Parlamentario Eduard Pieters (PPA):
PARLAMENTO DI ARUBA TA RIBA
UN RUMBO DI TA
ANTIDEMOCRATICO Y DICTATORIAL
KEHONAN CONTRA
INSTANCIANAN
DI CUIDO BO
DERECHONAN Y POSIBILIDADNAN
DCNA Y CARMABI TA TRECE
EXPERTONAN REGIONAL HUNTO PA
MEHORA CALIDAD DI AWA DEN CARIBE
GOBIERNO A BY-PASS
SINDICATONAN PA AWOR CORE
BUSCA NAN OPINION RIBA
RIJKSWET HOFA
UN DAMA Y UN HOMBER A KEDA CONDENA COCAINA SCONDI
DEN MANGEL Y COSNAN DI FIESTA TABATA WORDO EXPORTA PA DIFERENTE PAIS
Diahuebs mainta, Prome Minister mr. Mike Eman hunto cu e ekipo dinamico di Accion di Bario den e bario di Madiki. Pa e ocasion aki, dr. John Croes a comparti un parti di e historia di e mata di aloe.
No mucho hende sa cu aloe ta un mata cu a wordo importa pa tatarabuelo di dr. Croes, cu ta señor Fernando Martis, un Hulandes cu a naca na 1839, segun registro di censo di Corsou. Fernando tabata capatas di ofishi y durante e biahenan transatlantico entre Corsou y West Africa, den cual Fernando tabata responsabel pa cuida e esclavonan durante e trayecto largo, e la trece tres mata di aloe pa Corsou, y despues dos mata di aloe pa Aruba, cual tabata matanan desconoci riba e islanan di Antiyas Hulandes.
Esun cu Fernando a trece Aruba, e keda planta den e mesun area di Madiki, den cercania di unda e Accion di Bario a start diahuebs mainta.
Dia 3 di augustus 1875, Fernando a bira tata di un yiu homber Esteban
aloe si a florece. E aloe ta conoci pa su potencial medicinal pa cual Aruba tin su propio fabrica di productonan di aloe cu ta mundialmente reconoci.
Martis, cu na grandi tabatin un plantacion grandi di aloe den e area di Madiki y Hato.
Despues di a comparti e parti di historia aki, dr. John Croes a entrega Prome Minister Eman un mata di aloe como simbolo di apoyo pa sigui cuida nos flora y fauna y pa reconoce tur e curanderonan y yerbateronan aki na Aruba.
Na final, dr. Croes a gradici Prome Minister Eman pa su gran labor pa cu nos naturalesa y a desea Eman tur clase di exito y sabiduria den ehecucion di e plan nacional di reforestacion.
Prome Minister Eman a keda impresiona cu e historia aki, y a reflexiona riba e inportancia di e mata di aloe den historia economico di Aruba cu hasta e ta parti di nos escudo nacional. Aloe tabata un di e pilaarnan economico na cual Aruba a wanta durante e temponan di secura den cual plantacionnan di otro mata no tabata logra pa provee suficiente entrada pa sostene nos comunidad,
“Esaki ta un momento di afirmacion di e historia di nos pais y un compromiso pa continua tambe pa generacionnan cu awe nos tin un dokter para akinan cu a tuma e inspiracion aki di su tatarabuelo pa
busca den e matanan di tera, e medicina cu nos
comunidad mester”, Eman a termina bisando.
E tension den Parlamento di Aruba ta sigui aumenta. Parlamentario di fraccion di PPA, Eduard Pieters, a denuncia abiertamente e forma con e Presidente di Parlamento ta maneha e proceso di debate publico. Un maneho cu segun Eduard Pieters, ta sin respet, transparencia y esencia di nos democracia.
Segun Pieters, loke a sosode awe mainta den Parlamento, no solamente ta un diferencia di opinion, sino un falta di respet sistematico na e 13 sindicatonan cu ta representa e forsa laboral di Aruba y un intento pa silencia e bosnan cu no ta cuadra cu e mayoria. Falta di respet na e sindicatonan: invitacion estilo di ‘5 pa 12’ Pieters a indica cu awe mainta 8:30 e 13 sindicatonan mester a bin pa un reunion publico cu Parlamento, e invitacion di e Presidente a yega demasiado laat. “Ami mes a haya e invitacion ayera rond di 1’or di merdia, pa un reunion awe mainta 8:30am. Esaki ta un forma hopi no profesional y falta di respet pa trata cu bo sindicatonan,” el a bisa.
Segun Pieters, hopi di e representante sindical ta traha den sector publico y priva, unda nan mester pidi permiso y dispensacion pa sali di trabou. “Con bo por pensa cu nan lo por regla tur cos den menos di un dia? E Presidente sa bon bon cu esaki ta casi
un mision imposibel,” el a señala. Pues ta duna espacio pa pensa, cu djis kier hunga un wega cu e sindicatonan, pa despues nan sali bisa, cu nan a invita nan, pero nan no a bin!
El a agrega cu e 13 sindicatonan a splica cla cu nan kier un dialogo real cu Parlamento, pero e manera cu e invitacion a wordo manda ta mustra un desorganisacion total, falta di consideracion y riba dje, falta di respet.
Silencio forsa den Parlamento: un actitud antidemocratico
Pieters a bay mas leu, denunciando cu e forma cu e Presidente di Parlamento ta maneha e sesionnan di reunion den Parlamento, a para bira un sistema di didactura y sensura. “Cada biaha cu mi kier papia, e ta sera e microfon. Esaki ta inaceptabel! Como miembro di Parlamento, mi tin e derecho di pidi un punto di ordo y como presidente, sr. Sneek tin e obligacion di duna mi palabra,” el a bisa indigna. Eduard a mustra tambe cu e Presidente ta selecta entre e mes parlamentarionan ken lo papia y ken no, eliminando balans y respet cu un organo democratico mester tin.
