CABAYERO TA BIRA MALO TRAS DI STUUR
Y FAYECE NA DE LA SALLESTRAAT
De La Sallestraat - Diamars merdia algo prome cu 12'or a sosode un accidente na e rotonde di ex Piet Soda Fountain bay ariba.
Un Chevrolet Buick modelo bieu cu un chauffeur di
edad a perde control riba e stuur wiel poco mas pabou, despues di a bira malo tras di stuur.
Ey nan e la ranca un borchi di trafico pa despues bay dal tras di un Kia color blauw.
Mesora a avisa polis y ambulance. Mirando cu e persona un hende homber no tawata reacciona a manda dos ambulance.
Di eynan a start e protocol di reanimatie, pero tawata envano. Polis di trafico tambe tawata necesario na e sitio.
Ta trata di un ex meneer di scol, di J.F Kennedy.
DESpUES DI UN FESTIvAL UN CANTO pA ARUBA SU HIMNO Y BANDERA ExITOSO
Aruba ta cla pa e Feria Patriotico di 11 te cu 13 di maart 2026
Comision Celebracion Dianan Nacional (CCDN) ta felicita Comision Promove Cultura, Fundacion Cultural di Festival Folklorico, Departamento di Cultura y tur esnan envolvi pa organisa un tremendo Festival Un Canto pa Aruba su Himno y Bandera 2026. A cuminsa diabierna 6 di maart 2026 cu e categorianan infantil y hubenil caminda nos mucha y hobennan a demostra un nivel halto cu cancionnan cu ta sali for di nan curason y hopi bon presenta. Esnan presente por a mira con e publico tabata biba cu cada cancion y artista cu a mustra nan amor pa nan Himno y Bandera den gran forma. Hopi ta esnan cu a bin apoya nos mucha y hobennan cu bandera, uniform y pancartanan pa motiva nan participante faborito. Riba diasabra a toca e categoria di adultonan cu tambe a sa di deleita e publico manera tur aña cu composicion y presentacionnan patriotico. Un Pabien na tur cu a participa mirando cu pa subi un escenario y presenta no ta facil. E ta exigi hopi esfuerso, preparacion y tempo. Un pabien special na tur cu a sali ganado of ganadora den tur categoria.
Diadomingo a culmina den un bunita Explosion Cultural acompaña pa un programa di canto, baile, arte y presentacion di tur esnan cu a sali ganado den categoria infantil, hubenil y adulto. CCDN ta extende un invitacion na comunidad henter pa asisti na e grandioso Feria Patriotico cuminsando riba 11 di Maart 2026 te cu dia 13 di Maart 2026. Durante e Feria Patriotico aki por disfruta di diferente tentnan conoci pa nan cuminda y pasabocanan crioyo, artesania y articulonan pa celebra nos dia di Himno y Bandera. Lo tin hisamento di bandera pa Scouting Aruba. Monarcanan di Aruba su Carnaval 72 lo ta presente como tambe Dazzling Dancers Aruba - NTG cu NLG Dancers, Dansa Aruba, lo di declamacion di poema como tambe entretenimento musical di Rejoice, Shine Music, Sabor Crioyo y D’Nova
Instancianan cultural y social tambe ta forma parti di e feria cultural den forma di un EXPO caminda lo tin nan booth pa expone nan producto y/of servicio y duna informacion na publico general. Mirando cu nos ta celebrando 50 aña di nos Himno
y Bandera y 40 aña di Status Aparte, Gobierno di Aruba a opta pa celebra esaki grandemente e biaha aki cu mas dia, pa asina comunidad henter por difruta den un ambiente di celebracion. Entrada pa e Feria Patriotico ta completamente gratis. Esaki lo tuma luga riba e fechanan menciona na Aruba’a Carnival Village na San Nicolas di 7:00 pm - 10:00 pm.
Pues e Feria Patriotico lo conta cu musica, baile, arte, poesia, canto y demas actividadnan cultural pa entretene tur presente cu un ambiente cultural y patriotico. Bin cu famia y celebra nos 50 aña di Himno y Bandera y 40 aña di Status Aparte grandemente den un ambiente familiar y cultural.
Editorial:
HIPOCRESIA RIBA STATUS APARTE: CU
kI CARA
MIkE y GERlIEn
TA CElEBRA ,
MIEnTRAS
nAn TA EnTREGA nOS AUTOnOMIA?
ORANJESTAD – Aruba ta prepara pa celebra 40 aña di Status Aparte y 50 aña di nos Himno y Bandera, pero den curason di e celebracion aki tin un amargura politico. Con Mike Eman y Gerlien Croes por para cu orguyo dilanti nos simbolonan nacional, ora nan mesun Gabinete ta esun cu a primi e boton pa entrega Aruba na Hulanda door di e Rijkswet HOFA?
Palabra bunita, accionnan scur
Informacionnan recien ta mustra cu Gabinete AVP FUTURO a scoge pa ignora e vos di pueblo. Maske mas di 10,000 firma a wordo colecta contra e Rijkswet HOFA y maske casi mitar di Parlamento no a duna e ley aki nan apoyo, e coalicion AVP-FUTURO a dicidi di forsa e ley aki y mand’e pa Raad van State na Hulanda.
CAMBIO
Status Aparte vs. HOFA
E celebracion di e aña aki mester tabata un momento pa reafirma nos autonomia. Sinembargo, e decision di e gobierno actual pa duna Hulanda e poder di decision riba nos finansanan publico a wordo califica pa hopi como un "bofta" pa e lucha di Betico.
