HOTEL SECRETS LO HACI CERO COLORADO UN DESTINACION TURISTICO DI CLASE Y LO
TENE UN FERA DI TRABAO AKI 3 LUNA
Mike de Meza ta papia coy loco
NUNCA GOBIERNO A STOP REPSOL, TA REPSOL MES A BAY NA 2018
HOTELNAN DISGUSTA CU
MOTOCICLISTANAN DEN ORANAN DI MADRUGA TA HACI BOROTO DEN
NAN AREA DI PALM BEACH
CONOCIDO MUSICO Y ACORDEONISTA DI VALLANETO
WIBERT BEJARANO A BAY SOSEGA
Diasabra madruga polis a ricibi informenan di varios hotel cu nan huespednan ( nos turistanan drumi) cu ta ser molestia pa boroto cu motociclistanan ta haci ora nan ta drumi. Atrobe aki mester enfoca cu te ainda nos unico fuente di entrada ta nos turismo y cu nos mester cuida esaki cu hopi atencion.
Si bo ta interesa den un carera den cuido medico: oPen dag na HoH Pa cera conoci cu diferente tiPo di Profesion den cuido
Horacio Oduber Hospital (HOH) lo tene riba diasabra 9 di maart un open dag pa tur hoben cu no ta sigur cua estudio pa scohe of ki profesion lo gusta den cuido medico. Aña pasa bou guia di e profesionalnan di HOH a organisa pa prome bes un open dag cu a conta cu’n tremendo acohida di publico cu a keda super inspira. A dicidi pues pa ripiti e open dag un bes mas y e aña aki ta extende invitacion pa tur hoben local.
Meta di e open dag ta pe generacion nobo conoce HOH y e variedad di profesion cu tin y alabes fomenta interes bou di e hobennan pa sigui nan estudio den e ramo di cuido of un funcion cu ta aporta na cuido medico.
Pues diasabra 9 di maart entre 9’or di mainta te cu 1’or di merdia diferente
profesionalnan di HOH lo duna informacion y demostracion valioso na e hobennan tocante nan disciplina manera team di laboratorio, team di medisch techniek, tambe coleganan di IT, departamento di cushina y voeding, departamento di dialisis, endoscopia, team di hart/long functie y mas. Ademas tambe lo tin e oportunidad pa haci un ‘tour’ riba departamento di radiologia, sala di operacion of rehabilitacion.
Tene bon na cuenta si cu pa por join e ‘tour’ tin un cantidad limita y e lo ta a base ‘first come first serve’. Hopi biaha hende ta pensa cu pa bo traha na hospital bo mester ta un nurse, nurse specialisa, asistente den camber di operacion of un dokter of specialista, pero no lubida e team di empleadonan cu ta forma parti di e
departamentonan cu ta brinda sosten na e team di cuido y pues conocemento medico no ta necesario.
Invitacion ta bay di e team cu semper t’ey pa tur hoben, scolnan secundario y mayornan pa stimula hobennan interesa pa
asisti na e open dag na HOH y asina haya e un idea kico por bay sigui studia den e ramo di cuido medico.
Algun dia pasa Mike de Meza a sali cu yen grito di mentira, manera ta su custumber.
El'a sali ta insinuando cu Gobierno di MEP a core cu Repsol of a stop Repsol na 2018. Easy no ta basa riba berdad.
Ta Repsol mes a dicidi di stop, pasobra nan no a haya un partner cu tin interes pa sigui e investigacion.
Ta incomprendibel dicon Mike de Meza kier sali trece gritonan basa riba mentira. Pruebanan tey y corespondencia nan tey pa proba esaki.
Ta bon pa trece esaki dilanti, pasobra un bes mas De Meza di AVP kier trece informacion falso pa asina e purba di saca cualke ventaha politico of bende su mes como heroe.
Three Rivers Real Estate
Vba ('Three Rivers'), despues di e último sentensianan hudicial faborabel, a bolbe a demostra cu su proyecto
Secrets Baby Beach
Aruba Aruba (By Hyatt Inclusive Collection) ta un realidad y ta desaroyando legalmente, cumpliendo cu tur e rekisitonan di e ley di Aruba. Pues, su e construccion ta continua continuamente pa Secrets Baby Beach Aruba hotel ser inaugura pa fin di 2024.
