ORANJESTAD – Awe mainta Hues di Corte di Husticia pa casonan di empleadonan di Gobierno, a dicta sentencia den caso cu señor Hoo, director di Inmigracion a cuminsa contra e prohibicion di Minister di Husticia pa Hoo drenta Inmigracion.
SOLO DI PUEBLO por a compronde cu Hues ta mustra cu ta parce cu Minister ta hiba un fishing expedition pa haya motibo pa kita Hoo. Hues a suspede e decision di Minister
MINISTER TA SUSPENDE HOO
Minister di Husticia a tuma e decision di prolonga e prohibicion di Hoo pa subi riba tereno y drenta oficina di Inmigracion. E decision ta fecha 18 Februari 2026 cu ta bisa cu e prohibicion di 8 Januari 2026 ta wordo prolonga cu 6 siman, entrante 19 Februari 2026.
Ta asina cu Hoo a wordo nombra como director di Inmigracion Aruba (IA) entrante 23 Januari 2024 y ya tabatin un sentencia caba caminda Hues di Corte a suspende e decision di Minister contra Hoo.
PROBLEMA ENTRE MINISTER CU HOO
Minister di Husticia a tuma decision 21 October 2025 pa pone Hoo encarga cu e coordinacion di e independizacion di e departamento di rijbewijs, pa un periodo di 6 luna. Den e decision di Minister, e mandatario ta cuestiona e forma di traha di Hoo na Inmigracion y cu Hoo lo a haci expresionnan menos bunita riba whatsapp di Minister.
Hues
Hues tin impresion di fisHing expedition di e mandatio
ta suspende suspension di minister contra señor Hoo di inmigracion
Hoo a haci protesta contra e decision aki y Hues di Corte a suspende e decision di Minister, te ora cu Corte tuma un decision riba e protesta di Hoo. Esaki a trece cune cu desde 15 December 2025, Hoo por a bay bek Inmigracion y traha como director. Entretanto, Minister a hala su decision aden pero 8 Januari 2026, Minister ta tuma e decision pa di inmediato prohibi Hoo subi riba tereno y drenta oficina di Inmigracion. E Minister ta bisa den su decision, cu e suspension ta relaciona cu un investigacion cu ta haciendo riba e forma di hiba maneho di Hoo y cu ta sospecha cu Hoo lo a cambia informacion riba e sistema RADEX y tambe asuntonan financiero administrativo.
PERSECUSION POLITICO
Abogado mr. Steward, kende a defende señor Hoo, a mustra den Corte cu nan no ta di acuerdo cu e decision di Minister y cu esaki ta inhusto y ta pa un periodo mucho largo. E abogado a mustra cu e Minister, desde cu el a ocupa e funcion aki, pa motibonan politico of personal, ta busca formanan pa crea motibonan di desconfianza y asina kita Hoo for di su funcion. E abogado a mustra den Corte cu e motibonan cu e Minister ta menciona pa hustifica su decision, ta identico cu esnan cu a usa pa e suspension anterior.
Na opinion di abogado, e situacion no a cambia compara cu e situacion di December 2025. E abogado a bisa cu Hoo ta desmenti di a cambia informacion di RADEX
y tampoco a viola reglanan financiero administrativo.
FISHING EXPEDITION DI MINISTER
Hues den su evaluacion di e caso ta mustra cu segun ley, ora Minister ta tuma un medida diciplinario, mester tin motibonan concreto. Tambe mester specifica e tempo cu esaki ta drenta na vigor y e duracion di e medida aki. Ademas e Minister mester splica bon cla con e presencia di e empleado di Gobierno na trabao, lo stroba e investigacionnan.
Hues a remarca cu durante tratamento di e caso, el a haci pregunta riba e motibonan concreto y e abogado di Minister no a duna ningun contesta satisfactorio. Hues ta haya cu henter e asunto aki ta un intento fracasa, sin ningun splicacion hustifica di Minister. Hues a bisa cu e tin e impresion cu aki Minister ta haci un “fishing expedition” cu e meta pa haya motibonan pa kita
Hoo for di trabao.
SUSPENDE DECISION DI MINISTER
Hues su decision ta cu ta suspende e decision di Minister di 18 Februari 2026, te ora cu tin un decision riba e protesta contra e decision aki. Esey ta nifica cu Hoo por bolbe su funcion.
Parlamentario Xiomara Maduro: Evaluacionnan institucional ta contradici E conclusion di ara riba transparEncia dEn aña 2020
Ex Minister di Finansa y actual Parlamentario
Xiomara Maduro a comparti su punto di bista riba e conclusion di Algemene Rekenkamer Aruba (ARA) tocante Cuenta Anual 2020 di Pais Aruba. ARA ta opina cu Gobierno den aña 2020 no tabata suficientemente transparente. Sinembargo evaluacionnan di CAFT, Raad van Advies y Parlamento ta mustra un cuadro diferente.
“Ta importante pa pone e conclusion di ARA den contexto di e otro evaluacion institucional di e mes periodo,” Maduro ta señala.
College Aruba financieel toezicht (CAFT) a reconoce e progreso den e presupuesto, Ontwerpbegroting 2020,
ora cu ela declara: “Er zijn in de OB 2020 duidelijke stappen gezet waardoor de leesbaarheid is verbeterd en de inzichtelijkheid van de begroting is vergroot.”
Ademas, Raad van Advies no a haci ningun observacion riba e cambionan introduci. Parlamento, cu a aproba e presupuesto 2020 unanimamente, tampoco no a trata e cambionan den presentacion di e presupuesto como un punto di preocupacion. Hasta ARA mes a indica cu e incumplimentonan cu presupuesto a baha significativamente di 90
pa 9, cu ta mustra e efecto positivo di e cambionan aplica.
