Diarazon 29 oktober 2014

URATACA CENTER

Special di awe:

Pasta Bolanese, Garlic Bread & Salada

Afl. 10.00 Diarazon Oktober 29 2014 -Edicion-8 Vol.194209 Sta.Cruz #110 Tel: 585-9500 Fax:585-0951 - E-mail: solodipueblo@gmail.com

1.50

Segun parlamentario di MEP, sr. Dangui Oduber

Contra tur conseho, minister Oduber kier insisti den privatiza Directie Luchtvaart!

MEP TA ORGUYOSO DI SU LIDER EVELYN WEVER-CROES UN LIDER CU TA INSPIRA

(di 12 pa 3pm)

Tel: 585 5212

KEVIN TA PLANIANDO PA HIBA GRUPO CHAMPAGNE DEN CARNAVAL DI CURAÇAO CU TSUNAMI

Solo di Pueblo ta rifa un auto cu meta deportivo y caritativo INVESTIGACION ANDANDO DEN BANCO DI CARIBE DI HORTAMENTO DI INFORMACION Persona sospecha ta hopi cerca di partido AVP!

Accidente entre tres auto na cruzada Caya Juancho Kock y Pampoenastraat

Diarazon Oktober 29 2014

Pagina 2

SOLO TA RIFA UN AUTO CU META DEPORTIVO Y CARITATIVO

DIMAS ta asisti tur cliente cu cita na Enseñanza pa Empleo

Diarazon awor 29 di Oktober 2014 DIMAS ta cuminsa atende clientenan cu cita edificio di Enseñanza pa Empleo na Engelandstraat. Esaki ta conta solamente pa esnan cu tabata cita caba, pero cu no por a wordo atendi. Servicio lo ta limita y manual. Esaki ta solamente mientras tanto cu edificio nobo no wordo entrega bek na DIMAS dor di Departamento di DOW. DIMAS ta spera cu su clientenan cu tin cita na DIMAS pa entrega di permiso di estadia temporal presenta na oficina di Enseñanza pa empleo den Engelandstraat (Entrada pa DIMAS ta na e porta na banda di e edificio) den parkeerplaats den e forma indica riba e lista duna. Tambe ta recorda cada cliente pa haci copia di nan pakete original cu lo entrega riba dia di cita, copia di tur permisonan y e confirmacion di cita haci online imprimi.

Despues di a termina cu e campaña di 2 mil florin, SOLO a cuminza un proyecto cu meta deportivo y caritativo. Esaki ta por medio di un rifa di auto cu ta costa 5 florin. Hopi ta esnan den necesidad pero tambe hopi grupo deportivo ta pasa den lucha pa yega na fondo. E rifa ta hunga dia 21 di December 2014. Cualkier persona individual, grupo, team deportivo cu ta interesa pa participa, por tuma contacto cu nos na oficina 585-9500 of via mail solodipueblo@gmail.com. Ta honra un comision di 50% riba cada buki. Bendedornan di rifa ta welkom pa duna un man den e proyecto aki.

Reaccion riba Juan David: DIMAS ta pidi tur su clientenan pa tin comprension pa e situacion aki. Tene bon cuenta cu e cambionan aki riba menciona. DIMAS ta pidi alavez su disculpa pa cualkier inconveniencia cu esaki lo por trece cu ne.

Porfin awe Juan David a reacciona... unda aparentemente e lo manda carta di abogado pami, pa un “comments” riba mi facebook wall. Aki mi reaccion cortico: 1. Bo kier meen cu bo no ta cobra 25 mil como coordinador?? E ora ta cuanto bo ta cobra?? 2. Angel Bermudez, abo a dune un contract via su nv di real estate na 20 mil heldo pa luna.. mi tin e prueba.

Apreciable cliente mi kier informa cu mi lugar nobo di Beauty Salon y Barbershop a muda y bay na Cadushi largo 4A. Pa mas informacion tuma contacto cu mi

587-1886

of

por na

5681467

Nos ta bandi Scool Laura Paskel

3. B’a retira as minister y bira coordinador... Wel na varios ocasion nos a puntrabo si ba tuma over e contract di Angel.. bo no kier reacciona. Si no ta 25 mil? Please bisa via bo facebook y twitter ta kico ta bo salario.

4. Nos a pone prueba di 12 luna di salario como minister x 80%. Segun nos alrededor di 192 mil heldo.. si no ta 192 mil, ta cuanto? 5. Mike, Benny tur a habri boca grandi bisando cu nan NO a tuma overbrugging... pasobra ta inmoral... y sigur ora cu b’a keda cu un trabao como coordinador... Abo si tabata mester di 12 luna di salario na 80%? Mey mey di e crisis financiero unda ABO a pasa machete tur caminda? Y bo no por a pasa machete riba bo mes? Nos ta warda bo carta di

abogado y nos lo waak ta kico bo lo pidi. Corda cu nos a proba caba e acto inmoral di 12 x luna di salario sin traha.. pues.. nos ta keda pendiente!

Diarazon Oktober 29 2014

KEVIN TA PLANIANDO PA HIBA GRUPO CHAMPAGNE DEN CARNAVAL DI CURAÇAO CU TSUNAMI

Pagina 3

Aparentemente Juan David a fix su mes 192 mil florin na salario pa un aña sin traha Si ta berdad: Of bo tin moral of bo ta un inmoral! SOLO a logra pone man riba un documento cu aparentemente a bolbe mustra un atraco riba caha di pueblo. E biaha aki segun rumor Juan David a fix su mes un bonus di 12 luna di salario di minister y a haya e recompensa aki dia 1 Oktober ultimo. Mientras Speed, Diario y Baba tabata cuestiona ta ken tin of laga di tin e rapport di CFT cu ta splica riba e mal maneho y escasez di placa, Juan David manera ladron den anochi a firma of laga firma su bonus di 12 luna di salario sin traha pa un total di 192 mil florin. Juancho a bira conoci como traidor di pueblo ora el’a firma den un carta pa Hulanda “geen bezwaar” pa asina

Despues di tanto polemica di carnaval unda varios grupo a bisa cu nan lo no participa bao SAC, Kevin van Ommeren a post riba su facebook cu Grupo di Linchi ta bay Carnaval na Corsou cu Tsunami. E comentario aki a sacudi social media. Hopi reaccion negativo contra Grupo Champagne pa cu

e decision of pa solamente tin e intencion aki. Kico te intencion anto? Organiza na Corsou ta mihor cu organiza bao SAC? No ta conoci si mas otro gruponan uni tambe ta bay Curaçao. For di Dushi Group y Majestic a comprende cu nan no ta bayendo Curaçao.

PUEBLO A H HAÑA SU PEN BEK

Pa kualkier informacion solodipueblo@gmail.com of

☎ 585-9500

e bende autonomia. Djey el’a yora y bisa cu ni si pone scopet na su cabez e lo coopera cu KB ni CFT. Ata shon a retira y awor segun rumor ta haya 192 mil florin bonus. Ta kico esaki ta? Politiconan di AVP a bira hart’i

sinberguenza y abusador. Juancho a pasa machete tur caminda y awor pe mes tin 192 mil florin? Esaki ta un acto bochornoso y di condena. AVP a critica tur tempo e atraconan aki y pa awor segun rumor Juancho ta haciendo pior?

INVESTIGACION ANDANDO DEN BANCO DI CARIBE DI HORTAMENTO DI INFORMACION Persona sospecha ta hopi cerca di partido AVP!

Ya ta mas di un luna pasa cu corant DAIRIO a publica informacion confidencial di Banco di Caribe di un cuenta, den intento pa involucra lider di partido MEP den esaki. Mesora BANCO DI CARIBE a cuminsa un investigacion interno y a pone man riba prueba contra e sospechoso. E caso ta ainda den pleno investigacion, den su fase final y BANCO DI CARIBE ta spera cu pronto por pone un fin na e problema serio aki. Lekmento di informacion ta algo cu ningun banco kier experiencia. BANCO DI CARIBE ta conoci como un banco ta traha duro pa tene tur informacion confidencial y sigur mester ta lamenta y condena cu un empleado por a viola

ley, regla y etica di trabao di e forma aki. Y aparentemente ta trata di un persona cu ta campaña fuertemente pa partido AVP y pesey a saca e informacion aki, dunando esaki na politico di AVP. E politico a haya DIARIO asina leu pa bira complice na e hecho aki. Sinembargo e investigacion no a caba ainda, en todo caso ta trata di ladronicia di informacion bancario y esey ta un hecho castigabel. Ademas esun cu a haci uso di e informacion tambe ta castigabel pasobra e ta complice y esey por ta DIARIO, pero e sospecho ta tambe riba un of mas politico di partido AVP. Solo di Pueblo ta sigui investiga pa haya sa ken e politico aki ta.

Diarazon Oktober 29 2014

Pagina 4

Segun muher den careda nan a dal su auto cu piedra Polisnan a bay diadomingo pa 1:10, na un cas den Nijfhoffstraat pa un auto cu a keda destrui pa piedra. E muher H. a bisa cu ora cu e tabata bayendo cas, el’a tende un klap duro. Ora cu el’a yega cas, el’a mira cu su auto a haya daño, supuestamente causa pa un piedra. Polis a tuma e keho.

Pa ken e training Taal & Rekenen ta?

Pa alumnonan di 6de klas di School Basico cu kier sigui school secundario, sea riba e nivel Havo / Vwo (Colegio Arubano, Colegio San Nicolas of De Schakel College) of e nivel MAVO. Kico un training Taal & Rekenen? Den e training TAAL & REKENEN e studiante ta prepara su mes pa e “leerstof” di 6de klas pa medio di un programa riba un nivel halto, di un bon calidad y cu ta cumpli cu e exigencianan di Hulanda y di Aruba. Dor di e training , e studiante ta *hopi bon prepara pa cualkier proefwerk na scol, *e ta hisa su cijfer pa taal y rekenen y e ta cla pa (1) haci e toets TAAL & REKENEN, (2) slaag pa e toets y (3) drenta Ciclo Basico – 1 of brugklas di Colegio Arubano, Colegio San Nicolas of De Schakel College sin problema. Den ki periodo e training REKENEN ta tuma lugar? Training REKENEN lo tuma lugar den luna di November, 2014.

Fecha: November 7, 8, 14, 15, 21, 2014. Den ki periodo e training TAAL ta tuma lugar? Training TAAL ta tuma lugar riba e siguiente fechanan: Fecha: November 22, 28, 29; December 5, 6, 2014. Na unda e training ta tuma lugar? Ki ora? E training ta tuma lugar na: Club Don Bosco (Noord) – sala chikito Ora: 3:00 pm – 6:00 pm. Ken ta e trainer y organizador di e training TAAL & REKENEN? Drs. Rudolf R. Kelly (onderwijskundige, rekenspecialist) Ki duracion e training TAAL & REKENEN tin? E training TAAL tin un duracion di 15 ora. E

training REKENEN tin un duracion di 15 ora. Pa mas informacion por tuma contacto cu drs. Rudolf

R. Kelly pa medio di:cell 594-9771, cell 562-2119, tel. 585-9774 of email rr_ kelly@yahoo.com.

Diarazon Oktober 29 2014

Pagina 5

Segun parlamentario di MEP, sr. Dangui Oduber

Contra tur conseho, minister Oduber kier insisti den privatiza Departamento di Directie Luchtvaart! E gobierno aki di gabinete Mike Eman 2 ta un gobierno cu a manda nos pais bancarota. Awor cu nan a plunder nos pais y caba cu tur placa cu tabata tin disponibel no solamente ta castigando pueblo cu medida pero tambe ta tumando decisionnan cu lo afecta nos pais. Tin un proceso andando caminda e gobierno aki por medio di minister di transporte Otmar Oduber kier privatize Directie Luchtvaart y converti esaki den ANSA (Air Navigation Services Aruba). Henter e proceso aki ta uno masha straño y sumamente cuestionabel. Pakico e ta uno sumanente cuestionabel pasobra promer cu e ley a pasa den parlamento pa privatize Directie Luchtvaart ya caba gobierno a scoge un director pa e NV nobo aki. Nos mester recorda e pueblo aki cu e gobierno aki a bisa cu ora nan drenta den gobierno, nan no ta yuda ningun amigo y famia. Nan ta un gobierno cu ta traha pa e pueblo. Promer cu e ley a pasa parlamento minister Oduber a nombra su man drechi y fiel sostenedor y campañador pa ocupa e funcion di director di ANSA. Loke nos ta cuestiona den henter e asunto aki ta dicon ta net man drechi di minister Oduber ta bira director? Con por ta posibel cu Directie Luchtvaart no a ni bira NV y ya caba a scoge director nobo? Fuera di esaki e director nobo aki no ta cumpli cu e exigencianan pa fungi como director. E no tin e experiencia necesario y tampoco e backround pa ocupa e funcion aki. No solamente e proceder aki ta cuestionabel sino tambe e hecho cu minister Oduber contra tur conseho di Raad van Advies ta

