AUTO DRENTA LAMA
‘RAPP DigitAl BootcAmP 2025’ A yuDA
PRofesionAlnAn locAl DesARoyA nAn
DestResAnAn DigitAl
Oranjestad, 2 di november 2025 – E tres dianan di Digital Bootcamp, organisa pa Red Arubiano di Prensa Profesional (RAPP), a finalisa exitosamente na JFK Education Center, un evento cu a uni periodista, comunicador y profesionalnan den PR pa stimula innovacion y creatividad den mundo digital.
Bao guia di Vladimir Fonseca Retana, un comunicador digital cu mas di 25 aña di experticio den ‘storytelling’ audiovisual, strategia di medionan social y periodismo digital, e participantenan a haya un experiencia practico y inspirador.
Durante e bootcamp, cu a tuma luga entre 21 y 25 di october, e siguiente topiconan a wordo trata: - Structura di narativa pa crea y mantene e audiencia - Uzo di Inteligencia Artificial den creacion di video y periodismo digital - Hermentnan practico pa maneha
informacion y desinformacion
E sesion final, cu a tuma luga diasabra 25 di october, a duna e participantenan oportunidad pa pone tur e conocemento nobo den practica, cu ehercicionan y guia di e facilitador.
E ‘bootcamp’ a yuda pa fortalece e capacidad di e profesionalnan pa conecta miho cu nan audiencia, uza AI como un aliado den ‘storytelling’ y crea contenido di calidad y confiabel.
E meta tabata pa duna e gremio di prensa y comunicacion e poder pa innova y adapta den un mundo digital cu ta cambia lihe. E ‘bootcamp’ a haya un bon acogida y RAPP ta contento cu e entusiasmo cu a wordo mustra pa cu e actividad.
RAPP ta planificando mas iniciativanan pa continua cu e desaroyo di destresanan den comunicacion digital y periodismo moderno na Aruba. Keda pendiente.
InscrIpcIon pa e estudIo pa Maestro
dI enseñansa prIMarIo dI Ipa ta habrI
Bo ta buscando un profesion cu ta haci impacto riba generacion actual y futuro generacion? Scoge pa e profesion maestro di Enseñansa Primario. Como maestro bo lo crece riba tereno profesional y personal, bo lo haya satisfaccion di bo trabao y bo lo contribui na futuro di bo pais. Scoge pa e estudio pa Maestro di Enseñansa Primario di Instituto Pedagogico Arubano (IPA) y ta e cambio!
E estudio pa Maestro di Enseñansa Primario ta forma maestro cu ta cualifica pa duna les na mucha di scol preparatorio y/ of scol basico: un maestro cu ta funciona competentemente den klas, na scol y den comunidad. Tin dos grupo di participante cu por haci e estudio pa Maestro di Enseñansa Primario: 1. Studiante cu tin diploma di sea havo, vwo of mbo nivel 4 of si ta den examenklas di esakinan. 2. Tur persona cu desde 1 di september 2026 tin minimo 21 aña y cu kier haci un estudio na IPA, pero no tin diploma di sea havo, vwo of mbo nivel 4, por inscribi pa haci e asina yama 21+ Toets.
E 21+ Toets ta midi si bo tin nivel di havo cu ta necesario pa por studia na IPA. Si bo logra pasa e 21+ Toets cu exito, bo por inscribi pa un estudio inicial cu IPA lo ofrece durante aña academico 2026-2027. Asina cu bo inscribi bo ta bin na remarke pa
participa na e test di admision (beroepstest) y e programa preparatorio (voorprogramma) cu lo tuma luga durante aña academico 2025-2026. Si bo logra pasa e test di admision cu exito y completa e programa preparatorio bo por cuminsa cu bo estudio na augustus 2026.
Informacion general di e estudio pa Maestro di Enseñansa Primario Tur informacion di e estudio pa Maestro di Enseñansa Primario ta riba website di IPA. Subi www.ipaaruba.com y click riba opleidingen sigui pa Leraar Primair Onderwijs.
Aki lo bo haya informacion di entre otro contenido di e estudio, kico bo por haci despues di e estudio, gasto y procedura di inscripcion.
Inscripcion
Bo ta sinti bo yama pa haci e estudio aki y ta desea di inscribi? Inscripcion ta tuma luga via nos website www.ipaaruba.com. Pa por inscribi mester cumpli cu e pago di AWG 100,- y pone como anexo copia di comprobante di pago den formulario digital di inscripcion. Tene na cuenta cu e comprobante mester tin bo nomber riba dje, p’asina nos sa na ken e pago ta pertenece. Na final bo lo ricibi confirmacion di bo inscripcion.
Esaki ta e oportunidad pa pone meta nobo y tuma bo futuro den bo man. Bay p’e!
Taekwondo Team aruba a par Ti cuki
Master Yoshmar Wever di Taekwondo Team Aruba a parti colored creme cookie na Pueblo. Master Yoshmar Wever Trainer y Coach di Taekwondo Team Aruba ta duna bek na e forma aki pa gradici Pueblo di Aruba cu ta coopera cu Taekwondo Team Aruba pa e atletanan cu sa representa Aruba dignamente den eventonan Internacional na Mundo.
E meta ta pa sigui saca
cara di Aruba hunto cu e atletanan di Taekwondo
Team Aruba bou guia di Grand Master Melvin Rasmijn cu ta selecta e atletanan.
Tur hende a keda contento cu nan cookie y cu e idea di Taekwondo Team Aruba pa corda aribanan.
