Wardacosta di caribe Hulandes na aruba, lo bai Hasi controlnan riba lama durante semana santa cu meta pa garantisa orden publico y seguridat riba lama
Wardacosta ta informa doño/capitan di boto y seadoo, pa carga e siguiente documentonan ora subi lama; ‘vaarvergunning’ y ‘vaarbewijs’. Zorg tambe pa tin sufisiente vest di salbabida pa tur tripulacion y pasahero abordo. Ta importante pa corda pa no bai cu dimas pasahero riba boto. Esaki ta pa evita un posibel situacion peligroso.
Tambe ta importante pa informa famia unda bo ta bai cu bo boto, pa na momento cu un situacion peligroso presenta, famia sa unda bo ta y asina por informa Wardacosta debidamente. Ta bon pa botonan tin un lifering y tambe un anker cu cabuya suficiente largo na bordo.
Wardacosta lo tey presente riba lama cu diferente di su botonan durante di Semana
Santa. Asina nos por vigila y brinda siguridad riba lama. Vigilancia riba cuido di naturalesa
tambe ta parti di control di Wardacosta. Area nan cual Wardacosta lo vigila ta; San Nicolasbaai, Commandeursbaai, Barcadera haven/Lagoen, Spaans Lagoen, High rise Hotel, Arashi-Lighthouse, Rincon, diferente Rif, Baby Beach y Eagle Beach.
Wardacosta ta avisa tur doño di boto pa laga hasi mantencion prome cu subi lama. Zorg pa bo tin sufisiente medionan di seguridat y ekipo di rescate na bordo, manera: zwemvest, EHBO kit, sufisiente awa, aparato pa paga candela, radio VHF y telefon celular ku bateria ful carga. Di e forma aki por minimalisa e chens cu bo boto ta daña na caminda y cubo haña bo den un situacion peligroso riba lama cu bo boto y bo pasaheronan. Den caso cu bo mester di yudansa, bo
por yama Wardacosta riba e number 913 of Whatsapp
+5999 510 0913.
ConCierto miyonario di ata: mas loCal Cu turista! inversion
halto Cu ta laga duda
ORANJESTAD – E
reciente concierto organisa den pleno temporada halto (high season) a genera hopi comentario den comunidad. Mas aya di e ambiente festivo y presentacion di artistanan, e evento a habri un espacio pa un analisis profundo riba e decisionnan strategico, e transparencia den maneho di fondo publico y e impacto real riba e economia di Aruba.
E discusion principal no ta bay riba e calidad artistico, sino riba e vision tras di e proyecto y e retorno cu esaki mester a genera pa Aruba como destino turistico.
E strategia tras di e momentum (Timing) Organisa un evento di gran escala den un periodo caminda ocupacion hotelero ya caba ta na su maximo capacidad, ta lanta pregunta legitimo. Normalmente, inversionnan den mercadeo turistico ta wordo uza pa stimula demanda den temporada abou den luna di Mei of September.
Den e contexto aki, e pregunta central ta: Kico ta e balor agrega di un inversion asina’ki den high season? Si e hotelnan ta yen caba, mester evalua si e gasto aki a genera bishitantenan nobo of si simplemente a subsidia
entretenimento pa studiante of publico local of tabatin otro meta.
Falta di transparencia y scrutinio publico
Un punto critico den e debate ta e falta di claridad den e proceso di aprobacion y ehecucion. Pa garantisa confianza den e maneho di fondonan di comunidad, ta esencial pa tin contesta riba e siguiente puntonan:
Responsabilidad: Cual compania tabata encarga cu e organisacion y kico ta nan trayectoria den eventonan di e magnitud aki? Cuanto evento e compania aki a organisa den pasado?
Seleccion: Con e seleccion di e organisadonan a tuma luga y abou di ki criterio di transparencia?
Presupuesto: Cual tabata e costo total di ATA compara cu e beneficio? Cuanto placa ATA a sponser of ATA mes a gasta relaciona cu e festival aki ?
Retorno riba inversion (ROI)
Maske e artistanan a duna bon presentacion, un proyecto financia cu fondonan publico mester wordo medi cu indicadornan di rendimento. Te na e momentonan aki, falta data concreto riba:
Target: Cual tabata e target
specifico cu a purba atrae?
Conversion: Cuanto turista nobo a biaha pa Aruba exclusivamente pa e evento aki? Cuanto asiento di avion a bende y cuanto kamber di hotel ?
Impacto Economico: Sin cifra cla, ta bira dificil pa hustifica si e inversion a cumpli cu un obhetivo economico real.
E fenomeno di e “ticketnan gratis”
Un di e aspectonan mas cuestionabel tabata e distribucion masivo di ticketnan gratis na studiantenan, bao di e nomber di “embahadornan turistico”.
E decision aki a los un efecto riba plataformanan social manera Facebook, vraag en aanbod, unda a observa un benta den gran escala di e ticketnan aki na prijsnan hopi mas abou cu e balor oficial. Esaki a resulta den:
Un golpi pa e producto turistico mes.
Un zakgeld personal pa e studiantenan riba inversion di ATA.
Un influencia negativo den e entrada proyecta pa benta di ticket.
E situacion aki ta mustra e falta di control y e necesidad di un miho maneho den futuro pa evita cu fondonan destina
na promocion ta bira un fuente di ganashi priva sin ningun control.
Na final: ATA mester rindi cuenta
E concierto/ festival aki no por pasa bay sin cu ATA rindi cuenta. Aruba tin mester di eventonan di calidad, pero esakinan mester wordo planifica cu un vision di profesionalismo, transparencia total y, riba tur cos, un beneficio tangibel pa e comunidad y e economia local.
Un inversion miyonario,
unda hasta ATA a paga avion pa hiba periodistanan te Colombia pa un rueda di prensa, ta parce mas bien cu poco schroef a los den ATA!
Ta indica cu ATA tin asina hopi placa, cu ya nan no sa mas kico pa haci cune, pero un cos ta sigur: mester gast’e.
ATA BANK SHARE: E gastamento aki ta trece e pregunta clave: ATA merece e 57% di e tourism levy, na rason di 145 miyon florin pa aña?
Noticia di Corte
Mas cu 7 aña di prison pa dos
hoMber envolvi den iMportacion di 714 kilo di droga
ORANJETSTAD – Awe mainta Hues di Corte den Promer Instancia a dicta sentencia den e caso penal cu Ministerio Publico a cuminsa contra e hombernan E.A. y J.S.O.
SOLO DI PUEBLO por a compronde cu Hues a haya cu E.A. y J.S.O. ta envolvi den e importacion cu 379 kilo di marihuana y 335 kilo di cocaina. Fiscal a exigi 10 aña di prison pa E.A. y 9 aña di prison pa J.S.O. Hues a condena E.A. y J.S.O. na castigo di prison mas abao cu loke Fiscal a exigi.
