PAG. 1
DIARAZON 31 DECEMBER 2025
Afl.
1.25
DIARAZON 31 DECEMBER 2025
TRASPASO OFICIAL DI EDIFICIO HISTORICO “JOHN G. EMAN” Un paso importante pa preservacion di patrimonio di Aruba
PROCEDURA DIGITAL NOBO PA PETICIONNAN DI LOB ENTRANTE 1 DI JANUARI 2026
E CONTEO OFICIAL DI FIN DI ANJA TA CUMPLI 35 ANJA CU E TA WORDO CONTA OFICIALMENTE PA MARCOS BISLIP
E BRUHA BRUHA A GANA E KADUSHI DI ORO DI KRIOYO FILM FESTIVAL NA CORSOU
Pag. 2
DIaRAZON 31 december 2025
Un colega cariñoso cu’n enorme dedicacion na su trabou
Erwina Sophia ta HOH su ultimo empleado di luna pa 2025
Horacio Oduber Hospital (HOH) durante henter aña ta saca tur luna un empleado cu a resalta y e biaha aki e ultimo empleado di luna pa aña 2025 ta Erwina Sophia di departamento di voeding. Den un sala di reunion coleganan a bini hunto p’asina sorprende Erwina cu e bunita reconocimento aki. Un dia cu sigur nunca e lo lubida ora di a mira su mama para eynan hunto cu su coleganan ta grita ‘surprise’ y unda cu palabranan di elogio pa su trabou no falta di parti di Hunta di Directiva y management. Erwina Sophia ta labora na Hospital pa siete aña caba den su funcion como voedingsassistent. E conoce su team bon y ta dispuesto pa yuda unda cu e por pa asina trabou no keda para. E ta un persona hopi dinamico y social unda cu su colegialidad
nunca falta, briyando semper cu su positivismo den e team. E ta trata tur hende cu respet y ta traha na un manera profesional. E ta mustra atencion sincero y tin comprension pe necesidadnan di e pashent, purbando di complace nan unda cu e por claro teniendo na cuenta nan dieet. Erwina ta un persona trankilo y confiabel cu ta haci cu tanto pashent como colega por semper conta riba dje. Ademas, Erwina ta dedica na su trabou y ta duna feedback constructivo si algo por bay miho of mas eficiente y ta percura asina pa un ambiente di trabou sigur y profesional pe team por crece hunto. Algo sigur cu mester menciona ta Erwina su talento pa su trabou. Coleganan a ripara su gran talento durante su participacion den e proyecto interno di
Hospital pa cu e sistema electronico nobo di pashent. Ela duna tremendo contribucion pa mehora procesonan di trabou y a demostra di ta un balor grandi den esaki. E ta un “fast learner” y a siña hopi rapido e sistema nobo aki. Danki na su capacidad di siña y compronde ela wordo selecciona pa traha den e proyecto aki unda cu e ta aplica su conocemento como voedingsassistent di un manera excelente. Erwina ta un colega ehemplar y inspirativo cu ta sigui e balornan stipula pa HOH. Su empuhe, experiencia y actitud servicial ta haci’e un candidato ideal cu merecidamente a sali empleado di luna. Masha pabien Erwina di parti di Hunta di Directiva, management y team completo di HOH!
Pag. 3
DIARAZON 31 december 2025
E Bruha Bruha a gana E Kadushi di Oro di Krioyo Film Festival na Corsou
E Bruha, Bruhá a gana e premio prestigioso “Kadushi di Oro” 25 di Krioyo Film Festival na Corsou. E anuncio tabata efectua pa Prome Minister di Corsou, su Excelencia Gilmar Pisas. E impacto di e pelicula Arubano aki di productor Desiree Croes, durante di Krioyo Film Festival 2025 na Corsou, tabata grandi y e hurado a eligie e miho pelicula di e festival. Banda di e pelicula di
aña, E BRUHA BRUHÁ a logra tambe e premionan di miho actris di reparto y tambe miho director. E miho actris di reparto tabata Yvonne Tromp pa su rol di e wela “Dudu” den EBB. Desiree Croes a bira e miho director di pelicula largo. Na nomber di e produccion completo di Berea Production, inclui tur actor y productor, Desiree Croes, orguyoso director ganado, ta gradici pueblo di Aruba y di Corsou, sin lubida gruponan na Hulanda cu a honra nos cu e bishita na nos pelicula. Danki Prensa di Aruba inclui Tele Aruba. Mas cu 2000 Arubano
a bishita EBB e aña aki. Tambe danki y pabien na Semi Chahmi y su crew pa e excelente trabou efectua. E Bruha, Bruhá ta e di 12 pelicula produci pa Desiree Croes y ta di dos biaha cu e premio Kadushi di Oro ta bin Aruba. E otro tabata aña pasa pa e pelicula E Berguensa. EBB ta un storia largo saca for di e buki di Desiree Croes titula “No Mas” y ta trata di e lucha di tres dama, mama, yiu y wela, contra e malbado director di Parke Nacional cu kier kita nan cas di cunucu for di nan y asina combertie den Airbnb.
