Noticia di Corte AbogAdo tA cuestionA cu A
violA principio di trAto husto pA AcusAdo principAAl
ORANJESTAD – Abogado mr. A.Kock di Principal a cuestiona na Hof di Corte Superior cu su cliente Izak Principal tin 4 aña sera den KIA sin haya ningun tratamento.
SOLO DI PUEBLO por a compronde cu Hof a hala atencion di abogado mr. Kock pa e forma cu e tabata cuestiona Procurador General.
4 AÑA SIN HAYA TRATAMENTO
Mr. Kock a bisa Hof cu el a keda asombra cu tur loke Procurador General (PG) a trece padilanti. E abogado a bisa Hof cu tur e delitonan cu Principaal a haci, e tabata hunto cu Zuriel Celaire. E abogado a bisa cu Principaal tabata stuur y Celaire tabata esun cu a tira riba hendenan dilanti un bar na San Nicolas. El a remarca, unda Celaire ta awor. Na opinion di e abogado, Celaire a influencia Principaal. Ta Celaire a hiba e pistool na e cas unda Shayuri a wordo tira. Na opinion di mr. Kock, ta door di un accidente un tiro a los cu consecuencia fatal.
E abogado a mustra cu Celaire a haya solamente tratamento obligatorio y ainda Principaal ta sera den KIA. E ta haya cu e publicidad cu e caso a haya den media, a crea e impresion den comunidad cu Principaal ta un asesino. E abogado a bisa Hof cu Shayuri tabata manera un ruman di Principaal y e no tabatin motibo pa mata Shayuri.
E abogado ta haya cu door di trata Principaal otro cu Celaire, Hof ta viola e principio di tratamento di caso husto. E abogado a mustra cu Principaal mes a expresa na Hof cu e tin 4 aña sera, sin tratamento y te ainda no tin claridad den su caso.
E abogado a puntra PG si e kier pa Principaal keda sera? Hof a hala mr. Kock su atencion cu Hof a tuma decision caba cu Principaal a tira intencional y no tabata un accidente.
CASTIGO DI ADULTO NO TA BON
Mr. Kock a remarca na Hof cu biaha pasa a condena Principaal na castigo hubenil y awor
diripiente ta papia di castigo di adulto. Na opinion di abogado, ta logico cu Principaal ta crece pero no ta corecto cu ta bay aplica castigo di adulto.
E abogado a remarca cu door di miedo pa critica di media, Hues den Promer Instancia a condena Principaal na 9 aña di prison y awor PG ta exigi castigo pisa.
DUNA TRATAMENTO OBLIGATORIO
Mr. Kock a pidi Hof pa impone castigo di tratamento obligatorio den un clinica (TBS) cu condicion manera ta para den e raport di Respaldo. Esey ta trece cun’e cu Principaal ta wordo laga liber y di biaha e team di Respaldo ta atende y tambe Reclasering. E abogado a sigui bisa cu ora presenta un chens na Hulanda, lo manda Principaal Hulanda pa tratamento.
Hof a bay evalua un rato y a dicidi cu Diaranzon lo cera tratamento di e caso y Diaranzon 17 Dec, 1.45 di merdia lo tin sentencia.
Flamingo den apelacion
Awe Corte Superior di Husticia a trata e regiezitting den e caso Flamingo. E caso grandi aki ta referi
a complicidad di abuso di funcion, complicidad di engaño y complicidad di corupcion pasivo, y a cuminsa na aña 2022 cu detencion di e sospechoso principal O.E.O., ex minister y parlamentario. Banda di e politico prominente aki, siete otro sospechoso a wordo persigui, incluso cuatro funcionario publico.
Durante e tratamiento di awemainta defensa a entrega varios deseo di investigacion. Corte Superior di Husticia a aproba varios dos di nan peticionnan pa scucha testigo.
Na februari di e aña aki, Ministerio Publico a bay den apelacion contra e sentencianan cu Corte den Prome Instancia a dicta contra O.E.O. y contra e sospechoso E.F.E., un funcionario publico. Nan dos, plus un tercer sospechoso, tambe a bay den apelacion contra nan sentencia.
Riba 22 di januari 2025, Corte den Prome Instancia a condena O.E.O. pa complicidad di engaño, intento di engaño kontra Pais Aruba y abuso di su funcion como minister den e periodo 2017–2020.
Parlamentario Evelyn Wever-Croes
El a haya un castigo di prison di 1 aña, di cual 319 dia ta condicional, y ademas 240 ora di trabao pa comunidad.
Pa algun hecho, incluso corupcion pasivo, el a wordo declara liber.
Corte a declara e sospechoso E.F.E. liber di tur tres hecho di cual e tabata wordo acusa.
A keda palabra awe cu Corte Superior di Husticia lo trata e caso Flamingo den su contenido riba prome di juni 2026.
paRlamenTo a apRoBa pReSUpUeSTo
di Raad Van adVieS 2026
ORANJESTAD - Raad van Advies ta un instituto halto di gobierno, cu ta proveë Gobierno di conseho riba cambionan di ley. E consehonan aki ta hopi importante pa Parlamento por haci su trabou. P’esey mes, ora un ley drenta parlamento cu tin un “dictum” 4 of 5 di Raad van Advies, pues RvA ta haya e proyecto di ley hopi malo, esey ta un señal di alarma pa Parlamento. Parlamento mester sa e ora cu cada parlamentario mester haci un trabou hopi mas profundo, compara cu si Raad van Advies a duna un dictum 1 of 2 of 3.
Na momento cu Raad van Aruba duna un proyecto di ley un diepe onvoldoende - manera ta e caso cu e
ley di Landsverordening Instelling Ministeries (LIM) cu a drenta siman pasa - de facto RvA ta bisa gobierno, no manda e ley Parlamento sin cu haci cambionan grandi. Y ta na Parlamento e ora pa controla si gobierno a haci esey si of no. Y hustamente p’esey cada parlamentario mester tabata mas alerta ora e ley ey a drenta, y en bes di forsa pa ningun parlamentario haci pregunta, manera e presidente di Parlamento Muzanin Wever a haci siman pasa. De facto hustamente e ora ta TUR parlamentario mester a haci pregunta.
