Diarazon april 22 2026

GERLIEN TA HUNGA

CU BIDA DI NOS MUCHANAN;

EL’A DOEK OP E DEPARTAMENTO

ARUBA TOURISM AUTHORITY Y ARUBA

PORTS AUTHORITY N.V. A YAMA

BON BINI NA E CRUCERONAN QUEEN

ANNE, STAR PRINCESS Y SCENIC ECLIPSE

SCOUTING ARUBA HUNTO

CU ALIADONAN TA CELEBRA

‘GOOD DEEDS DAY’ CU UN

GESTO BUNITA PA NOS

ADULTO MAYORNAN

ACF: E COMPLEHIDAD DI MANEHA IMPACTO DI BISHITANTE NA MANGEL HALTO

Como e organisacion di maneho di Aruba su areanan protegi terestre y marino, Aruba Conservation Foundation (ACF) kier elabora riba e proyecto di renobacion cu a wordo conduci riba e palapanan existente na Mangel Halto.

Un di e desafionan crecente y compleho di nos tempo ta maneha e balansa entre turismo y conservacion di naturalesa, specialmente ora cu ta bin na e impactonan social y di medio ambiente di infrastructura di bishitante, manera e renobacionnan na Mangel Halto. Mangel Halto mas y mas ta birando un area hopi bishita pa local y bishitantenan di afo y e subida den bishitante ta representa menasanan mas grandi ainda ariba e medio ambiente y e comunidad den e area. Den e ultimo lunanan, ACF tawata den contacto di cerca cu varios di e representantenan di e comunidad di Mangel Halto kende a trece dilanti nan preocupacionnan, cu ta inclui e situacion di deterioracion di e palapanan, pero no limita na esey so.

E renobacion di e palapanan y gazebonan na Mangel Halto ta parti di un colaboracion mas amplio entre Aruba Tourism Authority (A.T.A.), primordialmente dirigi na reduci e impacto humano riba e sitio ecologicamente sensitivo akinan, y asina maneha bishitantenan activamente y crea espacio pa naturalesa. E renobacion na Mangel Halto a cuminsa na november 2022 como parti di un proyecto multi annual bou di e gabinete anterior na areanan di Boca Catalina, Mangel Halto y Rodgers Beach, financia pa A.T.A., maneha pa un empresa ingeniera contrata, den colaboracion cu ACF pa recomendacionan medio ambiental.

E obhetivo di e proyecto di Mangel Halto ta pa responde na e necesidadnan di naturalesa, e comunidad di Mangel Halto, y bishitantenan di e area, pa renoba e palapanan deteriora riba lama y riba e costa, e brug, e trapi, y ultimamente e dek, den un manera cu ta mas alinea na metanan di conservacion y sostenibilidad a termino largo.

Fase I a encera e reemplaso di palapanan existente riba beach cu gazebo pa asina miho maneha e fluho di bishitante asina respondiendo na e cantidad di bishitantenan na Mangel Halto. E aumento grandi di bishitante local y internacional na e area akinan a causa

hopi daño na e mangelnan pasobra personanan tawata bay den e mangelnan pa asina busca sombra di solo, asina destrosando habitat di por ehempel e soldachi (Fiddler Crab), ta colga tasnan y serbete na e ramanan di e mangel, y ta laga atras mas sushi ainda den e raiznan di e mangelnan.

Fase II, cu a cuminsa na januari 2025, cu e reemplaso di palapanan existente riba e costa cu a wordo completa luna pasa.

Pa fase I y fase II, e proyecto a tuma lo siguiente den consideracion prome cu ehecusion:

• A reduci e number total di palapa, y no a bin cu mas palapa.

• A kita e structura reduntante.

• A realoca e palapanan pa areanan menos ecologicamente sensitivo: a kita palapa di area unda cu tin mata ta crece pa asina mester stop di corta e mata y laga vegetacion natural pa regenera, trahando mas especio pa naturalesa.

• A realoca e palapnan riba costa mas leu di e liña di costa pa reduci e chens cu sushi ta cai dibiaha den lama.

• A restaura habitat costal door di crea mas espacio na e costa pa especienan costal manera e Sternchi of Bubi por unabes mas cuminsa usa e costa pa broei den futuro. Por observa caba Sternchinan den e area.

• A diseña e palapnan cu un fundeshi fuerte y solido pa por wanta e biento costal fuerte y asina garantisa e siguridad di bishitantenan, mientras a incorpora cu e parti ariba di e palapa por facilmente wordo mateni sin mester atrobe stroba e fundeshi of e naturalesa cu ta rond di e palapa.

Mescos cu tur otro proyecto cu ACF ta envolvi aden, esfuersonan activo ta wordo haci pa por involucra stakeholders, y pa e proyecto akinan, ACF a sigura di involcra e comunidad di Mangel Halto. Localidadnan di e palapanan a wordo escoge cu sugerencia y den presencia di representantenan di e comunidad.

Tumando den consideracion e complehidadnan akinan, ta un momento curcial pa nos para keto y refleha con, hunto cu e gobierno nobo ta bay maneha e infrastructura y actividadnan turistico, y nan impacto riba naturalesa. Bayendo dilanti, ACF como un organisacion di maneho di conservacion ta keda comprometi na tuma e pasonan necesario pa fortalece protocolnan y sigura cu un sorto di Evaluacion di Impacto Ambiental (EIA) ta central na tur

proyecto, carga pa ACF of haci den colaboracion cu ACF. Como parti di e compromiso aki, tur palapa y gazebo lo tin regla, regulacion, y mensahenan cu ta enfatisa e balor di naturalesa integra como parti di nan structura locual cu ta hacie mas facil pa usuarionan por compronde y adopta comportacion responsabel den e area akinan.

