BCI ta informa riba reglanan vigente pa temporada di Carnaval
FAMIA REAL BON RICIBI NA ARUBA CU DIFERENTE PRESENTACION MUSICAL Y BAILE
Aruba Bank celebrando mornarcanan na Carnival Village
Dos hoben herida, despues di problema na snack pazuid di E.P.B
Marisol Lopez Tromp tambe a tuma placa cash di fundacion pa paga ruman via eanews.com
Diadomingo atardi den careda di 4:30 polis a bay pura altura di San Francisco di Asis Pro - Cathedral, unda cu e conoci di polis a.k.a Pinky lo ta bay mata hende.
Polisnan a yega bastante lihe, pero den e caso aki no tawata nada cu kier mata otro.
Tawata algo chikito, unda
e conocido Pinky lo a corta su man cu boter y esaki tawata sangra un poco. Mirando cu e ta bou influencia y ta biba cerca polisnan a cor'e banda di dje durante cu e tawata cana bay.
Berdad cu eybanda tawata tin yen hende ta bebe, pero no tawata tin nada di problema.
No ta suficiente cu tin varios trahador di Serlimar cu den pasado a wordo gara y hasta hiba corte pa nan acto di criminal dor di cende tire na candela, cu ayera atrobe nan bolbe cende.
Ningun hende bin bisa cu tire ta cende candela au so, pasobra ningun hende ta kere e storia ey.
A bira ora si cu Gobierno mester hiba control mas rigido pa kita e trahadornan aki for di trabao.
Pueblo di Aruba a soporta hopi, pero no por mas.
Hato - Dialuna algo pasa di 11'or y mey varios unidad di policial mester a bay un biaha mas altura di E.P.B Hato. Na altura di e snack lo tawata tin un grupo, cu palo y hero.
Dado momento cos lo a escala y nan lo maltrata un otro hoben y despues move di e sitio.
Eynan polisnan a wordo informa unda e grupo/of persona a move y asina polis a logra intercepta tur.
Un grupo consistiendo di 5 hoben a wordo para y controla den Sisalstraat y despues di algun rato por a mira cu polisnan a laganan continua nan caminda.
Den Caya Maguey altura di un Botique Hotel por a mira tambe dos agente a pone un homber ariba vloer, pero no por confirma si e la wordo deteni.
Mientrastanto ambulance a bay e snack pazuid di E.P.B Hato unda cu polis a topa cu un hoben herida y a wordo atendi door di Paramediconan. Eynan un biaha mas polisnan a tuma dato.
Durante cu tur esaki tawata pasando un hoben tawata coriendo bay direccion Pitastraat. Por a mira cu e tawata full soda y exicita.
Den un zijweg di Sisalstraat un patruya a bin topa cu e hoben aki, cu segun su version e tambe a wordo bati.
Polisnan a bay over na control'e completamente y despues a pidi pa Ambulance pasa y asina Paramediconan por check e.
Di tur e problema aki, no tin un bista cla di kiko por a start e bringamento aki. Den mayoria di e casonan aki, no ta facil pa haya sa 100% e origen di e problemanan aki.
ORANJESTAD – E hombernan A.M.(33) y G.E.(27), via video conference a scucha Hues su sentencia den e caso penal cu Ministerio Publico a cuminsa contra nan.
SOLO DI PUEBLO por a compronde cu Hues a condena e duo aki na castigo mas abao cu loke Fiscal a exigi.
Aña pasa tratamento di e caso a tuma lugar caminda Fiscal ta haya cu ambos ta culpabel cu riba 28 di Mei 2022 a bringa cu e homber D.T. den Lekker Bar Restaurant y despues a sali y pasa tira dilanti e lugar. Ta asina cu na e apartamento di G.E. na Wayaca Residence a haya 2 arma di candela. Tambe Hues a mustra durante tratamento di e caso cu tanto A.M. como G.E. a yega di haya castigo caba pa tabatin arma di candela. Esey ta haci cu nan ta wordo considera como residivista. Fiscal a exigi 5 aña di prison pa A.M. y G.E.
SENTENCIA
Hues, Fiscal y abogadonan tabata presente den sala di Corte di Husticia mientras cu na KIA, A.M. y G.E. tabata den un oficina pa via pantaya mira Hues y scucha nan sentencia.
Hues a bisa cu e ta haya legalmente proba cu A.M. y G.E. a bringa cu e homber D.T. den Lekker Bar Restaurant y depues pafor di e lugar a pasa den un Nissan March y los tironan.
Hues a mustra cu na apartamento di G.E. a haya dos arma di candela y balanan. Den e cellular di A.M. a mira potret di un di e armanan cu a haya na e apartamento di G.E.
Pa loke ta trata castigo, Hues a bisa cu Fiscal a exigi 5 aña di prison pa ambos. Hues a bisa cu pa cu e castigo, el a tene cuenta cu ambos a maltrata e homber D.T. Hues a mustra cu for declaracionnan duna por deduci cu door jaloersi e duo a haci esaki. D.T. a bay basila y baila cu e amiga G.E.
Nan tabata di opinion cu D.T. mester keda leu. E amigonan di D.T. cu a mira cu e ta wordo maltrata, a bay kita e hombernan for di dje. Door di esey, e dama G.T. a haya sla den cara. Despues di e acto aki, A.M. y G.E., a drenta un Nissan March y core bay. Nan a bolbe Lekker Bar Restaurant, caminda D.T. y su amigonan tabata pafor. For di e Nissan March un man a sali y
tira den direccion di D.T. y su amigonan. Esaki Hues ta considera menaza di morto contra D.T. y otronan.
CASTIGO
Na opinion di Hues, e tiramento lo tabata un experencia traumatico pa e victimanan. Esaki lo por afecta nan. E tiramento
a sosode riba caminda publico y ta causa sentido di inseguridad den comunidad. Hues ta tuma A.M. y G.E. na malo pa esaki. Ademas nan tabatin armanan y balanan den nan posecion. Esaki ta crea inseguridad den comunidad.
Hues, tambe a tene cuenta cu ambos den
pasado a haya condena caba pa arma di candela. Hues a condena A.M. na 3 aña y 8 luna di prison, kitando e tempo cu e ta sera den KIA y G.E. na 4 aña di prison, kitando e tempo cu e ta sera den KIA. Hues a duna orden pa saca e armanan y e balnan for di circulacion.
Durante tratamento di caso Diamanta siman pasa den Corte, a bini dilanti algun punto cu defensa di e acusado principal Alan Howell a trece dilanti, esta mr. Doris Canwood. Loke e abogado a cuestiona ta con bin cu e colega di Howell, esta Marisol Lopez Tromp, tambe a tuma placa cash di e fundacion pa paga su ruman, y e no a wordo investiga of persigui.
Por corda cu Lopez Tromp a wordo interoga relaciona cu e caso aki tambe.
Den e dossier Diamante ta para cu un biaha a lanta e suma di 50 mil florin for di banco y cu esaki a bay pa paga cierto gastonan. Mita di e suma aki a wordo entrega cash na e parlamentario bakia Marisol Lopez Tromp. E tabata un placa cu e fundacion, supuestamente, debe pa salario di su ruman muhe. Aparentemente prome cu e fraccion a haya su placa, el a paga salario di su ruman muhe Lelicia Tromp, kende tabata yud’e cu su actividadnan di relacionnan publico y alabes tabata director di noticia na TeleAruba, cual ta un conflicto di interes total.
Loke el a bisa cu esaki tabata loke el a paga su ruman den e periodo di 1 januari 2018-31 october 2018 pa Content Management van Social Media en Public Relations & Media Coverage.
