РОК LXХI • ЧИСЛО 3 МАРЕЦ •2018 ЦЕНА 100 ДИН
У ДЮРДЬОВЕ ПРЕДСТАВЕНА ПУ „ДЗЕЦИНСТВО” Каждого року дзеци у ПУ „Дзецинство” у Жаблю зоз своїма виховательками у шицких своїх обєктох пририхтую мали програми-промоциї Установи. Нєдавно таку шветочносц мали наймладши у оводи „Дюрдєвак” у Дюрдьове. Участвовали воспитни ґрупи з виховательками Марину Сабадошову и Миряну Перовичову. Розбавени и розтанцовани дзеци було вельо, та же би мали места и вони на бини, и публика у сали, програма отримана у КУД „Тарас Шевченко”. Перше ше родичом, брациком, шестричком и другим милим дзеци представели зоз рускима писньочками и розчитованками, а вец, поприберани у народним облєчиве одтанцовали и руски танєц. Потим наступели дзеци, тиж пооблєкани у народних облєчивох зоз рижних крайох Сербиї. Вони численей публики указали народни обичаї, шпиванки и танци зоз Шумадиї, Войводини и других крайох. Промоция „Дзецинства” була барз успишна, на радосц малих учашнїкох, їх родичох, вихователькох и цалей Установи. М. Р.
РУСКИ ЯЗИК У ҐОСПОДЇНЦОХ У Основней школи „Жарко Зренянин” у Ґосподїнцох порядна настава ше одвива по сербски, а школяре хтори ше сцу научиц бешедовац и писац и по руски, каждей стреди маю годзини руского язика як виборного предмету. Наставу трима наставнїца Ана Мария Рац. У ґрупи их єст дзешецеро, вєдно и школяре нїзших и висших класох. Дзень мацеринского язика означели так же на годзини руского язика правели пано, а вец ше и висликовали з нїм, та послали до Редакциї фотоґрафию з тей подїї. М. Р.
ИНТЕРЕСАНТНА ШКОЛСКА ГОДЗИНА
Школяре штвартей класи основней школи у Руским Керестуре з учительку Наду Колошняйову на єдну годзину оддзелєнского старшини поволали свойо баби. У плану за тоти годзини маю и сотруднїцтво з родичами, та прецо би дараз до школи нє могли присц и баби? Гоч их було мало, дзеци од нїх вельо научели. Хто би поведол же з єдноставного материялу хтори нам вше при руки (пруце, папер, украсна манила) мож виплєсц таки красни кошарочки. Годзина шицким була интересантна. Школяре штвартей класи з Руского Керестура
^ASOPIS ZA DZECI
Здраво, заградкаре!
Direktor Martica Tama{ Odvi~atelqni redaktor Melaniy Rimar Vihodzi raz na me{ac u {kolskim roku • Vidava NVU “Ruske slovo” • Bulevar o{lwbodzeny 81/VII 21 000 Novi Sad, • Telefon (021) 6613-697 • @iro rahunok ~islo: 160-923244-82 • Ro~na predplata 1 000 dinari; za ino`emstvo 25 evra • Dizajn: Nela Tatalovi~ i Mariy Gudak Kompxterski obrobok: Mariy Gudak • Lektor: Martica Tama{ • Rukopisi {e nw vraca • Drukuw drukarny: “MAXIMA GRAF”, Петроварадин YU ISSN 0353-9938 E-mail: casopiszahradka@gmail.com Ilustraci>: Aleksandra Medw{i CIP – Katalogizacija u publikaciji Biblioteka Matice srpske, Novi Sad 821-93 ZAGRADKA: ~asopis za dzeci / odvi~atelqni redaktor Melaniy Rimar. – Ro~. 50, ~. 1 (1991) – . – Novi Sad: Ruske slovo, 1991 –. – Ilustr. ; 24 cm Mese~no tokom {kolske godine. – Nastavak publikacije: Pionirska zahradka ISSN 0353-9938
На насловним боку: Школяре зоз Коцура на Литературним вечару у библиотеки з нагоди шветох св. Валентина и св. Трифуна (З. Колєсар)
Кед календар твердзел же панує жима, вона ше вилєговала, дримала и нє барз дзбала о своїх обовязкох: правиц курняви, шлїщанки и лядовици, попод стрехи вишац цомплї и мальовац пейзажи на облакох. Яр видзела же ше жима нє хваста до роботи, та ше вчас розбаторела и схопела ше до наших крайох. Аж кед жима видзела же ю тота Красавица силом сце видрилїц з трону, барз ше розєдла. Почали ше вони два пасовац, боксовац и вирґац єдна до другей и... у тим моцованю, на хвосце фебруара жима мала моцнєйшу потримовку. Сцисли мрази, навяло шнїгу, кому на радосц, кому на гнїв. Шицки зме живи шведкове же календар кончи так як му пише. Жимов мандат ище нє вицекол. Цо ви, весели заградкаре, гварице о тей спреведацей хвилї? Кому нєправо же марец пришол загуляни у билей бунди, най виложи саночки на пойд, та най ше з цеплей хижи през облак припатра вонка, а хто би ше оруцовал зоз шнїгом, най ше видзе на драгу бавиц покля му нє зайдзе за нохци. Гоч вам жима вилагодзи, майце на розуме же ше нєодлуга потроши и треце полроче у школи, и же и у априлским чишлє „Заградки” будзеце глєдац свой состав лєбо малюнок, а як обявиц тото цо нє пошлєце? Емина Бики, школярка штвартей класи зоз Руского Керестура за марцовске число послала найкрасшу писньочку, та достала награду. А хто ше будзе радовац у априлу, завиши од вас. Поздравя вас ваша редакторка
ИРИНА ГАРДИ КОВАЧЕВИЧ
ЯР Яр ци понука пажицу желєну най будзе твой швет. Полю понука шнїг розпущени и перши ярнї квет. Яр нам приведзе птици зоз юга и вредни брамушки до заградки, виведзе нашо бависка вонка, около хижох офарби латки.