SENTENCIA
Hues a bisa cu e ta haya e hombernan E.A. y J.S.O. culpabel di importacion di lote grandi di marihuana y cocaina riba 8 Juni 2024. Guarda Costa a intercepta e boto na Eagle Beach. Hues a bisa cu e no ta haya proba e acusacion di e 3 revolvernan cu tambe a haya riba e boto. Hues a bisa cu tin imagennan di video di seguridad
caminda ta mira auto ta core mainta trempan ta bay pa Eagle Beach. El a sigui bisa cu tin declaracion di e homber I., kende a wordo gara riba e boto, cu a reconoce E.A. y J.S.O. riba potret cu Polis a mustr’e. E homber I. a declara cu E.A. y J.S.O. tabata presente ora cu e boto a yega Eagle Beach. El a bisa cu J.S.O. tabata core e auto. Hues a sigui bisa cu tambe tin e combersacion scucha door di Polis caminda J.S.O. ta puntra I. si e ta cla pa haci e viahe. Hues ta haya cu E.A. y J.S.O. a prepara e boto pa bay haci e viahe y nan tabata na Eagle Beach pa ricibi e droga. Hues tambe ta haya proba cu E.A a exporta cocaina riba 3 October 2024 na aeropuerto. Hues a sigui bisa cu J.S.O. a wordo haya cu un bloki di cocaina.
Hues a bisa cu e ta haya J.S.O. culpabel di a maltrata su pareha. Hues a mustra cu J.S.O. mes a declara cu el a bebe hopi biña e dia ey y ta lamenta loke el a haci.
CASTIGO
Pa cu e castigo, Hues a bisa cu en total 714 kilo di droga a keda confisca. Hues a bisa cu droga ta causa miseria den famia y ta fomenta criminalidad. Hues a bisa cu mester baha pisa riba criminalidad di droga. Ademas a gara E.A. na aeropuerto cu droga y tambe J.S.O. Hues a cuestiona e hecho cu J.S.O. a corta su pareha cu cuchiu mientras cu e pareha tabatin nan yiu chikito den braza. Hues a tuma J.S.O. na malo pa esaki. Hues a bisa cu Fiscal a exigi pa J.S.O. 9 aña di prison y pa E.A. 10 aña prison. Hues ta haya cu en principio E.A. y J.S.O. mester haya e mesun 7 aña di prison, cu esnan den e boto carga cu droga a haya. Pero mester tene na cuenta e otro delitonan cu E.A. y J.S.O. a haci. Hues a condena E.A. na 7 aña y 6 luna di prison y J.S.O. na 7 aña y 9 luna di prison.
E droganan a wordo destrui, e placanan lo wordo debolbe.
un ekipo dinaMico cla pa apoya teaMaru
na panaMa2026
Cera conoci cu e ekipo di Apoyo di COA pa e Weganan Suramericano di Hubentud
Durante e reunion di despedida a no solamente presenta e atletanan y entrenadornan cu lo bay TEAMARU, si no tambe e ekipo di profesionalnan cu lo bay pa asina apoya e delegacion. Den e caso aki, ta conta cu no solamente e Hefe di mision Jonathan Wever, si no tambe un ekipo tecnico, medico, media y di un “Welfare Officer” pa asina cubri tur aspecto necesario di apoyo.
Pa cu e ekipo tecnico, lo conta cu Directora Tecnico Monica Fajardo, cu lo tin Betto Thiel como su apoyo pa maneha tur aspecto tecnico di e Weganan. Pa tur cos medico, ta conta cu ayudo di Dr. Nicolaas Duindam cu pa prome biaha lo biaha cu un delegacion di Aruba. E lo
por conta cu e ayudo di Roberto Chavarria cu a gana experiencia na e Junior Panamerican Games ASU2025 y lo por brinda asistencia na Dr. Duindam. Pa tur cobertura di media lo conta cu Ryan Loopstok y Noel Werleman, cu lo percura pa gara cada momento spectular di TEAMARU na e Weganan. Finalmente lo conta cu Irina Croes como e “Welfare Officer” pa e delegacion. E rol di un Welfare Officer ta pa yuda e delegacion di TEAMARU cu e aspecto di salud mental y e bienester general di nos delegacion.
Comite Olimpico Arubano (COA ) ta sigur cu e ekipo aki lo brinda e miho nivel di apoyo na e delegacion cu lo paerticopa na e Weganan Suramericano di Hubentud Panama2026 y ta
Tur pago di FaSE a kEda lEgaliSa pa parlamEnTo na juni 2022
Algemene Rekenkamer
Aruba (ARA) a publica nan investigacion riba Cuenta Anual 2020 y a conclui cu Gobierno a duna yudansa den forma di FASE durante e pandemia sin cu tabata tin e base legal necesario na momento cu a brinda e asistencia aki. Parlamentario Xiomara Maduro, kende na e momento ey tabata Minister di Finansa, ta duna un splicacion.
Debi na e situacion excepcional cu e pandemia a trece cune, Gobierno mester a actua di biaha cu yudansa di FASE pa asina tur hende por a come. “Tur hende por compronde cu na e momento eynan no tabata tin e opcion di bay warda pa traha ley
y pa Parlamento aproba e ley di FASE prome cu Pueblo haya yudansa cu e tabata pidi p’e. Pa evita un situacion penoso na Aruba, mester a actua, y nos a actua tambe,” Maduro ta enfatisa.
Durante pandemia, Gobierno a brinda yudansa na 12.446 persona cu a keda sin entrada, cu un suma total di 42,8 miyon florin bou di e programa FASE, pa nan por cubri nan necesidadnan basico.
“Si nos no a actua lihe, awe ainda tur hende lo tabata lamenta y critica e falta di accion pa yuda Pueblo surpasa e pandemia. Gobierno a actua cu prudencia y Parlamento a percura pa aproba e Ley di FASE y legalisa tur pago
haci pa yuda Pueblo.
Segun ARA, na e momento ey Gobierno no tabata tin un base legal pa otorga e yudansa aki. Sinembargo, ARA ta reconoce cu ora cu
FASE a wordo introduci, Aruba su entrada a cay drasticamente, hopi hende tabata tin mester di yudansa urgente, y e aparato gubernamental mester a sigui funciona cu un minimo di personal.
“Asina mes, ya caba dia 9 di december 2020, Gobierno a cuminsa cana e caminda legislativo necesario door di entrega e concepto di Ley di FASE pa su conseho na Raad van Advies kende 21 di januari 2021 a duna su conseho. Despues a sigui e trabounan necesario cu
a sufri tardansa debi na otro trabounan di mas prioridad den pandemia. Como cu 2021 tabata un aña di eleccion, esaki a ocasiona mas tardansa. Na juni 2022 finalmente e Ley di FASE a keda aproba pa Parlamento, y asina tur
yudansa di FASE a keda legalisa.”
Parlamentario Xiomara Maduro debidamente ta responsabilisa e tardansa di e base legal.
inScripcion pa Scol baSico y SEcundario
na Skoa Ta habri
Oranjestad, Aruba: Entrante 1 April 2026, mayornan por cuminsa inscribi nan yiunan pa e proximo aña escolar 2026 - 2027 y join e famia di SKOA pa asina yuda nan descubri nan potencial maximo den nan trayecto di nan educacion.
Dicon scoge pa SKOA?
