Diarazon april 1 2026

Accidente cu bAstA dAño mAteriAl

AlturA di PricesmArt y hende heridA

Sabana Berde - Dialuna den oranan di atardi a sosode un accidente di trafico riba e crusada di Pricesmart, prome informe nan tawata papia di un accidente serio.

Polis a yega y ta topa cu un auto bus cu posiblemente a bay take un chance subi, pero lo a haci un calculo robes debi un Kia Rio tawata yegando ey mes caba.

Debi na e impacto fuerte

un señora den e Kia Rio a resulta herida y tawata tin mester di atencion medico. Den e auto bus niun hende a resulta herida, pero si a pasa den un susto.

A cera caminda pa e personal di Ambulance haci nan trabou y tambe pa despues move e ambos auto cu tawata memey di caminda.

E señora di e auto cora a wordo hiba Hospitaal. Mrs. Lacle

e gAnAdo di dies tAnki di AwA tA conoci

For di varios siman caba Departamento di Agricultura, Cria y Pesca Santa Rosa a anuncia un premio di dies (10) Tode, tankinan blanco di 1000ltr (IBC Tank) pa esnan cu hasi nos un bishita durante di e mercadonan cu nos tabata tin na comienso di Maart y tambe na tur esnan cu a cumpra un of otro producto y servicio serca nos. Ta simplemenete mester a tuma un ticket yena nomber y algun otro informacion pa participa, tire den e tombula y gana e tankinan aki. Na mes momento a anuncia tambe cu e ganado lo wordo anuncia fin di maart esta awe 31 di Maart 2026.

Awe diamars mainta den

presencia di representantenan di WEB Aruba NV srta. MaryAnne Everon, Secretarieel Adm. Medewerker Waterdistributie en Customer Service y sr. Efraim Rafael Hoofd Customer Service.

Di parti di Departamento di Agricultura, Cria y Pesca Santa Rosa, srta. Carola Geerman, sr. Anthony Matos y sr. Humphrey Croes Hefe di Administratie a saca e feliz ganado den nomber sr. Sigmund Werleman. Despues cu e ganado a bira conocí a purba drenta den contacto cu e ganado pero esaki no tabata contesta su Celular. Pero despues di algún intento nos a logra comunica cune y sigur super contento y agradecido

na tanto WEB Aruba NV y tambe na Departamento di Agricultura, Cria y Pesca, Santa Rosa. Sr. Sigmund ta di e bario di Savaneta y un cultivado di diferente fruta y berdura. Diferente mata di fruta planta riba su tereno. Semper activo cultivando Boonchi, Comcomber, Yambo y

asina por sigui menciona. Awo pa caba di completa su tereno y su actividadnan agrícola awor ela lo ricibi su premio di dies tankinan di 1000Ltr (IBC Tank) for di WEB Aruba NV hunto cu Departamento di Agricultura, Cria y Pesca, Santa Rosa cu pronto lo efectua e entrega te na porta di su cas of tereno. Nos ta sigur cu sr. Sigmund Werleman lo hasi bon uzo di e tankinan aki pa sigui cultiva mas producto fresco local pa abastece e pueblo di Aruba sigui contrubui cu Sector Primario di Aruba. Pabien sr. Sigmund Werleman cubo premio bon mereci.

6000 AmnestiA di dowers A dunA oportunidAd, pero tA pone precion

ribA nos sistemA

ORANJESTAD – Loke

hopi a boga p’e pa añanan largo a bira un realidad: e programa “Hunto pa Progreso” a fungi como un amnestia pa e poblacion inmigrante cu tabata biba “scondi”. Maske terminologia oficial a uza palabranan manera “regulacion”, e pordon di e falta di a biba irregularmente ta pone e programa aki den e categoria di un amnestia migratorio. Sinembargo, e incorporacion di miles di persona den e sistema legal ta bin acompaña pa consecuencia serio pa e servicio publico di nos isla.

Un pordon cu impacto directo

E definicion di un amnestia ta ora un gobierno ta dicidi di no persigui personanan cu a comete un infraccion legal. Den e caso di “Hunto pa Progreso”, esaki tabata exactamente e caso: e kedamento ilegal a wordo pordona pa permiti un bida legal nobo. Pero e legalisacion aki tin un “efecto domino” riba e capacidad di Aruba pa atende tur su habitantenan.

Consecuencia y desafionan pa Aruba

E aumento di e cantidad di personanan cu awor tin derecho legal riba tur servicio, ta crea un presion adicional riba un sistema cu ya caba tabata den un situacion delicado:

Presion riba Cuido

Medico: Cu e legalisacion, miles di persona nobo ta drenta den e sistema di AZV. Esaki ta nifica cu e tempo di espera pa bishita un dokter lo aumenta significativamente.

Specialistanan y afspraak: Si ya caba tabatin un problema cu e lista di espera pa specialista, e amnestia aki lo por prolonga e esperanan aki pa lunanan extra, afectando tanto e cuidadonan local como e aplicantenan nobo.

Infrastructura di scol: Famianan cu tabata biba den scondite awor tin e derecho y e obligacion di pone nan yiunan na scol. Esaki ta nifica cu klasnan lo bira mas yen, aumentando e necesidad pa mas docente y espacio den klasnan cu ya caba ta limita.

Mercado di vivienda: E demanda pa cas di huur y casnan social (FCCA) lo subi drasticamente. Esaki por causa un aumento den e prijs di huur mas aun, afectando e poder di compra di e ciudadano comun.

Servicio publico y trafico: Mas hende legalisa ta nifica mas auto riba caminda, mas demanda pa awa y coriente (WEB y ELMAR), y rijnan mas largo na instancianan manera

Censo y Ontvanger. E impacto economico: Un balansa necesario

No tur cos ta negativo. E amnestia aki ta un movecion strategico pa e economia, ya cu e

legalisacion ta genera:

Contribucion na AZV y pensioen: E trahadonan legalisa awor ta paga nan primanan, locual ta duna un oxygeno financiero na e fondonan social. Pero ken ta asegura cu nan ta paga? Pasobra nan a haya un permiso SIN doño di trabao.

