ArubA Tourism AuThoriT y A honrA
EwAld biEmAns pA 45 AñA di dEdicAcion nA iTb bErlin
Aruba Tourism Authority (A.T.A.) cu gran honor a reconoce Ewald Biemans pa su dedicacion remarcabel y tur e añanan cu el a inverti promoviendo Aruba na Europa. E momento special aki a pasa durante e presencia di Aruba na ITB Berlin, hunto cu hopi partner di e industria, y den conmemoracion di 40 aña di Status Aparte, 50 aña di nos Himno y Bandera y e di 60 aniversario di ITB.
E aña aki ta marca e di 45 biaha cu Ewald a participa na ITB, un logro cu ta demostra su compromiso constante. For di aña
1981 cu el a bini pa prome biaha na ITB, Ewald a sigui defende y representa Aruba cu diligencia den mercado Europeo. Pa conmemoracion di e logro aki, A.T.A. a presenta Ewald cu un regalo unico: un par di ‘cufflinks’ traha for di mecanismo di holoshinan recicla. E diseño ta simbolisa e balornan cu Ewald ta representa: sostenibilidad, disciplina, estilo y un habilidad excepcional pa “run that business like clockwork.” Rond di amigonan, coleganan y partnernan di e industria, Ewald tabata evidentemente emocional
pa e reconocemento y a responde calurosamente: “Otro aña mi lo tey bek.”
A.T.A. ta gradici Ewald Biemans sinceramente pa tur e decadanan di dedicacion constante y contribucion cu el a y lo sigui duna na promocion di Aruba na nivel mundial.
Tocante ITB
Como un di e ferianan di turismo mas grandi y importante di mundo, Internationale Tourismus Börse (ITB) ta ofrece un plataforma global pa destinacionnan conecta directo cu partnernan clave, aerolineanan, operadornan di tour, y medionan di comunicacion. Pa Aruba, ITB ta hunga un rol vital den fortalecemento di su posicion como un destinacion di calidad,
mientras cu ta sigui sostene un crecemento balansa y sostenibel.
Europa ta un mercado esencial den e strategia di diversificacion di Aruba.
E aña aki, delegacion di
Aruba, forma pa A.T.A., AHATA, y 11 diferente partner di hotel y DMC, a tene un programa intensivo di reunionnan cu partnernan Europeo pa fortalece relacionnan strategico.
Parlamentario Eduard Pieters (PPA): “InnovacIon den cuIdo dI adIccIon
cu e traIler dI StIchtIng hunto pa e adIctonan ambulante”
Parlamentario Eduard Pieters a bishita Stichting Hunto pa presencia e lansamento oficial di un trailer innovador cu nan lo uza den centro di ciudad pa atende cu e grupo di adicto ambulante. Pa Pieters, e iniciativa aki no ta solamente un proyecto social, sino un señal cla cu Aruba ta cuminsa traha cu creatividad, humanidad y determinacion pa enfrenta un di e retonan mas compleho den nos sociedad: adiccion y salud mental. E proyecto ta enfoca riba acercamento directo na e hendenan cu hopi biaha ta cay afor di sistema tradicional di cuido.
Un iniciativa humanitario cu merece reconocemento Pieters a expresa su gratitud profundo pa e ekipo di Stichting Hunto, specialmente na su directora Dalgis Montalvo y CFO Randall van Trigt, cu a demostra liderazgo y compromiso extraordinario den e veld di salud mental. Segun Pieters, Stichting Hunto ta un ehempel pa hopi fundacion na Aruba. Un elemento cu el a destaca tabata e transparencia di gobernacion di fundacion, mirando cu nan a presenta nan relato financiero
anual 2025 den luna di maart 2026. Pa fraccion PPA, gobernacion transparente y responsabilidad financiero ta algo cu mester haya su reconocemento.
“Si algo ta bon, nos mester reconoce esey tambe y pone den luz positivo,” Pieters a enfatisa.
E trailer: un brug pa e hendenan cu e sistema hopi biaha no a yega na nan
“E trailer lo sirbi como un punto di contacto mobil pa e adictonan ambulante den centro di ciudad. Hopi persona cu ta biba den adiccion no ta drenta facil den institucion formal. E trailer ta crea un espacio mas accesibel, unda personal capacita por combersa cu nan, crea confianza y motiva nan pa cuminsa un trayecto di recuperacion,” Eduard a expresa.
Segun Pieters, hopi hende inicialmente no tabata kere den e concepto aki. Pero awe e iniciativa ta bira realidad y por marca un paso importante den tratamento comunitario di adiccion.
E enfoke aki ta basa riba dignidad humano: e adictonan ambulante tambe ta hende.
Un cadena di cuido cu ta conecta diferente Fase di Recuperacion
E trailer no ta un solucion aisla.
Ta parti di un cadena mas amplio di cuido cu Stichting Hunto ta implementa. Despues di e prome contacto, e persona cu ta dispuesto pa cambia por haya guia pa: ● Inloophuis, unda nan por haya un espacio safe pa descanso, dialogo y orientacion;
● Centro Colorado, unda nan por drenta den un programa completo di rehabilitacion; ● y finalmente un trayecto di reintegracion social pa por participa atrobe activamente den comunidad.
E modelo aki ta reconoci internacionalmente como uno di e forma mas efectivo pa trata adiccion: acompañamento paso pa paso.
Salud Mental mester cooperacion, no competencia
Durante e encuentro, Pieters a subraya un mensahe importante pa tur e sector di salud mental: cooperacion y colaboracion ta esencial. Segun e parlamentario, e unico manera pa enfrenta e reto creciente di salud mental na Aruba ta pa tur institucion; gobierno, fundacion y e profesionalnan traha hunto den un cadena coordina di cuido.
“Nos mester laga ego un banda,” Pieters a indica. “Ora nos traha hunto, nos por logra solucionnan real pa nos pueblo.”
E lansamento di e trailer di Stichting Hunto ta un paso innovador den lucha contra adiccion na Aruba. Pa Pieters, e iniciativa aki ta mustra cu ora e organisacionnan civil,
e profesionalnan y comunidad uni esfuerzo, solucion humano y practico ta posibel. “Fraccion PPA ta expresa su reconocemento profundo pa e trabou duro cu Stichting Hunto ta haci den nos comunidad.
