Parlamentario Endy Croes:
CONMEMORA DIA MUNDIAL DI BIDA DI BESTIA Y MATA SALVAHE 2026
Parlamentario Eduard Pieters (PPA):
Bon Bini na BiBlioteca San nicolaS
Diahuebs awor dia 5 di maart un y tur ta Bon bini na biblioteca San Nicolas, un espacio pa comunidad. Cu mucho gusto ta presenta un Open House di 2or pa 7or, pa duna tur oportunidad pa pasa den e diferente espacionan. Tin diferente cambio den
espacionan. Ta ofrece evenemento pa tur hende, e dia aki. Diferente actividad social y educativo pa tanto mucha como adulto, tambe poco musica...
Biblioteca ta un lugar unda henter comunidad por busca informacion,
studia, haya idea y inspiracion y mucho mas. Nos ta contento cu bo(so)
presencia. Nos ta celebra lesamento, acceso liber na informacion, curiosidad y
comunidad. Diahuebs awo, drenta, conecta y descubri!
Parlamentario Endy Croes: Castigo maximo a subi di 4 pa 8 aña! pabien na edgard Vrolijk y roCCo
tjon Cu e ley di roekeloos rijden
ORANJESTAD – Diaranson ultimo, Parlamento di Aruba a biba un momento historico caminda e determinacion di Fraccion di MEP a triunfa.
Danki na e iniciativa di Parlamentarionan Edgard Vrolijk y Rocco Tjon, awor nos tin leynan cu di berdad ta yuda contra e asina yama "coremento pa loco" (roekeloos rijden) cu ta causa tanto dolor den nos famianan.
Kico tabata e problema?
Parlamentario Endy Croes a splica cu pa hopi aña, e definicion di "roekeloos rijden" tabata indefini. E ley bieu tabata mara man di Polis y tabata stroba Huesnan pa aplica castigo cu peso ya cu no tawata por a midi kico si y kico no ta roekeloos rijden.
“Danki na e vision di Edgard y Rocco cu desde 2019, nos a bin ta traha riba e trayecto aki pa duna autoridad e hermentnan pa actua contra esnan cu no tin respet pa bida di otro," Croes a señala.
Kico a cambia awo?
E ley nobo ta bini cu pasonan concreto pa caba cu e guera riba caminda:
• Articulo 2a (Nobo): Claridad total riba kico ta coremento iresponsabel.
• Articulo 4a (Hit and Run): Esnan cu dal hende core bay, of ranca palo di luz y basha cura di hende abou pa despues desaparece, awor ta bay sinti e man duro di ley.
• Castigo Minimo: Pa e delitonan aki, e castigo minimo a
subi di 3 luna pa 1 aña di prison.
• Castigo Maximo: Den e Wetboek van Strafrecht, e pena maximo a wordo redobla: di 4 aña pa 8 aña pa e delitonan mas severo.
MEP trahando semper na bo bienestar
Un punto cu Croes a resalta ta cu e ley aki a wordo aproba unanimamente.
"Hasta e Parlamentarionan di AVP y Futuro a sinti e obligacion di para banda di MEP," Croes a bisa. "Nan no por a haci nada otro sino vota na fabor di e bon trabou di nos coleganan. Esaki ta e diferencia: mientras otronan ta papia, MEP ta actua y ta cambia ley pa beneficia henter pueblo!"
Exigencia na Gobierno: Handhaving Awor!
Endy Croes a manda un mensahe cla pa e Gobierno actual: "Parlamento a cumpli, awor ta boso turno." El a exigi pa e gobierno actual percura pa tin e "handhaving" necesario riba caya y pa cuminsa cu campañanan di consientisacion den scolnan mesora.
Bo amigo pa semper t'ey pa bo!
Terminando, Endy a manda un palabra di pabien un biaha mas na su coleganan: "Pabien Edgard y Rocco! Na e ciudadano cu ta sinti miedo riba caminda: ban asumi nos resposanbilidad, ban trankilo riba caminda y si bo faya riba caya, corda bo ta haya!”
Directie Natuur eN Milieu ta coNMeMora Dia MuNDial Di BiDa
Di Bestia y Mata salvahe 2026
ORANJESTAD - Awe,
Dia 3 di maart, Aruba y mundo ta celebra Dia Mundial di bida di bestia y mata salvahe y na Ingles yama "World Wildlife Day" (WWD). E aña aki, Nacionnan Uni a dedica e dia aki na e rol fundamental cu mata medicinal y aromatico tin den nos bida diario, bou di e tema: “Mata Medicinal y Aromatico: ta yuda conserva salud, herencia y sobrevivencia”.
Desde cu Asamblea
General di Nacionnan Uni a proclama e fecha aki na 2013, 3 di maart a bira un evento anual di mas grandi dedica na bida salvahe di mata y bestia. E fecha ta recorda e firmamento di e convenio di CITES (Convention on International Trade in Endangered Species of Wild Fauna and Flora), di cual Aruba tambe ta forma parti di esaki, cu e meta pa percura cu comercio internacional di especie salvahe no ta forma un menasa pa nan sobrevivencia.
E balor di nos flora local
Directie Natuur en Milieu (DNM) ta enfatisa cu tin matanan protegi acuerdo nos leynan local vigente, cu nos antepasadonan a uza como base di medicina casero. Na Aruba, e uzo di mata pa remedi casero ta forma parti di nos herencia cultural. Pero e matanan
aki no ta solamente base di hopi remedi pero nan ta importante pa e ecosistema di flora y fauna.
Segun datonan global, rond di 70% pa 95% di e poblacion den paisnan den desaroyo ta depende di medicina tradicional.
Esaki ta inclui matanan manera e Aloë, orkidia y hopi otro sorto cu ta crece den naturalesa.
Balor economico y cultural cu ta mara na mata medicinal ta:
• Salud: Hopi componente activo den remedi moderno ta bin directamente for di fuentenan natural.
• Sobrevivencia: Un den cada cinco persona rond mundo ta depende di mata pa nan alimentacion y entrada.
• Ecosistema: tin di e matanan aki ta crucial pa polinisacion manera e trabou cu parhanan, abeha, raton di anochi y barbulet ta haci. Menasa y Conservacion
DNM ta informa cu globalmente mas cu 20% di e especienan di mata medicinal ta na peliger di extincion riba e "IUCN Red List". Factornan manera destruccion di habitat y cambio di clima ta e menasa principal.