“Esaki no ta solamente contra mi persona; ta contra e bos di pueblo cu mi ta representa,” Pieters a subraya. “E forma cu e Presidente ta actua ta un
abuso di poder, un sistema pa sensura oposicion y destrui e confiansa di pueblo den Parlamento.”
Eduard Pieters a conclui cu palabra fuerte, pero cla y raspa: “Nos ta mira un Parlamento cu ta perdiendo su esencia, su
respet y su independencia. Si un presidente por silencia e bos di pueblo, e ora democracia ta djis un decoracion.” Fraccion di PPA lo sigui para firme cu e 13 sindicatonan y cu tur Arubiano cu ta kere den transparencia, respet y participacion real.
“Nos no por sigui den un rumbo caminda microfon ta sera pa oposicion y porta ta sera pa e trahadornan di Aruba.
E cas di pueblo mester keda habri, paso democracia sin bos ta simplemente un didactura cu un cara diferente.”
ORANJESTAD, ARUBA (14 november, 2025) -
E Ombudsman di Aruba ta informa publico tocante posibilidadnan pa entrega keho contra instancianan y dunadonan di cuido.
Supervision y autoridad
Ombudsman lo habri su porta pronto pa ricibi keho. En conexion cu esaki y diferente pregunta cu Ombudsman a ricibi, e ta informa lo siguiente. Cerca Ombudsman ta posibel pa entrega keho contra di instancianan cu ta duna cuido, pero no den tur caso.
Cerca Ombudsman por entrega keho contra :
• Instancianan di cuido cu ta subsidia total of parcialmente pa gobierno, por ehempel ImSan, dr. Horacio Oduber Hospital y Saba;
• Instancianan di cuido cu no ta subsidia, pero ta haci trabou den e area di salud di mucha y hoben.
Atencion: Ombudsman no ta trata keho di erornan medico. Kehonan di
practica medico, e conseho medico disciplinario (medische tuchtraad) ta competente y por trata e kehonan aki.
Keho cerca IVA
Parti di tarea di Ombudsman ta pa informa comunidad tambe di nan derecho pa entrega keho. Den caso di instancianan y dunadonan di cuido na Aruba tur ta cay bou di supervision di Inspeccion di Salud Aruba (IVA). E ta nifica cu sin importa si gobierno ta subsidia un instancia of dunado di cuido, semper por entrega un keho cerca IVA.
Obligacion legal te cu un sistema di keho
Desde 1 di januari 2019 tur dunado di cuido ta obliga pa ley pa tin un sistema di keho. E obligacion aki ta hancra den Landsverordening kwaliteit in de gezondheidszorg (AB 2014, no. 74), specificamente den articulonan 9 te 13.
Sistema pa por entrega un keho
Pa por entrega un keho cerca Ombudsman
mester entrega keho cerca e instancia mes prome. cu conforme ley tin e obligacion di tin un sistema di keho.
Si bo no ta satisfecho con e keho a wordo trata, e ora bo por haci un keho na Inspeccion di Salud Aruba via www.iva.aw.
E rol di Ombudsman Aruba
E Ombudsman ta evalua keho segun norma di conducta apropia, manera responsabilidad, respet, transparencia y trato
humano.
Instancia caminda
Ombudsman tin autoridad directo: por ehempel ImSan, dr. Horacio Oduber Hospital y Saba: Despues cu bo a presenta un keho cerca e instancia mes y e instancia a haya e oportunidad pa trata e keho, bo por presenta un keho cerca Ombudsman.
Instancia caminda
Ombudsman no tin autoridad directo, por ehempel cas di cuido priva: Despues di entrega un
keho na e instancia mes, bo por entrega un keho na IVA.
Si bo no ta satisfecho cu e manera cu IVA a trata bo keho, bo por entrega un keho contra IVA cerca Ombudsman encuanto e manera cu IVA a trata bo keho.
Dia 1 di december 2025, Bureau Ombudsman Aruba lo habri su porta oficialmente. Cu esaki ta tuma un paso importante pa transparencia i proteccion legal pa ciudadanonan.
ORANJESTAD – Despues di a pone presion pa varios siman, porfin awor sindicatonan a hala atencion di gobierno. Sindicatonan uni (13) ta posiciona nan mes contra di Rijkswet HOFA y a haci esaki conoci na parlamento a traves di dos carta cu nan a manda. Apesar di esaki, e gobierno AVP/FUTURO a scoge pa no scuchanan y entrega un acuerdo di e concepto di Rijkswet HOFA na Rijksministerraad.
Ta hopi arogante Minister
Geoffrey Wever mester ta pa tuma e iniciativa pa bay di acuerdo cu HOFA, sin consulta cu su propio coalicion den parlamento. Y for di diferente fuente ta saliendo na cla cu no tin un mandato tampoco ni acuerdo di ministerraad tampoco. Te cu awe e carta cu parlamento a pidi gobierno fecha dia 14 augustus 2025 cu a duna e orden pa bay acuerdo cu HOFA, no por wordo presenta.
Sindicatonan ta solidario cu e lucha
Minister Wever a kere cu sindicatonan lo tuma esaki sin retalia. Pero al contrario, sindicatonan a uni y a manda no uno sino dos carta pa para e reunion y tur mocion den parlamento y pa scuchanan prome. Y como cherry riba bolo e parlamentario cu mas voto y experiencia den AVP a para contra su gobierno AVP/FUTURO y bay di acuerdo pa scucha e sindicatonan. Ta parce cu lo
por tin mas parlamentario tambe den AVP cu ta contra e proceder aki di Geoffrey, pero no ta tribi ainda di duna nan punto di bista pa rasonnan partidario. Tin un base di solidaridad fuerte contra HOFA entre e sindicatonan. Nan ta sinti nan mes wordo neglisha di parti di gobierno. AVP cu antes tawata tene dialogo social awe ta bypass sinidcatonan pa por mantene un gobierno.
