Diarazon Juli 25, 2012
Pagina 17
Rachel ta bek na Aruba estrenando cancion nobo “Bo Mirada” Nos a ricibi e grato noticia cu nos nos gran interprete Rachel Kraaijvanger a bolbe establece su mes na Aruba despues di a gradua exitosamente na Hulanda como logopedista. Rachel Kraaijvanger ta lanza su cancion nobo “Bo Mirada” cual ta un balada cu ta pone enfasis riba e amor intenso cu por existi existientre entreun unpareha parehacu cutatawordo wordotransmiti transmitidoor dor didimiradanan miradanandidieeser serstima. stima. E anhelo pa ta cu otro y asina forma un bida hunto. Rachel semper ta kere firmemente den creatividad di nos compositornan local. Pesey mes Rachel ta sinti su mes masha honra na momento di haya oportunidad pa graba cancion di nos propio hendenan di Aruba na nos dushi idioma Papiamento. “Bo Mirada” ta componi pa Bryan van Putten. E produccion aki tambe a conta cu participacion di Jonathan Hoevertsz. Ambos hoben Bryan y Jonatahan ta studiantenan di Aruba recidencia na Hulanda. Rachel Kraaijvanger den un forma formamagestral magestralaainterpreta interpreta“BO “BOMirada” Mirada”dominando dominandosu supontente potente voz vozyyyena yena cu hopi sentimento. Ya nos por scucha e promocionan pa “Bo Mirada” na nos emisoranan local. Y keda pendiente pa Rachel Kraaijvanger su espectaculo show atraves di canal 22. Por search Rachel Kraaijvanger “Bo Mirada” riba Youtube.com.
Hiep hiep hoera ns ta canta awe pa e guy chikito wowo dushi
JERMAIN DANIA
Hopi sunchi braza y pabien e ta haya di su mami Mirlaika, su papi Marlon su dos rumannan Jendrick y Jean-Marc, su bisawelo, welo y welanan, omo y tanchinan, primo y primanan, madrina y padrinonan y e team completo di brommer Skulls Racing sin lubida su ruman sin dolor Enrick y demas famia Willems y Dania. Cu Papa Dios drama su bendicion ariba ns prins y cu Main goza di su dia hopi mes
Celebrando su di 93 cumpleaños…
Edjean Semeleer ta felicita baluarte Hubert “Lio” Booi STA. CRUZ -- Hubert “Lio” Booi, “E Flamingo di Aruba”, a celebra su di 93 cumpleaños y e hecho aki sigur ta algo di celebra cune. “Pa mi e ta ehempel y personificacion bibo di excelencia artistico. Apesar di a nace na Bonaire, tera di mi tata y di mi abuelo, el’a haci di Aruba su hogar. Un ser humano cu cual bo por sinta conversa oranan largo cune y siña masha hopi di nos historia for di dje. Un artista multifacetico: actor, escritor, autor y declamador di poesia, compositor y musico, pintor y traductor. Su amplio conocemento di idioma lo laga bo babuca. E ta comparti su conocimento y anecdotanan cu cualkier persona cu ta dispuesto pa siña mas. Indiscutiblemente e ta un promotor incansabel di nos cultura y nos folklore. Esaki sigur ta loke mas ami ta identifica mi mes cune, aparte di ta comparti raiznan comun di descendencia. Su contribucion na nos rikeza cultural ta inmenso. E ta un leyenda y un tesoro cu un balor impagabel pa Aruba y nos islanan bisiña. Un hende cu a comprende e importancia cu conocimento y talento ta bal nada si e no wordo comparti. Mi ta admir’e pasobra e sa ki importancia e influencia positivo di un artista tin riba henter un pueblo. Su contribucion na nos rikeza musical ta asina influyente, mirando e tantisimo creacionnan na Papiamento cu e tin riba su nomber. Cancionnan inmortal cu lo mester keda biba pa semper den tur e generacionnan cu lo bin riba nos isla. Claro, pesey nos mester keda promove su legado, su obranan y stimula nos hobennan pa siña balora loke ta di nos. Ami sigur tin hopi di gradici na Lio cu semper a apoya mi den tur hazaña y tambe pa permiti mi canta creacionnan asina bunita den mi propio idioma. Como artista hoben, pa mi ta sumamente importante pa keda expone mi publico na excelencia y promove y cultiva mi herencia y identidad via mi musica. Mi ta hopi contento pero no asombra cu un ser humano manera Lio ta yega edadnan asina halto y den bon condicion. E ta sirbi sigur como ehempel con nos tin cu biba. Cu musica y arte como un di e deleitenan mas dushi di bida y un bida alegre, liber di stress. Mi ta felicita e Lio Booi cu su di 93 cumpleaños. Deseando e bon salud y alegria continuo. Cu e sigui wordo bendiciona cu un bida yena di musica y bon amistad. Pabien Lio!!