Diamarz 9 februari 2016 by Solo DI Pueblo

URATACA CENTER Special di awe: Chicken Cutlet, Fried Rice, Batata& Banana Afl. 10.00

Diamars 9 Februari 2016 -Edicion-10 Vol.19522 Sta.Cruz #110 Tel: 585-9500 Fax:585-0951 - E-mail: solodipueblo@gmail.com

1.50

(di 12 pa 3pm)Tel: 585-5212

Awe partido MEP ta celebra su 45 aĂąa di existencia! MEP, un partido cu a traha incansablemente pa libertad, bienestar y felicidad di henter e pueblo Arubano Carnaval a caba te 8:30 di anochiâ€Ś

Minister Dowers ta desaproba esaki y ta haya SMAC desorganiza

Gabinete Mike Eman 2 ta colgando na un hilo! Carnaval 62 bunita cu hopi ambiente

Hopi disgusto den pueblo cu MOMO di SMAC

SMAC a kima momo ayera pa awe nan viaha pa Corsou

Hoben Arubano a maltrata taxista seriamente 23 persona deteni den parada di San Nicolas

Diamars 9 Februari 2016

Pagina 2

Hoben Arubano a maltrata taxista seriamente

Dialuna marduga pa mainta un taxista masculino a duna lift na un pasahero cu a pidi pa su servicio. E cliente a pidi pa bahe na Sunshine Apartament na Bubali, pero e cliente a pidi e taxista ward’e pa busca placa. E taxista a tuma nota cu su celular a desaparece. A pensa un bez cu e persona aki a horta e cellular. Mesora

a pidi ayudo di un colega pa bin yude na e sitio. E taxista a baha bay paden wak si e cliente por tin su celular. E homber C. Croes a cuminsa bati e taxista seriamente. Cu baranca a dal e taxista na su cabez y skop e. E taxista a core sali tur na sanger for di e sitio y bay hospital pidi ayudo. A raporta na Polis. Patruya di Noord a presenta na e

apartamento caminda e maltrato a sosode. Un otro patruya na hospital pa busca informe. Na e sitio polis a detene e hoben Arubiano C.Croes conoci pa husticia relaciona cu un caso algun aña atras. Recherche y departamento forensico a presenta na e sitio pa haci nan investigacion y saca potret di evidencianan.

Informacionnan haya for di Vocero di Polis, sr. Lito Lacle

Parada di luz na San Nicolas a produci 14 detencion cu ta suma na 3100 florin na boet

Parada grandi na San Nicolas a produci un total di 23 persona deteni, cu ta suma 3200 florin na boet. Parada grandi na Playa a produci un total di 25 detencion. Aki bo ta waak cu e cargonan tabata mas pisa y esaki a suma na un total di 7700 Florin na boet. Durante control riba caminda Motorunit a haci un total di 13 detencion. Tur tabata chauffeurnan cu tabata bao influencia. Nan rijbewijs a wordo

kita. E areanan caminda a wordo controla tabata Seroe Thijshi Pos Chikito, Savaneta, San Nicolas y Santa Cruz. Durante e controlnan aki mas di 80 chauffeur a wordo getest. Nos por waak cu e indice di detencion y problemanan a baha masha hopi, compara cu den pasado tabata pasa 50 detencion. Un bon trabao tambe di parti di Motorunit cu a yuda tene e trafico sigur pa asina tur hende por a yega nan cas sano y salvo.

Homber basta bebi y comporta malo, a keda deteni Dilanti di Bestuurskantoor un homber a haye ta play duro y no scucha ordo di Polis. El’a haya cu algun polis y di biaha nan a bay riba dje y detene

pa mal comportacion. E homber riba dje bao influencia di alcohol a keda deteni. E ni por a cana riba su pia. Aki polis a hib’e den e van di CEA.

Diamars 9 Februari 2016

Pagina 3

Endy Croes di MEP:

Angel Bermudez, ora bo bisa “A”, bo mester bisa “B” tambe y no traga palabra

Den un articulo fin di siman di minister Angel Bermudez por a tuma nota con diripiente Bermudez a pega cu e virus di Mike Eman, esta “Emanipulacion”, hungando politiek cual pueblo hustamente a spera otro di un “no politico”. Bermudez a splica cu Aruba ta e unico pais den Reino cu no ta goza di un interes bao di 1.5 of 2% riba su debe nacional. Bermudez a menciona tambe e “Witte Donderdag Akkoord”, cual porcierto ta e protocol unda AVP a firma cu Plasterk y Dijsselbloem di Hulanda bayendo di acuerdo pa un posibel prestamo na interes abao despues cu Aruba ricibi entre otro un evaluacion positivo di IMF. Pero alavez akiden a firma pa e famoso CFT haya bida y pues Mike Eman a bende parti di nos Status Aparte riba e tereno financiero. Segun Bermudez, esnan cu ta bisa cu esaki no ta realizabel ta pasobra nan no tin argumento y net esnan cu semper ta referi na consehonan di

CFT. Ora bo bisa A bo mester bisa B tambe. Angel awor ta yorando pa un interes mas abao y den mesun rosea ta tira palabra sin menciona nomber. Tempo di MEP na 2009 gobierno tabata paga menos di 100 miyon na interes pa aña y actualmente na interes so Aruba ta pagando mas di 200 miyon pa aña. Esaki ta splica un poco di e caos di Bo maneho hunto cu Mike de Meza cu tabata promer cu Bo. Ora MEP a splica cu boso a REDOBLA nos debe nacional boso a purba sconde usando forsa di media pa sigui manipula. Siman pasa Bo lider a expresa den parlamento cu e ta orguyoso di e DEBE y e DEBE t’ey y cu e pueblo lo tin cu bay pag’e. Acaso Bo tambe ta mesun orguyoso? E expresion aki ta un berguenza nacional. Angel Bermudez mester splica tambe dicon e ta pensa cu Hulanda no ta cooperando pa Aruba haya un prestamo cu interes mas abao? Bermudez, bo ta haya normal cu un pais den

un crisis financiero net gastonan di luho manera viahamento di Mike Eman ta 700 mil florin cual ta representa un aumento di 29%? Bo ta haya ta normal cu e post di viahamento total a subi cu 25% cual ta refleha 2 miyon na viahamento? Bo ta haya ta normal cu den crisis gastonan di abogado a subi di 13 miyon den 2015 pa 15 miyon den 2016? Bo ta haña ta normal cu den crisis gastonan pa paga companianan di amigo di AVP pa propaganda minister a aumenta di 2 miyon den 2015 pa 3 miyon den 2016, un aumento di rond 50%? Bo ta haña ta normal cu Bo partido a campaña cu lo no saca ningun dividendo for di companianan estatal y den presupuesto 2016 boso tin presupuesta pa chica y lo ranca na un manera cruel 19 miyon for di e companianan aki? Bermudez tur cos aki Hulanda ta waak. Bo kier yora awe y tira palabra na manera fini pa otro pero waak e presupuesto cu Bo mes a presenta y sostene cuanto gastonan na luho y pa compinchi tin presupuesta. Tur esaki ta cu Bo bendicion. Con serio Bo kier nos tumabo? Pues si Bo kier ta politico subi lista y laga pueblo scoge bo. Si di carambola Bo a drenta haci Bo trabao como vak minister na un maneria serio, pero momento Bo kier hunga politica nos lo sa di atende cu bo di inmediato mustrando pueblo e berdad. Pues ora bo bisa “A” corda di bisa “B” tambe.

23 persona deteni den parada di San Nicolas

Parada grandi na San Nicolas diasabra polis tabata man yen riba e ruta durante y despues di e parada. Esaki relaciona cu e detencion. Mobiele Eenheid, K9 Unit y demas oficialnan riba e ruta a

realiza varios detencion. Basta pelea tabata tin riba e ruta, peleanan di gang y mas. Un total di 23 persona a keda deteni pa mal comportacion. Total di 3200 florin na multa polis a cera.

Diamars 9 Februari 2016

Pagina 4 Hopi disgusto den pueblo cu MOMO di SMAC

SMAC a kima momo ayera pa awe nan viaha pa Corsou

Despues di parada grandi na San Nicolas

Polisnan motorisa a detene 13 chauffeur burachi A kita un total di 8 rijbewijs Polisnan a topa cu 13 chauffeur cu tabata asina burachi cu a detene nan mesora y hiba nan Warda di Polis.

y ta pidi pa entrega e carnaval bek na SAC.

Tin masha hopi hende disgusta den pueblo pa e hecho cu SMAC a dicidi di kima momo ayera, pa asina awe mainta nan tur aborda avion pa bay kima momo na Corsou. Via rednan social por sinti cu pueblo den su gran mayoria no kier tende mas di SMAC

Ningun minister mester hinca su mes mey mey di asuntonan di carnaval, manera cu Otmar a haci, unda elâ€™a bay mete su mes, pa bini cu un grupito di su amigonan, pa asina nan destrui nos Carnaval. Palabra ta keda na Gobierno pa nan habri horea y tende e peticion di pueblo. E ruta di carnaval ta otro mas cu a keda totalmente desaproba.

Di e grupo ey, 8 a supla na un nivel asina halto cu mester a kita nan rijbewijs for di nan, pendiente un decision di Fiscal di Ministerio Publico. Manera cu a adverti di antemano, Polisnan motoriza a efectua control despues di e parada grandi di carnaval na San Nicolas. A para na varios sitio strategico, manera na Sero Teishi, Pos Chikito, Savaneta y na San Nicolas mes.

Na tur a para mas o menos 80 auto pa control, cu a encera e papelnan cu mester tin den e auto, uso di safetybelts y specialmente pa supla pa garantiza cu no ta bao influencia di alcohol tras di stuur. Despues

control,

E tipo di control nan asina lo continua durante henter aĂąa, pa garantiza cu chauffeurnan ta mas consciente cu no por stuur bao influencia di alcohol pasobra e ta un peliger pa Bo mes y pa otronan cu ta participa den trafico.

Diamars 9 Februari 2016

Pagina 5

Dangui Oduber, parlamento di MEP:

Gabinete Mike Eman 2 ta colgando na un hilo!

Siman pasa e presupuesto di pais Aruba pa aña 2016 a wordo aproba pa apenas 11 miembro di fraccion di AVP den parlamento. E ta obvio cu no solamente puebo ta desaproba e maneho di Mike Eman sino propio miembronan di fraccion di AVP ta desaproba e maneho cu a destrui nos pais. Na momento cu 2 miembro di fraccion di AVP vota contra e presupuesto di pais Aruba, e ta bisa hopi. E presupuesto ta e ley di mas importante di nos pais y ta consisti di no solamente cifranan sino tambe e maneho

cu e gobierno ta hiba.

