DIASABRA 11 MAART 2023

Diadomingo 12 di maart

ta recorda cu 40 aña pasa Aruba a logra su Status Aparte durante

Conferencia di Mesa Rondo na Hulanda

POLIS A LOS TIRO

RIBA HOMBER ORA A HAY’E

CONFRONTA CU

GANG NA

SAN NICOLAS

WEB SU GERENCIA Y PROFESIONALNAN TA TRAHANDO

DURO PA DUNA ARUBA E GARANTIA Y

SIGURIDAD DEN SUMINISTRO DI AWA Y

ELECTRICIDAD

Vuelo di Wingo for di Medellin ta exitoso

MINISTER ENDY CROES TA DESEA

SELECCION DI ARUBA HOPI EXITO DEN

WEGANAN INTERINSULAR 2023

Minister Dangui Oduber

PARLAMENTARIO DI CURACAO A BISHITA

HEALTHY LIFESTYLE CENTER ARUBA

Ayera mainta señora Giselle Mc William, parlamentario di Curaçao, a haña un rondleiding na Healthy Lifestyle Center di Aruba. Sra. Mc William a keda impresiona cu e centro aki cu a wordo inaugura na Aruba.

Durante e rondleiding e la wak e facilidadnan y tambe sera conoci cu e team cu ta traha na e centro aki. E la haña un splicacion tocante e servicionan cu ta wordo ofreci na e healthy lifestyle

STG. Thuiszorg Aruba

TA BUSKA

ENFERMERA/O & LABADO DI PANJA

center y tambe tocante e proyectonan cu lo wordo realisa durante e aña aki.

E parlamentario a duna di conoce cu prevencion tambe ta un topico importante na Curaçao, y cu nan ta spera cu pronto nan por tin nan mesun centro di salud tambe.

E la duna palabra di pabien na Aruba y na minister di Turismo & Salud, Sr. Oduber, conhuntamente cu tur stakeholders cu a hasi e logro aki posibel.

Minimo EPB diploma

Carchi DVG valido (dispuesto pa busca)

Vacuna Covid-19

Local / permiso valido

BALENTE & Disponibel inmediato

Paradera 300 / Tlf. 5887400

Minister Glenbert Croes:

WEB su gerencia y profesionalnan ta trahando duro pa duna Aruba e garantia y siguridad den suministro di awa y electricidad

Gerencia y profesionalnan di WEB recientemente a reuni cu Minister Glenbert Croes referente e problemanan cu Aruba a conoce den suministro di coriente.

Durante e reunion WEB a presenta na Minister tur e pasonan cu a wordo tuma y cu te ainda ta tumando pa sigura y garantisa suministro di awa y coriente na nos pueblo. E ultimo blackouts a causa frustracion y disgusto grandi den nos pueblo pa cual motibo e mandatario a instrui Utilities NV pa laga haci un audit independiente pa por determina kico por ta e

causa di e interupcionnan aki.

WEB a inverti un suma substancial den e planta di Wartsila hustamante pa garantisa e suministro. Di e momento cu e planta nobo di Wartsila a bay den uzo, esaki a trece cu ne cu suministro a cay na diferente ocasion.

Pero WEB y su profesionalnan a lora manga, a tuma accion pa internamente mes averigua unda e problema por ta. Y diahuebs ultimo a presenta e resultado di nan investigacion y medidanan cu a tuma pa sigura y garantisa un suministro confinable y

estable pa nos pueblo.

“Como Minister di

Energia mi ta sumamente orguyoso di nan tur y agradecido pa tur e

MINISTER ENDY CROES TA DESEA SELECCION DI ARUBA

HOPI EXITO DEN WEGANAN INTERINSULAR 2023

: Diaranson tardi, Minister Endy Croes a topa cu seleccion di Aruba cu a sali pa competi den Weganan Interinsular 2023. Despues di hopi aña e Weganan Interinsular ta bek.

E torneo escolar ta tuma luga na Boneiro di 9 pa 12 di maart, den e deporte di dammen y schaken. Weganan Interinsular ta stimula union y competencia cu sigur ta importante pa e desaroyo di nos hobennan. Nos por corda hopi aña atras con scolnan ta competi contra otro y e ganadonan ta competi contra e otro islanan den un total di 6 disciplina. Dianan 10, 11 y 12 di maart 2023

Weganan Interinsular ta cuminsa na Boneiro cu e disciplina di dammen y schaken.

Di dos fecha ta 21 pa 26 di maart 2023 unda cu e Weganan Interinsular ta tuma luga na Curaçao den e disciplina di atletismo y trefbal. Dianan 21, 22 y 23 di april 2023 Aruba ta cede di Weganan Interinsular

unda ta organisa e competencia di volleyball y futbol. Minister

cu determinacion, dedicacion y disciplina

Polis a los tiro riba homber ora a hay’e confronta cu gang na San Nicolas

Diabierna den careda di 3’or marduga polisnan a presenta na Van den Veen Zeppenfeldstraat cu ta caya di San Nicolas pa un bar conoci, unda algun tempo atras a haci razia relaciona cu ilegalidad.

Momento cu polisnan a bay atende cu un situacion tabatin a topa algun sospechoso di Village conoci pa husticia y aki a hayanan confronta cu Polis, den un movecion sospechoso. momento cu e gang aki a confronta polis, un agente policial a los un tiro riba riba un di e sospechosonan y esaki a keda leve herida.

Aparentemente e tiro ta na altura di pecho.

Mas patruya a presenta na e sitio pa duna un man debi cu e situacion tabata tenso cu e grupo, pa loke polis a haya nan mes confronta cu algun sospechoso di Village.

E victima a keda transporta pa hospital cu ambulance, polis a cera e area pa investigacion hunto cu departamento tecnico. Debi cu un polis a usa su arma reglamentario di trabou landsrecherche tambe a acudi na e sitio pa pone nan mes na altura di e situacion y tuma tur dato.

A.T.A. y AAA a reuni cu ehecutivonan di KLM na

Hulanda Compania aereo cu mas capacidad pa Aruba for di Europa

Cu un representacion di 9% di cantidad di turismo pa Aruba, A.T.A. y AAA ta sigui traha riba e mercado di Europa conhuntamente cu socionan clave. E continente di Europa a recupera cu 95% na 2022 compara cu 2019 y meta ta pa sigui desaroya e mercado aki na 2023, den linea cu strategia di diversificacion.

Durante transcurso di siman A.T.A. a reuni cu mutipel socio existente como tambe socio nobo na ITB na Berlin, como tambe cu socionan na Hulanda. Un di e reunionnan aki tawata cu KLM, un di nos socionan di mas grandi na Europa.

Pa e reunion tawata presente Bas Gerressen- Director di KLM Hulanda, Marjolein KesselaarProduct & Partnership Manager di KLM, Ronella Croes- C.E.O. di A.T.A., Sanju LuidensDaryanani- C.M.O. di A.T.A., Tirso Tromp- Area Director Europa A.T.A.,Jaap Ellis- Sales and Marketing Manager Europe A.T.A. y Jo-Anne Meaux-ArendsAviation Business Development Executive di AAA.

A para keto na un 2022 record pa e mercado Hulandes (+8% compara cu 2019) y un bon aña pa e mercado di Europa. Ta mira e demanda pa Aruba a base

di “bookings” y campañanan efectua hunto cu KLM.

Cu recuperacion di e mercado Asiatico, KLM ta expande capacidad pa e continente aki. Como tal a reduci capacidad riba diferente ruta, mirando tambe cu ainda e aerolinea no ta operando cu e mesun cantidad di capacidad cu el a opera cu n’e na 2019. KLM lo sigui enfoca riba recuperacion completo (opera na 100% capasidad compara cu

es momento aki. Esey ta un reto cardinal.

No obstante demanda cu ta existi pa Aruba, lo reduci algo di e capacidad na 2023. Esaki pa Aruba y Boneiro, despues di a reduci esaki pa e isla di Curacao aña pasa. Lo sigui traha di cerca cu KLM pa captura oportunidadnan ora esaki presenta nan mes, y pa upgrade capacidad – pa medio di avion mas grandi – ora por. Esaki ta intencion pa restante di

Cu servicionan di Ving y British Airways, y contando cu vuelo di TUI for di Hulanda, ta sigui traha riba e region Europeo. Un region cu por cierto ta haci uzo tambe di nos aerolineanan Mericano tambe, unda ta bula via Merca pa Aruba.

Hopi biaha combinando 1 siman Merca y 1 siman Aruba. Esaki ta practica comun por ehempel pa e mercado Italiano.

Vuelo di Wingo for di Medellin ta exitoso

Wingo ta un socio importante y valioso pa e aeropuerto di Aruba. Y desde october ultimo, nan ta bulando e ruta adicional for di Medellin, como un porta nobo di entrada pa Colombia. Y vuelonan ta yen, Wingo ta contento y nos tambe”, asina Barbara Brown, Chief Revenue Development & Communications Officer (CRO) di Aruba Airport Authority a subraya. El a reacciona riba rumornan di e ultimo dianan aki di cu Wingo lo stop su vuelonan pa y for di Medellin pa Aruba.