Sigur no tabata un caminda facil, despues di mas di 30 proceso hudicial inicia contra dje, Gobierno di Aruba y lidera pa 2 bisiña, pa purba di anula e licencia di construccion di e proyecto, unda hasta e tribunal a rechasa algun di e accionnan di e bisiñanan aki. E situacion aki a condusi cu e hotel ainda no a habri, cu e situacion dramatico di perdida di trabou, daño
economico y strobando oportunidadnan di trabou pa e area. Three Rivers, manera no por ta otro a demonstra durante e añanan aki, semper el a respeta sentensianan hudisial, permisonan di construccion, y sugerensianan husto recibi di e bisiñanan di Colonie, for di man di e Asosiacion empresarial di San Nicolas. Apesar di e obstaculonan aki, cu nos a surpasa hunto cu Gobierno di Aruba, empresarionan local, nos accionistanan, empleadonan y interesadonan, cu e gran ayudo di nos contratistanan y colaboradornan, nos a sigui cu e construccion di e tan spera proyecto y necesario pa e Pais y e area di San Nicolas.
Pa tur loke a menciona anteriormente, nos a anuncia cu Secrets Baby Beach Hotel Aruba lo ta cla pa habri su portanan na December 2024, cu 304 kamber. Despues di
a logra e meta aki, nos lo sigui cu e construccion di e kambernan ku ta keda pa completa e proyekto di 900 kamber, cu lo hasi Sero Colorado un destinacion turistico di clase, y tambe contribui na mehora nan economia y crea empleo nobo
Nos ta conta cu e cooperacion completo di Gobierno, pa e desaroyonan publico pendiente den e area
necesario pa e apertura aki ta wordo ehecuta na su debido tempo; apoyo cu nos a transmiti atrobe na nos reunion siman pasa. E comunicion y colaboracion di Three Rivers, Gobierno y San Nicolas su asociacion Empresarial ta keda fundamental pa realisa e proyecto aki.
Nos ta contento di duna e noticia aki na e hendenan di Aruba y San Nicolas, cu a mustra nos hopi señal di
sosten durante e proseso aki. Nos ta kere ku nos no por gradici boso di un manera mihor cu esaki cu e anuncio di apertura na 2024, cu nos tur tabata warda.
Den mas o menos tres luna, nos lo cuminsa contrata futuro empleadonan di Secrets Baby Beach Aruba, pa cual nos lo organisa un feria di trabou, cu lo ser debidamente anuncia.
Diabierna atardi a drenta informe di cu tin un brommer scondi den mondi banda di e casnan di pueblo na Noord, mesora a dirigi un patruya na e sitio. Na yegada di e patruya a bin haya e brommer scondi den e mondi y a pidi un takelwagen pa asina hiba e brommer na warda di polis pa mas investigacion.
Diasabra atardi a drenta informe di un caso di maltrato unda un pareha lo ta causando esaki na un restaurant na The Village, mesora dirigi varios patruya na e sitio. Na yegada di e patruyanan a bin resulta ta un confusion tabata tin y cu eynan no tin nada a sosode. No mas cu den oranan di madruga tabata tin un problema entre un ex-pareha y despues a start un bululu unda un grupo di persona a golpia e homber formalmente y ora cu e cos a sosode e hendenan a bandona e sitio. Hasta e ex-pareha a bandona e sitio. Ora polis a yega bisa esnan di e lugar pa yama polis si acaso e ex-pareha bolbe na e sitio pa yama nan mesora y como cu a miracle e dama na e sitio bek a core yama polis y esey tabata e confusion.
- Dialuna atardi Prome Minister Evelyn WeverCroes a reuni cu Premier Mark Rutte riba topiconan relevante pa Aruba. Un di e puntonan importante durante e reunion tabata e refinanciemanto di e debe di Covid y e interes halto cu Hulanda a impone riba pais Aruba. Durante su bishita na Hulanda, ya Prome Minister a reuni caba riba e topico aki cu Secretario di Estado Alexandra van Huffelen, y cu señor Marnix van Rij di Ministerio di Finansas. Ambos, Prome Minister a remarca, di ta dispuesto pa yuda caminda cu por. Prome Minister a informa Premier Rutte di tur e negociacionnan cu ta andando. Un reunion sumamente importante mirando cu ta Conseho di Minister di Reino mester aproba cualkier palabracion cu wordo haci. Durante e reunion tawata tin hopi interes cerca tur esnan presenta pa scucha di Aruba y su progreso.
E realidad ta cu Aruba ta bayendo bon, desempleo ta bahando, turismo ta bayendo bon y finansas tambe ta na orden. Lo unico cu falta, ta purba na yega na un miho palabracion pa cu e interes
halto cu Aruba a haya di Hulanda riba e debe di Covid. Pa cu esey, mi tin tur confiansa cu nos lo bay yega na un solucion cu ta na miho interes di pais Aruba”, Prome Minister a expresa.
