PAG. 1
DIAMARS 30 DECEMBER 2025
Afl.
1.25
DIAMARS 30 DECEMBER 2025
NOTICIA DI CRIMEN NA UN HOTEL TA FALSO Noticia a sali di chatgroup di taxista
TRUMP A CONFIRMA ATAKE DI MERCA CONTRA CARTELNAN RIBA TERA NA VENEZUELA Minister Geoffrey Wever
FIRMA Y ENTREGA OFICIAL DI EDIFICIO “JOHN G. EMAN” TA MARCA UN SIGUIENTE PASO CONCRETO DEN REVITALISACION DI ORANJESTAD
VOCERO DI GOBIERNO DRUMI NA SOÑO DEN CLUB NOCTURNO SEGUN VIDEO CIRCULANDO RIBA WHATSAPP
Pag. 2
DIamars 30 december 2025
Hobennan a aplica locual nan a siña na e Athletes’ Forum
A haci entrega di premio na ganadornan di e “Aruba Athletes Forum Instagram Challenge”
Durante e foro di atleta cu a ser organisa door di Aruba Athletes Commission (AAC) algun siman atras, a haci un challenge pa culmina cu e tayer di “Marketing & Personal Branding” unda cu e hobennan cu tabata presente por a traha un video pa asina participa
y gana premio cu a ser prepara door di Comite Olimpico Arubano (COA). Despues di a ricibi tur video cu a ser traha, a saca e feliz ganadornan di e premionan: -Byron Lesire - Bowling -Jaimar Chirinos - Taekwondo -Malaky van Dinter &
Lyvah Bikker- Gymnasia Xylan Anthony – Landamento COA y AAC ta gradici tur esnan cu a participa na e challenge aki y ta mira e importancia di conoce e materia di “Marketing & Personal Branding”. #TEAMARU
DIAmars 30 december 2025
NOTICIA DI CRIMEN NA UN HOTEL TA FALSO Noticia a sali di chatgroup di taxista
Relaciona cu un mensahe cu ta bayendo rond riba social media nos di Cuerpo Policial kier a informa lo siguiente. Diadomingo anochi a tuma nota cu tin un noticia cu ta circulando via whatsapp. E mensahe ta bisa cu na un highrise hotel supuestamente un turista lo a mata su casa y lo a scondie den cashi paña. Cuerpo Policial a tuma pasonan mesora relaciona cu esaki. Polis a bay na e hotel y na unda a ponenan na altura
di e noticia cu ta pasando via whatsapp y a cuminsa cu un investigacion. E personal na e hotel a bisa cu no tin nada di crimen of mucho menos di locual ta wordo bisa riba e mensahe di whatsapp. Ta di lamenta cu ta broadcast tipo di noticia negativo y cu no ta cuadra cu e berdad. Cuerpo Policial ta monitor tur informacion y ta tuma paso mesora pa por clarifica cu e noticia ta cuadra cu e berdad.
Pag. 3
Pag. 4
DIAmars 30 december 2025
Vocero di Gobierno drumi na soño den club nocturno segun video circulando riba whatsapp
Un ves mas, e vocero di Gobierno, man drechi di Eman ta den noticia. Un video circulando riba whatsapp ta mustra Espinosa morto na soño den un club nocturno. A purba tur manera pa check si ta un video traha, pero varios indicacion ta mustra cu e video ta real.
Tuma accion pa Preveni, Proteha y Stop Dengue Con nos por stop Dengue?
Algun tempo pasa el’a wordo gara burachi y awor na soño. Ta parce cu gobierno actual tin un problema serio cu su trahadornan. Te hasta parlamentaria ta amante di minister segun indicacionnan, y minister ta amanete di parlamentario. Pues ta situacionnan cu realmente por ocaciona mas problema interno.
Pag. 5
DIAmars 30 december 2025
Trump a confirma atake di Merca contra cartelnan riba tera na Venezuela Venezuela. E mandatario no a spesifica e lugar exactk, pero a indica cu e operacionnan a tuma lugar na un instalacion unda ta carga botonan cu droga. Durante un entrevista ku radio di New York, Trump a bisa ku e instalacion tabata wordo usa pa manda droga pa medio di boto. “Dos anochi pasa nos a destrui’e. Nos a duna nan un golpe fuerte,” el a bisa. Presidente di Donald Trump,
Merca, a bisa
cu forsanan mericano a destrui un “gran
instalacion” relaciona cu narcotrafico na
Si e informacion ta corectk,
esaki lo ta e prome atake riba tera di Merca den un campaña antidroga cu te awor a pasa solamwnte riba laman den Caribe. Segun Trump, e operacion a sosode “banda di costa”, pero el’a evita di duna mas detaye. F u n s h o n a r i o amerikanonan, segun The New York Times, a indica cu por tabata trata di un planta di produccion liga na trafico di droga.