Ta bon pa agrega cu desde october 2022, Wingo ta opera en total cinco (5) vuelo semanal for di Colombia, cu ta tres (3) for di Bogota y dos (2) for di Medellin. “Y den esey no tin ningun cambio. Vuelonan ta bulando yen y segun schedule”, di acuerdo cu Barbara Brown.

Dos biaha pa siman

Desde october 2022, e aeroliña Wingo di Colombia ta bula dos vuelo adicional pa siman for di Medellin. E vuelonan ta riba diaranson y diasabra, cu nan avion B737-800 cu capacidad di 189 asiento. Riba diaranson e vuelo ta sali 2:18 pm for di Medellin. E buelo di regreso ta sali 5:56 pm for di Aruba. Riba diasabra e vuelo ta sali 10:08 am for di Medellin, yegando Aruba 1:08 pm. E vuelo di regreso ta sali 1:46 pm for di Aruba y yega Medellin pa 2:30 pm.

Tocante Wingo

A funda Aero República S.A., cu ta opera bou di e nomber comercial Wingo, desde 19 di october 2016. E compania ta pertenece na Copa Holdings. El a cuminsa bula pa Aruba na december 2016 como e prome Low-Cost Carrier pa sirbi Aruba for di Colombia. Brindando mercadonan local y di placer tarifa abou, bon ambiente y hopi flexibilidad. Separa di Aruba, ta bon pa bisa cu Wingo ta bula tambe pa ciudadnan Colombiano, manera Armenia, Barranquilla, Bogota, Cali, Cartagena, Medellin, San Andres y Santa Marta. Ta bula vuelonan regular pa Costa Rica, Cuba, Corsou, Republica Dominicana, Ecuador, Guatemala, Mexico, Panama y Peru.

Wingo a cuminsa bula avionnan 737-700 pero dos aña pasa a cambia tur nan avionnan. Awendia nan ta bula avionnan

marca Boeing, modelo 737-800. Nan tin ocho di e avionnan aki, cu ta carga no menos di 189 pasahero.

Tocante AUA Airport AUA Airport ta un di e aeropuertonan mas ocupa den region Caribe, cu mas di 22 diferente aerolinea operando pa Aruba contribuyendo na mas cu 2.5 miyon pasahero pa aña (prome cu COVID) y cu diferente vuelo pa 28 diferente destinacion rond di mundo. AUA Airport

ta opera stabiel cu mas di 95% di su bishitantenan cu ta bin pa vakantie di cual 76% ta for di Merca y Canada, 9% for di Latino America, 8% for di Europa y 4% for di Antia Hulandes te cu juni 2022.

AUA Airport ta reconoce cu esaki ta danki na e economia stabiel, clima politico, hospitalidad, populacion diversifica y siguridad general di nos isla. AUA Airport ta sigui expande y mehora su facilidadnan pa

mantene su posicion como un di e aeropuertonan mas innovado den region.

Conoce mas di loke ta pasando na AUA Airport door di bishita www.airportaruba.com y conecta cu AUA airport riba Twitter.com/ Aruba_Airport, Facebook.com/ ArubaAirport, Instagram.com/ arubaairport/ y Linkedin.com/ ArubaAirport.

Debi cu prensanan partidista ta saca cosnan for di context: Parlamentario Shailiny Tromp-Lee ta trece dilanti aclaracionnan pa loke ta su discurso na ipko 2023 part 1

Diamars mainta, durante un entrevista na Parlamento, Parlamentario Shailiny TrompLee a remarka di kier trece aclaracionnan pa loke ta trata su discurso na IPKO siman pasa, mirando cu a tuma nota cu prensanan partidista no por bisti nan pechi di pais Aruba, y ta saca cosnan for di contexto treciendo asina na comunidad, su discurso den un lus negativo.

Parlamentario Tromp-Lee a indica cu e motibo pakico e ta kere cu tin un relacion di desconfiansa den Reino ta pasobra cu su coleganan parlamentario Hulandes ta carece di conocemento di e islanan, di informacion concreto di e desaroyo di cada isla y ta carece di e sabiduria cu cada isla riba nan mes ta unico y tin un otro punto di salida. No tin un “one size fits all”. Durante su discurso, sra Tromp-Lee a haya algun pregunta cu aki na Aruba a wordo saca di contexto y esaki semper ta e caso na momento cu nan no ta compronde (of ta haci manera no ta compronde) e panorama completo y ta uza esaki na beneficio partidista, cual sigur ta e caso den e situacion aki.

Parlamentario Tromp-Lee ta indica cu den un situacion “normal” enberdad su trabou ta, manera indica pa un colega di Hulanda na IPKO, pa controla gobierno y si mester yama nan pa duna cuenta den sala di Parlamento riba nan actonan. Esaki sigur lo tabata un remarke completamente na su lugar pero mirando e realidad pa loke ta trata

e proceso encamina pa loke ta trata COHO y RAFT esaki no ta e caso. Desde un principio Gobierno tabata informa Parlamento y desde un principio mayoria den Parlamento no tabata di acuerdo cu e condicionnan y tampoco cu e “take it or leave it” actitud di Hulanda. Algo cu te dia di awe mayoria di nos no ta compronde y of ta haya acceptabel mirando e situacion. Ta importante pa na momento cu ta trata e retonan financiero actual di pais Aruba, na ningun momento perde for di bista e contexto y e realidad actual di nos pais. No por lubida cu tur cos a orgina door di e pandemia.

Pesey mes Parlamentario

Tromp-Lee a trece dilanti

den su discurso na IPKO e refinanciamento di e debenan, na unda nan como Parlamento di Aruba den su mayoria a indica na gobierno cu nan no ta para pa e ley di consensus di supervision financiero. Den e contexto aki ta haya incomprendibel cu awe Hulanda ainda tin esaki riba mesa y cu Hulanda ainda ta pone como condicion pa refinanciamento di e debe mara na covid.

Pa loke ta trata e refinanciamento di nos debenan mi a trece padilanti na IPKO cu mi ta haya hopi remarcabel cu mientras nos ta combersando tocante slavernijverleden y democratisch deficiet, nos ta haya un situacion na unda cu nos como Parlamento

di Aruba (den su mayoria) a indica na nos gobierno cu nada no a cambia den nos postura pa cu e leynan di consenso toch Hulanda ta sigui cu e proceso di RAFT. Mescos cu nos no tabata para pa COHO, nos no ta para tampoco pa RAFT. Alabes mi a trece padilanti cu mi ta haya incomprendibel cu Hulanda kier sigui negosha encuanto RAFT sin a contesta of reacciona oficialmente riba nos verslag manda pa Hulanda al respecto na mei 2022. Pesey a pidi nos coleganan di Hulanda pa duna e situacion aki su atencion. No pa bin haci nos trabou pa nos pero mas bien pa nan bay atende e punto aki cu nan Gobierno.

Topico: Aruba presente na e Weganan Interinsular na Bonaire

IBiSA ta presente na Weganan Interinsular na Bonaire cu un total di 16 atleta di Aruba den e deporte di Dammen y Schaken.

IBiSA durante henter aña escolar ta organisa varios evento y competencia entre scolnan preparatorio, basico y avansa. Segun palabracion entre e islanan, a dicidi cua deportenan ta bay wordo organisa y competi na Aruba, Curaçao y Bonaire. Na e ocacion aki, Aruba ta na e isla di Bonaire cu e deporte di Dammen y Schaken competiendo contra e isla anfitrio, Curaçao.

Den e deporte di Schaken nos tin e siguiente atletanan:

Sylvi Cabral

Brooke Lockhart

Joanne Timmermans

Anastasia de Palm

Santiago Rodrigues

Lui Montoya

Bryce Lockhart

Mohit Sharma

Den e deporte di Dammen nos tin e siguiente atletanan:

Daniela Ouwerkerk

Taliana Corrales

Luisa Pinillos

Jaylee Krozendijk

Xyon Jacobs

Brandon de Leça

Zayon Maduro

Elion Istatia

Diabierna y diasabra dia 10 y 11 di Maart 2023, e atletanan ta bay mira competencia na Club SOHO na Playa.

IBiSA ta desea nos hobenan tur clase di exito durante e Weganan Interinsular. Pa mas informacion por mira esaki riba nos pagina social di Facebook y Instagram: IBiSA Aruba.

SETAR aportando na e programa Formacion Social

SETAR recientemente a haci un donacion na e programa Formacion

Social crea pa Marina

Real cu lo start dialuna

13 di maart. Akinan

hobennan ta haya training den ramo di entre otro: norma, balor, disciplina, respect, structura y responsabilidad, cual ta hermentnan clave cu lo preparanan pa futuro.

E programa aki ta un exito pa 9 aña caba, unda cu awo e Formacion Social ta wordo organisa 2 biaha pa aña, cu un trayecto pa hende homber y otro pa hende muher. Cu e donacion aki SETAR ta aporta na e bienestar di nos hobennan cu lo ta e pilarnan pa e futuro di Aruba y pa nan propio disciplina.