scoge toch pa bulldoze e ley aki den parlamento di Aruba, sabiendo cu e tin 13 ja - knikkers cu no tin ni interes pa lesa e ley, sino ta cla pa vota voor den parlamento. Raad van Advies tabata sumamente critico y a bin cu 24 argumento pakico no mester privatiza Directie Luchtvaart den su conseho ariba e ley en cuestion aki. Awor nos kier waak si parlamentarionan di AVP ta respeta consehonan di Raad van Advies pasobra ultimo dianan aki nos por a scucha nan boca yen ta papia di Raad van Advies ariba e conseho cu nan a duna bisando cu gobernador no a actua corecto di no firma e presupuesto. Awor aki nos tin un ley pendiente pa trata den parlamento y Raad van Advies ta bisa minister cu e NO ta di acuerdo cu e ley aki y pa no manda e ley aki parlamento pa aprobracion. Textualmente Raad van Advies ta bisa lo siguiente: “De Raad kan zich NIET met de doelstelling van het onderhavige ontwerp verenigen en geeft u mitsdien in overweging het NIET aan de Staten aan te bieden”. Raad no ta haya su mes den e metanan di e ley aki y ta conseha pa NO manda e ley aki parlamento. Awor nos ta bay waak cu cuanto midi gobierno ta midi. Si en realidad e gobierno aki cu ta wordo sosteni pa 13 parlamentario den parlamento ta respeta Raad van Advies ta imposibel pa kere cu e ley aki lo wordo manda parlamento. Un di e argumentonan di gobierno pa privatiza tabata cu esaki lo yuda mehora productividad y eficiencia. Raad van Advies no ta kere cu mester privatiza pa logra mehora e

productividad y a bari tur e argumentonan di gobierno for di mesa. Loke e minister aki no ta splica pueblo ta ki impacto e privatizacion di ANSA lo tin pa aerolineanan. Aerolineanan grandi manera KLM, Southwest Airlines y Unites airlines ta companianan cu lo wordo afecta enormemente. E intencion ta cu lo bay cobra e companianan aki entre $3 pa $5 pa cada pasahero pa cada vuelo. E impacto financiero pa e companianan aki lo ta devastador. Tin di e aerolineanan aki NO a

presupuesta esaki y sin tene cuenta cu esaki gobierno ta bay door cu esaki. E privatizacion aki NO ta necesario y e unico meta cu tin tras di esaki

ta pa acomoda amigo di minister Oduber cu un salario barbaro. Esaki bo ta yama ‘friends with benefits’!

Diarazon Oktober 29 2014

Pagina 6

Accidente entre tres auto na cruzada Caya Juancho Kock y Pampoenastraat

Diamars mainta Polis di trafico a bay cerca di nan kantoor mes pa un accidente entre tres auto. Un Hyundai Tucson biniendo di Pampoenastraat a subi e cruzada Caya Juancho Kock y a dal un Toyota Yaris. Esaki na su turno a bay dal contra un Chevrolet Aveo bayendo pazuid. Segun declaracion di e chauffeur di e Tucson el’a bruha y na lugar di primi brake, el’a primi gasoline, causando e accidente. Dos ambulance a presenta na e sitio y a controla tur esnan envolvi. Danki Dios niun persona a resulta seriamente herida. Daño material si tabata considerabel.

Diarazon Oktober 29 2014

Pagina 7

Parlamentario di MEP, mr. Xiomara Ruiz-Maduro:

Nada por hustifica e huelga di hamber di Minister Eman “E ta bisto cu di basta dia Minister Eman tabata buscando un excuus pa asina por haya hustifica e perdida di credibilidad politico door di su huelga di hamber contra e intervencion di Hulanda pa su mal gobernacion. A busca conseho y a laga un cantidad di hurista skirbi articulo riba e tema aki pa por influencia e opinion publico, pero esaki no a surti. Ta siman pasa numa Minister Eman a haya algo pa purba saca cara y hustifica tur locual el’a bisa y haci den cuadro di e KB. Ta trata aki di e conseho di Raad van Advies den cual ta poni cu e KB no lo tin base legal. Minister Eman a indica di no por contene su alegria pa e noticia aki. Pero Minister Eman mester realiza cu no tin nada cu por hustifica su

huelga di hamber ya cu e mandatario mes a bay di acuerdo pa e intervencion aki. E KB no a bin ‘zomaar’ sino tabata e conclusion di un caminda largo cu a wordo encamina door di Conseho di Minister di Reino pa por haya un bista berdadero den e situacion financiero di Pais Aruba. Na varios ocasion Gabinete Eman a firma protocol cu Hulanda y tambe a duna palabra cu nan lo brinda e informacion necesario. Pero na Aruba nos tabata sa caba cuanto manipulacion tabata tin cu cifranan di finanzas publico y tambe e gañamento constant cu tur cos ta ok, a cuminsa bira dimas. E rapportnan di Profesor De Vries a laga hopi ta pensa, e rapport di

IMF a habri wowo di hopi y e downgrading di Aruba door di Standard and Poor’s y Fitch a confirma cu e situacion financiero di nos Pais na man di Gabinete Eman ta hopi malo. Pesey na momento cu Gabinete Eman y e mayoria den Parlamento a nenga di tene na cuenta e conseho extenso di Raad van Advies riba presupuesto 2014, Conseho di Reino por medio di Gobernador a pone un paro na e actonan aki di mal gobernacion. Nos mester tene na cuenta cu Reino a base di articulo 43 di Statuut tin e obligacion pa salvaguardia entre otro e bon gobernacion na cada Pais cu ta forma parti di Reino. Pesey tur e señalnan di mal gobernacion na nos

Pais no por a keda, sin cu nada ta wordo haci contra dje. Minister Eman tabata sa di antemano cu e intervencion aki lo a bin. E mandatario mes a firma na 2013 e Protocol di Diahuebs Santo, e tabata di acuerdo cu e carta di ‘geen bezwaar’ di ex - Minister Yrausquin di 6 di februari 2014 y e mandatario tambe a bay di acuerdo cu e decicion

di Conseho di Minister di Reino di 7 februari 2014 pa asina CFT bin haci un investigacion financiero na Aruba. Pesey awe Minister Eman no por bisa cu el’a lucha pa nos autonomia, pasobra e mes a PALABRA pa ENTREGA e autonomia financiero di nos Pais na Hulanda door di su mal gobernacion di nos Pais. Pues Minister Eman no por bisa cu e no tabata sa di nada y cu e intervencion di Hulanda a gar’e di sorpresa. E huelga di hamber di Minister Eman tabata djis un acto di desesperacion y cobardia di no por acepta e realidad, bisa e berdad y asumi responsabilidad. Pesey ni cuanto excusa wordo busca, nada lo por hustifica e huelga di hamber di Minister Eman.

Diarazon Oktober 29 2014

Pagina 8

MEP TA ORGUYOSO DI SU LIDER EVELYN WEVER-CROES UN LIDER CU TA INSPIRA Partido MEP a tuma nota di atakenan formal cu ta bin di parti di no solamente politiconan oponentenan sino tambe miembronan di prensa cumpra, contra lider di MEP, sra. Evelyn Wever-Croes y a haya ta necesario pa pone the record straight. Evelyn Wever-Croes ta un dama profesional cu un carera di mas di 20 aña de sector publico y sector priva, prome cu el’a drenta politica. El’a sacrifica su carera prometedor pa drenta politica, pa representa nos pueblo den Parlamento, pa despues wordo eligi como lider di partido MEP na forma DEMOCRATICO. Henter partido ta orguyoso di su estilo di liderazgo, firme y riba nivel respeta, manera e persona profesional cu e ta, cu e toke humano cu bo ta spera di un ser femenino. Evelyn Wever-Croes ta esposa y mama, e ta yiu y ruman, sinembargo oponentenan ta mustra cu nan no ta spaar ningun. Esaki pa MEP ta muestra cu Evelyn WeverCroes ta creciendo como lider, creciendo na forma abrumador y pesey oponentenan ta lanza atakenan asina feroz contra di su famia. Evelyn Wever-Croes su Fe den Dios ta grandi y e no ta sconde esey y hustamente esey ta locual Aruba tin mester. Un lider cu ta somete su mes na voluntad y regla di Dios, pasobra ta solamente asina nos por logra saca Aruba di e abismo aki. Den partido MEP tin un union mas fuerte cu nunca, como lider Evelyn Wever-Croes ta duna su candidatonan y especialmente parlamentarionan e espacio pa nan desaroya, pa nan crece y pa finalmente nan asumi responsabilidad. Un lider cu no ta mustrabo con pa

ta simplemente muestra cu no tin argumento politico mas y e atakenan aki a pone nos Lider crece aun mas. Nos partido a conoce 3 Lider grandi: sr. Betico Croes den feliz memoria cu a duna su bida pa Aruba y a logra realiza e anhelo di nos pueblo, nos libertad. Sr. Nelson Oduber cu a dirigi nos pais na 4 ocasion na forma sublime, y principalmente a sa di hiba un maneho financiero responsabel. Awor nos tin Evelyn Wever-Croes como lider cu ta prepara y cla pa realiza cosnan grandi pa nos pais. Partido MEP ta bendiciona. haci algo, sino un lider cu ta para hunto cubo y haci’e. E bishita di Evelyn WeverCroes na Hulanda luna pasa ta locual a causa oponentenan hopi dolor. mesora tur hende por a mira e contraste real entre e lider di partido oponente cu pa tapa su propio eror a bay den huelga di hamber, a aparece na yoramento na television internacional, y a scoge pa bay core go-kart en vez di atende problemanan di nos pais. Mes momento Evelyn Wever-Croes a demostra kico ta liderazgo di berdad: el’a subi avion, bay Hulanda y bay dialoga. Evelyn Wever-Croes tin respet y admiracion di henter nos partido y esey tambe ta causa dolor na nos oponentenan. Evelyn Wever-Croes ta menciona e palabranan di Margareth Thatcher hopi biaha: “I always cheer up immensely if an attack is particularly wounding because I think, well, if they attack one personally, it means they have not a single political argument left”. Y ta berdad: e atakenan personal contra nos lider

Diarazon Oktober 29 2014

Pagina 9

Cuater autor di buki pa mucha local ta participa na Festival di buki pa mucha aporta na organizacion di e evento aki. Desde chikito Liliana tabatin un pasion enorme pa skirbi. El’a skirbi su prome articulo pa e corant di school dia e tabatin 6 aña di edad y el’a gana su prome premio ‘Brief van de Maand’ (Carta Di Luna) pa e revista di mucha Matinette – dia e tabata tin 9 aña di edad. Despues cu el’a haci un yamada na e revista infantil Spaño ‘Tú’ Liliana a haya ‘penvrienden en vriendinnen’ na tur parti di mundo. El’a ricibi mas di 100 carta pa siman y e cartero a kere cu Liliana cu ya cu 11 aña tabatin

Biblioteca Nacional Aruba por conta cu participacion di 4 autor local pa e di 22 edicion di Festival di buki pa mucha. Tambe 1 contador di storia y un

ilustrador local di buki pa mucha. Ademas tin participacion di autor y contador di storia for di Corsou, Boneiro, Saba, Surnam y Hulanda. Un grupo hopi diverso ta bishita school otro siman. Apertura di e festival ta diabierna awor dilanti biblioteca na Playa. Muchanan por spera un fiesta grandi. Un di e autornan local ta sra. Liliana Braamskamp-Erasmus. Liliana a participa na e proyecto aki mas biaha den pasado. Tambe como fundador di Fundacion Papiamente cu tin promocion di lesamento como un di su metanan principal el a

su propio compañia caba. Liliana su prome buki Rima Rond di Aruba a wordo publica na 2003. E buki a bira un exito grandi y esey a duna Liliana mas smaak pa skirbi mas storia pa su lesadonan na Aruba. E ta autora di diferente pakete di poesia, cantica, ‘prentenboek’, programa radial, obra di teatro cortico, pero tambe cuentanan largo, tur esaki na su lenga materno, Papiamento. Pa e muchanan di Hulanda y Belgica, e ta skirbi buki pa lesa y scucha y pa hende grandi, cuentanan cortico y columna cu historianan cu a pasa di

berdad, por ehempel di cuminda, di biaha of di naturaleza.

Diarazon Oktober 29 2014

Pagina 10

Señorita Aruba rumbo pa e corona di perla MISS INTERNATIO​NAL 2014 Recientemente señorita Aruba, Francis Massiel Soussa rumbo pa Japon, pa representa nos isla, na e di 54 edicion di e di tres certamen mas grandi di mundo, cu ta Miss Internacional. Ochenta candidata di diferente pais lo wordo

Homber a tilda habitante di apartamento cu el’a horta Polisnan a bay diadomingo pa 16:52, na un cas den Koningstraat pa intermediacion. E homber C.B. a bisa cu dos dia pasa, ladronnan a drenta den su cas y e ta sospecha un persona cu ta huur un apartamento tras di su cas. Ora cu el‘a bay papia cu e homber, el’a push’e y a coy un biga. C.B a logra kita e biga for di dje pero despues e homber a coy un cuchiu y a hink’e den su carson y a bay for di e sitio. Polisnan a busk’e den vecindario, segun descripcion, pero no a topa cune.

spera pa atende na e certamen aki, cu lo dura tres siman largo, yena cu actividadnan y tambe na Tokyo lo siña conoce mas di e cultura Japones. Dia 11 di November, tin e competencia final cual lo tuma lugar na Grand Prince Hotel

na Takanawa. Na final di e evento señorita Bea Santiago di Phillipinas, lo corona su sucesora. E aña aki ta cumpli 20 aña, cu Alexandra Ochoa, a sa di a conquista e titulo di primera finalista den e certamen di Miss International. El’a sa di

pone Aruba su nomber resona rond mundo. Encarecidamente ta pidi e pueblo di Aruba, pa vota pa Aruba pa e titulo di Miss Internet, por haci esaki riba e siguiente website; www.missinternational.org.