Den nomber di Taekwondo
Team Aruba nos ta bisa danki na Pueblo di Aruba
cu semper tey pa coopera cu Taekwondo Team Aruba.
“Influenza no ta djIs un sImpel grIep” Maneho pa pashent inmobil na cama of den rolstoel ricibi vacuna di Influenza
ARUBA- 30.10.2025. Pa evita cu e grupo di ciudadanonan inmobil riba cama na cas y tambe esnan inmobiel den rolstoel desaroya complicacion of fayece debi na infeccion cu e virus di Influenza. DVG ta ofrece e servicio di vacunacion anual di Influenzana te na auto of te na cas pa e grupo di pashentnan aki.
Tur persona inmobil na cama (bedlegerig) cuminsando for di 6 luna, ta bin na remarke pa ricibi e vacuna di Influenza completamente gratis. Tur locual ta nesesario ta prueba di nan AZV. Famia cu ta desea pa nan familiar cu ta inmobil riba cama na cas ricibi e vacuna anual di Influenza por tuma contacto cu Seccion di Malesanan Infeccioso di DVG na telefoon 522400 pa registra pa e servicio. DVG lo tin un team di enfermeronan cu lo pasa na cas segun cita pa brinda e servicio di vacunacion.
Pa pashentnan cu limitacion mobil por ehempel den rolstoel, DVG
tin e servicio di vacuna den auto. Si e persona ta riba 60 aña tur locual ta nesesario ta su carnet di AZV, si e persona no tin 60 aña ainda e lo mester presenta cu un recept di dokter y su carnet di AZV. E persona por yega na seccion di Malesanan Infeccioso situa na Avicenastraat#1 (patras di edificio di DVG) entre dialuna cu diabierna for di 1.30-4.00 pm. Na su yegada su familiar of dunador di cuido mester baha pa haci e parti administrativo y un enfermero di e seccion lo sali pafo pa brinda e servicio di vacunacion den auto.
E adulto mayor cu ta biba den casnan di cuido lo wordo vacuna na e cas di cuido unda e ta biba, si familiar pidi pa esaki.
Pa mas informacion like nos Facebook page Directie Volksgezondheid DVG Aruba, Follow nos riba Instagram directie_ volksgezondheid_aruba, subi nos website www.dvg. aw, yama nos na 5224200 of mail nos na servicio@ dvg.aw
CORSOU A APLAUDI “E BRUHA, BRUHÀ”
E pelicula local di Desiree Croes, E Bruha, Bruhà, a causa alegria y admiracion den Krioyo Film Festival 2025 na Corsou. Un sala yen di fanatico di pelicula na Papiamento a disfruta di e drama comedia di Aruba aki. Na final, e comentario y alegria pa cu e actornan tabata grandi. Tabata e di dos edicion di Krioyo Film Festival y a tuma lugar den Caribbean Cinemas na Sambil. Bunita tabata pa mira amigonan Arubiano biba na Corsou den e sala manera Roxanne Pieters, Emma Croes, personahenan conoci manera e.o. productor Orlando Martina, MariaLiberia Peters ex-Prome Minister di Antias
Hulandes, amigonan
Diony Eduarda, Harry Allard, Stephanie van Heiningen y mas.
Tanto productor y actris
Desiree Croes como actor
Addonsito Croes tabata presente y a disfruta y
comproba tur reaccion di esnan presente. Na final e comentarionan tabata mas cu positivo y e team di actor y productor por ta sigur y orguyoso di e impacto cu e pelicula a causa den e festival. Di
e organisador Giovanni Atalita a compronde cu E Bruha, Bruhà ta nomina pa pelicula di aña pa e Kadushi di Oro 2025. Mas informacion por bishita e Facebook page di Krioyo Film Festival.
Minister Wever ta reuni cu coMision Pro cunukeronan arubiano: Hunto Pa busca solucion Pa e sector di agricultura tradicional
Oranjestad, 3 november
2025 – Minister di Sector
Primario, mr. Geoffrey Wever, a tene un reunion constructivo cu e Comision
Pro Cunukeronan Arubiano, bou di liderazgo di señor Jair Britten. Durante e encuentro, a trata e desafionan principal cu agricultornan y criadonan tradicional ta enfrenta diariamente den nan esfuerso pa alimenta Aruba.
E comision ta representa un grupo amplio di productornan local cu ta traha cu pasion y dedicacion pa mantene nos tradicion agricola bibo. Den e reunion, e miembronan di e comision a comparti abiertamente e obstaculonan cu actualmente ta limita e crecemento di e sector, entre otro:
● Necesidad pa mihor proteccion pa e producto local contra importacion barata di afo;
● Acceso na awa na prijs accesibel pa agricultura y criamento di bestia;
● Gasto halto di cuminda pa bestia;
● Necesidad pa mehora colaboracion cu Santa Rosa (DLVV);
● Brotanan di enfermedad di bestia, falta di sosten veterinario y prijs halto di medicamento;
● Falta di genetica nobo pa mehora rasanan di bestia local;
● Necesidad pa un luga central y permanente pa agricultornan y criadonan di bestia por bende nan producto directamente na comunidad;
● Y no menos importante, e problema serio di cachonan di caya cu ta causa daño na criamento di bestia.
Minister Wever a scucha cu atencion e preocupacionnan y ideanan di e comision y a accentua e papel esencial cu e grupo aki tin den e transicion mas amplio di Aruba pa un sector primario sostenibel y resiliente.