No ta un secreto cu nos pais a wordo goberna na un manera hopi irresponsabel. Un gobierno cu a hiba un maneho basa riba prioridadnan robez, fiando placa y creando debe. Loke mas nos mester lamenta despues di 6 aña y mey ta no solamente e debe di 4 biyon florin cu nos futuro generacionnan mester bay pague bek sino e gobierno aki a inverti apenas 1% di e 8 biyon florin cu nan tabata tin disponibel. Cada aña entrada di pais Aruba ta fluctua entre 1 biyon y 1.2

biyon florin. Den 6 aña Mike Eman su gobierno a ricibi 6 biyon florin na entrada y a crea 2 biyon di debe adicional. Na tur nan a haya 8 biyon florin pa goberna cune y na moment obo mira kico ta wordo presenta como inversion bo ta haya dolor na bo curazon. Bo tin cu puntra bo mes unda tur e placa a bay??? Kende ta esnan cu a cobra e placa aki?? Kende ta esnan cu a wordo beneficia pa e maneho cu a kibra nos pais di e forma aki??? E miembronan di fraccion di AVP cu a vota contra

e presupuesto, a vota segun nan consenshi y tur hende na Aruba por sinti e efectonan di e maneho di e gobierno aki. E costo di bida do a baha, e poder di compra no a conoce un mehoracion, e situacion di cada famia no a bira mihor y criminalidad ta for di man. No solamente ex - minister Oduber a admiti cu criminalidad ta for di man pero miembronan di fraccion di AVP tambe. E presupuesto cu a wordo presenta pa gobierno un biaha ta uno irrealistico y cu tempo esaki lo wordo demostra. Loke e presupuesto aki a demostra ta cu gobierno kier sigui fiesta riba custia di pueblo pasobra na momento cu bo kier tuma medida contra pueblo bo lo spera cu gobierno tambe lo duna di su parti. Contrario na esaki gobierno a sigui su fiesta, sigui derocha placa di pueblo aumentando nan propio gastonan d e s p r o p o r c i o n a l m e n t e, Di otro banda pa nan por logra reduci e deficit na a scoge pa bay aumenta e

entradanan di impuesto directo y tambe aumenta e entradanan di impuesto indirecto. Un biaha mas ta wordo confirma cu esaki cu e gobierno aki NO tin ningun sentido comun, no tin gevoel pa pueblo pasobra nan ta sigui gasta y pueblo tin cu sigui paga. Ora un gobierno ta aumento su impuesto directto y su impuesto indirecto ta for di un caminda e placa aki mester bin. E placa aki un biaha mas ta bin for di comercio y for di pueblo. No ta husto pasobra or abo ta mira cu gastonan di coordinador ta sigui subi, gastonan di viahemento ta sigui subi, gastonan di huurmento di edficio ta sigui subi tin cu puntra bo mes hasta cuando e abusonan aki. En todo caso, despues di e votacion di e presupuesto 2016 nos por conclui cu e gobierno aki ta colgando na un hilo hopi fini y nan dianan ta conta. Ora pueblo sinti cu el’a wordo engaña, cu el’a wordo traiciona e pueblo mes lo sa di huzga e gobierno aki.

Diamars 9 Februari 2016

Pagina 6

Gerick Croes di MEP:

MEP ta haya cu ta crucial pa nos futuro profesionalnan regresa cas

E diferencia entre MEP y AVP ta uno obvio ora ta trata di mira e bon den mocionan y nan efecto riba bienestar en general. Den pasado nos a trece dilanti den un articulo titula "Aruba mester bira mas atractivo pa nos profesionalnan", e diferente retonan cu nos hobennan ta confronta nan mes cune ora di finaliza un estudio. Esakinan ta entre otro e debe astronomico di añanan largo riba nan lomba y dificultad pa drenta e mercado laboral. Nos semper a vocifera cu mester bin un tipo di sincronizacion

optimal entre Arubahuis y Departamento di Labor. No por t’asina cu den 2016 nos tin graduadonan sin trabao y of mal paga! Solamente den casonan sporadico cu studia algo cu no ta fit den nos mercado laboral e lo por sosode pero asina mes nos mester traha pa evite. Hecho ta cu e tipo di cosnan aki ta demotivante pa un HBO/WO'er recien gradua. Un di e proposicionan cu nos a yega di haci ta sincronizacion optimal entre Arubahuis y Departamento di Labor. Nos a duna como ehempel cu vacaturanan mester wordo notifica na tempo door di un dunador di trabao. Den un circuito Departamento di Labor conhuntamente cu Arubahuis riba un base semanal/mensual por tin un update di cuponan di trabao cu ta habri y riba un website central yuda nos

futuro profesionalnan yega na un trabao. Pesey nos di oposicion ta contento cu durante tratamento di presupuesto a pensa riba nos futuro profesionalnan. Durante e tratamento di presupuesto 2016 un mocion a wordo entrega pa sondea posibilidad pa crea un registro online pa vacaturanan riba nivel hbo/wo. Como cu esaki ta parti di nos programa y den varios comunicado a pone hopi enfasis riba e asunto aki debi cu tin un fenomeno di "brain drain" na Aruba fraccion di MEP a apoya e mocion aki. Ademas di esaki nos semper ta di pensamento cu ainda mas por wordo haci pa cuida y garantiza un trabao pa nos futuro hobennan profesional: 1. Publica un estudio di careranan cu tin demanda na Aruba. Esakinan mester

wordo presenta na nos futuro profesionalnan den forma di seminarionan na un edad mas hoben. Por pensa cuminsa informa nan caba na un edad di por ehempel 14 aña. (pa no lague te na e ultimo aña cu ta atendiendo Voortgezet Onderwijs of un Beroepsopleiding). 2. E cuponan di trabao mester wordo protegi pa nos hobennan cu a inverti den nan estudio. Kier meen mester implementa un maneho of haci esaki mas estricto cu ningun doño di trabao ta tuma un persona cu ta bini di exterior pa tuma un cargo di nos profesionalnan. Unda tin boluntad tin manera! E responsabilidad ta den man di gobierno aki of e futuro gobierno pa hiba un maneho recto pa acomoda nos profesionalnan yiu di tera den nos mercado laboral.

Banda di esaki incentivanan mester wordo brinda na nos futuro profesionalnan. Ta pesey mes fraccion di MEP ta trahando riba un cambio di ley, cu posibilidad pa haci e pagonan di fianza di estudio aftrekbaar di belasting, te na un maximo di 10 mil florin pa aña pa 10 aña. Nos di oposicion ta di opinion cu hopi mas por wordo haci riba e tereno aki y nos ta sostene e pensamento cu recien graduadonan merece di por haya un entrada den e mercado laboral sin ningun contratiempo. Realidad ta cu hopi placa ta wordo inverti den nan estudio y futuro carera cual no por ta envano si haci nan regreso uno amargo. Si nos di berdad kier laga nos economia crece y fortalece cu conocemento ta crucial pa nos profesionalnan bin Aruba bek.

Diamars 9 Februari 2016

Pagina 7

Joe Koolman di MEP:

Carnaval a caba te 8:30 di anochi…

45 aña di Movimiento Electoral di Pueblo partido tata di nos Autonomia y di nos Identidadnan Patrio!

45 aña di Movimiento Electoral di Pueblo “MEP”, un partido politico cu ideologia y principionan Social Democrata, cu a y ta consisti di politiconan, lidernan di districtonan (bario) cu un dedicacion di gran balor na nos Pueblo, cu ta refleha e amor grandi cu nos Partido tin pa nos pueblo di Aruba. MEP a wordo funda dia 9 di Februari 197, e.o. pa motibo di diferencia di clase (rico y pober) den nos comunidad, segregacion, discriminacion, partidonan politico perteneciente na grupitonan privilegia y e frustracion di e yugo colonial, un grupo di hobennan apoya pa homber y muhernan humilde, pero balente y decidido pa caba cu e humiliacion y abusonan aki, a funda nos prestigioso Partido MOVIMIENTO ELECTORAL DI PUEBLO"MEP "! Movimiento Electoral di Pueblo, for di momento di su fundacion, su fundador y lider G.F. "Betico" Croes (e.f.m.) a bisa cu e Partido aki ta un Partido di pueblo, di e Arubiano humilde, cu e Arubiano ta tur cu ta contribui y ta stima e pida

baranca aki, pero cu ta duna balor na su honor y dignidad, sin ningun clase di discriminacion sea di clase of origen y cu e Partido aki bo no ta cumpr’e, “Ni se compra, Ni se vende”. 45 aña di MEP, un Partido politico cu su curazon ta palpita hunto cu esun di pueblo, su vision, dedicacion y logronan ta prueba di esaki. Un partido humilde cu su unico doño ta e pueblo di Aruba y esaki ta ser ratifica tur aña pa medio di un Congreso di Partido, unda ta celebra y duna contenido na democracia, un democracia participativo unda ta aproba, cambia y/of adapta e rumbo politico di Partido. MEP ta e unico Partido cu ta brinda e oportunidad aki anualmente na Pueblo pa medio di su Congreso. Como candidato awe y un sostenedor y apoyador di semper, mi kier a haci uso di e ocasion aki pa expresa mi palabranan di un eterno y inmenso gratitud na Fundador, Lider, Tata di nos Pais, awe Nos Libertador y Lider Honorario postumo di nos partido, G.F.”Betico” Croes(e.f.m.), pa su vision, su determinacion y su amor patrio, cu a

conduci na logronan historico, “DANKI BETICO” pa lidera Movimiento Electoral di Pueblo MEP y logra pa nos, NOS PAIS ARUBA. Y sigur tambe un eterno y inmenso gratitud na nos lider honorario sr. N.O.”NEL” Oduber, gran Lider y sigur admira y aprecia pa su trayectorio politico ehemplar. Como diputado a carga e peso grandi di Status Aparte, despues di fayecimento di “Betico” y a keda eligi Lider di MEP y a hiba MEP na varios victoria mayoritario y a sirbi nos na cuatro oportunidad como nos Prome Ministro di Pais Aruba y semper ta disponibel pa su valioso consehonan, Nel ta keda Nel,,,“DANKI NEL”! Cu nos bon Dios ilumina e caminda di lucha y proteha nos lider, mr. Evelyn Wever-Croes, nos candidatonan, presidentenan, nan respectivo directivanan y sigur na e Pueblo di Aruba cu ta biba hunto cu nos den un solo sentimento y pensamento comun, cu “ARUBA MERECE MIHOR”. Un Lucha, Un Himno, Un Bandera, Un Pais,,, Nos Identidad,,, Pabien MEP di Curazon!! Aruba masha masha pabien cu e 45 aña di boso prestigioso Partido, Movimiento Electoral di Pueblo "MEP", trabou tin, cada dia mas orguyoso di ta forma parti di Movimiento Electoral di Pueblo. Boso sirbidor, candidato y ex-Presidente di Partido, JOE KOOLMAN!

