“E exposicion “Status Aparte” lo keda habri e fin di siman aki, diasabra y diadomingo, for di 12:00 p.m. te 5:00 p.m”
ORANJESTAD – Awe mainta Corte di Husticia a trata e caso penal cu Ministerio Publico a cuminsa contra e homber D.E. (29) kende ta wordo acusa di a hack tres dama, chantagea nan y hasta a viola un di e damanan.
SOLO DI PUEBLO por a compronde cu apesar cu Psycologo y Psychiater ta haya cu D.E. tin problema mental y ta menos responsabel pa su actonan. Fiscal ta haya D.E. culpabel y a exigi 5 aña di prison.
VICTIMANAN A PRESENTA DEN CORTE
Ayera mainta por a mira e victima B. y T. a presenta den Corte, acompaña cu famia. Tambe por a mira cu e victima S., bibando na Hulanda, a comunica via video conference pa tambe ta presente.
DAMA DI 17 AÑA VIOLA
E acusacionnan cu Fiscal a presenta contra D.E. ta, cu na Juni 2014 a viola e dama S., kende e tempo ey tabatin 17 aña. Ademas S. tabata victima di “hack” y chantage di D.E. E otro acusacion ta cu entre Januari 2015 y 11 Januari 2023, a hack y chantagea e damanan B. y T.
Hues a cuminsa cu e violacion di e dama S. na Curacao na Juni 2014. Hues a puntra D.E. y el a bisa cu tabatin relacion sexual pero no a forza S. y no a usa violencia. Hues a puntra D.E. unda el a conoce S. El a bisa via on line el a conoce S. Nan a sali y tabatin intento di relacion sexual pero no a sigui pasobra S. tabata virgin. Ora el a sinti dolor a stop di biaha. Nan tabata hunto 4 dia y e ultimo dia si a tene relacion sexual y S. no a sinti dolor. Dia 11 Juni 2019, D.E. a viaha di Aruba pa Curacao pa topa cu S. y dia 15 Juni 2019 el a bolbe.
CHANTAGEA DAMA
Hues a bisa cu S. a declara na Polis cu bou di presion di D.E. e mester a manda potretnan sunu di dje. Segun D.E., e no a pone presion. Hues a bisa cu S. a declara cu D.E. a hack e ruman muher di S. y tabatin potretnan sunu di e ruman. Pa evita cu D.E. ta publica esakinan, S. a manda potret di su mes. Segun D.E., e y S. tabata forma
Fiscal a exigi 5 aña di prison exigi pa homber cu a hack, chantagea 3 dama y hasta a viola un dama
parti di un grupo cu ta hack computer di hende y tabata chantagea hende. Por a mira riba video conference cu S. tabata yora ora cu D.E. a bisa esey. E tabata sacudi mustrando cu no ta asina. Segun D.E., S. tambe a chantagea e dama T. Hues a bisa cu S. a bisa cu T. a papia cun’e pa haci denuncia contra D.E. Segun D.E., na Januari 2023, el a wordo deteni y S. tabatin miedo cu e lo papia y tur esnan den e grupo di hack lo a wordo deteni. Esey segun D.E., tabata momento cu S. a haci denuncia na September 2023 contra D.E. Hues a bisa cu S. a bisa cu el a warda asina hopi pa entrega keho contra D.E. pasobra e tabata pendiente si D.E. lo publica potretnan di S. y su ruman sunu. Hues a bisa cu S. a declara na Polis cu e motibo cu el a bay topa cu D.E. ta pa D.E. mira cu e ta un persona normal y pa stop di haci loke D.E. tabata haci cun’e. S. a declara na Polis cu e no tabatin intension di tin relacion sexual cu D.E. El a splica cu nan tabata na beach y ora cu S. a bay baña, D.E. kier a bay feita S. na su parti intimo. S. a bisa cu e no tabata kier y tabata sinti incomfortable. Ora cu Hues tabata bisa esey, por mira cu S. tabata yora. Segun D.E. esey no ta berdad. El a bisa cu tur esey ta inventa door di S. cu tabatin tur e tempo pa planea esey.
Hues a sigui bisa cu S. a declara cu D.E. tabata kier a penetr’e y e no tabata kier. D.E. a purba tog y S. a sinti hopi dolor y a grita no y a cuminsa yora. El a bisa tambe cu e tabata purba sera su pianan y D.E. tabata tene su pianan habri. Segun D.E.D na momento cu S. a cuminsa yora, el a stop y cos no a bay manera S. a bisa.
MENSAHENAN CHANTAGE
Hues a mustra cu tin mensahenan whatsapp di D.E. na S. caminda el a bisa: “I will have my hands on you before you expected”. Segun D.E., esey ta un modus operandi cu Hackers ta usa. El a splica cu S. sa di esaki y ta haci chat coordina entre dos persona banda di otro y asina crea un chat cu no ta real. Hues a sigui bisa cu tambe tin mensahe di D.E. cu ta bisa cu e mester caba loke el a cuminsa aña pasa. Segun D.E., el
a manda mensahe pa S. pero cu S. a cambia e text y haci manera cu S. ta wordo chantagea.
HACK Y CHANTAGEA DOS DAMA
Hues sigui cu e dama B., kende a bira victima di D.E. entre Januari 2023 y Februari 2023. B. a declara na Polis cu e conoce D.E. na 2015 y na 2016, D.E. a manda virus y hack su cellular. B. a bisa cu el a wordo chantagea door di D.E. cu e lo publica potretnan di B. E situacion a bira asina serio cu B. hasta kier mata curpa. D.E. tabata pidi potretnan y video sunu di B. sino lo publica e potretnan cu e tin cu informacionnan. D.E. a bisa Hues cu e grupo di hack tabata ocupa cu B. y na 2017 el a forma parti di grupo y a cuminsa chantagea B. tambe. El a bisa cu e tabata haya orden promer pa haci chantage pero na Februari 2022 el a cuminsa haci di su mes. Ariba pregunta di Hues, D.E. a admiti cu el a haci di mas y causa hopi daño na B. Segun D.E. e intension tras di esaki tabata pa D.E. haya su placa.
E otro victima tabata e dama T. El a declara na Polis cu na Jan 2021 lo a haya contacto cu un persona “Gues More”. E persona lo a bisa cu e tin potretnan sunu di T. cu ningun hende tin. El a forza T. pa manda potretnan sunu sino lo bay publica e potretnan cu e tin. Na September 2022, T. a haya mensahe di un persona cu un otro nomber y via su famia a bin haya sa cu ta D.E. E.D. a bisa Hues cu e ta admiti cu el a chantagea T. cu e tin potretnan y informacionnan cu e por usa contra dje. D.E. a bisa Hues cu Gues More ta un account cu mas hende den e grupo di hack ta usa y tambe el a usa. E intension tabata pa chantagea pa placa of pa otro cosnan. Segun D.E., e tabata concentra mas riba victimanan den Caribe. El a bisa Hues cu na dado momento el a sali for di e grupo pasobra e tabata haya cu nan tabata hopi bruto y tabata pone T. yora. El a admiti cu e tambe a bay mucho leu y ta duel’e loke el a haci cu T.