Maduro ta enfatisa cu e diferente evaluacionnan ta duna un bista mas amplio y mas balansa, unda tanto e mehoracion realisa como punto di atencion merece consideracion.
Den e discusion publico cu ta surgi awo cu ARA ta cuestiona e transparencia den 2020, mester tene cuenta tambe cu tur evaluacion institucional relevante, ya cu CAFT, Raad van Advies y Parlamento tin un otro opinion cu ARA riba aña 2020.
AlertA di sAlud
Aumento di cAsonAn di keinturA geel den lAtino AmericA
ORANJESTAD,
Aruba – 23 maart 2026: Recientemente
Organización
Panamericana di Salud (PAHO) a emiti un alerta epidemiologico encuanto aumento di caso nan di keintura geel den Latino America (2026-march13-phe-epidemiologicalalert-yellow-fever-final. pdf). Durante 2025, un total di 346 caso nan humano di keintura geel a keda confirma, inlcuyendo 143 morto den e region di America. Pais nan manera Bolivia, Brazil, Colombia, Ecuador, Guyana, Peru y Venezuela ta esnan mas afecta. Den 2026, un total di 34 caso nan humano den Region Americano a keda confirma, incluso 15 morto. E aña aki e país nan cu mas caso raporta ta Bolivia, Colombia, Peru y Venezuela..
E enfermedad di keintura geel cu ta wordo transmiti door di picadura di un sangura (Aedes aegypti) infecta, ta considera un enfermedad viral hopi serio cu por provoca complicacionnan grave manera daño di higra, den algun caso e persona su curpa y wowo ta bira gel, sangramento y hasta morto.
Sintomanan principal ta inclui:
• keintura
• dolor di cabes
• dolor muscular
• calafrieu
• dolor na lomba
Den mas cu 50% di caso, e enfermedad ta mortal.
Recomendacionnan pa biahero
Departamento di Salud
Publico Aruba ta enfatisa riba e importancia di prevencion, specialmente pa hende cu tin plan di biaha pa un di e pais nan ariba menciona:
• Vacuna contra keintura geel por lo menos 10 dia prome cu biaha
• Usa proteccion contra sangura, manera repelente y paña cu man y pia largo
• Busca asistencia medico si sintomanan ta presenta durante of despues di biahe
Vacunacion ta considera e medio mas efectivo pa
preveni e enfermedad.
Aunke no tin ningun caso di keintura geel reporta na Aruba, e situacion den region ta mustra e importancia di mantene vigilancia y conscientisacion.
Departamento di Salud
Publico DVG ta aconseha tur residente cu ta planea pa biaha pa Latino America pa yama nos na 5224200 pa traha un cita pa por ricibi bo vacuna contra keintura geel minino 10 dia prome cu bo biahe.
Bo salud, nos prioridad. Pa mas informacion like nos Facebook page Directie Volksgezondheid DVG Aruba, Follow nos riba Instagram directie_
volksgezondheid_aruba, of Follow nos den WhatsApp Channel, subi nos website
www.dvg.aw, yama nos na 5224200 of mail nos na servicio@dvg.aw
E yabi di nos cas dEn man di Hulanda: Kico HoFa ta niFica pa bo ??
Hopi biaha politiconan ta papia un lenguahe complica pa nos no compronde kico nan ta firma. Nan ta papia di “norma”, “deficit” y “procedura” y cu ta algo facil y simpel. Pero ban splica esaki den “placa chikito”.
1. E ehempel di e pacient sano Imagina cu Aruba tabata un pacient hopi malo durante e tempo di Covid. Nos tabatin mester di remedi (fiansa) pa nos no muri. E ora ey nos a acepta un vitamina (e ley di LAft) pa e dokter check si nos ta recuperando.
Awor, na aña 2026, e pacient (Aruba) ta sano! Nos tin placa den
kashi (surplus) y nos economia ta fuerte. Pakico anto e gobierno kier forsa nos pa tuma quimioterapia (HOFA) pa resto di nos bida? Bo no ta duna un hende sano un remedi asina fuerte !
2. Ken ta baas den bo cas?
Aworaki, nos Parlamento (e 21 personanan cu bo a eligi) ta dicidi con ta usa/ gasta nos placa. Si mester drecha un scol of subi pensioen, nos mes ta dicidi.
Cu e ley di HOFA, nos ta entrega e yabi di nos cas na Hulanda. Nan ta bira e “baas”. Si bo kier uza bo mesun placa pa yuda bo pueblo, bo mester pidi “baas” na Hulanda
permiso prome. Si e “baas” bisa NO, bo no por haci nada.
3. E secuestro di 20 punto Gobierno ta bisa cu si nos comporta nos mes bon, e ley aki lo disparce. Pero den e letter chikito tin 20 condicion masha duro mes. Ta Hulanda so ta dicidi ki ora nos a cumpli.
Ta manera si bo fia placa na banco y e banco bisa bo: “Mi ta duna bo un rebaho di interes, pero mi ta keda cu bo yabi di cas pa semper, te ora MI haya cu bo ta sufisiente grandi pa maneh’e bo so.” Esey no ta un fiansa, esey ta un prizon financiero.
Pa finalisa:
Nos tur kier pa Aruba su finansa ta na ordo y pa stop corupcion. Pero bo no ta bende bo Status Aparte ni bo Libertad djis pa haya un descuento riba prestamo.
Status Aparte tabata e motor cu e Libertador Betico Croes a laga pa nos. Si nos entrega e yabi awe, nos ta bira un bishitante den nos propio pais.
Pueblo, habri bo wowo: No laga nan gaña bo cu e ta algo simpel. Esaki ta trata di ken tin e poder riba bo bida y bo placa: Abo, of un hende na Den Haag?
yamada na mayornan Cu ainda no a insCribi nan yiu pa kleuter
Oranjestad, Aruba: SKOA ta haci su ultimo yamada na mayornan cu ainda no a inscribi nan yiu(nan) pa kleuter. Cuponan ta limita pero ainda tin e oportunidad pa haci inscripcion na SKOA.