E Conteo Oficial di Fin di Anja ta cumpli 35 Anja cu e ta wordo conta oficialmente pa Marcos Bislip E Conteo Oficial di Fin di Anja ta cumpli 35 Anja cu e ta wordo conta oficialmente pa Marcos Bislip astronomo y locator e Anja aki 2025. E conteo a inicia Dia 16 di December 2025 aki na Aruba pa 6’or di atardi na 365 ora cu ta igual na e 365 Dianan di Anja di 2025 y ta termina 12’or di mei anochi di 1 di Januari 2026.Dia 27 di December 2025 pa 7’or di anochi nos a drenta e ultimo 100 oranan di Anja 2025 ambos
parti di e conteo awordo transmit na radio via TOP FM 95.1 Mientras cu Dia 31 di December pa 6’or di mainta lo conta e prome paisnan cu ta drenta Anja cu ta e isla di Kiritimati sigi pa 6:15 am Chatham Island.I anochi lo conta e ultimo 59 secondenan di Anja 2025 pa Marcos Bislip tur Anja.Un total di 38 zona di tempo lo wordo conta tambe Dia 31 di December 2025. Tambe ora nos termina Anja 2025 nos drenta 2026 nos ta sera e prome cuartal di
siglo 21. E Conteo Oficial di Fin di Anja ta cumpli 35 Anja y 35 Anja cu Marcos Bislip ta haci e conteo. Saludos Cordial, Marcos Bislip Director di Conteo Oficial di Fin di Anja
DIARAZON 31 december 2025
Fin di aña ta dushi… pero cuida bo mes tambe!
E fiestanan ta serca y tur caminda bo ta wak e imagen ta wordo pinta cu hopi gezelligheid manera bunita luz, dushi cuminda y momentonan perfecto. Pero hopi hende ta experencia e otro banda tambe: mas presion, mas compromisonan, mas di cosnan cu “mester”. Prome cu bo por bisa tur hende “bon pasco” ya e temporada aki ta sinti mas mane un marathon y menos mane un temporada di sosiego y reflexion.
Pag. 4
DIARAZON 31 december 2025
Pag. 5
Pag. 6
DIARAZON 31 december 2025
Procedura digital nobo pa peticionnan di LOB entrante 1 di januari 2026
ORANJESTAD - Entrante 1 di januari 2026, e procedura pa pidi informacion gubernamental ta cambia. Mester entrega e peticionnan pa informacion gubernamental basa riba e Ordenansa Nacional di Transparencia Administrativo (Landsverordening Openbaarheid van Bestuur, LOB) den forma digital for di e fecha aki.
Esaki mester tuma luga via e formulario electronico riba e website www.bid.aw. Cu e forma nobo di traha aki, gobierno kier garantisa un maneho transparente, uniforme y eficiente di e peticionnan pa informacion gubernamental.
Gobierno ta hay’e importante pa e procedura digital keda accesibel pa tur hende. E personanan cu tin mester di asistencia pa yena e formulario, of cu no tin acceso na internet ni un computer, por acudi na e loket digital di Bureau Interne Diensten (BID) pa asistencia. E trahadonan lo ofrece e ayudo necesario pa e proceso cana debidamente.
Directie Infrastructuur en Planning ta anuncia cambionan pa peticion di kavel den Aña 2026 Oranjestad, 30 december 2025 – Directie Infrastructuur en Planning (DIP) conhunto cu Ministerio di Infrastructura ta informa cambionan pa loke ta precario vergunning di kavel. DIP lo publica e maneho di kavel actualisa na www.dip.aw . E maneho ta consisti di informacion detaya di proceso procedura pa bin na remarke pa haya un precario vergunning pa kavel. Considerando e comentario di comunidad den ultimo 2 aña a haci cambio den maneho di Carnaval pa kavel. Desde e aña 2026 lo menciona nomber y fam di ganador di kavel, otro informacion di ganador no lo wordo publica pa proteha e privacidad di e ganador. Tambe nos kier a informa cu a agrega mas kavel pa publico. Vondellaan tin un totaal di 83 kavel, L.G.Smith Boulevard tin 139 kavel , E parti di Linear Park tambe nos a hacie kavel pa publico y nos tin 23 kavel. Mester tene na cuenta cu esaki si lo tin un midi mas chikito. Ta importante pa menciona cu
e secuencia pa haya kavel ta bay keda mescos. Pa esnan cu ta desea di mira lista di ganador, por pasa libremente na oficina di DIP. E lista lo ta disponibel despues cu nos ricibi’e for di notaris. Con pa aplica: ● Formulario ta disponibel online na [www.dip.aw] pa download. ● Zegel/stampia ta disponibel na Post kantoor na balor di 4 florin. ● Yena e peticion completo y corecto, pega un zegel/stampia na dje. ● Deposita esaki den e buzon corespondiente na loket di DIP na Sabana Blanco 68. ● Desde 5 di januari 2026 por cumina deposita e formulario te cu diahuebs 8 di janauri 2026. ● Diabierna 9 di janauri 2026 lo saca e ganadornan di kavels pa 2026.
Punto di atencion: ● Peticionnan cu ser entrega sin stampia of wordo yena incompleto ta wordo considera invalido.
● Por cuminsa pone trailers 1 siman prome cu Carnaval, y mester kita trailers dentro di 1 siman despues di Carnaval. ● Na ganador di un kavel y vent kavel nos ta pidi pa cumpli cu regla cu nos ta pone
den vergunning● Na ganador di un kavel y vent kavel por fabor manda un Identificacion valido y un prueba di persoonsnummer di belastingkantoor na carnaval@ dip.aw y menciona e nummer di kavel ganador den e email.