Dia 16 di februari sra. Tea Hol, directora di LVAK (Landelijke Verening Aandachtfuncionarissen huiselijk geweld en Kindermishandeling) di Hulanda conhuntamente cu dos trainer di Departamento di Mucha y Hoben (DMH); JullieAnn Thode y Efraim Suurendonk y Stan van Haaren di Unicef, a ehecuta un dia di encuentro profesional na J.F.K. Education Center na e Supervisor di Codigo y Trainers di Codigo di Proteccion. Por a conta cu participacion di 35 profesional, cual ta 85%

di e total di Supervisor di Codigo y Trainers.

E meta di e dia aki tabata pa e.o.; presenta e inventarisacion di e 43 Supervisor di Codigo (SdC) dentro di e 14 instancianan na Aruba; e trayecto di profesionalisacion y centro di experticio cu Departamento di Mucha y Hoben (DMH) lo ehecuta den 2023 y 2024; e acuerdo di e Ministeriele Beschikking (MB) p’e profesionalnan, cu ta permiti nan ehecuta den un forma flexibel e rol di Supervisor di Codigo

y Trainers; inventarisa unda cada SdC ta para actualmente y kico lo ta nan meta pa 2023; empodera y motiva e SdC y Trainers cu nan rol dentro di nan organisacion.

Mester indica cu e dia aki a bay hopi bon, unda na final e profesionalnan a indica cu nan ta entusiasma, motiva, comprometi y tambe bastante ekipa cu conocemento di Codigo di Proteccion y con nan lo ehecuta nan rol. Nan participacion tabata uno hopi activo, unda nan a haci e preguntanan riba diferente aspecto y deseso, specialmente den e parti di trahamento

hunto y bon colaboracion, pa bienestar general di nos muchanan.

E diferente temanan durante e dia aki, tabata mas bien pa reforsa y empodera e rol di Supervisor di Codigo den su pleno ehecucion. Un di e temanan, manera reflexion propio, riba con bo ta mira bo mes den e rol aki den bo instancia, sigur a haya bon acogida y feedback. Creatividad y compromiso na final a keda totalmente demostra na final di dia, unda cu e profesionalnan sa y tin conocemento di e posibel retonan cu nan lo bay encontra y ta dispuesto

y ekipa con nan lo por atende cu nan, semper contando cu e sosten di DMH.

Definitivamente sra.Tea Hol di LVAK, a keda hopi impresiona, cu e actitud positivo y animo di e Supervisornan di Codigo y Trainers presente. E participacion tabata uno interactivo y a brinda oportunidad pa expresa pensamento y sentimento. Tambe a habri espacio pa activa e Supervisornan pa traha concreto riba sea e plan di implementacion y of protocol dentro di nan instancia y cu un periodo di tempo stipula.

DMH a habri 2023 cu yen di entusiasmo, energia y compromiso cu Codigo di Proteccion dentro di e instancianan na Aruba

Premier Wever - Croes a hiba palabra na e di 67 conferencia

“Commission on the Status of Women”

E TA IMPORTANTE PA TUR STAKEHOLDER TA

ENVOLVI PA HUNTO CERA E “GENDER GAP” CU

TIN ENTRE HENDE MUHE Y HENDE HOMBER

Manera ta conoci, siman pasa

Prome Minister Evelyn Wever - Croes a atende diferente reunion di Nacionnan Uni na New York. Esaki ta e di 67 biaha cu e “Commission on the Status of Women” (CSW) ta wordo organisa. E conferencia a inicia dialuna dia 6 di maart y lo dura te cu 17 di maart den cual ta atende cu diferente tema relaciona cu status di Hende Muhe. Na ocasion di e apertura, Prome Minister a duna un discurso treciendo e posicion di Reino Hulandes, y den esey a elabora riba kico tur ta haciendo na Aruba riba tereno di empoderamento di hende muhe y algun ehempel di Hulanda.

Prome Minister den nomber di e 4 paisnan den Reino (Aruba, Corsou, Sint Maarten y Hulanda),

a splica cu transformacion digital den ultimo decadanan tabatin un impacto hopi profundo riba bida diario. Esaki a bin cu hopi oportunidad pa igualdad di genero, pero el a bin tambe cu hopi riesgo y puntonan negativo. Mas y mas tecnologia nobo ta lantando cabes y nan ta percura tambe pa mas stereotipo cual ta visibel online, e asina yama: “online gender based bias”, pues violencia basa riba genero online.

Na Aruba a cuminsa atende cu esaki pa percura pa duna hende muhe y mucha muhe mas oportunidad den e area di ciencia, ingenieria, tecnologia, engeria, matematica y ICT. Prome Minister a elabora riba e trabou cu Futura ta haciendo cu “innovation lab” y diferente workshop y

training cu e meta di lanta e interes cerca mucha muhenan hoben den e ramo aki. Ademas, Prome Minister a informa esnan presente den e conferencia tocante e facultad di Sustainable Island Solutions through Science, Technology, Engineering and Mathematics (SISSTEM) cu tin na Universidad di Aruba. Pa locual ta e esfuersonan di banda di Hulanda, Prome Minister a indica cu Gobierno di Hulanda a cera un pacto tecnologico cu scolnan, sector priva, doñonan di trabou, trahado y autoridadnan local, cu ta enfoca riba atrae mas hende muhe den sectornan di STEM. Gobierno Hulandes a lansa un plan di accion tambe pa trabounan di energia limpi y digital, caminda ta aumenta

e inversion den habilidadnan digital den enseñansa y desaroyo pa asina purba di haya mas hende muhe den e sector di ICT. Esakinan ta algun iniciativa cu a tuma pa cera e espacio “gender gap” cu tin entre hende muhe y hende homber tanto online como offline.

Na final Prome Minister a enfatisa riba e importancia pa tur stakeholder ta envolvi den e desaroyonan aki pa asina logra duna hende muhe e espacio y oportunidad cu mester pa desaroya y contribui cu nan talento na soluciona retonan na mundo pa crea un desaroyo mas balansa. Esaki no lo por ta posibel sin e compromiso di cada persona.

Danki Betico pa bo vision, curashi y determinacion!

Diadomingo 12 di maart ta recorda cu 40 aña

pasa Aruba a logra su Status Aparte durante

Conferencia di Mesa Rondo na Hulanda

primordial pa realiza e anhelo di nos pueblo y esaki despues cu for di fin di añanan 40 nada a sosode riba tereno estatal pa Aruba. Den Eilandsraad di Aruba e comision pa prepara nos structura estatal (R.C.O.A.) a acepta dia 24 januari y 24 di februari 1983 mocionnan pa manda un delegacion cu e instruccionnan necesario y cu un gran cantidad di condicion pa bay negocia na e Conferencia di Mesa Rondo na Den Haag, Hulanda, di dia 7 pa 12 di maart 1983. Nos pais tabata representa pa tur e partidonan politico, gremionan comercial, sindical y clero. E union bao di e delegacion Arubano tabata hopi grandi.

De kogel is door de kerk Locual nos a logra exactamente 40 aña pasa tabata encera entre otro lo siguiente:

Locual ta keda como un expresion historico durante di e conferencia aki tabata e palabranan di ex Premier Lubbers, esta “De kogel is door de kerk”, cu ta simbolisa e logro exitoso di un pais cu a lucha fuertemente pa su libertad.

Preparacion pa Status

Aparte

esnan cu tabata tin e curashi pa realiza e deseo di nos pueblo.

Scrapmento di fecha di Independencia

Dia 12 maart ta exactamente 40 aña pasa cu durante e Conferencia di Mesa Rondo na Hulanda – bao guia di nos Libertador y estadista

Gilberto François (Betico) Croes - a logra corona cu exito e lucha ferviente di nos pueblo pa su Status Aparte. Esaki despues cu nos Libertador a guia e comision pa prepara nos structura estatal den Parlamento, unda tur partido politico y gremio den nos comunidad tabatin e oportunidad pa dialoga riba e futuro estatal di nos isla.

Aruba a inicia e proceso na un manera acelera desde 9 di februari 1971, fecha cu a funda e partido Movimiento Electoral di Pueblo (MEP), cu e meta

1. Saliendo for di e derecho di autodeterminacion di cada un di e islanan, e conferencia ta acepta e resolucion di Aruba pa haci uzo awor di su derecho di autodeterminacion, door di scoge definitivamente pa independencia, cu mester wordo realiza na aña 1996. E fecha aki lo wordo poni den Statuut. Hulanda lo duna su aporte pa Aruba haña reconocimiento di derecho internacional. Alavez cu prome cu 1996 lo wordo teni un conferencia di evaluacion entre Reino y Aruba, pa eventualmente examina e fecha di independencia di Aruba, den luz di evolucionnan estatal entre e paisnan di Reino.

2. E conferencia ta bay di acuerdo cu Aruba como fase transitorio prome cu independencia ta haña un periodo di 10 aña. Mientras tanto Aruba lo haya un Status Aparte cual ta posicion como pais autonomo den Reino Hulandes a base di Statuut. E status aki lo principia dia 1 di januari 1986. Tabatin en total 33 punto di conclusion di cual esakinan ta un par cu ta di vital importancia. E Conferencia di Mesa Rondo a resulta sumamente exitoso pa Aruba y durante e conferencia aki nos Libertador Betico Croes cu curashi y determinacion a defende e causa di e pueblo Arubano.