Despues cu fraccion di MEP a entrega keho, e presidente di parlamento
interino a realisa su eror y a duna nos 24 ora pa haci pregunta. Pa un ley di RvA a duna dictumn 4, cu si ta un examen, e cifra lo tabata 2.5! Nos fraccion a protesta e dictadura den e parlamento aki, strobando nos di haci nos trabou, y ta
realmente un berguensa con fraccionnan di AVP Futuro y PPA ta presta nan mes pa cosnan asina. Si Parlamento realmente ta respeta e consehonan di Raad van Advies, e ora parlamentarionan mester haci nan trabou tambe
manera mester ta, y tene cuenta cu e consehonan di Raad van Advies. “Mi ta lamenta cu Parlamento no ta tuma e consehonan aki na serio” Parlamentario Evelyn Wever-Croes a expresa.
Noticia di Corte
PG a exiGi 8 aña di Prison y tratamento obliGatorio Pa PrinciPaal cu a tira mata shayuri-1-
ORANJESTAD – Dialuna den oranan di merdia te atardi, Hof di Corte Superior a trata e caso di Izak Principaal. Por a mira tata di e victima Shayuri cu un yiu homber sinta den Corte pa scucha e caso.
SOLO DI PUEBLO por a compronde cu Principaal a bisa cu e sa cu el a haci malo y cu e mester haya castigo. Procurador General (PG) a exigi 8 aña di prison y banda di esaki tratamento obligatorio pa Principaal.
Hof a bisa cu na December 2003, Corte Supremo di Hulanda a manda e caso bek y awor ta bay trata solamente e parti di castigo. Corte Supremo a haya cu Hof a duna dos castigo esta 9 aña di prison y tratamento obligatorio y esey no ta corecto. Hof a mustra cu Principaal a wordo condena pa varios caso, esta asalto arma cu violencia, drive by shooting na un bar den San Nicolas. Esakinan Principaal a haci hunto cu otro. E lamentable caso caminda Principaal a tira Shayuri Petronea , tabata su so. Esaki a sosode 4 Juni 2023.
KI CASTIGO MESTER DUNA
Hof a bisa cu tin hopi raportnan traha riba Principaal. Hof a puntra Principaal kico e ta pensa di e raportnan. Principaal a bisa cu e sa cu el a haci malo y cu lo bin castigo pisa. Hof a mustra cu awor e raportnan ta papia cu mester aplica castigo adulto y no castigo hubenil. E castigo hubenil no ta cuadra cu e delitonan cu Principaal a haci. Segun Principaal, el a haci e delitonan den su hubentud y ta haya cu e ta wordo castiga pa e tempo ey. E tempo ey e tabatin 17 aña. Hof a bisa cu tin diferente cosnan cu mester bay tene cuenta promer cu yega na un castigo: si Principaal mester tratamento, si e kier bay school y cu Principaal a bisa cu e kier bay traha. Segun Principaal, awor cu den KIA e por haya preparacion, e kier bay traha.
TRATAMENTO BOU CONDICIONNAN PISA
Hof a mustra cu expertonan ta bisa cu Principaal mester di tratamento pa su problema mental.
Nan tambe ta bisa cu tin ora Principaal ta bisa cu tratamento no ta necesario y tin ora e ta bisa cu e ta haya cu e mester tratamento. Hof a bisa cu e pregunta ta, na unda e tratamento mester tuma lugar. Hof a bisa cu Aruba ta hopi limita den e tipo di tratamento. E lugar ideal lo ta Hulanda. Principaal a bisa cu si e tin cu bay Hulanda pa tratamento, e lo bay. Hof a mustra cu tanto Reclasering na Aruba como Hulanda, a stipula reglanan estricto si Principaal mester haya tratamento. Tambe ta asina cu e chens ta existi cu Principaal lo mester keda den un clinica pa un tempo y bou vigilancia. Na Hulanda e clinica ta encera detencion y tratamento. Esaki, tanten cu Reclasering ta haya necesario. Un di e condicionnan tambe ta cu Principaal no por bay bek serca amigonan bieu entre otro Celaire, kende tabata hunto cu Principaal den caso di tiramento na e bar den San Nicolas y tambe ora cu Principaal a tira mata Shayuri. Principaal tampoco por anda cu amigonan den e mundo di droga. Tambe tin condicion cu Principaal no por papia con cu ta na cellular of computer. Lo controla cu kendenan e ta papia. Lo averigua si ta amigonan bieu. Reclasering a pone condicion tambe cu Principaal lo mester duna e pass word pa e computer y cellular pa por controla.
Hof a sigui bisa cu segun e raportnan, si Principaal no cumpli cu e condicionnan aki, lo tin consecuencia cu Principaal lo mester haya tratamento obligatorio den un clinica.
4 AÑA SERA SIN HAYA NINGUN TRATAMENTO
Principaal a bisa Hof, cu e tin 4 aña sera y no ta mira nada pa futuro. El a bisa Hof cu el a mira hendenan cu ta cay sera y ta haya libertad. Despues nan ta bolbe cay sera. Principaal a bisa cu e no kier esey. E kier un cambio pasobra e no kier keda den e situacion cu e ta. E kier coopera pa asina e mira un desaroyo positivo. El a bisa cu e ta haya dificil cu e tin cu tuma pildernan den un clinica sera. Hof a remarca cu si Principaal no sigui tratamento, e chens tey cu e ta bolbe bay haci malo. Principaal ta compronde esey. E tres Huesnan di Hof a
cuestiona e hecho si Principaal ta bay Hulanda, si e por papia Hulandes. Principaal a bisa Hof cu e ta compronde Hulandes y por papia un poco. Ta asina cu Hof a pidi e traductor pa hala for di Principaal. Sin cu e traductor tabata sinta banda di Principaal, Hof a papia cu Principaal pa mira si realmente e ta compronde. Principaal a bisa Hof na Hulandes cu e ta compronde Hulandes un poco.
Procurador General (PG) na su turno a enfatisa cu Principaal mester compronde cu esaki ta un asunto serio pasobra si e no resulta, e ta perhudica Principaal mas. El a puntra Principaal pakico e kier tratamento. Principaal a bisa cu e no por papia hopi cu hende pasobra e ta bira nervioso. PG a bisa cu e ta bay mas leu cu solamente papia y cu Principaal mester tuma remedinan pa su problema mental. Principaal a bisa cu e ta dispuesto pa haci esaki pa pasa over e tempo dificil. Por a mira cu Principaal a baha cabez y a expresa cu e ta sorry loke a pasa.
Continuacion pag 6.
Detencion y beslag Den investigacion Di frauDe granDi
Awe tabatin varios accion di ristramento den cuadro di un investigacion penal tocante labamento di placa, fraude fiscal, fraude di Aduana, falsificacion y empleadonan ilegal.