Pa 2026, e enfoke ta pa percura pa uzo sostenibel di e recursonan aki, respetando e conocemento tradicional y protehando
e biodiversidad pa futuro generacion. Esaki ta cuadra cu e metanan di e Kunming-Montreal Global Biodiversity Framework pa proteha bida salvahe contra comercio ilegal y degradacion di habitat. Yamada na comunidad
Dia Mundial di Bida di Bestia y Mata Salvahe ta un momento pa nos tur para keto y aprecia e bunitesa di nos naturalesa. Directie Natuur en Milieu ta invita comunidad di Aruba pa siña mas di nos flora y fauna local y pa contribui na nan proteccion. Y pa loke ta trata e sorto di mata invasivo Neem. por sigui kitanan y traha remedi casero y otro uzo manera pesticida natural tambe.
"Nos bida ta mara na naturalesa. Door di cuida nos mata y bestianan
salvahe, nos ta cuida nos propio salud, herencia y futuro."
Un colega servicial cu pasion pa su trabou
John Ras ta empleado di luna di febRuaRi na hoh
Colega John Ras no a spera na ningun momento cu tabatin un sorpresa ta ward’e na momento cu ela drenta e departamento di rehabilitacion. Tabata hopi dificil pa wanta e sorpresa aki keto, no solamente paso John ta cana bay bin cada rato, pero tambe pa decora pues a opta pa cuminsa decora estilo ‘himno y bandera’ pa hasie festivo. Na momento cu e John a drenta e espacio e grito di ‘surprise’ a resona y ela mira su famia, management y diferente colega hunto para. Ela compronde mesora cu e celebracion aki ta pa su persona mes a organis’e. Hunta di Directiva y management a hiba palabranan di aprecio pa su trabou cu ta demostra di biaha na tur presente pakico merecidamente e nominacion pa John Ras bira empleado di luna di februari 2026.
Como asistente di rehabilitacion e ta aporta diariamente ne team di rehabilitacion cu gran compromiso. E ta contribui activamente pa un bon resultado di e team y tin un bon colaboracion y tambe semper ta habri pa su coleganan. E tin bon conocemento di e organisacion y ta yuda trece solucion unda cu tin mester. Pashentnan ta contento cune door cu John ta un persona amabel, positivo y ta scucha semper nan situacion. E tin pasenshi y ta motiva su pashentnan pa asina nan pusha nan mes cu na final ta contribui na nan recuperacion. Pues, John semper ta focus riba un bon resultado pa e bienestar di su pashent. Su empuhe den e parti aki y specialmente pe grupo di pashent cu tin amputacion ta remarcabel.
Ademas, e ta forma parti di e Hulpverlenersteam (HVT) di HOH cu un actitud semper proactivo y ta duna hopi di su tempo y dedicacion. John sa con pa maneha diferente situacion y a demostra esaki varios biaha caba den momento di stress of calamidad.
Cu su experiencia, dedicacion y e tremendo trato na su pashentnan e ta un colega ehemplar den team di rehabilitacion. Un colega profesional cu no ta duda pa yuda unda cu e por. E no ta para keto y ta dedica na su trabou, su pashentnan, su team y HOH den su totalidad. Siguramente ela demostra di merece e bunita titulo di ta empleado di luna. Hunta di directiva y team completo di HOH ta felicita John pa su reconocemento como empleado di luna di februari 2026. Masha pabien John!
Parlamentario Eduard Pieters (PPA): AgriculturA y gAnAderiA no tA
djis un pAisAhe sino un pilAr economico y sociAl
Parlamentario Eduard Pieters a bishita Santa Rosa, e centro di agricultura, ganaderia y pesca di Aruba, pa haya un mihor panorama con e departamento aki ta maneha su responsabilidad fundamental brindando sosten na nos cunukeronan y seguridad alimentario. Santa Rosa no ta solamente un tereno pa cultiva; ta un hub strategico pa agricultura, ganaderia, pesca y desaroyo sostenibel, cu implicacion social y politico profundo.
Un rol fundamental basa riba agricultura y ganaderia
Santa Rosa, e Directorado di Landbouw, Veeteelt y Visserij (DLVV), ta responsabel pa apoya y desaroya e sector di agricultura, ganaderia y pesca, cu ta forma parti di e esfuerso pa logra ‘food security’ y poco poco bira menos dependiente di importacion. Durante su bishita, Pieters a expresa su gratitud pa directora y su ekipo, pa nan apertura y transparencia pa parti informacion detaya riba e plantacionnan, criansa di bestia y metodologia di maneho actual. “E ta un departamento hopi importante pa nos cunukeronan y no por wordo neglisha, pasobra tin un balor economico, social y cultural significativo den nos comunidad,” Eduard a enfatisa.
Proyecto ambicioso pa alimentacion local y desaroyo economico
Santa Rosa ta promove iniciativa cu ta mas largo cu djis un cultivo basico. Santa Rosa ta duna apoyo pa agricultura local y ganaderia pa aumenta produccion
y calidad, ta percura pa renovacion y construccion di infrastructura riba e piernan rond di Aruba pa facilita transporte y maneho di producto local. Tambe tin un proyecto moderno relaciona cu dragon fruit y otro cultivo, cu por stimula economia local y diversifica produccion.
Tin un MoU, cu ta pa mehora calidad di criaderia di bestia den Aruba, cu por yuda pa eleva produccion y rendemento di bestia local.
Desaroyo sostentibel: Innovacion y futuro di agricultura
Un elemento cu Pieters a nota ta e importancia di Agri Innovation Park Aruba, un proyecto cu ta den proceso di diseño tecnico y evaluacion economico pa produccion local y uzo di tecnologia moderno den agricultura y ganaderia. “E Agri Innovation Park (AIP) ta un iniciativa strategico cu mester integra tecnologia moderno den agricultura, crea un ambiente pa siña y fomenta resilencia den sistema alimentario di Aruba. Ta un paso crucial pa enfrenta desafio mundial di food security y vunerabilidad economico, cu ta afecta e islanan chikito manera Aruba”. Sinembargo PPA semper a cuestiona e forma con a ehecuta AIP te awo. Di otro banda gobierno via Santa Rosa mester por brinda mas ayudo na agricultornan local pa e herencia aki no bay perdi.