Mike Eman ta presenta su mes como e guardian di e herencia di AVP, pero ta permiti pa su gobierno debilita e mesun Status Aparte cu su famia tabata pidi p’e.
Gerlien Croes ta wordo señala como e motor tras di e entrega aki, pushando pa un ley di consensus cu, segun criticonan, no tin e berdadero consensus di pueblo ni di e trahadonan representa pa e sindicatonan.
ORANJESTAD - Minister di Finansa, Asunto Economico y Sector Primario ta anuncia e prijsnan nobo di benta di combustibel entrante 11 di maart 2026:
Gasoline unleaded-premium : 223,4 cen p/ltr. (+ 9,8 cen)
Diesel ULS : 201,4 cen p/ltr. (+ 8,5 cen)
Kerosin : 192,3 cen p/ltr. (+ 10,7 cen) E prijsnan ta inclui BBO/BAZV/BAVP
Celebracion of Give Up ?
Pueblo di Aruba tin mester di claridad. Bo no por celebra autonomia cu un man, mientras cu e otro man bo ta firma leynan di Reino cu ta ranca poder for di nos propio Parlamento. E wega di "laba man" y culpa otronan pa loke a cuminsa den pasado no ta funciona mas: e decision final pa duna bida na HOFA awor na maart
2026 ta carga un solo firma, y esey ta di e coalicion AVP-FUTURO.
Si Mike Eman y Gerlien Croes kier celebra Status Aparte cu sinceridad, nan tin cu splica pueblo pakico nan a scoge pa entrega e autonomia financiero na Den Haag na un momento asina crucial den nos historia.
FRACCION DI MEP: INSTITUTO PARLAMENTO TA
DESFUNCIONAL Y MORTO
“Y esaki ta sacudi henter nos fundeshi democratico”
ORANJESTAD - Lider di Fraccion di MEP Evelyn WeverCroes durante conferencia di prensa semanal a habri e siman denunciando cu Parlamento ta desfuncional. E ta basa esaki riba diferente ehempel. “Nos tin prueba cu un Minister a sea gaña Parlamento cu e mes a paga pa un jet priva, of a actua contra ley Mericano si e mes a paga di berdad.
Nos a purba di tur forma pa e minister duna cuenta, nos a puntr’e ora e tabata den Parlamento, nos a mande varios pregunta por escrito, nos a pidi reunionnan cune den Parlamento. Nada a duna resultado. E no ta contesta y presidente di Parlamento Marlon Sneek ta scohe pa sconde y proteha e ministernan, enbes di haci su trabou di presidente di Parlamento y para pa defende e instituto di Parlamento. Hasta nos a cuminsa cana e caminda legal a base di ley di LOB, ni asina e minister kier contesta.
Nos ta mira con Gobierno ta sigui ehecuta plan cu ta contra boluntad di un pueblo, y a aproba un biaha mas e ley di reino HOFA. Mas cu 10 mil persona a firma contra e ley di HOFA. Sindicatonan a expresa nan desacuerdo. Gremionan a expresa nan preocupacion.
Den Parlamento nos a pidi pa e ministernan bin duna cuenta, pero e presidente di Parlamento un biaha mas ta nenga di yama e reunion, y ta prefera pa protehe y sconde e ministernan, mientras e tantisimo preguntanan cu nos a hasi, ningun ta haya contesta.
Nos a pidi reunion urgente pa trata e tema di economia, prome mirando e desaroyo di Venezuela y con Aruba por probecha pa diversifica su economia, y despues cu e guera entre Iran y Merca a cuminsa, y prijs di azeta ta aumentando drasticamente, nos a bolbe pidi reunion pa sa ki plan di contingencia e gobierno tin pa evita cu esaki ta bai afecta bo cartera. E reunionnan aki tampoco a wordo yama ainda. Sea gobierno no tin un plan of tin miedo pa enfrenta Parlamento.
Ultimo simannan tabata tin ademas, varios reunionnan di diferente comisionnan fiho den Parlamento, e parlamentarionan di coalicion AVP-Futuro no a ni presenta. Nan ta ocupa cu nan estudionan na universidad y otro compromisonan fuera di e compromisonan di atende reunion.
“Mi a manda pidi un reunion cu presidente di parlamento y
tur lider di fraccion, cu peticion pa nos reuni urgente pa atende esakinan y e ningun contesta. Esakinan ta ehempelnan apenas di e ultimo dia y simannan. Lamentablemente mester constata cu Parlamento, e cas di pueblo, NO ta funciona pa eherce control riba gobierno y defende interesnan di ciudadanonan.
Tempo cu ami tabata den gobierno, nos gobierno tabata respeta Parlamento. Ministernan tabata bin regularmente den Parlamento, nos tabata atende cu topiconan urgente, mesora. Nos por mira den prensa y riba medionan social cu ministernan ta presente na eventonan social, pero den cas di pueblo, unda cu mester duna cuenta berdadero nan no tey. Y esaki ta algo hopi serio pasobra bo derecho di wordo scucha ta morto,
bo derecho di haya informacion ta morto, bo derecho di controla gobierno ta morto. Ta tempo pa Gobernador hala atencion di e presidente di parlamento y e minister presidente, pasobra Gobernador finalmente ta esun cu mester garantisa nos estado di derecho y exigi respet pa nos Constitucion.
Fraccion di MEP lo expone e desfucionamento aki den henter Reino y lo entrega keho na Parlamento di Union Europeo y Nacionan Uni. Esaki ta e peor Parlamento den 40 anja di existencia di nos pais, hustamente momento cu nos ta celebra 40 anja di existencia di Parlamento. Esaki ta un maart scur pa democracia” Evelyn Wever-Croes a finalisa bisando.
