"Carolyne KoCK ta lansa su Video MusiCal pa su CantiCa di pasCo di 2025 “un Bon pasCo eVeryone”
Carolyne Kock, conoci como Carly, e Popchi di Pasco y e mucha artista di nos isla conoci pa su energia briyante, su cancionnan di Pasco y presentacionnan tur caminda, ta trece su video musical oficial pa su cantica di Pasco 2025, “Un Bon Pasco Everyone.” Carolyne no ta desconoci den e temporada aki mirando cu ja esaki ta su di 4 cancion di Pasco. Anteriormente e la saca cancionnan manera Tempo
di Pasco, Pasco Ya Bo a Yega, y Baila Cu Mi Santa Clause. Tur ta cancionnan cu a sali number 1 riba Topnan di Pasco local.
E video alegre y yena di diversion ta capta tur e felicidad, calor humano y emocion di e temporada di Pasco, combinando fiesta moderno cu e spírito tradicional cu ta haci e tempo di Pasco special pa famia rond di mundo. Cu visualnan vibrante, baile
alegre y e gracia natural di Carolyne, e clip ta duna bida nobo na e cancionnan clasico di Pasco riba un manera felis y inspirador. Nos tur gusta scucha cancionnan clasico di Pasco ora nos ta den famia, ora nos ta preparando cuminda y snack nan pa Pasco, y decorando nos cas. Y kiko no ta mas dushi cu scucha canticanan di Pasco hunto den famia.
“Un Bon Pasco Everyone” ta celebrá union, bondad y e tradicion familiar cu ta hunga un papel importante den tur pais durante e fiesta di fin di aña. E mensahe di Carolyne ta simpel pero hopi profundo: Pasco ta un tempo pa comparti alegria, amor y momentonan bunita, no importa unda bo ta na mundo.
E video musical ta disponibel awor riba youtube channel di Pitbull Singing Productions, invitando tur hende pa uni cu Carolyne pa
celebra e temporada di Pasco nacemento di Hesus cu hopi alegria y e spírito festivo. Un dushi cancion pa henter famia y specialmente nos muchanan goza di dje e temporada dushi aki. Pidi
e cancion aki tambe na bo emisora local faborito. Youtube Link: https:// www.youtube.com/watc h?v=XA56ZprdCRA&list =RDXA56ZprdCRA&sta rt_radio=1
A.T.A. TA compAr Ti resulTAdo di november 2025
Alabes, ta comparti cifra di patronchi di gasto di carchi VISA durante e di tres kwartaal di 2025
Den e di tres kwartaal di 2025, den cual a registra un total di 254,261 VISA "cardholders" di 129 pais, por mira cu nan a gasta mas di USD$163 miyon na Aruba, representando un aumento di 12.3% den total di benta compara cu di tres kwartaal di 2024. E aumento aki ta representa un subida di 12.9% den cantidad di "cardholders" y un crecemento di 15.7% den volumen di transaccion, mientras cu retiro di cash a yega US$15 miyon.
Gasto pa cada "cardholder" a keda casi igual compara cu mesun temporada den 2024. Restaurants y Dining ta keda como e categoria principal den gasto cu US$48 miyon y un aumento di 16%.
E siguiente categoria ta Hotels & Lodging cu US$38 miyon y un aumento di 13.1% cu ta exclui e pago pre-paid prome cu a yega Aruba. Na tercer luga ta Retail cu US$35.5 miyon y un aumento di 10.2%.
A base di e ultimo forecast, e cantidad di turista pa Aruba lo por mustra un subida di minimo 5% na fin di 2025 (stay-over arrivals), cu tur region mustrando un crecemento compara cu 2024.
TURISMO: CRECEMENTO DI 15.9% DEN STAYOVER PA NOVEMBER 2025 COMPARA CU NOVEMBER 2024
Durante november 2025, Aruba a ricibi un total di 123,831 turista stayover, representando un crecemento di 15.9% compara cu november 2024. Esaki ta un aumento absoluto significativo. E aumento mas notabel a bini for di mercado Latino Americano, particularmente Argentina y Brasil. For di Norte America, Canada a sigui contribui den e crecemento general.
MERCADONAN Y PARTICIPACION DI E
MERCADO
Pa november 2025, 75.8% di bishitante a bini for di Norte America, 16.0% for di Latino America, 5.4% for di Europa y 2.9% for di otro region. E crecemento sobresaliente for di Latino America ta principalment stimula pa Argentina y Brasil. Aunke Europa a mustra un caida leve, Canada a logra un aumento notabel den yegadanan for di Norte America.
SHORT-TERM VACATION RENTALS (STVR)
A.T.A. ta sigui utiliza e plataforma Lighthouse pa monitorea y analiza e sector di STVR. Si
compara november 2025 cu november 2024, e nivel di ocupacion promedio a subi pa 60%. E ADR (Average Daily Rate) pa november 2025 ta USD $307, mientras cu ingreso total YTD te cu november 2025 ta USD $27.3 miyon, compara cu USD $20.8 miyon na november 2024.
Bishita www.ata.aw tur luna pa A.T.A. ‘Statistical Monthly Report’.
Noticia di Corte Chofer sin rijbewijs Cu a dal peaton y Core bay dilanti hues
ORANJESTAD – Corte di Husticia a trata e caso penal cu Ministerio Publico a cuminsa contra e homber S.T. E ta wordo acusa di a dal e homber Croes cu auto y core bay. Door di e impacto, e homber Croes a bay cay riba otro banda di caminda y dos auto a pasa riba dje cu consecuencia cu el a fayece.
SOLO DI PUEBLO por a compronde cu S.T. a bisa Hues cu el a spanta y a core bay. Hues a confirma e castigo exigi pa Fiscal y a condena S.T. na castigo combina.