Pag. 6
DIAmars 30 december 2025
Aruba Bank ta celebra cultura y tradicion como sponsor orguyoso di e 53 Festival di Dande Adulto
Oranjestad – 29 di december 2025 - Cu gran orguyo, nos a celebra e 53 edicion di Festival di Dande Adulto, un evento cultural cu ta honra y mantene bibo e tradicion di Dande, un pilar importante di nos herencia cultural. Durante e festival, Robert Maduro a gana como Rey di Dande y Maria-Elena
Croes como Reina di Dande, aportando briyo, pasion y autenticidad na e celebracion di e tradicion di Dande. Aruba Bank ta hopi orguyoso di a participa como sponsor di e 53 edicion di Festival di Dande Adulto, reafirmando su compromiso continuo cu preservacion di cultura
y sostenibilidad di nos herencianan cultural. Sosteniendo evento manera esaki ta parti di e vision di Aruba Bank pa cuida y celebra loke ta conecta nos como pueblo. Nos ta felicita tur participante, organisador y sostenedor cu a haci posibel e festival aki.
DIAmars 30 december 2025
Fin di aña ta dushi… pero cuida bo mes tambe! E fiestanan ta serca y tur caminda bo ta wak e imagen ta wordo pinta cu hopi gezelligheid manera bunita luz, dushi cuminda y momentonan perfecto.
Pero hopi hende ta experencia e otro banda tambe: mas presion, mas compromisonan, mas di cosnan cu “mester”. Prome cu bo por bisa tur hende “bon pasco” ya e temporada aki ta sinti mas mane un marathon y menos mane un temporada di sosiego y reflexion.
Pag. 7
Pag. 8
DIamars 30 december 2025
ACF hunto cu Partners Internacional ta Continua Investigacion Crucial riba Aruba su Cascabel Endemico Aruba su Cascabel ta na peliger di extincion, un especie cu no ta wordo encontra niun otro caminda na mundo
Aruba Conservation Foundation (ACF), como un organisacion independiente dedica na maneho di conservacion, ta contento di por a ricibi e team di Toledo Zoo unabes mas na Aruba. Pa hopi decada, ACF a traha hunto cu specialistanan di Eckerd College di Florida y Toledo Zoo di Ohio den un colaboracion cientifico pa monitorea e populacion di Cascabel (Crotalus unicolor) – un di e colebranan mas unico na mundo y e unico ‘rattlesnake’ cu ta existi exclusivamente na Aruba. Durante e bishita na october di e aña aki, e team dirigi pa Dr. Matt Cross, hunto cu Conservation Rangers di ACF, a haci sondeo den seis diferente area na Aruba conoci como habitat di e Cascabel. E team a logra identifica Cascabel nobo y tambe a encontra cascabel cu anteriormente a ricibi chip caba, loke ta duna un bista importante riba e movecion, comportacion y estado di e populacion. Den luna di December ACF ta yama
bon bini unabes mas na Dr. Jeff Goessling di Eckerd College kende tin decadas ta asisti Aruba cu su conocemento y experiencia pa loke ta cascabel pero tambe e famoso cododo y boa. Dr. Goessling lo agrega mas muestra na e set di data genetico pa asina por evalua e tamaño di e populacion efectivamente y tambe test con bareranan natural of traha pa hende ta impacta e distribuicion di Cascabel pa na Aruba. E Cascabel ta un especie endemico y tin un rol esencial den mantene e balans di nos sistema ecologico. Estudio a mustra cu nan presa principal ta inclui lagadishi, raton di cas, y coneu chikito ‘Arubian Cottontail’, pues e Cascabel ta yuda controla tambe populacion di entre otro bestianan manera raton y djaca y ta sostene un medio ambiente saludabel. ACF ta remarca cu e Cascabel ta proteha bou di e Ley Bescherming Inheemse Flora & Fauna, y abuso of matamentodi e Cascabel ta
contra di ley. Su existencia ta wordo menasa principalmente pa perdida di habitat, animal domestica manera cacho y pushi, y presion humano riba e tereno. Yamada na comunidad di Aruba Den cuadro di e estudio riba e poblacion di e Cascabel, investigadonan di ACF, Toledo Zoo y Eckerd College ta colaborando pa documenta observacionnan di e especie. ACF ta haci un yamada na comunidad pa contribui na esfuersonan di ciencia comunitario door di raporta si mira un Cascabel, sea den naturalesa of den areanan mas urbano. Por haci esaki via e siguiente link https://arcg.is/0OPqmX0 . E data colecta lo yuda pa determina e distribucion y frecuencia di e Cascabel endemico, y lo sirbi como base pa diseña medidanan di conservacion mas efectivo. E colaboracion entre ACF, Toledo Zoo y Eckerd College ta demostra e importancia di cooperacion internacional y compromiso local
pa asegura cu e unico ‘rattlesnake’ di Aruba por keda proteha pa mas decadas. Si acaso encontra un Cascabel of cualkier especie protegi por manda un mensahe via Whatsapp na e Wildlife Hotline di ACF na 592-4476. Anochi Informativo Pa esnan cu kier siña mas, ACF lo ta organisando Naturalesa ta Papia riba Aruba su Cascabel hunto cu Dr. Jeff Goessling kende lo ta na Aruba pa elabora riba riba e proyecto di Monitoreo di e Cascabel. E dianan ta lo siguiente: 10 december: Centro di Bario Dakota, 6:30pm – 8:30pm 12 december: Centro di Bario Playa Pabou,6:45pm – 8:45pm
Pa mas informacion por tuma contacto cu Aruba Conservation Foundation na info@acf.aw of por bishita paginanan social Facebook of Instagram.