SKOA ta un bon opcion pa bo yiu, dicon? Nos ta brinda un variedad grandi di scolnan kleuter den tur districto riba nos isla cu bo por scoge for di dje. E curiculo di kleuter tambe ta uno multilingual y ta cubri mas di 10 area di desaroyo, esaki ta beneficia e mucha cu un bon base di lenguahe cuminsando for di kleuterklas. SKOA su meta ta pa enfoca ariba e bon desaroyo y crecemento di cada mucha y ta pone como prioridad pa mantene e calidad halto di educacion den tur su scolnan. Bo ta interesa pa
inscribi bo yiu(nan)?
➔ Pa mayornan por inscribi pa kleuter via nos website www.skoa.aw completamente online.
Ora di haci inscripcion mester pone bon atencion ariba e documentonan cu ta necesario pa asina
Cambia
por cumpli cu e proceso di inscripcion di bo yiu. Mayornan cu inscribi nan yiu ta haya un periodo di 6 siman pa asina por cumpli cu e pago completo di schoolgeld pa e aña escolar venidero. Despues di 6 siman, si e pago no ta completo, e cupo di inscripcion ta wordo
cancela cu consecuencia cu no lo bay tin un luga sigura na un scol pa e yiu por cuminsa kleuter e proximo aña escolar. Pa pregunta of informacion tocante inscripcion na SKOA por manda un email na aplicacion@skoa.aw of manda un WhatsApp na +297 7485995. Mayornan
cu ta desea por pasa libremente na nos oficina pa inscripcion.
Pacualkier otro pregunta of informacion tocante inscripcion en general na SKOA por bishita nos website www.skoa.aw of por yama na liña directo 5231800.
30 aña di lucha contra crimen financiero: fiu aruba ta para firme pa transparencia y siguridad financiero
Diabierna mainta, Minister di Husticia mr. drs. Arthur Dowers a conmemora un momento historico: 30 aña di existencia di Financial Intelligence Unit (FIU) como departamento clave den e lucha contra crimen financiero. Durante un conferencia special organisa pa e ocasion, S.E. Gobernador di Aruba Alfonso Boekhoudt, Minister di Finansas mr. Geoffrey Wever, Minister di Infrastructura drs. Rene Herdé y Minister di Salubridad Publico drs. Mervin Wyatt-Ras y varios stakeholders y entidad relevante a bin hunto pa reflexiona riba e rol strategico di FIU den proteha nos sistema financiero, integridad, transparencia y confiansa den nos economia.
Durante e conferencia, a enfatisa con Financial Intelligence Unit a evoluciona den e ultimo 30 aña pa bira un pilar indispensabel den e lucha contra labamento di placa y financiamento di terorismo. Door di analisa transaccionnan sospechoso y comparti informacion cu instancianan relevante, FIU ta contribui activamente na proteccion di integridad di nos economia.
Na maart 1996, a establece Meldpunt Ongebruikelijke Transacties (MOT), como parti di esfuerso di Aruba pa combati
crimen financiero y proteha integridad di su sistema economico. Cu e introduccion di obligacion pa reporta transaccionnan inusual, MOT a bira e punto central unda ta colecta y analisa informacion financiero importante. Den e añanan cu a sigui, MOT a fortalece su rol door di adopta standardnan internacional y ampliacion di su capacidad analitico. Tambe a integra rapidamente den cooperacion internacional, manera cu participacion den rednan global di intercambio di informacion manera Egmont Group.
Na 2021, MOT a evoluciona y cambia su nomber pa Financial Intelligence Unit Aruba (FIU), reflehando un rol mas amplio como centro di inteligencia financiero. Awe, e institucion ta un pilar strategico den e lucha contra labamento di placa y financiamento di terorismo, y ta contribui directamente na stabilidad, transparencia y confiansa
den economia di Aruba. E diferente oradonan presente a reconoce e trabao di e ekipo cu a dedica nan mes pa construi un institucion confiabel, moderno y eficaz. Tambe a enfatisa cu e lucha contra crimen financiero ta un responsabilidad comparti, unda cooperacion entre sector publico y priva ta esencial.
Financial Intelligence Unit lo sigui enfoca riba innovacion, fortalecemento di capacidad analitico y cooperacion internacional, cu e obhetivo pa anticipa riesgonan y mantene Aruba na un posicion fuerte den e contexto global.
E conmemoracion di 30 aña no ta solamente un momento di reflexion, pero tambe un yamada pa sigui avansa cu determinacion. Aruba ta mustra cu, cu vision y compromiso, nos por proteha nos sistema financiero y garantisa un futuro cu stabilidad y confiansa pa tur ciudadano.
AdidAs tA scohe Jeon pA inAugurA uniform nobo di curAcAo
WILLEMSTAD – Den un movecion cu a hala atencion internacional, e gigante di paña deportivo Adidas a selecciona e artista Arubiano Jeon como e cara pa inaugura y presenta e ‘away kit’ nobo di e seleccion nacional di Curacao.
E escogencia aki a tuma lugar durante un evento exclusivo caminda Adidas a lanza e “away kit” di tur e paisnan cu nan ta patrocina, incluyendo seleccionnan cu ya a clasifica pa Mundial y otronan cu ta den e proceso
mundiAlmente
di eliminacion. Loke ta bini dilanti ta e autonomia di Adidas den e proceso aki; e marca mes a encarga su mes cu e buskeda di e figuranan cu mester a representa cada nacion, sin necesariamente depende di e federacionnan local.