Conclusion: E oportunidad a pasa y e reto a cuminsa Cu e registracion legalmente clausura y e periodo di “pordon” termina na januari 2026, Aruba ta drenta awor den e fase di realidad. E Minister di Husticia, Arthur Dowers, a bisa hopi cla: e amnestia a termina y e controlnan na luganan di trabao lo cuminza.

E reto pa Gobierno awor ta con pa maneha

e aumento di demanda riba e sistema medico y educativo. E amnestia a trece legalidad, pero e ta exigi un inversion urgente

den nos infrastructura pa evita cu e calidad di bida di tur habitante di Aruba ta bay atras

Dangui Oduber 1 aña di gobernacion a resulta den: chaos, aumento di costo di bida y sin solucion pa problemanan grandi di pais aruba!

E resultado despues di 1 aña di gobernacion di avp future a resulta den un desapunto grandi pa pueblo. E promes di mas grandi y e punto number 1 di nan programma di gobernacion cu ta baha costo di bida y mehora poder di compra NO a ser cumpli cune. E tawata simplemente un enganjo politico y un manipulacion. Awe despues di 1 aña di gobernacion nan NO a cumpli cu mehora e Calidad di bida, Aruba ta mas caro cu nunca, costo di bida ta mas halto cu nunca, poder di compra no a ser mehora y tin sla di prijs tur dia y tur caminda. Te hasta tin fenomeno nobo na Aruba cu ta yama “Geofflation”, inflacion tur caminda den tur sector.

Gobierno no a percura pa trece Alivio pa e costo di bida cu ta afetctando famianan. E bestaansminimum pa un hogar di dos adulto y dos mucha a subi pa Afl. 5,537, mientras cu pa un solo adulto a keda na Afl. 2,636, cu un deficit di entrada di Afl. 650, reflehando presion continua riba costo di bida.

E aumento den e bestaansminimum y e deficit di entrada di Afl. 650,- ta accentua cuanto presion famianan tin cu nan entrada marginal. Imagina cu na e momento

aki na Aruba un famia di 4 mester Afl 5,537 florin pa sobrebibi. Un solo adulto mester di Afl 2,636 florin mientras sueldo minimo ta rond di 1900 florin. Ta pesey banco central a bisa cu e clase media na Aruba ta desapareciendo.

Despues di 1 aña di gobernacion a nombra un gevolmachtogde minister. Despues di 1 aña di gobernacion minister di turismo ta presenta un concepto di maneho di turismo sabiendo cu nos turismo ta bao di presion enorme. Tin hopi reto den nos turismo y tin un minister sin maneho, sin vision y sin perspectiva. Ainda NO tin solucion pa vacation rentals, enfoke di minister di turismo ta turismo di cantidad y no Calidad. Aruba tourism authority un biaha ta fungi como banco pa gobierno y ta pone line item nobo den nan presupuesto.

Despues di 1 aña di gobernacion ainda NO tin solucion pa e plantanan di RWZI apesar cu ta cobra cada turista cu drenta Aruba $20. Ainda tin holor malo banda di bubali plas. No solamente esaki sino ainda no tin solucion structural pa problema di desperdicio. Nos tin un promer minister Mike Eman ta cana tur diahuebs y diasabra den barionan ta haci limpieza mientras Aruba ta birando mas y

mas sushi. Planta mata no ta un solucion pa nos medio ambiente.

No ban papia di nos infrastructura mes caminda e pagado di belasting no ta haya un infrastrctura cu e merece.

Ta parce automobilistanan ta corre riba luna.

Tin un crisis social y crisis den salud mental grandismo y sin solucion. Minister Wyatt Ras ta asina ausente cu te hasta miembronan di fraccion di Avp ta bise cu nan ta spera mas accion di su parti.

Loke a a resalta ta e viahenan di ministernan di e gabinete. Viahenan sin motibo, sin proposito y sin resultado. Ministernan a bai Suiza, nan a bai Hulanda 1 dia, nan a bai Washington, te hasta private jet ta wordo usa pa ministernan celebra cu seleccion di Corsow. E falta di respet pa parlamento ta grandi. Gobierno NO ta contesta preguntanan di parlamento, ministernan ora contesta ta burla di parlamento, chercha di parlamento contestando cu 1 palabra manera nos a wak contesta di minister Gerlien Croes. No tin transparencia, no tin informacion y nan no kier duna cuenta na pueblo. Ainda nos ta warda Gerlien Croes contesta con e la paga, cuanto e la paga y ken a le a paga pa su viahe di luho cu jet priva.

Surplus laga atras di 500 miyon florin a desaparece y problemanan grandi di pais NO a wordo soluciona. Nos ta na rand di perde nos Libertad y autonomia pa un sakito di placa. Gobierno ta entregando nos Libertad sin motibo y sin hustifacion. Mientras

Corsow y St Maarten kier Sali for di rijkswet, aki na Aruba kier hinca nos den algo cu no ta Sali nunca mas for di dje!

Mester bini cambio pronto na Aruba. E gobierno aki ta un ‘’desgrace’ pa pueblo, un gobierno cu no a cumpli cu pueblo, situacion na Aruba NO a bira mihor y

miles di hende na Aruba pasando den momentonan dificil.

E conclusion despues di 1 aña di gobernacion ta: CHAOTICO!

Evelyn Wever-Croes: ARUBA TA NA UN MOMENTO DECISIVO PA

CU TURISMO: HIGH VALUE, LOW IMPACT OF MAS DI E MESUN COS?

ORANJESTAD - Turismo

ta e pilar principal di economia di Aruba. Pero, hunto cu crecemento, nos ta sinti tambe e presion riba trafico, vivienda, infrastructura y nos medio ambiente. Nos gobierno, Gabinete Wever-Croes 2, a scoge pa cambia e rumbo, pa un rumbo nobo: High Value, Low Impact tourism. Esaki kiermen: crea mas balor economico cu menos presion riba nos pais y nos comunidad. Esaki tabata basa riba e deseo cu a bin for di nos comunidad despues di pandemia.