DEMANDA DAÑO
Ta asina cu e dama S. na Hulanda a demanda 28.674 florin na daño material pa tur e tratamento cu e mester a sigui na Hulanda.
Tambe el a demanda 84 mil florin di daño inmaterial door cu el a keda afecta y awor mester haci 1 aña extra di estudio na Hulanda.
E dama T. a demanda 25.790 florin na daño cu ta encera entre otro tur e tratamento cu e ta hayando.
Hues a remarca si D.E. ta realiza cu e tabata haci hopi malo. Segun D.E., el a realisa na dado momento cu e tabata haci malo. Hues a remarca cu D.E. tabata pone e damanan sufri y tog tabata sigui. D.E. a bisa Hues cu mester corda cu no ta e so tabata manda mensahe sino e otronan di e grupo. Hues a remarca cu ta di lamenta cu D.E. ta papia di un grupo di hack pero no tin nada mas di e grupo aki. Segun E.D., el a duna Landsrecherche informacion di e grupo pero no a haci nada. El a bisa cu Hulanda, Australia y otro paisnan, ta na altura di e grupo aki. El a expresa cu e no ta bay compromete su mes.
FISCAL A EXIGI 5 AÑA DI PRISON
Fiscal a bisa cu e victimanan a sufri pa hopi tempo door di D.E. y nan a keda afecta. E acusado tambe mester haya tratamento pa su problema mental. Fiscal a cuestiona e forma con D.E. tabata hack y forza e victimanan pa manda protet sino lo publica potretnan riba media.
Apesar cu e victimanan tabata roga D.E. pa stop, e no tabata haci caso. Fiscal a tuma D.E. na malo pa su actitud. Fiscal a tene cuenta cu psycologo y psychiater cu ta bisa cu D.E. ta menos responsabel pa su actonan door di su problema mental. Fiscal ta haya cu mirando e seriedad di e caso, no tin espacio pa castigo combina pa D.E. haya tratamento. Fiscal a bisa cu ora D.E. Sali liber e por sigui tratamento. Fiscal a exigi 5 aña di prison pa D.E. Subsidiario Fiscal a bisa cu si Hues ta haya cu castigo combina, por pone e tempo di prueba te 10 aña. Fiscal a aproba e demanda di S.
Hues a sera tratamento di e caso y a bisa cu e mester mas tempo pa studia e caso. El a bisa cu 24 April 8.15, e lo sera tratamento di e caso y di biaha lo tin sentencia.
Parlamentario Xiomara Maduro:
“No
ta existi ‘placa barata’ siN uN prijs pa paga”
Parlamentario Xiomara Maduro durante e encuentro publico cu Sindicatonan na Parlamento, a expresa su gran preocupacion tocante e implicacionnan di e Rijkswet HOFA.
“E idea cu tin ‘placa barata’ ta un ilusion peligroso. No tin niun placa barato sin un prijs pa paga. Y e prijs aki, lamentablemente, ta nos dignidad como pueblo,” Maduro a expresa.
Segun e parlamentario, e condicionnan cu a wordo imponi den e Rijkswet HOFA ta bay mas aya di disciplina fiscal y ta toca e autonomia di Aruba como Pais dentro di Reino Hulandes. “Ora cu Hulanda ta obliga nos pa acepta condicionnan cu ta limita nos libertad di decision, nos ta wordo obliga pa bende nos mes
dignidad contra nos mesun boluntad,” Maduro a bisa.
Maduro ta enfatisa cu bon maneho financiero ta importante, pero no por wordo logra a costo di soberania y respet propio di Aruba. “Nos mester busca solucionnan sostenibel cu ta respeta nos pueblo y nos derecho pa tuma decisionnan independiente.”
E parlamentario ta haci un yamada pa un debate habri y honesto den Parlamento y sociedad, pa asina evalua e consecuencianan real di e ley aki riba futuro di Aruba.
“Nos no por permiti cu presion externo ta determina nos rumbo sin considera e impacto profundo cu esaki por tin riba nos identidad y nos futuro como pais.”
Bekendmaking openbare aanbesteding
Request for Proposals voor het project Implementatie energie- en waterregulering bij de Aruba Fair Trade Authority (AFTA) op Aruba
Bekendmaking openbare aanbesteding
De Minister van Financiën, Economische Zaken en de Primaire Sector van Aruba maakt hierbij bekend dat het Land Aruba overgaat tot een openbare aanbesteding van de volgende opdracht:
Doelstelling opdracht: Het doel van het project “Implementatie energie- en waterregulering op Aruba” is om de reguleringstaken en verantwoordelijkheden zoals die in de nieuwe wet worden opgenomen bij de AFTA onder te brengen. Hiermee wordt beoogd dat de AFTA na afloop van het project gereed moet zijn om deze taken zelfstandig uit te voeren. De gekozen aanpak is de inzet van een kwartiermaker die fungeert als ervaringsdeskundige bij de inrichting van de nieuwe taken binnen de AFTA en bij het maken van externe afspraken met de te reguleren entiteiten. Het project zal onder leiding van de AFTA worden uitgevoerd, waarbij samenwerking met de nutsbedrijven WEB, ELMAR en Utilities Aruba van groot belang is.
• Uitvoeringstermijn: mei 2026 – februari 2027;
• Aanbestedingsvorm: Openbare aanbesteding in overeenstemming met Aanbestedingsverordening (AB 2019 no.39) en het Aanbestedingsbesluit (AB 2024 no.14) van Land Aruba;
• Inlichtingen: Schriftelijke vragen kunnen tot en met vrijdag 3 april 2026 worden gericht aan de programmamanager via d.f.verhoeven@deaci.aw;
• Bestek/TOR verkrijgbaar bij: Directie Economische Zaken, Handel en Industrie (DEZHI), L.G. Smith Boulevard 160, Sun Plaza Building, Oranjestad. Tevens opvraagbaar via d.f.verhoeven@deaci.aw;
• Termijn voor indiening offerte: Offertes dienen uiterlijk op vrijdag 24 april 2026 te zijn ontvangen op bovenstaand adres;
• Openingsmoment inschrijvingen: De inschrijvingen zullen worden geopend op maandag 27 april 2026 om 10:30 uur op het adres van DEZHI.
Vereisten inschrijvers:
Algemeen
• De voor dit project gekozen aanpak betreft de inzet van een kwartiermaker met aantoonbare praktijkervaring op het gebied energie- en/of waterregulering. Deze ervaring is opgedaan vanuit een (energie)toezichthouder of autoriteit, een gereguleerde entiteit of vanuit een publiek bestuurlijke verantwoordelijkheid. De kwartiermaker kan op basis hiervan met gezag spreken over energie- en/of waterregulering.