ЕВҐЕНИЙ М. КОЧИШ
ЛИЗА И ЖВЕРАТКО
Л
иза, дворочна коза, любела закукнуц вшадзи, та и до приклєта кед могла, и до хлїва и до курнїка. Єдного дня пред поладньом андя Ирина пораєла. Поотверала дзвери и облаки, уцицовала прах зоз апаратом и анї нє чула кеди Лиза вошла до хижи. У хижи було вельке жвератко, а на малим столїку квице у вазни. Лиза закукла, вошла и повицаговала квице та го жедла. Вец ше круцела чи нє найдзе ище дацо. Прешла коло жвератка и обачела у нїм козу. Випатра же нє познала сама себе, бо ше нїґда нє опатрала у жвератку. – Значи так, га? Ти жиєш як кралїца у квицу! Я ше отлукам по дворе як другорядна, а ти – на мегким хлєбе! Виходз! Видз, та ше кус потеркаме! – Нє знам ше теркац, мила козичко. Я нє мам анї роги анї ноги – през плач од страху прегварело жвератко. – Егегеге! Пробуєш аж и циґанїц! Нолє, вискакуй, бо це згужвам на замешку кед нє послухаш! – порихтала ше Лиза и крочела даскельо крочаї назадок. – Боже, цо сом згришело? Нїґда сом нє циґанєло, нє спреведало, а ти ми грожиш! – Значи так, гвариш же нє циґанїш, нє спреведаш? Таки штоси нє паля при мнє! Видзим це, нє шлєпа сом. Маш и ноги и роги, лєм ши погубена аж до косцох! Гайде, розбегнї ше перша! – Лизо, мила шестричко, вер ми! Чесне слово же правду гуторим! Ту стоїм уж роками и вжиме и влєце. Влєце ше по мнє мухи преходза. Ґаздиня ме часто уцера, закукує на мнє, а я єй вирно приказуєм єй подобу. И – я нє коза як ти, алє жвератко! Лиза ше кус задумала, вивалєла язик и олїзла жвератко, примахла з главу, а кед видзела же и гевта коза тото исте роби, прешвечела ше же шицко цо чула – голе циґанство. – Порихтай ше на борбу, шестричко! – скричала и поцагла ше задком, намесцела главу, а вец ше розбегла. Жвератко ше розбило на фалатки. Счерепчало аж го и андя чула, гоч уцицовач гурчал. А кед вишла опатриц цо ше случело, жвератко було у фалаткох. Лиза сцекла од страху до двора. Нашла суху кукуричанку и гризла як кед би ше нїч нє случело. – Лизо! Чудо би це убило, ти розтрепала жвератко? – гнївацо ше єй питала андя Ирина. Лиза подзвигла главу, поверцела ше и одповедла: – Меее! – Меее! – вивалєла на ню Ирина язик и подзвигла метолку же би ю настрашела, алє Лиза, нїби шицко у шоре, знова змечала и помали пошла за курнїк дзе було ище даскельо огрижени конарчки з баґрена цо роснул у плоце.
МИХАЙЛО КАТОНА
У МОЄЙ БАБИ Там при моєй баби, на концу валала єст велька пажица, ровна як повала. Можеце там бегац, просто, доокола, кельо ґод лєм сцеце, док вас мац нє вола. Можеш руцац лабду, кельо лєм маш сили, нє завадза реґал и фрижидер били. Можеш фодбал копац, длугоко и кратко. Нєт анї фиронґи, облак и жвератко. Прето я найволїм, лєм кед нє мам школу, пойсц до моєй баби и копац до ґолу. Перше з нашим Мижом, цали дзень длугоки, правиме капури, мали и широки. И ґоли даваме, просто и до кута, док баба нє скричи: Гайде, поце нука! Локци и колєна желєни постали, фодбалере мали уж добре вистали. Вибегани, гладни, добре ше наєме, та дораз з вечара и спац ми пойдземе. Нарано ознова, алє тераз кратко бави ше зоз нами и сушедов Владко. Бегаме, копаме, лєм до полудзенку, а вец нащивиме шестринїцу Фемку. Ґу вечару, скоком, дому ше збераме, тамаль, до варошу, дзе ми свой дом маме.
ОБЛАЧОК ДО ШВЕТА Ґрадимир Стойкович народзени 3. марца 1947. року у банатским валалє Мраморак. Жил у Вршцу, Панчеве и Беоґрадзе. Тераз є у валалє Брестовик, нєдалєко од Смедерева. Робел як новинар, лифт-монтер, наставнїк и медиятекар у основней школи, менаджер у маркетинґу, гуманитарни роботнїк у UNICEF-у и OXFAM-у, а бул заняти и у Библиотеки у городу Беоґраду. Пише писнї и романи за дзеци и младих. Познати його романи: Гайдук у Беоґрадзе (1985), Гайдук процив витернякох (1989), Гайдук з другого боку (1991), Гайдук на Дунаю (1998), Гайдук чува оцовщину (2000), Гайдук остава Гайдук (2001), Гайдук у штирох сликох (2002), Гайдук з Беоґраду (2003), Гайдук по Гималаї (2005), алє и романи Шицки мойо глупосци (1995), Жадам (1996), Мая у хмарох (2005), Я як ти – ти як я (2011). Обявени му и даскельо збирки пиповедкох и писньох. Добитнїк є велїх наградох и припознаньох. зе же? – питал ше оцец Ґоци, кед брала мещок зоз шмецом и виходзела до конку. – Идзем вируциц шмеце. – Ґоцо, дзивче – процивел ше оцец – то хлопска робота! Охаб тот мещок. Я го однєшем вируциц. – Охаб дзецко на мире – озвала ше мац з кухнї. – Най винєше шмеце. нє за– Алє... будз винєсц – Нєт, алє! Цо думаш хто тото робел кед ти нє шмеце – добул ту? руцела мац – Алє, я тераз ту! оцови кед – Гайде, Ґоцо, роб свою роботу – гварела мац и виходзела. Ґоца вишла вонка. – Нє, нє – Цо ци? – питал ше оцец мацери. – Прецо ши забудзем! Нє тото зробела? мушиш ми – Попать през облак – гварела мац. – Шицко ци кажди раз такой будзе ясне надпоминац. Оцец попатрел. – Мушим – закукла мац през ище нє цалком заИ видзел Ґоцу праве варти дзвери. – Мушим, бо нє зробиш кед ци нє кед сцигла ґу контенадпомнєм. Заварла дзвери з вонкашнього боку. йнеру. Там уж бул – Е, кеди тоти мойо почню робиц дацо у обиМоша зоз чарним сцу? – поносовал ше оцец. – Уж ходза до школи, а мещком за шмеце. нїч нє робя...я кед бул таки як вони, я... Отворел контейнер, Уходни дзвери ше отворели и на нїх ше указала та вон и Ґоца истомацерова глава: чашнє руцели до – И нє мудруй им тото „кед я бул у ваших роньго свойо мещки. кох”! Мали су ище, анї першу класу нє закончели. Вец пошли до – А кед законча першу класу? – нашмеял ше парку. оцец. А мац ше питала: – Вец будземе у другей класи – доруцел Ґале з – Тераз ци ясне? хижи. – И вец будземе... – Ясне! – ошмихнул ше оцец. – Дакеди то робо– Е, вец будзеце виношиц шмеце, лєгко оцови та и за дзивчата... – закончел вон. Преложела М. Р. А Моша ше питал: Приповедки зоз романа „Робота за хлапцох, – А цо кед будземе повторйовац класу? а дакеди и за дзивчата”
ДАКЕДИ И ЗА ДЗИВЧАТА
–Д
А ЦО КЕД?