Impacto social y cultural
E bishita na Santa Rosa no ta solamente tecnico, sino tambe cultural. Aruba tin un tradicion
agricola profundo, unda proyecto di plantacion, crianza y mercado di agricultura por sirbi como un motor pa preserva e practicanan tradicional di nos cunucu.
Segun Eduard: “Aruba mester explora posibilidad di un sistema di preservacion y distribucion di simia local y forma di planta tradicional pa fortalece produccion interno y protega biodiversidad.”
Aruba mester inverti
Pieters ta gradici Santa Rosa pa su esfuerzo, pero tambe ta señala cu gobierno mester subi su compromiso na nivel mas alto. “Aruba no por trata
agricultura y ganaderia como un complemento, nos mester trata esaki como parti strategico di nos seguridad alimentario, economia diversificacion y resiliencia. Gobierno mester: fortalece financiamiento y sosten pa agricultura y ganaderia y promove colaboracion entre sector publico y priva pa genera empleo, educacion y desaroyo sostenibel”.
PPA ta haci un yamada pa Gobierno actua cu direccion, responsabilidad y vision futurista. Aruba tin materia prima, talento y necesidad, loke cu nos falta ta boluntad politico pa comberti potencial den realidad.
Comite Ehecutivo di ODESUR di bishita na organisacion di Panama2026
Presidente di COA WAndA BrOeksemA
tA BishitA PAnAmA 2026 COmO miemBrO di OdesUr
Siman pasa e comite ehecutivo di “Organización Deportiva Suramericana” (ODESUR) tabata presenta na Panama City – Panama pa asina reuni cu e comite organisador di e y ricibi tur informacion di e preparacion pa Weganan Suramericano di Hubentud Panama2026. Aki Presidente di Comite
Olimpico Arubano (COA) Sra. Wanda Broeksema tabata presente, como e ta miembro di e Comite
Ehecutivo di ODESUR. E bishita aki a dura dos dia largo y intenso di hopi reunion y bishita na diferente cede di operacion y competencia, unda cu por a constata cu tur cos ta riba bon caminda pa un gran evento aki algun siman.
Ta bon pa remara cu e Weganan aki lo tuma luga promixo luna den april y TEAMARU lo ta presenta pa participa cu atletanan di diferente deporte. Pronto lo cuminsa comparti mas informacion di e Weganan aki y e participacion di Aruba. #TEAMARU #COA #ODESUR #ARUBA
Proyecto di renobacion Mabon a trece bida nobo den bario
Habitante cu 22 aña den e area ta gradici gobierno
Den marco di e plan di restauracion di barionan, anuncia previamente como parti di e vision pa revitalisa area residencial
y mehora calidad di bida, e proyecto di rehabilitacion na Mabon a cuminsa cu trabounan pa drecha edificionan y mehora e
entorno pa e comunidad y ta actualmente den su face final.
Un di e habitantenan cu a mira e transformacion di cerca ta señora Louisa Ann Brathwaite, pensionado cu ta biba den e apartamento pa 22 aña caba.
“Mi ta biba aki 22 aña e aña aki na november,” señora Brathwaite a comparti cu orguyo. Durante e añanan, el a mira e bario pasa door diferente etapa. Segun Louisa Ann, e comunidad semper a keda fuerte, cu bisiñanan cu ta sostene otro y cu un sentido di union.
Riba e trabounan actual,
el a expresa su satisfaccion cu e mehoranan cu a tuma luga. “E construccion ta bon,” el a indica, e cambio nan ta duna un sentimento di renobacion agradabel den e area.
Pa señora Brathwaite, e iniciativa aki ta mas cu solamente drecha edificio; ta un señal cu e bario no a wordo lubida. El a expresa cu e atencion cu gobierno, muy particularmente Prome Minister Mike Eman, ta duna na e comunidad, ta importante pa e habitantenan, specialmente esnan cu a biba na Mabon pa hopi aña caba.
E proyecto Mabon ta forma parti di un esfuerso mas amplio pa restaura y revitalisa diferente bario, reeforsando infraestructura y fortaleciendo cohesion social den comunidad.
Parlamentario Jennifer Arends-Reyes:
Lo ta bon Pa exPLora PosibiLidad di aPP Pa registra Presencia
ORANJESTAD (1 di maart) – Parlamentario
Jennifer Arends-Reyes ta propone e introduccion di un sistema digital moderno pa registra presencia di muchanan na centronan di cuido riba nos isla. E proposicion aki tin como meta fortalece supervision, siguridad y comunicacion entre centro di cuido y mayor.
Segun Arends-Reyes, e sistema actual, den hopi caso, ainda ta depende riba lista di papel y registro manual. “Den un tempo unda tecnologia ta avanza asina rapido, nos mester move cu e temponan. Un app digital pa presencia lo duna mas transparencia, eficiencia y siguridad pa nos muchanan,” Sra Arends-Reyes a declara. E app lo permiti:
• Registro directo ora un mucha yega y ora e bay cas.
• Notificacion automatico pa mayor via mensahe of push notification.
• Un sistema sigur cu ta warda
di Mucha na centro di cuido
informacion di forma confidencial.
• Un panorama cla di presencia pa directiva y autoridad competente.
Arends-Reyes a enfatisa cu siguridad di mucha mester ta prioridad number un. “Mayor tin derecho di sa cu nan yiu ta bon y cu nan a yega centro di cuido sin problema. Cu un sistema digital, nos por purba evita confusion, error humano y situacionnan innecesario.”
Ademas, e parlamentario a indica cu e propuesta ta alinia cu e vision di modernisacion di sector social y educativo na Aruba. Digitalisacion no solamente ta mehora proceso administrativo, pero tambe ta contribui na un cultura di responsabilidad y transparencia.
E iniciativa lo por sali di sector priva of wak kico tin disponibel caba style di “Procare Childcare” app lo por consulta cu Ministerio di Enseñansa asina cu directiva di diferente centro di cuido, pa evalua factibilidad, costo y proteccion di
dato personal conforme legislacion vigente. “Nos mester inverti den solucionnan inteligente cu ta pone bienestar di nos muchanan prome. Si nos por uza tecnologia pa facilita bida di mayor y personal di cuido, nos mester haci esey,” Arends-Reyes a conclui. Cu e propuesta aki, Parlamentario Jennifer Arends-Reyes ta reafirma su compromiso cu innovacion, proteccion di mucha y fortalecemento di calidad di cuidonan na Aruba.