Diabierna ultimo, Minister di Integracion Glenbert Croes a atende un forum organisa pa e Organisacion Internacional di Imigrantenan riba un estudio cu nan a haci relaciona cu e Venezolanonan cu ta biba na Aruba. E estudio aki tabata basa riba e edad di e migrantenan, unda nan ta trahando y con nan ta aportando na e progreso y economia di pais Aruba.
Minister Croes a indica cu actualmente tin hopi oportunidad di trabou den e sector priva, debi na e desaroyo turistico cu tin. E trabounan aki, lo mester wordo duna primeramente na yiunan di tera, despues na e cuidadanonan stranhero cu ta biba na Aruba y cu a pasa e screening na DPL y DIMAS. Pa cu esaki, Gobierno ta consiente cu e proceso mester cana mas liher, y pesey a introduci aña pasa, e maneho nobo pa yuda facilita esaki. E maneho aki, no ta pa habri porta pa tur stranhero cu
kier bin traha na Aruba. E ta pa e peticionnan cu wordo haci, por cana su proceso mas lihe pa por haya un contesta mas lihe tambe.
E mandatario di Energia,, Labor & Integracion a expresa cu no ta tur ora ta popular pa carga e titulo di minister di integracion. Esaki pa motibo cu nos ta bibando den un mundo na unda tin opinionnan hopi polarisa y tin hopi resentimento. E mandatario a splica cu ora nos como Arubiano biaha bay vakantie na un otro pais, e ta nos deseo pa wordo trata di e mihor manera, y e trato aki, nos como Arubiano tambe mester duna nos bishitantenan. Aruba ta conoci pa ta un isla cu hendenan amabel y cordial, y asina nos mester keda trata tur hende, sea local of internacional, nan mester wordo trata di e mihor manera.
"Como Arubiano, nos lo acepta tur esnan cu ta bin
Aruba di bon boluntad, y cu tin e deseo sincero pa traha y yuda hiba e pais dilanti. Pa Aruba, e lo ta di gran beneficio pa tin mas hende
cu ta aporta na e caha di SVB, AZV, Impuesto y na e economia en general di e pais. Esaki ta e sentimento cu ta compaña e maneho
di Gabinete Wever-Croes II, y e maneho di mi ministerio como Minister di Integracion" Minister Croes a expresa.
Minister di Salud Publico Sr. Dangui Oduber conhuntamente cu AZV, HAVA y Wit Gele Kruis (WGK) durante e conferencia di prensa a firma un acuerdo pa fortifica e prome liña di cuido di medico door di introduci mas praktijk Ondersteuner Hulp (POH) y amplia e cantidad di esaki pa duna dokternan di cas un miho apoyo pa maneha e salud di e aseguradonan di AZV. E amplificacion aki lo mehora e accesibilidad di dokternan di cas y esaki cu tempo ta traduci su mes den menos necesidad pa aseguradonan yega specialista.
Prevencion ta bira un parti importante den e inversionan di cuido. Minister Dangui Oduber ta expresa cu tin ayudo pa e comunidad hiba un bida mas saludabel. Un di e organisacionnan cu ta yuda cu esaki ta Healthy Lifestyle Center. E meta principal di HLC ta pa brinda e pueblo di Aruba e guia profesional pa cu nan nutricion y movecion, especialmente esnan na riesgo pa haya complicacion di salud, door di hiba un bida no saludabel. E meta ta pa guia e participante pa adapta su bida pa uno mas saludabel cu ta completamente gratis pa e pueblo
di Aruba.
Minister Dangui Oduber ta menciona cu aña pasa den luna di juni 2023 a firma un acuerdo di cuido (zorgakkoord) caminda a trece tur e actornan di cuido hunto pa asina firma e acuerdo cu ta determina e direccion y futuro di cuido medico na Aruba. Un di e temanan mas importante den e acuerdo aki tawata e fortificacion di e prome liña di cuido y a formula e metanan cu ta bay traha riba dje den periodo 2024-2027 cualnan ta: (1) Aumenta e cantidad di • Ministerio di Turismo y Salud Publico •
dokternan di cas y baha e cantidad di asegurado pa dokter di cas, (2) Crea mas cupo den e estudio di dokter di cas na Imsan; huisartsen opleiding, (3) Amplia e cantidad di POH y ofrece e estudio completo, (4) Inverti den formacion pa asistentenan di dokter di cas. Den e acuerdo firma lo percura pa financia completacion di e estudio di e POH pa e 27 POHnan actual cu e modulonan, cuido pa adulto mayor y promocion di salud. Anteriormente ya caba a haci e modulonan di diabetes y cardiovascular. Tambe amplia cantidad di POH cu 10 mas pa yega
na un total di 38 y e meta ta pa 2027 cada dokter di cas ta dispone di 0,7 fte di POH. Siguientemente pa amplia e coordinacion di e trabao di POH cu un coordinador mas y por ultimo mehora e raportahe riba e trabaonan cu e POHnan ta realisa.