Presidente di parlamento no ta imparcial Nos fraccion na varios ocasion a presiona presidente di Parlamento pa yama e reunion pa scucha e sindicatonan. Presidente tin bes ta lubida cu e ta presidi reunionan di parlamento y no ta defensor di gobierno, pa keda sin yama reunionnan cu tin reclamo riba su gobierno.
Parlamento ta un organo cu tin di funciona independiente di gobierno y e separacion di poder den e trias politica tin di wordo respeta, segun Tevreden.
Libertad no tin prijs E critica riba Rijkswet HOFA ta keda bira mas grandi. Expertonan huridico, entre otro profesornan Elzinga y Nicolaï, a alerta cu e ley ta enpugna cu e Staatsregeling y e autodeterminacion di Aruba ta wordo afecta gravemente. Pero toch Geoffrey ta keda defende e ley como e unico solucion necesario pa por yega na stabilidad
financiero. Nos ta kere cu e splicacion di Geoffrey tin argumentonan cu ta basa riba pronosticonan cu ni ta cla ainda. Dijs pa aumenta e percepcion cu ta pa hopi placa ta tuma e paso aki. “Loke cu gobierno ta haci aki, no ta solamente robes, pero peligroso, pasobra Aruba ta core e risico di bay 40 aña bek den tempo” segun Tevreden.
Sin duda nos ta keda para duro pa pueblo, sindicatonan y e instituto parlamento keda wordo respeta. Nos tin di pone un paro den e direccion robes cu gobierno a bira aki.
Aruba su libertad financiero y autonomia ta bay prome cu un saco di placa pasobra libertad no tin prijs.
ORANJESTAD – Awe mainta Hues di Corte a trata e caso penal cu Ministerio Publico a cuminsa contra e dama J.S. (38) y e homber M.T. (36). Ambos ta wordo sospecha di tabata manda cocaina scondi den mangel y cosnan di fiesta pa paisnan manera Merca, Hulanda, Saudi Arabia, Australia.
SOLO DI PUEBLO por a compronde cu Hues a condena ambos persona na castigo combina.
E acusacion cu Fiscal a presenta den Corte contra J.S. ta cu entre 20 April 2025 y 5 Mei 2025 el a manda paketenan. Fiscal a acusa M.T. cu dia 5 Mei 2025, el a manda 2 pakete. Ta asina cu Douane a intercepta algun pakete y asina e caso a cuminsa.
COCAINA SCONDI DEN MANGEL
Hues a durante tratamento di e caso, a haci cantidad di preguntanan y remarkenan pa mustra cu pakico tanto J.S. como M.T. no a ripara cu ta trata di cocaina. Hues a cuminsa cu J.S. kende a bisa cu el a manda e paketenan pero no tabata sa cu tabatin droga den esakinan. El a bisa Hues cu e tabata haci’e pa un conoci homber M. di Curacao. El a bisa cu M. a bin Aruba cu e paketenan for di Curacao cla pa wordo manda. Ta asina cu M. a
pidi’e pa manda
pakete Hulanda. Segun
J.S. el a mira e paketenan cu ta di mangel y cos pa fiesta. Hues a mustra cu e paketenan aki a bay pa Saudi Arabia, Australia y otro paisnan. Ta masha straño cu ta manda mangel y coy fiesta pa e paisnan siendo cu aya mes ta hay esaki. Hues a remarca pakico M. ta bin for di Curacao, Aruba pa bay manda paketenan. Esey no ta logico. Segun J.S., door cu e tabata den un situacion financiero fastioso, M. a yud’e. M. a dun’e 1000 florin pa paga gastonan pa manda e paketenan, mientras cu el a paga J.S., 2 mil florin. Hues ta haya cu como amigo, M. por a djis duna J.S. placa. Hues a mustra cu segun e relato di investigacion, e mangelnan tabatin gel di cocaina den nan. Den e cosnan di fiesta tambe a haya cocaina. Segun J.S., dos biaha el a haya 1000 florin y a wordo priminti 2 mil dollar. Segun J.S. e no a haya nada. Hues a remarca cu 2 mil dollar ta hopi placa pa djis manda mangelnan y cos di fiesta. Segun J.S., M. tabata sa di su situacion y pesey a ofrece e placa aki.
Hues a mustra cu investigacion di Polis ta mustra cu J.S. a pidi M.T. pa manda paketenan
via postkantoor na San Nicolas. J.S. a splica Hues cu el a pidi M.T. haci’e un fabor pasobra e no tabata bon bisti. E tabata serca M.T. y a puntr’e pa haci’e e fabor. E ora ey M.T. a puntr’e si tur cos ta ok cu e 2 paketenan. J.S. a bis’e cu si. Nan a bay hunto postkantoor y M.T. a bay entrega e pakete pa wordo manda den exterior. J.S. a bisa cu el a duna M.T. 500 florin pa paga pa e gastonan y e resto ta keda pa M.T. Hues a remarca, cu paketenan tabata wordo manda pa diferente paisnan rond mundo. Segun J.S., M. a pidi’e manda e paketenan pa otro paisnan. El a bisa cu segun M., door cu na Curacao nan ta haci problema, el a pidi J.S. haci’e na Aruba. J.S. a bisa Hues cu e otro paketenan a bay sin problema.
Hues a puntra M.T., y el a bisa cu ta asina cu ta J.S. a pidi’e pa manda e 2 paketenan. El a bisa cu J.S. a dun’e 500 florin pa paga pa e gastonan y e resto ta p’e. El a bisa cu el a puntra J.S. si tur e paketenan tabata bon o sea sin droga y J.S. a bis’e cu tur cos ta bon. Segun M.T., el a kere den palabra di J.S. Hues a remarca cu den pasado M.T. a cay cera na Hulanda pa bolitanan di droga. E ta haya cu M.T. ya
ta avisa y no mester a cay pa tentacion di hendenan cu ta purba tur manera pa exporta droga.
Ta asina cu actualmente
J.S. ta den libertad. Hues a bisa cu a laga J.S. den libertad pasobra su mama a fayece y no tin hende pa mira pa J.S. su dos yiunan. E libertad ta mara na condicion cu J.S. ta wordo guia door di Reclasering.