Pag. 9
DIAmars 30 december 2025
Minister Geoffrey Wever
Firma y entrega oficial di edificio “John G. Eman” ta marca un siguiente paso concreto den revitalisacion di Oranjestad
Statistiek (CBS) y e Sociaal Economische Raad (SER).
Oranjestad, 29 december 2025 – Den cuadro di e vision consistente di Gobierno pa revitalisa centro di Oranjestad, dialuna den oranan di mainta den presencia di Prome Minister Mike Eman, Minister Geoffrey Wever, descendientenan y famia di defunto John G. Eman, representantenan di Aruba Bank N.V., representantenan di Stichting Monumentenfonds, a tuma lugar e ceremonia oficial di firmamento y entrega di e edificio historico “John G. Eman” na Stichting Monumentenfonds Aruba. E acto ceremonial aki ta marca un paso importante pa e revitalisacion di Oranjestad.
E traspaso oficial aki ta sigui despues cu, na december 2024, Minister Wever a firma un intentieovereenkomst cu Aruba Bank N.V., Stichting Monumentenfonds Aruba y Nationaal Restauratiefonds. Un proceso largo, compleho y cu varios desafio a sigui, pero cu e esfuerso a logra yega na e acto di traspaso. Durante e ceremonia, Aruba Bank N.V. ta firma e acuerdo pa traspasa oficialmente e edificio na Stichting Monumentenfonds Aruba, permitiendo cu e fase di restauracion y renobacion por cuminsa formalmente. E paso aki ta esencial pa prepara e edificio pa ubica e Centraal Bureau voor de
Pa logra e proyecto aki, Stichting Monumentenfonds Aruba a logra un financiamento cu condicionnan favorabel via Nationaal Restauratiefonds, y Gobierno AVP-FUTURO a percura pa un subsidio di Afl. 412.000, pa haci e transaccion aki posibel. E subsidio aki a wordo aproba den Parlamento door di e parlamentarionan cu ta sostene Gabinete AVPFUTURO y formalisa via Landsbesluit firma door di Minister-Presidente Mike Eman y Minister di Finansa Geoffrey Wever. E edificio emblematico “John G. Eman”, situa na Caya G.F. Betico Croes, lo wordo restaura cu respet pa su balor historico y arkitectonico, y lo wordo transforma den un edificio multifuncional. E plan
ta encera e ubicacion di e departamentonan Centraal Bureau voor de Statistiek y Sociaal Economische Raad, un apartamento riba e promer piso y un espacio comercial pa horeca cu terasa, contribuyendo asina na mas actividad, atractivo y dinamica urbano den Caya G.F. “Betico” Croes. E restauracion y herbestemming di e edificio “John G. Eman” ta forma parti integral di e strategia mas amplio di Gobierno AVP-FUTURO pa trece bida bek den centro di Oranjestad. Minister Geoffrey Wever ta impulsa un enfoke strategico caminda cu departamentonan di gobierno ta wordo ubica den edificionan historico, generando presencia diario di hende den centro di Oranjestad. Minister
Geoffrey
Wever ta gradici Aruba Bank N.V., Stichting Monumentenfonds Aruba, specialmemte Sra. Anne Witsenburg, Nationaal Restauratiefonds y Gabinete AVP-FUTURO pa nan colaboracion estrecho y compromiso comparti, y ta remarca cu e entrega oficial di awe ta un ehempel concreto di con cooperacion publico-priva por produci resultado concreto pa comunidad di Aruba. Tambe ta felicita e desendientenan di John G. Eman cu e momento bunita aki. John G. Eman y e Aruba Bank cu e a funda tabata instrumental pa e desaroyo di Aruba su economía, financiando hopi empresa local y ciudadano pa por a yega na nan propio cas. Un visionario cu impact real, cu awe ta bira parti di Aruba su patrimonio nacional.