Minister Dowers ta desaproba esaki y ta haya SMAC desorganiza

Den un declaracion cu MInister Dowers a duna ayera, el’a mustra cu e no ta contento cu e organizacion di Carnaval, esta SMAC. Nos a bin comprende cu SMAC tabata desorganiza, mal planificacion y a dicidi di saca e carnaval demasiado laat,

ocasionando asina cu carnaval a termina den scuridad total, banda di 8:30 di anochi. Awe nos lo bay haya tende mas riba e asunto aki, cu a mustra cu Cuerpo Policial ta hopi rabia cu SMAC su organizacion cu ta pesimo.

Na ocasion di 25 aña di existencia:

Promocion di 0,997ct pa liter na Seroe Blanco Service Station

Dialuna durante oranan di mainta y merdia trafico a tranca na e stacion di gasolin na Seroe Blanco. Motibo tabata un promocion barbaro ariba liter di gasoline. Ta papia di fls. 0,997ct pa liter. Automobilistanan no a perde pa gana y baha bay

pa tank nan auto. No ta importa cuanto rato nan mester a warda den fila. Emocionnan a bay halto un rato na e rotonde, pasobra tin chauffeur cu no ta para den e fila, kier pasa bay pero ta haya nan stroba pa esnan cu a blokia e rotonde.

Diamars 9 Februari 2016

Pagina 8

Awe partido MEP ta celebra su 45 aña di existencia! MEP, un partido cu a traha incansablemente pa libertad, bienestar y felicidad di henter e pueblo Arubano

Awe 9 di Februari 2016, MEP ta celebra su 45 aña di existencia. 45 aña di lucha y sacrificio, 45 aña na defensa di e pueblo Arubano, pero tambe 45 aña di logronan historico pa pais Aruba. Tabata riba diamars 9 di Februari 1971 cu nos lider inmortal Betico Croes a funda e prestigioso partido Movimiento Electoral di Pueblo (MEP). Desde principio caba partido MEP a pone su dilanti e ideologia social-democrata, nos structura estatal y union di henter e pueblo Arubano, sin distincion di rasa, color, religion, status social etc. E prome directiva di MEP E decisionnan tuma riba dia 9 di Februari 1971 a ser ratifica durante e promer Congreso di MEP cu a tuma lugar dia 14 di Februari 1971 den teatro Rialto na Playa. Durante e congreso aki, dirigentenan di e partido U.N.A. (Union Nacional Arubano) tambe tabata presente y nan a dicidi di uni nan mes na e partido recien funda MEP.E promer directiva di MEP tabata consisti di lider y presidente Betico Croes y e miembronan Efraim de Kort, Daniel Leo, Jossy Croes, Sixto Feliciano, Watty Vos y Cezare Terzano.

E personanan presente di parti di UNA tabata Frans Figaroa, Dodo Figaroa, Poy Werleman y Tommy Leest. MEP ta wordo considera como un partido prestigioso. Un partido cu desde su fundacion a keda un partido grandi y esaki durante 45 aña largo, ya cu MEP despues di su promer salida cu 7 asiento nunca den e eleccionnan siguiente a yega di baha bao di 7 asiento. Den henter Reino Hulandes no tin un partido politico cu un trayectorio asina impresionante! Crecemento grandioso di MEPLocual ta resalta den henter e trayectorio di MEP ta e sinceridad cu e partido aki ta desplega den e comunidad Arubano. MEP ta un partido cu desde su fundacion te cu awor apenas a conoce tres lider, esta Betico Croes den feliz memoria, sr. Nelson Oduber y nos actual lider sra. Evelyn Wever-Croes. MEP ta un partido di cual despues di morto di Betico Croes a wordo bisa na Hulanda “Betico dood, MEP dood”. Sinembargo bao liderazgo di sr. Nelson Oduber partido MEP a sigui crece den un forma grandioso, estableciendo recordnan impresionante

durante e eleccionnan na 2001 y 2005. Pa yega na un trayectorio impresionante asina ta evidente cu e partido mester a haci hopi cos bon pa e comunidad aki. Y esey MEP a haci

den un forma cu no ta laga duda atras. Durante e ultimo 45 añanan MEP a traha incansablemente pa e desaroyo di Aruba, tanto riba tereno estatal, economico, social, cultural, deportivo etc. MEP como un partido cu ideologia social democrata semper a tene na bista cu e ser humano y specialmente esnan di menos recurso mester ta central den e desaroyo aki. Un lucha tenaz Riba e tereno estatal nos partido tabatin problemanan serio cu e sistema politico di e structura di Antiyas Hulandes ya cu Aruba tabata den minoria compara cu e isla mas grandi, esta Curaçao. Despues di su promer salida exitoso na

1971 Betico Croes, otro miembronan di partido y e militancia a pasa den temponan masha duro mes na unda nan mester a hiba un lucha tenaz contra esnan cu semper a pone trampanan den caminda pa nos no logra nos libertad, esta nos Status Aparte. Danki na su carisma, perseverancia y determinacion combina cu e respaldo incondicional di su pueblo, Betico Croes y MEP a logra pone e politiconan Antiyano y Hulandes y hasta su opositornan local respeta deseo di pueblo. Pa por a yega asina leu Betico Croes mester a haci hopi sacrificio, drama

sanger, sodor y lagrima pa realisa e anhelo di nos pueblo pa su libertad. MEP ta e partido cu a percura pa nos simbolonan di union y libertad, esta Himno y Bandera, nos moneda, nos ortografia, nos propio Constitucion, Gobierno, Parlamento, nos propio Gobernador, Banco

Central etc. Augustus Scur Fuera di e Referendum na Maart 1977, e accionnan di augustus 1977 tabata determinante den e lucha pa Status Aparte y ta danki na e accionnan aki Aruba a wordo scucha door di Hulanda.Finalmente e deseo di Aruba a wordo cumpli durante e Conferencia di Mesa Rondo na Maart 1983 na unda nos derecho di autodeterminacion a ser reconoci y aproba pa nos sali for di Antiyas dia 1 di Januari 1986 y cu nos lo bira independiente dia 1 di Januari 1996 den un Man Comunidad cu Hulanda. E fecha di Independencia a wordo impone riba Aruba pa por a sali for di Antiyas. E tempo ey Betico Croes a bisa bon cla cu MEP lo acepta por lo pronto e condicion aki, pero cu nos lo bolbe. Y ta cu honor dia 13 di Juli 1990 ex-Minister President Nelson Oduber a percura pa scrap e fecha di Independencia 1996 for di den Statuut, pero manteniendo e derecho pa bira independiente dia cu e pueblo aki den un referendum dicidi esaki den su mayoria cu aprobacion di 2/3 parti di Parlamento, cual ta un garantia solido y responsabel.

Diamars 9 Februari 2016

Algun proyecto y logro di MEP E proyectonan cu a wordo ehecuta door di e gobiernonan di MEP durante e ultimo 45 añanan ta innumerabel. Locual a resalta ta cu tur e proyectonan aki a contribui grandemente na e calidad di bida cu nos tin actualmente. Antes promer cu Status Aparte e desaroyo economico tabata hopi limita. Nos isla no

tabata tin e instrumentonan economico den man pa desaroya nos economia manera nos ta desea. Ta danki na e logro di Status Aparte na 1986 cu MEP a realiza, Aruba a haya e instrumentonan economico pa por logra desaroya e pais aki. Algun di e proyectonan grandi cu a wordo realisa door di MEP durante e ultimo 45 añanan ta: Waf di container, Plan

Pagina 9 Sasaki pa desaroya henter e area turistico, edificionan di Domeinbeheer, Aduana, Ontvanger, SVb, Biblioteca Nacional, MTS, MAO, FCCA, Arubus N.V., APA N.V., WEB N.V., Elmar N.V., Setar N.V., oficinanan auxiliar di gobierno, ampliacion di Zona Franca, pista di aterizahe, renobacion y construccion di stadionnan deportivo, casnan di pueblo rond Aruba, construccion di centronan di bario, Idefre, Instituto di Cultura, Lotto pa Deporte, planta di purificacion di awa, wardanan di polis, Hotelvakschool Bushiri, Sporthal, Centro Medico San Nicolas, construccion di careteranan, construccion di schoolnan etc etc. Un otro logro importante tabata e reapertura di e refineria Coastal na 1991. Tambe e firmamento di un acuerdo cu ‘SACE’, unda a trece un solucion den e problema di garantianan. E acuerdo cu Hulanda na unda 250 miyon florin di Plant N.V. a pasa pa Aruba ta un

logro historico den cual ta demostra un biaha mas cu MEP semper a goberna cu curashi, perseverancia y determinacion. Gradicimento di lider di MEP Awe cu MEP ta cumpli 45 aña lider di partido sra. Evelyn WeverCroes ta desea di gradici un y tur cu a funda y guia e partido manera Betico Croes den feliz memoria, nos lider honorario Nelson Oduber, tur cu a participa riba lista di partido den e tur e eleccionnan cu MEP a bay, Conseho

di partido, Directiva di partido, nos lidernan di bario, nos presidentenan, Forza Femenino Grace, YEGA, nos militantenan, simpatizadornan, votadornan y un y tur cu a sostene MEP durante 45 aña largo. Na esnan cu a aparece riba lista y cu a bay laga nos, un palabra di gratitud y aprecio pa tur locual nan a haci pa MEP y cu nos Creador duna nan sosiego eterno. MEP semper di pueblo, cu pueblo y pa pueblo.

Diamars 9 Februari 2016

Pagina 10

Bike team di Ambulance activo durante parada di San Nicolas

Na varios ocasion por a tuma nota di e personalnan di bike team, ambulance tabata activo pa brinda cualkier asistencia cu tin riba e ruta di parada grandi na

San Nicolas diasabra. Nan ta e promenan pa yega y controla un pacient su situacion y si tin mester di transporta e pacient, unidad di ambulance a yega pa

sigui cu e siguiente pasonan y transporta e pacient. Bike Team a brinda varios asistencia diasabra durante e parada grandi na San Nicolas.

Polis a tene ristramento riba gangnan den ruta di carnaval grandi na San Nicolas Diasabra atardi por a tuma nota di presencia di unidadnan di Mobiele Eenheid cu tambe tabata riba pia riba e ruta di parada grandi

San Nicolas. Varios gang di hoben a keda ristra, tanto den area di Pacifico y patras di e school cu tin banda di Abraham de Veerschool.

A ristra tur e gangnan. E gruponan aki tabata circula hopi riba e ruta di Pastoor Hendrikstraat, pero Polisnan tabata tin nan controla.

Auto dal palo di luz pabao di turbo rotonde

Diasabra marduga riba L.G. Smith Blvd net yegando e turbo rotonde un Hyundai I-30 blanco, biniendo di abao a subi e acera cu tin mey mey di caminda y a ranca un borchi di trafico pa sigui

bay dal duro den un palo di luz. Ambulance a presenta na e sitio pa controla e chauffeur pero su situacion tabata stabiel y polis a presenta pa tuma datos.

