HOMBER DETENI PA
POSECION DI ARMA DI
CANDELA CONDENA CU
CASTIGO DI PRISON
Parlamentario Shailiny Tromp-Lee: Union entre Hoofs of Hope
TEAMARU A cUMinsA
sURAMERicAno di hUbEnTUd hEfE di Mision y
diREcToRA
TEcnico RUMbA pA pAnAM2026
Despues di lunanan largo di preparacion, awo a yega e inicio di TEAMARU su participacion na e IV Weganan Suramericano di Hubentud Panama2026.
Manera costumber, e hefe di mision ta sali prome pa asina prepara tur cos pa ricibi e resto di delegacion cu lo yega pa participa na e Weganan basa riba e fechanan stipula pa cada deporte. Den e caso aki, e “Chef de Mission” Jonathan Wever ta rumbo pa Panama, hunto cu
“sEcURiT
e Directora Tecnico Monica Fajardo pa asina participa den e “Delegation Registration Meeting” (DRM)
y prepara tur logistica necesario pa e resto di TEAMARU. Cu esaki nos ta duna inicio na Aruba su participacion na Panama2026, asina ta keda pendiente pa tur updates!
#TEAMARU #COA #ARUBA #PANAMA2026
y WiThoUT boRdERs”: colAboRAcion TA clAvE pA EnfREnTA
MEnAsA ModERno
Prome Minister Mike Eman a asisti diahuebs na Foro di “Security without Borders” & Aruba Social 2026, unda el a comparti un mensahe fuerte riba cooperacion internacional, responsabilidad comparti y e balor humano den tema di siguridad.
E evento internacional, organisa pa ASIS International hunto cu su chapter den Caribe Hulandes, a reuni expertonan di siguridad for di diferente pais pa discuti topiconan actual manera seguridad cibernetico, inteligencia artificial den siguridad y innovacion den proteccion di organisacionnan.
E foro a tuma luga na Aruba Marriott Resort & Stellaris Casino y a reuni representantenan di sector publico y priva, manera tambe expertonan internacional, incluyendo organisacionnan local manera Cuerpo Policial Aruba, Veiligheidsdienst Aruba y Crisis Management Office.
Durante su discurso, Prome Minister Mike Eman a enfatisa cu, den un mundo cu ta
enfrenta reto creciente, no solamente pa motibo di conflicto geopolitico, pero tambe pa crimen organisa, siguridad no mester ta tuma como algo garantisa.
“Manera nos salud, siguridad ta algo cu hopi biaha nos ta tuma como obsekio, te ora nos pasa door di momento dificil,” segun Eman. El a subraya cu e concepto di “Security without Borders” ta refleha un realidad moderno: cu siguridad no ta limita pa fronteranan, ni entre paisnan, empresanan of comunidadnan.
“Nos no mester mira frontera pa dicidi si nos lo colabora. Siguridad y bienestar di nos ciudadano ta exigi cooperacion sin limite,” el a enfatisa.
Prome Minister a pone enfasis cu, apesar di ambicion y interes individual den mundo moderno, ta importante no perde un balor esencial: preocupacion pa otro.
“Nos ta mira cu mundo ta bira mas enfoca
riba interes propio. Pero nos no por perde algo fundamental, preocupacion pa bo bisiña, pa bo comunidad,” segun Eman.
El a destaca cu plataforma manera esaki ta crucial pa fortalece colaboracion, intercambio di informacion y innovacion, specialmente den area di seguridad cibernetico y crimen organisa, cu ta bira cada biaha mas compleho. “Aunke tin competencia, semper mester tin disponibilidad pa comparti conocemento. Siguridad ta un responsabilidad comparti,” el a agrega.
Den su mensahe final, Prome Minister Mike Eman a enfatisa cu futuro di siguridad ta depende di union, colaboracion y un compromiso colectivo pa proteha e bienestar comun.
“Nos por logra un sociedad mas sigur solamente ora nos traha hunto, sin frontera, sin division, cu un meta comun: e bienestar di nos pueblo.”
HOMBER DETENI PA POSECION DI ARMA DI CANDELA CONDENA CU CASTIGO DI PRISON
Cuerpo Policial Aruba ta bolbe enfatisae importancia pa entrega e arma di candela boluntariamente.
Diadomingo 29 di maart 2026, Polis a haci un detencion relaciona cu posecion di arma di candela.
Durante un control den e vehiculo di e sospechoso, agentenan policial a haya un tas cu tabata contene un pistool hunto cu municion.