Minister Oduber kier a manda un palabra di gradicimento y felicitacion na e team profesionalnan di POH, AZV,
HAVA y WGK, sin lubida tur esnan cu ta haci e acuerdo aki posibel. Minister Dangui Oduber su maneho y vision ta sigui traha pa mehora calidad di cuido y servicio.
Haci inversionan den cuido y percura pa por garantiza cu e fondo di azv ta keda sostenibel y garantiza pa keda ofrece e mesun pakete di seguro cu ta uno hopi amplio pa nos aseguradonan.
Diasabra madruga a drenta informe di cu un persona ta bulando drentando di cas pa cas na Papaya, mesora a dirigi un patruya na e sitio. Na nan yegada polis a logra topa cu e presunto Zwarte Piet aki y mesora a detene/ invitando e pa e bula y drenta e celnan na warda di polis.
Durante fin di siman a tuma luga e competencia escolar entre e scolnan di Aruba, Boneiro y Curaçao. Diasabra ultimo, den un sala yen na Compleho Deportivo Frans Figaroa na Noord, Colegio San Hose y Colegio Felipe B. Tromp a topa otro den e gran final di trefbal di Weganan Interinsular 2024.
Minister Endy Croes a presencia e wega final pa duna sosten y apoyo na ambos scol di Aruba. E partido final tabata yena di tension, suspenso y emocion. Importante pa remarca cu den e weganan eliminatorio na scol,
Colegio Felipe B. Tromp a titula campeon y Colegio San Hose subcampeon y asina ambos scol a ricibi e oportunidad pa representa Aruba den Weganan Interinsular 2024. Sigur e tabata un bunita final, den set 5 a keda 1 hungado cada banda riba tereno. Den e ultimo hugada e alumno di Colegio San Hose a catch e bala di su contrincante pa asina titula campeon y Colegio Felipe B. Tromp subcampeon di trefbal. Curaçao a keda na di tres luga y Boneiro na di cuatro luga di e campeonato escolar.
Na final Minister Endy Croes a haci entrega di e
medaya na e ganadonan di Weganan Interinsular 2024. Pa conclui, Minister Endy Croes ta felicita
tur scol y specialmente e alumnonan cu a briya den e competencia escolar. Cu deseo,
disciplina, dedicacion y determinacion boso a logra. Masha pabien!
A presenta e Relato Anual 2023 y plannan sumamente ambicioso y interesante pa aña 2024
Despues di e conferencia di OCTA na Bruselas, Prome Minister Evelyn-WeverCroes actualmente ta na Hulanda pa atende varios reunion. Diabierna ultimo, 1 di maart, Prome Minister a reuni na Arubahuis cu Minister Plenipotenciario Ady Thijsen, cu directora nobo di Arubahuis, señora Jocelin Croes y cu e personal di Arubahuis.
ENTREGA DI RELATO
ANUAL 2023 Y JAARPLAN 2024
Durante e reunionnan aki a trata diferente tema cual uno hopi importante tawata e entrega di e Relato Anual 2023, cu e personal completo di Arubahuis a traha riba e contenido unda ta describi tur e trabou y logronan di Kabinet di Aruba durante aña 2023. Tambe e personal di Arubahuis a presenta na Prome Minister e Jaarplan 2024, esaki pa cada kwartaal detayadamente y cu plannan sumamente ambicioso y interesante.
WEBSITE LO WORDO
LANSA PRONTO
Durante e reunion tambe e personal di Kabinet di Aruba a presenta na Prome Minister e website nobo di Arubahuis unda Prome Minister a keda hopi impresiona cu e contenido amplio di esaki y tur e informacionnan importante cu por haya riba e website aki. E website aki lo wordo lansa durante e dianan venidero.
Prome Minister a menciona cu por mira cu Kabinet di Aruba tin un bon vision y asina por yuda tur nos Arubianonan, specialmente nos studiantenan na Hulanda na e miho manera y tambe por asisti Gobierno na Politiek Den Haag y cu relacionnan den Europa.
UN REUNION
MASHA AMENO CU STUDIANTENAN
Tambe Prome Minister tawata tin e oportunidad pa topa cu varios studiante y asina combersa y defini
hunto e miho manera pa sirbi e interes di cada studiante. Prome Minister a remarca cu e studiantenan ta hopi motiva y ta un inspiracion pa su persona.“E reunionnan tawata sumamente positivo y fructifero y a duna resultadonan hopi importante. Mi ta gradici e personal completo di Arubahuis pa e bon y bunita trabou y e studiantenan pa nan asistencia y contribucion”, Prome Minister a finalisa bisando.
