Bou escolta di polis: Manehador di quadracer transporta den estado critico pa hospitaal
Paradera - Dialuna atardi pa mas o menos 5'or y 15 a sosode un accidente serio cu quadracer riba e t-weg di Pastoor Kranwinkel School na Paradera.
Esnan cu a mira of a bin topa locual a sosode,
mesora a bati alarma.
Den algun minuut, ambulance y polis a yega.
Paramediconan a yega y ta bin topa cu un cabayero benta riba caminda, cu su
cabes cerca di e acera e no tawata reaciona. Mas panort su quadracer benta, casi riba e caminda grandi di Paradera pa Babijn.
LOCUAL TA PENSA CU POR A PASA
Comunidad ta indigna y decepciona riba peticion di Fiscal Fiscal a pidi libertad camuFla pa dos polis
ORANJESTAD – E peticion di Fiscal pa duna 12 luna di prison condicional na e dos agentenan di Polis, M.V. y R.G.D., kende ta sospechoso di a mata Ayden G.J. Lanoy durante un persecucion dia 9 di februari 2025, a causa un ola grandi di indignacion den comunidad Arubano.
Como reaccion for di pueblo, hopi hende ta bisa claramente cu nan no ta acepta e castigo pidi. Segun hopi opinion publica, e peticion di Fiscal ta wordo mira mas como un "libertad camufla" pa e dos polisnan, enbes di un castigo real cu ta refleha e gravedad di e caso.
“Esaki no ta husticia. Si un ciudadano comun a haci algo asina, e consecuencia lo tabata hopi mas duro,” varios persona a comenta.
“Ningun hende ta riba ley”... pero e pena ta conta otro cos Durante e audiencia, Fiscal a declara cu “ningun hende ta riba ley, en especial esnan cu ta traha cu ley”, y cu e investigacion a
wordo conduci di forma imparcial pa Landsrecherche, bao di supervision di Ministerio Publico.
Sinembargo, pa hopi ciudadano, e palabranan aki no ta cuadra cu e peticion final. Nan ta sinti cu e accion pidi no ta manda un mensahe fuerte ni preventivo, y cu e sistema ta faya den proteccion di bida humano, especialmente ora e acto a wordo cometi pa autoridad.
Famia y pueblo uni den dolor
Den sala di Corte, e presencia di famia di Ayden cu shirt preto y e mensahe “Justice for my son Ayden G.J. Lanoy” a toca hopi hende. Pafor di Corte y riba social media, pueblo a uni su vos cu e dolor y rabia di e famia.
“Ayden no ta bolbe mas, pero husticia por evita cu un otro mama pasa den esaki,” un miembro di comunidad a bisa.
Yamada pa husticia real
Comunidad ta pidi un reconsideracion serio di e castigo camufla cu ta libertad, y un señal
cla cu abuso di poder no lo wordo tolera, sin importa ken comete e acto. Pa hopi Arubiano, e caso di Ayden Lanoy no ta solamente un caso penal, sino un prueba pa e
integridad di e sistema di husticia. Solo di Pueblo lo sigui monitorea e desaroyo di e caso y e vos di comunidad cu ta pidi: husticia, claridad y responsabilidad real.
Noticia di Corte AbogAdonAn tA hAyA cu e dos
PolisnAn A ActuA corecto y no Por cAstigA nAn
ORANJESTAD – Ayera mainta den Corte, e abogadonan mr. Illes y mr. Carlo a defende e Polisnan M.V. y R.G.D.
SOLO DI PUEBLO por a compronde cu e abogadonan ta haya cu e dos Polisnan a actua corecto y no por castiga nan. Nan ta haya cu e comportacion di e victima Ayden a pone cu e Polisnan mester a actua.
E VICTIMA POR A EVITA TUR COS
Mr. Illes a bisa cu den e caso aki no conoce ganado sino perdedor den diferente grado. El a expresa palabranan di condolencia na mayornan y famia di e victima pa e lamentable sucedido. El a bisa cu tanto M.V. como R.G.D. ta bisa cu no tabata nan intension.
Segun mr. Illes, tur medaya tin dos banda. Polis ta esnan yama ora tin problema. Comunidad ta spera cu Polis ta percura pa orden. Pero loke no mester lubida ta, cu Polis tambe ta hende. Den e cayente di momento, nan tin algun seconde pa tuma decision y actua. Tin biaha e accion por ta no adecuado. E abogado ta haya cu mester respeta trabao di Polis. El a mustra cu henter e anochi di 9 Februari 2025, M.V. y R.G.D. a haci cantidad di controlnan y a mantene orden. E abogado ta hayua cu e persecusion e anochi ey, e victima por a evita cu tur cos ta escala. E victima a scoge pa huy. Door di e persecusion, e victima a crea un sospechoso contra su mes. El a mustra cu Polis a sende luznan, grita door microphone: “para, para”, pero no a duna resultado. Segun e abogado, e actitud di e victima a pone e agentenan crea sospecho. Pa minuutnan largo e persecusion a tuma lugar te den Madiki Kavel. Na opinion di mr. Illes, e agente M.V. a considera un menaza contra su bida ora e auto tabata subi velocidad riba dje y tirenan tabata yora. Hues a reacciona cu no tabatin velocidad halto. E abogado a bisa cu e motor tabata zona duro.
Abogado mr. Carlo a bisa cu e agentenan a traha dobble shift y esaki a afecta nan. E dia ey a atende un caso di joyriding di un mucha di 14 aña cu a coy auto di su mayornan. Tabatin otro caso cu a para otro auto. Tabatin caso na Calibra caminda hasta tabatin tiramento. Tabatin problema grandi na hospital entre otro esnan di Calibra. Promer cu a bay Lekker Bar a topa cu e auto Toyota sin luznan patras cendi. A usa luz y microphone pa bisa e chofer di e auto pa para pero e victima no a haci caso.