RESULTADO DIASABRA 6 FEBRUARI DI ANOCHI

RESULTADO DIADOMINGO 7 FEBRUARI DI MERDIA

# 5793

0965 3740 8068

#1411

8496 8965 8921 # 4837

5476

# 1411

2220 # 3596

5452 LEO

# 1411

0792 TAURO

LOTTO DI DIA 04-15-23-24-28 LOTTO 5 / 10-22-23-32-33 J:15 E

DIASABDRA 6 FEB DIARIO 9949 0159 0289

DIASABDRA 6 FEB CORSOU 1084 2218 5220

SUPER 4 1450

Diamars 9 Februari 2016

Pagina 11

Parlamentario di MEP, sr. Guillfred Besaril:

En vez di aloca fondo pa yuda e departamentonan di Husticia, ta aloca fondo pa campaña di mercadeo" Durante tratamento di presupuesto 2016 di pais Aruba, fraccion di MEP a vota contra e amienda presenta pa fraccion di AVP caminda ta pidi pa aloca un suma di 650 mil florin adicional den presupuesto di Husticia bao di e post “Goederen en Diensten” pa "deskundig advies”. Cu “deskundig advies” ta referi na ayudo of conseho di compania(nan) priva

na ministerio di husticia den e ehecucion di campaña di mercadeo. Pues no ta trata aki di un suma aloca directamente den Husticia, ni mucho menos pa cumpra material necesario pa e departamentonan concerni di Husticia. Mas bien e gobierno actual a opta, manera nan ta bin ta haciendo desde inicio, pa aloca un fondo pa propaganda.

Partido MEP no tin problema cu campañanan pa yuda concientiza nos comunidad. Pero pa un campaña surti efecto, e mester sosode na un forma structural y alargo plazo. E amienda presenta pa AVP ta superficial y no ta garantiza ningun di e elementonan menciona. Nos fraccion ta lamenta cu un biaha mas e gobierno actual no ta

tuma seguridad di Aruba na pecho y ta purba pasa Pueblo un fast-ball, creando e percepcion cu e suma aki lo wordo aloca pa combati criminalidad di un forma directo. E suma di 650 mil florin aki lo no bay pa cumpra bulletproof vests, ni tampoco pa cumpra uniform, ni mucho menos pa garantiza pa polis cumpli cu nan entrenamento basico manera entre otro "Schieten", pa asina percura pa polis ta mihor prepara riba caya. Fraccion di AVP ta purba di tira santo den wowo di Pueblo haciendo como si fuera e placa aki lo bay directamente den e aparato di husticia. Hasta fraccion di AVP ta tribi di tilda MEP di no tin seguridad di Pueblo na pecho. Pero e tristo realidad ta cu un biaha mas AVP ta hunga un wega politico pa nan por tin acceso na placa di Pueblo pa sigui enrikece

esnan yega na gobierno. Ta tristo y berdadero crimen contra Pueblo cu ni 1 florin di e placa aki lo wordo destina pa cumpra material pa brandweer, KIA of CEA. Todo lo contrario! E suma aki lo desaparece den man di un of mas compania priva di mercadeo pa nan “deskundig advies!" Fraccion di AVP y e gobierno actual, cu nan maquinaria di propaganda por purba tira santo den wowo di Pueblo, pero e realidad doloroso ta cu e 650 mil florin aki, ta destina na sigui traha riba e estetica di e gobierno actual. Bao di ningun circunstancia fraccion di MEP por acepta cu placa di Pueblo cu por y mester a wordo usa den departamentonan di Husticia, ta wordo destina den companianan di mercadeo y no den trece alivio pa loke ta e inseguridad cu ta reina den Pueblo!"

Diamars 9 Februari 2016

Pagina 12

Polis ta lamenta cu edad hoben di detenidonan den Carnaval

Menos detencion durante parada grandi di Oranjestad Si compara cu e cantidad di e ultimo 3 añanan den ehecucion di su funcion. Cuerpo Policial Aruba tin palabranan di aprecio y elogio pa tur e Polisnan cu a traha masha duro durante henter e temporada, pero specialmente den e ultimo 2 fin di simannan aki, cu

Carnaval ta un evento cu ta percura pa trece hopi hende riba pia, sea ta den parada, banda di caminda, esunnan cu tin cu traha y asina por sigui menciona. E ta trece un trabou grandi di organizacion y coordinacion cune, pa por trece tur hende riba e ruta y percura cu tur hende ta yega nan cas bek bon, aunke nan ta cansa di solo, di baila y tin biaha hasta di alcohol. E parada grandi di carnaval di Aruba e aña aki a conta cu 10 grupo. Na tur Polisnan a detene 25 hende prome, durante of despues di parada grandi di Oranjestad. E multanan a varia for di 50 florin te cu 500 florin, di cual hunto a alcanza un total di Afl. 7.700,=. Den comparacion

cu otro añanan, na aña 2015 a detene 31 sospechoso y e cantidad di multa a yega Afl. 12.500,= mientras cu na aña 2014 a detene 80 sospechoso y na aña 2013 a detene 59 sospechoso. Pues den comparacion, si tene cuenta e cantidad di participantenan den e parada y cantidad di mirones banda di caminda, e detencionnan ta bahando.

A.J.R naci na Colombia di 30 aña, R.V.W naci na Aruba di 35 aña, J.D.RdM naci na Aruba di 17 aña, W.O.M naci na Republica Dominicana di 24 aña, J.L.Q naci na Colombia di 20 aña, A.dJ.dC.F naci na Colombia di 24 aña, B.R.J.T naci na Republica Dominicana di 19 aña, E.G naci na Aruba di 20 aña, J.A.K.M.H naci na Aruba di 17 aña, G.E.E naci na Aruba di 18 aña, G.C.R naci na Republica Dominicana di 31 aña, K.R.S.P naci na Venezuela di 22 aña, R.J.P.I.M naci na Aruba di 20 aña, A.H.R.F naci na Aruba di 30 aña, I.J.P naci na Aruba di 30 aña, R.R.K naci na Aruba di 16 aña, M.U.A naci na Merca di 16 aña y W.J.D naci na Aruba di 32 aña di edad.

E sospechosonan deteni diadomingo ultimo ta J.N.W naci na Aruba di 16 aña, H.R.G naci na Merca di 18 aña, A.L.F naci na Aruba di 24 aña, W.A.vdB naci na Aruba di 22 aña, N.L.R.dlC.R naci na Aruba di 12 aña, M.R.H naci na Aruba di 44 aña, B.B.F naci na Aruba di 28 aña,

E echonan castigabel pa cual a detene e 25 sospechosonan aki ta varia for di posesion di droga (Marihuana y Cocaina), no sigui ordo di Polis, buracheria publico, posesion di arma, pelea, tiramento cu piedra, nenga di paga musica despues cu parada a pasa y insulta Polis

tabata asina intensivo. Polisnan a traha oranan largo, tras di otro, cu masha poco descanso, pa por garantisa nos comunidad un carnaval sigur, cu hopi goso, creatividad na monton y alegria pa parti.

Diamars 9 Februari 2016

Pagina 13

Jan de Ruijter:

FUNDACION NOS TA ARUBA OVERPEINZINGEN D-DAY IS COMING DE REGERING MIKE EMAN II GAAT VALLEN moeten het boek van Stephen Covey over pro-actitviteit eens goed lezen net zoals professionele managers van multinationals en ketenbedrijven dat van hun bazen moesten doen als verplichte leeslectuur! De politieke oppositiepartijen op Aruba wachten af totdat er draagvlak en eenheid is, totdat de burgers in opstand komen, zich niet realiserend dat JUIST ZIJ dat draagvlak en eenheid moeten creëren. De politieke oppositie moet NU het initiatief nemen om mensen, burgers, vakbonden, burgerbewegingen, verenigingen uit te nodigen mee te doen........maar niet alleen met de boodschap om de slechte groene regering omver te werpen. Dat is NIET genoeg! De politieke oppositiepartijen moeten een alternatief bieden met hun programma. Dus ten tweede: DE PRIJS DIE GOEDE MENSEN BETALEN VOOR ONVERSCHILLIGHEID OVER BELANGRIJKE ZAKEN IS DAT ZE GEREGEERD WORDEN DOOR SLECHTE MENSEN (PLATO)

A change of mindset, een totale mentaliteitsverandering Zoals ik u al uitlegde in deze speciale serie artikelen over de snel komende val van het kabinet Mike Eman II, moeten alle mensen, burgers, burgerbewegingen, vakbonden, politieke oppositiepartijen, en verenigingen die zich als oppositie opstellen en deze regering het liefst morgen nog zien verdwijnen, door een snelle mentaliteitsverandering gaan. Snel want er is niet veel tijd meer. Enerzijds is er een onmiddellijke noodzaak voor samenwerking en bundeling van krachten met de volgende vijf grondregels: 1) in nationale samenwerking een einde maken aan deze schandalig slechte regering, 2) geen eisen vooraf stellen, geen eigenbelang nastreven doch alleen het nationale algemene belang, 3) samenwerken om deugdelijk, integer, transparant, rechtvaardig en professioneel bestuur op Aruba te vestigen, 4) ego’s thuislaten, niet altijd de belangrijkste uithangen en 5) lange tenen intrekken en niet achteruit kijken maar vooruit! Nou, dat is een hele mentaliteitsverandering voor Aruba, een change of mindset. Ik

ben benieuwd of dat mogelijk is in Aruba.

*Door onze onverschilligheid worden we geregeerd door slechte mensen Dat werd in 450 vChr. gezegd door Plato, filosoof, schrijver, leerling van Socrates en leraar van Aristoteles. De reden dat wij in Aruba nog steeds geregeerd worden door een zieke patiënt, is simpelweg dat teveel mensen op Aruba er onverschillig voor zijn. Van de tijd na 1 januari 1986 herinner ik me nog met afschuw hoe zakenmensen toen al zeiden: “of je nu door geel of groen gepakt wordt, het maakt allemaal niets uit, pakken doen ze je toch”. Afschuwelijk dom, zo’n uitspraak van een zakenman die zich zo graag op de vlakte hield omdat het “allemaal toch niets uitmaakt”. Daarom is Aruba nu failliet en in een economische, financiële, bestuurlijke, sociale en morele crisis.

*Wat moet oppositie 1.

politieke doen?

Pro-actief

zijn!