Pasobra tras di cada adiccion tin un historia humano y cada persona merece oportunidad pa cuminsa atrobe,” Eduard a finalisa bisando.
Noticia di Corte
8 luna di prison pa Bulgaro cu a hit Banco maticonan mas di 22 mil florin
ORANJESTAD – Awe mainta Hues a dicta sentencia den e caso penal cu Ministerio Publico a cuminsa contra e homber Bulgaro Z.V.D. (45). Hues a haya Z.V.D. culpabel di a skim carchi di credito y saca placa for di diferente banco maticonan.
SOLO DI PUEBLO por a compronde cu Hues a confirma e exigencia di Fiscal y a condena Z.V.D. na 8 luna di prison.
Tratamento di e caso a tuma lugar dia 13 Februari 2026, caminda e acusacion di Fiscal ta mustra cu ta e hombernan Z.V.D. y J.B. di Bulgaria a falsifica credit cards y horta banco maticonan di Banco di Caribe. Ta asina cu J.B. a wordo saca for di Aruba.
8 LUNA DI PRISON EXIGI
Fiscal a bisa cu door di e situacion di skim, hopi banco rond mundo a modifica e banco matico. Na Aruba esnan di Banco de Caribe no
ta modifica. Riba imagen di video di seguridad a mira Z.V.D., J.B. y K. na diferente di e banco matico di Banco de Caribe na Aruba. Z.V.D. ta desmenti pero Fiscal ta haya cu tin imagennan di video caminda ta mir’e ta saca placa for di banco maticonan. Fiscal ta considera esaki un organizacion criminal internacional cu ta planea pa copia credit cards di hende y asina traha credit card falso. Na opinion di Fiscal, Z.V.D. y K. a bin Aruba cu e intension pa saca placanan. E tabata envolvi den 11 transaccion caminda a haci mal uso di e fayo den e systema di banco matico. Fiscal a exigi 8 luna di prison pa Z.V.D.
SENTENCIA
Awe mainta Hues a bisa cu Master Card a notifica Banco de Caribe cu tin clientenan a keha cu a kita placanan for di nan na Aruba, siendo cu nan no ta na Aruba. Hues a reacciona riba defensa cu a bisa cu e cameranan di seguridad a tuma imagennan cu ta ilegal. Hues a bisa cu e no ta
haya cu e imagennan no por wordo usa como prueba. Hues a rechaza e peticion di abogado mr. Emerencia pa no usa e imegennan como prueba.
Hues a bisa cu via Immigracion a saca afor cu Z.V.D. y J.B. a bin Aruba na November 2024. Hues ta haya cu Z.V.D. y J.B. a haci transaccion via banco matico. Nan a skim carchinan intencional. Hues ta haya cu Z.V.D. ta complice di a horta 22.142 florin for di e banco maticonan. El a bisa cu Fiscal a exigi 8 luna di prison. Hues ta haya cu tipo di delitonan asina ta causa perdida financiero pa companianan financiero. Tambe cu e ta causa daño serca usadornan di banco matico cu ta confia den e sistema. Hues ta confirma exigencia di Fiscal. Hues a condena Z.V.D. na 8 luna di prison y su cellular ta keda confisca. Hues a bisa cu por a mira via camera cu Z.V.D. tabata usa su cellular pa haya sa pin. Esey ta haci cu e cellular mester keda confisca.
maneho noBo pa enfrenta crisis di vivienda na aruBa
Diaranson mainta Minister di Vivienda y Infrastructura, drs. Rene Herdé, a duna un presentacion tocante e crisis serio di Vivienda cu Aruba ta enfrenta. Actualmente ta calcula cu e
demanda pa un cas ta alrededor di 8.000, mientras cu tin aproximadamente 360 percela so disponibel pa construccion. Ademas, gobierno ainda ta trata peticionnan cu ta data di 2013, loke ta indica cu e demanda pa vivienda pagabel ta mas grandi cu loke gobierno tin pa ofrece na percela of via casnan di FCCA.
Demanda pa vivienda ta sigui crece, specialmente entre parehanan hoben cu ta busca nan prome cas. Hopi famia ta obliga pa keda biba mas tempo cu nan famia pa motibo di falta di vivienda. Un mercado di vivienda stabil ta esencial p’e stabilidad social y
desaroyo economico di un pais.
Pa responde na e reto aki, ta propone un maneho nobo pa vivienda pagabel cu ta enfoca pa uza tereno mas eficientemente y acelera construccion di cas. Entre e medidanan tin division di percela den tres diferente categoria, chikito, mediano y grandi, esaki lo permiti mas vivienda riba e mesun tereno. Por ehempel, percela chikito por wordo desaroya cu cas tipo “twee-onder-één-kap” y esaki por aumenta e cantidad di vivienda sin necesidad di tereno adicional.
Alabes ta propone regla nobo di construccion pa haci vivienda mas accesibel financieramente y
medidanan pa evita speculacion, manera obligacion di prueba di financiamiento y termino pa cuminsa construccion.
Cu e maneho aki, e potencial di vivienda por subi di 360 pa aproximadamente 580 cas, cu e meta pa realisa mas vivienda pagabel den un tempo mas cortico y reduci e lista di espera pa famianan na Aruba.
Segun Minister Herdé e vision y maneho aki a largo plaso ta representa un paso importante pa modernisa e sistema di otorgamento di tereno y pa logra un mercado di vivienda mas stabil y balansa pa futuro generacion di Aruba.
FRACCION DI MEP:
Forsa ley di HoFa ta un boFta pa aruba su s tatus aparte y democracia
ORANJESTAD – "Aruba ta den un momento di celebracion pa 50 aña di nos Himno y Bandera y 40 aña di nos Status Aparte. Pero net awo, Gobierno ta dicidi di duna e pueblo un bofta door di forsa un ley di HOFA cu no tin e sosten di e pueblo," Fraccion di MEP a declara awe cu hopi indignacion.