E investigacion, cu a haya e nomber Saffraan, ta bao di direccion di Ministerio Publico y ta den man di Recherchesamenwerkingsteam (RST), den colaboracion estrecho cu Cuerpo Policial di Aruba, Landsrecherche, FIOT (Fiscale Inlichtingen- en Opsporingsteam), Aduana y UMM (Unit Mensenhandel/Mensensmokkel).
Durante e accion di awemainta a ristra den tres tienda, un oficina di administracion y cas di un sospechoso. A confisca varios documento, cargadornan digital pa warda data y administracion financiero. Tambe a confisca propiedadnan y medionan financiero di un sospechoso.
Te na e momento aki a detene un persona.
E investigacion Saffraan a start despues cu varios partner di investigacion financiero a indica cu nan a haya señalnan cu ta mustra posibel actividadnan castigable di e compania y/of di su director. For di e hallazgonan di e investigacion cu a cuminza despues di esaki, a surgi e sospecho cu e compania envolvi ta facilita empleo ilegal di persona y cu pa medio di administracion falso ta ontduik belasting y keda sin paga derechonan di importacion.
E investigacion ta den pleno desaroyo. Pa e motibo ey, lo no
duna niun informacion tocante identidad di e persona deteni of di e compania involvi. Ministerio Publico no ta exclui cu lo por cay mas detencion den futuro den e investigacion aki.
Ministerio Publico ta considera labamento di placa como un di e pilarnan principal di criminalidad cu ta mina sociedad (ondermijnende criminaliteit). Mirando cu reconoce y detecta labamento di placa por ta complica, ta nodo pa informacion wordo comparti na un manera corecto y pa actua na un forma integral contra dje. Ministerio Publico ta traha hunto estrechamente cu partnernan pa combati labamento di placa efectivamente.
Fraccion MEP: Vice Presidente di Parlamento muzanin WeVer mester baha!
ORANJESTAD – Fraccion di partido MEP dialuna a pidi pa retiro di e vice presidente di Parlamento Muzanine Wever. Dialuna ultimo, Parlamento a trata presupuesto 2026 pa Parlamento. Durante e reunion cada parlamentario di MEP tabata hopi critico riba e vice presidente Muzanin Wever riba su actitud dictatorial siman pasa.
Segun Parlamentario Edgard Vrolijk, e la mustra cuanto articulo
di nos Constitucion
Muzanin Wever a viola.
Parlamentario Shailiny Tromp-Lee a subraya cu e actitud dictatorial ta un accion inaceptabel y ta un manipulacion.
Parlamentario Rocco Tjon a bisa tambe cu ki bal nos aproba e presupuesto si nos mes no ta balora nos mes, referiendo na e hecho cu e fraccionnan di AVP y Futuro no ta respeta regla.
Parlamentario Endy Croes tambe a condena e falta di transparencia di e vice presidente di parlamento.
Parlamentario Hendrik Tevreden a finalisa bisando cu Parlamento mester “walk the talk”, specialmente den exigi pa respeta democracia. Den su disertacion parlamentario Evelyn Wever-Croes a conclui cu e actuacion di Muzanin Wever tabata contra ley y ta inaceptabel, y mester tin consecuencia pa esaki. Mesora el’a pidi un reunion di e lidernan di fraccion pa delibera riba e consecuencianan.
PG a exiGi 8 aña di Prison y tratamento obliGatorio Pa
PrinciPaal cu a tira mata shayuri-2-
EXIGENCIA DI PG
PG a bisa cu dia 4 Juni 2021, Shayuri a wordo tira mata door di Principaal. Desde 4 Juni 2021, Principaal ta sera y en espera di un decision. Famia di e victima tambe kier un fin den esaki. PG a bisa cu Principaal a haci delitonan serio. Corte Supremo a destrui e sentencia di Hof pasobra Hof a condena Principaal na dos castigo. E tempo ey Principaal tabatin 17 aña caminda a usa e castigo hubenil. PG a siugi bisa cu Principaal tabata envolvi den un drive by shooting y despues e tira mata di Shayuri. Dos biaha e mesun arma a wordo usa.
MESTER APLICA CASTIGO DI ADULTO
PG a bisa Hof cu Psychiater a papia cu Principaal e aña aki y Psychiater ta haya cu mester usa castigo di adulto. PG a mustra cu Psycologo, for di 2022 a bisa cu mester atende cu Principaal
como adulto. E aña aki e Psycologo a bolbe evalua Principaal y ta keda mantene su punto di bista. Ta asina cu a constata cu Principaal tin un actitud anti social. PG ta haya cu mester considera Principaal como adulto. Na opinion di PG, e meta di castigo ta pa evita cu delitonan serio ta bolbe sosode. Tambe pa manda señal den comunidad cu no ta tolera tipo di comportacion asina. PG a sigui bisa cu e meta di castigo tambe ta pa paga pa e delito cu el a haci. PG ta haya cu ta hopi complica pa yega na un castigo pa Principaal.
El a mustra cu desde Juni 2021 Principaal ta sera den KIA y no a haya ningun tratamento. Door di tur e tempo aki e problema anti social di Principaal a bira mas serio. PG ta haya cu Principaal mester haya tratamento den clinica pa asina mira cambio den actitud di Principaal. Esaki por cu of sin condicionnan. Na opinion di PG, castigo di prison so, no ta e solucion pa
Principaal. E ta haya cu tratamento na Hulanda den un clinica lo ta esencial, pero e pregunta ta si Principaal lo ta dispuesto y si Principaal lo por cumpli cu e condicionnan. PG ta haya cu Principaal mester wordo poni na disposicion di Hulanda pa haya tratamento obligatorio. Tratamento obligatorio ta mas o menos 4 aña. Tratamento cu condicionnan lo por dura 6 aña. PG a bisa cu tabatin combersacionnan cu autoridadnan na Hulanda pa esaki por sosode. PG a exigi 8 aña di prison y banda di esaki tratamento obligatorio pa Principaal. PG a bisa cu subsidiario e ta exigi e tratamento obligatorio den un clinica cu condicionnan cu ta pa 6 aña.
Hof despues di a scucha defensa di abogado mr. A. Kock, a bay evalua un rato y a bolbe. Hof a bisa cu dia 17 December 2025 pa 1.45 di merdia lo tin sentencia.