Esey no tabata e unico biaha cu e Parlamentario bakia aki a haya placa cash for di e fundacion, pasobra e lo a uza su fondonan pa haci pago cu aparentemente mester a wordo cubri door di e fundacion. Na un otro ocasion el a exigi pa partido pagu’e un suma di 5 mil florin di un curso, pero cash. Abogado Canwood a bisa of a señala partinan den e dossier di Diamante cu ta pasa cu e tesorero a saca 5 mil florin for di cuenta di e fundacion na Banco pa e Parlamentario Lopez
Tromp. “Mester a paga sra. Lopez Tromp e suman aki relaciona cu gastonan haci pa un biahe y estadia di un curso derecho di mucha. E suma, riba peticion
di e parlamentario aki a wordo paga cash, segun mensahenan di whattsapp. Van Putten a declara cu Lopez ya adelanta pago di e gastonan aki su mes, pero e curso no a tuma luga mesora debi na COVID na Hulanda. Tabata urgencia pa haci e pago na sra. Lopez Tromp, pasobra e siguiente siman e lo mester a bay ocupa e puesto di minister. Sr. Lopez no a duna mas detayes di e curso.” Esaki ta para den e procesverbaal di e caso.
E abogado a bisa cu nan ta cuestiona e forma con OM ta midi cu dos midi. Di con no a persigui Marisol Lopez Tromp. Mas pasobra Lopez Tromp
NUNCA a entrega TUR factura di e placanan cu el a ricibi cash.
Un politico manera Lopez Tromp, pa su añanan den politica, funcionnan cu el a ocupa como Parlamentario y Minister, y cu tabata ambiciona pa ocupa e funciona di Ombudsman, sa masha bon con un administracion mester ta hinca den otro pa cumpli cu leynan. Casa cu un homber di cifras mas ainda mester ta consciente cu transaccionnan cash awendia ta lanta hopi pregunta.
Banda di esaki, e politico ta papia hopi di integridad, di ta un luchado pa cana e caminda rector, pero ta e mesun persona
cu ta paga su ruman muhe cu placa cu e fundacion ta haya for di Parlamento, sin ningun a tende kico ta tur e trabounan cu e ruman a haci.
Pues a beneficia su mesun ruman muhe, kende tabatin un compania, cu puntrando rond niun hende sa di dje, y no a menciona tampoco ta cuanto cliente e compania di su ruman aki tabatin.
Pues Marisol Lopez Tromp no a duna e miho ehempel ora cu a haci uzo placa di Parlamento y riba dje no tabatin motibo pakico e pago na dje mester a wordo haci cash enbes via di transferencia.
30 di Januari 2023: Manera ta custumber, Federacion di Ahedres di Aruba (FAA) a organisa nan Copa Betico Croes 2023, na nan cede na Royal Plaza. Un torneo riba un nivel hopi halto, cu a conta cu un total di 32 participante, 16 den hubenil y 16 den categoria open.
Den categoria hubenil masculino; Paul Villalba a gana invicto cu 5 punto, sigui pa Justin Yau y Alexander Sifontes. Categoria hubenil femenino, Wignifer Mendoza a sali campeon sigui pa Hanna Montoya y Salome Zulaga. Rookie hubenil a keda den nomber di Rashad Sewar.
Den categoria open masculino, tawata tin un empate na prome luga entre Ilya Stetsenko y Jose
Pesqueira. Pa sistema di desempate Ilya Stetsenko a sali campeon, sigui pa Jose Pesqueira y na tercer luga a keda Randy Tromp.
Den categoria open femenino, Thamara Sagastegui y Leslie Cielo a duna un bon bataya, na final Thamara a bay cu e titulo. Demas ganadonan tawata; U-16 Paul Villalba, U-14 Santiago Rodriguez
y U-12 Colin Koolman. Federacion di ahedres kier a manda palabra di pabien na tur ganado y gradici tur participante cu a contribui grandemente na nos torneo. Por ultimo, masha danki na Carol Pesqueira y Lazaro Bueno, cual a fungi como organisado y arbitro di un evento exitoso.
Ata bo ultimo oportunidad pa inscribi pa aña academico 2023-2024!
Instituto Pedagogico Arubano (IPA) a haya peticion di varios interesado pa inscribi aunke cu inscripcion pa aña academico 20232024 a cera caba. Pa e motibo aki IPA a dicidi di habri su inscripcion atrobe pa e estudio pa maestro di Enseñansa Primario p’asina duna e interesadonan aki oportunidad pa inscribi.
Inscripcion ta tuma luga online. Bishita www. ipaaruba.com, bay na aanmelden y scoge pa beroepstest Primair Onderwijs y sigui e instruccion. E ultimo dia pa inscribi pa e estudio aki ta 17 di februari 2023. Despues di e fecha aki no por inscribi mas pa aña academico 2023-2024 pa motibo cu e beroepstest (testnan di admision) lo tuma luga dia 25 di februari y 4 di maart. Ta consehabel pa inscribi mas pronto cu ta posibel p’asina bo tin suficiente tempo pa prepara y termina e beroepstest cu exito!
Tene na cuenta cu solamente studiante den examenklas of graduado di havo, vwo of mbo nivel 4 por inscribi pa e estudio pa maestro di Enseñansa Primario. Inscripcion pa e 21+Toets a cera dia 10 di october 2022, pues no ta posibel mas pa inscribi pa 21+ Toets pa aña academico 2023-2024.
Pa keda altanto di e ultimo desaroyonan di IPA bishita nos website www. ipaaruba.com y sigui nos riba e pagina di facebook Instituto Pedagogico
ORANJESTAD - Dialuna mainta a tuma luga e yegada tan spera di Famia
Real. Aruba a sa di duna Rey Willem Alexander, Reina Maxima y Prinses Amalia un caluroso bon
bini. E Famia Real lo ta na Aruba dia 30 y 31 di januari atendiendo diferente actividad rond Aruba, y dia 1 di februari nan lo sali pa Corsou. Manera cu a bin ta anuncia den preparacion pa ricibi e Rey Willem Alexander, Reina Maxima y Prinses Amalia, tin un programa extenso cu a wordo prepara pa asina e Famia Real por cera experiencia Aruba su cultura mas di cerca.
Despues di nan yegada e ceremonia oficial yamando e Famia Real bon bini a tuma luga na Wilhelmina Park cu e ‘erewacht’ di e militarnan. Despues di esaki, e Famia Real a cana bay Cas Ceremonial di Gobernador di Aruba caminda a tene un encuentro, sigui pa un encuentro na Parlamento
di Aruba. Na caminda pa Parlamento di Aruba tabatin cantidad di personanan y muchanan di scol presente saludando e Famia Real. Por a mira Rey Willem Alexander, Reina Maxima y Prinses Amalia dunando muchanan man, saludando e personanan y tambe disfrutando di diferente show di canto y baile cu a wordo prepara specialmente pa e Famia Real su yegada.
Na e ocasion Prome Minister Evelyn WeverCroes conhuntamente cu Ministernan di Gabinete Wever-Croes, tambe tabata presente saludando comunidad. Cada uno a presencia e bunita presentacionnan cultural cu tabatin riba henter e ruta te na Bestuurskantoor, caminda cu e Famia Real a atende un encuentro den Conseho di Minister. Di e forma aki a completa e prome parti di dia di bishita di Famia Real.
31 di januari 2023 - Aruba
Carnival Village tawata e centro di ambiente diasabra anochi unda nos Monarcanan di Caiso y Soca a ser elegi.
Un trayecto cu a cuminsa na november unda tur e artistanan local a haya e oportunidad pa presenta nan cancionan durante e pre-finalnan cu a wordo teni den diferente centro di bario riba nos isla. E evento di Caiso and Soca Monarch a culmina durante fin di siman, unda un total di 27 soca y 7 caiso a competi durante e anochi final.
Sosteniendo nos cultura
y nos hendenan, Aruba Bank ta contento di por a forma parti di un evento cu ta sigui cultiva asina hopi creatividad bao di e compositor y areglistanan, unda musiconan y cantantenan ta presenta nan cancionan di calidad halto cu tur nan entusiasmo na tur espectadornan presente.
Un pabien ta bai pa Galloway Jr., cu a wordo corona como Caiso Monarch King y Jair Dijkhoff, Casper como Soca Monarch King y sigur na tur finalista y concursantenan cu a haci e evento aki uno magno.