Op de allereerste plaats, leiding geven, proactief zijn d.w.z. verantwoordelijkheid voor de huidige situatie nemen, verantwoordelijkheid nemen voor de toekomst van Aruba en voor de toekomst van de burgers en onze samenleving in zijn totaliteit. Politici

*2. Voor deugdelijk, integer, transparant, rechtvaardig en professioneel bestuur gaan! Vooral vakbonden en burgerbewegingen gaan geen regeringen omver gooien als ze niet de zekerheid hebben dat wat ervoor in de plaats komt een verbetering betekent. Het moet een verbetering naar goed, eerlijk, fatsoenlijk, sociaal, en rechtvaardig bestuur zijn en als dat duidelijk en overeengekomen is, zal eenieder bijdragen aan het proces om deze regering naar huis te sturen. Eenheid kan niet zomaar eventjes snel opgeëist worden. Je kunt vakbonden, verenigingen en burgerbewegingen niet zomaar even snel morgen oproepen tot eenheid om de regering naar huis te sturen, om de regering Mike Eman II te laten vallen. Eenheid kan op Aruba gecreëerd worden door een alternatief, door een programma van Goed Bestuur waar eenieder zijn steun aan kan geven. En daar is een programma voor nodig. Daarover meer in mijn volgende aflevering in Solo di Pueblo. Wordt

vervolgd.

Vast columnist voor Solo di Pueblo, Jan de Ruijter, schrijft elke week een column in deze krant waarin hij het wanbeleid van deze tijd overpeinst en vergelijkt met de glorietijd van Aruba in het verleden.Voor commentaar: janderuijter@yahoo.com

Diamars 9 Februari 2016

Pagina 14

Na Ponton:

Accidente pa falta di preferencia

Diasabra atardi riba caminda na Ponton altura di Wema a sosode un accidente cu dos auto envolvi pa falta di preferencia. Di biaha a despacha unidadnan policial y dos unidad di ambulance cu urgencia pa e sitio debi cu tabata tin herido. Polisnan a logra cera e caminda pa autonan no stroba

paramediconan traha cu e dos victimanan sinta dilanti den un Ford. A constata cu e Ford a sali for di e caminda pariba cu consecuencia e van biniendo for di zuid direccion panort a dal contra di nan. Tabata tin mucha chikito envolvi pero nan tabata spanta di e sucedido.

Diamars 9 Februari 2016

Pagina 15

Entrada total a aumenta cu solamente 3.9 miyon florin na 2015!

Mike Eman ta carece di capacidad pa saca Aruba for di e crisis financiero cu e mes a hinca nos pais aden

Cu nos pais tin un Promer Ministro manipulado y mentiroso, esey tur hende ta na altura caba di dje. Cu e Prome Ministro aki ta briya cu su incapacidad pa goberna nos pais den forma responsabel ta bisto ora cu lesa su ultimo comunicado, caminda e ta trece padilanti cu supuestamente su gobierno a logra baha e deficit for di 9% te na 3.7% na 2015 y te na 2% na

2016. 1.7 biyon di deficit acumula Sinembargo Mike Eman ta sigui biba den ‘denial’, ya cu e no kier admiti su culpabilidad pa loke ta e sumanan astronomico di deficitnan cu el a crea durante 2010 pa 2014, esta -188.6 miyon na 2010, -325.2 miyon na 2011, -443.3 miyon na 2012, -332.8 miyon na 2013 y -443.9 miyon na 2014. Pues den total 1.7 BIYON florin acumula

di deficit e gobierno di Mike Eman a hinca nos pais aden y esaki den apenas 5 aña. Esaki tin como consecuencia cu e suma biyonario aki mester a wordo fia y consecuentemente esaki a percura pa un redoblacion di nos debe nacional. Dicon Mike Eman nunca no kier papia riba e parti aki, esta di e Mega debe cu el a crea den apenas 5 aña? Dicon Mike Eman nunca kier papia di e periodo te cu aña 2034, caminda pueblo den tur e añanan aki lo mester bay paga e Mega debe yegando na e nivel di debe cu MEP a laga atras na 2009, esta 40%? Y pa no lubida pago di tur e debenan extra di e proyectonan PPP! Entradanan total na 2015n Tabata un hilaridad ora

mester a lesa locual Mike Eman a skirbi tocante di e entradanan cu gobierno a ricibi na 2015: “Cifranan cu Gabinete Mike Eman a calcula pa loke ta entrada di pais Aruba den 2015 a wordo surpasa”. Cu esaki Mike Eman kier crea e impresion cu ta hopi miyon florin extra su gobierno lo a haya na entrada na 2015, siendo cu den e relato ultimo di Banco Central ta mustra cu ta 1121.8 miyon florin na entrada a ser ricibi na 2015. Compara cu 2014 (1117.9 miyon), esaki ta un aumento miserabel di 3.9 miyon florin, esta 0.3%. Y si compara e entrada total di 2015 cu 2013, esaki ta un reduccion di 21.1 miyon florin. Pues ta bisto cu tur e locuranan di conferencianan green, firmamento di un gran cantidad di MOU’s, tur e viahenan di Mike Eman pa propaganda su sosteniblidad, e campaña pa converti Aruba como un hub pa Sur America, ningun di e locuranan aki no a conduci cu nos pais por a logra haya entradanan significante pa sostene nos finanzas publico.Deficit ta sigui aumentaOtro apecto financiero cu Mike Eman ta papia di dje, pero cu e no tin ningun conocemento

den esaki ta e deficit financiero cu su persona ta premira pa aña 2015. Ta increibel con nos Prome Minister hunto cu lider di fraccion di AVP, Baba Herde tur dia ta vocifera con durante e ultimo añanan structuralmente nan a bin ta bahando e deficit financiero tur aña. Sinembargo segun e ultimo relato di Banco Central, tur cos ta indica cu den e prome 9 lunanan di 2015 gobierno di Mike Eman no a logra baha e deficit financiero di nos pais. Den e tabel adhunto por mira cu den e prome 3 kwartaalnan di 2014 e deficit (Cash) tabata den total 199.3 miyon florin y den e prome 3 kwartaalnan di 2015, esaki a aumenta te na 235.3 miyon florin. Pues un aumento di 36 miyon florin na deficit y cu ta muestra palpable cu no por papia di reduccion di deficit structuralmente. Finalmente, Mike Eman por sigui papia bunita riba e situacion financiero di pais Aruba, pero historia lo bay condena su persona como esun cu a percura pa hinca nos pais den e abismo financiero y di un debe astronomico cu nos futuro generacionnan lo mester bay paga.

Diamars 9 Februari 2016

Pagina 16

En vez di un co’i hunga....

Awor McDonald’s ta regala buki ora cumpra Happy Meal McDonald’s Aruba ta invita tur famia pa celebra e alegria di lesamento, cu lanzamento di nan promocion nobo di Happy Meal. Desde dia 4 di Februari, McDonald’s ta ofrece un buki cu cada Happy Meal, pa asina promove mas lesamento entre e muchanan di Aruba. “Nos ta hopi contento pa invita famianan pa pasa tempo hunto y asina celebra e alegria di lesamento pa medio di bukinan divertido. Un buki di Happy Meal original”, asina Sulina Vrolijk, Operation Supervisor di Arcos Dorados Aruba a bisa.

“Esaki ta e paso cu nos a tuma recientemente den un esfuerzo pa enrikece bida di famianan na Aruba y cu ta forma parti di un plan mas grandi cu lo combina e alegria di Happy Meal cu Edseline Figaroa pa inspira mas lesamento den famia”, di acuerdo cu e representante di McDonald’s Aruba. Arcos Dorados ta uni cu e esfuerzo di McDonald’s pa contribui cu desaroyo di e generacion nobo, pa medio di e promocion pa promove lesamento,

McDonald’s Aruba ta partiendo mas di 6,000 buki e aña aki, mientras McDonald’s den Latino America a entrega mas di 5 miyon buki cu e programa di Happy Meal. Arcos Dorados awor tin alianza cu Gobierno y NGO’s, den un esfuerzo pa formaliza e marca den tur mercado unda ta opera aden. Localmente, Arcos Dorados y McDonald’s a uni forza cu Edseline Figaroa pa e lanzamento di e programa di Happy Meal Books na Aruba. Tambe Cuerpo Policial Aruba, por medio di Liliana Rasmijn a braza e proyecto. Ya cu e importancia di un comunidad sin criminalidad ta cuminsa door di e wowonan di nos muchanan, na momento cu nan lesa storianan di conscientizacion. Durante e temporada di Happy Meal Books, famianan lo por disfruta di cuater buki original, presentando tur e personahenan di McDonald’s Happy Meal. Cada buki ta di edicion limita y ta trece nutricion, imaginacion y gozo na bida den un forma original. Pa

dos

siman

McDonald’s lo sigui enfoca riba ‘THE JOY OF READING’. McDonald’s a uni cu Harper Collins pa regala clientenan 4 buki basa riba e titulonan popular manera “Clark the Shark takes Heart”, “Happy Valentine’s Day”, “Mouse!”, “Paddington” y “Pete the cat Valentine’s Day is Cool”, tur ta hopi reconoci entre mucha muher y mucha homber di tur edad di Happy Meal y cu tambe tin algo special den tur nivel di lesamento. E bukinan nobo ta sigui varios otro mehoracion cu McDonald’s a trece na e Happy Meal durante e delaster añanan. Esaki ta inclui cu na aña 2013, McDonald’s a inclui conteo di caloria den su menunan. Na aña 2011 a cuminsa cu “Commitments to Offer Improved Nutrition Choices,” pa sigura cu 100% di e comunicacion di McDonald’s ta inclui mensahenan di nutricion y estilo di bida. Tambe na aña 2011, a inclui slice di appel y e ‘kids-sized fry’. Pa mas informacion por bishita http:// w w w. m c d o n a l d s d w i . com of ‘Like’ nan pagina di Facebook McDonald’s Aruba.

Dia 8 Februari 2016 a cumpli 7 aña

Jeandward Ras Pabien di su mama Madonna Hassell Tata Edwardo Ras, Su rumannan Nayxion Ras Giangelis Hassell, tantanan na St. Maarten Isabelle y Stacey Fleming, Sharisma Flanegin y omo Gilbert Flanegin, primo na St. Maarten, welo y welanan, Grandi, Wela y Wela Wela. Nos ta spera cu bo a pasa un dushi dia!

Pagina 17

Diamars 9 Februari 2016

Hoben a horta auto y bay kibra esaki na rotonde Pos Chikito Diadomingo marduga patruya di San Nicolas a presenta na rotonde Pos Chikito caminda un auto a accidenta riba e rotonde. E auto no tabata por a

core mas debi na e sla dilanti, e chauffeur hoben a admiti na autoridad cu el a horta e auto y di biaha a detene na e sitio.

E-mail: solodipueblo@gmail.com

Pagina 18

Diamars 9 Februari 2016

Ambulance a atende Cruz Cora tambe activo durante cu varios durante parada grandi na Playa parada grandi

Parada grandi di Playa diadomingo personal di ambulance tabata riba pia na e ruta di e ultimo parada di carnaval 62. Tanto bike team di ambulance tabata presente. Nan a atende varios caso menos cu 10 caso a keda atendi, e.o casonan di maltrato, buracheria y un caso cu altura di ex

havana hende a guli awa den lama. Por tuma nota cu e bike team a yega lihe na tur e asistencianan pa brinda e prome ayudo medico te ora cu personal di ambulance yega pa sigui cu e resto, algun caso mester a transporta victima pa hospital pa atencion medico avansa.