E abogado a bisa Hues cu e intension di M.V. y R.G.D. tabata pa para chofer y atende riba su comportacion manera a haci na diferente caminda cu chofernan. Door cu Ayden a core bay, ta obligacion di Polis pa persigui y para e auto y detene e chofer. E Polisnan tabata sospechosa cu Ayden lo tabata bou influencia y por a pone trafico den peliger. Nan kier a investiga kico tabata e motibo cu Ayden a core bay apesar di indicacion di Polis pa para. Nan tabata informa Central di Polis di tur cos y hasta a pidi refuerzo. Mr. Carlo a remarca cu no ta berdad cu e Polisnan a haya orden pa stop e persecusion. El a bisa cu tin 7 agente di Polis cu a bisa cu Central a bisa pa para e persecusion si tin trafico den peliger. Na opinion di mr. Carlo, door di no a sigui indicacion di Polis pa para, e victima a escala e situacion.
E abogado a cuestiona raport di Landsrecherche cu no ta duna e ora exacto cu e promer y di dos tiro a cay. E abogado ta haya cu e luz di e patruya tabata duna indicacion cu lo a tira cual no ta asina. E ta haya cu e raport cu Fiscal a presenta di Landsrecherche, ta cuestiona mas e momento real di tiramento.
POLISNAN A TIRA PA SCAPA DI E AUTO
El a bisa cu loke nan por wak ta e tiramento di R.G.D. E abogado a bisa cu e momento cu e Toyota a bay riba M.V., e situacion a cambia di para pa detencion, den defensa contra e auto.
Segun abogado, M.V. no a sali for di patruya cu pistol den man y dirigi arma riba e auto. Ta ora M.V. a mira e Toyota ta bin riba dje, el a saca pistol y tira. E momento ey R.G.D. a saca arma pa asisti M.V. Ora R.G.D. a tende un tiro, el a los tironan riba e auto pa scapa M.V. Nan intension tabata pa para e Toyota y no tirma mata Ayden. Segun abogado mr. Carlo, no tabatin otro forma pa para e persecusion aki. Door cu a manda auto riba Polis, esaki ta wordo considera un arma mortal. E abogado ta haya cu e Polisnan a actua pa scapa M.V. di e auto cu tabata bay riba dje. El a mustra riba un sentencia di un caso na Den Haag caminda Corte a haya cu Polis por a usa arma pa para auto. Segun mr. Carlo, M.V. no tabatin ningun oportunidad pa hala of bay bek den patruya. Den fraccion di seconde e auto tabata su dilanti. E abogado a mustra riba sentencia di Corte di Den Haag cu ta mustra cu Polis no mester huy di un menaza sino enfrenta e menaza. E abogado ta haya cu M.V. no tabatin otro manera cu tira riba e auto. R.G.D. a actua pa scapa M.V.
NO POR CASTIGA E POLISNAN
E abogado ta haya cu e Polisnan tabata autoriza pa a actua asina. E ta haya cu mester keda sin persigui e agentenan. Pa loke ta e demanda di daño, e abogado ta haya cu mester declara esaki no admisibel. Esaki, door cu no a argumenta nan suficiente. E ta mucho complica pa trata den un caso penal.
Hues a bisa cu dia 16 Maart 2026, e lo bay sera tratamento di e caso y e dia ey e lo bisa ki dia lo por spera sentencia. E Hues a bisa cu lo bay tin sentencia 2 April 2026.
Un biaha mas e maqUinaria berde kier promove historia falso: e Unico lUcha di eman tabata pa stroba betico
Un biaha mas nos ta presencia con e maquinaria berde ta intenta di 'brainwash' mente di pueblo, manipulando e historia real di Aruba. Cu hopi propaganda, palabranan grandi y storianan grandioso, nan ta haci un esfuerso constante pa crea un imagen pa Henny Eman.
Tur cos ta draai riba su vision, su lucha y loke el a logra. Pero ora un hende tin memoria, ora un hende ta lesa historia sin color politico, e pregunta ta bira simpel: unda exactamente e lucha ey ta? Unda e resultadonan concreto pa pueblo Arubano ta? Kico Henny a lucha pe ?
Esaki ta tipico di e mentalidad berde: denialismo. Un incapacidad pa acepta realidad y un falta di aceptacion pa e berdad. Un postura di "mal perdedor". Pasobra, maske
e ta duro, mester bisa: nunca nan por a acepta, ni kier a acepta, cu e unico homber cu a logra algo concreto pa Aruba tabata Betico Croes hunto cu su equipo di MEP.
E deseo y e carta formalisa na 1948, un grito di pueblo pa dignidad y autonomia, a wordo traiciona na 1949. E traicion aki a keda marca ora Henny Eman Sr. a bay di acuerdo pa forma gobierno cu Da Costa Gomez, caminda su yiu Shon A. a acepta un posicion di minister… pero sin funcion, sin trabou y sin poder real.
E tempo ey, nan a firma pa "bende" Aruba. Un acuerdo unda Corsou a haya 12 asiento, mientras Aruba a keda cu apenas 8; un bofetada den cara di e pueblo cu tabata lucha pa igualdad. Arubianonan a bay Curacao y a tira Henny cu webo putri.
Y despues? Sea ta Henny Sr., Shon A., Henny Jr. of Mike Eman: ningun di nan a lucha pa libera Aruba. Si nos ta honesto, nan a lucha, y ta sigi lucha, pa stroba, pa busca poder y pa proteha interes propio.
E celebracion di nos Dia di Himno y Bandera no ta un regalo di e maquinaria berde. Esaki ta e legado di Betico Croes. Un legado cu el a institui, cu el a defende y cu el a laga atras pa nos, e pueblo Arubano.
Historia no por wordo cambia cu propaganda. Memoria no por wordo elimina cu slogan. Aruba sa ken a lucha di berdad. Aruba sa ken a paga e prijs. Aruba no mester di 'brainwash', Aruba mester di e berdad.
Noticia di Corte abogado di mayornan di ayden
Lanoy kier pa Hues castiga e dos poLisnan y
no carga
nan den
HandscHoen manera FiscaL
a
Haci
ORANJESTAD – Ayera mainta den sala di Corte, abogado di e mayornan di e victima Ayden Lanoy, mr. Hatzmann, a critica fuerte Fiscal di Ministerio Publico cu a exigi 12 luna di prison condicional pa e dos Polisnan.
SOLO DI PUEBLO por a compronde cu e abogado a pidi Hues pa condena e dos Polisnan pa a mata Ayden Lanoy den un forma cruel y no carga nan den handschoen manera Fiscal a haci.
