Dialuna januari 19 2026

E BERDAD SUNU

RIBA 300 MIYON

Homber confuso canando riba Watty Vos bouleVard yegando busHiri

Watty Vos BoulevardDiasabra anochi, rond di 9'or y mey mas o menos por a mira un patruya di polis luz blauw y cora cendi riba Watty Vos Boulevard.

Esaki tawata direccion di Ling&Sons y asina a sigui bay direccion rotonde Bushiri.

Automobilistanan riba e caminda grandi eynan por a nota un meneer, di edad poco halto canando riba caminda. E tawata parse ta

buscando "algo".

Por a mira e patruya cende su luznan memey caminda, y lo a papia algo cu e cabayero. Pa un rato trafico a stop di bin ariba, debi cu e auto di polis tawata memey caminda.

Esnan mirando a kere cu e agentenan lo a hinca e cabayero den auto pa su siguridad, debi cu tawata mustra basta confuso.

Lamentabelmente e patruya[lo a bise algo] a opta pa laga e meneer gewoon sigui expone su mes y trafico riba e

grupo di carnaVal centro di bario noord

Grupo di Carnaval Centro di Bario Noord tey bek atrobe e aña aki! E aña aki nos ta celebrando nos di 59 Carnaval di Mucha di Noord. Nos ta sumamente orguyoso di nos Reina Infantil Noord

Amélie Koolman cu a gana e corona di Reina Infantil di Aruba su Carnaval!

Nos tema di grupo di Carnaval ta “Un Atardi Feliz” y lo concentra e.o. riba comequitas. E tema

di nos massa ta “Tweety y Sylvester”. Nos ta participando den tur 3 Parada di Mucha y participacion den massa ta Afl. 200,- pa cada mucha. Nos cede na Centro di Bario Noord ta

habri di dialuna pa diabierna di 6or pa 9or di anochi. Pa mas informacion por tuma contacto cu Nicolina na 5620528. Eleccion Princesita Noord 2026

Diasabra 24 di Januari 2026 nos ta bay tin nos eleccion di Princesita 2026! E evento ta tuma lugar di 6or pa 11or di anochi na Centro di Bario Noord.

Inscripcion ta habri pa Princesita Noord 2026 pero tin cupo limita! Pa mas informacion por tuma contacto cu Chrislaine na 6413158 of cu Nelaine na 7332908. No perde e chens pa manda

boso princesita pa representa nos dushi districto di Noord! Nos ta invita tur mucha pa bin goza hunto cu Amélie y Centro di Bario Noord den Carnaval 72.

Asina nos por engrandece Aruba su carnaval un biaha mas!

Invitacion pa Celebra cu nos Dia di Betico 25 di Januari proximo

Na Cede di MeP

CoNMeMoraNdo BetiCo Croes e arChiteCto y realisador di aruBa su s tatus aParte

Secretario General di MEP den nomber di MEP ta hasi invitacion na henter Aruba pa nos celebra nos dia nacional Dia di Betico 25 di Januari proximo den grandi. E aña aki e tin un significasion mas aya comokiera cu lo celebra tambe 40 aña di e logro y lucha di Betico esta nos Status Aparte. Ban subi caya e recore rond Aruba bishitando tur eventonan riba e dia aki. MEP tambe a prepara un actividad grandi dilanti Cede di MEP na Sta Cruz.

Danki Betico pa Aruba su Status Aparte:

Betico Croes a funda MEP 9 di Februari 1971 cu e miras pa lucha pa Aruba su Libertad y autonomia esta nos Status Aparte. Den e “Himno” di MEP cual a wordo lansa desde inicio di MEP na 1971 por tuma nota di e palabra nan” Uni den fila di MEP pa Aruba su Libertad” tambe un otro frase importante den e Himno “ Hunto ta logra pa tur nos Status Apart”. Lokual kier ilustra cu Betico Croes a lanta MEP na 1971 y a percura pa e palabranan Libertad y Status Aparte ta ancra den e Himno. Esey tabata MEP su vision y esey

tabata Betico su lucha y su determinacion. Despues di un historia y lucha largo Betico a percura pa unifica e pueblo aki. Betico a percura pa nos Himno y Bandera bira realidad 18 di Maart 1976. Betico y su Team a percura pa combense Hulanda den Ronde Tafel Conferentie 12 di Maart 1983 pa Aruba logra su Status Aparte. Palabranan historico cu Ruud Lubbers (def) Prome Minister di Hulanda a bisa riba e fecha aki” De Kogel is door de Kerk” Pues Betico ta e architecto constructor y realisador di nos Status Aparte y ta na e generacionnan nos dilanti pa percura pa cuida esaki manera un clompi di oro manera Betico mes a pidi. Celebracion ta inicia desde 10 am

Desde 10 or di mainta lo tin coffee morgen cu ambiente di caha di orgel. Desde 10 am lo inicia tambe un Torneo di mini futbol di edad 6-8 anja. Lo tin un exposicion henter dia parti paden audiovisual unda por mira videonan historico. Di 2-5 pm lo tin un torneo di domino. Alabes di 2-5 pm riba e stage grandi lo tin un programa cultural. Atardi e bandanan Duro y

Tsunami lo sera e actividad di 6-9pm. Tin 16 tent cu masha hopi cuminda y un variedad grandi. Alabes

MEP tin su Rifa cu premio di Afl.10.000,- cash cual sorteo lo tuma lugar 25 di januari pa 7pm. Reserva

e fecha Bo pasa celebra cu nos y percura cu bo liña ta na awa.

Minister Geoffrey Wever:

IntroduccIon dI lIsta posItIvo dI

actIvIdadnan

dI servIcIo nobo ta fortIfIca posIcIon dI zona lIber y clIma dI InversIon dI aruba

Oranjestad, 18 di januari 2025 – Minister di Finansa, Asunto Economico y Sector Primario, mr. Geoffrey Wever, ta anuncia cu dia 1 di januari 2026, e regulacion pa actividadnan di servicio nobo permiti den zona liber a drenta oficialmente na vigor. Cu esaki, Aruba ta tuma un paso strategico y bon calcula den fortalecemento di su modelo economico y su credibilidad internacional.

E regulacion nobo ta introduci un lista positivo di actividadnan di servicio cu por wordo eherce den zona liber, conforme cu e cambio di ley introduci na 2020 pa cumpli cu e

standardnan internacional di e Organisacion for Economic Co-operation and Development (OECD). E lista positivo aki ta un instrumento di maneho economico moderno cu ta sigura claridad, transparencia y cumplimento estricto cu normanan internacional.