“Awe nos no a papia solamente, pero nos a realmente scucha.
Nos agricultornan a
indica claramente unda e problema ta. Awor ta na nos pa, hunto cu nan, implementa solucionnan concreto. No mas estudio — pero accion concreto y efectivo.” segun Minister Wever.
Basa riba e puntonan trata, e ministerio lo traha den cooperacion estrecho cu Comision Pro Cunukeronan Arubiano y cu partnernan relevante pa implementa accion concreto cu ta dirigi no na estudio of analisis, sino na medidanan practico y efectivo pa yuda e sector crece, modernisa y prepara pa futuro.
E reunion aki ta marca un punto di partida importante pa un colaboracion mas cerca entre gobierno y
agricultornan, cu un meta comun pa fortalece produccion local, amplia seguridad alimenticio y preserva nos herencia agricola Arubano.
“E cunukero ta central den nos esfuerso pa sostene un Aruba fuerte y independiente. Gobierno ta compromete pa traha hunto cu nan pa sigura cu nos agricultura tradicional por sigui florece, den un manera sostenibel y moderno.” Minister Wever a conclui.
E reunion cu Comision Pro Cunukeronan Arubiano ta forma parti integral di e Programa di Gobernacion AVP–FUTURO 2025–2028, cu ta enfoca riba reforsa e sector primario, seguridad alimenticio, y desaroyo economico di
Aruba.
Bou di liderazgo di Minister Wever, e ministerio ta sigui traha pa crea un ecosistema agricola moderno y productivo, caminda colaboracion, innovacion y sostenibilidad ta bay man den man pa sigura bienestar pa Aruba y su ciudadanonan.
THE PRIME MINISTERS CU IMPACTO NA CORSOU
Den Krioyo Film Festival na Corsou, e documentario
Arubano The Prime Ministers a logra causa un
impacto grandi y positivo
riba e publico grandi cu a bay mir’e. For di trempan caba productor Omar Harms y co-productor
Addonsito Croes tabata presente pa ricibi e publico cu a bin mira e produccion. Entre otro por a nota presencia di ex Prome
Ministernan di Antias
Hulandes Maria Liberia
Peters y Etienne Ys.
Na final e publico cu a consisti di basta
Arubiano na Corsou y hende di Corsou a expresa nan alegria y aprecio pa cu e produccion. E comentarionan ricibi tabata cu e parti humano di Aruba su 4 Prome
Ministernan a resalta den grandi. Entre otro a ricibi comentario manera:
“Omar y Adoncito, hopi bon dokumental! Bunita, emoshonal i informativo”
The Prime Ministers tambe ta nomina pa e Kadushi di Oro 2025. E festival su exito ta grandi y comotal
a dicidi cu ta alarg’e pa un siman mas.
Omar Harms na final a gradici tur colaborador
y tambe Cultuur Fonds
Caribisch Gebied pa e apoyo ricibi pa cu e proyecto aki.
UN HOBEN TA FAYECE DEN UN AUTO CU A DRENTA LAMA NA MALMOK
Diasabra pa 5:31 di mainta, Central di Polis ta wordo notifica via Alarm Central cu un auto lo mester a drenta lama na altura di Malmok.
Ta despacha polis, ambulance y brandweer cu urgencia na e sitio.
Na yegada di e prome patruya ta bin encontra cu un testigo na unda e ta bisa polis cu e auto lo a drenta awa y no a wak niun hende sali for di awa.
E agentenan policial no a duda y mesora bay den accion y riesganan bida
den scuridad pa controla si tin un persona den e
auto. E agentenan a wak cu tin un auto den lama y un
persona masculino ainda aden y no ta reacionando.
Central di polis ta pidi asistencia d iKustwacht na unda na nan yegada hunto cu polis ta saca e curpa sin bida e hende homber.
A pone curpa di e fayecido
riba e boto di Kustwacht y transporte pa e pier di Hadicurari.
Na e pier polis technico, dokter Forensico y recherche a presenta na e sitio pa asina haci nan investigacion.
Pa 7:10 di mainta Dr. Scholten ta constata morto di Jonathan Jeremy Jr. Wernet naci dia 3 februari 2004 Aruba di 21 aña di edad.
Cuerpo Policial ta manda palabra di profundo condolencia na famia di e fayecido.
Claudia de Cuba a gradua Como baChelor den organization, governanCe and management (ogm)
ORANJESTAD - Dia 1 di october 2025, Claudia de Cuba a defende su tesis exitosamente y a obtene e titulo di ‘Bachelor of Arts’ for di e programa Organization, Governance and Management, Facultad di Arte y Ciencia. Claudia a defende su tesis “From social cohesion to community well-being: resident perceptions of the BAN BIBA BARIO initiatives in Aruba” dilanti di e comision di graduacion cu tawata consisti di Valerie Maduro, MA, Niels Wiskerke, MA y Gianni Bermudez, MPH. Ademas, tabata presente manager di e programa OGM, Ahmet Talan, MSc, famia di Claudia, docente di Universidad di Aruba y colega di estudio.
Claudia a investiga con e programa BAN BIBA BARIO di CEDE ARUBA ta impacta e bienestar comunitario y cohesion social segun e perspectiva di residente y lidernan di proyecto.
