Candela den edifiCio di Burger
King na Kamerlingh onnesstraat
Kamerlingh Onnesstraat
- Dialuna atardi alarma a wordo bati pa candela den establecimiento di Burger King situa den Kamerlingh Onnesstraat.
Huma preto tawata sali for di ariba dak.
Mesora brandweer a sali pa e adres, mientrastanto polis a cera e pasada dilanti e edificio unda cu brandweer a yega cu su truck nan pa cuminsa combati e candela.
Na e sitio nos a compronde cu e candela a cuminsa durante cu tawata tin cliente den e luga. Den cushina tawata e luga unda tur cos a cuminsa.
Durante cu e candela lo a cuminsa expande, tur hende a move di e edificio, pa nan mesun seguridad.
Elmar tambe a presenta pa kita e coriente, pa asina e bomberonan haci nan trabou mas trankil.
All to Car ta presenta Dongfeng Vigo, un auto diseña pa esnan cu ta busca robustes y siguridad sin compromete nan presupuesto. E modelo aki ta drenta mercado local cu un proposicion di balor hopi fuerte, resaltando no solamente pa su prijs competitivo, sino tambe p'e respaldo cu e ta ofrece n'e cliente.
Actualmente, Dongfeng Vigo tin un prijs special di aniversario di 39,990 florin, un reduccion significante for di su prijs original
Esnan concerni lo mester haci e investigacion/
di 49,990 florin. Loke mas ta hala atencion t'e pakete di garantia cu All to Car ta ofrece p'e modelo aki: 10 aña di cobertura rib'e motor y 7 aña di garantia "bumper pa bumper". E nivel di proteccion aki ta duna e chauffeur e trankilidad cu e merece tras di stuur.
Cu e incorporacion di Vigo, All to Car ta reforsa su flota y ta duna un bista di kico e marca Dongfeng tin pa ofrece n'e comunidad. Ta invita tur hende cu ta busca un
inspeccion necesario pa mira kiko a causa e candela cu den un rato por a caba
cu e edificio por completo. Bon trabou di bomberonan di Aruba.
auto nobo y confiabl pa bishita e showroom di All to Car y probecha di e oferta aki cu ta combina un
prijs excelente cu e miho garantia riba mercado.
Marketing of Maneho di
e cara scur tras di e ultiMo concierto di ata
ORANJESTAD – Mientras e concierto mes y su musica a termina, un ola di preocupacion ta keda resona den e sector turistico y comercial di Aruba. E reciente concierto internacional, supuestamente cu meta pa eleva nos prestigio, a resulta den un les amargo riba kico ta pasa ora marketing profesional wordo reemplasa pa improvisacion, falta di control y maneho di amigo.
E biaha aki, e critica no ta bin solamente di e ciudadano comun, sino di observadornan cu ta mira con e imagen di Aruba como un “Destino di Luho” ta wordo poni na peliger pa e maneho cuestionabel di Aruba Tourism Authority (ATA) y e organisadonan envolvi.
Downgrade di e marca
“Aruba”
Aruba a traha pa decadas pa posiciona su mes como un destino exclusivo. Sinembargo, ora e ticketnan oficial di un evento “high-end” wordo regala na gran escala pa despues termina den benta barata riba Facebook, ta manda un mensahe fatal: desesperacion.
Ora bo regala e producto, bo ta bisando e mercado cu e producto no tin balor. E impacto psicologico riba e turista cu a paga full prijs pa bin Aruba ta devastador. Con nos por hustifica prijsnan halto den nos hotelnan y restaurantnan, si e mesun autoridadnan ta permiti pa e balor di nos eventonan internacional wordo lastra den e “black market” digital?
E “Ambassador” cu a bira re-bendedor E concepto di uza studiante como
“embahador” por a zona bunita riba papel, pero den practica e tabata un falta di vision total. Sin un contracto di responsabilidad of un sistema di digitalizacion pa e ticketnan, ATA a habri porta pa un chaos di benta ilegal.
En bes di promove e isla, hopi di e “embahadornan” aki a wordo converti den re-bendedornan di oportunidad. Esaki no solamente ta afecta e caha di e evento, sino e ta crea un precedente peligroso: e fondonan publico, destina na promocion internacional, a termina financiando ganashi personal di un grupo.
Unda e profesionalismo a keda?
Un evento di e magnitud aki mester wordo maneha pa expertonan cu trayectoria. E falta di transparencia riba cua compania a ricibi e contracto y bao di ki condicionnan, ta lanta e sospecho di semper: Tabata un decision basa riba merito of riba afinidad politico y personal?
E silencio di ATA dilanti e preguntanan aki ta pisa mas cu e musica mes. Un institucion cu ta maneha miyones di florin di “pagador di belasting” no por permiti su mes di wordo asocia cu un concierto fracasa den su planificacion.
E peliger di e ROI
E defensa lo ta e “exposure” cu Aruba a haya. Pero den e mundo moderno di data, e “exposure” no ta paga recibo. Si no por demostra cu e concierto aki a genera un subida real den gasto di turista of den reservacionnan nobo cu no tabata existi caba pa e high
season, anto nos ta papia di un fayo structural den maneho.
Aruba mester stop di hunga “organisado di fiesta” y cuminsa actua manera un destinacion competitivo. E inversion den turismo mester wordo uza pa crea balor largo plaso, no pa tapa buraco di un planificacion swak cu a laga un mal resultado.
ATA no kier duna cara, berguenza ta mata ban E concierto aki mester keda marca den historia no pa su cancionnan, sino como e momento caminda e comunidad a exigi un stop na e falta di transparencia. Si ATA no por duna cuenta detaya di cada florin inverti y di e fracaso den e distribucion di ticketnan, e ora ta momento pa un cambio structural den e forma con nos ta maneha nos industria principal.
Aruba su marca ta bal mucho mas
cu un par di ticket regala riba Facebook. Ta ora pa nos cuminsa trata nos isla cu e respet y e profesionalismo cu e merece.
Na final; ken den ATA ta bay asumi responsabilidad pa e fracaso? E miembronan di bestuur? Porcierto un a baha na awa mesora ? Of e directora? Kico esaki ta? Marketing of maneho di amigo ?
Noticia di Corte 6 aña di prison pa dos ruman
cu a tira riba homber den auto
ORANJESTAD – Recien Hues di Corte di Husticia a dicta sentencia den e caso penal cu Ministerio Publico a cuminsa contra e rumannan homber J.L. (25) y D.L. (20). Ambos ta wordo acusa di complice di intento di mata y complice di posecion di arma.
SOLO DI PUEBLO por a compronde cu Hues a haya e rumannan L. culpabel y a confirma e exigencia di Fiscal di 6 aña di prison pa cada un.
FISCAL A EXIGI 6 AÑA DI PRISON
Luna pasa, tratamento di e caso a tuma lugar caminda e dos rumannan L. ta nenga di a tira riba e homber Z. Celaire. Fiscal ta haya legalmente proba cu e rumannan L. ta complice di intento di mata y complice di posecion di arma. Fiscal a bisa cu e rumannan L. a tira riba caminda publico riba e auto den cual Celaire tabata sinta. Fiscal ta considera esaki un caso hopi serio. El a bisa cu si e bala a perfora e asiento completo, Celaire lo no ta hunto cu nos mas.