Dialuna di mainta te den oranan di merdia, den sala di Corte di Husticia a trata e lamentable caso di e dos Polisnan M.V. y R.G.D. cu a tira mata Ayden Lanoy.
POLISNAN A TIRA AYDEN PA E NO SCAPA
Abogado mr. Hatzman a bisa Hues cu e exigencia di Fiscal ta un diferencia grandi compara cu loke e famia di e victima tabata spera.
E abogado a sigui bisa cu Fiscal ta cuestiona e forma di actua di e dos Polisnan mientras cu famia ta haya cu ta intencionalmente e Polisnan
a actua asina. Na opinion di mr. Hatzmann, e Polisnan a actua manera cowboy door di a tira pa Ayden no scapa.
FAMA A SPANTA DI EXIGENCIA DI FISCAL
E abogado a sigui bisa cu e famia a keda spanta di e exigencia di Fiscal. E famia a spera un castigo abao, pero no asina!
Mr. Hatzmann a remarca e caso aki no ta na Hulanda sino na Aruba. El a cuestiona cu na Hulanda ta duna castigonan abao na Polis. E abogado a bisa cu na Aruba e pensamento ta completamente diferente compara cu Hulanda.
MESTER CONDENA BRUTALIDAD DI POLIS
E abogado a accentua cu aki ta trata di brutalidad di Polis. Mr. Hatzman a bisa cu den bista di e mayornan, e persecusion tabata sin base y exagera. E Polisnan nan Ego tabata domina. E Polisnan a sali for di e patruya cu pistool cla pa tira. Nan no tabata kier pa e Toyota scapa. Nan no a tene cuenta cu lo por a herida hende. Apesar cu e Toyota a kita pa pasa
na banda di e patruya, M.V. y R.G.D. a tira 20 bala riba e auto. R.G.D. a keda tira te cu e no tabatin mas bala. E Toyota a keda core poco poco y bay dal contra un cura y Ayden a fayece.
Tin testigo a bisa cu el a mira e auto tabata bay patras y a scucha un tiro.
NO POR CARGA E POLISNAN DEN HANDSCHOEN
E abogado a mustra cu un agente T. a bisa cu Polis mester ta hopi cauteloso pa tira riba auto. Mr. Hatzmann a bisa Hues cu e exigencia di Fiscal a shock henter comunidad.
E abogado ta haya cu Hues no mester proteha e Polisnan sino haci husticia. E abogado a remarca cu si e Polisnan mester bay prison, nan ta bay prison y no carga nan den handschoen manera Fiscal ta haci. E abogado a mustra con Hues na Inglatera a condena un agente di Polis cu a maltrata un hende cu despues a muri na 8 aña di prison. E abogado ta spera cu Hues lo haci husticia.
Evelyn Wever-Croes: “Pleito entre AVP y Futuro tA lAgA ArubA sin bos nA HulAndA”
– Lider di Fraccion di MEP, Evelyn Wever-Croes, ta hopi preocupa pasobra Aruba no tin un Minister Plenipotenciario (GevMin) na Hulanda. Mientras AVP y Futuro ta bringa cu otro pa poder, nos pais ta keda sin un persona cu mester defende nos den cura di Reino.
Un obligacion, no un opcion
Evelyn ta splica cu Statuut, e ley di mas halto di nos pais, ta obliga Gobierno pa tin un Minister na Hulanda. No ta un cos cu nan por dicidi si nan kier of no; nan mester tin e. Te hasta e hefe di Raad van State di Hulanda mes a bin
Aruba y bisa Parlamento cu esaki ta hopi importante. “Gobierno ta manda diferente minister tur luna djis pa un reunion, pero esey no ta e trabou. Un GevMin mester t’ey tur dia pa lobby y vigila nos interesnan. Mandando un diferente persona cada bes, bo no ta cubri nada y bo ta laga Aruba debil,” Evelyn a duna di conoce.
Pleito den coalicion
E motibo pakico no tin un GevMin ta e falta di union den e Gobierno aki. Na december, AVP a presenta un mocion contra su mesun partner, Futuro, pa purba forsa nan pa nombra un hende. E pleito
aki tawata visibel den Parlamento: prome Futuro a vota contra, y despues bou di presion nan a vota na fabor.
“A pasa dos luna caba y nada no a cambia. Aki bo ta mira cu e ministernan ta mas ocupa cu nan pleitonan interno cu cu e bienestar di Aruba.
Nan no por bini hunto pa dicidi riba un nomber, y e unico cu ta paga e prijs ta pueblo,” e lider di MEP a enfatisa.
Consecuencia pa Aruba
Pa Evelyn Wever-Croes, e situacion aki ta serio.
“E friccion entre AVP
y Futuro ta perhudica nos tur. Mientras nan ta bringa, nos interesnan na Hulanda ta keda na peliger. Mi ta spera cu Gobierno stop di hunga politica den cura y cuminsa goberna cu responsabilidad, nombrando un GevMin pronto prome cu e daño pa Aruba bira mas grandi.”
Eduard Pieters (PPA): “Ta yega ora cu e reunionnan di Tripar TieT mes Ter Tin resulTado concreTo”
Durante e clausura di e prome reunion Tripartiet cu parlamentario Eduard Pieters di fraccion di PPA ta experencia a para firme riba un punto esencial: cooperacion den Reino Hulandes no por keda na dialogo diplomatico sin meta concreto. E reunionnan tripartiet ta costa placa, tempo y recurso. Pueblo di Aruba merece resultado midibel, no solamente agenda largo cu punto sin accion.
Geschillenregeling: Ainda den proceso, sin claridad Un di e topiconan central tabata e famoso geschillenregeling. Eduard Pieters a cuminsa na indica cu: “Segun loke a comparti cu nos, ta cu actualmente e concepto ta na Raad van Staten. Aworaki nos ta warda conseho pa sa kico ta e siguiente pasonan. Pero e pregunta politico cu PPA a haci ta legitimo: Con leu e proceso aki lo sigui den espera?”
Un regeling di disputa no ta un luho huridico; ta un instrumento fundamental pa protega posicion di e paisnan autonomo den Reino. Sin clarificacion rapido, nos ta laga un asunto constitucional crucial keda den limbo. Sin e instrumento aki nos lo keda cu poder unilateral di Hulanda riba e islanan sin por bay den disputa, manera aplicacion di articulo 36 di Statuto di Reino Hulandes.