Mientras cu tur esfuerso a wordo haci pa cumpli cu e consideracionan medio ambiental, tambe a haci esfuerso pa integra e necesidad di ambos naturalesa y e ser humano. E momento aki ta pone enfasis riba e complehidad di un realidad mas amplio y urgente. Aruba mester defini con e lo maneha turismo y su impacto riba naturalesa awo y den futuro. Di palapa, pier, y actividadnan di recreacion, persigui balansa ya no ta un opcion mas, e ta esencial den e contexto di cambio climatico, un populacion cu ta sigui crece, perdidad di biodiversidad, y e number di bishitante pa nos isla cu tambe ta sigui crece.

Conservacion di naturalesa no por wordo haci door di ACF so. Nos ta conta riba e comunidad di Aruba pa ta e wowo y e oreanan di naturalesa hunto cu nos y avisa di cualkier problema na momento cu e ta pasando. E naturalesa aki ta di nos tur y ACF semper ta habri pa cualkier persona trece su preocupacionan of preguntanana dilanti, of duna feedback critico pa asina accion por wordo tuma den e momento y no despues.

Gerlien ta hunGa cu bida di nos muchanan; el’a doek op e departamento

Politica

Sushi e peliger di desmantela pa ‘Reinventa’ bou di Gerlien Croes

Aruba ta den gara di un maneho unda propaganda ta bin promove cu proteccion. Den un intento pa posiciona e coalicion AVP-FUTURO como e “salbador” di e sistema, Minister Gerlien Croes hunga un politica sushi, desmantelando structuranan vital djis pa por rebendé nan como idea nobo, mientras e consecuencia di e paralizacion aki ta wordo sinti den e camanan di hospital.

Les di pasado cu a wordo sabotea

Comunidad di Aruba no por lubida e trauma di e casonan di Richandro y Eugene. E tragedia ey tabata e motivo pakico e gobierno anterior (MEP) a actua cu urgencia pa structura e Departamento di Mucha y Hoben (DMH). E meta tabata cla: asumi e responsabilidad cu pa mas di 20 aña a wordo ignora, garantisa e implementacion di e ley di centro di cuido y percura pa e Meldcode den Codigo Civil wordo aplica

debidamente.

Sinembargo, cu e cambio di mando, Minister Gerlien Croes a opta pa un caminda peligroso. En bes di duna continuidad na un departamento cu ya tabata cla pa ehecuta, e mandatario a scoge pa “doek op” tur loke cu otro a traha. Esaki no ta reforma ni innovacion, esaki ta un sabotaje administrativo pa interesnan partidista.

Uso di Recurso y Falta di Vision

E “politica sushi” aki tin un prijs halto:

Malgasto di Recurso:

Desmantela y bolbe lanta e mesun cos ta costa placa di pueblo.

Paralisacion

Administrativo:

Trahadonan publico y expertonan ta keda den incertidumbre mientras e Minister ta dicidi con pa haci e projecto “di dje”.

Seguridad den Peliger:

Cada dia cu e ley di centro di cuido no wordo ehecuta pasobra e Minister kier “cambia nomber”, ta un dia mas cu nos muchanan ta core riesgo.

Un fachada cu consecuencia real

E mentalidad di Minister Gerlien Croes ta mustra un falta di vision nacional. Proteccion di mucha no mester tin color politico. Si

e gobierno anterior a laga un base cla, e deber di un minister responsable ta pa fortific’e, no bor’e pa skirbi su propio nomber riba e muraya.

Aruba no por permiti pa e bida di nos muchanan wordo uza como piesa di intercambio den un campaña di imagen. E “wega di payaso” aki mester para prome cu un otro tragedia sacudi nos isla. Pueblo ta exigi accion, supervision real y transparencia, no mas propaganda cu holó di oportunismo.

E-BikE a Bay dal frontal contra auto na Santa cruz

unda cu a sosode un accidente entre un E- Bike y un auto.

Parse cu e manehador di e E-Bike lo a tuma un birada poco grandi di mas y a bay dal contra un auto.

Paramediconan tawata necesario na e sitio, door cu durante e impacto e manehador a bay cay riba e windshield. E la wordo atendi na yegada di Paramediconan.

Locual ta fastioso, ta e parti seguro debi e Bike no tin seguro y lo mester bay regla algo pa cubri e gasto ocasiona na e auto.

Dos protocol importante firma Minister Wendrick cicilia presente durante conferencia MaritiMo na sint Maarten

Oranjestad, Aruba –Diabierna 17 di april a culmina e conferencia maritimo cu a tuma luga na Sint Maarten. Minister di Turismo, Transporte y Labor mr. Wendrick Cicilia. E conferencia, riba nivel di Reino Hulandes, a conta cu presencia cu Minister Wendrick Cicilia, Minister Grisha Heyliger, representantenan di Minister Charles Cooper y Minister Roderick Middelhof como tambe ehecutivonan di diferente departamento Hulandes.