Minister Geoffrey Wever: Hunto cu un-EcLAc A prEsEntA E rEsuLtAdonAn di E Estudio di FintEcH ribA ArubA nA pArLAmEnto di ArubA
Oranjestad, 25 november 2025 - Minister di Finansa, Asunto Economico y Sector Primario. mr. Geoffrey Wever hunto cu “United Nations Economic Commission for Latin America and the Caribbean” (UN-ECLAC), a presenta e resultado di e estudio haci door di UN-ECLAC riba e oportunidadnan, riesgonan y obstaculonan di e sector di FinTech pa Aruba y evaluacion di e impacto di “Blockchain Technology” y “Crypto Currency” na Parlamento di Aruba.
Na 2024 Minister Geoffrey Wever a cera un partnership strategico cu UN-ECLAC tocante desaroyo economico y mas specifico pa explora oportunidadnan di e mundo di FinTech, tecnologia di block chain y cryptocurrency. Hulanda, por medio di Landspakket, tambe ta un partner strategico den desaroyo di e sector di FinTech pa Aruba.
E sector FinTech ta inclui innovacion tecnologico den servicionan financiero. Esaki ta inclui avancenan di online banking, sistemanan di haci pago online, di maneha inversionnan y mas. E tecnologia principal den FinTech ta blockchain y cryptocurrency.
Desaroya e sector di FinTech tin su beneficionani pa e economia di Aruba, manera:
1. Crecemento economico: Adoptando e innovacionnan di FinTech por boost e sector di servicio financiero di Aruba, creando oportunidad di negoshi nobo y atrae inversionnan nobo. 2. Mas eficiencia: FinTech ta
streamline transaccionnan financiero, reduci costonan, y mehora eficiencia entre empresa y consumidor
3. Inclusion Financiero: E innovacion di FinTech por ofrece mas accesibilidad di servicionan finaciero na esnan menos afortuna, promocionando inclusividad y iqualdad economico.
4. Competitivo globalmente: Adoptacion di e tecnologia emergente aki lo posiciona Aruba como un economia cu ta pensa pa futuro y atrayendo negoshinan internacional.
5. Maneho di risico: Investigacion profundo lo yuda Aruba pa identifica y mitiga risiconan asocia cu tecnologia di FinTech, sigurando un ambiente financiero stabiel y sigur.
Na comienso di 2025 UNECLAC a conduci e studio y a reuni cu diferente partner manera Banco Central di Aruba, Camara di Comercio, ATIA, Setar N.V., Cybersecurity Center of Excellence, Insurance Association of Aruba, Aruba Bankers Association, Digicel, Directie Telecommunicatie Zaken, Qredits Aruba, Gamma IT y diferente persona clave den sector di FinTech. E resultadonan di e estudio a ser presenta tambe na stakolders na augustus 2025. E resultado di e estudio ta available riba website di UN-ECLAC. Ta trata un total di cuater rapport. E rapportnan ta indica cuanan ta e condicionnan cu ta necesario pa logra un sector di FinTech cu ta safe, inclusivo y competitivo.
lo bay desaroya y implementa maneho pa pusha e desaroyo di e sector di FinTech y diversificacion concreto di Aruba su economia. E next step ta desaroya e strategia di implementacion di FinTech. Esaki lo tuma lugar den cuadro di Landspakket.
“Mi ta contento di wak e proceso di diversificacion real di nos
economia ta canando. FinTech ta cosnan actual di e mundo moderno. E estudio a finalisa y a ser presenta na stakeholders y awor tambe na Parlamento di Aruba. Esaki ta e base pa nos sigui awor cu e desaroyo di e plan strategico pa implementa e sector di FinTech na Aruba,” Minister Wever a declara.
CreCemento empuha pa turismo, mientras impulso ta deCelera
Comunicado di Prensa 24 di november 2025
Banco Central di Aruba (BCA) ta publica awe e “State of the Economy” pa e prome trimester di 2025. E publicacion aki ta contene un analisis di desaroyonan nacional y internacional. E puntonan di mas clave ta presenta akibou.
Den e prome lunanan di 2025, Aruba su economia a sigui expande, maske cu un impulso modera compara cu aña pasa. Durante e prome trimester di 2025, Aruba su Producto Domestico Bruto (GDP) a crece cu 4,2% den termino real compara cu e mesun trimester un aña pasa, despues di un crecemento fuerte di 9,7% den e prome trimester di 2024. Crecemento economico real a base di GDP pa habitante tabata 3,2%, cu ta mas abou compara cu e subida den GDP total. Esaki ta indica cu aunke tabata tin progreso economico pa persona, esaki tabata menos fuerte compara cu e expansion total di nos economia.
Turismo ta keda e contribuyente principal na e crecemento economico. Den e prome trimester di 2025, e cantidad di bishitante “stay-overs” a subi cu 2,5% compara cu e prome trimester di 2024. Sinembargo turistanan a keda mas cortico na Aruba, unda cu e duracion promedio di estadia tabata 7,2 dia. Esaki ta refleha un bahada chikito compara cu aña pasa, y en general un desaroyo di e delaster añanan. No obstante esaki, e industria hotelero a raporta un resultado fuerte, unda cu e tarifa pa camber a subi cu 10,3%, y entrada pa camber disponibel cu 7,0%. Di otro banda e grado di ocupacion a mustra un bahada, parcialmente door di e expansion di 12,3% den cantidad di camber di
hotel.
Mayoria di e indicadornan relata na consumo domestico a registra un mehoracion. Relacion di trabou registra na SVB a crece cu 3,4%, cu ta fungi como un indicador di entrada disponibel pa consumo di hogar. Ademas entrada di BBO y BAVP y di impuesto riba mercancia a aumenta. Mientrastanto presionnan inflacionario tabata debil, unda cu e tasa di inflacion, basa riba un promedio di 12 luna, a baha di 1,7% den december 2024 pa 1,4% na maart 2025. Un caida den prijs di energia y un bahada den e inflacion di cuminda tabata e componentenan principal cu a contribui na esaki. Ademas e tasa di inflacion a base di compara prijsnan di un luna cu e mesun luna 1 aña prome tabata 0,1%, bahando for di 0,3% den december 2024.
Actividadnan relata na inversion den e prome trimester di 2025 a señala desaroyo mixto compara cu e prome trimester di 2024. E balor di hipotecanan comercial a registra un subida fuerte, mientras cu e cantidad di hipotecanan comercial a aumenta menos lihe. Permisonan di construccion tambe a subi den cantidad y balor. Sinembargo e indice di e “Business Perception Survey (BPS)” a baha cu 4,8 punto di indice te na 102,0, reflehando menos optimismo den e percepcion di negoshinan local di e economia di Aruba.