DAL HOMBER CU AUTO Y CORE BAY
E acusacion cu Fiscal a presenta contra S.T. ta cu riba 2 December 2024, el a ocasiona un accidente y core bay lagando e victima den un situacion desampara. Tambe cu S.T. no tabatin rijbewijs.
Hues a bisa cu e accidente a sosode 7.30 di anochi riba e caminda principal di Oranjestad pa San Nicolas. E sospechoso S.T. a dal e peaton homber Croes. Door di e impacto, Croes a bay cay riba otro banda di caminda y dos otro auto a pasa riba Croes cu a causa cu el a fayece. Hues a bisa cu esaki tabata un accidente tragico. Fiscal a bisa Hues cu S.T. ta wordo acusa di door di su culpa, pero Fiscal no ta hay’e culpabel di a ocasiona e accidente sino di a core bay despues di e accidente y no tabatin rijbewijs.
CORE SIN RIJBEWIJS
Hues a puntra, pakico S.T. a core auto sin rijbewijs. Segun S.T., e tabata bayendo na un amigo na San Nicolas. Hues a remarca cu S.T. no por core auto sin rijbewijs. Hues a bisa cu rijbewijs ta un prueba cu bo por core auto den trafico. Den e caso aki, S.T. no por core auto pasobra e no a pasa ningun test. Hues a mustra cu S.T. a yega di pasa examen di rijbewijs pero no a logra. Hues a mustra cu anterior S.T. a haya multa di 650 florin pa tabata core auto sin rijbewijs.
Hues a bisa cu e riesgo di core sin rijbewijs ta trece cun’e cu ora bo haya bo den un accidente, e ta castigabel y cu aseguro lo no cubri nada. E
culpabel mester paga tur gasto.
A SPANTA Y CORE BAY
Hues a puntra S.T. si e por bisa kico a sosode. S.T. a bisa Hues cu tabata mas o menos 7.30 di anochi y e tabata bayendo San Nicolas. Diripiente el a sinti cu el a dal contra algo. El a mira den spiel y no a mira nada. El a spanta y a sigui core. El a bisa Hues cu ta promer biaha cu e ta pasa den algo asina y ta dificil pa papia di e accidente pasobra ainda e situacion ta traha riba dje. Hues a bisa cu segun e relato di Polis, S.T. a bisa cu el a spanta y no por a kere cu hende ta cruza caminda riba un caminda asina scur. El a core bay na un amigo y a bis’e cu el a dal contra algo. E amigo a bay check riba media y a mira cu S.T. a dal un hende riba caminda y cu e hende a fayece. E momento ey S.T. a pensa cu e ta den hopi problema. Hues a sigui bisa cu ta Polis a bay busca S.T. y cu S.T. a laga e auto serca un amigo. Segun S.T. e tabata baña pa bay Polis. Hues a remarca cu ta hopi casualidad cu ora Polis a bay pa detene S.T., e ta bisa cu net e tabata bayendo Polis. Hues a mustra cu 8 December 2024, 6 dia despues di e accidente, Polis a detene S.T. Hues a bisa S.T. pa e papia e berdad pasobra e no ta kere cu ta manera S.T. ta bisa cu e tabata pa bay Polis. Segun S.T., el a papia cu su mama y tabata planea pa bay Polis.
CHOFER AWOR TIN RIJBEWIJS
Hues a puntra S.T. kico e ta pensa awor di loke a sosode. S.T. a bisa cu e ta lamenta loke a sosode. Hues a puntra S.T. si e tin rijbewijs. S.T. a bisa Hues cu algun luna pasa el a haya su rijbewijs. Ta asina cu Hues a bisa S.T. cu e kier mira e rijbewijs. S.T. a bisa cu e tin’e den auto. Hues a pospone e caso pa S.T. bay busca su rijbewijs den auto unda S.T. a lag’e. Ora S.T. a bolbe a sigui cu e caso caminda S.T. a mustra su rijbewijs na Hues.
Hues a bisa cu S.T. a wordo deteni dia 8 December y 25 December 2024, el a wordo laga liber.
FISCAL
Fiscal a bisa Hues cu e ta haya S.T. ta culpabel di a core bay na Pos Chiquito despues di dal un hende. Un testigo a mira e auto y a duna na Polis tur informacion. Asina Polis a bin haya S.T. A resulta cu S.T. no tin rijbewijs. Fiscal a bisa cu e ta tuma S.T. na malo di a core bay despues di a dal e victima Croes. Tambe Fiscal a cuestiona e hecho cu S.T. tabata core sin rijbewijs. Fiscal a sigui bisa cu entretanto S.T. a haya rijbewijs. Fiscal a exigi 30 dia di prison, di cual 12 dia ta condicional cu un tempo di prueba di 2 aña. Esey ta nifica cu S.T. no mester bay sera den prison. Pa loke ta e auto cu a keda confisca, Fiscal a bisa cu e auto lo por wordo debolbe.
ABOGADO
Mr. Illes a bisa Hues cu S.T. ta admiti di a dal e homber Croes cu auto y core bay. E abogado a bisa cu S.T. ta lamenta masha loke a sosode. E abogado a sigui bisa cu ora di detencion di S.T., el a para responsabel pa loke el a haci. El a bisa cu S.T. a declara na Polis, cu el a spanta asina hopi cu el a core bay. El a bisa Hues cu S.T. ta lamenta hopi loke a pasa. El a bisa cu S.T. tin un trabao y ta haya e exigencia di Fiscal corecto.