–И
ЗОЗ ЖИВОТА НАШИХ СТАРИХ
М
ГОНЇ БАБА КОЗИ
ожебуц же и ви видзели або о тим чули же на яр кед слунечко дакус заблїшнє, та так трепеци. Нашо стари то волали „Гонї баба кози”. А ми ше вец нашей прабаби Юли КишовейФеренцовей питали же цо то значи „Гонї баба кози”. „Яй, дзеци, та будзем я вам приповедац, алє то дакус и страшне и жалосне. Вигнала баба кози на яр, так у марцу мешацу...” (Теди ше марец по старим календаре раховал; кажди мешац починал 14 днї познєйше, рахуюци по терашнїм. Та то було и цеплєйше, а жими були оштрейши як тераз. Заувага М. К.) „Облєкла баба на себе чугу, та кожух, та заш чугу, та заш кожух, та вона тоти кози гонєла, а слунечко швицело. Гвари баба: Ей, нє бої ше баба Марта, най март роби цо вон сце. Вона ма цепли чуги, цепли кожухи и нє може єй март нїч! Кед раз коло поладня, март ше на бабу нагнївал, та почал витор, та почал диждж, та шнїг... Баба кози охабела и швидко пошла дому, та облєкла ище и кожухи и чуги. Га, я нє знам, можебуц мала и двацец кожухи и двацец чуги, алє март нє преставал. Диждж, шнїг, та витор, та заш таку жиму март пущел на бабу же ше змарзла баба и шицки кози ше позмарзали. Та од теди, дзеци, и тота приповедка же, Гонї баба кози.” Та и тераз старши а и младши людзе пригваряю же „Нє бої ше баба Марта, алє вона ше побала, та гварела же нє треба буц нїґда упарти. Кед точно нє знаш хто яку ма моц, та нє можеш ставац процив нього. А давно то чуги ношели югаше як нєшка мантили од дижджу. И я паметам прабабову чугу. Вона мала красну билу чугу поцифровану зоз червенима и желєнима квециками, хтору ношела лєм до церкви и дараз на даяке швето.” „Пионирска заградка”, май 1983.
Од Юлина Папдюрдеса, землєдїлца, народзеного 1921. року у Руским Керестуре (до Коцура ше приселєл 1944), зазначел и преписал з маґнетофонскей пантлїки Микола Каменїцки 1980.
ЧИНАҐАНЄ Єст вельо бависка зоз хторима ше бавели нашо предки. Чинаґанє то єдно з найстарших бавискох. Бавело ше так: Зоз даяку палїчку викопало ше долїнку широку и длугоку дас дзешец центи. До тей долїнки ше заджобло палїцу. Стала дас трицец центи до висока. Три-штири метери далєй од тей палїци була порихтана друга палїца, хтора була векша од гевтей цо стала заджобнута у долїнки. Руцало ше вельку палїцу до меншей, у долїнки. Хто поцильовал палїцу, доставал боди. Боди завишели од того дзе спадла палїца, чи далєко, чи блїзко. Тото бависко бавели даскельо дзеци, голєм пецеро, и ище єдно хторе виписовало боди. Нашо предки ше барз любели так бавиц.
ПРИПОВЕДКА О ЮШКИ И КОГУТОВИ КСЕНИЯ ВАРҐА
К
ед и остатня гвизда зишла зоз вчасного раншого зводу, когут Коки злєцел з бантох, нацагнул шию и закукурикал: – Кукурикуууууу! До нас госци придуууууу! О госцох вислухал кед ґаздиня вечар до валовка сипала покарму за шицку живину. И такой зрана сцел ше з вистку похвалїц пред живинским шветом. Кокийово кукуриканє зоз сушедового курнїка учул когут Марко. – Кукурикууууууу! На себе меркууууууй! – одвитовал сушедовому когутови. Поправдзе, сцел му повесц же госци любя юшку зоз когута, та би ше вон, Коки, барз лєгко могол найсц у гарчку. Зна вон то, на основи свойого дворочного когутового искуства. Ґаздинї любя своїх госцох погосциц з когутову юшку. По фриштику, кед доджубани остатнї заренка зоз валовчка, качки дримали у куце, а кури по дворе пробовали пренайсц ище даякого хробачка. Когут Марко думал о младшому сушедови Кокийови. Муши видумац дацо и виратовац Кокия! Тоти госцини дойду глави його сушедови! Запатрел ше Марко до загради. Желєнєли ше градки праве посходзеней желєняви. Викуковала з простих шорикох и мархва и петрушка и цибулька. Билєли ше квитки на гращку. Надумал! Одбегнул когут Марко ґу огради цо дзелєла заднї двор од загради. Закуковал до каждей дзири як би ше прецагнуц попод ограду. Аж и з ногами долїнку правел, глїну спод себе вигребовал, лєм же би ше даяк прехпал. И вец на єдним месце обачел же дротова ограда нє налєговала на жем. Випатра же и пшичок Боби мал тайни уход до загради. Прецискал ше през Бобийого „тайни дзвери” и розбегнул ше просто до градкох. Пред тим при дзверкох нашол шкатулку од еврокрему и положел ю ґу себе.
З першей градки вигребал два млади цибульки и положел на громадку. Вец погребал по мархви и виджубнул даскельо млади кореньчки. Нє були векши од дзецинского пальчика. Потим вицагнул и даскельо петрушки. – Правда, ище ценка, алє пахнє. И дава смак. Вежнєм и дакус гращку – гварел когут. Шицко покладол на громадку, а отамаль до шкатулки. Добре ю завар, залїпел цидулку и написал на ню з вельким буквами: ЖЕЛЄНЯВА ЗА ЮШКУ. А вец з меншима буквами написал: Положиц до води и вариц. Ище раз опатрел чи у шкатулки шицко цо треба, и ище дописал на цидулку: ОД КОГУТА МАРКА. Врацел ше до двора и поглєдал Бобия. Привязал му желєняву коло шиї и гварел: – Енки беж до сушеда и дай тоту шкатулку нини Ґенки! Коки нам у опасносци! Госци сцигли до сушеда, а барз любя когутовей юшки. Поведзене, покончене. Нина Ґенка упутство за юшку почитала, желєняву до гарчка положела и води насипала. Шицко сциха варло. Пахнє юшка по цалим обисцу! Гладних госцох на поладнє на штред стола чекала миска з юшку. З нєй ше дзвигала цепла пара и ласкотала жалудки. Танєри ше швидко полнєли. Ложки черкали. – Нино Ґенко, зоз чого тота юшка? Барз є добра! – Зоз желєняви! Од когута Марка. Послал нам по Бобийови! Госци юшку хвалєли, и по два раз, та и по три раз черпали. Кед викукла перша гвизда, вилєцел Марко на найвисши грунчок у заднїм дворе. Вец ше подзвигнул на ноги, стрепал з кридлами и попатрел до сушеда. Видзел Кокия як доджубує остатнї заренка цо достал за вечеру. Потим намесцел лїве, а вец и праве кридло, та задовольни вошол до курнїка ноцовац.