Ta asina cu actualmente
J.S. tin un trabao y asina por paga tur su debenan y ta cuidando su dos yiunan. Parce cu e tata di e yiunan no kier haci nada y esey ta haci cu J.S. mester percura pa su yiunan.
FISCAL A EXIGI
CASTIGO COMBINA
Fiscal a bisa Hues cu en total, 3 pakete a keda intercepta. 30 April 2025
Douane a intercepta 1 pakete for di DHL cu mester a bay Australia. A haya mangelnan cu cosnan di fiesta cu a pisa 2248 gram, den cual tin cocaina. Despues di investigacion di laboratorio a constata cu e cantidad di cocaina mes ta 702 gram. Dia 5 Mei 2025, 2 pakete a keda intercepta na Postkantoor San Nicolas. Un pakete tabata pa Merca y un otro pa Hulanda. Ambos a pisa 1366 gram, di cual 267 gram tabata cocaina.
Fiscal a exigi pa J.S. 18
luna di prison di cual 6 luna ta condicional cu 2 aña di prueba y bou guia di Reclasering. Fiscal a bisa Hues cu esey ta encera cu J.S. tin cu bolbe bay sera. Fiscal a exigi pa M.T. 15 luna di prison di cual 5 luna ta condicional cu 3 aña di prueba.
ABOGADO
Abogado mr. Canwood di J.S., a bisa Hues cu no por culpa J.S. di exporta cocaina. El a mustra cu M. a bin Aruba for di Curacao y e mes a manda paketenan. E abogado no ta haya cu J.S. ta complice. El a mustra cu e homber M. no ta conoci pa traficacion di droga. E homber M. mes tabata bay cu J.S. pa cumpra mangelnan y articulonan di fiesta. J.S. no a sospecha cu e tabata exporta droga. E abogado a sigui bisa cu M. kier a yuda J.S. den su situacion. Awor, despues di tur loke a sosode, por conclui cu J.S. tabata hopi kens di no a paga mihor tino. E pregunta ta, pakico M. mes no tabata manda esakinan. E abogado a sigui bisa cu J.S. inconciente, a pidi M.T. pa haci un fabor pa manda 2 paketenan. Segun mr. Canwood, por tin preguntanan di con a bay manda mangelnan y cosnan di fiesta pero aki ta trata di hacimento di fabor.
Continua Pag. 7
Continuacion Pag. 6
E abogado a bisa Hues cu J.S. a wordo laga liber door cu su mama a fayece y e mester cuida su yiunan. Si bolbe ser’e, e chens ta grandi cu e lo perde e cas di huur y no tin hende pa cuida e muchanan. J.S. actualmente ta bou guia di Reclasering y tin un trabao pa asina paga su debe y cuida su yiunan. Na opinion di mr. Canwood,
si duna castigo prison lo bay hinca J.S. den hopi problema social. El a pidi Hues pa duna J.S. un castigo combina pa evita cu J.S. tin cu bolbe bay sera.
Abogado mr. Kuster di M.T., a bisa Hues cu M.T. a haci un fabor na J.S. pa manda 2 pakete. El a haya 500 florin pa manda e paketenan y e resto lo
ta p’e. E no a haya pago. Nunca M.T. a pensa cu e lo wordo usa pa manda droga. El a puntra J.S. si tur cos ta bon cu e cahanan o sea cu no tin droga. J.S. a sigura cu no tin droga. E abogado a pidi Hues pa tene cuenta cu si M.T. keda sera, e lo bira mas dificil pa e haya trabao. El a pidi pa duna castigo condicional bou guia di Reclasering pa
e parti di castigo cu ainda falta.
DECISION DI HUES
Hues a sera tratamento di e caso y a pospone e caso un rato pa e bay evalua. El a bolbe y a dicta sentencia. Hues ta haya legalmente proba cu ambos ta culpabel di exporta paketenan cu droga. Hues ta haya cu J.S. y M.T. mester por a ripara cu aki ta trata di droga
mirando cu ta mangelnan. Na opnion di Hues, especial M.T. cu a yega di cay sera pa gulimento di bolita, mester a sospecha algo.
Hues a condena M.T. na 450 dia di prison di cual 258 dia ta condicional y cu 3 aña prueba. E tempo di prueba ta bou guia di Reclasering. Hues ta haya cu M.T. a sinta suficiente.
Prome Minister mr. Mike Eman durante Accion di Bario na Playa Pabou a duna un declaracion riba e mal estado di diferente caminda den e area di Centro di Bario Playa Pabou. A indica cu lo bay mehora e acceso pa yega e centro di Bario. A cuminsa awe cu accion pa mehora e nivel di e tereno, cu ta yen di buraco, yenando esakinan cu grijs. Ta spera di mira luga den presupuesto otro aña, pa asina pronto por basha asfalt y asina yuda e situacion dilanti Centro di Bario Playa Pabou. Premier Eman a menciona tambe cu ta diferente area ta en espera di asfalt, segun por a compronde for di Minister Herde, pa
otro aña lo tin presupuesto disponibel pa asfalt y asina mehora careteranan y areanan cu ta pendiente pa esaki.
Ta premira cu pa otro aña lo tin hopi bario cu lo bay mira cambio grandi y cu lo haya asfalt pa mehoracion di e bario. Algun cu pa hopi aña a biba den stof pero cu porfin lo ricibi e asfalt cu nan a pidi como tambe iluminacion.
Trabou a cuminsa na varios area rond nos isla na unda cu a cuminsa nivela diferente caminda pa asina prepara pa e siguiente fase cu lo bira muy pronto e bashamento di asfalt. Un cambio/mehoracion den infrastractura, cu ta nifica un mehoracion den calidad
di bida den e barionan tambe.
Tin un lista largo cual tin atencion di gobierno, den gobernacion anterior di Mike Eman a inverti masha hopi den infrasctructura, entre otro den Green
Corridor y Watty Vos Boulevard, den hopi bario caminda a embeyece cu klinkers y acera full rond nos isla.