Pag. 7
DIARAZON 31 december 2025
Comite Olimpico Arubano ta gradici tur esnan cu a forma parti di e aña fructifero aki den un manera of otro
Prome cu nos termina aña 2025, nos ta wak bek na tur cos cu a pasa, di un participacion exitoso na ASU2025, di un curso pa nos federacionnan miembro di “Capacity Building Training”, di e prome foro di atleta den historia cu e “Aruba Athletes’ Commission” y claro e celebracion di dia Olimpico di tur aña cu e “Olympic Day Run & Celebration”. Un aña cu hopi logro, momentonan inolvidabel y trabou desplega na bienester di
deporte riba nos isla.
Olimpismo! #TEAMARU
Comite Olimpico Arubano ta gradici tur esnan cu a forma parti di e aña fructifero aki den un manera of otro, y ta desea tur hende un bon aña 2026. Cu proximo aña ta boso logra tur boso metanan deportivo of personal a traves di trabou duro, disciplina y excelencia. COA tin un aña hopi activo den 2026, asina ta cu sigui nos di cerca y biba hunto cu nos e mundo di
Finalmente, ta desea di gradici boso tur pa boso cooperacion e aña aki, cu sigur ta un gran balor agrega pa nos organisacion y nos comunidad deportivo. Nos ta spera di por conta cu boso otro aña, unda sigur lo tin un gran cantidad di evento y momentonan grandi cu lo pasa y nos lo kier comparti cu pueblo. Ta desea boso un feliz 2026 y un aña mas di tremendo colabarion cu nos. Danki!!
Pag. 8
DIaRAZON 31 december 2025
Den menos cu un aña di gobernacion: accionnan concreto pa bienestar social y salud Durante su prome nuebe lunanan den gobernacion, Minister di Salubridad, Asunto Social, Cuido di Adulto Mayor y Maneho di Adiccion, sra. drs. Melvin G. Wyatt-Ras a logra realisa un serie di accionnan concreto cu ta contribui directamente na bienestar social, acceso na cuido di salud y fortalecemento di e sistema di apoyo social na Aruba. Desde cu Gabinete AVP-Futuro a drenta den funcion na maart 2025 te cu e dia di awe, e ministerio a enfoca riba mehoracion di apoyo financiero y proteccion social, acceso na remedinan esencial, cuido preventivo y reformanan legislativo cu lo tin impacto duradero riba nos poblacion. Fortalecemento di apoyo financiero y proteccion social Desde 1 mei 2025: • A aplica un aumento di AWG 250 mensual na reparatietoeslag pa tur pensionado di AOV y pa tur beneficiario di pensioen di viudo of huerfano. • Gobierno a confirma cu un segundo aumento di AWG 250 mensual lo bay na vigor desde 1 januari 2026, fortaleciendo poder di cumpra di nos adultonan mayor. Ademas: • A aumenta ayudo financiero pa famianan di menos recurso pa cumpra material di scol pa AWG 250 anual. • A aumenta contribucion pa mayornan di yiu di famianan di menos recurso pa AWG 250 anual. • A aumenta ayudo financiero pa scol na AWG 300 mensual. • A aumenta e suma normativo di bijstand di AWG 450 pa AWG 600, ampliando proteccion pa e famianan vulnerabel. Acceso reestableci y mehoracion di cuido di salud Desde 1 mei 2025: • Un gran parti di e
remedinan cu anteriormente a ser kita for di e lista positivo a wordo poni bek, garantisando disponibilidad continuo na remedinan esencial pa e pashentnan. Den e area di salud y prevencion: • Conseho di Minister a aproba e plan nacional pa combati obesidad cu a wordo lansa oficialmente. • A inicia implementacion integral pa cuido di diabetes, pa cual Aruba a haya subsidio di Hulanda. • A logra implementa e protocol di referencia entre cuido di prome y segundo liña, fortaleciendo cooperacion entre e dokternan y e specialistanan, mehorando e calidad di cuido. Salud mental, adiccion y cuido specialisa • A fortifica lasonan existente y a crea vinculo nobo cu diferente instancia den exterior, pa garantisa cu e personanan cu adiccion of problema psikiatrico por ricibi cuido adecua ora cu ta necesario. • A revisa y finalisa e protocol di referencia pa cuido di salud mental. • A duna informacion na e mayornan di muchanan cu limitacion tocante introduccion di ley pa ayudo financiero pa e famianan cu yiu cu necesidad di cuido intensivo. Reformanan legislativo y preparacion pa futuro • A inicia actualisacion di e ley di bijstand. • A cuminsa cu cambio di legislacion pa preparacion pa pandemia, fortaleciendo e capacidad nacional. • Conseho di Minister a aproba e Proyecto di ley pa muchanan cu limitacion. E Proyecto di ley a wordo inicia formalmente y entrega na DWJZ, cu e expectativa cu Parlamento lo
trata esaki den e prome parti di aña venidero. Responsabilidad y continuacion di trabou E logronan alcansa durante e prome nuebe lunanan den gobernacion ta refleha un enfoke claro riba implementacion di accionnan concreto, cuido sostenibel y
refuerso di proteccion social. Minister Wyatt-Ras y Ministerio di Salubridad, Asunto Social, Cuido di Adulto Mayor y Maneho di Adiccion ta comprometi pa sigui traha cu determinacion pa un Aruba mas saludabel, mas fuerte y mas husto pa tur ciudadano.