Por a tuma nota di e personalnan di Cruz Cora Aruba tabata riba pia durante e parada grandi

na Playa diadomingo. Cruz Cora tabatin nan postnan di semper riba e ruta di Playa, varios

personal tabatin pa drenta accion pa cualkier asistencia cu drenta durante e parada.

Turista Mericano tabata cana tur na sanger riba beach

Dialuna marduga security a raporta na autoridad cu tin un homber turista mericano burachi y canando tur na sanger riba e beach dilanti Holiday Inn. Di biaha patruya di Noord

a presenta y e persona a guia e polis unda e homber a cana bay. E oficialnan a cana te cu Moomba pero no por a topa cu e homber na sanger, pa wak ta kico a pase.

Diamars 9 Februari 2016

Reportahe grafico: Mas di e parada na Kadushi Largo

Pagina 19

Pagina 20

Diamars 9 Februari 2016

Comision Speranza pa nos atleta trahando riba un proyecto

Ban uni y yuda Edmar “Echi”Boekhoudt Comision Speranza pa nos atleta a reuni siman pasa pa traha riba un draai boek di un proximo torneo di softball. Comision speranza pa nos atleta tin como meta pa organiza un torneo di softball dianan 18 pa 21 di Februari proximo unda e fondo cu lo wordo recauda akinan 100% ta bay pa un atleta den nesecidad.

famia grandi di softball pa asina por recauda un fondo pa logra manda Echi Colombia.

Atleta Edmar Echi Boekhoudt ta un deportista hoben di apenas 22 aña porcierto hungador di seleccion nacional masculino di Aruba Softball Bond kende na October aña pasa a sufri un accidente di auto hopi grave. Den e proceso di recuperacion Echi su wowonan a keda skill. Sintiendo e necesidad di bay Colombia pa busca mas opinion y posibel solucion familiaresnan a dicidi di forma un comision entre tur amigonan y e

Tur wega lo bay ta amistoso den tur Liga esta hoben, 40, 50 y Damas.

Durante reunion a establece nomber pa e torneo cual lo ta “ Ban uni y jyda Echi”. Aruba Softball Bond a wordo acerca y lo ta auspicial e Torneo aki aportando cu nan conosemento.

Tambe a keda palabra cu tur hende por juda y lo juda boluntario pues umpires, scorers, DJ etc tur ta boluntario. Di e manera aki lo tene e gastonan casi nulo pa por genera un mihor ajudo pa Echi. “Comision Speranza pa nos atleta” ta haci yamada na henter e famia di softball pero tambe na tur otro deporte pa duna nan contribucion pasando

na tereno den dianan ariba menciona cumprando un cuminda of softdrink. Pa diadomingo 21 di Februari lo tin alavez un cuminda. Aros con pollo, chicken sate, salada y banana pa solamente Afl.13.50 pa plato. Ticketnan den pre benta ta obtenibel serka tur hungadornan di Pre Seleccion masculino, hungadornan di Kibaima y tambe hungadornan di Royal Power y dimes cerca tur miembronan di Comision. Comision speranza pa nos atleta ta invita henter pueblo di Aruba pa duna Bo aporte bishitando nos torneo desde 18 tur dia te cu 21 di Februari proximo. Ban hunto brinda un oportunidad pa Echi den futuro por ta riba tereno di bala atrobe hasi lokual tanto e ta gusta. Saka un man pa un ruman!!!!!

Por solicita te cu diabierna awor

YMCA Aruba ta buscando un director nobo Den cuadro di su trabounan diario na bienestar di comunidad, YMCA Aruba ta buscando un director nobo. Ta pidi tur esunnan interesa pa aplica prome cu diabierna awor dia 12 di Februari 2016 via email office@arubaymca. com. Siendo e "General Secretary" lo bo ta e persona familiar cu obhetivonan di e organisacion a traves di Bo mesun experencia. Bo lo mester mantene e idealnan aki y sea un ehempel den e organisacion. E trabao di director di YMCA Aruba ta ensera supervision di empleadonan y boluntarionan, evalua efectividad di e programanan, desaroya programanan nobo y di ta e cara di e organizacion pa publico. Mester participa den misionnan mas grandi

na nivel internacional, representando e comunidad di Aruba, specialmente e hobennan. Ta representa YMCA Aruba den media, cu donantenan, cu otro organizacionnan internacional y otro partnernan local. Mester desaroya programanan pa desaroya liderazgo hubenil y tambe aumenta e efectividad general di e organizacion. Otro responsabilidadnan ta inclui di ta un defensor y ta envolvi den asuntonan di comunidad cu tin di haber cu e mision di YMCA, yudando esnan den mas necesidad y promove cambio social, colabora cu e organizacionnan necesario pa por logra esaki. E director ta responsabel pa prepara y supervisa

e presupuesto anual di e organisacion, asisti e directiva diario den recaudacion di fondo y evalua programanan anualmente, mescos ta mantencion di estadística- y publicacionnan. Bo mester fungi como un educador den comunidad, tirando discurso na eventonan y facilitando proyectonan social, estrecha lazonan cu otro organizacionnan similar na YMCA y duna presentacion na schooly organizacionnan cu ta regarda hubentud. Pa por aplica, e persona mester dispone di un estudio na nivel di HBO of WO. Ta pidi pa tin por lo menos 5 aña di experiencia sorto di trabao asina. Young Men's Christian Association (YMCA) ta funda dia 6 di Juni 1844 dor di George Williams

na London, Inglatera. Su oficina principal ta na Geneve, na Suisa. Mas di 57 miyon hende ta benefia di e asociacion den 125 pais rond mundo. E lema principal di e organisacion internacional ta empodera hendenan hoben. Bob Steele a funda YMCA Aruba 57 aña pasa door di e necesidad pa bin cu un lugar pa hobennan pa evita cu nan lo ta riba caya. Sin fondo disponibel, cu e lema “Without a cent, but with hope and prayer”, un grupo di persona a cuminsa cu e organizacion cual a haya apoyo di entre otro Lago Oil and Transport Co y Rotary Club pa asina na Maart 1958 YMCA por a logra inaugura

su prome edificio na Aruba. YMCA tin como meta pa crea personanan util y abil den nos comunidad pa medio di brinda guia y motivacion, pa asina nan ta un influencia positivo ariba nan contemporaneonan. YMCA ta ofrece diferente actividad manera campamento pa mucha, campamento pa hoben, recreacion deportivo manera p.e. volleyball y basketball y otro deporte, como tambe eventonan social. YMCA a cuminsa cu e prome “tra’i merdia”, yama Y’s Care (YMCA Care) cu a cuminsa na Aruba 24 aña pasa cu un programa di asistencia cu huiswerk y recreo.

Pagina 21

Diamars 9 Februari 2016

Hoben a horta auto y bay kibra esaki na rotonde Pos Chikito

Diadomingo marduga patruya di San Nicolas a presenta na rotonde Pos Chikito caminda un auto a accidenta riba e rotonde. E auto no tabata por a

core mas debi na e sla dilanti, e chauffeur hoben a admiti na autoridad cu el a horta e auto y di biaha a detene na e sitio.

Yos Septic Tank Service

Chica pos y habri tuberia Pa un bon servicio y mas informacion tuma contacto cu Nena Dirksz na 7482689 of Jose Dirksz na 5666144 Paradijs #09 - Oranjestad, Aruba.

Prome cu bo cera telefon, nos ta para dilanti bo cas! Mas rapido cu YOS no ta existi!

TA BENDE Un Galaxy s4 unlocked 425.00 (sd card 32 GB) Pa mas info 5946472

Ta busca pa cumpra Suzuki Carry call: 5694343

TA BENDE BUICK REGAL 1996 Yama 593-7118

Pagina 21

Diamars 9 Februari 2016

Reportahe grafico: Parada Grandi San Nicolas

Yos Septic Tank Service

Chica pos y habri tuberia Pa un bon servicio y mas informacion tuma contacto cu Nena Dirksz na 7482689 of Jose Dirksz na 5666144 Paradijs #09 - Oranjestad, Aruba.

Prome cu bo cera telefon, nos ta para dilanti bo cas! Mas rapido cu YOS no ta existi!

TA BENDE Un Galaxy s4 unlocked 425.00 (sd card 32 GB) Pa mas info 5946472

Ta busca pa cumpra Suzuki Carry call: 5694343

TA BENDE BUICK REGAL 1996 Yama 593-7118

Pagina 22

Diamars 9 Februari 2016

Reportahe grafico: Carnaval na Curaรงao

Diamars 9 Februari 2016

Pagina 23

Reportahe grafico: Parada Grandi San Nicolas

Pagina 24

Diamars 9 Februari 2016

Partido ABO:

Chichi ta observa y comenta... parce cu conoce un 'embeyecemento' cu no ta klop. Sra. Marisol Lopez-Tromp ta mustra riba e hecho cu gobierno no a corta den propio gastonan, loke ta bay contra di acuerdonan haci cu entre otro CAFT. El a indica claramente di ta mira espacio pa 'ahusta' gobierno su gastonan. Lo ta cu gobierno ta conta riba entrada di GAS y PETROLEO pa resolve e problemanan di e pais aki? Esaki sigur no ta SOSTENIBEL!