"Apesar di tur e critica cu a ricibi cu no por come klinker, ta sali for di un gobierno cu no a inverti
den absolutamente nada, ni klinker, ni asfalt ni nada pa e pais". E peticion di e pueblo pa duna atencion na infrasturctura a ser scucha y pronto lo mira iluminacion, verkeersplateau y asfalt cu ta prioridad halto pa 2026.
Proyectonan manera e proyecto di Hofi Pal’i Siya Cora di SPO Santa Cruz ta proyectonan hopi valioso pa e futuro existencia di e sector di agricultura na Aruba.
Studiante di SPO Santa Cruz, Rene de Graaf ta conta di su experencia cu e la haya den e programa aki na unda nan ta siña muha mata eficientemente, pero tambe con ta stek mata y mantene esakinan pa por produci y crece saludabel.
Ademas nan ta siña prepara e tera segun e necesidad di cada sorto di mata pa nan por produci bon. E conocemento cu de Graaf a haya formando parti di e programa aki, Rene ta uza na cas yudando su tata cu plantacion.
Den sector di agricultura, pa Rene ta existi un conexion cu e matanan, tin biaha e ta papia cu su matanan, e ta relaha y alegra su dia. Rene ta consciente cu a kita hopi mata tur rond di Aruba pa desaroyo y ta lamenta
esaki, pero ta contento cu Prome Minister Mike
Eman a inicia cu e plan nacional di reforestacion cu lo mester trece e balansa bek den nos naturalesa.
Na mes momento e plan di reforestacion ta crea conscientisacion den comunidad riba e importancia di planta mata y cuida e matanan existente y ta yuda aumenta e interes den agricultura y flora.
Oranjestad, 12 november 2025 – Diaranson mainta, Minister di Finansa, Asunto Economico y Sector Primario, mr. Geoffrey Wever, den su calidad di representante di Land Aruba como unico accionista di Free Zone Aruba N.V. (FZA), a reuni cu e Hunta di Comisario di Free Zone Aruba NV.
Durante e reunion a presenta e cuentanan anual pa aña fiscal 2024 y a elogia e maneho di e Hunta di Comisario, bow guia di PresidentCommissaris mr. Patrick Brown y di e directiva pa e manera cu nan a cumpli nan tarea y pa e forma cu nan a guia e proceso di transicion. Despues di un
proceso di reorganisacion di Free Zone Aruba NV, cu pa añanan a hiba perdida, e resultado pa 2024 a conoce un incremento di entrada di mas o menos 400 mil (27.5%) compara cu 2023. Un “net result” di 320 mil florin y un “operating result”di 85 mil florin. Por nota cu e cambionan cu a haci den e empresa a duna su frutanan, y tambe e hecho cu companianan nobo a bin establece den Free Zone Aruba NV a trece entredanan adicional, cual ta un desaroyo positivo. Proyeccionnan pa aña 2025 ta mas positivo ainda cu 2024.
Minister Wever ta felicita e Hunta di Comisario y e
empleadonan di Free Zone
Aruba NV pa nan esfuerso pa recupera y fortalece stabilidad financiero di Free Zone Aruba NV y a enfatisa cu e situacion financiero ta demostra un mehoracion significativo, y ta refleha e resultado di un maneho mas estricto.
Hunto cu Free Zone Aruba NV ta den e proceso di formalisacion di un acuerdo laboral nobo cu un director di Free Zone
Aruba NV. A haci un proceso di solicitacion publico caminda cu tur hende por a participa y pronto lo anuncia ken lo bira e director nobo di Free Zone Aruba N.V. cu lo cuminsa maneha e empresa desde 2026 pa hiba e empresa den un era nobo.
Minister Wever ta gradici tur cliente di Free Zone Aruba NV, e Hunta di Comisario y tur e
empleadonan di Free Zone Aruba NV cu ta haci posibel pa empresarionan por tin nan negoshi estableci den Free Zone Aruba NV.
E reunion aki ta confirma e compromiso di Gobierno di Aruba pa fortifica e institucionnan cu ta fundamental pa desaroyo economico sostenibel di nos pais, den linea cu e meta di “Programa di Gobernacion AVPFUTURO 2025-2028”.
Willemstad, 11 di november 2025 – The Dutch Caribbean Nature Alliance (DCNA) y Fundacion CARMABI a trece cientificonan, stipuladonan di maneho y representantenan di comunidad di henter e region dia 7 di november hunto pa e simposio Healthy Waters.
Thriving Nature. Vibrant Communities na Corsou. E evento a enfoca riba mehoracion di calidad di awa di costa pa proteha ecosistema marino y sostene comunidadnan saludabel y resistente. A celebra dos logro E simposio a marca dos logro importante: lansamento di DCNA su Programa nobo di Conservacion y Restauracion di
Habitatnan Clave, y e di 70 aniversario di CARMABI. Entre e asistentenan tabatin e Gobernantenan di Corsou y di St. Maarten, e directornan di tur seis organisacion di parke nacional den Caribe Hulandes, stipuladonan di maneho y cientificonan di henter e region.
Ciencia como fundeshi pa accion
Director di DCNA, Arno Verhoeven, a introduci e Programa nobo di Habitatnan Clave, splicando con e lo fortalece restauracion y proteccion di habitat na tur seis isla di
Caribe Hulandes.
Director di CARMABI
Dr. Manfred van Veghel a reflexiona riba shete decada di investigacion cu a forma conservacion y maneho marino den e region. Prof. Dr. Mark Vermeij (CARMABI) a destaca cu indicadonan tradicional di calidad di awa no semper ta refleha e berdadero estado di e rifnan di coral, pero cu suficiente conocemento ta existi caba pa guia e medidanan di restauracion inmediato.