SENTENCIA
Hues a sera tratamento di e caso y a dicta sentencia di biaha. Hues a bisa cu ta un hecho cu S.T. a dal e homber Croes cu auto y core bay. Hues a declara S.T. liber di e acusacion di a laga un homber desampara. Hues a bisa cu e ta compronde cu hende por reacciona asina di core bay pero e ta haya cu mester para responsabel y bay entrega su mes na Polis. Esey no a sosode y tambe cu S.T. a haya boet pa core sin rijbewijs pero awor tin rijbewijs. Hues ta haya e castigo exigi pa Fiscal na su lugar. Hues a condena S.T. na 30 dia di prison, di cual 12 dia ta condicional cu un tempo di prueba di 2 aña. Tambe cu e auto por wordo debolbe.
Page 1 Page 1 of 2 Page 1 of 1antonio lotto. Press tab to insert.
ArubA bAnk tA AnunciA gAnAdornAn di un fAbuloso “Priceless exPerience nA MAdrid”
Oranjestad – 12 di december 2025 - Aruba Bank conhuntamente cu Mastercard tin e placer pa anuncia e dos ganadornan oficial di nan “100th Anniversary Mastercard Credit Card Campaign” cu a wordo lanza dia 25 di
September y a continua te cu 15 di November 2025. Tur cliente cu a uza nan Mastercard credit card durante e periodo di e campaña a participa automaticamente pa gana un “Priceless Experience” pa Madrid pa dos persona.
E dos ganadornan di e campaña a keda den persona di Sabina Nedd & Marc Kiezebrink. Cada ganador lo ricibi dos pasashi pa Madrid y un experiencia excepcional cu ta inclui estadia den hotel di cinco strea, cena special, tour cultural y otro actividadnan unico den colaboracion cu Mastercard.
Aruba Bank y Masterecard ta felicita Sabina y Marc, y ta yama danki na tur cliente cu a participa na e campaña y cu ta confia den nos banco. Nos ta orguyoso di celebra 100 aña sirbiendo nos comunidad cu confiansa, inovacion y gratitud.
Minister di educacion, Mr. Gerlien croes, a continua cu su bishita na scolnan, coleGio conrado coronel y sPo s ta. cruz
ORANJESTAD, 12
december 2025 – Riba diaranson, Minister di Educacion, mr. Gerlien Croes, a sigui cu su serie di bishitannan na scolnan di Aruba, cu e meta pa papia cu educadornan, mira e facilidadnan di scol y tene contacto directo cu alumnonan pero tambe cu
personal di cada scol. E bishitannan ta forma parti di un ronda pa fortalece e relacion entre gobierno y sector educativo, y pa tene un bista real di loke ta pasa den e veld tur dia.
Minister Gerlien Croes recientemente a bishita Colegio Conrado Coronel y SPO Sta. Cruz, caminda
tanto educadornan como alumnonan a ricibi e Minister cu energia positivo y alegria. Tur dos scol a mustra un ambiente di dedicacion, entusiasmo y compromiso pa forma e futuro di nos hubentud. Minister Gerlien Croes a
tuma nota cu gran aprecio e entrega di tur educador y personal di scol cu dia tras dia ta traha pa brinda nos muchanan un ambiente di siñamento sano, inclusivo y di estimulo.
A sigura cu Ministerio di
Educacion lo sigui traha man den man cu scolnan pa contesta nan necesidadnan y pa sigui fortalece calidad di enseñansa na tur nivel, pero tambe percura pa sigui sostene y aprecia nan trabou diariamente.
un etaPa nobo Pa dePartaMento di asunto social
Recientemente a tuma luga mudamento oficial di Departamento di Asunto Social (DAS). Esaki a sosode den fase, prome fase tabata apertura oficial di e edificio nobo renoba na Lagoenweg, Playa, sigui pa e segundo fase cu ta mudamento di oficina na Savaneta.
Directora di Departamento di Asunto Social (DAS) dr. Rosanna van Dijk a indica cu e mudamento aki tin di haber cu e edificio ubica na San Nicolas no tabata adecua mas. E edificio ta den hopi mal estado cu a pone cu mester a actua rapidamente y busca un alternativa.
Ta papia di un solucion temproral, mirando cu e intencion ta di renoba e edificio na San Nicolas cu despues lo bolbe pasa pa Departamento di Asunto Social. Ehecucion di renobacion ta den man di DOW cu tin planificiacion di cuminsa cu renobacion den careda di otro aña. Ademas di esaki, DAS a celebra recientemente un logro hopi importante: e certificacion internacional ISO 9001, un standard cu ta reconoce cu e organisacion tin procesonan cla, un sistema di calidad structura y un compromiso firme pa
mehoracion continuo. Esaki ta confirma cu servicio social riba Aruba ta sigui elevando su nivel di profesionalismo y transparencia.
Durante ambos momento, e apertura di Lagoen y e mudamento na Savaneta,
Minister di Salubridad, Asuntonan Social, Cuido di Adulto Mayor y Maneho di Adiccion Mervin Wyatt-Ras tabata presente pa brinda sosten. Ta importante pa menciona cu e Minister en cuestion a traha na Departamento di Asunto
Social como orthopedagoog, un experiencia cu a fortalece su comprendemento di e area y su compromiso cu bienestar di nos comunidad. Minister ta sumamente orguyoso cu e por a comparti ambos momento cu nan.
Minister Geoffrey Wever: PresuPuesto suPletorio 2025 otro siman den s taten
Oranjestad, 11 di december – Minister di Finansa Geoffrey Wever ta informa cu e segundo cambio di Presupuesto 2025 a wordo entrega na Parlamento di Aruba. Despues di ricibi e preguntanan di Parlamento riba e di dos cambio di Presupuesto
2025 Gobierno a manda e contestacion pa Parlamento di Aruba. Mescos cu e prome cambio di Presupuesto 2025, e segundo cambio di Presupuesto 2025 tambe ta cumpli cu e normanan manera ancra den e ley di supervision manera menciona den varios conferencia di prensa riba ehecucion di e presupuesto 2025.