Fiscal a mustra cu J.L. na September 2020 a
wordo condena na 5 aña di prison pa intento di mata cu arma di candela. D.L. na Mei 2024 a wordo condena pa posecion di arma. Fiscal a bisa cu e dos rumannan L. a haci e tiramento den nan tempo di prueba. Fiscal ta considera nan residivista y a exigi 6 aña di prison pa cada un. Fiscal a bisa tambe cu e pochi y saco di marihuana cu a haya, mester wordo destrui.
SENTENCIA
Siman pasa Diahuebs, Hues a sera tratamento di e caso y a dicta sentencia di biaha. Hues ta haya legalmente proba cu e rumannan L. riba 18 December 2025 a tira riba Z. Celaire. Hues ta haya cu ambos tabata den posecion di arma di candela. Hues ta haya e declaracion di Celaire confiabel.
Hues a bisa cu investigacion a mustra cu e rumannan L. a tira riba Celaire su auto y e auto a haya impacto di bala. Hues a sigui bisa cu riba imagen di camera, Polis a mira e number di e auto Nissan Versa cu a tira riba e auto cual Celaire tabata core.
Hues a bisa cu a huur e Nissan Versa y J.L.
tabatin esaki. Hues ta haya cu J.L. tabata stuur e auto y D.L. a tira riba e auto di Celaire.
Hues ta considera esaki un intento di mata y no por papia di intento di asesinato pasobra no tabatin plan haci promer cu a haci e tiramento. Na opinion di Hues, e forma con e rumannan L. tabata anda cu otro, e ta considera esaki complice di intento di mata.
CONFIRMA EXIGENCIA DI FISCAL
Pa cu e castigo, Hues a bisa cu e ta tene cuenta cu aki ta trata di intento di mata. Esaki ta un caso hopi serio. Hues a mustra cu riba un distancia cortico a tira riba e auto. E bala a pasa door di auto y keda pega den e stoel unda Celaire tabata sinta. Hues ta haya cu e rumannan L. a pone bida di otro hendenan den vecindario na peliger. E hendenan cu ta biba eynan lo a sinti nan mes insegur. Hues a sigui bisa cu e ta tene cuenta tambe cu anterior ya D.L. y J.L. a wordo condena pa algo similar. Hues a confirma e exigencia di Fiscal y a condena D.L. y J.L. na 6 aña di prison. E droga mester wordo destrui.
all to car ta celebra 10 aña liderando servicio automotriz na aruba
Cu un decada di trayectoria, All to Car a logra posiciona su mes como un referente den e industria di auto na Aruba. Loke a cuminsa 10 aña pasa cu e introduccion di autonan Chines riba e isla, awe a bira un operacion di gran escala cu ta wordo reconoci pa su experticio, servicio y, fundamentalmente, su experiencia den e ramo.
E trackrecord di All to Car ta papia pa su mes.
Actualmente, nan ta e garashi cu ta maneha e volumen di servicio mas halto na Aruba, atendiendo entre 1200 y 1500 vehiculo pa luna. Esaki no solamente ta inclui e marcanan cu nan mes ta representa, sino tambe auto di otro agencianan cu ta confia den e capacidad tecnico di nan personal. E experiencia aki den servicio post-benta ta loke ta diferencia nan den e mercado local.
Celebrando e prome 10 añanan aki, All to Car ta sigui innova y expande su flota cu marcanan nobo manera Dongfeng, bao di cual a presenta e modelonan Vigo y Mage. E empresa ya ta preparando pa introduci mas marca y modelonan den e lunanan venidero, cada uno cu featurenan innovativo pa diferente categoria. Pa All to Car, e aniversario aki ta un compromiso pa sigui brinda e comunidad di Aruba e mesun
Golpi: Gobiernona firma aumento di Gasolin y diesel di 25 y 45 Cent
Nan no a usa e surplus pa wanta e sla pa pueblo
ORANJESTAD – Mientras cu comunidad di Aruba tabata den pleno ambiente di fiesta pa Siman Santo y pasco di resureccion, un realidad economico ta sperando e siman aki. Datos ta indica un subida historico cu lo drenta na vigor e diaranson aki, awe dia 8 di april.
Aruba ta “di fiesta”, cu beachnan yen y famianan disfrutando di campamento y e dianan liber, sin sa cu e cuenta pa e fiesta aki lo wordo presenta pronto. E aumento den e index pa e luna di maart, lo dal e consumidor su cartera e siman aki.
SUBIDA CU 45 CENT
E calculonan ta indica cu e aumento no lo ta uno chikito. Pa e diaranson aki, 8 di april, ta proyecta cu e prijs di gasolin por subi cu mas o menos 25 cent pa liter, mientras cu diesel por mira un aumento di mas cu 45 cent. Esaki ta nifica cu e prijs di diesel lo por surpasa e bariera di 250 cent pa liter pa prome biaha den basta tempo.
GOLPI DESPUES DI FIESTA
Pa hopi hende cu a gasta nan presupuesto den e dianan di fiesta, e noticia aki ta bin como un hacha riba cabes.
Transporte y Logistica: E costo pa move mercancia den container
pa Aruba lo subi mesora debí na e “Fuel Surcharge”, locual por pone presion riba e prijsnan di cuminda den supermarket.
Consumidor: E ciudadano cu mester yena su tanki pa bay traha despues di e dianan liber lo sinti e diferencia mesora na e pompnan.
Mientras nos ta termina di celebra nos tradicionnan di Siman Santa, ban prepara nos mes emocionalmente y financieramente pa e realidad cu ta bin e siman aki.
Gobierno a firme, sin duna alivio na pueblo di cual por a usa parti di e surplus.
Cambio den prijs di produCtonan
ORANJESTAD - Minister di Finansa, Asunto Economico y Sector
Primario ta anuncia e prijsnan nobo di benta di combustibel entrante 8 di april 2026:
Gasoline unleaded-premium : 248,0 cen p/ltr. (+ 24,6 cen)
Diesel ULS : 246,5 cen p/ltr. (+ 45,1 cen)
Kerosin : 294,0 cen p/ltr. (+ 101,7 cen) E prijsnan ta inclui BBO/BAZV/BAVP
Parlamentario Eduard Pieters (PPA):
“Costo
di bida ta explota, pero gobierno ta keto y pueblo ta sufri”
Den un momento di presion economico creciente, parlamentario Eduard Pieters di fraccion di PPA ta bati un alarma fuerte: costo di bida na Aruba ta subi di forma alarmante, mientras gobierno ta keda den un silencio peligroso. Durante un conferencia di prensa reciente, Pieters a pone e realidad suno dilanti: pueblo di Aruba ta ricibi “sla tras di sla” cu aumento semanal y mensual, sin ningun plan cla di gobierno pa proteha nan.