Food Security: aplaudi, pero cu vigilancia
Gobierno di Aruba a presenta un bon exposicion riba Food Security y con nos por colabora cu otro isla. “Fraccion di PPA ta aplaudi e iniciativa. Aruba mester reduci dependencia externo y fortalece produccion local. Pero e reflexion critico ta necesario. Si Aruba actualmente ta produci aprox. 15% di su consumo di webo y e meta ta aprox. 93%, esaki ta implica dramaticamente mas produccion. Mas produccion ta nifica mas galiña. Mas galiña ta nifica mas afval. Mas afval ta nifica potencialmente mas contaminacion di suela y awa subterraneo. Desaroyo sin regulacion no ta progreso, sino un riesgo den futuro,” Eduard a enfatisa.
PPA ta insisti cu cada inversion den produccion alimenticio mester bay hunto cu: monitoreo ambiental serio, uzo corecto di tecnologia, midimento constante di contaminacion y plan di mitigacion. No por ta asina, cu solucion pa dependencia alimentario, mester bira problema ambiental despues.
Costo di biahe y conexion den Reino Pieters a comparti un punto: “Un di e topiconan cu a bin dilanti y cu tin basta tempo ta papiando di dje, ta e prijs di pasashi pa biaha entre e islanan den Reino, cu ta hopi caro. E discusion a bay riba con por baha e costo y haci movilidad mas accesibel. Triple AAA a propone un terminal separa pa Reino
Hulandes, cu por reduci tempo di espera na aeropuerto for di 3 ora pa por ehempel 45 minuut. Esey ta djis pa menciona un ehempel. E concepto ta interesante, pero mester evalua esaki hopi bon y cu cifra concreto tocante: Cuanto e inversion aki ta? Kico ta e impacto real riba prijs di ticket? Con e lo beneficia ciudadano comun?”
Vergrijzing: un crisis comun cu mester accion comun “Vergrijzing ta un topico comun den Reino: Aruba: 20% di poblacion ta 65+ y Corsou: 25% Esaki no ta estadistica inventa, pero un presion real riba cuido, pension y finansa publico. PPA ta boga pa un sistema coordina entre e paisnan, pa mitiga e efecto devastador cu esaki por tin riba adulto mayor”. Pero cooperacion mester traduci den plan concreto, no solamente comparacion di cifra.
Structura di Tripartiet: unda e meta ta?
Un punto fundamental cu PPA a trece dilanti ta falta di meta specifico den e topiconan cu ta
wordo trata. Actualmente tin agenda, pero no tin claridad riba:
● Kico exactamente nos kier logra?
● Con nos ta midi progreso?
● Con nos ta evalua despues di cada reunion si a logra e meta?
● Ki palabracion nos ta haci ora cu nos no logra e meta?
P’esey PPA ta sostene pa implementa un structura mas fuerte:
● Topico general cu meta strategico comun entre e islanan
● Subtopico specifico cu ta wordo stipula durante preparacion di cada Tripartiet
● Meta concreto y midibel
● Punto di accion
● Evaluacion posterior
Sin esaki, e reunionnan ta core riesgo di bira ritual diplomatico sin impacto real na bienestar di nos tur nos ciudadanonan riba e islanan du Curaçao, St. Maarten y Aruba. Ademas di haci Reino Hulandes mas fuerte. Un comision ta bin bek riba structura den un encuentro online na april y pa luna di juni mester tin un modelo mas coordina, funcional, efectivo y eficiente.
Hendrik Tevreden (MEP):
“Islanan ruman mester traha hunto cu un plan cla pa logra progreso”
Dialuna ultimo, Parlamento di Aruba tabata e cas di e reunion “Tripartiet”, caminda Aruba, Corsou y Sint Maarten a bini hunto pa papia riba e futuro di nos islanan. Durante e reunion
aki, Hendrik Tevreden di Fraccion di MEP a presenta un idea nobo pa haci e cooperacion aki mas profesional y cu mihor resultado pa nos pueblo.
Un union cu meta cla Tevreden a splica cu pa e islanan por progresa den Reino, nan no por djis bini hunto pa combersa, sino nan mester di un plan di trabou structural. Su proposicion, cu a wordo aproba pa tur e delegacionnan, ta pa parti e trabou den topiconan principal cu ta afecta bida di nos ciudadanonan tur dia.
“Nos kier pa e reunionnan aki sea mas efectivo. Pesey nos a propone pa traha riba puntonan fiho manera economia, finansas, e parti social y con nos ta para hunto den Reino,” Tevreden a duna di conoce.
Dicon esaki ta importante pa bo? Door di traha den un forma mas ordena, e islanan por yuda otro pa: • Fortifica nos economia: Busca formanan pa baha gasto y aumenta entrada pa e islanan.
• Desaroyo social: Comparti kico ta funciona pa yuda e famianan cu mas tin mester.
• Posicion mas fuerte den Reino: Ora Aruba, Corsou y Sint Maarten papia den un solo bos y den un forma organisa, nan bos ta resona mas fuerte na Hulanda.
Hendrik Tevreden a termina bisando cu e meta
final di e structura nobo aki ta pa e reunionnan aki traduci den resultadonan concreto cu pueblo por mira y sinti. “Hunto nos ta mas fuerte, y awor nos tin un plan pa demostra esey.”
om ta exIgI castIgo den caso caret
Corte den Prome Instancia a trata awe e caso penal yama Caret. E caso aki, cu a atrae hopi atencion di publico, ta regarda e tiroteo caminda A.C. Lanoy a perde su bida debi na un bala di polis.
Ministerio Publico a hiba dos agente policial, R.R.G.D. y M.V., dilanti Hues y a acusa nan di complicidad di homicidio. Segun e acusacion, ambos a tira varios biaha den direccion di e auto di Lanoy riba 9 di februari 2025 den oranan di madruga.
Claro cu polis tambe mester duna cuenta den Corte ora nan wordo sospecha di a comete hechonan penal serio. Durante e caso, e punto principal di discusion tabata si e dos agente por wordo teni penalmente responsabel pa e fayecimento di Lanoy.
