DIARAZON 25 MAART 2026

PRIJS DI TICKET:

FanaTIConan a DEmanDa FIFa na

ComISIon EuRoPEo Pa PRIJSnan “ExoRbITanTE”

ZURICH / BRUSSEL

– Awe, 24 di maart 2026, Organisacionnan di fanatico, encabeza pa Football Supporters Europe (FSE) y e grupo di consumidor Euroconsumers, a entrega un keho formal contra FIFA dilanti di e Comision Europeo.

E motibo? Loke nan ta yama un “abuso di posicion di monopolio” pa via di e prijsnan excesivo di ticket pa e Mundial 2026.+1

Un aumento cu a shock mundo

Segun e keho presenta awe, e prijsnan pa e Copa Mundo na Merca, Canada y Mexico a alcansa nivelnan nunca bisto den historia di deporte. E cifranan ta papia pa nan mes:

Final di 2026: E ticketnan mas barata cu ta disponibel pa publico awor ta cuminsa

na $4,185.

Comparacion: Esaki ta mas cu siete biaha mas caro cu e ticketnan mas barata pa e final di Qatar 2022.

Reventa: Riba e plataforma oficial di reventa di FIFA, a reporta ticketnan den categoria 3 cu ta wordo bendi pa e suma increibel di $143,750.

“Dynamic Pricing” bou di candela

Un di e puntonan mas critico den e disputa aki ta e asina yama “dynamic pricing” (prijs fluctuante).

FIFA a introduci e sistema aki pa prome biaha, unda e prijs di un ticket

ta subi dependiendo di e demanda. Fanaticonan ta argumenta cu esaki ta crea un “guera di oferta” unda solamente e personanan cu mas placa por asisti.

E keho ta menciona seis punto di abuso, incluyendo:

1. Propaganda engañoso: FIFA a priminti ticketnan di $60, pero e organisacionnan ta bisa cu e cantidad tabata asina limita cu nan a caba mesora, sirbiendo solamente como “beas” pa atrae hende.

2. Falta di transparencia: E cumpradornan no sa exacto kico nan ta pagando

p’e te ora nan ta den e fila virtual.

3. Tactica di presion: Uso di metodonan pa forsa hende cumpra rapidamente sin pensa bon.

Reaccion di FIFA Presidente di FIFA, Gianni Infantino, a defende e maneho aki anteriormente, bisando cu e prijsnan ta simplemente un consecuencia di e “demanda masivo”. Segun FIFA, tin peticion pa ticket cu lo por yena “1,000 aña di Mundial” tur pareu. Nan ta argumenta cu e placa genera ta wordo reinverti den desaroyo di futbol mundialmente.

Kico ta sigui?

E organisacionnan di fanatico a pidi e Comision Europeo pa ordena FIFA pa:

Vries e prijsnan mesora na e nivel di december ultimo.

Elimina e sistema di “dynamic pricing” pa e proximo fase di benta na april.

Duna mas transparencia riba e cantidad di ticket real cu ta disponibel den cada categoria.

Cu e Mundial 2026 asina cerca, e presion legal aki por nifica un cambio grandi den con fanaticonan rond mundo, incluyendo esnan di nos region, lo por yega na un entrada pa e fiesta di futbol mas grandi di mundo

E prizOn cu nO tin yAbi pA ArubA sAli! nuncA mAs!

Hopi hende ta kere cu e Rijkswet HOFA ta djis un “version nobo” di e supervision cu nos tin caba (LAft), of cu e ta bay djis pa baha nos debe. Pero e berdad ta hopi mas peligroso: HOFA ta un sistema diseña pa Aruba no sali nunca mas for di e gara di Hulanda.

1. Supervision caba NO ta un motibo pa HOFA Gobierno ta bisa cu nos tin supervision caba, anto “kico ta e diferencia?”. E diferencia ta enorme:

LAft (Ley di Aruba): E ta un ley di nos mes. Nos Parlamento por dicidi di cambie of stop e si nos no ta di acuerdo mas.

HOFA (Rijkswet): Unabes e drenta na vigor, Aruba ta perde e yabi. Pa kita e ley aki den futuro, bo mester di aprobacion di e Tweede Kamer na Hulanda. Aruba no por sali su so mas; nos ta bira dependiente di boluntad di Politiconan na Den Haag pa haya nos libertad bek.

2. Debe bao di 50%? Esey no ta salba nos! Nan ta gañabo cu ora nos debe baha, e supervision ta stop. E acuerdo ta bisa otro cos:

E meta principal ta “houdbare overheidsfinanciën” (finansa sostenibel), pero e condicionnan pa sali ta mara na un lista di 20 punto di secuestro.

3. E secuestro di e “Collectieve Sector” Esaki ta e parti mas preocupante den e acuerdo:

Incluso si nos debe ta bao di 50%, Hulanda por bisa cu bo “financieel beheer” (maneho financiero) no ta sufisiente bon ainda of cu nan no tin “voldoende grip” riba e sector colectivo (manera AZV y SVB). Nan por tene nos den e ley aki pa decadanan largo pa “siguridad” of just pa capricho.