Diarazon Oktober 29 2014

Gaita Autentico a lanza su cancion promocional titula “5 aña ta celebra”

Ayera den oranan di madruga pa mainta tempran di 4:30 pa 6:30 den e programa di Pasco, E Fiesta di Fin di Aña, gaita Autentico cu clase a lanza nan cancion promociona. Un cancion cu sigur ta conta e 5 aña di gaita Autentico cu

clase. Manager di e grupo a haci su acto di presencia hunto cu algun integrante pa por a lanza e produccion promocional aki. Sr. Gill di gaita Autentico a bisa cu pa otro siman nan lo presenta nan C D nobo ariba mercado.

Pagina 11

LIDER DI MEP, MR. EVELYN WEVER-CROES:

GOBIERNO NO TA DUNA PRIORIDAD NA ENSEÑANZA Gobierno di MEP a inverti 7 miyon pa aña den enseñanza, gobierno di AVP menos di 2 miyon florin! Lider di MEP, mr. Evelyn Wever-Croes a trece padilanti su preocupacion cu e falta di inversion den enseñanza. Ya pa hopi tempo no ta duna atencion necesario na enseñanza y pesey tin asina tanto problema cu schoolnan, cu nivel di enseñanza y te hasta cu diplomanan ta core peliger. Lider di MEP a referi na e Statistical Yearbook 2013 cu CBS a publica riba nan website, den cual bo por lesa con poco placa e gobierno aki ta inverti den enseñanza mes. “Mi no ta papiando di e gastonan di por ehempel salario, eseynan ta ‘government expenditures’ y eseynan ta subiendo cada aña. Pero mi ta papiando di e inversion real, formacion di capital. Si mi compara e promedio di locual gobiernonan di MEP tabata inverti, tabata 7 miyon florin pa aña, siendo cu asina cu AVP a sinta, el’a baha entre 1 pa 2 miyon florin pa aña. E relato anual di CBS ta mustra ta dicon nos ta den asina tanto problema cu nos schoolnan y cu como consecuencia cu nos studiantenan ta wordo perhudica. Entre otro na Colegio San Antonio, Colegio San Augustin, Colegio Frere Bonifacio, Rosa College, Arco Iris Kleuterschool, etc. Mientras cu te dia di awe e school HAVO/VWO na Noord no ta hayando atencion. Esaki ta splica tambe dicon nos tin problema nan awor cu nos diplomanan di HAVO. Mi ta lamenta cu nos studiantenan ta esnan cu mester paga e cuenta di mal gobernacion y di prioridadnan equiboca. Minister Eman kier

desaroya Aruba y haci’e un economia a base di conocimento “kennis economie”, pero con bo ta logra esey si no e diploma di HAVO of VWO por wordo garantiza aki poco

aña? Ta parcemi mas prudente pa e gobierno aki ateriza y para cu ambos pia riba tera, inverti den nos enseñanza y despues sigui soña”, palabranan di Evelyn Wever-Croes.

Diarazon Oktober 29 2014

Pagina 12

Segun partido MEP:

Conseho di Raad van Advies ta ocasiona mas confusion aun! Despues cu e mes a bay den prensa y expresa cierto detayenan, awor ta cambia su opinion den un conseho sin specificacion Constitucional RvA y ARK ta e dos instancianan cu a conseha Gobernador pa manda e proposicion di Ley di Presupuesto bek pa Minister di Finanzas pa coreccionnan y aclareacionan promer cu el’a keda atendi den Staten. Envez cu Minister di Finanzas a sigui algun conseho e tempo ey, el’a scoge pa bay den prensa hunto cu Promer Minister y haci declaracionnan contra e decision di Gobernador, RvA y ARK. Despues di esaki e Minister a core bay Parlamento den oranan di anochi y entrega Presidente di Parlamento e proposicion di Ley pa e por keda trata. A palabra cu lo yama un reunion den menos di 48 ora y asina a bulldoze tur posibilidad pa mas tardanza den e Ley di Presupuesto 2014. Na un manera no mucho Constitucional e Presidente di Staten a permiti e Poder Ehecutivo delinia y impone riba e Poder Legislativo cual ta un peliger pa e asina yama Trias Politica cu ta e garantia pa un democracia sano. Den e reunion di Parlamento e Promer Minister a instrui e Presidente di Parlamento pa “bypass” e parti di unda cu lo mester a trata e consehonan di RvA/ARK y pasa pa aprobacion di e Ley di Presupuesto 2014. Esaki a tuma lugar tambe pero na momento cu e Ley aki a yega Gobernador el'a dicidi cu no ta firma e Ley pa ehecucion y asina henter e episodio di Aanwijzing, CFT y KB a cuminsa. Cu otro palabra esnan cu a orchestra e scenario aki ta e propio RvA cu awe kier tira e bala leu for di dilanti nan gol. Pa straño cu e por pasa, tabata e propio sr. Fritsz Goedgedrag cu a haci expresionnan den medianan local manera e.o: “Mester stop di pone consehonan di RvA den lachi”, tambe por corda e expresion “Si nos no haci nos trabaonan, como debe ser na cas, Hulanda lo bin haci'e pa nos”. Esaki a pone cu presidente di fraccion di AVP, esta sr. Rene Herde a habri afor contra e miembro di RvA bagatelizando su declaracionan y for di e tempo ey no a tende nada mas di RvA/ARK. E pagina inicial di e KB ta papia pa su mes,

si laga afor e contenido di e KB cual semper Gobierno di Aruba tawata tin e oportunidad pa acudi na un huez pa asina mira su validez Constitucional. Gobierno di Aruba no a hasi uso di e derecho aki pero a opta pa bay den confrontacion di palabra y accionan contra e decision di Su Mahestad Rey Willem Alexander y Gobierno Hulandes cu ta esnan cu ta keda responsabel pa e KB. RvA ta suppose di ta un organo imparcial cu ta emiti consehonan tanto na Gobernador y tambe Parlamento di Aruba riba proposicionnan di Ley cu mester keda atendi den Staten. Pa e ultimo 5 añanan poco tabata e biaha cu a usa of atende cu e consehonan di RvA y tabata cu razon cu sr. Fritsz Goedgedrag di RvA a haci e declaracion pa stop di laga e consehonan di RvA den lachi. Awor RvA ta emiti un conseho, no un decision mucho menos un instruccion referente e legalidad of procedura di e KB. Pa cuminsa e KB ta un decreto cu no mester di aprobacion di Staten pero mas bien ta un asunto cu ta regarda Gobierno Hulandes. Den e KB tin condiciony instruccionnan cu mester a keda atendi manera e procedimiento di e investigacion di CFT mas tambe e motibo- y condicionnan di ki ora Gobernador lo por firma e Presupuesto pa ehecucion. E KB corectamente ta keda publica den Staatscorant mas tambe a keda atendi den otro nivelnan na Hulanda pa mira su legalidad y tambe hustificacion. E rapport/conseho di RvA ta laat, super laat y hasta considera como uno nulo y cu ta e propio RvA ta e asina yama autor intelectual di henter e proceso aki. Si na dado momento RvA por a mira algo cu no ta klop anto tabata su responsabilidad di a atende cu e asunto aki cu mas discrecion manera cu a publica e ehecucion di e KB den Staatscorant. Esaki sigur lo a duna Gobernador y Staten e espacio di atende cu Hulanda promer cu e ehecucion di eo e investigacionan di CFT. Awor cu a bin sali na cla, segun e contenido di e

CFT rapport kico ta e status real di e Aruba su situacion financiero, awor numa RvA ta core bin papia di supuesto fayo- y of ilegalidadnan den e KB. Mas cu claro por a spera esaki tambe y cu ta e propio RvA a laga 5 aña pasa sin nunca a denuncia Staten of Gobierno pa e forma con nan tabata haci y deshaci cu consehonan di RvA. Awor cu esaki tambe ta aparece den e CFT rapport mas cu claro ta keda na RvA pa saca curpa door di insinua cu tin algo cu no ta klop den e proceso di e KB den e KB mes. RvA a drumi 5 aña largo y a pasa 4 aña presupuestal unda cu Staten y Gobierno a haci y deshaci cu tur loke tabata na nan antoho. Reunionnan di Staten a baha na nivel 0 unda cu e fraccion di AVP no ta respeta puntonan di agenda pero ta concentra mas na ofende y ataca oponentenan den forma baho y vil. Ta orchestra un sin fin di intimidacion- y menazanan den direccion di oponentenan door di yena tribunenan di Parlamento cu coordinador- y bodyguardnan y esaki nunca a capta atencion di RvA y ARK. Ta net pa e motibonan cu oposicion tabata trece conseho- y rapportnan di instancianan manera RvA mayoria di reunion tabata mond uit den desorden den e ultimo añanan. Nunca fraccion di AVP a duna espacio na consehonan di RvA den reunionan di Presupuesto y den e ultimo reunion a hasta MinPres a instrui e Presidente di Parlamento pa by pass e agendapunt cu lo a trata e consehonan di RvA. Dus awe no tin pakico sinta kere of pone atencion na e contenido di e consehonan di RvA referente e KB ya cu pa cuminsa RvA ta un organo di conseho y no ta tuma e decisionnan final. Asina ta tambe ta reta Gobierno di Aruba cu e conseho di RvA aki bay Corte y laga un huez toets si e KB a hustifica segun e acuerdonan cu Aruba tin cu Hulanda constitucionalmente y no sinta bruha tera y brinda mas espacio pa despista atencion di e situacion financiero dificil cu Aruba ta pasando aden.

Diarazon Oktober 29 2014

Pagina 13

Acudi na Piedra Plat Entertainment Center of Camacuri pa yena e formulario di inkomstenbelasting 2013

Tin 4 dia so mas. Diasabra awor ta ultimo dia cu por haya ayudo. Departamento di Impuesto ta recorda su clientenan cu e campaña pa brinda asistencia pa cu yenamento di e formulario di declaracion (aangiftebiljet) di inkomstenbelasting 2013 ta den full swing y awor a drenta e ultimo siman. E campaña aki lo continua te cu diasabra awor, dia 1 di November. Tur cliente cu ta cumpli cu e condicionnan pa ricibi ayudo ta bon bini. Acudi awor, no tin mester di haci un cita. Kendenan por participa? 1. Tur persona soltero cu tin un entrada bruto di no mas cu Afl. 50.000,; 2. Tur persona casa

cu – hunto -tin entrada bruto di no mas cu Afl. 75.000,-. No por brinda ayudo na esnan cu tin un empresa propio of cu ta traha riba nan mes. Na unda lo duna ayudo? Fecha Sitio Orario pa 27 Oktober – 1 November 2014 (diasabra tambe) -Oficina principal na Camacuri , -Piedra Plat Entertainment Center - (banda di veld di Britannia) pa 8:00 am – 4:00 pm nonstop Trece documento : Departamento di Impuesto ta pidi su clientenan pa trece e formulario di declaracion hunto cu tur documento necesario relaciona cu entrada y

DIMAS cu servicio (limita) pa extension di estadia turistico y carta di re-entrada

DIMAS ta informa na tur su clientenan cu entrante diarazon 29 di Oktober 2014 DIMAS ta cuminsa brinda servicionan manual y limita pa extension di estadia turistico y carta di reentrada. Esaki ta tuma lugar ta na e edificio di Enseñanza pa Empleo den Engelandstraat. Lo brinda e servicionan manual y limita mientras cu edificio nobo no wordo entrega bek na DIMAS dor di Departamento di DOW. Pa esnan cu ta desea formulario por haya esakinan ariba nos website www.dimasaruba.com.