E DISPARATENAN DI JOHN HART:
TA AVP TA PUSHA HOFA MIENTRAS NAN TA LABA MAN
– Parlamentario John Hart (AVP) ta keda ripiti un mentira cu e speransa cu si e bis’e hopi biaha, e ta bira berdad. Sinembargo, e realidad ta desmenti Hart: AVP ta esun cu un bes mas ta core pa berdad, mescos cu nan a haci cu historia cu e Status Aparte.
Disparate sin prueba
Ta pretencioso pa un persona cu ta yama su mes "studia" manera John Hart, lanta den Parlamento y lansa acusacionnan sin un solo documento pa sostene. Hart ta pretende cu Evelyn Wever-Croes a "firma" e Rijkswet HOFA, pero e no por presenta ni un pida papel cu ta proba su ponencia.
Loke realmente a sosode ta cu Evelyn a firma un acuerdo pa negocia, cual ta e proceso normal den diplomacia. Evelyn a bandona Gobierno, lagando e espacio pa HOFA sigui wordo negocia y eventualmente discuti y vota den Parlamento. E ley no tabata un "fait accompli" (un hecho finalisa), sino un producto pa wordo trata.
E wega di "Ladron den Anochi"
Loke John Hart no kier pa pueblo sa, ta kico AVP y FUTURO a haci den scondi. Contrario na nan discurso di "laba man", nan a actua manera ladron den anochi:
Augustus 2025: Nan a aproba e prome stapnan
Partido MEP
di e ley pa prome biaha.
Maart 2026: Awor mes, nan a bolbe vota pa e ley sigui cana bay Raad van State.
Hart no tin e curashi
Si John Hart tabata asina preocupa pa e autonomia di Aruba, pakico su partido a vota pa e ley cana bay Raad van State? E ponencia di "laba man" di Hart no ta cuadra y ta laga AVP mustra hopi swak, y cu nan a perde tur energia y curashi pa defende Status Aparte dor di pone un paro na HOFA.
CARLOS BERMUDEZ MESTER STOP DI
SCONDE BOU SAYA
Loke Evelyn a firma na 2024 ta full diferente cu loke tin awor riba mesa!
ORANJESTAD -
Parlamentario di AVP
Carlos Bermudez, cu hopi hende toch tabata tin respet p’e, ya a cuminsa cansa hende cu e mesun cantaleta.
Hende no kier sa kico Evelyn a firma, tur hende sa kico Evelyn a firma y tur hende sa kico Gerlien y Mike a firma.
Evelyn a firma un BESTUURLIJK
ACCOORD 2024 di 2
pagina. Gerlien y Mike a firma un RIJKSWET HOFA di 50 pagina. Tur hende sa esey. Nan firmanan ta riba papel.
Loke hende kier sa ta unda Carlos Bermudez MES ta para. Bo no a lesa e ley ainda? Bo no a compronde ainda? Bo mes no por saca bo conclusion? Bo mes no por busca conseho? Stop di sconde bou saya di Evelyn, cuminsa sali dilanti y bisa kico ABO ta para p’e.
Diferencia GRANDI entre loke Evelyn a firma, y loke Gerlien y Mike a firma. Evelyn a firma pa cuminsa negocia. Gerlien y Mike a completa e negociacion. Loke tin awor riba mesa NO ta bon pa Aruba, Aruba no por sali nunca mas di dj’e, e ta contra Constitucion di Aruba y pa colmo e no ta necesario tampoco.
Evelyn mes a bisa: si ta e a wordo presenta cu loke tin awor riba mesa, e lo a rechasa esaki y bisa Hulanda “NOS MES POR”.
Bermudez ta di mesun opinion?
Carlos
Evelyn Wever-Croes: MEP A CELEBRA DIA DI HENDE MUHE DEN GRAN FORMA
ORANJESTAD -
Diadomingo ultimo, dia di hende muhe, a wordo celebra na Cede di MEP den gran forma. E evento “Bo Bienestar” tabata sold out den apenas algun dia, mas cu dos siman pasa caba. Den un sala completamente yen, invitadonan a haya charla tocante nutricion di Denisse Arends, di movecion di Paola Garcia, y di salud mental di Dorilis Werleman. Na final di e anochi tabata tin un panel di e oradornan y e sala por a interact cu e oradornan y haya conseho valioso pa nan bienestar y di nan famia.
Ruthy Vrieswijk a declama un bunita poësia dedica na hende muhe. Tabata tin tambe presencia di Loreal cu make up artist George Bislip cu a duna e invitadonan tips di beyesa, Stichting ABO cu informacion y registro pa screening di cancer di pecho, di matris y di tripa, Spa Uni for you
cu conseho con pa cuida bo cara a regala 3 gift certificate, y Optimal Health Services cu a duna conseho personalisa na cada persona riba tereno di nutricion.
E atardi tabata tin varios regalo y doorprizes tambe di Loreal, Sue Cosmetic Boutique, Eden Garden Coffee House, Aqua Nail Spa, Trash by Ronchi, Brochy Coffee, dushi bolo di sra. Yuyu Croes, muffin dushi di sra. Armanda Geerman, lollipop especial pa hende muhernan di sucu fini y cuadranan pinta pa Evelyn Wever-Croes.
Lider di MEP a duna un reconocemento special na sra. Yuyu Croes cu pa hopi anja a lidera Forsa Femenino Grace, y ta sigui sostene partido. Tambe Lider di MEP a gradici miembronan di Forsa Femenino Grace pa nan sosten na partido y candidatanan riba lista di MEP.