Meta primordial di Gabinete AVP-FUTURO ta un finansa publico duradero segun normanan di presupuesto ancra den ley y duna e beneficio di e desaroyo economico bek na comunidad. E segundo cambio di Gabinete
AVP-FUTURO ta cumpli cu un saldo financiero di minimo 1 porciento pa e sector colectivo manera e Landsverordening Aruba Financieel Toezicht ta prescribi. Ta premira un saldo financiero pa Pais Aruba di 1,7 porciento di e Producto Interno Bruto cu ta igual cu un surplus di 135 miyon florin y pa entidadnan cu ta forma parti di e sector colectivo un saldo financiero di 2,2 porciento cu ta igual na un surplus di 175 miyon florin. E nivel di debe ta premira di baha pa 61 porciento di Producto Interno Bruto. Gastonan di personal y goederen en diensten ta keda den e margen di e cuadro financiero.
Entradanan di gobierno ta proyecto pa crece cu casi 30 miyon como resultado di e desaroyo positivo di Aruba su economia. Cu esaki Gabinete AVPFUTURO ta cumpli cu ley.
Riba e mesun dia cu e gobierno nobo a wordo huramente, Gabinete AVPFUTURO via un nota di cambio a duna bek di biaha na comunidad. Cu aprobacion di e nota di cambio di Gabinete AVPFUTURO a baha e tarifa di inkomstenbelasting di 10 porciento pa 0 porciento, a hisa e suma di Reparatietoeslag pa 21 mil pensionado cu 250 florin extra tur luna desde 1 di mei y a baha e accijnzen
minister Wendrick cicilia ta Pidi atencion Pa introduccion di salario minimo Pa ora Pa 1 di januari 2026
Oranjestad– Minister di Labor mr. Wendrick Cicilia, 01 di september 2025 tabata den parlamento pa trata e concepto di ley pa cambia e manera cu ta calcula salario minimo. A aproba e ley aki unanimanente den Parlamento di Aruba. Minister di Labor a determina pa e cambio aki ta na vigor desde 1 di januari 2026. Cu e cambio aki, e empleadonan cu ta traha 40, 42, 44 of 45 ora pa siman lo bay conoce un aumento den nan salario pa motibo cu e manera pa calcula lo ta basa riba un salario minimo di AWG 11.58 pa cada ora cu un empleado traha.
E formula nobo di calcula salario minimo pa luna lo ta di e siguente manera: ora di trabou pa siman x 11.58 x 4,333. Esaki ta conduci na un salario minimo mas husto y ta elimina e discrepancia cu pa hopi aña tabatin den e calculo di salario minimo.
Minister Wendrick Cicilia tambe a referi na diferente material cu a prepara pa conscientisa pero tambe prepara nos comunidad pa e cambio aki. Riba e website di Departamento di Labor, https://daoaruba.com/index.php/ sueldo/ tin un calculator y tambe diferente material den diferente
idioma (https://daoaruba.com/ index.php/minimumuurloon/) pa informa e dunadonan di trabou y e empleadonan informacion corecto con pa calcula salario minimo. Ademas Minister Wendrick Cicilia ta referi tambe na un nota di cambio cu ta garantisa cu “Niet Inwonende Dienstbode” tambe ta cay bou di e ley di salario minimo pa ora. Esaki ta nifica cu e empleado domestico cu no ta biba na e cas tambe tin derecho riba e salario minimo pa ora pa cada ora cu traha y e mesun metodo di calculacion ariba menciona ta aplicabel p’e.
riba gasoline y diesel pa tur usuarionan cu 10 cent tambe desde 1 di mei.
Prome cu final di 2025, Gabinete AVP-FUTURO lo defende e ultimo cambio di e Presupuesto 2025. Un cambio di presupuesto cu tambe ta cumpli cu tur norma y regla.
Gabinete AVP-FUTURO ta invita tur hende pa sigui e reunion publico den sala di parlamento riba 16 di december proximo. Ta importante pa e publico sigui e reunion aki cu ta trata e finansa publico di nos pais segun minister di Finansa Geoffrey Wever.
“Nos a tuma un stap importante den direccion di igualdad den nos mercado laboral. Cada ora di trabou honesto merece su balor y proteccion, e reforma aki ta percura pa e principio ey finalmente ta refleha den nos leynan. Door di standarisa e calculacion di e salario minimo pa ora, nos ta dunando claridad na e dunadonan di trabou, creando stabilidad pa e trahadonan y un fundeshi di husticia cu ta fortalece henter nos economia”, tabata expresion di Minister Wendrick Cicilia. 11 di december 2025
ArubA bAnk A celebrA y reconoce su empleAdonAn di AñA
Durante “Employee Recognition
Event 2025”
2025: e “Employee Recognition Event 2025”, cu a tuma lugar na Aruba Ocean Villas den un bon ambiente y un tema special di “Cuban Night”.
E evento a reuni empleadonan for di tur departamento pa honra y felicita e talento, dedicacion y excelencia operacional cu ta move e banco padilanti tur dia. Durante e evento, Aruba Bank a anuncia e ganadornan di:
Employee of the Year –Front Office: Ana Tse Mora
Employee of the Year –Back Office: Randolph Ruiz
Leader of the Year: Rodney Geerman
Team of the Year: Contact Center
E banco ta sumamente orguyoso di nan logro, y e impacto positivo riba experiencia di cliente, eficiencia interno y cultura di e organisacion.
Aruba Bank ta felicita tur e ganadornan di anochi, pero
tambe un agradecimento profundo na tur nominado. Tur nominado a demostra liderazgo, compromiso y pasion pa nan trabou.
“Nos empleado ta nos motor principal y nos recurso di mas importante. Danki pa boso dedicacion y pa sigui mustra cu excelencia no ta
un meta, sino un estilo di trabou.” – Militza OduberGietel, Regional Human Resources a comparti durante e ceremonia.