A firma dos protocol importante pa loke ta trata e asuntonan maritimo, e protocol ta un continuacion di e Koninklijke Maritieme Organisatie cu ta un plataforma caminda tur e departamentonan di asunto maritimo ta bin hunto pa intercambia informacion, experticio y conocemento pero tambe pa duna otro sosten riba temanan maritimo. E acuerdo aki ta sumamente importante pa Aruba mirando cu nos economia ta depende di conexion maritmo manera crucero y importacion pues mester cumpli cu tur e regulacionnan di International Maritime Organization (IMO) y IMSAS Audit. Ta necesario pa intercambia experticio pa asina fortifica nos conocemento.

E di dos protocol firma ta un MoU entre diferente pais den Reino Hulandes cu Onderzoeksraad voor Veiligheid. E ta trata e accidentenan maritimo cu

por sosode den nos awanan teritorial y ta duna nos e oportunidad pa haci un peticion na Onderzoeksraad voor Veiligheid pa conduci un investigacion conhuntamente cu e expertonan local.

Ademas a atende cu diferente topico importante manera con Aruba ta preparando pa e IMSAS Audit, tin tratadonan internacional pa ratifica y legislacion local riba asuntonan maritimo manera siguridad riba lama. Tin necesidad pa hopi legislacion, Ministerio di Transporte ta comprometi pa percura pa e legislacionnan

Scouting ArubA hunto cu AliAdonAn tA

celebrA ‘good deedS dAy’ cu un geS to bunitA pA noS Adulto MAyornAn

Ayera, diadomingo 19 di april, Aruba a uni su mes na e movecion global di ‘Good Deeds Day’. Scouting Aruba, como organisado principal, a bini hunto cu Parlamento Hubenil, Poder di Hubentud y Fundacion Believe in Yourself pa

realisa un proyecto special dedica na e casnan di cuido di nos adulto mayornan. Bou guia di HKC Adelin Trimon-Geerman, cu sosten di HC Dave Martinus y demas miembro di hoofdbestuur di Scouting Aruba a scohe pa un meta

hopi special: e recoleccion di comestibel y, mas importante, comparti tempo y amor cu nos adultonan mayor. Pa garantisa un ambiente trankil y placentero pa e bishitantenan y e residentenan, a opta pa traha cu

delegacionnan representa pa e gruponan ariba menciona. Esaki a permiti un interaccion mas personal y profundo, evitando aglomeracion den e casnan di cuido. E dia no a trata solamente di e entrega di donacion, sino di e balor di bida cu e hobennan a siña: e importancia di bridge e "gap" generacional y duna atencion na esnan cu a traha pa nos pais. E casnan di cuido bishita a keda sumamente gradecido y emociona cu e bishita, resaltando cu e presencia y e

combersacionnan tabata e regalo di mas grandi. E actividad a clausura bao di un sombra di palo, unda a tuma e oportunidad pa gradici tur presente specialmente e drivernan cu a percura pa e

transporte, como tambe tur boluntario y persona cu di un of otro manera a duna un man pa haci e actividad aki posibel. E boluntarionan a comparti nan experiencianan, a ricibi nan certificado di participacion y un ‘goodie bag’.

Gratitud na nos Sponsornan

Un proyecto di e magnitud aki no por tabata posibel sin e curason generoso di nos comercio local. Scouting Aruba ta extende un danki di curason na: Ecotech, Martijn Trading, Romar Trading, Subway, Oduber Agencies,

Caribbean print center, Satex, El Louvre, Windcreek Hotel, Divi & Tamarijn All Inclusive Hotel, Tec NV, La Moderna, Costa Linda y tur e trahadornan di Costa Linda Hotel kendenan a uni pa colecta e comestibelnan necesario.

Actividad Global Good Deeds Day ta un movecion global cu ta wordo celebra den mas di 110 pais, unda miyones di persona ta bini hunto pa haci bon pa nan comunidad. Scouting Aruba ta orguyoso di por a fungi como e motor tras di e iniciativa aki na nos isla.

Desde awor, e organisacion ta invita henter comunidad pa marca e fecha den nan calender: otro aña, Good Deeds Day lo wordo celebra dia 18 di april 2027.

ElisabEth timmEr ta ponE aruba riba mapa na rottErdam

Stingray Swimming Team ta sigui celebra un desempeño excepcional di su atleta elite, Elisabeth Timmer, kende durante e Rotterdam

Qualification Meet 2026 a confirma su crecemento continuo riba escenario internacional cu e recordnan nacional, multipel mehoracion di tempo (personal best) y un mentalidad fuerte cu ta sigui pusha su mes pa mas. Record Arubano Kibra dos biaha

Elisabeth a logra algo extraordinario den evento di 100m freestyle: dos biaha kibra Record Arubano den un solo dia. Mainta el a kibra e record pa prome biaha, marcando un tempo di 56.68 y atardi el a bolbe baha su tempo, cu pa un impresionante tempo di 56.45.

E resultado aki no solamente ta un logro tecnico, pero un prueba di consistencia y capacidad pa presta

bou di presion.

3 Personal Best: Señal di Progreso Real

Durante e competencia aki, Elisabeth a registra:

100m Freestyle – 2x PB (y record Arubano)

50m Freestyle – 1x PB

Tres mehoracion di tempo (PB) den un competencia internacional ta confirma cu su training ta dunando resultado y cu e ta avanzando den e direccion corecto.

50m Backstroke: Cerca di Un Siguiente Record Nacional Den e 50m lomba, Elisabeth a termina e final cu un tempo di 30.26, yegando cada biaha mas cerca na e meta di baha bou di 30 seconde.