Consensus sin consensus Fraccion di MEP ta trece dilanti e echonan cu ta mustra cu e ley aki no por wordo yama un ley di "consensus" den e Rijksministerraad mañan na Hulanda:
• 10.000 trahado representa pa e gran mayoria di sindicatonan a bisa NO.
• Mas di 10.000 ciudadano a pone nan firma pa rechasa e proceso aki.
• Casi mitar di e miembronan di Parlamento (10 di e 21 nan) no ta duna e ley aki nan apoyo.
"Ora bo ignora e bos di tanto hende y bo ta pasa over di bo mesun Parlamento, bo ta kibra cu e fundeshi di nos democracia. Esaki no ta liderazgo, esaki ta impone un boluntad riba un pueblo cu a bati alarma caba," e fraccion a enfatisa.
Contra nos Constitucion y nos lucha MEP ta recorda comunidad cu e ley aki den su forma actual ta bay contra nos Constitucion (Staatsregeling). Ta doloroso mira con despues di 40 aña cu nos a logra nos Status Aparte, awe kier debilita nos autonomia cu un ley cu no a wordo debati ni acepta debidamente door di nos representantenan. "Nos lucha di antes tabata pa nos mes por dicidi nos rumbo. Forsa e ley aki ta un paso atras den nos historia."
Speransa y Determinacion
A pesar di e noticia aki, Fraccion di MEP ta manda un mensahe fuerte di speransa. "Pueblo di Aruba por conta cu nos. Nos no lo permiti pa mishi cu e dignidad di nos pais ni cu e derecho di e trahado. Nos lo uza tur herment legal y politico pa defende nos autonomia y nos democracia."
Fraccion di MEP ta termina bisando: "Nos compromiso ta cu e 10.000 firmantenan, cu e trahadonan y cu cada famia cu ta kere den un Aruba liber. Nos lo keda bringa pa e respet cu nos Himno y Bandera ta representa."
Parlamentario Eduard Pieters (PPA):
Minister PleniPotenciario ta un Paso necesario Pa Proteha autonoMia di aruba
Diaranson Aruba a lanta cu un noticia politico cu a crea bastante discusion: porfin pais Aruba tin un Minister Plenipotenciario nobo den persona di sra. Milly Schwengle. E nombracion aki a pone fin na un periodo di incertidumbre y eror cu e gobierno actual a comete pa 11 luna, unda Aruba a keda sin e representante clave na Den Haag. Segun parlamentario Eduard Pieters di fraccion PPA, e paso aki no ta solamente un nombracion administrativo. Ta un asunto constitucional cu ta toca directamente posicion di Aruba dentro di Reino Hulandes.
Un funcion cu ta den Statuto di Reino
E rol di minister plenipotenciario ta stipula den Statuto di Reino (Statuut voor het Koninkrijk der Nederlanden), unda cada pais autonomo dentro di Reino mester tin su representante na Den Haag. “E minister plenipotenciario ta participa den Rijksministerraad, e conseho unda ta discuti y tuma e decisionnan di Reino. E funcion aki ta crucial paso, e ta representa Aruba den e decisionnan di Reino, e ta facilita dialogo diplomatico entre Aruba y Hulanda y e ta proteha interes di Aruba den e asuntonan constitucional, financiero y politico. Pa fraccion di PPA, esaki tabata un punto fundamental desde principio. Pieters a enfatisa cu Aruba no por keda sin un bos oficial na Den Haag y gobieeñrno no por keda comete e eror aki,” Eduard a enfatisa.
Un debate politico cu a tuma demasiado tempo
Segun Pieters, e nombracion aki ta yega despues di presion politico y un discusion prolonga entre e partidonan di gobierno AVP y Futuro. Den pasado reciente,
algun lider politico a expresa cu no tabatin mester di un minister plenipotenciario y cu e funcion aki ta costa demasiado placa pa pais Aruba. Sinembargo, e decision di diaranson ta mustra cu finalmente a haya un formula pa restablece e posicion. “Pa PPA, esaki ta confirma loke fraccion a defende desde principio: Aruba no por ignora e responsabilidad constitucional, cu ta bin cu su status di pais autonomo”.
Experiencia y preparacion pa
Den Haag
Pieters a expresa confianza den e capacidad di sra. Milly Schwengle. Sra. Schwengle ta un persona cu a traha pa basta aña den Raad van State, un institucion central den sistema huridico di Reino Hulandes. Segun Eduard: “E experiencia aki ta duna un bentaha importante: conocemento profundo di e procedimentonan constitucional, experiencia den cultura politico di Den Haag y comprension di e relacionnan entre e paisnan den Reino”. Den un momento, unda Aruba ta celebra 40 aña di Status Aparte, Pieters ta enfatisa cu e representante na Den Haag mester ta preparado pa defende autonomia di Aruba cu firmeza.
Autonomia no ta simbolo —
Ta responsabilidad
“Pa fraccion di PPA, e nombracion di un minister plenipotenciario ta mas cu algo simbolico. Ta un instrumento pa proteha nos principio fundamental: Aruba como pais autonomo dentro di Reino Hulandes. E representante den Den Haag tin un rol esencial ora tin discusion riba: cooperacion financiero, legislacion di Reino y relacion diplomatico entre e paisnan”.
Segun Pieters, Aruba mester tin un bos fuerte pa defende su autodeterminacion y autonomia, manera e Staatsregeling di Aruba ta stipula.
Finalmente fraccion di PPA ta desea sra. Milly Schwengle hopi sabiduria y exito den e funcion importante aki. “Aruba mester un representante cu ta defende interes di pais cu dignidad y conocimiento. Pero e episodio politico cu a precede e nombracion
tambe ta lanta hopi pregunta serio riba direccion di gobernacion. Un pais no por cambia posicion constantemente riba asunto asina fundamental,” Eduard a expresa. Mientras Aruba ta celebra 40 aña di Status Aparte, e mensahe di Pieters ta cla: autonomia no ta solamente un celebracion historico. Ta un responsabilidad diario pa proteha interes di nos pueblo. Aruba mester keda “baas den nos mesun cas.”