Pagina Pag. 10 20
Diasabra30 18 November 2024 DIamars december 2025
Situación internacional final di 2025 y inicio di 2026 260101 2025 Tabata un aña cu mashar hopi noticianan cualnan tabata bale la pena pa sigui. E guera na Ucraina a sigui su curso, maske e dianan aki atrobe tin negociacionnan. Trump a yama Putin y después a reuni cu Zelinsky. Tin diferencianan cualnan ta haci un acuerdo di Paz duradero difícil. Si elimina e diferencianan aki, por cuminsa papia di un paz duradero. E paisnan di UE (Union Europeo) y Inglatera kier un Cese al Fuego=wapenstilstaand pero nan no kier papia di un paz duradero cu ta elimina e obstaculonan cualnan a crea e guera, e posición di Rusia. Na Gaza parce tin un Cese al fuego , pero mortonan ta sigui cay. Israel no ta respeta nada, pasobra nan sa cu nan tin e apoyo di Merca y di paisnan di UE y Inglatera. E problemanan di Iran cu Merca y Israel ta sigui menasa. Na Taiwan, aki tambe Merca ta sigui cu su política controversial. Nan ta reconoce Taiwan como parti di China, pero toch nan ta sigui apoya e gobierno di Taiwan cu ayudo militar. Trump den su Gobernacion for di januari, sigur a trece hopi noticianan, cualnan mayoría ta controversialnan pa motibo cu nan no ta respeta leynan internacional, pero unda Trump solamente ta wak e interés di USA. Por ehempel: Haci Canada y Greenlandia estadonan di USA, pa Merca bira doño di e riqueza den suelo di e paisnan aki. Haci Panama un protectorado di Merca y Merca ta bira doño di e Canal. Tur esakinan y hopi mas tabata noticia e aña aki, pero loke a resalta pa nos na Aruba ta e sucesonan na Venezuela. Merca a crea un guera psicológico, cu su Cartel de los Soles, Regime Change y blokeo. Relaciona cu Venezuela Gobierno/ Trump a trece hopi noticianan/ informacionnan dudoso, cualnan a haci di Trump y su Gobierno ta sigui di ta un creador di hopi controversianan y cada biaha
un mas grandi cu e esun prome. Pero ta bisto si cu tur, sea grandi o chikito, tur a resulta di ta malinformacionnan, otronan ta mentira. Tur ta acciónnan di Merca, cualnan ta bisto te awe, cu nan tur a fracasa. Conclusión di hopi hende y di specialistanan arriba terreno di política Internacional ta: Cu for di e conflicto aki, Maduro/ Venezuela ta saliendo como ganador y Trump/USA como e gran perdedor. Trump a inicia un guera psicológico, bisando cu na Venezuela ainda ta existi e cartel di droga, Cartel de los Soles, cual tabata existi den e epoca di Pablo Escobar, como 30 pa 40 aña pasa. Na cabes Nicolas Maduro y Trump a pone un Prijs ariba su cabes, bibu o morto, di 50 miyon dollar. Un abuso. Un flota di bapornan di guera a ser manda pa patruya pafor di awanan territorial di Venezuela for di augustus 2025, pa prefeni cu droga ta sali for di Venezuela pa Merca. Anto DEA cu ta e agencia di Merca pa combati
droga ta confirma cu e cantidad di droga cu ta sali pa Merca for di Venezuela ta minimal, casi cero. Igualmente ta e Raportahe di UNO arriba e trafico di droga den nos hemisferio. Toch gobierno Trump ta sigui cu su storianan pa hende wak spiritu enbes di droga. Pa purba di duna balor na nan storianan, Merca a ataca hala di lanchanan, mayoría ta di piscadornan di Trinidad and Tobago, di Venezuela y di Colombia. E cantidad di victimanan mortal a surpasa 100 hende inocente. Merca no a demonstra ningún prueba di droga for di e lanchanan. Hasta nan a mata piscadornan cu tabata pidi yudansa. Un crimen, un abuso grandi Merca a comete contra hendenan inocente!! E rol di MCM (Maria Corina Machado) cu su premio nobel y su bravuranan. Na mesun momento cu e guera psycologico tabata surgiendo, e comisión pa saca e premionan Nobel tur aña a dicidi di nombra
MCM como ganador di e premio Nobel di Paz. Esaki después cu MCM a bisa den declaraciónnan: 1. Si e bira presidente di Venezuela, e lo privatisa tur riqueza di Venezuela y Merca por cumpra tur cos na prijs di baca flaco, netamente loke Trump semper a desea. 2. Tambe MCM a declara cu e ta apoya USA pa comete actonan di guera, pidiendo invasión militar Norte-Americano, contra su país y contra e pensamento di paz. Un desicion hopi straño, cual a hinca e comité cu ta selecta e personanan pa e premionan nobel den problema grandi ya cu hendenn na mundo cu un pensamento serio y correcto a cuestiona e decisión aki di e comité, severamente. Claramente e decisión di e comité a tene cuenta cu e política di Trump pa un regime Change. Aserca e campaña di su siguidornan a mustra su supuesto bravuranan con e a hui di Venezuela. Subiendo un lancha na costa di Venezuela, djey subi trapi di un helicopter cu a bahe na costa di Corsow, pa después e sigui su viahe pa Oslo. Prome Mininistro di Corsow Pisas, den un declaración diplomático, a bisa cu MCM ta “gaña”. Nunca e a yega Corsow. Blokeo naval di Venezuela dor di Merca. Ultimo simannan e presencia di Bapornan di guera Mericano dilanti costa Venezolano a ricibi otro orden. Según Trump/Merca nan no t’ey mas pa prefeni cu droga ta sali di Venezuela, pero awor nan ta blokea Venezuela pa e PETROLI VENEZOLANO no sali pa otro paisnan cu no ta Merca. Chevron so por exorta petroli pa Merca. Pues pa tur hende cu dos placa di sinti, ta bisto cu e asunto di Cartel de los Soles ta un