E trabaonan cu a sigui despues tabata inmenso y masha hopi ley mester a ser prepara pa por a yega na e fecha di 1 di januari 1986. Mester a prepara e Constitucion di nos pais, un forma nobo di cooperacion cu gobierno di Antiyas, stipula cual ta e leynan cu nos lo tuma over di Antiyas, con lo separa bienes, con lo introduci nos propio Banco Central, nos Florin, con lo bin cu un propio Corte di Husticia, Ministerio Publico, Procurador General, Raad van Advies, Algemene Rekenkamer, Gobernador, propio Cuerpo Policial, con lo tuma tur e Landsambtenaren cu ta traha na Aruba etc. Banda di tur esaki mester a bin tambe cu nos propio Fondo di Pensioen y Banco di Seguro Social. A prepara tambe e organisacion y e structura di nos pais Aruba, cu su ministerionan bao cual e departamentonan ta resorta y e tareanan cu cada ministro lo ser encarga cu ne y cual ta nan responsabilidadnan. Tur e trabaonan inmenso aki a ser coordina pa e man drechi di Betico Croes, esta sr. Nelson Oduber.

Si nos mira nos pais awe, despues di 40 aña di e Conferencia di Mesa Rondo, nos ta desea di expresa palabranan di gratitud, aprecio y admiracion pa Betico Croes y tur

Na aña 1990 sr. Nelson Oduber como Promer Ministro a regresa Hulanda y a logra pa saca e fecha di independencia di 1996 for di den e Statuut. Pa promer vez den historia di Reino, a laga pone den Statuut cu Aruba tin e derecho di autodeterminacion, pa dia cu nos pueblo ta desea esaki e por determina su propio destino. Pa nos por bira independiente, nos mester organiza un referendum, haña e mayoria na fabor di esaki y sosten di 2/3 parti di miembronan di Parlamento. Esaki ta algo noble y sagrado di cada pueblo cu ta respeta su mes.

Pabien pueblo balente, dichoso bo ta pa a biba e momentonan historico ey hunto cu nos. Dios duna, cu nos yiunan y yiu di nan yiunan, lo sa di balora e trabaonan di e Arubianonan balente aki. Na tur cu a bay laga nos caba, nos ta spera cu den Reino di Dios nan por ta contento di a haci historia y logra cosnan grandi pa nan Pueblo. Nos lo recorda nan pa semper, como soldanan den promer fila di e lucha y como esnan cu a corona esaki cu exito. Ban nos tur proteha nos autonomia y respeta nos himno, bandera, ortografia, folklore y nos cultura. Ban defende e identidad Arubiano y conserva e balornan spiritual di un isla chikito di tamaño, pero noble y grandi di curazon, digno di ta un pais soberano den Reino Hulandes.

Estudio Basico pa bira Agente di Wardacosta ta habri pa inscripcion

Wardacosta ta informa hobennan entre 18 y 25 aña, ku tin e ambicion pa bira Agente di Wardacosta, pa inscribi nan mes pa e Estudio Basico pa bira Agente di Wardacosta (Basis Opleiding Kustwacht (BOK). E estudio basico ta un programa di estudio ku un duracion di 1 aña, consistiendo di vaknan practico y teoretico, incluso un training pa bira Agente Policial Extraordinario (Buitengewone Agent van de Politie, BAVPOL). Tantu hobennan masculino como femenino por inscribí pa e estudio di BOK.

E estudio ta start ku un periodo di introduccion, asina yama ‘SamenSterk’. E meta di e periodo ‘SamenSterk’ ta ku e aspirant durante e periodo aki, lo krese tantu fisicamente como mentalmente y ta sera conosi ku e organisacion

di Wardacosta. Durante e curso e aspirantnan ta risibi habilidatnan basico, di entre otro EHBO (‘first aid’) y training ku arma. Tambe educacion noutico y vaknan di training basico di ekiponan di rescate, paga candela, legislacion di Wardacosta y manual di radio VHF, cualnan ta forma parti di e pakete di e estudio BOK. E condicion pa inscribi ta ku bo tin nacionalidat Hulandes, y ku bo ta inscribi na Aruba, Corsow, Sint Maarten of islanan BES, ku bo tin entre 18 y 25 aña di edat, na inisio di e curso, ku bo tin minimal un di e siguiente diplomanan: MAVO-4/ VMBO/VSBOTKL/ L.T.S/ T-stroom/ EPB-door -stroom/ EPI of un diploma ekivalente na educacion secundario, ku bo tin un diploma di landamentu, ku bo por lesa y scibi Hulandes, ku bo tin un bon condiccion fisico, ku bo no ta bisti bril of lens y ku bo no tin un ‘strafblad’.

Si bo ta interesa den e curso, bo por bishita e website di Wardacosta via www.kustwacht.org .

Aki bo por drenta e parti di ‘Werken bij’ y haña mas informacion tocante e curso y sigui e link pa yega na e formulario di

Dia familiar na Kapel di Bethania pa celebra ‘Himno y Bandera’

Fundacion Kapel di Bethania (FKB) lo habri e portanan di Klooster Imeldahof un biaha mas diasabra 18 di maart di 9 or di mainta pa 2 or di merdia, pa asina celebra nos dia nacional hunto cu pueblo di Aruba. Lo percura pa e dia aki tin un ambiente familiar cu actividad tanto pa grandi y chikito.

E hobennan di Pastoral Hubenil Noord lo ta encarga e dia aki cu un “art workshop” pa tur edad, esaki tin un costo di solamente Afl 15,. Nan ta organisa esaki pa recauda fondo pa yuda nan den nan gastonan pa bay e ‘Hornada

Hubenil Mundial’ na Portugal. Por pasa admira nos exposicionnan den Kapel y den e otro cambernan. Tambe lo tin un bazar, caminda por pasa cumpra snacks, cos dushi, acesorionan, articulonan religioso y mucho mas. Y di mes lo tin un bar y cushina bon sorti.

Igmar Maduro lo entretene publico cu su caha di orgel, Tica Giel lo canta algun composicion di Aruba acompaña na piano pa Igmar Maduro, Madeline Kelly lo duna un presentacion cu su grupo di baile, Luis

Figaroa, maestro riba acordeon, lo deleita e publico cu piesanan tipico hunto cu su grupo crioyo. E presentacionnan lo cuminsa 11 or. Riba e dia aki esnan cu ta interesa pa yuda cuida y conserva e edificio monumental di Klooster Imeldahof por registra alavez pa bira boluntario.

Fundacion Kapel di Bethania ta invita henter pueblo di Aruba pa bin pasa un rato placentero cerca nos, disfrutando y siñando di nos historia y cultura.

Prome

Minister Evelyn Wever-Croes COMMISSIE CORPORATE GOVERNANCE A

DUNA PRESENTACION DI NAN TRABOUNAN NA CONSEHO DI MINISTER

1 di mei 2020, durante Gabinete Wever-Croes I y na comienso di e pandemia, Prome Minister Evelyn Wever-Croes a instala e Commissie Corporate Governance. E comision energeticamente a asumi su tarea y den dos siman a entrega un plan di accion na Prome Minister y riba 18 di mei 2020 e plan y su presupuesto a wordo aproba y e comision a cuminsa traha. E comision cu ta consisti di Presidente señor Jossy Lacle, y miembronan señora Hellen van der Wal, señor Arie Swaen y señor Freddys Refunjol, ta haciendo e trabou aki desde e fecha menciona. Na principio nan a compromete nan mes pa un aña, sinembargo e trabounan a bira mas grandi y a prolonga e comision pa mas tempo. Gobierno di su banda, mesora tambe a compromete su mes pa cumpli cu recomendacionnan di e Commissie Corporate Governance.

Comision di “Corporate Governance” ta e organo cu ta encarga cu supervision di companianan estatal riba aplicacion di reglanan di cooperativo gubernamental, y conseha Gobierno riba peticion of no, entre otro riba e perfil, nombracion y retiro di miembronan di hunta di comisarionan y ta regla con pa evita conflicto di interes, y stipula beneficionan primario y secundario pa directornan y pa miembronan di staf. Un logro grandi tambe ta e “Wever-Croes Norm” den cual ta stipula cu un director di un compania estatal no por ricibi un salario cu ta mas halto cu 130% di e salario di minister president.

Diabierna mainta Commissie Corporate Governance a duna un presentacion na Conseho di Minister. Prome Minister Evelyn Wever-Croes na final di e presentacion a expresa su gratitud y satisfaccion pa e trabou cu e comision ta haciendo desde

mei 2020. “Commissie Corporate Governance a entrega e concepto di ley y e codigo di Corporate Governance cu ta canando e caminda pa wordo implementa. Esaki ta e base firme pa garantisa integridad den companianan

y institutonan di Gobierno. E bunita tambe di esaki ta cu tanto Gobierno como e indentidadnan semi publico awo ta sinti e necesidad di e ley y e codigo”, Prome Minister a remarca.

Vereniging Rijscholen Aruba miho conosi como V.R.A. a hiba su prome reunion extra ordinario

cu su miembro nan

Esaki a tuma lugar na e oficina di nobo di Marlon Rijschool na

Catiri 1C lokaal 1.

Durante reunion presidente Rolando Maduro y secretario Thomas Ruiz a duna welcome na miembro nan nobo y elogia e generacion jong cu ta den V.R.A. Directiva a papia di e A.L.V. pa ellecion pa e eligi directiva nobo cu lo mester continua cu e trabou nan necesario.