Un escogencia basa riba influencia cultural
Pa e campaña aki, Adidas a pone su bista riba artistanan, modelonan y influencernan cu tin un impacto fuerte riba rednan social y den cultura popular. Den e caso di Jamaica, por ehempel, nan
a traha estrechamente cu e Bob Marley Foundationy a scohe Skip Marley pa e presentacion.
Pa representa Curacao, Adidas a keda impresiona pa e alcance di Jeon, especialmente debi na e exito rotundo di su cancion ‘Mama Wak’. Maske e artista ta orguyosamente di nos isla Aruba, Adidas a acerca Jeon pa e ta e imagen pa inaugura e uniform di Curacao. E decision aki ta resalta con e arte di Jeon ta uni e islanan den region y ta resona te na nivel di marcanan mundial.
E presentacion aki no solamente ta duna briyo na e kit nobo di nos bisiñanan, sino tambe ta demostra e nivel di reconocimento cu e talento di e islanan ABC ta ricibi awor aki den e industria di moda y deporte internacional.
JeAndrick croes A gAnA
su peleA den e Apfc
Jeandrick Croes a bringa diadomingo na New Mexico, USA, y a gana Mark Hussey den e di dos rond pa medio di un ‘choke’.
Nos ta felicita Endy Y Dilaila Croes pa cu e logro di Jeandrick, riba su prome salida international.
Jeandrick lo ta programa pa bringa na Aruba den Juni proximo.
Pabien na henter famia Croes y na Aruba.
AVION DI AIR CANADA A DAL DEN
TRUCK DI BRANDWEER RIBA PISTA NA NEWYORK; 2 PILOTO A FAYECE
NEW YORK / MONTREAL
– Un accidente a sosode na e aeropuerto di LaGuardia na New York, ora cu un vuelo di Air Canada Express, biniendo for di Montreal, a dal den un truck di brandweer riba pista. Informacionnan ta confirma cu e dos pilotonan di e avion a perde nan bida den e impacto fuerte aki, pero tambe tin mas morto.
Detaye di e Sucedido
E incidente a tuma lugar banda di 11:40 di anochi (ora local), ora cu e vuelo AC8646, un CRJ-900 opera pa Jazz Aviation, tabata den proceso di aterisahe riba Runway 4. Pa motibonan cu ainda ta bou investigacion, e avion a bay dal frontalmente contra un truck di brandweer (ARFF) di Port Authority cu tabata riba e pista pa atende un otro emergencia menor.
Testigonan y potretnan
for di e escena ta mustra e parti dilanti di e avion, e asina yama “cockpit” a keda completamente destrui. E impacto tabata asina fuerte cu e avion a keda cu su nanishi na halto y e truck di brandweer a keda benta di banda.
Victimanan y Heridonan
Autoridadnan na New York, encabeza pa Kathryn Garcia di Port Authority, a confirma cu:
2 Piloto: Lamentablemente a fayece na e sitio mes.
Pasajeronan: Tabatin un total di 72 pasajero y 4 miembro di tripulacion abordo.
Hospitalizacion: 41 persona a wordo transporta pa hospitalnan den cercania di Queens. Mayoria a wordo duna de alta caba, pero 9 persona ta keda interna den condicion serio.
Bomberonan: Dos oficial di Port Authority cu tabata
den e truck tambe a resulta herida, pero nan bida no ta core peliger.
Aeropuerto Cera y Investigacion
Debi na e gravedad di e accidente, aeropuerto di LaGuardia a keda cera mesora, causando cancelacion di cientos di vuelo, incluyendo conexionnan cu Canada y otro partinan di Merca. E team di NTSB (National Transportation Safety Board) ya ta na e sitio pa cuminsa cu e investigacion tecnico pa determina pakico e truck tabata riba e pista na e momento preciso
cu e avion tabata baha.
Air Canada a publica un comunicado expresando nan profundo dolor pa e perdida di nan coleganan y a habri un linea di asistencia pa e famianan di e pasaheronan involucra.
Filomena College maVo su opendag 2026
E siman cu a pasa, Filomena College MAVO na San Nicolas a tene su acostumbrado opendag. E dia aki tur mayor y futuro alumno tabatin e oportunidad di cera conoci cu e maestronan di Filomena Mavo y cu nan forma di duna les. E tema tabata: “Bo ruta, bo talento, bo futuro.”
Banda di cera tur materia cu éxito, e scol aki tin e concepto unico di saca e talento maximo riba tereno di tur deporte y arte creando, di e forma aki, un individuo completo. Directorado di Filomena Mavo ta gradici na prome luga tur mayor y alumno cu a acudi na e opendag 2026 y ta spera cu tur presentacion tabata na agrado di un y tur. Tambe tur cabesante di scol basico cu a coopera cu nos e aña aki. N’e sosten ricibi di tur maestro, personal, alumnonan cu ta miembro di Kiwanis Club of Filomena, Tito Bolivar di Artisa Aruba y Prensa di Aruba: Masha Danki y sea bon bini na Filomena College MAVO.
aruba prepara pa oraCion
Oracion ta nos yabi di comunicacion cu Dios, Oracion ta tur locual cu nos tin cu haci
Palabra di Dios ta bisa: Si Mi pueblo cu a wordo yama na Mi nomber, humiya nan mes y haci oracion,y busca Mi cara y bira bek for di nan mal camindanan, e ora ey lo Mi tende for di cielo, y lo mi pordona nan pica, y cura nan tera.
Diabierna 3 di April ( Diabierna Santo) den un gran transmicion for di studio di HIT94FM, huntu cu Telearuba, 24 Ora.com y Earubianonews y tur otro media cu ta desea di hanja e link , lo wordo transmiti te den bo cas for di 1pm - 8 pm e marathon di oracion cu e anja aki ta hiba di titulo “COSNAN GRANDI”
Ta tempo pa nos uni den oracion, y laga cada cas, famia uni de oracion buscando cara di Dios pasobra e dia nan ta dificil rond mundo.