Esaki ta subraya un bez mas e peliger cu presencia di arma di candela ilegal ta representa den nos comunidad. E persona en cuestion a wordo deteni mesora pa violacion di e Vuurwapenverordening.
Ta trata di e homber naci na Aruba T.S.C. Cuerpo Policial di Aruba y
Ministerio Publico a traha cu rapidez riba e caso y diamars 7 di april 2026
T.S.C. a wordo hiba dilanti
Corte den un asina yama “snelrecht zitting”. Huez a conden’e pa un castigo di prison di 18 luna, di cual 6 luna ta condicional.
Ademas Huez a pon’e bao supervision di Reclassering como un condicion adicional.
Cuerpo Policial conhuntamente cu Ministerio Publico kier enfatisa cu e accion di entrega bo arma di candela ilegal ainda ta andando.
Meta di e campaña aki ta pa duna tur persona e oportunidad di deshaci di nan arma di candela ilegal sin cu nan wordo persigui penalmente pa e posesion di esaki.
Un recordatorio cu accion di entrega e arma di candela ilegal ta te cu dia 24 April 2026 y bo por deposite den e baki
blauw na San Nicolas y bo ta keda completamente anonimo. Autoridad ta manda un aviso cla y raspa cu e controlnan lo sigui intensifica den tur bario.
Haci uzo di e oportunidad aki awor: no warda te ora ta laat. Entreg’e of nos mes lo bin busc’e!.
FRACCION DI MEP:
PRESION PONI SERCA GOBERNADOR A YUDA!
ORANJESTAD - E situacion mundial actual ta sigui crea hopi incertidumbre, y esaki ta tin un impacto directo riba nos comunidad na Aruba. E subida continuo den costo di bida ta pone presion riba cada cas, cada familia, y cada empresa. Despues cu e conflicto na Iran a cuminsa dia 3 di maart,
Fraccion di MEP a actua cu rapidez y responsabilidad, mandando un carta extenso y bon argumenta pa pidi un reunion urgente cu e minister di economia. E meta tabata cla: busca claridad, orientacion y mas importante ainda, accion concreto pa proteha nos pueblo contra e impacto di e guera.
Lamentablemente nos a constata cu e minister no a mustra e urgencia cu e situacion ta exigi. Mientras cu e preocupacion den comunidad a sigui crece, e minister tabata ocupa cu otro actividadnan, incluyendo biahe, sin atende cu e gravedad di e tema aki.
Den e conferencia di prensa recientemente nan a toca solamente un aspecto limita, e prijs di gasolin, lagando hopi otro preocupacionnan sin contesta. Esaki a laga henter comunidad cu mas pregunta cu contesta, un situacion cu no ta acceptabel den momento di crisis.
Pa e motibo ey, Fraccion di MEP a tuma e siguiente paso responsabel di dirigi un peticion na gobernador, pidiendo su intervencion pa asegura cu e dialogo democratico den Parlamento wordo restableci. Nos ta kere firmemente den e rol di control di Parlamento y den e necesidad pa tene un discusion habri, serio y enfoca riba solucion.
Nos ta satisfecho cu e presion cu nos a pone, a resulta efectivo. Dia 15 april pa 9’or di mainta, finalmente lo tin un reunion den Parlamento dedica na e tema aki. Esaki ta un paso importante den e direccion correcto, pero no ta suficiente pa reuni so.
Pueblo di Aruba ta spera y merece solucionnan concreto, sostenibel y cu por wordo implementa rapidamente.
Nos ta invita tur ciudadano pa lesa e peticion, pa keda informa y pa sigui e reunion. Transparencia y participacion ta clave den momento manera esaki. Fraccion di MEP lo sigui insisti riba responsabilidad, liderazgo y accion real.
Ban spera cu e minister finalmente lo presenta medidanan eficaz pa alivia e presion riba nos pueblo, pasobra Aruba no por sigui cu promesanan bashi. Nos merece mihor.
Parlamentario Shailiny Tromp-Lee: Union entre Hoofs of Hope y sensory Gym ArUbA: Un experienciA speciAl di HippoterApiA pA mUcHAnAn cU AUtismo
Durante e actividad Light
It Up Colourfull, mi a keda invita pa representantenan di e Fundacion Hoofs of Hope, Zulaika y Amy, pa bishitanan durante nan actividad diasabra ultimo. Tabata un session special di Hippotherapy, caminda
a pone den luz e trabou valioso cu e fundacion aki ta realisa den aliansa cu Sensory Gym Aruba.