Departamento Di relacionnan exterior ta uni su mes na e lema munDial “Give to Gain” Den cuaDro Di Dia internacional Di HenDe muHe
ORANJESTAD –
Den cuadro di Dia
Internacional di Hende Muhe, Departamento di Relacionnan Exterior (DBB) ta uni su mes na e lema mundial “Give to Gain”. E mensahe ta poderoso: ora nos inverti den e capacidad di hende muhe y mucha muhe, nos ta activa un reaccion den cadena cu ta fortalece nos economia, nos famianan y nos ta eleva nos sociedad completo.
Pa DBB, e dia aki ta un compromiso bibo pa habri caminda pa e futuro generacionnan. Nos vision ta un Aruba unda hende muhe y mucha muhe ta gosa di e libertad pa scoge nan rumbo cu seguridad, e espacio pa destaca den tur nivel profesional, y un asiento na mesa unda nan bos ta resona den cada decision crucial.
Den e mundo di diplomacia, nos ta aplica e filosofia di "Give to Gain" tur dia. E no ta solamente un intercambio di man den reunionnan oficial, sino e herment principal pa construi e brugnan cu nos muhenan mester pa yega nan meta: • Conexion Global: Pa medio di nos relacionnan internacional, Aruba ta keda conecta cu e standardnan di mas halto di United Nations pa proteha derechonan humano cu un atencion especifico riba e derechonan di hende muhe.
• Empoderamento pa medio di cooperacion: Pa medio di nos asociacionnan internacional, nos ta facilita e intercambio di conocemento y experencia den areanan clave manera ciencia, politica,
sostenibilidad y economia. Nos ta traha pa habri porta na proyectonan y plataformanan cu ta sirbi como un catalisador, treciendo programanan di desaroyo y mihor
practicanan pa fortalece e posicion di nos hende muhe y mucha muhenan riba e escenario mundial • E bos den exterior: Como e bos di nos isla den exterior, DBB ta
e muHe Balente
No ta esun cu ta sinti miedo Pero ta esun cu ta sigui avansa apesar di tin miedo. Esun cu ta cai , ta lanta , ta siña i ta sigi padilanti . Esun cu ta kere den dje mes apesar di no a wordo scucha .
AWE MI TA CELEBRA E MUHER EY CU TA LUCHA DEN SILENCIO CU TA SOÑA DEN GRANDI I NO TA RINDI .
E MUHE EMPODERA
Ta esun cu ta posee un fuerte sentido di autoestima , independencia i confiansa den dje mes. E cualidadnan aki ta permitie enfrenta desafio tuma desishonnan firme i lucha pa su objectivonan cu determinashon sin cai.
NA MI OPINION KIKO TA E MENSAHE PA UN MUHER LIBER I FUERTE I DETERMINA ?
reafirma cu Aruba ta un pais moderno cu ta balora e talento y ta reconoce e derecho di hende muhe y mucha muhe riba tur nivel.
E simbolo di e aña aki, dos man habri, ta recorda nos cu duna ta nifica multiplica. Nos ta invita tur sector: gobierno, comercio y comunidad pa bira mentor, ofrece oportunidadnan di liderazgo y inverti den educacion di nos hende muhenan.
Loke nos ta planta awe, ta e cosecha di mayan. Departamento di Relacionnan Exterior ta felicita tur hende muhe riba nan dia y ta reafirma su compromiso pa sigui traha pa un mundo unda cada hende muhe y mucha muhe tin e libertad pa briya.
Nos no por hasi cosnan grandi pero si chikito cu hopi AMOR . E excito ta haya loke bo kier ; AMOR pa wordo Respeta i Aprecia . Felicidad ta Stima loke bo ricibi cu ta RESPET I ATENSHON .
MUHERNAN BOSO MESTER PURBA HASI LOKE E HOMBERNAN A INTENTA : SEA BO MES FIRME DEN LOKE BO TA DESEA COMO MUHER .
MUHERNAN LANTA RIBA SIN MIEDO LUCHA PA LOKE BO TA DESEA DEN BIDA . NO MAS MALTRATO NO MAS HUMIYASHON BIDA TA CORTICO PESEI SEA FELIS I GRADICI DIOS PA E ANJANAN RICIBI.
Autor : Omaira I Rodriguez - Britten
Rotonde dilanti Cas di CultuRa ilumina ColoR patRiotiCo den maRCo di CelebRaCion naCional
En conexion cu e celebracion di 40 aña di Status Aparte y 50 aña di Himno y Bandera di Aruba, e rotonde conoci como “Las Americas”, situa riba e ruta entre aeropuerto y e area hotelero, a wordo ilumina cu luz blauw como simbolo
di orgullo nacional y union. E gesto simbolico aki no solamente ta honra e ocasion special pa comunidad di Aruba, pero tambe ta forma parti di un proyecto mas amplio di renovacion y reforestacion cu ta transforma e espacio
den un area moderno y berde, reflehando identidad, naturalesa y progreso di Aruba.
E rotonde Las Americas ta un di e puntonan mas importante riba e ruta entre aeropuerto y e area hotelero, caminda un gran cantidad di vehiculo ta pasa diariamente. Den e ultimo añanan, e area a haya un facelift minimo, y awor e proyecto a drenta den un fase mas amplio di renovacion completo.
Durante aña pasa a duna inicio na e plan di transformacion di e rotonde, cu ta inclui un diseño moderno y atractivo combina cu un enfoke fuerte riba naturalesa. Como parti di e iniciativa aki, den october 2025 a cuminsa cu e plantacion di 176 mata, incluyendo variedad di mata nativo y naturalisa na Aruba.
Entre e matanan nativo planta tin Fofoti, Pal’i Sia Cora, Raspa Cora y Raspa Biña, mientras cu
otro variedad naturalisa manera Flamboyan y Oleander di Boneiro tambe ta forma parti di e paisahe di e rotonde.
Prome Minister Mike Eman, kende ta lidera e proyecto nacional di reforestacion, a enfatisa cu e vision ta pa trece matanan nativo bek den nan ambiente natural y contribui na e meta di haci di Aruba un isla mas berde. Segun Eman, e plantacion di matanan no solamente ta fortalece naturalesa, pero cu tempo tambe lo crea mas sombra y contribui na mehoracion di e clima local.