Evelyn Wever-Croes a gradici tambe Natalie Geerman, cu tabata encarga cu e organisacion di e evento exitoso aki.
Pabien y danki pa haci e evento aki tambe uno exitoso!
Minister Gerlien Croes a Gaña pueblo Cu
no ta noMbra GevMin pa
Motibo di Costo halto
E decision reciente di Gobierno AVP FUTURO pa finalmente nombra un Minister Plenipotenciario (GevMin) na Hulanda, ta mustra cu e presion politico a funciona, pero tambe cu Minister di Relacion den Reino Gerlien Croes a gaña pueblo di Aruba.
Algun luna pasa, ainda Minister Gerlien Croes tabata defende e decision pa no nombra un GevMin na Hulans, cu e argumento cu e puesto ta costa pueblo demasiado placa. Sin embargo, despues di critica fuerte y presion den Parlamento, Gobierno AVP FUTURO a cambia rumbo y a decidi pa nombra un GevMin den persona di sra. Mildred Schwengle.
“Prome pueblo a wordo bisa cu no por nombra un GevMin pasobra ta caro. Cu pa spaar placa, Minister Gerlien Croes mes lo biaha cada luna bay Hulanda. Awo a resulta cu Aruba toch a nombra un GevMin. Esaki ta mustra cu pueblo a wordo gaña pa Gerlien cu e argumento di costo halto,” Parlamentario Maduro ta expresa.
Maduro a agrega cu representacion permanente na Hulanda no ta un luho, sino un obligacion di Aruba ancra den Statuut di Reino Hulandes. E situacion aki ta mustra cu e decision original di Gerlien Croes tabata mal pensa y cu ta danki na presion politico, Gobierno AVP FUTURO a corigi nan eror. Ta keda si e hecho lamentabel, cu Gerlien ta gaña pueblo!
Parlamentario Rocco Tjon: Comision di salud di parlamento a reuni Cu JGZ: "un vision Cla pa e futuro di nos muCha y hobennan"
Diamars 3 di maart 2026, Comision di Salud di Parlamento a tene un reunion informativo y hopi productivo cu e departamento di Jeugdgezondheidszorg (JGZ) di Directie Volksgezondheid (DVG).
Durante e reunion aki, a keda demostra cu tin un vision solido y hopi trabou den ehecucion y of den "tapara" pa garantisa un desaroyo sano pa tur mucha y hoben na Aruba.
Parlamento a wordo informa riba e esfuerso grandi cu e team multidisciplinario di JGZ ta desplegando. A resalta cu, apesar di limitacionnan, e departamento ta den un fase importante di transformacion caminda hopi proyecto crucial ta den etapa di planificacion avansa y of den implementacion.
Avance y Proyectonan den Tapara
Un di e puntonan di mas positivo ta e introduccion di e Digital Kindvolgsysteem (EKD). Esaki ta un paso gigante den modernisacion cu lo permiti un miho coordinacion entre salud, scol y instancianan di ayudo. E sistema aki lo percura cu ningun mucha ta keda sin e atencion cu e merece. Ademas, a papia encuanto fortalisacion di e programa di vacuna y e monitoreo continuo di e crecemento y desaroyo di nos mucha y hobennan.
E meta pa e periodo 2026-2030 ta ambicioso y positivo: un JGZ mas fuerte, cu miho base legal atraves di e Landsverordening
Publieke Gezondheid, y un rol central den e red di cuido integral pa nos hubentud.
Maske e vision ta positivo, e reunion a sirbi tambe
pa identifica areanan cu mester di extra atencion y inversion pa por logra e metanan aki.
Parlamento ta gradici e team di JGZ pa nan dedicacion y transparencia. E comision a compromete su mes pa keda monitoria e desaroyonan y pa duna e sosten necesario pa logra cu e vision di un hubentud sano ta bira un realidad concreto pa cada hogar na Aruba.
Fraccion MEP:
ComparaCion di rijkswet HoFa
Cu Compra di un auto Falta un parti importante
Parlamentario Bermudez ta uza e comparacion di compra di un auto pa purba hustifica su acuerdo cu Rijkswet HOFA. Segun e, si un auto ya a wordo financia na banco y e auto ta na caminda, bo no por bisa despues cu bo no kier e auto mas.
Pero e comparacion aki ta robes, pasobra e ta laga un parti esencial afo!
E AUTO CU A WORDO ENTREGA
NO TA E AUTO CU BO A BESTEL
Imagina lo siguiente
- bo a bestel un auto automatico, pero ora e yega ta resulta cu ta standard.
- Bo a pidi un auto color geel, pero esun cu a yega ta berde.
- Bo a bestel un motor di 4 liter, pero esun cu ta wordo entrega ta 2 liter.
Den tur situacion normal, ningun
consumidor responsabel, y cu ta paga pa e auto, lo acepta e auto. Bo lo bisa simplemente: “Esaki no ta e auto cu mi a bestel.”
UN AUTO CU BO NO A BESTEL
MESTER WORDO ENTREGA BEK
Pa loke ta trata e situacion cu Rijkswet HOFA ta mescos cu e auto. E asina yama “bestuurlijk akkoord” por compara cu un bestelling inicial. Pero e ley cu awor ta riba mesa no ta igual na loke a wordo discuti originalmente.
Tur conseho huridico disponibel pa Bermudez tambe, ta confirma cu e “bestuurlijk akkoord” no ta obliga Aruba na nada. Esaki kiermen cu Mike Eman y Bermudez y Hart tin tur derecho pa bisa: “Esaki no ta e producto cu nos a pidi.”