Crisis mundial, impacto directo na Aruba
E situacion global no ta yuda. Crisis di guera na Medio Oriente ta pusha prijs di petroleo na un nivel alarmante, ya pasando 100 dollar y cu pronostico pa yega te 150 dollar pa bari. Pa un isla cu ta depende riba importacion, esaki tin consecuencia inmediato. Un di e prome impactonan cu ya nos lo bay sinti despues di 12 di april: aumento di 25% den costo total di flete, segun sector comercial (King Ocean).
Esaki ta significa un cos: tur producto lo bira mas caro. “Pueblo ta biba den incertidumbre total,” Pieters a indica.
Silencio di gobierno: falta di
liderazgo
Mientras e paisnan manera Corsou y Sint Maarten a reacciona cu e medidanan concreto, na Aruba ta reina un silencio hermetico.
Gobierno no ta informa pueblo:
● kico ta pasando ● kico ta e impacto
● ni kico ta e plan pa mitiga e daño
“Esaki ta inaceptabel,” Pieters a declara. “Gobierno mester lider y no keda keto, mientras pueblo ta sufri.”
Promesa sin accion: AVP y FUTURO ta fayando pueblo
Durante campaña electoral, tanto AVP como FUTURO a priminti cu nan lo baha costo di bida. Awe, despues di mas cu un aña na poder, realidad ta otro: No tin plan, no tin vision y no tin accion concreto. “Cada siman nos ta mira aumento drastico,” Pieters a bisa. “Pueblo no por carga e peso aki mas.”
Sistema fiscal ta castiga pueblo
Un di e causanan principal di e aumento continuo ta e sistema di BBO, cu ta funciona acumulativamente. Cada aumento internacional ta multiplica door impuesto local.
Resultado? Pueblo ta paga mas y gobierno ta gana mas. “Ken ta
beneficia? Gobierno,” Pieters a enfatisa. “Mientras pueblo ta sufri, gobierno ta ricibi mas ingreso.”
Solucion ta existi, pero falta boluntad
PPA no ta solamente critica, nan ta presenta solucion: Cambio di BBO pa BTW y elimina BBO riba flete y invoerrechten riba producto basico. Incluso, un comerciante respeta den comunidad, manera sr. Saladin, a propone un solucion practico: no cobra BBO riba flete y invoerrechten, esaki ta pa evita cu costo di transporte cu lo aumenta ta pasa directo pa consumidor. “Gobierno tin poder ehecutivo pa haci esaki awe mes,” Pieters a declara. “Pero falta boluntad.”
Un gobierno cu ta lubida su pueblo Segun Pieters, ora un gobierno ta mira cu pueblo ta sufri, pero no ta actua, esaki ta mas cu negligencia. “Si bo sa cu pueblo ta sclamando y e prijsnan ta subi siman tras di siman, pero bo no ta haci nada, bo ta abusando di pueblo,” el a bisa contundente.
PPA ta exigi responsabilidad Fraccion di PPA ta yama tanto Minister di Finansa, Geoffrey Wever, como Minister Presidente, Mike Eman, pa duna cuenta na pueblo: Kico ta e plan concreto? Con lo mitiga e aumento? Con lo proteha y alivia pueblo? “Liderato no ta palabra so, sino accion,” Pieters a conclui.
Dongfeng Mage: espacio, tecnologia y eficiencia p'e faMia na aruba
All to Car ta introduci
Dongfeng Mage, un modelo cu ta bin pa redefini kico un famia mester den un vehiculo moderno. E SUV aki no solamente ta destaca pa su diseño exterior atractivo, sino tambe pa
un interior sumamente espacioso y sofistica, ideal p'e exigencianan di bida diario riba nos isla.
Un di e puntonan mas fuerte di Dongfeng Mage ta su eficiencia y range. E
vehiculo aki tin e capacidad di core di Westpunt te cu Baby Beach entre 6 pa 7 biaha cu un solo carga di tanki, brindando un rendimento excelente p'e usuario. Ademas, e interior ta ekipa cu un panel digital moderno cu ta permiti e chauffeur controla tur e funcionnan di e auto cu un solo toke, combinando comodidad cu e ultimo den tecnologia automotriz.
Como parti di e celebracion di All to Car, e Dongfeng Mage tin un descuento special di 10 mil florin, bahando e prijs di 57,990
pa solamente 47,990 florin. Mescos cu e otro modelo Vigo di e marca, Mage ta conta cu e respaldo di un garantia excepcional di 10 aña riba e motor y 7 aña "bumper pa bumper", dunando e famianan e siguridad y trankilidad cu nan ta busca den un auto nobo.
Esnan interesa por pasa awe mes na All to Car pa experencia e comfort y e innovacion cu Mage ta ofrece p'e famianan cu ta busca e miho balor pa nan placa cu e miho garantia riba mercado.
Parlamentario Evelyn Wever-Croes
caDa MucHa ta conta: inclusion ta cuMinsa cu nos tur
Cu hopi gratitud y orguyo, mi kier felicita Fundacion Autismo Aruba (FAA) pa e trabou extraordinario cu nan a presenta den e informe “Stand van zaken: Onderwijs en inclusie op Aruba” di maart 2026. Dia 2 di april a duna un presentacion na Parlamento di e rapport cu a wordo prepara pa e Comicion Nacional pa Autismo, bou liderasgo di FAA, hunto cu representantenan di e veld di cuido, enseñansa y social.
E bunita di e rapport aki ta cu e no ta simplemente un documento tecnico, pero mas bien un yamada profundo riba nos tur. E ta mustra cu honestidad, e realidad cu hopi mucha cu autismo y nan famia ta confronta tur dia. For di e importancia di deteccion trempan, te na e rol indispensable di
mayornan, y e necesidad urgente pa duna nan mas sosten.
Nan a trece dilanti tambe e preocupacion tocante e falta di oportunidadnan den educacion pa mucha cu autismo, e problema serio di bullying na scol, y e presion grandi riba docente nan cu tin e deseo sincero pa traha inclusivo, pero cu ta haya nan mes limita pa falta di condicionnan basico. Esaki no por keda sin accion.
E conclusion di e rapport ta cu tin un compromiso grandi den e veld di educacion, pero sin sosten structural, bon coordinacion y recurso suficiente, inclusion lo keda un soño, no un realidad.
Mi ta particularmente orguyoso di e trabou di Comision Nacional
pa Autismo, cu a haya un impulso nobo bou di Gabinete WeverCroes II. Esaki ta mustra cu ora bini hunto cu un vision comun, nos por crea cambio berdadero.
Awe, mas cu nunca, nos mester scoge pa accion. Aruba tin suficiente fondo y surplus, y por aloca mas fondo pa nos mehora e calidad di bida di personanan cu autismo. Mester por aloca fondo pa fortalece diagnostico, pa amplia guia y apoyo, pa crea mas oportunidad den educacion, y pa sostene mayornan. Cada mucha tin derecho riba un futuro caminda e por florece.
Danki na Fundacion Autismo Aruba pa boso dedicacion, boso perseverancia y boso amor pa cada mucha. Boso trabou ta un inspiracion pa nos tur. Laga nos sigui traha hunto pa un Aruba unda inclusion no ta un palabra bunita, sino un realidad bibo.