Unda mi ta haya e formularionan riba website? Formulario pa carta di re-entrada: scoge download formulieren, scoge formulieren en lijsten van vereisten, scoge vergunningen, scoge bewijs van terugkeer (full abao riba e pagina). Formulario pa extencion di estadia turistico: scoge download formulieren, scoge visitor/visitants (aki por scoge na ki idioma ta prefera e formulario). Formulario pa carta di garantia: scoge download formulieren, scoge uitnodiging. - Importante pa clientenan cu lo haci peticion pa un carta di re-entrada ta pa presenta tambe cu copia di nan ultimo permiso y tambe e comprobante di entrega di peticion di renobacion di permiso na DIMAS. Importante pa clientenan cu lo haci peticion pa extension di estadia turistico ta pa presenta cu copia di tur pagina den paspoort cu tin stempel di inmigracion y tambe nan copia di ambos banda di e carta di embarcacion (ED-card). DIMAS ta pidi su clientenan cu presenta pa e servicionan ak’riba menciona pa por fabor tin tur rekisitonan indica riba e lista di e formulario concerni pa bo y locual ta rekeri ak’riba indica na momento cu bin haci entrega di e peticion. DIMAS ta pidi tur su clientenan pa tin comprension pa e situacion aki. Tene bon cuenta cu e cambionan ariba menciona. DIMAS ta pidi alavez su disculpa pa cualkier inconveniencia cu esaki lo por trece cu ne.

gasto, tanto na Aruba como den exterior, manera: resumen di salario; resumen di entrada di huur di cas of apartamento; resumen di pensioen di viehez; resumen di pago periodico na huerfano; carta di interes di banco y/of otro instancia; comprobante di prima di seguro di bida; comprobante di pago di alimentacion na excasa; comprobante di inscripcion di school di yiu cu ta den exterior

haciendo un estudio cu no ta posibel na Aruba; recibonan di gasto di school paga manera contribucion di school, material di estudio y/of gasto di pasashi, pa yiu cu ta den exterior haciendo un estudio cu no ta posibel na Aruba. Ta importante pa inclui tur comprobante necesario den e declaracion. Tambe ta recomenda pa e cliente mes yena e seccionnan cu ta trata su informacion

personal y di su famia. Ta trata aki di e seccionnan 3, 4, 5 y 25. Si ta trata di un pareha casa, mester tin tambe e ‘persoonsnummer’ di e señora. Dia 1 di November ta ultimo dia cu por ricibi ayudo. Ta pidi tur cliente pa tene cuenta cu e fechanan pasobra no lo extende e campaña di ayudo aki. E ultimo dia pa entrega e formulario di declaracion ta 3 di November 2014.

Diarazon Oktober 29 2014

Pagina 14

PAGINA JAN DE RUIJTER......... DE PILAAR VAN ARUBA’S ECONOMIE EN WELVAART, HET TOERISME (week 13)

Jan de Ruijter was bij de opbouw van het toerisme op Aruba betrokken als general manager van het Holiday Inn hotel en als oprichter en voorzitter van AHATA. Hij is op Aruba bekend als toerisme- en hoteldeskundige en schrijft elke woensdag een column over goed toerismebeleid in Solo di Pueblo. Voor commentaar is hij te bereiken op janderuijter@yahoo.com

17 CONCRETE PLANNEN OM ARUBA GEZELLIGER TE MAKEN (deel 3) Tot zover beschreef ik 12 manieren om Aruba snel heel veel gezelliger te maken, iets wat zonder enige twijfel uiterst noozakelijk is wil Aruba een goede positie in het toerisme behouden en speciaal als Aruba nieuwe toeristen wil aantrekken. Voor de volgende regering die binnenkort het uitermate slechte beleid van Otmar Oduber gaat overnemen dient het gezelliger maken van Aruba één van de vijf eerste proriteiten te zijn.

13. Het benutten van Aruba’s enorme potentieel aan cultuur

Oh nee, nu praat ik echt niet over de oudere stelletjes die heel keurig en netjes een walsje dansen in oude kledij, dat is echt iets van en voor ons. Elke toerist waar hij ook vandaan komt zal enorm genieten van de ontzettend goede musici die Aruba heeft. Ik heb ongeveer twee jaar geleden in Cas di Cultura betere Salsa gehoord dan ik ooit op kanaal 12 of andere Latijnse kanalen heb gehoord. Muzikaal talent en muzikale professionals op Aruba zijn van enorme kwaliteit en waarom niemand het initiatief neemt bij ATA, het ministerie van Toerisme, de handelsorganisaties, de handel in de stad, de hotels in de stad om dit talent en deze professionals te laten optreden voor onze toeristen en bezoekers gedurende een wekelijkse event in de stad, is voor mij een groot raadsel. M.i. is het een combinatie van verslagenheid, gebrek aan enthousiasme en initiatief omdat men al zoveel en zolang geleden heeft onder onbegrip en wanbeleid dat het laatste sprankeltje hoop al uitgeblust is. Er is niemand meer die er nog voor vecht en ook de winkeliersvereniging Mambo is uigeblust en heeft daarbij ook geen geloofwaardigheid meer. Maar tenminste een minister van Toerisme zou als een rots in de branding, met enthousiasme en pro-activiteit het initiatief moeten nemen iets echts van de stad te maken. Ik neem het deze volkomen onbekwame minister en zijn “chief of staff” Ronelle Tjin Asjoe enorm kwalijk dat zij hun

tijd verpesten aan conferenties en stomme televisiegesprekken op kanalen 13 en 15 in plaats van iets te creëren, iets te doen, iets te presteren. Waarom geen “night on the town” met optredens van de fantastische musici van Cas di Cultura in Renaissance Market Place in samenwerking met de restaurants in die Mall? Jammer voor onze musici, jammer voor al die toeristen die dit nu missen.

14. Special Events

Waarom is het nou zo moeilijk voor de minister van Toerisme en voor ATA om samen met AHATA, andere handelsorganisaties, cultuurverenigingen en andere belanghebbenden en geïnteresseerden, tot de vaststelling te komen van een Annual Events Calender met elke maand een focus op een grote event van de maand. Dat kunnen zeer zeker de al bewezen succesvolle events van windsurfing, beachtennis en muziekfestivals zijn maar ook food festivals, sports events, salsamaand, een groot Latijns festival, laat creativiteit er maar op los! Het gebeurt niet en wat er gebeurt gaat om persoonlijke ideetjes die ad hoc bedacht worden uit persoonlijke sympathie zoals de steun aan ene DJ. Chuckie waar het toerisme totaal niet bij gebaat is. Andere destinaties lopen VER vooruit op Aruba en tegenwoordig biedt elke vakantiebestemming een grote variëteit aan shows, gebeurtenissen en events. Aruba mist de boot. Jammer!

15. Go-karting

Hier is een activiteit die nog lang niet overal gewoonte is geworden en wat op Aruba verder geactiveerd kan worden. Onder punt 7 beschreef ik de creatie van een Venice Beach op Aruba in het gebied tussen het voormalige Bushiri hotel en de haven in de stad; daar zou makkelijk plaats zijn voor de aanleg van diverse race tracks voor karting met verschillende moeilijkheidsgraden. Het geeft enorm veel plezier en met de goede promotie kan daar veel mee gedaan worden. En dan geef ik u nog twee manieren om Aruba gezelliger te maken:

16. Ontsluit Aruba door een begaanbare weg langs de oostkust van Natural Bridge tot aan San Nicolas In een meerjarenplan moet dat toch zeker eens gerealizeerd worden. Er wordt al zolang over gepraat maar het wordt maar nooit uitgevoerd. Het is zeker gewenst en gevraagd door toeristen en de hele weg kan gezellig gemaakt worden met plaatsen om te stoppen voor eten, drank en andere voorzieningen.

17. Palm Beach weg

Vroeger ooit eens bestemd voor toeristische ontwikkeling is dat gebied nu al veel te lang verwaarloosd en aan de private sector overgelaten zonder enige planning. Het staat nu vol van vervallen en half afgebroken vieze gebouwtjes maar het had de wandelboulevard kunnen zijn tussen de hotels en een restaurant- en vertiergebied, een uitgaansstraat. Vol met leuke restaurants, cafe’s, bars, terrasjes, kroegen en plaatsen waar je kunt dansen. Dus daar heeft u het: 17 manieren om Aruba gezellig te maken voor de toerist, die tegenwoordig meer wil dan zee, zand en zon en avontuur, cultuur, gezelligheid en vertier wil. In recapitulatie: woonflats in Caya Betico Croes, verbinding tussen Renaissance Mall en Renaissance Market Place, het Daniel Leo-plein, de ruimte tussen Paddock en Mar-Azul, Port of Call marketplace, Linear park, Venice Beach, Savaneta, San Nicolas, Holiday Inn en Acqua, Tierra del Sol, de off-road beaches, cultuur, Special Events, Go-karting, de oostkustweg, en Palm Beach road. Dit is gratis voor de nieuwe minister van Toerisme!

PUEBLO A H HAÑA SU PEN BEK

Pa kualkier informacion solodipueblo@gmail.com of

☎ 585-9500

Diarazon Oktober 29 2014

Pagina 15

Brasilero deteni pa mutiple asesinato, ta keda cu e gana pa sigui mata E asesino multiple Brasilero cu a keda deteni dia 16 di Oktober pa morto di 39 persona, ta keda cu e deseo di sigui mata hende. Segun polis, Thiago da Rocha a declara, “ Mi tin gana di sigui mata mas hende”. Pa motibo di su deseonan pa kita bida di mas bida di hende, Thiago da Rocha, a puntra e bewakernan di antemano cu si e lo wordo persigui si e mata un preso cu ta cune den cel. Desde su detencion pa motibonan di seguridad, e ta su so den un cel y segun polis e actuando masha straño mes. Cada rato e ta pidi pa dental floss y ta hari masha sarcastico na momento cu puntre si e ta tramando un plan pa suidicio. Da Rocha despues di a keda deteni a purba pone fin na su bida door di usa un obheto skerpi pa corta su pols. E ta exigi diariamente stapel di revista cu hopi liher e ta caba di lesa, tambe e ta pidi cada rato alcohol, segun e vocero di e prison unda e ta deteni. Polis a duna Da Rocha

un stempel di ta un persona extremadamente peligroso. El’a admiti cu for di 2011 el’a mata 39 persona, entrenan 16 muher y un cantidad di homosexual y chollernan. Segun Da Rocha a declara e no conoce su victimanan y a trata solamente di rabia riba tur cos y tur hende, un sentimento cu solamente por wordo kita despues cu e mata su victimanan, cada biaha cu e mata e ta haya duele, cu despues atrobe ta cambia den rabia y asina cada biaha di nobo e tabata mata su victimanan. Segun Da Rocha, el’a mata tur su victimanan cu e mesun arma di candela, pero segun expertonan balistico, su arma a wordo usa riba e 6 di su 20 victimanan cu el’a admiti. Polis tin imagennan di e camaranan di seguridad, cu nan a confisca, unda nan a mira con el’a mata algun di su victimanan. Tambe polis tin declaracion di testigonan cu a reconoce e brommer di e assesino. Da Rocha tabata un guardia di seguridad na

un Hospital y tabata opera den Goias, cu ta keda den e centro di Brasil. E

tabata biba cu su mama den cas, el’a wordo deteni pa plachi numbernan di

brommer horta, den un supermercado.

Diarazon Oktober 29 2014

Pagina 16

“ARUBA BANK G4TN – SCHOOL EDITION 2014 ta presenta e proyecto di MARIA COLLEGE MAVO: I am because WE ARE”. Aruba Bank N.V. ta di fiesta y pa marca e di 5 aniversario di e proyecto “Good 4 the neighbourhoud”, Aruba Bank a dicidi di cambia e concepto un tiki. Cu esaki Aruba Bank N.V. ta duna e schoolnan participante e oportunidad pa upgrade nan school. Maria College MAVO no por a keda afor y ta pesey nos ta tuma e oportunidad aki pa comparti nos proyecto cu henter pueblo di Aruba. Maria College MAVO ta presenta: ‘I am because WE are’. Nos proyecto ta nace mey mey di nos alumnonan. Nos team di 6 a waak un oportunidad pa haci algo cu e pasatempo di mas grandi na nos school, deporte. Maria College MAVO ta un school conoci pa su alumnonan deportista y si bo tin e oportunidad di pasa banda di nos school durante orario di school bo por ripara con activo nos alumnonan ta. Durante pauze y ora liber bo ta haya nos alumnonan ta core riba veld, alumnonan di tur edad, di tur klas, mucha homber y mucha muher. Mirando cu nos school ta conta cu 525 alumno nos a dicidi di haci algo pa crea mas espacio pa practica deporte. Nos tin un veld di basket/futbol na entrada di nos school y mirando e espacio riba tereno paden di school nos a dicidi cu lo ta hopi great pa haci esaki bira un veld di volleybol y tennis. Cu e veld nobo nos ta haya e oportunidad di practica mas deporte y tambe nos ta yuda nos docentenan di sport haci nos lesnan di gym mas varia. Deporte ta mas cu solamente movecion. Practicando deporte nos ta train nos mente pa bira mas disciplina y nos curpa pa bira mas fuerte. Nos tin cu zorg pa un alimentacion saludabel. Nos ta traha riba e mentalidad di equipo, na unda tene cuenta cu

otro ta hopi importante. Den deporte nos ta forma amistad cu nos compañeronan y tambe nos ta haya guia di nos coach. Deporte ta crea hopi momentonan pa comparti cu nos famia, docentenan, amigo y conocirnan cu ta apoya nos. Deporte ta trece hende huntu y ta crea momentonan di emocion y expectativa. Nos idea pa e proyecto di G4TN – School Edition 2014 a nace riba veld pero a bira mas cu solamente e veld. Nos a dicidi di traha tambe riba e parti di nos mentalidad. Asina “I am because WE are” a nace. Nos a corda riba e les di CKV cu Juffrouw a duna nos pa nos siña con importante cada un di nos ta y cu huntu nos por logra hopi. Nos a dicidi di adopta e pensamento di Ubuntu. E pensamento aki ta bin for di un tribu na Zuid-Africa. Aki un atropologo a bishita un pueblo y a hiba un saco di fruta hunto cune. Ora el’a drenta e pueblo, el’a topa cu un grupo di mucha y el’a bisa nan cu e ta bay pone e saco di fruta na cierto distancia y esun cu yega prome mag di haya e frutanan. E muchanan a waak otro y na dado momento tur a tene man di otro y a cuminsa core bay den direccion di e saco di fruta. Nan a yega hunto y a cay sinta rond di e saco, ya cu tur a yega hunto, tur a haya fruta. Esaki ta Ubuntu, esaki ta: “I am because WE are”. E veld, ta pa nos alumnonan, pa e miembronan di nos team, nos coachnan, nos cheerleaders, nos mayornan orguyoso y nos docentenan. Nos school Maria College MAVO, nos comunidad di Aruba, nos schoolnan secundario cu nan team y nan coach. E ora nos a dicidi pakico no haci esaki bira un proyecto

un school cu ta gusta coopera cu comunidad y “I am because WE are” ta promove e idea pa duna bek na comunidad. Pesei mes nos a dicidi cu e aña aki atrobe nos lo cera un grupo di alumno y docente pa yuda haci nos playanan limpi durante e evento di Beach Clean-up. “I am because WE are” y “WE are” ta duna bek na nos comunidad. Nos a sinta pensa con nos por conecta e actividad aki cu nos school y esaki a inspira nos pa bin cu e idea di pone stickers riba nos containernan di sushi. Di e manera aki nos por recorda nos alumnonan cu si cada un pone di su parti, nos por haci e ambiente di school mas agradabel. Cu nos lema: “I am because WE are”, nos kier duna tur alumno e oportunidad pa contribui pa yuda tene school limpi.