E seleccion di e actividadnan permiti a wordo haci cu gran cautela. E enfoke ta pa evita cualkier impacto negativo riba e ingreso di impuesto existente di Aruba cu ta cay bou di e tarifa normal di impuesto riba ganashi. Pa e motibo aki, e regulacion ta permiti solamente

actividadnan cu no ta wordo ehecuta fisicamente na Aruba of cu ta wordo ehecuta na un grado masha limita, mientras cu nan ta beneficia di e tarifa reduci di impuesto riba ganashi di 2% den zona liber.

Cu introduccion di e lista positivo, Aruba ta posiciona su zona liber como un instrumento competitivo, confiabel y cu ta cumpli cu e standardnan internacional, cu ta atrae inversionistanan serio y empresanan innovativo, incluyendo start-ups, cu ta busca unterritorio legal stabil, transparente y atractivo. E medida aki ta reforsa e clima di inversion y ta crea espacio pa crecemento economico

duradero.

Na mes momento, e regulacion ta contribui directamente na diversificacion di e economia Arubano, ampliando e variedad di actividadnan economico y creando oportunidadnan nobo pa profesionalnan local. Esaki ta resulta den creacion di cuponan di trabou di nivel halto, fortalecemento di conocemento local y un aumento structural di entrada di impuesto, tanto for di empresanan nobo como for di e forsa laboral cu ta wordo activa.

Segun Minister Wever, e introduccion di e lista positivo ta mustra cu Aruba

por combina disciplina fiscal, cumplimento internacional y ambicion economico den un solo cuadro di maneho coherente.

“Nos ta construi un economia cu ta resiliente, diversifica y prepara pa futuro, sin compromete e integridad di nos sistema fiscal,” Minister Wever a indica.

Cu e regulacion aki, Aruba ta confirma su compromiso cu bon gobernacion, cooperacion internacional y un desaroyo economico cu ta basa riba responsabilidad, vision y planificacion strategico integral.

MEP celebrando Dia di Betico den grandi 25 di januari proximo:

DesDe 10 Di mainta cu 16 tent Di cuminDa

seranDo atarDi cu banDanan Duro y tsunami

Secretario General di partido MEP ta recapitula un evento grandi cu partido MEP ta preparando pa celebra Dia di Betico 25 di Januari proximo den combinacion cu 40 aña di Status Aparte. Evento lo ta henter dia di 10 am pa 9pm:

Lo inicia cu un “Misa” na Sta Cruz di 8-9am sigui pa 930 am unda lo pone flor na Statua di Betico Croes na Sta Cruz hunto cu Fundacion Betico Croes .

E celebracion lo ta henter dia iniciando desde 10 am na Cede di MEP cu e tradicional coffee morgen unda lo ta regalando bolo manera custumber. Ambiente di caha di orgel di Rodney “Pachi” Werleman. DJ Alvin tambe lo tey pa pone ambiente. Mesun orario di 10- am te cu 1 pm lo tin un torneo di mini futbol di edad 6-8 aña. Di 2 pa 5 pm lo tin un torneo di domino mientas henter dia parti paden tin un exposicion audio visual unda por mira videonan di Betico y su lucha y logro di Status Aparte-Nel y Evelyn e (3) lidernan di MEP enconnecion cu 55 aña di MEP. Di 2-5 pm riba e stage grandi lo tin un programa cultural. Di 6 pa 7 pm e banda DURO lo pone ambiente. MEP lo bay over 7 pm pa saca e ganador(nan) di e prome y segundo premio di su rifa esta Afl.10.000,- y Afl.5.000,- cash. Alabes lo saca 10 doorprize y pa e doorprize e persona mester ta presente pa buska esaki mesora. Di 7.30 pa 9pm Tsunami lo ta den cas pa sera e actividad y celebracion. Tentnan di cuminda: Dilanti Cede di MEP lo sera e caminda y ta instala un total di 16 tent di entre otro cuminda, mata, bebida, artesania pa nombra algun. Despues di a reuni cu tur esnan cu lo ofrese nan cuminda y productonan diasabra ultimo nos

a keda sorprendi cu e cantidad di variedad. Lo bay tin entre otro Mama Lina, Donnas Kitchen, Lilas Cuisine, Doris, Maureen y Mauchis pa nombra algun. Por a tuma nota di e menunan hopi amplio: aros con pollo, cabrito stoba, oxtail cu funchi, aros Moro, concomber

stoba, galiña stoba, BBQ, johnny cake, bakijouw, sanger yena, chicharon cu patacon, arepa di maishi, carne asada, pan cu calco, chuculati pinda, cocada, pastechi, croquette, popcorns, pizza, nacho cu cheeze, postres venezolano, hot dog stand, 5 diferente soppi,

snackbox, juice di tamarijn y mucho mas. Banda di e cuminda nan dushi tin tent cu lo bende mata, artesania y asina por sigui. Pues Pueblo di Aruba reserva dia 25 di januari pa asina pasa Celebra Dia di Betico den grandi cu nos. Danki Betico!

Gerick Croes LL.M. BEc

Part II- E crIsIs dI autorIdad;

lEgItImIdad,

burocracIa y

dIstancIa

Den part I, di e articulo nos a elabora den liña grandi riba e introduccion di professor Verbrugge (despues referi como; Verbrugge) su buki titula "Gezagscrisis". Den e segundo parti aki lo nos kier highlight algun punto interesante for di e contenido di su capitulonan. Den su promer capitulo Verbrugge ta pone enfasis riba e legitimidad di e autoridad. Esun cu tin e autoridad tin algo di bisa, na un manera cu otronan lo tende di dje. Bo por mira autoridad for di e angulo di bestuurskunde (e sciencia di adminitracion publico), pero esei no ta e perspectiva cu e ta analisa. Importante ta pa haya contesta riba e pregunta con autoridad ta origina. Eynan Verbrugge ta bai diep den teoria di Aristoteles, cual defacto ta describi e ser humano como un elemento politico. Segun e teoria aki e ser humano lo prefera

di biba den un sociedad cual tin bon lidernan cu capacidad di compronde e sociedad y guie den un bon rumbo. Hopi importante ta pa e lider tin caracteristicanan sobresaliente. E virtud principal di un bon gobernante mester ta su rectitud y integridad. Tur loke e haci mester tin un seyo di imparcialidad cu enfasis riba rasonibilidad y honestidad. E virtud cu ta garantisa imparcialidad ta curashi, esta curashi pa señala y resolve casonan cu no ta aceptabel den un sociedad. Esun cu ta sobresali como lider mester ta prudente, posee conocimento den practica y mester sa kiko ta biba serca e pueblo.