Diadomingo anochi a yega e triste noticia cu Wilbert Bejerano a bay sosega. Musiconan na Aruba, fanaticonan, amigonan a bay di luto mesora y hasta a keda sorprendi pa e noticia. E informe a bisa cu el'a cabi toca na Sanicolas na un compromiso ora el'a haya un atake di curazon. Ambulance a duna promer ayudo, pero no a logra. Wilbert ta un persona cu a bini Aruba desde hopi aña y semper a sa di trece alegria su su musica. Conodelencia na su famia, na su ruman Henry, na tur su amigonan, na Lucho Retamoso y demas amigonan. Sigur a perde un gran musico cu semper sa di trece alegria. Cu Wilbert sosega na pas.
Diasabra atardi a drenta informe di cu tin un problema andando banda di Seaport Market Place dilanti wowonan di turista, mesora a dirigi patruyanan na e sitio.
Na yegada di e patruya a bin compronde cu aki ta trata problema cu ta andando pa basta tempo entre bisiñanan di Rancho, unda e dama a core yega pidi ayudo ya cu e tin un bisiña ta buske problema hasta ela yega di manda auto riba dje.
Polis a atende cu e dama y a keda di busca e bisiña problematico pa atende debidamente cun'e.
MACUARIMA, ARUBA: Cuerpo Policial Aruba ta keda inverti den su personal. Recientemente a tuma lugar un curso basta intensivo cu a wordo duna na recherchenan di Aruba como tambe participacion di coleganan di Cuerpo Policial Curacao. Trahando hunto cu otro Cuerpo di Polis den reino pa asina por eleva e conocimento trahando hunto.
E curso a wordo duna pa docente sra. Eva VAHRMEIJER. Cursus begeleider tabata mr. Pleun TROOSTER di NPA Hulanda.
E curso tabata pa duna informacion tocante e funcion y e rol di un OvD-R (Officier van
Dienst Recherche) na tur agentenan policial ta traha na departamento di recherche. Un curso pa amplia nan conocimento riba e materia nobo aki pa asina e departamento di recherche lo conoce miho structura den futuro.
Na final di e curso a haci entrega di certificado nan e curistanan. Esaki a tuma lugar den presencia di comisario di Departamento
di Recherche sr. Robert Candelaria, sr. H. Koolman Hoofd Divisie Centrale Recherche y sr. G. Cham di wnd. Hoofd Algemene Recherche di Cuerpo Policial Aruba.
Esnan polisnan cu a haya e certificado tabata sr. Roy Hodge, sr. Carlos Muller y sr. Robert Marsdin. Masha pabien na cada agentenan policial tanto di Aruba y di Korsou!
For music collectors Longplays at 2 guilder each Tel 5972155
Un feliz dia bendiciona colma cu hopi amor, fe y speransa den nos Bon Dios
Diasabra madurga a drenta informe di un caso di maltrato y destruccion den e area di Companashi, mesora a dirigi un patruya na e sitio. Na yegada di e patruya a bin compronde cu su pareha a maltrat’e y a kibra su telefon. Ademas e dama a bisa cu esaki no ta e prome biaha cu su pareha kende ta un alto funcionario na un compania di telefon y cu pesey polis no ta actua riba dje. Polis a papia cu e dama y a splica e procedura y a conseha e dama pa haci un keho contra e homber. E dama a bisa cu si ta p’e e lo a regresa su pais cu su yiu pero e homber no ta lag’e bandona Aruba cu nan yiu.
Despues di un rato e cria a bisa su shon: ’Señor a cumpli cu bo ordo, ma toch a sobra luga!’ (Lucas 14: 22) Nos ta forma un solo curpa pa medio di nos union cu Cristo y nos ta uni mescos cu partinan di un solo curpa (Rom. 12: 5). E cria lo a haya duele ora prome invitadonan a nenga. Asina mes el a sigui cumpli cu ordo di su shon y aunke el a cumpli toch a sobra luga. Esaki ta mustra cu e ta persevera y cumpli cu zelo cu su shon y ta na paz. Nos tin cu traha pa, y sirbi Señor cu zelo (Rom. 12: 11). Pero, Señor tin mas luga, pues e capacidad pa invitadonan pa e reino di Dios ta surpasa e expectativa di cada un di nos. Hesus ta siña nos pa cumpli cu ordo di Tata. Aunke nos por pasa den tribulacion y perseverancia, oracion constantemente ta yuda paso e speransa cu nos tin lo haci nos contento (Rom.12: 12). Paso cerca Señor nos ta na paz manera un yiu cerca su mama (Salmo 131). Oracion: Señor regala nos gracia pa nos comparti donnan conforme Bo boluntad y biba den harmonia cu otro. Amen.