• De kwartiermaker heeft bij voorkeur praktijkervaring met energie- en/of waterregulering in de Caraïbische regio of in Nederland. De kwartiermaker is in staat deze ervaring te vertalen naar de lokale Arubaanse situatie.
• De kwartiermaker heeft de nodige ervaring om op een effectieve manier om te kunnen gaan met gereguleerde entiteiten en publieke bestuurders.
• De kwartiermaker heeft aantoonbare ervaring in het leiden van professionele teams en het begeleiden van kenniswerkers.
• De kwartiermaker beschikt over uitstekende communicatievaardigheden en een hoge mate van interpersoonlijke sensitiviteit.
Specifiek
• De kwartiermaker heeft ruime kennis en ervaring met prijsregulering voor nutssectoren en/of monopolistische markten.
• De kwartiermaker heeft ruime kennis van de bedrijfseconomie.
• Kennis en ervaring met technische kwaliteitsregulering is een pré.
• Beheersing van de Nederlandse en Engelse taal is vereist (zowel schriftelijk als mondeling).
Taal van de inschrijving: Nederlands of Engels.
Valuta: Amerikaanse dollars (USD).
Retributie: Geen vergoeding verschuldigd voor het verkrijgen van het bestek.
Minister Geoffrey Wever: 30 aña fiU arUba – Un pilar den inteGridad
financiero y estabilidad econoMico
Oranjestad 20 maart–Minister di Finansa, Asunto Economico y Sector Primario, mr. Geoffrey Wever, a participa na celebracion di e 30 aña aniversario di Financial Intelligence Unit Aruba (FIU Aruba), unda el a enfatisa e rol crucial cu e institucion ta hunga den proteccion di integridad financiero di Aruba.
Desde su establecemento na 1996, FIU Aruba a evoluciona di un institucion cu tawata procesa algun ciento di transaccionnan sospechoso pa un organizacion cu awe ta recibi mas di 55,000 reporte pa aña. E desaroyo aki ta refleha e crecimiento di complehidad y escalacion di fluho financiero den un mundo cu ta birando mas internacional.
Den su discurso, Minister Wever a enfatisa cu den un economia global unda transaccionnan ta move mas rapido y bira mas compleho, FIU Aruba ta hunga un rol esencial den identifica, analisa y comparti informacion financiero, particularmente den combate contra labado di placa, financiamiento di terrorismo y proliferacion.
Minister Wever a indica cu e trabou aki no ta solamente importante pa ley y orden, pero tambe tin un balor strategico grandi
pa reputacion y stabilidad economico di Aruba. Como un economia chikito y habri, Aruba ta depende hopi riba confiansa di partnernan internacional, inversionistanan y institucionnan financiero.
Un sistema robusto pa proteha integridad financiero, segun Minister Wever, no ta un luho, sino un necesidad absoluto.
Den e contexto aki, Minister Wever a referi na e standardnan internacional establece pa Financial Action Task Force (FATF), cual ta guia paisnan mundialmente den identifica y maneha riesgonan relaciona cu labado di placa y financiamiento ilegal.
Aruba a logra resultado significativo den e area aki. E resultado di e evaluacion mutuo di CFATF na 2021 a confirma cu Aruba ta entre e paisnan den region cu un resultado excepcional, hunto cu otro paisnan manera Bermuda y Belize. Segun Minister Wever, esaki ta un logro importante pa cual Aruba por sinti orguyoso di dje.
Sinembargo, Minister
Wever a enfatisa cu un evaluacion positivo no ta un punto final, sino un responsabilidad pa sigui mehora. Cu e proximo evaluacion programa pa 2029, a indica cu
preparacionnan mester cuminsa awor mes.
Den e marco aki, MinisterPresident y Minister Wever a tuma e decision pa posiciona coordinacion nacional di politica AML/ CFT na FIU Aruba. E decision aki ta reflecta e confiansa di Gobierno den experiencia y posicion internacional di e institucion.
Door di fortalece coordinacion nacional, Gobierno tin como meta pa mehora colaboracion entre tur actor relevante, incluyendo gobierno, toezichthoudernan, servicio di investigacion y sector priva, pa proteha integridad financiero di Aruba di manera mas efectivo.
Minister Wever tambe a resalta cu FIU Aruba, bow
di liderazgo di señor Angelo Brete a logra posiciona su mes internacionalmente den ultimo añanan, participando activamente den rednan global y contribuyendo na intercambio di conocemento den region y mas alla.
Finalmente, Minister Wever a pone enfasis riba e factor humano tras di e institucion, reconociendo e trabou di analistanan, specialistanan y profesionalnan cu ta contribui diariamente na identifica patronnan financiero compleho y riesgonan scondi.
El a expresa su aprecio y respet pa nan dedicacion, señalando cu nan trabou ta fundamental pa Aruba sigui mantene su reputacion internacional.
Na clausura, Minister Wever a felicita directeur di FIU Aruba señor Angelo Brete y tur empleado di FIU Aruba — tanto actual como anterior — cu e logro di 30 aña di existencia, describiendo esaki como no solamente un momento pa reflexiona riba pasado, pero tambe pa mira pa futuro cu confiansa, ambicion y determinacion.
EXPOSICION “STATUS APARTE” NA CEDE DI MEP TA IMPACTA UN PUBLICO GRANDI
“E exposicion “Status Aparte” lo keda habri e fin di siman aki, diasabra y diadomingo, for di 12:00 p.m. te 5:00 p.m”
ORANJESTAD - Dia 17 di maart, Movimiento Electoral di Pueblo (MEP) a inaugura su exposicion “Status Aparte” pa conmemora 40 aña di Status Aparte y 50 aniversario di Himno y Bandera.
E exposicion aki a wordo organisa bou di e responsabilidad di Parlamentario Xiomara Maduro, kende a presenta e historia di e lucha pa
Status Aparte. E enfoke principal tabata riba e declaracion historico cu Betico Croes a haci na su yegada na Aruba dia 18 di maart 1983: “nos a duna 18 di maart un dimension nobo.”
E apertura oficial a wordo realiza pa lider di MEP Evelyn Wever-Croes, hunto cu un nieto di Betico Croes, Gilberto Croes, den presencia di su famia y un grupo grandi cu a bin
haya un prome bista di e exposicion.
Durante e evento, Parlamentario Maduro a duna un discurso unda el a splica e contenido di e exposicion y a gradici tur esnan cu a contribui pa haci e proyecto aki posibel.
E publico presente a mustra gran aprecio pa e exposicion, cual a wordo presenta di un manera bunita y profesional. E panelnan ta bon organisa cu informacion y portretnan historico. Ademas, tin dos telefoon unda bishitantenan por scucha discurso di Betico Croes y e himno di MEP, ambos di gran balor cultural pa Aruba.