Burocracia

Segun Verbrugge e sentimento di con un bon lider of e lider ideal mester ta por bai perdi door cu un gobierno ta bira un

burocracia. Un burocracia ta un sistema di organisacion den cual trabounan ta dividi den diferente nivel y departamento, cu regla y proceduranan cu ta defini den forma hopi estricto. Den liña grandi e ta basa riba documento, hierarchia y regulacion pa hasi tur cos den un manera formal. Den e contexto aki Verbrugge ta subraya cu un persona por gana e confiansa di un cierto grupo den comunidad, si e tumanan interes na serio y scuchanan. Kinan ta unda e ta señala cu ciudadanonan ta anhela un gobierno cu ta interveni ora cosnan ta bayendo robes. Un gobierno mester percura pa ordo pero simultaneamente mester por tin libertad pe ciudadanonan. Kiermeen un bon gobernante mester por crea un balansa entre impone unda cu ta necesario y libertad di e ciudadano unda cu ta posibel.

Gobierno distancia di pueblo

E caída/falta di autoridad di un gobierno tin di haber cu gobierno ta distancia su mes for di e pueblo. Gobierno ta haci su trabou y controla via un oficina, pero den mesun rosea e gobierno ta perde e pueblo for di bista. Tambe e ta subraya cu no tin un storia en comun mas y un base cual e gobierno ta trahando pe. Den ki direccion bo kier bai? Kiko ta hustificacion pa cierto decisionan? Adicionalmente Verbrugge ta reitera cu gobierno den ultimo tempo a laga hopi cos den man di comercio cu consecuencia cu "maneha na banda" ta bira complica. Door cu gobiernonan a bira demasiado centralisa e contacto cu pueblo a bai perdi. Verbrugge ta enfatisa

cu centralisacion di un gobierno automaticamente lo hiba na un burocracia. Verbrugge ta señala algun area den cual gobiernonan no ta stabil. Ta carece entre otro di conocimento cognitivo. E Gobierno ta steun y depende riba conocimento. Esaki no ta wordo considera robes, pero consecuentemente e gobierno ta perde pueblo for di bista. E transicion rumbo sostenibilidad ta wordo logra pa medio di incentivonan financiero. Di e manera ey placa ta bai den saco di esnan rico, mientras esnan economicamente menos fuerte no por participa na e desaroyo sostenibel.

Los di e puntonan señala, Verbrugge den su buki ta menciona y splica den detayes e falta di moralidad y e bashi den sociedad di parti gobierno. E temanan aki y mucho mas lo wordo trata den e Common Good Expo cu lo tuma lugar dianan 29 y 30 Januari na Seaport Conference Center. Pesei e ta asina importante pa ciudadanonan interesa den e Bon Comun asisti y participa den e sessionan aki.

Parlamentario Endy Croes: Gerlien Croes un berdadero mentiroso

Gerlien ta bula cu hala di manteca desacreditando tur hende manera cu e

ta e ultimo coca cola den disierto

Parlamentario Endy Croes cu atencion a sigui e reunion publico di 17 di december 2025 dia cu Parlamento di Aruba a trata presupuesto di aña 2026. Na prome lugar tabata un berguensa cu un total di 10 Parlamentario di coalicion “NO” a hiba ningun palabra y no ta tuma nan trabou na serio. Pues nan a bira solamente “ja-knikkers” di gobierno y pa esey nan kier cobra un salaris pa luna. Sinembargo minister Gerlien Croes a bolbe wordo gara ta gaña. Banda cu Gerlien Croes a gaña Parlamento cu e mes a paga algun cien florin pa e buelo cu el a realisa 19 di november cu un jet priva por a tuma nota cu Gerlien Croes no kier contesta Parlamento si su consehero Crystal Brown tambe a biaha cune den e jet priva riba mesun fecha. A resulta na final cu henter e discurso di Gerlien Croes tabata yena cu mentira y awe lo repasa algun di nan.

Gerlien Croes a coordina inventerisacion di infrastructura di scolnan:

Minister Gerlien Croes a gaba cu un di su logronan unda el a coordina inventerasicion di infrastructura di scolnan na Aruba. Tin biaha ta dificil pa duna reconosemento na Gabinete Wever Croes 2 pero esaki ta un projecto ancra den Landspakket cual DOW tabata bezig cune y tabata tin na final di 2024 tur scolnan di Noord finalisa pa continua den 2025 cu lo demas. Awor Gerlien a yora cu Hulanda pa ayudo unda TWO a bay di acuerdo pa manda mas capacidad. No ta problema si Bo kier pidi ayudo pero

esey no ta significa cu e proyecto no tabata andando. Aki Gerlien a gaña Parlamento den dia kla!

Gerlien a gaña riba structura di salaris di docentenan:

Gerlien a gaba masha hopi cu un ”logro” pa lokual ta trata structura di salaris di docentenan.

Gabinete Wever Croes 2 a laga un documento amplio atras na DRH traha pa expertonan inclusivo Directie Onderwijs y SIMAR pa un conseho final. A laga tambe 500 miyon di surplus pa por usa un parti pa ehecuta esaki. Gerlien y su team a usa casi tur ingredientenan di e documento aki y a “tweek” un tiki na dije pa yame su logro. Nos ta contento pa e docentenan pero a spera mas sinceridad di Gerlien enbes di mas gañamento. Pues gerlien a gaña atrobe.

Gerlien a gaña cu nacionale zorgstructuur ta solamente di dije

Desde 1 di Juli 2024 Gabinete wever Croes 2 a entrega na TWO Hulanda e plan pa cu nacionale zorgstructuur prepara pa Directie Onderwijs y expertonan cumpliendo asina cu palabracion den Landspakket thema G cu ta para pa Onderwijs. Mesun documento aki Gerlien a revisa y a cambia algun “punt cu coma” na su gusto. Esey no ta significa cu e ta Bo logro y kier pretende cu Gabinete Wever Croes 2 no a hasi nada. E flie ey no ta subi. Pues aki por mira e sed di odio y repudio y un caracter debil di desacredita tur hende pero usa nan mesun documentonan pa purba briya. Foei Gerlientjie. Mirando bek

atras tur su “logronan” cu supuestamente el a gaba cu nan den Parlamento anto riba un tono mal ansha ta continuacion di trabounan eherse door di Gabinete

Wever Croes 2. Nos a spera mas di “la mentirosa” Gerlien. Hopi scuma poco chuculati! El cortes no quita lo valiente!