E cooperacion aki ta enfoca riba e transformacion di bida di nos muchanan cu autismo den aire
liber, brindando nan hermentnan unico pa nan desaroyo.
E mainta tabata dedica na e progreso fisico y emocional di e muchanan a traves di e contacto cu cabay. Como invitado di Hoofs of Hope, mi por a presencia di cerca e impacto positivo di e terapia aki.
Un momento masha special tabata e session di training di Joshua, kende a demostra cu hopi focus con e conexion cu e cabay ta yud’e den su concentracion y habilidadnan motorico. Pa Joshua, e tempo dedica na e training aki den e arena ta un paso grandi den su desaroyo personal. Sigur pa mi tabata hopi special di por a experiencia Joshua aai e cabay, bras’e y carisia su cara. Un momento di puro contacto, caminda mi por a mira e alegria cu Joshua tabata sinti.
E sessionnan di Hippotherapy ta consisti di weganan deportivo ariba e cabaynan pa fortifica e balansa y e seguridad propio. Maske e programa completo ta inclui tambe e parti psychomotorisch unda e muchanan ta baña e cabaynan pa stimula nan sentido di cuido y empatia, e training di Joshua a resalta pa su determinacion y e conexion cu e animal durante e movementonan di terapia.
Mi ta hopi contento di por a experiencia e training aki y conoce un tiki mas di cerca ambos organisacion, combersando tambe basta cu Jeanjare di Sensory Gym, kende ta fungi como instructor hunto cu e tres asistentenan di Hoofs of Hope: Amy, Zulaika y Claudia.
"Together we can make a difference, together we're
doing it", ta e lema cu a resona durante e mainta, recordandonos cu cada session ta un oportunidad nobo pa inclusion y pa duna nos muchanan cu autismo e espacio pa briya.
Pa mas informacion over di e programanan di terapia cu cabay, por tuma contacto cu Hoofs of Hope na e number 742-7079 of cu Sensory Gym na 562-3125.
Mi ta termina cu un palabra di gradicimento na Hoofs of Hope pa e oportunidad brinda y na e mayor di Joshua cu a laga mi presencia, experiencia y saca potret di e session di Joshua. Un danki di curason. Sigur e bishita ta pas den e meta cu mi a pone pa mi mes, pa via comunicado, post y bishitanan, pa duna contenido real na e parti di luna di conscientisacion riba autismo.
Minister Geoffrey Wever: Ta inviTa pueblo henTer pa e mercado semanal di sanTa rosa, april 11
Oranjestad - Minister di Finansa, Asunto Economico y Sector Primario, mr. Geoffrey Wever, ta invita pueblo di Aruba pa bishita, disfruta, cumpra producto fresco y aporta na e sector primario na e mercado di Santa Rosa cu lo tuma lugar atrobe diasabra awor, April 11, di 8 AM pa 12 PM.
Na e Mercado di Santa Rosa, pueblo por disfruta di cumpra varios producto fresco y local.
E sector primario ta uno masha importante, y ta un sector di enfoke pa e ministerio di Minister Wever, participando den e mercado aki como un consumidor, bo persona
ta aportando na e economia local di Aruba, y specialmente e cunukero y agricultornan di nos isla. E mercado aki lo tuma lugar 3 siman na Santa Rosa y un siman na plaza lolita.
Despues di dialoga cu stakeholders, unda cu a wordo pidi pa e mercado di Santa Rosa tuma lugar cu mas frecuencia. Considerando e popularidad di e mercado, e bienestar di e sector y e deseo di e stakeholdernan, Minister Wevera haci e decision pa haci e mercado di Santa Rosa semanal. Diasabra awo, lo tin mas cu 15 bendedor.
Ta importante tambe
pa comparti cu si bo persona kier participa cu bendemento di producto na e mercado di Santa Rosa, ta haci un peticion pa registra na tempo ya cu espacio ta limita.
Por registra cerca Santa Rosa via un email manda na info@santarosa.aw of por pasa personalmente na e oficina di Santa Rosa cu ta situa na Piedraplat 114-A. Tambe por tuma contacto via telefon na 585-8102
Minister Wever ta felicita Santa Rosa pa e bon trabou cu nan ta eherciendo y pa e apoyo cu nan ta duna na e sector primario. E sector primario ta forma un parti integral di nos cultura y nos economia.
Nos ta invita pueblo henter pa bishita e Mercado di Santa Rosa April 11 y forma parti di crea un impacto positivo den nos economia y nos comunidad.
