Issuu

Coeur de lion ferdig_A 26.02.15 10:02 Side 1

Coeur de lion ferdig_A 26.02.15 10:02 Side 3

Ariana Reines

CĹ“ur de Lion Gjendikta frĂĽ amerikansk av Anna Kleiva

Samlaget Oslo 2015

Coeur de lion ferdig_A 26.02.15 10:02 Side 4

Coeur de lion ferdig_A 26.02.15 10:02 Side 5

innhald Cœur de Lion Her, hjarte, her. Etterord

7 95

Å vente på å komme. Ein samtale med Ariana Reines 100

Coeur de lion ferdig_A 26.02.15 10:02 Side 6

Coeur de lion ferdig_A 26.02.15 10:02 Side 7

Her om kvelden då eg ikkje fekk sove attmed deg og eg sa eg hadde lyst til å gråte og du sa eg burde gjere det og eg såg ned og pusta og så gret eg og du prøvde å ta på meg og du gjorde det og du prøvde å kysse meg og du gjorde på ein måte det og eg var så redd for at eg elskar deg og du ikkje elskar meg eg følte meg dum då eg tok på meg buksene og eg følte meg dum då eg tok på meg skjorta og eg følte meg dum då eg gjekk inn på naborommet for å hente boka mi Beware of Pity av Stefan Zweig (eg hadde lese forordet til deg då eg framleis trudde vi kom til å knulle) og eg følte meg dum då døra di slamra for høgt att bak meg men då nattelufta slo mot meg var eg letta.

Coeur de lion ferdig_A 26.02.15 10:02 Side 8

Du les mykje. Du har ein hunger. Eg likar det. Hungeren din gjer at du legg merke til ting. Du må ha lagt merke til at eg følte meg dum at eg følte meg hjelpelaus. Kvinner. Eg veit ikkje, Jake. Eg forstår meg ikkje på kvinner. Akkurat no føler eg meg som ei. Eg veit ikkje kva kvinner vil ha men eg veit at dei eg likar ikkje er sånne hurper som legg ein arm rundt deg (i dette scenarioet er du den yngre kvinna) og seier Du kjem til eit tidspunkt i livet. Faen ta dei, dritkjerringar som prøver å forgifte fortvilte jenter med sitt resignerte og stusslege syn på verda. Kvinner. Dei er nøydde til å kjenne begjær. Eg òg. Eg er nøydd til å kjenne det. Og eksen din, eller kanskje de er saman igjen eg veit ikkje, Emma. Eg las noko av det ho skreiv til deg då eg braut meg inn på gmail-kontoen din. Ho er sjarmerande. Litt overflatisk kanskje 8

Coeur de lion ferdig_A 26.02.15 10:02 Side 9

men kvikk. Sikkert ikkje så krevjande. Vi er ikkje særleg like; du er mild og nedlatande når du skriv til henne. Det er vanskeleg å vite noko som helst. I grunnen verkar ho vel nydeleg. Ho har krøllete hår som meg, men på denne jpeg-en ser det ut som ho brukar meir fuktigheitsprodukt i sitt. Du kallar henne Bunny. Det er søtt. Av og til når eg sit over skrevs på deg seier du ei sånn latterleg greie, Mama Llama. Av og til klynkar du og jamrar og lèt som du græt, du seier, Åh Ari, du får meg til å føle så mykje på ein gong. Eg følte også mykje på ein gong. Eg trur ikkje eg likar dei jentene som ber om unnskyldning lik barn viss dei skulle oppføre seg usøtt. Av og til ber eg om unnskyldning. Eg bad deg om unnskyldning. Synd eg ikkje er sterkare. Då skulle eg vore steilare. Emma jobbar i eit galleri ein etasje under eit galleri der eg jobba for sånn tre år sidan. Ho er the gallery girl. Eg veit kva det handlar om. Eg var the gallery girl. Eg prøvde å like det. Det var viktig 9