Un di e recomendacionnan pa CEDE ARUBA ta pa fortalece desaroyo di capacidad pa boluntario y lider di bario door di ofrece tayer den area relevante. Un otro recomendacion ta pa implementa apoyo mas structural y finalmente pa duna reconocimento na e boluntarionan, pa reenforsa e trabou cu nan
ta dedica na dje den nan comunidad.
Ta gradici e docentanan di e departamento di OGM y profesional cu a yuda of guia Claudia como studiante. Tambe ta gradici tur esnan na, y pafo di Universidad di Aruba cu a contribui na un manera of otro na e acontecimento aki.
Pa lesa e resumen of tesis di e studiante, por
fabor bishita e pagina di publicacion di Universidad di Aruba via e siguiente link: https://hdl.handle. net/20.500.14473/1657.
Pa mas informacion tocante e estudio OGM, bishita e website di Universidad di Aruba na http://www.ua.aw/ogm, e pagina di Facebook @ UniversityofArubaOGM y e pagina di Instagram @ ogm_ua.
Maidi Gianni Maduro a Gradua coMo Bachelor den orGanization, Governance and ManaGeMent (oGM)
ORANJESTAD - Dia 8 di october 2025, Maidi a defende su tesis exitosamente y a obtene e titulo di ‘Bachelor of Arts’ for di e programa Organization, Governance and Management, Facultad di Arte y Ciencia. Maidi a defende su tesis “Buckle Up, Aruba! Exploring the Relationship Between Modifying Factors, Parental Perceptions, and Compliance. A Quantitative Study on Car Seat and Seat Belt use for Children Under 12” dilanti di e comision di graduacion cu tabata consisti di Judelca Briceño MSc, Luciano Milliard LLM, y Giovanni Bermudez MBA. Ademas, tabata presente
manager di e programa
OGM, Ahmet Talan, MSc, famia y amistadnan di Maidi, como tambe docente di Universidad di Aruba y colega di estudio.
Maidi a investiga con factornan demografico manera edad, genero, nivel di educacion y ingreso, como tambe norma cultural ta influencia e percepcion di mayornan tocante uzo di car seat y seat belt pa mucha bou di 12 aña, y con esey ta influencia nan cumplimento cu ley na Aruba.
E participantenan di e investigacion tabata mayornan cu tin yiu bou di 12 aña y ta biba na Aruba.
Un total di 235 mayor a
participa na e encuesta, representando diferente fondo socio-economico y cultural.
Un di e recomendacionnan ta pa percura pa tin mas presencia policial, particularmente cerca di scol y creche rond di Aruba. Haci mas control di trafico, y duna multa den caso di incumplimento cu ley pa eleva e percepcion di seriedad y cumplimento cu e ley.
Otro recomendacion ta pa implementa un campaña di conscientisacion sostenibel y culturalmente adapta. E esfuersonan educativo mester bay mas leu cu mensahenan sporadico. E
Shawn - carl SolaGnier a Gradua coMo Bachelor den orGanization, Governance and ManaGeMent (oGM)
ORANJESTAD - Dia 20
di october 2025, ShawnCarl Solagnier a defende su tesis exitosamente y a obtene e titulo di ‘Bachelor of Arts’ for di e programa Organization, Governance and Management, Facultad di Arte y Ciencia. Shawn - Carl a defende su tesis “Perspectives of Healthcare Professionals on Regulations and Regulatory Policies and Their Impact on the Medical Supply Chain in Aruba” dilanti di e comision di graduacion cu tawata consisti di Helmut Vink, LL.M., MA, Luciano Milliard LL.M Clayton Croes MSc. Ademas, tabata presente
manager di e programa
OGM, Ahmet Talan, MSc, famia y amistadnan di Shawn - Carl, docente di Universidad di Aruba y colega di estudio.
Shawn - Carl a investiga con diferente regulacion y sistema di maneho regulatorio por impacta e suministro medico na Aruba, particularmente den importacion, almacenahe, distribucion, y disponibilidad di remedinan esencial. E meta di e estudio ta pa duna informacion util na esnan cu ta traha polisa y stakeholdernan den e sector of industria di suministro medico. E
campañanan di duración largo mester bay via scol, creche, organisacion nonprofit, y medio social. Mester enfatisa e riesgonan y tambe e beneficionan di uzo corecto di car seat y seat belts.
Ta gradici e docentanan di departamento di OGM y otro profesional cu a yuda of guia Maidi como studiante. Tambe ta gradici tur esnan
na, y pafo di Universidad di Aruba cu a contribui na un manera of otro na e acontecimento aki. Pa mas informacion tocante e estudio OGM, bishita e website di Universidad di Aruba na http://www.ua.aw/ ogm, e pagina di Facebook @UniversityofArubaOGM y e pagina di Instagram @ ogm_ua.
analisis ta basa riba e perspectivanan di varios profesional medico y otro persona cu ta envolvi den e cadena di suministro medico na Aruba. Entre e participantenan tabata tin boticario, regulador gubernamental y persona cu rol na nivel di operacion den e suministro medico di Aruba.
Un di e recomendacionnan ta pa adapta Aruba su cuadro regulatorio pa atende cu e necesidadnan clave identifica den e resultadonan di e estudio, cu e enfoke specificamente riba e digitalisacion, colaboracion institucional, y simplificacion di e
regulacionnan actual den e suministro medico. Otro recomendacion ta pa integra e perspectiva di e profesionalnan riba tereno medico durante e proceso di desaroyo di polisanan y regulacion, cu e meta pa fortalece e suministro medico na Aruba.