Nos meta primordial na SKOA ta enfoca ariba e desaroyo y crecemento di cada mucha. Nos ta ofrece educacion di calidad cu ta enfatisa balornan Catolico, comunicacion na nivel multilingual, diversidad, innovacion y actividadnan extra-curicular. Mayornan por scoge di un variedad grandi di scolnan pa nan yiunan. Muchanan cu ta bay SKOA ta ricibi un educacion completo cu ta prepara nan pa e futuro.
Inscribi completamente online:
1 april 2026
Por inscribi via nos website www.skoa.aw pa asina inscribi completamente online. Ora di inscribi mester pone bon atencion ariba e documentonan necesario pa asina por cumpli cu e proceso di inscripcion di cada yiu exitosamente. Pa mayornan cu ya caba tin yiu inscribi na SKOA por haci inscripcion di e yiu cu ta bay cuminsa basis via nos systema di SAS.
Contribucion di mayor
E tarifa di contribucion di mayor pa e proximo aña escolar pa basis y mavo:
● Pa basisschool schoolgeld ta Awg. 275,y airco geld ta Awg.150,-
● Pa mavoschool schoolgeld ta Awg. 350,y airco geld ta Awg.150,-
Tur mayor cu inscribi nan yiu(nan) ta haya un periodo di 6 siman pa asina por cumpli cu e pago completo di schoolgeld pa e aña escolar venidero. Despues di 6 siman, si e pago no ta completo, e cupo di inscripcion ta wordo cancela cu consecuencia cu no lo bay tin un luga sigura na un scol pa e yiu por cuminsa eerste klas e proximo aña escolar.
Pa pregunta of informacion tocante inscripcion pa eerste klas na SKOA por manda un email na aplicacion@skoa.aw of manda un WhatsApp na +297 7485995. Pa cualkier otro pregunta of informacion tocante inscripcion en general na SKOA por bishita nos website www.skoa.aw of por yama na liña directo 5231800. Mayornan cu ta desea por pasa libremente na nos oficina pa inscripcion.03/26
Conoce y Reconoce sintomanan di Chikungunya y keintura geel
Conoce y Reconoce
sintomanan di Chikungunya y Keintura Geel
ORANJESTAD, Aruba – 30 maart 2026: Directie Volksgezondheid (DVG) ta informa comunidad riba e importancia di conoce y reconoce e diferente sintomanan di malesanan transmiti pa sangura, manera Chikungunya y Keintura Geel, pa asina por tuma accion na tempo y preveni complicacionnan serio.
Mirando e situacion regional, unda e cantidad di casonan di Chikungunya y Keintura Geel ta mustra aumento den varios país den region di Sur America, ta esencial cu comunidad di Aruba ta bon informa y alerta.
Chikungunya ta un malesa viral cu ta wordo transmiti pa picadura di un sangura infecta. E sintomanan mas comun ta:
• Keintura diripiente
• Dolor fuerte den scarnirnan (articulacionnan, joints)
• Dolor muscular
• Dolor di cabes
• Cansancio extremo
• Rash (mancha riba curpa)
Den hopi caso, e dolor den articulacion por dura simannan of asta lunanan.
Keintura Geel (Yellow Fever) ta un malesa viral mas serio cu tambe ta transmiti pa sangura. E sintomanan inicial por ta:
• Keintura
• Dolor di cabes
• Dolor muscular
• Nausea y sacamento
• Cansancio
Den algun caso, e malesa por bira mas grave y causa:
• Color geel den wowo y curpa (ictericia)
• Problema cu higra
• Sangramento interno
DVG ta enfatisa cu no tur sintoma lo ta mescos, pero tur sintoma sospechoso mester wordo tuma serio.
Kico bo mester haci si bo tin sintoma:
• Busca atencion medico di inmediato
• No automedica
• Informa e medico si bo a viaha recientemente
• Descansa bon y sigui instruccion medico
Accion rapido no solamente ta proteha bo mes, pero tambe ta yuda preveni propagacion di e malesanan aki den comunidad. DVG ta recorda cu e forma mas efectivo pa preveni e malesanan aki ta combatiendo e origen: e sangura.
Yamado pa accion:
Cada ciudadano tin un rol importante den proteccion di salud publico. Elimina tur lugar unda awa por keda para:
• Basha awa di erco, drum y recipienten
• Bolter awa di scoter di mata regularmente
• Keda alerta pa cualkier acumulacion di awa rond di cas.
DVG ta sigui monitorea e situacion di cerca y lo continua informa comunidad di cualkier desaroyo relevante.
Bo Salud, Nos Prioridad
Pa mas informacion, like nos Facebook page Directie Volksgezondheid DVG Aruba, follow nos riba Instagram directie_ volksgezondheid_aruba, sigui nos den WhatsApp Channel, bishita www.dvg.aw, yama 5224200 of manda email na servicio@dvg. awEn muchos casos, el dolor en las articulaciones puede durar semanas o incluso meses.
La Fiebre Amarilla es una enfermedad viral más grave,
también transmitida por mosquitos. Los síntomas iniciales pueden ser:
• Fiebre
• Fiebre repentina
• Dolor intenso en las articulaciones
• Dolor muscular
• Dolor de cabeza
• Cansancio extremo
• Erupción cutánea
En muchos casos, el dolor en las articulaciones puede durar semanas o incluso meses.
La Fiebre Amarilla es una enfermedad viral más grave,
también transmitida por mosquitos. Los síntomas iniciales pueden ser:
• Fiebre
• Dolor de cabeza
• Dolor muscular
• Náuseas y vómitos
• Cansancio
En algunos casos, la enfermedad puede agravarse y causar:
• Color amarillo en ojos y piel (ictericia)
• Problemas hepáticos • Sangrado interno
Dia internacional Di cero
DesperDicio: enfoke riba
DesperDicio Di cuminDa na munDo
Dia 30 di maart: Mundo
ta uni contra desperdicio di cuminda pa
ORANJESTAD – Dia 30 di maart, ta celebra e di cuater Dia Internacional di Cero
Desperdicio. E aña aki, e enfoke principal ta riba un di e retonan mas grandi y urgente di nos tempo: e desperdicio di cuminda.
Mientras miyones di persona ta sufri di hamber, toneladanan di cuminda ta bay benta afo, afectando seriamente nos clima y economia mundialmente.
E crisis global di desperdicio ta menasa e stabilidad di nos clima, nos ecosistemanan y salud humano. Segun datonan recien, mundialmente, e escala di desperdicio di cuminda ta alarmante.
Na aña 2022 so, mientras 783 miyon persona tabatin hamber, mas di 1 biyon tonelada di cuminda a bay perdi. Esaki ta representa casi 19% di tur cuminda disponibel pa consumidor. Na Aruba, e cifra aki tin un nificacion extra. Cada biaha cu nos benta cuminda afo, nos ta desperdiciando tambe e energia, e awa y e gasto halto di transporte y logistica uza pa trece e productonan te aki. Di unda e desperdicio ta bin? Ken ta genera esaki? Investigacion ta mustra cu e problema ta cuminsa cerca nos mes, humanidad: • 60% di e desperdicio ta tuma lugar den hogarnan.
• 28% ta bin di e sector di servicio di cuminda (restaurant, servicio di catering).