Pag. 9
DIARAZON 31 december 2025
Traspaso oficial di edificio historico “John G. Eman”
Un paso importante pa preservacion di patrimonio di Aruba
prominente na nos isla. Durante momentonan dificil, for di un caya di santo y lanterna como ilumincacion, a duna inicio di un desaroyo di un pais den buskeda di ofrece su comunidad un miho oportunidad. “Cada cambio y momento di e caya ta un refleho di e desaroyo di nos pais”, ta locual cu Prome Minister mr. Mike Eman a comparti durante su discurso na ceremonia di traspaso.
Awe dia 29 di december 2025, a tuma luga e traspaso oficial di e edificio historico “John G. Eman”, un structura emblematico localisa na Caya G.F. Betico Croes 41 cu ta inicio di e historia di Aruba Bank (antes John G. Eman Bank). E evento ta marca un momento crucial den e esfuersonan pa conserva y restaura e
patrimonio arkitecnonico di Oranjestad pa e generacionnan futuro. E edificio, construi na e aña 1925 pa fundado John G. Eman, un visionario di su tempo, cu a cana hunto cu Aruba su desaroyo, caminda posteriormente converti na Aruba Bank, a sirbi durante hopi aña como un ofisina bancario
Den un ceremonia oficial, Stichting Monumentenfonds Aruba (SMFA), Aruba Bank N.V., Ministerio di Economia Finansa y Sector Primario mr. Geoffrey Wever y Prome Minister di Aruba a formalisa e ceremonia di traspaso di propiedad pa e fundacion. E actividad ta un logro monumental pa e proteccion di nos historia y cultura. E traspaso oficial ta representa un colaboracion fructifero entre gobierno, sector priva y organisacion pa protehe nos legado
historico, crea un balor grandi pa e comunidad, y duna bida renoba na un di nos edificionnan mas representativo. Premier Eman a indica cu cada bes cu mira reto den desaroyo di Aruba, ta mira cu e mes un Caya Grandi ( un ader di nos pais ) tambe ta conoce un sla. Den su parecer, simbolicamente of efectivamente, no por tin un restauracion completo di Aruba sin restauracion di e ader aki di nos pais. Un vinculo di generacion, entrada di pais Aruba, y vecindarionan conecta cu a yuda carga e pais aki. Nos ta mira dilanti pa cuminsa e trabou di restauracion, revitalisacion di Nassaustraat/ Caya Betico Croes centro di ciudad no ta unicamente un empeño, pa un desaroyo di un centro di ciudad vibrante, di historia, cu un mensahe pero e ta tambe e revitalisacion di e alma di Aruba. Cada esfuerso haci pa Monumenten Fonds, inversionnan particular
tumando luga na e momentonan aki, ta iniciativanan sumamente importante tuma durante 2009 pa 2017 caminda a mira cu Caya Grandi mester a ricibi un revitalisacion, pa strategicamente conecta Oranjestad bek na nos waf. Ta mira empeño di Minister Wever, aunke no a haya sosten di e mesun prioridad, pero un bos den decierto a keda resona y dunando e centro di ciudad e balor cu e merece. Awe un di e proyectonan basa riba e determinacion aki, ta e echo cu awe ta bay restaura e edificio monumental aki.Premier Eman a indica di ta sumamente orguyoso, naturalmente cu vinculonan di famia pero semper bou un solo meta di sirbi e bon comun. Hopi exito y bendicion na e pueblo henter y cu nos tur por drenta un 2026 cu locual nos a crea y locual a wordo crea pa nos, cu un determinacion grandi pa crea un futuro nobo pa Aruba.
Pag. 10 20 Pagina
DIaRAZON 2025 Diasabra31 18 december November 2024
Situación internacional final di 2025 y inicio di 2026 260101 2025 Tabata un aña cu mashar hopi noticianan cualnan tabata bale la pena pa sigui. E guera na Ucraina a sigui su curso, maske e dianan aki atrobe tin negociacionnan. Trump a yama Putin y después a reuni cu Zelinsky. Tin diferencianan cualnan ta haci un acuerdo di Paz duradero difícil. Si elimina e diferencianan aki, por cuminsa papia di un paz duradero. E paisnan di UE (Union Europeo) y Inglatera kier un Cese al Fuego=wapenstilstaand pero nan no kier papia di un paz duradero cu ta elimina e obstaculonan cualnan a crea e guera, e posición di Rusia. Na Gaza parce tin un Cese al fuego , pero mortonan ta sigui cay. Israel no ta respeta nada, pasobra nan sa cu nan tin e apoyo di Merca y di paisnan di UE y Inglatera. E problemanan di Iran cu Merca y Israel ta sigui menasa. Na Taiwan, aki tambe Merca ta sigui cu su política controversial. Nan ta reconoce Taiwan como parti di China, pero toch nan ta sigui apoya e gobierno di Taiwan cu ayudo militar. Trump den su Gobernacion for di januari, sigur a trece hopi noticianan, cualnan mayoría ta controversialnan pa motibo cu nan no ta respeta leynan internacional, pero unda Trump solamente ta wak e interés di USA. Por ehempel: Haci Canada y Greenlandia estadonan di USA, pa Merca bira doño di e riqueza den suelo di e paisnan aki. Haci Panama un protectorado di Merca y Merca ta bira doño di e Canal. Tur esakinan y hopi mas tabata noticia e aña aki, pero loke a resalta pa nos na Aruba ta e sucesonan na Venezuela. Merca a crea un guera psicológico, cu su Cartel de los Soles, Regime Change y blokeo. Relaciona cu Venezuela Gobierno/ Trump a trece hopi noticianan/ informacionnan dudoso, cualnan a haci di Trump y su Gobierno ta sigui di ta un creador di hopi controversianan y cada biaha