Aruba Bank ta sigui inverti den un ambiente di trabou sano y e anochi ta un recordatorio di kico e banco por logra hunto.
Marelene van der linde a gradua coMo Master of arts
Marelene van der Linde a defende su tesis exitosamente y a obtene e titulo di ‘Master of Arts’ for di e programa Master den Governance and Leadership Facultad di Arte y Ciencia. Marelene a defende su tesis “Interventions for a Learning and Innovative Organization: From Knowledge to Action” dilanti di e comision di graduacion cu tawata consisti di Dr. Luc Alofs first supervisor, Drs. John Khodabux second supervisor, Dr. Arnout Prince. Ademas tabata presente manager di e
programa MGL, Thais
Franken, MSc, famia di Marelene, docente di Universidad di Aruba y colega di estudio tambe tawata presente.
Marelene a investiga con un departmento di gobierno por desaroya su capacidad interno pa transforma den un "Learning Organization", evualando e cultura di trabou, ki tipo di “change management”, estilo y habilidadnan di liderasgo ta necesario p'e transformacion ta sostenibel.
E participantenan di e investigacion ta 47
empleado cu a yena un encuesta, dos session di focus group sessions, y 6 directornan di sector publico y priva cu a duna entrevista.
Un di e recomendacionnan ta pa implementa un modelo di liderasgo hibrido: combinando “servant leadership”(empatia, scucha, empodera) cu “transformational leadership”(vision, innovacion, cambionan strategico) pa crea confiansa, colaboracion y un meta comparti. Otro recomendacionnan ta pa Maneho di cambio inclusivo: implementa un metodo participativo, unda empleadonan y stakeholders nan tin un bos den e proceso di transformacion. Esey ta conduci na baha resistencia y ta aumenta sentido di pertenencia. Alabes, pa crea un Colaboracion InterMinisterial: formalisa trabou hunto entre
fin di aña ta dushi… pero cuida bo Mes
E fiestanan ta serca y tur caminda bo ta wak e imagen ta wordo pinta cu hopi gezelligheid manera bunita luz, dushi cuminda y momentonan perfecto. Pero hopi hende ta experencia e otro banda tambe: mas presion, mas compromisonan, mas di cosnan cu “mester”. Prome cu bo por bisa tur hende “bon pasco” ya e temporada aki ta sinti mas mane un marathon y menos mane un temporada di sosiego y reflexion.
Ministerio di Educacion y Asuntonan Social via un “joint group” pa conhuntamente garantisa un meta unifica.
Ta gradici e docentanan di e departamento di
MGL y profesional cu a yuda of guia Marelene como studiante. Tambe ta gradici tur esnan na y pafo di Universidad di Aruba cu a contribui na un manera of otro na e acontecimento aki
7 La N dado di Sti N gray SwiMM i N g t ea M ta CL a Pa
C o MP eti N a P L a N tatio N -Fort Lauderda L e
Diaranson e 7 atletanan di Stingray a beneficia di un sesion extra di entrenamento na Davie Pine Island Fitness & Aquatics Center hunto cu Elite Coach di Team Azura Sr. Gustavo Rasia. E entrenamento tabata e preparacion final prome cu e competencia di landamento Short Course den yards, cu ta tuma
lugar na Plantation, Fort Lauderdale, na Merca. Awe diahuebs, e landadonan sumamente motiva di Stingray Swimming Team ta cla pa e apertura oficial di 35 edicion di e campeonato anual di Invierno, 11 pa 14 di December 2025 bou guia di Coach Paolo Inocencia. Awe tur landado ta preparando ansiosamente
Aruba orguyoso!
Esnan cu a cualifica pa
Plantation ta:
Masculino:
- Xendrick de Man (16)
- Tyler Richards (16)
- Landon Laaf (22)
- Yeshua Maduro (15)
Femenino:
- D-Leylah Gerrel (14)
- Vitali Inocencia (12)
- Emma Ponson (12) Stingray Swimming Team ta desea su 7 landadonan tur clase di exito y conkista tempo y medaya pa team y Aruba.
Cede di BBQ Cushina di Nestor
Diadomingo 7 di dec.
Menú
Ham di pasco
1/2 galinja jena
Roast beef mushroom sauce
Lomito mushroom sauce
Bbq mix
Galinja
Loinribs
Lomito
Pincho
na Plantation Aquatic Complex pa asina nan por ta mentalmente prepara pa representa Aruba den gran forma. Mas di 1200 landado lo participa na e evento aki cu ta wordo considera un swim meet hopi importante pa nos landadonan Arubano. Di aki banda nos ta desea tur hende hopi exito, y pa haci
Special
Salada batata
Aros con pollo
Pa pedido por jama riba 7497071.
Of pasa na Siribana 45b St Cruz.
Nos kier desea un y tur un felis dianan di fiesta
Parlamentario Clifford Heyliger (AVP):
ColaboraC ion ta e forsa C u ta C rea resultadonan impaC tante
SAN
NICOLAS (12 di december 2025) –
Parlamentario Clifford
Heyliger di fraccion
AVP ta comparti cu gran orguyo y gratitud su experiencia biba recientemente durante e evento anual “Holiday Gift Project” organisa pa Florida–Caribbean Cruise Association (FCCA). E celebracion a tuma luga na St. Paulus School na San Nicolas, caminda un grupo grandi di mucha a disfruta di un dia yen di alegria, baile, regalo y hopi sorpresa.
Segun Heyliger, e actividad a crea un ambiente berdaderamente inolvidabel, unda e sonrisa di e muchanan tabata e centro di atencion.