• 12% ta bin di e sector di comercio (supermercadonan).
Un solucion vital pa e cambio di clima; Reduci desperdicio di cuminda ta considera un di e miho solucionnan pa combati cambio di clima. Desperdicio di cuminda so ta responsabel pa 14% di e emision global di gas tio ‘methane’. Ora humanidad reduci e desperdicio aki, nos no solamente ta baha e gasnan den ‘landfill’, tipo dumpnan habri, sino tambe nos ta spaar energia, awa y tera cu a wordo uza durante produccion y transporte.
Accion na tur nivel; Pa logra un economia circular y un futuro sin desperdicio, tur hende mester aporta.
Pa un isla manera Aruba, unda nos ta importa casi 90% pa 95% di loke nos ta consumi, e enfoke riba produccion (cunucu grandi) no ta e prioridad, sino e cadena di suministro (logistica) y e consumo final. Aunke Aruba no ta un pais productor grandi, e desperdicio ta tuma lugar na algun manera na nos isla.
Pa logra "Cero Desperdicio", e aña aki e
un futuro sostenibel
enfoke ta riba e siguiente accionnan practico:
• Comercio y Supermercado: Promove e benta di productonan cu "aspecto imperfecto" of cu ta cerca di nan fecha di vencimento cu descuentonan special, pa evita cu nan ta wordo benta afo.
• Sector di Hospitalidad: Implementa miho maneho di porcion y colaboracion cu fundacionnan pa duna cuminda den bon estado un di dos oportunidad.
• Ciudadania: Planea compras di siman conscientemente y cuminsa cu e practica di
"composting" den cura pa transforma desperdicio organico den tera fertil pa nos mesun mata y matanan di fruta. Hunto nos por acelera e paso pa un futuro sostenibel unda "Cero
Desperdicio" no ta djis un meta, sino un realidad diario.
#ZeroWasteDay
#NoFoodWaste
#CircularEconomy
#Sustainability2026
Minister Geoffrey Wever: ArubA tA AvAnsA den digitAlisAcion di finAnsA publico cu introduccion di e-begrotingssysteem
Oranjestad, 30 maart 2026 - Minister di Finansa, Asunto Economico y Sector Primario, mr. Geoffrey Wever, ta anuncia cu Gobierno di Aruba ta marca un paso strategico importante den modernisacion di finansa publico cu implementacion di un sistema digital nobo: e E-Begrotingssysteem. E iniciativa aki ta forma parti integral di ehecucion di Landspakket Thema A Financieel Beheer, cu tin como meta pa asina logra un gobierno “in control” y garantisa un maneho di finansa publico mas solido, transparente y eficiente.
E proyecto a yega na un momento decisivo dia 13 di januari 2026, ora Conseho di Minister a duna aprobacion formal pa digitalisacion completo di e proceso di preparacion y modificacion di begroting. Siguiendo e decision aki, gobierno a activa e proceso pa haya financiamento via un subsidio di €174.100 door di TWO-Nederland, cu lo permiti ehecucion di e sistema den 2026. Una bes e financiamento ta formalisa, Directie Financiën lo inicia un proceso di destaho publico pa adkisicion di e sistema, conforme normanan di transparencia y gobernacion responsabel.
E introduccion di e
E-Begrotingssysteem ta representa un cambio fundamental den e forma cu gobierno ta planifica, ehecuta y controla su recursonan financiero. E sistema lo crea un infrastructura digital robusto cu lo fortalece alineacion entre e meta di maneho publico y uso real di fondo publico, asina cu cada decision presupuestario ta directamente conecta cu resultado concreto pa comunidad. Alabes, lo facilita un ciclo presupuestario mas eficiente, cu lo permiti un nivel mas halto di rendicion di cuenta na Parlamento y na tur ciudadano. E standarisacion di procesonan financiero entre ministerionan y departamentonan lo aumenta transparencia y consistencia den maneho financiero.
Implementacion di e sistema lo tuma luga den diferente fase pa asina garantisa un transicion solido y responsabel. Den prome mitar di 2026 lo enfoca riba entrenamento di personal di Directie Financiën y uso parcial di e sistema pa preparacion di begroting 2026. Den segunda mitar di aña lo sigui cu e desaroyo completo di e plataforma, cu tin como meta finalun sistema
cu ta completamente operacional pa tur ministerio y departamentonan pa ora di preparacion di begroting 2028.
Minister Geoffrey Wever a enfatisa e importancia strategico di e proyecto den e vision di gobierno: “Digitalisacion di nos proceso presupuestario no ta simplemente un adelanto tecnico, pero un paso structural pa fortalece confiansa den gobierno. Nos ta crea un sistema unda transparencia, control y responsabilidad ta central, pa asina garantisa cu cada florin ta wordo inverti di manera eficiente y di acuerdo cu prioridadnan di nos pais.”
Minister Wever a destaca cu e iniciativa aki ta directamente alinea cu e prioridadnan di Programa di Gobernacion AVPFUTURO 2025-2028, caminda modernisacion di gobierno, e-government y fortalecemento di finansa publico ta elemento clave pa un economia resiliente y duradero.
Ademas, Minister Wever ta reconoce e colaboracion estrecho entre Conseho di Minister, Directie Financiën y partnernan internacional, cu a haci e progreso aki posibel: “E resultado cu nos ta
mira awe ta fruto di colaboracion serio y compromiso comparti. Nos ta sigui traha cu disciplina y determinacion pa construi un gobierno moderno cu por responde efectivamente na necesidadnan di nos ciudadanonan.”
Pa garantisa transparencia completo, minister Wever a solicita un sesion habri cu Parlamento pa duna un update amplio riba e
status di tur e proyectonan di Landspakket relaciona cu fortalecemento di e columna financiero di Aruba.Cu e implementacion di e E-Begrotingssysteem, Aruba ta confirma su direccion pa bay na un gobierno mas digital, eficiente y responsabel, un base firme pa crecemento economico duradero y bienestar di tur ciudadano.
Proyecto “ turning the tide Project” exito den henter caribe
Union Europeo ta fortalece conservacion y innovacion na Parke Nacional Arikok Cooperacion cu Union Europeo a contribui significativamente na desaroyo di proyectonan
Conservation Foundation (ACF)
Un di e proyectonan mas reciente ta “Turning the Tide Project”, implementa entre 2023 y 2025 den colaboracion cu Universidad di Wageningen, Universidad di Aruba y ScubbleBubbles Foundation. E proyecto a enfoca riba restauracion di koral y ecosistema di mangel.
di conservacion na Aruba, cu enfoke riba proteccion di naturalesa y educacion ambiental. Esaki a keda evidente den e experiencia comparti pa Tyson Lopez, Director General di Aruba
Den e componente marino, a desarrolla rif artificial y a planta coral riba structuranan special, mientras cu den area di mangel, boluntarionan a haci limpi y habri canalnan pa mehora circulacion
di awa. E proyecto a culmina cu un documental cu a registra e proceso completo durante dos aña. Segun Lopez, e iniciativa aki a contribui significativamente na concientizacion y educacion ambiental dentro di comunidad, y ta considera como un di e proyectonan mas exitoso den region Caribe.