Pero nos no ta mira cu e maneho aki ta wordo ehecuta door di e gobierno actual. Al contrario, nos ta mira cu e maneho actual ta pa crea mas vuelo aereo pa Aruba y pa aumenta e cantidad di turistanan cu ta bin Aruba. Esey no ta baha e presion ni e impacto. Esey ta aumenta

e impacto, mientras cu hopi hende na Aruba no kier esey.

Y p’esey ta importante pa nos haci nos mes un pregunta honesto: nos kier mas turista, of nos kier mas balor di turismo?

Realidad ta cu expansion di asientonan aereo y crecemento den cantidad di bishitante ta haci dificil pa baha e impacto.

Aruba no por sigui crece sin defini limite y sin crea un balansa cla entre economia, comunidad y medio ambiente.

Turismo no ta solamente un tema economico. E ta toca calidad di bida, costo di bida, vivienda, naturalesa y futuro di nos pais.

Si nos kier un modelo berdadero di High Value, Low Impact, nos mester: • No solamente mira cantidad, sino specialmente balor • Proteha nos

capacidad di carga

• Inverti den calidad

di bida

• Percura cu mas di nos economia local ta beneficia di turismo

Aruba ta na un crusada: no pa ta e mas grandi, pero pa ta e destinacion mihor maneha y mas balansa.

“Exito bo no ta midi den cuanto nos ta crece, sino den con nos ta crece.” Esey ta e berdadero reto pa futuro di Aruba. Y desde Parlamento, nos fraccion di MEP lo tuma iniciativa pa logra ehecuta e vision High Value, Low Impact di berdad.

Parlamentario Evelyn Wever-Croes

COMITE OLIMPICO ARUBANO TA PLANTA

SIMIA PA CAMPEONNAN DI MAYAN

“Comite Olimpico Arubano a presenta nan structura, organisacion y prioridadnan na Parlamento”

desaroya e talentonan aki di un manera profesional, cu e obhetivo pa logra logronan grandi pa Aruba riba tereno internacional di deporte. Nan a wordo invita pa presidente di comision fiho di Deporte, sra. Shailiny Tromp-Lee.

y sostene deportistanan Arubiano den nan desaroyo deportivo y personal. E presentacion a laga un impresion hopi positivo, caminda e profesionalismo di e ekipo a resalta, hunto cu e enfoque integral riba bienestar, guia, educacion y desaroyo di e deportista.

E trabou cu Comite

ORANJESTAD, 30 di maart 2026 – Awe, Comite Olimpico Arubano a duna un presentacion na Parlamento di Aruba tocante nan structura, organisacion y prioridadnan strategico.

E meta principal di e organisacion ta pa identifica talento deportivo desde trempan y

Durante e presentacion, Secretario General di Comite Olimpico Arubano, Sra. Nicole Hoevertsz, hunto cu su ekipo, a mustra con e organisacion ta traha di un manera structural y profesional pa guia, cuida

Olimpico Arubano ta haci ta di gran importancia pa futuro di deporte na Aruba y pa crea oportunidadnan pa hoben talento logra desaroyo na un nivel halto.

“Nos a traha hopi di serca cu COA durante cu mi tabata den gobierno. Mi ta gradici nan un biaha mas pa e cooperacion. Mi ta gradici tambe Sra. Nicole Hoevertsz y su ekipo pa e presentacion inspirado y informativo. Nos ta desea nan hopi exito den nan mision importante pa sigui desaroya deporte Arubiano y representa Aruba cu orguyo riba escenario internacional”, Evelyn Wever-Croes a duna di conoce.

Parlamentario Shailiny Tromp-Lee ta exigi transparencia:

“Gobierno

no por keda den silencio total mientras impacto di Guera ta menasa nos poder di compra”

Den un esfuerso pa haya claridad riba e pasonan cu Gobierno di Aruba ta tumando pa proteha e pueblo contra e consecuencianan economico di e conflicto den Medio Oriente, Parlamentario Drs. Shailiny Tromp-Lee a manda un serie di pregunta formal di urgencia pa Prome Minister Mike Eman y Minister Geoffrey Wever. Tromp-Lee ta califica e silencio actual di Gobierno como "incomprendibel y inacceptabel."

Peticionnan sin contesta E Parlamentario a recorda cu for di dia 3 di maart ultimo, Fraccion di MEP a pidi un reunion cu Gobierno (bou di number di registro IS/658/25-26) pa haya informacion, pero te na e momentonan aki no a haya ningun oido. "Desde 28 di februari e situacion den Medio Oriente a empeora y e impacto ta keda sinti rond mundo. Mientras otro paisnan den Reino ta brindando trankilidad y informacion na nan hendenan, aki na Aruba e unico cos cu nos a tende den prensa ta e aumento di prijs di gasolin y diesel," Tromp-Lee a expresa.

Tromp-Lee a haci diferente preguntanan pa haya e informacion necesario Ta trata preguntanan over informacion di

comision encarga cu e inventarisacion di e impactonan di e guera actual pa Aruba, kico nan tarea specific ta, pa ki fecha nan mester entrega un informe final na Gobierno y e peticion pa Gobierno percura pa comparti cu Parlamento e resultado di trabou asina cu esaki ta cla.

Alabes den su carta, Tromp-Lee ta exigi pa sa si WEB Aruba N.V. tin contractonan di "hedging" activo pa petroleo y pa cuanto tempo esaki ta proteha e tarifanan di awa y coriente. "Pueblo mester sa si tin un plan pa frena e aumentonan ey of si Gobierno tin pensa di subsidia e brandstofclausule temporalmente pa evita cu e costo di bida ta sigui subi drasticamente."