E ley no ta conta pa Gobierno so, sino pa e sector colectivo completo.

Esaki ta nifica cu Hulanda por mete den presupuesto di AZV, SVB, y fundacionnan, y te hasta den e maneho di nos NVnan di utilidad, manera SETAR, WEB, ELMAR, RDA, COMPANIA DI

PETROLEO ARUBANO, si nan haya cu e ta afecta e meta di e ley.

Nan ta uza e interes abao como un “sales pitch”. Pero e prijs cu bo ta paga ta cu bo ta entrega e yabi di bo cas pa semper.

Finalmente: un caminda sin retorno

Accepta HOFA no ta “pone ordo”, e ta nifica entrega bo Status Aparte. Unabes bo drenta den un Rijkswet, bo a drenta den un prizon legal unda Hulanda tin e

yabi y nan no tin ningun obligacion di duna bo e bek, no importa con bon bo comporta bo mes.

Pueblo, no laga nan gaña bo cu “debe” o “supervision”. Esaki ta trata di PODER. Ken bo kier pa dicidi riba bo salud y bo placa.

Pa hisa salario, duna indexering, of hisa pensioen, ta Den Haag ta dicidi of tin ultimo palabra: Ken bo kier pa dicidi pabo? Abo aki na Aruba, of un ambtenaar na Den Haag?

DVG ta alerta riba uso iresponsabel Di meDicina pa baha peso

ORANJESTAD, Aruba

–24 maart 2026 Directie Volksgezondheid (DVG) ta alerta comunidad riba uso cada bes mas frecuente y peligroso di medicamentonan pa baha peso manera Ozempic, Mounjaro, Wegovy y otro producto di e grupo GLP-1. Den su rol pa promove salud general y prevenci malesanan, DVG a tuma nota di un alerta epidemiologico emiti pa Organizacion

Panamericana di Salud (PAHO/WHO) tocante uso indebido di e tipo di medicamentonan aki . E medicamentonan aki ta wordo desaroya principalmente pa trata diabetes tipo 2 y, den algun caso specifico, obesidad cu complicacionnan medico. Sin embargo, nan uso mester tuma lugar exclusivamente bou supervision medico y cu prescripcion di un doctor, basa riba evaluacion individual di cada pashent

DVG ta preocupa cu:

• E medicamentonan ta wordo usa sin prescripcion, puramente pa baha peso

• Tin aumento den compra via canalnan no oficial, manera online of importacion ilegal

Segun PAHO/WHO, e uso incorecto por causa efecto

secundario serio, manera:

• Inflamacion di pancreas (pancreatitis)

• Probleman cu vesicula biliar

• Bloqueo di tripa

• Complicacionnan adicional cu ainda ta den investigacion

Compra di e medicacionan aki via canalnan no oficial (ilegal) ta aumenta e riesgo cu e producto por ta falso, contamina of no a wordo warda den condicionnan corecto, poniendo bo salud y bo bida na peligro .

DVG ta haci un yamado na comunidad

• No usa medicacion pa baha peso sin conseho

medico

• No cumpra producto via canal informal of online (ilegal)

• Consulta semper cu un profesional di salud prome cu usa cualkier tipo di medicina

DVG lo sigui monitorea e situacion y ta haci un yamado na comunidad pa tuma decisionnan bon informa, conciente y responsabel ora trata di nan salud.

Bo Salud nos Prioridad Pa mas informacion like nos Facebook page Directie Volksgezondheid

DVG Aruba, Follow nos riba Instagram directie_

volksgezondheid_aruba, of Follow nos den WhatsApp Channel, subi

nos website www.dvg.aw, yama nos na 5224200 of mail nos na servicio@dvg.

Directie Natuur eN Milieu ta uNi Na e MovecioN MuNDial earth hour 2026

ORANJESTAD - Directie

Natuur en Milieu (DNM) ta anuncia cu e aña aki atrobe nan lo forma parti di e movecion ambiental mas grandi na mundo: WWF-Earth Hour. Como simbolo di compromiso cu nos naturalesa y clima, DNM lo paga e luznan di edificio monumental, Uncle Louis Store na San Nicolas unda DNM ta situa.

Detaye di e evento: Earth Hour ta un iniciativa anual di World Wide Fund for Nature (WWF) cu a cuminsa na 2007. Meta di e campaña internacional aki ta pa pidi atencion pa e problema di cambio di clima y e importancia di proteha nos naturalesa.

• Fecha: diasabra, 28 di maart 2026.

• Ora: Entre 20:30 y 21:30.

• Accion: Paga tur luz di e edificio pa un ora largo.

Un yamada na comunidad DNM, hunto cu e team di WWF-Hulanda, ta curasha tur instancia di gobierno, empresanan y specialmente comunidad na Aruba pa uni na e muestra di accion pa conscientisacion poderoso. Pa un ora , nos ta pidi pa “switch off” e luznan cu no ta esencial pa asina pone e solucionnan pa nos clima riba mapa. E aña aki, e meta di WWF ta pa amplia e cantidad di edificio y ‘landmarks’ den

Reino cu ta participa, pa asina duna un mensahe mas fuerte e aña aki tambe.