“E evento a mustra un biaha mas con un bon colaboracion por crea momentonan cu lo keda pa semper den curazon di nos muchanan. Esaki ta brinda speransa y ta fortalece nos fe den un comunidad cu ta kere den union y bienestar,” Heyliger a enfatisa. E parlamentario a duna un danki profundo na tur organisador y partner cu a pone man hunto
pa logra e dia di ta un exito total. Entre nan ta: FCCA, Aruba Tourism Authority (A.T.A.), Aruba Ports Authority (APA NV), ekipo dedica di St. Paulus School, tripulacion di Carnival Horizon, Diamonds International, Concept Creations, Arubus, Dazzling Entertainment y A Touch of Steel.
Heyliger a resalta cu colaboracion asina ta
muestra cu Aruba ta sigui demostra su capacidad pa uni esfuerzonan na beneficio di pueblo y, riba tur, di nos muchanan. “Ora nos ta traha hunto, nos ta crea speranza. Y awe nos a mira esaki den tur e
sonrisanan cu a ilumina e salon di St. Paulus,” Heyliger a comenta. E iniciativa “Holiday Gift Project” ta sigui sirbi como un recordatorio di e balor di generosidad, empatia y compromiso social.
Parlamentario Clifford Heyliger ta expresa su gran aprecio pa tur hende cu a haci esaki posibel y ta desea tur mucha di Aruba un temporada di fiesta colma di bendicion y alegria.
GRANDIOSO TORNEO
“NOS CU NOS” DI TAXI BOYS!
Calabas/Kudawecha
- Diasabra awor, 13 di december, cuminsando pa 8’or di anochi, lo ta bay tin otro sambombaso di torneo di fin di aña estilo “NOS CU NOS”, e biaha aki entre e trabuconan di Taxi Boys BT. Si, e gang brabo cu ta inclui expertonan manera e conocido “Indio”, y tambe e notorio “Yoyo”, lo bay bataya otro fuertemente pa wak ken ta bay cu e copa di fin di aña.
Shonnan, mas cu claro cu e ambiente entre e taxistanan ta bay ta fenomenal manera semper. Como di
custumber, entrada lo ta completamente gratis pa un y tur, y tambe, den halftime, e pasapalonan lo skeiro rond totalmente por nada. Chef de cuisine ta garantisa esaki!
Pues shonnan, bini uno bini tur, pueblo en general amante di domino estilo “fast & furious”, yega n’e grandioso torneo di fin di aña aya n’e mundialmente famoso palacio di pega piedra net n’e grens entre Kudawecha y Calabas, e unico Domino Square Garden na mundo! Yegaa!
FORTALEZA PA FAMIA Scirbi pa Pastor Marcel Balootje. UZAMENTO DI DROGA Y ABUSO DI ALCOHOL TA
FATAL NO CUMINSA CUNE
Pa hopi tempo e uzo di droga a wordo di babysit riba nos isla, y awor e a lanta manera un orkaan riba nos mirando tur bario tin su adiccion. No ta den Playa, of San Nicolas so, pero tur caminda rond Aruba tin adicto, kende hopi biaha ta muchanan cu a lanta den cas di bon famia, cu a bay bon scol, hasta tin di nan gradua, pero un dia riba conseho di amigo, of riba nan mes cuenta a bay purba cu droga y a keda aden.
Nos Fundacion e Fortaleza y Sosten pa Famia, Kende ta construyendo un Rehab Center pa Damas: Ta roga tur Mayor, Tur Instancia, Tur Scol
Tur Iglesia, Tur Misa, Tur hende tanto mucha, hoben, Adulto Mayor, pa keda leu for di Droga y abuso di alcohol.
Pasobra a bin sali na cla cu si bo tabata usa droga of abusa di alcohol, y bo a stop, toch ta keda e risico di bira malo,pasobra pa e tempo cu bo tabata usa droga of abusa di alcohol bo a debilita organo den bo curpa.
Anto pa e motibo ey cualquier malesa cu dal bo, tin e forsa pa manda bo cama, pasobra bo a danja bo organonan.
Pesey awor nos tin tanto problema cu salud mental, confusion mental,Stroke, Cancer di pulmon, inmunidad contra griep.
E pakete diabolico cu nos tur por lesa den Juan 10:10 cu e enemigo a bini
solamente, pa horta, pa mata, y pa destrui, nos por mire completo den uso di droga y abuso di alcohol.
Den nos bida diario nos por mira cuanto accidente,morto, violencia, crimen e dos enemigonan di humanidad aki ta causando.
Y locual ta mas remarkabel ta cu ningun di nan no ta gratis pero ta hende mes bao di influencia di scuridad ta inverti den nan propio destruccion.
Alcohol no ta barata y droga tampoco ta barata, tin cas caminda mayor ta sinja yiu bebe y tin cas caminda mayor cu yiu ta droga hunto.
No ta importa si ta homber of muher uzo di droga ta wordo di babysit, cuanto mayor no ta duna nan yiu placa pa e bay cumpra droga, sino e mucha ta rabia y kibra cos den cas, eynan caba nos ta mira con nos ta babysit uso di droga, cual nos sa cu e ta malo.
No tin asunto di gobierno no a haci nada, pasobra ningun caminda riba mundo, ningun gobierno por dicidi kico hende ta permiti den nan cas y nan sa masha bon
cu esaki lo crece y bira un problema social pa nos tur.
E uso di droga y alcohol riba nos isla chikito aki, mester ta un preocupacion pa nos tur, pasobra como un isla turistico, nos poblacion mester demostra respet y displina.
Tin algun experto cu por sali dilanti y bisa bo cu droga ta remedi, y cu nan tin hopi tempo ta uza droga y cu mester legalisa, awor puntranan cu locual nos ta mirando awor sin legalisa mes ta tristo, y penoso, ta con lo haci si mester legalisa, con nos lo enfrenta nos turismo, como One Happy Island of One Happy Flying Island, sin lubida cu e aumento di criminalidad y inmoralidad riba nos isla ta depende hopi riba uzo di droga y abuso di alcohol.