Tambe tin material audiovisual unda por mira e trayecto di Betico Croes durante di e añanan, y
e historia di fundacion di MEP na 1971, cu ta un momento clave den historia politico di Aruba.
E exposicion “Status
Aparte” lo keda habri e fin di siman aki, diasabra
y diadomingo, for di 12:00 p.m. te 5:00 p.m. E invitacion ta extendi na tur persona cu tin interes den e historia real di e lucha pa Status Aparte pa bishita e exposicion moderno y inspirador aki.
Parlamentario Xiomara Maduro:
Sindicato a haci trabou di aVP–Futuro:
SPlica hoFa na Pueblo
Parlamentario Xiomara Maduro ta expresa su preocupacion serio riba e falta di interes y preparacion cerca algun parlamentarionan di coalicion AVP–FUTURO riba e Rijkswet HOFA.
“Ta preocupante cu hende cu tin responsabilidad di tuma decision importante pa nos pueblo, no ta plenamente informa riba
e contenido di e ley y ni su posibel consecuencia pa Aruba. Decisionnan di e caliber aki, merece estudio, comprension y compromiso serio,”
Parlamentario Maduro ta expresa.
Esaki a bira bisto durante e encuentro publico cu Sindicatonan, na unda Sindicatonan mes a sinti e necesidad di splica e
Parlamentarionan di AVP FUTURO e contenido di e ley y su consecuencia pa Pueblo. “Parlamemto mester ta un espacio di conocemento, preparacion y debate responsabel, pesey locual a pasa awe den reunion, tabata un ‘dieptepunt’ pa Parlamento,” Maduro ta enfatisa.
Maduro ta haci un yamada na tur Parlamentario di AVP FUTURO pa tuma nan trabou y Aruba su futuro mas na serio: informa, prepara y actua semper den interes di pueblo. Pueblo di Aruba merece liderazgo responsabel y bon informa. Locual e Fraccion di AVP y FUTURO a presenta awe, a laga hopi di desea.
Parlamentario Ing. Carlos Bermudez:
“reSPet Pa Sindicato no ta Sinonimo di Silencio”
ORANJESTAD (19 di maart 2026) - Parlamentario di AVP, ing. Carlos Bermudez a expresa claramente cu e tin hopi respet pa sindicatonan, pero cu respet no ta sinonimo di silencio. Ora tin inconsecuencia of dobel moral, mester menciona esey sin miedo y cu tur transparencia.
Bermudez a tuma nota cu diaranson ultimo sindicatonan a organiza un demostracion cu borchinan cu frase “Wij kunnen zelf”. Riba un momento caminda nos mester mustra unidad dentro di Reino Hulandes. Loke a mustra ta
hustamente desunion. E tipo di accion aki no solamente ta iresponsabel, pero tambe ta manda un señal político cla: en bes di uni pueblo, ta dividi; en bes di representa tur trahador, ta sirbi un interes selectivo.
E tema HOFA ta y semper lo ta un asunto estrictamente politico. No ta y nunca lo bira un tema laboral. Pretende contrario ta simplemente confundi pueblo. Durante pandemia na 2020, ora Hulanda a extende un man di yudansa pa Aruba, no tabata ni un sindicato dilanti oficina di Gobernador of VNO cu borchi cu palabra di reconocemento\ gradicimento. Tampoco esey tabata di spera, pasobra e tema tabata politico. Pero e contraste cu situacion actual ta mustra un falta di
coherencia.
Na 2024, ora gabinete Wever-Croes II a anuncia cu tin surplus, pero riba 4 di juni 2024 a firma un Bestuurlijk Akkoord cu ta habri caminda pa un Rijkswet, sindicatonan a keda completamente den silencio. Ni un critica, ni un manifestacion, ni un posicion. Nan no a lanta un borchi cu frasenan manera “NEE aan Bestuurlijk Akkoord”. Esaki no ta casualidad, esaki ta selectividad. Ademas, ora Gabinete Wever-Croes II a gaba publicamente, via IslaOnline y den varios conferencia di prensa, cu e firmamento di e Bestuurlijk Akkoord lo trece 16 miyon adicional den caha di gobierno, sindicatonan tampoco a cuestiona e contradicción di a sigui
cu e Rijkswet mientras cu tin surplus. Nan no a defende interes laboral den e momento ey. Nan no a puntra si por a uza e recuerso ey pa crea empleo, pa mehora servicio, ni pa beneficia trahadornan. Esaki si tabata nan rol, pero nan a keda completamente keto.
Ainda mas, ora a expresa cu e Rijkswet tabata negocia pa 90%, a reina un silencio total. Ningun voz, ningun resistencia. Esaki ta confirma cu nan accionnan no ta basa riba principio, sino riba conveniencia.
Loke ta mas preocupante, segun Bermudez, ta e echo cu despues di 28 maart 2025, ora gabinete AVP-FUTURO a asumi responsabilidad, diripiente e sindicatonan “a spierta”. Awor si nan ta protesta, awor si nan ta papia, awor si nan ta mete den politica. Esaki ta un señal evidente cu neutralidad no ta existi y cu tin un color político claramente presente. Sindicatonan tin tur derecho
pa expresa nan opinion— esey no ta discusion—pero credibilidad bo no ta gana cu solamente demostracion, bo ta gane cu consistencia. Y bo ta falta di consistencia y conherencia, confianza automaticamente ta bay perdi.
Fraccion AVP ta mantene su posicion firme: nos lo warda consehonan di Raad van Advies (Aruba) y Raad van State (Hulanda) prome cu trece cualkier conclusion definitivo.
Durante e reciente reunion cu e sindicatonan, nan a sali expresa cu nan NO ta liga na un partido político. Bermudez ta spera cu esaki ta e caso y lo monitoria e punto aki pasobra accion di pasado pa cu proceso di Rijkswet a laga un duda. Por ultimo, Parlamenario Bermudez a indica cu “si bo ta fanatico di RoodKapje, lo bo mira e wolf semper como e culpabel; aunke e realidad por ta completamente diferente.
Shailiny Tromp-lee cu yamada fuer Te
pa defende noS auTonomia paSobra noS meS por! biSa no na hofa!
Durante e encuentro publico di dia 19 di maart 2026, den presencia di Sindicatonan den union mi a enfatisa e necesidad pa nos laga nos bos resona na defensa firme pa e dignidad di nos pais.
Mi a pone enfasis cu e momento pa traduci palabranan bunita den accion concreto a yega: Aruba mester rechasa e Rijkswet HOFA pa proteha e autonomia cu nos grandinan a lucha p’e. Mi a enfatisa y subraya cu
mi tabata contra di CHE, COHO, RAFT y awor mi ta contra HOFA.