CONTINUA PAG. 11
Pag. 1118 November 2024 Diasabra
DIamars 30 december 2025 Pagina 21
Situación internacional final di 2025 y inicio di 2026 260101 CONTINUACION PAG. 10 invento, un mentira di gobierno Trump. Awor Trump a kita su mascarada y a trece e berdad di loke gobierno Trump kier: Cual ta e Petroli Venezolano. Merca a PIRATEA dos tankero cu Petroli, hibanan Texas y bende e petroli eynan. Guardia Costa Mericano a purba di piratea otro tankero Irani yama “Bella 1”, pero nan no a logra subi e barco, ya cu e tankero no a obedece e gritonan di comando di Guardia Costa Mericano y nan a cambia di ruta 180 grado y bay dirección di Oceano Atlantico. A sigui un persecución di un dia y e tankero a hui. Guardia Costa mericano a duna declaración den congreso Mericano, cu nan no tin capacidad, ni personal suficiente pa e sorto di trabaonan aki. Na mesun momento Venezuela y su paisnan aliado a cuminsa pone militarnan arma ariba e tankeronan pa preveni cu Guardia Costa di Merca ta sigui cu su accionna di pirata. Mientrastanto Trump a declara, igualmente na loke John Bolton, e ministro di Seguridad Nacional di Gobierno Trump na 2019 a declara, cu tur rikesa den suelo di Venezuela ta pertenece na Merca.
Trump a bisa acerca cu ta horta Venezuela a horta tur e rikesanan aki di Merca y Venezuela mester duna Merca bek tur e rikesanan aki. Trump cu e declaración aki a demonstra cu e ta “wrong and strong”, mandando un mensaje na mundo cu e no ta respeta leynan internacional, ni reglanan di hendenan di bon boluntad. Un declaración absurdo. Mientrastanto Venezuela a percura cu su defensa nacional ta fuerte. Merca mes a pusha Maduro pa busca su aliadonan den e campo político di paisnan cu no ta di acuerdo cu e política di Merca, manera Rusia, China y Iran. E armanan cu Presidente Maduro y su gobierno a ricibi ta armanan hopi sofestica y poderoso contra cualnan Merca no tin defensa. Acerca Venezuela mes tin un ehercito poderoso y un milicia grandisimo. Por bisa cu por lo pronto e accionnan di pirata di Merca a fracasa. Un política nobo den e hemisferio Latino-America. Ayoo Doctrina Monroe Den e politica/asunto aki, después cu e política di Merca a sigui un caminda di fracaso pa fracaso, loke ta sosode aki, tur hende mester por comprende claramente
kico ta pasando. E politica di e mundo Unilateral, unda Merca y Nato tabata determina tur cos na nivel Geopolitico a termina poco tempo pasa y nos ta ariba un caminda rumbo pa e mundo multipolar. E uzo di forsa militar pa somete pueblonan ya no tin contenido mas den e mundo multipolar awendia. E política ey a caba , nos ta biba den un otro mundo. Nos tur mester comprende esey, nos ta den un mundo nobo. Awe nos ta wak con un imperio ta reacciona den desesperación pa motibo di a perde un poder cu e tabatin den e hemisferio aki pa 200 aña. Esaki ta Geo-politica y Maduro cu su gobierno a tuma e desicionnan correcto pa logra cu e poder di USA cu tabata domina e hemisferio aki, ta birando menos y no por defende su posición cu determinación mas, den e hemisferio aki. Tambe si tuma na consideración otro fayonan di e gobierno Trump/USA: Su debenan nacional di 38 triyon dollar; su gastonan militar grandisimo pero sin ahustacion
pa tin armanan sofestica, manera super-sonico y hyper-sonico; su necesidad grandi pa petroli; e problema EPSTEIN. Esakinan a yuda den debilita e postura GeoPolítico di USA. E papel hiba dor di Maduro, su gobierno y su pueblo ta un política ehemplar cu ta mustra mundo cu no ta algo chikito, no ta cualquier kos a sosode aki, pero ta algo cu ta defini e orden mundial. Laga nos spera cu loke ta pasando akinan ta trece un política nobo den e hemisferio aki, unda e cooperación, relacionnan nobo basa ariba e respet entre nacionnan, unda soberanía y e autodeterminacion di e pueblonan ta ricibi su balornan di acuerdo cu e derechonan internacional. Ban spera cu e lucha hiba dor di Venezuela y su aliadonan ta yuda na crea un orden mundial nobo, unda pueblonan ta liber pa determina nan futuro, nan autodeterminacion.