Como continuacion di e esfuerso aki, recientemente a aproba un proyecto nobo cu yama “REEFLECT”, cu lo sigui enfoca riba restauracion di coral, incluyendo instalacion di mas rif artificial y mayor participacion di
comunidad local. Lopez a enfatisa cu Union Europeo a hunga un rol importante den desaroyo di conservacion na Aruba durante e añanan. Entre e proyectonan historico destaca e establecimento di Parke Nacional Arikok, incluyendo construccion di centro di bishitante y infrastructura pa haci e parke mas accesibel.
“Union Europeo ta nifica hopi pa conservacion di Aruba,” Lopez a indica, subrayando cu e colaboracion internacional ta continua di ta esencial pa proteccion di naturalesa y desaroyo sostenible di e isla.
Cualnan ta e beneficionan di consumi pepino cu frecuencia
Consumi pepino cu frecuencia ta hopi beneficioso pa salud. Ta trata di un berdura cu tin hopi propiedad beneficioso pa nos curpa.
Principalmente pasobra e ta aporta un gran cantidad di awa, loke ta convirti'e den un alimento abao den caloria, hopi provechoso pa adelgasa.
Aunke casi tur hende ta pensa cu pepino ta un vegetal, en realidad ta trata di un fruta, ya cu e ta pertenece na e mesun famia cu ta inclui e milon, calbas y patia.
No obstante, ta sosode cu pa su sabor un tiki marga nos a custumbra di come den salada y otro preparacionnan similar.
Awe nos lo contabo den detaye e rasonnan pa cual ta hopi conveniente pa bo inclui e pepino den bo dieet. Mester consumi'e preferiblemente cu casca, cual ta rico den fibra.
Esaki lo yuda nos alivia algun inconveniente relaciona cu stima, manera acidez y pesadez.
Pepino den dieet
Pepino ta otorga bo hopi poco caloria, ya cu gran parti di su contenido ta awa. E aporte calorico pa cada 100 gram ta di apenas 13 caloria, di cual 97% ta likido.
Alabes, e ta abao den carbohidrato y tin un contenido eleva den vitaminanan A, B, C y D, mescos cu mineralnan. Entre nan ta destaca hero, potasium, fosforus, calcium y magnesium.
Finalmente, e ta contene hopi fibra, pa cual consumi pepino cu frecuencia ta excelente pa dieetnan cu finnan di perdida di peso. Pa su gran balor nutricional, nos por bisa cu
e ta un alimento extraordinario, ya cu e ta brinda beneficio pa e distinto areanan di nos organismo.
Beneficionan di consumi pepino cu frecuencia pa e cuero
Un di e usonan mas conoci di pepino ta relaciona cu e tratamentonan estetico. E casca tin cantidadnan grandi di vitamina C y acido cafeico. E micronutrientenan aki ta permiti reduci inflamacion, alivia iritacionnan cutaneo y en general, yuda pa mantene e cuero sano.
P'esey, e ta wordo usa cu frecuencia den tur tipo di tratamento pa e cuero y pa e contorno di e wowonan. Fuera di esey, pepino tambe ta yuda combati enfermedadnan dermatologico manera psoriasis, eczema y acne.
Awo bon, e casca di pepino no solamente ta bon pa usa di forma externo. Tambe por bebe manera un shake. Cu awa y lamunchi e lo permitibo limpia y depura e organismo.
Beneficionan pa e tehidonan
E ingrediente aki ta contene cantidadnan importante di un componente conoci como silice. E compuesto aki tin e capacidad di fortalece y regenera e tehidonan di nos curpa. Entre e mas faborecidonan pa e ingesta di pepino nos ta haya e musculonan, e tendonnan, cartilago, ligamento y eso. Ta trata di un rason mas cu suficiente pa consumi pepino cu frecuencia como parti di un dieet.
Beneficionan pa e sistema cardiovascular
Pepino ta rico den diverso mineral manera e pota-
sium y magnesium y den firbra, den cual ta contribui cu un bon salud cardiovascular.
Dicho micronutrientenan aki ta faborece e circulacion di sanger, yudando preveni e aumento of den su defecto, reduci e presion arterial.
Beneficionan pa e digestion
A proposito di su alto contenido den mineral y vitamina, ora consumi pepino cu frecuencia, e ta yuda nos evita acidez y pesadez den e stoma.
Esey mester ta debi na su aporte di awa, fibra, magnesium y potasium. No obstante, mester tene presente cu e mineralnan aki por hay'e mayormente den e casca, asina di percura pa no kit'e.
Di igual manera, pepino ta funciona como un excelente diuretico, debi na s composicion acuoso. Tambe, e ta yuda elimina vet ubica den e tehidonan y evita e retencion di likido.
Pepino como protector
Ademas di tur e beneficionan cu nos a menciona, ta ideal consumi pepino cu frecuencia dentro di e dieet ya cu ta resulta un extraordinario mecanismo pa proteha nos di factornan extremo cu por causa nos daño.
● Na prome luga, e ta drecha e mucosa intestinal y estomacal, pa cual e ta proteha ambos organo, simultaneamente e ta elimina e toxinanan.
● Pepino tambe ta yuda na e bon estado di nos defensanan. E ta conta cu un alto contenido di vtima di B compex, cu ta reforsa e sistema inmunitario. Di e mesun forma, vitamina C cu ta preveni verkoud y ta faborece e procesonan di cicatrisacion.
● E ta defende nos di e elementonan toxico cu por ta presente den alimentonan cu nos ta ingeri y en general, den medio ambiente.
Contraindicacion
Apesar di tur e beneficionan cu nos a splica, ta exis-
ti algun contraindicacion. Principalmente, pepino ta contene un componente conoci como cucurbitacina, cu consumiendo den cantidadnan grandi, por causa gas y indigestion. Pa e rason aki, ta recomenda consumi pepino di forma modera na esnan cu ta sufri constantemente di indigestion y gas.
Por ultimo, pepino ta altamente diuretico, pa cual por produci deshidratacion. Sin embargo, pa esaki sosode, ta necesario di a consumi un cantidad hopi halto di pepino.
Ken a move mi K eshi
Biblioteca Nacional Aruba, a ricibi foi Fundacion Enseñansa pa Aruba (FEPA) 5 ehemplar di nan buki ‘Ken a move mi keshi’.
E buki promocional tin como meta pa stimula Educacion continuo pa Adulto, specialmente bou esnan cu ta desea di probecha di un segundo of tercer chens pa mehora nan calidad di bida y/of fortifica nan posicion den e mercado laboral.
FEPA a wordo estableci na 2007 y a wordo reconoci oficialmente pa Pais Aruba na 2019. E Fundacion tin como meta pa promove y stimula educacion di adultonan na Aruba, pa asina mehora e calidad di bida y combati pobresa, desempleo y criminalidad.
FEPA a wordo representa pa Sr. Randolf M. Vrolijk, Presidente y Sra. Karen Croes Torres Jimenez, kendenan a adapta y traduci e storia di Spencer Johnson, titulo original: ‘Who moved my cheese’.