BERMUDEZ Y HART KIER TA
CHAUFFEUR PA MIKE EMAN
Enbes cu Bermudez y Hart para firme pa Aruba y bisa cu e ley mester wordo rechasa, Bermudez y Hart ta scoge pa bisa cu nos mester acepta e auto di tur manera.
Den otro palabra: e auto ta berde enbes di geel, ta standard enbes di automatic, y tin mitar di e motor cu a wordo pidi — pero nan ta bisa cu nos mester acept’e toch paso no por entreg’e bek.
AMOR PA ARUBA BO TA MUSTRA ORA BO PARA PA ARUBA Y NO PA HULANDA
E Arubiano merece lidernan cu ta defende interes di e pais aki. Ora un acuerdo keda cla cu no ta bon pa Aruba, liderazgo berdadero ta nifica cu bo mester tin corahe pa bisa:
“Nos no ta acepta esaki.”
A bira tempo pa Bermudez y Hart mustra Mike Eman cu nan no lo ta entreguista manera Geoffrey Wever y Gerlien Croes!
dnm ta lansa enCuesta toCante e uzo di blaas y
Oranjestad, 11 di maart 2026 – Na aña 2019 a drenta na vigor e ley Algemene Politieverordening Artikel 55a, cual ta prohibi e uzo di blaas y confetti di plastic den aire liber (pafo).
E materialnan aki no ta prohibi completamente, nan por sigui wordo uza den espacio cera (paden) y ainda ta disponibel pa benta riba mercado local.
ConFetti
Cu e encuesta aki, DNM ta desea di haya un miho bista riba con familiar comunidad di Aruba ta cu e ley aki y con nan ta percibi e prohibicion di uzo di e materialnan aki den aire liber.
Participacion di comunidad lo yuda evalua e nivel di conocemento riba e ley aki y asina por sigui prepara mas informacion pa conscientisacion pa cu
den aire liber
uzo di e materialnan aki responsablemente den futuro.
Con pa participa: Pa participa por bay na ecanv.com/survey of scan e QR Code y scoge e idioma cu ta prefera, sea ta Papiamento, Ingles of Spaño. E encuesta aki ta uno cortico c’un duracion di mas o menos 3 minuut y ta completamente anonimo.
Señora bou influencia a cau Sa bok S mento
DriemasterstraatDialuna anochi polis di trafico a wordo pidi na Driemasterstraat, debi cu un chauffeur lo ta bou di influencia.
Tawata dialuna anochi cu Forensys a bay un boksmento, unda cu un Toyota Corolla a dal tras di un Chevrolet Spark.
No tawata tin hende herida, pero e chauffeur di e Corolla cu ta un señora mester a wordo atendi pa polis di trafico. E motibo e tawata mustra bou influencia.
Polis di trafico a pone supla, y lamentabelmente e la faya. E la wordo deteni y transporta pa warda di polis.
c onm E mo RAcion
Ank ER H i ST o R ico TA S imboliSA Fo RTA l ESA y HERE
nci A culT u RA l di A R ub A
Dia 9 di maart a tuma luga un ceremonia di conmemoracion di e anker historico, un simbolo importante di herencia cultural y identidad di Aruba. Durante e acto, varios orador a recorda e historia y significado di e monumento, cu pa decada a representa stabilidad y perseverancia di e pueblo Rubiano.
Durante e ceremonia, Leon M. Berenos a comparti e trasfondo historico di e simbolo aki, den presencia di Prome Minister Mike Eman, Minister di Turismo Wendrick Cicilia, famia di Charlie Brouns Jr. y invitadonan.
Prome Minister Mike Eman a expresa su emocion di por celebra e momento aki hunto cu e famia Brouns.
Segun Premier Eman, e anker, instala tambe como un homenahe na Charlie Brouns Sr. y Charlie Brouns Jr., dos generacion cu a hunga un papel importante den historia di Aruba y su desaroyo turistico.
“E bar di Charlie Brouns ta un di e luganan emblematico cu hopi turista ta bishita ora nan yega Aruba. E tres generacion di e famia a contribui hopi na turismo di Aruba y na e manera special cu Aruba ta ricibi su bishitantenan,” Eman a comenta.
Segun Prome Minister, e anker, instala dia 31 di maart 1985, a bira un simbolo cu pa aña a recorda e relacion entre historia, turismo y identidad
historia di Aruba den forma corecto y preserva su legado pa generacionnan futuro.
“Nos ta un isla chikito pero nos tin un curason grandi,” Brouns a expresa, resaltando e orguyo nacional y e resiliencia cu ta caracterisa e pueblo Arubiano.
Contribucion di comunidad
di Aruba.
Segun Berenos, e historia di e simbolo aki ta conecta cu e legado di Charlie Brouns Sr., kende a establece su bida na Aruba despues di a nace na Hulanda. Hun¬to cu su esposa Marie, el a funda un negoshi cu despues di varios aña a evoluciona den un punto di encuentro marino importante, trahadonan di industria petrolero y bishitante na Aruba.
Den 1941 el a habri Charlie’s Bar, un establecimento, cu despues di 36 aña a pasa na su yiu Charlie Brouns Jr., kende a sigui desaroya e legado familiar. Mas despues, e tradicion a sigui cu Charlie Brouns III, manteniendo e herencia cultural y comercial di e famia.
Un di e momentonan historico mas notabel tabata e colocacion di e anker historico dia 31 di maart 1985. E anker, un piesa di origen Aleman, instala na Aruba y desde e tempo ey a bira un simbolo di forsa, stabilidad y resiliencia.