pa nos tur. Dicon no haci di nos school un punto di encuentro. Un lugar pa comparti momentonan di entusiasmo y emocion na unda otro scolnan por join nos riba veld y comparti door di hunga weganan amistoso. Paso nos tur huntu ta Maria College MAVO, nos alumnonan a dicidi cu nos no por traha nos so riba e proyecto, nos tin mester di nos docentenan pa yuda nos pone nos proyecto funciona. Y no solamente nos docentenan pero nos mester pidi nos directora pa join nos. Nos tur hunto tin cu pone “I am because WE are” bira nos lema nobo. Asina nos logo nobo a nace, e circulo di Ubuntu cu ta keda draai: “I am because WE are” na banda di nos Mama Maria cu ta

patrona di nos scol. Nos docentenan no a tarda pa join y asina den nos lesnan di CKV nos a cuminsa traha riba obranan di arte traha cu palet, na unda nos kier trece mensahenan positivo padilanti. Nos team di 6 a pensa ideanan con pa pone nos logo nobo riba muraya y con pa haci nos plan mas atractivo. Nos a pensa riba un jingle pa nos scol, tambe riba un ritmo y baile pa compaña nos studiantenan durante eventonan di deporte. Nos proyecto: I am because WE are, kier siña nos alumnonan cu nan cada un ta importante, cada un tin su balor, tur ta parti di nos gran famia di Maria College MAVO. Maria College MAVO ta

Pa termina nos di Maria College MAVO su Team G4TN – School Edition 2014, huntu cu nos docentenan y directiva kier invita henter pueblo di Aruba pa bishita nos webpage pa lesa un tiki mas tocante nos proyecto. Tur esnan cu gusta nos proyecto nos ta pidi pa like esaki riba: www.expandeer. com/g4n/mcm/ Nos ta invita pueblo di Aruba pa join the movement y ban laga nos espiritu di comunidad crece. Maria College MAVO kier haci di nos hubentud un ehempel di fortalesa: I am because WE are! Pa mas informacion por tuma contacto cu nos team MCM:Grace-Ann Ras – Public Relations G4TN Team Maria College MAVO 2014 Juffr. Jaci-Rose Stamper – PR di Maria College MAVO E-mail: jcrose@live.co

Pagina 17

Diarazon 29 Oktober 2014

Solo Local...... Danny Muller y "Faya Bo Haya" campeon di Radisson Aruba su ultimo GM's Challenge pa 2014 Diabierna anochi den Eagle Bowling Palace a tuma lugar e ultimo GM's Challenge di Radisson Aruba pa e aña aki. E biaha aki Gerente General, Mark Frances no a reta su staff pa un careda na pia, sino a haci esaki den forma di un torneo di bowling super divertido. For di ora nan tempran di atardi, e ocho team nan cu a inscribi pa e torneo a cuminsa bataya contra otro mientras cu colega nan tabata apoya e hungador nan di diferente

departamento cu hopi animo y entusiasmo. Na final di anochi, "Faya Bo Haya", e ekipo di Danny Muller, Roland Ridderstaat, Theo Ruiz, John Villar y Kendrick Tromp ta esun nan cu a resulta ganado nan abosulto di e torneo. Ademas di a logra bay cu e medaya di oro, Danny Muller a bira e Most Valuable Player di e anochi tambe. Na di dos lugar a keda e ekipo di "Beach Hawks" di Conriss

Monte, Ronaldo Geerman, Jhune Gadia, Carolyn Santos y Sandric Tromp. Di tres premio a bai pa "Cowboys and Aliens" di Hector Espinoza, Albert Cruz, Albert de la Cruz, Sue-Ann Lacle y Stephanie Maduro. E titulo di ekipo mas anima a bay pa “Tin Pa Tur” di Steve Lacle, Eugemar Gaari y e damas nan Norma Lacle, Elizabeth Cordoba y Esperanza Castillo, kende nan en berdad a percura pa hopi ambiente.

Pabien na tur e participante nan y particularmente na tur e ganadornan di e ultimo edicion di e GM’s Challenge pa 2014. Un palabra special di felicitacion y gradicimento ta bai pa Lourdes GietelGeerman, Asistente Ehecutivo, kende ta e motor incansabel tras di cada GM's Challenge. Hunto cu Sheldon Leuden, Regenique Noel y Hector Espinoza, Lourdes a sa di organiza un otro actividad di kita sombre cu tur hende

por a gosa di dje. E GM's Challenge a cuminsa como un iniciativa di e Gerente General Mark Frances pa stimula colega nan pa hiba un bida mas activo y saludabel por medio di actividad nan deportivo. Den menos cu 2 aña, e staff a logra baha mas di mil liber colectivamente y ta sumamente motiva pa continua cu esaki den e aña venidero.

Pagina 18

Diarazon 29 Oktober 2014

Solo Local...... Complete HydroPonics Starter Kit

Included in this kit: Bubbleponics® Base Reservoir System Provides a 6 gallon reservoir of nutrient solution. Use the six gallon line for easy measuring and adding of nutrient mix. The tight lid houses six four inch net pots with feeder hoses attached. Pro Drainage Kit Easy and simplistic drainage which also allows one to connect to an external reservoir. Six 3.75” Inch Net Pots 130+ gal/hour Pump w/ Feed Tubing Powerful and durable pump ensures rapid circulation of nutrient solution. Air Pump w/ Ceramic Air Stone and Tubing Six Rockwool Cubes Rockwool cubes are the ideal medium for starting seedlings or cuttings. Hydroton Grow Rocks

Afls: 685,00

Yama :600-0641

Dell Gs641 Optiplex Complete Bundle LCD Monitor • Intel Pentium4 2.8 Ghz, FAST 80GB Hard Drive SATA • DVD-Rom (Reads CDs and DVDs) • FAST 2GB DDR2 RAM Memory, Integrated Video Intel GMA950 • Dell 19” LCD Monitor ( VGA and Power Cords Included) • Keyboard, Mouse,Power Cord, Recovery OS CD Included(Win7/Office2013/AntiSpyware Lifetime/Burning Software) • One Year Full Warranty

Afls:775,=

“Cumpra mas di 5 y haye Afls:100,= mas barata pa cada uno”

Otro siman

Actividad pa mucha atardi na biblioteca Biblioteca Nacional Aruba ta ofrece diferente actividad pa mucha otro siman den cuadro di su Festival di buki pa mucha. Muchanan por topa cu autor entre 3’or y 4’or di dialuna pa diahuebs. Lo tin contamento di storia, musica, canto y baile.

Na biblioteca na Playa lo tin presentacion di Irene Heim (dialuna), Charlotte Doornhein (Diamars), Gino Vrolijk (Diaranson) y Tio Ali, Tio Gabi y Emerita (Diahuebs). Na biblioteca San Nicolas tambe tin presentacionnan

special di 3’or pa 4’or. Tio Ali, Tio Gabi y Emerita (Dialuna), Tricia Chamma (Diamars), Indra Hu (Diaranson), Cathleen Giterson (Diahuebs). Tur mucha ta bon bini. Presentacionnan ta completamente gratis.

Pagina 19

Diarazon 29 Oktober 2014

Solo Local...... Mehoracion di experiencia di pashent ta mas importante

Director Medico nobo di Hospital di bishita cerca pashentnan Recientemente Director medico di Dr. Horacio E. Oduber Hospitaal, Ezzard Cilié a tuma un momento pa pasa y bishita e pashentnan cu actualmente ta interna pa un of otro motibo den Hospital. Desde inicio di Ezzard Cilié den e funcion como Director Medico a pone hopi enfasis riba e importancia di e mehoracion di e experiencia di cada pashent cu ta bishita Hospital.

Pa e motibo a tuma iniciativa y combersa cu e diferente pashentnan pa asina scucha di nan kico nan pensamento ta riba e parti di trato medico, e profesionalismo, servicio y mucho mas.

Un punto cu ta sumamente importante pa cada pashent cu drenta porta di Hospital ta e trato cu nan ta ricibi y esey ta un di e puntonan cu Ezzard Cilié kier drecha awo cu e ta den

e funcion como Director medico. El a combersa cu e pashentnan tocante esaki y di biaha e duna splicacion tocante e proceso di entregamento di keho cual ta cuminsa na acudi cerca e manager di cuido di e departamento concerni. E pashentnan a keda sumamente contento cu e bishita aki y ta aprecia e gesto aki y alabes a duna di conoce cu ta admira e manera di procede di Ezzard Cilié. E intencion ta pa e sigui cu e bishitanan aki manera cu e tin un luga habri den su agenda y sino e mes lo traha tempo pa haci esaki. Hospital y su empleadonan ta boga pa traha riba mehoracion di e calidad di cuido cu ta ser brinda y Ezzard Cilié ta kere firmemente den mehoracion di experiencia di cada pashent..Construyendo miho cuido!

HaHa, surprise awe e guy cu ta hasi boroto cu su Bromer Oranjo ta hasi aña awe e ta haya pabien di su Crew di Amigo Car Rental traha mas duro y di su yiu muhe Chelle y di su yiu homber varo na Suriname pabien tambe di bo yiu muhe na Aruba Kimberly y di bo famia nan na Aruba y Suriname, Hey Wacht y Dimes di su chick Diki Diki wowo Berde Sharon pabien y stop di hasi mala mucha! Papi HaHa

Pagina 20

Diarazon 29 Oktober 2014

Solo Local.... Kiwanis Club of Aruba a instala su Directiva 2014 – 2015 Recientemente Kiwanis Club of Aruba a instala su directiva pa e temporada 2014-2015, durante un cena na Aruba Marriott Resort. E directiva tin como tarea pa guia e Club, pa asina sigui brinda ayudo na esnan menos afortuna den nos comunidad, specialmente mucha. E acto di instalacion tabata efectua Lt. Governor Gavril Mansur di Kiwanis Club of Palm Beach, Aruba. E directiva cu a keda instala ta consisti di: Marjorie Clark

– Presidente, Ryan KockVice President, Fernando Rigaud- Segundo Vice President , Norma Brinkenberg-Spellen –

Secretario, Giantonio Muller- Tesorero y George Croes– Presidente Saliente E siguiente directornan cu tambe a wordo instala durante e anochi aki tabata: Aurora Dijkhoff, John Every, Oslin Ismail, Tessely Koolman-Ranis, Kevin van Ommeren, Shurby Ranis y Edbert Schwengle. Tambe tabata un placer di a comparti e anochi aki cu Gobernador di Aruba, Sr. Fredis Refunjol y su distinguida esposa, Presidente di Parlamento, Sra. Marisol Lopez-Tromp y su distinguido esposo, Governor di Eastern Canada & The Caribbean, Sr. Serge Viau, Governor Elect di Eastern Canada & The Caribbean, Sr. Allan Ure y su distinguida esposa y tur e Presidentenan di e Clubnan di Servicio na Aruba manera: Kiwanis Club of Palm Beach, Kiwanis Club of Young Professionals, Kiwanis Key Club Colegio Arubano, Kiwanis Builders Club of Mon Plasir College, Kiwanis Circle K University of Aruba, Kiwanis Circle K EPI, Kiwanis Aktion Club Sonrisa, Lions Club of Aruba, Quota International of Aruba y Womens Club of Aruba. Kiwanis ta un organisacion global di boluntario dedica na cambia e mundo y tin

como lema: sirbiendo e muchanan di mundo. Kiwanis Club of Aruba ta activo den e comunidad Arubano desde 1965. Pa mas informacion di Kiwanis Club of Aruba y of su actividadnan por acudi na www.kiwanisaruba.org of tambe por bishita www. kiwanis.org Hopi ta ser haci pa e esnan den necesidad den nos comunidad. Asistencia na mucha- y hobennan a sobresali e aña aki door cu Kiwanis ta propaganda “Young Children Priority

One” y cual lo sigui ser haci e aña aki tambe. E ”Wine & Cheese Party” ta e proyecto anual di Kiwanis Club of Aruba pa recauda fondo cual ta tuma lugar tur aña den luna di september. Pesey, Kiwanis Club of Aruba kier a gradici e comunidad di Aruba pa nan sosten durante e aña cu a pasa y ta spera di por sigui conta riba nan sosten den futuro na bienestar di Aruba.