Votacion riba Presupuesto 2016 tin tur hende ta papia keto bay, a pesar cu normalmente Carnaval ta ocupa tur mente. A sinti un temblor den Staten net despues di mey anochi ora cu parlamentario Sra. Mervin Wyatt-Ras a vota contra y pa caba di corona obra presidente di Parlamento, Sra. Marisol Lopez-Tromp tambe a vota contra e presupuesto. Nada nobo. Aña pasa tambe Sra. Lopez-Tromp a vota contra Presupuesto 2015. Sr. Herdé a keda tur irita pero el a siña respeta

opinion di otro, aunke e no gusta. Pa un cabey Sr. Herdé y su coleganan no a BAY CAS BEK, pero Chichi ta kere cu loke ta irita mas ta cu e actitud aki di e dos parlamentarionan menciona ta HABRI MENTE di pueblo... Supuestamente no a conta entrada di apertura di e refineria den Presupuesto 2016, pero esaki ta hustamente loke parlamentario Sra. Mervin Wyatt-Ras ta contradeci. Segun por compronde di su persona, e presupuesto

Otro cos tabata e comportacion di algun parlamentario y minister den e siman di reunion. E 'bullying' (termento na Papiamento) a sigui atrobe te cu Chichi a haya debor. Gabinete Mike Eman tin 7 aña na mando y ainda ta punta dede riba e gobernacion anterior di Gabinete Nelson Oduber. Ki dia ta stop di manipula pueblo cu 'pasado' pa tapa problema manera e Presupuesto 2016. Esaki ta e aña di 'precampaña”' pero Chichi sa caba cu e no lo opta pa vota pa niun di e dos partidonan mas grandi di Aruba. Lubida! Eleccion

otro aña lo trece sorpresa pa hopi hende. Pueblo, ban vota consciente otro aña: ora nan bin cerca bo cu promesa di campaña bunita, corda puntra KEN y CON ta paga! Wel, wel! Aruba ta asina sumergi den e vibracion negativo cu awor 'malo' tin cu mustra 'bon' basa riba argumento fofo cu den pasado no a tuma paso contra malhechornan y awor anto tampoco, awo mester ignora esunnan cu a comete cosnan robes den presente. Chichi ta papia di e 6 duaneronan cu a keda suspendi. No ta interesa cu den pasado cierto hendenan a haci mescos of pio y no a wordo castiga, esey no ta hustifica bo accion. Ta ki dia ley a cambia pa boso? Pero Chichi ta kere cu tur minister y parlamentario cu a y ta kibrando ley, mester wordo investiga y castiga tambe. Ta ‘juist’ nan cu tin cu duna un bon ehempel, ta laga hopi di desea. Riba dje nan ta scapa pasobra nan ta ‘niet zomaar iemand’. Ta hopi cos tin cu cambia riba e luga aki. Sin duda, Prome Minister

Mike Eman ta un bon orador. Den Parlamento el a duna su disertacion, cu potret pa ilustra su 'hazañanan' di shete aña di gobernacion. Ora Chichi a bay drumi, ainda tabata tin algun frase y palabra cu a keda colga den mente. Pero mainta ora Chichi a bay supermercado Chines pa cumpra pan y algun otro cos, Chichi a 'bin bij' mesora para na caha pa paga productonan cu, apenas un par di dia atras, tabata costa menos. E realidad di tur dia no por wordo ignora pa pueblo, ni cu si nan kier. E GOLPI ta unda mas e ta haci dolor: den bo CARTERA! Ningun disertacion bunita ta cambia esaki. Te awe pueblo ta wardando riba un CANASTA BASICO cu por lo menos 60 pa 70 producto basico y saludabel cu prijs stipula pa gobierno. E argumento cu Aruba tin 'mercado liber' ta un fli cu no ta subi; e unico cos cu e 'libertad' aki a haci tabata di habri caminda pa 'libertinahe' unda ta HORTA pueblo SIN PIEDAD NI CONTROL.

Homber su luz a paga y bay drumi banda di auto

Diadomingo anochi personanan cu tabata pasa caminda di Bubali banda di e veld a tuma nota di un auto kibra staciona banda di caminda, pero banda di e auto tabatin un homber

drumi. Nan no tabata sa si auto por a dal e homber y lage benta abou, a raporta esaki di biaha na Polis. Na yegada di patruya di trafico y ambulance a topa

cu un homber benta abou. A constata cu e homber tabata basta bebi y a perde strea di Noord y drumi banda di su auto.

Diamars 9 Februari 2016

Pagina 25

Reportahe grafico: Parada Grandi San Nicolas

Servicio Rapido

Marioâ€™s Septic Service 560-3500 / 565-4477

Pagina 26

Diamars 9 Februari 2016

BOTICA NA WARDA 6 Februari - 13 Februari

Botica Santa Cruz Botica di Servicio Sero Preto Rooster di dokter na Warda IMSAN pa luna di Februari 2016

PROFESIONAL DEN DRECHA AUTO (Bo motor di auto ta keinta ??) Ta asegura servicio profesional y rapido! Bo auto no ta coriendo? Ki bo ta warda pa yama awor! Y nos ta pone core pa bo awe mes!. Call :5694343 Bo auto su motor ta keinta? Discuento special riba servicio di cambia head gasget.

Call 569-4343 awor!

Permanent Make Up? Dilailah Beauty Clinic Tel: 856-7272

MA 01 DE CUBA DI 02 EVERY WO 03 GIEL DO 04 LINDEN V/D VR 05 LUCHMUN

MA 22 LINDEN V/D DI 23 LUCHMUN WO 24 RAMAUTAR DO 25 TROMP VR 26 VIS

MA 08 BODERIE (CarnavalMaandag) DI 09 RAMAUTAR WO 10 TROMP DO 11 VIS VR 12 WEVER

MA 29 WEVER DI -WO -DO -VR -

MA 15 BODERIE DI 16 BRITT-CROES WO 17 de CUBA DO 18 EVERY VR 19 GIEL WEEKENDDIENST 06 FEBRUARI (GRAND PARADE SN) BRITT-CROES 07 FEBRUARI (GRAND PARADE PLAYA) LINDEN V/D 13 – 14 FEBRUARI TROMP 20 – 21 FEBRUARI VIS 27 – 28 FEBRUARI WEVER

Numbernan di Emergencia: Central di Brandweer

911

Polis

100

Sanicolas

104

Sta Cruz

105

Oranjestad

102

Shaba

107

Tip Line

11141

Hospitaal

527-4000

Centro Medico San Nicolas524-8833 Ambulance

Wayaca

582-1234

Sanicolas

584-5050

Pagina 27

Diamars 9 Februari 2016

Aruba Softball Bond den pleno preparacion

Pre Seleccion Masculino trahando hopi duro pa por defende nos bandera Pre Selecion masculino di Aruba Softball Bond a drenta trainingscamp desde 4 di Januari preparando asina pa campeonato di CONSURSA cual lo tuma lugar na Panama 7 pa 15 di Mei proximo. Despues cu Licenciado Octavio Cajigal a defende su plan di entrenamento dilanti comision technico di COA y a ricibi aprobacion total pa esaki e coachingstaff di Aruba Softball Bond cu ta consisti di Poy Flanegin, Henk Arnold, Richard Flanegin, Estefano Croes hunto cu Bonds Coach Octavio ta aplicando e plan aki a pie de la letra. Vision di ASB ta pa logra clasifica na October 2017 na Republica Dominicana pa logra un spot den Juegos Centro Americano y Del Caribe cual lo inicia 20 di Juli 2018 na Baranquilla Colombia. Den e etapa aki tambe ta traha masha duro riba e parti fisico pues separa cu e hungadornan ta practica duro riba tereno minimo 2 ves pa siman extra nan ta den gym. No obstante cu ta un temporada dificil e compromiso di hungadornan ta hopi grandi unda por ehempel

hasta 25 di Januari dia di Betico seleccion a train. Paisnan cu a confirma caba ta entreotro Panama, Colombia, Argentina, Venezuela, Ecuador y Aruba. ASB ta trahando incansabel cu henter e grupo pa por facilita tur cos cu atletanan di halto rendimento tin mester pa por prepara nan mes debidamente. Aruba por ta orguyoso di un grupo di atleta cu un sentimento pa nan patria asina halto dedicando cu determinacion pa por defende nos bandera cu dignidad. Softball den pleno desaroyo.

Tip line 5926895 solo di pueblo @ gmail.com

Pagina 28

Diamars 9 Februari 2016

Minister Paul Croes:

MEP no tin confianza den hobennan Arubano

MEP su politica ta keda uno di mentira

Minister di Hubentud, Paul Croes a bisa di ta convenci cu partido MEP no tin interes y cu MEP no ta kere den nos hobennan. “Nan no tin confiansa den nos hobennan y no ta kere den nan potencial", Minister di Hubentud Paul Croes a mustra den un entrevista. "Durante henter e reunion publico, ningun momento mi por a sinti un idea of algo for di oposicion cu a mustra cu nan ta kere den nos hubentud. Mi a mustra nan riba Poder di Hubentud, Feria Social, Sociale Vorming, Leerwerktraject y varios otro iniciativanan unda famianan tambe ta envolvi y mi no a mira ningun palabra di elogio pa nos hobennan cu a participa den e programanan aki. Solamente a keda bisa cu hubentud ta den mal caminda y cu hobennan ta horta", Minister Paul Croes a mustra den tratamento

di presupuesto 2016. Gabinete Mike Eman I y II cu e maneho Integral di Hubentud a mustra cu tur esfuerso di Gobierno ta dirigi riba nos hobennan for di diferente Ministerio. No por mira Fraccion di MEP nunca presente na ningun di e actividadnan aki pa hubentud. "Solamente ta critica y desgaba nos hobennan, sin trata na aporta na ideanan positivo pa nos hobennan,” Minister Croes a indica. E maneho Integral di Hubentud, carga pa profesionalnan den gobierno, ta e base pa mañan nos tin miho coperacion entre Minister, departamento y instancianan social. Tambe constantemente Parlamentarionan di MEP a referi riba cu hobennan lo ta incapaz pa, riba nan propio forma, logra yega na un empleo of un futuro positivo. Continuamente a tilda Minister Croes y otro Ministernan cu lo no ta

crea oportunidad y trabou pa e hobennan aki. "Mi ta kere cu ta un tarea pa Gobierno pa trata na yuda hobennan yega na un empleo, pero tur hende tin cu carga un responsabilidad propio pa educa nan mes, bringa pa bay padilanti, tin un postura responsabel y positivo pa asina riba bo propio esfuersonan logra cosnan grandi", Minister Paul Croes di Asuntonan Social y Hubentud a mustra. E hecho di tira tur responsabilidad riba Gobierno of un Minister ta mustra cu bo no ta kere den e iniciativa propio di nos hobennan. "Ami si tin pleno confiansa den e potencial di nos hubentud. Mester apoya nan den esaki, pero nan cada un tin un responsabilidad tambe", Minister Croes a finalisa bisando.

Durante tratamento di presupuesto 2016 tabatin varios ponencia di oposicion cu Minister Paul Croes mester desmenti. Cu a corta den varios fundacion ta un mentira flagrante. "Ningun fundacion cu meta social a wordo corta manera oposicion ta purba di trece dilanti. Mi ta reta oposicion pa bisa ta cua fundacion a wordo corta y stop di djis lanza mentira den laira y kere cu pueblo ta bobo", Minister Paul Croes a bisa durante su presentacion. Minister Paul Croes ta kere cu e politica di partido MEP ta basa riba mentira y insinuacionnan eroneo. Varios parlamentario di MEP durante tratamento di presupuesto a tilda Gobierno di a corta den subsidionan na fundacionnan; esaki den e Presupuesto Nacional pa 2016 no ta berdad.