Minister Wever: Gobierno ta absorba mitar di e aumento di prijs di combustibel pa proteha poder di compra
Oranjestad, Aruba –
Awe mainta Minister di Finansa, Asunto
Economico y Sector
Primario, mr. Geoffrey
Wever a firma e decreto ministerial despues di haya aprobacion di conseho di Minister. E decreto ministerial ta basa riba e desaroyo reciente den prijs internacional di combustibel, a tuma medida concreto pa mitiga e impacto di e aumento riba comunidad y sector comercial.
Segun e sistematica di prijs, gasolin lo registra un aumento di aproximadamente 49.3 cen pa e luna aki, mientras diesel lo subi cu 83.5 cen. Gobierno ta reconoce cu e subida aki ta significativo y cu e tin un impacto directo riba e poder di compra di ciudadano, e stabilidad financiero di nos hogarnan, y riba e operacion di empresanan, specialmente esnan cu ta depende di diesel pa
transporte y logistica.
Ariba Enfoke awe, Minister di Finansa, Asunto
Economico y Sector
Primario, mr. Geoffrey Wever a comparti cu den e marco aki, Conseho di Ministra a aproba pa Gobierno absorba mitad di e aumento di gasolin y mas o menos mita di e aumento di diesel. E decision aki ta dirigi riba proteccion di poder di compra y sostenibilidad economico, pa limita e presion riba prijs di producto y servicio den nos economia, pues pa mitiga e aumento di “the cost of doing business”.
Cu e intervencion di Gobierno, e aumento real pa consumidor lo wordo reduci significativamente.
Sin medida, gasolin lo subi cu alrededor di 49.1 cen, mientras cu cu intervencion e aumento ta limita na aproximadamente 24.57 cen. Pa diesel, e aumento lo wordo reduci di 83.5 cen pa alrededor di 45.20 cen.
Minister Wever, den colaboracion cu institucionnan relevante manera Banco Central di Aruba, CBS y RDA, ta sigui monitorea e desaroyo economico y internacional di cerca. Analisisnan indica cu e aumento actual tin un caracter temporal, y Gobierno lo sigui evalua e situacion pa determina paso adicional si necesario.
Segun Minister Wever e costo di e medida pa Gobierno ta estima na aproximadamente 2.5 milion florin pa luna, cu 1.5 milion asigna pa gasolin y 1 milion pa diesel. Den e contexto aki, tambe a tuma decision pa re-prioritisa gasto publico y crea un buffer pa adresa e crisis internacional. Mientras cu cierto proyectonan lo sigui, otro proyectonan lo wordo pospone pa 2027 pa crea e espacio financiero necesario pa sostene e medida nan actual.
Gobierno ta enfatisa cu e aumento di prijs di combustibel no ta resultado di factor local, sino di desaroyo internacional fuera di control directo di nos economia. Precisamente pa e motibo aki, Gobierno ta considera su participacion como esencial pa proteha ciudadano y economia.
“Desde e promer dia, mehoracion di poder di compra di ciudadano ta un di e prioridadnan principal di Gobierno. E
medida aki ta confirma e compromiso continuo pa sostene comunidad y asegura stabilidad economico den un periodo di incertidumbre global” Minister Wever a subraya.
Mayan, Gobierno lo amplia riba e topico aki y informa comunidad durante un conferencia di prensa oficial, unda lo wordo presenta e ahuste presupuestario y e strategia pa e bienestar di Pais Aruba.
EntrE rEgla y rEalidad: Un analisis di E rapport di algEmEnE rEkEnkamEr arUba (2020)
pa: parlamEntario Edgard Vrolijk
E reciente rapport di Algemene Rekenkamer
Aruba (ARA) tocante e aña fiscal 2020 ta un documento fundamental cu nos mester atende cu madures y profundidad. Como defensor di e estado di derecho, mi ta comparti e vision cu transparencia, responsabilidad y control institucional ta e pilarnan di un gobernacion sano. Sin embargo, pa compronde aña 2020, nos mester aplica un analisis cu ta bay mas leu cu e "preto riba blanco" di e burocracia administrativo tradicional.
E Dilema den un Crisis sin Precedente
Aña 2020 no tabata un aña comun. Aruba a enfrenta un calamidad global cu a para nos economia por completo y a pone miles di famia den peliger di perde nan pan di cada dia. Den e contexto ey, un liderasgo responsabel no tabatin e luho di warda e tempo cu e caminda administrativo tradicional ta prescribi. E decision pa actua tabata un decision di bida of morto pa e bienestar social di nos pais. E enfoke di ARA ta concentra riba e legalidad formal. Nan ta haci preguntanan valido riba procedura y control previo den programanan manera FASE y loonsubsidie. Como hurista, mi ta reconoce cu
e critica constructivo aki ta esencial pa fortalece nos institucionnan. Pero, nos tin e deber di wak e otro banda di e medaya: e realidad practico.
Responsabilidad
Moral vs. Rigides
Administrativo
Si Gobierno a scoge pa keda den e teoria di ARA, e resultado lo tabata un catastrofe social: pobresa extremo y inestabilidad nacional. E implementacion di FASE y loonsubsidie no tabata un acto "onrechtmatig" den su esencia moral; e tabata un accion urgente bou di circunstancia extraordinario pa mantene Aruba cabes riba awa. Ta importante pa recorda cu, maske e base legal formal tabata den proceso di wordo crea, Parlamento di Aruba hunto cu CAft tabatin un rol activo den e supervision y evaluacion di e fondonan aki. Esaki ta demostra cu, hasta den e pio crisis, nos a busca e balansa entre e rapidez cu e situacion tabata exigi y e control cu nos institucionnan ta merece.
Lesnan di ayera pa e Aruba di Mañan
Seis aña despues di e pandemia, nos posicion ta hopi mas fuerte. Awe, nos tin e leynan y e procesonan cu na 2020 tabata falta. Esaki ta e miho forma di
compronde e rapport aki di ARA: siña for di e analisis, sin ignora e situacion cu nos tawata aden y e decisionnan di emergencia cu a wordo tuma.
E les di mas grandi cu 2020 a laga nos ta cu nos no mester perde tempo valioso mas pa crea base legal den momento di calamidad, pasobra e instrumentonan ey tey caba. Como pais, nos mester ta orguyoso cu nos mesun hendenan a percura pa nos ta prepara. Awe nos tin un sistema cu ta:
1. Flexibel pa reacciona den caso di emergencia.
2. Firme den su control administrativo y integridad.
Conclusion: Mas leu cu "Preto riba Blanco" E maneho di 2020 no por wordo evalua den isolacion administrativo. Entre regla y realidad, Gobierno
a tuma decisionnan dificil pa salba un pais di destruccion social. Maske e proceduranan no tabata perfecto tecnicamente, e impacto social y e intencion di preserva nos comunidad mester forma parti di cualkier evaluacion husto.
Mi ta termina cu e pensamento aki pa nos pueblo: “Un estado fuerte no ta solamente uno cu ta sigui regla estrictamente den un oficina, sino uno cu sa con pa adapta den un calamidad sin perde su integridad.”