E cuenta coriente di e balansa di pago a registra un surplus di Afl. 508,7 miyon den e prome trimester di 2025. E fuente principal di e surplus aki tabata e entradanan halto relata na turismo. Ademas e cuenta financiero a registra un subida den prestamo netto compara cu aña
pasa. E crecemento aki tabata primordialmente door di un desaroyo positivo (+ Afl. 115,8 miyon) den e posicion di reserva di divisas y oro di BCA. Consecuentemente den e prome trimester di 2025, reservanan oficial tabata estima na 133,0% di e “Assessing Reserve Adequacy (ARA) metric” di e International Monetary Fund (IMF). Reservanan internacional a keda ampliamente adecua, cubriendo 8,1 luna di pago di e cuenta coriente den e balansa di pago, considerablemente mas halto cu e minimo recomenda di 3,0 luna.
E sistema bancario di Aruba a keda solido y stabiel. Credito pa sector priva a expande, principalmente via prestamo pa negoshi (+Afl. 48,0 miyon) y hipotecanan di cas nobo (+Afl. 12,0 miyon), mientras credito pa consumidor a baha compara cu december 2024. E tasa di prestamonan den un situacion di incumplimento (e asina yama nonperforming loans ) a keda abou, y e buffer di capital y likides a fortalece den e periodo analisa.
Finansas publico a sigui desaroya di forma positivo. Den e prome trimester di 2025, gobierno di Aruba a raporta un surplus fiscal di Afl. 42,6 miyon, a pesar cu tabata tin un subida den gasto. Na final di maart 2025, e proporcion entre debe y GDP a sigui baha y ta estima na 67,2%, compara cu 75,9% un aña pasa, continuando su trayectorio di contraccion desde su punto mas halto durante e pandemia.
E publicacion completo ta disponibel riba BCA su website: (https://www.cbaruba.org/document/ state-of-the-economy).
Despues di 23aña trahando na KPA
KPA A DESPEDIA DI COLEGA ESTEVANIA DELUVIA-QUANT
Santa Cruz, ARUBA:
Siman pasa Cuerpo Policial Aruba tabata tin un momento ameno pa desea y despedi di nos colega Estevania Deluvia- Quant mihor conoci pa “ Vani” cu a bay cu un pensioen bon mereci. Despues di un trayetoria
di 23 aña den servicio di gobierno, Vani ta bay disfruta di su pensioen. Vani a percura pa nos departamentonan semper ta limpi. Un persona amabel, humilde y cu un sonrisa semper riba su cara.
Altocomisario sr.Arnhem hunto cu su coleganan a organisa un sorpresa di despedida pe. Sin cu por a spera tur
su coleganan tabata tey y a pasa un momento ameno y recorda anectodas hunto.
Tur persona den nos organisacion ta importante. Nan esfuerso y dedicacion ta di balor agrega. Nos meta ta pa balora tur persona den nos organisacion. Cu despedida di Vani sigur nos ta perde un persona importante cu ta carga
KPA di curason. 23 aña cu dedicacion ela traha hunto cu nos, nos ta aprecia esey mas aun e ta y lo keda smper forma parti di e famia blauw!
Nos ta gradici sra. Estevania pa su servicio na KPA y cu e gosa di su pensioen bon mereci. Nos portanan semper lo ta habri pa asina Vani pasa bishita nos.
DIrECTIE LUChTVAAr T ArUbA TA INfOrmACION TOCANTE SITUACION DEN NOS ESPACIO AErEO
ORANJESTAD - Directie Luchtvaart Aruba ya pa algun tempo ta monitorea e desaroyonan en conexion cu e tension entre Merca y Venezuela.
Durante e simannan cu a pasa, e stakeholdersnan local concerni a reuni regularmente pa intercambia y analisa e informacionnan disponibel tocante e situacion y su posibel impacto riba Aruba. Ta haci esaki for di diferente angulo; un plataforma cu enfoke riba turismo y conectividad, y otro cu enfoke riba e asuntonan di siguridad. Ademas,
a trata topiconan tambe cu e paisnan cu tin responsabilidad den maneho di Aruba su espacio aereo, entre otro Hulanda y Corsou.
A tuma nota cu diabierna ultimo, autoridadnan Mericano a emiti un boletin (“NOTAM”) pa adverti pilotonan y operadornan aereo cu ta opera den e espacio aereo maneha door di Maiquetía, di posibel riesgo. E boletin no ta aplicabel pa espacio aereo di Aruba. Pero, como medida preventivo, DC-ANSP di Corsou a publica un boletin similar cu si ta referi na
nos espacio aereo.
Directie Luchtvaart Aruba ta tuma e situacion na serio, atendiendo na e cercania geografico cu Venezuela.
Te awo no tin indicacion cu vuelonan pa of for di Aruba ta wordo afecta directamente. P’esey, e monitoreo lo sigui estrictamente y lo tuma medidanan segun necesidad, den estrecho colaboracion cu e stakeholdersnan envolvi.
ORANJESTAD, ARUBA
— 24 NOVEMBER 2025
— Aruba Conservation Foundation (ACF) recientemente a organisa un actividad di team building di bowling cu e meta pa stimula creatividad, colaboracion y pa pone den practica e balornan cu ta sigui dirigi ACF como e autoridad na defensa di naturalesa: Pasion, Integridad, Union, Compromiso y Innovacion.
Pa honra e herencia natural di Aruba, tur grupo a scoge un rooi di Aruba pa representa. E teamnan a mustra nan creatividad den nan vestaurio tematico y tambe cu nan conocemento amplio di cada rooi. E gruponan tabata Rooi Lamunchi, Rooi Frances, Rooi Cayente y Rooi Tambu.
E premio pa Grupo mas Creativo a bai pa Team Rooi Frances, cu a impresiona tur presente cu nan originalidad contando e historia di Rooi Frances di tempo di oro cu nan vestuario.
Despues di rondnan intenso pero cu hopi animo di tur grupo, Team Rooi Cayente a resulta
di ta e campionnan di e competencia di Bowling cu un diferencia di solamente 11 punto, demostrando enfoke y union den ekipo pa logra e puntuacion di mas halto di e anochi.
ACF ta manda palabra di pabien na tur team cu a participa y cu e anochi a sirbi como recordatorio cu proteha Aruba su naturalesa ta cuminsa cu un ekipo uni, motiva y conecta cu otro. Un team, un proposito, un direccion.
