oss ikkje om dykk, men går inn og fargelegg ein fin illustrasjon frå internett!» Olbogane ute i tilfelle det skulle kome ein kilevink, kunne dukke unna og skunde seg inn i ein buss.
9
Sterke kjensler ferdig.qxp_A 27.08.2019 13:33 Side 10
Sleppe å sjå. Ikkje smake på det grufulle. Nehisj, det er ikkje vits. Gå inn i sausen og finne ripsbær. Vere synleg i trafikken med poetisk hår.
10
Sterke kjensler ferdig.qxp_A 27.08.2019 13:33 Side 11
Lysstoffrøyr. Må hugse å ta det med til returen. Flink pike i teorien alltid.
11
Sterke kjensler ferdig.qxp_A 27.08.2019 13:33 Side 12
BH. Tamponghylster. Tom sokk. Behå, utvaska sliten frå H&M, langt inni kommodeskuffa. Tamponghylster, så vanskeleg å kaste, så små, som lette små kjensler i baderomshjørna. Barnesokk, (den er tom og roleg, ligg på golvet under sofaen).
12