“Tur pais tin su simbolonan,” Berenos a splica, comparando e anker di Aruba cu monumentonan mundial manera Statue of Liberty na New York. E anker ta representa e caracter di Aruba: un isla cu, apesar di diferente desafio historico, semper a logra mantene su rumbo y fortalesa.
Durante e ceremonia tambe a hiba palabra Charlie Brouns III, kende a enfatisa e importancia di conta
Durante e conmemoracion tambe a reconoce e contribucion di Wilhelm Geerman, miho conoci como Bill, kende voluntariamente a participa activamente den instalacion di e anker na Colony.
Su yiunan Alvin y Edith Geerman a comparti cu nan tata tabata un persona hopi dedica na comunidad di San Nicolas. Hunto cu Robby Brinkman, un constructor di boto, y Charlie di Charlie’s Bar, nan a forma parti di e grupo cu a traha pa coloca e anker.
Segun nan, Geerman tabata un persona cu semper tabata kier sirbi su comunidad. Despues di su retiro di Lago, el a sigui activo den diferente iniciativa comunitario y cultural.
Pa mas cu 40 aña, e anker
a keda firme apesar di tempestad y cambio den historia di e isla. Pa hopi residente y bishitante, e monumento a bira un punto nacional cu ta recorda e fortalesa y perseverancia di Aruba.
E mensahe central di e ceremonia: e anker historico ta simbolisa e capacidad di Aruba pa mantene firme, preserva su herencia cultural y sigui avansa cu orguyo como pueblo.
SETAR TA cElEbRA culTuRA di ARubA
cu Apoyo nA E FEST ivAl “un cAnTo pA ARubA Su Himno y bAndERA”
Aruba su orguyo cultural tabata exhibi durante e fin di siman cu a pasa durante e Festival Un Canto pa Aruba su Himno y Bandera Infantil y Hubenil como tambe Adulto, cu a tuma luga na Carnival Village na San Nicolas.
Organisa pa Comision Promove Cultura y Fundacion Cultural di Festival Folklorico, e festival a honra dos milestone importante den 2026: 40 aña di nos Status Aparte y 50 aña di nos Himno y Bandera.
E comunidad di Aruba a bini hunto pa disfruta di presentacionnan den e categoria di Infantil, Hubenil y Adulto, unda cu e participantenan a subi escenario pa deleita e publico presente y expresa nan amor y orguyo pa nos isla.
SETAR ta felicita tur participante y ganadornan den e categoria Infantil, Hubenil y Adulto como tambe tur agrupacion musical, compositor, areglista y e comisionnan organisatorio cu a contribui na e exito di e
festival, creando dos anochi memorabel yena cu musica, orguyo y e sentimento patriotico. Como Aruba su compania nacional di telecomunicacion, SETAR ta orguyoso di sostene eventonan cu ta celebra, preserva y engrandece nos herencia cultural y ta comprometi pa sigui inverti den actividadnan cu ta promove nos tradicionnan y cu ta inspira e futuro generacion pa balora y celebra nos identidad Arubiano.
Accion di B A rio tA stimul A A mor pA n Atur A lesA y comunidA d
Momento simbolico cu hisamento di
bandera
na Scol Mi Pret’i Wowo
Durante e iniciativa Accion di Bario, a haci un parada na Scol Mi Preti Wowo na Tanki Leendert, caminda a comparti un momento significativo cu docente, mucha y miembro di comunidad.
Segun Prome Minister Mike Eman, e bishita tambe a sirbi pa duna
un empuhe adicional na e proyecto nacional di reforestacion, iniciativa cu gobierno ta impulsando pa stimula plantacion di mata nativo y promove un isla mas berde.
Durante e encuentro, e scol a comparti cu nan mes a cuminsa un hofi escolar, cu ta yama “Hofi
Mi Pret’i Wowo”, un espacio educativo unda e muchanan por siña mas riba naturalesa y cuido di medio ambiente. Como señal di apoyo na e iniciativa aki, Prome Minister Eman a entrega un mata di shimarucu pa planta den e hofi di e scol.
Prome Minister Eman a expresa su satisfaccion cu e iniciativa di e scol, indicando cu institucionnan educativo ta hunga un papel fundamental den forma e generacionnan nobo.
Tambe a tuma lugar un momento significativo na Scol Mi Preti Wowo, caminda Prome Minister Mike Eman hunto cu representante di e scol, Sra. Koolman, a participa den hisamento simbolico di Bandera di Aruba, resaltando e importancia di inculca desde edad hoben, amor pa Aruba y respet pa su simbolonan nacional.
“Scolnan ta forma nos
muchanan y ta implanta den nan curason e amor pa naturalesa y pa Aruba,” Eman a expresa. E comunidad escolar tambe a comparti un momento caluroso cu wela Felicia Koolman, caminda a canta belated “Happy Birthday” den un ambiente alegre y familiar. E celebracion simbolico a wordo acompaña cu un bolo decora cu e bandera di Aruba, creando un momento special di union entre generacionnan. E momento a tuma luga
den marco di e celebracion nacional di 40 aña di Status Aparte y 50 aña di Himno y Bandera, resaltando con diferente generacion y institucion den comunidad ta sigui aporta na e desaroyo continuo di Aruba. E iniciativa Accion di Bario ta sigui crea espacio pa contacto directo entre gobierno y comunidad, mientras cu tambe ta pone luz riba iniciativanan positivo cu ta contribui na bienestar social, cultural y ambiental di Aruba.