Otro aspecto cu ta keda trata ta si Gobierno tin planea pa absorba parcialmente e subidanan di prijs di combustible, por ehempel door di reduci temporalmente e accijns. Por tuma cu e carta dirigi na gobierno ta atende diferente otro topiconan caminda Tromp-Lee ta pidi atencion pa entre otro siguridad alimentario y agricultura, control di prijs y inflacion y ta termina cu un analyses compartitvo mundial.

Mester remarca cu TrompLee kier sa di Gobierno

kico ta e plannan concreto segun diferente scenario, e kiersa kico Gobierno tin in place pa proteha e cartera di nos hendenan, principalmente esnan mas vulnerabel. Mas cu claro nos por tuma nota den su carta cu Tromp-Lee ta urgi Gobierno pa percura cu Parlamento por haya e plannan concreto mas pronto cu ta posibel

Finalisando Tromp-Lee ta enfatisa cu e ta haya e falta di transparencia di parti Gobierno incomprendibel y inacceptabel y ta haci e siguiente pregunat: “Pakico Gobierno di Aruba ta keda den un silencio total mientras paisnan bisiña den Reino ya a comunica nan strategianan di mitigacion na nan hendenan.

Mi ta di opinion cu

si paisnan cu tin nan mesun fuente di energia y produccion manera Merca y Union Europeo ta preocupa, ta con por ta posibel cu Aruba cu ta practicamente 100% dependiente di tur cos, por

permiti su mes e luho di un silencio total. Pesey mes e ta urgi pa Gobierno pa asumi nan responsabilidad y cuminsa brinda transparencia, claridad y mas cu tur cos trankilidad.

DAO tA infOrmA ribA cOmpensAciOn

OrA trAhA ribA DiAnAn OficiAl Di fiestA Of cOnmemOrAciOn

ORANJESTAD - Diabierna 03 april 2026 ‘Bierna Santo’ y dialuna 06 april 2026 ‘di dos dia di Pasco di Resureccion’ ta considera como dianan oficial di fiesta of dianan conmemorativo segun art. 22 di e Ordenansa Laboral 2013.

Compensacion pa traha riba un dia di fiesta of conmemoracion

Pa sectornan horeca, casino y continuo (companianan cu ta traha 24/7- conoci como ‘traha warda’) un dia di fiesta o conmemoracion por ta un dia normal di trabou. Den caso cu e trahado ta riba schedule pa traha riba e dia aki e tin derecho riba 200% di su salario. Si riba e dia aki e trahado traha mas cu su oranan regular (pa sector horeca/casino esaki ta 9 ora y pa sector continuo ta 8 ora) ley ta considera cu e trahado ta traha overtime riba un dia di fiesta o conmemoracion y e tin derecho riba 250% pa e oranan extra.

Pa sectornan cu por aplica trabou di

shift (ploegenarbeid) segun e lista oficial anuncia door di Director di DAO entrante 1 januari 2014 (p.e. kiosconan, touroperators, sector di limpiesa, recreacion, huurmento di auto y atraccionnan turistico) ta posibel pa schedule un trahado pa traha riba 6 di e 11 dianan di fiesta of conmemoracion. Riba e resto di 5 dianan e trahado mester ta liber. Riba e 6 dianan e trahado cu ta riba schedule pa traha tin derecho riba 200% di su salario y si no por duna e trahado liber riba e otro 5 dianan y ta yam’e pa traha overtime e tin derecho riba 250% pa e oranan regular (8 ora) y pa e oranan extra.

Pa e otro sectornan (p.e. supermercado y comercio en general) caminda e dianan di fiesta ta considera como un dia di sosiego, den caso cu pidi e trahado pa traha riba e dia aki, esaki lo ta a base di overtime y e trahado tin derecho riba 250% di su salario.

ATSA A dunA updATe ribA reformA di penSion y mAS TemA durAnTe reunion generAl

Miembronan di Aruba TImeshare Association, ATSA, a bini hunto p’un reunion general na La Cabana Beach Resort & Casino recientemente den presencia di representantenan di mayoria stakeholder di Vacation Ownership Resort na Aruba. E reunion a inicia c’un discurso di bon bini di parti presidente di ATSA, Sulaika Kelly, Playa Linda.

Invitadonan special entre otro pa loke tabata e reunion general aki di maart 2026 tabata PFTSA, Pension Fund Tourism Sector Aruba. Su director ehecutivo Natalia Lacle kende a join e fondo na 2020 como Pension Manager y bira director ehecutivo na 2024, a duna un presentacion completo cu tur update recien na tur stakeholder presente. Aki a presenta e cambionan proponi sugeri p’e fondo pa gobierno di Aruba. Den su rol di director ehecutivo, Lacle ta percura pa tin bon relacion entre tur 140 compania miembro y mas cu seis mil miembro activo. E ta esun cu tin bista over di 17,000 diferente maneho c’un inversion combina di 250 miyon florin. E fondo ta fuerte y stabil segun Lacle, kende a sigui na splica con esaki ta dedica na sirbi tur miembro cu ta spaar pa nan retiro, y na esnan cu ta disfruta di terminonan faborabel di hipoteca.

PFTSA a keda funda na 1992 como un iniciativa di Aruba Hotel & Tourism Association y sindicato FTA, mirando cu ambos a comparti e mesun vision den loke ta necesidad den crea un fondo di pension cu lo yuda empleadonan den industria di turismo pa haya un entrada adicional na momento di nan retiro, ariba di nan pension general di AOV.

N’e reunion aki, Lacle a sigui na splica tambe e pensionnan den general. A trece dilanti tambe e ahustacionnan proponi p’e pension nacional. A papia extensivamente tocante actividadnan y servicionan di e fondo como tambe e balor agrega na su miembronan manera un organisacion non-profit.

Mientras cu e cambionan ta chikito, segun Lacle, ta cosnan cu lo tuma tempo pasobra lo tin un proceso largo prome cu implementa e ahustacionnan cu lo mester bini n’e pension nacional. Adicionalmente n’e informacion aki, a keda aproba e puntonan di e reunion di februari 2026, hunto cu presentacionnan for di comision riba tur update recien incluyendo di e hotelnan.