Durante e ceremonia di cendemento di luz, Prome Minister Eman a expresa su gradicimento na Departamento di Obranan Publico (DOW), Fantastic Garden pa nan sosten den e ehecucion di e proyecto, y na Aruba Tourism Authority (ATA) pa nan sosten financiero. Tambe a gradici e trahadonan cu diariamente ta cuida y
mantene e area nan banda di caminda limpi y den bon estado.
Mirando e luna di patria y e celebracion di Dia di Himno y Bandera, e rotonde a wordo ilumina cu luznan colornan di e bandera di Aruba, creando un bista simbolico pa tur esnan cu ta pasa riba e ruta importante aki.
Durante e momento special aki tabata presente tambe Minister di Infrastructura drs. Rene Herdé, hunto cu diferente miembro di Parlamento, Stephany Sevinger, Dennerich Kelly, Clifford Heyliger y John Hart y Ruthlyn Lindor kende a acompaña e acto simbolico di cendemento di luz.
E iluminacion di e rotonde Las Americas ta forma parti di e celebracion nacional di Aruba, resaltando e orguyo, historia y progreso di e isla den marco di e conmemoracion di 40 aña di Status Aparte y 50 aña di Himno y Bandera.
Minister Geoffrey Wever: Celebrando dia internaCional di
Muhe:
Muhenan eMpresario CoMo e Motor di eConoMia di aruba
8 di maart ta marca Dia Internacional di Muhe, fecha dedica na memoria historico, reconosimento di logro y reafirmacion di compromiso pa un sociedad mas husto y inclusivo. E dia aki tambe un momento pa honra e resiliencia, creatividad, y poder economico di muhernan rond mundo.
Pa Aruba, e dia aki ta un oportunidad pa reconoce cu hende muher no ta simplemente participantenan den nos economia; nan ta forma un parti esencial di desaroyo di nos economia. Ora nos refleha riba nos progreso, e datonan di e ultimo raportnan economico y social ta resalta un berdad cla: ora muhernan empresario tin exito, Aruba tin exito.
Segun e Censo di 2020, muhernan awor ta ocupa 45,3% di tur posicion di maneho (managerial positions) na Aruba. E liderazgo aki ta visibel den varios di nos sector economico, for di produccion di cuminda artesanal te na innovacion cientifico.
Na 2025, DEZHI a lansa nan campaña "Cumpra Local". Esaki a pone den spotlight algun negoshi destacabel lidera pa muher cu ta contribui na e structura social y economico di nos isla:
Zaida Everon, doño di T2Pan Sourdough Boutique, ta demostra con vakmanschap cientifico por construi un marca local exitoso.
Rachell Peterson, fundado di Farma Cure Fungi, ta un pionero den agricultura sostenibel, usando metodonan di laboratorio pa produci hongo medicinal y culinario di alta calidad aki mes riba nos isla.
E muhernan aki ta representa e cientos di empresarionan cu ta converti vision den realidad, creando empleonan y diversificando nos economia.
E Impacto di "She Means Business"
E Ministerio di Economia y Finansa, a traves di e Directie Economische Zaken, Handel en Industrie (DEZHI), ta comprometi pa brinda e hermentnan necesario pa muhernan escala nan proyectonan. Na maart 2025, Exprodesk a lansa e iniciativa "She Means Business: Women Empowerment Month". Dentro di e programa aki, a ofrece un serie di workshops diseña pa construi "capacidad di exportacion" y "mentalidad empresario" y duna hende muhe mas tools y conocemente dentro di varios areanan pa nan por desarroya nan mes como
empresario.
Di e clientenan nobo cu a busca guia na IDEA, cual ta forma parti di DEZHI, na 2025, casi 40% tabata muher buscando pa cuminsa of expande nan mesun empresa. Es mas, e following di IDEA ariba plataforma social, ta mayoritariamente femenino, cu muhernan den e categoria di edad di 35-44 aña formando e segmento mas grandi y activo di nan 3.100 siguidornan. Esaki ta demonstra un deseo y interes grandi y activo pa emprendemento cerca muhernan Arubiano.
Banco Central di Aruba ta raporta cu nos Gender Inequality Index (GII) a mustra un tendencia di reduccion riba termino largo, locual ta nifica cu nos ta moviendo mas cerca di igualdad berdadero. Es mas, Aruba ta destaca su mes cu un di e nivelnan mas abou di desigualdad di genero ora nos wordo compara cu otro Small Island Developing States (SIDS).
Minister Wever ta aplaudi e trabou di DEZHI, IDEA y Exprodesk pa nan trabou continuo pa apoya, inclui y stimula e participacion di
hende muhe den e mundo di entrepreneurship y empresa. Tambe minister Wever ta reafirma e compromiso di Kabinete AVP- Futuro pa sigui traha den colaboracion cu sector priva pa jega na un igualdad berdadero.
Dia Internacional di Muher ta enfatiza e importancia di promocion di igualdad di genero y e proteccion di derechonan di muhe y ta un recordatorio cu igualdad di genero no ta solamente un meta social, e ta un manera pa aporta na un economia mas sano, diversifica, resiliente y fuerte.
CLA PA INICIA NAN CARERA POLICIAL
29 STUDIANTE A HURAMENTA Y 14 POLIS A RICIBI NAN DIPLOMA DI LIDERAZGO
Noord, ARUBA: Awe diahuebs mainta a tuma lugar un ceremonia protocolario den e ballroom den Double Down na J.E. Irausquin Blvd. Den presencia di Minister di Husticia, Integracion y Transporte Publico mr.
Arthur Dowers, altocomisario di Polis drs. Ramon Arnhem, Hefe di Scol di Polis E.J. Watty Vos sr. Sherina Arrindell, famia y
coleganan a huramenta 29 studiante di Polis tambe entrega di diploma na 14 agente policial cu a termina nan estudio di liderazgo cu exito. Tabata despues di mas o menos 1 aña di ehercisio pisa tambe conocimento di leynan, 29 studiante di klas MBO nivel 4 2024 y 2025 a huramenta. Esaki ta e prome parti di nan estudio pa asina nan por subi caya pa stage. E ta un estudio di 4 aña na unda cu nan mester pasa diferente pruebanan como parti di nan estudio policial.