Expertonan internacional
Dr. Andreas Haas (NIOZ), Andy Estep (Waitt Institute) y Dr. Jos Hill (The Nature Conservancy) a comparti bista tocante dinamica microbial, traduciendo ciencia den maneho efectivo, y e rol importante di maneho di awa di desecho. Nan mensahe comparti: mehora calidad di awa ta un di e maneranan mas poderoso pa yuda tanto hende, como naturalesa prospera. Resultadonan clave Durante tayer y discusion, e participantenan a conclui cu bahada di calidad di awa ta afecta rif, pesca, turismo y salud publico directamente. Nan a enfatisa e necesidad pa monitoreo regularmente di awa di costa, colaboracion mas estrecho entre ciencia y maneho, y mehoracion di tratamento di awa
di desecho como un di e oportunidadnan mas inmediato pa impacto positivo.
E siguiente pasonan E simposio a conclui cu un compromiso comparti pa continua colaboracion regional. Den un tayer di siguimento, e participantenan a identifica onze proyecto
practico cu por wordo implementa awor pa entrega mehoracionnan cu por wordo midi den calidad di awa den henter Caribe Hulandes. E proyectonan aki ta inclui accionnan pa mehora e sistemanan di tratamento di awa di desecho, expande monitoreo di awa costal, reduci derame di nutriente,
fortalece cuadro di maneho, y envolvi comunidadnan local den conservacion di awa. Hunto nan tin como meta pa crea beneficio tangibel pa tanto hende como naturalesa den e region.
Por haya mas informacion tocante e presentacionnan y simposio here.
E trabounan rond di restauracion di e scol monumental Reina Beatrix a hayando hopi interes. Dia 3 di november a cuminsa oficialmente e proceso di destaho publico. Dia 11 di november a tuma luga e sesion informativo pa contratista, unda empresanan interesa a ricibi un splicacion di e proyecto, por a haci pregunta y tambe a haya un tour den e edificio di e scol.
Gobierno a sali desde prome dia "trot den bom" Apenas tres dia cu Gabinete AVP-FUTURO a forma e gobierno nobo dia 28 di maart, MinisterPresident Mike Eman a para dia 31 di maart den porta di Reina Beatrix School, hunto cu ekipo di Serlimar y DOW, pa deshaci di un cantidad di desperdicio y stof cu cu a tuma e edificio over. Durante e esfuerso conhunto aki, tres minister, Prome Minister Mike Eman, Minister di Relacion di Asunto di Reino Gerlien Croes y Minister di Finansa Geoffrey Wever, tur exalumnonan di e Reina Beatrix School, a declara cu e restauracion di e monumento nacional aki ta un prioridad absoluto pa nan.
For di e dia ey, Prome Minister Mike Eman y Minister di Enseñansa Gerlien Croes a tuma e proyecto cu gran determinacion. Un edificio abandona di
NNT na Julianaschool a mira e prome trabao di restauracion pa sirbi como Planning Bureau.
Den e edificio aki, situa dilanti di Reina Beatrix School, arkitecto Daphne Every cu su team a traha den un tempo acelera riba e plan, preparacion y planificacion cu a yega awo na e proceso di destaho aki.
Hopi interes for di e sector E interes entre e contratistanan ta grandi. Pa e parti di electra tin 8 empresa cu a registra, pa instalacion di airconditioning 7 empresa, y pa traboanan di construccion tambe 7 empresa. E empresanan awo ta preparando nan calculacionnan y mester entrega tur nan prijsnan
mas tarda dia 10 di december.
Un monumento cu lo briya atrobe
E proyecto ta inclui restauracion di partinan di e edificio cu a door di añanan a cambia, cu e meta pa trece Reina Beatrix School bek na su estado original. Alabes, lo ekipa e edificio completamente cu e instalacion di mas moderno riba tereno di instalacion electrico, siguridad y airconditioning. Despues cu e trabou ta completa, e edificio lo ta tanto historicamente autentico como prepara pa futuro. Sostenibilidad den centro Reina Beatrix School completamente renoba lo ta un ehempel di construccion sostenibel
na Aruba:
• Lo colecta e awa di condensacion di tur airco y uza esaki pa flush e toiletnan.
• Lo uza awa di yobida y condensacion pa muha e matanan nobo den e patio, pa crea sombra y frescura.
• E edificio lo haya panel solar pa compensa un gran parti di su consumo di energia.
Un parti di herencia unico Reina Beatrix School, construi na 1950 como un expansion di scol Juliana y desde 1953 cu su nomber actual, ta e unico monumento protehi na Aruba cu a diseña como un scol y cu ainda tin e mes
funcion. Danki na e hecho cu a haci relativamente poco cambio den pasado, e restauracion por enfoca riba e diseño original, algo no comun den nos herencia.
Arkitecto Daphne Every: “Herencia ta e sostenibel nobo”
Lider di proyecto y arkitecto Daphne Every ta enfatisa e importancia di e metodo aki: “Den e tempo aki ta mas importante cu nunca pa proteha nos herencia — no solamente pa nos cultura y identidad, pero tambe pa sostenibilidad berdadero. No tin nada mas sostenibel cu restaura un edificio historico y mesora ekipa esaki cu instalacionnan moderno y sostenibel.”
Despues di un total di 5 tayer y 1 “feedback” sesion cu a dura un total di 11 siman, e federacionnan miembro di Comite Olimpico Arubano (COA) a keda cu e tarea di prepara un plan strategico of un “framework” di un plan. Cu esaki ta drenta e parti final e di dos fase di e “Capacity Building Training” (CBT) cu a ser organisa door di e Direccion di Desaroyo di COA. Utilisando tur e conocemento di e prome y e di dos fase di CBT, lo prepara un plan cu bista riba desaroyo a plaso largo. E plannan cu ta wordo entrega lo ser controla
door di ambos e Direccion di Desaroyo di COA y e profesionalnan cu a presenta e diferente tayernan, pa asina duna “feedback”. E idea ta pa e federacionnan miembro haci uso di e plan cu nan a construi pa asina implementa esaki pa cuminsa traha riba e desaroyo cu nan a indica como importante y/of necesario dentro di nan federacion.