Masha danki na tur cantante, compositor y agrupacion musical
Diabierna ultimo Aruba
a conoce composicionnan nobo dedica na nos Pais
Aruba.
Riba Plaza Libertador
Betico Croes a tuma luga e festival Un Canto pa Aruba su
Himno y Bandera. E aña aki a participa un total 11 cantante y un total di 9 agrupacion musical cu a haci e festival uno grandioso y exitoso.
Minister di Cultura tabata presente pa duna sosten y apoyo na tur participante. Na final di e anochi e mandatario tabata tin e honor pa por a entrega premio na e ganado
maximo di e festival catergoria adulto. E resultado di e festival Un Canto pa Aruba su Himno y su Bandera Adulto 2024 tabata lo siguiente:
Ganado di e Festival: Edward van der Biezen
- Cancion: Con mi por lubida - Compositor: Danilo VrolijkAreglista: Jaedrick Croes
Segundo Luga di e Festival:
Karena Maduro - Cancion: Un bon Arubiano - Com-
positor: Jhon Freddy Tobon
Montoya - Areglista: Migo Boss y Igmar Maduro
Tercer Luga di e Festival: Shermin y Sherdel Maduro - Cancion: Aruba, mi isla, mi cas - Compositor: Zulaika
Geerman - Areglista: Zulaika Geerman.
Minister di Cultura Xiomara Maduro ta gradici y felicita Fundacion Cultural di Festivalnan Folklorico pa
organisa un bunita festival di adulto. Danki na tur esnan cu tabata tin tent pa ofrece nos cuminda crioyo, cos dushi y artesania. Un danki tambe na un y tur cu a coopera pa haci e festival uno exitoso, muy en particular tur participante, musico, compositor, areglista y e publico grandi, danki pa apoya, sostene, biba y engrandece nos cultura.
ORANJESTAD, Aruba (3 di maart 2024) – Aruba Taekwondo Bond (ARTBO) ta hopi contento di anuncia e prestacion excepcional di Jenniffer Baez na e prestigioso Taekwondo Canada Open 2024, cu a tuma lugar na Vancouver, Canada dia 8 di februari 2024.
Baez, representando Aruba cu orguyo, a logra un medaya di plata mas cu mereci den categoria di Poomsae Reconoci Individual Femenino bou di 40 aña. E exito aki ta mas impresionante ainda debi na e nivel halto di e competencia, cu tabata un evento di Ranking G2 cu participacion di atletanan di Brasil, Mexico, Puerto Rico, USA, Canada y Aruba.
Baez a demostra un talento y determinacion excepcional durante henter e campeonato, avanzando pa cuatro ronda pa yega te na final. Den un competencia contra competidornan fuerte, el a logra e siguiente puntonan:
Round Uno: Mexico vs. Aruba (7.366 punto | 7.616 punto)
Round Dos: Puerto Rico vs. Aruba (7.649 punto | 7.882 punto)
Round Tres: Aruba vs. Brazil (8.466 punto | 8.383 punto)
Round Cuatro: USA vs. Aruba (8.799 punto | 8.499 punto)
ARTBO ta extende su felicitacion di curason na Jenniffer Baez pa su exito remarcabel na e Taekwondo Canada Open 2024. Su dedicacion, talento y deportividad ta un berdadero inspiracion pa atletan-
an den desaroyo na Aruba y pa otro paisnan. Nos ta warda cu ansiedad pa su exito continuo den futuro!
VALIDO TE DIAMARS 05 DI MAART 2024, 18:00 ORA
TEMPO:
AWE TARDI Y AWE NOCHI: PARCIALMENTE NUBLA Y GENERALMENTE SECO DEN MARDUGA Y MAYAN: PARCIAMENTE NUBLA CU UN AWACERO BREVE POTENCIAL DI AWACERO PA PROXIMO 24
ORA:
1 TE 3 MM; LOCALMENTE ESAKI POR TA DIFERENTE.
REGISTRACION DI TEMPERATURA (GRADO CELSIUS) Y
AWACERO (MM) DEN ULTIMO 24 ORA (8’AM PA 8’AM):
AIRPORT : MAX 31 / MIN 26 / 0.0 MM
WESTPUNT: MAX 31 / MIN 26 / 0.0 MM
STA ROSA: MAX 32 / MIN 26 / 0.0 MM
PRONOSTICO DI TEMPO PA PROXIMO 3
DANAN:
PARCIALMENTE NUBLA CU UN AWACERO PASAJERO.
BIENTO LO TA FOR DI DIRECCION OOST Y MODERA
TE BASTA FUERTE, POSIBLEMENTE FUERTE DEN RAFAGA.