Ta gradici e docentanan di e departamento di OGM y profesionalnan cu a yuda of guia Shawn - Carl como studiante. Tambe ta gradici tur esnan na, y pafo di Universidad di Aruba cu a contribui na un manera of otro na e acontecimento aki.
Pa lesa e resumen of tesis di e studiante, por fabor bishita e pagina di publicacion di Universidad di Aruba via e siguiente link: https://hdl.handle. net/20.500.14473/1658.
Pa mas informacion tocante e estudio OGM, bishita e website di Universidad di Aruba na http://www.ua.aw/ogm, e pagina di Facebook @ UniversityofArubaOGM y e pagina di Instagram @ ogm_ua.
Descubri alimentonan imprescin D ibel cu no por falta D en bo D ieta
Nos lo mustrabao algun alimento imprescindibel di cual propiedadnan nutricional ta haci nan necesario pa un dieta sano y balansa.
Pa suerte, nan ta alimentonan habitualmente facil pa haya y pa inclui den cualkier plato.
Tomati
Un dieta balansa mester contene un poco di tur cos, pero nunca mester falta tomati. E tin antioxidante, cu ta yuda na e rehubenecimento celular, y vitaminanan A, C y E.
E tomati aprecia antes tabata wordo como un mata decorativo, te cu den siglo XVIII, a cuminsa consumi'e como alimento.
Ademas, tomati ta di puro awa, loke e ta bira ideal pa mantene e peso. E ta posee tambe un substancia fantastico pa e organismo, Licopeno, cu ta preveni e aparicion di cierto cancernan, manera di pulmon y di prostaat.
Awacati
E dushi awacati tin un espectro di beneficio cu ta yuda for di un muhe na estado, pa un homber adulto. E ta posee acido folico, necesario pa preveni malformacion den e fetus y su vetnan ta impedi e desaroyo di colesterol.
Knoflok
E alimento imprescindible, aromatico y fresco aki, ta un protector natural di e organismo. Ta miho consumi'e fresco, ya cu ta e forma cu e ta mantene tur su propiedadnan.
Ademas, e ta un excelente regulador di presion arterial y ta yuda e digestion.
Di un otro banda, hopi chef ta recomenda saca su parti interior berde, pasobra e por resulta pisa pa e digestion.
E resto di e djente di knoflok por wordo consumi completo. Ademas, como curiosidad, knoflok por tin cierto efectonan afrodisiaco.
Selder
Selder ta famoso pa stimula e potencia sexual. Ademas, su consumo ta yuda mehora e problemanan chikito di memoria vincula cu
edad. Selder tambe ta posee un porcentahe halto di hero, pesey e ta un aliimento imprescindible contra anemia.
Por ultimo, como curiosidad, e juice di selder ta yuda supera e trastornonan di soño.
Chuculati
Aunke ta acus'e di faborece e ganamento di peso, chuculati tin mas virtud cu defecto. E ta energetico, ya cu consumiendo un cntidad chikito ta gana hopi den energia.
Ademas, solamente 100 gram di chuculati scur, ta posee 375 mili-
gram di fosforus.
Di un otro banda, e polifenolnan cu e chuculati ta posee, ta convirti'e den un protector cardiaco y un agente preventivo di cancer.
Spinazie
Spinazie no solamente ta duna forza, sino cu ta yuda na mantene un bon bista. Ademas di ta un fuente basico di hero, spinazie ta asina bon of miho pa e bista cu un wortel, ya cu e ta concentra un bon cantidad di luteina, un substancia cu ta fortalece e retina.
Appel
Appel ta e fruta pa excelencia. E alimentonan imprescindibel aki ta reduci e cantidad di proteina
y lipido y ta posee un porcentahe halto di vitamina, awa y salo.
Ademas, tambe ta actua contra e daño di celnan celebral.
Rasenchi
Ta berdad, rasenchi tin bastante concentracion di sucu, pero net esey ta hustamente loke ta convirti'e den un maraviyoso motor di energia pa mucha, adultonan mayor y deportista.
Ademas, den su espacio reduci, e ta posee un balans casi perfecto di cinco importante mineral: calcium, magnesium, fosforus, hero y potasium.
Alimentonan imprescindibel: Salmao
Salmao, specialmente esun silvestre of salvahe, ta posee can-
tidadnan grandi di Omega-3, un substancia cu ta preveni malestarnan cardiaco. Lo mas recomendabel ta incorpora e pisca aki den e dieta infantil pa su fantastico aporte nutricional.
Yoghurt
Un yoghurt pa dia ta yuda cualkier adulto pa fortalece e calcium den e organismo y na mucha pa preveni infeccion.
Ademas, e ta un producto hopi recomendabel pa dietanan abao den caloria.
Vol of sin vet, yoghurt ta un producto perfecto pa bo alimentacion.
Brocoli
Brocoli ta un bon fuente di vitamina A (principalmente den forma di beta-karonteen), di vitamina C y di acido folico. Esaki ta asina te na e punto cu un racion di 200 gram, ta aporta mas di tres biaha mas di e recomendacionnan diario di vitamina C y e mita di e ingesta recomenda di acido folico.
Berries
Nan ta wordo considera un fuente di vitamina C y K, ademas di su rikesa den manganeso. Berries ta alimentonan imprescindibel perfecto pa come nan so of como parti di un receta, por ehempel, cu yoghurt.
Ya sea di color cora, preto, no lage di purbe como acompañamento pa smoothies, tert of otro dessert.