Parlamentario Xiomara Maduro: Un homenahe na sr. hassalani mehran, e prome presidente di Banco central di arUBa
Den cuadro di celebracion di 40 aña di Status Aparte, Parlamentario Xiomara Maduro kier mustra un profundo gratitud na sr. Hassalani Mehran, kende e tempo ey, tabata forma parti di e staff di Fondo Monetario Internacional (IMF), a acepta e reto pa bira e prome Presidente di Banco Central di Aruba.
Conforme e vision di Betico Croes y den colaboracion cu Minister Don Mansur, sr. Mehran a wordo invita pa yuda traha e base di un institucion nobo y crucial pa Aruba. Den un periodo di incertidumbre y transicion, Mehran a tuma e desafio cu determinacion, liderando e establecimento di Banco Central di Aruba for di cero, ainda bou di condicionnan limita y dificil.
Un di su prioridadnan principal tabata tende e preocupacionnan di e comunidad y e sector financiero. Cu un enfoke riba transparencia y dialogo, el a traha hunto cu banconan, sector priva y pueblo pa logra confiansa den e sistema monetario nobo, incluyendo e transicion pa un moneda propio. E prome dianan di operacion di e banco a mustra claramente su compromiso, ora cu Mehran y su ekipo chikito a traha intensamente pa garantisa cu e sistema financiero tabata funciona y cu confiansa tabata presente.
Su contribucion no a termina despues di e prome etapa. Sr. Mehran a bolbe sirbi Aruba durante un di dos periodo bou di Minister di Finansa Nilo Swaen
di 2007 pa 2008, demostrando un bes mas su compromiso cu nos pais. Ademas Mehran tabata den e prome directiva di Aruba Investment Bank y den e posicion eynan a lidera tambe un trabou importante riba tereno di finansa publico — e Raport di Comision Nacional riba Finansa Publico (Raport Mehran) — cu a ofrece guia balioso pa e maneho responsabel di finansa di gobierno.
Awe ainda, for di su cas na Bethesda, Merca, sr. Mehran ta mantene un laso estrecho cu Aruba. Oficialnan Arubiano ta sigui bishit’e pa busca su conseho y sabiduria, un testimonio cla di e respet profundo cu el a gana y di e impacto duradero di su trabou.
Sr. Mehran no solamente a yuda construi un institucion, pero tambe a yuda construi confiansa, stabilidad y futuro pa Aruba.
“Danki sr. Hassalani Mehran pa
kere den Aruba,” ta palabranan di gratitud cu Parlamentario Xiomara Maduro kier expresa na ocasion di 40 aña di Status Aparte
y 40 aniversario di existencia di Banco Central di Aruba.
ArubA A ricibi bishitA di Presidente di Gobierno new cAledoniA
Encuentro pa reenforsa lasonan enfoca riba colaboracion y sostenibilidad
Den marco di The 21st Overseas Countries and Territories – European Union Forum, Aruba a ricibi awe bishita oficial di Alcide Ponga Presidente di New Caledonia na Bestuurskantoor.
Prome Minister Mike Eman a ricibi e delegacion y a sostene un conversacion ameno, enfoca riba topiconan di interes comun entre ambos pais, incluyendo cooperacion dentro di e contexto di e paisnan y teritorionan cu tin relacion cu Union Europeo.
Durante e encuentro, a intercambia punto di bista riba temanan relevante pa e region, manera desaroyo economico, turismo y sostenibilidad, retonan comparti pa teritorionan insular cu ta busca un balansa entre crecemento y proteccion di medio ambiente.
E Presidente di New Caledonia a expresa su
admiracion pa e progreso di Aruba, particularmente den area di turismo y maneho di desaroyo sostenibel, destacando cu tin oportunidad pa intercambio di experiencia y aprendisahe mutuo entre ambos pais.
Como parti di e bishita, e delegacion a haya tambe oportunidad pa aprecia e beyesa di Aruba for di e bista panoramico na tercer piso di Bestuurskantoor, reflehando e atractivo unico di nos isla.
E relacion entre Aruba y New Caledonia ta basa riba respet mutuo y un historia di colaboracion dentro di e Overseas Countries and Territories (OCT). Den pasado, Prome Minister Mike Eman, den su rol como Presidente di OCTA, a bishita New Caledonia pa un encuentro oficial, fortaleciendo e lasonan entre ambos pais.
E amistad aki a keda vigente te awe, y ta wordo aprecia ampliamente como un base solido pa continua dialogo y cooperacion.