un mas grandi cu e esun prome. Pero ta bisto si cu tur, sea grandi o chikito, tur a resulta di ta malinformacionnan, otronan ta mentira. Tur ta acciónnan di Merca, cualnan ta bisto te awe, cu nan tur a fracasa. Conclusión di hopi hende y di specialistanan arriba terreno di política Internacional ta: Cu for di e conflicto aki, Maduro/ Venezuela ta saliendo como ganador y Trump/USA como e gran perdedor. Trump a inicia un guera psicológico, bisando cu na Venezuela ainda ta existi e cartel di droga, Cartel de los Soles, cual tabata existi den e epoca di Pablo Escobar, como 30 pa 40 aña pasa. Na cabes Nicolas Maduro y Trump a pone un Prijs ariba su cabes, bibu o morto, di 50 miyon dollar. Un abuso. Un flota di bapornan di guera a ser manda pa patruya pafor di awanan territorial di Venezuela for di augustus 2025, pa prefeni cu droga ta sali for di Venezuela pa Merca. Anto DEA cu ta e agencia di Merca pa combati
droga ta confirma cu e cantidad di droga cu ta sali pa Merca for di Venezuela ta minimal, casi cero. Igualmente ta e Raportahe di UNO arriba e trafico di droga den nos hemisferio. Toch gobierno Trump ta sigui cu su storianan pa hende wak spiritu enbes di droga. Pa purba di duna balor na nan storianan, Merca a ataca hala di lanchanan, mayoría ta di piscadornan di Trinidad and Tobago, di Venezuela y di Colombia. E cantidad di victimanan mortal a surpasa 100 hende inocente. Merca no a demonstra ningún prueba di droga for di e lanchanan. Hasta nan a mata piscadornan cu tabata pidi yudansa. Un crimen, un abuso grandi Merca a comete contra hendenan inocente!! E rol di MCM (Maria Corina Machado) cu su premio nobel y su bravuranan. Na mesun momento cu e guera psycologico tabata surgiendo, e comisión pa saca e premionan Nobel tur aña a dicidi di nombra
MCM como ganador di e premio Nobel di Paz. Esaki después cu MCM a bisa den declaraciónnan: 1. Si e bira presidente di Venezuela, e lo privatisa tur riqueza di Venezuela y Merca por cumpra tur cos na prijs di baca flaco, netamente loke Trump semper a desea. 2. Tambe MCM a declara cu e ta apoya USA pa comete actonan di guera, pidiendo invasión militar Norte-Americano, contra su país y contra e pensamento di paz. Un desicion hopi straño, cual a hinca e comité cu ta selecta e personanan pa e premionan nobel den problema grandi ya cu hendenn na mundo cu un pensamento serio y correcto a cuestiona e decisión aki di e comité, severamente. Claramente e decisión di e comité a tene cuenta cu e política di Trump pa un regime Change. Aserca e campaña di su siguidornan a mustra su supuesto bravuranan con e a hui di Venezuela. Subiendo un lancha na costa di Venezuela, djey subi trapi di un helicopter cu a bahe na costa di Corsow, pa después e sigui su viahe pa Oslo. Prome Mininistro di Corsow Pisas, den un declaración diplomático, a bisa cu MCM ta “gaña”. Nunca e a yega Corsow. Blokeo naval di Venezuela dor di Merca. Ultimo simannan e presencia di Bapornan di guera Mericano dilanti costa Venezolano a ricibi otro orden. Según Trump/Merca nan no t’ey mas pa prefeni cu droga ta sali di Venezuela, pero awor nan ta blokea Venezuela pa e PETROLI VENEZOLANO no sali pa otro paisnan cu no ta Merca. Chevron so por exorta petroli pa Merca. Pues pa tur hende cu dos placa di sinti, ta bisto cu e asunto di Cartel de los Soles ta un
CONTINUA PAG. 11
Pag. 11
DIaRAZON 31 december 2025 Pagina 21
Diasabra 18 November 2024
Situación internacional final di 2025 y inicio di 2026 260101 CONTINUACION PAG. 10 invento, un mentira di gobierno Trump. Awor Trump a kita su mascarada y a trece e berdad di loke gobierno Trump kier: Cual ta e Petroli Venezolano. Merca a PIRATEA dos tankero cu Petroli, hibanan Texas y bende e petroli eynan. Guardia Costa Mericano a purba di piratea otro tankero Irani yama “Bella 1”, pero nan no a logra subi e barco, ya cu e tankero no a obedece e gritonan di comando di Guardia Costa Mericano y nan a cambia di ruta 180 grado y bay dirección di Oceano Atlantico. A sigui un persecución di un dia y e tankero a hui. Guardia Costa mericano a duna declaración den congreso Mericano, cu nan no tin capacidad, ni personal suficiente pa e sorto di trabaonan aki. Na mesun momento Venezuela y su paisnan aliado a cuminsa pone militarnan arma ariba e tankeronan pa preveni cu Guardia Costa di Merca ta sigui cu su accionna di pirata. Mientrastanto Trump a declara, igualmente na loke John Bolton, e ministro di Seguridad Nacional di Gobierno Trump na 2019 a declara, cu tur rikesa den suelo di Venezuela ta pertenece na Merca.