Con bo por participa?

• Na cas: Paga bo

luznan parti paden y pafo di cas entre 20:30 y 21:30.

• Digitalmente:

Comparti bo participacion riba social media uzando e hashtag #earthhour.

• Material: Pa esnan cu kier promove esaki den nan mesun organisacion, por uza e"toolkit" digital (cu flyer y imagen) via e website

www.wwfdutchcaribbean. org/earthhour.

Paga luz pa naturalesa y demostra cu Aruba tambe ta consciente di e balor di nos medio ambiente.

NaN a bira lomba pa pueblo: a ma N da pidi reuN io N publico riba Ho Fa , pero

F raccio N di aV p y Futuro a N e N ga quorum

Segun informacion, fraccion di MEP a manda un peticion pa tene un OV (overleg) pa discuti e tema di Rijkswet HOFA. E intencion tabata pa habri dialogo politico riba un tema importante pa futuro di Aruba.

Sinembargo, durante e proceso, fraccion di AVP y Futuro no a presta cooperacion pa logra quorum, locual a haci cu e reunion no por a sigui.

E situacion aki a wordo critica duramente, pasobra segun diferente opinionnan, esaki ta mustra cu e coalicion di gobierno no ta dispuesto

pa dialogo transparente riba un asunto di gran importancia nacional.

Criticonan ta indica cu e actitud aki por wordo interpreta como un momento kaminda gobierno “a bira lomba pa pueblo”, pasobra no a duna oportunidad pa discusion den parlamento.

E tema di HOFA ta wordo considera como un asunto sensitivo, especialmente tocante autonomia, control financiero y influencia di Hulanda riba Aruba. Diferente sector ta pidi mas claridad, participacion y apertura den e proceso di decision.

aruba ta FortiFica coNtrol di FroNtera cu cooperacioN S trategico

Recientemente,

Minister di Husticia, Integracion, Transporte Publico y Energia, mr. drs. Arthur Dowers, a ricibi Commandante di Koninklijke Marechaussee,

Luitenant

Generaal

Annelore Roelofs, hunto cu Commandant Landelijk Tactisch Commando Caribisch Gebied, Brigadegeneraal Jos Pieters, y Head of Operations na Aruba, Kapitein Tom van Vught. Durante e reunion, a sostene un dialogo strategico riba e cooperacion den control di frontera.

Cu capacidad adicional, conocemento specialisa y metodo moderno, Gobierno ta enfoca riba

crea un sistema mas sigur, eficiente y resiliente. Cooperacion entre Koninklijke Marechaussee, Inmigracion, KPA, Kustwacht y otro instancianan local a resulta den mehoracion concreto den supervision di frontera. E meta ta pa combati migracion iregular, enfrenta crimen cu ta transcende frontera y salvaguardia integridad di nos sistema. E enfoke aki ta basa riba responsabilidad propio, reforsa cu

cooperacion internacional y intercambio di conocemento, resultando den control mas rapido, mas inteligente y mas eficaz, cu direccion firme den man di Aruba. Na final di dia, Minister di

Husticia Arthur Dowers ta responsabel pa e maneho migratorio stipula durante su encargo y ta conta riba cooperacion profesional di tur instancia pa eherce control eficiente y efectivo na frontera.

Gobierno di aruba ta apunta ‘onderzoeksraad voor veiliGheid’

pa iniCia estudio exploratorio riba desapariCion di pisCadornan pa fortaleCe siGuridad na lama

Gobierno di Aruba a tuma iniciativa pa cuminsa estudio exploratorio riba e desaparicion di piscadornan na lama, como parti di su plan pa fortalece prevencion y capacidad di respuesta den caso di emergencia riba lama. E estudio ta conduci pa e Conseho Investigativo pa Siguridad (Onderzoeksraad voor Veiligheid), riba peticion oficial di Gobierno. E iniciativa aki ta forma parti di un esfuerso mas amplio di Gobierno pa identifica riesgo potencial y preveni situacionnan similar den futuro, mientras cu tambe ta fortalece mecanismo di rescate si acaso un incidente asina tuma luga. Den e marco aki, Prome Minister Mike Eman, huntu cu Minister di Turismo, Transporte y Labor Wendrick Cicilia, a impulsa e proceso despues di encuentro, hunto cu Secretario General Robert Candelaria na fin di luna di september, na Hulanda. Relacionado cu e enfoke

riba siguridad na lama, Minister Cicilia a enfatisa tambe iniciativanan preventivo manera implementacion di FAD (Fishing Aggregating Devices). “Den fin di siman e di dos FAD a bay den lama,” segun e minister. E structuranan aki ta instala pa atrae pisca, permitiendo piscadonan pisca mas cerca di costa y dentro di awanan teritorial di Aruba. Esaki ta reduci necesidad pa bay distancianan leu of drenta awanan stranhero, cu consecuentemente ta disminui riesgo y contribui na practicanan di piscamento mas sigur.