E bishita aki forma parti di e esfuersonan continuo
pa mantene y profundisa relacionnan internacional, promoviendo colaboracion
constructivo y intercambio entre e paisnan miembro di OCT-EU.
Minister Arthur Dowers A hAci bishitA nA PolitieAcADeMie
ossenDrecht: un PAso strAtegico
PA fortificA siguriDAD Di ArubA
Pa finalisa un serie di reunionnan importante y encuentronan strategico na Hulanda, Minister di Husticia mr. drs. Arthur Dowers a haci un bishita na Politieacademie Ossendrecht, na unda el a ricibi un presentacion amplio di director Leonard Kok y coordinador pa Caribe Jan Willem Ruts.
E bishita aki ta forma parti di un acercamento strategico pa sigui mehora capacidad institucional y operacional di Aruba riba tereno di siguridad. Durante e encuentro, Minister Dowers a ricibi un presentacion riba diferente programa di formacion avansa cu ta central den maneho moderno di crisis y aplicacion di ley.
Entre e tema principalnan tabata SGBO (Staf Grootschalig en Bijzonder Optreden), un sistema di coordinacion pa situacionnan grandi y compleho; IBT (Integrale Beroepsvaardigheden Training), enfoca riba situacionnan practico y tuma decision bao di presion; y tambe IBT Virtual Reality, un innovacion tecnologico cu ta permiti entrenamento realistico den un ambiente controla.
E ubicacion di Ossendrecht ta un di e centronan mas importante di Politieacademie, specialisa den entrenamento tactico, uzo di forsa y simulacion di situacion realistico. Aki, profesionalnan di siguridad ta haya oportunidad pa desaroya competencianan esencial den un ambiente cu ta combina teoria cu practica, cu enfoke riba reaccion rapido, colaboracion y liderazgo.
Minister Dowers a enfatisa cu e bishita aki ta resultado directo di un agenda yena cu reunionnan importante, enfocando riba fortalecemento di cooperacion den Reino y intercambio di conocemento. Nos ta biba den un tempo unda retonan di siguridad ta birando mas compleho.
Pa Aruba por mantene su trankilidad, mester
inverti den conocemento, innovacion y colaboracion strategico.
E encuentro a subraya e importancia di integracion di tecnologia den entrenamento moderno, caminda Virtual Reality ta hunga un rol clave den prepara personal pa situacionnan critico sin riesgo real. E tipo di innovacion aki ta habri caminda pa un modelo di entrenamento mas efectivo, realistico y orienta riba resultado.
Cu e bishita aki, Minister Dowers ta reafirma su compromiso cu un sistema di siguridad moderno, profesional y sostenibel.
Ta importante pa continua cu inversion den e capital humano, fortifica structura institucional, y crea aliansa strategico pa garantisa siguridad y stabilidad pa comunidad.
Reunion entRe GobieRno y CRisis
ManaGeMent offiCe enfoCa Riba
ColaboRaCion y pRepaRaCion
Awe diabierna a tuma luga un reunion regular entre Prome Minister Mike Eman y Crisis Management Office (CMO), cu enfoke riba actualisacion di trabounan, colaboracion dentro di Reino y posicionamento strategico di Aruba den contexto regional.
Durante e encuentro, CMO a presenta un update general riba nan actividadnan y progreso, incluyendo inventarisacion continuo di diferente aspecto relaciona cu preparacion y maneho di crisis.
Un punto importante
di discusion tabata e fortalecemento di colaboracion cu partnernan den Reino, unda a intercambia idea riba con Aruba por posiciona su mes di manera strategico den palabracionnan cu ta andando cu otro partner relevante. E reunion a resulta den direccionnan nobo di colaboracion, cu lo sigui desaroya den e simannan nos dilanti.
Ademas, a tuma momento pa evalua brevemente e trabounan durante Semana Santa, unda diferente instancia a traha intensivamente
pa garantisa siguridad y bienestar di comunidad. Den e contexto aki, a expresa aprecio na ekipo di CMO y na partnernan manera Cuerpo Policial Aruba y Cruz Cora pa nan dedicacion, particularmente den area di Baby Beach.
Prome Minister Mike Eman a enfatisa importancia di coordinacion continuo entre instansianan, subrayando cu preparacion y colaboracion ta elemento clave pa mantene Aruba resiliente y sigur.
E reunion aki forma parti di e consultanan regular entre Gobierno y CMO, cu tin como meta fortalece
capacidad institucional y promove un enfoke integral pa maneho di riesgo y siguridad nacional.