Gregorio Wolff
Pag. 1218 November 2024 Diasabra
Pagina 17 DIamars 30 december 2025
PAG. 13 Diasabra 18 November 2024
Pagina 1830 DECEMBER 2025 DIAMARS
Guillermo rodriGuez a presenta e reGlamentonan di 2026 na taekwondo team aruba
Guillermo Rodriguez 4 biaha Referee Olimpico a presenta e reglamentonan nobo di Taekwondo "combate" na algun di e atletanan di Taekwondo Team Aruba cu ta preparando pa 2026. Durante Best of the Best Powerade Cup 2025 a aplica e reglamentonan nobo di 2026 caba y a splica esakinan na tur
e coachnan presente.
cu
tabata
Durante training na Brazil Taekwondo Stichting den e dianan di fiesta, Guillermo Rodriguez a bolbe splica e reglamentonan nobo den teoria y practica na e atletanan presente cu a haci pregunta. E atletanan tabata tin e oportunidad
di train esaki ariba e maat oficial di Taekwondo. Ta hopi importante pa e atletanan cu ta bringa sa e reglamentonan nobo pa ora nan subi maat na 2026 nan sa kiko nan mag di haci ora cu nan ta bringa y cuanto punto pa un scop pa cabes cu a subi. Un di e cosnan ta cu no
ta bay tin video replay, solamente si e referee pidi esaki. E reglamentonan di Taekwondo ta cambia pa mehora e combate y pa e publico mira mas accion cu menos paro durante e pelea. E atletanan a keda hopi contento di sa e reglamentonan nobo. Nos ta gradici Guillermo Rodriguez pa prepara e atletanan di Taekwondo Team Aruba.
Pag. 14
DIamars 30 december 2025 Pagina 19
Diasabra 18 November 2024
E BON NOTICIA PAKIKO E SECTANAN NO TA ACEPTA MARIA, NO TA HONREL’E, NO TA VENEREL’E Y NO TA STIMEL’E Den Bijbel Genesis 3: 14-16, Dios Tata ta bisa na e colebra satanas: “Lo Mi trece enemistad entre abo y e muher, entre bo descendiente y e descendiente di e muher. E muher cu su descendiente lo trapa riba bo cabes y lo bo lastra bao di su pia.” E muher aki ta Maria, cu a obedece Dios Su mision di salbacion y a acepta di ser mama di E Salbador.`` Maria Su descendiente ta Cristo-Hesus y tur e sigidornan den Cristo-Hesus Su Iglesia Universal. E descendiente di e colebra, ta esnan cu ta den sectanan y cu no ta acepta Maria y cu no ta acepta e Iglesia Universalo di Su Yiu Hesus. Maria a trapa riba e cabes di e colebra, pa medio si Su Yiu Hesus. Bijbel Revelacion 12: 17: “Awor e dragon a rabia contra e muher y el a bay haci guera na e demas yiunan di e muher.” Akinan e diabel tin rabia riba Maria y e diabel ta persigi e yiunan di Maria, den Iglesia di Su Yiu Hesus. Bijbel Lukas 1: 41-43, Maria a bishita Su prima Elisabeth y Elisabeth a keda jena cu Spirito Santo y a bisa: “Di unda mi ta merece, cu Mama di Mi Senjor ta bishita mi?” Akinan Elizabeth ta expresa cu Maria ta Mama di Dios, pasobra Hesus ta E di dos Persona di E Santisima Trinidad, Maria ta Mama di Yiu di Dios. Bijbel Huan 20: 28, akinan Apostel Tomas a bisa Hesus: “Mi Senjor y Mi Dios.” P’esey Maria ta