Ministerio Publico ta sali for di e punto di bista cu, aunke nan no tabatin mal intencion, e agentenan policial, dor di tira varios biaha dirigi riba e auto di Lanoy, a concientemente tuma e riesgo cu e chofer hoben por wordo alcanza fatalmente pa bala.
Ta pesey cu Ministerio Publico ta persigui e dos agentenan policial pa complicidad di homicidio.
Ambos a declara cu nan mester a defende nan mes y cu nan tabata den un situacion menazante. Pero Ministerio Publico a conclui, a base di e grabacionnan di video, cu no tabatin ningun condicion di defensa propio. Ademas e cantidad grandi di tiro no tabata den ningun relacion rasonabel cu e situacion e anochi ey.
Ministerio Publico a conclui awe cu por papia di complicidad di homicidio, y a pidi castigo igual contra e dos sospechonan. Contra tanto R.R.G.D. como contra M.V., a exigi un castigo condicional di 12 luna, cu un periodo di prueba di dos aña, y 180 ora di trabou pa comunidad. Pa yega na e exigencia di castigo, diferente circumstancia a wordo tuma na cuenta. Pa cuminza, e sospechosonan a causa hopi tristesa na famia di Ayden Lanoy, kendenan mester sigui biba sin nan ser keri. E incidente tabatin un impacto grandi den comunidad di Aruba. E hecho cu polis a tira tanto biaha riba un auto y cu un persona a muri pa motibo di esaki, a crea un ola di indignacion. E violencia den un bario residencial a causa sentimentonan di inseguridad y intrankilidad cerca ciudadanonan.
Al mesun tempo, e hecho a hiba na un condena publico di e dos agentenan y nan famia. Nan a wordo poni riba portalnan di noticia y medionan social, a wordo lastra malamente, y a ricibi menasanan grave.
A tuma na cuenta tambe cu esaki no ta un caso penal tipico, den cual un persona cu un arma ilegal ta tira riba un otro. Ta trata aki di agentenan policial, di kendenan ta wordo spera cu nan ta drenta den situacionnan peligroso. Polis ta esun cu ta dal un paso pa dilanti unda un ciudadano ta dal un paso patras. Ta pesey mes cu polis tin permiso pa tuma decisionnan dificil y pa usa violencia. Pero e uso di forsa ta mara na reglanan stricto. Ora un agente policial, den e afan di e momento, tuma un desicion robez, e agente ey por y mester wordo persigui penalmente. Esaki a wordo considera tambe den e determinacion di castigo.
Hues lo cera e caso dia 16 di maart venidero y lo probablemente dicta sentencia riba 2 di april.
Trabaonan di saneamen T o di d ump di parkie T enbos lo inicia e aña aki
Recientemente, Minister di Husticia, Integracion, Transporte Publico y Energia, mr. drs. Arthur Dowers, a ricibi e resultado di estudionan tecnico haci door di Witteveen & Bos riba e situacion di dump di Parkietenbos. E investigacion ta confirma cu tin tres punto di prioridad cu ta rekeri atencion inmediato y structural.
E prome punto di preocupacion ta e inclinacion na parti zuid di dump cu ta pega na lama y cu ta demasiado halto. Como consecuencia di esaki, desperdicio ta bay den lama, creando un riesgo ambiental serio y un situacion cu no por sigui ignora. E situacion aki ta rekeri intervencion tecnico urgente pa preveni mas daño y pa proteha e ecosistema den e area.
E di dos punto ta e fenomeno di asina yama “smouldering waste”, caminda desperdicio, aunke no tin candela visibel, ta kima bao tera durante tempo largo. Actualmente tin 16 area identifica cu e situacion aki y ocasionalmente e sushi riba tera por pega candela, causando molester
y mehora e estetica di e area. Un area natural lo no solamente elimina e molester cu a afecta e bario durante hopi aña, pero tambe lo crea un espacio berde cu por contribui na bienestar general.
Responsabilidad ambiental y sostenibilidad ta central den tur decision di Gabinete AVPFuturo. Tin situacionnan dificil cu ta rekeri inversion, planificacion y determinacion, pero gobierno ta traha riba solucionnan structural cu ta beneficia nos comunidad y futuro generacionnan.
Ta tempo pa trata e problema di Parkietenbos cu seriedad, vision y accion concreto.
grandi na e habitantenan di e bario. E problema aki no solamente ta crea molester pa e habitantenan, sino ta representa un riesgo pa salubridad publico y siguridad.
E tercer punto di preocupacion ta e deposito di asbest riba e tereno. E material aki ta rekeri un maneho specialisa y costoso pa garantisa cu ta keda seya y controla sin forma riesgo pa medio ambiente ni pa salud publico. Mester di un plan serio y tecnico pa maneha e situacion di manera responsabel.
Pa Minister Dowers, ta inacceptabel pa ignora e situacion di Parkietenbos. Gobierno ta exigi accion structural y responsabel. Gobierno tin un responsabilidad cu nos comunidad y cu futuro generacionnan y lo tuma accion duradero pa e dump.
Den su vision pa e futuro di e area, Minister Dowers ta contempla un transformacion completo di e dump den un area cu mata nativo. E plan ta enfoca riba saneamento di e tereno, rehabilitacion ambiental
Urban Pocket Park na cr U sada a driaan Lac L é y L.G. s mith b o UL evard
Un paso concreto den reforestacion, berde urbano y revitalisacion di Oranjestad
Den marco di e crusada nacional pa revitalisacion y embeyesimento di nos isla, Gobierno a cuminsa cu trabou pa crea un Urban Pocket Park na crusada di Adriaan Laclé Boulevard y l.G. Smith Boulevard, un proyecto cu ta combina siguridad den trafico, reforestacion, berde urbano y bienestar comunitario.
Segun beleidsadviseur pa Ministerio di Ministerio di Naturalesa y Medio Ambiente, Francielle Laclé, e area na e skina di Adriaan Laclé Boulevard
tabata pa hopi tempo considera un punto di riesgo pa trafico. Enbes di trata e situacion aisladamente, Gobierno a scoge un enfoke integral cu ta crea multiple beneficio pa comunidad.