Tambe directiva a informa y trata varios punto di orde cu na final a conduci na votacion unanime riba dos punto.

1. Aboli tur medida cu a ser imponi via e COVID beleid cu no por ta vingente mas.

2. Duna contesta kla y raspa si e extra materiaal hinka den e toetsmatrijs ta basa riba un base legal mirando cu no ta poni den cua wetboek y wetsartikel esaki ta basa riba dje.

Esaki door cu hopi candidato ta druip pa esaki door di e manera cu e ta wordo traduci y formulacion di e pregunta nan y contesta nan ta tresiendo hopi confucion y mas ainda cu BER no a duna contesta na V.R.A. riba cua wetboek y wetsartikel esaki ta basa riba dje. Y tambe unda ta scirbi cu esaki por ta parti di examen.

Na varios ocacion Minister Rocco Tjon a ser poni na altura dibe sutuacion pero e ta laģa B.E.R. hasi y deshasi.

Miembronan no ta contento cu Minister Rocco Tjon no ta tumando e situacion na serio y tuma accion pa cu e 2 punto aki y ta haja cu VRA a duna suficiente tempo pa aboli esaki y aeclaria esaki.

Miembro a duna V.R.A. mandato pa tuma accion si Minister di Justicia Rocco Tjon y BER no reacciona den 1 siman.

Open House cu programa varia na MANA

riba Dia di Himno y Bandera

Tradicionalmente MANA (Museo Arqueologicio Nacional Aruba) ta habri riba nos dia nacional 18 di maart pa publico di 10’ or di mainta pa 2’or di merdia. E biaha aki publico tin e oportunidad unico pa experiencia Cas Dun Dun y Fruteria recien renoba. Esaki por a sosode danki na ayudo financiero di Ministerio di Finansa

y Cultura y UNOCA. Oficina di Monumento a haci supervision y a maneha e trabounan di construccion.

Bishitante por explora e espacionan renoba riba nan mes y tambe tin oportunidad pa participa na un bishita guia cortico door di director interino Pancho Geerman. Esaki

por sea 11’ or di mainta of 1’ or di merdia. Den Cas Dun Dun renoba lo exhibi mueble- y artefactonan cu lo ser incorpora den e exposicion den desaroyo “Manteniendo nos Herencia Bibo”.

Ademas ta presenta obranan contemporaneo di e artista multi facetico Arubiano Olga v Bochove den e exposicion temporario nobo Aruba Dushi Tera. Obranan traha cu diferente tecnica ta presenta capanan di nos pais y ta invita e espectador pa reflexiona

Club Kibrahacha 60+ lo presenta un exposicion di cuadra di su clientenan den Fruteria renoba. Alabes nan grupo di cuarta lo deleita publico cu

musica bibo cuminsando for di 10’or di mainta cu e Himno di nos dushi isla.

E biaha aki, Pastoral Hubenil Dakota (PHD) lo entretene y educa muchanan den ‘kidscorner’ den hardin y auditorio di MANA. E hobennan di PHD lo bende dushi snacks crioyo, popcorn y sopi, lo ofrece ‘facepainting’, decoracion di cupcake, obra di man y un ‘photobooth’ pa recauda fondo pa nan participacion na e "Jornada Mundial Juvenil” den juli awor na Portugal. Den e areanan di e exposicion permanente, arkeologonan Raymundo Dijkhoff y Harold Kelly, lo ta presente pa duna informacion y contesta pregunta di bishitantenan.

E entradanan riba e dia special aki ta via Schelpstraat so. Por uza e porta grandi central di Cas Dun Dun (edificio berde), porta blanco di palo dilanti Cas di Mamachi (Edificio cora y blanco) y porta dilanti di Fruteria (monumento geel). Despues di e periodo di mantecion MANA awor ta atrobe accesibel pa rolstoel y por subi prome piso cu lift.

MANA hunto cu Pastoral Hubenil Dakota y Club Kibrahacha 60+ ta invita grandi y chikito bin pasa un rato placentero na MANA celebrando nos Dia di Himno y Bandera, dia 18 di maart 2023 entre 10’or di mainta y 2’or di merdia. Entrada ta gratis.

Minister Glenbert Croes:

Pa

Ta hopi hende cu den pasado a haci e curso di Klein Vaarbewijs cu Enseñansa pa Empleo tabata ofrece. E tabata un di e cursonan mas popular na EPE. Antes tabata duna solamente teoria y no e parti practico. Desde e aña ak a bin cambio den esaki.

Enseñansa pa Empleo a drenta den deliberacion cu Directie Scheepvaart pa asina duna e curso mas peso y contenido pa adapta locual tabata necesario pa por cumpli cu e rekisitonan maritimo. Conhuntamente cu nos Havenmeester Sr. R. Beaujon, e docentenan di Klein Vaarbewijs na Enseñansa pa Empleo, a traha duro riba e revision di tur

material di teoria, reinforsa e reglanan pa manda e curso di Klein Vaarbewijs p’un otro nivel.

Pa mas siguridad riba lama, pa tur cu di un manera of otro ta usando lama, a introduci cambionan den e proceso pa yega na un vaarbewijs. Un di e cambionan mas importante cu a introduci ta un examen practico, riba lama, den un boto pa sigura e capacidad di e cursista pa por maneha un boto. Por compara esaki cu e proceso di rijbewijs, tin teoria y tin e parti practico. Y ambos mester wordo pasa cu exito pa asina por haya su rijbewijs manera den e caso aki su vaarbewijs. Cu e certificado, e

cursista mester presenta na Directie Scheepvaart for di cual instancia nan lo haya nan carnet pa por conduci boto den e awanan di Aruba.

E siman cu a pasa, Aruba a conoce su prome graduadonan di e curso di ‘Klein Vaarbewijs’ den teoria pero tambe den e parti practico. Cu sumo orguyo nos por anuncia cu tur a pasa e examen cu exito. Nos ta orguyoso di tur e cursistanan cu a logra.

EPE ta sumamente agradecido di tur e guia cu a ricibi di Havenmeester, sr. R. Beaujon y e docentonan di Klein Vaarbewijs di EPE.

Enseñansa pa Empleo di e forma aki ta contribui na un mundo maritimo mas sigur, cu reglanan mas estricto di curso, pa un y tur por gosa trankilamente di nos lama.

“Nos vision y compromiso ta pa Enseñansa pa Empleo yega na e nivel digno pa nos hendenan. Nos ta sumamente contento y orguyoso di mira avansenan grandi den e departamento aki”, e mandatario a expresa.

Enseñansa pa Empleo ta brindando e oportunidad na tur esunnan cu ta interesa, pa por sigui desaroya y recapacita nan mes. EPE ta den pleno preparacion pa habri inscripcion nobo pa fin di maart. Cursonan nobo lo cuminsa 17 di April proximo. Pa mas informacion tocante cualkier curso, por bishita www.epearuba.com, por pasa libremente na su oficina den Engelandstraat nr. 33 of telefonicamente 5825662.

prome biaha den historia cu curso di ‘Klein Vaarbewijs’ di EPE awor tin examen practico

Dama a perde control ariba su Suzuki Swift

lance tambe a yega y a bay atende cu e dama.

E auto no tawata gebolter, pero por a nota cu pa un of otro motibo e chauffeur cu ta un dama a baha caminda na su man robes.

Esaki a pone bay dal contra un mata.

Na yegada e dama di polis e dama tawata ok y lo no tawata desea atencion

medico.

Pero, toch a dicidi di subi ambulance y laga e Paramediconan haci nan trabou.

Polis di trafico a presenta pa tuma dato di e sucedido.

Un familiar a yega pa tuma e cumindanan den e vehiculo over, cu tawata/ ta destina pa ser bendi.

Festival Deportivo Comite Olimpico Arubano lo inaugura nan edificio nobo cu presencia di Presidente di IOC, sr. Thomas Bach

Diasabra awor lo ta un dia historico pa Comite Olimpico Arubano(COA) mirando cu un berdadero soño lo bira un realidad. Semper COA tabata anhela pa tin su mesun cas di deporte na Aruba. Pa hopi aña COA tabata situa den stadion Guillermo P. Trinidad den dos oficina chikito cual espacio no tabata grandi, mirando tur e

profesionalnan den servicio. Segun añanan a transcuri, e famia di COA a sigui crece y mester a busca un espacio mas grandi. A haci varios sondeo den pasado pero sin mucho exito. Durante añanan a keda persevera te cu a logra pa esaki awe a bira un hecho.

Cu hopi orguyo por anuncia cu diasabra awor 11 di

maart durante un Festival Deportivo por fin Comite Olimpico Arubano por estrena e cas di deporte na Aruba. Pa e motibo aki tambe COA kier a invita tur atleta y ex-atleta Olimpico y nan famia, coach y dirigente nan deportivo, nos federacion nan deportivo, amantenan di deporte, bisiñanan den e bario di Playa y henter

e pueblo di Aruba pa bin presencia un momento unico pa e deporte na Aruba. Loke lo hasi e diasabra uno mas special ainda ta cu na e apertura di e oficina di COA lo ta presente nada mas y nada menos cu e Presidente di Comite Olimpico Internacional, Thomas Bach, hunto cu e Presidente di Panam Sports, Neven Ilic y un delegacion di comite di ehecutivonan di IOC, Panam Sports y Olympic Solidarity hunto cu nos dignitario nan di Aruba.