39 Aña di Betico su morto
Despues di 39 aña di morto, Betico Croes ta keda den nos memoria, como e luchador cu a vence tur obstaculo, pa asina e pueblo Arubano por a haya su autonomia.
39 Aña a pasa bay manera nada: pero e bida ariba nos dushi pida baranca, a cambia drasticamente na unda material, ta mas importante cu e desaroyo di nos pais.
Politicamente esfuersonan hasi den pasado, ta manera en vano pa kibra nos filosofia politico. Un partido cu a boycotea e mesun pueblo, awe ta luci cu un lucha cu no a wordo acepta pa nan.
Esnan cu nunca a apoya nos autonomia, awe a entrega nos manera nada na madre patria. Tipo di hendenan asina tin 2 cara, nan mascara lo cay algun dia.
Politica nobo a wordo bisa, Pero ta politica descabeya a wordo implementa. Politica nobo ta wak e poder y placa, pero e amor pa nos pida baranca no tey.
Politica nobo y bieuw di segunda guera mundial a regala nos pida baranca manera esclavo moderno. Awe e pueblo cu no ta consiente cu nos a perde nos derechonan, mester soña y biba cu votamento no ta cos pa hunga cu’ne.
Historia poltico di Aruba a mustra nos, con un partido politico ta destrui nos pais financieramente, mientras cu otro ta trata na lanta e pida baranca aki foi di soño, pa asina e pueblo Arubano por sobrevivi tur e consecuencianan di un malgobernacion.
Realidad ta cu no ta cualquier partido politico por bin na mando. Priminti ta un pero goberna ta otro cos. E historia di un partido traidor cu su 12-8.
Consientemente e pueblo aki mester siña mas, pa maneha y desaroya un pais ariba integridad y bon maneho spiritual, na unda cu e Creador ta e gobernante soberano di nos pais.
Ora cu logra esey, anto nos pida baranca lo sali for di tur cataclismo cu e isla ta aden.
Hasta pa pone madre patria para street pa nos, y respeta nos autonomia, nos hendenan y derechonan.
Nunca cay na rudia pa bo contrincantenan, duna cara y vence nan manera David a derota Goliath. Un lucha cu tawata sagrado nunca mester a wordo traciona, pero danki Dios cu mi t’ey pa bosonan.
Mi amor ta mas grandi pa mi isla. Despues di morto mi speransa t’ey keto bay, pa un dia nos isla wordo cambia na man di Dios y asina biba felismente na paz cu otro politicamente.
Un placer y un honor pa saluda cada un di boso, cu un dia Dios lo cumpli cu Su boluntad, y hasi di nos dushi pida baranca, e paraiso ariba mundo.
Benedictus Dominus!
Scirbi pa Melinda A. Wouter
Dicta pa Betico Croes Dia 23 di November 2025
NO TIN SALBACION PAFOR DI IGLESIA DI CRISTO-HESUS
Tin sectanan ta bisa, cu salbacion no ta bini di Iglesia. Bijbel ta bisa den Efesionan 1: 22-23; “Dios a pone tur cos bao di pianan di Cristo y E’l a pone Cristo como cabes di Iglesia, na cual ta Su Curpa. Plenitud di Esun cu ta realisa tur cos den tur.” Bijbel Colonsensenan 1: 18: “Cristo ta cabes di E curpa, esta di Iglesia. E ta origen di tur cos, Esun prome cu a lanta for di morto, pa asina E ta Esun prome den tur cos.” Iglesia ta E curpa di Cristo, pa sigi cu e mision di salbacion di Cristo. Den Bijbel Mateo 28: 19-20, akinan Hesus a manda Su apostelnan, pa haci henter e nacion discipelnan di Hesus y e mision aki ta universal, pa henter mundo. Pesey Iglesia di Hesus, mester ta universal y universal ta nifica Catolico (mira den woordenboek). Hesus a institui Su doctrinanan, pa Su Iglesia cumpli cu nan. Bautismo Mateo 28: 19-20, Eucaristia Lucas 22: 19-29, Confirmacion Echonan di Apostelnan 2: 1-4, Reconciliacion Huan 20: 23, Matrimonio Mateo 19: 4-6, Sacerdotal Marco 3: 1319, Enfermonan Hacobo 5: 14-15. Den Bijbel Mateo 16: 15-19: “Hesus ta puntra Su apostelnan: Anto boso mes, ta ken boso ta bisa Mi ta? Simon a contesta: Bo ta E Mesias, E Yiu di Dios bibo! Hesus a bis’e: Felis bo ta Simon yiu di Huan, pasobra no ta hende a revela bo esaki, ma Mi Tata cu ta den Cielo. Mi ta bisa bo: Abo ta Pedro (o sea baranca) y riba es baranca aki, lo Mi lanta Mi Iglesia y forsanan di fierno lo no podera di dj’e. Lo Mi duna bo e yabinan di Reino di Cielo y loke bo prohibi na tera, ta prohibi den Cielo tambe y loke bo permiti na tera, lo ta permiti den Cielo tambe.” Akinan Hesus ta bisa bon cla, Mi Iglesia, o sea un solo Iglesia. Forsanan di fierno, ta e demonionan den fierno cu lo bin cu diferente institutonan di sectanan, pa podera y pa kibra e Iglesia di Hesus, pero nan lo no logra. Hesus a duna Simon e nomber Pedro, cu ta significa baranca, o sea cabes visibel di Cristo Su Iglesia. Hesus a duna Pedro e yabinan di Reino di Cielo, esaki ta e yabinan pa e porta di Reino, o sea cu e Iglesia Universal di Cristo ta e unico caminda
pa e Reino di Cielo. Tocante e yabinan di Reino di Cielo, por lesa den Bijbel Revelacion 21: 10-14, cu ta bisa di e ciudad Santo di Herusalem cu ta bahando for di Cielo briyando di Dios Su Gloria. E muraya di e ciudad tabatin 12 piedra di fundeshi grandi y ribanan e 12 nombernan di e 12 apostelnan di E Lamchi tabata scirbi. Esaki ta e 12 yabinan di e 12 portanan di Reino di Cielo, na unda e 12 nombernan di e apostelnan ta scirbi. Hesus a duna autoridad na Pedro, pa dirigi Su Iglesia, loke ta permiti y di loke ta prohibi. Den Bijbel Marco 16: 15-16, Hesus ta bisa Su apostelnan: “Pasa rond mundo y predica e bon noticia na henter humanidad. Esun cu kere y bautisa, lo ta salba, ma esun cu no ta kere, lo ta condena.” Compronde bon, cu tur e humanidad di mundo y hasta e Hudiunan mes, nan mester kere den Cristo Hesus y nan mester drenta den Iglesia Universal di Hesus y ser bautisa, pa nan por ta salba y pa nan por drenta den Reino di Cielo. Awor, den Bijbel Efesionan 1: 22-23 y Colosensenan 1: 18, ta bisa, cu Iglesia ta Curpa di Cristo y Cristo ta cabes di Iglesia, cu ta Su Curpa. Y den Bijbel Mateo 16: 15-19, Hesus ta bisa Simon: “Abo ta Pedro y riba es baranca aki, lo Mi lanta Mi Iglesia.” Akinan ta un Iglesia tin. Den Bijbel Mateo 28: 1920, akinan Hesus ta bisa, cu Su Iglesia mester ta Universal, pa henter mundo.