Dialuna mainta net prome cu yegada di e bishita Real desconocidonan a pega algun candela masha grandi mes riba Dump,
dependiendo e direccion di e biento e lo por afecta e evento protocolar na Wilhelmina Park y vecindario.
Segun Robby Rosel, Vocero di Bureau City Inspector (BCI) ta splica cu no ta permiti pa uza grill di carbon ariba e ruta di carnaval cu ta tereno Publico .
Mirando cu kisas tin hende cu lo ta pensa di uza grill ariba ruta di carnaval nos kier a pone na conosimiento cu no ta permiti esaki pa motibo cu e carbon ta daña nos medio ambiente esaki por laga sushi atras di carbon . Si acaso ta desea grill durante di e parada lo
por uza un grill di gas no di carbon. Den nomber di BCI nos ta spera di haya cooperacion di tur esnan cu ta bay disfruta di nos carnaval. Alabes ta importante pa recorda cada uno cu a haya un kavel of cu ta ariba e ruta di carnaval pa por fabor no uza palet corda semper cu nos mester mantene nos carnaval bunita. No ta permiti pa corta mata ni tampoco pa uza carton ariba ruta. Den nomber di Bureau City Inspector nos ta desea henter e pueblo di Aruba un dushi carnaval .
Diamars 24 di januari OPPA a organisa e prome actividad pa aña 2023. Un grupo basta grandi a bishita San Nicolas pa un caminata den e cayanan y asina admira e bunita pinturanan di muraya riba diferente edificio. Cu bus a sali exactamente 9:00 am for di Centro Deportivo Betico Croes rumbo pa Artisa, Art Gallery den e caya principal di San Nicolas.
Aki Sr. Tito Bolivar, curator di e arte riba muraya, a duna e bishitantenan un caloroso bonbini. Sr. Bolivar a conta e storia interesante con el a bin na e idea di haci di San Nicolas e capital cultural di nos pais. Den e galeria por a admira diferente obra di arte di artista local. Tambe el a conta di e Galeria di Arte cu e ta organisa tur aña den luna di September y cu tanto e localnan como e turistanan ta goza hopi di dje.
A parti e miembronan den 2 grupo pa bou di guia di Sr. Bolivar y Sra. Jean a sigui un caminata pa admira tur e bunita pinturanan. Na cada obra di arte a splica con e proceso di e artista a tuma luga, pa yega na crea e obra di arte riba e muraya. Tabata un mainta educativo cu hopi informacion y e participantenan a goza di e buniteza di e galeria di e cayanan. Por a admira bunita obra/pintura di hoben talentoso di Aruba manera Armando Goedgedrag y Lowe. Tambe a haya splicacion di e tecnica di comberti un potret chikito den e pintura cu dimencion corecto den un escala hopi mas grandi.
Tin obra di e artistanan di pintura di muraya internacional p.e. di Checoslovaquia, Portugal, Alemania, Curacao y Colombia.
Tur ta obra magnifico riba nan mes. E parti aki di San Nicolas ta sigur un atraccion turistico importante pa San Nicolas, cu ta conoci como number uno den Caribe.
Despues di e caminata e grupo a cana bay na Art.ish Café na final di e caya principal. Tabatin transporte pa e miembronan cu a prefera di no cana e distancia ey. Na Art.ish Café por a disfruta di un tremendo Johny Cake cu ‘saltfish’ y un dushi juice di lamunchi. E ambiente tabata ameno. Na final bus a bin busca e miembronan di OPPA patras di caya y hiba nan bek na Centro Deportivo Betico Croes. Sigur por bisa cu e actividad aki, en conexion cu celebracion di Dia di Betico, tabata un exito y nos miembronan a goza hopi. OPPA kier
gradici tur e miembronan, Fundacion Artisa, Art. Ish Café y na Fofoti cu
a participa na e mainta aki. Keda pendiente pa e siguiente actividad di
Despues di e prome curso exitoso na Paradera, registracion ta habri pa e curso Finansas den mi Hogar den districto di San Nicolas. E curso ta start riba 27 di februari.
Na Aruba 3 for di 10 hogar ta gasta mas di nan entrada tur luna segun sondeo di Banco Central di Aruba. E desaroyo aki ta uno preocupante pasobra e ta indica cu cada luna ta un reto pa hogarnan cumpli cu tur necesidad y responsabilidadnan financiero manera entre gasto pa vivienda, cuminda, y prestamonan personal. Como consumidor ta importante pa sa ki impacto cada decision financiero tin riba nos cartera y nos hogar.
Meta di e proyecto ta pa nos hendenan ricibi guia y conocemento cu por yuda tuma decisionan financiero cu ta beneficia su bienestar, den tur districto di Aruba y awor den districto di San Nicolas.
E Proyecto Finansas den mi Hogar a wordo desaroya door di Fundacion Plan di Bida. Fundacion Plan di Bida cu su presidente sra Paloma OsorioTromp tin como mision y vision trece conscientisacion den nos comunidad, ofreciendo ayudo y guia mustrando e manera pa maneha nos finansa mas efectivo.
Hunto cu Fundacion Plan di Bida lo ofrece un curso como apoyo na nos hendenan. E curso ta consisti
di 4 sesion cu lo enfoka riba con nos por maneha nos finansas cada dia.
E 4 sesionnan ta:
Sesion 1: Mi ta efectivo den mi cas. Con mi por spaar y tambe con pa cumpra sin emocion
Sesion 2: Mi ta paga mi debe. Kico lo pasa ora mi no por paga mi debe mas
Sesion 3: Mi ta inverti den mi futuro. Futuro di nos y nos
yuinan ta importante y con nos por logra nos metanan
Sesion 4: Mi presupuesto. Kico ta luho y prioridad y con segun bo entrada bo por presupuesta y asina logra nos metanan
Na final di e curso cada cursista lo ricibi un certificado di participacion.
Minister Geoffrey Wever ta invita
cada un cu ta desea di participa pa hasi esaki pa asina haya e apoyo necesario pa un maneho di bo finansas. Registacion ta completamente gratis, pero cupo ta limita.
Pa mas informacion y registracion por tuma contacto cu Fundacion Plan di Bida via telefon 5688848 of email finansasdenmihogar@ gmail.com
Recientemente IPA a ricibi bishita di Robbert Dijkgraaf, Minister di Enseñansa, Cultura y Ciencia di Hulanda, hunto cu e representantenan di VNO. Esaki ta den cuadro di e proyecto Kibrahacha cu ta un proyecto tocante ‘Samen Opleiden’ entre e islanan ABC. Na Aruba tin varios scol primario cu ta traha cu IPA den e proyecto aki p'asina conhuntamente educa e studiantenan di IPA, den practica.
Meta di e encuentro aki tabata pa wak con tur e diferente actornan ta experiencia proyecto Kibrahacha y alabes cera conoci cu Minister di Enseñansa di Hulanda. Durante di e encuentro a sondea e posibilidad y forma con Hulanda por sigui contribui na e desaroyo positivo aki.
E mainta a inicia cu un presentacion di drs. Marilyn Richardson, directora general di IPA. drs. Richardson a splica en corto tocante e estudionan cu IPA ta ofrece, e colaboracion cu e instituto tin cu diferente instituto/ instancia local y internacional. drs. Richardson a elabora tambe riba e vision y
meta pa futuro di IPA y e retonan cu esakinan ta trece cu ne.
Minister Dijkgraaf a indica cu e ta reconoce cu e retonan cu comunidad y enseñansa na Aruba tin tambe ta hunga un rol na Hulanda, y cu e ta interesa pa busca poisibilidad pa colabora y wak con tur partido por yuda otro anda cu e retonan aki. El a indica tambe cu ta explora e posibilidad di un Koninkrijks Beurs pa duna oportunidad pa tur studiante den Reino Hulandes core stage den e paisnan den Reino.
Siguientemente, e lider di proyecto Kibrahacha, drs. Marisol Croes a conta cu Kibrahacha tin efecto positivo riba e colaboracion entre e institutonan y scol primario.