Di 9or di mainta pa 12or di merdia, lo bay tin demostracion di algun di nos deportenan Olimpico y e deporte nan mas popular na Aruba.

Tambe lo tey Archivo Nacional cu e historia di deporte na Aruba. Den e parti oficial lo corta sinta y lo canta e Himno Olimpico y e tono glorioso Aruba Dushi Tera.

Lo bay tin baile di Popcorn Dancers y mas sorpresa cu no por divulga ainda. E marca oficial di Comite Olimpico Arubano

y su delegacion deportivo, Totto di Colombia lo tin un tent unda nan lo expone e uniform nan di ultimo modelo pa loke ta e ciclo Olimpico aki. E mural di e artista Paul Wong tambe lo haya su debido atencion mescos tambe e parti interior di e edificio di COA cu a keda masha bunita mes.

Excelencia Catering lo percura pa ofrece snacks y pasa boca tipico como tambe coy bebe na prijs di famia.

Yega diasabra awor na e oficina di COA situa na Vondellaan 27(bandi Banco di Caribe y enfrente di veld di Cricket) y bin celebra e momento historico aki.

Monica Pimentel Coach di Taekwondo

Team Aruba a yega for di Las Vegas

Despues di tres siman participando den 3 evento internacional, Monica Pimentel coach di Taekwondo Team Aruba a yega

Aruba bek hunto cu Joshua Klaber kende a logra di gana dos medaya di oro y medaya di brons.

Den tur evento Internacional di Taekwondo bo mester atende na e technical y coach meeting cu ta wordo duna na Ingles pa

asina ta bon na altura di tur e reglamentonan cu lo wordo aplica pa e evento.

Na US Open Kianna Krosendijk a gana su prome pelea contra di Kristina Harutyunyan for di Merca y despues a perde su di dos pelea contra di Merca.

Isabella Bogevad a perde su prome pelea contra di Emily Tosi for di Canada. Deevah Loefstop a perde su pelea contra di Itzel Velazquez for di Mexico. Joshua Klaber a perde

Continua Pag. 21

Team Aruba a yega for di Las Vegas

Continuacion Pag. 20

su pelea contra di Carlos Courts for di Mexico. Despues di e resultado di US Open, Monica Pimentel a cuminsa prepara Taekwondo Team Aruba pa e siguiente evento Interna-

cional. Monica Pimentel ta gradici pueblo pa nan contribucion. Danki na tur cu a haci e biahenan di Taekwondo Team Aruba posibel y cu nan por a representa Aruba na eventonen Internacional.

OPEN DAG DI COLEGIO ARUBANO TAWATA

HOPI BON BISHITA Y UN EXITO TOTAL

Den fin di siman Colegio Arubano a tene un Open dag pa e alumnonan di klas 6 di scol basico y tambe pa esnan cu a caba of ta cabando Mavo y nan mayornan. Alabes alum-

nonan cu ta bishita Colegio Arubano caba y lo kier a haya mas informacion di un profiel of tambe di un estudio den exterior of na Aruba a bishita e Open dag.

E Open dag tawata sumamente bon bishita. Tur e seccionnan a prepara un presentacion di e contenido di nan materia pa asina ricibi e (futuro) alum-

nonan y nan mayornan. Un mainta sumamente exitoso caminda cu tur e service clubnan y e conseho di alumno di Colegio Arubano tambe a duna informacion y a yuda guia e alumnonan y mayornan.

Hopi mayor a duna bon comentario y a keda cu bon impresion di Colegio Arubano.

Riba nivel di HAVO/VWO,

OPEN DAG DI COLEGIO ARUBANO TAWATA EXITO TOTAL

Colegio Arubano ta e scol secundario mas grandi na Aruba, cu ta conta cu casi 1400 alumno y un cuerpo di docente y profesionalnan bon prepara y cu animo pa guia nos hobennan. Colegio Arubano ta un scol catolico habri pa tur religion, e tin un plan di pago pa e bukinan di estudio, e ta un scol solido cu mas di 64

aña di existencia, caminda cu a forma y prepara hopi di nos profesionalnan na Aruba.

Colegio Arubano ta organisa banda di su curiculo hopi actividad y proyectonan na Aruba y den exterior. Asina tin e Erasmus+ project, e viahe di e grupo VWO 5 pa Hulanda y tambe e show musical cu lo tuma luga 24 di maart venidero den Cas di Cul-

tura. Colegio Arubano kier a gradici specialmente su cuerpo di docente, alumnonan y profesionalnan, cu a yuda cu e Open dag, y tambe e hobennan y nan

mayornan pa nan interes den nos scol. Alabes gradici su Excelencia Minister di Enseñansa di Aruba Sr.

Endy Croes, ken a tuma

su tempo pa pasa na nos Open dag y ricibi informacion di nos scol. Colegio Arubano por wak bek riba un Open dag sumamente exitoso.

Polis y bomberonan a bay pa un casita na candela na Rancho Clemente

Diaranzon mainta tempran a drenta informe di cu tin un casita na candela na Rancho Clemente, mesora a dirigi tanto polis como bombero na e sitio. Na yegada di e patruya ya bombero a yega na Rancho Clemente nan a mira rond pero no a encontra cu ningun candela y tambe un persona cu ta cuida e lugar tampoco tabata sa nada di candela. Un rato despues a descubri cu e casita riba lama poco mas panort esey tabata na candela mesora bomberonan a cuminsa paga e candela te domine completamente pero ya e casita tabata full kima.

Sra. Ariadne (Jetty)

Croes-Wever a cumpli 10 anja den servicio di Wit Gele Kruis

Dia 1 di maart, sra. Ariadne (Jetty)

Croes Wever a celebra su 10 anja di anniversario trahando na Wit Gele Kruis como Praktijk Ondersteuner Huisartsenzorg (POH).

Pa e occasion aki directeur Gino

Goeloe tabata presente pa agradeci Jetty pa tur su collaboracion y esfuerzo nan pa cu inicio di e grupo di POH cu na cuminsamento a

enfrenta hopi obstaculo pero cu awendia nos tur por ta satisfecho cu e logro nan den e transcurso di e 10 anja nan aki.

POH coordinator Jasmira Mora tambe a expresa su felicitacion y elogio na Jetty.

Wit Gele Kruis y team POH ta desea Jetty hopi anniversario jena di energia y perseverancia como POH.

NO DRENTA DEN NINGUN ORGANISACIONNAN SATANICO

PRONOSTICO DI TEMPO

VALIDO TE DIASABRA 11 DI MAART 2023, 18:00 ORA

TEMPO:

AWE NOCHI: PARCIALMENTE NUBLA Y GENERALMENTE SECO DEN MARDUGA Y MAYAN: PARCIALMENTE NUBLA SIN

AWACERO DI IMPORTANCIA

TEMPERATURA MAXIMO 31 GRADO CELSIUS

TEMPERATURA MINIMO 25 GRADO CELSIUS

INDICE DI CALOR (HEAT INDEX) DEN Y ROND DI ORANAN DI MERDIA: 32 PA 35 GRADO CELSIUS

UV INDEX: 12

BAHADA DI SOLO : 6:50 PM

SUBIDA DI SOLO : 6:50 AM.

BIENTO: MODERA FOR DI DIRECCION OOST; FORSA 3 TE 4 (12 TE 30 KM/ORA, 7 TE 16 NUDO)

DEN DIA BASTA FUERTE TE POSIBLEMENTE FUERTE DEN RAFAGA: FORSA 5 TE 6 (31 TE 50 KM/ORA, 17 TE 27 NUDO)

SITUACION GENERAL DI TEMPO PA PROXIMO 24 ORA: NO SPERA CAMBIONAN SIGNIFICANTE DEN E WEER CU TINI ACTUALMENTE. UN ATMOSFERA RELATIVAMENTE SECO LO LIMITA DESAROYO DI NUBIANAN CU POR PRODUCI YOBIDA. PA E MOTIBO AKI NO TA SPERA AWACERO DI IMPORTANCIA.

CONDICIONAN MARITIMO/ ESTADO DI LAMA:

NA PARTINAN PROTEJE DI COSTA: LEVE, ROND DI 1 PIA.

NA PARTINAN ZUID: TRANKIL TE MODERA, ENTRE 1 PA 2 PIA.

NA PARTINAN OOST TE NOORDWEST DI COSTA:

GENERALMENTE MODERA, ENTRE 4 PA 5 PIA DEN LABADERANAN MODERA FOR DI NOORD.

AVISO/ ALERTA: NINGUN

FENOMENONAN SPECIAL: NINGUN

POTENCIAL DI AWACERO PA PROXIMO 24 ORA: MENOS DI 1 MM; LOCALMENTE ESAKI POR TA DIFERENTE.