FORTALEZA PA FAMIA Scirbi pa Pastor Marcel Balootje.
E PLAN DI DIOS PA BO BIDA
E palabra di Dios ta bisa cu e ladron ( e diabel) ta bini solamente pa horta, pa mata y pa destrui, Ami a bini pa nan tin bida y pa nan tine na abundancia. Ami ta e bon wardado, e bon wardado ta duna Su bida pa e carnenan.( Juan 10:10-11).
Nos tin cu biba nos bida cu sabiduria, pa nos conoce e proposito di Dios pa nos bida, y pa asina cosnan no ta canando bon , nos comprende cu e cos ey no ta di Dios.
Dios nunca ta hinca bo den un caminda pa bo trompica, of pa destrui bo bida, Dios nunca lo hiba bo na fracaso, pasobra Dios ta stima bo cu un amor eterno, y E ta prolonga misericordia riba bo bida.
Como hoben Dios nunca lo hiba bo na un bida miserabel, un bida di berguensa, un bida inmoral, pasobra Dios no tin goso den maldad, pasobra Dios ta un bon Dios, y Dios ta amor.
Asina tur hoben por nota cu asina cu cosnan ta bruha, droga y alcohol, inmoralidad, caymento sera cuminsa frecuenta den bo bida, no ta di Dios esey ta, pero e enemigo cu kier destrui bo, pa bo no alcansa e proposito di Dios
pa bo bida.
Dios a crea homber of muher y esey bo ta , creacion di Dios, den e imagen y semehansa di Dios, bo ta Dios su preto di wowo, Dios ta stima bo, Cristo Hesus a entrega Su bida pabo, asina ta cu no acepta nada mediocre den bo bida, pasobra Dios a duna bo bo identidad.
Bo no ta riba e mundu aki pa diabel por haci cu bo manera un yoyo bo ta pasobra ta para scirbi:Pasobra Mi sa e plannan cu Mi tin pa boso,Senjor ta declara,
plannan pa pas y no pa calamidad, pa duna boso un futuro y un speransa, Anto boso lo sclama na Mi y bin haci oracion, na Mi y lo Mi scucha boso.( Jeremias 29:11-12),
E plan di Dios semper tin un bon futuro den dje. e plan di Dios nunca ta hiba hende atras den nan bida, Dios nunca tin plan pa haci hende bira ladron, y hende bira sinberguensa, haci hende perde respet pa nan mes y pa otro hende, asina cu e cosnan ey ta sosode den bo bida, bo mester busca Dios urgente, pasobra E tin bon plan pa
bo bida.
Pasobra nos ta e obra di Su man, crea den Cristo Hesus pa bon obranan, cualnan Dios a prepara di antemano pa nos por cana den nan. ( Efesionan 2:10).
Ta tempo pa tur hoben habri nan wowo y compronde e boluntad di Dios, pa nan bida, pasobra e enemigo ta disfrasa na hopi cos pa hiba hobennan den tentacion , asina hiba nan den caminda di perdicion, pesey como mayor nos mester haci tur esfuerso , pa lanta nos yuinan den e caminda di Senjor.
Esaki ta para scirbi den Santiago 1:13-15: No laga ningun hende bisa , ora cu e wordo tenta,Mi ta wordo tenta door di Dios. Pasobra Dios no por wordo tenta door di maldad.
Y E mes no ta tenta ningun hende.
Ma cada un ta wordo tenta ora e wordo atrai y seduci, door di su mes pasion. Anto ora e pasion consebi ,e ta duna lus na pica, y ora e pica keda cumpli e ta produci morto.
Pesey wak bon cu ken bo ta anda, pasobra no laga ningun hende ganja boso: Mal compania ta danja bon custumber ( 1 Corintionan 15:33).
E plan di Dios pa bo bida,ta bondad.
FORTALEZA PA FAMIA
Scirbi pa Pastor Marcel Balootje.
BIJBEL TA DEMOSTRA CU HALLOWEEN
TA UN SHOWCASE DI BRUHERIA
Hopi biaha mayornan no ta comprende for di unda e rebeldia di nan yuinan ta bini,, awel hopi hende no sa cuanto Cartoon diabolico tin riba television, cable, internet, y hasta den telefon di e muchanan.
Palabra di Dios ta bisa Mi pueblo ta wordo destrui pa falta di conocemento.( Oseas 4:6).
Bijbel ta condena bruheria y halloween, y tur otro hechonan di scuridad. Awendia bo por hanja cualkier sabi ta bin bisa bo cu e palabra halloween no ta para scirbi den Bijbel, pa asina nan defende scuridad, aunke e palabra no ta den Bijbel, Bijbel como e buki di prevencion , liberacion y huicio ta avisa nos , pa no participa den ningun obra infructifero di scuridad.
Otro banda bo por tende e slogan moderno, cu ta bisa laga cada ken biba nan bida,pero un tiki sabiduria ta demostra na nos cu e bida cu nos tin ta Dios a duna nos, y cu nos tur tin cu duna cuenta na Dios, kico nos a haci cu nos bida.
Bijbel ta condena tur clase di bruheria , no ta importa cual color e tin sea white or black magic, of e por ta multicolor magic e ta un abominacion dilanti di Dios.
Esaki ta e versiculonan pa tur hende sa na unda den Bijbel, Dios ta condena e bagamunderia aki. Pasobra lo bo sa e berdad y e berdad lo haci bo liber:
Exodus 22:18 . Levitico 19:31.