Minister Geoffrey Wever: ArubA y CurAçAo tA mArCA un pAso
historiCo Cu publiCACion di destAho pA ferry entre e islAnAn
Oranjestad, fecha - Ministerio di Finansa, Asunto Economico y Sector Primario, mr. Geoffrey Wever, den estrecho cooperacion cu Gobierno di Curaçao, representa dor di Minister di Desaroyo Economico di Curaçao, Mr. Roderick Middelhof, ta anuncia oficialmente publicacion di e “Terms of Reference” (ToR) pa contrata un consultant cu lo guia e proceso pa realisa un conexion di ferry pa pasahero entre Aruba y Corsou.
Cu e publicacion aki, Gabinete AVP-FUTURO ta marca un logro concreto den su vision pa fortalece cooperacion regional, amplia oportunidad economico y crea un sistema di transporte mas resiliente pa nos region.
Durante añanan, conectividad entre e islanan ABC tabata limita principalmente na transporte aereo, cu costo relativamente halto y disponibilidad limita. E proyecto di ferry ta enfoca pa crea un alternativa accesibel, eficiente y duradero, cual lo facilita mobilidad di persona, comercio y intercambio cultural.
E iniciativa aki ta basa riba e Memorandum of Understanding firma na 2023 entre Aruba y Curaçao, cual ta enfoca riba cooperacion economico y integracion regional. Pa Aruba, esaki no ta solamente un proyecto di transporte, sino un instrumento strategico pa diversificacion economico, fortificacion di comercio entre e islanan y expansion di oportunidad pa
sector priva.
“Un conexion di ferry moderno y bon structura ta un inversion den futuro di nos region. Esaki ta fortalece nos posicion economico, amplia oportunidad pa comercio y turismo, y ta crea un alternativa resiliente pa nos sistema di mobilidad,” Minister Geoffrey Wever ta declara.
E ferry lo habri caminda pa un modelo di turismo mas dinamico, incluyendo concepto di island hopping, unda bishitantenan internacional y residente por move facil entre islanan pa festival cultural, evento deportivo, reunion familiar y oportunidad comercial.
Ademas, e proyecto lo contribui na:
● Estimula comercio bilateral.
● Facilita movimiento di trahado y empresario.
● Crea oportunidad nobo pa sector logistico y maritimo.
● Fortifica cooperacion economico den Caribe.
● Un proceso structura y transparente
Gobiernonan di Aruba y Curaçao ta busca un compania di consultant cu experencia amplio den transporte maritimo, factibilidad infrastructural y proceso di destaho publico compleho.
E compania selecciona lo guia e proyecto den cuatro fase critico:
1. Analisis integral di factibilidad economico, legal y tecnico.
2. Desaroyo di documento di Request for Proposal conforme mercado.
3. Maneho completo di e proceso di destaho pa operador di ferry.
4. Evaluacion final y recomendacion pa otorgacion di e trabou.
“Nos compromiso ta claro: un proceso transparente, profesional y conforme ley. Bon gobernacion y planificacion riguroso ta central den e proyecto aki, pa asina garantisa seguridad, sostenibilidad ambiental y viabilidad economico a largo plazo,” Minister Wever enfatisa.
E destaho ta wordo maneha como un proceso publico di acuerdo cu leynan vigente na Aruba. Interesadonan por revisa e ToR oficial y tene cuenta cu siguiente
fecha indicativo:
● Deadline pa pregunta: 6 maart 2026
● Deadline pa entrega di propuesta: 20 maart 2026
● Otorgacion contrato consultant: 30 maart 2026
● Seleccion anticipa di operador di ferry: 26 februari 2027
Propuestanan mester wordo entrega digitalmente y mester demostra experencia comproba den transporte maritimo, estudio di factibilidad infrastructural y destaho publico. Cu e paso concreto aki, Gabinete AVP-FUTURO ta confirma su compromiso cu pueblo di Aruba pa desaroya un region mas integra, mas accesibel y economicamente mas fuerte, den interes di tur ciudadano y futuro di nos país, según Minister Geoffrey Wever.
Un feliz dia fructifero colma cu hopi gracia di Dios.
’Ningun hende no por bini cerca Mi, si mi Tata cu a manda Mi no hal’e
cerca Mi’. (Huan 6, 44)
Cristo ta bisa cu ta via di Dios so un hende por yega cerca djE. Mescos tambe den e lectura ta pa medio di un angel di Dios Felipe a
topa cu e africano. Cristo mes ta splica cu E ta e pan cu ta duna biba. Esaki ta nifica cu nos tin di sigui busca Cristo pa medio di oracion, pa medio di lesa Bijbel, cumpli cu e 10 mandamentonan, haci
bon obra, haci sacrificio y scucha e Palabra di Dios. Busca pa por conoce e Palabra di Dios, laga Pastoornan y Diacononan splica e Palabra di Dios ja asina nos por yega cerca di Dios y Cristo Hesus. Felipe a splica e homber di Etiopia e loke e tabata lesa di profeta Isaias y ora el a compronde el a wordo batisa mesora. Rumannan nos tin di sigui y busca e pan cu ta duna bida cu ta Cristo. Haciendo esaki nos tin sigur di haya bida eterno.
Oracion: Dios Tata laga Spirito Santo inspira nos pa nos por sigui busca e pan cu ta duna nos bida cu ta Cristo. Amen.
TEAM SNOR NO A DUNA SERO BLANCO CHENS!
Calabas/KudawechaDiasabra ultimo, 28 di februari, net riba e ultimo dia de februari, tabata tin un tremendo “clash” entro dos team rival aya n’e palacio internacional di pega piedra, esta e mundialmente famoso Domino Square Garden. Ta trata nada menos di Team Snor, bou guia indiscutibel dje flamante “Snor” Perez, y e trabuconan di Sero Blanco DT, militando entre nan e dinamico derado di gay di San Juan, e legendario horcado di dobel 6 di tur tempo, Nai Rasmijn!
Cos a habri poco frega pa e ekipo di Sero Blanco, kendenan aparentemente a haya nan cu problema serio den nan sistema di AI (Artificial Intelligence):
den “no time” Team Snor ta dilanti cu score di 50! Wilson di Team Snor ta pone un “witte schoen” te n’e top dje Sero Blanco!