"Mi ta haya hopi lamentable cu nos tin un oposicion cu tin cu recuri na mentira y seriamente ta kibra nan responsabilidad Parlamentario di informa y controla Gobierno debidamente. Esaki, na mi parecer, hasta ta un fayo constitutional. Bo no simplemente mag gaña nos comunidad y trece mentira manera cu bo ta haya ta bon. Mescos cu gobierno tin un responsabilidad pa contesta debidamente, manera cu nos constitucion ta prescirbi, esnan cu ta representa nos pueblo den Parlamento tin un responsabilidad pa no djis trece mentiranan dilanti y no kere cu no tin consecuencia,” Minister Paul Croes a mustra durante e reunionnan publico pa tratamento di presupuesto.

Pagina 29

Diamars 9 Februari 2016

BACKHOE & BOBCAT SERVICES Lanta sushi, rosa tereno, Coba pos pa fundeshi, santo y piedra Pa mas info yama 593-5050 of 592-1116

TA BENDE BBQ Grill Crioyo y Duradero made in Aruba, a Afls. 250,Inf. 593-8182

TA BENDE TOYOTA YARIS 2010 Toyota Yaris 2010 automatic y cu airco friu . Den super bon condicion paden y pafor . Color cora Price : Awg 14999 (negociabel ) Yama awor : 569-4343

PUEBLO A H HAĂ‘A SU PEN BEK

Pa kualkier informacion solodipueblo@gmail.com of

â˜Ž 585-9500

Tremendo ambiente na Glitz Casino

Diabierna anochi tabatin un tremendo ambiente na Glitz Casino caminda cu tur hende cu ta wanta tin e chens di gana e

auto e ganodora a keda den nomber di Jackelin Boekhoudt di Monpos #3b.

Gerente di Glitz Casino ta felicita e ganador di e auto Kia Picante.

Pagina 30

Resultado di Carnaval 62 ROAD PIECE LUHOSO San Nicolas y O’stad Grupo: North Fantasy Carnival Group Roadpiece: The Joy of Masquerade / Jairo Grant ROAD PIECE CAMPEON O’stad Grupo: North Fantasy Carnival Group Roadpiece: The Joy of Fantasy / Jose Tromp MINI ROAD CAMPEON San Nicolas & O’stad Grupo: OPC Mini Road: Feel the Heat / Esnyda Perez BODY PIECE LUHUSO San Nicolas y O’stad Prome lugar: Grupo: TOB Body Piece: Viva Cuba Libre / Carlos Tromp 2nd lugar: Grupo: TOB Body Piece: Viva Cuba Libre / Kimberly Chin BODY PIECE CAMPEON Prome lugar: San Nicolas & O’stad Grupo: Pleasers & Teasers Body Piece: Nico / Angelo de Freitas 2nd lugar: San Nicolas : Grupo: Pleasers & Teasers Body Piece: Rio at night / Roderick Kock 2nd lugar: O’stad Grupo: OPC Body Piece: Steelpans / Frank Boekhoudt SHOULDER PIECE CAMPEON Prome lugar: San Nicolas & O’stad Grupo: Pleasers & Teasers Shoulder Piece: Blue / Kendrick Martijn 2nd lugar: San Nicolas & O’stad Grupo: OPC Shoulder Piece: Feel the Heat / Shaira Kock SECCION CAMPEON Prome lugar: San Nicolas & O’stad Grupo : Dushi Carnival Group Seccion: Reign of Dreams 2nd lugar: San Nicolas Grupo: TOB Seccion: Viva Havana 2nd lugar: O’stad Grupo: Pleasers & Teasers Seccion: Tropical Tucan CAROSA / FLOTA LUHOSO San Nicolas & O’stad Grupo: TOB Carosa: Queen TOB MASSA CAMPEON San Nicolas & O’stad Grupo: Dushi Carnival Group Premio COMERCIAL Carnaval 2016 Seccion Cerbes Presidente / Dushi Carnival Group Premio CREATIVO Carnaval 2016 Blenchi , Colibri / OPC Premio AMBIENTE Carnaval 2016 Massa Empire Carnival Group Premio COMICO Carnaval 2016 Chelo Loco Loco Premio INCENTIVO Carnaval 2016 Jackpot / North Fantasy Carnival Group Premio CULTURAL Carnaval 2016 OPC / Aruban Pride & Culture Queen of Band Kimberly Chin / TOB King of Band Carlos Tromp / TOB Grupo di Aña Carnaval 2016 TOB

Diamars 9 Februari 2016

Reportahe grafico: Parada Grandi San Nicolas

Pagina 31

Diamars 9 Februari 2016

Oracion di Dia Dios ta mustra nos awe den Su Palabra cu no ta e cosnan externo ta importante sino nos bibencia interno di su amor. No ta basta aparentá un religiosidad di boca pafór so, pero net contrario nos mester tin nos curazon uni na Cristo. E Evangelio ta mustra nos bon cla cu Hesus no ta contra di leynan pero loke E ta rechazá ta cu nos ta pone nan promé cu amor. Hesus ta stima nos cu un curazon habrí pa pordon, pa diálogo y pa misericordia. Un curason cu ta agradá Cristo ta esun cu ta duna te ora cu e haya duele.. Nos ta puntra e ora: Unda nos por contemplá un curazon asina? E contesta nos ta haya den e amor dramá na e cruz. Un curason uni na Hesus no por ta di acuerdo cu e leynan cu e gobernantenan kier impone na nos, nengando asina e mandamentonan di Dios. Cu e Palabra por hiba nos na pone Hesus centraal den nos curason y cu tur cos cu ta di Dios ta na promé lugar riba esnan di hende.

Amen

TRAPPERS CLUB

- Fiesta, reunion, ricibimento, bruid, fiesta grandi o chikito. - Workshop, reunion, reunion deportivo, encuentronan di iglesia. - Area openlucht ta acomoda 1000 persona - 2 Sala cu 3 airco cu ta acomoda te cu 400 persona - Area openlucht cu stage, pa festival, iglesia, fiesta familiar - Situa pariba di Botica Central, pabao di veld di Rockets @ Sta Cruz 748-8280

Parada Grandi San Nicolas

Pagina 32

Diamars 9 Februari 2016

PRONOSTICO DI TEMPO VALIDO DIAMARS 09 DI FEBRUARI 2016

COMPILA: DIALUNA 08 DI FEBRUARI 2016 17:00 (21:00 UTC) TEMPO: DIAMARS: LEVEMENTE TE PARCIALMENTE NUBLA Y NO TA SPERA YOBIDA DI IMPORTANCIA; VISIBILIDAD LO TA REDUCI PA STOF DI SAHARA. TEMPERATURA MAXIMO 31 GRADO CELSIUS Y TEMPERATURA MINIMO 25 GRADO CELSIUS. SOLO LO BAHA AWE NOCHI 06:44 PM Y LO SALI MAYAN MAINTA 07:04 AM.

Minister Paul Croes:

Mi ta felicita tur hoben cu a aporta na Carnaval 62 y “Nos ta keda comprometi pa traha na fabor di esnan cu mester di un guia y sosten pa haya e bon caminda”

BIENTO: FOR DI DIRECCION OOST Y MODERA TE BASTA FUERTE; FORSA 4 TE 5 ( 20 TE 39 KM/ORA, 11 TE 21 NUDO) DE BES EN CUANDO FUERTE TE DURO DEN RAFAGA; FORSA 6 TE 7 ( 40 TE 61 KM/ORA, 22 TE 33 NUDO ) SITUACION GENERAL DI TEMPO: EXTENCION DI UN AREA DI PRESHON HALTU RIBA ATLANTICO TA MANTENIENDO WEER GENERALMENTE SECO. PA E MOTIBO AKI NO TA SPERA YOBIDA SIGNIFICANTE DEN PROXIMO 24 ORA. MAS ALEU, STOF FINI FOR DI SAHARA LO LIMITA VISIBILIDAT DEN PROXIMO 24 PA 48 ORA. CONDICION DI LAMA: OLANAN DI LAMA LO TA FOR DI DIRECCION OOST CU HALTURA DI 5 TE 8 PIA TEMPERATURA DI SUPERFICIE DI LAMA 26 GRADO CELSIUS. OPERADORNAN DI BOTO CHIKITO MESTER TENE CUENTA CU LAMA POR TA LOCALMENTE BRUTU REGISTRACION DI TEMPERATURA (CELSIUS) Y AWACERO (MM) DEN ULTIMO 24 ORA : AIRPORT HADICURARI

MAX 31 / MIN 26 / 0.0 MAX 28 / MIN 25 / 0.0

E PROXIMO BULLETIN LO WORDO PUBLICA DIAMARS 09 DI FEBRUARI 2016 17:00 (21:00 UTC)

Pa habri siman y cu temporada y fin di siman grandi Carnaval tras di lomba, Minister di Asuntonan Social, Hubentud y Labor, Paul Croes ta comparti su reflexion y tambe compromiso, pa cada bes e nomber y imagen di e hobennan na Aruba ta mas positivo y prometedor. E mandatario ta consciente cu tin caminda pa cana cu hobennan cu ainda ta motibo di preocupacion, pero na mesun momento kier duna elogio y realce na esnan cu sa di disfruta di bida di un manera, cargando e tradicion di Carnaval den nos cultura. E noticianan di incidente y detencion caminda hobennan menor di edad ta envolvi, mester, sin duda algun di nos atencion; pero na luga di

genera solamente critica como reaccion, tambe mester pone nos cera cabes y uni esfuerso pa bin cu solucion. Esaki ta e pensamento di e Minister y a motibo pakico e ta kere y traha fuertemente riba iniciativanan cu ta dirigi e hobennan di Aruba den un direccion cu proposito y bienestar. “Aunke hobennan tin biaha den temporada di carnaval ta den un luz menos positivo pa sea problemanan husticial of social, ta hustamente cu esaki den mente nos Ministerio ta traha pa yuda cu e situacion, guia hobennan den un miho caminda. Ta pesey a crea diferente proyecto pa atende cu nos hobennan pa no yega na e punto aki,” asina Minister Croes a señala.

Como un Carnavalista fiel su mes, Minister Croes por a ripara cu su mes un wowo, cu den Carnaval 62 tabatin atrobe un cantidad di hoben cu tabata ehempel di ciudadania. Ta papia no solamente di e cantidad grandi di hoben cu a participa activamente den e diferente celebracionnan di Carnaval manera eleccion di Reina, competencianan di musica y tambe gruponan. Tambe mester menciona tur esnan cu ta tras di cortina y tambe merece un danki pa nan aporte balioso. Di biaha ta pensa riba Cruz Cora y su boluntarionan, fundacionnan pa esnan cu limitacion fisico of mental y tambe tur e scolnan cu tabata activo durante ultimo seis siman y tambe mas cu esey. “Hubentud ta un enfoke primordial di e Ministerio y como cu nos tin hobennan cu por haci un diferencia grandi den futuro, nos ta traha duro riba diferente aspecto y lo sigui haci asina cu hopi animo,” e Minister a finalisa bisando.

Club Trappers, pa tur ocasion! 748-8280 Club ta airco, comodo pa

cualkier evento