Tambe tabatin dos studiante di aña tres di estudio pa maestro di Enseñansa Primario di IPA presente, esta Nataly Tobar y Thyara Doornkamp. E studiantenan a conta cu nan a experiencia e cambionan cu a tuma luga door di proyecto Kibrahacha na un manera sumamente positivo.
Un di e cambionan ta e acoplacion entre teoria cu ta ricibi na IPA y e contenido di e periodo di practica den e mesun
semester.
E forma cu Kibrahacha ta organisa riba e islanan ABC lo por fungi como
Dia 26 di januari 2023, ta Dia Internacional di Aduana y pa e ocasion aki Minister Maduro di Finansa tabata presente na e Santo Sacrificio di Misa pa gradici y pidi proteccion pa tur Aduanero cu ta traha na bienestar di Pais Aruba. E mainta aki a conta cu presencia di Minister President Pik Pisas, Minister di Finansa di Corsou Javier Silvania, directora di Aduana di Corsou y representantenan di Aduana di Boneiro, Hulanda y Merca. Despues di e Santo Sacrificio di Misa a sigui un momento di discurso di e sindicatonan, directornan y mandatarionan presente. Minister Maduro a hiba palabra pa felicita e Cuerpo di Aduana, y tambe pa comparti como un simpel hende algun palabra di sabiduria cu tur persona presente. Na final a toca turno pa e mandatario encarga cu Aduana, inspecciona e peloton di Aduana kendenan despues a marcha pa bay na Club San Martin na
unda e Aduaneronan por a comparti un rato ameno cu otro. E Dia di Aduana a cera cu un dinner na unda e Aduaneronan di Aruba,
Boneiro, Corsou, Hulanda y Merca por a celebra un rato hunto.
Minister Maduro di Cultura a bishita Scol Preparatorio Nos Paraiso na Paradera pa por mira con nos muchanan ta prepara pa celebra Dia di Betico. Na yegada di e mandatario, e muchanan tabata tin bandera di Aruba den man pa asina duna e mandatario un caluroso bon bini na nan scol. Despues tur klas a reuni den gymzaal di e scol pa asina Minister Maduro por a combersa un rato cu e muchanan riba kende tabata Betico Croes y kico tur importante ela haci pa Aruba. E muchanan a deleita e mandatario cu un bunita cantica na final dedica na Betico Croes.
Minister Maduro ta
gradici directora y tur maestro di Nos Paraiso pa tur e enseñansa cu ta wordo brinda na nos muchanan riba e pasonan
y logronan di Betico Croes na bienestar di comunidad. Masha pabien y Feliz Dia di Betico.
Riberostraat/NoordDiadomingo anochi den careda di 7'or alarma a wordo bati pa un auto cu a drenta mondi den bocht cerca di veld di futbol, a wordo bisa cu lo ta trata di un accidente basta serio.
Mesora patruyanan cu a yega e sitio a pidi pa ambulance y tambe unidad di rescate di Brandweer, mirando cu e chauffeur cu ta un hende homber a keda pega den e auto.
Tawata trata di Nissa Cube, cu pa un of otro motibo a perde control ariba e vehiculo a bay termina den e mondi unda tin un rooi ta core.
Brandweer mester a usa bastante cautela momento cu nan a bay libera e chauffeur, e no tawata
algo facil nos a compronde na e sitio.
Pero despues di basta rato y un bon trabou di Brandweer a logra libera e chauffeur y pase over pa Paramediconan cu tawa-
ta cla para eynan mes pa atende cu e victima.
Departamento tecnico y polis di trafico tawata na e sitio pa conduci e investigacion. Pero, tur cos tawata duidelijk pa po -
lis cu ta un auto envolvi y cu tur cos ta indica cu e la perde control of no tawata sa cu tin un bocht eynan.
E la wordo transporta pa Hospitaal y polisnan di
trafico tambe a bay Hospitaal pa pone nan mes na altura di su situacion.
Ora cu e la wordo saca por a mira cu e lo tawata for di tino.
Diadomingo atardi a drenta informe di cu lo tin un pelea y lo tin hende herida, mesora a dirigi patruya na e sitio.
Na yegada di e patruya a bin componde cu aki no ta trata di un bringamento pero un persona consumiendo alcohol cu lo a cay y
corta su dede. Un di e patruyanan cu tin un maletin pa prome auxilio a usa esaki pa asina
atende e victima su herida y nada mas.
Diadomingo anochi a drenta informe di un accidente cu un motociclista herida na Cura Cabay, me -
sora a dirigi tanto polis como ambulans na e sitio.
Na yegada di e patruya a bin compronde cu aki ta
trata di un accidente unda cu e chauffeur di un Hyundai no a duna preferencia na un brommer y esaki a
bin dal basta fuerte riba dje. Debi na e impacto e motociclista a resulta herida. Pero e brommer mes ya no tabata na e sitio ya cu amistadnan lo a bay cu
esaki for di e sitio pa evita cu polis confisca esaki. Na yegada di e ambulans nan a atende e victima y a transporte pa hospital.
Fin di siman a tuma lugar den Piedra Plat Entertainment Center e segundo entrega anual di e awards na e atletanan cu mas a destaca den 2022. MC oficial tawata Addonsito Croes. Giants Aquatics Aruba ta un organisacion di natacion cu ta existi 3 aña. Tawata e Headcoach Jordy Groters cu na 2020, rond di e pandemia, esun cu a bini cu e idea di lanta e club aki. Nan a cuminsa cu 13 atleta y awo den 2023, a crece na 60. Cada un di e 60 atletanan a ricibi un certificado oficial pa nan prestacion den 2022. Tambe a entrega 10 award na e 10 atletanan cu mas a destaca.
Den su speech e presidente sra. Zuleika Silva, a gradici cada atleta, mayor y colaborado pa nan sosten. Entre otro el a gradici Ames Brinkman, Meggy Kerpens, Stephanie Croes, Danilo Rudolfo, Maureen Croes, Miroushka Statia, Maychell Carrera, Jeff Feliciano, Kimberly Boekhoudt, Tai Foo Lee, Kehdy Griffith, Dylan Fingal y Addonsito Croes.
E coachnan Jordy Groters, Darwin Marchena, Kevin Dijkhoff, McKenzie Curtney y Rochendra Vrolijk por ta orguyoso di nan alumnonan cu ta prestando tremendamente.
Por menciona cu Giants Aquatics tawatin clasificacion pa Carifta, clasificacion pa Pan Am na Trinidad & Tobago, premio Excelencia den deporte 2022, bunita re -
sultadonan na Plantation y un “Giant” cu tawatin e curashi pa landa entre dos isla.
Tanto Zuleika Silva como Jordy Groters ta comparti e filosofia di duna e mucha e tools y asina e por construi su meta. Potretnan ta cortesia di Ames Brinkman y 297Sports.
beyeza” lo ta organizando e Cupcake di Speranza pa dianan 13 y 14 di February 2023.
Aki ta unda companianan y tambe individualnan por bestel cupcake den e forma simbolico di 5 florin pa Cupcake y di e forma aki tambe yuda cu e bon causa aki. Minimo pa order ta 10 Cupcake y por bestel cuanto cu ta desea.
Pa bestelling por manda un whatsapp of yamanos na 5616151 y haci bo pedido.
Na nomber di Aljeraou y su mama, henter famia y nos organisacion di GLW Foundation MASHA MASHA DANKI. Tambe bo por haci un donacion si ta desea esaki na e cuenta di CMB 612-50903 GLW FOUNDATION.
Tambe nos ta haci un Yamada na nos team di repartidornan di semper dus Gina y su team pa comunica cu nos pa por pl-
anifica e delivernan. Si bo ta un persona adulto, responsabel y cu ta dispone di tempo y tin propio transporte y kier yuda den e causa aki pa parti cup -
cake pa nos por mandanos un whatsapp na 561-61-51.
Manera ya a bira un tradicion, GLW Foundation organisador di Miss Teen Aruba International y Turismo Mundial y awor tambe Thick Madame ta organisa e di 8 edicion di su popular “Cupcake di Speranza 2023”. E aña aki nos ta dedica nos benta na Aljeraou Tromp y Fundacion Metastatic Breast Cancer Awareness.