E “big white machine” ta cuminsa ranca pocopoco style di motor di diesel y un rato despues cos ta para na 6 - 3 na fabor di Team Snor. Sinembargo, aki Team Snor ta schakel un paar di gear extra y prome cu blink wowo, ya ta yega halftime cu score impresionante di 11 - 4!
Manera custumber, pasapalonan ta skeiro rond completamente gratis pa hungado y publico, mientras cu tin tur oportunidad pa haci foto-shoot, intercambia di strategia y tactica p’e segundo mita di tempo. Tur cos tabata indica cu aki por bien ta cay un masacre
n’e team di “White Hill”, pero toch un caminda ta sinti cu e trabuconan di Sero Blanco a cuminsa coy curpa. Dado momento, nan a te asta tribi di pasa “Don Snor himself” un sapato blanco! Despues cu Snor gara un paar di punta y pone score na 14 - 6, Sero Blanco ta bay todo por todo y pocopoco ta corta bentaha te na score di 16 - 11! Aki si Team Snor ta habri un extra bela riba nan yate di placer y cu biento di cuaresma den lomba nan ta move rapidamente pa 20 - 12, caminda despues di un grito di victoria, Roy Sneek ta canta 21 p’e ekipo cu uniform mas copioso den liga! Na un manera convincente, Team Snor ta aplasta Sero Blanco DT cu score final
di 21 - 12! Aunke riba papel ta mustra un “walk over”, den un entrevista exclusivo Nelson “Snor” Perez a declara cu den di dos mita Sero Blanco DT a haci nan bida sumamente
dificil y semper Sero Blanco lo keda un team di respeta y peligroso! Shonnan, aña a habri candeloso y primintiendo sambombasonan di wega! Keda pendiente!
B UREAU I NTE g RITEIT A RUBA (BIA) TA f UNDAMENTAL DEN
p ROMOv E INTE g RIDAD DEN DE pARTAMENTO p UBLICO
Integridad por fortifica of kibra confiansa den gobierno. Pa esaki, Bureau Integriteit Aruba (BIA) tin un rol fundamental den promove y salvaguardia integridad den departamentonan di gobierno di Aruba. BIA ta un departamento di gobierno y e unico organisacion publico cu ta dedica specificamente na e tema di integridad den gobierno. E team ta consisti di cinco empleado: un hefe, un investigado, dos empleado di maneho y un asistente.
Den un contexto internacional unda preocupacion riba corupcion y su impacto riba stabilidad y siguridad di sociedad a resulta den e
Convencion di Nacionnan
Uni contra Corupcion riba 31 oktober 2003, gobierno di Aruba a tuma varios medida pa combati corupcion. Den e cuadro aki, a establece BIA.
E tareanan principal di BIA ta entre otro formula y asesora riba maneho di integridad, y prevencion, ofrece entrenamento y informacion pa empleadonan publico y fungi como punto di notificacion pa sospecho di kiebro di integridad. Actualmente BIA ta traha riba diferente proyecto importante.
Un di nan ta e Codigo di Conducta Integridad pa Empleado Publico, un proyecto conhunto cu Departamento di Recurso
Humano (DRH). E codigo lo brinda guia y proteccion pa empleadonan publico pa reconoce riesgo y fortalece nan resistencia contra situacionnan delicado. BIA tambe ta coordina e red di Vertrouwenspersonen Integridad Land Aruba, un punto di contacto confidencial y independiente unda empleadonan publico por raporta sospecho di violacion di integridad.
Ademas, BIA ta ofrece entrenamento, modulo di integridad y sesion di informacion na diferente servicio publico, y anualmente ta organisa reunionnan cu hefenan di servicio riba integridad y liderazgo etico. Como puntro di notificacion oficial, tur persona, tanto empleado publico como ciudadano por haci un notificacion di un sospechoso di kiebro di integridad cu a tuma
luga na un departamente di gobierno. E sospechoso mester ta basa riba hecho concreto y no simplemente riba rumor. Por haci un notificacion via e website www.bia. aw of na e departamento concerni. Ademas por pasa na oficina di BIA situa na L.G. Smith Boulevard 20, na unda antes tabata oficina di Notario Yarzagaray, den mesun edificio unda LAR ta ubica.
diabierna 6 di maart, b old lo presenta su di 3 rd annual special Women's seminar
Bold Properties Empoderando Hende muher!
Riba 6 di maart, Bold lo presenta su di 3 rd annual special seminar, en coneccion cu International Women's Day y nos fecha di inauguration!
minister Geoffrey Wever: Fitch ta up G rade a ruba un biaha mas
Oranjestad, fecha - Diamars mainta Gobierno di Aruba a ricibi e grato noticia cu Fitch Ratings a publica riba netwerk financiero internacional cu nan a upgrade Aruba for di BBBpa BBB. Esaki ta di dos upgrade consecutivo, un logro remarcabel.
Minister di Finansa, Asunto Economico y Sector Primario, mr. Geoffrey Wever, ta aplaudi e decision aki di Fitch, sigur considerando cu esaki ta un reconocemento di trabounan grandi cu a wordo haci pa pone finansas y economia di Aruba na ordo.
BBB ta e nivel mas halto cu un pais manera Aruba por logra.
Aruba a conoce un rating na e nivel aki ultimo biaha na 2013, cual ta 13 aña pasa. E rating mas abou cu Aruba a conoce den su historia tabata “BB negative”na momento cu Aruba a hasta perde su status di ‘investment’ grade pa motibo di e impacto di pandemia COVID.
Sinembargo, aña pasa Fitch a upgrade Aruba su rating pa BBB-, for di BB+. Cu e decision ey a saca Aruba for di e categoria BB cu ta non-investment grade. Cu e decision di awe Fitch un biaha mas ta upgrade Aruba y di e forma aki ta reforza cu Aruba su posicion den categoria di BBB.
Segun e instancia internacional, esaki ta refleha progreso significante den reduccion di debe di gobierno, sostene pa surplusnan fiscal halto y gobernacion fuerte.
E team di Fitch a bishita Aruba na inicio di februari 2026 y como parti di nan evaluacion a reuni cu varios instancia clave, manera Departamento di Finansas, Banco Central di Aruba, CAft, APFA, ABA, VNO y ATA, pa ricibi un panorama completo di e situacion economico y financiero di Aruba.