“Nos ta mehora e caminda pa haci esaki mas sigur, pero na mes momento nos ta crea un espacio berde unda pueblo y turista por sinta, descansa y disfruta,” Laclé a splica.
E Urban Pocket Park ta forma parti di e programa nacional di reforestacion y berde urbano, cu meta di planta mas mata nativo y naturalisa riba nos isla. E matanan lo crea sombra natural, algo cu lo bira
tin educacion ambiental den nan curriculum, lo participa den plantacion di mata. E evento lo tin caracter participativo, fomentando conciencia ambiental entre hobennan.
Durante su bishita oficial, Rey lo pasa tambe pa observa e plantacion, marcando e importancia simbolico di e proyecto den contexto di celebracion nacional.
Despues di e evento, trabou lo continua pa completa e park cu banki, borchi educacional y
cada bes mas importante den un Aruba cu ta enfrenta temperatura mas halto.
Segun Laclé, e proyecto tin diferente beneficio:
• Mehora seguridad den trafico
• Crea un espacio publico pa relahacion
• Contribui na salud mental y bienestar general
• Fortalece biodiversidad, incluyendo habitat pa parhanan y otro especie
• Apoya desaroyo urbano mas sostenible Dia 18 di maart lo tuma luga un evento special, unda diferente organisacion hubenil, incluyendo skolnan cu ya
otro elementonan cu lo transforma e espacio den un area funcional y atractivo pa comunidad. E iniciativa aki ta parte di un vision mas amplio pa revitalisa Oranjestad y eventualmente implementa proyecto similar den otro area, incluyendo San Nicolas. Cu e Urban Pocket Park, Gobierno ta mustra cu reforestacion y berde urbano no ta solamente planta mata, ta crea comunidad, siguridad y futuro sostenible pa Aruba.
Departamento D i ColeCC ion Digital hunto C u Departamento a rubiana-Caribiana D i b iblioteCa n aC
ional a ruba ta anunC ia logronan
importante D en C oleCC ion D igital
Biblioteca Nacional Aruba (BNA) ta orguyoso di anuncia un milestone significativo: recientemente a yega na e cantidad di mas cu 100.000 item digital den e coleccion digital di Biblioteca Nacional Aruba (coleccion.aw/bna).
Ademas, cu e logro aki, Coleccion Aruba a surpasa tambe e cantidad di 200.000 item, unda Biblioteca Nacional Aruba ta e contribuyente mas grandi, representando casi 55% di e total di e coleccion. E otro contribuyente grandi na Coleccion.aw ta Archivo Nacional Aruba, cu recientemente a yega na un cantidad di 85.000 item digital, y cu recientemente a añadi miles di potret digitalisa for di entre otro nan coleccionnan di BUVO y di Sr. Rinus de Graaff (coleccion.aw/ana).
“Cada documento ta un testigo cu ta bisa: mi a existi, mi a conta un historia tocante Aruba. Den esey mes ta e forsa di documentacion: e ta duna bos eterno na pueblo y ta sigura cu nos pasado semper tin un luga den presente y futuro.”
-Zetsia Ponson, Hefe Departamento ArubianaCaribiana
"Hende sin conocemento di nan historia, origen y cultura, ta manera mata sin raiz. Pa e motibo ey, documentacion ta crucial; e ta preserva storia, tradicion, y experiencianan cu ta forma e fundeshi di nos identitad cultural y memoria colectivo".
-Graciela Nedd-
Cheng, Bibliotecaria/ Documentalista
“E inclusion di e coleccion grandi di documentacion aki lo duna un “boost” grandi pa e acceso na tur nos fuentenan digital. E lo mehora e resultadonan di casi cada buskeda, y lo duna hopi mas contexto pa cada investigacion haci riba nos plataforma di Coleccion Aruba. Hunto cu nos partnernan BNA ta dedica pa conhuntamente duna acceso na nos patrimonio den forma digital, via www.coleccion. aw”. -Peter Scholing, hefe di Digitalisacion, Coleccionnan Digital y Investigacion, Biblioteca Nacional Aruba
“Digitalisando y comparti e compilacionnan aki ta conserva mas cu historia. Nos ta reconoce e diferente bosnan cu ta forma e identidad di Aruba. Entre topiconan mas prominente di e
ultimo decada na Aruba tin storianan tocante e comunidad LGBT y matrimonio di mesun sexo. Esaki ta un ehempel di temanan social cu ta refleha con nos isla a crece y cambia den transcurso di tempo”. -Ichmarah Kock - Coleccion Digital y Maneho di Informacion
E ultimo coleccion cu a wordo añadi ta e prome parti di e documentacion digitalisa di Departamento ArubianaCaribiana (coleccion.aw/ documentacion). E coleccion aki lo contene mas cu 30.000 item, disponibel pa investigacion riba mas di 900 topico di interes local. Entre e materialnan tin articulo di corant y revista, krantenknipsels (newspaper clippings), cu ta cubri topiconan actual como historico, relevante pa e desaroyo social, cultural y historico di
Aruba.
Pronto lo pone disponibel un lista di tema y topico di documentacion riba coleccion.aw, mescos cu un lista di titulo di corant y di revista, pa facilita e acceso y buskeda di informacion pa investigador, studiante y publico interesa.
Biblioteca Nacional Aruba ta sigui comprometi cu e preservacion, digitalisacion y acceso di herencia documental di Aruba, pa sigura cu e conocemento local ta keda disponibel pa e generacionnan presente y futuro.
AHATA: Nos TA pA r T icipA de N di A logo cu
T i N proceso r A so NA bel y produc T ivo
AHATA a nota cu Minister
President a publicamente bisa varios biaha cu AHATA of “hotelnan” no kier dialoga cu gobierno. Nos kier aclarea e cantidad di conversacion y comunicacion cu a tuma lugar entre e asociacion y e Ministerio di Asuntonan General desde cu gobierno nobo a sinta.
Aki ta un lista cronologico: Durante prome siman di juni 2025, tur gerente di hotel a sinta un pa un cu Minister President y AHATA pa scucha su deseonan.
Despues Minister
President a invita e gerentenan hunto pa un dialogo (sin mucho aviso) y avisando cu e topico principal lo tabata e deseo pa un pausa den desaroyo di camber di hotel.