Segun su propio palabranan:

“Mi no a logra kibra e record ainda, pero mi a keda hopi cerca…y e 29 seconde lo bini pronto, paso mi ta sigui train duro.”

E determinacion aki ta refleha claramente e mentalidad di un atleta cu no ta conforma, pero cu ta sigui traha pa excelencia. Mentalidad di Campeon

Mas cu e temponan, loke ta destaca ta su actitud:

Refleha riba su carera Reconoce unda por mehora

Y sigui cu enfoke pa e siguiente oportunidad

Esey ta e base di berdadero crecemento den deporte di nivel halto.

Orguyo pa Aruba

Compitiendo contra e atletanan di nivel Europeo, Elisabeth Timmer ta pone Aruba riba mapa cu cada salida, cada stroke y cada finish. Su logro ta un inspiracion pa e landadonan hoben y un ehempel cla di con leu dedicacion y disciplina por yega.

Stingray Ta Celebra

Stingray Swimming Team ta felicita Elisabeth pa su desempeño extraordinario di bolbe tin Record Arubano, hunto cu multipel mehoracion di tempo (PB’s) y un progreso constante.

ArubA Tourism AuThoriT y y ArubA Por T s AuThoriT y

NA e cruceroNAN QueeN ANNe, sTAr PriNcess y sceNic ecliPse

Aruba Tourism Authority (A.T.A.), den colaboracion cu Aruba Ports Authority N.V. (APA N.V.), a duna un caluroso bon bini na e cruceronan di e temporada 2026 durante e yamadanan

inaugural. E yegada di Queen Anne y Star Princess tabata riba 16 di april 2026 y Scenic Eclipse riba 19 di april 2026. E bishitanan importante aki ta pone enfasis riba posicion continuo di Aruba como un destinacion lider den Caribe, comprometi cu turismo di calidad, colaboracion fuerte y desaroyo di crucero enfoca riba sostenibilidad.

Riba 16 di april 2026

Aruba a ricibi e prome

yamada, esta ‘first call’, di Queen Anne, representa localmente pa agencia di waf SEL Maduro and Sons, y Star Princess, representa pa Armada Port Agency. Visitor Care Liaison di A.T.A. Marouska

Heyliger a atende e first call conhuntamente cu representantenan di APA N.V., resaltando e colaboracion entre e stakeholdernan clave di destinacion Aruba. Riba 19 di april, e yate di expedicion ultra luhoso Scenic Eclipse a haci su yamada inaugural na Aruba, maneha pa SEL Maduro and Sons. E bishita a fortalece e relacion di Aruba cu e segmento di crucero di

luho y expedicion, cu ta sigui pone enfasis riba un cantidad mas chikito di bishitantenan y itinerarionan mas consciente di medio ambiente.

Enfasis riba sostenibilidad

Tur tres barco ta alinea cu esfuersonan mas amplio di e industria pa mehora rendimento ambiental y practicanan di turismo responsabel. Operacionnan moderno di crucero ta incorpora cada bes mas iniciativanan, por ehempel mehoracion di eficiencia energetico, reduccion di desperdicio, sistema avansa pa trata awa residual y strategianan pa involucra destinacion diseña pa sostene comunidad local mientras ta minimalisa e impacto ambiental. Aruba lo sigui traha di cerca cu partnernan di crucero pa stimula operacionnan di waf sostenibel y experiencianan di bishitante responsabel. Ceremonia di intercambio di plakkaat

Durante cada yamada

inaugural, a tuma lugar un ceremonia di intercambio di plakkaat.

Un intercambio di plakkaat ta un tradicion maritimo di hopi aña, unda plakkaatnan conmemorativo ta wordo presenta entre oficialnan superior di e barco cu ta di bishita y representantenan di e destinacion anfitrion. E gesto simbolico aki ta representa aprecio mutuo, bon boluntad y e fortalecemento di relacionnan a largo plaso entre e linea di

crucero, agente di waf y e destinacion. Normalmente e ceremonia ta wordo haci durante yamada ‘maiden’ of inaugural como un marca di reconocemento y partnership.

Tocante e barconan Queen Anne, Star Princess y Scenic Eclipse Queen Anne ta un crucero di clase ‘Pinnacle’ opera pa Cunard Line, yama segun Reina Anne di Gran Britania y Irlanda. E

barco a drenta den servicio na 2024 como e adicion mas nobo na flota di Cunard, convertiendo den e barco number 249 pa nabega bou di bandera di Cunard y completando e linea su kwartet di “Queens”. Queen Anne por acomoda casi 3,000 huesped y ta ofrece ‘staterooms’di luho, gastronomia di clase mundial, luga di entretenimento, facilidadnan di bienestar y un variedad di experiencia signature cu ta combina tradicion clasico di biahe maritimo cu diseño contemporaneo y comodidad. Su itinerarionan ta cubri destinacionnan global, incluyendo biahenan rond mundo, nabegacionnan Europeo y exploracionnan ‘scenic’, reflehando compromiso di Cunard cu biahe refina y experiencianan memorabel pa huesped.