Parlamentario di AVP, Otami Thomasia Fundacion contra Violencia

relacional a crece di reFugio pa maneho integral contra Violencia

ORANJESTAD (18 di januari 2026) –Parlamentario di AVP, Otami Thomasia, hunto cu otro miembronan di Parlamento, recientemente a realisa un bishita di trabou na Fundacion Contra Violencia Relacional (FCVR). Como President di Comision Fiho di Asuntonan Social tabata un bishita particularmente positivo pa Thomasia di haya un organisacion cu a crece y evoluciona hopi mas leu cu su rol original como refugio. Awe, FCVR ta traha segun un maneho holistico y integral, basa riba cinco pilar di trabou, cu meta di atende violencia relacional y domestico di manera humano, sostenibel y cu respet pa dignidad humano.

Durante e bishita, representantenan di e fundacion a accentua cu violencia no ta un evento aisla, sino un problema social compleho cu ta toca bienestar emocional, siguridad, dinamica familiar y e confiansa den comunidad. “Esaki ta precisamente pakico e maneho di FCVR ta asina importante. Nan no ta mira solamente e momento di crisis, pero henter e proceso prome, durante y despues,” segun Thomasia. FCVR no ta ofrece refugio solamente, pero tambe

intake y orientacion, sosten psychosocial, prevencion y conscientisacion. E fundacion ta traha estrechamente cu diferente instancia manera servicio social, salud, polis, husticia y organisacionnan di comunidad, cu meta di forma un cadena di proteccion pa victima, sin cu nan keda corta entre institucionnan.

Un punto cu a haya atencion special durante e bishita ta e trabou cu mucha. Mucha cu ta crece den ambiente violento ta hopi biaha normalisa abuso. Pa kibra e ciclo aki, FCVR ta duna terapia profesional pa mucha, pa yuda nan procesa loke nan a biba y pa siña cu violencia no ta normal ni aceptabel. Segun Thomasia, “inverti den bienestar di mucha ta inverti den futuro di Aruba.”

Thomasia a pone enfasis tambe riba e importancia di comunicacion eficaz y continuo entre fundacionnan manera FCVR y gobierno. “Si nos kier logra meta real y duradero den combate di violencia, comunicacion cla, habri y basa riba confiansa ta esencial. Gobierno mester tin oido pa realidad riba veld, y organisacionnan mester por comparti nan necesidad, reto y

recomendacionnan sin barera,” e parlamentario a bisa. Solamente door di dialogo structural y colaboracion honesto, por traha solucionnan cu ta realista y sostenibel. E fundacion ta traha tambe intensamente riba conscientisacion y formacion. Door di duna workshop na organisacionan y profesional, FCVR ta yuda hende reconoce señal di abuso y sa con pa actua cu cuido, sin revictimisa e persona afecta.

Durante e bishita, a papia

habri riba e tabu cu ainda ta existi rond di violencia domestico y relacional.

Silencio y miedo ta laga hopi situacion keda scondi. FCVR ta traha pa kibra e tabu aki y pa manda un mensahe cla: papia y actua ta forma parti di proteccion.

Finalmente, Thomasia a indica e preocupacion riba e situacion financiero di FCVR. Aunke e fundacion ta ricibi subsidio di gobierno, e cantidad no ta mas adecua cu e realidad actual di nan amplio pakete di servicio.

“Nos mester evalua di nobo con nos ta sostene

organisacionnan cu ta carga un responsabilidad asina grandi den nos comunidad,” Thomasia a bisa.

Violencia domestico y relacional no ta un asunto priva, sino un responsabilidad colectivo. E trabou di Fundacion Contra Violencia Relacional ta mustra cu solamente door di proteccion, prevencion y respet pa dignidad humano, nos por traha hunto na un Aruba mas sigur y mas husto pa tur hende. ‎

Parlamentario Endy Croes: E BErdad sunu riBa 300 miyon di CiTGo

Na fanaticada nan di AVP ta Mike Eman a firma un contracto fofo pa CITGO por a get away Parlamentario Endy Croes ta siguiendo e desaroyo petrolero hopi di serca y e oportunidad di “ORO” manera nos ta yame cual ta pasando hopi serca di Aruba mientras tin gobernantenan den winterslaap y algun cu otro agenda y ta lepiando. Despues cu Trump a saca Nicolas Maduro di Venezuela 3 di Januari ultimo e panorama petrolero den nos region a cambia total. Presidente di Merca Donald Trump a reuni 9 di Januari 2026 na White House cu 17 companianan multi biyonario den e mundo di petrolio kendenan lo bay ta invertiendo 100 BIYON us dollar pa renoba henter infrastructura petrolero na Venezuela pa aumenta e capacidad pa saca mas crudo pa dia. Ta e momento oportuno pa Aruba cu ta strategicamente posiciona hasi uso di e contactonan nesesario pa desaroya bek nos di dos pilar. Sinembargo awe lo splika detayes di e 300 miyon di CITGO cu fanaticonan politico ta misinterpreta.

Kiko ta e berdad riba e 300 miyon di CITGO?

Croes a tuma nota cu tin masha hopi experto di Facebook pero tambe AVP ta manda su fanaticada bruha tera cu un storia incorecto cu ta MEP lo a exhonera CITGO 300 miyon hinka den e contract pa desmantela y clean up e refineria. Contracto di CITGO y Clausula: Mike Eman y AVP a firma e contracto cu CITGO 2015/2016 Mike Eman y AVP a firma e contracto cu CITGO cu e miras cu CITGO lo hasi inversionnan multimiyonario pa re-destina e

refineria den un upgrader pa kibra e heavy crude di venezuela hasie mas liviano pa e refinerianan entre otro na merca por core esaki pa saca varios productonan final. Den contracto tin un clausula di Force Majeure

Den dicho contracto tin un clausula di Force Majeure cual ta libera partidonan di responsabilidad y obligacionnan pa cu otro. Normalmente Force Majeure ta referi na entre otro eventonan fuera di control manera desaster natural, guerra, epidemia pa nombra algun.

Kiko ta e triki cu CITGO a usa di cual Mike Eman a bay di acuerdo cune?