ДРАҐУТИН БЕҐ
МАЦЕРОВО ОКО Високо з нєба чийошик око кажди мой рух провадзи. Патри дзе идзем, патри цо робим, чи скруцим тадзи, чи инкадзи. То мац моя забриґована, тайни знаки ми указує. Патри дзе идзем, патри цо робим, на кажди крочай меркує. И лєм на хвильку обраци главу, нога ше пошпоци моя, гоч кадзи идзем, и гоч цо робим, ище лєм дзецко я. Прешпивала М. Р.
ИҐОР КОЛАРОВ
ТВАРДОГЛАВА ЖАБА НЕЛА: Петре, допито ми. Виприповедай ми сказку. ПЕТРО: Сказку? Га, бул раз єден принц. Блукал вон так по лєше и стретнул жабу. Думал вон так, думал, та ше приблїжел и побочкал ю. А жаба ше вообще нє претворела до принцези. И кажде пошол по своєй драги. НЕЛА: Яка глупа сказка! ПЕТРО: Кед тебе тото глупе, цо думаш, як ше аж чувствовал принц?
МОШО ОДАЛОВИЧ
ЯРНЯ РЕКЛАМА Яр народзена за джмурки Трава желєна виросла по колєна Пришли ґовлї и други пульки Сова чишлї совчата мандульки Еци-пеци-пеци у дньовнїку кеци а у лавки двойочка хлапец и дзивочка Прешпивала М. Римар
ОЛИВЕРА ШИЯЧКИ
ЧАРНЕ МАЧЕ
Ш
вицело ярнє слунко кед Педя ишол до школи. Дзечнє би остал у дворе и бавел ше, алє муши пойсц до школи. Кажди дзень жиє як други сцу. Ниа, и тераз муши понагляц. Нагнївал ше. Кеди годзен робиц тото цо люби? Нє ма часу анї за бавенє. Вше цошка муши учиц: ґеоґрафию, анґлийски, ґраматику, историю. Муши ходзиц на годзини ґитари, муши писац домашнї задатки и ище буц и найлєпши кошаркаш. Оооо, то вельо! Чом би вон од тераз нє робел лєм тото цо люби? Видзи при контейнеру чарне маче, та ше почал з нїм бавиц. Алє, одразу му пришло на розум же ше рушел до школи. Запожнї. Так ше швидко зблїжел з мачецом, же го положел до ташки и однєсол до школи. Може ше и там бавиц. Важне же є вецей нє сам. До учальнї дакус запожнєл. Наставнїца Ана уж цошка писала на таблу и, кед вон уходзел, була обрацена з хрибтом. Педя забул на
СЛАДЯНА РИСТИЧ
Я
маче и трудзел ше патриц на таблу. Так наставнїца нє замеркує же запожнєл. Маче одразу почало мявчац у його школскей ташки. Наставнїца Ана учула, алє ше нє оглядла. Лєм ше питала: – Цо то? – Педя швидко станул и гварел: – То мойо маче! – Нє тебе ше питам, алє Славкови. Вон одвитує. – То простопреширене виреченє, наставнїцо! – чул ше Славков глас. – Добре, а ти з мачецом, винєш го вонка – гварела наставнїца Ана. – И так вас єст превельо у оддзелєню. Педя таке лєдво дочекал. Вжал маче и вишол зоз учальнї на двор. Вонка швицело априлске слунко, а вон ше бавел з мачецом. Га, наставнїца Ана нє гварела же ше ма врациц на годзину.
КОМИНЯР
коминяр Мирослав и вельо койчого сом дожил на роботи, алє же усвоїм єдного кандура, анї сом нє шнїл. Одкеди ношим коминярски шмати, шицким приношим щесце. Кед ше комин забиє (затка), виметам го з длугоку щетку и вицагуєм ґарову цмоту. Закукнєм до комина и до хижи пущим цеплоту, бо кед є чисти, огень добре гори, та хижа цепла, а домашнї весели. Теди вежнєм жвераточко и попатрим през комин чи видно нєбо... Скоро каждей другей жими нащивим и фамелию Ристич. У їх вельким коминє вше даяки проблем. Раз сом нашол звязку ключох. Други раз сом ратовал ґовльово гнїздо. Питал сом ше, цо ме тераз чека у Ристичовим коминє? И, ниа! Чул сом якешик шушканє. Помали сом ухпал щетку глїбоко, кед сом учул: „Мяааав, мяааав”. Теди ше до камина зошлїснул чарни кандур. Мявчал док ше обрацал горебздом, а кед ше таки омамунєни обахтал, розбегнул ше ґу Софиї, унуки бачика Аци Ристича. Тресол ше од страху, а ми вєдно з нїм. – Нє рушайце го – гварела ми София. Тото добре дзивче любело мачки, а найволєло свою мачку Клару. Теди сом похопел же кандур зоз комина прешол вельку драгу пре любов ґу Клари. – Знаце ви, бачи Мирослав, же кандур пре любов могол настрадац, а кед наисце приношице щесце, вежнїце го до свойого цеплого дому. И так сом шицким принєсол щесце. Фамелиї Ристич пукал огень у камину, мачка Клара нашла леґиня... И тото найважнєйше, єй леґинь, кандур хторому сом дал мено Щешлївко, уживал у моїм обисцу як цар, и то у моєй наймилшей фотелї... и нє бул чарни, алє били... Преложела М. Римар
НАУКА ЗА КАЖДЕ ДЗЕЦКО
КРЕСТ
К
рест, лєбо як ми частейше гуториме – криж найрозширенши и найвиразнєйши символ християнства. У поганскей антики крест бул инструмент мученя и шмерци, та вец и ганьби. После Христового воскресеня крест постал символ його побиди и живота. Од II столїтия кладзе ше го на християнски гроби. З нїм ше украшує церковни предмети, кладзе ше го у церкви на пристол, на церковни турнї, ноши ше го на ланцущку коло шиї, стої на столє... Хаснує ше го у Служби Божей, благослови ше зоз знаком креста, як цо ше и жегнаме правяци знак креста – крижа. Почитує ше го зоз поклоном глави и зоз жегнаньом. У IV столїтию крест достава вельке значенє. Теди цар Константин розказал же би ше на Калвариї, месце у Єрусалиме дзе Исус бул розопяти, копало, и там царова мац Єлена нашла Исусов хрест.