E oracion lo wordo mira riba henter nos isla, y tambe den KIA , hospital,Caribe Hulandes y Hulanda y tur hende tin mes un oportunidad dilanti di Dios, tur hende ta inclui pasobra Dios
stima tur hende, tur hende por yama, tur hende por manda Whatsup . Tur hende por manda email, asina tur peticion di oracion por yega HIT94FM y asina tur oracion por wordo treci dilanti di e trono di Dios. Tur hende lo tende y tur hende lo sa cu Hesus Cristo ta Senjor.
Manera ta pa e ultimo 25 anja e programma lo
cuminsa 6am manera tur anja cu Alabansa , y oracion, lo tin oracion via di Radio HIT94FMmanera tur anja y riba facebook, y tambe lo ricibi peticion di oracion, Wardando e momento yega pa e gran transmicion.
Awor a yega e momento pa coopera cu un donacion for di boso curason pa asina e transmicion aki
bira posibel, y tur hende wordo bendiciona y boso por haci esey na Caribbean Mercantile Bank acct 65779308:Att Fundacion e Fortaleza y Sosten Pa Famia.Pa asina yuda nos cubri e gastonan di transmision.
Corda bon cu pa medio di boso generosidad, otro nan por wordo bendiciona y ricibi oracion, wordo
sana y nan bida por wordo cambia, pa medio di boso generosidad, un hende cu problema di stress, depression of problema cu su salud mental por wordo conseha y ayuda.
Nos ta conta cu boso apoyo. FUNDACION E FORTALEZA Y SOSTEN PA FAMIA.
Marcel Balootje, president. Tel 7403237.
7 alimento cu por mehora bo beis
E alimentonan cu bo ta come no solamente ta determina con bo ta zit eruit, sino cu tambe ta influi bo pensamento, emocion y accionnan.
Hopi ta e alimentonan cu por desahusta bo sistema nervioso, treciendo como consecuencia mal beis, cansancio, ansiedad y depresion.
Purba e siguiente alimentonan cu por mehora bo humor. P'esey, si bo a nota cu semper bo ta di mal humor of bo ta sinti un disgusto.
Ta un opcion mas saludabel, economico y simpel na luga di usa remedi. Solamente tene na cuenta cu si bo emocionnan no ta stabilisa, ta un bon idea pa bishita un psicologo.
Algun biaha e problemanan cu no tin di haber cu loke nos ta come, sino cu e hendenan cu ta rond di nos y e situacionnan cu nos ta biba aden.
1. Cacao of chuculati puro
E prome di e alimentonan cu ta mehora bo humor, ta cacao. E tin un efecto stimulante di felicidad, debi na e teobromina. E kimico aki ta yuda na:
● Aumenta e nivelnan di serotonina y dopamina den e organismo
● Ta relaha e sistema nervioso
● Ta disminui e estadonan di ansiedad y depresion
Cacao tambe ta contene triptofano, un kimico cu ta fomenta e liberacion di serotonina. Pa tur su beneficionan, nos ta recomendabo come un pida repi di chuculati puro
of cacao pa dia, pa asina mehora e estadonan di depresion y ansiedad. Lo unico cu bo mester vigila ta cu e chuculati scogi, ta di un contenido halto di cacao. Idealmente e mester ta riba 65%.
2. Noot of nechi
E di dos di e alimentonan cu ta mehora bo beis ta noot of nechi. E ta aporta na e organismo acidonan graso omega 3, cu esaki no ta produci door di su mes. Ora cu bo curpa no obtene suficiente omega 3, e por drenta den estadonan depresivo. Nootnan tambe ta contene triptofano, di cual ya nos a menciona caba.
● Nos ta recomenda consumi 5 noot pa dia pa asina mantene un beis mas stabil.
● Corda cu bo por añadi nan na bo batidonan, na bo desertnan of simplemente come nan como colacion.
3. Bacoba Bacoba ta otro di e alimentonan cu ta mehora bo beis y cu bo tin cu inclui den bo dieta diario of por lo menos dos biaha pa siman.
Su beneficio na bo
telep di simiya di sesamo
den bo saladanan of usa su azeta como parti di bo platonan.
5. Salmao y otro pisca
Otro di e alimentonan cu ta mehora bo beis pasobra nan ta rico den acidonan graso omega 3, ta salmao, tuna of sardin.
Esakinan ta incidi directamente den e
emocionnan ta debe na e contenido halto di vitamina B6. Esaki ta interveni den e proceso di transformacion di e compuestonan proteicos di serotonina.
Ademas, door cu e ta contene acido folico, vitamina C y fibra vegetal, e ta mehora bo defensanan.
4. Simiya di sesamo
E simiyanan aki ta un di e alimentonan cu ta mehora bo beis pasobra e ta aporta na treonina. Esaki ta un aminoacido esencial cu e organismo no por produci y sintetisa di su mes di forma natural. Ora cu tin nivelnan abao di treonina, bo por experiment tristesa cronico.
● Pa obtene e nutriente aki, nos ta recomendabo inclui un
nivelnan halto di salo y di BPA, tambe conoci como bisfenol.
6. Alimentonan rico den fibra
Alimentonan rico den fibra soluble ta yudabo na cambia e estado di animo ora cu esaki ta debe na e alteracionnan den bo nivelnan di suco den sanger.
eficiencia di e movimento di algun neurotransmisor, cual deficiencia por provoca estadonan depresivo.
● Ta recomendabel inclui por lo menos un porcion di e piscanan aki na bo dieta semanal.