Beach Policy y otro desaroyo

Tesorero, Jurgen van Schaijk a raporta cu TPF su actividadnan ta riba pausa te ora cu miembronan nobo keda apunta.

Aruba Tourism Product Enhancement Fund ta envolvi cu hopi proyecto di embeyecemento actualmente, anto ta wardando ariba aprobacion di sugerencianan haci. Tur miembro a bay di acuerdo pa tin un beach policy ahusta cu reglanan cla, y tur esaki mester ta compila y haci publico mas pronto posibel. E lo tin cu keda adopta pa tur stakeholder, incluyendo DIP (Departamento di Infrastructura Publico y Planificacion), y tambe Cuerpo Policial di Aruba.

Esaki ta algo cu lo mester toca actividadnan di watersport tambe, y otro cosnan manera suntan lotion cu ta obtenibel rib’e isla, adresando e preocupacionnan di seguridad cu esakinan ta trece, hunto cu tanto otro asuntonan pendiente.

A recorda e miembronan pa loke t’e temporada venidero di tortuga di lama y nan compromiso pa mantene iluminacion controla, den cuadro cu proteccion di e bishitante anual aki di nos isla. E fundacion di seguridad, Tourism Security Patrol Aruba lo ta expandiendo su actividadnan pa cubri mas area den zona turistico.

Progreso di AWSS ta positivo Pa loke ta AWSS, Aruba Water Sustainable Solution, basta progreso

positivo a bin ta tuma luga ultimo tempo y miembronan ta satisfecho cu e nivel di cooperacion cu e compania nobo, trahando riba maneho sostenibel den tres punto clave di nos isla: San Nicolas, Parkietenbos, y Bubali.

Tambe durante e dialogo den e parti di discusion habri n’e reunion, tur hotel a raporta tremendo mehoracion y upgrade den nan facilidadnan den tur forma, incluyendo den capacidad di WIFI internet, comunicacion digital, instalacion di panel solar, mehoracion den streaming den camber, instalacion di lift nobo, bentana y porta nobo, upgrade den areanan interior y exterior hunto cu un hardin syntripic agroforestry, cual tabata un bunita proyecto nobo introduci na La Quinta pa planta berdura fresco p’e restaurant y empleadonan. Esaki lo bay atrae un demografica mas

hoben tambe den loke ta proyectonan di timeshare.

Tocante ATSA ATSA tabata estableci na 1994 y actualmente ta conta cu miembresia activo di mayoria di propiedadnan di vacation ownership na Aruba. E asociacion ta traha na nivel local hunto cu entidadnan gubernamental. Na nivel regional, unda Aruba ta sigui ricibi reconocemento manera un destino modelo pa vacation ownership, ATSA tin laso profesional y ta beneficia di colaboracion continuo cu ARDA, American Resort Development Association. Miembronan di Hunta Directivo di ATSA ta: Sulaika Kelly, President; Rina Geerman, Secretario; Pedro Vargas, Miembro di Hunta; Jurgen van Schaijk, Tesorero; y Luigi Heredia, Miembro di Hunta.

Minister di Husticia a rt H ur d owers a H aci bis H ita strategico na rotterda M Hulanda

Dialuna, Minister di Husticia, Integracion, Transporte Publico y Energia mr. drs. Arthur Dowers a haci un bishita oficial na Rotterdam, Hulanda, unda el a reuni cu Burgemeester Carola Schouten.

E encuentro a enfoca riba dialogo habri, intercambio di conocemento y cooperacion riba temanan importante di gobernacion y desaroyo di ciudad.

Durante e reunion, a intercambia idea y ehempelnan concreto tocante maneho di ciudad, siguridad, integracion social y innovacion den servicio publico. Rotterdam, e ciudad cu e waf mas grandi di Europa, dinamico, innovativo y diverso, ta ofrece un ehempel relevante di con cooperacion entre autoridadnan y comunidad por contribui na solucionnan structural y sostenibel.

E bishitanan aki ta duna oportunidad pa intercambia vision y acercamento riba temanan clave.

Cu encuentronan manera esaki, Gobierno ta sigui construi riba un base di confiansa, respet y colaboracion, elementonan esencial pa fortalece gobernacion y logra cosnan importante y duradero pa Aruba.

Lider di Fraccion AVP, Jennifer Arends-Reyes:

g obierno tin

e responsabilidad di

prote H a e consu M

ORANJESTAD (30 di maart 2026) – Lider di Fraccion AVP den Parlamento, Jennifer Arends-Reyes, a presenta un serie di preguntanan oficial na gobierno tocante e aumento reciente den tarifa di transporte di container y zeevracht cu ta bin Aruba.

Segun Arends-Reyes, e aumento aki tin implicacion directo pa costo di bida y ta afecta tur famia Arubiano.

“Cada aumento den costo di carga ta refleha directamente den e prijs cu nos pueblo ta paga, particular den supermercado y den otro producto di uzo diario. Esaki no por sigui pasa sin claridad, ni reaccion concreto,” Arends-Reyes a declara.

Den e preguntanan oficial entrega na gobierno, ArendsReyes ta pidi informacion detaya riba e naturaleza di e aumentonan, for di

ki fecha nan lo drenta na vigor, y ki factornan principal ta contribui na e subida di tarifanan. Entre e posibel causanan menciona ta aumento den costo di combustibel, disturbionan den e cadena internacional di suministro, scarsedad di container, tarifanan di waf y desaroyo geopolitico na nivel mundial.

E lider di Fraccion AVP tambe a solicita na gobierno pa presenta un analisis cla di con e aumentonan den transporte y zeevracht ta contribui na inflacion general na Aruba, y cua producto y sectornan ta mas afecta. Entre esakinan tin cuminda basico, material di construccion y otro producto esencial cu famianan ta uza tur dia.