Levitico 20:6 y 20:27.
Deuteronomio 18:10-14.
Galationan 5:19-21.
2 Corintionan 6:14-16
Revelacion 21:8.
Mescos cu nos ta importa cuminda y panja for di henter mundo, nos ta importa maldad ,diablura y satanismo, sin sa kico nos ta importa y kico nos ta celebra.
Bruheria ta rebeldia contra Dios, Bruheria ta di satanas, esnan cu ta
practica bruheria lo no drenta e reino di Dios, si nan no arepenti y aparta for di e mal caminda.
Tur manipulacion y tur dominio y mentira cu hende ta purba kibra otro cune ta parti di bruheria.
E enemigo sa cu ora e presenta Halloween como un fiesta di celebracion e ta hala hopi hende y como e enemigo tin dominio riba esnan cu no kier sirbi Senjor di henter nan curason a pone hasta dia pa celebra, pa asina tin atencion mundial riba e dia aki, pero tur esaki ta pa mantene hende den scuridad.
Awor un pregunta ta sali
nos dilanti ken ta robes e Bijbel of nos adversario cu ta e diabel, cu solamente a bini pa horta , pa mata y pa destrui?
Hoben ora bo mayornan bisa bo pa aparta for di tur locual ta scuridad, y expone pa tur hende sa kico ta e consecuencia, ta pa bo tende, no ta pa bo rabia, pasobra palabra di Dios, ta pa hende obedece y no pa hende bay contra di dje.
Dios ta lus y den dj’E no tin nada, nada di scuridad, Abstene di tur forma di maldad( 1 Thesalonisensenan 5:22). No duna diabel oportunidad (Efesionan 4:27).
Senjor ta spierta nos hopi cla pa no participa den e cosnan aki.
Revelacion18:4 ta bisa: Sali for di dje mi pueblo,pa bo no participa den su picanan, y pa bo no ricibi su plaganan.
No lubida cu e palabra di Dios ta bisa den 1 Corintionan 6:19 : Of boso no sa cu boso curpa ta tempel di Spirito Santo , kende ta den boso,Kende boso tin di Dios, y cu boso no ta pertenece na boso mes? Pasobra boso a wordo cumpra pa un preis, pesey glorifica Dios den boso curpa.
Sinceramente Pastor Marcel Balootje.
SUDOKU SOPI DI LETRANAN
TA bON PA ObSERvA HESUS cUI-
DADOSAmENTE y ScUcHA SU bOS
Asina nos por siña for di djE y permiti’E guia nos. Manera Hesus mes a bisa nos:
”Ami ta e caminda, berdad y bida”. Ta Hesus so por mustra nos e caminda pa Tata. P’esey ta logico pa nos haci esfuerso pa observ’E y scuch’E. Tin hende cu ta observa Hesus y scuch’E den un intento pa haya algo pa acus’E di dje. Ta parce cu esaki ta loke ta motiva e observacion estrecho den Evangelio di awe tambe. Nos por conclui esaki for di e echo cu ora Hesus haci nan un pregunta tocante sanacion, tur hende ta keda keto. Si nan tabata di berdad interesa pa siña di djE nan lo a ofrece algun opinion di nan mes y nan lo tabata ke siña di djE kico tabata su contesta. Un actitud di arogancia y falta di confiansa. Nos tin cu haci esey semper den e actitud di humildad y di obediencia. Nos tin di scucha e bos di Dios pero tambe sigui’E. Sigui’E ta un palabra importante pa nos awe, uno cu ta sondea nos consenshi. Nos ta humilia nos mes sinceramente y scucha loke Dios ta bisa nos?
Oracion: Maria, forma mi curason pa mi por ta un oyente humilde y un discipel obediente di Señor. Amen.
un i GLe S ia cri ST o H e S u S a L an Ta pa e reino di dio S
Bijbel Exodo 24: 7- 8, den e Evangelio aki, Dios Tata a cera e prome Aliansa cu e pueblo di Israel, pa medio di Moises. Bijbel 2 Samuel 7: 16, den e Evangelio aki, Dios Tata a eligi David, pa bira e prome Rey di Israel. Dios Tata a priminti Rey David cu su sucesornan,cu nan lo ta pa semper encabesa e Reino di Dios. Bijbel Mateo 26: 26 – 28, den e ultima cena Hesus a bisa Su apostelnan: “Boso tur bebe for di e copa di binja aki, esaki ta Mi Sanger, e Sanger cu ta confirma e Aliansa cu Mi ta derama pa hopi hende, pa pordon di pikanan.” Akinan Hesus ta confirma Su Sacrificio y morto na crus, deramando Su Sanger precioso, pa e Aliansa Nobo di Dios Tata, cu ta e Herusalem Nobo di Israel. Bijbel Lucas 1: 32 – 33, ta bisa: “Senjor Dios lo duna Hesus e trono di Su antepasado Rey David y te den eternidad lo E ta Rey di e descendientenan di Jacob y Su Reino lo no tin fin.” Bijbel Mateo 16: 15 – 19: “Hesus a puntra Su apostelnan: Anto boso mes, ta ken boso ta bisa Mi ta? Simon a contesta: Bo ta E Mesias, E Yiu di Dios bibo! Hesus a bis’e: Felis bo ta Simon yiu di Huan, pasobra no ta hende a revela bo esaki, ma Mi Tata cu ta den Cielo. Mi ta bisa bo: Abo ta Pedro (o sea baranca) y riba es baranca aki, lo Mi lanta Mi Iglesia y forsanan di fierno lo no podera di dj’e. Lo Mi duna bo e yabinan di Reino di Cielo y loke bo prohibi na tera, ta prohibi den Cielo tambe y loke