Lesa Bijbel Echonan di Apostelnan 20: 28-30, na unda San Pablo ta bisa, cu lo bini lobonan feros, o sea sectanan, iglesianan y religionnan falso cu lo bini cu doctrinanan robes, pa kibra e unico Iglesia cu Hesus a gana cu Su propio Sanger. Compronde bon, cu na anja 1521, un tal Martin Lutero un teologo protestant aleman, a bin cu doctrinanan robes y enterpretacionnan liber y falso di Bijbel. Y asina aki a bin hopi divisionnan y a lanta diferente sectanan y religionnan falso na mundo, ganjando hopi hende y buscando hendenan debil den fe, pa cai den nan trampanan di condenacion. Pesey, no tin salbacion pafor di Iglesia Universal.
Scirbi pa Seferino Tromp Un Mensahero di Dios.
Minister Cicilia presente na graduacion di e profesionalnan social
Oranjestad – Minister Wendrick Cicilia como un graduado di Universidad di Aruba tabata presente pa compaña nos profesionalnan nobo den e mundo social. E facultad di trahado
social y desaroyo di Universidad di Aruba e haci entrega di diploma na varios profesional nobo den e mundo social. E ocasion tabata un ocasion bunita pa mira cu Aruba tin mas embahador di speransa cu tin e curason y instrumento pa yuda cu e complexidad di nos reto nan social.
E facultad tambe a celebra cu nan a forma mas cu shen profesional cu awe ta activo den diferente rol den nos comunidad. Sigur un momento unico pa celebra.
Minister Cicilia a haci uzo di e momento pa dedica algun palabra na e graduadonan: “Como professionalnan social, boso tin un responsabilidad social, esey ta nifica cu boso
conocemento tin un proposito pa contribui na un miho comunidad, dunando un bos na esnan cu no tin un bos y defende derecho di esnan cu ta sinti nan mes bandona y vulnerabel”.
Conmemorando 10 aña
di m Fa n oord
Hoevertsz archidesign ta orguyoso di su rol den diseño di e mFa na n oord
Na 2012, durante e prome gabinete di Mike Eman, Gobierno di Aruba a invita alrededor di 11 arkitecto local pa participa den e bidding pa diseña e Multi Funcioneel Accommodatie (MFA) na Noord. Den e proceso aki, Hoevertsz
ArchiDesign, dirigi pa ir. Orlando Hoevertsz, a sali ganado di e bidding. Como habitante di Noord, Hoevertsz a scohe pa diseña e MFA den su propio bario. Den e fase di diseño, a studia e caracteristicanan y
identidad di Noord, pa refleha e mesun esencia di e comunidad den e diseño final. Noord ta conoci pa su tradicion di piscamento, y esaki a sirbi como inspiracion principal pa e concepto di e edificio. Elementonan
di diseño, manera e uzo amplio di palo y un vloer cu ta simbolisa e lama, ta refleha e conexion cu lama y pesca.
Un di e retonan cu Gobierno tabata duna como parti di e bidding tabata e obligacion pa incorpora energia alternativo. Hoevertsz
ArchiDesign a logra integra panel solar riba e dak, cu no solamente ta genera 100% di e energia necesario pa e edificio, sino tambe ta actua como un dak dobbel, pa mantene e edificio fresco y energeticamente eficiente.
E MFA ta diseña pa fungi como un centro multi funcional pa comunidad, caminda hende por haya diferente servicio gubernamental manera Hulpbestuurskantoor, biblioteca, impuesto, utilidad y otro servicio util pa e bario. Hoevertsz tambe a logra preserva hopi di e matanan original riba e tereno, limitando kitamento inecesario y respetando e areanan natural di e area.
Ora cu un hende drenta e MFA na Noord, e ta topa cu un trapi combina cu un tribuna multifunctional,
cu por uza pa presentacionnan, evento cultural, of actividadnan comunitario. Durante dia, e podium ta fungi como un espacio di descanso of reunion, y na anochi of evento, por habri e portanan pa extende e podium te pafo.
Hoevertsz ArchiDesign ta orguyoso di e resultado final di e proyecto. E MFA na Noord ta un ehempel di arkitectura local cu ta combina eficiencia, sostenibilidad y respet pa e identidad di e comunidad. E edificio ta demostra un balansa entre funcionalidad moderno y e espirito di Noord, un logro cu ta pone e diseño local y e vision di un futuro sostenibel pa Aruba resalta.
FORTALEZA PA FAMIA
Scirbi pa Pastor Marcel Balootje.
UZAMENTO DI DROGA Y ABUSO DI ALCOHOL TA FATAL NO CUMINSA CUNE
Pa hopi tempo e uzo di droga a wordo di babysit riba nos isla, y awor e a lanta manera un orkaan riba nos mirando tur bario tin su adiccion.
No ta den Playa, of San Nicolas so, pero tur caminda rond Aruba tin adicto, kende hopi biaha ta muchanan cu a lanta den cas di bon famia, cu a bay bon scol, hasta tin di nan gradua, pero un dia riba conseho di amigo, of riba nan mes cuenta a bay purba cu droga y a keda aden.
Nos Fundacion e Fortaleza y Sosten pa Famia, Kende ta construyendo un Rehab Center pa Damas: Ta roga tur Mayor, Tur Instancia, Tur Scol
Tur Iglesia, Tur Misa, Tur hende tanto mucha, hoben, Adulto Mayor, pa keda leu for di Droga y abuso di alcohol.
Pasobra a bin sali na cla cu si bo tabata usa droga of abusa di alcohol, y bo a stop, toch ta keda e risico di bira malo,pasobra pa e tempo cu bo tabata usa droga of abusa di alcohol bo a debilita organo den bo curpa.