Духовна приповедка
ЗА РОЗДУМОВАНЄ У ПОСЦЕ Притча о богачови и худобному Лазарови „Бул єден богати чловек, котри ше облєкал до гадвабу и висону и правел кажди дзень розкошни банкети. А якишик худобни, по мену Лазар, лєжал пред його дзверми, цали прекрити з вредами. Жадал ше насициц зоз тим цо падало з богачового стола. Ище и пси приходзели та му лїзали вреди. И умар худобни, и однєсли го ангели на лоно Авраамово. А умар и богач, та го поховали. У пеклє, кед церпел чежки муки, дзвигнул свойо очи, обачел Авраама и Лазара на його лону. И скричал гласно: ,Отче Аврааме, змилуй ми ше, та пошлї Лазара най замочи до води верх свойого пальца и най охладзи мой язик, бо ше барз мучим у тим пламеню!, Гварел на то Авраам: ,Здогадай ше, мой сину, же ши приял плацу свою за свойого живота, так исто як и Лазар свойо церпеня. Тераз ше вон ту радує, а ти ше мучиш. А окрем того, медзи нами и вами находзи ше велька бездна и тоти котри би сцели прейсц ґу вам – нє можу; а анї отамаль ґу нам нїхто нє може прейсц. Теди гварел богач: Вец це модлїм, отче, пошлї Лазара до дому мойого оца. Мам пейцох братох, та най их опомнє же би и вони нє пришли на тото место мукох. Одповед му Авраам: Кед нє слухаю Мойсея и прoрoкох, вец нє буду вериц гоч би дахто и зоз мертвих воскреснул.,” Илустрована Библия младих
БОГ И ЛЮБОВ
Жил раз давно єден чловек. Бул мистик и верел до Єдиного Бога. Раз док ше модлєл, прешли коло нього штирме хлопи: шлєпи, хроми, гладни и одруцени од шицких. Кед их видзел, спаднул до розпуки и нагнївано скричал: – О, Створителю, як Ти можеш буц Бог Любови, а нє робиш нїч же биш помогнул тим сеґинятом? Одвиту нє було, алє побожни чловек сцерпезлїво чекал – И одразу учул глас: – Я за нїх цошка зробел... Створел сом тебе.
ЮЛИЯН ПАП
МАМОЧКА Вечар кед ме уклада моя мамочка ме бочка за очка. Я джмурим и през сон чуєм єй нїжни глас: – Ангел най це чува по ноци! Рано кед ме будзи моя мамочка заш ме бочка за очка. Я ше зобудзим и чуєм єй нїжни глас: – Ангел най ци будзе на помоци!
ШТЕФАН ЧАКАН
МЕДВЕДЗИ И МЕДВЕДЖАТА
П
осле длугого жимского сна зиходзели стари медведзи вше нїжей з високих горох до гайох дзе було цеплєйше и могло ше найсц вецей поживи. За нїма, на малей оддалєносци, забеговали медведжата спатраюци ше на своїх старших у рижних схопносцох при пренаходзеню поживи. У тим блуканю по горох и лєсох слунко постало вше цеплєйше, а яр розкошно приберала гаї и луги. Нараз єден млади медведзик обачел вельку розквитнуту лєсову яблоню, зачудовал ше єй розкошней краси и опитал ше старому медведзови: – Нє було би добре остац ту нєдалєко од тей прекрасней яблонї и дочекац же би дозрели яблука? Могли бизме ше под ню цали рок госциц и нє блукац тельо койкадзи. – Е, сину мой – одвитовал му стари медведз – нїч з того нє будзе. Лєм ялова лєсова яблоня так крашнє и розкошно розквита каждей яри.
МЕЛАНИЯ РИМАР
МЕДВЕДЖИЦА НА ОДАЙ Цалу жиму я преспала и барз сладки сни сом мала. Нє шнїла я мед и грушки, лєм гудацох, дружбох и дружки. Сушед медведз женїц ше планує, споза древа ровно ме шацує. Та кед придзе мою лабу питац, у кабаце пойдзем го привитац. – Нє идз, Медо, там до лєса гет, бо одо мнє красшей млодей нєт.
ИРИНА ГАРДИ КОВАЧЕВИЧ
ТУЛЇПАНИ Я краль ярнїм кветом и найвекши пан. И мено ми панске – Мено тулїпан. Червени, лилови, били и пирскани. У каждей заградки квитню тулїпани. МЕЛАНИЯ ПАВЛОВИЧ
ЗОМБУЛЬКА Кук, кук! З жеми викукує мандулька, мандулька; у сукенки вше прибрана белава зомбулька. З боку, сциха ше оздзива єй шестричка била. Яр им зоз дугових фарбох сукенки нашила. Ту целово и белави, били и лилово. З ярнїм квецом у заградки направели коло.
МАРИЯ С. ГОРНЯК
ПОДШНЇЖНЇК Кед слунечко кус ограло, дзеци вонка виволало; до лєшика посцекали, подшнїжнїки там зберали.