Caya Zepp Wever inaugura C omo homenahe na su legado
Diabierna atardi, Gobierno di Aruba conhuntamente cu famia di Zepp Wever a inaugura oficialmente Caya Zepp Wever, den presencia di Prome Minister Mike Eman, huntu cu miembro di famia y comunidad.
Durante e ceremonia, Prome Minister Eman, kende durante añanan a hunga un rol importante den desaroyo y fortalecemento di identidad nacional di Aruba, a comparti palabra cu un fuerte carga personal, recordando e relacion cercano cu Zepp Wever y su famia. El a expresa su gratitud pa e apoyo continuo cu Wever a brinda, inclusive durante momentonan dificil, describiendo e laso aki como uno cu a bay mas aya di amistad y a bira un conexion familiar profundo.
Segun e Prome Minister, Zepp Wever tabata un persona cu a combina responsabilidad personal cu compromiso comunitario.
Eman a resalta con Wever a mustra lealtad y presencia den momentonan clave, algo cu, segun Eman, a defini caracter di un berdadero lider.
Den su reflexion, Eman a describi Wever como un pionero den comercio na Aruba, kende a contribui significativamente na formacion di e base economico di e pais. El a enfatisa cu su impacto no tabata limita na negoshi, sino cu a trece influencia duradero den desaroyo di comunidad y den fortalecemento di sentido di nacionalismo y patriotismo.
Ademas, el a pone enfasis
riba e balor humano di Wever, destacando su solidaridad, compasion y forma di trata tur hende cu respeto y dignidad. Segun Eman, esaki ta cualidadnan esencial cu mester sigui sirbi como ehempel pa generacionnan futuro.
Tambe a hiba palabra su bisanieto Zayron Joseph Wever, kende a comparti un mensahe den nombre di familia. Den su deiscurso, el a recorda Zepp Wever como un figura central den familia y comunidad, resaltando su rol como empresario y fundado di un negocio reconoci na Aruba.
Zepp Wever a contribui activamente na desaroyo comercial di Caya Grandi, incluyendo su presencia na e skina di Nassaustraat y Zoutmanstraat, unda su actividad comercial a forma parti importante di e dinamica economico di e area.
Den palabra comparti di parti di famia, a refleha orguyo y gratitud pa e legado cu Zepp Wever a laga, no solamente den comercio, sino tambe den balornan familiar y comunitario.
E ceremonia a reuni famia, amigo y miembronan di comunidad, den un ambiente di respet y reconocimiento pa un figura cu a laga un recuerdo duradero den Aruba.
E nombramento di e caya ta forma parti di un esfuerso continuo pa honra personanan cu a contribui na desaroyo social, economico y cultural di Aruba, manteniendo bibo nan legado pa futuro.
E COSTO DI NEGLIGENCIA
E costo di mant E ncion atrasa por subi t E a fl. 1,2 bilyon pa a ruba!
E atraso actual den mantencion di mas o menos
Afl. 500 miyon ta pidi un programa nacional di recuperacion pa hopi aña. E gastonan financiero di hopi aña di mantencion atrasa di infrastructura di Aruba por subi te mas o menos: Afl. 1,2 bilyon florin. E suma aki ta refleja e impacto total di mantencion atrasa na camindanan, drenaje di awa di yobida, riolering, edifisionan di gobierno, vivienda y facilidadnan den bario y centronan urbano.
Aki no ta trata di proyectonan nobo, sino di mantencion di infrastructura existente cu ta esensial pa e funcionamento diario di nos comunidad. E situacion aki no a surgi den un solo aña y p’esey tampoco por wordo resolvi den un of dos aña.
ARUBA YA TA PAGANDO E
PRIJS HALTO AKI
E consecuencianan di falta di mantencion atrasa durante hopi aña ya ta visibel den tur districto di Aruba y ta wordo experiencia tur dia pa habitantenan y bishitantenan.
Esaki ta manifesta, entre otro, den:
• camindanan kibra cu buraco y ‘scheur’
• problemanan di inundacion den barionan
• mal accesibilidad di barionan
• edificionan publico den mal estado
• deterio den estado di casnan
• falta di parkeo rond di fasilidadanan publico y den barionan
• seguridad limita di trafiko riba camindanan residencial
• deterioro di espacionan publico den centronan y den districtonan
Loke anteriormente por a wordo soluciona cu mantencion regular, awor ta exigi inversionnan
structural hopi mas grandi pa solamente recupera di e daño haci y preveni perdida completo di infrastructura fisico.
E atraso actual den mantencion ta mas o menos
Afl. 500 milyon
Segun evaluacion andando, e mantencion di e infrastructura existente riba corto plazo ta exigi aproximadamente Afl. 500 miyon florin. Aki ta trata di facilidadnan cu durante varios aña no a haya suficiente mantencion y cu awor ta den estado insuficiente te malo.
E atraso den mantencion aki ta consisti di entre otro:
• Afl. 375 milyon pa infrastructura essencial
• Afl. 125 milyon pa infrastructura di bario y centronan di ciudad
Hunto esaki ta forma e atraso total di mas o menos:
Afl. 500 miyon florin.
Camindanan ta forma e parti mas grandi di e atraso
For di e analysis reciente di Pavement Condition
Index (PCI) ta mustra ku aproximadamente 355 kilometer di e red di camindanan di Aruba ta den estado insufisiente te malo (PCI bou di 55%).
E calculacion basico pa rehabilitacion di e capa di asfalto ta Afl.160.460.000. E calculacion aki ta un minimo y no ta inclui entre otro e siguiente trabounan:
• reconstruccion completo di cayanan
• rehabilitacion di fundeshi di e cayanan
• remplaso di capanan abou
• intervencionan
structural
• mehoracion integral di drenaje pa awa
• adaptacion di trayecto di caminda unda ta necesario
Si e trabounan aki bira nesesario, e gastonan real lo ta hopi mas halto.
Afl. 375 milyon ta pa infrastructura essencial
Di e total atraso, aproximadamente Afl. 375 miyon ta pa facilidadnan esensial pa accesibilidad, seguridad, salubridad publico y servicionan publico. Esaki ta inclui entre otro:
• Red di camindanan – ± Afl. 160 miyon
• Drenaje y riolering –± Afl. 85 miyon
• Edificionan di gobierno – ± Afl. 50 miyon
• Camindanan di santo den barionan – ± Afl. 14 miyon
• Deporte, cultura y enseñansa – ± Afl. 30 miyon
E evaluacion ainda no ta completo, asina cu esaki ta un calculacion minimo o basico.
Afl. 125 miyon pa bario y centronan urbano
Ademas di infrastructura essencial, aproximadamente Afl. 125 milyon ta nesesario pa rehabilitacion di bario y centronan urbano. Esaki ta inclui entre otro:
• trottoir y espacio pa peatonnan
• camindanan residencial
• accesibilidad di facilidadnan publico
• parkeo rond di facilidadnan
• espacio pa parkeo den barionan y centro di ciudadnan
• seguridad di trafico
• mehoracion di espacio publico den Oranjestad y San Nicolas
Cada florin cu no inverti awe por costa Aruba 3 pa 4 florin despues
Den maneho di infrastructura internacionalmente ta usa
e regla cu cada florin cu no inverti awe, por costa nos tres te cuater florin despues. Pa Aruba esaki ta nifica cu e atraso actual di Afl. 500 miyon florin por crece te gastonan sosial di rond di Afl. 1,2 biyon florin si no wordo atendi mes ora y structuralmente pa e siguiente decada.