Aljeraou Tromp ta un mu-
cha di 8 aña ta sufri di un autimo severo basta grave y e mes ta haci sum es daño y famia kier bay cune den exterior pa asina e por haña mas tratamento y pa e por tin un mihor calidad di bida. Y tambe un parti ta bai na Fundacion Metastatic Breast Cancer Awareness.
Pesey mes GLW Foundation cu su lema semper “Mas cu un certamen di
GLW Foundation ta organisando pa di 8 aña consecutivo su benta di cupcake “Cupcake di Speranza”.
Diadomingo madruga durante patruya polisnan atento di distrito 4 (Santa Cruz) a nota un auto
coriendo malisimo na Paradera, mesora nan a
para e chauffeur y hala su atencion pa su comporta-
cion peligroso riba caminda y a dun'e un boet.
Diasabra anochi a drenta informe di un problema tocante placa na un bar den De La Sallestraat, mesora a dirigi un patruya
na e sitio. Na yegada di e patruya a bin compronde cu ya caba nan a resolve e asunto pero tabata tin un dama cu no kier a compro -
nde polis, polis a core cu e dama pero e dama tabata
kier e placa e ora ey. Polis a bis'e e problema ta re -
solvi y ta e dia despues ta haya e placa.
Diadomingo anochi a drenta informe di un pelea entre pareha na Jaburibari, mesora a dirigi un patruya na e sitio. Na yegada di e patruya polis mester a interveni den e pleito unda
un no kier wak e otro mas. Polis a papia cu ambos y a splica nan con pa atende nan asuntonan como debe ser sin violencia. Na final un di nan a bay for di eynan.
varios auto blokea na Linear Park, mesora polis a bay resolve e problematica
di blokeamento na e sitio unda tur hende por a bay nan cas.
Departamento di Mucha y Hoben (DMH) a finalisa un fase sumamente importante, esta e website como tambe e software pa asina cuminsa acumula e informacionnan y registracion di e centronan di cuido di mucha. Pero banda di esaki, e website ta un fuente, unda e Centronan di Cuido di Mucha por ricibi e.o. tur informacion, pero tambe por start e proceso pa aplica pa un permiso temporario pa opera nan centro.
Desde 2020 tin diferente movecion andando dentro di e Centronan di Cuido di Mucha. Entre otro a logra haci un estudio riba e situacion inicial di
e Centronan di Cuido di Mucha y a formalis’e den un rapport titula ‘Nulmeting Kinderopvang’ na Aruba. Despues di esaki tambe a finalisa y concretisa e Manual di Regulacion (Handleiding Kwaliteitseisen Kinderopvang), unda ta describi tur e exigencianan minimo pa opera un Centro di Cuido di Mucha.
Mirando cu e Landsverordening Kinderopvang ta den fase final pa drenta na vigor, ta bon pa accentua, cu ta desde 2017 a aproba e ley aki unanimamente den Parlamento y a yega e momento cu DMH ta yega na e prome stap di cuminsa cu e prome Registro
Nacional oficial di e Centronan di Cuido di Mucha na Aruba.
Kico esaki ta nifica pa un Centro di Cuido di Mucha?
Un Centro di Cuido di Mucha, unda ta brinda cuido profesional di cinco (5) of mas mucha, den categoria di edad di seis siman te ora cu nan caba scol basico (AB2017 No. 38), tin e obligacion di aplica pa un permiso temporario, pa asina por opera su Centro. Pues, e Centronan di Cuido di Mucha ta aplica mediante e website di DMH, cu nos a lansa awe, pa un permiso temporario pa por opera.
Mas cu claro DMH tambe
ta cla pa duna asistencia personal na e Centronan di Cuido di Mucha cu tin necesidad den esaki. Pues kier a pidi tur Centro di Cuido di Mucha cu ta desea di haya ayudo den e proceso aki, tuma contacto directamente cu DMH na info@dmh.aw of dmharuba@gmail.com
Pa tur persona cu ta desea di habri un Centro di Cuido di Mucha despues di 31 di maart 2023, lo tin di cumpli cu tur rekesito indica akiriba, como tambe e rekesitonan menciona den e Handleiding Kwaliteitseisen Kinderopvang. E persona nan aki LO NO BIN DEN REMARKE MAS pa e fase di transi-
DMH ta papia di un permiso temporario, mirando cu tin diferente aspecto minimo cu mester cumpli cu ne y cu ta bin dilanti den e ‘Handleiding Kwaliteitseisen Kinderopvang’, pa despues cuminsa cu e permiso definitivo.
Niun centro no ta ricibi e permiso temporario ainda, esey lo ta mas den luna di april, na momento cu a haci un inventario completo di cada centro di cuido. E permiso temporario aki cu su recomendacionnan tin un validez te cu maart 2025. Mas informacion lo sigui den e siguiente lunanan.
Tin amor propio, tin amor pa bo prohimo pero tambe tin amor pa bo yiu(nan) cu ta un amor incondicional. Luna di februari ta conoci pa ta e luna di amor y amistad. Como mayor tur dia ta un dia di duna amor pa sea e baby e mucha of e adolescente. No solamente cu palabra, pero tambe cu hecho nos por demostra cu di berdad nos ta stima nan. Ta importante pa ora di mustra nan e amor cu nos tin pa nan pa busca e contacto visual pa asina confirma y fortifica e palabranan di stimacion. Amor incondicional Kico nicifa amor incondicional realmente? Amor incondicional significa un amor caminda no ta conoce limite of no tin condicion mara na esaki. E por wordo yama tambe amor cu compassion of wordo asocia cu amor completo. Pensa ariba e amor cu bo mayor(nan) kisas tabata of tin pa bo y naturalmente e amor cu abo mes como mayor tin pa e yiu(nan).
Como mayor ta importante pa duna amor na e yiunan pero esaki no significa cu lo laga e yiu(nan) haci locual cu nan kier.
Pues mester pone regla y limitacion cerca e yiu(nan) pa nan mesun protecion. Esaki tambe ta parti di
amor y lo mester wordo practica di un edad jong of for di baby caba.
Kisas ta dificil pa bisa e mucha un no of cu no por.
Pero nan tin cu siña deal cu esaki. Ta importante pa duna e yiu(nan) na un momento asina un splicacion pakico. Tambe si tin posibilidad pa duna un of mas alternativa of opcion ariba locual no ta posibel.
Papia tocante amor y intimidad
Ta importante cu mayor comunica y papia tocante di amor for un edad hoben cu e yiu(nan).
Pregunta(nan) lo surgi for di e mucha(nan) tocante e topico y lo yega un dia
cu e mucha of hoben lo tin tambe sentimento di amor y intimidad. Esaki pa hopi mayor kisas ta un topico dificil pa papia cu e yiu(nan). Si mayor tin dificultad pa papia tocante intimidad y sexualidad semper por acudi of comunica cu Tienda di Educacion. Nos ta bibando den un era caminda cu informacion ta tur caminda, e cuestion ta si acaso e informacion ta esun corecto. Vooral ora ta trata mucha of hoben ta importante pa nan sa cu no tur informacion ariba internet ta cuadra cu e realidad. Ta bon pa busca e fuente di unda e informacion ta bin. Tin organisacion grandi internacional cu por ehempel tin otro metanan di existencia y no tur ora ta cuadra cu e meta di duna of informa e comunidad, kisas pa por bende un servicio of producto.
Tienda di Educacion Mayor bo no ta para pa e retonan aki boso. Ta tareanan cu por mustra dificil pero Tienda di Educacion
t’ey na disponibilidad di comunidad di Aruba pa duna abo e sosten y guia gratis. Por contact Tienda di Educacion na 161 cu ta disponibel di dialuna pa diabierna di 8 am pa 6 pm non-stop.
Tambe por like nan Facebook page keda informa y tambe comunica di nan
servicionan.
Tienda di Educacion ta situa den edificio di Centro pa Hoben y Famia na Sabana Blanco 68-C y ta na servicio di henter comunidad. Nos muchanan ta nos futuro. Ban crea un futuro caminda cuido propio ta wordo practica constantemente.