AHATA, den 3 reunion tras di otro cu Minister President, a splika cu nos ta alinea riba e meta pero cu gerente di hotel no ta tuma decision riba desaroyo di camber. A duna conseho pa gobierno sinta cu e inverstionista cu a ricibi permiso legal di gobierno pa traha kamber.
Ademas AHATA a enfatisa cu mester inclui desaroyo di condominio den e esfuerso pa pone un pause na desaroyo.
Riba otro topiconan di dialogo, AHATA a
informa cu un dialogo real y sincero ta basa riba participacion di diferente partido di comunidad den e decision riba: topico, lista di participante, fecha di reunion, y temporada di preparacion. AHATA ta alinea cu Minister President riba e metanan pa un mihor Aruba, pero ta desea un proceso democratico pa dialogo y kier evita un proceso unilateral.
Na augustus 2025 AHATA a manda un propuesta pa e proceso di dialogo nacional, y a ricibi contesta cu e Ministerio ta di acuerdo cu e proceso recomenda.
Asina mes a bolbe ricibi invitacion pa un dialogo cu a organisa unilateralmente di parti di ministerio, y AHATA a bolbe manda un carta na october 2025 pa ripiti e
sugerencia pa un proceso productivo y democratico. Pa sigura cu ta demostra deseo pa dialoga productivamente, Hunta di AHATA a invita Minister President pa nan reunion di december 2025. Durante e reunion Minister President a confirma cu tabatin un acuerdo pa un proceso di planea hunto, y cu lo cuminsa e proceso ey. Mientrastanto, AHATA, y mas gremio, a participa den un proceso separa di dialogo riba un topico especifico (ley di pensioen general) na augustus 2025. Siman pasa e mesun grupo cu a participa den e dialogo a ricibi un invitacion di un dia pa otro pa un “Dialogo Social” cu 5 documento pa lesa y cu 5 topico riba agenda. Hunto cu varios otro gremio, nos a laga sa cu nos ta pidi tempo pa lesa e documentonan prome cu mester drenta un reunion. Ademas, nos conhuntamente a pidi pa participa den determina topiconan riba agenda si ta desea di organisa un “dialogo social”.
AHATA semper a keda consistente den su posicion di ta dispuesto y honra pa dialoga y nos ta convenci cu nos peticion pa un proceso democratico
y productivo ta rasonabel. Pa tin dialogo exitoso, mester tin un ambiente di confiansa y respet mutuo. Riba topico separa di Palapa, nos tin hopi tempo ta pidi pa reunion y ta puntra kiko ta pasando cu e proceso pa yega na un Beach Policy nobo. Contesta nos ta haya di hopi tempo ta cu sector publico ta trahando riba dje, y despues nan lo sinta cu stakeholders. Nos ta respeta e proceso y ta respeta cu beach ta publico.
AHATA a pidi un reunion cu e minister encarga como introduccion y pa conversa riba varios tema, incluyendo e pleitamento pa palapa cu ta tumando lugar entre bishitante. E intencion ta pa yuda cu solucion cu ta mantene e derecho di tur local riba beach publico y alabes ta evita pleitamento entre bishitantenan di cruiseship, vacation rental, y guest di hotel pa sombra. Nos meta comun mester ta pa evita cu hende mester pleita pa tin
proteccion di solo fuerte.
Cu tur e experiencianan aki, nos no ta compronde e acusacion di ta evita dialogo. Simplemente ta pidi pa papia cu representante corecto y pa tin un proceso corecto. Ta hopi lamentabel ora politico y gobernante ta skohe di antagonisa comunidad contra e sector hotelero en bes di busca solucion pa yega na un turismo controla y paz riba nos isla.
Nos mester agrega cu desde comienso di e gobierno actual, nos a forma parti di varios reunion productivo cu diferente Ministerio, y nos ta aprecia e oportunidad cu cada Minister a ofrece pa conversa y yega na comprencion mutuo pa sigura bienestar general di nos pais. Nos ta keda dispuesto pa participa den reunion y dialogo cu ta basa riba un proceso rasonabel y respetuoso, sin antagonismo.
Encu E ntro virtual cu Staat SSE cr E tari S Eric van d E r Burg
Awe a tuma luga un video call, caminda tabatin introduccion ‘kennismaking’ entre
Staatssecretaris Eric van der Burg (VVD) y e tres Minister-Presidentnan di Aruba, Corsou y Sint Maarten.
Staatssecretaris Eric van der Burg ta un politico Hulandes cu a ocupa diferente posicion den gobierno
nacional y municipal. El a sirbi anteriormente como
Staatssecretaris den Reino Hulandes.
For di 2022 te 2024 el a ocupa e posicion di
Staatssecretaris di Husticia y Seguridad, responsabel pa Asilo y Migracion. Durante e encuentro virtual, e lidernan a intercambia punto di bista riba colaboracion den
marco di Reino, reto comun y oportunidad pa fortalece cooperacion entre e paisnan. E tono di e reunion tabata
constructivo y enfoca riba dialogo continuo y respet mutuo entre e partnernan di Reino. Intencion ta pa
pronto tin un encuentro personalmente y asina continua riba trabounan en conhunto.
Pu EB lo m E r E c E un S i S t E ma di hu S ticia cla,
con S i S t E nt E y hu S to
ORANJESTAD (23 di februari 2026) – Un biaha mas Ministerio Publico ta den boca di pueblo. Awe mainta, den e caso di morto di e hoben Ayden Lanoy cu keto bay ta move hopi emocion den comunidad, fiscal a pidi un castigo di 12 luna di prison condicional y 180 ora di trabou comunitario pa e dos agente policial envolvi. Aunke awe e no por tabata presente na Corte pa motibo di reunion
Tripartiet tumando luga, Parlamentario di AVP, Stephany Sevinger ta sigui tur desaroyo rond di e caso for di e prome dia. E ta indica cu “como representante di pueblo, mi responsabilidad ta pa vigila cu husticia ta maneha cu transparencia y di manera husto.”
Segun Sevinger, e caso di Ayden Lanoy ta uno den
cual un famia a sufri e perdida di nan ser keri na un manera asina inhusto, cu ta dificil pa papia di un castigo cu por ta suficiente. “Ningun condena lo por cambia e dolor ni compensa e perdida. Pero loke si pueblo ta spera, ta un proceso y un resultado cu ta refleha gravedad di loke a sosode.”