CITGO den e contracto a agrega bou di e clausula Force Majeure un siguiente frase. Si gobierno Americano bin cu sancionnan contra CITGO e obligacion di 300 miyon cu CITGO mester paga Aruba pa desmantela e refineria y clean up automaticamente ta cancela y esaki ta libera CITGO di e 300 miyon y di su responsabilidad. Esaki ta firma den dicho contracto cu AVP-Mike Eman a firma. E tristo realidad ta cu dado momento despues cu Mike Eman a firma e contract Gobierno di Merca atrabes di OFAC a pone sancion riba CITGO.

CITGO a bin Aruba y a hasi un anucio publico

CITGO a bin Aruba y a anucia tanto na gonbierno di turno y publicamente cu nan NO por cumpli cu e inversionnan stipula den e contract pa culpa di e sancionnan cu Merca a pone riba nan. Mesun momento CITGO a bisa tambe cu nan no mester desmantela of paga e 300 miyon as per contract como cu e clausula

di Force Majeure, cu Mike Eman y AVP a firma ta libera nan di tal.

Gobierno di turno a pidi conseho na Sjiemfat

Gobierno di signatura di MEP na e momento nan ey a aserca e abogado cu a lidera e team di negosacion di dicho contract tempo di AVP Sr Sjiemfat pa un conseho. No obstante Sjiemfat ta sostenedor di AVP e gobierno di turno a aserca su persona respetando su conosemento riba

e tema como cu nan a negosha e contracto pa gobierno di AVP na 2015-2016. Conseho di Sjiemfat na gobierno a duna CITGO rason riba e punto aki.

Parlamentario Croes kier a splika esaki un biaha mas pa asina esnan cu ta skirbi of papia riba cualkier plataforma por tin e informacion corecto y no sin mas keda ripiti un mentira cu kisas algun politico a gaña nan. E berdad suno riba e 300 miyon di CITGO.

Ley di trafico mester manda seña L mas

fuerte pa cambio di comportacion

m ester adapta e Landverordening Wegverkeer

ORANJESTAD (18 di januari 2026) – Parlamentario

John Hart ta duna merito na maneho di husticia den e ultimo dianan, caminda por mira un presencia mas intensivo di cuerpo policial como parti di e refuerzo di control riba regla di trafico. E presencia visibel di polis ta contribui na mas ordo, prevencion y un mayor sentimento di siguridad riba caminda. Sin embargo, segun Hart, control so no ta suficiente pa enfrenta e problema serio di accidente di trafico, specialmente den caso di hit and run.

“Control, conscientisacion y un ley mas fuerte mester bay hunto pa manda un mensahe cla: hit and run no ta aceptabel riba Aruba y lo

ta castig’e duro. Parlamento tin un rol importante y tin cu asumi su rol den esaki. Nos mester mas cu solamente multa y control,” segun Hart. Un cambio di comportacion colectivo den trafico ta rekeri conscientisacion pa fortalece mas e sentido di responsabilidad y norma den trafico.

P’esey ta necesario pa adapta e Landsverordening

Wegverkeer (LWV).

“Durante nos prome vragenuur di 2026 den Parlamento cu fraccion di AVP a yama, minister di husticia a elabora tambe riba e Landsverordening

Wegverkeer y cu un comision lo bin cu diferente recomendacion den cuadro di mehoracion di siguridad

di trafico. Esun principal cu ta resalta ta cu mester bay aumenta e castigo pa accident den trafico,” Parlamentario Hart a splica. Den practica ta resulta cu e castigonan actual pa hit and run no ta suficiente severo pa preveni e tipo di conducta aki.

Ta un echo cu Aruba tin hopi auto riba caminda, cu e fluho di trafico diario ta hopi halto y tambe cu e comportacion di automobilistanan, teniendo na cuenta e diferente accidentnan den trafico, mester di un cambio di direccion. Parlamento di

Aruba tin un rol pa asumi aki.

Hart ta kere cu un cambio urgente di e Landsverordening

Wegverkeer ta na su lugar pa subi considerablemente e castigo pa bandona luga di accidente. Esaki mester inclui aumento di castigo di prizon, prohibicion mas largo pa maneho y multa mas pisa, specialmente ora tin lesion serio of fayecimento.

Parlamentario Hart a solicita un reunion den comision di husticia cu Directie Wetgeving Juridische Zaken pa asina

atende e topico di wetgeving en general y lo enfoca riba e Landsverordening Wegverkeer en specifico. “Siguridad den trafico ta un responsabilidad comparti, cada persona; di un automolista cu mester ta consciente cu e no por bebe y conduci, pa cu cuerpo policial cu tin cu aumenta control di nos trafico, pero tambe un parlamento cu tin cu habri e debate si leynan actual ta manda e señal debido. Tur esaki ta forma parti di responsabilidad comparti pa asina por mehora siguridad den trafico,” Hart a declara.

Presidente di comision Jennifer Arends-Reyes

Pre Paracion a cuminsa Pa a ruba ta sede di i PKo 2026 P roximo luna

ORANJESTAD (18 di januari 2026) – Presidente di Comision di Asuntonan di Reino y Relacion Exterior di Parlamento di Aruba, Sra. Jennifer ArendsReyes a reuni siman pasa cu e comision di Commissie Koninkrijksaangelegenheden en Buitenlandse Betrekkingen (CKABB) di Aruba y griffie di parlamento pa oficialmente cuminsa cu e preparacionan pa e Interparlamentaire Koninkrijksoverleg (IPKO) 2026, cu lo tuma luga na Aruba den luna di februari 2026.

E Interparlamentaire Koninkrijksoverleg (IPKO) ta un reunion formal entre delegacionnan di parlamento di e paisnan cu ta forma parti di Reino di Hulanda, manera Parlamento di Aruba, Parlamento di Corsou, Parlamento di Sint Maarten y Staten Generaal di Hulanda. IPKO

importancia di IPKO como un plataforma esencial pa dialogo y cooperacion entre e parlamento di e paisnan den Reino di Hulanda. E prome discusionnan a concentra riba organizacion logistico, coordinacion interinstitucional y e temanan prioritario cu Aruba kier pone riba e agenda di IPKO 2026.