Parlamentario Eduard Pieters (PPA): “BBO ta castiga pueBlO y gOBiernO nO ta actua”
Pa fraccion di PPA, ta importante pa enfatisa cu Aruba ta den un momento economico peligroso. Prijs di petroleo mundial ta subi door di tension den Medio Oriente, costo di transporte ta aumenta (inclusivo e reportenan di flete cu ta subi total te 25%) y e analistanan internacional ta mustra un riesgo real di recesion mundial entre 30%–40%. Pa un isla cu depende mas cu 90% riba importacion, esaki no ta teoria, esaki ta realidad cu ya ta yega den cartera di pueblo. Pero segun parlamentario Eduard Pieters, loke ta mas preocupante no ta solamente e crisis global, sino e silencio hermetico di gobierno.
Pueblo di Aruba ta sinti e presion cada dia. Prijs ta subi sin control. Cuminda, transporte, construccion, tur cos ta birando mas caro. Pero te ainda, gobierno no a presenta un plan cla, ni un strategia concreto pa mitiga e impacto. Y esaki no ta aceptabel.
Un ehempel real: con sistema ta castiga pueblo
Parlamentario Eduard Pieters a comparti un ehempel simpel y pesonal, pero poderoso pa mustra con sistema actual ta funciona contra pueblo. Den area di construccion, un beton mat:
● Dos siman pasa: 35 florin
● E siman aki: 55 florin
Un aumento directo di 20 florin. Pero esaki no ta tur.
Door e sistema di BBO (belasting op bedrijfsomzetten), e prijs ta wordo multiplica den cada paso di cadena:
1. Distribuidor ta paga BBO
2. Negoshi final ta paga BBO
3. Contratista ta incluye BBO den su prijs
Resultado? Un aumento inicial ta
converti den un efecto acumulativo cu por yega 21% of mas riba e mesun producto. Y segun sector comercial, cu e situacion global, prijsnan por sigui subi. “Esaki ta un abuso cu nos sistema ta permiti,”
Pieters a bisa. “Y gobierno no ta haci nada pa sauvisa e golpi.”
Gobierno ta beneficia, pueblo ta sufri
E realidad cu hopi hende no ta mira ta cu, mientras prijsnan ta subi, ingreso di gobierno ta subi tambe door e sistema di BBO. Esaki ta crea un situacion peligroso, unda pueblo ta paga mas, e negoshinan ta lucha, pero gobierno ta recauda mas fondo.
“Si bo no ta actua ora pueblo ta sufri, pero bo ta beneficia di e situacion, bo ta wordo considera nada otro como abusador” Pieters a enfatisa. Esaki ta un problema hopi serio.
Promesa politico traiciona
Durante campaña electoral, tanto AVP como MEP a propone claramente pa elimina BBO y introduci BTW (belasting toegevoegde waarde). Pero awe, despues di eleccion, e cambio no a sosode. Segun Pieters, esaki ta un caso claramente di: promesa haci, pero no cumpli.
“Si bo tabatin e balor y honestidad cu pueblo, despues di mas cu un aña den gobierno, bo lo a cuminsa cu e cambio fiscal aki,” el a bisa.
Solucion ta existi pero falta liderazgo
PPA ta propone un caminda husto y cla: Cuminsa transicion di BBO pa BTW (no ta acumulativo y ta mas husto). Termino corto: kita BBO riba flete y invoerrechten pa proteha y alivia consumidor. Esakinan no ta teoria of djis
promesa, sino medidanan ehecutabel cu gobierno por implementa.
Pueblo no por warda mas Segun Pieters Aruba ta enfrentando un tormenta economico perfecto: prijs global ta subi, transporte ta caro y riesgo di recesion ta real. Pero loke no por acepta ta un gobierno cu ta keda keto. Cada dia di silencio ta costa
pueblo mas placa. Cada siman sin accion ta aumenta presion riba nos famianan. PPA ta manda un mensahe directo: No ban laga e crisis explota prome cu actua. No ban laga pueblo sufri pa falta di decision politico. Gobierno mester move awor, no mañan. Pasobra na final di cuenta, bo no ta midi un gobierno pa su palabra, pero pa con e proteha su pueblo, ora e pueblo mas tin mester.
Parlamentario Hendrik Tevreden: Gobierno ta laGa proyecto deportivo muri
Mas cu mey miyon florin di fondo publico ta bay perdi den container
ORANJESTAD – Loke
mester tabata un inversion importante pa futuro di deporte na Aruba, awor ta bira un ehempel cla di mal maneho y destruccion di capital. E proyecto deportivo multifuncional na Santa Cruz, riba tereno di Aruba Sport Unie (ASU), ta para completamente mientras mas cu mey miyon florin na material deportivo ta keda den container, deteriorando tur dia. Oposicion awor ta bati alarma y ta manda puntra e minister di Deporte si e no sa cu e ta responsabel pa para e proyecto, pero tambe pa e deterioracion evidente di inversionnan publico para den e containernan.
Di desaroyo pa paralisacion
E proyecto, situa banda di Compleho Deportivo
Betico Croes, tabata destina pa fortalece infrastructura deportivo di Aruba. Bou gobierno anterior, recurso ya tabata asigna y material ya tabata cumpra. Sin embargo, e gobierno actual a dicidi di para e proyecto bou capa di investigacion, pero sin ningun splicacion cla na parlamento o na pueblo. Tambe ta papia di hayasgonan arkeologico indjan, pero e tereno ta
mas di 20 mil m2. No ta realistico cu henter e tereno ey lo tin hayasgo indjan riba dje. Mas ainda dicon ta laga e materialnan putri den e containernan?
Ta destrui bo placa sin worry y sin informa
E consecuencia ta pa ken e ora cu e materialnan caba di daña para eynan, pa minister o pa ASU?
Containernan yena cu material deportivo ta bayendo den un mal estado, y balor di e inversion ta baha cu cada dia. Segun
Tevreden, aki nos ta papia di destruccion directo di fondo publico, o crioyo bisa, placa di pueblo, bo placa!
No ta e intencion pa daña o stroba pa yega na e hayasgonan indjan. Pero despues di mas cu dies aña, ainda no tin ningun reporte definitivo, ningun accion cla, ni decision concreto pa coba o saca esakinan for di tera. Tampoco pa sera e tereno unda ta pensa cu nan ta y asina uza loke ta resta. Pesey e pregunta na gobierno ta uno fundamental: si esaki tabata un asunto arkeologico serio, con ta posibel cu gobierno no a duna claridad durante tur e añanan aki?
Un patronchi bon cla cu nos ta keda mira cu
gabinete AVP/FUTURO:
retraso, falta di liderazgo y ausencia total di vision.
Ken ta bay carga responsabilidad?
E situacion ta lanta preguntanan serio tocante responsabilidad financiero y posibel responsabilidad legal. Ken ta responsabel pa e hecho cu material paga cu fondo publico awor ta deteriorando? Cua medida a wordo tuma pa evita esaki? Y pakico ASU como esnan encarga di e tereno ta sigui wordo frena den nan plan di desaroyo?