Anto pa e motibo ey cualquier malesa cu dal bo, tin e forsa pa manda bo cama, pasobra bo a danja bo organonan.
Pesey awor nos tin tanto problema cu salud mental, confusion mental,Stroke, Cancer di pulmon, inmunidad contra griep.
E pakete diabolico cu nos tur por lesa den Juan 10:10 cu e enemigo a bini
solamente, pa horta, pa mata, y pa destrui, nos por mire completo den uso di droga y abuso di alcohol.
Den nos bida diario nos por mira cuanto accidente,morto, violencia, crimen e dos enemigonan di humanidad aki ta causando.
Y locual ta mas remarkabel ta cu ningun di nan no ta gratis pero ta hende mes bao di influencia di scuridad ta inverti den nan propio destruccion.
Alcohol no ta barata y droga tampoco ta barata, tin cas caminda mayor ta sinja yiu bebe y tin cas caminda mayor cu yiu ta droga hunto.
No ta importa si ta homber of muher uzo di droga ta wordo di babysit, cuanto mayor no ta duna nan yiu placa pa e bay cumpra droga, sino e mucha ta rabia y kibra cos den cas, eynan caba nos ta mira con nos ta babysit uso di droga, cual nos sa cu e ta malo.
No tin asunto di gobierno no a haci nada, pasobra ningun caminda riba mundo, ningun gobierno por dicidi kico hende ta permiti den nan cas y nan sa masha bon
cu esaki lo crece y bira un problema social pa nos tur.
E uso di droga y alcohol riba nos isla chikito aki, mester ta un preocupacion pa nos tur, pasobra como un isla turistico, nos poblacion mester demostra respet y displina.
Tin algun experto cu por sali dilanti y bisa bo cu droga ta remedi, y cu nan tin hopi tempo ta uza droga y cu mester legalisa, awor puntranan cu locual nos ta mirando awor sin legalisa mes ta tristo, y penoso, ta con lo haci si mester legalisa, con nos lo enfrenta nos turismo, como One Happy Island of One Happy Flying Island, sin lubida cu e aumento di criminalidad y inmoralidad riba nos isla ta depende hopi riba uzo di droga y abuso di alcohol.
Tin hopi hende cu a pasa 60 anja y cu te ainda ta mara na Droga, y ta abusando di alcohol, y te ainda no kier realisa e danjo haci na nan bida.
No laga nos muchanan y hobennan sigi mesun ruta, pero ban yuda nan pa Stop Awor.
Sinceramente, Pastor Marcel Balootje.
Un feliz dia yena di hopi fe y speransa
den nos bon Dios ”…sino conta e generacion venidero: esta gloria di Señor, su poder, ye cosnan milagroso c’El a haci.” ( Salmo 78, 4bc) E Evangelio di awe ta cuadra, manera semper, tempo cu ami tabatamucha. Mi mayornan semper tabata educa mi tocante di Dios, CristoHesus y Spirito Santo. Y un Bijbel no tabata haci falta. Haci oracionta cos di tur dia. Y sin falta bishita e cas di Dios.
Awendia nos ta ripara e generacion di awo, no tin mucho balor pa cuDios. Pero anos a sigui conta nos yiunan tocante di Dios manera nosgrandinan a haci? Anos a siña e hubentud tocante e milagronan ysacrificio cu Cristo Hesus a haci? Of di e donnan cu Spirito Santo tinpa nos? Y anos a tene man di nos yiunan, hibando nan, tur siman, pacas di Dios pa scucha su Palabra? Ban sigui cu e bunita custumber cunos grandinan a haci. Ban sigui hiba e futuro generacion ariba ecaminda cu Cristo Hesus a traha pa nos. ”…pa nan tambe confia denSEÑOR, no lubida Dios su obranan grandi…”(Sal 78, 7) Oracion: Señor mi Dios motiva mi y guia mi, cu yudansa di SpiritoSanto, ariba mi responsabilidad pa conta y educa e generacion nobo di Bo Maraviya.
Y inspira nan pa nan sigui conta na e siguiente generacion. Amen.
Minister Wendrick Cicilia orguyoso cu Carubbian Festival ta bek
Fundacion Carubbian, den colaboracion cu Ministerio di Turismo y Aruba Tourism Authority (ATA), a reintroduci diahuebs pasa, 20 di november, Carubbian Festival den e caya principal di San Nicolas, cu tabata un exito rotundo.
E festival a trece un dushi ambiente na San Nicolas cu musica, cultura, baile y encuentro social pa comunidad y turistanan. E reintroduccion ta refleha e compromiso di Minister di Turismo
tipico cu ta refleha nos rikesa cultural.
Un di e momentonan principal di anochi tabata e reconocemento presenta pa Su Excelencia, Minister di Turismo, Wendrick Cicilia, hunto cu e proximo presidente di Fundacion Carubbian, Jermaro Emerencia. Nan a honra dos pilar di e Fundacion Carubbian: Presidente saliente, John Hassel y Leonard “Leon” Bérénos, pionero di San Nicolas, pa nan contribucion na e festival.
Huespednan di Secrets
Hotel tambe tabata presente.
Nan a expresa nan aprecio pa e festival y a comparti con contento nan tabata pa por experencia un anochi asina vibrante y unico den e districto.
mr. Wendrick Cicilia pa revitalisa San Nicolas y ta celebra e coneccion cultural entre Aruba y e region Caribense, e inspiracion tras di e nomber Carubbian. Basa riba e experiencia y exito di edicionnan entre 2010–2017, Fundacion Carubbian a scoge pa reintroduci e festival tan stima den un forma renoba y adapta pa e publico di awe. E evento a ofrece steelpan, bandanan local, DJs, grupo di baile y un variacion di cuminda
E festival tambe a duna sosten na bendedo y artista local, ofreciendo nan un plataforma pa promove nan productonan y brinda nan un oportunidad economico, un parti fundamental di mision di Fundacion Carubbian. E reaccion inicial a mustra un asistencia grandi cu participacion di publico yen di entusiasmo y a crea un impacto positivo pa e comerciantenan presente. Cu sosten di KPA, e festival a tuma luga den un ambiente sigur y bon organisa. Tabata tin espacio amplio pa parkeer den e area y servicio di Arubus a sigui garantisa acceso facil pa nos turistanan bishitante. Palabra di gradicimento na e pueblo pa e reaccion positivo y ta conta un bes mas riba boso sosten pa e proximo edicion di Carubbian Festival. Carubbian Festival ta bek!