E Conseho Investigativo lo evalua si ta posibel pa conduci un investigacion mas amplio riba riesgo structural di siguridad relaciona cu e desaparicionnan aki.

Meta di un investigacion asina ta pa identifica patronnan, saca leccionnan y contribui na mehoracion di siguridad pa futuro.

Durante e fase exploratorio, lo sostene dialogo cu diferente organisacion y persona relevante na Aruba, incluyendo representante di sector di pesca y instancia cu ta participa den operacionnan di buskeda y rescate. Den e proceso aki, lo tin atencion special pa e impacto profundo cu e desaparicionnan tin riba famianan y comunidad. Segun presidente di e conseho investigativo,

Cambia perspeCtiva

Chris van Dam: “Nos kier comprende bon kico a pasa, ki informacion ta disponibel y cual pregunta di siguridad ta mas relevante. P’esey nos ta cuminsa cu un estudio exploratorio como un factfinding mission. Basa riba e resultado, nos lo evalua si y con ta posibel pa sigui cu un investigacion mas amplio. Meta di e conseho investigativo ta pa siña. Asina nos kier contribui na mehora siguridad. Nos

no ta investiga pa señala culpabel.”

Cu e inicio di e estudio aki, lo aplica e facultadnan di investigacion manera estableci den e ley di Reino pa e conseho investigativo, permitiendo conduci investigacion independiente dentro di Reino Hulandes.

Despues di finalisa e fase exploratorio, e conseho investigativo lo comunica e conclusionnan y si lo sigui cu un investigacion mas amplio.

Himno, Bandera y naturalesa: Comunidad a CeleBra aruBa su identidad den Parke naCional arikok

ORANJESTAD, ARUBA –24 MAART 2026 – Aruba

Conservation Foundation a celebra Dia di Himno y Bandera 2026 den grandi, unda a invita comunidad henter pa un celebracion interactivo di Aruba su identidad y naturalesa den Parke Nacional Arikok.

Bou di e tema “Bin

Tende Naturalesa Papia”, famianan, muchanan y bishitantenan a pasa un dia yen di descubrimento y conexion cu naturalesa. ACF ta hopi contento di mira e cantidad di muchanan cu a disfruta di nan experiencia den parke, specialmente durante e scavenger hunt den Hofi Shon Shoco, unda participacion a supera tur expectativa. Muchanan a bay riba un busceda pa test nan conocemento di Aruba su especienan nativo.

E evento a bira un punto di encuentro entre comunidad y naturalesa, cu presencia di fundacionannan comprometi na e

conservacion di naturalesa. ScubbleBubbles

Foundation a hiba grandi y chikito pa conoce e munda bou awa atraves di realidad virtual (VR) y Ban Lanta y Planta a educa riba matanan nativo y e importancia di hardin nativo na cas. ACF mes a organisa dos diferente hike completamente gratis pa Cunucu Arikok y Miralamar cu a mira bon participacion. Tambe, tawata tin un skina creativo pa mucha unda muchanan di tur edad por a pinta, hunga bingo y mucho mas bou guia di ACF su Visitor Experience Team.

Artesanonan local manera Mersea Jewelery, Arubalife Organics, Gypsy Therapy y Gerella Healthy Smoothies tambe a forma parti di e dia akinan cu nan creacionan unico. ACF kier expresa su sincero gradicimento na tur participante y asociadonan pa a contribui cu nan conocemento, creatividad y compromiso pa conserva

Pa esnan cu a no logra bishita, semper tin mas momento pa conecta cu naturalesa y explora Parke Nacional Arikok. Parke ta habri tur dia di 8’or di mainta te 4’or di atardi. Muchanan ta drenta gratis, mientras entrada pa localnan ta solamente 5 florin cu un I.D. local valido. Tambe tin e oportunidad pa registra pa bo Annual Conservation Pass pa 50 florin y sigui conecta cu naturalesa durante henter aña.

Dia di Aruba su Himno y Bandera a mustra un biaha mas cu naturalesa no ta separa di nos identidad, e ta parti di dje. Y e historia ey ta sigui biba den cada bishita, cada paso, y cada experiencia den Parke Nacional Arikok y den cada esfuerso di ACF pa conserva esaki. ACF ta keda comprometi na crea experiencianan y actividadnan cu ta inspira y concientisa local y bishitantenan riba e rol importante cu naturalesa ta hunga den nos bida diario. Keda pendiente pa mas actividadnan interactivo durante aña.

Pa conoce mas di Aruba Conservation Foundation of pa book un experiencia den Parke Nacional Arikok por bishita www.acf.aw.

Dia Di Hymno y BanDera was transformeD into a memoraBle tHree Day celeBration of culture, priDe, anD unity, at la caBana BeacH resort & casino

Festivities took off with an exclusive Royal Aruba Aloe presentation, offering associates an in-depth look at one of Aruba’s most renowned brands. The session highlighted the brand’s storied heritage, its commitment to quality, and the artistry behind transforming world-class, locally grown aloe into innovative products. Creativity took center stage with a cultural bottle painting workshop led by local artist Angela. Associates enjoyed a relaxing and interactive environment, fostering camaraderie while expressing their artistic talents. The celebration continued with an enlightening lecture presented by the Departamento di Cultura, deepening our appreciation for Aruba’s rich heritage and unique identity. A spirited Kahoot Challenge followed, engaging participants in a fun and educational competition that brought

everyone together.