● Si ta posibel, inclui nan tres biaha pa siman compaña pa berdura. Sigura cu e pisca cu bo cumpra ta di bon calidad y liber di contaminante. Esaki ta specialmente importante cu salmao, ya cu algun specimen obteni di criaderonan ta alimenta cu kimico cu por afecta bo humor.
Si bo ta opta pa consumi tuna, percura pa eligi e opcionnan den pidanan natural. Aunke e ta hopi economico come tuna di bleki, esaki ta contene
Si bo ta diabetico, controla bo nivelnan corespondiente. Corda cu e glucose eleva no solamente ta afecta e funcionamento di bo organonan interno: tambe lo ponebo experimenta diverso emocionnan negativo den cuestion di minuut. Ora cu bo ta sinti cu esaki ta sosodiendo, realisa un revision di glucose pa determina si esey ta e problema.
7. Carni cora magro
E ultiom di e alimentonan cu ta mehora bo beis ta carni magro. Esakinan ta rico den acido linoleico, un vet natural cu ta yuda combati stress y e acumulacion di vet den curpa.
E carninan aki tambe ta aporta na hero y omega 3 cu ta yuda mehora e salud celebral.
● Ademas, ta hopi recomendabel cu ora di cushina e carninan, haci'e cu e menor cantidad di salo y vet posibel. Asina, nos lo ta consumiendo e producto sin cosnan añadi y nos lo evita otro problemanan asocia. Manera por ehempel hipertension of aumento di peso.
Gobierno ta explora colaboracion cu fundacion internacional pa fortalece cuido pa personanan cu discapacidad
Prome Minister Mike Eman, Minister Wendrick Cicilia y Sonaly Acosta di Ministerio di Asuntonan General, a reuni recientemente na Bestuurskantoor cu Sra. Jane King, CEO di Amadiba, un fundacion (NGO) basa na Mallorca, Spaña, cu ta dedica na cuido y acompañamento
di personanan cu discapacidad durante tur fase di nan bida. Durante e encuentro, a discuti posibilidadnan pa establece colaboracion cu Aruba, cu enfoke riba introduccion di servicio integral pa personanan cu discapacidad, for di nacimento te edad adulto y etapa final di bida.
Amadiba ta brinda un amplio gama di servicio, incluyendo educacion, daycare, vivienda, deporte y asistencia legal (tutela). E fundacion tin experiencia significativo, atendiendo mas cu 2.000 cliente y contando cu un ekipo di aproximadamente 635 empleado. E iniciativa di colaboracion a surgi despues di un bishita anterior di Brighter Future na Mallorca durante luna di november, unda a conoce e modelo di trabou di Amadiba. Como siguiente paso, e delegacion a bishita Aruba pa presenta e concepto na diferente ministerionan.
accion entreGa bo arMa di candela ileGal desde 24
Maart 2026 pa 24 april 2026
Santa Cruz, ARUBA:
Cuerpo Policial Aruba conhuntamente cu Ministerio Publico ta anuncia cu lo cuminsa cu accion Nacional pa entrega bo arma di candela ilegal.
E accion ta uno interinsular cu ta regarda e Cuerponan Policial di Caribe Hulandes den cooperacion cu e Colegio di Hefenan di Cuerpo (college van korpschefs).
E iniciativa aki ta un colaboracion di e
organisacionnan di Caribe Hulandes cu cooperacion di Ministerionan
Publico di Aruba, Corsou, Boneiro, Saba, Sint Eustatius y Sint Maarten. Cuerpo Policial Aruba y Ministerio Publico kier infatisa cu e uzo di arma di candela ilegal ta hiba na incidentenan serio. Posesion di arma di candela ilegal ta trece un sentimento di insiguridad den comunidad. E ta hiba na mas violencia y mas insiguridad.
Pa ley si bo wordo haya cu un arma di candela ilegal den bo posesion bo lo wordo deteni y sentencia pa un huez. Tin hende cu ta wordo sentencia pa algun aña di prison djis pa posesion di arma. Sinembargo, por sosode cu e persona cu tin un arma di candela ilegal no kier esaki mas, pero no kier entrega esaki na polis tampoco pa miedo di wordo deteni y cu e mester legitima su mes.
Gobierno di Aruba ta mira e dialogo aki como un oportunidad pa explora con por fortalece y amplia e servicio existente pa personanan cu discapacidad, den colaboracion cu experto
Pa e motibo aki ta tene un accion pa entrega bo arma di candela ilegal. E accion ta cuminsa desde 24 maart 2026 te cu 24 april 2026 na unda lo por haci uzo di e container blauw pariba di brug. E container blauw lo ta esun situa banda di warda di polis San Nicolas. Pa loke ta trata pabao di brug lo anuncia e lugar den e proximo dianan.
Personanan cu entrega un arma di candela ilegal den e periodo aki NO lo wordo persigui penalmente. Tambe bo ta keda anonimo. E ta conta tambe pa balanan y piezanan di arma di candela. Esakinan tambe
internacional.
E encuentro ta forma parti di un esfuerso continuo pa promove inclusion y bienestar social, mientras cu ta evalua posibilidadnan pa adaptacion di modelo exitoso na contexto local.
por wordo entrega.
Consecuencia despues di e periodo aki, cu si nos hayabo cu e arma di candela ilegal bo ta wordo persigui penalmente!
Cuerpo Policial Aruba ta pidi pa entrega e arma di candela ilegal of e piezanan paketa, pa evita accidente. Haci e decision corecto. entreG’e of nos ta bin busc’e. !
UN fELIz DIA y c U DIOS bENDI cIONA bOSO RIcAmENTE
”P’esey obedece y sigui tur cos cu nan bisa, ma no haci manera nan ta haci si! Pasobra nan mes no ta haci loke nan ta bisa. Mateo 23,1
Rumannan e Palabra di Dios ta siña nos cu nos mester ta atento, hopi hende ta papia bunita pero nan bida ta mustra e contrario.Nos mester purba sigui e bida di Hesus.