Валентина Горняк 5 роки, Коцур
Хана Хромиш, 4 роки, Коцур
Михайло Копчански 5 роки, Коцур
Тони Орос, I класа Руски Керестур Бояна Малобович, I класа Савине Село
ТАЙНА Шицки маю даяки тайни. И я мам єдну тайну, алє є нє очувана. Дахто тайну чува записану у дньовнїку, у споминару, дахто ю вивола родичом, братови, шестри, баби и дїдови, товаришом. Велї тайну поведза птицом, витру, слунку, природи. Кажде у шерцу ноши голєм єдну тайну. Кед останєм сама, вше ше боїм же ше дахто скрива у цмим куцику. Боїм ше од осаменосци, боїм ше кед вноци зашкрипя дзвери, кед дуркнє облак. Свою тайну сом гварела товаришки, та нєодлуга тайна престала буц тайна. Треба знац кому шмеме виволац свою тайну. Нє кажде ю зна чувац. Емина Бики, IV Руски Керестур
Арсен Станкович, II, Дюрдьов
МАМОЧКО МОЯ Мамо, мамочко, любим це як свойо очко. Любим це як красне квеце, бо ти ми, мамо, шицко на швеце. Любим и шестру, и свою бабочку, алє найволїм свою мамочку. Синиша Буила, III, Коцур
НАГАДУЄМ ПРИХОД ЯРИ
Сара Горняк, III, Коцур
СЛАДКО СОМ ШЕ НАШМЕЯЛ Любим ше шмеяц. Бул сом добре розположени. У моїм квартелю ше случело цошка шмишне. До нас пришли мойо пайташе з оводи, Максим и його шестра Ена. Вжали зме паперови авион и вец зме го себе доруцовали. У єдней хвильки, кед го Максим руцел, авион през облак вилєцел на закрице. Почали зме ше шицки шмеяц. Пошли зме до кухнї и закукли през облак. Збачели зме авион на дражки у дворе мойого будинку. Шмеяли зме ше ище баржей. Нє верели зме же авион прелєцел закрице, заобишол шицки балкони и спаднул на жем. Зишли зме долу вжац го. Там зме видзели двох хлапцох и виприповедали зме приповедку о паперовим авиону. Шицки зме ше знова сладко нашмеяли. Кед ше здогаднєм того дожица, нашмеєм ше. Щешлїви сом же мой авион спаднул на жем, та ше ище можем з нїм бавиц. Шмих то лїк за шицко. Кед ше шмеєш, добре ши розположени и забудзеш на даєдни смутни подїї. Андрей Монар, III Нови Сад
Весела яр пришла на авиону до нашого валалу. Спущела свойо куфри и почала розношиц прикраски. Виняла били сукнї хтори штрикала цалу жиму. Поприпинала их на мали, вельки, стари и млади древка. Зоз чаривну палїчку ожила травку и квеце. Слунечко поволала же би ше ошмихло на хмари и шепло им най ше поскриваю. Зашпивала яр, а з тоту шпиванку шицко почало танцовац. Дробни мотилї ю провадзели и з ню будзели други животинї. Птички у цеплих крайох их чули, та швидко прилєцели привитац зоз своїм чвиринканьом яр. Вивирки повикуковали зоз своїх домох, та видзели же вонка панує яр. Почали бегац и скакац радуюци ше цеплим дньом. Пчолки пошедали на квитки и зберали полен. Ношели го до кошнїцох и правели мед. Кед медведзови запахнє тота лакотка, видзе з пещери и шицким обяви же яр уж ту. Яр надумала побудзиц и людзох. Уж ходза обрабяц свойо поля. Позоблєкала им штрикери, а пооблєкала ярнї шмати. Поволала дзеци бавиц ше вонка, та ше и вона з нїма бавела. Кед спадла ноц, яр предлужела путовац и до других крайох и вшадзи ношела радосц, пах и нови нєсподзиваня. Михаела Горняк, VI Коцур
МОЙ БАЧИ Мойому бачикови мено Ваня. Барз го любим и радуєм ше кед идзем до ньго. Вон високи. Ма белави очи. Добри є и вредни. Кед ше враци з роботи, ма обовязки на дворе. Любим му помагац. Дараз ме водзи до дутяну лєбо на вашар. Сце ми помогнуц кед робим домашнї задатки. У шлєбодним чаше вєдно патриме рисовани филми. Кед сом бул мали, водзел ме до парку. Там сом ше гомбал. Бачи ми дома направел гомбалку. На Крачун ме каждого року обрадує зоз краснима дарунками. Давид Такач, II, Дюрдьов
РУСКЕ ОБЛЄЧИВО ДАКЕДИ Скорей ше людзе у Керестуре облєкали вельо иншак як нєшка. Розлику медзи дзивку и жену було видно по деталю, украсу на глави. Дзивки ношели баршонї – чарну траку завязану до машлї коло варґочох. Жени на главох ношели фитюли. Обични фитюли були за роботни днї, а украшени зоз перлами за святочни нагоди. Старши жени ношели памучни хустки на роботни днї, а брокатово на святочно. Сукнї им були до пол лїстох. Скромнєйши до роботи, а богатши, зоз подсукнями за швета и нєдзелї. Блишово сукнї були найдрагши. Яки були богати подсукнї, як вишити и викрохмалєни, знало ше чи дзивка богата чи худобна. Хлопи ношели длуги, широки ґачи и памучни кошулї на роботни днї. На святочни днї ношели рекли и панталони. Лайбики були червени лєбо белави, а на нїх були навишивани квецики. На главох хлопи ношели блишово калапи, а на ногох чарни чижми. Алекса Ґолубович, IV, Руски Керестур
У ДЇДОВИМ ДВОРЕ Мачка ше пендра по огради, а дїдо копе у загради. Баба садзи огурки, а пшичок ше бави при старей капурки. Тияна Бучко, III Руски Керестур
Йована Кишрацик, I Савино Село
Ивона Рац, III, Руски Керестур
ЯРНЇ ЗМЕРК Яр придзе, щезнє, а вец ше знова враци зоз ище моцнєйшима слунковима зарями. Початок яри принєсол перши вистнїки, а то подшнїжнїки. Червене моцне слунко помали заходзело за били хмари. Змеркало ше. Почала ше спущовац ноц. Дул благи, цихи витрик. Слунко з ошмихом и даєдну златну зарю одходзело. Нєбо ме здогадовало на безконєчне белаве морйо, а слунко на далєке острово хторе випатрало як кед би ше помали чиряло до того чистого моря. Його зарї червени як пупча дзивих ружох блядли и нєставали. Подшнїжнїки ше повипихали. Їх прекрасни били квитки чекаю ограц ше на ярнїм слунку, а змерк их погласкал по шапочкох и уложел най дакус оддриму. Пах того квеца опива валал. Ярнї змерк постава вше чарнєйши. Уцихло чвиринканє птицох. Лєм даєдна ше ище озве лєтаюци над високима древами. Лїсца ше сциха колїшу на благим витрику. Цмота лїґа и остатнї одблїск шветлосци. И остатнї фалаток слунка нєстал з видогляду. На нєбе ше почали блїщац дробни гвизди, як розсипани перли, хтори украшую ноц. Єдину шветлосц дарує мешачок. Ярнї змерк приноши чаривносц. Розкошна природа ше будзи зоз жимского сна и вноци ше преблєка до нових шматох. Михаела Салонтаї, VIII Коцур
МОЙ ЛЮБИМЕЦ Моя наймилша животиня то мали сирийски герчок. Перше стретнуце з нїм було на мой родзени дзень. Достала сом го на дарунок. На перши попатрунок ше ми пачел. Бул барз нєсташни. Ма нїжну билу шерсц. Прето зме му дали мено Били. Очи му дробни, белави. Барз є манди. Можем го тримац у рукох. През дзень вон лєм шпи. Вечарами ше люби бавиц. У своєй клїтки ше пендра по драбинки, а кед му придзе пайташка, вон ше радує. Раз кед сом була смутна, вон тото почувствовал и сцел ме розвешелїц. Думам же ме побочкал з носом. Барз ми вельо значи дружиц ше зоз Билим. Кажди дзень ме чека зоз школи, же бим ше бавела з нїм. Каждому бим препоручела най ма свойого любимца.