The Highlight of the event was reached on March 17 with an emotive flag hoisting ceremony.

Matilde Benito’s stirring performance of the national anthem inspired pride and heartfelt emotion. The festivities concluded at the Chit Chat Café, where associates enjoyed live entertainment by Jerrino Bas and Chantal Quant, an especially curated local menu, and beautifully themed decorations— wrapping up the multiple

day event with

and unforgettable

We extend our sincere gratitude to the Social Committee, F&B team, and all associates for their unwavering dedication, creativity, and enthusiasm, which brought this celebration to life and made every moment extraordinary.

Minister Geoffrey Wever: ActuAlisAcion di e proMe reunionnAn finAnciero nA neW york: ArubA tA fortAlece su posicion

den MercAdo internAcionAl

New York – Ayera, hunto cu e delegacion di Aruba Sr. Chito Paris y Sra. Emiliënne Kelly di Directie Financiën, Minister di Finansa, Asunto Economico y Sector Primario, Sr. Geoffrey Wever, a tuma luga e prome ronda di reunionnan financiero na New York.

E delegacion di Aruba a wordo ricibi pa Citi, cu un ekipo lidera pa Sr. Dustin Ling, un profesional Arubiano cu pa varios aña ta trahando na Citi den New York. E encuentro aki no solamente a ofrece un plataforma pa discusionnan financiero di alto nivel, pero tambe a marca un momento di orguyo pa Aruba, pa mira talento local contribuyendo activamente den institucionnan global.

Durante e reunion, delegacion a comparti un update amplio riba situacion economico y financiero di Aruba, incluyendo e trayecto di refinanciamento di debe nacional cu ta planifica pa 2026. E enfoke principal tawata riba posicion di Aruba den mercado di capital, serca un grupo di inversionista nobo. Aruba ta conoci caba serca varios inversionista

Americano pero e meta principal di e mission aki tawata pa amplia e base di inversionista pa asina fortifica e posicion di Aruba riba mercado internacional di capital.

E prome dia di reunionnan por wordo considera como exitoso y productivo, cu discusionnan profundo riba oportunidadnan pa fortalece relacionnan internacional y amplia e red di inversionistanan cu Aruba por colabora cu nan.

E dialogo aki ta forma un parti esencial di e strategia pa diversifica acceso na financiamiento, mientras cu Aruba ta sigui cumpli cu su obligacionnan existente cu inversionistanan internacional.

Diamars e delegacion di Aruba a continua cu e siguiente fase di e trayecto, cu un biahe pa London pa sigi e segunda parti di e reunionnan cu inversionistanan Europeo. E encuentro nan

aki lo sigui enfoca riba mesun meta strategico: asegura financiamiento responsabel, fortalece relacionnan internacional, y crea mas oportunidad pa Aruba den mercado di capital.

Cu e esfuerso aki, Gabinete AVP-Futoro ta reafirma su compromiso pa un maneho financiero responsabel y pa tuma decisionnan concreto pa bienestar di Aruba, tanto pa presente como pa futuro.

bo ta kla pa uni ku nos i bira parti di un kambio real na bonaire?

Resientemente fundá pa e elekshonnan di 2027, Partido Pueblo Progresivo (PPP), un partido di derechonan humano, ta representá kambio real, kreando un generashon nobo di hendenan dediká.

Nos tim lo ta formá pa abogado, edukadó, artista, ofisial di órden públiko, empresario, trahadó, hóben profeshonal, lider di komunidat i siudadano di tur sektor di komunidat.

Nos ta buska hende pa uni ku nos tim, hende di tur edat, ku eksperensia òf sin eksperensia, boneriano òf no boneriano. Tur nashonalidat ta bon biní. A yega tempu pa un generashon nobo di lidernan komprometí i ku vishon, ku ideanan fresku, integridat i e kurashi pa move nos isla dilanti kolektivamente.

Pa hopi tempu kaba, nos a mira e mes siklo polítiko ripití su mes, e mes lidernan bulando di un

partido pa otro, resiklando e mes ideanan i dunando e mes resultadonan, sin desaroyo signifikativo ni benefisionan real pa e pueblo di Boneiru. Boneiru no por move dilanti komo un isla próspero di 25,000 hende sin liderato fuerte, responsabel i ku vishon.

Nos mester di tur hende di Boneiru, latino, hulandes, ingles i tur esnan ku stima Boneiru, pa komprondé ku nos mester hasi esaki huntu i no tira falta riba otro. E identidat úniko, kultura i tur kos ku nos ta stima di Boneiru ta bayendo pèrdí. Komo Bonerianonan, nos ta un minoria i nos no por hasi esaki nos so. Nos mester di hende di tur nashonalidat na Boneiru pa uni ku nos moveshon pa krea kambio real i signifikativo.