E posicion aki ta basa riba e realidad cu Aruba a demostra caba di tin e capacidad y e boluntad politico pa maneha su propio finansas y actualmente ta cumpliendo cu normanan ancra den nos ley local cu ta funcionando efectivamente.
E Responsabilidad di e Generacion Actual Nos ta den e aña cu Aruba
ta bisti di gala pa celebra 50 aña di nos Himno y Bandera y 40 aña di nos Status Aparte, y pesey mi a haci un yamada na e consenshi di mi coleganan parlamentario. Mi a urgi pa no laga nos ta e generacion cu ta entrega loke nos grandinan a lucha asina duro p’e, pasobra e libertad di Aruba no tabata un regalo, sino un resultado di e curashi di homber y muhenan cu a kere den nos capacidad pa goberna nos mes.
Realidad Financiero vs. Strategia di Miedo
Den e comunicado aki mi kier agrega cu mi ta rechasa categoricamente e uzo di miedo pa forsa nos na firma e Rijkswet aki. Cifranan financiero stabiel y un economia recuperando fuerte ta pruebanan bibo cu Aruba no mester entrega su derecho di presupuesto, e curason di nos democracia, na un organo cu no tin cu
duna cuenta na e pueblo di Aruba.
Alabes mi kier a haci referencia na expertonan constitucional manera Elzinga y Hoogers, cu ya a bati e alarma cu HOFA no ta un "check-up" temporal, sino un peliger real pa un cambio di autoridad permanente, mescos cu a sosode caba na nos islanan ruman Corsou y Sint Maarten.
Un Apelacion na Coalicion
Na final di mi disertacion mi a haci un apelacion na e coleganan di coalicion representanto e partido mas grandi pa nan asumi responsabilidad y fiha
un posicion. Pasobra ta incompredibel cu un partido grabdi asina nos por tin un opinion riba un asunto asina importante. Pa termina mi kier bisa loke door di tempo, mi no a logra bisa den sala di parlamento. Mi lo desea pa nos para hunto y duna Aruba e regalo di mas grandi den e aña di fiesta aki: e confirmacion cu nos ta un pueblo digno, capas y liber. “Nos no mester di e Rijkswet aki pa ta financieramente responsabel. Nos ta responsabel pasobra nos tin amor pa nos pais. Aruba no mester di cadena, pasobra Nos Mes Por!”
EDUARD PIETERS (PPA):
“PARLAMENTO A SILENCIA GREMIONAN Y TA PONE AUTONOMIA DI ARUBA NA RIESGO”
Despues di un celebracion basta confuso di 40 aña di Status Aparte y 50 aña di nos Himno y Bandera, parlamentario Eduard Pieters di fraccion di PPA ta bolbe ati alarma serio: proceso alrededor di e Rijkswet HOFA no ta solamente cuestionabel, sino peligroso y totalmente antidemocratico.
Siman pasa, riba iniciativa di fraccion di PPA, awe a convoca un encuentro publico cu e 13 representantenan di e gremionan pa duna bos na e gremionan cu ta representa e trahadornan y interes di pueblo di Aruba. Pero manera presidente di Parlamento a dicidi di conduci e reunion, segun Pieters, ta mustra mas un tendencia preocupante: silencia e bos di pueblo den Parlamento mes.
5 Minuut pa pueblo…Un falta di respet institucional A manda e invitacion pa e reunion dialuna, pues den menos di 72 ora di aviso, poniendo presion riba e gremionan pa organisa nan presencia. Sinembargo, apesar di e limitacionnan, e gremionan a presenta nan mes cu determinacion pa defende nan posicion riba HOFA.
Pero e trato cu nan a haya den Parlamento, segun Pieters, ta simpelmente inaceptabel.
“Duna nos unicamente 5 minuut pa presenta y pa haci pregunta riba
un tema asina serio, ta un manera elegante y autoritario pa silencia e representantenan di pueblo,” Pieters a declara.
Pa PPA, esaki ta un falta di respet pa democracia.
Coalicion silencioso, oposicion cu presion
Segun Pieters, e actitud di coalicion durante e encuentro tabata igual preocupante. Durante gran parti di e reunion, mayoria parlamentario a keda den silencio, sin cuestiona ni confronta e informacion presenta pa e gremionan.
“Tabata te ora oposicion a cuminsa presiona cu e preguntanan serio, cu algun miembro di coalicion a reacciona,” Pieters a indica. “Y esakinan tabata speech sin direccion, sin contenido real y te hasta tin un miembro di fraccion di AVP tabatin e curashi di cuestiona sindicatonan, caminda cu nan mes a bay campaña y bisa nan votadonan cu nan ta contra Rijkswet y awe nan gobierno ta pro Rijkswet” Mas cu claro esaki ta refleha un problema mas profundo: “E parlamentarionan di coalicion ta comporta mas como representante di gobierno, en bes di e representantenan di pueblo”.
Gremionan a representa pueblo mas cu parlamento Un punto contundente cu a sali for di e encuentro
tabata cu, segun Pieters, e sindicatonan a mustra mas liderazgo den defende interes di pueblo cu e propio parlamentarionan di coalicion.
“Ta parce cu e 13 representantenan di e gremionan tabata defende pueblo mas cu e parlamentarionan di AVP y FUTURO,” Pieters a expresa. “Y esaki pueblo di Aruba no mester acepta.” E critica aki ta toca e esencia di democracia: Parlamento ta existi pa representa pueblo, no pa valida decision di gobierno sin cuestiona.
HOFA: Sin consenso, sin legitimidad
Centro di e debate ta e Rijkswet HOFA, un ley cu segun gobierno ta necesario pa disciplina fiscal, pero cu segun PPA ta representa un riesgo directo pa autonomia y autodeterminacion di Aruba.
Segun Pieters, un consensusrijkswet mester tin consenso real, no solamente di gobierno, pero di Parlamento y pueblo.
“Aworaki, ni Parlamento, ni pueblo, cu ta representa pa e sindicato- y gremionan, no ta di acuerdo. Pues con nos por papia di consenso?” Pieters a cuestiona.
Pa PPA, proceso actual ta un ehempel cla di bypass di Parlamento y un falta di respet pa procedimento democratico.
Alternativa real: Disciplina sin perde autonomia
Pieters a enfatisa cu PPA no ta contra disciplina fiscal. Al contrario, e fraccion ta proponiendo alternativa concreto: fortalece supervision financiero via un begrotingskamer local, dentro di marco constitucional di Aruba. E argumentonan financiero tambe ta fuerte:
● Debe di Aruba a baha di 117% di GDP na 64% den 5 aña ● Proyeccion ta cu esaki lo baha te 50% pa 2030
“Si nos ta demostra disciplina financiero, pakico nos tin cu entrega nos autonomia y autodeterminacion bou di un Rijkswet?” Pieters a puntra.