wordo jama, Mama di Dios. Bijbel Huan 19: 25 – 27, aki Hesus na Crus claba, a mira Su Mama y Su Apostel Huan y E’l a bisa: “Muher, ata bo yiu eynan y despues E’l a bisa Huan: Ata bo mama eynan.” Akinan Hesus ta ofrece apostel Huan Su Mama y apostel Huan ta representa e Iglesia Universal di Hesus y aki tambe Hesus kier pa Su Iglesia acepta Maria como nos Mama, pa nos honrel’E, pa nos venerel’E y pa nos stima Mama Maria manera cu Hesus ta stima Su Mama. E palabra muher cu Hesus a expresa, no ta un ofensa, pasobra ta Dios Tata mes a expresa esaki pa medio di Hesus, cu ta e muher den Genesis 3: 14-16, cu lo trapa riba e cabes di e colebra. Bijbel Revelacion 12: 1, ta bisa: “Un senjal grandi a aparece na Cielo: Un muher bisti cu solo, cu luna bao di su pianan y riba su cabes un corona di diesdos strea.” Maria tin e Corona di diesdos Strea bisti y esaki ta simbolisa e oficio Real den Reino di Cielo. Bijbel 1 Reinan 2: 1920, aki Rey Salomon a laga pone un stoel di trono na man drechi, pa su mama (Batsheba) sinta. E mama a pidi su yiu un fabor y Rey Salomon a contesta: “Mi mama, pidi mi loke bo kier, lo mi no nenga bo.” Den Bijbel Lukas 1: 30-33, e Angel Gabriel a bisa Maria: “Cu Senjor Dios lo duna Hesus e trono di Su antepasado
David y te den eternidad lo E ta Rey di descendientenan di Jacob y Su reino lo no tin fin.” Den Bijbel Huan 2: 1-10, Maria a intercede na Su Yiu Hesus, pa e pareha recien casa na Cana, cu binja a caba y Hesus a haci e prome milager, pa medio di Maria. Maria como Reina y Mama, ta sinta na man drechi di Su Yiu Hesus y Maria ta abogada y intercesora pa tur Su yiunan den Iglesia di Su Yiu Hesus. Conclusion: Corda bon, na ora di nos morto, nos tur tin cu presenta dilanti Tribunal di Hesus Rey di Universo, sinta riba Su Trono y tambe, ta ken lo bo mira sinta
riba Su Trono, na man drechi di Hesus, lo bo Maria Reina di Cielo y di Tera, bisti cu Solo, cu luna bao di Su pianan y riba Su Cabes un Corona di diesdos Strea. Corda bon, loke cu Hesus a bisa na apostel Huan na crus claba, Huan 19: 25-27 : “Huan, ata bo mama.” Scirbi pa Seferino Tromp Un mensahero di Dios. Please pa publika. Seferino Tromp Koyari 13-D cell. 5931157 5870048 ID. 57.11.22.40 Email: etajuni@yahoo.com
/
Pag. 15 22 Pagina
DIamars 2025 Diasabra30 18december November 2024
SOPI DI LETRANAN
Un feliz fin di aña y un aña 2026 yena di bendicion, gracia, amor y paz di Señor ”E palabra a bira hende y a bin biba memey di nos.” (Huan 1,14) E bon noticia di e temporada di Pasco y e reto. Dios a bin biba memey di nos den carni, naci na Betlehem como un baby, pa mustra nos e caminda bek na e Tata. El a bin encarna den Hesus, pero kiermen tambe pa bira encarna den nos. Si nos acepta Hesus y sigui den su caminda, E por transforma nos den un semehansa na djE, di manera cu nos tambe ta den un sentido, e presencia di Dios den mundo. Pero pa esaki sosode nos mester acept’E. E binida di Hesus na mundo, su bida, morto y resureccion ta e punto central di henter historia humano. E evento clave cu a cambia tur cos pa nos. Loke nos ta celebra na Pasco ta cu Dios a bisa nos si den e nacemento di Hesus. Si, na nos reconciliacion, eventual union completo cu nE, no na pica y morto. Pero e accion aki di parti di Dios no ta contesta cu bo si na djE, si nos no responde cu bo si na Hesus, si na su yamada y su enseñansa. No na mentira di e anticristo cu ta busca pa kita nos for di Hesus. Danki Señor pa bin salba nos.
Oracion: Maria, yuda mi bisa un si constante y cu curashi na bo Yiu. Amen.
SUDOKU
Pagina 23 DIamars 30 december 2025
Pag. 16 18 November 2024 Diasabra
FORTALEZA PA FAMIA
cu ta bini for di man di Dios, nan ta purba di logra via di man di diabel.