Histórikamente, e partidonan polítiko aktual a sali for di un solo partido polítiko, ku ta Partido Demokrat (DP). Demokrat a fragmentá den

Cambia

tur partidonan polítiko di awendia ku a partisipá den e último elekshon.

Demokrat bou di liderato di Abrahamnan a split den UPB ku líder Ruman Ellis, ku despues a atkeri Ramonsito Booi for di e partido ADEN ku a frakasá. Despues UPB a split atrobe ku líder polítiko Elvis Sjin Asjoe den MPB. Den e último elekshon, MPB a split atrobe ku líder polítiko Daisy Coffie den M21. Nan tur ta wordu manipula dor di Den Haag.

Na 2017, e grupo di partidonan i lidernan aki di DP, MPB, UPB i M21 a bai di akuerdo pa laga Den Haag integrá Bonaire den Konstitushon Hulandes, efektivamente entregando nos poder di tuma desishon lokal riba nos isla.

Awor e mes lidernan di e partidonan aki—Nina den Heyer i Angelica Cicilia—a split atrobe pa forma un nobo partido pa

e elekshonan di 2027. Ta hopi obvio: e mes karanan, e mes formanan di hasi kos, e mes lidernan, e mes konseheronan manera Burney Elhage, Nochi Willem i otronan, impulsá pa interes propio i e mes manera di pensa antikuá, sin ningun kambio real desde 2010.

Nos partido polítiko no lo inkluí ningun di e lidernan

òf konseheronan resiklá di awendia ò pasado.

Boneiru meresé mihó. Si bo ta kansá di kada bes di nobo e mesun kos i bo ta kere den kambio, bo tin un lugá den e moveshon akí.

Huntu nos por kibra e siklo. Huntu nos por traha un futuro nobo. Huntu nos por trese kambio real na Boneiru.

Minister Geoffrey Wever: reunion triMestral cu KvK cu enfoKe

riba cost of doinG business y posicion econoMico-financiero di aruba

Oranjestad, 24 di maart – Minister di Finansa, Asunto Economico y Sector Primario, mr. Geoffrey Wever, a tene su reunion trimestral cu dos miembro di directiva di Camera di Comercio (KVK), Presidente Sr. Diederik Kemmerling y Vice-presidente Sr. Robert Croes. Durante e reunion siman pasa, a trata varios topico relevante pa sector priva, cu enfoke riba desaroyo economico, cost of doing business y fortalecemento di e posicion di Aruba den comercio internacional.

Un di e puntonan importante tawata e situacion geopolitico actual, incluyendo e tension entre Merca, Israel y Iran, y e posible impacto global riba prijs di petroleo y costo di bida. KVK a expresa nan preocupacion tocante e efecto cu esaki lo por tin pa Aruba.

Minister Wever a indica cu Gobierno ta monitoreando e desaroyonan di cerca y ta trahando riba diferente instrumentonan pa mitiga impacto economico si esaki materialisa su mes, teniendo na cuenta e limitacionnan financiero existente.

Ademas, a dialoga tocante oportunidadnan pa amplia

actividad comercial den region, incluyendo exploracion di relacionnan economico cu Venezuela.

Den e contexto aki, a papia di e posibilidad pa organiza un “handelsmissie”, cu lo contribui na crea conexionnan directo y explora oportunidadnan concreto.

Tambe a discuti e necesidad pa explora e posibilidad di rutanan logistico alternativo, incluyendo opcionnan via Colombia y Panama, como parti di un strategia mas amplio pa diversifica cadena di logistica y aumenta resiliencia económico, cu ya Minster Wever ta trahando riba dje.

Den e reunion, KVK tambe a pidi update riba e proceso di revitalisacion di Oranjestad. Minister Wever a indica cu e proceso ta avansando bon, cu mas actividad economico visibel, interes di inversionistanan y un aumento den registracion di interes di negoshinan potencial nobo, incluyendo actividad den Free Zone, cu ta mustra un movimiento positivo den e area di inversion.

Tambe a toca e bishita di International Monetary Fund (IMF), unda despues di reunion cu Gobierno,

e delegacion lo sostene dialogo cu stakeholdernan importante, incluyendo KVK. E reunionnan aki tin como meta pa haya un miho comprension di situacion economico y financiero local, como parti di IMF su mission tecnico exploratorio cu ta consisti di un exploracion e posibilidad di introduccion di BTW como alternativa pa BBO.

Minister Wever a enfatisa importancia di cooperacion continuo cu sector priva y e rol clave di organizacionnan manera KVK den contribui na e dialogo economico nacional.