Entre e tema principalnan cu ta wordo considera pa e agenda di IPKO 2026 tin desaroyonan geopolitico reciente y nan impacto riba e Reino, bienestar y proteccion di studiantenan di Aruba y e otro paisnan cu ta

reunion aki, ya cu esaki ta duna e isla e oportunidad pa fortalece su voz den discusionnan di Reino y pa mustra su compromiso cu cooperacion mutuo, respet y desaroyo sostenibel den Reino. “IPKO ta un momento importante pa parlementarionan por discuti riba base di igualdad e reto y oportunidadnan cu nos ta enfrenta como paisnan den mesun Reino,” segun ArendsReyes. IPKO 2026 ta reuni delegacionnan parlamentario cu nan comisionnan relevante. E preparacionan lo sigui den e proximo dianan cu reunionnan

ta tuma luga di forma rotativo entre e paisnan di Reino y tin como obhetivo fortalece dialogo parlamentario, cooperacion mutuo y comprension riba asuntonan comun cu ta toca Reino di Hulanda den su totalidad. Durante e reunion cu CKABB, e presidente a subraya e

studia na Hulanda, y e necesidad pa fortalece cooperacion den area di cybersecurity pa proteha institucionnan y infrastructura digital den Reino. Segun e presidente, ta di gran balor pa Aruba di ta anfitrion di e

presencial y vitural adicional, tanto na nivel local como den coordinacion cu e otro pais di reino. Conforme e proceso ta avanza, parlamentario Arends-Reyes lo comparti mas informacion.

FORTALEZA PA FAMIA

Scirbi pa Pastor Marcel Balootje.

BAN VENCE MALO CU BON

Ta imposibel pa nos tin pas, si nos ta pone candela, contra candela, palabra negativo contra palabra negativo ta causa tension y ta trece violencia, esey ta e plan di enemigo, pa asina distrai hende for di e proposito di Dios.

E prome stap cu nos mester dal ora nos kier vence maldad, nos mester pordona, laga cosnan bieu bay, kibra cu orguyo, kibra cu materialismo,stop di papia malo( Efesionan 4:29-30), sea un ehempel di pas y trankilidad,sea un lus den scuridad pa esnan cu ta den negativismo.

Den tur forma evita cudishi y envidia, no kibra otro, y no stroba otro,especialmente den bo cas mantene pas.

Redu ta locual a destrui hopi amistad, hopi matrimonio, y hopi famia, redu ta un vehiculo special cu diabel ta usa pa trece division tur caminda, tin cierto departamento cu no ta funciona bon pa motibo di redo, colega contra colega, y mas pio ta ora redu ta den cas, caminda mama cu yiu ta haci redo riba tata of vice versa of ruman ta haci redo riba ruman,of mayornan ta stima un yiu mas cu otro. Tur e cosnan ey ta bini for di malicia diabolico, cu tey solamente pa horta, pa mata y pa destrui.

Un hende cu ta rabia lihe ta lanta pleito, ma esun cu no ta rabia lihe ta calma pleito.( Proverbionan 15:18).

Un hende perverso ta coba saca maldad,y su palabranan ta manera

candela tur na vlam.( Proverbionan 16:27)

Un hende perverso ta sembra pleito, y un hacido di redo ta separa amigonan intimo,( Proverbionan 16:28),

Tres prueba pa nos por sa con nos tin cu evita pleito y discucion, pasobra Dios a yama nos pa stima otro,y no pa kibra otro.

Ta importante pa nos como mayor educa nos yuinan den e caminda di pas, y splicanan bon cla cu den pleito,violencia y enemistad, no tin ganashi,no tin nada spiritual, solamente un aumento di amargura, cual no ta bon pa ningun hende.

Si ta posibel asina leu cu ta depende di boso, sea na pas cu tur hende. (Romanonan 12:18).

Tene bon na cuenta esaki:

Aspira pa tin pas cu tur hende y santificacion, sin cual ningun hende lo no mira Dios.( Hebreonan 12:14).

Prudencia di un hende ta haci cu e no ta rabia lihe, y pa laga un ofensa pasa ta su gloria.( Proverbionan 19:11).

Laga bo mente ta un mente fructifero y creativo, no bay tras di palabra cu hende ta papia pa kibra bo, pero wak e palabra di Dios cu tey pa halsa bo, pa duna curashi, pa sinja bo perservera.

Semper humildad ta hala hende serca Dios, pasobra Dios ta stima hende humilde, pasobra hende

pasobra e enemigo tin nan mente manipula.

Nos confiansa den Dios, ta yuda nos vence tur obstaculo, tur trampa di e enemigo, pasobra e enemigo ta gusta biba

tin contacto berdadero cu Dios.

Den nos curason no tin lugar pa rabia, odio, violencia, tur cosnan ey ta stroba e bon funcion di nos curason, pasobra hopi

humilde ta laga nan mes wordo usa door di Dios, hende rebelde semper tin excuus, semper nan ta sinti nan mes cansa y no tin tempo pa haci locual Dios kier pa nan haci,

den pasado, gusta falta di pordon, e ta gusta discriminacion y tur locual e por pone hende rabia cune, pasobra esey ta su funcion, pasobra e diabel sa cu hende rabia y amarga no por funciona , ni tampoco alaba, pa asina

hende ta birando malo, pasobra nan curason ta carga, y nan mente ta cansa,y nan no tin pas.

Ban vence malo cu bon awe.

Sinceramente, Pastor Marcel Balootje.

DIA DI BETICO CEDE DI BBQ

BON DIA CEDE DI BBQ PA DIA DI BETICO 25 JANUARI CEDE DI BBQ LOTA BAI TA HABRI DI 11or pa 4or. Na SIRIBANA 45 B NOS NO LOTA BAI TA NI NA ROTONDE DI ST CRUZ OF NA CEDE DI MEP, PERO NA SIRIBANA 45 B NET DELANTI JUMBO RESTAURANT.ASINA TA KEDA PENDIENTE PA E MENU, CORDIAL SALUDOS.

SABIDURIA DEN NOS ALEGRIA

Skirbi

pa Ruthy “Lady Ruth” Vrieswijk-Bergen

Shonnan, saludos ! E “Hoorzitting” a tuma lugar Diahuebs dia 15 dianuari ultimo, un dia despues cu nos dushi y bunita Mama Petronilia Mercedes Bergen Tromp a cumpli 3 luna cu e no tey mas cu nos fisicamente. Negligencia na Hospital a causa su morto na cas despues di un siman bek na cas fei hospital e.o. e no por a guli mas y despues di mas o menos 2 siman, nos Papa a siguie di tanto verdriet y tristeza. Nan tawata cu mi cu nan Dushi consuelo.