Proyecto 3DXVerse ta imPulsa innoVacion Digital y sostenibiliDaD
Colaboracion cu Union Europeo ta sigui genera innovacion na Aruba, e biaha aki cu e proyecto tecnologico “3DXVerse”, presenta pa Gino Schwengle. E iniciativa ta forma parti di un Horizon Project, den colaboracion cu un consorcio internacional di universidad y empresa nan Europeo,
E proyecto ta enfoca riba modernisacion di experiencia di biahe, introduciendo uzo di “digital travel credentials”. Den colaboracion cu Aruba Tourism Authority (ATA), Immigracion di Aruba, AAA y Directie Luchtvaart di Aruba, e sistema ta permiti pasaheronan crea un “pasport digital” riba nan telefoon, cu nan por comparti cu inmigracion prome cu nan yega Aruba.
Esaki ta permiti un proceso mas rapido na frontera, unda biahero no tin cu presenta pasport fisico. Mediante uzo di tecnologia di reconocimento facial, identidad di pasahero ta verifica den apenas algun seconde na e-gates, reduciendo significativamente tempo di espera.
Ademas di facilitacion di biahe, e proyecto ta incorpora un componente innovador di sostenibilidad. A traves di un sistema digital, biahero por haya un indicacion
Den aViacion na aruba
di su carbon footprint relaciona cu su biahe pa Aruba.
E iniciativa ta bay un paso mas leu, permitiendo bishitante participa activamente den compensacion cu ta causa impacto, door di actividadnan local manera plantacion di mangrove, generando “carbon credits” durante nan estadia.
Segun Schwengle, e proyecto ta duna empresa local acceso na colaboracion internacional y conocimento tecnico, reduciendo costo di desaroyo y facilitando innovacion den escala global.
“E colaboracion ta permiti nos desaroya producto innovador cu menos costo y cu apoyo di experto internacional,” el a indica, resaltando e balor di participacion den consorcionan Europeo.
E
proyecto 3DXVerse ta demonstra con colaboracion cu Union Europeo no solamente ta aporta sosten financiero, sino tambe ta crea oportunidad pa transferencia di conocimento, innovacion tecnologico y desaroyo sostenible na Aruba.
HESUS A RESPOND’E:
REINO DI DIOS, SI E
NO NACE DI AWA Y SPIRITO.” ( HUAN 3,5)
Nicodemo ta e imagen di tur esnan bao di e pueblo Hudiu cu a kere den Cristo. E ta bin anochi pasobra aunke el a haya enseñansa den ley e ta keda ainda den scuridad di esnan cu no a ricibi e gracia di Sacramentonan. Anto Cristo no ta contesta su pregunta ma ta papia cu ne di nacemento di ariba, di bautismo. Nos a nace di nobo pa medio di awa y Spirito Santo. Bautismo ta caracterisa henter nos existencia.
Como Cristian nos mester cuminsa un bida nobo. Un bida cu nificacion, esey ta Dios su plan. Hesucristo ta e contesta, Hesucristo ta e unico persona cu por duna bida un proposito real y berdadero. El a muri riba e cruz pa salba nos di nos picanan. Si bo pidi Hesus pa ta bo Salbador, bo bida lo haya nificacion y proposito manera nunca antes.
Oracion: Señor, Abo cu a bin na mundo pa salba nos, Abo cu ta e luz, e caminda berdad y bida. E unico cu por duna nos un bida cu nificacion, yuda nos duna testimonio di bo amor pa medio di Cristo nos Señor. Amen.