E no ta facil pero e recompensa ta Bida Eterno. Awo cu ta tempo di Cuaresma ban pidi Hesus laga nos cana hunto cu nE.
Si nos conoce su Palabra ban bibe. Ban cana cu Hesus, ora nos trompeca pidi’E lanta nos bek. Bunita ta cay y lanta bek y reconoce cu nos a comete un eror y pidi pordon. Sea humilde.
Oracion: Dushi Hesus nos kier ta humilde, cana den Bo pasonan. Guia nos y mustra nos cua ta e obra cu Bo kier nos haci den e Cuaresma aki. Laga nos papia y ta un ehempel di Bo den obra y nos bida diario.
Doina Eman lo participa DEn Global Summit na
WhitE
houSE “FoS tErinG thE FuturE toGEthEr”
Sra. Doina Eman, distiguida esposa di Prome Minister di Aruba Mike Eman, lo participa den e prestigioso Fostering the Future Together Global Coalition Summit na Washington, D.C., riba invitacion di Primera Dama di Estados Unidos, Melania Trump. E cumbre historico di dos dia, organisa den colaboracion cu Departamento di Estado di Merca y culminando na White House dia 25 di maart 2026, lo reuni representantenan di 45 pais y companianan tecnologico lider na nivel
mundial. E iniciativa ta enfoca riba proteccion y empoderamento di muchanan den un era di avance tecnologico acelera, cu enfasis special riba educacion, responsabilidad digital y desaroyo etico di tecnologia emergente.
Sra. Eman lo representa Aruba den e encuentro historico aki, marcando e prome biaha cu un Primera Dama di Merca ta reuni un coalicion internacional di e magnitud aki na e White House den un solo dia. Participacion di Aruba ta subraya su compromiso cu proteccion y desaroyo di generacionnan futuro
den un mundo digital cu ta evoluciona rapidamente. Den su rol hunto cu Prome Minister Mike Eman, Sra. Eman ta activamente contribui na promocion di politica basa riba e principio di “Bon Comun”, cu enfoke riba prosperidad comparti, cohesion social y bienestar di tur ciudadano na Aruba. Su participacion den iniciativa comunitario y su dedicacion pa grupo vulnerabel ta refleha e mesun balornan cu ta guia vision di Gobierno pa un desaroyo inclusivo y sostenibel.
Durante e cumbre, Sra. Eman, lo ta acompaña
miniS tErio Di SalubriDaD ta FormaliSa manEho nacional pa
rEvaliDacion y mEDionan Di apoyo
Oranjestad, Aruba – 23 di maart, 2026 – Den un esfuerso pa modernisa y eleva e calidad di cuido na Aruba, bou liderazgo di Minister Wyatt-Ras, e Ministerio di Salubridad, Asunto Social, Cuido di Adulto Mayor y Maneho di Adiccion a formalisa e Comision Nacional pa Revalidacion y Medionan di Apoyo (Stuurgroep revalidatie en hulpmiddelen) pa medio di un Ministeriële Beschikking.
E paso aki ta marca un avance strategico den e implementacion di e Plan Strategico pa Revalidacion y Medionan di Apoyo 2026–2030, cu ta enfoca riba un sistema di cuido
mas coordina y accesibel pa comunidad.
Un di e motibonan principal pa e creacion di e Comision aki ta pa atende e escasez di personal specialisa den un forma mas structural. Pa e motibo aki, e Ministerio a duna e Comision Nacional e encargo pa guia un Werkgroep pa Disponibilidad y Capacitacion di Personal. E plan strategico ta inclui un analisis di personal den e sector y e medionan di apoyo, pa identifica e necesidad actual y anticipa demanda pa specialistanan den futuro. Asina nos por garantisa cu comunidad tin acceso
pa Sra. Esther Gomes, Directora di Post Aruba NV, y Sra. Zulema Dabian, Minister Plenipotenciario di Aruba na Washington, D.C. E delegacion ta representa un enfoke multidisciplinario, combinando compromiso comunitario, servicio publico y representacion internacional.
Participacion di Sra. Eman ta resalta e dedicacion di Aruba pa sigura cu progreso tecnologico ta sirbi humanidad, specialmente e generacion hoben. Su compromiso continuo cu cuido, inclusion y bienestar comunitario ta
• Huisartsen
Vereniging Aruba (HAVA)
• Arubaanse
Vereniging van Specialisten (ASHA)
alinea estrechamente cu e obhetivo di e cumbre. Gobierno di Aruba ta duna bon bini na e oportunidad aki pa contribui na un dialogo global riba creacion di un futuro sigur, inclusivo y stimulante pa muchanan na henter mundo.
na cuido di calidad, den mannan experto.
E Comision Nacional ta inclui diferente actor clave di nos sistema di salubridad, pa sigura cu tur hende ta traha den e mesun direccion. Bou guia di e Ministerio, e grupo aki lo fungi como motor tras di e implementacion di e Plan Strategico pa Revalidacion y Medionan di Apoyo 2026–2030.
E aliansa aki ta consisti di:
• Directie
Volksgezondheid (DVG), cu ta hunga un rol central den e desaroyo di e sector • Uitvoeringsorgaan AZV (UO-AZV)
• Dr. Horacio E. Oduber Hospitaal (HOH)
• Aruba Vereniging van Fysiotherapeuten (AVF)
• Plataforma pa Personanan cu Limitacion (PPL)
Den colaboracion cu Organisacion Pan Americano di Salud (PAHO) y conforme e vision di Organisacion Mundial di Salud (WHO), e iniciativa aki ta contribui na e desaroyo di un sistema di revalidacion di calidad. Aruba ta alinia cu e Obhetivonan di Desaroyo Sostenibel (SDG 3, 4, 8 y 10), cu ta enfoca riba salud, bienestar y participacion den sociedad. E iniciativa aki ta inclui tambe revalidacion pa personanan cu limitacion, cu ta pone enfasis riba fortalece nan participacion, independencia y mehora nan calidad di bida. E desaroyo di un sistema di revalidacion coordina ta contribui na cuido mas inclusivo y accesibel pa tur hende cu tin mester di apoyo. E Ministerio kier stimula un sistema di cuido mas coordina y orienta riba e persona.