Agencianan di rating ta instancianan independiente
E iniciativa aki nace for di un vision cla: crea un movimiento di sosten, inspiracion y crecimiento entre muhernan den Aruba.
Bold tin 13 hende muher cu ta traha hunto pa logra nan metanan profesional y personal. Fundamental na Bold; ora un muher yuda otro muher crece, tur dos ta gana.
Segun representantenan di Bold, un di e camindanan mas poderoso pa yega na nos meta ta precisamente ora nos dicidi yuda otro.
Motibo pa amplia e impacto y invita mas
cu ta analisa e capacidad di un pais (of empresa) pa cumpli cu su obligacionnan financiero. Nan ta evalua riesgo financiero, stabilidad economico y maneho fiscal. Un rating ta directamente afecta e disponibilidad di financiamento, pero tambe e ta determina e costo di esaki. Mas abou e rating, mas riesgo ta wordo percibi, cual ta implica un tasa di interes (%) mas halto y, consecuentemente, un gasto di interes mas halto pa pais. Rating tambe ta di gran importancia pa inversionistanan cu ta busca pa inverti den sector priva. P’esey, e dialogo cu Fitch Ratings ta fundamental pa Aruba.
Cu e accion aki Aruba ta goza di no menos cu tres investment grade ratings di bon calidad, locual ta refleha un nivel di confiansa den maneho di finansa publico y stabilidad economico di nos pais. Un relacion bon
hende muhernan di nos comunidad pa forma parti di un experiencia cu lo inspira y fortalece.
E evento lo enfoca riba temanan relevante cu ta motiva, reflexiona, y yuda reconose bo potencial y para firme den bo propio capacidad.
Lo crea un espacio unda muhernan por comparti ideanan, gana confianza y sinja di experiencia di otro, cu interaccion y construi relacionnan positivo basa riba bon energia y respeto mutuo.
E intencion ta cla: educa, sostene y empodera cada hende muher
y stabil den Reino tambe ta un factor importante pa e agencianan di rating y regularmente ta forma parti di e evaluacionnan.
Minister Wever ta enfatisa e importancia di dialogo continuo entre gobierno, stakeholdernan y agencianan di rating. E mandatario ta expresa su gradicimento na representantenan di Fitch Ratings pa e intercambio profesional y constructivo, y tambe na tur stakeholder local cu un biaha mas a contribui cu nan informacion y perspectiva independiente riba un tema asina esencial manera nos finansa publico.
JOHN HART A HABRI E DEBATE DI VIVIENDA
CU GOBIERNO DEN PARLAMENTO
ORANJESTAD (2 di maart 2026) – Situacion di vivienda na Aruba a bira un di e preocupacionnan mas grandi den nos comunidad. Prijs di cas y huur ta sigui subi, disponibilidad ta limita, y hopi famia – specialmente hoben profesional, famia hoben y cu entrada minimo – ta enfrenta
dificultad serio pa haya un cas pagabel. E presion riba mercado a crea insiguridad social, retraso den formacion di famia y te hasta exodo di nos hendenan.
Den e contexto aki, Parlamentario di AVP, John Hart, a haci uzo di su derecho pa solicita formalmente un sesion di
pregunta y pidi Minister di Infrastructura, Sr. drs. R. Herdé, pa bin Parlamento di Aruba y comparti informacion riba e situacion di vivienda na Aruba. Dicho encuentro a tuma luga dialuna mainta.
Segun Hart, pa hopi ciudadano yega na un cas propio a bira algo casi impagabel. E ultimo añanan a mustra un stagnacion cla den mercado di vivienda, algo cu mester ser discuti habri y cu responsabilidad. “Vragenrecht ta un instrumento pa controla gobierno. Nos como Parlamento tin e deber di haci pregunta y exigi claridad ora un sector asina esencial manera vivienda ta para,” Hart a declara.
Den su peticion, Hart a pidi clarificacion riba e motibonan principal tras di e stagnacion den mercado di vivienda y si tin factor structural of politico cu a contribui na e situacion actual.
Ademas, el a busca un
actualizacion concreto riba kico gobierno lo haci pa stimula construccion y aumenta disponibilidad di cas pa huur, cu medidanan specifico y plasonan realista.
Tambe a plantea si minister ta evalua un posibel aumento di huursubsidie pa hogarnan cu ta depende di un entrada minimo, considerando e presion creciente riba famianan vulnerabel. Hart a pidi igualmente clarificacion riba opcionnan di financiamiento innovador, incluyendo e posibilidad pa activa recurso manera APFA pa yuda financia FCCA cu construccion di vivienda social y pone e mecanismonan financiero traha debidamente.
Finalmente, el a solicita
Minister Herde pa comparti su vision concreto riba regulacion di short term vacation rental y con e actividad aki ta impacta disponibilidad di vivienda pa residente local.
Hart a enfatisa cu
situacion di vivienda ta exigi decisionnan fuerte. “No por sigui cu estudio tras estudio mientras famianan ta sufri. Ta tempo pa solucion. Ta tempo pa liderazgo,” el a expresa.
E parlamentario a indica di ta contento cu a habri e debate den Parlamento riba un tema tan critico y a pidi pa un reunion publico pa continua cu e debate hunto cu sector, experto y ciudadano. “E tema aki no por keda limita na sala di Parlamento. Nos mester scucha pueblo y traha hunto na solucionnan realista.”
AVP ta mantene cu mercado di vivienda mester un direccion cla, mas coordinacion interinstitucional y boluntad politico pa implementa medidanan eficaz. “Vivienda no ta un luho, ta un derecho basico. Si nos kier un pais cu stabilidad social y economico, nos mester cuminsa aki,” John Hart a conclui.
ATSA TA CLA PA CONTRIBUI DEN UN MANEHO Y COLABORACION CONSTRUCTIVO P’UN
Den un encuentro recien cu minister di Turismo, Transporte y Labor, e organisacion Aruba Timeshare Association a reafirma su compromiso completo den solucion constructivo, basa riba bon colaboracion cu gobierno di Aruba den cuadro cu desaroyo di un ‘Beach Policy’ sostenibel y balansa.