585 9500
of manda nos un e-mail na solodipueblo@gmail.com
Caida di cabey ta menos frecuente den hende muhe cu den hende homber. Ta un proceso natural cu ta aparece cu paso di tempo, den uno mas tempran cu den otro. Sin embargo, ta existi hopi solucion pa frenta caida di cabey Aki nos lo contabo al respecto. Bo ta un di e personanan cu a nota cu bo cabey ta cay den mayor cantidad y cu mas frecuencia? E ora ey, nos ta recomenda pa bo sigui e siguiente consehonan pa frena e problema aki.
Caida di cabey
Durante nos hubentud nos por tin entre 50 y 80 hebra di cabey diario. Esaki ta sosode pasobra e ciclo di cada uno ta di 2 pa 7 aña. Una bes cu e ciclo aki cumpli, cada foliculo piloso ta prepara pa forma un cabey nobo den un plaso aproximadamente di tres luna.
Mal alimentacion, algun enfermedad y tratamento, nerviosismo, stress, cambionan hormonal y genetica por ta un di e rasonnan di caida di cabey.
Tambe algun agente externo manera climanan caluroso, productonan kimico, blower y plancha, ta contribui na e problema aki.
Tras di e caida ta forma cabey nobo mas fini, cu un ciclo di bida mas cortico. Ora e cay e mesun proceso ta sosode te ora cu e foliculo cera por completo y ya no ta crece mas.
7 Conseho efectivo
1. Massage e cuero di cabey
Massage e cuero di cabey ta yuda preveni caida di cabey.
Ta lo mas simperl cu bo por haci pa evita caida di cabey. Esaki no ta hiba na gasto economico algun.
Solamente si bo ta desea, bo por haci'e aplicando azeta di almentra of cualkier otro azeta esencial. Massage tur dia den bo cuerdo di cabey ta faborece circulacion di sanger y ta activ e funcion di e foliculo piloso. Ademas, ta un tec-
nica relahante.
2. Frega cu juice di siboyo Frega juice di siboyo den e cuero di cabes prome cu drumi y lag'e actua durante anochi. Kit'e mainta cu un bon laba pa evita cu e holo por keda. Prepare ta hopi simpel Ingrediente
● 1 siboyo
● 1 glas di awa(200 ml) Preparacion
● Pa cuminsa, den un blender, mescla un siboyo pela cu e ekivalente na un glas di awa. Blend'e pa varios minuut te ora cu no keda ningun klompi.
● Tambe e ta traha bon cu juice di un knoflok y di ginger. E preparacion di ambos ta mescus cu esun di siboyo. Usa un solo juice cada biaha, no mescla nan.
3. Hawa cu awa di batata
Otro opcion cu por yudabo frena caida di cabey ta awa di batata y rosemary. E ta hopi economico y simpel pa prepara.
Bo por laba bo cabey cun'e sin necesidad di hay'e di nobo.
Ingrediente
● 3 batata
● Blachi di rosemary (na gusto)
● 4 cup di awa (1 liter)
Preparacion
● Corta e batatanan na wiel. Den un weya, mescla hunto e bla-
chinan di rosemary y herbenan den un lider di awa. Cola e preparacion y lag'e reposa.
● Laba e cabey manera custumber y usa e mescla como conditioner na temperatura ambiente tur dia. E cantida di ingrediente lo depende di e largura di e cabey.
4. Aplica aloe
Aloe Vera ta contene beneficionan increibel pa evita caida di cabey. Prepara un juice cu aloe vera y azeta di coco pa fortalece bo cabey. Aplica na e cabey, lag'e actua pa mey ora y despues lab'e cu e shampoo y e conditioner di bo preferencia.
Ingrediente
● 1 blachi di aloe vera
● 3 gota di azeta di coco
Preparacion
● Pa cuminsa, tuma un blachi di aloe, pele pa extrae e cristal y lab'e hopi bon.
● A continuacion, den e blender, procesa e cristal cu tres gota di azeta di coco. Despues, uan bes cu forma un mescla homogeno, aplik'e for di e rais pa e punta.
● Bo por substitui e azeta di coco pa azeta di oleifi of di almendra, segun bo prererencia. NO preocupabo pa e holo di aloe vera, ya cu e azeta lo disimul'e.
● Por ultimo, ripiti e aplicacion un biaha pa siman.
5. Come mas proteina
Inclui mas alimento rico den proteina na bo dieta diario pa frena caida di cabey. Mayoria di e alimentonan rico den proteina tambe ta contene vitamina B12, cu ta fortalece.
Corda cu di nos alimentacion ta depende e funcionamento corecto di nos organismo. Esey ta inclui e alimento di e produccion di colageno y otro compuestonan fundamental pa e salud di bo cabey.
6. Baha nivelnan di stress
Stress por faborece caida di cabey. Practica algun actividad fisico manera cana, landa, core bicicleta of e deporte di bo preferencia, durante un minimo di mey ora pa dia tur dia. Haci yoga tambe ta yuda disminui e nivelnan di stress.
Papia cu un persona di confiansa of cu un specialista ora bo ta afrontando cierto situacionnan ta yuda disminui stress. Otro opcion pa calma bo nivel di ansiedad, nervio y stress ta pa tuma thee of infusionnan herbal manera canebloem (manzanilla).
7. Tuma vitamina
Hopi biaha nos ta stop di tuma vitamina ora cu ya nos ta adulto.
Vitamina A ta un antioxidante cu ta stimul e glandula sebaceo di e cuero di cabes.
Vitamina B ta contribiu na e produccion di melanina, cu di su parti ta stimula circulacion di sanger. Di su parti, Vitamina E tambe ta faborece e circulacion y ta mantene e foliculonan capilar sano y activo.
No ta necesario pa inverti hopi placa y tempo pa frenta caida di cabei. No obstante, tin productonan comercial di excelente calidad. Bo por tuma e opcion cu naturalesa ta ofrece nos.
Cu solamente sigui e consehonan aki y crea habitonan nobo lo bo logra mantene cada cabey na su luga. Asina lo bo luci un cabey espectacular pa mas tempo.
Ambulance Wayaca 582-1234
Horacio Oduber Hospital 527-4000
Centro Medico San Nic. 524-8833
SVB AO Ziekmelding 527-2782 Servicio nan
Aurora Funeral Home 588-6699
Royal Funeral Home 586-4444
Ad Patres Funeral Home 584-2299
The Olive trees Funeral Home 582-0000
Fundacion
Rode Kruis 582-2219
Fada 583-2999
Fundacion Respetami 582-4433
Fundacion Guiami 587-1677
Muhe den dificultad 583-5400
Telefoon pa hubentud 131
Centro Kibrahacha 588-3131
Stichting Bloedbank 587-0002
Mary Joan Fundation 588-9999
Koningin Wilhelmina Fonds 582-0412 Fundacion
Un feliz siman yena di bendicion, gracia, amor y misericordia di Dios.
“Bay cas cerca bo famianan y conta nan cuanto cos Señor a haci pa bo y con El a mustra bo hopi misericordia.”(Marco 5, 19) Rumannan, Den nos Evangelio di awe y Salmo, nos por waak cla cu e Palabra ta papia nos di e gran misericordia di Dios. Nos Tata Creador ta asina amoroso y misericordioso cu E no ta duda mes den move Su mannan na nos fabor. Na nos cu busca refugio den djE, nos cu ta entrega nos pena na djE, E ta mustra nos Su amor infinito y Su misericordia sin condicion. Sabi rumannan cu nos Tata Celestial ta nos forti, E ta nos baranca y E ta esun cu nos mester duna tur Honor y Gloria. Corda semper ruman cu e peor cosnan cu nos como humano no merece pordon, Dios si ta bira pordona y lubida. P’esey ban trata na sigui e ehempel aki den nos bida. Sea misericordioso cu nos rumannan. Ora cu Dios pordona bo of move Su man na bo fabor, conta esaki y duna testimonio di Dios Su grandesa. Oracion: Nos Tata Santo, nos Tata di amor y misericordia. Nos ta yama Bo danki, danki pa semper ta mustra nos Bo amor, Bo gracia y Bo misericordia. Nos ta pidi Bo Señor pa keda moldia nos pa nos trata di ta miho persona cada dia di nobo. Yuda nos pa yega cerca Bo sin miedo di rechaso y cu e confiansa di ricibi misericordia. Amen.