Junior Arends: TA len T o locA l TA inspir A gener Acion nobo den musicA
Durante e iniciativa di Accion di Bario, programa introduci door di Prome
Minister Mike Eman pa mantene contacto directo cu comunidadnan rond di Aruba, frecuentemente ta surgi encuentro cu ciudadano cu ta contribui activamente na desaroyo social y cultural di nan bario.
Durante reciente recorido, Prome Minister Eman a haya oportunidad pa sinta y combersa cu Junior
Arends, un pianista conoci den comunidad cu ta biba na Paraguana. Den su cas, Arends a desaroya un scol di piano cu actualmente ta guia mas di 70 alumno, incluyendo mucha y adulto cu ta tuma les regularmente.
Den su scol, e alumnonan no solamente ta siña toca piano, pero tambe ta interpreta y conoce composicionnan di Aruba, incluyendo obra di nos reconocido artista local
Padu del Caribe. Di e manera aki, Arends ta stimula no solamente talento musical, pero tambe apreciacion pa cultura, historia y identidad Arubiano.
Prome Minister Mike Eman a expresa su gradicimento pa e aporte di Junior Arends na formacion musical di generacionnan nobo.
Segun Eman, e talento di Arends y su dedicacion pa educacion musical ta un
contribucion importante na cultura di Aruba. Eman a resalta cu musica, specialmente composicionnan
Arubiano, manera esnan di Padu, a hunga un papel importante den historia di Aruba, despertando sentimento di orguyo, identidad y patriotismo den e pueblo durante diferente periodo di su desaroyo como pais. Ademas, Arends a desaroya tambe un buki educativo di piano cu ta yuda alumno cuminsa cu e base di e instrumento, mientras cu e material tambe incorpora
ilustracionnan y referencia na lugarnan pintoresco di Aruba. Segun Eman, iniciativanan manera esaki ta contribui pa inculca den e muchanan no solamente amor pa musica, pero tambe aprecio pa e beyeza natural y cultura di nan isla. E iniciativa di Accion di Bario ta sigui crea espacio pa encuentro directo cu ciudadano, permitiendo cu gobierno no solamente tende preocupacionnan den comunidad, pero tambe reconoce y celebra e aportenan positivo cu diferente residente ta haci den nan bario.
Un paso importante pa desaroyo di educacion na Aruba
HOH AcA demy tA e prO me centrO di c U rs O
den regi O n cA ribe rec O n O ci pA nrr
HOH Academy di Horacio Oduber Hospital (HOH) a logra tuma un paso hopi importante den desaroyo di educacion di cuido na Aruba door di oficialmente wordo reconoci pa Nederlandse Reanimatie Raad (NRR) como un centro di curso. NRR ta e hunta di reanimacion na Hulanda cu ta colecta, documenta y comparti conocemento riba reanimacion. Nan meta ta pa optimalisa e reanimacion y amplia e conocemento tocante reanimacion cerca tur persona cu ta envolvi den e proceso di reanimacion. Alabes NRR ta sigui tur exigencia Europeo. Pa HOH Academy a logra e reconocemento aki pa bira un centro oficial y duna curso certifica e docentenan clinico mester a sigui e curso di
instructor pa reanimacion na un centro certifica.
HOH Academy a cumpli cu tur exigencia y asina a bira e prome centro di educacion reconoci den region Caribe.
HOH Academy a sigui un trayecto intensivo di mas cu un aña pa ricibi e reconocemento aki. A logra haci e transicion casi completo y ta premira cu e parti di educacion di reanimacion pediatrico cu actualmente ta wordo duna segun reglanan di American Heart Association, lo haci su transicion na aña 2027 pa NRR. E decision pa haci e transicion strategico aki ta fortalece e vision di calidad di hospital y ta eleva e garantia di siguridad di pashent dentro di cuido agudo. E transicion a ser realisa den un colaboracion
estrecho entre HOH, NRR y tambe Emergency Medical School. Nan a guia y brinda sosten den e parti di contenido y tambe organisatorio na HOH Academy durante henter e trayecto. Danki na e reconocemento aki HOH Academy awo por ofrece training di reanimacion oficialmente reconoci pa NRR. No solamente lo duna training na empleadonan di HOH sino tambe na profesionalnan den cuido di otro instancia of organisacion . Cu esaki HOH ta fortalece den region su rol como centro di formacion den cuido y partner den conocemento. E paso aki ta subraya e ambicion di HOH cu semper t’ey pa sigui inverti den educacion, calidad y innovacion cu meta final pa sigui brinda e miho cuido na pashent.
Un dia fructifero colma cu gracia na abundancia
El a contesta: ’Hipocritanan, profeta Isaias a describi boso bon bon ora cu el a bisa, manera ta skirbi: E pueblo aki, Dios ta bisa, ta alaba Mi cu nan boca so, ma den nan curason nan ta leu fo'i Mi. (Marco 7,6)
Locual ta molestia Hesus ta e hipocresia, e hipocrita ta fingi desconoce algo of fingi di ta inocente. Si tin buraco den e ley e lo uze p’asina hustifica locual e ta haci pa su cumbinencia. Esaki ta un blasfemia paso Dios bo no por gaña pero ta fingi desconoce of simplemente no ta worry. E di ocho mandamento ta bisa pa hende no lanta falso testimonio ni tampco gaña. Nos por puntra nos mes si na tur momento nos ta consciente di esaki y nos ta haci esaki. Hopi biaha nos ta faya, haci redo of lanta falso testimonio riba otro hende, p’esaki nos lo mester reflexiona y pidi pordon, confesion ta importante pa nos haci, p’asina cambia nos bida y pa sigui biba un bida corecto den fe y cu un curason limpi di pica y di tur mal pensamento p’asina nos no ta hipocrita y sigui riba caminda di Dios.