bo permiti na tera, lo ta permiti den Cielo tambe.” Akinan Hesus ta bisa bon cla, Mi Iglesia, osea un solo Iglesia y no Iglesianan. E demonionan den fierno lo lanta diferente sectanan na mundo, pa podera y pa kibra e Iglesia di Hesus, pero nan lo no logra. Hesus a duna Simon e nomber Pedro, cu ta significa baranca, cabes visibel di Su Iglesia. Hesus a duna Pedro e yabinan di Reino di Cielo y esaki ta significa, cera y habri e portanan di Reino pa laga e almanan drenta den Reino di Cielo. Hesus a duna e autoridad na Pedro pa dirigi Su Iglesia, di loke ta permiti y di loke ta prohibi. Bijbel Marco 16: 15 – 16, aki Hesus ta bisa Su apostelnan: “Sali pasa na henter mundo y predica e Evangelio pa henter humanidad.” E palabra, sali pasa na henter mundo y predica e Evangelio pa henter humanidad, ta significa, Universal, Hesus
Su Iglesia ta Universal. E Iglesia Universal di Hesus, ta e pueblo Nobo di Israel di Dios Tata. Comprende awor, cu tur hendenan, sectanan y e Hudiunan mes, nan mester kere den Cristo-Hesus y nan mester drenta y bautisa den E Iglesia Universal di Hesus, pa nan por drenta den e Reino di Cielo. Hesus a institui, Su doctrinanan di Gracianan di salbacion pa Su Iglesia: Bautismo Mateo 28: 19 – 20, Confirmacion
Echonan di Apostelnan 2: 1 – 4, Confesion Huan 20: 23, Eucaristia Lucas 22: 19 –29, Matrimonio Mateo 19: 4
– 6, Apostolado Marco 3: 13
– 19, Enfermonan Hacobo 5:
14 – 15. Awor puntra bo mes, ta di con tin tanto sectanan na mundo y mientras ta un Iglesia Hesus a lanta? Na anja 1521, Martin Luthero un frere, teologo aleman a bai contra di e Iglesia Universal di Cristo-Hesus. El a inventa e theoria di e interpretacion liber di Bijbel. E interpretacion liber aki, a produci 36.000 diferente sectanan y oposicionnan na mundo. Tur e sectanan aki, ta pretende di ta di Hesus. Durante tempo, nan a trece hopi division y hopi di nan a lanta nan mesun religionnan, sectanan y predicando e Bijbel den nan mesun manera y buscando hendenan debil den fe pa sigi nan tras. Martin Luthero ta un Protestant, pasobra el a protesta contra Iglesia y el a trece doctrinanan robes den e Iglesia Universal di Cristo Hesus. Den Bijbel Echonan Apostelnan 20: 28 – 30, carta di San Pablo na su coleganan Apostelnan ta bisa: “Cuida boso y di henter e rebanjo na cual Spirito Santo a pone boso como Obisponan pa warda e Iglesia di Senjor, na cual E’l a gana cu Su propio Sanger. Mi sabi cu despues di mi partida, lo drenta lobonan feros cu lo no tene compasion cu e rebanjonan y cu denter di boso mes, lo surgi hendenan cu lo sinja doctrinanan robes y nan lo gana discipelnan nan tras.” Ta manera cu Hesus a bisa den Bijbel Mateo 16: 18, cu forsanan di fierno lo purba podera y kibra e Unico Iglesia Universal di Hesus, pero nan lo no logra. Den Bijbel Revelacion 21:
Durante dianan di calor
Ta impor TanTe pa Tuma medidanan di precaucion
ORANJESTAD,
21.05.2023: Durante e ultimo dianan nos por a tuma nota di un calor extenso, temperatura hopi halto y un solo fuerte. Durante e dianan cu ta sigui comunidad por bay sigui experencia esaki cu por ta peligroso pa nos salud. Pa combati e fenomeno di naturalesa aki no ta posibel, pero si nos por tuma accion pa proteha nos mes y otronan y tambe preveni consecuencianan pa motibo di e calor extenso.
e calor aki. Ta hopi importante pa vigilanan constantemente y refresca nan curpa pa wanta e temperatura abou y hidrata nan cu suficiente likido pa evita un posibel heatstroke, cu ta un condicion hopi delicado caminda cu e curpa ta stop di soda. E temperatura di curpa ta sigui subi mas cu 40° grado Celsius y ta perhudica e centro di control cu ta regula e temperatura corporal
den nos celebro.
Sintomanan di un heatstroke ta:
• Temperatura corporal halto den corto tempo
• Cara y cuero cora y seco
• No ta soda mas
• Curazon ta bati dura
• Dolor di cabez
• Mente ta bira confuso y por cay flow
• Por cuminsa saca of haña diaree
Kico pa haci den caso di un Heatstroke ?
• Busca asistencia medico mesora yama 911
• Tene e persona trankil y den fresco
• Los e pañanan na su curpa.
• Fria e curpa cu un serbete/paña muha (cu awa friu of di cranchi)
• Por pone ijs of icepack bou di brasa, na nek, lomba, riba stoma y/ of memey di e pianan.
• Si persona ta consciente lag’a bebe awa no mucho friu.