Minister Wever ta gradici Sr. Kemmerling, Sr. Croes y KVK pa e dialogo constructivo y

Minister Geoffrey Wever a entreGa e ley pa crea fondo di inversion na parlaMento

Oranjestad, 23 di maart 2026 – Minister di Finansa, Asunto Economico y Sector Primario, mr. Geoffrey Wever, ta anuncia cu diabierna ultimo a haci entrega oficial na Presidente di Parlamento di Aruba e concepto di ley pa crea un Fondo di Inversion pa Aruba, incluyendo e “Nader Rapport”. Despues cu Gobierno a prepara e ley pa crea e Fondo di Inversion a mande pa conseho di Raad van Advies riba e concepto di ley, y despues cu Gobierno di Aruba a ricibi e conseho di Raad van Advies Gobierno a traha e “Nader Rapport”, cu diabierna ultimo a keda cla y a wordo entrega na Presidente di Parlamento Sr. Marlon Sneek. Parlamento awo lo por studia e ley pa crea e Fondo di Inversion y haci pregunta por escrito na Gobierno cu mester wordo contesta door di Gobierno, pa despues Presidente di Parlamento

por pone un fecha pa e ley pa crea e Fondo di Inversion por wordo trata den Parlamento di Aruba.

Gabinete AVP-FUTURO ta cumpli cu e creacion di un Fondo di Desaroyo manera palabra den e Programa di Gobernacion 2025- 2028.

Articulo 39 di Ley di Comptabilidad ta prescribi cu un “begrotingsfonds” ta wordo crea via un ley. E Fondo di Inversion ta un instrumento di maneho di gobierno pa cada aña pone e sumanan publico disponibel y inverti esakinan na beneficio di Aruba su desaroyo.

Como instrumento di maneho e Fondo di Inversion lo facilita inversionnan di gobierno. Areanan di prioridad ta entre otro inversionnan den embeyecemento di tur districtonan, enseñanza, centro di Oranjestad y San Nicolas y vecindario, casnan social

y pa adultonan mayor, transicion di energia y desaroyo di tereno di e ex- refineria.

Gobierno tin dos rol importante den desaroyo di Aruba. Banda di facilita e condicionnan necesario pa stimula inversionannan di sector priva, gobierno tambe tin cu duna contenido concreto na su rol di haci inversionnan. Inversionnan publico crea banda di actvidadnan economico ta duna sector priva y inversionistanan internacional e confianza y siguranza necesario pa por sigui inverti den tur sectornan di nos economia. Esaki ta forma parti di e vision y maneho di Gabinete AVP-FUTURO pa duna e beneficio di desaroyo economico bek na comunidad.

Gabinete AVP-FUTURO ta gradici Departamento di Legislacion y Asunto

Huridico y Departamento di Finansa pa e trabao pa traha e concepto di ley y memorie of toelichting pa Aruba haya su Fondo di Inversion. E creacion di e Fondo di Inversion ta parti di esfuerzo colectivo

pa ehecuta e Programa di Gobernacion 2025- 2028. Manera acorda den e Programa di Gobernacion 2025- 2028 riba pagina 4 Crea un Fondo di Inversion, Gabinete AVPFUTURO ta cumpli.

U N f ELI z DIA b ENDI

c

IONA y ENA c U g RAc IA DI D IOS

”Lo Bo ta sacerdote pa semper na e mesun manera cu Melkisedec.” (Hebreunan 7, 17b)

Ruman aki nos ta mira Hesus cu e titulo Sacerdote/Rey di Husticia pa semper, bunita titulo pa Hesus aunke Hesus no mester di ningun introduccion of titulo paso E ta Dios y Dios ta Amor. Asina mes den Hesus nos por experencia Amor, E Amor Unico cu nos tur ta anhela consciente y inconscientemente nos tur ta anhela di experencia E Amor di Dios.

Ta dificil pa esey sosode? Ta bon pa nos sa cu tur cos ta depende di con habri nos curason ta pa Hesus y con nos ta permiti Spirito Santo move den nos. Diadomingo nos a scucha cu nos tin e donnan y awor ta keda nos nada mas cu resa y pidi Spirito Santo habri nos curason pa nos experiencia y pone e donnan den practica y asina acepta y cumpli cu Dios su boluntad den nos bida y nos biba!

Oracion:Hesus mare nos tur por reconoce cu Abo ta nos Rey di Husticia y acerca Bo curason misericordioso pa nos salbacion. Amen

CAs di CulturA tA host sCreening di the sAmi song of survivAl Cu direCtorA iArA lee

Oranjestad, Aruba – 23 di maart 2026 — Cas di Cultura ta invita comunidad na un screening special di The Sami Song of Survival: Indigenous Activism on the Northern Frontier, un documental di 50 minuut dirigi y produci pa Iara Lee (Cultures of Resistance Films), kende lo ta presente pa e screening cu lo tuma lugar dia 10 di april den e Expo Zaal di

Cas di Cultura pa 7pm. E pelicula poderoso aki ta conta e historia di e pueblo Sami—comunidadnan indigena cu ta biba den Noruega, Suesia, Finlandia y Rusia—cu ta sigui nan lucha contra siglonan di oprecion, colonialismo y borramento cultural. Pa medio di arte, musica y activismo, e Sami ta afirma nan identidad, proteha nan tera, y conserva nan idioma

y tradicionnan enfrente di retonan continuo. Agregando na e experencia unico aki, e publico lo tin e oportunidad di topa cu directora Iara Lee y envolvi cu su trabou y perspectiva, ofreciendo un bista mas profundo den e pelicula y e contexto mas amplio di activismo indigena.