Un momento di decision pa pueblo di Aruba
Pa Pieters, e situacion aki ta hopi mas cu un debate tecnico. Ta un momento decisivo pa democracia y autodeterminacion di Aruba.
“Si Parlamento no tin bos ni voto real riba decision financiero, pakico pueblo mester vota?” el a cuestiona. Segun Pieters, si implementa HOFA sin resistencia, Parlamento di Aruba ta core e riesgo di perde su rol esencial.
Finalmente Fraccion di PPA ta bolbe haci un yamada pa crea un frente nacional hunto cu e sindicatonan, e gremionan comercial y pueblo, pa mustra Hulanda claramente cu no tin consenso riba HOFA y trece e alternativanan cu PPA ta propone “Nos ta dispuesto pa supervision, pero den un forma cu ta respeta nos autonomia y autodeterminacion,” Pieters a conclui.
Minister di Husticia a celebra e di 57 aniversario di inMigracion aruba
Den un momento yena cu orguyo, Minister di Husticia mr. drs. Arthur Dowers hunto cu Minister di Husticia di Sint Maarten mr. Nathalie Tackling a haci un bishita oficial na Inmigration Aruba pa conmemora su 57 aniversario, marcando casi seis decada di dedicacion na proteccion di nos frontera y servicio na comunidad.
Na 19 di maart 1969, Aruba a marca un paso historico ora e prome oficial di inmigracion den rango civil, Joy Fingal, a cuminsa traha como immigratieambtebaar.
Durante e periodo ey, e servicio di immigracion tabata cay bao di Cuerpo Policial Aruba Sectie
Vreemdelingenpolitie
Luchthaven y gradualmente tabata hinca mas personal den rango civil como funcionario publico di immigracion, pero resortando keto bay bao di Cuerpo Policial. Cu tempo, e organisacion a sigui adapta na e demanda di un mundo biahero dinamico.
Dia 1 di september 2002 a saca Sectie
Vreemdelingenpolitie
Luchthaven for di KPA y a bira Departmento di Immigracion y Naturalisacion Aruba (DINA), integrando tambe Directie Openbare Orde en Veiligheid (DOOV) y Cuerpo Policial (seccion di naturalisacion). Na 2006, a restructura DINA den dos entidad importante: Instituto Alarma y
Seguridad Aruba (IASA) y DIMAS, fortaleciendo asina e sistema di siguridad y maneho migratorio di Aruba. E tempo ey IASA tabata consisti di Migracion, Guarda Nos Costa y Radar, pero na 2009, a kita Radar for di IASA y na 2011 Guarda Nos Costa a pidi pa resorta bao di KPA. Dies aña despues, e institui Inmigracion como departamento riba su mes.
Durante e celebracion, Minister Dowers a expresa su gratitud profundo na tur empleado cu ta contribui tur dia na construccion di un institucion fuerte y respeta. Minister Dowers ta reconoce e falta di personal na Inmigracion
y a informa tur presente cu ya ta trahando riba e proceso pa recluta un grupo di candidato pa e opleiding di immigracion cual pronto lo inicia. Inmigracion Aruba ta un pilar esencial den garantisa siguridad, stabilidad y confiansa pa nos pais y apesar di tur cos, e personal ta traha cu hopi dedicacion. Inmigration Aruba ta sigui move den un direccion strategico, enfoca riba eficiencia, innovacion y un servicio cu ta responde na e necesidadnan di biaheronan. E aniversario aki no solamente ta un momento di reflexion, pero tambe un recordatorio cu e trabao ta continua, cu un vision cla pa futuro.
Ursell
Arends (RAIZ): Pa un Aruba dushi pa Biba ta rekeri pa
ORANJESTAD, ARUBA20 MAART 2026 -Durante e ultimo decadas hopi rapport a wordo traha cu ta indica cu Aruba a surpasa su capacidad di carga. Pa complementa e rapportnan aki, manehonan a wordo crea prometiendo nos cambionan necesario pa nos logra un turismo sostenibel y alabes un maneho yama ‘high value – low impact’. Ta parse cu tur esakinan a keda solamente riba papel paso te cu awe, nos no a mira e cambionan cu e documentonan aki a propone.
E situacion cu nos isla ta enfrentando no ta “overtourism” pero mas bien “unbalanced tourism”, un turismo desbalansa. Un di e problemanan real cu nos beach nan ta ‘overcrowded’ tin di haber cu e e crecemento drastico y desabalansa di turismo crucero y vacation rentals. E articulo aki ta dedica na elabora riba e cresemento descabeya di turismo crucero y su impacto riba nos bida diario. Si di berdad nos como pais kier trece nos turismo den balansa y logra crea e bida digno y harmonioso pa nos comunidad y nos naturalesa, e ta rekeri pasonan concreto. Si nos cuminsa na atende cu e turismo crucero, nos lo dal e prome paso pa logra esaki. Durante e ultimo tres decadanan, nos pais a experencia un cresemento di turismo crucero di 230.26% cual ta representa un total di 676,847 turista crucero mas cu nos a ricibi na 1995. Pa 2026 ta projecta un cresemento di minimo 1% di bishitante crucero cu ta bay pone cu Aruba lo surpasa 1 miyon bishitante crucero
pa prome biaha den nos historia.
E cantidad di turista crucero halto aki ta locual ta pone presion inmenso riba nos infrastrucura diario. Cuidadanonan y bishitantenan ta experiencia cu Oranjestad su careteranan ta congestiona y awor hasta Watty Vos Boulevard ta sinti efecto di esaki ora tin 2 of tres barco den waf cu awendia ta algo comun ora mira e cruise schedule publica te cu juni 2026. Halando e problema di Oranjestad pa otro parti di Aruba, no ta un solucion aceptabel ni duradero. Solucionnan proponi: Pa salvaguardia e “One Happy Island” cu nos grandinan a lucha pe mester asumi responsabilidad pa cu e futuro generacion.
1. Priorisa turismo ‘stayover’ riba bishitantenan crucero
Cambia nos mercadeo drasticamente y e inversion den infrastructura pa ‘longer-stay travelers’ y asina atrae bishitantenan cu un poder di compra mas halto. Esaki lo duna bek na nos economia ora di kita e bishitantenan crucero cu tin un poder di compra hopi abou. Na su turno, bishitantenan crucero cu un poder di compra hopi halto lo por regresa nos isla pa un periodo mas largo y gasta mas placa pa dia como un bishitante ‘stayover’.
2. Limita e cantidad di barco crucero pa dia
Pone un limite fiho diario riba barconan cu ta mara na Aruba. Un plafond estricto. Menos barco ta significa menos bishitante riba e mesun dia y menos congestion na luganan tur
rond di nos isla, incluyendo nos beachnan. Esaki ta e palanca mas liher pa hala. Maneho di nos bishitantenan ta locual cu ta keda falta y door di introduci esaki por kita e presion di hopi bishitante na e mesun caminda.