Alabes 14 agente policial cu a sigui nan estudio di liderazgo a termina esaki
cu exito despues di a pasa diferente pruebanan pisa pa asina preparanan pa nan por ta lidernan nobo den nos organisacion. Responsabilidad tambe ta crece mas aun y awor nan ta prepara pa esaki.
“Nos ta keda construi un Cuerpo fuerte, nos tin mas man, mas wowo pa e seguridad di e pueblo, e studiante nobo no ta cla ainda, nan falta pero bou di bon guia y bon norma di Polis nos lo mira bon resultado” tabata palabranan di Minister di Husticia Arthur Dowers. “Kisas bo ta haya mas strepi of subi di rango, pero ta un Polis integro, duna respet y tin e norma cu balornan
halto ta haci bo un bon Polis. Masha pabien na tur studiante cu a huramente awe tambe na e agentenan policial cu a ricibi nan diploma, boso a traha duro pa
esaki!” tabata palabranan di altocomisario Arnhem masha
orguyoso di mira desaroyo positivo den nos Cuerpo. Danki na e famia di cada studiante- y agentenan
policial pa nan sosten y apoyo, sin boso esaki no lo ta posibel.
Di parti Cuerpo Policial Aruba masha pabien cu e logro aki!
Yamada a habri: ronda nobo pa b eka di museo
E ronda nobo pa Beka di museo a habri pa hasi petishon. E programa akí ta fasilitá investigashon ku ta aportá na fortifikashon di e funshon sientífiko di museonan. Kolaboradónan di museo por entregá petishon pa beka di investigashon, dirigí riba investigashon di i pa museonan.
Seshon di informashon ònlain 10 di mart Djamars 10 di mart 2026 NWO ta organisá un seshon di informashon relashoná ku e ronda nobo di yamada ‘Beka di museo’. Durante e enkuentro ònlain akí partisipantenan ta risibí mas informashon tokante e yamada i e proseso di aplikashon. Tambe tin sufisiente oportunidat pa hasi pregunta.
Wak e enkuentro di informashon
Tokante e yamada
Den e programa Beka di Museo, kolaboradónan di museo por pidi supsidio pa investigashon sientífiko di profundidat kòrtiku, relashoná ku museo òf kolekshon. E resultadonan mester benefisiá e práktika di investigashon riba tereno di museo i ser dokumentá den un publikashon ku akseso habrí. Kolaboradónan di un entidat di museo por fungi komo petishonario prinsipal. Pa kada petishon un investigadó afiliá na un organisashon di investigashon ta embolbí komo guia di e investigashon. E programa Beka di Museo no ta fortifiká solamente e
posishon di investigashon relashoná ku museo
den e área sientífiko, pero ta promové tambe koperashon i interkambio di konosementu entre museo- i institushonnan di investigashon. Wak yamada pa proposishon
Presupuesto i último fechanan E plafòn di supsidio pa e yamada pa entregá proposishon akí ta suma en
total € 700.000. Pa kada proyekto tin un mínimo di € 10.000 i máksimo di € 50.000 ku por pidi na supsidio. E último fecha pa hasi petishon ta djamars 12 di mei 2026, 14:00:00 CEST.
p rome “ b aki den b ario” pa
2026 anuncia pa diasabra awo
Aruba ta continua fortalece su compromiso cu limpiesa y orden den bario, cu e anuncio di e prome edicion di “Baki den Bario” pa aña 2026, cu lo tuma luga diasabra 7 di maart den e bario di Tanki Leendert. Accion lo ta riba un tereno cu ta keda net patras di Scol Colegio Ora Ubao.
E iniciativa, cu a haya bon respuesta durante 2025, ta un esfuerso conhunto entre Serlimar, City Inspector, DOW, Compania Carenza y demas stakeholders, cu e meta di facilita comunidadnan cu un forma practico, accesibel y organisa pa deposita sushi y desperdicio voluminoso. Durante e anuncio, Prome
Minister Mike Eman a destaca cu “Baki den Bario” no ta solamente un actividad di limpiesa, pero un instrumento concreto pa acerca servicio publico mas cerca di e ciudadano. Na caminda pa Baki permanente Ademas di e edicion regular den bario, Gobierno a confirma cu tin plan pa pronto introduci un sitio piloto permanente, cu lo ta disponibel 24 ora pa dia, 7 dia pa siman.
E sitio aki lo permiti depositacion di diferente tipo di desperdicio, tanto residencial como comercial, sin costo pa e usuario.
E meta ta pa habri e prome sitio permanente na final di maart of comienso di
april. Cu esaki, gobierno kier reduci e necesidad pa transporta desperdicio pa otro area remoto y facilita un solucion mas structural pa maneho di sushi.
Segun stakeholders, e iniciativa ta basa riba colaboracion amplio. “Nos ta mira con Aruba por bin hunto pa mantene nos isla limpi. E apoyo di diferente entidadnan publico y priva ta fundamental pa logra e meta aki.”
“Baki den Bario” lo sigui move pa diferente bario grandi riba e isla durante 2026, sigurando cu cada parti den comunidad tin oportunidad pa participa activamente den mantencion di un Aruba mas limpi y ordena.
Proyecto Mabon den su fase final Renobacion completo cu satisfaccion di su habitantenan
E plan di restauracion di barionan, parti di vision mas amplio pa revitalisa comunidad residencial, ta sigui demostra resultado concreto, y Mabon ta bibo ehempel. E proyecto di rehabilitacion di e flatnan ta actualmente den su fase final, cu entrega previsto dentro di dos siman.
Robert Correa (ALBO), contratista responsable pa ehecucion di e trabounan, a splica cu e proyecto a representa un reto considerable, mirando cu habitantenan a sigui biba den nan apartamento durante tur e proceso di renobacion.
“Renobacion den un edificio habita semper ta un reto,” Correa a expresa.
“Tin hopi movecion, hopi buya, pero nos a traha cu respet pa cada persona su cas y nos a percura mantene bon comunicacion cu cada habitante.”