Star Princess ta un crucero

di proximo generacion opera pa Princess Cruises y parti di e serie innovativo di clase ‘Sphere’ di e linea. E barco a drenta den servicio na 2025 y ta representa un di e barconan mas avansa den flota di Princess, diseña cu enfasis riba comodidad moderno, experiencia di huesped y biahe maritimo contemporaneo. Caracteristicanan clave di diseño ta inclui un atrium central ilumina y habri conoci como ‘The Piazza’, pero e signature ‘Dome’, un espacio cu por wordo uza den diferente manera, cubri cu glas pa entretenimento y relahacion cu bista panoramico riba lama.

Scenic Eclipse ta un yate di expedicion ultra luhoso diseña pa experiencianan di exploracion inmersivo. Cu un enfasis fuerte riba biahe di luho den grupo chikito, e barco ta ekipa pa cruceronan di expedicion

global y ta refleha un compromiso cu biahe experimental di nivel halto combina cu principionan di sostenibilidad.

Aruba Tourism Authority y Aruba Ports Authority N.V. lo sigui traha hunto cu partnernan di crucero pa sigura cu Aruba ta keda un destinacion atractivo y preferi den Caribe, balansando experiencianan di bishitante di Calidad halto cu desaroyo di turismo responsabel y sostenibel.

Entr E ga di dos publicacion ta d E staca balor di conoc E m E nto botanico y tradicion m E dicinal

Prome Minister Mike Eman a ricibi recientemente dos publicacion importante cu ta resalta conocemento botanico y herencia natural di e region Caribe. E prome publicacion, Zakflora, presenta pa biologo André van Proosdij. E obra ta considera un referencia fundamental riba flora di Aruba, Boneiro y Corsou, incluyendo casi 600 especie di mata cu ta crece den natura. E publicacion ta un instrumento esencial pa profesionalnan y amante di naturalesa, facilitando identificacion y, consecuentemente, proteccion di biodiversidad.

Durante e encuentro, a señala importancia di continua documentacion di flora local, considerando cu desde e ultimo edicion, publica na 2012, a wordo

identifica mas cu 100 especie nobo den e region. Prome Minister a enfatisa cu proteccion di naturalesa ta un responsabilidad comparti, y cu conocemento ta un base importante pa conservacion pa futuro generacionnan. Adicionalmente, a presenta e buki E guia practico di TRAMIL di mata medisinal di Karibe pa kuido primario di salú, un publicacion den Papiamento desaroya pa TRAMIL. E guia ta ofrece informacion accesibel riba 38 especie di mata medicinal comun den Caribe, cu aplicacion den cuido primario di salud.

E publicacion ta basa riba investigacion cientifico y experiencia regional, y ta forma parti di un esfuerso pa haci conocemento tradicional mas accesibel

y responsabel pa uzo den comunidad. E guia ta inclui informacion practico riba uzo di mata, preparacion y orientacion pa uzo sigur.

E entrega di e dos obra ta resalta e importancia di combina ciencia y tradicion den desaroyo di conocemento local. E encuentro a wordo caracterisa pa un ambiente di apreciacion y reconocemento pa iniciativa cu ta contribui na preservacion di naturalesa y fortalecemento di conocimiento den comunidad.

B ou liderazgo di Prome Minister, ta keda enfasis riba importancia di conocemento, conservacion y colaboracion pa sostenibilidad di Aruba y e region.

Minister Wyatt- r as: Desaroyo D i talento ta clave pa un siste M a D i

cui

D o M e

D ico fuerte

Oranjestad, Aruba –

Diasabra 18 di april 2026, Horacio Oduber Hospital (HOH) a organisa su Open Dag na HOH Academy, enfoca riba inspiracion y orientacion di hoben y studiante pa un futuro den sector di cuido medico. E Minister di Salubridad, sra. drs. Mervin WyattRas, a bishita e Open Dag,

pa destaca e importancia di atraccion y formacion di talento local pa fortalece e sector.

Durante e Open Dag, participantenan a ricibi informacion riba diferente disciplina, a sigui demostracionnan LIVE y por a bishita departamentonan

manera Radiologia, Sala di Operacion, Dialisis, Functie afdeling y Rehabilitacion. E evento a pone enfasis riba e diferente oportunidadnan profesional cu sector di cuido medico ta ofrece.

Tocante e importancia di e evento, Minister WyattRas a enfatisa: “E construccion di un sistema di salud fuerte y sostenibel ta exigi inversion den nos hobennan. Iniciativanan manera e Open Dag aki tin un rol clave den orientacion y motivacion

di futuro profesionalnan, mustrando cu sector di cuido medico ta ofrece hopi oportunidad pa desaroyo profesional. Nos ta comprometi pa sigui stimula mas hoben y profesionalnan pa integra den e sector y contribui activamente na bienestar di nos comunidad.”

E iniciativa aki ta contribui directamente na e mision di Ministerio di Salubridad, Asunto Social, Cuido di Adulto Mayor y Maneho di Adiccion pa sirbi cada ciudadano den tur fase di bida, optimalisando cuido y apoyo pa promove

bienestar integral. Ademas, e ta alinia cu e prioridadnan strategico di Gobierno pa reforsa un sistema di salud sostenibel, amplia capacidad di personal medico y inverti den educacion, prevencion y desaroyo di talento local.

Ministerio di Salubridad ta felicita Horacio Oduber Hospital (HOH) cu e Open Dag exitoso aki y ta reafirma su compromiso pa sigui apoya y colabora na iniciativanan cu ta stimula desaroyo di talento y fortalece e sector di cuido medico na Aruba.

