ACTIVIDAES SUXERÍES Somos científiques y científicos
Educación Primaria: Fai una encuesta ente les compañeres y compañeros de clase, preguntar si-yos gustaría ser montañero/as y esguilar montes y por qué-yos gustaría, a quien nun-yos gustaría preguntar tamién por qué y anota les respuestes. ¿Qué cualidaes crees que tien de tener una escaladora?. Cierra los güeyos ya imaxina que tas esguilando un monte bien altu, describe lo que ves y lo que sientes.
El 2012 va ser l’Añu Internacional de la Enerxía Sostenible, lo que motiva les actividaes siguientes, col fin últimu de romper los estereotipos que falen de les dificultaes de la muyer pa los estudios y carreres de ciencies. Educación Primaria: L’actividá consiste en construyir distintos aparatos qu’aprovechen la enerxía del aire, sol y agua, esto ye, que produzan enerxíes anovables. Vamos ellaborar: • MOLINUCU DE VIENTU: con papel, una payina y una chincheta vamos ellaborar un molinucu y vamos reparar como xira col aire. • MOLÍN D’AGUA: corta dos círculos grandes d’un cartón de tetra brik y asítialos de forma paralela. Fai un furacu nel centru de d’ambos y pasa una payina. Agora asitia vasos pequeños o güeveres de plásticu ente los círculos, que puedes dir grapando a entrambos llaos de forma que vaigan toos nel mesmu sentíu. Asítialo sol grifu y vas ver como xira pola fuerza de l’agua. • FORNU SOLAR: corta una caxa de gueberes a la metá de cuenta que pueda abrir como si fuera un llibru. Forra la caxa con papel d’aluminiu y vas tener un fornu solar. Ponlo onde -y de’l sol y asitia dalgún alimentu dientro, vas ver cómo se calez col reflexu de los rayos. Educación Secundaria: En Secundaria, l’oxetivu ye conocer la esistencia de muyeres venceyaes a estudios científicos y cuidáu del mediu ambiente. Según iniciatives medioambientales xestionaes por muyeres. - L’actividá va consistir en conocer a dos muyeres con trabayos rellacionaos cola ciencia. Tamién va a estudiase y va investigar un proyectu medioambiental xestionáu por muyeres. Vamos Empezar conociendo a Rachel Carson y Margarita Astrálaga. - Nueses alumnos y alumnes van investigar sobre’l proyectu Barefoot College, una iniciativa esistente na India sobre instalación de paneles solares xestionaos por muyeres. Al empar que s’ayuda a la producción d’enerxía anovable, enséñase y capacita a muyeres nesti trabayu. La finalidá ye qu’en grupos mistos s’animen a diseñar proyectos similares.
Educación Primaria: Vamos construyir un avión, pa ello vamos buscar maquetes d’aviones que puedan fase con papel, y depués en grupos de cuatro pondremos manes a la obra. Buscar dalguna, por casu en Google; si pones en búsqueda aviones de papel pa construyir vas llograr bones resultancies. Cuando cada grupu tenga’l so avión, pintáu y top, pondrán-y un nome. Educación Secundaria: Buscar la biografía de Harriet Quimby n’Internet, como vais ver la mayor parte ta escrita n’inglés, tienes que traducila. N’otros meses del almanaque hai más muyeres aviadores, recueye tolos nomes d’elles y en grupu de trés persones facer un trabayu col soporte qu’escoyáis sobre la hestoria de l’aviación y la contribución de les muyeres a ella, estos trabayos van esponese de mancomún. Educación Primaria: Enseñámos-yos la semeya de Bessi Coleman y pidímos-yos: - Dibuxa :¿Qué quies ser de mayor?, y con una frase esplica porqué. Depués comparamos los suaños de los neños y los de les neñes, ponémoslos nun panel grande y lleémos-yos la biografía de Bessi Coleman pa que vean que les neñes y los neños pueden tener suaños bien paecíos. Pal profesoráu biografía en: http://wikimujeres.net/wiki/bessie-coleman. Llueu destaca que ye la primer muyer afroamericana que se dedicó a l’aviación, el so méritu ta claro, ser muyer y parte d’una de les “minoríes” más desfamaes naquella dómina n’Estaos Xuníos. Convien que lleamos a les nueses neñes y los nuesos neños esta biografía, aportunando nestes circunstancies qu’arrodiaben a la vida de Bessi.