Ademas, Arends-Reyes ta puntra si gobierno a sostene dialogo cu importadornan

idor a rubiano

y proveedor di logistica pa busca manera di limita e impacto di e aumentonan riba e consumidor final.

“Nos mester proteha e consumidor Arubiano.

Gobierno tin responsabilidad pa actua di forma proactivo y busca solucionnan sostenibel pa evita cu costo di importacion ta sigui subi sin control,” Arends-Reyes a agrega.

Finalmente, e Parlamentario ta pidi gobierno pa considera pa explora posibilidadnan por ehempel reduccion di belasting of invoerrechten riba productonan esencial. Tambe e parlamentario ta enfatisa e necesidad pa presenta un plan structural cu ta contribui na haci Aruba menos dependiente di un cantidad limita di ruta di transporte y fortalece resiliencia economico di nos pais.

Sra Arends-Reyes ta spera un respuesta pronto, cla y concreto di parti di gobierno, compaña cu accionnan

cu por yuda cu e presion riba nos comunidad y proteha bienestar di pueblo Arubiano.

Organisacion Caballista Arubano (OCA) ta presenta seleccion nacional pa e XV

Mundial CONFEPASO

2026

ORANJESTAD, ARUBA –Organisacion Caballista Arubano (OCA) cu gran orguyo ta anuncia e seleccion oficial di atletanan cu lo representa nos isla den e XV Mundial CONFEPASO de Equitacion en Caballos de Paso 2026. E competencia di mas alto nivel mundial aki lo tuma lugar di 15 pa 19 di juli na Santiago de los Caballeros, Republica Dominicana.

E delegacion Arubiano, consistiendo di jinetenan y amazonan den diverso categoria, ta cla pa enfrenta e miho competidornan di paisnan manera Colombia, Venezuela, Puerto Rico, Merca y Corsou. Nos atletanan a bin ta prepara intensamente, tanto local como internacionalmente, logrando caba varios titulo y medaya cu ta sirbi como fundeshi pa nan participacion den e escenario internacional aki.

E seleccion cu orguyosamente lo representa Aruba ta consisti di:

● Zaria de Groot

● Mia Rose Tromp

● Xyselle Dijkhoff

● Xiëlle Koolman

● Zachary Coffie

● Sarah Toet

● Carolina de Cuba

● Genesis Pietersz

● Lea Vink

"Equitacion no ta solamente un deporte pa nos, e ta un disciplina cu ta siña nos yiunan respet y confiansa," OCA a declara. E seleccion aki a wordo presenta oficialmente na e publico durante e celebracion di Feria di Himno y Bandera e weekend aki, caminda cada atleta a ricibi nan carta oficial di seleccion.

Alabes OCA ta anuncia cu orguyo cu e seleccion ta wordo patrosina pa e marca 'Arubiano', kende lo ta sponsor oficial di e petchinan cu e seleccion lo uza durante tur nan sesionnan di training, tanto localmente como internacionalmente.

Cu determinacion y e meta pa pone e nomber di Aruba na e luga mas halto di e podio, nos seleccion lo biaha cu e confiansa di a haci e trabao necesario pa competi contra e gigantenan di e deporte ecuestre. OCA ta invita e pueblo di Aruba pa duna nos atletanan e apoyo y energia positivo den e gran reto aki.

Pa mas informacion, por tuma contacto cu: Myron Wever President, Org. Caballista Arubano Tel: +297 593 2538

UN AÑA DI GOBERNACION: PROGRESO CONCRETO NO OBSTANTE GRAN RETO

Na ocasion di e prome aña di gobernacion, Minister di Vivienda, Infrastructura, Servicio Interno y Telecomunicacion, drs. Rene Herdé a presenta un bista general di e progreso alcansa, enfokando riba solucionnan concreto pa e retonan structural cu nos isla ta enfrenta,

particularmente e crisis di Vivienda.

Durante e ultimo 12 luna, gobierno AVP-FUTURO a logra duna un total di 251 pre-reservacion, di cual 103 a wordo transforma den reservacion formal y 79 ciudadano a ricibi nan tereno. E resultadonan aki ta un paso importante pa

haci acceso na vivienda mas real pa hopi familia. E crisis di vivienda ta keda un di e retonan nacional mas grandi, cu un demanda di alrededor 10.000 vivienda, di cual aproximadamente 4.100 caso tin urgencia. Pa atende esaki, Minister di Infrastructura a implementa varios maneho structural.

Entre e manehonan aki tin construccion di apartament den cura y splitsing riba tereno erfpacht, esaki lo crea posibilidad pa aumenta e cantidad di unidadnan pa vivienda. Cu esaki por logra crea 580 cas pa famianan riba 360 percela existente. E strategia tambe ta enfoka riba maximalisa uzo di tereno existente door di particion (splitsing), introduci un maneho acelera pa otorgamento di tereno erfpacht (2 onder 1 dak) y ofrece percelanan mas grandi cu ya ta cla pa desaroya apartamentnan pa huur, pa asina amplia e oferta di vivienda.

Na mes momento, trabounan pa desaroyo di bario nobo manera Burunbundu (cu un capacidad di ±850 cas) ta avanza, hunto cu planificacion pa entre 350 te 400 vivienda pa senior (55+) den colaboracion cu FCCA. Tambe a activa trabounan di inbreiding pa identifica tereno adicional pa vivienda, loke pa varios aña a keda sin desaroyo. Den e dianan aki, un inhaalslag importante ta wordo implementa pa elimina retrasonan, manera mas di 900 peticion di “bestemmingswijziging” cu tabata pendiente na DIP. Digitalisacion y modernisacion ta un otro pilar clave. E portal “TERENO” na Kadaster ta den su fase fi nal di desaroyo y lo wordo lansa pronto, cu meta pa haci e proceso di solicitud mas transparente y eficiente. Alabes, un reorganisacion integral di DOW, DLV y DIP, hunto cu guia di DRH, lo inicia dia 1 di mei, unda restructuracion di proceso di trabou y digitalisacion ta central. Alabes a cuminsa cu e trabounan pa formula un “beach policy” nobo y revision di e ROPV, pa garantisa un desaroyo balansa y sostenibel di nos espacio publico y natural. Gobierno AVP-FUTURO ta keda comprometi pa sigui traha cu determinacion, transparencia y sentido di responsabilidad pa supera e retonan hereda y construi un futuro mas fuerte pa tur ciudadano di Aruba.