ЦО ЄСТ НОВЕ Наш когуцик зна шицки новосци. Когуцик кукурика кед нам приду госци. Мачка ше припатра, а пшичок є косци.
Аня Ґовля, III Руски Керестур
Кристина Ковач, II, Нови Сад Валентина Харди, I, Руски Керестур
КВОКА ЗЛАТКА Ярабаста квока Златка єдно вайцо одрадзела. Справела ше велька лярма, чи го наисце страцела. Квока стара, та забува кельо вайца у гнїздзе чува. Нє перши раз у нас було же ше квоки таке збуло. Сара Боцка, III, Руски Керестур
ПАХУЛЬКА До моєй загради пахулька злєцела. Кед спадла до води, вона ше страцела. За ню злєтли шестрички, шицки як пирє били. Тримам их на рукавички, бо су ми барз мили. Дзецински очка шнїг дзечнє привитали, радую ше му шицки и вельки и мали. Дамян Радванї, III Коцур У януарским чишлє „Заградки” тота писньочка обявена з подписом Борис Чордаш, а написал ю школяр з истого оддзелєня, Дамян Радванї. Же би ше вредни сотруднїк Дамян нє гнївал, його красни стихи обявюєме ище раз, тераз зоз його меном. Редакция
Стефан Ґнип, II, Дюрдьов
Пано школярох зоз Руского Керестура
На годзини руского язика у Дюрдьове
ОЗНАЧЕНИ ДЗЕНЬ МАЦЕРИНСКОГО ЯЗИКА У Руским Керестуре
У Дюрдьове
У Основней и штреднєй школи „Петро Кузмяк” у Руским Керестуре дзеци того дня мали интересантни змисти. Школяре пиятих и шестих класох з наставнїцу руского язика Ксению Шовш пририхтали пано на тему мацеринского язика и виложели го у школским голу. Старшим, школяром седмих и осмих класох професорка руского язика Сенка Бенчик зоз Бачкей Тополї отримала викладанє о гунґаризмох у нашим язику. У каждодньовей бешеди, та вец и у писаню хаснуєме вельо мадярски слова, а анї зме нє свидоми же су нє нашо, алє их „пожичели” нашо предки, а ми их прилапели. Наводзаци интересантни приклади, Бенчикова пробовала освидомиц школярох же мацерински язик треба чувац од уплївох других язикох зоз хторима зме окружени. Як гварела Каролина Папуґова, наставнїца руского язика у керестурскей школи, мацерински язик ше перше учи дома, од своїх родичох. Викладанє истого дня було отримане и ґимназиялцом руских оддзелєньох.
Школяре руских оддзелєньох у Основней школи „Йован Йованович Змай” у Дюрдьове Дзень мацеринского язика означели зоз преподаваньом хторе пририхтала їх наставнїца руского язика Мария Самарджич. Вона бешедовала о походзеню нашого язика и о творчосци, о писательох хтори зоз свою роботу уплївовали на розвой руского язика и литератури. Маме свою ґраматику, писмо и правопис, маме кнїжки, новини, часописи, учебнїки, маме радио и телевизийни емисиї. Маме и можлївосц школовац ше на мацеринским язику. Учителька Мелания Саламун своїм седмерим школяром руского оддзелєня другей класи тиж приповедала о тим як ше треба трудзиц приповедац правилно по руски, та так чувац мацерински язик. У школскей библиотеки того дня отримана и промоция кнїжкох на руским язику хтори нєдавно дюрдьовскей школи подаровала НИУ „Руске слово”.
М. А.
С. С.
СМОТРА РЕЦИТАТОРОХ У НОВИМ САДЗЕ
ДЗЕЦИ ДОСТАЛИ РУСКИ КНЇЖКИ
Городска смотра рецитаторох „Поето народу мойого” Нови Сад отримана 3. марца 2018. року у Музичней школи „Исидор Баїч”. Змагали ше школяре у трох возростох: младши (од першей по штварту класу основней школи), штреднї (од пиятей по осму класу) и старши (штредньошколци и студенти. Спомедзи 24-ерих школярох нїзших класох на Зонску смотру ше пласовали 7-еро, а медзи нїма и Кристина Ковачова хтора рецитовала по руски писню Михайла Ковача „Панове”. У тей катеґориї участвовал и Никола Вукмирович зоз писню Василя Мудрого „Михалов тидзень”. Медзи 27-ерима школярами висших класох змагал ше и Михайло Ковач зоз писню Миколи М. Кочиша „За роздумованє”. Наших рецитаторох за змаганє пририхтала Мелания Римар. Р-р
Наймладши сотруднїки, а будуци читаче „Заградки” у дзецинскей заградки „Дюрдєвак” у Дюрдьове у своєй воспитней ґрупи з виховательку Марину Сабадошову од НВУ„Руске слово” достали на дарунок руски кнїжки за дзеци. Шицки ше барз радовали, бо знаю же буду учиц рецитовац нови писньочки и слухац весели приповедки, та так швидше и лєгчейше науча свой мацерински язик. М. Р.
РОЗЛИКИ
СКРИВАЦИ ВИРЕЧЕНЯ У каждим з тих виреченьох криє ше по єдно хлопске мено. Найдз их! 1. При слупе тройо мачата шпя. 2. Швиня погубела кармик и рила у дворе. 3. Дзбан дрилїш зоз стола кед будзеш так скакац. 4. Пошла уж и Павла дому. 5. Видзим их, алє их нє можем здогонїц.
Автор Нела Таталович
6. Кед Боян коши траву, вше увадзи до грунчка.
Ту два слички, скоро як єдна. Алє нє! Опать кус лєпше и найдз 7 розлики. ПИСАНКИ
Автор Нела Таталович
ОФАРБ
ДОК ВИРОШНЄ
ЛАВИРИНТ
На питанє хто цо би любел буц док вирошнє, Дюри гвари: – Я би любел буц учитель и муляр. – Чом ши вибрал аж два занїманя? – Га, прето же учитель нє роби цале лєто, а муляр цалу жиму.
У ЛЮЦКЕЙ РЕКЛИ – Яни, цо биш зробел кед биш у своєй кишенки нашол пейц тисячи динари? – Подумал бим же сом случайно з даским зачерал реклу.
ТОЧНИ ОДВИТ На годзини математики: – Дзеци, накадзи вам поставим питанє, одвитуйце шицки наглас такой – гвари учитель. – Кельо то пейц и штири? – Такой! – одвитовали наглас и нараз шицки школяре. Помогнї тим двом братом заяцом сцигнуц до дзири.