REGISTRACION DI TEMPERATURA (GRADO CELSIUS) Y AWACERO (MM) DEN ULTIMO 24 ORA (8'AM PA 8'AM):

AIRPORT : MAX 32 / MIN 24 / 0.0 MM

WESTPUNT: MAX 32 / MIN 25 / 0.0 MM

STA ROSA: MAX 32 / MIN 25 / 0.0 MM

PRONOSTICO DI TEMPO PA PROXIMO 3 DIANAN: LEVE TE PARCIALMENTE NUBLA CU UN AWACERO PASAJERO. BIENTO LO TA FOR DI DIRECCIONAN OOST Y MODERA TE BASTA FUERTE, POSIBLEMENTE FUERTE DEN RAFAGA; TEMPERATURA (GRADO CELSIUS) MAX / MIN LO TA: 32 / 26

No haci huramentonan na satanas. Bijbel ta bisa, Mateo 5: 33 – 37; “Mescos tambe boso a tende cu ta bisa na boso antepasadonan: Lo bo no hura falso, ma lo bo tene bo huramento den Cara di Senjor. Ma AMI ta bisa boso, pa no hura pa ningun motibo, ni pa Cielo, pasobra Cielo ta trono di Dios. No hura ni pa tera, pasobra esaki ta banki di Su pianan, ni pa Herusalem, pasobra esaki ta e ciudad di e gran Rey. Tampoco pa bo cabes, pasobra bo no por haci ningun draachi di bo cabei preto ni blanco. Laga bo si ta si y bo no ta no. Tur loke bo pone acerca ta bini di satanas.” Esnan den organisacion, nan ta nenga cu Cristo-Hesus ta Senjor y Salbador y nan ta bay na nan mes destino riba nan mes manera. Bijbel ta bisa, Huan 14: 6 ; “Hesus ta contesta: AMI ta caminda, berdad y bida.

Ningun hende no ta yega cerca Tata, sino pa medio di Mi.” Esnan den organisacionnan, nan ta ignora e Bijbel di Dios. Bijbel ta bisa, 2Timotheo 3: 16 y 17; “Tur loke ta para scirbi den Scritura, a keda inspira pa Dios y ta util pa instrui, refuta, coregi y pa educa hende pa husticia, pa un homber di Dios sea perfecto, completamente prepara pa tur bon obra.” Esnan den organisacion, nan ta adora diferente diosnan pagano. Bijbel ta bisa den Exodo 34: 14; “No adora ningun otro dios, pasobra Senjor ta un Dios celoso y E no ta tolera ningun otro dios.

P’esey no cera ningun comb -

enio cu e habitantenan di e paise y.” Den e di Prome Mandamento di Dios ta bisa: “Di stima y adora bo Senjor y bo Dios di henter bo curason, di henter bo alma, di henter bo sintir, di henter bo ser y mas cu tur cos den mundo.” Esnan den organisacion, nan ta nenga di menciona e nomber di Hesus den nan asamblea. Bijbel ta bisa den Phillipensenan 2: 10 y 11; “Pa cu den Nomber di Hesus tur rudia lo dobla, di habitantenan Celestial, habitantenan terenal y spiritonan infernal y tur lenga lo profesa na honor di Dios Tata; HesuCristo ta Senjor.”

Na esnan den organisacion cu ta haci pactonan satanico y nan ta wordo marca riba curpa cu e number 666. Den Bijbel ta bisa den Apocalipsis 14: 9 – 11; “E di tres Angel a sclama na boz halto: Kende cu adora e bestia y su imagen y laga pone e marca riba su frenta of su man, esun ey lo bebe di e binja di Dios Su rabia, cu ta prepara puro den copa di Su ira y lo e keda tormenta cu candela y zwavel dilanti di Angelnan, Santonan y di E Lamchi. Y huma di nan tormento ta subi bay halto den siglo di siglonan.

Ni di dia, ni anochi nan no tin sosiego na esnan cu ta adora e bestia y su imagen y kende cu ta acepta e marca di su nomber.” Bijbel ta bisa den 1 Corinthionan 10: 21 y 22; “Boso no por bebe for di copa di Senjor y tambe for di copa di demonionan, boso no por participa na mesa di Senjor y tambe na mesa di demonionan. Acaso boso kier provoca Senjor? Bosonan ta mas fuerte cun’E?

Horacio Oduber Hospital 527-4000

Centro Medico San Nic. 524-8833

SVB AO Ziekmelding 527-2782

Royal Funeral Home 586-4444

Ad Patres Funeral Home 584-2299

The Olive trees Funeral Home 582-0000

Fundacion Rode Kruis 582-2219 Fada 583-2999

Fundacion Respetami 582-4433

Fundacion Guiami 587-1677

Muhe den dificultad 583-5400

Centro Kibrahacha 588-3131

Stichting Bloedbank 587-0002

Mary Joan Fundation 588-9999

Koningin Wilhelmina Fonds 582-0412

Fundacion pa nos mucha nan 583-4247

Un comienso di weekend fructifero yena cu gracia y bendicion di Dios.

……..Un pueblo cu ta duna fruta. (Mateo 21,43)

Rumannan, Hesus a bisa cu nos mester ta luz, salo y fermento pa otronan. Pa e motibo aki continuamente nos mester evalua nos mesun bida. No ta suficiente pa lesa un biaha un rosario of pa haci algun biaha un caminda di cruz of di bay misa algun biaha den cuaresma. Awor con nos ta tuma e Palabra- y Parabolanan di Hesus! Tin biaha esaki ta confronta nos y semper tin e peliger cu nos kier suavisa of hasta di no acepta nan. Hopi biaha e motibo ta cu nos ta prefera di keda cera den e comfort di nos mesun mundo chikito rond di nos. E novedad di Evangelio mester wordo biba tur biaha como un posibilidad di un bida nobo. Asina nos por converti tur dia di nobo aunke esaki por nifica cu nos mester renuncia na algun cos

Oracion: Señor Hesus, duna mi e gracia pa tur dia mi por converti na Bo y pa mi por ta luz pa otronan.

Amen.

E efectonan di alcohol riba e sistema nervioso

Alcohol ta un droga cu ta legalisa y acepta socialmente. Es mas, tta e droga mas extendi di mundo y nos ta uz'e cu frecuencia den reunion, get-to-gether cu amigonan, cenanan familiar, etcetera.

Sin embargo, nos conoce e efectonan di alcohol?

E efectonan di alcohol ta cuminsa cu un sensacion di excitacion y euforia cu ta haci nos sinti miho ora cu nos cuminsa consumi'e. Pa desgracia, hopi hende ta uz'e pa desinhibi of pa calma. Sin embargo, e efectonan real den nos organismo no ta nada bon.

Alcohol ta un toxico cu por provoca alteracion den henter nos sistema. Tambe, tin hopi enfermedad cu ta relaciona cu e ingesta cronico di e substancia aki.

Por ehempel, alcohol ta asocia fuertemente cu e disfuncion hepatico. E realidad aki a extende entre e poblacion; no obstante, poco hende conoce e efectonan di alcohol riba nos sistema nervioso, por ehempel.

Den e articulo nos lo bay splicabo.

Cualnan ta e efectonan di alcohol?

E efectonan di alcohol den e sistema nervioso por produci tanto di forma agudo como cronico.

E cantidad ingeri y e tempo cu ta mantene e situacion aki ta determinante. Di forma general, nos ta distingui entre e intoxicacion agudo y alcoholismo cronico.

Intoxicacion agudo

Intoxicacion agudo ta produci ora cu den un periodo corto di tempo, ta ingeri cantidadnan hopi grandi

di alcohol.

Na principio, e intoxicacion aki ta produci sintomanan agradabel, manera e desinhibicion cu nos a menciona anteriormente. Di un otro banda, ta necesario menciona cu, aunke hopi hende ta uza alcohol pa socialisa, otronan ta afecta di manera contrario.

Hopi persona por bira agresivo y iritabel. Sin embargo, e efectonan di alcohol den e caso aki, por causa un coma etilico. Esaki ta un estado di perdida di conciencia debi na e substancia aki cu por yega na pone e bida na riesgo.

Entre e efectonan di alcohol ta destaca cu ta un depresor di nos sistema respiratorio. Esaki kiermen, cu den e casonan aki, por yega na produci morto pa un fayo den e respiracion.

Alcoholismo

Alcoholismo ta tuma luga ora cu un persona ta sinti un necesidad imperioso di ingeri alcohol cu ta conduci na haci'e constantemente.

Un di e efectonan di alcohol ta cu e ta capas di produci dependencia fisico. Esaki ta haci cu e alcoholiconan ta sufri sintomanan di abstinencia ora cu e no por tum'e.

Alcoholismo ta asocia na otro procesonan cu, ora combina, ta haci cu ta desaroya cierto trastornonan neurologico grave. E circunstancianan ta:

● Mayoria di e alcoholiconan tin deficitnan nutricional y falta di vitamina.

● Ta afecta otro organonan manera e higra. Numeroso estudio ta de -

mostra cu e degeneracion hepatico por causa daño den e sistema nervioso.

● Ta hopi comun cu ta produci golpi y traumatismonan craneal pa motibo di e causa di e efectonan di alcohol. Esaki por provoca hematoma y hemoragianan den e celebro cu tambe su funcionamento ta bay deteriorando.

Pa tur esaki, e efectonan di alcohol den e sistema nervioso ta wordo traduci den numeroso enfermedadnan. A continuacion nos lo splicabo di esunnan mas destaca.