Pagina 21

Diarazon 29 Oktober 2014

Solo Local.... PROME ROTONDE INAUGURA PATROCINA PA SUBWAY ‘Cu e tema: Pasco di antaño’ Durante fin di siman tur esnan presente a goza di un anochi ameno na momento cu a sende e luznan di e prome rotonde decora den e esfera di fin di aña. Den e ultimo añanan a bira un custumber di decora tur e rotondenan di Aruba cu ta wordo guia pa comision Bo Bario. Pa di dos aña consecutivo Subway ta patrocina e decoracion di rotonde di Tanki Leendert y e aña aki esaki a bai hunto cu Grupo San Dominico

kendenan ta un grupo di Scout. Como 40 boluntario tin 2 siman ta traha dia y nochi ta pega cosnan cu productonan recycla treciendo creacionnan cu lo represente e tema di Pasco di Antaño. A traha un pesebre complete cu San Hose, Mama Maria, baby

Hesus, tres wardado, un bishe, un burico, un cabrito y dos lamchi. Ademas tin cuater kerstboom riba tres pia, cu ta un tecnico hopi usa den scouting caminda ta mara palo sin uza clabo. Tur esakinan a wordo traha

cu productonan recycla manera cups di Subway, mas di 25 mil papel di corant y tela. Si a caso bo no a wak e rotonde ainda bo ta keda cordialmente invita pa pasa mira pa bo mes con bunita el’a bira. Ademas Subway ta recordabo ariba e servicio cu nan ta ofrece awor cual ta esun di gift certificate. Esaki a wordo introduci recientemente y den tres categoria cual ta AWG 12.50,=, AWG 25,= y AWG 50,= . Cu esaki bo por regala bo sernan keri pa cualkier motibo como un muestra di cariño cu bo sa cu e lo uza y tambe aprecia

paso tur hende ta cliente di Subway. Si bo compania of bo club social tin actividad, e gift certificate aki ta brindabo cu e opcion ideal pa un regalo cu lo bira uno hopi gusta. SUBWAY tin 8 localidad parti strategicamente ariba nos isla y ta habri tur dia di 730am pa 11pm. Esakinan ta na Cura Cabaai, Savaneta, Sta. Cruz, Paradera, Palm Beach, Alhambra, Certified y Seaport. Sigui tur desaroyo di SUBWAY via www.facebook.com/ SUBWAYARUBA y ariba twitter na @SubwayAruba y kedabo bon informa.

Pagina 22

Solo Local.....

Diarazon 29 Oktober 2014

Diaranson 29 Oktober: sigui bo soño

Focus riba bo soño y con pa haci esaki realidad For di chikito cada un di nos tin soñonan. Metanan cu nos kier alcansa den bida. No ta importa ki edad bo tin. Soña ta pa nos tur. Pero ta keda na nos como persona pa haci nan bira realidad. Si nos focus riba nos soño y con pa haci nan bira realidad nos no lo tin tempo pa pensa riba e cosnan negativo cu por stroba nos na yega nos metanan. Nunca no ta laat, ban sigui nos soño. Den Siman di Cinta Cora, siman di bisti na locura, bisti bo pidjama of un parti di dje pa demostra cu ainda bo por logra bo soñonan. Y no lubida di saca bo potret share e riba e like page di Fada Aruba (Facebook) y haya e chens di gana un di nos premionan.

Diahuebs 30 Oktober: hat day

Siman di bisti na locura..... Diahuebs 30 Oktober ta dia di bisti petchi loco Manera un pelicula cu tin diferente personahe, cada un ser humano tin diferente personahe den su bida. Sea bo personahe ta di un educador, director, abogado, polis, mama, tata of yiu. Nos tur tin un tarea diario di cumpli cune sea na trabao of den nos bida personal. Pesey den e siman di bisti na locura, ban demostra un di nos personahenan door di bisti un petchi cu ta representa un di e rolnan cu nos tin den nos bida diario, of esun cu ta representa bo personalidad. Haci esaki hunto cu bo grupo, famia of coleganan y no lubida di saca bo potret. Y naturalmente no lubida di saca potret share e riba e like page di Fada Aruba (Facebook) y haya e chens di gana un di nos premionan danki na Setar, Ling&Sons, Write here y Meta Corp. Love yourself be drug free.

Pagina 23

Diarazon 29 Oktober 2014

Solo Local.....

29 di Oktober

Dia Mundial di Ataca Cerebral (Stroke): Haya sa si bo ta core riesgo di riesgo grandi si no trata presion halto. Check bo presion por lo menos 1x pa aña si no ta mas biaha.

Stroke por pasa cu cualkier persona, sin importa su edad of sexo. Mas di 80% di tur caso di stroke por wordo preveni si bo ta na tempo pa

maneha tur bo riesgonan. Kico ta e factornan di riesgo pa haya un stroke? Presion halto: Ta un factor

RENOBACION MISA SANTA CRUZ

Centro “Curason Santa Cruz” – Sta. Cruz 41C Pa medio di esaki, Comision ”Renobacion Misa Santa Cruz” ta desea di participa su proximo actividadnan pa recauda fondo pa e proyecto di renobacion di Misa “Inmaculada Concepcion”:  DIA DI FAMIA – Diadomingo, dia 30 di November 2014 for di 10:30am pa 4:00pm na Centro “Curason Santa Cruz” y Centro “San Martin” cu musica varia y di Pasco, baile, exposicion di gruponan pastoral y parokial, social y deportivo; benta di variedad di soppi, salada y cuminda traha na cas, diferente sorto di bolo y otro pasaboca y bebida suave. Un dia pa fomenta sentido di union y trabou comunitario bao di nos hendenan, den dushi ambiente di Pasco. Lo tin oportunidad pa cumpra ticket pa rifa di auto.  CONCIERTO DI PASCO – Diadomingo, dia 7 di December 2014, for di 7:00pm te 10:00pm, pabou di Misa “Inmaculada Concepcion”. Koornan parokial lo deleita e publico cu musica di Pasco. Riba e dia aki, e santo sacrificio di Misa lo ta for di 5:30pm pa 6:30pm. Na final di e evento lo saca ganador di e rifa di auto BYD 2015 via tombola. Comision “Renobacion Misa Santa Cruz” ta altamente gradici na tur e gruponan pastoral y parokial cu ta sostene e actividadnan aki y ta bisa e pueblo di Aruba, pa yega numa, disfruta y contribui na un bon causa. Sa cu Papa Dios lo multiplica bo generosidad. Masha danki.

Humamento: Humamento ta dobbel bo riesgo pa haya un stroke. Tambe humamento ta daña muraya di bo ader y ar terianan, ta haci cu e arterianan ta cera mas liher, bo presion ta subi y bo curazon ta bati mas lihe. Uso di alcohol: Tin un conexion entre uso di alcohol y stroke. E recomendacion ta keda no bebe y si bebe esaki mester ta modera: no mas cu 2 drinks pa hende homber of 1 drink pa hende muher pa dia. Colesterol den sanger: Colesterol ta un substancia parecido na vet den bo sanger cu bo curpa mes ta traha. Tambe por haya colesterol via cuminda. Nivel halto di colesterol den sanger por cera bo adernan y causa un stroke. Si bo nivel di colestero ta halto den sanger keda traha riba dje pa bah’e hunto cu bo dokter di cas, p r a k t i j k o n d e r s t e u n e r, specialista of dietista. Sucu den sanger (diabetes): Mayoria persona cu diabetes tin problema di salud cu riba cu entre otro e factornan di riesgo pa haya un stroke. Hunto cu bo

dokter di cas, specialista, p r a k t i j k o n d e r s t e u n e r, dietista of acudi na Centro Diabetico na IMSAN pa maneha bo sucu den sanger.

cu sanger ta yena den bo curazon, por forma un prop di sanger y causa un stroke. Solamente un specialista por diagnostica y trata fibrilacion arterial.

Falta di ehercicio y cuminda balansa: Peso di mas ta pisa riba bo sistema circulatorio. Haci ehercisio of movecion tur dia durante 30 minuut, come un cuminda balansa, baha man na caloria di mas, salo, vet satura, transvet y colesterol. Come tur dia por lo menos 1 pida fruta y 1 cup di berdura.

TIA (Transient Ischemic Attack): Un TIA ta duna sintoma di stroke durante un episodio temporario cu por varia di algun minuut te cu 24 ora.Mayoria biaha no tin daño permanente of cu bo ta keda cu’n disabilidad. Sintoma di TIA y stroke ta mescos. Tin cu reconoce y trata un TIA pa reduci e chens pa haya un stroke. 1 den cada 2.5 persona cu haya un TIA por haya un stroke. Baha bo factornan di riesgo pa haya un ataca celebral. Esaki ta un informe di Departamento di Salud Publico Aruba conhunto cu IBiSA relaciona cu Dia Mundial di Ataca Celebral.

Problema di circulacion: Deposito di vet por blokea e arterianan cu ta hiba sanger pa e celebro y causa asina un stroke. Fibrilacion arterial: Aki bo curazon ta bati abnormal y aumenta asina bo chens riba un stroke cu 500%. Fibrilacion arterial ta haci

Pagina 24

Diarazon 29 Oktober 2014

Solo Local..... Awo mas cerca di bo pa sirbi bo mihor

Nature’s Discount awor tambe na Palm Beach Nature’s Discount, bo cas di nutricion, awor ta mas cerca di bo pa sirbi bo miho. Despues cu hopi a pidi pa un tienda den districto di Noord, awo cu apertura di su di tres sucursal, na Palm Beach, situa net banda di Valero Palm Beach, ta cubri e isla di Aruba completo. Awor tur hende tin un alternativa saludabel den cercania. Nature’s Discount tin un surtido amplio y completo di vitamina, mineral, suplemento

natural, cosmetica natural, cuminda natural & organico y nutricion pa deportistanan.

conscientisa Aruba riba e alternativa di bon nutricion cu por yuda na biba un bida mas saludabel.

Den corto tempo Nature’s Discount a sa di crece pa su di tres tienda danki na e gran aceptacion di e pueblo di Aruba. Esaki ta algo cu e team di Nature’s Discount ta sumamente agradecido cune y ta contento cu awor por sirbi e pueblo di Aruba ainda miho, cu su di tres tienda.

Nature’s Discount ta situa na Sero Blanco, na Pos Chikito y awor tambe na Palm Beach, anto cu e mesun surtido amplio cu clientenan ya ta custuma cune caba. Nan ta habri di Dialuna pa Diasabra for di 8:30am pa 5:30pm nonstop.

Diasabra y diadomingo awor presente na College Fair 2014

WEB ARUBA LO ENTUSIASMA STUDIANTENAN PA SCOGE PA E RAMO TECNICO

Un di e metanan di Nature’s Discount ta pa educa y Un trabao excitante? Scoge pa e ramo tecnico! Cu e tema aki e team di empleado hoben di WEB Aruba, e fin di siman aki lo ta presente na College Fair 2014. Alumno y studiantenan den ultimo klasnan di EPB, EPI, HAVO/VWO y Universidad di Aruba lo por haya un impresion di e funcionnan tecnico na e compania di produccion di awa y energia. Tambe lo splica cua estudio ta corespondiente na e funcionnan. Cu hopi expectativa e team di WEB ta prepara pa College Fair 2014, cual ta tuma lugar diasabra y diadomingo

awor na Renaissance Convention Center. Empleadonan di WEB lo conta di nan experiencia di trabou y lo duna presentacion di e proyectonan innovativo di WEB Aruba. Tambe lo tin informacion disponibel con pa aplica pa e Scholarship Ing. Jossy M. Laclé, cual ta pa studiantenan cu ta desea di studia na Merca. Un invitacion ta bay na tur studiante y mayor, pa acudi na e booth di WEB Aruba na College Fair 2014, dianan 1 y 2 di november proximo na Renaissance Convention Center.

Pagina 25

Diarazon 29 Oktober 2014

Solo Local..... 4 autor local di buki pa mucha ta participa na Festival di buki pa mucha Biblioteca Nacional Aruba por conta cu participacion di 4 autor local pa e di 22 edicion di Festival di buki pa mucha. Tambe 1 contador di storia y un ilustrador local di buki pa mucha. Ademas tin participacion di autor y contador di storia for di Corsou, Boneiro, Saba, Surnam y Hulanda. Un grupo hopi diverso ta bishita scol otro siman. Apertura di e festival ta diabierna awor

dilanti biblioteca na Playa. Muchanan por spera un fiesta grandi.

e cartero a kere cu Liliana cu ya cu 11 aña tabatin su propio compañia caba.

Un di e autornan local ta sra. Liliana BraamskampErasmus. Liliana a participa na e proyecto aki mas biaha den pasado. Tambe como fundador di Fundacion Papiamente cu tin promocion di lesamento como un di su metanan principal el a aporta na organisacion di e evento aki.