FORTALEZA PA FAMIA. Scirbi pa Pastor Marcel Balootje DROGA Y ALCOHOL E GRAN LADRON

DI BIDA, CAS, MATRIMONIO Y FAMIA

E ta mas cu un ladron ,e ta un desaster, un plaga, un malicia,un representante di diabel grandi riba tera, algu cu hende no kier reconoce y aparta for di dje.

E ta drenta tur caminda, y ta laga dolor atras, causa di enfermedad, kibrado di matrimonio, famia, negoshi,primo di dolor y miseria.

E no ta barata, hende ta paga hopi cen pe , nan ta horta, nan ta mata, nan ta bende curpa, nan ta traiciona, pa asina por hanja droga.

E ta drenta cas, oficina, gobierno,scol, hibando su destruccion y angustia tur caminda.

Y e a bira e Dios falso di hopi hende rond mundo, e simbolo di idolatria,e maestro di enganjo, hopi hende ta alaba droga y hopi ta pensa cu sin droga nan no por biba.

Hunto cu alcohol, nan dos ta forma e pareha di maldad, pasobra si no tin ayudo na tempo, nan ta destrui tur cos caminda den nan yega.

Droga ta pone hende perde conocemento di nan estudio, perde respet pa nan mes, perde nan integridad,perde nan trabao, perde responsabilidad, y mas cu tur cos perde temor di Dios.

Hende huramenta ta lubida tur huramento, ta benta nan posicion afo pa motibo di droga,hende casa ta bende tur cos den cas style di vlooienmarkt, pa nan por hanja placa pa nan por usa Droga.

Awor tur hende mester mira y reconoce y kere cu den Droga y Alcohol e palabra di Dios den Juan 10:10 ta cumpli, bisando cu e ladron ta bini solamente pa horta, pa mata y pa destrui.

Deportista grandi ta perde anjanan di trabao duro, tur fama, perde tur placa, perde famia, cas y matrimonio, cay den probresa extremo pa motibo di Droga,

Droga ta haci hende sinberguensa, e ta haci hende inferior, cu nan ta perde balor di bida, cu nan ta lubida ken nan ta, y hasta ta lubida cu tin un mihor mayan.

Ta cosnan increible ta sosode, ora hende cay den gara di droga, hende ta divorcia manera ta algo normal, pasobra nan ta domina door di droga y no ta realisa kico ta nifica perde famia, cas, matrimonio y yuinan.

Ya rond mundo droga ta destrui, y hende no ta ripara cu locual tin para den 1 Pedro 5:8 por wordo anota seriamente pa evita cu hende ta cay den droga.

Droga y alcohol ta crea un almacen di malesa den curpa di hende, pasobra e ta debilita tur bo sistema y hasta por afecta wesonan, e ta crea un mente scur, danja pulmon y higra, bora stoma di hende, pone perde tur djente, desfigura curpa di hende, haci hende mustra hopi mas bieu cu nan ta.

Anto tin hende ta kere cu ora nan usa droga nan ta mustra sexy, nan ta e guy cu forsa, nan ta e mihor

musico, nan ta e mihor modelo, pero ta un enganjo diabolico nan ta bibando den dje.

Droga ta pone hende huy for di esnan cu kier haci bon pa nan, y subi riba caya bek, despues di a dal un bon comi, un bon banjo, dal un bon pela y bisti panja limpi, bay droga bek manera nada no a pasa.

Tur esnan cu ta importa y bende droga tin cuenta grandi di duna na Senjor, si nan no arepenti, y aparta

for di e plaga y desaster cu yama droga.

Bo por puntra bo mes con un mayor cu stima su yiu, por consenti cu su yiu pa usa droga, pasobra tur droga ta haci danjo, y ta destrui mente di hende.

Sinceramente, Pastor Marcel Balootje.

Minister Wendrick Cicilia: MANEHO NOBO CU PRIORIDAD PA ELEVA

CALIDAD DI E PRODUCTO TURISTICO

Mirando cu durante casi ocho aña largo e exMinister di Turismo tabatin semper prioridadnan robes, a pone cu un lista largo di atraccionnan turistico a keda sin mantencion. Ta promove pa atrae turistanan di calidad, pero no a traha riba e infrastuctura turistico di nos pais. Cu cambio di gobernacion, a bin tambe cambio den maneho y a percura pa tin prioridadnan corecto pa cuadra cu e maneho di hisa e calidad di turista cu nos ta atrae. Hunto cu ATA, a traha riba e lista di prioridadnan y un di nan sin duda, tambe pa nos localnan, a bira renobacion di e facilidadnan na Rodgers Beach.

Rodger’s Beach ta un luga recreativo di gran balor pa comunidad local y bishitantenan, ofreciendo un espacio pa relaha, landa y disfruta di diferente actividadnan di ‘leisure’. E pier y e plataforma pa sambuya ta caracteristicanan iconico di e beach. Pa motibo di desgaste natural, exposicion prolonga na condicionnan di tempo y elementonan natural, pero tambe e ambiente marino, e structuranan aki a deteriora gradualmente, loke a crea e necesidad pa trabounan di mantencion y restauracion. P'esey awor Minister Wendrick Cicilia a aproba un presupuesto pa

e proyecto di mantencion general y restauracion cu ta enfoca riba e pier. Tambe lo restaura e plataforma pa sambuya cu enfasis riba fortifica e structuranan y mehora nan resistencia den e ambiente marino. Meta di e iniciativa aki ta sigura cu tanto comunidad como bishitantenan por sigui disfruta di Rodger’s Beach den un ambiente sigur y bon manteni.