E evalucion haci ainda no completo. Pesey e calculacion di Afl. 500 miyon florin ta un estimacion minimo o basico. E evaluacion ainda ta den proseso pa:
• fasilidadnan deportivo
• infrastructura cultural
• parti di scolnan nopublico
• infrastructura di bario social cu falta
• edificionan publico
Esaki ta nifica cu e realidad por ta mas halto. E calculacionnan aki tampoco ta inclui solucionnan cu awor ta trahando riba dje pa atende cu e falta grandi di vivienda pagabel pa mas cu 65% di comunidad. E calculacionan menciona akiriba ta trata solamente e rehabilitacion di infrastructura existente.
E no ta inclui invercionnan grandi cu tin cu haci a corto plazo pa:
• casnan y barionan pagabel nobo
• mehoracion y expancion di facilidadnan den barionan
• infrastructura nobo necesario
• camindanan nobo cu pa mucho tempo no a bira cayanan cu asfalt y aceranan normal
• drenaje nobo
INFRASTRUCTURA: un reto nacional pa benidero decada
E magnitud di e problema di mantencion di infrastructura existente y di infrastructura nobo necesario, ta mustra cu rehabilitacion di e daño haci so caba no lo por sosode den un of dos aña. E ta exigi un programa nacional di inversionnan grandi y structural pa por lo menos henter un decada.
Anto esey lo sosode na un costo hopi mas halto cu si a sigui inverti den mantencion regular y expansion systematico tur aña manera tabata e caso. Esaki ta e costo di e negligencia di hopi aña nos tras. Sin accion na tempo, e gastonan financiero aki por sigui subi te aproximadamente Afl. 1,2 biyon florin.
E calidad di infrastructura ta determinante pa e calidad di bida den nos pais. E ta nifica cu invercion continuo den infrastructura esencial y nobo di nos pais, ta esensial pa preveni gastonan mas halto den futuro y sigura cu nos pais ta keda un lugar cu ta bon pa nos tur biba.
Negligencia di esaki manera a sosode den ultimo añanan ta completamente contra interes di nos pais y nos futuro desaroyo.
Bucuti & tara Beach r esort ta honra di wordo recomenda un B iaha mas pa
EAGLE BEACH, Aruba – 30 di maart 2026 - Reconoci pa su servicio excepcional y hospitalidad di luho, Bucuti & Tara Beach Resort a logra un biaha mas e prestigioso reconocemento di Forbes Travel Guide Recommended, asina afirmando su posicion entre e experiencianan di hospitalidad di luho mas excepcional den mundo. Con Forbes Travel Guide ta evalua e hotelnan excepcional den mundo Forbes Travel Guide ta ser considera e sistema mas prestigioso, independiente y global di clasificacion pa hotelnan di luho, restaurantnan, spa y barconan di crucero oceanico. Tur aña, su inspectornan anonimo ta bishita propiedadnan rond mundo, evaluando nan segun 900 criterio objetivo, cu ta pone enfasis riba servicio autentico y e experiencia general di huesped. E inspectornan ta keda minimo dos anochi y ta paga nan propio gastonan, sigurando cu cada clasificacion ta refleha e mesun experiencia cu un biahero lo biba. Un referencia mundialmente
For B es t ravel Guide
respeta den hospitalidad di luho
Den su lista oficial, Forbes Travel Guide ta destaca Bucuti & Tara como un vakantie exclusivo pa adulto riba beachfront, situa riba e parti mas amplio di Eagle Beach. Conoci pa su ambiente trankil y su enfoke romantico, e resort ta ofrece un experiencia intimo cu solamente 104 camber, unda servicio adapta y liderato ambiental ta bai man den man.
Forbes tambe a reconoce Bucuti & Tara como e prome y unico hotel certifica como carbon neutral den Caribe, y un di e propiedadnan mas eco-certifica den e region. Como e prome hotel pa ricibi e United Nations 2020 Climate Neutral Now Award, un honor cu normalmente ta wordo reserva pa corporacionnan grandi global, esaki ta un reconocemento cu e ekipo ta carga cu profundo gratitud. E ta refleha un compromiso continuo pa haci loke ta correcto pa medio ambiente di Aruba, mientras cu ta demostra cu un boutique resort chikito, independiente (sin afiliacionnan di
marcanan internacional di hotel) y local por contribui di un manera significativo riba un escenario global. Asina, Bucuti & Tara a yuda establece un standard nobo pa hospitalidad di luho responsabel, mientras cu ta proteha e beyesa natural di Aruba pa futuro generacionnan.
“Forbes Travel Guide ta representa un di e autoridadnan mas respeta den hospitalidad di luho,”
Crescenzia Biemans, Managing Director di Bucuti & Tara Beach Resort ta comenta. “Wordo reconoci un biaha mas ta un momento significativo pa nos ekipo, y un reconocemento cu nos ta ricibi cu sincero gratitud. E ta refleha e dedicacion di nos Bucuti Associates, kende su cuido autentico y atencion pa detaye ta crea un ambiente unda huespednan ta sinti nan berdaderamente bon bini, aprecia y profundamente conecta durante algun di e momentonan mas special den nan bida. Nos ta sumamente orguyoso di nos team.”
Hospitalidad cu ta pone huespednan sinti nan aprecia
pa e inspectornan como un miembro di personal sobresaliente. “Juan a keda profesional na tur momento y a ofrece servicio eficiente. Juan a haci nos sinti aprecia. Nos a gusta su actitud positivo tur mainta.” Momentonan manera esakinan ta ilustra e spirito di hospitalidad cu ta defini Bucuti & Tara, unda cada huesped ta ricibi cuido atento mientras nan ta disfruta di e beyesa natural y trankilidad di Eagle Beach. Unda trankilidad, ambiente romantico y naturalesa ta bin hunto
Un refugio trankil den Caribe, defini pa romance, bienestar y sostenibilidad,
Bucuti & Tara ta ofrece acomodacionnan cu bista riba laman y hardin tropical, un programa integral di bienestar adapta na cada huesped, opcionnan romantico exclusivo y un experiencia culinario excepcional, guia pa e ekipo culinario renombra di e resort na Elements Restaurant y recien habri Terra by Jeremy Ford. Hunto cu su liderato den turismo sostenibel y su dedicacion na bienestar di huesped, Bucuti & Tara ta sigui entrega un refugio refina den Caribe unda servicio, trankilidad y sostenibilidad ta coexisti den harmonia.
Entre e aspectonan destaca pa e inspectornan, e cultura fuerte di servicio di Bucuti & Tara y su experiencianan culinario sobresaliente ta elementonan esencial den e trayecto di huesped. Servicio cu ta crea experiencianan significativo pa huesped ta esencial den e proceso di inspeccion di Forbes Travel Guide, cual ta pone enfasis riba con hospitalidad ta haci huesped sinti durante nan estadia. E team di Bucuti Associates ta ofrece servicio atento y intuitivo constantemente cu ta transforma momentonan diario den recuerdo duradero.