Educación Primaria: Al lleer n’http://es.wikipedia.org/wiki/ Amelia_Earhart la so biografía diz d’ella: “Tamién tenía como pasatiempu axuntar retayos de periódicos de muyeres famoses que sobresalíen n’actividaes tradicionalmente protagonizaes por homes”. Vamos pidir al nuesu alumnáu que busquen nomes de muyeres qu’a lo llargo la hestoria dedicáronse a l’Astronomía, a la Química, a la Matemática, a l’Arquitectura, a la Dirección d’empreses o fueron o son Presidentes d’un país. En conociendo la vida d’Amelia, pidímos-yos qu’inventen un cuentu al respective de dalguna de les muyeres qu’atoparon antes, el cuentu pueden escribilu o dibuxalu. Educación Secundaria: Na mesma biografía de Wikipedia, Amelia Earhart diz: “Tamién tenía como pasatiempu axuntar retayos de periódicos de muyeres famoses que sobresalíen n’actividaes tradicionalmente protagonizaes por homes”. Pidimos que mientres una selmana faigan lo mesmo que faía Amelia, depués tienen de poner de mancomún les atopaes y ellaborar un álbum coles semeyes y les sos biografíes que va quedar n’aula pa recuperar cada vez que sía necesariu. Educación Primaria: L’actividá consiste en xugar a mazcarase, con una fotocopia de la so semeya (la qu’apurren nel centru) vamos pidi-yos que pongan la so carina nun foliu y pinten un disfraz, como si se vistieren d’ello de verdá, este tien que rellacionase con oficios o actividaes que se realicen nel aire. Depués cuando tenemos tolos dibuxos cuntámos-yos la vida de Valentina Tereshkova http://es.wikipedia. org/wiki/Valentina_Tereshkova. Educación Secundaria: Ye importante que l’alumnáu conoza la realidá social y cultural de la dómina na que Valentina fixo’l so viaxe al espaciu, pa ello pidímos-yos que busquen daqué n’Internet sobre la URSS, depués tamién sobre Valentina Tereshkova. Tienen que contestar a estes cuestiones: - ¿Cómo crees que yera’l papel de les muyeres na URSS?. - ¿Por qué crees que Valentina Tereshokova se conoz menos qu’otros astronautes?. - ¿Podríes atopar el nome de siquier 5 muyeres astronautes (usa si quies nel almanaque)?.
Educación Secundaria: L’alpinismu, magar ser una actividá relativamente moderna, consideróse-y siempre como una
práctica eminentemente masculina. La hestoria del alpinismu femenino remóntase al añu 1808 cuando la francesa Marie Paradis se convirtió na primer muyer n’esguilar el monte más altu d’Europa, el Mont Blanc, colos sos 4.807 metros d’altor, contra tolos pronósticos y los prexuicios de la dómina. La hestoria del montañismo ta llena de muyeres alpinistes. Annie Smith Peck, a los sos 47 años, consiguió un récor d’altor nel so xéneru al algamar los cumes del Popocatépetl y del Picu de Orizaba. En 1908 a los sos 58 años y tres dellos intentos, esta fascinante muyer foi la primer persona n’esguilar el picu norte de Monte Neváu de Huascarán en Perú (6.768 m), los alemanes esguilaron el picu sur per primer vegada 14 años más tarde. Dos años dempués esguiló’l volcán Coropuna (Perú) y clavó una bandera nun de los sos visos, nel cual se lleía la siguiente inscripción: “Votos pa la muyer”. Actividá 1 Llee’l testu y de siguío cavilga sobre los siguientes puntos: - ¿Qué xeres interesantes puede un o una alpinista realizar mientres esguila un cumal?. - ¿Cualos seríen los estereotipos de la dómina colos que Annie rompería?. Escribe les idees que se t’asocedan y en grupos de 3 ó 4 espón a los tos compañeros y compañeres lo qu’escribisti. Busca delles idees nes siguientes páxines web: -http://fp.educaragon.org/files/5.alpinismo%20feminino2.pdf -http://www.mujeresviajeras.com/Site/VIAJERAS_VICTORIANAS.html -http://www.mujeresenlacima.com/libros/mujeres-y-montanas--nacimiento-del-pirineismo-femenino/ Actividá 2 Afaya cualos fueron dalgunos de los llibros qu’escribió Annie Smith. http://en.wikipedia.org/wiki/Annie_Smith_Peck Actividá 3 Repara’l vídeu en: http://www.youtube.com/watch?v=fyLFTCG6C7s y contesta les siguientes entrugues: - ¿Qu’otros oficios desempeñó Annie aparte del alpinismu?. - ¿Por qué la población de Yungay ta estimada a Annie Smith Peck?.