For di ariba nan a guiami na e Hoorzitting cu un panel di 5 persona, cu Dr. Dave Lacle nan tawata 6 y mi persona Ruthy acompanja y sostene pa amigo y super excelente Dokter Ike Posner. Nos a expresa di curason firme e puntonan cu nos a keha di nan, den cual nan a faya barbaramente y a dialoga un rato cu Dr. Lacle cu a splica su banda di medaya. No tur cos tawata cuadra ni convincente, mirando cu algun di e tratamentonan y fechanan no tawata cuadra cu splicacion di su curason si,cu lo a cay bao

di otro zaalartsnan y of chirurg, pero e punto cu ta keda ,cu, pakiko tanto infuus cu glucose y pakico tanto pilder di calmante durante dia, riba cual ningun a duna nos un contesta. Pakico opdracht duna via telefon y bisa cu dokter ta druk .Y nos lo of lo no hanja mas contesta tampoco probablemente den un carta cu nan ta bay manda pa nos cu mencion di y of algun cambio y of maneranan di mehoracion den hospital. Esey lo no yuda nos na nada, pasobra palabra bunita no lo ta mescos cu bon accion tuma. Pueblo kier mehoracion y cambio den nan maneho di cuido y duna atencion. No promesanan talbes fofo ariba papel.

Ya ta pa basta tempo mas di nos grandinan a wordo neglisha y of no bon cuida den hospital causando nan morto . Y te ainda nan ta sconde tras di nan protocolnan di nenga famia e medisch dossier cu por hanja inzage riba dje riba nan computer, pero nan no ta bisabo esey. Y nan no

por a bisa si lo manda un carta tambe pidiendo disculpa na famia pa nan fayonan. Nada di esakinan por trese nos mama y tata bek na bida. Nos punto cu nos a ripiti na nan ta, pa NO laga e cosnan aki ripiti cu otro di nos grandinan. Nan a cuminsa un crenchi bruha bisando un fecha cu no ta e fecha cu mi keho na nan a wordo entrega. Y un otro fecha cu e carta di keho manda pa e zaalarts Dirk Tempel. Nan a bay bek den tempo usando e fecha di 1 di September, mientras mi keho a wordo entrega oficialmente dia 13 di Oktober. Kiko nan kier tapa y of sconde ? Ufffffffffff. Anto no ta profesionalnan trahando ? Nos a bisa nan cu aki den no tin ganador. Ami a perde mi mayornan y nan a perde e confianza di pueblo. AZV tambe a perde, pasobra dokternan no por cumpli cu nan promesa di yuda sana, cuida y salba pasobra tin cu baha gasto? Pero cu nos por ta Vencedornan cu Christo den nos bida ora nos stima, cuida, pordona, yuda y hasi bon cu su mandamentonan na mente te na unda permiti pa comunidad. Nan kier a graba e Hoorzitting aki, pero nan no tawata kier pa nos a grabe tambe. Wel, aunke ningun e ora a graba, mi ta sigur cu nan lo a hasi algo den un otro forma, mirando tur e fayonan intencional of no intencionalmente den nan emailnan manda regularmente pa nos persona durante e tempo desde cu e keho a wordo entrega.

Nos no sa si nos lo ricibi un

copia di nan notulennan nota riba papel tampoco. Un secrecia di otro mundo ! No ta sconde e berdad bau di kokodek mas shonnan ! Berdad semper lo sali na cla . Lief di nan di a pone un caha di kleenex riba nos mesa, pero ta locual nan mes casi tawatatin mester di dje. Nos no a drama lagrima, nos a enfrenta nan firme y netjes sin palabra malo. Y nan no a falta nos respet tampoco. Ban wak kiko lo sali for di esaki. Nos ta spera cu nos por sera e capitulo aki pronto , sperando riba nan carta. Ban wak cuanto tempo tin cu warda ariba esaki. Si mas cos di e Hoorzitting bin ariba, nos lo continua den un otro relato otro siman Dios mediante. Manera Lady Ruth a priminti, nos ta skirbi pa pueblo cosnan cu por inspira nos tur ! Y nos a sigui nos curason tambe di a duna un entrevista na EANEWS den fin di siman cu permiso pa forward pa coleganan den prensa dialuna, pasobra ta fey cuminsamento nos tawata informa pueblo di e desaroyonan pa cu e situacion aki di HOH cu nan Hoorzitting. Nos a duna un chispa di nos opinion den nos forma simpel pero firme pa informa pueblo ya cu no ta tur ta lesa corant

pa motibo di nan bista. Danki na tur otro cu si por y ta lesa nos relato di e siman aki cu hopi atencion atrobe, y pasa un dushi dia yen di sabiduria den nos alegria ! Corda bishita bo grandinan y bisa nan cu bo ta stima nan ! Puntranan contabo cosnan di antes pasobra nan ta nos herencia humano cu nan mesun lesnan y experiencianan. Nos curason ta hopi trankil bek, nos fe mas fuerte y nos amor pa nos grandinan infinito. Mi Mama no tawatatey pa papia di con nan a trate, ami su unico yui muhe a papia p’e pasobra ami tawata tey henter e siman na hospital cu n’e di mainta te anochi . HOH NO neglisha ningun patient, principalmente nos grandinan ! Corda cu orea ta tende y wowonan ta mira ! Y si no tin murayanan pa tende y mira tin algo ainda cu ta yama “Consenshi” y Karma. Ah siiii! Danki pa e bon comentarionan riba nos Docter song, nos cantica di dokter cu a sali riba facebook y wassap y nos cantica tambe di Hoorzitting. Letranan di Lady Ruth y musica di AI cu e fantastico cooperacion di amigo dokter Ike Posner, un shon di hende cu un bunita curason.

SUDOKU SOPI DI LETRANAN

Un feliz dia yena di hopi fe y speransa den nos bon Dios

”…sino conta e generacion venidero: esta gloria di Señor, su poder, ye cosnan milagroso c’El a haci.” ( Salmo 78, 4bc) E Evangelio di awe ta cuadra, manera semper, tempo cu ami tabatamucha. Mi mayornan semper tabata educa mi tocante di Dios, CristoHesus y Spirito Santo. Y un Bijbel no tabata haci falta. Haci oracionta cos di tur dia. Y sin falta bishita e cas di Dios.

Awendia nos ta ripara e generacion di awo, no tin mucho balor pa cuDios. Pero anos a sigui conta nos yiunan tocante di Dios manera nosgrandinan a haci? Anos a siña e hubentud tocante e milagronan ysacrificio cu Cristo Hesus a haci? Of di e donnan cu Spirito Santo tinpa nos? Y anos a tene man di nos yiunan, hibando nan, tur siman, pacas di Dios pa scucha su Palabra? Ban sigui cu e bunita custumber cunos grandinan a haci. Ban sigui hiba e futuro generacion ariba ecaminda cu Cristo Hesus a traha pa nos. ”…pa nan tambe confia denSEÑOR, no lubida Dios su obranan grandi…”(Sal 78, 7) Oracion: Señor mi Dios motiva mi y guia mi, cu yudansa di SpiritoSanto, ariba mi responsabilidad pa conta y educa e generacion nobo di Bo Maraviya.