Trump a bisa acerca cu ta horta Venezuela a horta tur e rikesanan aki di Merca y Venezuela mester duna Merca bek tur e rikesanan aki. Trump cu e declaración aki a demonstra cu e ta “wrong and strong”, mandando un mensaje na mundo cu e no ta respeta leynan internacional, ni reglanan di hendenan di bon boluntad. Un declaración absurdo. Mientrastanto Venezuela a percura cu su defensa nacional ta fuerte. Merca mes a pusha Maduro pa busca su aliadonan den e campo político di paisnan cu no ta di acuerdo cu e política di Merca, manera Rusia, China y Iran. E armanan cu Presidente Maduro y su gobierno a ricibi ta armanan hopi sofestica y poderoso contra cualnan Merca no tin defensa. Acerca Venezuela mes tin un ehercito poderoso y un milicia grandisimo. Por bisa cu por lo pronto e accionnan di pirata di Merca a fracasa. Un política nobo den e hemisferio Latino-America. Ayoo Doctrina Monroe Den e politica/asunto aki, después cu e política di Merca a sigui un caminda di fracaso pa fracaso, loke ta sosode aki, tur hende mester por comprende claramente
kico ta pasando. E politica di e mundo Unilateral, unda Merca y Nato tabata determina tur cos na nivel Geopolitico a termina poco tempo pasa y nos ta ariba un caminda rumbo pa e mundo multipolar. E uzo di forsa militar pa somete pueblonan ya no tin contenido mas den e mundo multipolar awendia. E política ey a caba , nos ta biba den un otro mundo. Nos tur mester comprende esey, nos ta den un mundo nobo. Awe nos ta wak con un imperio ta reacciona den desesperación pa motibo di a perde un poder cu e tabatin den e hemisferio aki pa 200 aña. Esaki ta Geo-politica y Maduro cu su gobierno a tuma e desicionnan correcto pa logra cu e poder di USA cu tabata domina e hemisferio aki, ta birando menos y no por defende su posición cu determinación mas, den e hemisferio aki. Tambe si tuma na consideración otro fayonan di e gobierno Trump/USA: Su debenan nacional di 38 triyon dollar; su gastonan militar
grandisimo pero sin ahustacion pa tin armanan sofestica, manera super-sonico y hyper-sonico; su necesidad grandi pa petroli; e problema EPSTEIN. Esakinan a yuda den debilita e postura GeoPolítico di USA. E papel hiba dor di Maduro, su gobierno y su pueblo ta un política ehemplar cu ta mustra mundo cu no ta algo chikito, no ta cualquier kos a sosode aki, pero ta algo cu ta defini e orden mundial. Laga nos spera cu loke ta pasando akinan ta trece un política nobo den e hemisferio aki, unda e cooperación, relacionnan nobo basa ariba e respet entre nacionnan, unda soberanía y e autodeterminacion di e pueblonan ta ricibi su balornan di acuerdo cu e derechonan internacional. Ban spera cu e lucha hiba dor di Venezuela y su aliadonan ta yuda na crea un orden mundial nobo, unda pueblonan ta liber pa determina nan futuro, nan autodeterminacion.
Santa Misa na altoVista 3 di Januari 2026 y na Blue army San nicolas Santa Misa ta 7 or di mainta.na Kapel di Alto Vista.y na Blue Army Center (Cas Curason di Maria) Ta cuminsa resa Santo Rosario 6.15 prome cu Santa Misa mescos na San Nicolas y Alto Vista. Nos ta resa pa Iglesia Universal uni.Pa Papa Leo X14, Arsopispo Charles Jason Cordon, tur sacerdote y diaconan. Pa nos Gobernantenan y tur cu ta carga responsabilidad pa nos pais Aruba. Pa tur defunto cu a bay nos dilanti. Pa Dios tene misericordia pa esnan cu ta sufri cu Perdida un ser keri. Hesus scucha suplicana di esnan cu ta sclama, dunanan forsa pa nan por gosa y haya yudansa den Bo infinita Amor. Laga nos resa pa enfermonan, otro cu ta tristo pa un yiu stima cu a coy caminda robes. Pa tur esnan cu no tin curashi pa aserca un pastoor pa hasi un bon confesion. pa tur esnan den necesidad spiritual. Cu nos drenta un aña nobo yen di bendicion.y prosperidad.
Pag. 12
DIaRAZON 31 december 2025 Pagina 17
Diasabra 18 November 2024
Minister Geoffrey Wever
Edificio nobo di AduAnA: un pAso concrEto pA modErnisAcion, profEsionAlismo y mEhor sErvicio
visibel den e crecemento y modernisacion di Aduana, y ta subraya e
OR ANJESTAD, 30 di december 2025 – Awe diamars a tuma luga e desvelacion di e borchi di construccion di e edificio nobo pa Departamento di Aduana Aruba. E acto aki ta marca un logro importante den e proceso di modernisacion y fortalecemento institusional di Aduana, y ta confirma e compromiso continuo cu profesionalismo y mehor servicio na beneficio di e economia di Aruba. E edificio nobo lo contribui directamente
na bienestar di empleadonan y lo eleva e calidad di servicio cu Aduana ta brinda na sociedad. Durante e encuentro social, tambe a tuma un momento pa ref lexiona riba e progreso y metanan cu a logra durante aña 2025 y pa comparti e expectativa y vision pa 2026, cu enfoke riba continuidad, eficiencia y desaroyo organisacional. E proyecto di construccion di e edificio nobo ta representa un paso
importancia di inversion den infrastructura publico como parti di un
aparato gubernamental fuerte y orienta riba futuro.