Tevreden ta indica cu e paralisacion prolonga no ta solamente mal maneho, pero por resulta tambe den responsabilisa e minister personalmente pa e daño causa.
Sector deportivo
atrobe victima di capricho politico Aruba ta luchando añanan caba cu falta di facilidadnan deportivo di calidad. Para e proyecto aki cual por conduci na te hasta perde e materialnan aki, no solamente ta causa daño financiero, pero tambe ta frena directamente desaroyo di deporte y hoben na Aruba. Esencia di e caso ta simpel: si gobernacion ta continuacion e ora no laga
e placa inverti aki bay perdi asina aki. Gobierno tin di proteha e inversion y no paralisa net unda progreso ta necesario. Mientras nos a manda pregunta pa gobierno contesta y asina parlamento haya mas claridad. E proyecto aki lo keda un simbolo di con fondo publico ta wordo desperdicia y con sector
deportivo ta sigui paga e prijs pa falta di capacidad politico. Esaki no ta un simpel retraso mas, esaki ta destruccion di capital, destruccion di oportunidad pa nos deportistanan, destruccion di facilidad deportivo, y tur esaki ta responsabilidad di e minister!
FORTALEZA PA FAMIA, Scirbi pa Pastor Marcel Balootje,
SI BO RUMAN CAY, NO HARI, YUDE LANTA
Tin hopi hende ta alegra den caida di nan prohimo, bisando drechi pe, su boca ta grandi, masha tempo mi a mira e cos ta bini, y hopi palabra mas cu ta haci dolor cu hende no por imagina nan mes.
Pero Kico Bijbel ta bisa di esaki?
Rumannan si un hende wordo soprendi den cualkier delito, boso cu ta spiritual , restora un hende asina, den un spiritu di mansedumbre, cada un wak su mes,pa boso no wordo tenta. (Galationan 6:1).
Den carni of carnalidad, hende no por wordo restora, cu tiramento di cos na cara, den insulto, den pleito, den hipocrecia, den falsedad, den e pensamento cu ami ta miho cu bo (Lucas 18:9-14) nada no ta wordo drecha, pero ora nos pone nos mes den lugar di esun cu a cay , nos ta sa di pordona, mescos cu Dios a pordona nos.
Dos ta miho cu un, pasobra nan tin un bon pago pa nan trabao,pasobra si un di nan cay,esun lo lanta su companjero.Ma ay di esun cu cay ora no tin ningun hende pa lante.( Eleclesiastes 4:10).
Pasobra un hende husto ta cay siete bes y ta lanta atrobe,ma e malbadonan ta trompeca den tempo di calamidad.( Proverbionan 24:16).
E cuenta di haci cherche cu dolor di hende, no ta bunita den bista di Dios, pasobra Dios ta manda nos stima nos prohimo, esey ta nifica stima tanto ora cos ta bon pa hende
y ora cos ta malo pa e persona.
Stime den su fiesta, pero tambe stime den su dolor, aplaudi crecemento, pero keda para hunto cu e persona ora cos no ta bayendo bon cune.
Hopi biaha den un matrimonio, ta ora dificultad drenta bida e ora ey e amor berdadero ta sali na cla,wak bon den historia di Job e casa di Job no por a deal cu e situacion ( Job 2:7-10).
Pesey den un matrimonio ta bini prueba pa stabilisa e matrimonio, pasobra matrimonio no ta solamente relacion sexual, cas bunita, auto bunita, yuinan bunita, bon trabao etc, pero bida ta presenta su buelta pa hende sinja respeta otro y sa di berdad cu nan tey pa otro.
Un di e puntonan hopi importante den un matrimonio ta ora un pareha sa di pordona otro, pero pordona otro di berdad, sin condicion, manera Dios a pordona nos tur, no ta pasobra un hende a haci un fout e tin di keda esclavo di su pareha pa resto di su bida,pasobra e a haci fout.
Pasobra palabra di Dios ta bisa: Cu si nos confesa nos pica,E ta fiel y husto di pordona y libra nos di tur inhusticia.( 1 Juan 1:9)
Especialmente pa matrimonio, aunke tin hopi cu tin miedo di hacie Senjor ta bisa den Santiago 5:16: Pesey confesa boso picanan un na otro, y haci oracion un pa otro, pa boso wordo cura, e
oracion efectivo di un hende hustu por hopi.
Tur e cosnan aki ta stabilisa matrimonio, y diabel ta keda bergonsa ora entre e homber y e muher tin e confiansa ey di confesa un na otro y pordona otro, y haci oracion un pa otro, pasobra eynan e enemigo ta wordo venci pasobra ora e a mira gera na caminda, Senjor a sembra pas.
Den nos cas, nos yuinan por comete un error, pero mescos cu educacion ta cuminsa den cas restauracion tambe mester tuma lugar den cas, pasobra si un hende su hendenan di cas no por restora su situacion serca ken e ta bay?
Senjor trece bo restauracion den cada hogar pa medio di bo palabra.
Sinceramente, Pastor Marcel Balootje.
UN FELIZ DIA BENDICIONA
YENA DI GRACIA, AMOR Y PAZ
E ORA EY E DOS
DISCIPELNAN A CONTA TUR COS CU A PASA CU NAN
NA CAMINDA. CON NAN A RECONOCE HESUS, ORA EL
A KIBRA PAN.LUCAS 24,35
E Evangelio di awe ta mustra nos con Hesus ta yega como consolador, cu palabranan di paz cerca su discipulonan cu tabata yen di temor y duda. Su discipulonan a spanta ora nan a haya nan mes confronta cu presencia di Hesus.
Nan a mira Hesus fayece y nan no por a kere ora nan a mira Hesus bibo. Hesus a mustra nan su heridanan pa asina nan por compronde cu ta E mes, Hesus a come cu nan y asina por a mustra cu di berdad E ta bibo.
Aki Hesus ta pidi su discipulonan pa nan ta testigo di djE. Hesus ta pidi nos tambe pa nos ta su testigonan. Nos tambe mester ta testigo fiel di Hesus su Resureccion. Manera e apostelnan nos ta resa pa nos tin un curason habri pa nos experencia presencia di Hesus y asina tambe pa nos por ta su testigo y sigui plama e bon noticia tur caminda.
Oracion:Señor Hesus danki pa bo amor pa nos. Danki cu nos por ta semper den bo presencia y nos por ta bo testigonan fiel. Habri nos curason pa nos por ta bo fiel siguidonan. Amen.
Drenta su portanan di gradicimento, Drenta su tempel cu cantica di alabansa, Glorific'e, bendiciona su Nomber.