Minister Geoffrey Wever ta anuncia Presidente nobo di b anco c entral di a ruba

Oranjestad, 30 di maart – Minister di Finansa, Asuntonan Economico y Sector Primario, mr. Geoffrey Wever, ta anuncia e nombramento di e presidente nobo di Banco Central di Aruba (CBA). Despues di un trayectoria largo ehecuta y lidera pa e Raad van Commissarissen di Centrale Bank, awe mainta, durante un rueda di prensa, Sr. Thomas Domhoff a wordo introduci como e presidente nobo di Banco Central di Aruba.

E nombramento aki ta sigui un trayectorio largo y extensivo, lidera y ehecuta pa e Raad van Commissarissen di Banco Central di Aruba, bow di gia di Sr. Arie Swaen. E Raad van Commissarissen, como organo independiente encarga cu supervision strategico di Banco Central di Aruba, a maneha e proceso completo di buskeda y seleccion. Esaki a inclui colaboracion cu un experto externo pa establece e perfil pa cu e posicion,

selecciona Sr. Domhoff como e candidato mas adecua pa lidera e institucion den su siguiente fase y basa riba e recomendacion aki Minister Geoffrey Wever a nombra Sr. Domhoff como Presidente di Banco Central di Aruba pa un periodo di 5 ana.

E transicion aki ta marca un momento significativo pa Banco Central di Aruba, despues di casi binti aña di liderazgo di Sra. Jane Semeleer. Den december 2025, Sra. Semeleer a retira oficialmente, lagando atras un legado remarcabel, no solamente como e prome hende muhe pa ocupa e posicion di Presidente di Banco Central di Aruba, sino tambe pa su liderazgo firme durante periodonan di reto economico global y desaroyo financiero importante pa Aruba y pa tawata responsibel pa mantene e stabilidad di e Florin Arubiano.

confiansa economico. E meta di Sr. Domhoff ta pa contribui na un Banco Central di Aruba robusto, transparente y orienta pa futuro, cu ta inspira confiansa, fomenta innovacion financiero, y contribui na desaroyo economico sostenibel di Aruba y pa establece un relaciona profesional y habri cu e sector financiero di Aruba.

Minister Wever ta aprecia e proceso independiente y e rol fundamental di e Raad van Commissarissen den e decision aki, y ta reconoci e importancia di gobernanacion solido y transparente den institucionnan clave manera e Banco Central di Aruba, unda no tin lugar pa politica partidista.

asina como e proceso di aplicacion, evaluacion y screening di candidatonan, tur bao responsabilidad y liderazgo di e Raad van Commissarissen di Banco Central di Aruba.

E miembronan di e Raad van Commissarissen tin hopi aña di experiencia y profundo conocemento di e organizacion, y a wordo establece varios aña atras. A base di nan evaluacion profesional y criterio independiente, nan a

Sr. Domhoff ta un ehecutivo cu mas di 30 aña di liderazgo den sectornan di banco, finansa, agricultura y educacion, tanto na Aruba, Curaçao, y internacionalmente. E a ocupa varios posicionnan di alto nivel, y recientemente a ocupa e posicion di CEO di GI-RO Settlement Holding N.V. (GSH), na Curaçao. Su experiencia amplio, liderazgo strategico y enfoke riba innovacion y capital humano, lo contribui na fortalece e rol di Banco Central di Aruba como pilar di stabilidad financiero y

Minister Wever tambe ta gradici e equipo completo di Banco Central di Aruba, cu bow liderazgo di señora Miriam Gonzalez y especialmente señora Miriam Gonzalez, cu desde e despedida di señora Jane Semeleer a fungi como Interim-President di Banco Central di Aruba, a lidera na un forma hopi profesional Banco Central di Aruba den e periodo di transcision aki.

Minister Wever ta yama un bon bini na Sr. Thomas Domhoff y ta desea Sr. Domhoff tur clase di exito den e ramo nobo aki pa hiba e institucion importante di Banco Central di Aruba dilanti den un fase nobo.

Parlamentario aVP Jennifer a rends- r eyes ta P idi claridad riba im P lementacion di ley di crèche

ORANJESTAD (29 di maart 2026) - Parlamentario di AVP, Jennifer ArendsReyes, a entrega un serie di pregunta oficial na e minister corespondiente, pidiendo informacion detaya riba e situacion actual di preparacion y implementacion di e Landsverordening Kinderopvang na Aruba. Segun Arends-Reyes, e implementacion corecto di e ley aki ta esencial pa garantiza cu tur mucha na Aruba por beneficia di un sistema di cuido infantil cu ta sigur, di bon calidad y accesibel.

“Nos muchanan ta nos futuro. Pa e motibo ey, nos mester sigura cu cada centro di cuido di mucha ta traha segun normanan cla, cu personal capacita y cu supervision serio,” asina Arends-Reyes a expresa.

Parlamentario ArendsReyes a pidi pa minister informa Parlamento di Aruba riba e avance actual di e proceso. E ta puntra tambe ki paso concreto a tuma desde momento cu a aproba e Landsverordening Kinderopvang y con gobierno

ta prepara pa ehecut’e. Un di e puntonan principal den e preguntanan ta con ministerio lo garantiza cu e ley ta inclui normanan cla di calidad y siguridad pa tur forma di cuido di mucha.

Jennifer Arends-Reyes ta enfatisa e papel crucial di personal den e sector.

E ta puntra si e minister ta considera pa introduci rekisito minimo di educacion, formacion y certificacion pa empleado cu ta traha den centro di cuido di mucha. “Pa un sistema funciona, personal mester ta profesional y prepara, pasobra nan ta carga cu un responsabilidad grandi: cuida y forma e desaroyo di e mucha. E parlamentario a puntra tambe con lo organisa supervision y inspeccion periodico di tur centro di cuido di mucha, pa garantisa cumplimento di e ley.