Tiempu de muyeres, Muyeres nel tiempu
Educación Secundaria: - Lo primero que facemos ye pidi-yos que busquen n’Internet nomes de persones dedicaes a l’aviación, non militar, anotando estos nomes colos sos llogros. Depués tienen de dixebrar muyeres y homes qu’atoparon, y esplicar a qué se debe’l mayor númberu d’homes. - Depués pasámos-yos la biografía y la semeya de Bessi Coleman: http://wikimujeres.net/ wiki/bessie-coleman Pidímos-yos qu’analicen porqué ella merez tar nun almanaque: muyer nos años 20, d’orixe africanu…; l’oxetivu final ye que faigan una pequeña redaccción esplicando cómo les muyeres tienen de tar siempre rompiendo les barreres y la poca visibilización que se fai de los sos llogros.
Proponémoste l’aventura de conocer a Adrienne Bolland, una muyer que llogró tar na hestoria poles sos proeces. Busca n’Internet la so biografía y
contesta a les siguientes entrugues: 1) Añu y país de nacencia de Adrienne Bolland. 2) Busca nomes de muyeres españoles na hestoria de l’aeronáutica. 3) ¿Crees que les muyeres pueden exercer los mesmos oficios que los homes?. 4) Busca’l significáu de: “Techu de cristal na carrera llaboral de les muyeres”. 5) ¿Qué muyer española ganó la Vuelta al Mundu de Velocidá en 1994?.
Muyeres Que Tocaron El Cielu Educación Primaria: - Vamos afayar el mundu de l’astronomía gracies a Vera Rubin, pa ello busca’l significáu de: astronomía, telescopiu, galaxa, planeta, estrella, satélite…; dibuxa con ello’l sistema solar. - Busca’l nome d’otres muyeres que fueren astrónomes na hestoria. Educación Secundaria: * Búsqueda d’información sobre la biografía y el legáu de Vera Cooper Rubin, muyer astrónoma qu’impulsó colos sos estudios les meyores del campu de l’astronomía. * Ellaborar la biografía de Vera Cooper Rubin y esplicar de volao porqué ye considerada “modelu de muyer”, nel campu de l’astronomía. Darréu, ellaborar un mural onde apaezan, al pie d’ella, cinco mulleres astrónomes pa esponelo nel Rincón de Coeducación”. * Imaxina que yes un/a redactor/a d’una prestixosa revista de divulgación de l’Astronomía que quier crear una nueva sección dedicada a espublizar la biografía y el legáu de Muyeres Astronómes. Diseña esta nueva sección y ellabora’l primer artículu. * Comentar el siguiente interés: Carolyn Shoemaker ostenta’l récor de ser la persona que más cometes afayó.
Llectura Paca desque yera pequeña dicía que diba ser astronauta y dedicó enforma tiempu a formase. Pero tuvo que dedicase a curiar a la so familia y nunca pudo presentase a les pruebes. Y asina cumplió la edá máxima pa presentase a les pruebes de selección ensin llegar a cumplir el so suañu. Munchos apeenáronse por ella, pensando en tol tiempu y l’esfuerzu qu’hubiera desperdiciao, ya inclusive sentíen llástima. Y con too y con eso lo que-y dicíen pa que dexara el so deséu abandonáu, Paca siguió preparándose como si fora a presentase de nuevu a les pruebes al mes siguiente. Asina foi faciéndose mayor, y yá yera toa una vieya, cuando recibió la noticia de que pa unos esperimentos médicos perimportantes fascia falta un astronauta bien mayor. En tol mundu, namá Paca, que yá caminaba sofitándose nun cayáu, tenía la preparación abonda pa dir en cohete. Asina que cuando yá naide lo esperaba, atopóse dando paseos espaciales p’ayudar a la ciencia. Les semeyes d’aquella astronauta con garrota y pocos dientes dieron la vuelta al mundu, convertida nel meyor exemplu de que’l saber y la preparación nunca sobren, y de que l’esfuerzu y la tenacidá siempre tienen pagu, anque nun sía como pensábamos nun principiu. Pa Primaria: * ¿Crees que les muyeres sufren una discriminación nesti oficiu en rellación colos homes?. * Inventa otru final a esti cuentu. Pa Secundaria: Busca n’Internet bibliografíes d’otres muyeres astronautes y respuende a les siguientes cuestiones: - ¿Cuál foi la primer muyer astronauta?. - ¿Cuál foi la más conocida?. - ¿Cuál tuvo más dificultaes pa llograr el so oxetivu profesional?. * Propon idees pa compatibilizar vida personal y llaboral.