E trabounan a inclui:
• Cambio di bentana y porta
• Restauracion
completo di fachada
• Pintura exterior cu un color nobo y mas moderno
• Reenforsa murayanan pa mas privacidad
• Mehoracion di parking, cada apartamento cu su espacio propio
• Instalacion di
hekwerk y portanan pa mas siguridad
• Restauracion di trapi y structuranan di beton
Segun Correa, un di e retonan di mas grandi tabata reemplasa parti di e structura di beton y trapinan, pero e ekipo a logra completa esaki exitosamente.
“Nos ta contento cu e resultado final. E color nobo a duna e edificio un aspecto moderno, y lo principal
ta cu e habitantenan ta satisfecho,” el a indica. E coordinacion cu comunidad, describi como positivo. A pesar di algun inconveniente temporal, e ambiente general a keda di colaboracion y comprension.
Cu e proyecto casi completo, Mabon ta presenta un imagen renoba, simbolo di e esfuerso continuo pa mehora infrastructura residencial y fortifica orguyo di e bario.
Minister di s ervicio i nterno di bishita na b ureau i nterne d iensten ( bid )
Den cuadro di su maneho pa cu su cartera di Minister di Servicio Interno, drs. Rene Herdé, recientemente a bishita Bureau Interne Diensten (BID).
Minister Herdé hunto cu su team a haci un recorido na BID y a pasa na diferente seccion. E trahadonan a comparti cu Minister kico nan trabou
ta encera. Despues tur hende presente a haya un presentacion di Departmento di Recurso Humano (DRH) tocante e restructuracion di nan departamento. Na final di e presentacion e trahadonan di BID tawatin e oportunidad pa haci pregunta. E meta di e bishita aki tawata pa e trahadonan
haya informacion tocante e restructuracion, pa asina nan por ta na altura di kico esaki ta nifica pa nan y alabes pa duna nan oportunidad pa comparti cualkier preocupacion cu nan por tin.
Minister Herdé kier gradici BID y DRH p'e cooperacion brinda.
cn a vt- examen awor
na a ruba via i Pa
Instituto Pedagogico Arubano (IPA) ta brinda e posibilidad pa haci e test di CNaVT Social Formal (B1), Competente Educativo (B2) y Profesional Educativo (C1). Esaki ta destina pa e studiantenan cu ta desea di haci e test aki na Aruba prome cu nan biaha pa Hulanda of Belgica pa sigui studia. Tin diferente estudio den enseñansa superior na Hulanda y Belgica cu ta exigi cu e studiante ta domina cierto nivel di Hulandes. Awor por medio di IPA ta posibel pa haci e test aki na Aruba y ricibi e resultado prome cu biaha pa Hulanda of Belgica pa sigui studia. Balor di CNaVT
Un Certificado di Hulandes como un Idioma Stranhero (CNaVT) ta brinda
oportunidad pa, entre otro, estudio y desaroyo profesional. Esnan cu tin un certificado por haya dispensacion parcial pa e examen di integracion na Hulanda y Belgica. Algun certificado ta duna entrada na un estudio universitario na Hulandes of por habri porta pa trabao den enseñansa of pa reconecemento como traductor of interprete huramenta.
Kico ta CNaVT?
Proyecto CNaVT di Taalunie ta ofrece cinco examen pa esnan cu ta siña Hulandes como idioma stranhero y kier haya un certificado reconoci tocante nan nivel di idioma. E examennan ta midi funcionamento linguistico riba cuater nivel diferente
segun Marco Referencial Europeo (ERK), di A2 te cu C1. Cada examen ta ubica den un area specifico (social, educativo of profesional) y tin obhetivo apart.
Examen
• Social Informal (INFO) - A2: Pa esnan cu kier comunica den situacion informal, di tur dia.
• Social Formal (FORM) - B1: Pa esnan cu kier funciona den contexto mas formal den comunidad Hulandes of Vlaams.
• Comercial Profesional (PROF) - B2: Pa esnan cu kier traha na pia di trabou, specialmente den sector di cuido di salud of profesion administrativo.
• Competente (pa cuminsa) Educativo (STRT)
- B2: Pa esnan cu kier cuminsa un estudio na un scol superior of universidad Vlaams of Hulandes.
• Profesional Educativo (EDUP) - C1: Pa esnan cu kier traha den enseñansa of un ambiente di negoshi, unda rekisito ta un nivel avansa di Hulandes.
Via IPA bo por haci e siguiente examennan:
• Social Formal (FORM) - B1
• Competente (pa cuminsa) Educativo (STRT) - B2
• Profesional Educativo (EDUP) - C1
Procedura di inscripcion
Pa inscribi pa un examen click riba e siguiente link: https://docs.google.com/ forms/d/e/1FAIpQLScFs6yz XTXdtkENv01NuStTWibtf Snq
JBIEw6NL-5CCVeO3JQ/ viewform?usp=publisheditor
Tene na cuenta cu e ultimo dia pa inscribi ta diahuebs dia 19 di maart. Despues di e fecha aki no por inscribi mas pa participa na e ronda di mei. E examennan lo tuma luga entre 4 y 8 di mei 2026 y lo tuma luga riba 2 parti di dia.
Pa mas informacion, bishita: https://cnavt.org/
Minister Dowers a ricibi bista a M plio riba operacion y retonan na c enso
Dialuna mainta, Minister di Husticia, Integracion, Transporte Publico y Energia, mr. drs. Arthur Dowers, a haci un bishita na Censo. Directora di Censo, mr. Sharin Luydens, a duna Minister Dowers un presentacion basta extenso di e operacion diario di Censo, cual ta varia for di registro di nacimento, in- y uitschrijving den registro civil, otorgamento
di rijbewijs, cedula y paspoort y diferente otro servicionan esencial. Durante e presentacion a keda demostra cu esakinan no ta procesonan facil. Tin procesonan extenso di verificacion di documento pa evita casonan di falsificacion y pa mantene integridad di nos registro civil. Specialmente den casonan di registro di personanan cu a nace den exterior,
tin un proceso intensivo di control y verificacion di documentonan procedente di e pais di origen.