Salmo 100:4
Cu inmenso dolor na nos curason pero conforme boluntad di Dios, nos ta anuncia fayecimento di:
Na nomber di su:
Casa:
Susenne "Sussy" Tromp
Mayornan:
Cornelia Tromp-Semeleer y † Hozé Tromp
Suegra y suegro:
Irena Dijkhoff, † Rufo Tromp
Rumannan:
Carmen Tromp, † Mario Tromp
Angelico Tromp, Lidwina Tromp (na Hulanda)
Jossy Tromp y Agnes,† Roberto Tromp
Mariana Wernet-Tromp y Edwin
Mercedes Ten Ham-Tromp y Willem (na Corsou)
Giovanni Joaquin Tromp Cariñosamente yama "Ovi" of "Gio" *15-08-1959 - †02-04-2026
Rosanna Koelewijn-Tromp y Jan, Margriet Lee-Tromp y Andy (na Hulanda)
Sobrino- y sobrinanan:
Enrique Tromp y Ana, Emma (na Spaña)
Paulo Tromp (na Spaña)
Angelino Tromp y Cora Mee-ling, Ephron, Ayra y Trevor (na Corsou)
Nicole Evertsz-Bilton y Aaron, Ben y Luz (na Nieuw Zeeland)
Chantale Evertsz (na Hulanda)
Giselle Evertsz (na Hulanda)
Fleur Tromp, Joey
Nina Vleeming-Tromp y Anthony, Daniel y James
Isabel Zuure-Tromp y Jasper, Jip (na Hulanda)
Jancis Tromp y Jacques, Ela y Eva, Jennifer Wernet y Efraim, Eric, Eldrick, Jaydrick y Jeandrick, † Maurice Wernet, Willem ten Ham (na Hulanda)
Carmen-Rosa ten Ham (na Hulanda), Jacob Koelewijn
Kristel Lee (na Hulanda), Hannah Lee (na Hulanda)
Su tantanan na bida:
Anna Dijkhoff-Semeleer, Rosa Junker-Semeleer y Gerd (na Alemania)
Sua y cuñanan:
Anthony Tromp, Charlotte y Mario Trimon y famia
Astrid y Leonardo Petrochi y famia
Primo- y primanan.
Amigo- y amiganan y bisiñanan.
Tur su ex-coleganan di DOW.
Demas famia: Tromp - Semeleer - Dijkhoff - Junker - Sluis - Wernet - Ten Ham - Koelewijn - Lee - Evertsz - Vleeming - Zuure - Wing - Geerman - Bilton - Nucete - Van Eps - de Cuba - FigaroaGiel - Ridderstaat - Morittu - Trimon - Dabian - Filiciana - Cardose - Petrochi.
Nos kier a gradici fysiotherapeut Marlon Thode, tambe Hose Figaroa di Labco.
Un special gradicimento ta bay na su ruman Rosanna cu tabata su man drechi durante henter su enfermedad, na Jan y Jacob cu tambe tabata di gran ayudo. Na su ruman Carmen cu a hosped'e den su cas durante su enfermedad. Y na su ruman Margriet cu a sosten'e durante su tratamento na Colombia.
Nos ta pidi nos disculpa si den nos tristesa nos por a lubida algun persona of famia.
Na lugar di manda flor/krans por haci un donacion na Koningin Wilhemina Kanker Fonds Aruba. Condolencia lo tuma lugar na Aurora Funeral Home diamars 7 di April 2026, di 7or pa 9or di anochi.
Entiero lo tuma lugar na Misa Sta Anna na Noord diarason 8 di April 2026 di 2or pa 4or di atardi. Despues lo sali pa Santana Central Sabana Basora.
SUDOKU SOPI DI LETRANAN
Un feliz dia yena di hopi fe y speransa
den nos bon Dios
”…sino conta e generacion venidero: esta gloria di Señor, su poder, ye cosnan milagroso c’El a haci.” ( Salmo 78, 4bc) E Evangelio di awe ta cuadra, manera semper, tempo cu ami tabatamucha. Mi mayornan semper tabata educa mi tocante di Dios, CristoHesus y Spirito Santo. Y un Bijbel no tabata haci falta. Haci oracionta cos di tur dia. Y sin falta bishita e cas di Dios.
Awendia nos ta ripara e generacion di awo, no tin mucho balor pa cuDios. Pero anos a sigui conta nos yiunan tocante di Dios manera nosgrandinan a haci? Anos a siña e hubentud tocante e milagronan ysacrificio cu Cristo Hesus a haci? Of di e donnan cu Spirito Santo tinpa nos? Y anos a tene man di nos yiunan, hibando nan, tur siman, pacas di Dios pa scucha su Palabra? Ban sigui cu e bunita custumber cunos grandinan a haci. Ban sigui hiba e futuro generacion ariba ecaminda cu Cristo Hesus a traha pa nos. ”…pa nan tambe confia denSEÑOR, no lubida Dios su obranan grandi…”(Sal 78, 7)
Oracion: Señor mi Dios motiva mi y guia mi, cu yudansa di SpiritoSanto, ariba mi responsabilidad pa conta y educa e generacion nobo di Bo Maraviya.
Y inspira nan pa nan sigui conta na e siguiente generacion. Amen.
“Señor ta mi wardador, mi’n tin falta di nada Den cunucu di yerba berde e ta ponemi sosega. E ta hibami na awa trankil, Pa mi bolbe haña forsa”.
Salmo: 23
Cu inmenso tristesa pero conforme cu boluntad di Dios nos ta anuncia fayecimento di nos ser stima:
Na nomber di su:
Mayornan:
†Ignacio y †Luisa Geerman-Werleman
Rumannan:
†Anastacio y Lucrecia Geerman
†Ana Maria y Techi Briesen
†Regenita y †Marco Kelly
Juliana ‘Juju’ Geerman
†Nicolaas ‘Cochi’ Geerman
Bernardo ‘Benny’ Geerman
Gil ‘Ciro’ Geerman
†Elisabeth Geerman
Sobrino- y sobrinanan:
Lucrecia Kelly, Haime Wiersma y famia
Ester, Javier Ramirez y famia
Robert Kelly y famia
Susan Kelly, Edgardo Magliocchi y famia
Sheritza Geerman, Alvin Filiciana y famia
†Martin Briesen
Virgilio ‘Buchi’ Briesen, Gina Werleman y famia
Bernadeta ‘Eta’, Johnny Croes y famia
Rudolfo ‘Quito’, Mariseli Briesen y famia
Lidia, Tico Kelly y famia
Leo, Zulaika Briesen y famia
Omiria, Milko Lo-Asioe y famia
Graciela Geerman
Cariñosamente yama ‘Chia’ *21-07-1935 - †31-03-2026
Tur sobresobrino -y sobrinanan, bisiñanan cu a cuida bon di dje, primo, prima, iha, comer, comper, amigo- y amiganan cu ta hopi pa menciona.
Demas famia: Geerman, Werleman, Briesen, Kelly, Ramirez, Franken, Henriquez, Garcia, Croes, Lo-Asioe, Thiel, Hernandez, Ras, Wierma, Magliocchi, Quant, Filiciana, Rasmijn, Wouters, Winterdaal, Leon, Fingal, Rombley y Jansen.
Gradicimento:
Dr. A Singh, Assistent Elviriën y tur cu a cuid’e. Nos ta pidi disculpa si den nos tristesa nos por a lubida algun ser keri.
Acto di entiero lo tuma lugar diahuebs 9 di april 2026 di 9or pa 11or di mainta na Misa Inmaculada Concepcion na Santa Cruz. Despues lo sali pa santana catolico Pastoor de Vries, Santa Cruz.