TEMPERATURA (GRADO CELSIUS)
MAX / MIN LO TA: 32 / 26
Diabierna anochi a drenta informe di un problema cu hende herida na un adres na Macuarima, mesora a dirigi tanto polis como ambulans na e sitio. Na yegada di e patruya a bin encontra varios persona na e adres indica y a pidi
pa refuerso. Na e sitio cual ta un adres cu polis sa bay duna asistencia unda cada biaha tin un dama cu ta causa problema, pero e biaha aki polis a detene pa a causa cu un otro persona su brasa a ser kibra. Ambulans a presenta y a atende
e victima y a transporte pa hospital. Mirando e consternacion y e cantidad di hende polisnan di Santa Cruz, Oranjestad, Sanicolas como tambe e unidadnan di e brigada motorisa a bay na e sitio pa controla e situacion. E vehiculo di transporte a hiba e dama pa warda di polis.
Un feliz y productivo dia. Aki Solo di Pueblo ta presenta bo signo zodiacal pa dia 5 di maart 2024.
Aries
Un romance nobo cu un persona hopi hoben. E dia no ta propisio pa haci transaccion financiero. Sea positivo, e problemanan laboral no mester derota bo. No calcula gasto ora bo ta inverti den bo curpa. Number di suerte: 9, 18, 27.
Tauro
Bo por enfrenta problema cu bo pareha. Controla bo economia fragil. Oferta profesional ta multiplica. Problema di salud lo ta cousa p'e excesonan di bo mes. Number di suerte: 6, 15, 24
Geminis
Den amor, bo sensibilidad lo laga bo biba intensamente e relacion nobo ey. Den wega di suerte, bo tin suerte na bo banda. A pesar di e trabaonan hopi na trabou, bo ta sali triunfante. "E cos dushi ta bon gusta, pero despues e ta gasta." Number di suerte: 5, 14, 23
Cancer
Bo mester renoba un parti di bo kring di amistad. Asunto economico lo bay miho. Bo estado di animo lo bay refleha tambe den trabou. Bo forsa di bol-
untad lo mantene bo masha saludabel. Number di suerte: 2, 11, 20
Leo
Bo lo sinti bo mes optimista y activo den relacion familiar. Si bo spaar, pronto bo por cumpra e cos cu mas bo ta desea. Na trabou, bo lo bay den un discusion inespera. Busca un actividad cu lo laga bo canalisa bo tensionnan. Number di suerte: 1, 10, 19.
Virgo
Incertidumbre lo reina riba tereno sentimental. Por ta cu un amigo ta duna bo sorpresa economico interesante. Trabou lo ta e centro di bo actividadnan. Bo ta propenso pa sinti ansiedad; canamento lo trankilisa bo. Number di suerte: 3, 12, 21.
Libra
Por surgi un romance den ambiente laboral. Vence e mania di encanta cu lo ta rebaha. Concurencia ta hopi agresivo, esforsa bo mes den bo trabou. Bon momento pa haya solucion na bo dolornan. Number di suerte: 4, 13, 22
Scorpio
Dia di romanticismo intenso. Momento ideal pa bende un cas. Bo mente lo ta enfoca riba bo trabou; esaki lo beneficia bo. Busca un espacio y laga bo custumber sedentario.
Number di suerte: 7, 16, 25
Sagitario
E sospechonan cu bo pareha no ta adecuado. Balansa bo economia. Bon dia pa cuminsa actividad profesional nobo. Awe bo lo sinti bo mes relaxed y feliz. Number di suerte: 8, 17, 26
Capricornio
Si bo ta chat riba internet ta posibel cu awe lo bo topa cu bo pareha ideal. Den aspecto economico bo ta biba un dia prospero. Defende bo postura na trabou, pero sin agresividad. Nervio lo tuma dominio di tur bo energia. Number di suerte: 3, 12, 21
Acuario
Sorpresa ta surgi den bo bida amoroso. Un ser stima masha cerca lo yuda bo economicamente. Un problema laboral cu por surgi lo soluciona bon. No forsa bo organismonan. Number di suerte: 5, 14, 23
Piscis
No irita cu esunnan cu ta contra di bo deseonan. Pensa den beneficio a largo plaso y no mishi cu bo cuenta. Entrada di un trabou nobo lo absorba bo. Cuidao cu e accidentenan domestico. Number di suerte: 2, 11, 20
PALM BEACH - Miembronan di Aruba Timeshare Association, ATSA, a bini hunto pa repasa nan prome kwartaal durante un lunch-meeting na La Cabana Beach Resort & Casino cu representantenan di e mayoria propiedadnan di Vacation Ownership cu a atende.