“Nos ta construi un fundacion solido pa asina tur hende por sinti cu cuido di revalidacion ta un pilar fuerte, humano y sostenibel pa nos isla,” segun e Ministerio.
NA E SECTANAN CU NO TA ACEPTA
MAMA MARIA, CU NO TA HONRA Y CU NO TA STIMA E MAMA DI HESUS
Den Bijbel Genesis 3: 1416, Dios Tata a bisa na e colebra satanas: “Lo Mi trece enemistad entre abo y e muher, entre bo descendiente y entre e descendiente di e muher. E muher cu su descendiente lo trapa riba bo cabes y lo bo lastra bao di su pia.” Akinan e muher ta Maria, cu Dios Tata a escoh’E pa e bira Mama di E Salbador. Maria Su descendiente ta, CristoHesus y tur esnan den Cristo-Hesus Su Iglesia. E descendiente di e colebra satanas ta esnan cu no ta acepta, cu no ta honra y cu no ta stima Maria y cu ta persigi e descendientenan di Maria den Cristo-Hesus Su Iglesia. Den Bijbel Revelacion 12: 17: “Anto e dragon a rabia contra e muher y e’l a bai hasi guera na e demas yiunan di e muher.” Akinan e diabel tin rabia riba Maria y e diabel ta persigi y ataka e yiunan di Maria den Iglesia. Den Bijbel Lucas 1: 41-43, Maria ta bishita Su prima Elizabeth y Elizabeth a keda yena cu Spirito Santo y a bisa: “Di unda mi ta merese e honor cu Mama di mi Senjor ta bishita mi?” Maria ta wordo yama Mama di Dios, pasobra Su Yiu Hesus ta E di dos Persona di E Santisima Trinidad. Y den Bijbel Huan 20: 28, akinan Apostel Thomas ta expresa na Hesus: “Mi Senjor y Mi Dios.” E palabra Senjor
ta significa Dios, pesey Maria ta Mama di Dios. Den Bijbel Lucas 1: 46 – 49; “Maria a bisa: Mi curason ta alaba Senjor, Mi Spirito ta alegra den Dios Mi Salbador, pasobra E a mira riba Su humilde sirbidora. For di awor, tur generacionnan lo jama Mi felis. Di berdad E cu ta Todopoderoso, a haci na Mi, Su obranan milagroso y Santo ta Su nomber.”
Akinan tur e pueblonan di mundo lo honra y lo venera Mama Maria. Den Bijbel Huan 19: 25-27, akinan Hesus na Crus klaba a bisa: “Mama, ata bo yiu eynan y despues E’l a bisa Huan: Ata bo Mama eynan.”
Akinan Hesus ta ofrece nos Su Mama, pa nos stimel’E, pa nos honrel’E y pa nos acepta Maria como nos Mama Celestial. Manera cu e Apostel Huan a acepta Maria como su Mama y e Apostel Huan ta representa e Iglesia di Cristo-Hesus, pesey Maria ta Mama di Iglesia.
Den Bijbel 1 Reynan 2: 19-20, ta bisa: “Ora cu Betsabe, e mama di Rey Salomon a drenta den e sala di e Rey, pa papia cun’e ariba asunto di Adonias, e Rey a lanta pa ricibi su mama y a buig su dilanti. Despues e’l a bai sinta riba su trono y a duna ordo pa nan trece un stoel di trono pa su mama, e mama a sinta na man drechi di su yiu Rey Salomon y a bisa su yiu: Mi kier a pidi bo
un fabor chikito, mi no ta spera cu bo lo nenga mi. Rey Salomon a contesta: Mi mama, pidi mi loke bo kier, lo mi no nenga bo.” Akinan e mama di Rey Salomon a haya un trono, pa sinta na man drechi di su yiu Rey. Hesus ta Rey di Universo, den Bijbel Lucas 1: 32 – 33, na unda e Angel Gabriel a anuncia na Maria: “Senjor Dios lo duna Hesus e trono di Su antepasado Rey David y te den eternidad lo E ta Rey di e descendientenan di Jacob y Su Reino lo no tin fin.” Cristo-Hesus ta Rey
di Universo y ta sinta riba Su Trono den Gloria. Awor, lesa Bijbel Revelacion 12: 1, ta bisa: “Un senjal grandi a aparece na Cielo: un Muher bisti cu solo, cu luna bao di su pianan y riba su cabes un corona di diesdos strea.” E Muher bisti di solo ta Maria y e corona di diesdos strea ta simbolisa, e oficio Real den Reino di Cielo. E significacion di solo, luna y streanan bao di Su pianan, den Bijbel Genesis 37: 9-11, akinan e Profeta Jozef ta sonja di mira con, solo, luna y streanan ta buig su
dilanti y esaki ta simbolisa, Reinado y Autoridad. Awor nos ta compronde, cu Mama Maria ta Reina di Cielo y di Tera y Mama Maria ta sinta na Su Trono na man drechi di Su Yiu Hesus. Hesus Rey di Universo, lo no nenga Su Mama fabornan, mescos cu Rey Salomon no a nenga Su mama fabornan. Un mensahero di Dios. Scirbi pa Seferino Tromp Koyari 13-D Tel. 5931157/5870048