Pagina 1831 DECEMBER 2025 DIARAZON
Diasabra 18 NovemberPAG. 2024 13
Resumen di Best of the Best Powerade Cup 2025 peleanan. Master Axel Sanchez referee Olimpico y Elvin Landrau Presidente di Puerto Rico y director di referee di PATU di Puerto Rico tabata ocupa cu e logistica di Best of the Best Powerade Taekwondo Cup. E miho bringadonan di Best of the Best Powerade Cup den e categoria di Infantil tabata Na'im Stroop di Corsou y Farzana Persaud di Suriname y den e categoria di Cadet a sali Rachid Erasmus di Chaco Taekwondo Academy Aruba y Agatha Perreira Pimentel di Surinam, den e categoria di Junior a sali Daniel Bennete di Merca y Juwell Ilidge di ETU Aruba. Corsou a sali ganado di Best of the Best Powerade Taekwondo Cup 2025 bou guia di Coach Gilson Laurens y nan Presidente Ellon Donker. Brazil
Brazil Taekwondo Stichting a organisa e di 30 Powerade Taekwondo Cup na honor di Grand Master Henk Meijer di Hulanda cu a tuma luga den Centro di Bario Brazil cu participacion di 15 Pais. Dos referee Olimpico di cual un a participa den cuater weganan Olimpico. Best of the Best Powerade
Taekwondo Cup 2025 ta e evento di aña organisa pa Brazil Taekwondo Stichting. Master Yoshmar Wever y Master Zahyon Klaber a selecta e atletanan di Aruba cu a clasifica pa bringa den Best of the Best Powerade Taekwondo Cup 2025. Master Antwuan Wilson di Merca y su team tabata encarga cu e matching di e
Taekwondo
Stichting a duna honor na Grand Master Marilu de Veer, Grand Master Henk Meijer, Master Augie Tromp y Master Eric Barry pa nan fiel participacion, pasobra nan tabata den e prome Best of the Best Powerade Taekwondo Cup na aña 1995 y awo den e di 30 Best of the Best Powerade Taekwondo Cup na aña 2025. Brazil Taekwondo Stichting ta gradici na un y tur cu a haci e di 30 edicion di Best of the Best Powerade Taekwondo Cup 2025 posibel.
Pag. 14 18 November 2024 Diasabra
Pagina 23 DIaRAZON 31 december 2025
Bonerianonan invita pa partisipa den un kompetensia di Bonaire Human rigHts organization pa representasHon na konferensia di Hende muHe na nasHonan uni Kralendijk, Bonaire — E Organisashon di Derechonan Humano di Bonaire (BHRO), den kolaborashon ku Fundashon Movimento Pa Kambio, ta anunsiá un kompetensia di ensayo pa muhernan di Bonaire ku por hanja un oportunidat úniko pa partisipa na e Konferensia di Hende Muhe di Nashonnan Uni na New York, na mart 2026. E tema di e kompetensia, Mi Bos, Nos Futuro: E
Ròl di Hende Muhe den Defendé Derechonan Humano i Konstrui Futuro di Bonaire,” ta invitá partisipantenan pa eksplorá e ròl di hende muhe den promové derechonan humano, protehá kultura, i kontribuí na diskushonnan global tokante derechonan di hende muhe. Un ganador lo djoin e delegashon di BHRO pa eksperensiá i partisipa den eventonan ofisial di Nashonan Uni I
eventonan adishonal, sinja for di lidernan internashonal i hanja un bista direktamente riba e proseso di toma desishon global tokante derechonan di hende muhe i derechonan humano. Ta un gran privilegio pa mi, komo Presidente di e Organisashon di Derechonan Humano di Bonaire, pa organisá e partisipashon históriko aki, dunando un hende muhe di Bonaire e oportunidat pa partisipa
na e nivel internashonal aki. Esaki ta un oportunidat úniko pa un hende muhe di Bonaire hanja eksperensia internashonal i partisipa aktivamente den forma e kombersashon global riba derechonan di hende muhe. Ken por partisipa: Habri pa hubentut i hende muhe di 11 anja di edat i mas ku ta biba na Bonaire. Si un partisipante bou di 18 anja gana, un representante
legal por akompanje. E ensayo por wordu entregá na Papiamentu, Inglés, Spañó i Hulandes. Fecha límite pa entregá: 12 di yanüari 2026 Pa mas detayes i informashon tokante pa r t i sipa shon/ entregamento: Bonaire Human Rights Organization Foundation Kaya L i b e r t a d o r Simon Bolivar 26
dia 21 di december 2025 aruba astro research int. y sr.marcos Bislip a cumpli 35 anja den e tereno di astronomia Tabata na Anja 1990 Dia 21 di December 1990 cu Marcos Bislip hunto cu Ron Van Kessel, Ruben Trappenberg y meneer Jacobs a bin hunto y a lanta e organisacion Aruba Astro Research Int. y na 1997 Gobierno di Aruba y Astronomical Leaque, NASA y IAU ta reconoce AAR y Sr.Marcos Bislip cu awordo nombra pa Gobierno di Aruba como e persona cu ta representa
e tereno di astronomia aki na Aruba desde April 1997 y ta wordo nombra pa ministerraad pa dirigi e Eclipse Total di Solo Dia 26 di Februari 1998 aki na Aruba y ta bira e director nacional pa cu e evento y astronomia na Aruba. Na 1999 Sr.Marcos Bislip a representa pais Aruba na Turkia na Kastamono pa prome biaha den e team internacional di astronomia IWGE te
dia di awe ta e maximo r e p r e s e n t a n t e .T a n t o Sr.Marcos Bislip y e asociacionnacional di astronomia Aruba Astro Research Int. ta dirigi y maneha e tereno di astronomia aki na Aruba y tambe representa Aruba den exterior pa 35 Anja consecutivo.Marcos kier a gradici na e team nobo di Aruba Astro Research Int. pa e tremendo adelante den tecnologia un danki na Rinus y Dario cu a bin yuda y na Ron Van Kessel cu ta un baluarte grandi tambe.E tres miembronan cu tin mas Anja den Aruba Astro Research Int. ta Sr.Jacobs sigi pa Sr.Ron Van Kessel y Sr.Marcos Bislip.Rinus ta e expert den transmicion live via telescope.Mientras Ron Van Kessel y Marcos Bislip ta astrofotografo y astronomo y investigador.