Un cos so mi a roga Señor: esey so mi ta t`anhelá cu mi por biba den cas di Señor tur dia di mi bida pa contemplá splendor di Señor y bishitá su tèmpel
Salmo 27:4
Cu dolor na nos curason, nos ta participa fayecimento di nos ruman stima
Na nomber di
Su mayornan:
†Alfredo y †Regina Ruiz-Ridderstaat
Su rumannan y sobrino(a)nan
Filomena y Antonio Geerman-Ruiz y yuinan
Jose Emmanuel Ruiz y Anna Witsenburg y yuinan
Alfredo y Jaqueline Ruiz-Trinidad y yuinan
Su Omonan y tantanan:
Maria Coromoto Ruiz, *07-07-1956 – †31-03-2026
†Reina Lambertus Ridderstaat, †Hermonica Ridderstaat
†Joaquin Ridderstaat, †Nemencio y Memita Ridderstaat-Diaz
†Juan y Gisela Ridderstaat-Maduro, †Andres y †Teresita Ridderstaat-Semeleer
†Paus y †Ramona Ruiz-Coronel, †Silvania y †Melvin Capello-Ruiz
Su primo-y primanan:
Editha y †Juan Lopez-Lambertus y nan yui, Gabriela Lopez y Ewald Winklaar y yiunan
†Alfred Lambertus y yiunan, Rosanna Ridderstaat y yiu, Chito Ridderstaat
Susan Ridderstaat y yiunan
†Maria Altagracia y †Ricardo van der Biezen-Ridderstaat y yiu
†Juan Carlos Ridderstaat, Annie y Sergio Barros- Ridderstaat
Alexander Ridderstaat
Mildred Ridderstaat y Javier Ras y yiunan, Andresito Ridderstaat
Jorge Ridderstaat y Mildred Dirksz y yiunan
Arminda (Vivi) y Facundo Franken-Ruiz, Alfred Ruiz y May Wong
Danilo Ruiz y Jesper de Jong,Mariela y Jasper Bruin-Ruiz
Melvany Capello y yiunan, Sidney y Gesmeline Capello-Leito
Demas famia y conocirnan
Maria Luisa Dirksz, Jenny, Marcia, Carmencita y Benny Cornelio, Sheila y Peter, Astrid y Kili Tromp-Hoek, Aileen Franken, Martha Maduro y Gerladine Angela-Croes, demas bisiñanan, ex coleganan di DIMP y tur demas amigo- y amiganan y conocirnan
Famia: Ruiz, Geerman, Trinidad, Witsenburg, Gordon,Lambertus, Lopez, Winklaar, Ras, Capello, Ridderstaat, Barros, Dirksz, Franken,Wong, de Jong, Bruin, Leito y Swaen.
Gradecimento:
Dr. Mikkeo Martis, Dr. Sil Kordes, Sra Lola Geerman di WKF,Personal di Oconlogie afdeling
Nos disculpa si den nos tristesa nos por a lubida un of otro famia y amistad
Nos ta invita pa acto di despedida cual lo tuma lugar ariba diahuebs 16 april 2026 for di 9or pa 11or di mainta na Pro-Cathedral San Francisco de Asis, Oranjestad y despues lo sali bay pa Santana Catolico na Playa.
Nos ta lamenta cu despues di entierro nos lo no por ricibi bishita di condolencia na cas.
SOPI DI LETRANAN
Un dia fructifero y cu e luz di Cristo por briya den cada un di nos
" ... Pasobra tur hende cu halsa nan mes, lo keda humilia, ma esun cu humilia su mes, lo keda halsa". Lucas 18,14
Awe nos ta lesa e importancia di humildad y reconoce nos faltanan. Nos por ta manera e fariseo husgando otro y halsando su mes of manera e cobrado di belasting ta reconoce su falta y su necesidad di compasion. Cu humildad nos ta sirbi otro sin busca recompensa; scucha mas y papia menos, na balora e otronan pa loke nan ta y no pa loke nan tin of ta aparenta di ta. Reflexionando continuamente ta yuda evita na cay den orguyo y na mantene nos mirada fiho den e mision cu Señor a confia nos. Biba cu berdadero humildad ta nifica rechasa e mascaradanan cu hopi biaha nos ta pone pa impresiona of pa competi cu otro. No biba un bida superficial of di falsedad, sea un luz pa mundo unda e luz di Cristo ta briya den bo. Loke ta importa no ta con otronan ta mira nos, sino con Dios ta mira nos. Ser bo mes y cu humildad ta acerca nos na e berdadero esencia di nos fe y esey ta haci nos un instrumento den e man di Dios.
Oracion : Señor Hesus, haci mi curason pareu na bo curason. Manso y humilde y obedecido na bo Santa boluntad. Amen.
FORTALEZA PA FAMIA
Scirbi pa Pastor Marcel Balootje.
DEN BO CAS MESTER TIN UN ATMOSFERA, DI PAZ, OBEDIENCIA Y RESPET
rome cu predica algo pafo, nos mester bibe den nos cas.
Nos cas mester ta un cas di respet.
Nos cas mester ta un cas di union
Nos cas mester ta un cas di pas.
Nos cas mester ta un cas di pordon.
Nos cas mester ta un cas limpi.
Nos cas mester ta un cas cu ta stima Dios.
Nos cas mester ta un cas caminda berdad ta bini na prome lugar.
Nos cas mester crea un atmosfera pa e presencia di Dios.