Entre e preguntanan, Arends-Reyes kier sa: con ta conduci inspeccion, cu ki frecuencia y door di cua instancia. E ta expresa cu, sin control efectivo, e ley lo keda solamente un documento sin impacto real den practica. Otro punto importante cu

Arends-Reyes a trece dilanti ta e aspecto social: centro di cuido di mucha mester ta accesibel. E ta puntra si gobierno ta contempla pa introduci, na corto plazo, algun forma di sosten financiero of subsidio pa famianan, pa hende cu ta traha y cu no tin recurso suficiente por yega na cuido di mucha, sin cu e costo ta bira un carga demasiado grandi.

Parlamentario ArendsReyes ta pidi claridad riba con e gobierno ta involucrando e sector di centronan existente. Con doño di centro, organisacion y experto ta consulta y inclui den e desaroyo di e siguiente fasenan di implementacion. Aunke e parlamentario a tuma nota di un sesion recien, e lo kier sa mas di e encuentro.

Ta pidi e minister splica con e ley lo contribui na e desaroyo integral di mucha chikito, y apoyo pa mayornan (specialmente mayornan soltero) pa por participa mas activamente den mercado laboral.

di ley di crèche ta haci cu seriedad y prioridad na interes di e mucha. “Nos no por laga e bienestar di nos muchanan na casualidad. Aruba mester un sistema moderno di cuido di mucha, cu ta controla, accesibel y sigur. E ley mester ta un instrumento real pa proteccion y progreso,” Arends-Reyes a declara.

Finalmente, Arends-Reyes a trece un pregunta moderno y practico: si gobierno of fundacionnan cu ta traha pa bienestar di mucha por stimula implementacion di un sistema digital of app pa registra presencia di mucha den kindercentra (check-in/ check-out).

E Parlamentario ta considera cu un sistema digital por aumenta siguridad, preveni confusion, y mehora comunicacion entre mayornan y centro. Ta pidi e minister pa informa si ya a discuti of contempla e idea aki y con por integra den cuadro di ley nobo.

“Nos mester un sistema cu ta proteha nos muchanan”, Jennifer Arends-Reyes a expresa pa conclui cu parlamento tin obligacion di sigura cu implementacion

Un

dia fructifero

y cu e luz di Cristo por briya den cada un di nos

" ... Pasobra tur hende cu halsa nan mes, lo keda humilia, ma esun cu humilia su mes, lo keda halsa". Lucas 18,14

Awe nos ta lesa e importancia di humildad y reconoce nos faltanan. Nos por ta manera e fariseo husgando otro y halsando su mes of manera e cobrado di belasting ta reconoce su falta y su necesidad di compasion. Cu humildad nos ta sirbi otro sin busca recompensa; scucha mas y papia menos, na balora e otronan pa loke nan ta y no pa loke nan tin of ta aparenta di ta. Reflexionando continuamente ta yuda evita na cay den orguyo y na mantene nos mirada fiho den e mision cu Señor a confia nos. Biba cu berdadero humildad ta nifica rechasa e mascaradanan cu hopi biaha nos ta pone pa impresiona of pa competi cu otro. No biba un bida superficial of di falsedad, sea un luz pa mundo unda e luz di Cristo ta briya den bo. Loke ta importa no ta con otronan ta mira nos, sino con Dios ta mira nos. Ser bo mes y cu humildad ta acerca nos na e berdadero esencia di nos fe y esey ta haci nos un instrumento den e man di Dios.

Oracion : Señor Hesus, haci mi curason pareu na bo curason. Manso y humilde y obedecido na bo Santa boluntad.

Amen.

Mas leu cu curiosidad: r eflexion riba un anochi di berdadero conexion na u niversidad di a ruba

Diajuebs siman pasa, tabata hopi mas cu simplemente un Open House; e tabata un testimonio di e ambicion nan cu ta biba den nos comunidad. Maske nos campañanan di radio y social media a trece hopi hende na nos porta, ta e calidad di e combersacion nan a defini e anochi aki berdaderamente. Kico tabata mas remarcabel? E cambio den e nivel di compromiso. Nos a mira futuro studiantenan yega no solamente cu curiosidad,

pero tambe cu un plan concreto. Acompaña pa nan mayor, amigo, y hasta nan propio docentenan, e studiantenan aki a bin prepara cu preguntanan profundo tocante tuition fee, rekisitonan di entrada, y evaluacion di diploma. Tur esaki ta mustra nos cu nos futuro academiconan no ta busca solamente un titulo; nan ta busca un transformacion. Nos slogan, "Sea curioso, sali cu conexion," a cobra

bida den tur skina di nos campus. Sea tabata un hoben profesional cu bista riba un Master pa su crecemento personal, of un studiante di scol secundario explorando nos bachelors y e Academic Foundation Year, e energia tabata uno di progreso colectivo.

Kico ta sigui?

Pa mantene e momentum aki bibo, nos lo lansa un campaña dedica riba nos plataformanan di social media pa guia boso den e procesonan di rekisito pa admision y e registracion online, cual ta habri oficialmente dia 15 di mei.

Un Danki di Curason

Un exito di e magnitud aki ta rekeri cooperacion di henter un comunidad. Specialmente na nos partnernan di IPA y Arubalening, nos banda musical di cas talentoso pa e entretenimento, nos departamento di Facilidad cu a traha incansabel, mu yen especial Patrick Ras, e ekipo energetico di Office of Student Affairs, y cada un di e boluntarionan; tanto docente como studiante cu a demostra e miho parti di Universidad di Aruba.

Na e studiantenan cu ta preparando pa nan examen:

nos ta desea boso hopi claridad y exito. Na nos profesionalnan hoben: corda cu e decision pa sigui educa bo mes ta e contribucion di