3. Impone un impuesto ambiental halto pa cada bishitante crucero
Pasaheronan crucero na e momentonan akinan no ta paga ningun levy/tax ora di drenta Aruba, pero ta esunan cu ta causando e congestion y impacto mas grandi. Hisa e tarfinan di waf significantemente y agrega un impuesto riba sostenibilidad pa cada pasahero crucero. Alabes ‘earmark’ e fondonan aki pa Aruba Conservation Foundation (ACF) kende ta apunta legalmente pa maneho di areanan protegi na Aruba pa asina e suma wordo usa pa conservacion y regeneracion di nos naturalesa.
4. Restringi aceso na areanan sensitivo
Designa zonanan di protection ecologico y cultural cu excursionnan no por drenta. Proteha rifnan, mangelnan y barionan local for di rutanan di tour masal.
5. Plan di ‘phase-down’ a largo plaso
Anuncia un strategia di reduccion gradual pa aña 2028. Duna negoshinan tempo pa adapta mientras ta señala claramente cu Aruba ta tumando un paso drastico den direccion di un modelo di turismo di volumen mas abou (lower volume) y balor halto (high value). Pero, e compromiso mester ta real. Turismo Crucero
ta sostene trabounan den benta, taxi, servicionan di TO y excursionnan cu UTV/ATV. Pero si meta di Aruba a largo plaso ta sostenibilidad y mas ainda turismo regenerativo, proteccion di ecosistema y preservacion di calidad di bida, baha volume y aumenta balor pa bishitante, ta e strategia clasico pa nos crea “Un Aruba Dushi pa Biba ta un Aruba Dushi pa Bishita” Mi ta kere cu e realidad aki ta pone cu na Aruba nos tin cu haci un refleccion profundo y nacional riba consecuencianan, posibilidad di diferente scenario y con ta prepara of evita cada un di nan.
E señalnan cu Gabinete AVP - Futuro ta manda awor no ta consistente cu e liña di pensamento aki. Es mas, ta parce hasta di no tin e compromiso suficiente pa ehecuta locual ya a wordo discuti. Ta parce cu kier purba di gana tempo of sconde pa tuma e decisionnan pa frena e cresemento descabeya di turismo; manera anuncio di minister di turismo pa cera tur beach 1 dia pa luna na 2028, esaki den mi opinion ta un ‘losing proposition’ si enberdad e obhetivo ta regeneracion di naturalesa. Por mira ehempelnan concreto di paisnan manera Tailandia (Maya Bay), Philipina (Boracay Island) cu a cera pa un periodo largo pa duna naturalesa su espacio pa regenera debi na impacto di turismo cu a destrui naturalesa. A habri bek, pero cu maneho concreto. Esaki ta locual cu ta yama “bold decisions”.
For di ultimo declaracion di varios lidernan den nos comunidad mi a tuma nota
cu riba papel en todo caso a dicidi caba di atenda cu turismo di massa. Locual falta awo, ta e decisionan concreto y ehecuta na tempo pa realisa esaki. Mi no ta kere nos tin luho di tempo pa warda e momento ideal pa tuma y implementa e decisionnan importante aki. Mester gara e toro na cu cacho awo; dicidi y ehecuta. For di mi punto di bista, e maneho di turismo mester ta husto, no solamente pa e generacion actual pero tambe pa futuro generacionnan, locual ta rekeri decisionan firme cu esaki den bista. Decisionan cu podise ta haci dolor y cu kizas ta crea malcontento den comunidad, kisas asta perdida di voto, pero cu ta mihor pa nos pais riba largo plazo. Decisionan duradero y husto entre generacionnan, y mas cu tur cos…decisionan cu ta gara e toro na su cacho! Pa cifranan concreto di e crecemento di turismo na Aruba por bishita: https:// raizaruba.com/ursellarends-raiz-pa-un-arubadushi-pa-biba-ta-rekeri-pagara-e-toro-na-su-cacho/
robert Candelaria a gradua Cum laude Cu maestria den governanCe & leadership
Secretario General di Ministerio di Asuntonan General, Robert Candelaria, a completa cu exito su programa di maestria den Governance & Leadership, obteniendo e titulo di Master of Arts na facultad di Arts and Science, cum laude. E logro academico aki, celebra den presencia di Prome Minister Mike Eman, hunto cu famia, colega y otro invitadonan,
kende a acompaña Candelaria durante defensa di su tesis y posteriormente a felicite cu su exito.
E maestria den Governance & Leadership ta enfoca riba fortalecemento di capacidad strategico y liderazgo den sector publico, algo cu ta fundamental pa desaroyo institucional y gobernacion eficaz.
Durante e ocasion, a
resalta e dedicacion, disciplina y compromiso di Candelaria cu su formacion profesional, combinando su rol den servicio publico cu estudio academico di nivel superior.
Durante e ocasion, a resalta e dedicacion y perseverancia di Candelaria, kende a logra completa su estudio na un nivel sobresaliente.
E ceremonia a culmina den un ambiente di orguyo
y reconocemento, unda tur presente a felicita Robert Candelaria pa su logro
academico y compromiso cu su desaroyo personal y profesional.
Riba fecha natalicio di pRome ministeR pResident di aRuba
Stambia conmemorativo dedica na Jan Hendrik Albert ‘Henny’ Eman pa destaca su legado y impacto politico
Den ocasion di natalicio di Jan Hendrik Albert ‘Henny’Eman, Post Aruba NV a presenta awe mainta un stambia conmemorativo na su honor, resaltando su legado como e prome Minister President di Aruba y arkitecto di su desaroyo moderno.
Durante e conferencia di prensa, a destaca cu Henny Eman, como prome Prome Minister di Aruba, a guia e isla den un momento historico di transformacion na 1986, ora Aruba a bira un pais riba su mes dentro di Reino Hulandes. Su liderato tabata caracterisa pa calmo, cu determinacion y un vision firme pa futuro di e pais.
E transicion aki a tuma luga den un periodo di gran reto economico, despues
di ciere di refineria Lago.
Sin embargo, Eman a logra re-posesiona Aruba internacionalmente, cu enfoke riba turismo como motor principal di economia. Entre su logronan a destaca e introduccion di facilidad di pre-clearance cu Merca na 1989, convirtiendo Aruba den prome pais den Caribe cu e facilidad aki.
Ademas di desaroyo economico, Eman a pone enfasis riba capital humano. Bou di su liderato, a amplia oportunidadnan educativo pa hoben, incluyendo fortalecemento di educacion superior y reapertura di universidad na Aruba.
Su filosofia di gobernacion tabata basa riba igualdad y husticia social. E introduccion di cobertura medico general pa tur residente a marca un paso importante den garantia di cuido y dignidad pa tur ciudadano.