Oracion: Señor Hesus, duna nos e gracia di por compronde bo palabra y laga nos no wak e splinter den e wowo di otro mas bien yuda nos mira e biga den nos mes wowo. P’asina nos no gaña ni biba mane hipocritanan. Pa e motibo aki nos ta acudi na Señor, yuda nos cura nos mal accionnan cu ta aleha nos di e amor di Dios.
Parlamentario di AVP, John Hart (AVP): NombrameNto di miNister PleNiPoteNciario ta Paso
imPortaNte Pa restablece co NfiaNza deN reiNo
ORANJESTAD (9 di maart 2026)
- Parlamentario di AVP, Sr. John Hart, a expresa cu, aunke e proceso pa nombramento di Aruba su Minister Plenipotenciario a tuma mas tempo di locual hopi hende a spera, e resultado final ta uno
positivo pa pais Aruba. “Berdad mester wordo bisa: e proceso pa nombramento di Aruba su Minister Plenipotenciario a tarda demasiado. Pero, manera nan ta bisa, lo bueno se hace esperar,” Hart a indica.
Segun Hart, tabata importante pa nombra un persona cu ta realmente capacita pa ehecuta e funcion aki, mirando e contexto cu Aruba a bin enfrentando den e ultimo añanan dentro di Reino Hulandes.
E parlamentario a recorda cu e caso Tulipan, den cual un exMinister Plenipotenciario a wordo condena pa malversacion di fondonan publico y abuso di funcion durante su periodo na Arubahuis entre 2017 y 2022, a laga un mancha serio riba e
institucion. Corte Comun di Husticia a dicta un condena di 20 luna di prision, di cual 10 luna condicional, cu un periodo di pruebo di tres aña. Ademas, corte a ordena pa e ex-Minister Plenipotenciario paga bek na pais Aruba un suma di Afl. 138.688 como parti di e proceso di decomiso.
“E episodio aki ta un realidad cu forma parti di nos historia reciente den Reino, y ta justamente pesey restauracion di confianza ta asina importante,” Hart a declara. Den esey, e parlamentario di AVP a expresa su apoyo pa e nombramento di Milly Schengle como Minister Plenipotenciario di Aruba.
“Mi ta elogia e escogencia di Milly Schengle pa e puesto aki. E
Parlamentario di AVP, Jennifer Arends-Reyes:
ta un persona di caliber, cu por contribui na fortalece e relacion strategico cu Aruba tin dentro di Reino. Cu su nombramento, Aruba ta manda un señal cla: cu nos ta serio tocante integridad, profesionalismo y representacion digno di nos pais,” Hart a enfatisa. Segun Hart, e rol di Minister Plenipotenciario ta di gran importancia, pasobra e ta representa Aruba den Conseho di Minister di Reino y den diferente proceso di coordinacion y decisionnan cu tin impacto directo riba pais. “Mi ta desea Sra. Schengle hopi exito den su funcion como Aruba su Minister Plenipotenciario. Mi tin confianza cu e lo contribui na reposiciona Aruba den Reino cu dignidad y fortalesa,” Hart a conclui.
m i N ister PleN i P ote N ciario ta cumP li uN rol
fu N dameN tal deN ma N te N e y fortalece e relacio N
e N tre a ruba y e otro Pais N a N de N r ei N o
ORANJESTAD (9 di maart 2026) – Parlamentario di fraccion AVP, Jennifer Arends-Reyes, a destaca importancia di e rol di Minister Plenipotenciario di Aruba como un puesto clave den representacion di Aruba dentro di Reino Hulandes. Segun ArendsReyes, e funcion aki tin un balor strategico, pasobra e minister plenipotenciario ta e bos oficial di Aruba na Den Haag, unda e paisnan di Reino ta mantene dialogo constante riba diferente tema di gobernacion, cooperacion y desaroyo.
Arends-Reyes a splica cu e minister plenipotenciario ta cumpli un rol fundamental den mantene y fortalece e relacion entre Aruba y e otro paisnan dentro di Reino. E representante di Aruba ta participa activamente den
reunionnan importante di consulta y cooperacion, manera e reunionnan di Conseho di Minister di Reino (Rijksministerraad).
Den e reunionnan aki ta discuti tema di gran relevancia pa futuro di e paisnan dentro di Reino, incluyendo cooperacion economico, gobernacion, siguridad y desaroyo social.
“Pa Aruba ta di gran importancia cu nos tin un representacion profesional y comprometi na Den Haag. E minister plenipotenciario ta e brug entre Aruba y e institucionnan di Reino, y e ta contribui pa percura cu e interesnan di nos pueblo ta wordo representa y defendi na nivel di Reino,” ArendsReyes a indica.
Den e mesun contexto,
Arends-Reyes a tuma e oportunidad pa felicita Milly Schwengle cu su nombramento como Minister Plenipotenciario di Aruba. Segun e parlamentario, e puesto aki ta bin cu gran responsabilidad, pero tambe cu un oportunidad importante pa contribui na fortalecemento di posicion di Aruba dentro di Reino.
“Mi kier felicita Sra. Schwengle cu su nombramento y desea e hopi exito den e tarea importante aki. Representa Aruba den Reino ta un gran honor.
Mi tin confianza cu, cu su experiencia, dedicacion y conocemento, e lo sigui traha pa promove e interesnan di nos pais y fortalece e cooperacion dentro di Reino,” Arends-Reyes a conclui.