Pagina Pag. 15 22
Diasabra 18 November 2024 DIaRAZON 31 december 2025
SOPI DI LETRANAN
Un feliz fin di aña y un aña 2026 yena di bendicion, gracia, amor y paz di Señor ”E palabra a bira hende y a bin biba memey di nos.” (Huan 1,14) E bon noticia di e temporada di Pasco y e reto. Dios a bin biba memey di nos den carni, naci na Betlehem como un baby, pa mustra nos e caminda bek na e Tata. El a bin encarna den Hesus, pero kiermen tambe pa bira encarna den nos. Si nos acepta Hesus y sigui den su caminda, E por transforma nos den un semehansa na djE, di manera cu nos tambe ta den un sentido, e presencia di Dios den mundo. Pero pa esaki sosode nos mester acept’E. E binida di Hesus na mundo, su bida, morto y resureccion ta e punto central di henter historia humano. E evento clave cu a cambia tur cos pa nos. Loke nos ta celebra na Pasco ta cu Dios a bisa nos si den e nacemento di Hesus. Si, na nos reconciliacion, eventual union completo cu nE, no na pica y morto. Pero e accion aki di parti di Dios no ta contesta cu bo si na djE, si nos no responde cu bo si na Hesus, si na su yamada y su enseñansa. No na mentira di e anticristo cu ta busca pa kita nos for di Hesus. Danki Señor pa bin salba nos.
Oracion: Maria, yuda mi bisa un si constante y cu curashi na bo Yiu. Amen.
SUDOKU
Pag. 16 Diasabra 18 November 2024
DIaRAZON 31 december 2025 Pagina 19
“Señor ta mi wardador, Mi no tin falta di nada; Den cunucu di yerbe berde, E ta ponemi sosega. E ta hibami na awa trankil, Pa mi bolbe hanja forsa.” Salmo 23: 1, 2, 3 Cu dolor na nos curason pero conforme cu boluntad di Dios, nos ta anuncia fayecimento di:
Mario Thiel
Miho conoci como “Mai” of “Mayon” *9 December 1954 - †25 December 2025 Na nomber di: Mayornan: †Egidio Thiel y †Eulogia Thiel- van der Biezen Su Ruman nan: †Maximo Vrolijk †Alvarest Thiel †Alida Thiel †Margareta Thiel Mariano Thiel Nora Driks-Thiel y Juan Dirksz Su Subrino y Subrina nan: Fernando Vrolijk y Famia Karina Vrolijk y Famia Claudio Wolff y Famia Jadira Wolff y Famia Glenroy Paesch y Famia Helen Paesch y Famia Marselino Paesch y Famia Christopher Thiel y Famia Clifford Thiel. Su Tanta Stima: Adela van der Biezen Bon Amiga: Lena Angela Rita Stamper- Djoegan Magriet Angela Bon Amigo: Sonny Angela Ronnie Kelly Edgar Croes Albert Kock Su Tanta nan y Omo nan, Primo y Prima nan, Amigo nan y Bisinja nan, coleganan di Gasoline Station Santa Cruz y di Brenchi Oranjestad. Demas Famia: Thiel, van der Biezen, Vrolijk, Croes, Wolff, Peasch, Geerman, Dirks, Maduro, Werleman, Angela, Larmonie, Kelly, Stamper, Ras, Tromp, Faro, Kwarts, Winterdaal, Brown, de Cuba, Koolman, Henriquez, Paskel, Lacle, La Rosa y Solognier. Nos desculpa si den nos tristesa nos por a lubida algun persona of famia. Oportunidad pa Condolencia lo ta Diabierna, 2 di Januari 2026 na Ad Patres Funeral Home & Crematory na San Nicolas di 7'or pa 9'or di anochi. Acto di entiero ta tuma lugar Diasabra, 3 di Januari 2026 na Kapilla Santa Famia na Pos Chiquito di 2'or pa 4'or di atardi. Despues lo sali pa santana Central na Sabana Basora. Nos no ta ricibi bishita di condolencia na cas. Staff y personal di Ad Patres funeral home & crematorium San Nicolas ta extende nos mas sincero condolencia na Famia di e fayecido.