Durante e inspeccion, Bucuti Associate, Juan Vasquez, a wordo reconoci
Un dia fructifero
y cu e luz di Cristo por briya den cada un di nos
" ... Pasobra tur hende cu halsa nan mes, lo keda humilia, ma esun cu humilia su mes, lo keda halsa". Lucas 18,14
Awe nos ta lesa e importancia di humildad y reconoce nos faltanan. Nos por ta manera e fariseo husgando otro y halsando su mes of manera e cobrado di belasting ta reconoce su falta y su necesidad di compasion. Cu humildad nos ta sirbi otro sin busca recompensa; scucha mas y papia menos, na balora e otronan pa loke nan ta y no pa loke nan tin of ta aparenta di ta. Reflexionando continuamente ta yuda evita na cay den orguyo y na mantene nos mirada fiho den e mision cu Señor a confia nos. Biba cu berdadero humildad ta nifica rechasa e mascaradanan cu hopi biaha nos ta pone pa impresiona of pa competi cu otro. No biba un bida superficial of di falsedad, sea un luz pa mundo unda e luz di Cristo ta briya den bo. Loke ta importa no ta con otronan ta mira nos, sino con Dios ta mira nos. Ser bo mes y cu humildad ta acerca nos na e berdadero esencia di nos fe y esey ta haci nos un instrumento den e man di Dios.
Oracion : Señor Hesus, haci mi curason pareu na bo curason. Manso y humilde y obedecido na bo Santa boluntad.
Amen.
E BON NOTICIA
NO TIN SALBACION PAFOR DI IGLESIA
DI CRISTO-HESUS
Tin sectanan ta bisa, cu salbacion no ta bini di Iglesia. Bijbel ta bisa den Efesionan 1: 22-23; “Dios a pone tur cos bao di pianan di Cristo y E’l a pone Cristo como cabes di Iglesia, na cual ta Su Curpa. Plenitud di Esun cu ta realisa tur cos den tur.” Bijbel Colonsensenan 1: 18: “Cristo ta cabes di E curpa, esta di Iglesia. E ta origen di tur cos, Esun prome cu a lanta for di morto, pa asina E ta Esun prome den tur cos.” Iglesia ta E curpa di Cristo, pa sigi cu e mision di salbacion di Cristo. Den Bijbel Mateo 28: 19-20, akinan Hesus a manda Su apostelnan, pa haci henter e nacion discipelnan di Hesus y e mision aki ta universal, pa henter mundo. Pesey Iglesia di Hesus, mester ta universal y universal ta nifica Catolico (mira den woordenboek). Hesus a institui Su doctrinanan, pa Su Iglesia cumpli cu nan. Bautismo Mateo 28: 19-20, Eucaristia Lucas 22: 19-29, Confirmacion Echonan di Apostelnan 2: 1-4, Reconciliacion Huan 20: 23, Matrimonio Mateo 19: 4-6, Sacerdotal Marco 3: 13-19, Enfermonan Hacobo 5: 14-15. Den Bijbel Mateo 16: 15-19: “Hesus ta puntra Su apostelnan: Anto boso mes, ta ken boso ta bisa Mi ta? Simon a contesta: Bo ta E Mesias, E Yiu di Dios bibo! Hesus a bis’e: Felis bo ta Simon yiu di Huan, pasobra no ta hende a revela bo esaki, ma Mi Tata cu ta den Cielo. Mi ta bisa bo: Abo ta Pedro (o sea baranca) y riba es baranca aki, lo Mi lanta Mi Iglesia y forsanan di fierno lo no podera di dj’e. Lo Mi duna bo e yabinan di Reino di Cielo y loke bo prohibi na tera, ta prohibi den Cielo tambe y loke bo permiti na tera, lo ta permiti den Cielo tambe.” Akinan Hesus ta bisa bon cla, Mi Iglesia, o sea un solo Iglesia. Forsanan di fierno, ta e demonionan den fierno cu lo bin cu diferente institutonan di sectanan, pa podera y pa kibra e Iglesia di Hesus, pero nan lo no logra. Hesus a duna Simon e nomber Pedro, cu ta significa baranca, o sea cabes visibel di Cristo Su Iglesia. Hesus a duna Pedro e yabinan di Reino di Cielo, esaki ta e yabinan pa e porta di Reino, o sea cu e Iglesia Universal di Cristo ta e unico caminda pa e
Reino di Cielo. Tocante e yabinan di Reino di Cielo, por lesa den Bijbel Revelacion 21: 10-14, cu ta bisa di e ciudad Santo di Herusalem cu ta bahando for di Cielo briyando di Dios Su Gloria. E muraya di e ciudad tabatin 12 piedra di fundeshi grandi y ribanan e 12 nombernan di e 12 apostelnan di E Lamchi tabata scirbi. Esaki ta e 12 yabinan di e 12 portanan di Reino di Cielo, na unda e 12 nombernan di e apostelnan ta scirbi. Hesus a duna autoridad na Pedro, pa dirigi Su Iglesia, loke ta permiti y di loke ta prohibi. Den Bijbel Marco 16: 15-16, Hesus ta bisa Su apostelnan: “Pasa rond mundo y predica e bon noticia na henter humanidad. Esun cu kere y bautisa, lo ta salba, ma esun cu no ta kere, lo ta condena.” Compronde bon, cu tur e humanidad di mundo y hasta e Hudiunan mes, nan mester kere den Cristo Hesus y nan mester drenta den Iglesia Universal di Hesus y ser bautisa, pa nan por ta salba y pa nan por drenta den Reino di Cielo. Awor, den Bijbel Efesionan 1: 22-23 y Colosensenan 1: 18, ta bisa, cu Iglesia ta Curpa di Cristo y Cristo ta cabes di Iglesia, cu ta Su Curpa. Y den Bijbel Mateo 16: 15-19, Hesus ta bisa Simon: “Abo ta Pedro y riba es baranca aki, lo Mi lanta Mi Iglesia.” Akinan ta un Iglesia tin.
Den Bijbel Mateo 28: 19-20, akinan Hesus ta bisa, cu Su Iglesia mester ta Universal, pa henter mundo. Lesa Bijbel Echonan di Apostelnan 20: 28-30, na unda San Pablo ta bisa, cu lo bini lobonan feros, o sea sectanan, iglesianan y religionnan falso cu lo bini cu doctrinanan robes, pa kibra e unico Iglesia cu Hesus a gana cu Su propio Sanger. Compronde bon, cu na anja 1521, un tal Martin Lutero un teologo protestant
aleman, a bin cu doctrinanan robes y enterpretacionnan liber y falso di Bijbel. Y asina aki a bin hopi divisionnan y a lanta diferente sectanan y religionnan falso na mundo, ganjando hopi hende y buscando hendenan debil den fe, pa cai den nan trampanan di condenacion. Pesey, no tin salbacion pafor di Iglesia Universal. Scirbi pa Seferino Tromp Un Mensahero di Dios.
