Organo-musikaren zikloa ondare oso berezi bati, alegia, organoari, eusteko kezkagatik sortu da Nafarroan.
Organoa ez da jotzen den eta musika-lanak dituen musika-tresna bakarrik. Musika-tresna oso konplexua da, eraikitzeko ezaupide ugari behar direlako eta ondare-balio eztabaidaezin baten soinuaren zerbitzura jarritako ingeniaritza-lan ezin ederragoa delako. Horrez gain, udalerri askotan, organoa elementu berezi bat da, nortasun-ikurra. Horregatik guztiagatik, organoak eta haren inguruko guztiak garrantzi handia du, eta duela hamarkada batzuetatik Nafarroan Organo Musikaren Zikloa antolatzea justifikatzen du.
Programa berrikusi egin da azken urteetan eta lan-ildo berritzaileen aldeko apustua egin du, gune berriak sartzeko, proposamen berriekin harridura sortzeko eta sentsazio berriak eraginez esperimentatzeko. Helburua da arte bisualak eta entzumenezko arteak uztartzea, ohiz kanpoko musika-tresnekin proiektu bereziak egitea, estetika musikal berriak bilatzeko, eta hitzaldi eta ta