ATSA a comparti cu minister cu recientemente nan a participa den e proceso investigativo di SER pa loke tas e proceso concerni cu Aruba su maneho di playanan, hunto cu su sosten di e consul pa haci un yamado na coordinacion mas structura, un maneho cu ta duidelijk, manera tambe cooperacion cu tur stakeholder envolvi.
Como entidad representativo di un parti grandi di Aruba su sector di hospitalidad, ATSA ta para cla pa contribui den termino corto y largo pa solucionnan practico, sostenibel y cu ta sirbi interes nacional. ATSA ta enfatisa cu un colaboracion cu ta basa riba respet mutuo, transparencia, y responsabilidad comparti, ta esencial den por logra resultadonan duradero.
Aruba su playanan ta un di e isla su recursonan natural di mas precioso. Nan preservacion no ta solamente un forma di regulacion, e ta un responsabilidad colectivo. Habitantenan, bishitantenan, entidadnan gubernamental y sector priva ta comparti e responsabilidad pa mantene nos playanan limpi, safe y accesibel pa un y tur. Respet pa otro mester ta man den man cu respet pa nos medio ambiente.
ATSA ta haya cu pa progresa, bo mester traha den union c’un mesun meta positivo nacional. Turismo ta keda
‘BEACH POLICY’ SOSTENIBEL
e entrada di mas grandi pa Aruba, pa mantene nos economia stabil como tambe nos bienestar social. Salvaguardiando nos medio ambiente y naturalesa mientras ta percura y segura cu tin claridad, ordo, y un maneho husto di nos playanan, ta fortalece nos comunidad y nos reputacion internacional.
Adicionalmente na discusion di Beach Policy, ATSA ta sostene dialogo mas habri riba prioridadnan nacional cu ta contribui den calidad di bida y maneho di destinacion, incluyendo mehoracion di infrastructura manera nos careteranan, ‘waste-water management’, regulacion di zonido y tiramento di sushi, moratorio di construccion di hotel y condo, scarsedad di taxi, UTV exit-strategy y regulacion responsabel den corto termino den mercado di huur.
E areanan aki, manera maneho di nos playanan, beneficionan di un maneho balansa, colaboracion di tur stakeholder envolvi y ehecucion consistente.
ATSA tin confiansa cu pa medio di dialogo structura y bon fe, den bon cooperacion cu otro, Aruba lo por yega na solucionnan cu ta refleha sostenibilidad den forma husto, y cu respet na tur. ATSA ta anticipa den mas dialogo cu minister di Turismo y tur otro partner relevante den e proceso formal venidero. Hunto, nos por sigura cu Aruba ta permanece un destinacion defini pa harmonia, cuido ambiental, respet mutuo, y prosperidad comparti.
Tocante ATSA
ATSA tabata estableci na 1994 y actualmente ta conta cu miembresia activo di mayoria di propiedadnan di vacation ownership na Aruba. E asociacion ta traha na nivel
local hunto cu entidadnan gubernamental. Na nivel regional, unda Aruba ta sigui ricibi reconocemento manera un destino modelo pa vacation ownership, ATSA
tin laso profesional y ta beneficia di colaboracion continuo cu ARDA, American Resort Development Association. Miembronan di Hunta Directivo di ATSA ta:
Sulaika Kelly, President; Rina Geerman, Secretario; Pedro Vargas, Miembro di Hunta; Jurgen van Schaijk, Tesorero; y Luigi Heredia, Miembro di Hunta.
“Señor ta mi wardador, mi’n tin falta di nada
FORTALEZA PA FAMIA
Den cunucu di yerba berde e ta ponemi sosega.E ta hibami na awa trankil, Pa mi bolbe haña forsa”.Salmo: 23
Cu profundo dolor y tristeza na nos curazon pero conforme cu boluntad di Dios y agradecido pa tur locual ela nifica pa nos, nos ta participa fayecimento di:
Sra. Leoncita Ceferina
Donata-Danies
Mihor conoci como Chia, *06-11-1936 - †23-02-2026
Vda. di dfm. Federico Mercelino Donata
Su yuinan:
Franklin Donata
Vda. Vilma Marchena-Donata
Marlene Escobar-Donata y esposo Luis Escobar Sherwin Donata y esposa Ingrid Donata-Franken
Nuera: Maria Ridderstaat
Yerno: dfm Charles (Boei) Marchena y yuinan y famia
Su nieta nan y nieto:
Vanessa Donata y Angelo Anthony, Charlene Marchena, Je-an Donata y Rensley Vrolijk, Vilencha Marchena y Jason Leest, Luigene Escobar
Su bisanieto nan y bisanieta: Dayvion Willems, Kaedan Geerman, Geetesh Outar, Jayviënne Leest
Inmensamente agradecido na su ayudante nan: Elsy, Cecilia, Madeleine, Karen, Charline Y tur cu a duna un man pa su cuido
Su amistad nan di semper: Maria Dijkhoff, Andrea Dirksz, Denisia Kock-Dijkhoff, Corry Laclé, Astrid y Ronchi na Corsow, Nanita Marti na Corsow
Sobrina y sobrino nan y nan famia, Prima y primo nan y nan famia
Tur iha nan / esnan mas yega na dje: Elmira Colmenares, Meveline Danies, Maria Brete, Carmensita Danies, Nino Faro
Su comper y comer nan
Bon bisiñanan: Brete y Dijkhoff Demas bisiñanan, famia y conocirnan, Tur cu a dune atencion durante su enfermedad
Inmensamente agradecido na su dokter di cas dr. M. van den Ham y su team di Cas di Dokter pa nan excelente atencion y servicio cu semper nan a brinda.
Ta invita pa acto di condolencia y entiero cu lo tuma lugar diamars 3 di maart 2026 di 2or pm - 4or pm na Aurora Funeral Home y despues pa Santana Catolico Pastoor Kraanwinkel na Paradera.
Nos disculpa si pa motibo di nos dolor y tristeza nos por a lubida di menciona un of otro famia.
Ta duel nos pero nos no por ricibi bishita di condolencia na cas.
Ta bai tin 3 Santo Sacrificio di Misa na Misa Santa Filomena na Paradera dia nan: 5 maart 2026 7or pm, 7 maart 2026 7or pm, 10 maart 2026 7or pm
Despues di e ultimo Santo Sacrificio di Misa ta bay tin un Santo Rosario na cas Tanki Leendert 98-A.