Tin hopi hende cu a pasa 60 anja y cu te ainda ta mara na Droga, y ta abusando di alcohol, y te ainda no kier realisa e danjo haci na nan bida.
No laga nos muchanan y hobennan sigi mesun ruta, pero ban yuda nan pa Stop Awor.
Sinceramente, Pastor Marcel Balootje.
Arub A tA celebr A logron A n deportivo di ekipo u -6 y u -8 n A b ig b
oys t ourn A ment
n A p untA cA n A
ORANJESTAD, 12
december 2025 — Diamars ultimo a tuma luga un momento di reconocemento pa dos ekipo hoben: ekipo U-6, cu a titula campeon, y ekipo U-8, cu a titula sub-campeon den e prestigioso Little League Big Boys Tournament na Punta Cana, Republica Dominicana. Un logro cu ta mustra claramente cu “small players, big dreams” por bira realidad ora cu talento y disciplina ta hiba e liderato.
Minister di Relacionnan den Reino, Educacion, Hubentud, Innovacion y Deporte, mr. Gerlien Croes, a expresa su gran orguyo y emocion durante e ceremonia di reconocemento. Minister Gerlien Croes a elogia e deportistanan chikito pa nan balentia, entrega y pasion pa deporte, y tambe a mustra su aprecio profundo pa e coachnan y staff cu ta traha dia tras dia pa forma nos futuro atleta.
Minister Gerlien Croes a subraya: “Mi ta hopi orguyoso di nos muchanan. Nan ta demonstra cu determinacion, perseverancia, y un amor sin limite pa
deporte, Aruba por briya internacionalmente un biaha mas. Mi ta gradici cada atleta, coach y staff pa pone nos bandera para den deporte na un manera digno y inspirativo.”
E participacion exitoso di Aruba den e torneo na Republica Dominicana ta reafirma e nivel di talento cu nos isla ta presenta den deporte di baseball, y e potencial cu deporte tin pa amplia horizonte pa nos
muchanan.
Minister Gerlien Croes y Aruba ta felicita tur e muchanan di ekipo U-6 y U-8, nan famia, coachnan y tur esnan cu a contribui na e logro sobresaliente aki. E victoria y esfuerzo di e muchanan ta representa un motibo di orguyo pa nos pais.
Un biaha mas, Aruba a briya riba e base di dedicacion, disciplina y talento deportivo.
Grupo di adulto mayor local a disfruta di un dushi trip di paso e siman aki
Fundacion STER ta ofrece cuido preventivo na nos adultonan mayor den forma di lesnan cu ta facilita movecion tur siman ariba diamars na YMCA Dakota. Aki nan tin participantenan adulto mayor cu ta practica Qi Gong, cual ta un medicina filosofico Chines di antes cu ta promove bienestar y salud pa medio di movecion, halamento di rosea, massage, dieta, y visualisacion.
E cinco elementonan aki ta sigura cu e organonan interno manera e curason, riñon y mas ta den top condicion pa circulacion di sanger y nutricion, eliminando tur cos toxico for di e curpa. Tur cos ta centralisa rond di movecion y circulacion segun Sofie Slegers di Stichting STER kende t’esun cu ta organisa e lesnan aki anto esun tras di e iniciativa pa loke tabata e trip di Pasco.
Un bus di Fofoti Tours a bay busca e grupo na YMCA Dakota anto e chauffeur Julissa tabata hopi bon den yuda asisti tur hende subi y baha e
bus. E prome stop tabata ta Murano Art Studio na Ayo, na unda cu e doñonan Juliano y Patricia a ofrece e bishitantenan un demostracion di glassblowing.
Despues di esaki, e grupo a bay direccion di L’Avenue Belgian Bistro na Palm Beach, akinan e doñonan Tina y Heidi a presenta nan un tremendo lunch di tres curso.
E evento tabata uno haci
posibel pa Juul y Ingrid Hamoen for di Aquazul Aruba Appartments, y tabata perfectamente organisa pa Isabella Kainama.
E grupo cu ta reuni regularmente ta mira e beneficio di ehercicio y conexion cu comunidad, nan tur ta traha duro pa nan salud semper, y nan merece un miho momento di reconocemento pa nan dedicacion na salubridad y cuido digno riba nos isla.
Un feliz dia fructifero colma
cu
hopi gracia di Dios.
’Ningun hende no por bini cerca Mi, si mi Tata cu a manda Mi no hal’e cerca Mi’. (Huan 6, 44)
Cristo ta bisa cu ta via di Dios so un hende por yega cerca djE. Mescos tambe den e lectura ta pa medio di un angel di Dios Felipe a topa cu e africano. Cristo mes ta splica cu E ta e pan cu ta duna biba. Esaki ta nifica cu nos tin di sigui busca Cristo pa medio di oracion, pa medio di lesa Bijbel, cumpli cu e 10 mandamentonan, haci bon obra, haci sacrificio y scucha e Palabra di Dios. Busca pa por conoce e Palabra di Dios, laga Pastoornan y Diacononan splica e Palabra di Dios ja asina nos por yega cerca di Dios y Cristo Hesus. Felipe a splica e homber di Etiopia e loke e tabata lesa di profeta Isaias y ora el a compronde el a wordo batisa mesora. Rumannan nos tin di sigui y busca e pan cu ta duna bida cu ta Cristo. Haciendo esaki nos tin sigur di haya bida eterno.
Oracion: Dios Tata laga Spirito Santo inspira nos pa nos por sigui busca e pan cu ta duna nos bida cu ta Cristo. Amen.
E DIES MANDAMENTONAN DI DIOS PA
TEMPORADA DI ADVENT (CONFESION)
1. Stima y adora bo Senjor y bo Dios di henter bo curason, di henter bo alma, di henter bo sintir, di henter bo ser y mas cu tur cos di mundo y stima bo prohimo manera bo mes.