E facility building actualmente ta den mal estado structural y lo bash'e abou y construi uno di nobo. E construccion di e facility building na Rodger’s Beach a cuminsa e siman aki, cu un duracion di aproximadamente 60 dia laboral. Ademas, e area rond di e edificio lo inclui plantacion di matanan Seagrape nativo (Cocoloba Uvifera). E especie nativo aki ta adapta bon na e ambiente di costa y ta apoya practicanan responsabel di maneho di tereno, mientras cu ta preserva e caracteristica di e area.

"E lista ta largo pasobra e periodo di deterioro sin un maneho coherente di mantencion tambe tabata demasiado largo. Nos ta comprometi pa haci un inhaalslag awor pa drecha mas facilidad cu nos por. Y hasta e tikinan cu a haci den e gobernacion anterior, casi tur ta den mal estado caba pa e mesun motibo

di falta di mantencion continuo. Mester ta cla pa tur envolvi, ta masha facil bisa cu kier eleva calidad di bishitante cu ta yega nos isla, sin cu tin un maneho apropia pa garantisa cu nos ta surpasa e expectativa di cada bishitante. Nos trabou no ta solamente trece nan, sino percura pa ora nan t'ey nan keda satisfecho y cu plan pa regresa. A aloca awo basta fondo pa por

drecha tur loke cu a bay atras durante e casi ocho añanan di mal maneho y

di tin prioridadnan robes", asina Minister Wendrick Cicilia a termina bisando.

“Mi ta pone mi bida cu su pena den bo man, Señor”

“Den Bo, Señor, mi ta busca mi refugio, No laga mi nunca keda brongosa. Bo ta husto, p’esey bin salba mi!” Salmo 31

Cu inmenso tristesa na nos curason pero gradecido na Tata Celestial pa su bida cu el a comparti cu nos, Famia Lumeniër-Franken ta cumpli cu e tristo deber di participa fayecimento di nos respetable mama, suegra, wela y bisawela stima;

Sra. Bernadita Lumeniër-Franken cariñosamente yama Dita of Edita viuda di Mario Lumeniër yiu di †Luis y †Virgilia Maria Franken - Van Der Biezen na edad di 92 aña

Acto di entiero ta wordo anuncia despues.

pariba carga cu zink y dal tras di dje y e zink di un ambulans nan a atende e victima y a transporte pa

Un feliz dia fructifero colma cu hopi gracia di Dios.

’Ningun hende no por bini cerca Mi, si mi Tata cu a manda Mi no hal’e

cerca Mi’. (Huan 6, 44)

Cristo ta bisa cu ta via di Dios so un hende por yega cerca djE. Mescos tambe den e lectura ta pa medio di un angel di Dios Felipe a

topa cu e africano. Cristo mes ta splica cu E ta e pan cu ta duna biba. Esaki ta nifica cu nos tin di sigui busca Cristo pa medio di oracion, pa medio di lesa Bijbel, cumpli cu e 10 mandamentonan, haci bon obra, haci sacrificio y scucha e Palabra di Dios. Busca pa por conoce e Palabra di Dios, laga Pastoornan y Diacononan splica e Palabra di Dios ja asina nos por yega cerca di Dios y Cristo Hesus. Felipe a splica e homber di Etiopia e loke e tabata lesa di profeta Isaias y ora el a compronde el a wordo batisa mesora. Rumannan nos tin di sigui y busca e pan cu ta duna bida cu ta Cristo. Haciendo esaki nos tin sigur di haya bida eterno.

Oracion: Dios Tata laga Spirito Santo inspira nos pa nos por sigui busca e pan cu ta duna nos bida cu ta Cristo. Amen.

Drenta su portanan cu gradicimento

Drenta su tempel cu canticanan di alabansa.

Glorific’e bendiciona su nomber

Salmo 100:4

A bay sosega cu un bunita edad di 94 aña:

Na nomber di su:

Yiunan:

†Franklin “Bagadjan” Maduro

†Milda Croes-Maduro

Reymundo “Maikel” y Elvira Maduro-Roza

†Robert “Robby” Maduro

Judith y Jimmy Tromp-Maduro

Mario “Ricky” y Linda Maduro-Zahler

Rumannan:

†Marianita Willems

†Francisco “Chico” Willems

†Vicente “Chento” Willems

Vda. Juju y †Hendrick Croes-Willems

†Victoriano “Tojanchi” y †Nora Willems-Brete

Carmen y Lu Dabian-Willems

†Ina y †Chano Flanegin-Willems

Vda. Sita y †Wilbert Roos-Willems

†Florencio Willems

Nieto(a)nan:

Jesica y Humphrey Franken-Maduro

Michelle y Sendy Farro-Maduro

Michael “Maikito” Maduro y Jessica Kock

Mildenny Croes y Shannon Silberie

Julia Tromp y Wilman “Ashrok” Reyes-Perez

Julian Tromp

Jôya Tromp

Bisanieto(a)nan:

Cornelia Maduro-Willems Viuda di Mario Maduro Cariñosamente yama “Nea, Abelita, Awela” *17-02-1932 - †11-04-2026

Humphrey J. y Jearyselle, Gwendelyn y Daniel, Philip, Gerslyn

Q-chella, Q-elisa, DeSean, DeQuion

Tataranieto(a)nan: Hailey-Jaë, Sophia,Daniel

Sobrino(a)nana: Mariska, Stuart, Jozef, Hendrick Jesus, Francisco Miguel, Judelly, Win, Aldrin, Aymar, Amelaine, Janine, Vincent, Noraima

Ayudante: Diana Ventura

Primo- y primanan, ihanan, comer y compernan, bon bisiñanan di Ponton, amigonan y conocirnan.