Liliana su prome buki Rima Rond di Aruba a wordo publica na 2003. E buki a bira un exito grandi y esey a duna Liliana mas smaak pa skirbi mas storia pa su lesadonan na Aruba. E ta autora di diferente pakete di poesia, cantica, ‘prentenboek’, programa radial, obra di teatro cortico, pero tambe cuentanan largo, tur esaki na su lenga materno, Papiamento. Pa e muchanan di Hulanda y Belgica, e ta skirbi buki pa lesa y scucha y pa hende grandi, cuentanan cortico y columna cu historianan cu a pasa di berdad, por ehempel di cuminda, di biaha of di naturaleza.

Desde chikito Liliana tabatin un pasion enorme pa skirbi. El a skirbi su prome articulo pa e corant di school dia e tabatin 6 aña di edad y el a gana su prome premio ‘Brief van de Maand’ (Carta Di Luna) pa e revista di mucha Matinette – dia e tabatin 9 aña di edad. Despues cu el a haci un yamada na e revista infantil Spaño ‘Tú’ Liliana a haya ‘penvrienden en vriendinnen’ na tur parti di mundo. El a ricibi mas cu 100 carta pa siman y

Na 2012 Liliana su prome ‘thriller’ di mucha ‘De Knijpkat’ a ser publica na e imprenta Delubas. Liliana ta traha cu smaak na diferente proyecto, pero

skirbimento ta keda su pasion. Banda di escritora, Liliana ta ilustradora, un lesado progresista tambe (esey ta un hende cu ta gusta lesa y cu lo gusta si mas hende haci esaki,

stima buki.) E ta fundadora hunto cu dos amiga di Fundacion Papiamente (2004), pa asina contagia tur hende na Aruba cu e gozo di lesa.

Pagina 26

Diarazon 29 Oktober 2014

Pagina Spa単o..... John y Adam Liendo di Brazil Taekwondo Stichting ta traha duro ariba nan venta di kalender di 2015 Diadomingo pasa e dos rumannan John y Adam Liendo cu ta forma parti di e team di Train Hard Fight Smart di Brazil Taekwondo Stichting a traha duro ariba nan benta di calender 2015. E dos rumannan Liendo mester bende 600 calender pa asina yega na nan meta pa e camp training na luna di Juni/Juli 2015. E dos rumannan Liendo tin basta tempo caba ta train cerca di Brazil Taekwondo Stichting y John Liendo ta forma parti di e team di TK5 pa corsou

cu ta saliendo diabierna awor. Tur atleta cu kier bay na e camp training ta ariba caya ta acercando e pueblo pa asina coopera

cu nan pa asina nan yega na nan meta. Esaki tabata e caso di diadomingo pasa cu e dos

rumannan a bay bende nan calendernan dilanti di Food Center y tabata acerca e clientenan cu a caba di haci compras di dia

pa asina nan cumpra un bunita calender di Brazil Taekwondo Stichting pa nan hogar.

Pagina 27

Diarazon 29 Oktober 2014

Solo Local...... Green Aruba- Europe Meets the Americas (GE-EMA):

Exitoso conferencia ‘Green Aruba’ den Renaissance Convention Center Siman pasa Renaissance Convention Center (RCC) tabata escenario pa e di cinco edicion di ‘Green Aruba’, participantenan consistiendo di c i e n t i f i c o n a n , inversionistanan, empresarionan y ehecutivonan di e mundo ecologico y di energia a bini hunto pa elabora riba e enfoke di e aña aki ‘Solucionnan Sostenibel’. Ademas di esaki ta e prome aña cu ta combina Green Aruba cu Europe Meets the Americas (GE-EMA). Haciendo e asistencia y atencion pa e conferencia aun mas grandi. E aña aki 158 compania ta participa y un total di 25 pais. Tur loke ta energia sostenibel, tecnologia sostenibel, infrastructuray turismo sostenibel. For di tur angulo lo elabora riba e tema aki y a invita oradornan cu experticio

riba tur e topiconan. Ademas di esaki a organiza algun oportunidad di combersacion B2B pa estrecha lasonan y cooperacion comercial entre e empresanan y paisnan participante.“Nos ta masha contento cu e aña aki un biaha mas RCC por a host e conferencia, e motibo mas grandi pa e satisfaccion aki ta cu nos mes como hotel ta practica un ‘green environment’. Nos por menciona por ehempel cu nos ta participa activamente na reciclahe; nos ta informa y educa nos empleadonan riba e importancia di reciclahe y di spaar energia den tur departamento di nos hotel”, esaki di acuerdo cu ehecutivo di mercadeo, Sra. Zugheila Lindeborg. Un otro compania cu ta directamente afilia na MetaCorp ta Ecotech. Aruba ta ampliamente

conoci cu e servicionan di Ecotech- expertonan den e.o waste management, coleccion den desperdicio y reciclahe; siman pasa a haci introduccion di Ecogas durante di e Green Conference. Di acuerdo cu Sr. Freddy Kelkboom,”Ecotech y Ecogas lo traha hunto pa ofrece solucionnan sostenibel pa Aruba su medioambiente. Ecotech ta dump tur desperdicio na Ecogas, akinan lo procesa e desperdicio y lo separa locual ta reciclabel y e resto (RDF ) lo pasa pa e proceso di gasificacion. Compara cu otro companianan cu ta dump ilegalmente y esunnan cu lo sigui dump na e landfill di Parkieten Bos, Ecotech ta traha den forma determina pa aporta na un Aruba mas ‘berde’. Clientenan di Ecotech ta contribui grandemente na esaki”. Ademas di Renaissance Resort Aruba, MetaCorp y su otro subsidiarionan tambe tin maneho di energia cu ta cuadra perfectamente cu e

Aruba Quality Deals

Reals Estate ,Nautical and Vehicle

ideologia di ‘Green Aruba’. Haci e ‘switch’ pa un ‘green environment’ no ta pasa den un frega di wowo, e ta tuma su tempo y preparacionnan. Tur hende mester compronde y por adapta na e practica di un movemento ecologico, p’esey un conferencia asina’ki ta masha importante. E tema di 2014, ‘Solucionnan Sostenibel’ ta pone enfasis riba esaki. Ta un placer di por tin tur e keynote speakersnan den e conferencia y asina mantene nos comunidad y tur esunnan directamente envolvi cu un maneho energetico sostenibel debidamente informa. Riba foto adhunto por mira Sr. Fabien Cousteau durante di su disertacion

diabierna ultimo. Sr. Cousteau, ta aquanauta y experto den comportacion di ocean a elabora riba naturalesa como fuente di entrada “Nature is a business, Today and Tommorow”. Diasabra, Sr. Andre Kuipers, e prome hulandes astronauta cu dos mision pa espacio na su nomber, a duna un presentacion cu sigur a hala basta atencion. Riba combinacion di foto por mira momentonan durante di e conferencia ‘Green Aruba- Europe Meets the Americas (GEEMA) cu ta tumando lugar na Renaissance Convention Center e siman aki.

Aruba Quality Deals Reals Estate ,Nautical and vehicle Mi ta existi pa sirbibo

Mi ta existi pa sirbibo Lagami mustrabo e Cas dibo sonjo .

Ta Bende Family House

Bunita cas den area di sero preto ; Un bario rondona di naturaleza ,paz y trankilidad . 3 camber y su veranda ; 2 banjo ;patio y walking kloset. 131 vierkant meter. Prijs :300.000 florin Yamami na :5694343

Tin analysis di mas di 50 auto riba aruba. Mi tin e auto of your Dreams . Cumpra un auto of cas secami y partisipa pa gana un Auto nobo nobo of un trip den cruiseship. Yamami na : 5694343 of whats app mi pami mandabo pics.

Special Service:Ta garantisa cu lo bende bo cas den 30 dia !!

Caterpillar 416 E 2008 . 75 mil florin . mescos nobo garantisabo esaki . plus dos martui na 35 mil florin.

Pagina 28

Diarazon 29 Oktober 2014

Resultado di number: Diamars Merdia 28 Oktober Catochi

Big 4

5676 5676 8682 3324

1205

Zodiac

xxxxxxxxxx

Complete HydroPonics Air 12 Kit

3115 Signo: Tauro

Diamars Anochi 28 Oktober Big 4

Catochi

7906

9208 6115 5998

Mini Mega

Zodiac

04-13-15-29 MiniMega: 07

8972 signo : Cancer

Corsou

Lotto di dia

9205 3837 5829

28-13-23-14-01

Diario

Super 4

6197

4473

6491 9483

4 skina DIA 6793

4 Skina Cur 9559

PUEBLO A H HAÑA SU PEN BEK

Pa kualkier informacion solodipueblo@gmail.com of

☎ 585-9500

Included in this kit: Twelve 3.75” Netpots 3.75” high quality netpots, a definite upgrade over the flimsy 3” pots on competing units. Aero-12 Base System The most practical growing system currently available, equipt with a 22 gallon reservoir and two by four foot growing area. 260 gal/hour Pump w/ Feed Tubing Powerful and durable pump ensures rapid circulation of nutrient solution.

Afls: 1565,00 Yama :600-0641

Telefonnan importante: BOTICANAN: Maria Di Servicio Noord Seroe Preto Fergusonstraat Kibrahacha NV Oduber NV Paradera Santa Cruz San Lucas San Nicolas Santa Anna Trupial Eagle 4 Centro Medico Aloe Central NV Dakota NV Del Pueblo

585-8145 586-4606 584-4833 583-0620 582-2007 582-1780 588-6638 585-6890 584-4830 584-5712 586-0027 582-8671 587-9011 584-5779 584-4606 585-1965 588-7364 582-1253

POLIS: Orañestad 100 San Nicolas 104 Sta. Cruz 105 Noord 107 Tip-line 11141 Brandweer/Ambulance 911 Guardacosta 913 Seguridad National 11911 Hospital 527-4000 Centro Medico 524-8833 Setar storing 117 Web Storing 525-4600 Elmar storing 523-7147 Agencia Funeral: The Olive Tree 584-8888 Ad Patres 584-2299 Aurora 588-6699 Mementomori 582-2222 Fundacion: Cas Fada FAVI Famia Planea Autismo Aruba Pa Hende Muherr Pa Hubentud Bloedbank Aruba Solo di Pueblo Canal 22 Tip pa redaccion

584-2050 583-2999 582-5051 588-9591 588-1179 583-5400 588-6138 587-4260 585-9500 585-9500 592-6895

Botica na Warda Yama pa informacion na Horacio Oduber Hospital: 527-4000

Dokter na Warda

Pagina 29

Diarazon 29 Oktober 2014

TA BENDE TA CUMPRA TA HUUR TA BUSCA Solodipueblo@gmail.com

Ta bende PATO: Macho 50 pa un Hembra 30 pa un Ta chapi, corta mata, verf, haci cura limpi, tira sushi afo, 15 florin pa ora. Yama 5690143

CUMINDA

Cushina di Dochi Lee

NOS SNACKS Tur dia tin special di dia. bestel bo cuminda tempran na 585-2585

TA BUSCA Un Toyota Hi Ace Cargo van, Diesel of Gasolin den bon condicion preferibel di aña 2002 bay ariba. 7390101

Ta Bende Auto nan di 2000 y 3000 florin auto nan ta core tur dia , stoel nan paden ta limpi y motor ta core sin zonido. Yama na :5694343

TA BENDE TA BUSCA

Cas na Tanki Leendert, 3 kamber, 2 baño, 2 apts., tereno 813 m2, construi 375 m2. Considerando ubicacion favorabel y grandura di tereno, tambe bon pa negoshi cu amplio espacio pa parkeer. Prijs Afl. 490.000,--. Yama 5937118.

Un cas pa huur pabao di brug un cas di 2 of 3 kamber. Prijs di 700 florin pa 1000 florin. Yama 7443714 of 744-5093

TA HUUR

Barber Sta Cruz Barber Shop a habri su porta. Habri tur dia te cu 9’or anochi. Situa dilanti Colegio San Hose, (banda di Blush). Pasa cerca nos y nos lo drecha bo look y ponebo master master!

Varios detencion a cay na Mexico en conexion cu secuestro un grupo grandi di studiantenan

TA BENDE

Bunita Trailer di 2 camber grandi, 1 bano, 2 walkin closet, 2 cama, wasmachine, dryer, sala y cushina cu stoof y fridgidair. Tur cos pa Afl. 22.000,= Prijs ta negociabel. Por yama cel: 561-4756

Ta busca

Security Guard Masculino, edad entre 25-50 aña Mester tin Mavo diploma o enseñanza equivalente Mester por papia y scirbi Papiamento , Hulandes Ingles Spaño. Mester tin propio transporte. Interesadonan por yama oficina entre 08:00 – 16:00 pa un cita TEL 588-3677

Marios Septic Truck Servicio rapido 560 3500

Ta huur espacio comercial na Centro Comercial Noord Afl. 500.00. Perfecto pa cualkier sorto di oficina. Adres: Noord 82. Pa informacion yama 730-7000

Procureur General Jesus Morillo di Mexico, a duna di conoce, cu autoridadnan na Mexico a logra detene cuater persona cu lo por ta envolvi den e desaparicion di un grupo grandi di studiantenan, Segun Morillo, nan tin e sospechosonan deteni cu tin di haber cu e desaparecion di e hobennan, ta trata di un grupo di crimen organisa "Guerreros Unidos". E 43 hobennan a desaparece mas o menos un luna pasa

den cercania di Iguala. Autoridad ta sospecha cu e alcalde di e cuidad y su señora ta responsabel pa e secuestro di e hobennan. Nan lo a duna instrucionnan pa pone e hobennan desaparece paso nan lo kier a stroba e señora durante su speech. Medianan local recientemente a publica cu a descubri un graf cu basta curpa dera, cerca di e pueblo Cocula, cu ta keda den cercania Iguala. E procureur General no kier a sigui riba e descubrimiento aki.