E proceso aki ta depende riba sistemanan digital di e pais di origen di e persona cu kier registra su mes na Censo y no tur ora tin acceso cual ta afecta e proceso. Entre otro, ta trata di verificacion di legitimidad di prueba di nacimento, apostiya,
paspoort y varios otro rekisito necesario pa por keda registra debidamente den nos registro civil. Den combersacion cu trahadonan di Censo, Minister Dowers a haya un bista real di e cantidad di trabao y e retonan cu tin debi na e aumento di cliente di e ultimo tempo. Ademas minister a scucha e preocupacionnan di e personal y a reconoce e esfuerso continuo cu nan ta haci pa atende comunidad di manera profesional. Minister Dowers a expresa elogio na tur empleado di Censo, tanto esnan cu ta atende gran cantidad di publico tur dia, como esnan den back office cu ta maneha e cantidad di trabao administrativo specialisa. Segun Minister
Dowers, e trabao cu Censo ta haci ta fundamental pa bon gobernacion y pa mantene stabilidad y siguridad administrativo den nos pais. Minister Dowers ta comprometi pa trece solucion a corto plaso pa yuda alivia e cantidad di trabao y pa reduci e tempo di espera pa servicio di Censo.
Un feliz dia y cu Dios bendiciona boso ricamente
”P’esey obedece y sigui tur cos cu nan bisa, ma no haci manera nan ta haci si! Pasobra nan mes no ta haci loke nan ta bisa. Mateo 23,1
Rumannan e Palabra di Dios ta siña nos cu nos mester ta atento, hopi hende ta papia bunita pero nan bida ta mustra e contrario.Nos mester purba sigui e bida di Hesus.
E no ta facil pero e recompensa ta Bida Eterno. Awo cu ta tempo di Cuaresma ban pidi Hesus laga nos cana hunto cu nE.
Si nos conoce su Palabra ban bibe. Ban cana cu Hesus, ora nos trompeca pidi’E lanta nos bek. Bunita ta cay y lanta bek y reconoce cu nos a comete un eror y pidi pordon. Sea humilde.
Oracion: Dushi Hesus nos kier ta humilde, cana den Bo pasonan. Guia nos y mustra nos cua ta e obra cu Bo kier nos haci den e Cuaresma aki. Laga nos papia y ta un ehempel di Bo den obra y nos bida diario. Amen.
Aruba presente na ANATO 2026
Un vision reforsa pa crecemento regional, conexion aereo mas ampleo y un turismo mas consciente
Aruba a participa un bes mas na ANATO, un di e vitrina, esta ‘showcase’, turistico mas importante den Latino America, cu a tuma luga entre 25 y 27 di Februari na Corferias, Bogota. Den e edicion aki, Aruba a presenta un propuesta enfoca riba consolidacion di e mercado Colombiano y Latino Americano, fortalecemento di conectividad aereo y evolucion pa un turismo di mas balor y mas consciente. Cu un delegacion di 29 representante di sector priva incluyenado hotelnan, DMC, operadornan di tour y servicio specialisa, Aruba ta reafirma su compromiso profundo cu e mercado Latinoamericano. ANATO ta sirbi como un plataforma esencial pa amplia y fortifica aliansanan y pa mustra mas di loke Aruba ta ofrece como destinacion. E tema e aña aki tabata “Colombia abierta al mundo” y a conta cu mas di 1.600 exposicion y un
regional te 15%. Esaki ta confirma e rol esencial di e region pa Aruba.
publico di alrededor di 10 mil participante pa dia.
E ekipo di Aruba Tourism Authority (A.T.A.) a tene un agenda intensivo durante ANATO na Colombia, incluyendo entrevista cu diferente medionan, reunionnan strategico cu aerolineanan manera Avianca, Wingo, Copa y Gol, y reunionnan cu socio importante di trade turistico. Nan a inaugura tambe e booth di Aruba na Vitrina Turistica hunto cu embahadora di Reino Hulandes, Señora Reina Buijs, y Holland House.
Impacto fuerte di mercado Latino America
Aruba a ricibi 1.515.102 bishitante internacional den 2025, un aumento di 6.6% compara cu 2024. Region Latinoamericano a contribui cu 231.939 bishitante, un crecemento notable di 27%, aumentando participacion
E strategia ta pa stabilisa mercado di Colombia y diversifica dentro di Colombia. E perfil di bishitante di Brasil, Chile, Argentina ta significante y pesey mes e strategia conforme ‘high value markets’ ta pa crece e mercadonan aki. A sigura mas vuelo di LATAM Airlines entrante April cu ta move di 5 pa 7 vuelo semanal. Ademas, a introduci vuelonan nonstop for di Argentina entrante Januari 2026 y ta conta cu expansion di COPA y hopi frecuencia di Avianca entre otro. A.T.A. ta gradici principalmente nos socionan di aeropuerto kende ta traha di cerca pa cu e logronan aki. Tur ta cuadra cu e strategia y esaki ta dunando su fruto! Crecemento di e mercadonan di prioridad strategico lo aporta na un total di 8% di crecemento, mientras cu Colombia, Ecuador y Peru lo mantene un ritmo mas stabiel.
Un aña di union cultural y presencia regional E trabou den exterior ta sigui. Aña 2026 ta carga di celebracion y simbolismo cultural: 50 aña di Himno y Bandera di Aruba, 40 aña di Status Aparte y 200 aña di relacion comercial entre Reino Hulandes y Colombia. A.T.A. lo organisa actividadnan den henter region di Latino America, incluyendo celebracion di 18 di Maart hunto cu media pa honra simbolonan nacional di nos isla. Aruba tambe lo participa den Copa Colsanitas y lo presenta evento gastronomico nobo pa mustra cultura culinario di isla, un di e experiencianan cu biaheronan Latinoamericano ta aprecia mas.
E resultadonan y
proyeccionnan pa 2026 ta reforsa cu Latino America ta keda un mercado esencial pa Aruba. Diversificacion ta un pilar central den e strategia di A.T.A., y cu un enfoke mas consciente riba desaroyo turistico. Den colaboracion
constante cu diferente socio den region, A.T.A. ta compromete pa sigui cu un modelo di turismo mas responsabel, di balor halto y alinea cu e cambio den demanda di biaheronan actual.