Na un momento cu combersacionnan global rond di identidad, equidad, y preservacion cultural ta mas importante cu nunca, The Sami Song of Survival ta ofrece publico na Aruba un oportunidad significativo pa siña tocante lucha di Indigena mas aya di nos region. E documental ta destaca e importancia di compronde culturanan mundial diverso y reconoce e lucha resistente di pueblonan indigena tur caminda.

Cas di Cultura ta encurasha e publico pa asisti na e screening aki no solamente como un experiencia cinematografico, pero como un momento di reflexion, siñamento, y conexion. Dor di participa cu historianan manera esun di e Sami—nos ta amplia nos perspectivanan y profundisa nos aprecio pa diversidad cultural y derechonan humano.

Pa mas informashon por tuma contacto cu Cas di Cultura of sigui nos

canalnan di medionan social pa informacion.

Photo credits: Lev

Fedoseev, Céline Clanet, Mike Van Den Berg y @ tromsoarcticreindeer

FORTALEZA PA FAMIA

Scirbi pa Pastor Marcel Balootje.

E PORDON DI DIOS, TA SURPASA TUR COS

Hende kier pone masha condicion ora nan tin cu pordona otro, por ehempel:

Mi ta pordona, pero mi no ta lubida.

Mi ta pordona pero no lage pasa banda di mi.

Mi ta pordona pero e no ta hanja nada mas serca mi.

Mi ta pordona pero mi no kier sigi biba hunto cune.

Mi ta pordona pero no lage , ni pasa banda mi entiero.

Mi ta pordona pero lage lubida cu e ta mi famia.

Mi ta pordona, pero e cos cu e haci esey e por bien lubida , cu nos ta ruman.

Y esun di mas fuerte ta hende cu ta pratica falta di pordon , manera nan nunca a haci fout. Corda riba Colosensenan 3:12-14.

Pero palabra di Dios ta bisa cu si nos no pordona, nos ruman Dios tampoco ta pordona nos ( Mateo 6:14-15) Cual ta un condicion hopi serio, cual Dios ta pone pa nos, y cu nos mester respeta, pasobra falta di pordon tin hopi consecuencia doloroso.

Pero abo a yega di pensa con Dios su condicion ta cu nos. ora Dios ta pordona nos?.

Den Jeremeias 31:34 ta para scirbi: Pasobra lo Mi pordona nan inikidad, y nan pica lo Mi no corda mas.

Wak e diferencia entre Dios y hende y corda cu e palabra di Dios ta bisa cu nos mester ta imitadornan di Cristo Hesus, kende a muri na crus pa nos picanan wordo pordona.

Isaias 43:25 ta para scirbi: Ami si, Ami ta esun cu ta kita bo transgreshonnan pa Mi mes causa, y lo mi no corda bo picanan. Tene cuenta cu ora Dios pordona nos , nos picanan nos ta keda liber, y Dios nunca lo bin tira nos cuenta bieu bek den nos cara.

Hebreonan 8:12 ta para scirbi; Pasobra lo Mi tin misericordia di nan inikidadnan, y lo mi no corda nan picanan mas.

Danki na Dios pa su eterno misericordia, cu nos por keda

libra di pica, y asina e diabel no tin caminda di gara den nos bida. Pesey e palabra di Dios ta bisa den Isaias 43:18-19, pa nos no corda riba cosnan cu e pasa caba, pero mira cu Dios ta bay haci cosnan nobo. Awendia nos por nota con berdadero e palabra di Dios ta, pasobra biba cu cosnan di pasado riba nos consenshi ta haci nos malo, ta trece stress, amargura, depresion, y ta afecta nos salud mental.

Hebreonan 10:17 ta bisa lo siguiente: Y nan picanan y nan inhusticia lo Mi no corda mas.

Esey ta pa tur hende sa cu no tin di ofrece ningun sacrificio pa pica pasobra Cristo Hesus su sacrifisio ta un biaha y pa semper.

Tin hopi hende cu ta malo, amarga, den situacion dificil pasobra, nan no kier pordona, ni tampoco laga los for di pasado, tin hopi hende

ta biba den scuridad, pasobra nan no sa con sali for di pica of nan ta rechasa e unico forma pa sali for di pica.

Ta para scirbi den 1 Juan 1 :9 y esaki ta conta pa tur hende, bisando: Si nos confesa nos picanan E ta fiel y husto pa pordona nos no picanan y pa limpia nos di tur inhusticia.

Prome cu nos reconcilia cu Dios, mester bini confesion na Dios, y arepentimento, pa asina nos bida ta keda den bon relacion cu Dios, pasobra sin confecion y sin arepentimento no tin pordon di pica.

Awendia tin hende cu no kier pordona y reconoce e Soberabia di Dios den nan bida, y nan ta sigi biba den scuridad manera nan kier pensando cu nan por ganja Dios.

Sinceramente, Pastor Marcel Balootje.