Finalmente, algun di e plannan cu lo ser entrega a door di e federacionnan miembro lo wordo presenta durante e siguiente asamblea general di COA
Menú 7 Dec
Ham horna 4,1/2 Galinja. 8,Lomito Mushrsaus 11,Roastbeef. 8,Salada batata. 3,Arcos con pollo. 3,Ajaca. 7,-
Bbq. 18,-
Pa pedido por jama of WhatsApp riba 7497071 por pasa na Siribana 45b na St Cruz.
Nos ta desea tur hende y felis temporada di fiesta di fin di anja.
cu lo tuma luga den luna di december proximo. COA ta desea tur federacion hopi exito cu e construction y presentacion final di nan plan strategico, cu sigur lo sirbi na bienestar di e desaroyo di deporte na Aruba. #TEAMARU
Tur prijs ta cu Ham, Galinja of Calacuna Di cliente
Ham. 45,Jena
Galinja. 50,- 65,Calacuna. 130,- bai ariba. 155,-
10 Persona. Lomito. 110,-
Roastbeef. 95,-
Salada. 30,Arros con pollo. 30,Ajaca. 7,-
Pa pedido por jama of WhatsApp na 7497071 ta tuma pedido 22 di december of ora lista jena.
un felis dia nan di fin di anja
Bijbel Exodo 24: 7- 8, den e Evangelio aki, Dios Tata a cera e prome Aliansa cu e pueblo di Israel, pa medio di Moises. Bijbel 2 Samuel 7: 16, den e Evangelio aki, Dios Tata a eligi David, pa bira e prome Rey di Israel. Dios Tata a priminti Rey David cu su sucesornan,cu nan lo ta pa semper encabesa e Reino di Dios. Bijbel Mateo 26: 26 –28, den e ultima cena Hesus a bisa Su apostelnan: “Boso tur bebe for di e copa di binja aki, esaki ta Mi Sanger, e Sanger cu ta confirma e Aliansa cu Mi ta derama pa hopi hende, pa pordon di pikanan.” Akinan Hesus ta confirma Su Sacrificio y morto na crus, deramando Su Sanger precioso, pa e Aliansa Nobo di Dios Tata, cu ta e Herusalem Nobo di Israel. Bijbel Lucas 1: 32 –33, ta bisa: “Senjor Dios lo duna Hesus e trono di Su antepasado Rey David y te den eternidad lo E ta Rey di e descendientenan di Jacob y Su Reino lo no tin fin.” Bijbel Mateo 16: 15 – 19: “Hesus a puntra Su apostelnan: Anto boso mes, ta ken boso ta bisa Mi ta? Simon a contesta: Bo ta E Mesias, E Yiu di Dios bibo! Hesus a bis’e: Felis bo ta Simon yiu di Huan, pasobra no ta hende a revela bo esaki, ma Mi Tata cu ta den Cielo. Mi ta bisa bo: Abo ta Pedro (o sea baranca) y riba es baranca aki, lo Mi lanta Mi Iglesia y forsanan di fierno lo no podera di dj’e. Lo Mi duna bo e yabinan di Reino di Cielo y loke bo prohibi na tera, ta prohibi
den Cielo tambe y loke bo permiti na tera, lo ta permiti den Cielo tambe.” Akinan Hesus ta bisa bon cla, Mi Iglesia, osea un solo Iglesia y no Iglesianan. E demonionan den fierno lo lanta diferente sectanan na mundo, pa podera y pa kibra e Iglesia di Hesus, pero nan lo no logra. Hesus a duna Simon e nomber Pedro, cu ta significa baranca, cabes visibel di Su Iglesia. Hesus a duna Pedro e yabinan di Reino di Cielo y esaki ta significa, cera y habri e portanan di Reino pa laga e almanan drenta den Reino di Cielo. Hesus a duna e autoridad na Pedro pa dirigi Su Iglesia, di loke ta permiti y di loke ta prohibi. Bijbel Marco 16: 15 – 16, aki Hesus ta bisa Su apostelnan: “Sali pasa na henter mundo y predica e Evangelio pa henter humanidad.” E palabra, sali pasa na henter mundo y predica e Evangelio pa henter humanidad, ta significa, Universal, Hesus Su Iglesia ta Universal. E Iglesia Universal di Hesus, ta e pueblo Nobo di Israel di Dios Tata. Comprende awor, cu tur hendenan, sectanan y e Hudiunan mes, nan mester kere den Cristo-Hesus y nan mester drenta y bautisa den E Iglesia Universal di Hesus, pa nan por drenta den e Reino di Cielo. Hesus a institui, Su doctrinanan di Gracianan di salbacion pa Su Iglesia: Bautismo Mateo 28: 19 – 20, Confirmacion Echonan di Apostelnan 2: 1 – 4, Confesion Huan 20: 23, Eucaristia Lucas 22: 19 – 29,
Matrimonio Mateo 19: 4 – 6, Apostolado Marco 3: 13 – 19, Enfermonan Hacobo 5: 14 – 15. Awor puntra bo mes, ta di con tin tanto sectanan na mundo y mientras ta un Iglesia Hesus a lanta? Na anja 1521, Martin Luthero un frere, teologo aleman a bai contra di e Iglesia Universal di Cristo-Hesus. El a inventa e theoria di e interpretacion liber di Bijbel. E interpretacion liber aki, a produci 36.000 diferente sectanan y oposicionnan na mundo. Tur e sectanan aki, ta pretende di ta di Hesus. Durante tempo, nan a trece hopi division y hopi di nan a lanta nan mesun religionnan, sectanan y predicando e Bijbel den nan mesun manera y buscando hendenan debil den fe pa sigi nan tras. Martin Luthero ta un Protestant, pasobra el a protesta contra Iglesia y el a trece doctrinanan robes den e Iglesia Universal di Cristo Hesus. Den Bijbel Echonan Apostelnan 20: 28 – 30, carta di San Pablo na su coleganan Apostelnan ta bisa: “Cuida boso y di henter e rebanjo na cual Spirito Santo a pone boso como Obisponan pa warda e Iglesia di Senjor, na cual E’l a gana cu Su propio Sanger. Mi sabi cu despues di mi partida, lo drenta lobonan feros cu lo no tene compasion cu e rebanjonan y cu denter di boso mes, lo surgi hendenan cu lo sinja doctrinanan robes y nan lo gana discipelnan nan tras.” Ta manera cu Hesus a bisa den Bijbel Mateo 16:
18, cu forsanan di fierno lo purba podera y kibra e Unico Iglesia Universal di Hesus, pero nan lo no logra. Den Bijbel Revelacion 21: 10-14, ta papia, di e ciudad Santo di Herusalem cu tabata bahando di Dios for di Cielo, briyando di Dios Su Gloria. E muraya di e ciudad tabata tin diesdos piedra di fundeshi grandi y riba nan, e diesdos nomber di e diesdos Apostelnan di E Lamchi tabata scirbi. Esaki ta e diesdos nombernan di e Apostelnan scirbi riba e diesdos Portanan di Reino di Cielo. E Herusalem Nobo di Dios Tata, ta e Aliansa Nobo
di Israel pa medio di Cristo Hesus y e Aliansa Nobo aki, ta e Unico Iglesia Universal di Cristo-Hesus pa e Reino di Dios. Nos tambe den Iglesia ta den e Herusalem Nobo di Israel di Dios Tata. Ta manera den Bijbel 2 Samuel 7:16 Dios Tata ta bisa, cu e sucesornan di Rey David di Israel, cu nan lo ta pa semper encabesa e Reino di Dios. Husga pa bo mes, bo ta den e Iglesia corecto pa bo salbacion? Nunca no ta laat pa compronde e berdad y pa comberti na tempo.
Scirbi pa Seferino Tromp Un mensahero di Dios.
”…sino conta e generacion venidero: esta gloria di Señor, su poder, ye cosnan milagroso c’El a haci.” ( Salmo 78, 4bc) E Evangelio di awe ta cuadra, manera semper, tempo cu ami tabatamucha. Mi mayornan semper tabata educa mi tocante di Dios, CristoHesus y Spirito Santo. Y un Bijbel no tabata haci falta. Haci oracionta cos di tur dia. Y sin falta bishita e cas di Dios.
Awendia nos ta ripara e generacion di awo, no tin mucho balor pa cuDios. Pero anos a sigui conta nos yiunan tocante di Dios manera nosgrandinan a haci? Anos a siña e hubentud tocante e milagronan ysacrificio cu Cristo Hesus a haci? Of di e donnan cu Spirito Santo tinpa nos? Y anos a tene man di nos yiunan, hibando nan, tur siman, pacas di Dios pa scucha su Palabra? Ban sigui cu e bunita custumber cunos grandinan a haci. Ban sigui hiba e futuro generacion ariba ecaminda cu Cristo Hesus a traha pa nos. ”…pa nan tambe confia denSEÑOR, no lubida Dios su obranan grandi…”(Sal 78, 7)
Pa por stop transmision di Dengue y otro malesanan transmiti pa sangura ta importante pa cuminsa na prome luga na rais di e problema. Esaki ta ensera reduci of stop e sangura di sigui broei na cantidad grandi. Esaki nos por haci door di:
• Tira afo of warda tur obheto cu por retene awa innesesariamente paden y rond di cas, scol, trabou y alrededor dibo. Por ehempel scoter bou mata, tire, coy hunga pafo, vas cu mata of flor y mas
• Tapa tur awa para cu tin proposito manera e.o pa muha mata of duna bestia tur dia. Por ehempel hemchi bou erco of bari cu awa di yobida y mas
• Ta extra alerta riba awa para cu proposito di bida pa mata of mascota por ehempel vas cu mata of flor, baki awa di bestia, vijver cu mata di lili y mas
Di dos (2) paso ta proteha bo mes pa bo no haña Dengue, esaki bo por haci door di:
• Bisti paña cu manga y pia largo durante oranan di atardi pa anochi
• Uza repelente contra sangura riba cuero cu no ta cubri cu paña
• Den espacio pafo di cas cende un mecha of uza bela contra sangura
• Sera porta y bentana di cas prome cu bira scur of uza screen
• Evita di bishita areanan unda bo ta conciente cu tin hopi sangura
• Spuit paden di cas, camber, oficina y areanan cu bo ta frecuenta regularmente cu producto pa mata sangura.
Di tres (3) paso ta proteha otronan rond dibo ora cu bo tin Dengue of tin sintomanan di Dengue. Esaki bo ta haci door di evita di wordo pica pa sangura. E sintomanan ta entre otro:
• Keintura
• Dolor di cabes
• Biramento di stoma y sacamento
• Dolor di weso, joins y musculo
• Dolor di wowo
• Rash riba curpa
E sangura cu ta transmiti Dengue ta haci esaki di un hende pa otro. Pues si bo tin Dengue of sintoma di Dengue y den bo espacio e sangura pica bo y depues pica bo famia, colega of bisiña nan tambe lo haña Dengue. Ora tin un cantidad di hende cerca di otro cu Dengue nos ta papia aki di un cluster. Pues pa yuda STOP
Dengue di sigui plama ta importante pa es cu tin
Dengue:
• Keda mas tanto na cas posibel, evita di bay pafo
• Proteha su mes di
picadura usando repelente
• Bisti paña cu man y pia largo y mea
• Mantene porta
y bentana di cas cera pa sangura no drenta
• No bay eventonan
social of cerca famia of conocir
• Si por drumi bou mosketero
Pa mas informacion
like nos Facebook page Directie Volksgezondheid
DVG Aruba, Follow nos riba Instagram directie_ volksgezondheid_aruba, subi nos website www.dvg. aw, yama nos na 5224200 of mail nos na servicio@ dvg.aw