Palabra di Bijbel encuanto gañadornan: "Diabel ta boso tata y boso kier pone e deseonan di boso tata den practica. E ta un matado for di comienso y nunca el’a aten'e na berdad, pasobra e no tin berdad den dj'e." Huan 8, 44.

Ta huur

Appartment semi muebla, na Palm Beach serca di hotelnan pa US$ 850,00, Palm Beach Oasis Paradise No 12 pa mas info yama 744-8224

Ta buska

Cas di 3 kamber pa huur entre Afl 1000 y Afl 1200 pa luna Pabou di brug (hende serio) Pro yama cel 568-1129 pa oferta. Per 1 JAN 2015

Pagina 30

Diarazon 29 Oktober 2014

Solo Local.....

PRONOSTICO DI TEMPO PA ARUBA VALIDO TE DIARANSON 29 DI OKTOBER 2014

Hubilarionan sirbiendo pueblo pa 25, 30, 35 y hasta 40 aña

Polis celebrando 130 aña di lealtad y dedicacion Ta conoci cu hopi miembro di Cuerpo Policial ta dicidi pa start nan carera na un edad hoben y ta haci esaki nan prome y unico trabao den nan bida. Aunke e trabao no ta facil y hopi vez, ta rekeri oranan extra, toch mayoria ta haci di e trabao nan pasion y tin biaha hasta nan hobby. E siman aki Cuerpo Policial a celebra no menos di 130 aña di lealtad y dedicacion, di Polisnan sirbiendo comunidad pa 25, 30, 35 y hasta 40 aña largo. E polisnan cu a cuminsa nan carera 25 aña pasa y cu a ricibi nan decreto gubernamental como muestra di aprecio pa tur nan añanan di dedicacion tabata Edgard M. Maduro, Mirtho A. Croes, Gabriela Kock-Kelly, Eric H. Barry, Mireilla N. Cabral, Arnold I. Cruz, Juan M. de Cuba, Norwin E. Jacobus, Jose G. “Lito” Lacle, Edgard

I.A.J. Maduro, Bernardo B. Maduro, Jacqueline E. Morel, Andre E. Solagnier, Juan F.J. Tromp y Enrico R.J. Webb. E grupo cu a celebra e hecho cu 30 aña pasa a drenta servicio di Cuerpo Policial Aruba tabata Roy R. Hodge, Marlon W. Burleson, George A. Dammers y Silvio M. de Mey. Esnan cu a haci 35 aña sirbiendo e pueblo

di Aruba den forma incansabel tabata Aida Y. Alvarez-Thijzen, Eric L. Soemers, Sherman V. Libiee, Humphrey F. Koolman y Gary M. Cham. Tambe a celebra e hecho cu dia 1 di Juni ultimo, Eveline M. de CubaGiel a cumpli 40 aña den servicio di Cuerpo Policial Aruba, un trayectorio largo den e organizacion policial di nos pais. Mando Policial tabatin palabranan di elogio so

pa e Polisnan aki, pa tur e añanan di trabao duro, di sacrificio y di dedicacion incondicional na sirbi nan pais. “Boso ta ehempel pa e generacion nobo cu awendia ta drentando Cuerpo Policial y cu tambe ta mira Boso pa sigui e mesun pasonan”, asina Alto Comisario di Polis, mr. Adolfo “Dolfi” Roichardson a bisa durante e ceremonia pa celebra 130 aña di dedicacion na sirbi pueblo di Aruba.

COMPILA: DIAMARS 28 DI OKTOBER 2014 17:00 (21:00 UTC) TEMPO: PARCIALMENTE TE LEVEMENTE NUBLA CU CHENS PA YOBIDANAN ISOLA Y LOCAL. TEMPERATURA MAXIMO 32 GRADO CELSIUS Y TEMPERATURA MINIMO 27 GRADO CELSIUS. SOLO TA SALI 06:33 AM Y TA BAHA 06:15 PM. BIENTO: FOR DI DIRECCION OOST Y GENTIL TE FRESCO; FORSA 3 TE 5 ( 17 TE 35 KM/ORA, 9 TE 19 NUDO). SITUACION GENERAL: SHELO TA VARIA ENTRE PARCIALMENTE TE LEVEMENTE NUBLA CU CHENS PA YOBIDANAN ISOLA Y LOCAL. DOS OLA TROPICAL TA PARTI OOST DI CARIBBEN MOVIENDO DEN DIRECCION PA ISLANAN ABC. TA WORDO ANTICIPAPA NAN YEGA NOS AREA RIBA DIARANSON Y DIAHUEBS Y ESAKI TA AUMENTA HUMEDAD Y CHENS PA YOBIDANAN. E BIENTO TA KEDA GENTIL TE FRESCO PA E RESTO DI SIMAN. TEMPO TROPICAL: NADA SIGNIFICANTE. CONDICION DI LAMA: OLANAN DI LAMA TA BINIENDO DI DIRECCION OOST-NOORDOOST CU HALTURA DI 4 TE 5 PIA. TEMPERATURA DI SUPERFICIE DI LAMA 29 GRADO CELSIUS. PROSPECTO DI TEMPO PA E SIMAN: PARCIALMENTE TE LEVEMENTE NUBLA CU CHENS PA YOBIDANAN. BIENTO TA KEDA GENTIL TE FRESCO. TEMPERATURA TA FLUCTUA ROND NORMAL. REGISTRACION DI TEMPERATURA (CELSIUS) Y AWACERO (MM) DEN ULTIMO 24 ORA : AIRPORT MAX 31 / MIN 26 / 14.40 HADICURARI MAX 31 / MIN 26 / 0.00 E PROXIMO BULLETIN LO WORDO PUBLICA DIARANSON 29 DI OKTOBER 2014 17:00 (21:00 UTC)

Pagina 31

Diarazon 29 Oktober 2014

Solo Obituario.....

“Señor ta mi wardador mi no tin falta di nada: Den cunucu di yerba berde e ta ponemi sosega E ta hibami na awa trankil pa mi bolbe haña forsa.” Ps 23:1,2,3 Cu inmenso dolor na nos curason, pero conforme cu boluntad di Dios nos ta anuncia fayecimento di:

Roberto Werleman Mihor conoci como” Bebbe” Yiu di †Anita y †Djandja * 23-12-1943 † 26-10-2014

Si en caso den nos tristeza nos por a lubida algún persona of famia, nos ta pidi nos mas sincero disculpa. Acto di entiero ta tuma lugar Diahuebs 30 di Oktober 2014 pa 4’or di atardi na Misa Inmaculada Concepcion na Santa Cruz y despues saliendo pa santana Catolico na Santa Cruz . For di 2’or di atardi nos defunto stima lo ta reposa na Misa. Adres pa condolencia: Ad Patres Funeral Home Diaranson 29 di Oktober 2014 For di 7:00 pm pa 9:00 pm Staff y personal di Ad Patres funeral home ta extende nos mas sincero condolencia na famia di e fallecido. Condolencia por wordomanda riba nos website: www.adpatres.webs.com

TRAPPERS CLUB

Psalmo 130:5 Mi ta warda, warda so riba SEŇOR, Mi tin fe den su palabra. Mi ta warda yegada di Señor, Ma s ku guardia lus di dia.

- Fiesta, reunion, ricibimento, A fayece christianamente pero conforme Boluntad di Dios bruid, fiesta grandi o chikito. Sra. Juanita Kelly mihor conoci como Nini - Workshop, 21 december 1938 – 24 reunion, reunion oktober 2014 Viuda di Rafael Ruiz deportivo, encuentronan di Ex secretaria di Parokia di Santa Ana iglesia. - Area openlucht Pastoornan, coleganan di Pastorie di Noord, boluntarionan y amigonan di ta acomoda 1000 Centro Kibra Hacha y concirnan ta wordo invita pa persona aisti na e acto di entiero cual lo tuma lugar diarazon 29 di Oktober 2014 pa 4 or di atardi saliendo for - 2 Sala airco cu misa Santa Ana pa santana catolico na Noord. Nini ta acomoda te cu lo ta reposa for di 2 or di atardi den misa Santa Ana na Noord. 400 persona - Area openlucht Envez di flor, un donacion pa misa Santa Ana lo ta altamente aprecia. cu stage, pa festival, iglesia, Nos ta lamenta cu despues di entiero no ta ricibi condolencia na cas. fiesta familiar - Remodel’a Situa pariba di Gradicimento Botica Central, “ Cerca Dios so mi alma ta na paz, ta di dj’E mi salbacion ta bini. ” Salmo 62:1 pabao di veld di Pa medio di esaki nos kier a gradici tur esnan cu di un of Rockets @ Sta otro manera a mustra nan atencion durante fayecimento y entiero di Cruz 739-0101 / 748-8280

Sr. Francisco Levi Sologier “Fanchico/ Pancho”

Gradicimento ta bay pa tur cu a yama, manda flor of krans y kaarchi. Danki pa e palabranan di Consuelo. Tambe nos kier a gradici di curazon Staff y Personal di Dokter Horacio Oduber Hospitaal pa nan cuido y atencion. Na tur famia y conoci danki pa e sosten cu a wordo brinda den e temponan dificil cu nos tabatin. Na nomber di su casa: Mayra Solognier Yiunan: Reynold, Nelly, Rosana, Pier, Lexi y Alex

Pagina 32

Diarazon 29 Oktober 2014

Tip line 738-0101..... Lo topa cu studiantenan e fin di siman aki durante Aruba College Fair 2014

Hospital tin hopi mas funcion cu solamente dokter y nurse Entre e casi 40 boothnan cu lo brinda informacion e fin di siman aki durante Aruba College Fair 2014, lo tin tambe un di Dr. Horacio E. Oduber Hospitaal. Nan ta masha entusiasma pa e evento aki, cu ta brinda nan un bon oportunidad pa brinda mas informacion na un publico grandi, riba e tantisimo oportunidadnan cu tin pa traha y forma un carera profesional den nos hospital. Monique Leerdam e departamento

di di

educacion di Dr. Horacio E. Oduber Hospitaal a conta cu nan ta den pleno preparacion pa por topa cu e studiantenan durante e evento. Anualmente centenares di studiante ta bishita hospital, tin biaha como stage of otro biaha pa busca informacion riba e trabou mes. E reto cu nan tin ta pa cana dor di e facilidad cu e studiantenan, debi na limitacion mara na secrecia di trabou y privacidad di pashentnan. Pero

den

un

evento

manera Aruba College Fair, no tin problema di privacidad y facilmente por brinda tur informacion necesario na tur cu ta interesa. Ta importante pa seĂąala cu nos hospital tin un variacion di empleado, pues no solamente dokter y nurse, sino tambe tin e tecniconan, IT pa traha cu sistema di computer, administracion y asina por sigui menciona. Claro cu for di Colegio EPI hopi bes ta recluta nursenan, pero for di Colegio

Bolo, chupabebe, dulce de leche, dushi di coco y hopi cos dushi mas Arubano por ehempel por brinda informacion na studiantenan cu kier sigui studia den e ramo, pa brinda nan mas informacion pa ki direccion nan scoge debi na demanda halto. Charlaine Huntington di e departamento di comunicacion y informacion di Dr. Horacio E. Oduber Hospitaal a subraya cu Hospital ta un di e dunadonan di trabou mas grandi di Aruba, cu mas di 900 empleado trahando directamente cu e fundacion. Cu e plannan di renobacion y ampliacion na caminda, banda di e cantidad di empleadonan alcanzando edad di pensioen, ta importante pa riba un base regular, sigui purba atrae mas hende pa bin traha cu nan.

Haci bo pedido na 7405660 cerca Glenda!

Pa e mercado di studiante e ta mas importante ainda, pa por purba guia e hobennan pa studia precisamente den e direccion corecto unda

tin mas necesidad. Mas di nos studiantenan sigui un estudio den e ramo aki, mas hende local nos lo haya trahando den Hospital. “Aunke semper nos lo mester di algun experticio for di otro pais, ta hopi importante pa e pacient por comunica den su mesun idioma ora e ta interna den hospital, esey nos kier logra dor di atrae mas y mas Arubiano mes pa bin traha aki of sigui studia den ramo di cuido y medicina�, asina Charlaine Huntington a duna di conoce. Anualmente Aruba College Fair ta inspira mas di 1500 studiante cu ta bishita e evento pa haya informacion di con y unda pa sigui nan estudio avanza, sea ta den exterior of na Aruba mes. E evento gratis ta tuma lugar riba diasabra 1 y diadomingo 2 di November for di 10:00am pa 6:00pm den Renaissance Convention Center.