Coeur de lion ferdig_A 26.02.15 10:02 Side 10

å late som om ein var interessert i å vere nær kunstnarar og kunst som om nærleik var ekvivalenten til metonymi, noko det ikkje er, ikkje i verkelegheita. Kva er metonymi i verkelegheita. Du gnir deg mot noko; noko av det som er sant og ufullstendig i det smittar over på deg; du ber det rundt på kroppen din. Kanskje. Kunst. Den der oppskrytte trivielle driten rike folk kjøper. Då eg jobba i etasjen over der Emma jobbar var eg redd for kva det innebar å eksistere parallelt med nokon annan si oppfatning av kunst. Hjartet mitt vart knust. Eg fekk aldri til å setje opp det tomme ansiktsuttrykket som kjenneteiknar heilt notidig skjønnheit. Og så har eg rar utsjånad. Eg har brukt orda Verkelegheit; Føle. Då eg jobba for galleriet i etasjen over der Emma jobbar brukte eg miniskjørt og rare kjolar, og sjefen min, kort sagt ein bløff og det franskmenn på 1800-talet kalla ein arriviste (eg kan vere pretensiøs 10

Coeur de lion ferdig_A 26.02.15 10:02 Side 11

for eg snakkar om kunstverda), pla introdusere meg for samlarar som «geniet» hennar. Den særheita var ikkje det raraste ved denne kvinna; det ho ville ha var berømmelse og meir pengar (ho hadde allereie masse pengar), men trass i dette hadde ho fått smaken på idéar. Og adjektiv. Jo teitare jo betre. Ord. Eg fekk brukt nokre hos henne fordi der var ei slags vill intellektuell overskriding i henne som trekte henne mot sånt. Den galne bror hennar gav meg sparken tre gongar. Uansett, eg veit ikkje kvifor eg fortel deg dette anna enn at eg trur gallery girls har noko å gjere med kva visse kvinner vil ha og gjer og er. Kva med gallery boys, det vil seie teknikarane. Dei gjelds også. Blæh. Ein kan forsøke å bli forført av idéen om at det å sitje og stå i same rom som noko nokon er villig til å betale for er det same som å ha eit hjarte; ideal. Det opne systemet ein ferdast gjennom vil finne ein måte å tre i kraft på uansett. Denne bestemte oppfatninga, eit smykke hengande på kulturen, i den tilstanden den er. 11

Coeur de lion ferdig_A 26.02.15 10:02 Side 12

Det kjendest så døvt, å ta telefonen og spele pen og nedlatande når eg ikkje er nokon av delane. Å late som om det der pisset er noko eg veit korleis eg skal gjere når eg er så dårleg på det. For nerdete og følsam. For jævla entusiastisk. Nokre folk kan få kva som helst til å høyrast sant ut. Eg har hora før også. Kanskje det er fordi eg støtt vil ha kjennskap til kvinner at eg har teke desse nedverdigande jobbane. Nokre kvinner er så intense Jake, forstår du kva eg meiner? Så intense at dei aldri er seg sjølve; aldri berre det. Og eg meiner ikkje sånn internettaktig sjølvreferering, sjølvironi, kva dei no kallar det, som om eit sjølv var så grunnfesta at berre å ironisere over «det» kunne skape ei bølgje av bevisstheit. Eg fell for kvinner som er bortanom seg sjølve, deg, situasjonen sin, og alt. Det er dei kvinnene eg vil ha kjennskap til. Det er dei kvinnene eg vil kjenne. Akkurat no høyrer eg på Nico og vurderer å føle meg trua. Eg vil føle kjærleik. 12

Coeur de lion ferdig_A 26.02.15 10:02 Side 13

Eg elska deg då du sa det er forferdeleg, det som har skjedd med middelhavskulturen. Og eg elska deg då du sa det eg ikkje kunne ha lurt deg til å seie at det var så mykje meir intenst, sexen og alt mellom deg og meg enn det var mellom deg og henne. Eg har aldri vore ho andre jenta før. Det gjer meg kvalm av redsle men eg klarer ikkje la vere å skrive til deg på denne måten.