Demas Famia: Willems, Maduro, Gomez, Comenencia, Vrolijk, Roza, Croes, Tromp, Zahler, Franken, Farro, Kock, Silberie, Reyes Perez, Brete, Celestina, Dabian, Flanegin, Roos, Zavala, Rosel, Trimon, Restrepo, Vaca Ruiz, Wever, Orman, Martha, Pietersz, Quandus, Kelly.

Ta invita pa acto di condolencia y entiero cual lo tuma lugar na Misa San Francisco na Playa diaranson 22 di April 2026 di 2or pa 4or di atardi. Despues lo sali pa Santana Catolico na Playa.

Disculpa nos si den nos tristesa nos por a lubida algun famia of conocir.

”Con mi por comprond’e, si ningun hende no ta mustra mi caminda?”Echonan 8, 31 Bendiciona sea Dios, cu no a rechasa mi oracion y cu no a nenga mi su amor! Salmo 66, 20 ”Ami ta e pan cu ta duna bida”! Huan 6, 48

Un homber buscando Dios cu sinceridad ta lesa Scritura ma no ta comprende y Dios ta manda Spirito Santo na Felipe p’e bay splik’e e Bon Noticia ”Hesus”. Manera Felipe nos mester guia otro ariba caminda di Dios; cu nos bida: ehempel y siña E Bon Noticia: di Hesus su amor pa nos. Nos mester ta sigur cu Dios ta scucha tur loke nos ta pidi’E, hasta E ta pone atencion ariba nos intencionnan mas profundo.

Hesus ta declara cu ningun hende ta yega na djE; si e no wordo yama pa Dios Tata. Hesus ta alimenta nos alma pa eternidad. Kere den djE pa nos wordo alimenta di e fuente di bida mes.

Oracion: Tata Celestial, mi ta gradici Bo pa semper ta atento na mi bos y mi necesidad. Manera B’a haci cu e homber di Etiopia na caminda, manda Bo Spirito pa aclaria mi dudanan y guia mi na e berdad di bo palabra.

Señor Hesus, mi ta reconoce cu Bo ta e Pan di Bida cu mi alma mester; danki pa yama mi. Yuda mi pa no busca solamente lo material, sino pa alimenta mi diariamente di bo amor y di bo gracia pa mi obtene bida eterna. Spirito Santo duna mi un curason dispuesto pa obedece y comparti cu otro e alegria di a conoce Bo. Amen.

“Señor ta mi wardador, mi’n tin falta di nada.

Den cunucu di yerba berde e ta ponemi sosega. E ta hibami na awa trankil, pa mi bolbe haya forsa”.

- Salmo: 23

Cu inmenso tristesa den nos curason, pero conforme cu boluntad di Dios, y agradecido pa su bida y amor, nos ta anuncia fayecimento di nos kerida mama, wela, bisawela y tanta:

Na nomber di su:

Mayornan:

† Simon van der Veen Quant Arends y † Sarah Emilia Arends Sequera

Tanta y manera mama: † Delfina Isabel Sequera

Esposo: † Mario Federico Arends

Yiunan: Simon van der Veen Quant & Dalila

Arends, Ramon & Vivianne Arends

Maria Veneranda “Chicha” Arends

Maria Delfina “Fina” Arends

Mario Federico & Sharissa Arends

Nieto(a)nan: Simon v/d Veen Quant Arends

Ramon Andres Arends & Michelle Henriquez

Maria Elizabeth & Kevin Leung

Daniel Jose Arends & Arianny L. Medina

John Frederick Lopez

Ariana Gabriella Arends

Alyssa Carolina Arends

Anna Cathalina Arends - Arends

Miho conoci como “Cata” 23 februari 1937 – 17 april 2026

Bisanieto(a)nan: Ramon Mikael, Violet Victoria y Liam Gabriel

Rumannan: † Gardenia “Bebe” & † Eric de Cuba

† Eric & Nancy Arends

Swa y cuñanan: † Max & Adwina Arends

† Clarita & † Jenny Arends

† Hubert “Ipi” & Arlene Arends

† Maria Leoncita “Oncha” Arends

† Silo Franken

Sobrino(a)nan: Jeanette y Sarita

Nancy y Gardenia

Max, John y Eddie

Johan, Milton, Raymond, Anthony, Mariebelle y Gregory

Ana Maria y Mylene

Herby, Landa, Debbie, Lienchie y Betchie

Carlos y Angela Maria

Ayudantenan: Mercy, German, Sherry y Naomi

Primo-, prima-, consuegra-, iha-, comer-, comper-, y demas famianan.

Nos disculpa si den nos momento di tristesa nos por a lubida un ser keri.

Acto di despedida lo tuma luga diahuebs 23 di april 2026 na Aurora Funeral Home di 9:00 am pa 11:00 am. Acto di cremacion lo tuma luga despues den seno familiar. Nos ta lamenta cu despues di acto di despedida nos no ta ricibi bishita di condolencia na cas.