Educación Primaria: Investiga sobre les muyeres astronautes de la hestoria. - ¿De qu’añu tenemos la primer referencia d’una muyer astronauta?. ¿Quién foi?. ¿Cómo fueron los sos empiezos?. - Noma torees tres muyeres astronautes. - Cavilga sobre los oficios que socialmente s’identifíquen como d’homes y los que s’identifiquen como de muyeres. ¿Por qué crees qu’esto ye asina?. Educación Secundaria: Por cuenta de la celebración del Añu Internacional de l’Astronomía en 2009, celébrase’l papel de la muyer na astronomía na hestoria y pa ello cúntase con un proyectu llamáu “Ella ye una estrella”. Busca na siguiente páxina web y visualiza los videos: http://astronomia2009.es/Proyectos_pilastres/Ella_ye_una_Astronoma/Proyectos.html - Fala de les muyeres astrónomes pioneres n’España. ¿Quiénes fueron?. ¿Qué fixeron?. - Fala tamién de les muyeres astrónomes na Universidá y de la contribución de les mesmes al futuru de l’astronomía n’España.
payares
Educación Primaria: Teniendo como referencia a Josune qu’apaez nel almanaque, sí hai posibilidá de conocer el mundu de la esguilada podemos entamar una visita a dalgún sitiu onde s’entrene o se practique la esguilada pa que practiquemos toes y toos esta actividá. Depués n’aula pidímos-yos que reflexen nun dibuxu lo que fixeron pa ponelo en clase mientres el mes que se fixera l’actividá.
Educación Secundaria: Falamos de deportes, non de fútbol nin baloncestu, sinón d’otros deportes “más ventureros”, pa ello vamos pidi-yos que s’informen de tal manera que podamos entamar un alderique en redol a estos (esguilada, barranquismo, etc.): Educación Primaria: - ¿En qué consisten?. - Busca n’internet el nome de siquier una muyer que se dedique a los siguientes oficios, deportes o actividaes: Abogada, Médica, Política, Futbolista, - Peligros que traen. Escaladora, Pintora, Historiadora, Matemática, Astronauta, Astrofísica, Química, Baloncestista, Tenista. - Porqué una persona decide a practicalo. - ¿Ocúrrensete otres actividaes nes que puedes atopar a muyeres exerciéndoles?. Di cuáles y si atopasti nomes de muyeres indícalos. - ¿Ye un deporte personal o d’equipu? ¿Porqué?. - Dempués d’esti trabayu que fixisti, ¿crees que les muyeres nun tán preparaes pa facer dalguna cosa?. Yá visti la semeya de Ruth Planells, ta esguiEllaboramos un cuadiernu conxuntu con estos deportes, la so esplicación y les conclulando y ta embarazada ¿eh ho?. ¿Qué crees que podría torgala pa practicar esti deporte?. siones del alderique. Educación Secundaria: - Busca n’Internet datos sobre l’actividá que realiza Ruth Planells. - Busca tamién si atopes a otres muyeres destacase nesta actividá, a parte de les qu’apaecen nesti calendariu. - Agora conclúi: ¿crees que Ruth como muyer nun puede realizala?. ¿Baxu qué condiciones consideres que nomás taría torgada de realizala?. ¿Estes condiciones que-y torgaríen practicar un deporte son bien distintes a les que torgaríen a un home facelo?. - Ellabora una tabla con oficios y/o actividaes indicando los riesgos pa un home y los riesgos pa una muyer, si atopes diferencies nesos riesgos trata d’esplicalos, depués inSTES·INTERSINDICAL fórmate sobre si esos peligros son reales o non. Organización de Mujeres