Nos ta lamenta cu despues di entiero no por ricibi bishita di condolencia na cas.
BO TA PAPIA DI DIOS, PERO BO NO TA DEN E
IGLESIA DI SALBACION CU CRISTO-HESUS A LANTA NA HERUSALEM 2000 ANJA PASA
Den Bijbel Huan 10: 16, ta bisa : “Mi tin otro carne tambe, cu no ta den e cura aki. Esakinan tambe Mi tin di guia y nan lo scucha Mi boz y lo bira un cura y un wardador.” Akinan Hesus ta bisa bon cla, cu tin hendenan cu no ta den e Iglesia aki. Nan tambe tin di wordo guia, evangelisa y nan tur lo drenta den un solo Iglesia y nan lo tin un solo wardador di Iglesia. Awor, ta ken ta e un wardador di Iglesia aki na mundo? Den Bijbel Huan 21: 1517, ora cu Hesus a bisa Pedro, duna Mi lamchinan di come, cuida Mi carnenan y duna Mi carnenan di come. Esaki ta significa, cu Pedro ta encabesa y ta representante di Cristo Su Iglesia, pa dirigi den predicashinan, pa duna ensenjansanan, pa evangelisa, pa administra e doctrinanan di Sacramentonan y pa guia e Iglesia di CristoHesus. Awor, si nos lesa Bijbel Mateo 16: 15-19, na unda Cristo-Hesus a bisa Simon Pedro: “Abo ta Pedro (osea baranca) y riba es baranca aki, lo Mi lanta Mi Iglesia y forsanan di fierno lo no podera di dje.
Lo Mi duna bo e yabinan di Reino di Cielo y loke bo prohibi na tera, ta prohibi den Cielo tambe y loke bo permiti na tera, lo ta permiti den Cielo tambe.” Compronde bon, ora cu Hesus a duna Simon e nomber Pedro, cu ta significa baranca, esaki kiermeen cabes visibel di Cristo-Hesus Su Iglesia. Ora Hesus a duna Pedro e yabinan di Reino di Cielo, esaki ta significa cu Pedro y su
sucesornan tin e yabinan di Reino, cu ta e Iglesia di Hesus, cu ta e unico caminda y porta pa por drenta den e Reino di Dios. Hesus ta duna Pedro y su sucesornan e autoridad, di loke ta permiti y di loke ta prohibi den Iglesia. Ora cu Hesus a bisa Pedro, cu forsanan di fierno lo no podera di Su Iglesia, Esaki ta e diabelnan den fierno cu lo persigi e Iglesia di Hesus y nan lo lanta diferente sectanan y religionnan falso, pa desvia hendenan for di Iglesia pa nan perdicion. Na anja 1521, un tal Martin Luthero un frere teologo aleman, a bin cu e theoria di interpretacionnan liber di Bijbel.
E interpretacionnan liber di Bijbel aki, a trece hopi divisionnan na mundo y a produci 36.000 diferente sectanan y nan a lanta nan mes un religionnan, sectanan y predicando e Bijbel den nan mesun manera. Pedro y su sucesornan tin e yabinan di Reino di Cielo, pero e sectanan nan no tin e yabinan di Reino di Cielo y nan no tin e salbacion. Den Bijbel Lucas 13: 25-30 Hesus ta bisa, cu lo bini hendenan di Oriente y di West, di Noord y di Zuid pa tuma parti den e Reino di Dios. Esaki ta e hendenan di henter mundo den e Aliansa Nobo di Dios Tata y cu a bautisa den e Iglesia Universal di Cristo-Hesus. Ora Hesus a bisa, cu porta di Reino lo sera pa bosonan y bosonan lo keda pafor, eynan lo tin yoramento y mordemento di diente. Esey ta esnan na mundo, cu no a acepta e Aliansa Nobo di Dios Tata y cu no
CAS DI CULTURA TA TRECE CURUBA BEk PA SU DI DOS EDICION
Oranjestad, Aruba, 7 di April 2026 — Despues di un debut fuerte y bon ricibi, Cas di Cultura ta presenta orguyosamente e di dos edicion di Curuba, un concierto di jazz caribense cu ta sigui explora e rikesa y diversidad di expresion musical. Tumando luga dia 3 di mei 2026, na Paseo Herencia Ballroom, Curuba ta regresa cu energia renoba. E prome edicion a introduci e publico na un mescla dinamico di zonido y estilo, atrayendo musiconan y oyentenan hunto den un aprecio pa presentacionnan bibo y intercambio cultural. E lineup ta conta cu un grupo diverso di artistanan, manera Vernon Chatlein, Mara Leti, WATRA, Reno Steba, y mas, cada un treciendo nan propio
interpretacion di jazz, influencia pa ritmonan Caribense y tradicionnan musical mundial. Pa medio di esaki, Curuba ta refleha e compromiso continuo di Cas di Cultura pa sostene desaroyo artistico y amplia acceso na experencianan cultural varia.
Iniciativanan manera Curuba ta destaca e importancia di envolvi cu diferente genero y fomenta un aprecio mas profundo pa musica bibo. Curuba ta encurasha publico pa conecta cu musica na un manera mas intencional y inmersivo. Cu su di dos edicion, Curuba ta sigui crece como un oferta cultural cu ta trece hende hunto pa medio di zonido, creatividad, y experiencia
a bautisa den e unico Iglesia Universal di CristoHesus. Den Bijbel Mateo 16: 15-16, Hesus ta bisa Su Apostelnan: “Pasa rond di mundo y predica e Bon Noticia pa henter humanidad.
Esnan cu kere y ta bautisa lo ta salba, ma esnan cu no ta kere, nan lo ta condena,” E palabra pasa rond di mundo y predica e Bon Noticia pa henter humanidad ta significa, Universal, Hesus Su Iglesia ta Universal.
Universal ta Catolico. Compronde bon, ora cu Hesus a manda Su Apostelnan pa predica y pa bautisa, e Iglesia Universal di Hesus a cuminsa crece pa henter mundo. Hesus a institui Su 7 doctrinan di Gracia di Salbacion pa Su Iglesia. Bautismo Mateo 28: 19-20, Confirmacion Echonan di Apostelnan 2: 1-4, Confesion Huan 20: 23, Eucaristia Lucas 22: 19-29, Matrimonio Mateo 19: 4-6, Sacerdote Marco 3: 13-19, Enfermonan Hacobo 5: 14-15. Hesus ta bisa bon cla Bijbel Marco 16: 15-16: “Esnan cu no ta kere y cu no ta bautisa, nan lo ta condena.” Pesey, no tin salbacion pafor di Iglesia Universal di Cristo-Hesus. E Iglesia Universal di Cristo-Hesus, tin mas cu 2000 anja. Corda bon loke cu Hesus a bisa, cu e podernan di diabel lo no podera y lo no kibra Mi unico Iglesia. Pesey nunca no ta laat pa busca e berdad, prome cu Dios yama bo pa duna cuenta.
comparti—estableciendo su mes mas ainda como un momento notabel riba e calendario cultural di Aruba.
Pa mas informacion, bishita e canalnan oficial di social media di Cas di Cultura.