Y inspira nan pa nan sigui conta na e siguiente generacion. Amen.

Minist E r y PA rl AMEntA rion A n di FU t U ro P r

E

s E nt E

n A r E c EP cion di

Añ A n obo nA cA s

cE r EM oni A l

ORANJESTAD, 16 di januari 2026 — Minister y Parlamentarionan di FUTURO tabata presente na recepcion oficial di Aña Nobo organisa na Cas Ceremonial, un evento cu a reuni representante di diferente sector di sociedad Arubano.

Durante e recepcion, Gobernador di Aruba, Su Excelencia Alfonso Boekhoudt, a dirigi un discurso impactante na tur esnan presente. Den su palabra, e Gobernador a reflexiona riba e momento cu Aruba ta biba, a destaca e importancia di unidad y responsabilidad colectivo, y a comparti su bon deseonan pa un Aña Nobo 2026 yena di speransa, stabilidad y progreso pa nos pais.

Minister y Parlamentarionan di

Lo E seca tur lagrima for di nan wowo y morto lo no existi mas. Lo no tin nada di rouw, nada di yoramento, nada di dolor mas, pasobra tur cos di antes a bai. Revelacion 21:4

Cu hopi tristesa na nos curason pero conforme cu Dios su boluntad nos ta anuncia fayecimento di nos ser stima:

Elsa Maria Angela-Geerman

Cariñosamente yama “Elsa, Oma, Echa of tanta Echa”

*03-03-1939 - †03-01-2026

Mayornan: † Eusebio (Bechi) y † Johana Geerman-Tromp

Esposo: † Candido Jacobo (Coby) Angela

Na nomber di su:

Yiunan:

Debby y Jairo Angela - Trimon

Jorge y Mariska Angela - Wensveen

Jeritza y De Angela - Flanegin

Natie y Mathijs Angela - van den Berg

Nieta(o)nan:

Lisa y Patrick Angela - Strörmann

Rick Angela

Giovanny y Nikita Angela - Ruchtie

Dani Angela

Cedric y David Flanegin - Laarakker

Shen y Melanie Flanegin - van der Doef

Samantha Angela

Dimitri Angela

Bisanieto:

Bodhi Strörmann

Rumannan:

† Pedro Jacobo (Coco) y † Dolorita (Doita) Geerman - Kelly

† Selpha Cheche) y † Severiano (Chinan) Geerman - Luydens

† Clarita (Caita) y † Octavio Geerman - Coutinho

† Dominico (Domi) y † Rosaria (Chaya) Geerman - de Cuba

FUTURO a expresa nan aprecio pa e invitacion y pa e mensahe inspirativo cu a marca e inicio di e aña nobo, reafirmando nan compromiso pa sigui traha cu dedicacion y responsabilidad pa bienestar di Aruba y su pueblo.

E recepcion di Aña Nobo a sirbi como un momento di encuentro, reflexion y renobacion di compromiso pa tur esnan cu ta contribui na desaroyo di nos sociedad.

† Carmen (Camimi) y † Isidro (Sildro) Geerman - Franken

† Arturo (Tuyo) y † Catharina (Lucia) Geerman - Dijkhoff

† Mario (Mai) y † Cecilia (Chia) Geermam - Dijkhoff

Rosalinda (Rosa) Geerman

† Bertha (Ambika) y Valerio Geerman - Kock

Amiga stima:

Ifna Nivillac

Un danki special na e verzorgersnan di Welthuis Buytenhaghe cu a atende Elsa den e delaster añanan.

Tur su sobrino y sobrinanan, primo y primanan, ihanan, bisiña, amistadnan y demas famia:

Angela - Geerman - Croes - Flanegin - Trimon - Wensveen - van den Berg - Strörmann - Tromp - Luydens - Dania - Marchena - Coutinho - Franken - Dijkhoff - de Cuba - KellyVan Polanen - Santos do Nascimento - Oduber - Haazen - Lammers - Zievinger - Cotarello

Idigoras - Botta - Lampe - Kock - Wever - Adames - Dosier - Ras - Rasmijn - LacleIrausquin - Woonings - Arends - Chai

Ta invita demas famia, amigo(a)nan y conocirnan pa asisti na e acto di entiero cual lo tuma lugar dialuna 19 di januari 2026 di 9 or pa 11or di mainta na misa Inmaculada Concepcion na Santa Cruz.

Despues lo sali pa Santana Catolico “Santa Maria” na Santa Cruz.

Nos ser stima lo ta reposa for di 9or di mainta na misa. Nos disculpa si den nos tristeza nos por a lubida algun familiar of conocir.

Alabes nos kier a participa cu lamentablemente nos no lo por risibi bishita di condolencia na cas.

JVO SINT MAARTEN A RESULTA DEN VARIOS COMPROMISO IMPORTANTE

PA HUSTICIA DEN REINO

Diabierna mainta, a inicia e ultimo sesion di e Justitieel Vierlanden Overleg (JVO) na Sint Maarten, den cual Minister di Husticia mr. drs. Arthur Dowers, hunto cu su coleganan Minister di Husticia di Sint Maarten

Nathalie Tackling, Foort van Oosten di Hulanda y Charles Cooper di Corsow (representando Minister Shalten Hato) a bin hunto pa yega na acuerdonan importante riba tereno di Husticia.

Esaki den cuadro di e esfuersonan pa fortifica e lasonan den Reino cu e meta principal pa garantisa siguridad pa e comunidadnan den Reino. Ta trata aki di palabracionnan haci pa combati entre otro crimen organisa y crimen cu ta mina nos estado di derecho, e necesidad pa extende e capacidad di personal pa combati traficacion di droga di Sur America via Caribe pa Europa y vice versa. Ademas a acorda maneho di cooperacion den area

preventivo pero tambe den cuido forensico riba e islanan.

Na final di e sesionnan di JVO a acorda varios punto di interes na bienestar di husticia di cada pais den Reino.

Por wak atras riba algun dia intensivo di reunion

y decisionnan durante e sesionnan di JVO na Sint Maarten entre ministernan di husticia

di Reino y ehecutivonan den ministerio di husticia di cada pais participante cu hunto ta traha pa

fortifica e compromiso riba nivel di husticia pa garantisa e siguridad den Reino.