E liderazgo di Eman tabata caracterisa pa confiansa, respe y empoderamento, convirtiendo su persona no solamente den un lider politico, sino tambe un ehempel moral den servicio publico. E diseño di e stambia, crea pa artista Nigel Matthews, cu a incorpora un retrato central di Henny Eman y elemento simbolico manera e bandera di Aruba, representando continuidad, liderazgo y identidad nacional. Durante su discurso, den presencia di invitadonan y coleganan, Minister Geoffrey Wever, Minister Rene Herde, Minister Mervin Wyatt-Ras, Minister Gerlien Croes como tambe miembronan di parlamento y famia Eman, Prome Minister Mike Eman a comparti reflexionnan cu a duna un dimension personal profundo na e ceremonia. Como ruman di Henny
Eman, el a enfatisa cu tras di cada lider tin un historia humano y di famia. Eman a recorda con su ruman a asumi responsabilidad na un edad hoben, interrumpiendo su estudio pa yuda cu su famia despues di fayecimento di nan tata. Segun e Prome Minister, momentonan asina ta revela e caracter di un lider.
El a subraya cu Henny Eman no solamente a responde na un yamada familiar, sino tambe na un yamada historico, ora el a asumi liderazgo di un partido politico den crisis y
posteriormente guia Aruba den un periodo decisivo di su historia.
“E momento di reconocemento ta duna nos forsa pa sigui cumpli cu e tarea cu nos tin dilanti,” Eman a indica, enfatisando e importancia pa generacionnan nobo reflexiona riba e sacrificionan y contribucionnan di e lidernan cu a bin prome. E ceremonia tin un dobel significado: nacional, pa honra un lider historico, y personal, pa un familia cu a comparti su bida cu pueblo Arubano.
UN TRIBUTO DEN COLOR Y HISTORIA: E LEGADO DI HENNY EMAN SEGUN ARTISTA DISEÑADO NIGEL MATTHEWS
Estampia conmemorativo dedica na Henny Eman, prome Minister President di pais Aruba, no ta solamente un representacion visual, sino un interpretacion profundo di su caracter y legado, segun artista Nigel Matthews, responsabel pa e diseño.
Durante un entrevista, Matthews a splica cu su intencion tabata pa bay mas aya di un simpel portret. “E no ta solamente un portret, e ta expresa hopi mas,” el a indica, enfatisando cu e diseño ta mustra Henny Eman como un homber activo y di gran dignidad, cu a dedica su
bida na pais.
E composicion ta incorpora dos representacion di Eman, un version hoben y otro mas maduro, cu ta “interactua cu otro”, simbolisando crecemento, experiencia y continuidad den su liderato.
Segun Matthews, e uzo di e bandera di Aruba den fondo di e diseño no ta casual, sino un elemento central cu ta representa Status Aparte y e papel historico di Eman den e proceso aki.
E artista a revela tambe cu e proyecto, completa den un periodo relativamente cortico, den menos di dos siman, despues di haya e encargo oficial. Caminda a logra concentra riba e detaye y significado di e obra.
Matthews a describi e experiencia como un honor, señalando cu e simbolismo di e stambia ta conecta directamente cu e rol di Henny Eman como prome Prome Minister di
Aruba como pais riba su mes.
“E significacion ta hopi grandi, e ta e prome Prome Minister di Aruba den Status Aparte,” el a expresa, añadiendo cu e reto di captura esey den un solo imagen tabata
considerable.
E stampia conmemorativo no solamente ta honra un lider historico, sino tambe ta presenta un interpretacion artistico di su legado pa generacionnan futuro.
SOPI DI LETRANAN
UN fELIz DIA y c U DIOS
bENDI cIONA bOSO RIcAmENTE
”P’esey obedece y sigui tur cos cu nan bisa, ma no haci manera nan ta haci si! Pasobra nan mes no ta haci loke nan ta bisa. Mateo 23,1
Rumannan e Palabra di Dios ta siña nos cu nos mester ta atento, hopi hende ta papia bunita pero nan bida ta mustra e contrario.Nos mester purba sigui e bida di Hesus.
E no ta facil pero e recompensa ta Bida Eterno. Awo cu ta tempo di Cuaresma ban pidi Hesus laga nos cana hunto cu nE.
Si nos conoce su Palabra ban bibe. Ban cana cu Hesus, ora nos trompeca pidi’E lanta nos bek. Bunita ta cay y lanta bek y reconoce cu nos a comete un eror y pidi pordon. Sea humilde.
Oracion: Dushi Hesus nos kier ta humilde, cana den Bo pasonan. Guia nos y mustra nos cua ta e obra cu Bo kier nos haci den e Cuaresma aki. Laga nos papia y ta un ehempel di Bo den obra y nos bida diario.
Fraccion di MEP: VELd SociaL na arUBa Tin
UrGEncia di SoSTEn FinanciEro
ORANJESTAD
-
Durante un reunion cu organisacionnan di centro di bario y cu CEDE Aruba, a sali na cla cu e veld social na Aruba ta enfrenta un situacion preocupante.
Segun CEDE Aruba, despues di 2018 tabata tin hopi fondo disponibel pa reforsa e sector social. E inversionnan ey a yuda pa lanta y fortalece diferente iniciativa y programa pa sostene nos comunidad. Sinembargo, CEDE Aruba a indica cu actualmente e fondonan ey a caba. Consecuencia di esaki ta cu hopi organisacion y iniciativa social a bolbe practicamente na “square one”, sin e base financiero necesario pa continua cu nan trabao importante den nos comunidad.
E realidad ey ta mustra cu e necesidad pa mas fondo den e campo social ta urgente. Tin un demanda creciente pa sosten pa programa social, pa guia hubentud, pa yuda famianan vulnerabel y pa mantene iniciativa comunitario den barionan. Na mes momento, e
gobierno actual a reserva 70 miyon florin pa un fondo di inversion. Te ainda, sinembargo, no a presenta plan concreto tocante con e fondo ey lo wordo utilisa. Mientras tanto, e veld social, cu ta traha tur dia directamente cu nos comunidad, ta sinti falta di sosten.
Lamentablemente, na mes momento e gobierno di AVP y Futuro a dicidi riba nan prome dia di trabou, pa corta 6.2 miyon florin for di fondo destina pa e sector social. E decision aki ta manda un señal ekiboca den un momento caminda e necesidad ta mas grandi cu nunca.
Nos ta kere firmemente
cu inversion den e veld social no ta un gasto, pero un inversion den stabilidad social, prevencion y bienestar di nos comunidad. Organisacionnan social ta e prome linea di sosten pa hopi ciudadano y famia.
P’esey nos ta urgi e gobierno di AVP y Futuro pa pone prioridad real na e veld social. E necesidadnan ta cla, e organisacionnan ta haci trabao valioso, y nos comunidad ta depende di nan.
Aruba mester di un gobierno cu ta comprende cu fortalesemento di e veld social ta fundamental pa un sociedad fuerte y balansa.