ATSA su president, Luigi Heredia, Costa Linda Beach Resort, a duna miembronan bon bini net prome cu oficialmente habri e reunion anto introduci Camille Lievens, kende ta stageer na ATSA. Camille su stage ta cay den liña cu su metanan academico, specificamente riba su thesis tocante industria di Timeshare, su investigacion ta enfoca riba: “The Perception of External Employer Branding on Intention to join the Timeshare Industry: The case of Aruba.”
Camille a informa cu e tin rond tres mil encuesta yena caba colectando informacion riba con timeshare ta funciona na Aruba con e ta mira externamente y con e percepcion aki ta influencia e intencion pa join e industria. Su resultadonan lo keda presenta na miembronan di ATSA kende ta interesa den sa kico e profesional-
nan activo, studiantenan, y graduadonan den hospitalidad y turismo na Aruba cu ta partners potencial den e forsa laboral, entre edadnan di 15-64, actualmente bibando na Aruba, kico nan ta pensa di e industria.
Heredia tambe a laga sa cu ATSA ta trahando riba un estudio di salario den e sector y tambe lo kier inclui e resorts nontimeshare den e prueba. E forum a sigui na discuti diferente topico, entre nan e Labor Shortage, Beach Policy, Bubali Gray Water Plant y plan pa esaki, TPEF (Tourism Product Enhancement Fund), proceso di permiso y gastonan di hotel cu restaurant, bao di Aruba Quality & Hospitality Foundation, e Tourism Security Patrol Aruba, y varios otro topico
cu e intecion den bay den dialogo cu gobierno tambe pronto.
Tur resort a raporta cambernan yen durante high season y renobacionnan continuo manera tambe mas inversion. ATSA a keda estableci na 1994, y actualmente ta conta cu miembresia di e mayoria propiedadnan di vacacion ownership activo aki na Aruba. E asociacion ta traha riba un nivel local, manera un miembro cu ta sostene AHATA y otro organisacionnan local y entidadnan gubernamental. Riba un nivel regional, unda cu Aruba ta sigui na ricibi reconocemento como un model di vacation ownership y destinacion p’esaki, ATSA tin conexion profesional cu Caribbean Hotel & Tourism Association y tambe ta beneficia di colaboracion continuo cu ARDA, American Resort Development Association.
Food & Beverage Team di La Cabana Beach Resort & Casino a prepara un lunch menu delicioso y varia, combina cu e resort su servicio y hospitalidad autentico y caluroso di semper.
Cu honda pena, pero conforme cu boluntad di Dios, Giselle Department Store ta participa fayecimento di nos propietaria:
Nos lo haya hopi falta di nos Greta stima, cu Greta drumi dushi den braza di Señor.
Ta ricibi condolencia:
Na Aurora Funeral Home, Diamars 5 di Maart, 06:30-09:00 pm
Acto di despedida ta: Diaranson 6 di Maart na
Misa Santa Anna Noord, 4:00 di atardi desde 01:00 di merdia e curpa di Greta . lo ta reposando den misa.
Giselle Dept. Store lo cera Diamars dia 5, pa 05:00 di atardi y Diaranson 6, lo ta cera henter dia.
Diabierna anochi a drenta informe di cu un yiu menor di edad a bay keda cerca su tata y e pareha di e tata a sinta bebe alcohol cu e mucha na Pavia, mesora a dirigi un patruya na e sitio.
Na yegada di e patruya a hala atencion pasobra ta prohibi pa facilita y consumi alcohol enfrente di muchanan menor di edad. Despues di a scualnan polis a sigi cu su patruya.
Diasabra madruga despues di cu tur clubnan nocturno a sera polis pasando na Palm Beach a bin topa cu un persona tur na sanger bent abao herida y sangrando. Segun e victima e tabata na un otro lugar nocturno y a hay’e
den un discucion cu su ex. Na e momentonan ey un grupo a golpia e y a lag’e tur herida. Polis a pidi pa ambulans pero e victima tabata asina impaciente cu ela tuma rumbo pa su cas den su auto, polis a purba calm’e pero ela bay.
Lagrimanan y flornan por seca, su recuerdonan y tur loke el a haci y significa pa nos lo keda graba pa semper den nos mente y curason.
“Serca Señor mi ta na paz manera yui serka su mama” (Salmo 131)
Cu inmenso dolor na nos curason pero conforme cu boluntad di Dios nos ta anuncia fayecimento di nos mama, suegra, wela, bisawela, ruman y tanta stima
*18 augustus 1941 - † 3 maart 2024
Acto di entiero lo wordo anuncia despues.
Nos ta lamenta cu nos no por ricibi bishita di condolencia na cas.