Akinan nos mester stima Dios mas cu nos mes y mas cu nos famianan. Den e Ley di Dios aki ta prohibi nos di kere y di participa, den bruheria, den medium, den diosnan falso, den organisacionnan satanico, den illuminatienan, den reiki, den reincarnacion, den pactonan satanico, den hypnotismo, den horoscopo, den yoga, den quija board, no pone tatuahenan riba curpa, no marka e 666 riba curpa y no pone e microchip den bo curpa etc. E mesun ley di Dios ta bisa tambe, di stima bo prohimo manera bo mes. Akinan nos mester stima tambe e pobernan, e chollernan, e drogadictonan, e handicapnan, esnan mentalmente malo, bo enemigonan, esnan di tur rasa y religion. Pero nos no mester stima nan pikanan y nan errornan cu nan ta biba aden.
2. No usa e nomber di Dios sin mester. No menciona e nomber di Dios den bo dichonan y jokenan bulgar, den bo palabranan di blasfemia, den bo palabranan malo etc.
3. Santifica dia di Senjor.
E dia di santificacion ta riba Diadomingo dia cu Cristo-Hesus a resucita. Diadomingo ta dia di descanso y e no ta un dia di traha den trabao. Diadomingo ta un dia di famia na unda tata y mama ta tuma tempo pa nan yiunan y tambe di bishita famianan. Diadomingo ta dia di Senjor na unda tur hende ta bai Misa, pa Santifica Dios Su dia den e Santa Eucaristia. Akinan nos ta sigi recorda Cristo Hesus Su Pasion, Su Sufrimento, Su Agonia y Su Morto na Crus te dia E bolbe bini. Den e Santa Eucaristia nos ta ricibi E Curpa y E Sanger di Cristo-Hesus pa nos por tin bida eterna. Lucas 22: 19/20, Huan 6: 53/54. Bai Misa riba Diadomingo ta obligatorio.
4. Honra bo tata y bo mama.
Dios kier pa nos obedece nos tata y mama, pasobra Dios ta conseha nos y spierta nos pa medio di tata y mama. Yiunan cu ta tende y ta obedece nan tata y mama, nan lo haya e pas y e Felicidad den nan bida, den nan matrimonio y den nan famia. Yiunan soberbia cu no ta honra nan tata y mama, nan bida lo bira desaregla y nan matrimonio lo fracasa. Yiunan, cuida boso tata y boso mama te dia cu Dios yamanan.
5. No mata. Akinan nos mester respeta bida di tur ser humano. Ta Dios tin nos destino den Su man, pa nos laga e mundo aki. No comete crimen, no comete suicidio, no comete abortus, no comete euthanasia.
6. No comete adulterio.
Dios ta uni e pareha den un solo curpa den e Sacramento di Matrimonio den Misa y Dios no ta reconoce divorcio, Marco 10: 6-9. Na esnan cu a divorcia y ta bay biba cu otro persona, nan ta comete e pika di adulterio, Mateo 5: 31/32. CristoHesus ta bisa, cu ningun di esnan cu ta comete e pika di adulterio, nan lo no drenta den e Reino di Dios, 1Corinthionan 6: 9/10.
7. No horta. Akinan nos mester respeta propiedadnan di otro, pasobra ta Dios ta duna nos tur loke cu nos tin mester pa biba. Esnan cu a horta y ta debe otro, nan lo paga nan debenan den purgatorio despues di morto.
8. No lanta falso testimonio riba bo prohimo. Ganjamento y haci redonan falso ta un pika grandi. No instiga otro cu rabia riba otro, no yena otro cu falsedad y odio, no tuma conseho di personanan pecador y desvia.
9. No comete e pika di fornicacion y e pika di deshonesto. E pika di fornicacion ta e relacion sexual prohibi pa Dios, cu ta e pika di
curpa. Esaki ta esnan cu ta haci relacion den libertinahe sexual, esnan cu ta biba companja, esnan cu ta casa pa Raad so, e prostitutanan y tur relacion sexual pafor di e Sacramento di Matrimonio, ta condenabel. Den 1 Corinthionan 6: 9 / 10, Cristo Hesus ta avisa, cu ningun di esnan den fornicacion, nan lo no drenta den e Reino di Dios. E pika di deshonesto y di inmoralidad, ta e hombernan cu a kita nan tradicion natural pa bira homosexual y e muhernan cu a cambia nan tradicion natural pa bira lesbiana. Muhernan a cambia nan tradicion natural pa esnan contra naturalesa. Mescos hombernan a kita nan tradicion natural cu muher y a inflama nan mes den e pasion cu homber, den oral y anal sex. Tambe, e hombernan cu ta masturba y ta usa condom pa benta nan spermanan afo, ta wordo condena. Muhernan cu ta usa tur sorto di anticonceptivonan, pa no sali na estado, ta wordo condena. Den Bijbel
Genesis 38: 6-10, Dios Tata a kita bida di Onan, pasobra Onan tabata benta su spermanan afo. Tur sorto di anticonceptivonan a wordo crea pa satanas pa stop Dios Su autoridad di procreacion humano. Romanonan 1: 26/27, Levitico 18: 22, Levitico 20: 13.
Den 1 Corinthionan 6: 9/10, Cristo Hesus ta avisa, cu ningun di esnan cu ta comete e pika di deshonestidad y e pika di inmoralidad, nan lo no drenta den e Reino di Dios.
10. No codicia cos di otro hende.
No codicia loke cu no ta di bo. No codicia e muher di otro, no codicia e homber di otro, no codicia su propiedad, no codicia su beneficionan. No sea envidioso, no sea avaricia, no sea soberbia y no sea lujuria.
Seferino Tromp Koyari 13-D Cell. 5931157 / 5870048
Id. 57.11.22.40
E-mail: etajuni@yahoo. com