Nos cas mester demostra amor pa otro.
Nos cas mester ta un cas di hospitalidad.
Nos cas mester ta un cas liber di bruheria, idolatria y santeria.
Nos cas mester ta liber di envidia, redo y calumnia.
Nos cas mester ta un cas di alabansa.
Nos cas mester ta un cas di oracion constant.
Nos cas mester ta liber di insulto.
Nos mester ta liber di violencia.
Nos cas mester ta liber di adulterio y perversidad.
Nos cas mester ta un cas di adoracion na Dios.
Nos cas mester ta un cas di testimonio kico
Dios a haci pa nos.
Nos cas mester refleha e amor di Dios.
Den Isaias 38 Rey Ezekias a bira malo pa muri y Dios a manda bise pa e regla asunto di su cas , pasobra e ta bay muri y no ta keda biba mas. Nos cas no ta solamente e edificio. Pero tambe nos curpa y nos bida dilanti di Dios, mester ta di acuerdo cu e palabra di Dios.
Dios no kier pa nos biba un bida con cu ta, sin tene cuenta cu Dios y sin temor di Dios.
Dios kier pa nos tin un bida, santo agradabel den Su perfecto boluntad.
Cu sabiduria un cas ta wordo traha, y cu comprendemento e ta wordo establesi,y cu conocemento e cambernan ta wordo yena,cu tur rikesa precioso y agradabel.( Proverbionan 24:3-4).
Nos mester haci tur locual ta posibel pa tene palabra negativo pafo di nos cas, no papia nada den bo cas cu bo no ta desea.
Papia locual ta agrada Dios, palabra cu ta demostra fe y confiansa den Dios, evita tur palabra cu ta trece duda, palabra cu ta purba limita Dios,y si un hende ta trece duda den bo cas, please hala su atencion y bise cu hopi amor cu duda no ta bin di Dios.
Efesionan 4:29 ta para scirbi: No laga ningun palabra danino sali for di boso boca,sino solamente palabra cu ta bon pa edificacion, conforme e necesidad di e momento, pa esaki por duna gracia na esnan cu ta tende.
No ta nada netji ora palabra malo of mihor bisa palabra sushi y ofensa baho ta wordo papia den cas, pasobra esey no ta un testimonio di educacion, pasobra caminda tin palabra malo y sushi , mucha ta crece sin respet , pasobra nan ta kere cu esey ta lo corecto pa haci.
Un boca limpi , ta ruman di un curason limpi, pero un boca sushi ta ruman di un curason sushi, pasobra locual hende ta papia ta sali for di nan curason.
Un hende sabi ta scucha y haci locual Dios ta bisa pa haci, y e ta purba di haci lo miho, pa agrada Dios y asina e ta wordo bendiciona door di Dios.
Tur locual ta puro, amabel, berdadero,tur locual ta di bon testimonio, tur locual ta digno di alabansa esey ta locual mester wordo papia den bo cas. Mantene bo cas limpi, pasobra Dios ta biba den bo cas, y no lubida cu bo curpa ta tempel di Dios.
Sinceramente, Pastor Marcel Balootje.
Bon praatgroep di Lissette van trigt
Recien mi tabata testigo di tres di e varios encuentronan cu señora Lissette van Trigt a tene na grup’i bishitante cu interes den su praatgroep presenta. E lugar tabata MFA Paradera, pero tambe ta uza MFA Noord y Savaneta. E temanan tabata eo. duna y ricibi compliment, me time y biba den presente.
E praatgroep a nace algun tempo pasa ora cu Lissette, cu ta un trahado social cu mas cu 25 aña di
experiencia na Hulanda, a nota cu aki na Aruba tin e necesidad pa hendenan por reuni cu otro y intercambia idea y pensamentonan. Cada persona por siña di otro y por tambe conseha otro pa haci nos mundo miho.
E encuentronan tin un ambiente positivo y e gruponan a bay cas contento. Durante e encuentro di Easter, Lissette y su esposo Sandy, den forma creativo, a trece frase- y preguntanan
cu tabata duna e grupo chens pa pensa y haya mas aprecio pa e bida cu nan tin. Tambe cada participante a ricibi na final un regalo pa hiba cas.
Na nomber di e grupo mi ta gradici Lissette y esposo pa e entusiasmo cu nan tin y e forma unico di organisa y presenta e praatgroep. Keda pendiente p’e siguiente praatgroep. Pa mas informacion por manda Lissette un mensahe na 5611774.