Efectonan di alcohol: e enfermedadnan neurologico

Demencia

Casi 10% di e alcoholiconan cronico ta sufri di demencia. Esaki ta implica cu e personanan aki ta sufri un deterioro di tur nan funcionnan cognitivo, manera memoria y e habilidadnan social.

Den e casonan aki, e persona ta perde e capacidad di realisa actividadnan compleho. Tambe por pro -

voca cambionan den su personalidad y den su estado di animo.

Degeneracion di e cerebelo

E cerebelo ta un parti di nos sistema nervioso cu ta encarga di e coordinacion muscular y otro movimentonan cu nos ta realisa involuntariamente. Ta calcula cu rond di un 50% di e alcoholiconan ta sufri daño den esaki. Nan ta caba teniendo dificultadnan pa papia, pa cana y hasta cuminsa tin temblamento.

Polineuropatia alcoholico

Otro di e efectonan di alcohol ta polineuropatia alcoholico. E ta un enfermedad caminda cu algun nervio ta degenera y no por mantene corectamente su funcionnan.

E ta asocia na un falta di vitamina secundario na e ingesta di alcohol. E personanan aki ta cumins aperde forsa den su miembronan gradualmente. Ademas, ta sinti parestesias (sensacion di grawatashi den e cuero) y

dolor den e mesun miembronan.

Na final, e ta afecta e forma di cana.

Efectonan di alcohol: e sindrome di WernickeKorsakoff

E patologia aki ta produci un alteracion di e conciencia cupor yega hasta den coma. E ta wordo causa pasobra e celebro no ta metabolisa corectamente e glucose y ta acumula cierto substancianan toxico den dje.

Concluyendo

E efectonan di alcohol den e sistema nervioso ta varia y compleho. Ta importante sa cu e ta produci daño tanto ora cu ta limita na un intoxicacion agudo como ora cu e persona ta alcoholico di manera cronico.

P'esey, si bo ta kere cu bo tin un adiccion na alcohol of bo ta bebe frecuentemente, purba di aleha di dje.

Tanto bo dokter, como numeroso gruponan di apoyo cu ta existi awendia por yudabo.

FORTALEZA PA FAMIA Scirbi

pa Pastor Marcel Balootje.

REPENTI, RESPETA , Y RECONCILIA

Repenti ta nifica confesa bo pica y aparta for di pica , asina cu pica no tin dominio mas riba bo. (Romanos 6:11-14).

Tur hende mester repenti, pasobra tur hende a peca, repenti ta algo cu mester wordo haci constantemente, pasobra hopi biaha nos ta peca sin nos sa.( Romanonan 3:23).

Pa nos ricibi Señor nos mester arepenti y pidi pordon pa nos picanan, y kere solamente den Señor, pasobra Dios ta wak nos curason ( Hebreonan 4;12-13).

Mi ta scirbi boso yiu chikitonan pasobra boso picanan a wordo pordona pa causa di Su nomber. ( 1 Juan 1:12).

Ora bo ta yiu di Dios bo ta pertenece na Dios, y e expresion di mas grandi di nos amor pa Dios ta ora nos repenti, pasobra asina nos ta demostra cu nos kier tin un contacto berdadero, pasobra sin repentimento nos no por ricibi Su gracia.

Den tur cas mester tin repentimento, pasobra repentimento ta trece bendicion di Dios, e ta trece humildad y pordon di pica, y Dios ta yena e hogar cu gracia y fabor.

Respet :

E ta manera un bala perdi cu hopi hende no sa den cual direccion e a bay, faltamento di respet a bira manera un fiesta, hasta den gobernacion, caminda hende mester duna ehempel, caminda

nos hubentud mester wak y conoce e balor di integridad, hopi biaha ta laga nos na caya. No ta pasobra falta di respet a bira un trend mundial nos mester copia, y adapta nos mes na inmundicia, pero di berdad nos mester haci tur esfuerso pa respeta otro y asina tin un comunidad sano.

Di e mesun manera exhorta e hombernan hoben pa ta huisioso, den tur cos presenta bo mes como un ehempel den bon obra, cu

puresa den doctrina, cu dignidad.( Tito 2:6-7).

Falta di respet no ta algo pa broma cune ,

Palabra sushi no ta un piedra precioso, Insulta hende no ta nada di gaba,

Nan ta simplemente demostra e grado di educacion ricibi na cas.

No haci nada cu actitud di egoismo of orguyo, ma

Tur hende tin balor di wordo respeta, pasobra Dios ta respeta tur hende y ta stima tur hende, locual Dios ta odia ta e pica cu hende ta laga domina den nan bida y asina biba un bida inmoral, sin respet y temor di Dios.

Sabiendo cu den Cristo Hesus tin liberacion, pero keto bay ta haci bofon di Dios, cu capricho y curason duro, montonando furia di Dios pa nan mes. ( Romanonan 2;5).

Reconciliacion:

Tempo mi tabata mucha, mi tabata papia manera un mucha, pensa manera mucha,rasona manera mucha, ma awor cu mi a bira homber, mi a pone cos di mucha un banda.( 1 Corintionan 13:11).

cu humildad laga cada un di boso, considera e otro mas importante cu e mes.No busca boso interes personal so, ma busca tambe e interes di otronan. Laga den boso tin mesun actitud aki cu tabatin tambe den Cristo Hesus.( Filipensenan 2:3-5).

Pasobra esun cu ta haci malo, lo ricibi e consecuencianan di e maldad cu e ta haci,y esey sin distincion di persona.

Tin hopi situacion den nos bida caminda cos di mucha mester wordo pone un banda pa nos demostra madures, como homber y muher grandi, como mayornan responsabel, como gobernantenan digno di e escogencia di pueblo,como lidernan spiritual firme para dilanti di Dios, y asina uni cu otro pa bienestar di un pais.

Ta para scirbi : Pasobra tempo nos tabata enemigo,nos a wordo reconcilia cu Dios door di morto di su Yiu. cuanto mas siendo reconcilia, nos ta salba pa medio di Su bida.(Romanonan 5:10).

Pa dos hende reconcilia nan mester tin un encuentro cu otro, pasobra den reconciliacion tin pordon.

Un amiga stima, un gran persona, amabel, humoristico y balente cu no tabata acepta inhusticia. Cu su bos y pen skerpi e tabata expresa esey. Ken no ta corda e poema “Placa, placa, placa” cu a capta masha atencion y a causa hopi emocion den pueblo un 20 aña pasa?

Philo tabata masha productivo como poeta: el a publica den e revista “Watapana” y den e antologianan Di Nos (1971) y Cosecha Arubiano (1983). El a publica na aña 1984 e coleccion di poesia ’Mi’ ta biba den mi pensamento, na aña 1986 Na caminda pa independencia y na 1992 Di ta ... pa tabata. Den su poemanan Philomena ta toca diferente tema importante di bida. Philo tabata militante, e no por a soporta inhusticia y den su poemanan e ta ataca esaki fuertemente: inhusticia contra e mucha (‘Maltrato’), contra e hende muhe (‘Tin orguyo’), contra nos grandinan(‘Anciano’).

Philo mes a experencia esaki personalmente durante e ultimo añanan y dianan di su bida: ni oido, ni compresion, ni

cariño, ni cuido adecuado no tabatin p’e di parti di esnan responsabel durante e momentonan cu mas el a anhela esey.

Philomena su poemanan ta den un Papiamento rico, profundo y melodioso. Cu su bon dominio di Papiamento Philomena Wong a aporta grandemente na reconocemento di nos idioma Papiamento.

Den e ultimo añanan aki e tabata traha riba un siguiente publicacion cu tur e poemanan cu e tabatin ainda den tapara. Lamentablemente e no a caba cu e trabou aki, pero un grupo di amiga fiel lo cumpli cu e promesa haci y lo percura pa e coleccion aki keda publica.

E siman aki, dia 8 di maart, nos a celebra Dia Internacional di Hende Muhe. Na cuminsamento di decada 80 e gruponan di hende muhe di e tempo ey a organisa pa prome biaha na Aruba un evento masha grandi den e cantina di John F. Kennedy School cu tabata existi ainda. Sala

a yena cu mas di 200 hende muhe di tur edad. Tabatin presentacion di teatro foro, musica y canto, baile, declamacion di poesia, pintura, obra di man, un bon cushina.

Un di e declamadornan tabata Philomena cu a impacta cu su poesia cu mensahe fuerte pa esnan presente. Philomena a fayece dia 7 di maart, un dia prome cu Dia Internacional di Hende Muhe. Pero su bos ta keda reso -

na den su poemanan. Cu e poema “Tin orguyo”, cu ta den e coleccion Di ta ... pa tabata, Philo ta encurasha e hende muhe pa ta orguyoso di su mes y pa ta determina den bida pa logra loke e ta desea.

Philomena, nos ta hopi orguyoso di a conoce bo y ta gradici bo pa loke bo a laga atras pa bo pueblo, pa loke bo a nifica pa cada un di nos. Sosega na paz!

Philomena Wong, un baluarte di nos literatura, pa semper den nos curason

Awe nos mester tuma despedida di Philo, cu pena na nos curason

Sopi di Letranan