Dios tene misericordia, e mundo ta yena cu Odio, Vengansa, Rabia, Orguyo, Enemistad , y mas cu tur cos falta di pordon, cual ta separa hende for di otro y tambe ta dividi famia.
Falta di pordon ta asina obvio cu e no por wordo scondi mas , pasobra hasta den un speech y forma di expresa bo ta nota si un persona tin falta di pordon y amargura a ataca su curazon.(Marco
11 v 25)
Hopi tristo ta e falta di pordon cu ta existi entre mayor y yiu , pasobra un mucha mester di su mayornan pa un bon crecemento spiritual y social.( 2 Corintionan
2 v 10-11)
Di otro banda nos ta mira cu dia pa dia hende ta papia malo di otro, acusa, insulta,bully, rebaha, y rechasa otro manera ta un celebracion, pasobra tin hende ta kere cu ora bo rebaha bo prohimo bo ta wordo premia como un bon persona.( Proverbionan 24 v 17)
Den Mateo capitulo 5 vers 22 Hesus ta bisa : Ken cu bisa ‘’Bobo’’ lo ta culpabel pa bay den candela di fierno. Si nos wak bon awendia ofensa mas fuerte cu bobo ta cay contra otro ,y hende no tin temor di Dios.
1 Juan capitulo 3 vers 14 ta bisa : Esun cu no ta stima ta permanece den morto, saca bo cuenta cuanto hende tin ta cana rond masha bunita, pero nan ta morto spiritual pasobra den nan curazon tin odio contra nan prohimo.
Dios ta wak e asunto hopi mas serio cu nos ta mire, pasobra Dios su palabra ta bisa cu sin paz y sin santidad ningun hende lo mira cara di Dios.( Hebreonan 12 vers 14). Asina ta cu nos
relacion cu Dios no por ta bon si tin falta di pordon den nos curazon.
1 Juan capitulo 3 vers 15 ta bisa : Ken cu ta odia su ruman ta un matado, y boso sa cu ningun matado no tin bida eterno ta permanece den dje.
Awor esaki ta hala nos atencion, pa cambia nos vocabulario y wak bon kico nos ta papia den cas,oficina, scol , etc y con nos ta expresa nos mes contra otro, pasobra sembrando odio bo ta aleha bo mes for di hende y for di Dios.
Efesios capitulo 4 vers 29 ta bisa: No laga ningun palabra dañino sali for di boso boca, sino solamente palabra cu ta bon pa edificacion, conforme e necesidad di e momento, pa esaki por duna gracia na esnan cu ta tende.
Mateo capitulo 6 vers 14 +15 ta splica nos cla cu si nos no pordona , Dios tampoco ta pordona nos, un hende cu no ta pordona, no ta crece spiritualmente, ni tampoco un persona cu ta odia no por drenta cielo pasobra bida eterna no ta permanece den dje.
Si bo no ta pordona ta abo mes ta esun prome cu ta sali perhudica, bo tin cu pordona y laga los, for di e cosnan bieuw , pa bo curazon por ta limpi dilanti di Dios.( Colosensenan 3 v 12+13).
Na e momento cu un hende pordona di curazon, su wowo lo habri pa e mira e monton di bendicion cu Dios tin pa su bida.(Lucas 6
PRONOSTICO DI TEMPO
VALIDO TE DIAMARS 31 DI JANUARI 2023, 18:00 ORA
TEMPO:
AWE NOCHI: PARCIALMENTE NUBLA Y GENERALMENTE SECO DEN MARDUGA Y MAYAN: PARCIALMENTE NUBLA CU UN AWACERO BREVE
TEMPERATURA MAXIMO 30 GRADO CELSIUS
TEMPERATURA MINIMO 24 GRADO CELSIUS
INDICE DI CALOR (HEAT INDEX) DEN Y ROND
DI ORANAN DI MERDIA: 31 PA 35 GRADO CELSIUS
UV INDEX: 9
BAHADA DI SOLO : 6:40 PM
SUBIDA DI SOLO : 7:05 AM.
BIENTO: MODERA FOR DI DIRECCION OOST; FORSA 3 TE 4 (12 TE 30 KM/ORA, 7 TE 16 NUDO)
DEN DIA BASTA FUERTE TE FUERTE DEN RAFAGA: FORSA 5 TE 6 (31 TE 50 KM/ORA, 17 TE 27 NUDO)
SITUACION GENERAL DI TEMPO PA PROXIMO 24 ORA: E AREA DI PRECION HALTO RIBA ATLANTICO LO SOSTENE UN BIENTO MODERA TE BASTA FUERTE, FUERTE DEN RAFAGA RIBA REGION LOCAL. MAS ALEU POR BISA CU AREANAN DI NUBIA LO WORDO TRANSPORTA CU E FLUHO DI AIRE Y PASA RIBA REGION LOCAL, PRODUCIENDO UN AWACERO PASAJERO TE BREVE DURANTE PROXIMO 24 ORA.
CONDICIONAN MARITIMO/ ESTADO DI LAMA:
NA PARTINAN PROTEJE DI COSTA: LEVE, 1 PIA OF MENOS.
NA PARTINAN ZUID: TRANKIL, ENTRE 1 PA 2 PIA.
NA PARTINAN OOST TE NOORDWEST DI COSTA: GENERALMENTE MODERA, ENTRE 3 PA 5, LOCALMENTE 6 PIA.
AVISO/ ALERTA:
TA SUGERI OCUPANTENAN DI BOTO CHIKITO PA BAI CU CAUTELA NA PARTINAN OOST TE NOORDWEST DI COSTA Y RIBA LAMA HABRI
FENOMENONAN SPECIAL: NINGUN
POTENCIAL DI AWACERO PA PROXIMO 24 ORA: 1 TE 3 MM; LOCALMENTE ESAKI POR VARIA.
REGISTRACION DI TEMPERATURA (GRADO CELSIUS) Y AWACERO (MM) DEN ULTIMO 24 ORA (8'AM PA 8'AM):
AIRPORT : MAX 29 / MIN 24 / 0.0 MM
WESTPUNT: MAX 30 / MIN 24 / 0.0 MM
STA ROSA: MAX 30 / MIN 24 / 0.0 MM
PRONOSTICO DI TEMPO PA PROXIMO 3 DIANAN: LEVE TE PARCIALMENTE NUBLA CU UN AWACERO PASAJERO TE BREVE. BIENTO LO TA FOR DI DIRECCIONAN OOST Y MODERA TE BASTA FUERTE, FUERTE DEN RAFAGA; TEMPERATURA (GRADO CELSIUS) MAX / MIN LO TA: 31 / 25
Diahuebs awor, dia 2 di februari pa 7:00pm lo tin un Santo Sacrificio di Misa pa recorda Presentacion di Hesus den Tempel na Herusalem, tambe yama Fiesta di Birgen di Candelaria. Cuarenta dia despues di Su nacemento, Maria y Hose a bay Tempel pa ofrece Hesus na Dios y eynan a topa cu Simeon, un homber husto y deboto cu tabata warda riba Esun yama “Consuelo di Israel”. Spiritu Santo tabata cu ne y asina e tabatin e privilegio di mira Hesus, e Mesias priminti, e Salbador y Luz di Mundo prome cu su wowonan sera.
Pastor Jairo Maduro y Pader Jose Miguel Nava ta invita tur famia y specialmente esnan di su parokia pa asisti na e Santo Sacrificio di Misa aki. E mes anochi lo clausura e temporada di Pasco di Nascemento di Hesus cu seramento di e pesebre. Trece un bela cu Pastor lo bendiciona durante Misa. Masha danki di antemano. Fraternalmente,
Den nomber di Pastor Jairo Maduro Pastor di Parokia
Cuerpo Policial di Aruba tin e tristo deber di participa e fayecimiento riba diasabra 21 januari 2023 di nos collega, Coordinator Planning di Districto Oranjestad:
Nos ta desea hopi forza na su senora, yiunan, demas famia y conocirnan den e momento doloroso aki.