Автор Нела Таталович
НАЙДЗ КРУГОМ МЕСТА
Кажди круг на правим боку рисунка припада даєдному пшичкови. Хтори чий?
За марцовске число „Заградки” до Редакциї сцигли 70 роботи од вредних сотруднїкох зоз седем наших местох. Коцур: Хана Хромиш (4 роки); Мая Ґайдош, Сара Горняк, Теодора Ґайдош, Весна Бильня, Синиша Буила, Филип Хромиш, Дамян Радванї, Лука Дорокхази, Борис Чордаш (III). Вєдно 22 роботи. Руски Керестур: Яна Варґа, Ивона Рац, Аня Ґовля, Тияна Бучко, Сара Боцка, Лана Штранґар, Ема Живкович, Алексей Роман, Йован Плавшич (III); Адрияна Штранґар, Анастасия Надь, Матеа Джуджар (VII). Вєдно 18 роботи. Вербас: Оленка Контра, Андєла Бубаня, Милица Миклош, Надя Дюрдєвич, Яна Скубан, Димитриє Шашорота (II); Мила Мандич, Ема Чизмар, Леонора Ґайдош, Юлияна Радованов, Мартин Фа (III); Елена Ґайдош (IV). Вєдно 13 роботи. Дюрдьов: Ваня Роман, Давид Такач, Иван Молнар, Стефан Ґнип, Арсен Станкович (II); Кристина Дюранїн (V). Вєдно 8 роботи. Нови Сад: Кристина Ковач (II); Андрей Монар (III); Ана Монар (VII). Вєдно 4 роботи. Савино Село: Йована Кишрацик, Бояна Малобович (I); Дамир Тиґань (IV); Мирела Тиґань (VII). Вєдно 4 роботи. Ґосподїнци: Тияна Дюрдєвич (II) послала 1 роботу.
Матеа Джуджар, VII Руски Керестур
ЯК ШЕ СТАРАМ О ЖИВОТИНЬОХ Дома мам двох домашнїх любимцох. То пси язавичаре, Дїна и Мишко. Маю чарну и кафову шерсц, а очи им кафово. Кажде рано им давам єсц, бо су вше гладни. Полудзенок доставаю аж кед ше ми наєме. Кед су сити, лєгаю дакус оддримац. Влєце, кед барз горуцо, купам их же би ше дакус розхладзели. После купаня их напращкуєм, бо вше маю блихи. Кед пращок нє помогнє, я их искам. Вжиме им сипем лїтней води за пице. Найволїм ше з нїма бавиц на джмурки. Я ше скриєм, а вони ме глєдаю. Дакеди знаю буц и нєдобри, сцекнуц до загради лєбо викопац дзири на дворе. Барз их любим, гоч су и нєсташни. Мала сом вецей пси и други домашнї любимци, алє Дїна и Мишко ми найлєпши. Ксения Вереш, V Дюрдьов
УСПИШНИ КОЦУРСКИ ШАХИСТИ Члени шаховскей секциї у Основней школи „Братство єдинство” у Коцуре нєдавно мали Школске змаганє у шаху. Отримане є у ШК „Омладинєц” у Коцуре. Участвовали 25-еро школяре од пиятей по осму класу, а на Општинске змаганє ше пласовали седмеро найуспишнєйши. Бавело ше окреме у хлапцовскей, а окреме у дзивчатскей катеґориї. На Општинским змаганю у Вербаше шахисти зоз Коцура були барз успишни. Александар Дудаш освоєл перше место, а Владимир Тимко друге у поєдинєчней конкуренциї, та ше пласовали на Зонске змаганє. Руководитель шаховскей секциї у коцурскей школи наставнїк историї Мирон Рамач. З. К.
НАЙУЗША УЛЇЦА
ПЕРШЕ ПРИПИТОМЕНИ ПЕС Науковци твердза же перша животиня хтора ше нє одуперала припитомиц ше, бул пес. Походзи зоз Месопотамиї и з людзми почал жиц коло 1 000 роки пред нову еру. Там коло 8 500. року пред нову еру припитомени и перши овци, а вец 7 500. року у Персиї кози почали буц домашнї животинї, а источашнє у Турскей припитомени швинї, и тисяч роки потим рогати статок у Турскей и у Греческей. У України 3 000 роки п.н.е. почало припитомйованє коньох, а якош у тим чаше у Єгипту и Арабиї домашнї постали и маґарци, ґамили и пчоли. Мачки з людзми почали жиц у Єгипту 1 600 роки п.н.е, а сто роки потим у Нємецкей ше одомашнєли гуски, а у Перуу лами. Домашня живина походзи зоз Пакистану, одкаль и бияла.
У старей часци ирацкей престолнїци, Баґдаду, находзи ше найузша улїца на швеце. Широка є лєм 30 центиметери, а длугока 70 метери. Локалне жительство ю и вола „узка улїца”. На ню виходза осем хижи, стари, мали и запущени, та власнїком тих обисцох барз очежую живот. Нє можу унєсц до хижи орман, посцель, райбачку..., лєм през закрице.
ЛЇКОВИТЕ И СЛАДКЕ ЧУДО ПРИРОДИ Єдно з найкрасших чудох природи – мед. Пчоли го продукую уж 150 милиони роки. У Тутанкамоновей пирамиди найдзени мед за єдзенє стари вецей як 3 000 роки, цо доказує же добре заварти и одложени на цмим месце мед ма нєогранїчени рок тирваня. То єдине єдзенє, поживови продукт, лакотка, лїк...лєбо як го уж волаце, хтори ше нє може погубиц. Ище у античним чаше мед волали „златасти балзам”. Ценєли го баржей як злато, та у прешлосци мед бул и средство плаценя. Кед знаме же у своїм составе ма витамини: Ц, Д, Е, Б1, Б2, Б5, Б6, и минерали: желєзо, маґнезиюм, натриюм, калиюм, калциюм, фосфор, цинк, йод, бакар, хром, селен..., вец розумиме чом є таки драгоцини. Же би ше достало єдну килу меду, пчола муши позберац и преробиц нектар зоз 3 милиони квиткох. У єдним дню вредна пчолка направи 40 лєценя и шеднє на 4 тисячи квитки. Мед нє треба класц до чаю горуцейшого як 400С, бо страци лїковити свойства. А хто сце дакус схуднуц, най кажде вечар пред спаньом поє ложку меду. Пририхтала Р. Ґ. П.
Борис Чордаш, III Коцур
Михайло Ковач, V Нови Сад
Андєлина Дабич, II Вербас
Тияна Дюрдєвич, II Ґосподїнци
Мирела Тиґань, VII Савино Село