Scirbi pa Pastor Marcel Balootje
STOP DI NEGOCIA CU DIABEL
E diabel tambe ta duna cos, pero e ta cobra cu bo bida, si bo no arepenti na tempo y bandona caminda di maldad, Semper tabatin gruponan y asociacion, cu ta liga cu
Den Mateo 4:1-11, diabel a aserca Hesus den desierto y kier a negocia cune, bisando cu si bo ta Yiu di Dios, haci locual mi ta bisabo, y Hesus a reprende e diabel bisando; Bay for di akinan satanas, Pasobra ta para scirbi: Adora Senjor bo Dios, y sirbi E so. Y e ora ey diabel a bay laga E, y mira angelnan a bin y a sirbi’E. Cada biaha cu hende ta persisti den maldad, imoralidad, contra ordenansa y principio di Dios, buscando cierto poder material of spiritual cu no ta di Dios, nan ta bezig ta negociando cu diabel. Cada biaha cu un persona ta persisti di biba un bida inmoral, sabiendo masha bon cu esey ta bay contra boluntad di Dios e ta negociando cu diabel cual lo hibe dia pa dia mas den scuridad. Hopi biaha e bida di un hende cu ta necogia cu diabel ta mustra masha bunita, den rikesa , den materialismo, pero su bida ta leu for di Dios, dor di pactonan cu scuridad , cu den final lo caba na destruccion. Cuanto mandatario of presidente di paisnan rond mundo no ta negocia cu diabel, pa asina keda hopi anja na poder, pero nos tur ta ripara cu semper e tipo di gobiernonan ey ta hiba e pueblo den probresa extremo, pasobra caminda tin idolatria, y negocio
cu maldad pobresa ta aumenta . Ta para scirbi den 2 Timoteo capitulo 3, 4, Efesionan 6 ya bisa cu nos lucha no ta contra carni y sanger, cu den ultimo tempo maldad, bruheria, santeria, y satanismo tambe lo lanta cabes, pasobra hende lo ninga di sigi palabra di Dios, y acepta fabula, cosnan cu ta kishiki nan horea, cosnan cu nan sa bon, cu no ta agrada Dios , y cu ta hiba na locura. Asina cu palabra di coreccion di parti di Dios, ta pone un hende rabia, palabra di Dios ta pone un hende, bira negativo, berdad ta pone un hende , bira onsportief, y hasta e kier tuma vengansa contra esnan cu ta trece e palabra, mesora bo ta nota presencia di diabel. Un tempo nos tabata tende di e cosnan aki, awor nos
ta mira nan cu wowo cla, tur locual hende kier logra cu no riba un base sano,
maldad , of cu satanismo riba mundo, pero awor mas cu nunca, awor cu e
binida di Cristo ta serca nan manifestacion ta birando bisto cada dia mas, y tin homber y muher ta cay den nan trampa, keriendo cu ta sabi nan ta pero ta bao di dominio di maldad nan ta. Un ladron ta pensa cu nunca polis lo gara e, un bendedornan di droga ta pensa cu e lo bende droga y bira rico, y cu su rikesa y poder lo ta pa semper, pero nos tur sa cu hopi di nan cu a laga diabel ganjanan a paga cu nan bida,of ta pasando mayoria parti di nan bida den prison. Sea sobrio, sea alerta, boso adversario e diabel , ta cana rond manera un leon, manera un leon cu ta grunja, buscando ken e por devora.(1 Pedro 5;8). Tene cuenta cu ora nos ta biba cu falta di pordon, yena cu rabia, y buscando vengansa nos ta negociando cu diabel. Ta tempo pa laga los. Sinceramente, Pastor Marcel Balootje.
TA PIDI COMUNIDAD PA AVISA SI TIN ACOMODACION PA PASAHERONAN PEGA NA ARUBA En conexion cu un tormenta di sneeuw na New York, tin varios vuelo a cancela nan biahe. Banda di esaki tin algun avion cu a confronta problema tecnico. Ambos factor a causa reto den servicio aereo. Pa e motibo aki por tin necesidad urgente pa acomoda kisas 300 bishitante, pa cual no tin acomodacion disponibel, mirando cu Aruba ta memey di temparda halto. YAMADA URGENTE: Ta pidi tur ciudadano cu por tin un acomodacion “short term vacation rental”, e por ta condominium, apartament, un cas, pa tuma contacto cu ekipo di Aruba Tourism Authority (ATA) imediatamente: Ilka Laclé, na 733-4717 of i.lacle@aruba.com, of Patrick Melchiors, na 593-6662 of p.melchiors@aruba.com. Ora tuma contacto via WhatsApp of email please manda e siguiente informacion: Nomber, Fam, Adres y capacidad di e acomodacion. Ta conta riba e hospitalidad cu Aruba ta conosi p’e! Un danki di antemano di parti di ekipo nacional di maneho crisis. En caso cu yega montante di camber rekeri, den un caso asina lo no duna repuesta mas via app of email. Ban demostra nos turistanan e caluroso hospitalidad cu Aruba ta brinda.