E parlamentario a mustra preocupacion riba loke e ta yama un discrepancia grandi den e manera cu algun caso ta wordo trata den nos sistema di husticia. “Mi no sa cu ki linial dobla Ministerio Publico ta midi cu ne, pero ta cla cu pueblo
ta sinti cu no semper tin consistencia den e decisionnan cu ta wordo tuma.”
Sevinger a agrega cu cada caso tin su propio circunstancia, pero cu sistema di husticia mester ta percibi como independiente, consistente y husto. “Pueblo ta cansando di mira cu castigonan ta wordo percibi diferente manera dependiendo di ken ta esun cu ta para dilanti di hues. Confianza den nos sistema hudicial ta fundamental.”
E parlamentario a conclui reafirmando cu e lo continua sigui e caso di
cerca y otro desaroyonan relaciona cu nos sistema di husticia, cu meta pa
garantisa transparencia, responsabilidad y un trato husto pa tur ciudadano.
Un dia fructifero y cu e luz di Cristo por briya
den cada un di nos
" ... Pasobra tur hende cu halsa nan mes, lo keda humilia, ma esun cu humilia su mes, lo keda halsa". Lucas 18,14
Awe nos ta lesa e importancia di humildad y reconoce nos faltanan. Nos por ta manera e fariseo husgando otro y halsando su mes of manera e cobrado di belasting ta reconoce su falta y su necesidad di compasion. Cu humildad nos ta sirbi otro sin busca recompensa; scucha mas y papia menos, na balora e otronan pa loke nan ta y no pa loke nan tin of ta aparenta di ta. Reflexionando continuamente ta yuda evita na cay den orguyo y na mantene nos mirada fiho den e mision cu Señor a confia nos. Biba cu berdadero humildad ta nifica rechasa e mascaradanan cu hopi biaha nos ta pone pa impresiona of pa competi cu otro. No biba un bida superficial of di falsedad, sea un luz pa mundo unda e luz di Cristo ta briya den bo. Loke ta importa no ta con otronan ta mira nos, sino con Dios ta mira nos. Ser bo mes y cu humildad ta acerca nos na e berdadero esencia di nos fe y esey ta haci nos un instrumento den e man di Dios.
Oracion : Señor Hesus, haci mi curason pareu na bo curason. Manso y humilde y obedecido na bo Santa boluntad.
Amen.
FORTALEZA PA FAMIA
Scirbi pa Pastor Marcel Balootje.
LAGA BO CURASON TA UN CAS PA CRISTO HESUS
Laga Cristo drenta den bo bida, dun’E un chens pa goberna bo curason, pasobra E so tin poder, y ora Cristo ta goberna nos curason, nos ta sigur di salbacion y bida eterna.
Locual ta goberna bo curason ta goberna bo bida, pasobra tur locual ta sali for di nos boca, ta cuminsa den nos curason, y for di curason di hende ta sali cosnan bon y cosnan malo, ta pesey ta bon pa tur hende realisa cu nos curason mester wordo goberna pa Cristo Hesus , pa asina nos por tin bon pensamento y bon actitud.
No ta pornada Dios a duna Su Yiu unigenito pa ken cu kere den dj”E no bay perdi ma tin bida eterna, pasobra tur hende tin mester di salbacion pasobra tur hende a peca. Pesey Cristo Hesus a muri na crus pa nos picanan y asina tambe E ta nos Salbador.
Un bida sin Cristo ta un bida bashi, un curason bashi cu e enemigo sa di dje, e ta corre tras di hende cu hopi oferta, manera placa, orguyo, inmoralidad,droga, acohol,pornografia, adulterio, pasobra e diabel sa ken su curason ta bashi y ta buscando algo pa yena nan curason, pero no ta busca esun cu ta corecto, pasobra e unico cu por yena hende su curason cu cosnan bon ta nos Senjor Cristo Hesus.
No tin otro caminda pa salbacion y bida eterna,
Cristo Hesus ta e caminda , e berdad y e bida, ningun hende por yega serca e Tata sino ta pa medio di Cristo Hesus.
Mira ki un amor grandi cu e Tata a duna nos,cu nos por wordo yama yuinan di Dios. Y esey nos ta.
Nos bida ta wordo cambia ora nos tin e encuentro grandi cu Cristo, pasobra antes nos tabata cana den scuridad, den sushedad, den malicia, y arogancia, pero ora Cristo Hesus a drenta nos bida , E a cambia nos lamento den baile, y nos tristesa den alegria.
No tin otro caminda, no ta existi otro Salbador, ni tampoco otro Redentor, ta Cristo Hesus ta e unico berdadero, esun pa cual tur rudia mester dobla y tur lenga confesa cu Hesus Cristo Ta Senjor.
Y e testimonio ta esaki,cu Dios a duna nos bida eterno,y e bida ta den Su Yiu. Esun cu tin e Yiu tin e bida,esun cu no tin e Yiu di Dios no tin e bida. E cosnan aki mi ta scirbi boso cu ta kere den e nomber di e Yiu di Dios pa boso sa cu boso tin bida eterno (1 Juan 5:11-13).
No laga nos lubida esaki y bisa nos yuinan y boso amigonan, y colega di trabao pasobra ta para scirbi: Esun cu ta kere den e Yiu,tin bida eterno, ma esun cu no obedece E yiu, lo no mira bida, ma e furia di Dios ta keda riba dje.
Pero tambe ta para scirbi: Cu si bo confesa cu bo boca Cristo como Senjor, y kere den bo curason cu Dios a lante for di mortonan, lo bo ta salba, pasobra cu curason hende ta kere pa husticia, y cu boca e contesta pa hanja salbacion.
Salbacion ta pa tur hende, pasobra Dios a stima mundo henter, Dios no a exclui ningun hende, tur hende ta inclui, tur hende ta creacion di Dios, pesey e plan di salbacion ta pa nos tur.
No ta importa kico bo por hanja bo mes aden, pa Dios no tin nada imposibel, e ta pordona y e ta libera, y su misericordia ta pa semper.
Entrega bo bida awe mes na Cristo Hesus.
Sinceramente, Pastor Marcel Balootje.