Scirbi pa Pastor Marcel Balootje.
UN BIDA NOBO DEN SENJOR
Si nos nota algo tremendo, cu a pasa, nos ta keda boca habri, cu nunca ora Hesus tabata yama un hende e no tabata wak e situacion cu e persona tabata aden. Ora E tabata yama su disipulonan e tabata djis bisa nan sigi Mi, y e no tabata bisa nan bo tin algo di drecha, of bo tin algo cu no ta bon, pasobra Hesus tabata sa cu una bes nan sigi E nan bida lo cambia.
Hende no por cambia nada den nan bida, solamente Dios por haci cambio pa nos, pesey e ta bisa den Mateo 11:28 : Bin serca mi tur cu ta cansa y carga y lo Mi duna boso sosiego.
E no ta wak bo picanan, ni si bo ta rico of pober, gordo of flaco, tampoco rasa of color, tur hende ta bon bini serca Esun cu tin e poder pa cambia curason y bida di hende.
Awendia pa bo drenta cierto organisacion, ta wordo exigi, cierto adaptacion den bo bida pa bo bira miembro. Serca nos Señor Cristo Hesus, no tin condicion, pasobra tur esnan cu yega serca dj’E tin bida nobo.
Ta mas bunita ora nos lesa locual tin para scirbi den 2 Corintionan 5:17 : Pesey si un hende ta den Cristo, ta un criatura nobo e ta , e cosnan bieu a pasa caba, ata tur cos a bira nobo.
Tur e cosnan cu tabata causa stress, preocupacion, depresion, dolor di cabes, presion halto a pasa pasobra den Cristo Hesus tin bida nobo, ta E so por haci e cambio cu nos no por haci.
2 Corintionan 5 ;19 ta bisa cu nos: Esta cu Dios den Cristo tabata reconciliando e mundo cu Su mes sin tumanan pica nan na cuenta, y E a encarga nos cu e palabra di reconciliacion.
Pica di un hende no ta obstaculo, pa e keda sin
entrega su bida na Cristo Hesus.
Diabel semper lo keda gaña hende cu nan no ta bon, cu hende lo papia riba nan.
Pero Dios den su inmenso amor ta habri su brasanan pa tur esnan cu kier bini serca dj’E.
Ora Hesus tabata riba crus y cu e criminal a bise, Señor corda riba mi ora bo drenta bo reino, Hesus a contesta, awe mes lo bo ta hunto cu Mi . Hesus no ta haci ningun pregunta na e homber pakico bo tambe ta riba crus, pero asina cu e homber a reconoce cu Hesus no tin falta di nada, ta suficiente pa Hesus tuma Su decision, pasobra e homber a demostra cu e ta arepenti.
Nos ta bibando den tempo den cual scuridad ta halando hende na boshi, hopi ta kere cu nan bida no por cambia, y cu nan tin di keda manera nan ta, pero hopi no ta altura, cu nan mes no por cambia nada den nan bida, ta solamente un bida nobo den Cristo Hesus ta un bida cambia.
No ta hende a reconcilia cu Dios, pero ta Dios a reconcilia cu hende, no tumando na cuenta nan pica,( 2 Corintionan 5:19) pasobra pica ta un ofensa pa Dios, pero Dios den su inmenso misericordia, no ta wak esey pasobra nos salbacion ta mas importante cu nos pica. Pasobra pica ta hiba hende fierno, pero salbacion den Cristo Hesus ta hiba nos tur na Bida Eterna.
Si Cristo Hesus no cambia nos bida, ta ken por cambie? E a muri na crus pa pordon di nos picanan, pa asina haci posibel pa nos tin bida eterna y cu nos tin entrada na cielo, serca Tata.
Sinceramente, Pastor Marcel Balootje.
“Señor ta mi wardador, mi n’tin falta di nada; Den cunucu di yerba berde, E ta ponemi sosega. E ta hibami na awa tranquil, Pa mi bolbe haña forsa”. Salmo 23:1,2,3.
Cu inmenso dolor na nos curason, pero conforme cu e boluntad di Dios, Nos ta anuncia fayecimento di:
Francisco Reinaldo Besaril
Miho conoci como “Butchi” of “Padu” *20 September 1941 – +27 Februari 2026
Na nomber di su compañera di bida:
Francisca “Enita” Ras
Su Yiunan:
Reinaldo MackIntosch y Famia
Guillfred Besaril y Siglaine
Omar Besaril y Danny
Emmely Besaril y Famia.
Su Rumannan:
+Alberto “Chombé” Besaril y Famia
+Pedro “Peruz” Besaril
Candido (Candy) Besaril y +Mercedes.
Sobrino, Sobrinanan:
Andy Besaril y Anita
Gina Besaril y Famia
Sandro Besaril y Carolina
Sandra Besaril
Indirah Croes – Besaril y Rimberth
Carlos Besaril y Yelitza
Tamara Bisslik – Besaril y Gerald.
Nieto y Nietanan:
Sophie, Stacey
Nayeli, Zayah
Elena, Gabriel
Shavienne y Elyshua.
Bisanietonan:
Liam y Luna.
Mama di su Yiunan:
Emmely Diana Giel y Famia
Silvia MackIntosch y Famia
Mane un yiu:
Agnes Croes y Famia
Mariela Ras y Famia
Lisa Canhigh y Famia
Ex Collegenan di:
Caribbean Hotel & Casino
Concorde Hotel & Casino
Hilton Hotel & Casino
Aruba Grand Hotel & Casino y WEMA Hardware Store (San Nicolas).
Ex Compañeronan di FTA
Primo, Primanan, Famianan, Bisiñanan, Amigonan di Cas y demas Amistades:
Besaril,Rasmijn, Henriquez, Ras, Giel, MackIntosch, Croes, Wever, Dullens, Maduro, de Kort, Bisslik, de Cuba, Wernet, Colina, Luidens, Vives, Vrolijk, Arends, Donker, Trimon, Geerman.
Famia Becerrit, Seco, Palencia y demas familiares na Venezuela.
Nos disculpa cu si den nos tristesa nos por a lubida na menciona un of otro famia.
Demas conocirnan, amigonan di Barrio y en General:
Ta invita n’e acto di entiero cu lo tuma lugar Diahuebs 5 di Maart 2026 na Misa Cristo