Cu sr. Rigo sosega na paz.
Na nomber di staf y personal di Cuerpo Policial di Aruba.
pasionnan engañoso. Y pa boso wordo renoba den e spirito di boso mente, y pa boso bisti e hende nobo,cu ta wordo crea segun Dios den husticia y santidad berdadero.
Romanos 13:13+14 ta bisa: Laga nos comporta nos mes decentemente manera den dia, no den parandiamento y den buracheria,no den inmoralidad sexual y den sensualidad, no den pleito y envidia. Ma bisti boso cu Señor Hesus Cristo, y no haci provision pa e carni, pa cumpli cu su mal deseonan.
bisa: Ma awor boso mester pone un banda, rabia, furia, malisia,calumnia, y palabra sushi for di boso boca.
No gaña otro, como boso a pone un banda e hende bieu cu su practicanan malbaldo.
Y bisti e hende nobo cu ta wordo renoba cu un conocemento berdadero segun e imagen di Esun cu a crea, cual ta Dios.
pasenshi.
Dios ta traha paden di nos cu Su Spirito Santo, y asina nos por expresa Su boluntad den nos bida. Tur cambio , cual ta hiba na desencia y ordo den nos bida spiritual y fisico ta cuminsa paden, pasobra manera un hende ta pensa asina e ta.
Aunke hopi hende no ta kere pero bo forma di bisti ta indentifica bo, e por gañabo, e por duna otro hende un impresion negativo di bo.pasobra bistimento semper mester keda den un forma decente, cu ta representa bo personalidad cu seriedad. Dunando gloria na nos Creador.
Laga nos pone e cos cla manera e mester ta: Ora un Hoben/Hobencita ta cana indecente bisti ta su Mayornan mester dune educacion tocante bistimento, y no dune solamente placa pa cumpra paña pero tambe siñe kico ta adecuado pa bisti, como yiu di hende drechi y decente..
Si un muher ta cana hunto cu un homber y e ta indecente bisti, por nifica cu e homber no ta balora locual cu e tin, pasobra ningun caminda bo no ta haña diamanta riba tera, of e muher no ta somete na e homber, of nan ta kere mas den moda cu den Dios, etc.
Tambe tin awor e show di tattoo, pasobra un tattoo no ta wordo poni na un
hende su curpa pa e wordo scondi, pasobra ta placa tira afo, awor tin hopi hende ta pone tattoo na lugarnan priva y despues ta expone e parti priva ey di nan curpa pa tur hende por mira nan tattoo. Y nan ta haci esaki concientemente, locual ta indica e deseo di exposicion. Asina e enemigo ta tuma control.
Corda tene cuenta cu nos curpa ta e tempel di Dios y e Spirito di Dios ta biba den dje.( 1Corintionan 6 :19+20)
Nos por haci hopi cambio na e parti exterior di nos curpa, pero e parti interior ta solamente Dios por cambie, y mas awor cu henter mundo por realisa cuanto balor mente y curazon di hende tin, y con e enemigo ta ataca e mente y e curazon constantemente pa asina cohe e dominio riba e bida.
Tene bon cuenta cu e siguiente advertencia y recomendacion.;
Efesionan 4:22-24 ta bisa: Pa encuanto boso manera di biba di antes,boso pone un banda e hende bieu cu ta wordo corumpi conforme e
Colosensenan 3 vers 8-12 ta
Asina manera esnan cu a wordo scohi di Dios, santo y stima,bisti un curason di compasion,cariño, humildad,mansedumbre y
Asina nos pensamento y nos curason wordo renoba nos bida ta cambia, pero nos mester habri nos curason pa Cristo Hesus tuma control , y asina conoce Su boluntad perfecto.
Di profundo di nos curason nos ta gradici tur hende cu di un of otro manera a mustra atencion, amor y cariño durante bida, fayecimento y despedida di nos di esposo, nos tata, welo y bisawelo stima:
Boso muestra di atencion ta di hopi aprecio y un gran sosten pa nos. Un danki na un y tur cu a manda carchi, krans, whatsapp, email y a hasi yamada nan telefonico.
Tambe na Aurora Funeral Home pa cu su bon servicio y atencion.
Alabes nos kier invita pa 3 Santo sacrificio di misa cual lo tuma lugar na Misa Pro-Catedral San Francisco di Asis na Playa
Diadomingo 29 di januari 2023 pa 7’or di anochi
Diaranson 1 februari 2023 pa 7’or di anochi
Diasabra 4 di februari 2023 pa 7’or di anochi
Bo9so) presencia lo ta altamente aprecia
Mi no a muri. Ta p’esey mi no a bisa ayo. Mi a djis habri mi halanan y bula bay. Boso a keda atras. No laga tristeza domina boso. Keda uni cu otro. Esey lo ta un alegria pa mi alma. Mi ta stima boso tur. Recorda mi cu hopi amor.
Cu inmenso tristeza pero confome cu boluntad di Dios, nos ta anuncia fayecimento di nos mama, wela, bisawela, ruman y tanta:
Cariñosamente yama tambe Mama, Oma, Mamam, Petronica Na edad di 83 aña
* 22 september 1939 – + 25 januari 2023
Viuda di: + Patricio “Hose” Kelly
Su yiunan: Harold “Roy” Kelly y Cynthia Kelly-Dirksz
Meverly “Sharina” Romano-Kelly y Eric Romano
+ Sheila Suzette Kelly
Su nieto- y nietanan:Sharlyze Romano y Gregory Croeze
Ryson Paskel
Joacim Kelly
Seaghen Paskel
Shantee Romano
Mionzanin Paskel
Eldrick Diaz y famia
Noadiah Diaz
Su bisanieta: Amelia Croeze
Su mama: + Novita Brete-Dijkhoff
Su tata: + Fabian Trimon
Su rumannan: + Joon Trimon y famia
+ Rosa Kock-Trimon y famia
+ Olga Loefstop-Brete y famia
+ Andres Brete
Henny Brete y famia
Eddy Brete y famia
Ina Vrolijk-Brete y famia
Olivia Brete
Miranda Boekhoudt-Brete y famia
Mescos cu yiu: Elvira Trimon y famia
Su amiganan y amigo: Beatriz Dijkhoff, Vera Kelly-Ruiz, Juanita Jacobs, Elvia Winterdaal y famia, Harold Brons winkel y famia
Su ihanan: Edlin Figaroa-Trimon, Esther Luidens
Su pelukero: Ricky Kelly
Su ayudante: Sharon Wedderburn
Su sobrino- y sobrinanan, omo- y tantanan, primo- y primanan, ihanan, swa- y cuñanan, bisiña- y amistadnan.
Famianan na Aruba y Hulanda: Kelly, Romano, Dirksz, Paskel, Trimon, Kock, Dijkhoff, Brete, Vrolijk, Boekhoudt, Loefstop, Croeze, Kransen, Diaz, Figaroa, de Cuba, Donata, Curie, Saladin, Trinidad, Richardson, Aponte, Maduro, Tromp, Croes, Henriquez, Jacobs, Ramos, Bergen, Winterdaal, Luidens, Bronswinkel, Ruiz
Nos ta invita pa asisti na e acto di entiero cu lo tuma luga diahuebs, dia 2 di februari 2023.
Por compaña nos for di 1 or na Royal Funeral Home. For di 2 or atardi nos difunto stima lo ta reposa den misa San Juan Pablo II na Tanki Leendert y pa 4:30 or lo sali pa santana Catolico na Noord.
Anochi di condolencia: diaranson, dia 1 di februari, 7:00 – 9:00 pm na Royal Funeral Home.
Nos ta lamenta cu despues di entiero nos no ta ricibi bishita di condolencia na cas.
Nos ta pidi disculpa si den nos tristeza nos por a lubida di menciona un of otro famia.
